„საქართველოს შინაგან საქმეთა სამინისტრო სამინისტროს დისციპლინარული წესდების დამტკიცების შესახებ”

სახელმწიფო სარეგისტრაციო კოდი 140.130.000.11.118.005.907

საქართველოს შინაგან საქმეთა მინისტრის

ბრძანება №217

2003 წლის 24 ივნისი

ქ. თბილისი

საქართველოს შს სამინისტროს დისციპლინური წესდების დამტკიცების შესახებ

„პოლიციის შესახებ“ საქართველოს 1993 წლის 27 ივლისის კანონის მე-18, 29-ე და 30-ე მუხლების მოთხოვნებიდან გამომდინარე, ვბრძანებ:

1. დამტკიცდეს საქართველოს შინაგან საქმეთა სამინისტროს დისციპლინური წესდება.

2. ძალადაკარგულად ჩაითვალოს საქართველოს შინაგან საქმეთა მინისტრის 1996 წლის 26 ნოემბრის № 906 ბრძანება.

3. ეს ბრძანება ამოქმედდეს გამოქვეყნებისთანავე.

კ. ნარჩემაშვილი

 

შეტანილი ცვლილებები:

1. საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

2. საქართველოს შინაგან საქმეთა მინისტრის 2005 წლის 16 აგვისტოს ბრძანება №843 - სსმ III, №96, 17.08.2005 წ., მუხ.1090

3. საქართველოს შინაგან საქმეთა მინისტრის 2006 წლის 7 თებერვლის ბრძანება №158 - სსმ III, №19, 10.02.2006 წ., მუხ.232

4. საქართველოს შინაგან საქმეთა მინისტრის 2006 წლის 8 დეკემბრის ბრძანება №1451 - სსმ III, №167, 13.12.2006 წ., მუხ.2265

5. საქართველოს შინაგან საქმეთა მინისტრის 2007 წლის 27 აგვისტოს ბრძანება №1083 - სსმ III, №117, 20.08.2007 წ., მუხ.1282

6. საქართველოს შინაგან საქმეთა მინისტრის 2007 წლის 22 ოქტომბრის ბრძანება №1370 - სსმ III, №149, 24.10.2007 წ., მუხ.1660

7. საქართველოს შინაგან საქმეთა მინისტრის 2009 წლის 29 სექტემბრის ბრძანება №1186 - სსმ III, №119, 02.10.2009 წ., მუხ.1379

8. საქართველოს შინაგან საქმეთა მინისტრის 2010 წლის 28 სექტემბრის ბრძანება №837 - სსმ III, №126, 01.10.2010 წ., მუხ.1832

 

საქართველოს შინაგან საქმეთა სამინისტროს თანამშრომელთა

დისციპლინური წესდება

    მუხლი 1. წესდების მიზანი

საქართველოს შინაგან საქმეთა სამინისტროს (თანამშრომელთა) დისციპლინური წესდება განსაზღვრავს სისტემის თანამშრომელთა (შემდგომში –თანამშრომელთა) დისციპლინური პასუხისმგებლობისა და წახალისების საფუძვლებს, სახდელებისა და წახალისების სახეებს, საქმისწარმოებისა და თანამშრომელთათვის დისციპლინური სახდელების შეფარდებისა და მოხსნის წესს.

    მუხლი 2. დისციპლინური პასუხისგებლობის საფუძვლები და დისციპლინური გადაცდომის სახეები

1. დისციპლინური გადაცდომის ჩადენისათვის თანამშრომელს ეკისრება დისციპლინური სახდელი.

