საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ

„სახელმწიფო რეესტრის შესახებ“ საქართველოს კანონის 121 მუხლის შესაბამისად, ვბრძანებ:

1. დამტკიცდეს საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულება.

2. განისაზღვროს საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურების სამოქმედო ტერიტორია (დანართი №1).

3. ეს ბრძანება ამოქმედდეს გამოქვეყნებისთანავე.

გ. ქავთარაძე

შეტანილი ცვლილებები:

1. საქართველოს იუსტიციის მინისტრის 2006 წლის 17 აპრილის ბრძანება №410-სსმIII, №54, 19.04.2006წ.; მუხ.665

2. საქართველოს იუსტიციის მინისტრის 2006 წლის 25 აგვისტოს ბრძანება №698-სსმIII, №117, 31.08.2006წ.; მუხ.1583

3. საქართველოს იუსტიციის მინისტრის 2006 წლის 15 სექტემბრის ბრძანება №725-სსმIII, №127, 15.09.2006წ.; მუხ.1685

4. საქართველოს იუსტიციის მინისტრის 2006 წლის 14 ნოემბრის ბრძანება №763-სსმIII, №154, 16.11.2006წ.; მუხ.2135

5. საქართველოს იუსტიციის მინისტრის 2007 წლის 4 აპრილის ბრძანება №92-სსმIII, №47, 04.04.2007წ.; მუხ.530

6. საქართველოს იუსტიციის მინისტრის 2007 წლის 5 ივნისის ბრძანება №161-სსმIII, №79, 05.06.2007წ.; მუხ.846

7. საქართველოს იუსტიციის მინისტრის 2007 წლის 29 ნოემბრის ბრძანება №367-სსმIII, №169, 29.11.2007წ.; მუხ.1884

8. საქართველოს იუსტიციის მინისტრის 2007 წლის 14 დეკემბრის ბრძანება №393-სსმIII, №177, 14.12.2007წ.; მუხ.1960

9. საქართველოს იუსტიციის მინისტრის 2008 წლის 18 აპრილის ბრძანება №116-სსმIII, №59, 18.04.2008წ.; მუხ.676

10. საქართველოს იუსტიციის მინისტრის 2008 წლის 20 ოქტომბრის ბრძანება №238-სსმIII, №153, 20.10.2008წ.; მუხ.1517

11. საქართველოს იუსტიციის მინისტრის 2009 წლის 23 იანვრის ბრძანება №17-სსმIII, №9, 23.01.2009წ.; მუხ.87

12. საქართველოს იუსტიციის მინისტრის 2009 წლის 27 აპრილის ბრძანება №85-სსმIII, №51, 28.04.2009წ.; მუხ.583

13. საქართველოს იუსტიციის მინისტრის 2009 წლის 14 ივლისის ბრძანება №132-სსმIII, №86, 14.07.2009წ.; მუხ.928

14. საქართველოს იუსტიციის მინისტრის 2009 წლის 18 აგვისტოს ბრძანება №169-სსმIII, №103, 19.08.2009წ.; მუხ.1147

15. საქართველოს იუსტიციის მინისტრის 2009 წლის 16 ნოემბრის ბრძანება №213-სსმIII, №141, 18.11.2009წ.; მუხ.1631

16. საქართველოს იუსტიციის მინისტრის 2010 წლის 10 თებერვლის ბრძანება №31-სსმIII, №16, 11.02.2010წ.; მუხ.191

17. საქართველოს იუსტიციის მინისტრის 2010 წლის 17 თებერვლის ბრძანება №37-სსმIII, №19, 18.02.2010წ.; მუხ.224

18. საქართველოს იუსტიციის მინისტრის 2010 წლის 26 თებერვლის ბრძანება №42-სსმIII, №23, 26.02.2010წ.; მუხ.298

19. საქართველოს იუსტიციის მინისტრის 2010 წლის 29 მარტის ბრძანება №67-სსმIII, №33, 31.03.2010წ.; მუხ.510

საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულება

მუხლი 1. ზოგადი დებულებები

1. ეს დებულება განსაზღვრავს სამოქალაქო რეესტრის სააგენტოს ტერიტორიული სამსახურის (შემდგომში – სამსახურის) უფლებამოსილებას, სტრუქტურასა და სამოქმედო ტერიტორიას.

