1. საქართველოს ბავშვთა და ახალგაზრდობის ფონდი (შემდგომში – ფონდი) არის „ბავშვთა და ახალგაზრდული კავშირების სახელმწიფოებრივი მხარდაჭერის შესახებ საქართველოს კანონის საფუძველზე შექმნილი საჯარო სამართლის იურიდიული პირი.
2. ფონდი თავის საქმიანობაში ხელმძღვანელობს საქართველოს კონსტიტუციით, მოქმედი კანონმდებლობით, კანონქვემდებარე აქტებით და წინამდებარე დებულებით.
3. ფონდს აქვს ბეჭედი საქართველოს სახელმწიფო გერბის გამოსახულებით, ფონდის სახელწოდების აღნიშვნით, დამოუკიდებელი ბალანსი და საკუთარი ანგარიში.
4. ფონდი მასზე დაკისრებულ მოვალეობათა შესრულებისათვის ანგარიშვალდებულია საქართველოს განათლებისა და მეცნიერების სამინისტროს წინაშე.

საქართველოს კულტურის, ძეგლთა დაცვისა და სპორტის მინისტრის 2004 წლის 15 ივლისის ბრძანება №3/125-სსმIII, №73, 19.07.2004წ.; მუხ.64

საქართველოს სპორტისა და ახალგაზრდობის საქმეთა მინისტრის 2010 წლის 30 აგვისტოს ბრძანება №40-სსმIII, №108, 31.08.2010წ.; მუხ.1685

5. ფონდის იურიდიული მისამართია: ქ. თბილისი, ვაჟა - ფშაველას გამზირი, 76 ბ.

საქართველოს კულტურის, ძეგლთა დაცვისა და სპორტის მინისტრის 2006 წლის 24 მაისის ბრძანება №3/152-სსმIII, №72, 30.05.2006წ.; მუხ.900

საქართველოს განათლებისა და მეცნიერების მინისტრის 2017 წლის 29 დეკემბრის ბრძანება №209/ნ - ვებგვერდი, 05.01.2018წ.

II. ფონდის მიზნები და ამოცანები

6. ფონდის მიზნები და ამოცანებია:
ა) საქართველოს განათლებისა და მეცნიერების სამინისტროსთან არსებული სათათბიროს გადაწყვეტილებით, ბავშვთა და ახალგაზრდული კავშირების პროგრამების, ღონისძიებებისა და პროექტების დაფინანსება და ამ მიზნით გამოყოფილი სახსრების ხარჯვის კონტროლი ქვეყანაში მოქმედი კანონმდებლობის შესაბამისად.
ბ) დადგენილი წესით, თავისი კომპეტენციის ფარგლებში, აღმასრულებელი ხელისუფლების დაწესებულებებთან, საერთაშორისო და არასამთავრობო ორგანიზაციებთან თანამშრომლობა სახელმწიფო ახალგაზრდული პოლიტიკის რეალიზაციის, მის ძირითად მიმართულებებთან ფონდის საქმიანობის ჰარმონიზაციისა და აგრეთვე თავად ფონდის საქმიანობის პოპულარიზაციის მიზნით.

საქართველოს სპორტისა და ახალგაზრდობის საქმეთა მინისტრის 2012 წლის 24 თებერვლის ბრძანება №32, ვებგვერდი - 01.03.2012წ.

საქართველოს სპორტისა და ახალგაზრდობის საქმეთა მინისტრის 2013 წლის 2 მაისის ბრძანება №01/282 - ვებგვერდი, 08.05.2013წ.

III. ფონდის უფლება-მოვალეობანი

7. ქვეყანაში დადგენილი წესების დაცვით დაკისრებულ ამოცანათა შესასრულებლად ფონდს, თავისი კომპეტენციის ფაგლებში, უფლება აქვს:
ა) მოამზადოს საკითხები ფონდის კომპეტენციის სფეროებიდან და განსახილველად წარუდგინოს საქართველოს განათლებისა და მეცნიერების სამინისტროს;
ბ) საქართველოს განათლებისა და მეცნიერების სამინისტროსთან ერთად განსაზღვროს ფონდის სახსრების ხარჯვის კონკრეტული მიმართულებანი;
გ) იმოქმედოს საქართველოს კანონის „ბავშვთა და ახალგაზრდული კავშირების სახელმწიფოებრივი მხარდაჭერის შესახებ” და სხვა ნორმატიული აქტების შესაბამისად;
დ) მიიღოს შემოწირულობანი საქართველოს და საზღვარგარეთის ფიზიკური და იურიდიული პირებისაგან;
ე) მიიღოს გრანტი დადგენილი წესით;
ვ) პოპულარიზაცია გაუწიოს საკუთარ საქმიანობას როგორც ქვეყნის შიგნით, ისე მის ფარგლებს გარეთ;
ზ) ორგანიზება გაუწიოს ბავშვთა და ახალგაზრდული კავშირების სახელმწიფოებრივ მხარდაჭერას;
თ) ამ პუნქტის „დ“ და „ე“ ქვეპუნქტებით გათვალისწინებული სახსრების მიღების შემთხვევაში, გარდა ამ დებულების მე-6 პუნქტის „ა“ ქვეპუნქტით განსაზღვრული ღონისძიებებისა, კანონმდებლობის შესაბამისად დამოუკიდებლად განახორციელოს ღონისძიებები, რომლებიც ხელს შეუწყობენ სახელმწიფო ახალგაზრდული პოლიტიკის რეალიზაციასა და ფონდის საქმიანობის პოპულარიზაციას როგორც ქვეყნის შიგნით, ისე მის ფარგლებს გარეთ.

