„საჯარო სამართლის იურიდიული პირის საქართველოს სოფლის მეურნეობის სამინისტროს ლაბორატორიის დებულების დამტკიცების შესახებ"

სახელმწიფო სარეგისტრაციო კოდი 040.030.000.22.032.008.762

საქართველოს სოფლის მეურნეობის მინისტრის

ბრძანება №2-96

2006 წლის 12 ივნისი

ქ. თბილისი

საჯარო სამართლის იურიდიული პირის – საქართველოს სოფლის მეურნეობის სამინისტროს ლაბორატორიის დებულების დამტკიცების შესახებ

,,საჯარო სამართლის იურიდიული პირის შესახებ“ საქართველოს კანონისა და ,,საჯარო სამართლის იურიდიული პირის – საქართველოს სოფლის მეურნეობის სამინისტროს ლაბორატორიის შექმნის შესახებ“ საქართველოს პრეზიდენტის 2006 წლის 10 მაისის №307 ბრძანებულების თანახმად, ვბრძანებ:

1. დამტკიცდეს საჯარო სამართლის იურიდიული პირის – საქართველოს სოფლის მეურნეობის სამინისტროს ლაბორატორიის თანდართული დებულება.

2. დაევალოს სამინისტროს ადმინისტრაციულ დეპარტამენტს (შ. ლორთქიფანიძე) უზრუნველყოს ,,ნორმატიული აქტების შესახებ“ საქართველოს კანონის შესაბამისად ბრძანების სახელმწიფო რეესტრში გატარება და ,,საქართველოს საკანონმდებლო მაცნეში“ გამოქვეყნება.

3. კონტროლი ამ ბრძანების შესრულებაზე განახორციელოს მინისტრის პირველმა მოადგილემ ლ. ბეგიაშვილმა.

4. აღნიშნული ბრძანება ამოქმედდეს გამოქვეყნებისთანავე.

მ. სვიმონიშვილი

შეტანილია ცვლილებები :

1. საქართველოს სოფლის მინისტრის 200 6 წლის 5 სექტემბრი ს ბრძანება №2- 17 0 - სსმ III, 17.0 9.200 6, № 122, მუხ. 1635

2. საქართველოს სოფლის მინისტრის 200 9 წლის 3 ივლისის ბრძანება №2- 152 - სსმ III, 0 7.07.2009, №84, მუხ.893

საჯარო სამართლის იურიდიული პირის – საქართველოს სოფლის მეურნეობის სამინისტროს ლაბორატორიის დებულება

    მუხლი 1. ზოგადი დებულებები

1. საჯარო სამართლის იურიდიული პირი – საქართველოს სოფლის მეურნეობის სამინისტროს ლაბორატორია (შემდგომში – ლაბორატორია) იქმნება ,,საჯარო სამართლის იურიდიული პირის შესახებ“ საქართველოს კანონისა და ,,საჯარო სამართლის იურიდიული პირის – საქართველოს სოფლის მეურნეობის სამინისტროს ლაბორატორიის შექმნის შესახებ“ საქართველოს პრეზიდენტის 2006 წლის 10 მაისის №307 ბრძანებულების საფუძველზე.

2. ლაბორატორია თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებით, საქართველოს კანონმდებლობით, კანონქვემდებარე აქტებითა და ამ დებულებით.

3. ლაბორატორიას აქვს დებულება, ბეჭედი საქართველოს სახელმწიფო გერბის გამოსახულებით და საკუთარი სახელწოდების აღნიშვნით, დამოუკიდებელი ბალანსი და ანგარიშსწორების ანგარიში ხაზინაში.

4. ლაბორატორიის დებულებას, საშტატო განრიგსა და ხელფასის ფონდს ამტკიცებს საქართველოს სოფლის მეურნეობის მინისტრი.

5. ლაბორატორიის დაფინასების წყაროა საქართველოს სახელმწიფო ბიუჯეტი და კანონმდებლობით ნებადართული სხვა შემოსავლები.

6. ლაბორატორიის იურიდიული მისამართია: ქ. თბილისი, გოძიაშვილის ქ. №65.

