საკონტროლო-სალარო აპარატის ჩეკთან გათანაბრებული დოკუმენტების წარმოების და რეგისტრაციის წესების დამტკიცების თობა

სახელმწიფო სარეგისტრაციო კოდი 200.250.000.22.033.008.207

საქართველოს ფინანსთა

მინისტრის ბრძანება №148

2006 წლის 27 თებერვალი

ქ. თბილისი

 საკონტროლო-სალარო აპარატის ჩეკთან გათანაბრებული დოკუმენტების წარმოების და რეგისტრაციის წესების დამტკიცების თაობაზე

 საქართველოს საგადასახადო კოდექსის მე-3 მუხლის პირველი ნაწილის და 971 მუხლის მე-3 ნაწილის საფუძველზე, ვბრძანებ:

1. დამტკიცდეს საკონტროლო-სალარო აპარატის ჩეკთან გათანაბრებული დოკუმენტების წარმოების და რეგისტრაციის წესი თანდართულ დანართებთან ერთად (დანართი №1, №2 და №3).

2. ბრძანება ამოქმედდეს გამოქვეყნებისთანავე.

ა. ალექსიშვილი

 

შეტანილი ცვლილებები:

1. საქართველოს ფინანსთა მინისტრის 2010 წლის 1 ივნისის ბრძანება №440-სსმIII, №63, 04.06.2010წ.; მუხ.941

2. საქართველოს ფინანსთა მინისტრის 2010 წლის 29 ივლისის ბრძანება №614-სსმIII, №93, 30.07.2010წ.; მუხ.1376

საკონტროლო-სალარო აპარატის ჩეკთან გათანაბრებული დოკუმენტების წარმოების და რეგისტრაციის წესი

    მუხლი 1. ზოგადი დებულებანი

ეს წესები შემუშავებულია საქართველოს საგადასახადო კოდექსის მე-3 მუხლის პირველი ნაწილის, 971 მუხლის მე-3 ნაწილის საფუძველზე და განსაზღვრავს საკონტროლო-სალარო აპარატის ჩეკთან გათანაბრებული დოკუმენტების წარმოებისა და რეგისტრაციის პროცედურებს.

    მუხლი 2. საკონტროლო-სალარო აპარატის ჩეკთან გათანაბრებული დოკუმენტები და მათი წარმოების წესი

1. პირებმა, რომლებიც საქონლის/მომსახურების მიწოდებას და ნაღდი ფულის მიღებას ახორციელებენ მომხმარებლის ტერიტორიაზე (სახლებში, ორგანიზაციებში, საწარმოებში) საქმიანობის ამ ნაწილში განხორციელებული ნაღდი ფულადი ანგარიშსწორების დასაფიქსირებლად, საკონტროლო-სალარო აპარატის (შემდგომში – სსა) ნაცვლად შეიძლება გამოიყენონ ამ ბრძანებით დადგენილი წესით რეგისტრირებული ჩეკთან გათანაბრებული დოკუმენტები (შემდგომში – ჩგდ).

2. ჩგდ-ის გამოყენებისათვის აუცილებელია, რომ საქონლის/მომსახურების მიწოდების და ამ საქონლის/მომსახურების ღირებულების ანაზღაურების ადგილს წარმოადგენდეს მომხმარებლის ერთი და იგივე ტერიტორია. იმ შემთხვევაში, თუ მიწოდებულ საქონელზე/მომსახურებაზე ხდება საგადასახადო ა/ფაქტურის გამოწერა, მიმწოდებელი თავისუფლდება როგორც სსა-ის გამოყენებისაგან, ასევე ჩგდ-ის გამოწერის ვალდებულებისაგან.

3. ჩგდ წარმოადგენს ტიპოგრაფიული წესით დაბეჭდილ საბუღალტრო აღრიცხვის პირველად დოკუმენტს, რომელიც შეიცავს ინფორმაციას მომხმარებლისგან ნაღდი ფულის მიღების ფაქტისა და მასთან დაკავშირებული სხვა მონაცემების შესახებ. დღის განმავლობაში გამოწერილი ჩგდ-ების მიხედვით გამოიწერება ერთი შემოსავლის ორდერი, სადაც უნდა აისახოს ამ ჩგდ-ების მიხედვით მიღებული თანხების ჯამური მაჩვენებელი.

