ქალაქ თბილისის მუნიციპალიტეტის არასამეწარმეო (არაკომერციული) იურიდიული პირი ,,მუნიციპალური სერვისების განვითარების სააგენტოს“ მიერ გასაწევი ზოგიერთი ანაზღაურებადი მომსახურების სახისა და საფასურის ოდენობის დამტკიცების შესახებ

ა)  ელექტრონული მმართველობის ერთიანი სისტემის მომსახურება;

ბ) ინფორმაციული ტექნოლოგიების (IT) კონსულტაციის (მათ შორის, ინფრასტრუქტურის სფეროში) მომსახურება;

გ) გარკვეული მომსახურების გაწევის მიზნით შესაბამისი ტექნიკური დავალების შექმნის, სისტემური და ბიზნესპროცესების ანალიზის მომსახურება;

დ) ელექტრონული სისტემების, კომპიუტერული პროგრამებისა და აპლიკაციების შემუშავების, მხარდაჭერის ან/და განვითარების მომსახურება;

ე) ვებგვერდის შექმნის ან/და მისი განვითარების მომსახურება;

ვ) ვებგვერდის სააგენტოს სერვერულ ინფრასტრუქტურაზე განთავსების მომსახურება;

ზ) შემსყიდველი ორგანიზაციის ელექტრონული სისტემების, კომპიუტერული პროგრამებისა და აპლიკაციების სააგენტოს სერვერულ ინფრასტრუქტურაზე განთავსების მიზნით შესაბამისი გამოთვლითი რესურსების (vcpu, RAM, HDD) მიწოდების მომსახურება;

თ) ინფორმაციული ტექნოლოგიების (IT) ინფრასტრუქტურის (სააგენტოს სერვერულ ინფრასტრუქტურაზე განთავსებული შემსყიდველი ორგანიზაციის სერვერების, მონაცემთა შენახვის სისტემების, ვებგვერდების ან/და ქსელური აპარატურის) ადმინისტრირების მომსახურება.

ი) ორთოფოტოს მომსახურების გაყიდვა;

კ) ვებგვერდის მხარდაჭერის მომსახურება;

ლ) ელექტრონული მმართველობის ერთიან სისტემაში შემავალი A პაკეტის არქივაციის მომსახურება;

მ) პარკირების მობილურ აპლიკაციაში შემავალი სერვისების მიწოდების მომსახურება;

[ნ) მუნიციპალური სერვისების პერსონალური კონსულტანტის მომსახურება. (ამოქმედდეს 2024 წლის  1 თებერვლიდან)].

2. დამტკიცდეს სააგენტოს მიერ გაწეული ზოგიერთი მომსახურების პირობა, საფასურის ოდენობა და მათი დაანგარიშების წესი:

ა) ელექტრონული მმართველობის ერთიანი სისტემის მომსახურების პირობები და საფასურის ოდენობები  (დანართი №1);

ბ) ინფორმაციული ტექნოლოგიების (IT) კონსულტაციის (მათ შორის, ინფრასტრუქტურის სფეროში) მომსახურების პირობები და საფასურის ოდენობები (დანართი №2);

გ) გარკვეული მომსახურების გაწევის მიზნით შესაბამისი ტექნიკური დავალების შექმნის, სისტემური და ბიზნესპროცესების ანალიზის მომსახურების პირობები და საფასურის ოდენობები (დანართი №3);

დ) ელექტრონული სისტემების, კომპიუტერული პროგრამებისა და აპლიკაციების შემუშავების, მხარდაჭერის ან/და განვითარების მომსახურების პირობები და საფასურის ოდენობები (დანართი №4);

ე) ვებგვერდის შექმნის ან/და მისი განვითარების მომსახურების პირობები და საფასურის ოდენობები (დანართი №5);

ვ) ვებგვერდის სააგენტოს სერვერულ ინფრასტრუქტურაზე განთავსების მომსახურების პირობები და საფასურის ოდენობები (დანართი №6);

ზ) ელექტრონული სისტემების, კომპიუტერული პროგრამებისა და აპლიკაციების სააგენტოს სერვერულ ინფრასტრუქტურაზე განთავსების მიზნით, შესაბამისი გამოთვლითი რესურსების (vcpu, RAM, HDD) მიწოდების მომსახურების პირობები და საფასურის ოდენობები (დანართი №7);

თ) ინფორმაციული ტექნოლოგიების (IT) ინფრასტრუქტურის (სააგენტოს სერვერულ ინფრასტრუქტურაზე განთავსებული შემსყიდველი ორგანიზაციის სერვერების, მონაცემთა შენახვის სისტემების, ვებგვერდების ან/და ქსელური აპარატურის) ადმინისტრირების მომსახურების პირობები და საფასურის ოდენობები (დანართი №8).

ი) ორთოფოტოს მომსახურების გაყიდვა და მისი საფასურის ოდენობები (დანართი №9);

კ) ვებგვერდის მხარდაჭერის მომსახურების პირობები და საფასურის ოდენობები (დანართი №10);

ლ) ელექტრონული მმართველობის ერთიან სისტემაში შემავალი A პაკეტის არქივაციის მომსახურების პირობები და საფასურის ოდენობები (დანართი №11);

მ) პარკირების მობილურ აპლიკაციაში შემავალი სერვისების მიწოდების მომსახურების პირობები და საფასურის ოდენობები (დანართი №12);

[ნ) მუნიციპალური სერვისების პერსონალური კონსულტანტის მომსახურების პირობებისა და საფასურის ოდენობის განსაზღვრის წესი (დანართი №13).  (ამოქმედდეს 2024 წლის  1 თებერვლიდან)].

1. გადახდილი საფასური უბრუნდება განმცხადებელს, თუ:

ა) საფასური გადახდილია ამ დადგენილებით განსაზღვრულ განაკვეთზე მეტი ოდენობით. ამ შემთხვევაში, ბრუნდება სხვაობა გადახდილ თანხასა და დადგენილებით განსაზღვრულ განაკვეთს შორის;

ბ) განმცხადებელმა ამ დადგენილებით განსაზღვრული მომსახურების მიღებამდე უარი განაცხადა მომსახურების მიღებაზე და მოითხოვა გადახდილი თანხის დაბრუნება.