7. ლაბორატორია ანგარიშვალდებულია სოფლის მეურნეობის სამინისტროს წინაშე.

    მუხლი 2. საქმიანობის სფერო და ამოცანები

ლაბორატორიის საქმიანობის სფეროში შედის:

ა) ცხოველთა (მ.შ., ფრინველი, თევზი, ფუტკარი) დაავადებების ლაბორატორიული დიაგნოსტიკა; ცხოველური და მცენარეული წარმოშობის პროდუქტებისა და ნედლეულის, ალკოჰოლიანი და უალკოჰოლო სასმელების, ცხოველთა საკვებისა და ნედლეულის, სასმელი წყლის ექსპერტიზა, ხარისხის, უსაფრთხოების მაჩვენებლებისა და საკვებად ვარგისიანობის დადგენა;

ბ) პათოლოგიური მასალის, ცხოველური და მცენარეული წარმოშობის პროდუქტებისა და ნედლეულის, ალკოჰოლიანი და უალკოჰოლო სასმელების, ცხოველთა საკვებისა და ნედლეულის, სასმელი წყლის მიკრობიოლოგიური, ქიმიოტოქსიკოლოგიური და რადიოლოგიური გამოკვლევების ჩატარება;

გ) ადამიანისა და ცხოველებისათვის საერთო საშიში დაავადებების გაჩენის რისკის შეფასება, დაავადების გაჩენის შემთხვევაში და/ან სერომონიტორინგის სამუშაოებისათვის სინჯების (პათმასალის) აღება. დაავადების კერის სალიკვიდაციო და საკარანტინო ღონისძიებებში მონაწილეობის მიღება;

დ) ცხოველების გადამდები სნეულებების აღმძვრელების, მცენარეთა საკარანტინო და სხვა საშიში მავნე ორგანიზმების დიაგნოსტიკა;

ე) აგროქიმიური კვლევების ჩატარება;

ვ) ახალი სადიაგნოსტიკო მეთოდების, დანადგარ-მოწყობილობებისა და სადიაგნოსტიკო საშუალებების აპრობაცია და დანერგვა.

საქართველოს სოფლის მინისტრის 2009 წლის 3 ივლისის ბრძანება №2-152 - სსმ III, 07.07.2009, №84, მუხ.893

    მუხლი 3. უფლებამოსილებანი

ლაბორატორიას უფლება აქვს:

ა) მონაწილეობა მიიღოს ვეტერინარული დიაგნოსტიკის, ვეტერინარულ-სანიტარიული ექსპერტიზის, კონტროლქვემდებარე პროდუქტებისა და ნედლეულის, ალკოჰოლიანი და უალკოჰოლო სასმელების, ცხოველთა საკვებისა და სასმელი წყლის საკვებად ვარგისიანობის, უსაფრთხოებისა და ხარისხობრივი მაჩვენებლების განსაზღვრის, ლაბორატორიული კვლევების კრიტერიუმების შემუშავებასა და განხორციელებაში;

ბ) შეიტანოს წინადადებები სოფლის მეურნეობის სამინისტროში სადიაგნოსტიკო, ლაბორატორიულ და ორგანიზაციულ-სამეურნეო საკითხებთან დაკავშირებით;

გ) კანონმდებლობით დადგენილი წესით მოითხოვოს და მიიღოს იურიდიული და ფიზიკური პირებისაგან ეპიზოოტიური, რადიოლოგიური, ტოქსიკოლოგიური და სხვა ლაბორატორიული კვლევებისათვის აუცილებელი მასალები და დოკუმენტები;

დ) მისცეს მითითებები იურიდიულ და ფიზიკურ პირებს საკვლევი მასალების აღებისა და ლაბორატორიაში გადაგზავნის წესის თაობაზე;

ე) საჭიროების შემთხვევაში კანონმდებლობით დადგენილი წესით შეამოწმოს ლაბორატორიული დიაგნოსტიკისა და გამოკვლევების ჩატარების სისწორე;

ვ) გასცეს დასკვნები ჩატარებული ლაბორატორიული გამოკვლევების შედეგებზე;