2. დისციპლინური გადაცდომის სახეებია:

ა) სამსახურებრივ მოვალეობათა შეუსრულებლობა ან არაჯეროვანი შესრულება;

ა^​1) სამსახურებრივი მოვალეობებისადმი დაუდევარი დამოკიდებულება;

ბ) დაწესებულებისათვის ქონებრივი ზიანის მიყენება ან ასეთი ზიანის წარმოშობის საშიშროების შექმნა;

გ) ზნეობრივი ეთიკური ნორმების წინააღმდეგ, მოსამსახურის ან დაწესებულების დისკრედიტაციისაკენ მიმართული უღირსი საქციელი განურჩევლად იმისა, სამსახურშია ჩადენილია თუ მის გარეთ;

დ) თანამდებობასთან შეუთავსებელი საქმიანობა;

ე) თანამშრომლისათვის შეუფერებელი ქმედება, რომელიც ლახავს შინაგან საქმეთა სამინისტროს სისტემის ავტორიტეტს;

ვ) შრომის დისციპლინის დარღვევა;

ზ) ფიცის გატეხვა;

თ) ფორმის ტარების წესის დარღვევა.

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

    მუხლი 3. დისციპლინური პასუხისმგებლობის სახეები

დისციპლინური პასუხისმგებლობის სახეებია:

ა) შენიშვნა;

ბ) საყვედური;

გ) სასტიკი საყვედური;

დ) შსს სამკერდე ნიშნის ჩამორთმევა;

ე) თანამდებობიდან ჩამოქვეითება;

ვ) სპეციალური წოდების I საფეხურით ჩამოქვეითება;

ზ) (ამოღებულია);

თ) შს ორგანოებიდან დათხოვნა.

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

    მუხლი 4. დისციპლინური სახდელების შეფარდებისა და გამოყენების წესები

1. თანამშრომლის მიმართ დისციპლინური სახდელის შეფარდების საკითხის დაყენება შეუძლია მის უშუალო უფროსს წერილობითი ფორმით (წარდგინებით) დისციპლინური სახდელის შეფარდების შესახებ, რასაც თან უნდა ახლდეს დისციპლინური გადაცდომის ამსახველი დასკვნა.

2. დასკვნაში ჩამოყალიბებული უნდა იყოს შემდეგი მონაცემები: თანამშრომლის სახელი და გვარი, თანამდებობა, სახელმწიფო სპეციალური წოდება, შინაგან საქმეთა ორგანოებში და დაკავებულ თანამდებობაზე მუშაობის სტაჟი, დისციპლინური გადაცდომის არსი, მონაცემები, რომლებიც ადასტურებენ გადაცდომის ფაქტს, დასაბუთება შესაძლო დისციპლინური სახდელის შეფარდების თაობაზე, დასკვნის შედგენის თარიღი.

3. დისციპლინური სახდელის შეფარდების უფლება აქვთ შს მინისტრს, შს მინისტრის მოადგილეებს, შინაგან საქმეთა სამინისტროს სტრუქტურული ქვედანაყოფების ხელმძღვანელებს, შინაგან საქმეთა სამინისტროს ტერიტორიული ორგანოების უფროსებს, სამინისტროს მმართველობაში შემავალი საჯარო სამართლის იურიდიული პირების და სახელმწიფო საქვეუწყებო დაწესებულების ხელმძღვანელ პირებს.

4. დისციპლინური სახდელი გამოიყენება გადაცდომის გამოვლენისთანავე, მაგრამ არა უგვიანეს 1 წლისა მისი გამოვლენის დღიდან თანამშრომლის ავადმყოფობის ან შვებულებაში ყოფნის დროის ჩაუთვლელად. დისციპლინური სახდელი არ შეიძლება გამოყენებულ იქნეს გადაცდომის ჩადენის დღიდან 1 წლის გავლის შემდეგ, ხოლო რევიზიის ან საფინანსო-სამეურნეო საქმიანობის შემოწმების შედეგების მიხედვით არა უგვიანეს ორი წლისა მისი ჩადენის დღიდან. ამ ვადაში არ შედის სამსახურებრივი შემოწმებისა და სისხლის სამართლის საქმის წარმოების დრო.

5. დისციპლინური გადაცდომისათვის შეიძლება გამოყენებულ იქნეს მხოლოდ ერთი დისციპლინური სახდელი.