2. ტერიტორიული სამსახური თავისი საქმიანობის განხორციელების პროცესში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, ამ დებულებითა და სხვა საკანონმდებლო აქტებით.

3. ტერიტორიული სამსახურის კონტროლს ახორციელებს სამოქალაქო რეესტრის სააგენტო (შემდგომში – სააგენტო).

4. ტერიტორიულ სამსახურს აქვს გარკვეული რაოდენობის ბეჭდები, საქართველოს სახელმწიფო გერბის გამოსახულებით და შტამპები, რომელთა აღწერილობას და სტანდარტულ ნიმუშებს ამტკიცებს სააგენტოს თავმჯდომარე.

5. ტერიტორიულ სამსახურს აქვს კოდური აღნიშვნა, რომელსაც ამტკიცებს სააგენტოს თავმჯდომარე.

მუხლი 2. ტერიტორიული სამსახურის კომპეტენცია

1. ტერიტორიული სამსახურის კომპეტენციას განეკუთვნება:

ა) დაბადების, ქორწინების, განქორწინების, მამობის დადგენის, შვილად აყვანის, სახელის, მამის სახელის, გვარის, მოქალაქეობის შეცვლისა და გარდაცვალების ფაქტების რეგისტრაცია;

ა¹. დაბადების, გარდაცვალების, დაბადების და გარდაცვალების რეგისტრაციის იურიდიული მნიშვნელობის მქონე ფაქტების დადგენა;

ბ) სამოქალაქო აქტების ჩანაწერების შესწორება, შეცვლა, აღდგენა და გაუქმება;

ბ¹) სახელის, მამის სახელის, გვარის შეცვლა;

ბ²) გვარის შესწორება (აღდგენა) და დადგენა;

გ) სამოქალაქო აქტების რეგისტრაციის თაობაზე განმეორებითი მოწმობებისა და ცნობების გაცემა;

გ¹) ქორწინების დამაბრკოლებელი გარემოებების არარსებობის შესახებ ცნობის გაცემა;

დ) სამოქალაქო აქტების შესახებ საარქივო ფონდის შექმნა, აღრიცხვა და შენახვა;

ე) სამოქალაქო აქტების ჩანაწერებისა და რეგისტრაციის მოწმობების ბლანკების შენახვასა და გამოყენებაზე კონტროლი;

ე¹) საქართველოს მოქალაქეობის დადგენა;

ვ) საქართველოს მოქალაქეთა და საქართველოში მცხოვრებ უცხოელთა რეგისტრაცია, რეგისტრაციიდან და საკონსულო აღრიცხვიდან მოხსნა, შესაბამისი პირადობის და ბინადრობის მოწმობების გაცემა და შეცვლა;

ზ) საქართველოს მოქალაქის პასპორტის, სამსახურებრივი პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტის და ლტოლვილის სამგზავრო დოკუმენტის:

ზ.ა) გაცემის (შეცვლის) შესახებ განცხადების მიღება და განხილვა;

ზ.ბ) დამზადება;

ზ.გ) დაინტერესებული პირისთვის გადაცემა;

ზ¹) სააგენტოს კომპეტენციას მიკუთვნებული ადმინისტრაციულ სამართალდარღვევათა საქმეების განხილვა და ადმინისტრაციული სახდელების შეფარდება;

თ) ამოღებულია;

ი) პირადობის დადასტურებისა და პასპორტის გაცემის სფეროში საარქივო ფონდის შექმნა, აღრიცხვა და შენახვა;

ი¹) მოქალაქეობისა და მიგრაციის სამმართველოსთვის გადასაგზავნად საქართველოს მოქალაქეობის საკითხებზე დაინტერესებული პირების განცხადებებისა და თანდართული დოკუმენტების მიღება;

ი²) საინფორმაციო ბარათების გაცემა;

ი³) კანონმდებლობით დადგენილი წესით, უცხო სახელმწიფოში გასაგზავნად განკუთვნილი, საქართველოში გაცემული დოკუმენტების გაფორმება – ლეგალიზაცია და აპოსტილით დამოწმება;

კ) კანონმდებლობით გათვალისწინებული სხვა საქმიანობის განხორციელება.