ზ) ადამიანისა და ცხოველებისათვის საერთო საშიში დაავადებების გაჩენის შემთხვევაში იურიდიულ და ფიზიკურ პირებს კანონმდებლობით დადგენილი წესით მისცეს შესასრულებლად აუცილებელი მითითებები დაავადების კერის ლოკალიზაციისა და ლიკვიდაციისათვის და დაავადებული ან დაავადებაზე საეჭვო ცხოველებისაგან მიღებული პროდუქტებისა და ნედლეულის შემდგომი გამოყენების წესსა და მიზანშეწონილობაზე;

თ) უშუალოდ წარმართოს ლაბორატორიის სტრუქტურული ქვედანაყოფებისა და ტერიტორიული ორგანოების საქმიანობა. საჭიროების შემთხვევაში წინადადებით შევიდეს სოფლის მეურნეობის სამინისტროში არსებული სტრუქტურის შეცვლის ან ახალი სტრუქტურების შექმნის აუცილებლობის თაობაზე;

ი) აუცილებლობის შემთხვევაში დაუბრკოლებლად შევიდეს მისდამი დაქვემდებარებულ სტრუქტურულ ქვედანაყოფებში და მისცეს შესასრულებლად შესაბამისი მითითებები და დირექტივები.

    მუხლი 4. ლაბორატორიის მოვალეობები

ლაბორატორიის მოვალეობებია:

ა) შეასრულოს ამ დებულებით დაკისრებული ფუნქციები და განახორციელოს მინიჭებული უფლებამოსილებანი;

ბ) უზრუნველყოს ლაბორატორიული კვლევების ობიექტურობა, სიზუსტე და გამჭვირვალობა;

გ) დაიცვას ლაბორატორიული კვლევების ჩატარების დადგენილი ვადები;

დ) ითანამშრომლოს საკანონმდებლო, აღმასრულებელი ხელისუფლების ორგანოებთან, საზოგადოებრივ და არასამთავრობო ორგანიზაციებთან;

ე) მიაწოდოს ინფორმაცია გაწეული მუშაობის შესახებ დაინტერესებულ ორგანიზაციებსა და მასობრივი ინფორმაციის საშუალებებს დადგენილი წესით.

    მუხლი 5. ლაბორატორიის სტრუქტურული ქვედანაყოფები, ტერიტორიული ორგანოები და მათი ფუნქციები

1. ლაბორატორია მასზე დაკისრებული ფუნქციების შესრულებას უზრუნველყოფს სტრუქტურული ქვედანაყოფებისა და ტერიტორიული ორგანოების მეშვეობით.

2. ლაბორატორიის სტრუქტურული ქვედანაყოფები არიან:

ა) საქმისწარმოების და იურიდიულ საკითხთა სამსახური, რომლის ძირითადი ფუნქციებია ლაბორატორიაში შემოსული და ლაბორატორიიდან გასული კორესპონდენციების რეგისტრაცია და მათი შესრულების კონტროლი, ლაბორატორიის ხელმძღვანელობის დავალებების შესრულების კონტროლი, ლაბორატორიის საქმიანობის სამართლებრივი უზრუნველყოფა, საჯარო ინფორმაციის კანონმდებლობით დადგენილი წესით გაცემა, სახელმწიფო შესყიდვებისათვის საჭირო პროცედურების განხორციელების უზრუნველყოფა, თანამშრომელთა პირადი საქმეების წარმოება და საკადრო რესურსების მართვის უზრუნველყოფა, დირექტორის ინდივიდუალური ადმინისტრაციულ-სამართლებრივი აქტების პროექტების მომზადება, არქივის წარმოება;

ბ) საფინანსო-ეკონომიკური და საბუღალტრო სამსახური, რომლის ძირითადი ფუნქციებია ლაბორატორიის საქმიანობის საფინანსო და ბუღალტრული აღრიცხვის ორგანიზება და წარმართვა, ბალანსის მომზადება, ლაბორატორიის წლიური ბიუჯეტის პროექტის შემუშავება, ლაბორატორიისათვის გამოყოფილი თანხების მიზნობრივი ათვისების კონტროლი; საგადასახადო და სხვა სამსახურებთან სავალდებულო ანგარიშგების უზრუნველყოფა, ლაბორატორიის მიერ გაწეული ფასიანი მომსახურების ორგანიზება და კონტროლი, სახელმწიფო შესყიდვების წლიური გეგმის შემუშავება და მისი შესრულების კონტროლი;