5 ^​1 . პირს, რომელსაც უფლება აქვს გამოიყენოს დისციპლინური პასუხისმგებლობის ზომა, შეუძლია დისციპლინური წარმოების დაწყებიდან 24 საათის განმავლობაში მოხელე ჩამოაშოროს სამსახურს. ასეთი საფუძვლით სამსახურს ჩამოშორებულ მოხელეს უნარჩუნდება თანამდებობრივი სარგო დანამატებთან ერთად.

6. თანამშრომელი შეიძლება დაითხოვონ შინაგან საქმეთა ორგანოებიდან, თუ დისციპლინური გადაცდომის შინაარსი და სიმძიმე, მოსამსახურის წარსული საქმიანობა და რეპუტაცია (მორალური სახე) მიზანშეუწონელს ხდის გადაცდომის ჩამდენმა მუშაობა გააგრძელოს შინაგან საქმეთა სამინისტროს სისტემაში.

7. დისციპლინური სახდელის დადებამდე თანამშრომელს უნდა ჩამოერთვას წერილობითი ახსნა-განმარტება. ახსნა-განმარტების არარსებობის შემთხვევაში წარმოდგენილი უნდა იყოს ოქმი, რომელიც ხელმოწერილი იქნება არანაკლებ ორი თანამშრომლის მიერ.

8. დისციპლინური სახდელის გამოყენებისას გათვალისწინებულ უნდა იქნეს ჩადენილი გადაცდომის შინაარსი და სიმძიმე, შედეგები, აგრეთვე ჩადენის გარემოებები, თანამშრომლის პიროვნება და დამსახურება.

8 ^​1 . ჩადენილი გადაცდომის შინაარსისა და სიმძიმის გათვალისწინებით შეიძლება დადგეს გადაცდომის ჩამდენი პირის უშუალო უფროსის დისციპლინური პასუხისმგებლობის საკითხი.

9. მოქმედი დისციპლინური სახდელის მქონე თანამშრომლის სამსახურებრივი დაწინაურება ან მორიგ წოდებაზე წარდგენა არ შეიძლება.

9 ^​1 . დისციპლინური გადაცდომის ამსახველი დასკვნა და ბრძანება დისციპლინური სახდელის შეფარდების თაობაზე შეიტანება თანამშრომლის პირად საქმეში.

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

საქართველოს შინაგან საქმეთა მინისტრის 2005 წლის 16 აგვისტოს ბრძანება №843 - სსმ III, №96, 17.08.2005 წ., მუხ.1090

საქართველოს შინაგან საქმეთა მინისტრის 2006 წლის 8 დეკემბრის ბრძანება №1451 - სსმ III, №167, 13.12.2006 წ., მუხ.2265

    მუხლი 5. დისციპლინური სახდელების მოხსნის წესი და დისციპლინური სამართალწარმოების ვადები

1. დისციპლინური სახდელი შეიძლება ვადაზე ადრე იქნეს მოხსნილი, თუ თანამშრომელმა არ ჩაიდინა ახალი გადაცდომა და თავი გამოიჩინა, როგორც კეთილსინდისიერმა თანამშრომელმა.

1 ^​1 . ამ მუხლის პირველი პუნქტით განსაზღვრული წესის გარდა დისციპლინური სახდელი ვადაზე ადრე შეიძლება მოიხსნას საქართველოს შინაგან საქმეთა მინისტრის მიერ განსაკუთრებული დამსახურებისათვის.

