„საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ“

სახელმწიფო სარეგისტრაციო კოდი 010.320.020.22.034.007.336

საქართველოს შინაგან საქმეთა მინისტრის

ბრძანება �417

2005 წლის 27 აპრილი

ქ. თბილისი

საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ� საქართველოს კანონის მე-18 მუხლის მე-2 პუნქტის, საქართველოს პრეზიდენტის 2004 წლის 27 დეკემბრის �614 ბრძანებულებით დამტკიცებული საქართველოს შინაგან საქმეთა სამინისტროს დებულების მე-11 პუნქტის ,,კ� და ,,ნ� ქვეპუნქტის საფუძველზე, ვბრძანებ:

1. დამტკიცდეს საქართველოს შინაგან საქმეთა სამინისტროს ადმინისტრაციის თანდართული დებულება.

2. ეს ბრძანება ამოქმედდეს 2005 წლის 3 მაისიდან.

ი. მერაბიშვილი

საქართველოს შინაგან საქმეთა სამინისტროს ადმინისტრაციის

დ ე ბ უ ლ ე ბ ა

თავი I. ზოგადი დებულებანი

��� მუხლი 1. ადმინისტრაციის სტატუსი და ანგარიშვალდებულება

1. საქართველოს შინაგან საქმეთა სამინისტროს (შემდგომში _ სამინისტრო) ადმინისტრაცია (დეპარტამენტი) (შემდგომში _ ადმინისტრაცია) წარმოადგენს სამინისტროს სტრუქტურულ ქვედანაყოფს, რომელიც ასრულებს სამინისტროს დებულებით და ამ დებულებით მასზე დაკისრებულ ამოცანებს.

2. ადმინისტრაცია უშუალოდ ექვემდებარება მინისტრს და ანგარიშვალდებულია მის წინაშე.

��� მუხლი 2. ადმინისტრაციის საქმიანობის სამართლებრივი და ორგანიზაციული საფუძვლები

თავისი საქმიანობის პროცესში ადმინისტრაცია ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, საქართველოს კანონებით, საქართველოს პრეზიდენტის ბრძანებულებებითა და განკარ-გულებებით, საქართველოს მთავრობის დადგენილებებითა და განკარგულებებით, სამინისტროს დებულებით, ამ დებულებით, მინისტრის სხვა ბრძანებებით, აგრეთვე სხვა სამართლებრივი აქტებით.

თავი II. ადმინისტრაციის ამოცანები და კომპეტენცია

��� მუხლი 3. ადმინისტრაციის ამოცანები

ადმინისტრაციის ამოცანებია:

ა) საქმისწარმოების ორგანიზება და საერთო კოორდინაცია;

ბ) საზღვარგარეთის ქვეყნების შესაბამის უწყებებთან და საერთაშორისო ორგანიზაციებთან თანამშრომლობის უზრუნველყოფა;

გ) მასობრივი ინფორმაციის საშუალებებთან და საზოგადოებასთან ურთიერთობების უზრუნველყოფა;

დ) ადამიანის უფლებების დაცვის სფეროში არსებულ დაწესებულებებთან საქმიანობის წარმართვა და სამინისტროს თანამშრომელთა უფლებების დაცვის უზრუნველყოფა;

ე) სამინისტროს ადმინისტრაციულ შენობებში გარეშე პირთა შესვლისა და გასვლის ორგანიზება;

ვ) სამინისტროს და მისი საქვეუწყებო დანაყოფების უწყვეტი სადღეღამისო საქმიანობის ხელშეწყობა;

ზ) საარქივო საქმიანობის წარმოება;

თ) მინისტრისა და მისი მოადგილეების საქმიანობის ხელშეწყობა;

ი) საჯარო ინფორმაციის გაცემის უზრუნველყოფა;

კ) ცნობებისა და ნებართვების გაცემის უზრუნველყოფა;

ლ) ახორციელებს სახელმწიფო ხელისუფლების უმაღლესი ორგანოებისა და თანამდებობის პირების დაშიფრული სატელეგრაფო დოკუმენტალური კავშირით უზრუნველყოფას.