2. საფასური ბრუნდება მოთხოვნიდან 10 (ათი) სამუშაო დღის ვადაში. მოთხოვნა უნდა შეიცავდეს გადახდილი საფასურის ნაწილობრივ ან სრულად დაბრუნების კანონიერი საფუძვლის არსებობის დასაბუთებას. მოთხოვნა წარდგენილ უნდა იქნეს საფასურის გადახდიდან 1 (ერთი) თვის ვადაში. ამ ვადის გასვლის შემდეგ გადახდილი საფასური არ ბრუნდება. ამ ვადის გაგრძელება ან გაშვებული ვადის აღდგენა დაუშვებელია.

3. მომსახურების საფასურის გადახდისგან გათავისუფლებულია ქალაქ თბილისის მუნიციპალიტეტი (მათ შორის, ქალაქ თბილისის მუნიციპალიტეტის მიერ დაფუძნებული იურიდიული პირები), საკუთარი საქმიანობის ფარგლებში.

1. ელექტრონული მმართველობის ერთიანი სისტემა (შემდგომში – „მმართველობის სისტემა“) წარმოადგენს ერთიან ელექტრონულ სისტემას, რომელიც თავის თავში აერთიანებს რამდენიმე ელექტრიონულ სისტემებს, კერძოდ:

A პაკეტი

ა) საქმისწარმოების ავტომატიზებული სისტემა (MS DOC);

ბ) კანცელარიის სისტემა (MS Chancellery);

გ) ადამიანური რესურსების მართვის სისტემა (MS HR);

დ) მაღალმთიანი და სოციალური სერვისების მართვის სისტემა (MS MOUNTAIN AND SOCIALS);

ე) ონლაინგანცხადებების პორტალი (MS LETTERS);

ვ) ინტერაქტიული რუკა (MS MAP);

ზ) ინფრასტრუქტურული პროექტების მონიტორინგის სისტემა (MS INFRASTRUCTURE);

თ) შენი იდეა ქალაქის მერს (MS IDEA);

ი) ნარჩენების მართვის სისტემა (MS WM);

კ) მოქალაქეთა დახმარების სისტემა (MS HELP);

ლ) ქონების აღრიცხვის სისტემა (MS ASSET MANAGMENT);

მ) მუნიციპალური კალენდარი - (MS Calendar);

B პაკეტი

ნ) ცხელი ხაზი (MS HOTLINE)

ო) აუზით სარგებლობა (MS POOL);

პ) უფასო კვების სისტემა (MS FREE MEAL);

ჟ) პარკირების სისტემა (MS PARKING);

რ) ტაქსების ნებართვის სისტემა (MS TAXI).

2. ორგანიზაციას, რომელიც გადაწყვეტს შეისყიდოს არასამეწარმეო (არაკომერციული) იურიდიული პირი „მუნიციპალური სერვისების განვითარების სააგენტოდან“ (შემდგომში – „სააგენტო“) ელექტრონული მმართველობის მომსახურება (შემდგომში – „შემსყიდველი ორგანიზაცია“) ეძლევა საშუალება შესყიდვა განახორციელოს ზემოაღნიშნული პაკეტების (A და B პაკეტი) შესაბამისად, კერძოდ: მიიღოს მხოლოდ A პაკეტით განსაზღვრული სისტემებით მომსახურება ან/და A პაკეტთან ერთად დამატებით მიიღოს B პაკეტით განსაზღვრული ერთი ან რამდენიმე სისტემით მომსახურება.

1. მმართველობის სისტემის A პაკეტის მომსახურების შესყიდვის შემთხვევაში, მომსახურების საფასური განისაზღვრება შემდეგი წესით, კერძოდ: ერთი მომხმარებლის (იგულისხმება ის მომხმარებლის რაოდენობა რომელიც ერთვება საქმისწარმოების ავტომატიზებული სისტემში (MS DOC)) ერთი დღის მომსახურების საფასურის (რომელიც შეადგენს 0.40 (ორმოცი თეთრი) ლარს) ნამრავლით, შემსყიდველი ორგანიზაციის მომხმარებელთა რაოდენობაზე და მომსახურების პერიოდზე (იმ დღეების რაოდენობაზე რა პერიოდში უნდა განხორციელდეს მომსახურება).

2. თუ შემსყიდველ ორგანიზაციას A პაკეტთან ერთად, დამატებით სურს მიიღოს B პაკეტით განსაზღვრული  ერთი ან რამდენიმე სისტემით მომსახურება, ასეთ შემთხვევაში საფასური დაანგარიშდება შემდეგი სახით:

ა. ამავე დანართის პირველი მუხლის „ნ“, „ო“ ან/და „პ“ ქვეპუნქტებით გათვალისწინებული სისტემებით სარგებლობის შემთხვევაში საფასური დაანგარიშდება ამავე მუხლის პირველი პუნქტით განსაზღვრული წესით იმ გამონაკლისით, რომ ერთი დღის მომსახურების საფასური შეადგენს 0.40 (ორმოცი თეთრი) ლარს დამატებული იმდენი 0,04 ლარი, რამდენი სისტემის დამატება სურს ამავე პუნქტით განსაზღვრული სისტემებიდან;

(მაგ. თუ A პაკეტით სარგებლობს შემსყიდველი ორგანიზაციის 100 მომხმარებელი და სურს მიიღოს A პაკეტთან ერთად B პაკეტით განსაზღვრული „ნ“, „ო“  და „პ“ სისტემებით მომსახურება, ასეთ შემთხვევაში, საფასური განისაზღვრება 100 მომხმარებლის ნამრავლით ერთი დღის მომსახურების საფასურზე (რომელიც შეადგენს 0.52 (ორმოცდათორმეტი თეთრი) ლარს) და მომსახურების პერიოდზე (იმ დღეების რაოდენობაზე რა პერიოდშიც უნდა განხორციელდეს მომსახურება);

ბ) ამავე დანართის პირველი მუხლის „ჟ“ ან/და „რ“ ქვეპუნქტებით გათვალისწინებული სისტემების შესყიდვის სურვილის შემთხვევაში საფასური დაანგარიშდება შემდეგი სახით: შემსყიდველი ორგანიზაცია იხდის წინამდებარე მუხლის პირველი პუნქტის შესაბამისად A პაკეტის საფასურს დამატებული ამ პუნქტით გათვალისწინებული შესაბამისი სისტემებიდან შემოსული თანხის 30%.