გ) სამეურნეო უზრუნველყოფის განყოფილება, რომლის ძირითადი ფუნქციებია ლაბორატორიის ბალანსზე რიცხული მატერიალური ფასეულობების დაცვისა და მოვლა-შენახვის ორგანიზება, სამეურნეო საქმიანობის წარმართვა; სასაწყობო მეურნეობის წარმართვა, ლაბორატორიის საქმიანობის მატერიალურ-ტექნიკური უზრუნველყოფა;

დ) კომპიუტერული ქსელების განყოფილება, რომლის ძირითადი ფუნქციებია ლაბორატორიის სერვერული ცენტრისა და კომპიუტერული ქსელის უსაფრთხოების დაცვა და ადმინისტრირება, კომპიუტერული და სხვა ელექტრონული ტექნიკის გამართულად ფუნქციონირების უზრუნველყოფა;

ე) პათმასალების მიმღები, პათომორფოლოგიისა და პარაზიტოლოგიის განყოფილება, რომლის ძირითადი ფუნქციებია ლაბორატორიაში შემოსული სინჯების (პათმასალების) მიღება, რეგისტრაცია, პირველადი დამუშავება და შესაბამის განყოფილებაზე გადაცემა; პათომორფოლოგიური, მიკოლოგიური და პარაზიტოლოგიური კვლევების ჩატარება, ლაბორატორიული გამოკვლევის შედეგების გაცემა, ლაბორატორიის საჭიროებისათვის სინჯების (პათმასალის) მოძიება-აღება, საშიში დაავადების აღმოჩენის შემთხვევაში შესაბამისი სტრუქტურების ინფორმირება;

ვ) ექსპერტიზის, ქიმიურ-ტოქსიკოლოგიური და რადიოლოგიის განყოფილება, რომლის ძირითადი ფუნქციებია ცხოველური და მცენარეული წარმოშობის პროდუქტებისა და ნედლეულის, ცხოველთა საკვებისა და ნედლეულის, სასმელი წყლის ექსპერტიზა, ხარისხისა და უსაფრთხოების მაჩვენებლებისა და საკვებად ვარგისიანობის დადგენა მიკრობიოლოგიური, ქიმიო-ტოქსიკოლოგიური და რადიოლოგიური კვლევების საშუალებით;

ზ) მცენარეთა საშიში მავნე ორგანიზმების დიაგნოსტიკისა და აგროქიმიური კვლევების განყოფილება, რომლის ძირითადი ფუნქციებია მცენარეთა საშიში მავნე ორგანიზმების დიაგნოსტიკა და აგროქიმიური კვლევების ჩატარება;

თ) ვივარიუმი, რომლის ძირითადი ფუნქციაა ლაბორატორიული საცდელი ცხოველების გამრავლება და ამ ცხოველებით ლაბორატორიის უზრუნველყოფა;

ი) თბილისის ეპიდემიოლოგიური მონიტორინგის სადგური, რომლის შემადგენლობაში შედის:

ი.ა.) მიკრობიოლოგიის განყოფილება, რომლის ძირითადი ფუნქციაა ცხოველთა საშიშ და განსაკუთრებით საშიშ დაავადებებზე მიკრობიოლოგიური და ბაქტერიოლოგიური კვლევების ჩატარება;

ი.ბ.) ვირუსოლოგიისა და სეროლოგიის განყოფილება, რომლის ძირითადი ფუნქციაა ცხოველთა საშიშ და განსაკუთრებით საშიშ დაავადებებზე სეროლოგიური, ვირუსოლოგიური და მოლეკულურ-ბიოლოგიური კვლევების ჩატარება;

კ) ცოფის განყოფილება, რომლის ძირითადი ფუნქციაა პათმასალებში ცოფის დიაგნოსტიკა.