IV. ფონდის სახსრები

8. ფონდის სახსრები ფორმირდება:
ა) სახელმწიფო ბიუჯეტიდან საქართველოს განათლებისა და მეცნიერების სამინისტროსათვის გამოყოფილ ასიგნებათა ფარგლებში;
ბ) საქართველოს და საზღვარგარეთის ფიზიკური და იურიდიული პირებისაგან მიღებული შემოწირულობებით;
გ) გრანტებით;
დ) საქართველოს კანონმდებლობით ნებადართული სხვა შემოსავლებით.

V. ფონდის სახელმწიფო კონტროლი

9. ფონდის მიერ განხორციელებული საქმიანობის კანონიერების, მიზანშეწონილობის, ეფექტიანობის და საფინანსო-ეკონომიკური საქმიანობის ზედამხედველობას ახორციელებს საქართველოს განათლებისა და მეცნიერების სამინისტრო, როგორც ფონდის სახელმწიფო კონტროლის განმახორციელებელი ორგანო, რომელსაც უფლება აქვს მოითხოვოს კონტროლის განსახორციელებლად საჭირო მასალებისა და ინფორმაციის წარმოდგენა.

10. საქმიანობას, რომლისათვისაც საჭიროა სპეციალური თანხმობა, ფონდი განახორციელებს „საჯარო სამართლის იურიდიული პირის შესახებ” საქართველოს კანონის მე-12 მუხლისა და საქართველოს კანონმდებლობით გათვალისწინებული წესის შესაბამისად, სათანადო უფლებამოსილი ორგანოებისაგან თანხმობის მიღების შემდეგ.

11. საქართველოს განათლებისა და მეცნიერების სამინისტრო უფლებამოსილია შეაჩეროს ან გააუქმოს ფონდის არამართლზომიერი გადაწყვეტილება.

VI. ფონდის ხელმძღვანელობა

12. ფონდს ხელმძღვანელობს დირექტორი, რომელსაც თანამდებობაზე ნიშნავს და თანამდებობიდან ათავისუფლებს საქართველოს განათლებისა და მეცნიერების მინისტრი.

13. დირექტორი:

ა) თავისი კომპეტენციის ფარგლებში დამოუკიდებლად წყვეტს ფონდის საქმიანობასთან დაკავშირებულ ყველა საკითხს;

ბ) მინდობილობის გარეშე მოქმედებს ფონდის სახელით, წარმოადგენს მას მესამე პირებთან ურთიერთობაში;

გ) თავისი უფლებამოსილების ფარგლებში გამოსცემს ინდივიდუალურ ადმინისტრაციულ-სამართლებრივ აქტებს – ბრძანებებს;

დ) აკონტროლებს მისდამი დაქვემდებარებული სამსახურის საქმიანობას.

ე) თანამდებობაზე ნიშნავს და თანამდებობიდან ათავისუფლებს ფონდის დირექტორის მოადგილეს(ებს), ფონდის სხვა თანაშრომლებს და, საქართველოს შრომის კოდექსით დადგენილი წესით, აფორმებს შრომით ხელშეკრულებებს საჭიროებისამებრ დროებით მოწვეულ სპეციალისტებთან;

ვ) (ამოღებულია - 09.02.2016; №01/165).

საქართველოს სპორტისა და ახალგაზრდობის საქმეთა მინისტრის 2011 წლის 28 მარტის ბრძანება №38, ვებგვერდი - 31.03.2011წ.

საქართველოს სპორტისა და ახალგაზრდობის საქმეთა მინისტრის 2013 წლის 29 იანვრის ბრძანება №01/37, ვებგვერდი - 30.01.2013წ.

საქართველოს სპორტისა და ახალგაზრდობის საქმეთა მინისტრის 2016 წლის 9 თებერვლის ბრძანება №01/165 - ვებგვერდი, 11.02.2016წ.

VII. დასკვნითი დებულებები

14. ფონდის სტრუქტურასა და საშტატო ნუსხას ამტკიცებს ფონდის დირექტორი საქართველოს განათლებისა და მეცნიერების სამინისტროსთან შეთანხმებით.

15. ფონდის დებულებაში ცვლილებებისა და დამატებების შეტანა ხდება საქართველოს განათლებისა და მეცნიერების მინისტრის კანონქვემდებარე ნორმატიული აქტების საფუძველზე.

16. ფონდის რეორგანიზაცია და საქმიანობის შეწყვეტა ხდება საქართველოში მოქმედი კანონმდებლობით.

გამოსვლა შენახვა

Annotate

როგორ დავიმოწმოთ

აღმასრულებელი ხელისუფლების სხვა სახელმწიფო ორგანოს ხელმძღვანელის ბრძანება „საქართველოს ბავშვთა და ახალგაზრდობის განვითარების ფონდის დებულების დამტკიცების შესახებ“, №5, 15.02.2001, სარეგისტრაციო კოდი 040.050.000.12.201.004.659 (კონსოლიდირებული რედაქცია 29.12.2017). ხელმისაწვდომია: https://legali.ge/law/52072-9/