1. შემსყიდველი ორგანიზაცია, შეტყობინებას ელექტრონული მმართველობის მომსახურების შესყიდვასთან დაკავშირებით სააგენტოში აგზავნის წერილობით. რომელშიც აუცილებლად მითითებული უნდა იყოს:

ა) არჩეული პაკეტის/სისტემების დასახელება (იმ შემთხვევაში თუ სურს შესისყიდოს A პაკეტით განსაზღვრული სისტემბით მომსახურება უთითებს მხოლოდ - A პაკეტს, ხოლო თუ სურვილი აქვს A პაკეტთან ერთად დამატებით შეისყიდოს B პაკატით განსაზღვრული სისტემებიდან რომელიმე სისტემის მომსახურება ასეთ შემთხვევაში უთითებს A პაკეტს დამატებული იმ სისტემების დასახელებას რომლის მომსახურების მიღება სურს შემსყიდველ ორგანიზაციას);

ბ) მომხმარებლების რაოდენობა;

გ) ელექტრონული მმართველობის მომსახურების გაწევის ვადა;

დ) საკონტაქტო სატელეფონო ნომერი და ელექტრონული ფოსტის მისამართი.

2. შემსყიდველი ორგანიზაცია ვალდებულია მკაცრად დაიცვას მომხმარებლების ოდენობა (ამავე მუხლის პირველი პუნქტის „ბ“ ქვეპუნქტით განსაზღვრული მომხმარებელთა რაოდენობა) და, სააგენტოსთან შესაბამისი შეთანხმების გარეშე, არ დაუშვას ელექტრონული მმართველობის ერთიანი სისტემაში ჩართული მომხმარებლებზე მეტი მომხმარებლების ჩართვა.

3. შემსყიდველ ორგანიზაციას უფლება აქვს მოითხოვოს ამავე მუხლის პირველი პუნქტის „ა“ ქვეპუნქტით გათვალისწინებული არჩეული პაკეტის/სისტემების ან/და სისტემაში ჩართული მომხმარებლების რაოდენობის (წინამდებარე დანართის მე-3 მუხლის პირველი პუნქტის „ბ“ ქვეპუნქტით გათვალისწინებული მომხმარებლების რაოდენობის) ცვლილება, აღნიშნულ ცვლილებასთან დაკავშირებით შესაბამისი შეტყობინება ეგზავნება სააგენტოს წერილობით და მომსახურების საფასური დაანგარიშდება ამავე დანართის პირველი მუხლით განსაზღვრული წესით აღნიშნული შეტყობინების მიღების დღიდან.

4. სააგენტო, სისტემის ელექტრონული მმართველობის მომსახურების გაწევის დაწყებასთან დაკავშირებით, უგზავნის შემსყიდველ ორგანიზაციას შეტყობინებას/დასტურს წერილობით ან/და ამავე მუხლის, პირველი პუნქტის „დ“ ქვეპუნქტით განსაზღვრულ საკონტაქტო ელექტრონული ფოსტის მისამართზე და სწორედ ასეთი დასტურის გაგზავნის/მიღების შემდგომ სააგენტო ახორციელებს ელექტრონული მმართველობის მომსახურების გაწევას.

5. სააგენტო ელექტრონული მმართველობის მომსახურებას ახორციელებს უწყვეტად ამავე მუხლის პირველი პუნქტის „გ“ ქვეპუნქტით განსაზღვრულ ვადაში.

6. ელექტრონული მმართველობის მომსახურების მიღებაზე შემსყიდველ ორგანიზაციასა და სააგენტოს შორის ფორმდება შესაბამისი მიღება-ჩაბარების აქტი. მიღება-ჩაბარების აქტი უნდა გაფორმდეს ყოველი თვის ბოლო სამუშაო დღიდან 7 (შვიდი) დღის განმავლობაში, მიღება-ჩაბარების აქტი შესაძლებელია გაფორმდეს ელექტრონულად „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით.

7. ანგარიშსწორება უნდა განხორციელდეს ამავე მუხლის მე-6 პუნქტით განსაზღვრული მიღება-ჩაბარების აქტის გაფორმებიდან 10 (ათი) სამუშაო დღის ვადაში.

8.  მმართველობის სისტემა (რომელიც თავის თავში აერთიანებს რამდენიმე ელექტრონულ სისტემას) უზრუნველყოფს:

ა) საქმისწარმოების ავტომატიზებული სისტემა (MS DOC)

ა.ა) საქმისწარმოების ავტომატიზებული სისტემა (MS DOC) წარმოადგენს მუნიციპალიტეტებში არსებული ინფორმაციული ნაკადების ავტომატიზებული მართვის სისტემას. როგორც ონლაინგანცხადებების სისტემის, ასევე ელექტრონული კანცელარიის მეშვეობით შემოსული კორესპონდენციის ყოველგვარი შემდგომი დამუშავება ხდება საქმისწარმოების ავტომატიზებულ სისტემაში. გარდა ამისა, აქედანვე ხორციელდება საინიციატივო წერილების, სამსახურებრივი და პირადი განცხადებების მომზადება.

ა.ბ) საქმისწარმოების ავტომატიზებული სისტემა (MS DOC) სრულად აკმაყოფილებს 2012 წლის 21 თებერვლის „სახაზინო (საბიუჯეტო) დაწესებულებებში საქმისწარმოების ავტომატიზებული სისტემის მინიმალური სტანდარტის დამტკიცების შესახებ“ საქართველოს მთავრობის N64 დადგენილებით დამტკიცებულ სახაზინო (საბიუჯეტო) დაწესებულებებში საქმისწარმოების ავტომატიზებული სისტემის მინიმალური სტანდარტით განსაზღვრულ მოთხოვნებს.

ბ) კანცელარიის სისტემა (MS Chancellery)

ბ.ა) კანცელარიის სისტემის მთავარ ფუნქციას წარმოადგენს ფიზიკურ და იურიდიულ პირთა კორესპოდენციების რეგისტრაცია, ასევე მათთვის მომზადებული დოკუმენტების გაცემა. შესაბამისად, აღნიშნული სისტემა განკუთვნილია მოქალაქეთა მომსახურებისა (წინა ხაზის) და საქმისწარმოების (კანცელარიის) სამსახურის თანამშრომლებისთვის. სისტემას გააჩნია ელექტრონული წვდომა სახელმწიფო სერვისების განვითარების სააგენტოსა და საჯარო რეესტრის ეროვნული სააგენტოს მონაცემებზე.

გ) ადამიანური რესურსების მართვის სისტემა (MS HR)

გ.ა) ადამიანური რესურსების მართვის სისტემა (MS HR) მუნიციპალიტეტებს აძლევს საშუალებას, აწარმოონ ადამიანური რესურსების ერთიანი მონაცემთა ბაზა, რომელიც იქნება განახლებადი მუდმივ რეჟიმში. ასევე სისტემა გვთავაზობს საკადრო პროცესების მართვის ყველა ინსტრუმენტს.