2. დისციპლინური სახდელის ვადაზე ადრე მოხსნის უფლება აქვს შს მინისტრს, შს მინისტრის მოადგილეებს საკურატორო სფეროების მიხედვით და სამინისტროს მმართველობაში შემავალი საჯარო სამართლის იურიდიული პირებისა და სახელმწიფო საქვეუწყებო დაწესებულების ხელმძღვანელ პირებს, აგრეთვე ტერიტორიული ორგანოს ხელმძღვანელ პირებს (მხოლოდ მათ მიერ დადებული დისციპლინურ სახდელებთან დაკავშირებით). მინისტრის საკურატორო სფეროში შემავალ და ნ აყოფებში დისციპლინური სახდელის ვადაზე ადრე მოხსნის უფლება აქვს ასევე მინისტრის პირ ველ მოადგილეს, ხოლო მისი არყოფნის შემთხვევაში მინისტრის ერთ-ერთ მოადგილეს.

2 ^​1 . დისციპლინური სახდელის ვადაზე ადრე მოხსნის საკითხის დაყენება შეუძლია მის უშუალო უფროსს არგუმენტირებული წერილობითი ფორმით (წარდგინებით) შესაბამისი სამსახურის კურატორი მინისტრის მოადგილესთან შეთანხმებით.

3. დისციპლინური სახდელის ვადაზე ადრე მოხსნა შეიტანება თანამშრომლის პირად საქმეში.

4. თუ თანამშრომელს ერთი წლის ვადაში არ შეეფარდა ახალი დისციპლინური სახდელი, იგი ითვლება დისციპლინური პასუხისმგებლობის არმქონედ.

5. დისციპლინური გადაცდომის უმნიშვნელო ხარისხის ან სხვა მოტივის არსებობისას, თანამშრომლის წინა დამსახურების გათვალისწინებით, დისციპლინური სახდელის ნაცვლად შესაძლებელია გამოყენებულ იქნეს სარეკომენდაციო ბარათი. სარეკომენდაციო ბარათით, ანალოგიური დარღვევების თავიდან  აცილების მიზნით, თანამშრომელს მიეცემა რჩევა-დარიგება მომავალში არსებული პრობლემების აღმოფხვრისა და მისი დაძლევის გზებისა და საშუალებების შესახებ.

6. სარეკომენდაციო ბარათი თავსდება თანამშრომლის პირად საქმეში.

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

საქართველოს შინაგან საქმეთა მინისტრის 2005 წლის 16 აგვისტოს ბრძანება №843 - სსმ III, №96, 17.08.2005 წ., მუხ.1090

საქართველოს შინაგან საქმეთა მინისტრის 2006 წლის 7 თებერვლის ბრძანება №158 - სსმ III, №19, 10.02.2006 წ., მუხ.232

საქართველოს შინაგან საქმეთა მინისტრის 2007 წლის 22 ოქტომბრის ბრძანება №1370 - სსმ III, №149, 24.10.2007 წ., მუხ.1660

საქართველოს შინაგან საქმეთა მინისტრის 2009 წლის 29 სექტემბრის ბრძანება №1186 - სსმ III, №119, 02.10.2009 წ., მუხ.1379

საქართველოს შინაგან საქმეთა მინისტრის 2010 წლის 28 სექტემბრის ბრძანება №837 - სსმ III, №126, 01.10.2010 წ., მუხ.1832

      მუხლი 6. თანამშრომელთა წახალისება და მისი სახეები

 პოლიციელის მიერ სამსახურებრივ მოვალეობათა სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, განსაკუთრებული სირთულის ან მნიშვნელოვანი დავალების შესრულებისათვის გამოიყენება წახალისების შემდეგი ფორმები:

ა) მადლობის გამოცხადება;

ბ) ფულადი პრემია;

გ) ფასიანი საჩუქრით დაჯილდოება;

დ) სამინისტროს სიგელით დაჯილდოება;

ე) სამკერდე ნიშნით დაჯილდოება;

ვ) სამინისტროს მედალიონით დაჯილდოება;

ზ) სამინისტროს მედლით დაჯილდოება;

თ) მორიგი სპეციალური წოდების ვადამდე მინიჭება;

ი) დადებული დისციპლინური სასჯელის ვადამდე მოხსნა;

კ) სამოქალაქო ან სამსახურებრივ-საშტატო იარაღით დაჯილდოება;

ლ) სახელმწიფო ჯილდოზე წარდგენა.