1¹. სამოქალაქო რეესტრის სააგენტოს გლდანის, დიდუბე-ჩუღურეთის, ვაკის, ისანი-სამგორის, მთაწმინდა-კრწანისის, ნაძალადევის, საბურთალოს, ამბროლაურის, ახალქალაქის, ბოლნისის, ზუგდიდის, თელავის, მარნეულის, მცხეთის, ნინოწმინდის, ოზურგეთის, რუსთავის, ახალციხის, გორის, ჭიათურის და ხელვაჩაურის სამსახურები ახორციელებენ ამ მუხლის პირველი პუნქტით (გარდა „ი³“ ქვეპუნქტისა) გათვალისწინებულ უფლებამოსილებებს.

2. ამოღებულია.

2¹. სამოქალაქო რეესტრის სააგენტოს ახალგორის სამსახური ახორციელებს ამ მუხლის პირველი პუნქტით გათვალისწინებულ უფლებამოსილებებს, გარდა საინფორმაციო ბარათების და ბინადრობის მოწმობების გაცემისა.

2². სააგენტოს ტერიტორიული სამსახურები კანონმდებლობით გათვალისწინებული წესით იღებენ „იძულებით გადაადგილებულ პირთა – დევნილთა შესახებ“ საქართველოს კანონით განსაზღვრულ დევნილთა განცხადებებს საქართველოს მოქალაქის პირადობის მოწმობის გაცემის შესახებ, რომლებსაც უგზავნიან აფხაზეთისა და ცხინვალის ტერიტორიულ სამსახურებს პირადობის მოწმობის დასამზადებლად. სააგენტოს ტერიტორიული სამსახურები ასევე ახორციელებენ აღნიშნული წესით დამზადებული პირადობის მოწმობების გადაცემას დევნილებზე.

2³. სამოქალაქო რეესტრის სააგენტოს ბათუმისა და ქუთაისის სამსახურები კანონმდებლობით გათვალისწინებული წესით ახორციელებენ ამ მუხლის პირველი პუნქტით გათვალისწინებულ უფლებამოსილებებს.

3. სამოქალაქო რეესტრის სააგენტოს აბაშის, ადიგენის, ასპინძის, ახალგორის, ახმეტის, ბაღდათის, ბორჯომის, გარდაბნის, გურჯაანის, დედოფლისწყაროს, დმანისის, დუშეთის, ვანის, ზესტაფონის, თერჯოლის, თეთრიწყაროს, თიანეთის, კასპის, ლაგოდეხის, ლანჩხუთის, ლენტეხის, მარტვილის, მესტიის, ონის, საგარეჯოს, სამტრედიის, საჩხერის, სენაკის, სიღნაღის, ტყიბულის, ფოთის, ქარელის, ყაზბეგის, ყვარლის, ჩოხატაურის, ჩხოროწყუს, ცაგერის, წალენჯიხის, წალკის, წყალტუბოს, ხონის, ხარაგაულის, ხაშურის, ხობის, ქობულეთის, ქედის, ხულოს, შუახევის სამსახურები ახორციელებენ ამ მუხლის პირველი პუნქტით (გარდა პირველი პუნქტის „ზ.ბ“ და „ი³“ ქვეპუნქტებისა) გათვალისწინებულ უფლებამოსილებებს.

4. სამოქალაქო რეესტრის სააგენტოს აფხაზეთის სამსახური ახორციელებს ამ მუხლის პირველი პუნქტის მხოლოდ „ე¹“, „ვ“, „ზ¹“, „ი”, „ი¹“, „ი²“ და „კ“ ქვეპუნქტებით გათვალისწინებულ უფლებამოსილებებს, გარდა უცხოელთა რეგისტრაციის, რეგისტრაციიდან მოხსნისა და ბინადრობის მოწმობის გაცემისა.

4¹. სამოქალაქო რეესტრის სააგენტოს ცხინვალის სამსახური ახორციელებს ამ მუხლის პირველი პუნქტით გათვალისწინებულ უფლებამოსილებებს, გარდა „ე¹“, „ზ“, „ი¹“–„ი³“ ქვეპუნქტებით გათვალისწინებული უფლებამოსილებებისა და უცხოელთა რეგისტრაციის, რეგისტრაციიდან მოხსნის და ბინადრობის მოწმობის გაცემისა.

5. სამოქალაქო რეესტრის სააგენტოს ქ. თბილისის №1 და №3 ქორწინების სახლები, ქ. რუსთავის და ქ. ბათუმის ქორწინების სახლები ამ მუხლის პირველი პუნქტით გათვალისწინებული უფლებამოსილებებიდან ახორციელებენ მხოლოდ ქორწინების რეგისტრაციას.