გ.ბ) ადამიანური რესურსების მართვის სისტემა (MS HR) სრულად აკმაყოფილებს 2012 წლის 20 თებერვლის „სახაზინო (საბიუჯეტო) დაწესებულებებში ადამიანური რესურსების მართვის ავტომატიზებული სისტემის მინიმალური სტანდარტის დამტკიცების შესახებ“ საქართველოს მთავრობის N57 დადგენილებით დამტკიცებულ სახაზინო (საბიუჯეტო) დაწესებულებებში ადამიანური რესურსების მართვის ავტომატიზებული სისტემის მინიმალური სტანდარტით განსაზღვრულ მოთხოვნებს.

დ) მაღალმთიანი და სოციალური სერვისების მართვის სისტემა (MS MOUNTAIN AND SOCIALS)

დ.ა) მაღალმთიანი და სოციალური სერვისების მართვის სისტემა უზრუნველყოფს საქართველოს მუნიციპალიტეტებში ჯანმრთელობის დაცვისა, სოციალური პროგრამების და მაღალმთიანი სერვისების ეფექტურ მართვასა და კონტროლს. სისტემა მუნიციპალიტეტებს საშუალებას აძლევს, გადაწყვეტილების მიღების პროცესში გამოიყენონ ცენტრალური ხელისუფლების მონაცემთა ბაზებში დაცული ინფორმაცია, რაც ზრდის ბენეფიციარებისთვის სერვისების ეფექტურად მიწოდების ხარისხს.

ე) ნარჩენების მართვის სისტემა (MS WM)

ე.ა) ნარჩენების მართვის სისტემა (MS WM) სისტემა ეფუძნება ნარჩენების მართვის დარგში საყოველთაოდ აღიარებულ ინდიკატორებს, რომელთა აღრიცხვა/დაანგარიშება ხორციელდება წლიდან წლამდე. სწორედ აღნიშნულ ინდიკატორებზე დაკვირვებით, შესაძლებლობა ეძლევა ორგანიზაციებს სწორად დაგეგმონ ადამიანური, ფინანსური, ინფრასტრუქტურული და სხვა სახის რესურსები, რათა გააუმჯობესონ ნარჩენების მართვის ხარისხი.

ვ) ონლაინგანცხადებების პორტალი (MS LETTERS)

ვ.ა) ონლაინგანცხადებების პორტალის (letters.ms.gov.ge) საშუალებით მომხმარებელს აქვს შესაძლებლობა, ელექტრონულად შეიტანოს განაცხადი კონკრეტულ მუნიციპალიტეტში სასურველ საკითხთან დაკავშირებით.

ზ) შენი იდეა ქალაქის მერს (MS IDEA)

ზ.ა) შენი იდეა ქალაქის მერს - ეს არის მუნიციპალიტეტის საქმიანობაში მოსახლეობის ჩართულობისა და მუნიციპალიტეტისათვის მნიშვნელოვან საკითხებზე ინიციატივების ონლაინწარდგენის მექანიზმი, რაც საშუალებას აძლევს მოსახლეობას მონაწილეობა მიიღოს მუნიციპალიტეტის განვითარებაში. მომხმარებელს ვებგვერდზე რეგისტრაციის გავლის შემდგომ შესაძლებლობა აქვს აღნიშნული პორტალის საშუალებით დაარეგისტრიროს საკუთარი იდეა.

თ) მუნიციპალური კალენდარი - (MS Calendar)

თ.ა) მუნიციპალური კალენდრის სისტემა (MS Calendar) შედგება მოქალაქის პორტალისგან და ადმინისტრირების გვერდისგან. პორტალზე შესაძლებელია მუნიციპალიტეტში დაგეგმილი, მიმდინარე და განხორციელებული ღონისძიებების განთავსება მოქალაქეთათვის ინფორმაციის მიწოდების მიზნით. კონკრეტული ღონისძიება შესაძლებელია გაზიარებული იყოს სოციალურ ქსელში, ასევე შესაძლებელია მუნიციპალიტეტმა საკუთარ ვებგვერდზე გამოიტანოს მუნიციპალური კალენდრის ბმული. გარდა ამისა, მოქალაქეს შეუძლია ინტერაქტიულ რუკაზე იხილოს მიმდინარე ღონისძიებების ადგილმდებარეობა.

ი) ინფრასტრუქტურული პროექტების მონიტორინგის სისტემა (MS INFRASTRUCTURE)

ი.ა) ინფრასტრუქტურული პროექტების მონიტორინგის სისტემა (MS INFRASTRUCTURE) მოქალაქეებს საშუალებას აძლევს, გაეცნონ მუნიციპალიტეტში მიმდინარე, დაგეგმილ და დასრულებულ ინფრასტრუქტურულ პროექტებს. თითოეულ პროექტზე შესაძლებელია დეტალური ინფორმაციის გაცნობა შემდეგი მახასიათებლებით: ობიექტის მისამართი, პროექტის დამკვეთი, კატეგორია, სახელმწიფო შესყიდვის ტენდერის ნომერი, პროექტის ღირებულება, პროექტის შემსრულებელი, პროექტის დაწყების და დასრულების თარიღები, ასევე პროექტის დასრულებამდე დარჩენილი დღეების რაოდენობა (თუ პროექტი არის მიმდინარე) და პროექტის მიმდინარეობის ამსახველი ფოტომასალა.

კ) მოქალაქეთა დახმარების სისტემა (MS HELP)

კ.ა) მოქალაქეთა დახმარების სისტემა დაინტერესებულ პირებს შესაძლებლობას აძლევს, სასურველ საკითხზე კონსუკლტაციისათვის დაამყარონ პირდაპირი კომუნიკაცია მუნიციპალიტეტთან ონლაინ ჩათის საშუალებით.

ლ) ინტერაქტიული რუკა (MS MAP)

ლ.ა) ინტერაქტიული რუკა შესაძლებელს ხდის რუკაზე ფენების სახით გამოტანილი იქნას შემდეგი სახის ინფორმაცია:

•     ტერიტორიულ-სტრუქტურული, ფუნქციური და შეზღუდვის ზონები;

•     საკადასტრო მონაცემები;

•     გზები და შენობები;

•     პარკირების ზონები;

•     ხაზობრივი ნაგებობები;

•     ინფრასტრუქტურული და ბიზნეს ობიექტები;

•     მშენებლობის ნებართვები.

