“საჯარო სამრთლის იურიდიული პირის- “ზურაბ ჟვანიას სახელობის სახელმწიფო ადმინისტრირების სკოლის” წესდების დამტკიცების შესახებ”

სახელმწიფო სარეგისტრაციო კოდი 040.030.000.22.022.007.634

საქართველოს განათლებისა და მეცნიერების მინისტრის

ბრძანება №411

2005 წლის 18 აგვისტო

ქ. თბილისი

,,საჯარო სამართლის იურიდიული    პირის _ ,,ზურაბ ჟვანიას სახელობის სახელმწიფო ადმინისტრირების სკოლის” წესდების დამტკიცების შესახებ”

,,საჯარო სამართლის იურიდიული პირის შესახებ” საქართველოს კანონის მე-6 მუხლის და ,,საჯარო სამართლის იურიდიული პირის _ ,,ზურაბ ჟვანიას სახელობის სახელმწიფო ადმინისტრირების სკოლის” დაფუძნების” შესახებ საქართველოს პრეზიდენტის 2005 წლის 10 ივნისის №476 ბრძანებულების მე-2 პუნქტის ,,ბ” ქვეპუნქტის შესაბამისად:

1. დამტკიცდეს ,,საჯარო სამართლის იურიდიული პირის _ ,,ზურაბ ჟვანიას სახელობის სახელმწიფო ადმინისტრირების სკოლის” თანდართული წესდება.

2. ბრძანება ამოქმედდეს გამოქვეყნებისთანავე.

ა. ლომაია

შეტანილი ცვლილებები:

1. საქართველოს განათლებისა და მეცნიერების მინისტრის 2006 წლის 11 ოქტომბრის ბრძანება №856 - სსმ III, №142, 16.10.2006  წ.,მუხ.1866

2. საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

3. საქართველოს განათლებისა და მეცნიერების მინისტრის 2011 წლის 23 ივნისის ბრძანება №109/ნ - 27.06.2011 წ.

 

საჯარო სამართლის იურიდიული პირის – ,,ზურაბ ჟვანიას სახელობის სახელმწიფო ადმინისტრირების სკოლის” წესდება

თავი I. ზოგადი დებულებანი

    მუხლი 1. ზურაბ ჟვანიას სახელობის სახელმწიფო ადმინისტრირების სკოლის სტატუსი და მისია

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

1. ზურაბ ჟვანიას სახელობის სახელმწიფო ადმინისტრირების სკოლა (შემდგომში – სკოლა) არის საჯარო სამართლის იურიდიული პირი, რომელიც იქმნება ქვეყანაში დასაქმებულ პირთა პროფესიული დონის ამაღლების, აგრეთვე პროფესიული განვითარებისათვის აუცილებელი საგანმანათლებლო პროგრამებისა და ღონისძიებების განხორციელებისათვის, რაც ხელს შეუწყობს საქართველოში სამოქალაქო საზოგადოების ჩამოყალიბებას, დემოკრატიული ინსტიტუტების განვითარებასა და ზოგადად პროფესიონალიზმის ზრდას. აღნიშნული ღონისძიებების განხორციელებისას სკოლა მნიშვნელოვნად გაამახვილებს ყურადღებას ეროვნული უმცირესობების წარმომადგენელ მოქალაქეებზე, მათი სამოქალაქო ინტეგრაციის ხელშეწყობის მიზნით. სკოლის მისიაა შესთავაზოს მსმენელებს ისეთი სახის საგანმანათლებლო და პროფესიული დონის ამაღლების პროგრამები, რომლებიც უზრუნველყოფენ დასაქმებულ პირთა საბაზო ცოდნის შექმნას, რაც აუცილებელია ხარისხიანი და საზოგადოების მოთხოვნებს მისადაგებული სამსახურის მიწოდებისათვის. ეროვნული უმცირესობების წარმომადგენელი მოქალაქეებისათვის განახორციელებს სახელმწიფო ენის შემსწავლელი პროგრამებით უზრუნველყოფას.

2. სკოლა თავის საქმიანობას ახორციელებს საქართველოს კონსტიტუციის, საქართველოს კანონმდებლობისა და ამ წესდების შესაბამისად.

3. სკოლის სრული სახელწოდებაა ,,საჯარო სამართლის იურიდიული პირი – ზურაბ ჟვანიას სახელობის სახელმწიფო ადმინისტრირების სკოლა”.