3. ლაბორატორიის ტერიტორიული ორგანოები არიან:

ა) ქუთაისი და ახალციხის ეპიდემიოლოგიური მონიტორინგის სადგურები, რომელთა შემადგენლობაში შედის:

ა.ა) მიკრობიოლოგიისა და სეროლოგიის განყოფილება, რომლის ძირითადი ფუნქციებია ცხოველთა საშიშ და განსაკუთრებით საშიშ დაავადებებზე მიკრობიოლოგიური, ბაქტერიოლოგიური, სეროლოგიური და მოლეკულურ-ბიოლოგიური კვლევების ჩატარება;

ა.ბ) პათმასალების მიმღები, პათომორფოლოგიისა და პარაზიტოლოგიის განყოფილება, რომლის ძირითადი ფუნქციებია ლაბორატორიაში შემოსული სინჯების (პათმასალების) მიღება, რეგისტრაცია, პირველადი დამუშავება და გამოკვლევა; პათომორფოლოგიური და პარაზიტოლოგიური კვლევების ჩატარება; ლაბორატორიული გამოკვლევის შედეგების გაცემა; ლაბორატორიის საჭიროებისათვის სინჯების (პათმასალის) მოძიება-აღება; საშიში დაავადების აღმოჩენის შემთხვევაში შესაბამისი სტრუქტურების ინფორმირება;

ბ) გურჯაანის, დუშეთის, მარნეულის, გორის, ზუგდიდის, ოზურგეთის, ამბროლაურის და ბათუმის საველე სადგურები, რომელთა ძირითადი ფუნქციებია სადგურში შემოსული სინჯების (პათმასალების) მიღება, რეგისტრაცია, პირველადი დამუშავავება და ლაბორატორიული გამოკვლევა, ხოლო საჭიროების შემთხვევაში ეპიდემიოლოგიური მონიტორინგის სადგურში გადაგზავნა, ლაბორატორიული გამოკვლევის შედეგების გაცემა, ლაბორატორიის საჭიროებისათვის სინჯების (პათმასალის) მოძიება-აღება, საშიში დაავადების აღმოჩენის შემთხვევაში შესაბამისი სტრუქტურების ინფორმირება.

საქართველოს სოფლის მინისტრის 2006 წლის 5 სექტემბრის ბრძანება №2-170 - სსმ III, 17.09.2006, №122, მუხ.1635

საქართველოს სოფლის მინისტრის 2009 წლის 3 ივლისის ბრძანება №2-152 - სსმ III, 07.07.2009, №84, მუხ.893

    მუხლი 6. ლაბორატორიის მართვა

1. ლაბორატორიას ხელმძღვანელობს დირექტორი, რომელსაც თანამდებობაზე ნიშნავს და ათავისუფლებს საქართველოს სოფლის მეურნეობის მინისტრი.

2. ლაბორატორიის დირექტორი დამოუკიდებლად იღებს გადაწყვეტილებებს ლაბორატორიას მიკუთვნებული საკითხების გადაწყვეტაში და პერსონალურად აგებს პასუხს ამ დებულებით განსაზღვრული ფუნქციების შესრულებისა და მისი საქმიანობის სწორად წარმართვაზე.

3. დირექტორი მოქმედებს ლაბორატორიის სახელით და მინდობილობის გარეშე წარმოადგენს ლაბორატორიას სახელმწიფო ორგანიზაციებთან, იურიდიულ და ფიზიკურ პირებთან ურთიერთობაში.

4. ლაბორატორიის დირექტორს ჰყავს ორი მოადგილე, რომლებსაც სოფლის მეურნეობის მინისტრთან შეთანხმებით თანამდებობაზე ნიშნავს და თანამდებობიდან ათავისუფლებს ლაბორატორიის დირექტორი.