მ) ქონების აღრიცხვის სისტემა (MS ASSET MANAGMENT)

მ.ა) ქონების აღრიცხვის სისტემა უზრუნველყოფს მუნიციპალიტეტებში არსებული უძრავი ქონების აღწერას. სისტემის საშუალებით მუნიციპალიტეტებს შეუძლიათ, რუკაზე განათავსონ წინასწარ განსაზღვრული ქონების ტიპები და შეავსონ საინფორმაციო ველები.

ნ) ცხელი ხაზი (MS HOTLINE)

ნ.ა) ცხელი ხაზის სისტემით მუნიციპალიტეტისათვის შესაძლებელია ცხელ ხაზზე შემომავალი ზარების რეგისტრაცია, საჭიროების შემთხვევაში ზარის თემატიკიდან გამომდინარე შესაბამისი სამსახურის თანამშრომელზე რეაგირებისათვის გადაწერა, ზარების რეპორტების წარმოება, თემატიკების ადმინისტრირება და ბიზნეს პროცესების გაწერა.

ო) აუზით სარგებლობა (MS POOL)

ო.ა) აუზით სარგებლობის სისტემის გამოყენებით მუნიციპალიტეტს შეუძლია ბენეფიციარების აღრიცხვა და გადასარიცხი თანხების დაგენერირება. მომსახურე ობიექტებს საშუალება აქვთ,  საკუთარ სისტემაში აკონტროლონ მათ აუზებზე დარეგისტრირებული ბენეფიციარები, გადაანაწილონ ჯგუფებში და აღრიცხონ სისტემაში მათი ვიზიტები.

პ) უფასო კვების სისტემა (MS FREE MEAL)

პ.ა) უფასო კვების სისტემის საშუალებით მუნიციპალიტეტებს აქვთ შესაძლებლობა ელექტრონულად აღრიცხონ და აკონტროლონ უფასო სასადილოების ბენეფიციარები და მათთან დაკავშირებული აქტივობები: სისტემაში დაამატონ სასადილოები, დაარეგისტრირონ ბენეფიციარები, ავტომატურად აღრიცხონ მათი სასადილოებში დასწრება-გაცდენის მონაცემები, აწარმოონ სტატისტიკა.

ჟ) პარკირების სისტემა (MS PARKING)

ჟ.ა) პარკირების სისტემის საშუალებით მუნიციპალიტეტის მოსახლეობას აქვს შესაძლებლობა ელექტრონულად შეიძინოს პარკირების საშვი, გადაიხადოს ჯარიმა, მობილურის ნომერზე გაიაქტიუროს SMS შეტყობინების მიღების სერვისი.

რ) ტაქსების ნებართვის სისტემა (MS TAXI)

რ.ა) ტაქსების ნებართვის სისტემა უზრუნველყოფს მუნიციპალიტეტის მასშტაბით ტაქსის ნებართვასთან დაკავშირებული პროცესების ელექტრონულად მართვას. სისტემის საშუალებით დაინტერესებულ პირს შესაძლებლობა აქვს შეიძინოს, გაააქტიუროს ან გაასხვისოს სხვადასხვა კატეგორიის ნებართვა.

9. ორგანიზაცია, რომელიც სააგენტოდან ელექტრონული მმართველობის მომსახურების შესყიდვამდე სარგებლობდა სააგენტოს საქმისწარმოების ავტომატიზებული სისტემის (MSDoc) მოსახურებით, ელექტრონული მმართველობის მომსახურების შესყიდვის შემდგომ არ საჭიროებს საქმისწარმოების ავტომატიზებული სისტემის (MSDoc) არქივაციის მომსახურების შესყიდვას, მას შესყიდვის პერიოდის განმავლობაში შეუზღუდავად ექნება წვდომა საქმისწარმოების ავტომატიზებული სისტემაში (MSDoc) მის მიერ შექმნილ დოკუმენტაციაზე.

10. სააგენტო არ აგებს პასუხს მესამე პირთა მიერ ან/და სხვა ელექტრონული სისტემის მეშვეობით წარმოქმნილ უწესრიგობებზე.

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. წინამდებარე დანართის მე-2 მუხლის პირველი პუნქტით განსაზღვრული მოთხოვნა უნდა შეიცავდეს შემსყიდველი ორგანიზაციის ელექტრონული ფოსტის მისამართს.

3. სააგენტო წინამდებარე დანართის მე-2 მუხლის პირველი პუნქტის მოთხოვნის მიღებიდან 10 (ათი) სამუშაო დღის ვადაში, ამავე დანართის მე-2 მუხლის მე-2 პუნქტით განსაზღვრულ ელ.ფოსტის მისამართზე მიაწვდის შემსყიდველ ორგანიზაციას ინფორმაციას აღნიშნული მომსახურების საფასურთან (X) დაკავშირებით, მომსახურების გაწევისათვის საჭირო კაც-საათების ოდენობას და მომსახურების გაწევის პერიოდს.

4. შემსყიდველი ორგანიზაცია ვალდებულია წინამდებარე დანართის მე-2 მუხლის მე-3 პუნქტით განსაზღვრული ინფორმაციის მიღებიდან 3 (სამი) სამუშაო დღის ვადაში გაუგზავნოს სააგენტოს წერილობით ან/და ელექტრონული ფოსტის მისამართზე: 1399@msda.ge. დასტური ან უარი მომსახურების შესყიდვასთან დაკავშირებით.

5. სააგენტოს მომსახურების გაწევის ვალდებულება წარმოეშვება წინამდებარე დანართის მე-2 მუხლის მე-4 პუნქტით განსაზღვრული დასტურის მიღების შემდგომ.

6. მომსახურების მიღებასთან დაკავშირებული მიღება-ჩაბარების აქტი ფორმდება ყოველთვიურად (ასეთ შემთხვევაში უნდა განისაზღვროს მომსახურების ერთი დღის საფასური, კერძოდ, მომსახურების საფასური X უნდა გაიყოს მომსახურებისათვის საჭირო დღეების სრულ რაოდენობაზე, ამით დადგინდება მომსახურების ერთი დღის საფასური, ხოლო ამის შემდგომ მომსახურების ერთი დღის საფასური უნდა გამრავლდეს შესაბამის თვეში არსებულ დღეების ოდენობაზე, რითაც მივიღებთ შესაბამისი თვის მომსახურების საფასურს) ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

7. ანგარიშსწორება უნდა განხორციელდეს მომსახურების მიღება-ჩაბარების აქტის გაფორმებიდან 10 (ათი) სამუშაო დღის ვადაში.