4. დასახული მიზნებისა და დაკისრებული ფუნქციების განხორციელების მიზნით სკოლას აქვს სპეციალური უფლებაუნარიანობა. იგი საკუთარი სახელით იძენს საქართველოს კანონმდებლობით გათვალისწინებულ უფლებებსა და მოვალეობებს, დებს გარიგებებს და შეუძლია სასამართლოში გამოვიდეს მოსარჩელედ და მოპასუხედ.

5. სკოლას აქვს ბეჭედი, შტამპი, დამოუკიდებელი წლიური ბალანსი, ანგარიშები ბანკში (მათ შორის სავალუტო) და საჯარო სამართლის იურიდიული პირის სხვა ატრიბუტიკა.

6. სკოლის იურიდიული მისამართია: ქუთაისი, ნიკეას ქუჩა №13.

    მუხლი 2. (ამოღებულია)

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

    მუხლი 3. სკოლის მიერ განსახორციელებელი ღონისძიებები

პირველი მუხლით გათვალისწინებული მისიის განსახორციელებლად სკოლა უზრუნველყოფს:

ა) სწავლების მიმართულებების, სასწავლო გეგმებისა და პროგრამების შერჩევა-შემუშავებასა და დამტკიცებას;

ბ) სასწავლო კურსის ნუსხის შედგენას და დამტკიცებას ქვეყანაში არსებულ მოთხოვნათა გათვალისწინებით;

გ) კავშირის დამყარებას სხვა საგანმანათლებლო და სამეცნიერო-კვლევით დაწესებულებებთან როგორც ქვეყნის შიგნით, ისე საზღვარგარეთ;

დ) დასაქმებულ პირთა პროფესიულ მომზადებას, გადამზადებასა და კვალიფიკაციის ამაღლებას;

 ე) კონკრეტული საგანმანათლებლო პროგრამების შესაქმნელად და განსახორციელებლად საექსპერტო ჯგუფების მოწვევას;

 ვ) მსმენელთა ჯგუფების სასწავლო პროცესში მონაწილეობისათვის საორგანიზაციო საქმიანობების განხორციელებას;

ზ) სემინარების, კონფერენციებისა და შეხვედრების ორგანიზებას;

თ) ეროვნული უმცირესობების წარმომადგენელ მოქალაქე ებისათვის ქართული ენის შესწავლას , ამ მიზნით უფლებამოსილია ეროვნული უმცირესობების წარმომადგენელ ი  მოქალაქე ებით მჭიდროდ დასახლებულ  რეგიონებში გახსნას წარმომადგენლობები.

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07. 2010 წ.,მუხ.1132

საქართველოს განათლებისა და მეცნიერების მინისტრის 2011 წლის 23 ივნისის ბრძანება №109/ნ - 27.06.2011 წ.

    მუხლი 4. სასწავლო პროცესი

სკოლის სასწავლო პროცესისა და პროფესიული პრქტიკული მუშაობის ორგანიზაციის ფორმები დგინდება სკოლის შინაგანაწესით, რომელსაც დირექტორის წარდგინებით ამტკიცებს რეგენტთა საბჭო. სკოლის შინაგანაწესით განისაზღვრება სკოლაში მსმენელთა მიღების წესები, სწავლების პირობები და ხანგძლივობა, სასწავლო რეჟიმის, სასწავლო პროცესის შიდა კონტროლის ფორმები, სკოლის სტრუქტურული ერთეულების (დირექციისა და ტექნიკური პერსონალის) ფუნქციები და სხვა.

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

    მუხლი 5. მიღების წესი

1. სკოლაში მიიღებიან უმაღლესი, პროფესიული და სრული ზოგადი განათლების მქონე დასაქმებული პირები საქართველოს განათლებისა და მეცნიერების სამინისტროს მიერ რეკომენდებული პრიორიტეტების შესაბამისად.

2. სკოლაში მსმენელთა ჩარიცხვა ხდება კონკურსის საფუძველზე.

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

    მუხლი 6. სერტიფიკატი

სკოლა მსმენელის მიერ პროგრამის წარმატებით ათვისების შემთხვევაში გასცემს შესაბამის სერტიფიკატს.

თავი II. სკოლის მართვა

    მუხლი 7. სკოლის სტრუქტურა

1. სკოლის სტრუქტურა შედგება მართვის ორგანოებისაგან (დირექტორი და რეგენტთა საბჭო), რომელთა ფუნქციები განისაზღვრება ამ წესდებითა და მოქმედი კანონმდებლობით, დირექციისა და ტექნიკური პერსონალისაგან.