6. სამოქალაქო რეესტრის სააგენტოს სამოქალაქო აქტების ცენტრალური არქივისა და ქ. თბილისის არქივის კომპეტენციაში შედის:

ა) სააგენტოს ტერიტორიული სამსახურების მიერ რეგისტრირებული სამოქალაქო აქტების ჩანაწერების პირველი ან მეორე ეგზემპლარების შენახვა და ქრონოლოგიური წესით ფორმირება;

ბ) სააგენტოს ტერიტორიული სამსახურების შეტყობინების საფუძველზე შესაბამის არქივში არსებული სამოქალაქო აქტების ჩანაწერების პირველ ან მეორე ეგზემპლარში შესაბამისი აღნიშვნის შეტანა, არქივში არსებული სამოქალაქო აქტების ჩანაწერების მეორე ეგზემპლარების შესაბამისობაში მოყვანა სამოქალაქო აქტის ჩანაწერის პირველ ეგზემპლართან;

გ) შესაბამის არქივში არსებული სამოქალაქო აქტების ჩანაწერის პირველი ან მეორე ეგზემპლარის საფუძველზე სამოქალაქო აქტების რეგისტრაციის განმეორებითი მოწმობების გაცემა კანონმდებლობით გათვალისწინებული წესით;

დ) სამოქალაქო აქტის ჩანაწერის არსებობის ან არარსებობის თაობაზე ცნობის გაცემა კანონმდებლობით გათვალისწინებული წესით;

ე) კანონმდებლობით განსაზღვრულ სახელმწიფო ორგანოების მოთხოვნის საფუძველზე შესაბამის არქივში არსებული სამოქალაქო აქტის ჩანაწერის ასლის გაცემა;

ვ) სამოქალაქო აქტების შესახებ საარქივო ფონდის შექმნა, აღრიცხვა და შენახვა;

ზ) კანონმდებლობით გათვალისწინებული სხვა საქმიანობის განხორციელება.

7. სამოქალაქო რეესტრის სააგენტოს საინფორმაციო-სამისამართო ბიუროს კომპეტენციაში შედის:

ა) სააგენტოს ტერიტორიული სამსახურებიდან მიღებული სარეგისტრაციო ბარათებისა (ფორმა №4) და რეგისტრაციიდან მოხსნის ბარათების (ფორმა №5) დამუშავება და შენახვა ერთიან საინფორმაციო კარტოთეკაში;

ბ) სახელმწიფო ორგანოების მოთხოვნის საფუძველზე საინფორმაციო ბარათების გაცემა;

გ) სააგენტოს ტერიტორიული სამსახურების ინფორმაციული უზრუნველყოფა;

დ) საქართველოს სამართალდამცავი ორგანოების, საქართველოს საგარეო საქმეთა სამინისტროს საკონსულო დაწესებულებებისა და სხვა სახელმწიფო ორგანოების მოთხოვნის საფუძველზე ფიზიკურ პირთა საიდენტიფიკაციო მონაცემებისა და სამისამართო ცნობების მიწოდება კანონმდებლობით გათვალისწინებული წესით;

ე) ამოღებულია;

ვ) ამოღებულია;

ზ) კანონმდებლობით გათვალისწინებული სხვა საქმიანობის განხორციელება.

8. ბიომეტრიული დოკუმენტების პერსონალიზაციის თბილისის, ქუთაისის და ხელვაჩაურის ცენტრების კომპეტენციაში შედის ბიომეტრიული მონაცემების შემცველი დოკუმენტების შევსება (პერსონალიზაცია).