დანართი №3

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. წინამდებარე დანართის მე-2 მუხლის პირველი პუნქტით განსაზღვრული მოთხოვნა უნდა იყოს მაქსიმალურად მკაფიო, მასში მაქსიმალური სიზუსტით უნდა იყოს აღწერილი ტექნიკური დავალების შესაბამისი პარამეტრები, საგენტოს უფლება აქვს არაერთხელ დააზუსტებინოს შემსყიდველ ორგანიზაციას წინამდებარე დანართის მე-2 მუხლის პირველი პუნქტით განსაზღვრული მოთხოვნა.

3. შესყიდვასთან დაკავშირებული მოთხოვნა ასევეე უნდა შეიცავდეს ინფორმაციას შემსყიდველი ორგანიზაციის საკონტაქტო ელექტრონული ფოსტის მისამართის შესახებ.

4. სააგენტო წინამდებარე დანართის მე-2 მუხლის პირველი და მე-2 პუნქტების მოთხოვნის მიღებიდან 10 (ათი) სამუშაო დღის ვადაში, ამავე დანართის მე-2 მუხლის მე-3 პუნქტით განსაზღვრულ ელ. ფოსტის მისამართზე მიაწვდის შემსყიდველ ორგანიზაციას ინფორმაციას აღნიშნული მომსახურების საფასურთან (X) დაკავშირებით, მომსახურების გაწევისათვის საჭირო კაც-საათების ოდენობას და მომსახურების გაწევის პერიოდს.

5. შემსყიდველი ორგანიზაცია ვალდებულია წინამდებარე დანართის მე-2 მუხლის მე-4 პუნქტით განსაზღვრული ინფორმაციის მიღებიდან 3 (სამი) სამუშაო დღის ვადაში გაუგზავნოს სააგენტოს წერილობით ან/და ელექტრონული ფოსტის მისამართზე: 1399@msda.ge დასტური ან უარი მომსახურების შესყიდვასთან დაკავშირებით.

6. სააგენტოს მომსახურების გაწევის ვალდებულება წარმოეშვება წინამდებარე დანართის მე-2 მუხლის მე-5 პუნქტით განსაზღვრული დასტურის მიღების შემდგომ.

7. მომსახურების მიღებასთან დაკავშირებული მიღება-ჩაბარების აქტი ფორმდება ყოველთვიურად (ასეთ შემთხვევაში უნდა განისაზღვროს მომსახურების ერთი დღის საფასური, კერძოდ, მომსახურების საფასური X უნდა გაიყოს მომსახურებისათვის საჭირო დღეების სრულ რაოდენობაზე, ამით დადგინდება მომსახურების ერთი დღის საფასური, ხოლო ამის შემდგომ მომსახურების ერთი დღის საფასური უნდა გამრავლდეს შესაბამის თვეში არსებულ დღეების ოდენობაზე, რითაც მივიღებთ შესაბამისი თვის მომსახურების საფასურს) ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

8. ანგარიშსწორება უნდა განხორციელდეს მომსახურების მიღება-ჩაბარების აქტის გაფორმებიდან 10 (ათი) სამუშაო დღის ვადაში.

დანართი №4

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. შესყიდვასთან დაკავშირებული მოთხოვნა უნდა შეიცავდეს შემსყიდველი ორგანიზაციის საკონტაქტო ელექტრონული ფოსტის მისამართს.

3. წინამდებარე დანართის მე-2 მუხლის პირველი პუნქტით განსაზღვრული ტექნიკური დავალება უნდა იყოს მკაფიო, მასში მაქსიმალური სიზუსტით უნდა იყოს აღწერილი მოთხოვნილი ელექტრონული სისტემების, კომპიუტერული პროგრამისა თუ აპლიკაციის შესაბამისი პარამეტრები.

4. სააგენტოს უფლებამოსილია მხოლოდ ერთხელ მოსთხოვოს შემსყიდველ ორგანიზაციას დააზუსტოს წარმოდგენილი ტექნიკური დავალება და, თუ ასეთი დაზუსტების შემდგომაც წარმოდგენილი ტექნიკური დავალება არ იქნება საკმარისი მოთხოვნილი ელექტრონული სისტემის, კომპიუტერული პროგრამისა თუ აპლიკაციის შესაქმნელად/განსავითარებლად, სააგენტო უარს განაცხადებს შემსყიდველი ორგანიზაციის მომსახურებაზე და აღნიშნულ გადაწყვეტილებას აცნობებს მე-2 მუხლის, მე-2 პუნქტის განსაზღვრულ საკონტაქტო ელექტრონული ფოსტის მისამართზე.

5. სააგენტო წინამდებარე დანართის მე-2 მუხლის პირველი პუნქტის მოთხოვნის მიღებიდან 10 (ათი) სამუშაო დღის ვადაში (ელექტრონული სისტემების, კომპიუტერული პროგრამებისა და აპლიკაციების შემუშავების, ან/და განვითარების მომსახურების შესყიდვის შემთხვევაში, თუ შემსყიდველი ორგანიზაციის მიერ წარმოდგენილი ტექნიკური დავალება აკმაყოფილებს მე-2 მუხლის მე-3 პუნქტით განსაზღვრულ მოთხოვნებს), ამავე დანართის მე-2 მუხლის მე-3 პუნქტით განსაზღვრულ ელექტრონული ფოსტის მისამართზე მიაწვდის შემსყიდველ ორგანიზაციას ინფორმაციას აღნიშნული მომსახურების საფასურთან (X) დაკავშირებით, მომსახურების გაწევისათვის საჭირო კაც-საათების ოდენობას და მომსახურების გაწევის პერიოდს.

6. შემსყიდველი ორგანიზაცია ვალდებულია წინამდებარე დანართის მე-2 მუხლის მე-5 პუნქტით განსაზღვრული ინფორმაციის მიღებიდან 3 (სამი) სამუშაო დღის ვადაში გაუგზავნოს სააგენტოს წერილობით ან/და ელექტრონული ფოსტის მისამართზე: 1399@msda.ge დასტური ან უარი მომსახურების შესყიდვასთან დაკავშირებით.