2. დირექციისა და ტექნიკური პერსონალის ფუნქციები განისაზღვრება სკოლის შინაგანაწესით.

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

    მუხლი 8. სკოლის დირექტორი

1. სკოლის მიმდინარე საქმიანობას წარმართავს სკოლის დირექტორი, რომელსაც თანამდებობაზე ნიშნავს და ათავისუფლებს საქართველოს განათლებისა და მეცნიერების მინისტრი.

2. დირექტორი:

ა) მოქმედი კანონმდებლობის, ამ დებულებისა და სკოლის რეგენტთა საბჭოს მიერ დამტკიცებული წლიური სამოქმედო გეგმის შესაბამისად უძღვება სკოლის ყოველდღიურ საქმიანობას;

ბ) დებს შრომით ხელშეკრულებებს რეგენტთა საბჭოს მიერ ღია კონკურსის საფუძველზე შერჩეულ მასწავლებლებთან, ადმინისტრაციის თანამშრომლებთან და ტექნიკურ პერსონალთან.

გ) წარმოადგენს სკოლას სკოლის საქმიანობასთან დაკავშირებულ მესამე პირებთან ურთიერთობისას;

დ) რეგენტთა საბჭოს დასამტკიცებლად წარუდგენს სამოქმედო გეგმის ფარგლებში განსახორციელებელ პროგრამებსა და მათი შესრულების გეგმებს, სკოლის შინაგანაწესს;

ე) განკარგავს თანხებს რეგენტთა საბჭოს მიერ დამტკიცებული ბიუჯეტის შესაბამისად.

ვ) ამტკიცებს სკოლის საშტატო განრიგს და სახელფასო ფონდს საქართველოს განათლებისა და მეცნიერების სამინისტროსთან შეთანხმებით;

ზ) სკოლის სახელით ხსნის და ხურავს საბანკო ანგარიშებს;

თ) პირადი ხელმოწერით ადასტურებს ცენტრის დოკუმენტაციას;

ი) ანიჭებს პირს სკოლის წარმომადგენლობას და განსაზღვრავს მის ფარგლებს;

კ) სკოლის სახელით ამყარებს კავშირს სხვა, მათ შორის, საზღვარგარეთის საგანმანათლებლო და სამეცნიერო-კვლევით, არასამთავრობო დაწესებულებებთან;

ლ) თავისი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს;

მ) ახორციელებს კანონმდებლობით დადგენილ სხვა უფლებამოსილებებს.

5. დირექტორი პერსონალურად აგებს პასუხს:

ა) განათლების სფეროში მოქმედი ნორმატიული აქტების შესრულებაზე;

ბ) სკოლის საკუთრებაში არსებულ ქონებაზე და ფულადი სახსრების სწორად და მიზნობრივ ხარჯვაზე;

გ) სასწავლო, სამეცნიერო და საორგანიზაციო-ფინანსური საქმიანობის ხარისხსა და დონეზე.

6. გარდამავალ ეტაპზე დირექტორი ვალდებულია გაწეული საქმიანობის შესახებ ყოველწლიური ანგარიში წარადგინოს საქართველოს განათლებისა და მეცნიერების სამინისტროში კანონმდებლობით დადგენილი წესით.

7. სკოლის დირექტორი დანიშვნიდან 2 კვირის ვადაში საქართველოს განათლებისა და მეცნიერების სამინისტროში წარმოადგენს შესათანხმებლად დირექტორის მოადგილის კანდიდატურას.

8. სკოლის დირექტორის მოადგილის კომპეტენცია განისაზღვრება სკოლის დირექტორის ინდივიდუალური ადმინისტრაციულ-სამართლებრივი აქტით.

9. სკოლის ახალი დირექტორის დანიშვნა იწვევს სკოლის დირექტორის მოადგილის უფლებამოსილების შეწყვეტას.

საქართველოს განათლებისა და მეცნიერების მინისტრის 2006 წლის 11 ოქტომბრის ბრძანება №856 - სსმ III, №142, 16.10.2006  წ.,მუხ.1866

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

    მუხლი 9. რეგენტთა საბჭო             

1. სკოლის მართვის მიზნით იქნება რეგენტთა საბჭო (შემდგომში – საბჭო) 3 წევრის შემადგენლობით, რომლებსაც ნიშნავს და ათავისუფლებს საქართველოს განათლებისა და მეცნიერების მინისტრი.