4. ჩეკთან გათანაბრებულად ჩაითვლება მხოლოდ ის დოკუმენტი, რომელიც აკმაყოფილებს ყველა ქვემოთ ჩამოთვლილ პირობას:

ა) ჩგდ-ის ბლანკი შეიცავს შემდეგი რეკვიზიტების ამსახველ გრაფებს:

ა.ა) დოკუმენტის ნომრის (სადაც ტიპოგრაფიული წესით ჩაბეჭდილია დოკუმენტისათვის განკუთვნილი ნომერი);

ა.ბ) დოკუმენტის შედგენის თარიღის;

ა.გ) გადასახადის გადამხდელის (სადაც ტიპოგრაფიული წესით ჩაბეჭდილია საქონლის მიმწოდებლის/მომსახურების გამწევის საიდენტიფიკაციო ნომერი, მისი იურიდიული მისამართი და საქონტაქტო ტელეფონების გრაფა);

ა.დ) მიწოდებული საქონლის/ გაწეული მომსახურების შინაარსის და ღირებულების ამსახველი;

ა.ე) საქონლის/მომსახურების მიმღები პირის რეკვიზიტების (დასახელება/სახელი, გვარი და საიდენტიფიკაციო ნომერი/პირადი ნომერი);

ა.ვ) ფულის მიღებაზე პასუხისმგებელი პირის ხელმოწერის;

ბ) ამ პუნქტის „ა“ ქვეპუნქტის მოთხოვნათა გათვალისწინებით ჩგდ-ის ბლანკის ნიმუში უნდა იყოს რეგისტრირებული საგადასახადო ორგანოში;

გ) მომხმარებელზე ჩგდ-ს გაცემისას შევსებული უნდა იყოს ამ პუნქტის „ა“ ქვეპუნქტში მითითებული ყველა რეკვიზიტის გრაფა.

4^​1. საქართველოს საგადასახადო კოდექსის 168-ე მუხლის პირველი ნაწილის „ლ“ ქვეპუნქტის მე-13 სტრიქონში აღნიშნული საქმიანობის განმახორციელებელი პირების მიერ საქონლის/მომსახურების მიწოდებისას, თუ საქონლის/მომსახურების მიმღები ფიზიკური პირია და იგი უარს აცხადებს ამავე მუხლის მე-4 პუნქტის „ა.ე“ ქვეპუნქტში აღნიშნულ გრაფაში ჩასაწერი რეკვიზიტების გაცხადებაზე, აღნიშნულ გრაფაში შესაძლებელია ჩაიწეროს ავტომობილის სერია და ნომერი.

5. დასაშვებია ჩგდ მოიცავდეს გადასახადის გადამხდელისათვის საჭირო სხვა დამატებით გრაფებსაც.

6. ჩგდ შეიძლება იყოს როგორც ერთმანეთთან დაკავშირებული თვითკოპირებადი ეგზემპლარების ფორმით (რომლის არანაკლებ ერთი პირი გადაეცემა მომხმარებელს), ასევე ერთი ფურცლის ფორმით, რომლის მოსახევი ნაწილი გადაეცემა მომხმარებელს. ასეთ შემთხვევაში, ამ მუხლით ჩგდ-ის ბლანკისათვის დადგენილი რეკვიზიტები უნდა იყოს განთავსებული როგორც გადასახადის გადამხდელთან, ასევე მომხმარებელთან დასატოვებელ ბლანკის ნაწილზე.

7. ჩგდ-ზე არ ვრცელდება მკაცრი აღრიცხვის ფორმების მიმართ საქართველოს კანონმდებლობით დადგენილი მოთხოვნები.

8. ჩგდ-ების წარმოება გულისხმობს ჩგდ-ების მიმოქცევასთან დაკავშირებული პროცესების აღრიცხვას. იგი მოიცავს:

ა) ტიპოგრაფიულ ან შესაბამისი საწარმოს მიერ ჩგდ-ის დაბეჭდვის/მოწოდების თაობაზე გაცემულ შესაბამის დოკუმენტებს, სადაც ასახული იქნება ჩგდ-ის რაოდენობა მათი ნუმერაციის დიაპაზონის მითითებით;

ბ) პასუხისმგებელი პირის განსაზღვრას, რომელიც კონტროლს გაუწევს ჩგდ-ების მიღებასთან, თანამშრომლებზე მათ გაცემასთან/დაბრუნებასთან დაკავშირებული პროცესების (გაცემის თარიღი, რაოდენობა, ნუმერაციის დიაპაზონი) და შევსებული ჩგდ-ების აღრიცხვას;

გ) გადასახადის გადამხდელის მიერ იმ თანამშრომლების განსაზღვრას, რომლებსაც ექნებათ ჩგდ-ების გაცემის უფლებამოსილება.