საქართველოს შინაგან საქმეთა მინისტრის 2007 წლის 27 აგვისტოს ბრძანება №1083 - სსმ III, №117, 20.08.2007 წ., მუხ.1282

    მუხლი 7. თანამშრომელთა წახალისებაზე წარდგენა და წახალისების წესი

1. თანამშრომლის წახალისება ხდება სამსახურის უშუალო უფროსის მიერ – წარდგინებით.

2. წარდგინებას თან უნდა ახლდეს თანამშრომლის დახასიათება კონკრეტული, დასაბუთებული დამსახურების მითითებით, რომლის საფუძველზე მას შეიძლება განესაზღვროს წახალისების ერთ-ერთი ფორმა.

3. წახალისების უფლება აქვს შს მინისტრს, მინისტრის მოადგილეებს, შინაგან საქმეთა სამინისტროს სტრუქტურული ქვედანაყოფების ხელმძღვანელებს, შინაგან საქმეთა სამინისტროს ტერიტორიული ორგანოების უფროსებს, სამინისტროს მმართველობაში შემავალი საჯარო სამართლის იურიდიული პირების და სახელმწიფო საქვეუწყებო დაწესებულების ხელმძღვანელ პირებს.

4. წარდგინება წახალისების შესახებ გადაეგზავნება შესაბამის კადრების სამსახურს, რომელიც მასალებს ამზადებს ორი კვირის ვადაში.

5. ბრძანება თანამშრომლის წახალისების შესახებ იგზავნება კუთვნილებისამებრ.

6. წახალისების ნებისმიერი ფორმის გამოყენება შესაძლებელია მიუხედავად იმისა, თუ როდის (რა ვადაში) იქნა თანამშრომელი წახალისებული.

7. თანამშრომლის წახალისების ბრძანება შეიტანება მის პირად საქმეში.

8. წახალისების ნებისმიერი ფორმის გამოყენება არ ზღუდავს დისციპლინური გადაცდომისას თანამშრომლის პასუხისმგებლობის საკითხის განხილვას.

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

საქართველოს შინაგან საქმეთა მინისტრის 2005 წლის 16 აგვისტოს ბრძანება №843 - სსმ III, №96, 17.08.2005 წ., მუხ.1090

საქართველოს შინაგან საქმეთა მინისტრის 2006 წლის 8 დეკემბრის ბრძანება №1451 - სსმ III, №167, 13.12.2006 წ., მუხ.2265

    მუხლი 8. გარდამავალი დებულებანი

1. (ამოღებულია).

2. წახალისებისა და დისციპლინური სახდელის შეფარდება ექვემდებარება აღრიცხვას, რომლის წესს ადგენს საქართველოს შინაგან საქმეთა მინისტრი.

3. დისციპლინურ სახდელთან დაკავშირებული ნებისმიერი განცხადება და საჩივარი დისციპლინური სახდელის შეფარდების კანონიერების შესახებ, განიხილება მოქმედი კანონმდებლობით დადგენილი წესით.

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

საქართველოს შინაგან საქმეთა მინისტრის 2005 წლის 16 აგვისტოს ბრძანება №843 - სსმ III, №96, 17.08.2005 წ., მუხ.1090

 დანართი № 1

იმ პირთა ნუსხა, რომელთაც აქვთ წახალისებათა და დისციპლინურ სახდელთა გამოყენების უფლება