საქართველოს იუსტიციის მინისტრის 2006 წლის 25 აგვისტოს ბრძანება №698-სსმIII, №117, 31.08.2006წ.; მუხ.1583

საქართველოს იუსტიციის მინისტრის 2006 წლის 15 სექტემბრის ბრძანება №725-სსმIII, №127, 15.09.2006წ.; მუხ.1685

საქართველოს იუსტიციის მინისტრის 2006 წლის 14 ნოემბრის ბრძანება №763-სსმIII, №154, 16.11.2006წ.; მუხ.2135

საქართველოს იუსტიციის მინისტრის 2007 წლის 4 აპრილის ბრძანება №92-სსმIII, №47, 04.04.2007წ.; მუხ.530

საქართველოს იუსტიციის მინისტრის 2007 წლის 5 ივნისის ბრძანება №161-სსმIII, №79, 05.06.2007წ.; მუხ.846

საქართველოს იუსტიციის მინისტრის 2007 წლის 29 ნოემბრის ბრძანება №367-სსმIII, №169, 29.11.2007წ.; მუხ.1884

საქართველოს იუსტიციის მინისტრის 2007 წლის 14 დეკემბრის ბრძანება №393-სსმIII, №177, 14.12.2007წ.; მუხ.1960

საქართველოს იუსტიციის მინისტრის 2008 წლის 18 აპრილის ბრძანება №116-სსმIII, №59, 18.04.2008წ.; მუხ.676

საქართველოს იუსტიციის მინისტრის 2008 წლის 20 ოქტომბრის ბრძანება №238-სსმIII, №153, 20.10.2008წ.; მუხ.1517

საქართველოს იუსტიციის მინისტრის 2009 წლის 23 იანვრის ბრძანება №17-სსმIII, №9, 23.01.2009წ.; მუხ.87

საქართველოს იუსტიციის მინისტრის 2009 წლის 27 აპრილის ბრძანება №85-სსმIII, №51, 28.04.2009წ.; მუხ.583

საქართველოს იუსტიციის მინისტრის 2009 წლის 14 ივლისის ბრძანება №132-სსმIII, №86, 14.07.2009წ.; მუხ.928

საქართველოს იუსტიციის მინისტრის 2009 წლის 18 აგვისტოს ბრძანება №169-სსმIII, №103, 19.08.2009წ.; მუხ.1147

საქართველოს იუსტიციის მინისტრის 2009 წლის 16 ნოემბრის ბრძანება №213-სსმIII, №141, 18.11.2009წ.; მუხ.1631

საქართველოს იუსტიციის მინისტრის 2010 წლის 10 თებერვლის ბრძანება №31-სსმIII, №16, 11.02.2010წ.; მუხ.191

საქართველოს იუსტიციის მინისტრის 2010 წლის 17 თებერვლის ბრძანება №37-სსმIII, №19, 18.02.2010წ.; მუხ.224

საქართველოს იუსტიციის მინისტრის 2010 წლის 26 თებერვლის ბრძანება №42-სსმIII, №23, 26.02.2010წ.; მუხ.298

საქართველოს იუსტიციის მინისტრის 2010 წლის 29 მარტის ბრძანება №67-სსმIII, №33, 31.03.2010წ.; მუხ.510

მუხლი 3. ტერიტორიული სამსახურის ხელმძღვანელობა

1. ტერიტორიული სამსახურის უფროსს თანამდებობაზე ნიშნავს სააგენტოს თავმჯდომარე საქართველოს იუსტიციის მინისტრთან შეთანხმებით, ხოლო ათავისუფლებს შეთანხმების გარეშე, გარდა ამ მუხლის 1¹ პუნქტით გათვალისწინებული შემთხვევისა.

1¹. ტერიტორიული სამსახურის უფროსის გათავისუფლება უნდა შეთანხმდეს საქართველოს იუსტიციის მინისტრთან მხოლოდ იმ შემთხვევაში, თუ გათავისუფლება ხდება დამსაქმებლის ინიციატივით.

2. სამსახურის უფროსი ანგარიშვალდებულია სააგენტოს თავმჯდომარისა და, სამოქმედო სფეროს განაწილების მიხედვით, თავმჯდომარის მოადგილის წინაშე.

3. სამსახურის უფროსი:

ა) ხელმძღვანელობს სამსახურის საქმიანობას;

ბ) ანაწილებს მოვალეობებს სამსახურის მოსამსახურეებს შორის, აძლევს მათ მითითებებსა და დავალებებს;

გ) თვალყურს ადევნებს და აკონტროლებს მოსამსახურეების მიერ თავიანთი სამსახურებრივი მოვალეობების შესრულებას;

დ) საკუთარი კომპეტენციის ფარგლებში ხელმოწერით ადასტურებს და ვიზას ადებს სამსახურში მომზადებულ დოკუმენტებს;

დ¹) გამოსცემს ინდივიდუალურ ადმინისტრაციულ-სამართლებრივ აქტს – ბრძანებას;