საქართველოს ფინანსთა მინისტრის 2010 წლის 1 ივნისის ბრძანება №440-სსმIII, №63, 04.06.2010წ.; მუხ.941

საქართველოს ფინანსთა მინისტრის 2010 წლის 29 ივლისის ბრძანება №614-სსმIII, №93, 30.07.2010წ.; მუხ.1376

    მუხლი 3. საკონტროლო-სალარო აპარატის ჩეკთან გათანაბრებული დოკუმენტების საგადასახადო ორგანოში რეგისტრაციის წესი

1. პირი, რომელიც საქონლის/მომსახურების მიწოდებას და ნაღდი ფულის მიღებას ახორციელებს მომხმარებლის ტერიტორიაზე (სახლებში, ორგანიზაციებში, საწარმოებში) ჩგდ-ის რეგისტრაციის მიზნით, წერილობითი განცხადებით ან ელექტრონული შეტყობინებით მიმართავს საგადასახადო ორგანოს საგადასახადო აღრიცხვის ადგილის მიხედვით (დანართი №1). ამასთან, ელექტრონული შეტყობინებით მიმართვის შემთხვევაში გადასახადის გადამხდელის ან წარმომადგენლის ხელმოწერის ნაცვლად ჩაიწერება მისი სახელი და გვარი.

2. საგადასახადო ორგანოში წარდგენილ წერილობით განცხადებაში ან ელექტრონულ შეტყობინებაში უნდა აღინიშნოს:

ა) გადასახადის გადამხდელის დასახელება (საქონლის მიმწოდებლის/მომსახურების გამწევის) საიდენტიფიკაციო ნომერი;

ბ) იურიდიული მისამართი;

გ) მითითება, რომ იგი აპირებს განახორციელოს საქონლის/მომსახურების მიწოდება და ნაღდი ფულის მიღება მომხმარებლის ტერიტორიაზე (სახლებში, ორგანიზაციებში, საწარმოებში) ჩგდ-ის მეშვეობით;

დ) დასარეგისტრირებელი დოკუმენტის რაოდენობა (ნომრების დიაპაზონი) და მათი გახარჯვის სავარაუდო პერიოდი.

3. წერილობით განცხადებას თან უნდა ერთოდეს ჩგდ-ის ნიმუშის ასლი და ტიპოგრაფიული ან შესაბამისი საწარმოს მიერ სარეგისტრაციოდ წარმოდგენილი ჩგდ-ების მოწოდების თაობაზე (შესაბამისი რაოდენობის და ნუმერაციის დიაპაზონის მითითებით) გაცემული დოკუმენტის ასლი, ხოლო ელექტრონულ შეტყობინებას აღნიშნული დოკუმენტების ელექტრონული ვერსია (PDF ფორმატის სახით).

4. საგადასახადო ორგანო:

ა) წერილობითი განცხადების ან ელექტრონული შეტყობინების და ჩგდ-ის ნიმუშის ამ ბრძანებით დადგენილ მოთხოვნებთან შესაბამისობის დადგენის შემთხვევაში წერილობით განცხადებას ან ელექტრონულ შეტყობინებას და ჩგდ-ის სარეგისტრაციო მონაცემებს (დანართი №2) ატარებს მონაცემთა ერთიან კომ-პიუტერულ ბაზაში. აღნიშნული ინფორმაცია მონაცემთა ერთიანი კომპიუტერული ბაზიდან შესაბამისი საგადასახადო ორგანოს მიერ ყოველწლიურად (არა უგვიანეს მომდევნო წლის 15 იანვრისა) უნდა იქნეს ამობეჭდილი, ზონარგაყრილი და დამოწმებული შესაბამისი საგადასახადო ორგანოს ბეჭდით, შემდგომში არქივში შენახვის მიზნით;

ბ) წერილობით განცხადების ან ელექტრონული შეტყობინების მიღებიდან 3 სამუშაო დღის ვადაში საგადასახადო ორგანოს უფლებამოსილი პირი განმცხადებელზე გასცემს ცნობას ან უგზავნის ელექტრონულ შეტყობინებას ჩგდ-ის საგადასახადო ორგანოში რეგისტრაციის შესახებ (დანართი №3). საგადასახადო ორგანოს მიერ გაცემული ცნობა, ასევე ელექტრონული შეტყობინება წარმოადგენს ჩგდ-ების საგადასახადო ორგანოში რეგისტრაციის დამადასტურებელ იურიდიული ძალის მქონე დოკუმენტს;

გ) იმ შემთხვევაში, თუ წარმოდგენილი დოკუმენტაცია არ შეესაბამება ამ წესით განსაზღვრულ მოთხოვნებს, ჩგდ არ რეგისტრირდება და გადასახადის გადამხდელს 3 სამუშაო დღის ვადაში წერილობით ან ელექტრონული შეტყობინებით აცნობებს შესაბამისი ხარვეზების თაობაზე, რომლის გამოსწორების გარეშე არ მოხდება ჩგდ-ების რეგისტრაცია საგადასახადო ორგანოში.