2. საბჭო ირჩევს თავმჯდომარეს თავისი შემადგენლობიდან, რომელიც ხელმძღვანელობს საბჭოს საქმიანობას.

3. საბჭოს რეგულარული სხდომები იმართება სამ თვეში ერთხელ მაინც. საბჭოს რიგგარეშე სხდომა შეიძლება მოწვეულ იქნეს სკოლის დირექტორის ან საბჭოს თავმჯდომარის ინიციატივით.

4. საბჭოს სხდომა უფლებამოსილია, თუ მას ესწრება საბჭოს წევრთა ნახევარზე მეტი. გადაწყვეტილება მიღებულად ითვლება, თუ მას მხარს დაუჭერს სხდომაზე დამსწრე წევრთა ნახევარზე მეტი. ხმების თანაბრად გაყოფის შემთხვევაში გადამწყვეტია საბჭოს თავმჯდომარის ხმა.

5. საბჭო:

ა) დირექტორის წარდგინებით ამტკიცებს სკოლის შინაგანაწესს;

ბ) ყოველწლიურად ამტკიცებს სკოლის სამოქმედო გეგმას სკოლის დირექტორის ან საკუთარი ინიციატივით;

გ) სკოლის დირექტორის წარდგინებით სამოქმედო გეგმის ფარგლებში ყოველწლიურად ამტკიცებს გნსახორციელებელ პროგრამებს და მათი შესრულების გეგმებს, სკოლის ბიუჯეტს;

დ) მოიზიდავს დაფინანსებას საერთაშორისო და ადგილობრივი დონორებიდან;

ე) ამტკიცებს სკოლის დირქეტორის მიერ წარდგენილ კვარტალურ და წლიურ ანგარიშებს;

ვ) კონტროლს უწევს საქმოქმედო გეგმის განხორციელებასა და სახსრების მიზნობრივ ხარჯვას;

ზ) ამზადებს წინადადებებს სკოლის წესდებაში ცვლილებებისა და დამატებების შესატანად;

თ) ახორციელებს სასწავლო გეგმების, პროგრამების შემუშავებას, განხილვასა და დამტკიცებას და სასწავლო და მეთოდური ლიტერატურის განხილვასა და დამტკიცებას;

ი) ახორციელებს სკოლის საორგანიზაციო და სტრუქტურული დანაყოფების საქმიანობის ეფექტურ შეფასებას;

კ) ახორციელებს საქართველოს კანონმდებლობით მინიჭებულ სხვა უფლებამოსილებებს.

საქართველოს განათლებისა და მეცნიერების მინისტრის 2006 წლის 11 ოქტომბრის ბრძანება №856 - სსმ III, №142, 16.10.2006  წ.,მუხ.1866

საქართველოს განათლებისა და მეცნიერების მინისტრის 2010 წლის 30 ივნისის ბრძანება №53/ნ - სსმ III, №78, 02.07.2010 წ.,მუხ.1132

    მუხლი 10. სკოლის მსმენელთა და თანამშრომელთა უფლება-მოვალეობები

სკოლის მსმენელთა და თანამშრომელთა უფლება-მოვალეობები განისაზღვრება სკოლის შინაგანაწესით, შესაბამისად, სკოლასა და თანამშრომელსა და სკოლასა და მსმენელს შორის დადებული ხელშეკრულებებით.

 

თავი III. სკოლის ქონება და დაფინანსება

    მუხლი 11. სკოლის ქონება

1. სკოლის წესდებით გათვალისწინებული ამოცანების განსახორციელებლად სახელმწიფოსგან გადაეცემა ქონება უსასყიდლო უზურფრუქტის წესით.

2. საქართველოს კანონმდებლობით დადგენილი წესით, თავისი მიზნებიდან გამომდინარე, სკოლა იძენს, ფლობს და სარგებლობს ქონებით და განკარგავს ფინანსურ სახსრებს, წყვეტს მის კომპეტენციაში შემავალ სხვა საკითხებს.

    მუხლი 12. სკოლის დაფინანსება

1. სკოლის დაფინანსების წყაროებია:

ა) სახელმწიფო ბიუჯეტიდან გამოყოფილი მიზნობრივი სახსრები;

ბ) ხელშეკრულების საფუძველზე შესრულებული სამუშაოდან მიღებული შემოსავალი;

გ) შემოწირულობები და გრანტები;

დ) კანონმდებლობით დადგენილი სხვა შემოსავლები.