��� მუხლი 4. ადმინისტრაციის კომპეტენცია

ადმინისტრაციის კომპეტენციაა:

ა) საკუთარი კომპეტენციის ფარგლებში სამინისტროს სტრუქტურული ქვედანაყოფებისა და ტერიტორიული ორგანოების საქმიანობის კოორდინაცია;

ბ) სამინისტროში საქმისწარმოების (მათ შორის საიდუმლო საქმისწარმოების) ორგანიზაცია, კოორდინაცია და მეთოდური ხელმძღვანელობა, ამ მიზნით ადმინისტრაციის უფროსის ნებართვით სამინისტროს ქვედანაყოფებში საიდუმლო და არასაიდუმლო საქმისწარმოების გეგმური და არაგეგმური შემოწმება, იმ ბეჭდებისა და შტამპების აღრიცხვა, რომლებიც გამოიყენება სამინისტროს საქმისწარმოებისათვის;

გ) კონტროლზე აყვანილი დოკუმენტების აღრიცხვა, მათი შესრულების კონტროლი და ანალიზი (ვადების მიხედვით);

დ) სამინისტროს კორესპონდენციის მიღება-გაგზავნის უზრუნველყოფა, ადმინისტრაციის დანაყოფების მიერ მომზადებული დოკუმენტების რეგისტრაცია და ადრესატამდე დაგზავნა;

ე) დადგენილი წესით, მოქალაქეთა წინადადებების, განცხადებებისა და საჩივრების მიღება, აღრიცხვა, მათი სამინისტროს ხელმძღვანელობისათვის და შესაბამისი დანაყოფებისათვის დაგზავნა, აღნიშნული დოკუმენტების შესრულების კონტროლი და ანალიზი (ვადების შესაბამისად);

ვ) საზღვარგარეთის ქვეყნების შესაბამის უწყებებთან და საერთაშორისო ორგანიზაციებთან საქმიანი ურთიერთობების დამყარება, მათთან ოფიციალური მიმოწერის წარმოება;

ზ) საქართველოში აკრედიტებულ დიპლომატიურ და საზღვარგარეთის ქვეყნების შესაბამისი უწყებების წარმომადგენლებთან კავშირების დამყარება;

თ) სამინისტროს კომპეტენციას მიკუთვნებულ საკითხებზე საერთაშორისო ხელშეკრულებებისა და შეთანხმებების პროექტების მომზადება;

ი) სამინისტროში შემოსული საერთაშორისო შეთანხმებებისა და ხელშეკრულებების პროექტებზე დასკვნების მომზადება;

კ) სამინისტროს საპროტოკოლო მომსახურების უზრუნველყოფა;

ლ) ადმინისტრაციის უფროსის დავალებით, შესაბამისი კორესპონდენციისა და სამართლებრივი დოკუმენტების თარგმნის უზრუნველყოფა;

მ) სამინისტროში შეხვედრების ზეპირსიტყვიერი თარგმნის უზრუნველყოფა;

ნ) სამინისტროს კომპეტენციის ფარგლებში საერთაშორისო სტრატეგიული პროექტების განხორციელების კოორდინაცია;

ო)�� თავისი კომპეტენციის ფარგლებში სამინისტროს ინტერესების წარმოდგენა საზღვარგარეთის ქვეყნების შესაბამის უწყებებსა და საერთაშორისო ორგანიზაციებში;

პ) მინისტრისა და მისი მოადგილეების თანაშემწეების საქმიანობის კოორდინაცია;

ჟ) მასობრივი ინფორმაციის საშუალებებთან და საზოგადოებრივ ორგანიზაციებთან ურთიერთობის ორგანიზება, პრეს-რელიზების და სხვა საცნობარო მასალის გამოქვეყნება, სამინისტროს ოფიციალური ვებ-გვერდის, ფოტო და ვიდეო არქივის შექმნა და განახლება;

რ) სამინისტროში ადამიანის უფლებების დაცვის საკითხებზე საქართველოს კანონმდებლობის, საქართველოს პრეზიდენტის, საქართველოს მთავრობისა და მინისტრის ცალკეული გადაწყვეტილებების მოთხოვნათა დაცვის მონიტორინგი. სამინისტროს თანამ-შრომელთა უფლებებისა და თავისუფლებების, პატივისა და ღირსების დაცვის ღონისძიებებში მონაწილეობა; დროებითი ყოფნის იზოლატორებში კანონმდებლობის შესაბამისად დაკავებულთა დროებითი განთავსების უზრუნველყოფა;