საქართველოს ფინანსთა მინისტრის 2010 წლის 1 ივნისის ბრძანება №440-სსმIII, №63, 04.06.2010წ.; მუხ.941

საქართველოს ფინანსთა მინისტრის 2010 წლის 29 ივლისის ბრძანება №614-სსმIII, №93, 30.07.2010წ.; მუხ.1376

 

 

 

 

 

დანართი №1

----------------------------------------------

(საგადასახადო ორგანოს დასახელება)

------------------------------------------------------------

(გადასახადის გადამხდელის (საქონლის მიმწოდებლის/მომსახურების

გამწევის დასახელება, სამართლებრივი ფორმა))

   ----------------------------------------------------

(საიდენტიფიკაციო ნომერი და იურიდიული მისამართი)

----------------------------------

 (საკონტაქტო ტელეფონის ნომერი)

გ ა ნ ც ხ ა დ ე ბ ა

№-----------------

 

ვაპირებთ მოვახდინოთ საქონლის/მომსახურების მიწოდება და ნაღდი ფულის მიღება მომხმარებლის ტერიტორიაზე (სახლში/ორგანიზაციებში/საწარმოებში) ჩეკთან გათანაბრებული დოკუმენტების მეშვებით.

გთხოვთ, კანონმდებლობით დადგენილი წესით მოახდინოთ საკონტროლო-სალარო აპარატის ჩეკთან გათანაბრებული დოკუმენტების რეგისტრაცია --------------------- ცალის ოდენობით, რომელთა სავარაუდო გახარჯვის პერიოდია --------------------------- ჩეკთან გათანაბრებული დოკუმენტების სერია/ნომერი --------------- დან----------------მდე.

------------------------------------

(გადასახადის გადამხდელის, ან

წარმომადგენლის ხელმოწერა)

-----------------------------

(რიცხვი, თვე, წელი)

განცხადებასთან ერთად წარმოსადგენი დოკუმენტები:

1. ჩეკთან გათანაბრებული დოკუმენტის ნიმუშის ასლი;

2. ტიპოგრაფიული ან შესაბამისი საწარმოს მიერ სარეგისტრაციოდ წარმოდგენილი ჩგდ-ების მიწოდების თაობაზე (შესაბამისი რაოდენობისა და ნუმერაციის დიაპაზონის მითითებით) გაცემული დოკუმენტის ასლი.

 

საქართველოს ფინანსთა მინისტრის 2010 წლის 1 ივნისის ბრძანება №440-სსმIII, №63, 04.06.2010წ.; მუხ.941

 

დანართი №2

საგადასახადო ორგანოში საკონტროლო სალარო აპარატის ჩეკთან გათანაბრებული დოკუმენტების

სარეგისტრაციო მონაცემები

№

საიდენტი-ფიკაციო ნომერი

გადასახადის გადამხდელის დასახელება

მისამარ-თი

განცხადე-ბის მიღების თარიღი

განცხადე-ბის ნომერი

ცნობის გაცემის თარიღი

ცნობის გაცემის ნომერი

ჩგდ-ის დიაპაზო-ნის საწყისი ნომერი

ჩგდ-ის დიაპაზო-ნის ბოლო ნომერი

ჩგდ-ის გახარჯვის სავარაუდო პერიოდი

სტატუსი

შესაბამისი საგადასა-ხადო ორგანოს დასახელება

რეგისტრა-ციაზე პასუხისმგე-ბელი პირი

შენიშ-ვნა

 

საქართველოს ფინანსთა მინისტრის 2010 წლის 1 ივნისის ბრძანება №440-სსმIII, №63, 04.06.2010წ.; მუხ.941

 

 

 

 

 

 

 

 

 

 

 

 

 

დანართი №3

ჩეკთან გათანაბრებული დოკუმენტების საგადასახადო

ორგანოში რეგისტრაციის შესახებ 

ც ნ ო ბ ა

№-----------------------

-------------------------------------------------------------------------

(საგადასახადო ორგანოს დასახელება)

-----------------------------------------

(საიდენტიფიკაციო ნომერი)

--------------------------------------------------------------------------------------

(გადასახადის გადამხდელის დასახელება)

-------------------------------------------------------------------------------------

(იურიდიული მისამართი)

ცნობა გაიცა მასზედ, რომ მან კანონმდებლობით დადგენილი წესით მოახდინა საკონტროლო-სალარო აპარატის ჩეკთან გათანაბრებული დოკუმენტების რეგისტრაცია.

დარეგისტრირებული დოკუმენტების რაოდენობა (ნომრების დიაპაზონი)

შეადგენს №----------დან №----------მდე

                                                                   --------------------------------------------

(რეგისტრაციაზე პასუხისმგებელი

პირის ხელმოწერა)

   -------------------------------

(რიცხვი, თვე, წელი)

ბ.ა.

 

საქართველოს ფინანსთა მინისტრის 2010 წლის 1 ივნისის ბრძანება №440-სსმIII, №63, 04.06.2010წ.; მუხ.941

 

Annotate