5. ლაბორატორიის დირექტორი:

ა) ორგანიზაციას უწევს და ხელმძღვანელობს ლაბორატორიის სტრუქტურული ქვედანაყოფების საქმიანობას;

ბ) თანამდებობაზე ნიშნავს და თანამდებობიდან ათავისუფლებს ლაბორატორიის თანამშრომლებს საქართველოს კანონმდებლობის შესაბამისად;

გ) თანამშრომლებს შორის ანაწილებს უფლება-მოვალეობებს;

დ) საჭიროების შემთხვევაში ამზადებს და წარუდგენს წინადადებებს საქართველოს სოფლის მეურნეობის მინისტრს ლაბორატორიის დებულებაში და სტრუქტურაში ცვლილებების შეტანის თაობაზე;

ე) ქმნის მეცნიერ ექსპერტთა საბჭოს, საკონკურსო და საატესტაციო კომისიებს;

ვ) აფორმებს ხელშეკრულებებს შესაბამის ორგანიზაციებთან, იურიდიულ და ფიზიკურ პირებთან ამ დებულებით განსაზღვრული ფუნქციებისა და ამოცანების შესასრულებლად;

ზ) აკონტროლებს ხარჯთაღრიცხვით გამოყოფილი თანხების მიზნობრივ ხარჯვას;

თ) კანონმდებლობის შესაბამისად ახორციელებს ლაბორატორიის თანამშრომლების წახალისებას ან დისციპლინ ა რ ულ ღონისძიებებს;

ი) კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს.

    მუხლი 7. ლაბორატორიის სახელმწიფო კონტროლი

1. ლაბორატორიის საქმიანობა ექვემდებარება სახელმწიფო კონტროლს.

2. ლაბორატორიის სახელმწიფო კონტროლი გულისხმობს მისი საქმიანობის კანონიერების, მიზანშეწონილობის, ეფექტიანობისა და საფინანსო ეკონომიკური საქმიანობის ზედამხედველობას.

3. ლაბორატორიის სახელმწიფო კონტროლის განმახორცილებელი ორგანო კანონმდებლობით მინიჭებულ უფლებამოსილებათა ფარგლებში არის საქართველოს სოფლის მეურნეობის სამინისტრო.

    მუხლი 8. ლაბორატორიის დაფინანსების წყარო

1. ლაბ ო რატორიის დაფინანსების წყაროა:

ა) სახელმწიფო ბიუჯეტიდან გამოყოფილი სახსრები;

ბ) სახელმწიფო შეკვეთების შესრულების შედეგად მიღებული შემოსავალი;

გ) ხელშეკრულების საფუძველზე შესრულებული სამუშაოდან მიღებული შემოსავალი;

დ) საქართველოს კანონმდებლობით ნებადართული სხვა შემოსავალი.

2. ლაბორატორიის მიერ მიღებული სახსრები და შემოსავლები მთლიანად ხმარდება ლაბორატორიის მიზნებისა და ფუნქციების განხორციელებას.

    მუხლი 9. ლაბორატორიის ქონება, ფინანსური სახსრები, საბუღალტრო აღრიცხვა და ანგარიშგება

1. ლაბორატორიას სახელმწიფო კონტროლის განმახორციელებელი ორგანოს თანხმობით შეუძლია:

ა) უძრავი ქონების შეძენა, გასხვისება და დატვირთვა;

ბ) სესხის აღება;

გ) თავდებობა;

დ) საშტატო ნუსხისა და ხელფასის ფონდის განსაზღვრა;

ე) სხვა გადაწყვეტილებების მიღება საჯარო სამართლის იურიდიული პირის ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს.

2. ამ მუხლის პირველი პუნქტის „ბ“ და „გ“ ქვეპუნქტებით გათვალისწინებულ მოქმედებათა განსახორციელებლად აუცილებელია საქართველოს ფინანსთა სამინისტროს თანხმობა.

3. ლაბორატორია მოქმედი კანონმდებლობის შესაბამისად აწარმოებს საფინანსო-ეკონომიკური საქმიანობის აღრიცხვა-ანგარიშგებას, ადგენს ბალანსს და დასამტკიცებლად წარუდგენს საქართველოს სოფლის მეურნეობის სამინისტროს.

    მუხლი 10. დასკვნითი დებულებანი

1. ლაბორატორიის დებულებაში ცვლილებებისა და დამატებების შეტანა ხდება კანონმდებლობით დადგენილი წესით.

2. ლაბორატორიის რეორგანიზაცია და ლიკვიდაცია ხორციელდება კანონმდებლობით დადგენილი წესით.

Annotate