2. სკოლის შემოსავლები მთლიანად ხმარდება მისი ფუნქციების შესრულებასა და დასახული მიზნების განხორციელებას.

    მუხლი 13. საქმიანობა, რომელიც საჭიროებს თანხმობას

1. განათლებისა და მეცნიერების სამინისტროს თანხმობით სკოლამ შეიძლება განახორციელოს შემდეგი საქმიანობა:

ა) უძრავი ქონების შეძენა, გასხვისება და დატვირთვა;

ბ) სესხის აღება;

გ) თავდებობა;

დ) საშტატო განრიგისა და სახელფასო ფონდის განსაზღვრა;

ე) სხვა გადაწყვეტილება საჯარო სამართლის იურიდიული პირის ქონებასთან დაკავშირებით, თუ ის სცილდება ჩვეულებრივი საქმიანობის ფარგლებს.

2. ამ მუხლის მეორე პუნქტის ,,ბ” და ,,გ” ქვეპუნქტებით გათვალისწინებლ საქმიანობათა განსახორციელებლად საჭიროა საქართველოს ფინანსთა სამინისტროს თანხმობა.

3. ამ მუხლის მე-2 პუნქტის ,,ა” და ,,ე”ქვეპუნქტებით გათვალისწინებული საქმიანობის გახორციელება საჭიროებს საქართველოს ეკონომიკური განვითარების სამინისტროს თანხმობა.

    მუხლი 14. საბუღალტრო ანგარიშგება

1. სკოლა ვალდებულია საქართველოს კანონმდებლობით დადგენილი წესით აწარმოს საფინანსო-ეკონომიკური საქმიანობის აღიცხვა-ანგარიშგება, შეადგინოს ბალანსი და დასამტკიცებლად წარუდგინოს განათლებისა და მეცნიერების სამინისტროს.

2. სკოლის წლიურ ბალანსს ამოწმებს საქრთველოს განათლებისა და მეცნიერების სამინისტროს მიერ დანიშნული დამოუკიდებელი აუდუტორი.

    მუხლი 15. სახელმწიფო კონტროლი

1. სკოლა ექვემდებარება სახელმწიფო კონტროლს.

 2. სკოლის სახელმწიფო კონტროლი გულისხმობს მისი საქმიანობის კანონიერების, მიზანშეწონილობის, ეფექტურობისა და საფინანსო-ეკონომიკური საქმიანობის ზედამხედველობას, რომელსაც ახორციელებს განათლებისა და მეცნიერების სამინისტრო.

3. საქართველოს განათლებისა და მეცნიერების სამინისტროს უფლება აქვს სკოლას მოსთხოვოს კონტროლის გასახორციელებლად საჭირო მასალებისა და ინფორმაციის წარმოდგენა.

    მუხლი 16. წესდებაში ცვლილებების შეტანა, რეორგანიზაცია, ლიკვიდაცია

1. სკოლის წესდებაში ცვლილებებისა და დამატებების შეტანა, სკოლის რეორგანიზაცია და ლიკვიდაცია ხორციელდება საქართველოს კანონმდებლობის შესაბამისად.

2. სკოლის ლიკვიდაციის შედეგად დარჩენილი ქონება გადადის სახელმწიფო საკუთრებაში.

    მუხლი 17. გარდამავალი დებულებები

1. 2006 წლის 1 ოქტომბრამდე საქართველოს პრეზიდენტის სახელმწიფო მიზნობრივი პროგრამით გათვალისწინებული საჯარო მოხელეთა სასწავლო პროგრამას ამტკიცებს განათლებისა და მეცნიერების სამინისტრო სკოლის სამეთვალყურეო საბჭოს მონაწილეობით.

2. 2006 წლის 1 ოქტომბრამდე სკოლაში მსმენელთა მიღებას ახორციელებს საქართველოს განათლებისა და მეცნიერების სამინისტრო კონკურსის საფუძველზე.

3. საქართველოს პრეზიდენტის სახელმწიფო მიზნობრივი პროგრამის ფარგლებში სკოლის ფუნქციონირების დაწყებასთან დაკავშირებული ორგანიზაციული საკითხების მოგვარებას უზრუნველყოფს საქართველოს განათლებისა და მეცნიერების სამინისტრო.

 

Annotate