ს) სამინისტროს ადმინისტრაციულ შენობებში გარეშე პირთა შესვლისა და გასვლის რეჟიმის ორგანიზება;

ტ) საარქივო მასალების მოძრაობაზე კონტროლი;

უ) სამინისტროს საქვეუწყებო დანაყოფებიდან ინფორმაციის დროულად მიღების და მასზე ოპერატიული რეაგირების უზრუნველყოფა;

ფ) რეგისტრირებულ დანაშაულთა სადღეღამისო კრებსების მომზადება და დანიშნულებისამებრ გაგზავნა;

ქ) საგანგებო შემთხვევათა დროს მობილიზაციის მიზნით სამინისტროს სტრუქტურული დანაყოფების ინფორმირება;

ღ) კანონმდებლობით დადგენილი წესით წარმოებით დამთავრებული ოპერატიული აღრიცხვის საქმეების, სისხლის სამართლის საქმეების, საიდუმლო საქმისწარმოების მასალების, ლიტერული საქმეების, ყოფილ თანამშრომელთა საქმეების, ნომენკლატურული მასალების, ფოტო-ვიდეო მასალების მიღება, კომპიუტერული დამუშავება და შენახვა, ასევე მათ მიმოქცევაზე კონტროლი და შესაბამისი საცნობარო ბაზების შექმნა;

ყ) სამინისტროს არქივში არსებულ მასალებთან დაკავშირებით მოქალაქეთა განცხადებების და სახელმწიფოს სხვა ორგანოებიდან შემოსული მიმართვების განხილვა და შესაბამისი პასუხის გაცემა;

შ) ფიზიკური და იურიდიული პირების მოთხოვნის საფუძველზე სამინისტროს სტრუქტურული დანაყოფებიდან საჯარო ინფორმაციის გამოთხოვა და დაინტერესებულ პირთათვის მათი მიწოდება კანონმდებლობით დადგენილი წესით;

ჩ) უფლებამოსილების ფარგლებში სამინისტროს შესაბამისი დანაყოფების მიერ გასაცემი ნებართვებისა (იარაღის ბრუნვასა და სხვა დაკავშირებით) და ცნობების დადგენილი წესით ფიზიკური და იურიდიული პირებისთვის გადაცემის უზრუნველყოფის ორგანიზება;

ც) სამინისტროში გერბიანი ბლანკებისა და ბეჭდების დამზადების, გამოყენებისა და შენახვის კონტროლი;

ძ) თავისი კომპეტენციის ფარგლებში, საქართველოს მოქმედი კანონმდებლობის ან მინისტრის დავალების შესაბამისად სხვა უფლებამოსილებების განხორციელება.

თავი III. ადმინისტრაციის ხელმძღვანელობა

��� მუხლი 5. ადმინისტრაციის უფროსი

1. ადმინისტრაციას ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

2. ადმინისტრაციის უფროსი:

ა) ხელმძღვანელობს და წარმართავს ადმინისტრაციის საქმიანობას და აწესრიგებს ადმინისტრაციის კომპეტენციას მიკუთვნებულ საკითხებს;

ბ) მინისტრს წარუდგენს წინადადებს ადმინისტრაციის სტრუქტურის, საშტატო განრიგისა და საქმიანობის ორგანიზაციის შესახებ;

გ) პასუხისმგებელია კონსტიტუციის და საქართველოს კანონმდებლობის შესრულებაზე იმ სფეროში, რომელიც ადმინისტრაციის კომპეტენციას განეკუთვნება;

დ) მოქმედი კანონმდებლობის საფუძველზე თანამდებობაზე ნიშნავს და დასანიშნად წარუდგენს მინისტრს ადმინისტრაციის თანამშრომელთა შესაბამის კანდიდატურებს;

ე) ამტკიცებს ადმინისტრაციის სამუშაო გეგმებს;

ვ) კანონმდებლობით დადგენილი წესით მინისტრის წინაშე აყენებს ადმინისტრაციის თანამშრომელთა პრემიების, წახალისების ან მათი დისციპლინული პასუხისმგებლობის საკითხებს;

ზ) ხელს აწერს ან ვიზირებას უკეთებს ადმინისტრაციაში მომზადებულ დოკუმენტებს;