თანამდებობის დასახელება	უფლებები
	წახალისების გამოყენებაში	დისციპლინური სახდელის დადებაში
1	2	3
1. საქართველოს შინაგან საქმეთა მინისტრი	ყველა სახის წახალისების გამოყენება	ყველა სახის დისციპლინური სახდელის დადება-მოხსნა
2. საქართველოს შინაგან საქმეთა მინისტრის პირველი მოადგილე, შინაგან საქმეთა მინისტრის მოადგილეები	მადლობის გამოცხადება, დისციპ ლ ინური სახდელის ვადაზე ადრე მოხსნა, პრემიის ან ფასიანი საჩუქრით დაჯილდოება, რიგითი შემადგენლობის პირთათვის მორიგი სამხედრო ან სპეციალური წოდების ვადაზე ადრე მინიჭება, შსს მოსამსახურეზე საკურატორო სფეროების მიხედვით, გარდა იმ თანამდებობის პირებისა, რომელთა თანამდებობაზე დანიშვნისა და გათავისუფლების უფლება შს მინისტრს მინიჭებული აქვს საქართველოს კანონმდებლობით.	შენიშვნის გამოცხადება, საყვედურის გამოცხადება, სასტიკი საყვედურის გამოცხადება, იმ პირთა სპეციალური წოდების ჩამოქვეითება, შსს მოსამსახურეზე საკურატორო სფეროების მიხედვით, გარდა იმ თანამდებობის პირებისა, რომელთა თანამდებობაზე დანიშვნისა და გათავისუფლების უფლება შს მინისტრს მინიჭებული აქვს საქართველოს კანონმდებლობით. აგრეთვე დაკავებული თანამდებობიდან ჩამოქვეითება და შს ორგანოებიდან დათხოვნა (გათავისუფლება), რომელთა თანამდებობაზე დანიშვნისა და გათავისუფლების უფლება მინიჭებული აქვთ საქართველოს კანონმდებლობით.
3. შინაგან საქმეთა სამინისტროს სტრუქტურული ქვედანაყოფების ხელმძღვანელები, შინაგან საქმეთა სამინისტროს ტერიტორიული ორგანოების უფროსები	მადლობის გამოცხადება, პრემიით დაჯილდოება.	შენიშვნის გამოცხადება, საყვედურის გამოცხადება, სასტიკი საყვედურის გამოცხადება, იმ პირთა სპეციალური წოდების ან დაკავებული თანამდებობიდან ჩამოქვეითება, აგრეთვე შს ორგანოებიდან დათხოვნა (გათავისუფლება), რომელთა თანამდებობაზე დანიშვნისა და გათავისუფლების უფლება მინიჭებული აქვთ საქართველოს კანონმდებლობით.
4. შინაგან საქმეთა სამინისტროს მმართველობაში შემავალი საჯარო სამართლის იურიდიული პირებისა და სახელმწიფო საქვეუწყებო დაწესებულების ხელმძღვანელები	მადლობის გამოცხადება, პრემიით ან ფასიანი საჩუქრით დაჯილდოება.	შენიშვნის გამოცხადება, საყვედურის გამოცხადება, სასტიკი საყვედურის გამოცხადება, იმ პირთა უმცროსი სპეციალური წოდების ან დაკავებული თანამდებობიდან ჩამოქვეითება, აგრეთვე შს ორგანოებიდან დათხოვნა (გათავისუფლება), რომელთა თანამდებობაზე დანიშვნისა და გათავისუფლების უფლება მინიჭებული აქვთ საქართველოს კანონმდებლობით.

 

საქართველოს შინაგან საქმეთა მინისტრის 2004 წლის 10 მარტის ბრძანება №92 - სსმ III, №32, 23.03.2004 წ., მუხ.275

საქართველოს შინაგან საქმეთა მინისტრის 2005 წლის 16 აგვისტოს ბრძანება №843 - სსმ III, №96, 17.08.2005 წ., მუხ.1090

საქართველოს შინაგან საქმეთა მინისტრის 2006 წლის 8 დეკემბრის ბრძანება №1451 - სსმ III, №167, 13.12.2006 წ., მუხ.2265

საქართველოს შინაგან საქმეთა მინისტრის 2010 წლის 28 სექტემბრის ბრძანება №837 - სსმ III, №126, 01.10.2010 წ., მუხ.1832

 

Annotate