ე) ყოველთვიურად, არა უგვიანეს მომდევნო თვის 10 რიცხვისა, სააგენტოში წარადგენს ინფორმაციას სამსახურის მიერ გაწეული მუშაობის შესახებ;

ვ) შესაბამისი მოთხოვნის არსებობისას დაუყოვნებლივ აწვდის სააგენტოს დამატებით ინფორმაციას სამსახურის მუშაობის თაობაზე;

ზ) წარუდგენს სააგენტოს ხელმძღვანელობას წინადადებებს სამსახურის მოსამსახურეებისათვის პრემიის დანიშვნის, მათი წახალისების ან მათთვის დისციპლინური პასუხისმგებლობის დაკისრების შესახებ;

თ) შუამდგომლობს იმ სახსრებისა და ინვენტარის გამოყოფის თაობაზე, რომლებიც საჭიროა სამსახურის ამოცანების შესასრულებლად;

ი) პასუხისმგებელია სამსახურზე დაკისრებული ამოცანებისა და ფუნქციების შესრულებაზე;

კ) სამსახურებრივი მოვალეობის განხორციელებისას გამოდის სასამართლოში სათანადო რწმუნების გარეშე და ასრულებს საქართველოს სამოქალაქო და ადმინისტრაციული საპროცესო კოდექსით გათვალისწინებულ ყველა შესაბამის მოქმედებას, მათ შორის, შეუძლია მთლიანად ან ნაწილობრივ უარი თქვას სასარჩელო მოთხოვნაზე და გაასაჩივროს სასამართლოს გადაწყვეტილება;

ლ) ახორციელებს ამ დებულებითა და სხვა საკანონმდებლო აქტებით გათვალისწინებულ ფუნქციებს.

4. სამსახურის უფროსს შეიძლება ჰყავდეს მოადგილე, რომელსაც თანამდებობაზე ნიშნავს და თანამდებობიდან ათავისუფლებს სააგენტოს თავმჯდომარე.

5. სამსახურის უფროსის არყოფნის შემთხვევაში, მოადგილე ხელმძღვანელობს სამსახურის საქმიანობას და ახორციელებს ამ მუხლის მე-3 პუნქტით გათვალისწინებულ უფლებამოსილებებს, ასევე, სამსახურის უფროსის დავალებით ასრულებს სამსახურის უფროსის კონკრეტულ დავალებებს.

6. სამსახურის უფროსის და უფროსის მოადგილის არყოფნის შემთხვევაში, სამსახურის უფროსის მოვალეობის შემსრულებელი განისაზღვრება სააგენტოს თავმჯდომარის ბრძანებით.

მუხლი 4. ტერიტორიული სამსახურის სტრუქტურა

1. სამსახურს შეიძლება ჰქონდეს სტრუქტურული ერთეული – სამსახურის განყოფილება (შემდგომში – განყოფილება).

2. განყოფილებას ხელმძღვანელობს განყოფილების უფროსი, რომელსაც თანამდებობაზე ნიშნავს და თანამდებობიდან ათავისუფლებს სააგენტოს თავმჯდომარე.

3. განყოფილების უფროსი ანგარიშვალდებულია სამსახურის უფროსის, სააგენტოს თავმჯდომარისა და სამოქმედო სფეროს განაწილების მიხედვით, თავმჯდომარის მოადგილის წინაშე.

4. განყოფილების უფროსი:

ა) ხელმძღვანელობს განყოფილების საქმიანობას;

ბ) ანაწილებს მოვალეობებს განყოფილების მოსამსახურეებს შორის, აძლევს მათ მითითებებსა და დავალებებს;

გ) თვალყურს ადევნებს და აკონტროლებს განყოფილების მოსამსახურეების მიერ თავიანთი სამსახურებრივი მოვალეობების შესრულებას;

დ) საკუთარი კომპეტენციის ფარგლებში ხელმოწერით ადასტურებს და ვიზას ადებს განყოფილებაში მომზადებულ დოკუმენტებს;

ე) ყოველთვიურად, არა უგვიანეს მომდევნო თვის 5 რიცხვისა, სამსახურის უფროსს წარუდგენს ინფორმაციას განყოფილების მიერ გაწეული მუშაობის შესახებ;