7. სააგენტოს მომსახურების გაწევის ვალდებულება წარმოეშვება წინამდებარე დანართის მე-2 მუხლის მე-6 პუნქტით განსაზღვრული დასტურის მიღების შემდგომ;

8. მომსახურების მიღებასთან დაკავშირებული მიღება-ჩაბარების აქტი ფორმდება ყოველთვიურად (ასეთ შემთხვევაში უნდა განისაზღვროს მომსახურების ერთი დღის საფასური, კერძოდ, მომსახურების საფასური X უნდა გაიყოს მომსახურებისათვის საჭირო დღეების სრულ რაოდენობაზე, ამით დადგინდება მომსახურების ერთი დღის საფასური, ხოლო ამის შემდგომ მომსახურების ერთი დღის საფასური უნდა გამრავლდეს შესაბამის თვეში არსებულ დღეების ოდენობაზე, რითაც მივიღებთ შესაბამისი თვის მომსახურების საფასურს) ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

9. ანგარიშსწორება უნდა განხორციელდეს მომსახურების მიღება-ჩაბარების აქტის გაფორმებიდან 10 (ათი) სამუშაო დღის ვადაში.

დანართი №5

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. შესყიდვასთან დაკავშირებული მოთხოვნა უნდა შეიცავდეს შემდეგ ინფორმაციას, კერძოდ:

ა) მოთხოვნილი ვებგვერდის დასახელებას;

ბ) საკონტაქტო ელექტრონული ფოსტის მისამართს.

3. სააგენტო უფლებამოსილია ვებგვერდის შექმნის ან/და მისი განვითარების მიზნით, მოსთხოვოს შემსყიდველ ორგანიზაციას დამატებითი ინფორმაციის წარმოდგენა და ამისათვის განუსაზღვროს შესაბამისი ვადა. აღნიშნული ვადის დარღვევა წარმოადგენს მომსახურების შეჩერების საფუძველს.

4. წინამდებარე დანართის მე-2 მუხლის პირველი პუნქტით განსაზღვრული ტექნიკური დავალება უნდა იყოს მკაფიო, მასში მაქსიმალური სიზუსტით უნდა იყოს აღწერილი მოთხოვნილი ვებგვერდის შესაბამისი პარამეტრები.

5. სააგენტო უფლებამოსილია, მხოლოდ ერთხელ, მოსთხოვოს შემსყიდველ ორგანიზაციას დააზუსტოს წარმოდგენილი ტექნიკური დავალება და, თუ ასეთი დაზუსტების შემდგომაც წარმოდგენილი ტექნიკური დავალება არ იქნება საკმარისი მოთხოვნილი ვებგვერდის შესაქმნელად ან/და მისი განვითარებისთვის, სააგენტო უარს განაცხადებს შემსყიდველი ორგანიზაციის მომსახურებაზე და აღნიშნულ გადაწყვეტილებას აცნობებს მე-2 მუხლის მე-2 პუნქტის „ბ“ ქვეპუნქტით განსაზღვრულ საკონტაქტო ელექტრონული ფოსტის მისამართზე.

6. სააგენტო წინამდებარე დანართის მე-2 მუხლის პირველი პუნქტის მოთხოვნის მიღებიდან 10 (ათი) სამუშაო დღის ვადაში (თუ შემსყიდველი ორგანიზაციის მიერ წარმოდგენილი ტექნიკური დავალება აკმაყოფილებს მე-2 მუხლის მე-4 პუნქტით განსაზღვრულ მოთხოვნებს) ამავე დანართის მე-2 მუხლის მე-2 პუნქტის „ბ“ ქვეპუნქტით განსაზღვრულ ელექტრონული ფოსტის მისამართზე მიაწვდის შემსყიდველ ორგანიზაციას ინფორმაციას აღნიშნული მომსახურების საფასურთან (X) დაკავშირებით, მომსახურების გაწევისათვის საჭირო კაც-საათების ოდენობას და მომსახურების გაწევის პერიოდს.

7. შემსყიდველი ორგანიზაცია ვალდებულია წინამდებარე დანართის მე-2 მუხლის მე-6 პუნქტით განსაზღვრული ინფორმაციის მიღებიდან 3 (სამი) სამუშაო დღის ვადაში გაუგზავნოს სააგენტოს წერილობით ან/და ელექტრონული ფოსტის მისამართზე: 1399@msda.ge დასტური ან უარი მომსახურების შესყიდვასთან დაკავშირებით.

8. სააგენტოს მომსახურების გაწევის ვალდებულება წარმოეშვება წინამდებარე დანართის მე-2 მუხლის მე-7 პუნქტით განსაზღვრული დასტურის მიღების შემდგომ.

9. მომსახურების მიღებასთან დაკავშირებული მიღება-ჩაბარების აქტი ფორმდება ყოველთვიურად (ასეთ შემთხვევაში უნდა განისაზღვროს მომსახურების ერთი დღის საფასური, კერძოდ; მომსახურების საფასური X უნდა გაიყოს მომსახურებისათვის საჭირო დღეების სრულ რაოდენობაზე, ამით დადგინდება მომსახურების ერთი დღის საფასური, ხოლო ამის შემდგომ მომსახურების ერთი დღის საფასური უნდა გამრავლდეს შესაბამის თვეში არსებულ დღეების ოდენობაზე, რითაც მივიღებთ შესაბამისი თვის მომსახურების საფასურს) ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

10. ანგარიშსწორება უნდა განხორციელდეს მომსახურების მიღება-ჩაბარების აქტის გაფორმებიდან 10 (ათი) სამუშაო დღის ვადაში.

დანართი №6

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. შესყიდვასთან დაკავშირებული მოთხოვნა უნდა შეიცავდეს შემდეგ ინფორმაციას, კერძოდ:

ა) ვებგვერდის დასახელებას;

ბ) საკონტაქტო ელექტრონული ფოსტის მისამართს;

გ) მომსახურების გაწევის ვადას.

3. სააგენტო, ვებგვერდის სააგენტოს სერვერულ ინფრასტრუქტურაზე განთავსების მომსახურების გაწევის დაწყებასთან დაკავშირებით, უგზავნის შემსყიდველ ორგანიზაციას შეტყობინებას მე-2 მუხლის მე-2 პუნქტის „ბ“ ქვეპუნქტით განსაზღვრულ საკონტაქტო ელექტრონული ფოსტის მისამართზე და აღნიშნული შეტყობინების მიღების შემდგომ სააგენტო ახორციელებს მომსახურებას გაწევას.

4. სააგენტო მომსახურებას ახორციელებს უწყვეტად მე-2 მუხლის, მე-2 პუნქტის „გ“ ქვეპუნქტით განსაზღვრულ ვადაში, შესაბამისად, მომსახურების მიღებაზე შემსყიდველ ორგანიზაციასა და სააგენტოს შორის ფორმდება მიღება-ჩაბარების აქტი, რომელიც შესაძლებელია გაფორმდეს როგორც ყოველთვიურად, ასევე მე-2 მუხლის მე-2 პუნქტის „გ“ ქვეპუნქტით განსაზღვრული ვადის ამოწურვის შემდგომ.