თ) ანაწილებს ამოცანებსა და ფუნქციურ მოვალეობებს ადმინისტრაციის დანაყოფებსა და ცალკეულ თანამშრომლებს შორის, აძლევს მათ მითითებებსა და დავალებებს, აუცილებლობის შემთხვევაში ადმინისტრაციის ნებისმიერი დანაყოფიდან ამოიღებს საქმეს და ავალებს მის წარმოებას ადმინისტრაციის სხვა დანაყოფს ან ცალკეულ თანამშრომლებს;

ი) სამინისტროს ხელმძღვანელობის წინაშე შუამდგომლობს იმ სახსრებისა და მატერიალური ფასეულობების გამოყოფის თაობაზე, რომელიც საჭიროა ადმინისტრაციის ამოცანების შესასრულებლად;

კ) მინისტრის მიერ სათანადო უფლებამოსილების მინიჭების შემთხვევაში აფორმებს ხელშეკრულებებს ცალკეულ მაღალკვალიფიციურ სპეციალისტებთან;

ლ) სამინისტროს ხელმძღვანელობას წარუდგენს წინადადებს საკითხებზე, რომლებიც ადმინისტრაციის კომპეტენციას განეკუთვნება;

მ) ყოველწლიურად ან მოთხოვნისამებრ წარუდგენს მინისტრს ანგარიშს ადმინისტრაციის მიერ გაწეული საქმიანობის შესახებ;

ნ) მინისტრის ბრძანების შესაბამისად კოორდინირებას და კონტროლს უწევს სამინისტროს ხელმძღვანელი პირების მიერ მინისტრის ბრძანებებისა და დავალებების შესრულებას;

ო) საქართველოს კანონმდებლობისა და მინისტრის დავალების შესაბამისად ახორციელებს სხვა უფლებამოსილებებს.

��� მუხლი 6. ადმინისტრაციის უფროსის მოადგილე

1. ადმინისტრაციის უფროსს ჰყავს ორი მოადგილე, რომელთაც თანამდებობაზე ნიშნავს და თანამდებობიდან ათავისუფლებს მინისტრი.

2. ადმინისტრაციის უფროსის არყოფნისას უფროსის მოვალეობას მისივე დავალებით ასრულებს ადმინისტრაციის უფროსის ერთ-ერთი მოადგილე.

3. ადმინისტრაციის უფროსის მოადგილე მინისტრის გადაწყვეტილებით იმავდროულად შეიძლება იყოს ერთ-ერთი დანაყოფის უფროსი.

4. ადმინისტრაციის უფროსის ერთ-ერთი მოადგილე კოორდინაციას და კონტროლს უწევს სამინისტროს ქვედანაყოფებში საიდუმლო და არასაიდუმლო საქმისწარმოებას.

5. ადმინისტრაციის უფროსის ერთ-ერთი მოადგილე კოორდინაციას უწევს საზღვარგარეთ სამინისტროს წარმომადგენელთა საქმიანობას, ახორციელებს კონტროლს საზღვარგარეთის ქვეყნების შესაბამის უწყებებთან და საერთაშორისო ორგანიზაციებთან საქმიანი ურთიერთობების დამყარებაზე, აგრეთვე მათთან ოფიციალური მიმოწერის წარმოებაზე და პასუხისმგებელია პრეს-რელიზების და სხვა საცნობარო მასალის გამოქვეყნებაზე, სამინისტროს ოფიციალური ვებ-გვერდის, ფოტო და ვიდეო არქივის შექმნასა და განახლებაზე.

თავი IV. ადმინისტრაციის სტრუქტურული დანაყოფები. მათი ამოცანები და კომპეტენცია

��� მუხლი 7. ადმინისტრაციის სტრუქტურული დანაყოფები

1. ადმინისტრაციის სტრუქტურული დანაყოფებია:

ა) ადამიანის უფლებათა დაცვისა და მონიტორინგის მთავარი სამმართველო;

ბ) საქმისწარმოების ორგანიზებისა და კონტროლის სამმართველო;

გ) საერთაშორისო ურთიერთობების სამმართველო;

დ) საჯარო ინფორმაციის გაცემის ბიურო (სამმართველო);

ე) ინფორმაციისა და საზოგადოებასთან ურთიერთობის სამმართველო;

ვ) ოპერატიულ-სამორიგეო სამსახური;

ზ) სამდივნო (განყოფილება);

თ) სამინისტროს არქივი (განყოფილება);

ი) საშვთა ბიურო (განყოფილება);

კ) საცნობარო ბიურო (განყოფილება);

ლ) დამოუკიდებელ სახელმწიფოთა თანამეგობრობის წევრი ქვეყნების ტერიტორიაზე ჩადენილ ორგანიზებულ და სხვა სახის დანაშაულთან ბრძოლის საკოორდინაციო ბიურო.