ვ) შესაბამისი მოთხოვნის არსებობისას დაუყონებლივ აწვდის სამსახურის უფროსს და სააგენტოს დამატებით ინფორმაციას განყოფილების მუშაობის თაობაზე;

ზ) წარუდგენს სამსახურის უფროსს წინადადებებს განყოფილების მოსამსახურეებისათვის პრემიის დანიშვნის, მათი წახალისების ან მათთვის დისციპლინური პასუხისმგებლობის დაკისრების შესახებ;

თ) შუამდგომლობს იმ სახსრებისა და ინვენტარის გამოყოფის თაობაზე, რომლებიც საჭიროა განყოფილების ამოცანების შესასრულებლად;

ი) პასუხისმგებელია განყოფილებაზე დაკისრებული ამოცანებისა და ფუნქციების შესრულებაზე;

კ) სამსახურებრივი მოვალეობის განხორციელებისას გამოდის სასამართლოში სათანადო რწმუნების გარეშე და ასრულებს საქართველოს სამოქალაქო და ადმინისტრაციული საპროცესო კოდექსით გათვალისწინებულ ყველა შესაბამის მოქმედებას, მათ შორის შეუძლია მთლიანად ან ნაწილობრივ უარი თქვას სასარჩელო მოთხოვნაზე და გაასაჩივროს სასამართლოს გადაწყვეტილება;

5. ტერიტორიული სამსახურის მოსამსახურეებს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს სააგენტოს თავმჯდომარე.

მუხლი 5. ტერიტორიული სამსახურების სამოქმედო ტერიტორია

1. სამოქალაქო რეესტრის სააგენტოს ტერიტორიული სამსახურების, რომლებიც ქ. თბილისში ახორციელებენ დებულების მე-2 მუხლის პირველი პუნქტით (გარდა „ზ“ ქვეპუნქტისა) გათვალისწინებულ უფლებამოსილებებს, სამოქმედო ტერიტორიაა:

ა) გლდანის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე სოფელი გლდანი და ზაჰესი;

ბ) დიდუბე-ჩუღურეთის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია;

გ) ვაკის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე წყნეთი, ბეთანია და ახალდაბა;

დ) ისანი-სამგორის სამსახური: საქართველოს ცენტრალური საარჩევრო კომისიის დადგენილებით განსაზღვრული შესაბამისი საარჩევნო ოლქების ტერიტორია, ასევე დიდი ლილო და პატარა ლილო;

ე) მთაწმინდა-კრწანისის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე წავკისი, კოჯორი, ოქროყანა, შინდისი და ტაბახმელა;

ვ) ნაძალადევის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია;

ზ) საბურთალოს სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე სოფელი დიღომი და მუხათგვერდი;

თ) ამოღებულია;

ი) ამოღებულია.

2. სამოქალაქო რეესტრის სააგენტოს ტერიტორიული სამსახურების (რომლებიც ახორციელებენ ამ დებულების მე-2 მუხლის პირველი პუნქტით (გარდა „ზ“ და „ი²“ ქვეპუნქტებისა) გათვალისწინებულ უფლებამოსილებებს) სამოქმედო ტერიტორიაა შესაბამისი მუნიციპალიტეტის (თვითმმართველი ქალაქის) ტერიტორია.

3. ამ დებულების მე-2 მუხლის 1¹ პუნქტით გათვალისწინებული სამოქალაქო რეესტრის სააგენტოს ტერიტორიული სამსახურები ამ დებულების მე-2 მუხლის პირველი პუნქტის „ზ“ ქვეპუნქტით გათვალისწინებული უფლებამოსილების განხორციელებისას არ არიან შეზღუდულნი სამოქმედო ტერიტორიით, პასპორტის გაცემას (შეცვლას) ახორციელებს შესაბამისი უფლებამოსილების მქონე სამოქალაქო რეესტრის სააგენტოს ნებისმიერი ტერიტორიული სამსახური, რომელსაც მიმართავს განმცხადებელი.

3¹. სამოქალაქო რეესტრის სააგენტოს ტერიტორიული სამსახურები ამ დებულების მე-2 მუხლის პირველი პუნქტის „ი²“ ქვეპუნქტით გათვალისწინებული უფლებამოსილების განხორციელებისას არ არიან შეზღუდულნი სამოქმედო ტერიტორიით. საინფორმაციო ბარათების გაცემას ახორციელებს შესაბამისი უფლებამოსილების მქონე სამოქალაქო რეესტრის სააგენტოს ნებისმიერი ტერიტორიული სამსახური, რომელსაც მიმართავს განმცხადებელი.