5. მომსახურების მიღებასთან დაკავშირებული მიღება-ჩაბარების აქტი ფორმდება ყოველთვიურად, ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

6. ანგარიშსწორება უნდა განხორციელდეს შესაბამისი მიღება-ჩაბარების აქტის გაფორმებიდან – 10 (ათი) სამუშაო დღის ვადაში.

დანართი №7

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. წინამდებარე დანართის მე-3 მუხლის პირველი პუნქტით განსაზღვრული მოთხოვნა უნდა მოიცავდეს შემდეგ ინფორმაციას, კერძოდ:

ა) მომსახურების გაწევის ვადას/პერიოდს;

ბ) საკონტაქტო ელექტრონულ ფოსტის მისამართს.

3. სააგენტო მომსახურების გაწევასთან დაკავშირებით უგზავნის შემსყიდველ ორგანიზაციას შეტყობინებას წინამდებარე დანართის მე-3 მუხლის მე-2 პუნქტის „ბ“ ქვეპუნქტით განსაზღვრულ ელექტრონული ფოსტის მისამართზე და აღნიშნული შეტყობინების მიღების შემდგომ სააგენტო ახორციელებს მომსახურებას გაწევას.

4. სააგენტო ყოველი მომდევნო თვის დასაწყისიდან 5 (ხუთი) დღის განმავლობაში, წინამდებარე დანართის მე-3 მუხლის მე-2 პუნქტის „ბ“ ქვეპუნქტით განსაზღვრულ ელექტრონული ფოსტის მისამართზე შემსყიდველ ორგანიზაციას უგზავნის ინფორმაციას გასულ თვეში გაწეული მომსახურების დროს, მის მიერ გამოყენებული რესურსების და აღნიშნულ თვეში მომსახურების საფასურის თაობაზე.

5. მომსახურების მიღება ხორციელდება შემსყიდველ ორგანიზაციასა და სააგენტოს შორის გაფორმებული მიღება-ჩაბარების აქტის საფუძველზე, რომელიც ფორმდება ყოველთვიურად, ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

6. ანგარიშსწორება ხორციელდება ყოველთვიურად, ყოველი მომდევნო თვის დასაწყისიდან 10 (ათი) სამუშაო დღის განმავლობაში.

დანართი №8

ქალაქ თბილისის მუნიციპალიტეტის საკრებულოს 2023 წლის 20 ოქტომბრის დადგენილება №31-75 - ვებგვერდი, 23.10.2023 წ.

2. წინამდებარე დანართის მე-2 მუხლის პირველი პუნქტით განსაზღვრული მოთხოვნა უნდა შეიცავდეს შემსყიდველი ორგანიზაციის ელექტრონული ფოსტის მისამართს.

3. სააგენტო წინამდებარე დანართის მე-2 მუხლის პირველი პუნქტის მოთხოვნის მიღებიდან 10 (ათი) სამუშაო დღის ვადაში, ამავე დანართის მე-2 მუხლის მე-2 პუნქტით განსაზღვრულ ელექტრონული ფოსტის მისამართზე მიაწვდის შემსყიდველ ორგანიზაციას ინფორმაციას აღნიშნული მომსახურების საფასურთან (X) დაკავშირებით, მომსახურების გაწევისათვის საჭირო კაც-საათების ოდენობას და მომსახურების გაწევის პერიოდს.

4. შემსყიდველი ორგანიზაცია ვალდებულია წინამდებარე დანართის მე-2 მუხლის მე-3 პუნქტით განსაზღვრული ინფორმაციის მიღებიდან 3 (სამი) სამუშაო დღის ვადაში, გაუგზავნოს სააგენტოს წერილობით ან/და ელექტრონული ფოსტის მისამართზე: 1399@msda.ge დასტური ან უარი მომსახურების შესყიდვასთან დაკავშირებით.

5. სააგენტოს მომსახურების გაწევის ვალდებულება წარმოეშვება წინამდებარე დანართის მე-2 მუხლის მე-4 პუნქტით განსაზღვრული დასტურის მიღების შემდგომ.

6. მომსახურების მიღებასთან დაკავშირებული მიღება-ჩაბარების აქტი ფორმდება ყოველთვიურად (ასეთ შემთხვევაში უნდა განისაზღვროს მომსახურების ერთი დღის საფასური, კერძოდ, მომსახურების საფასური X უნდა გაიყოს მომსახურებისათვის საჭირო დღეების სრულ რაოდენობაზე, ამით დადგინდება მომსახურების ერთი დღის საფასური, ხოლო ამის შემდგომ, მომსახურების ერთი დღის საფასური უნდა გამრავლდეს შესაბამის თვეში არსებული დღეების ოდენობაზე, რითაც მივიღებთ შესაბამისი თვის მომსახურების საფასურს) ყოველი მომდევნო თვის დასაწყისიდან 5 (ხუთი) სამუშაო დღის განმავლობაში.

7. ანგარიშსწორება უნდა განხორციელდეს მომსახურების მიღება-ჩაბარების აქტის გაფორმებიდან 10 (ათი) სამუშაო დღის ვადაში.

დანართი №9

ა) გაიაროს რეგისტრაცია  ელექტრონულ მისამართზე www.maps.tbilisi.gov.ge.

ბ) ავტორიზაციის გავლის შემდგომ, შემსყიდველს აქვს საშუალება შეარჩიოს და მონიშნოს სასურველი ტერიტორია წინასწარ განსაზღვრული ინდექსური ბადის გამოყენებით.

2. სისტემაში სასურველი ტერიტორიის (ბადის) შერჩევის შემდეგ დაანგარიშდება გადასახდელი თანხა.

3.  საფასური გადაიხდება წინასწარ, უნაღდო ანგარიშსწორებით, როგორც პლასტიკური ბარათის მეშვეობით, ისე სააგენტოს ანგარიშზე საბანკო გადმორიცხვით.

4. საბანკო გადმორიცხვის შემთხვევაში სისტემაში გენერირდება ინვოისი, რის საფუძველზეც შემდეგ ხორციელდება გადარიცხვა.

5. სისტემის მიერ გადახდის დადასტურების შემდეგ, აქტიურდება ორთოფოტოს ჩამოტვირთვის ღილაკი.