2. ადმინისტრაციის სტრუქტურული დანაყოფები იყოფა სტრუქტურულ ქვედანაყოფებად.

��� მუხლი 8. ადმინისტრაციის სტრუქტურული დანაყოფების ამოცანები და კომპეტენცია

1. ადამიანის უფლებათა დაცვისა და მონიტორინგის მთავარი სამმართველოს ამოცანები და კომპეტენცია განისაზღვრება ამ დებულების მე-3 მუხლის ,,დ� ქვეპუნქტით და მე-4 მუხლის ,,რ� და ,,ძ� ქვეპუნქტებით.

2. საქმისწარმოების ორგანიზებისა და კონტროლის სამმართველოს ამოცანები და კომპეტენცია განისაზღვრება ამ დებულების მე-3 მუხლის �ა� ქვეპუნქტით და მე-4 მუხლის ,,ა�, ,,ბ�, ,,გ�, ,,დ�, ,,ე� ,,ც� და ,,ძ� ქვეპუნქტებით.

3. საერთაშორისო ურთიერთობების სამმართველოს ამოცანები და კომპეტენცია განისაზღვრება ამ დებულების მე-3 მუხლის �ბ� ქვეპუნქტით და მე-4 მუხლის ,,ვ�, ,,ზ�, ,,თ�, ,,ი�, ,,კ�, ,,ლ�, ,,მ� ,,ნ�, ,,ო� და ,,ძ� ქვეპუნქტებით.

4. ინფორმაციისა და საზოგადოებასთან ურთიერთობის სამმართველოს ამოცანები და კომპეტენცია განისაზღვრება ამ დებულების მე-3 მუხლის ,,გ� ქვეპუნქტით და მე-4 მუხლის ,,ჟ� და ,,ძ� ქვეპუნქტებით.

5. სამდივნოს (განყოფილების) ამოცანები და კომპეტენცია განისაზღვრება ამ დებულების მე-3 მუხლის ,,თ� ქვეპუნქტით და მე-4 მუხლის ,,ძ� ქვეპუნქტით.

6. სამინისტროს არქივის (განყოფილების) ამოცანები და კომპეტენცია განისაზღვრება ამ დებულების მე-3 მუხლის ,,ზ� ქვეპუნქტით და მე-4 მუხლის ,,ტ�, ,,ღ�, ,,ყ� და ,,ძ� ქვეპუნქტებით.

7. საშვთა ბიუროს ამოცანები და კომპეტენცია განისაზღვრება ამ დებულების მე-3 მუხლის ,,ე� ქვეპუნქტით და მე-4 მუხლის ,,ს� და ,,ძ� ქვეპუნქტებით.

8. ოპერატიულ-სამორიგეო სამსახურის ამოცანები და კომპეტენცია განისაზღვრება ამ დებულების მე-3 მუხლის ,,ვ� და ,,ლ� ქვეპუნქტებით და მე-4 მუხლის ,,ფ� ,,ქ� და ,,ძ� ქვეპუნქტებით.

9. საჯარო ინფორმაციის გაცემის ბიუროს ამოცანები და კომპეტენცია განისაზღვრება ამ დებულების მე-3 მუხლის ,,ი� ქვეპუნქტით და მე-4 მუხლის ,,შ� და ,,ძ� ქვეპუნქტებით.

10. საცნობარო ბიუროს ამოცანები და კომპეტენცია განისაზღვრება ამ დებულების მე-3 მუხლის ,,კ� ქვეპუნქტით და მე-4 მუხლის ,,ჩ� და ,,ძ� ქვეპუნქტებით.

11. დროებითი ყოფნის იზოლატორი კანონმდებლობის შესაბამისად უზრუნველყოფს დაკავებულთა დროებით განთავსებას.