4. საქართველოში მუდმივად მცხოვრებ მოქალაქეობის არმქონე პირთა სამგზავრო პასპორტს გასცემს მხოლოდ სამოქალაქო რეესტრის სააგენტოს საბურთალოს სამსახური.

4¹. სამსახურებრივ პასპორტს გასცემს სამოქალაქო რეესტრის სააგენტოს მხოლოდ დიდუბე-ჩუღურეთის, ქუთაისისა და ბათუმის სამსახურები.

4². ლტოლვილის სამგზავრო დოკუმენტს გასცემს მხოლოდ სამოქალაქო რეესტრის სააგენტოს დიდუბე-ჩუღურეთისა და ახმეტის სამსახურები.

5. ამოღებულია.

6. ლტოლვილის დროებით ბინადრობის მოწმობას „ლტოლვილთა შესახებ“ საქართველოს კანონით დადგენილი წესით ლტოლვილად ცნობილ პირებზე გასცემენ მხოლოდ სამოქალაქო რეესტრის სააგენტოს დიდუბე-ჩუღურეთის და ახმეტის სამსახურები.

7. აფხაზეთის ავტონომიური რესპუბლიკის ტერიტორიაზე საქართველოს იურისდიქციის სრულად აღდგენამდე, „იძულებით გადაადგილებულ პირთა – დევნილთა შესახებ“ საქართველოს კანონით განსაზღვრულ დევნილებზე, აგრეთვე აფხაზეთის ავტონომიური რესპუბლიკის ტერიტორიაზე ამჟამად მცხოვრებ მოსახლეობაზე პირადობის მოწმობას გასცემს (შეცვლის) სამოქალაქო რეესტრის სააგენტოს აფხაზეთის სამსახური.

8. სამოქალაქო რეესტრის სააგენტოს ცხინვალის სამსახურის სამოქმედო ტერიტორია განისაზღვრება ქურთას თემით, ქალაქი ცხინვალით, ყოფილი ცხინვალის, ჯავისა და ზნაურის რაიონებით, ერედვისა და თიღვის თემებით.

9. ამოღებულია.

10. ამოღებულია.

11. ამოღებულია.

12. სამოქალაქო რეესტრის სააგენტოს ტერიტორიული სამსახურები ქორწინების რეგისტრაციის უფლებამოსილების განხორციელებისას არ არიან შეზღუდულნი სამოქმედო ტერიტორიით. ქორწინების რეგისტრაცია წარმოებს დასაქორწინებელ პირთა მიერ არჩეული ადგილის მიხედვით.

მუხლი 6. დასკვნითი დებულებები

ამ დებულების გაუქმება, მასში ცვლილებებისა და დამატებების შეტანა ხორციელდება კანონმდებლობით დადგენილი წესით, საქართველოს იუსტიციის მინისტრის ბრძანებით.

დანართი №1 (ამოღებულია)

საქართველოს იუსტიციის მინისტრის 2006 წლის 17 აპრილის ბრძანება №410-სსმIII, №54, 19.04.2006წ.; მუხ.665

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საჯარო სამართლის იურიდიული პირის-სამოქალაქო რეესტრის სააგენტოს ტერიტორიული სამსახურის ტიპიური დებულების დამტკიცების და სამოქმედო ტერიტორიის განსაზღვრის შესახებ“, №213, 30.01.2006, სარეგისტრაციო კოდი 040.030.000.22.027.008.070 (კონსოლიდირებული რედაქცია 29.03.2010). ხელმისაწვდომია: https://legali.ge/law/62770-19/

შემდგომი ცვლილებები (28)

წინა ცვლილებები (19)

დოკუმენტის ტექსტი

მუხლი 1. ზოგადი დებულებები🔗

მუხლი 2. ტერიტორიული სამსახურის კომპეტენცია🔗

მუხლი 3. ტერიტორიული სამსახურის ხელმძღვანელობა🔗

მუხლი 4. ტერიტორიული სამსახურის სტრუქტურა🔗

მუხლი 5. ტერიტორიული სამსახურების სამოქმედო ტერიტორია🔗

მუხლი 6. დასკვნითი დებულებები🔗

როგორ დავიმოწმოთ