„საქართველოს სოფლის მეურნეობის სამინისტროს სახელმწიფო საქვეუწყებო დაწესებულების – სურსათის უვნებლობის, ვეტერინარიისა და მცენარეთა ეროვნული სამსახურის მიერ გასაცემის არაიოდიზირებული მარილის იმპორტის სანებართვო მოწმობის ფორმისა და აღრიცხვა-ანგარიშგების წესის დამტკიცების შესახებ"

სახელმწიფო სარეგისტრაციო კოდი 010.240.070.22.032.009.481

საქართველოს სოფლის მეურნეობის მინისტრის

ბრძანება №2-197

2006 წლის 16 ოქტომბერი

ქ. თბილისი

საქართველოს სოფლის მეურნეობის სამინისტროს სახელმწიფო საქვეუწყებო დაწესებულება – სურსათის უვნებლობის, ვეტერინარიისა და მცენარეთა დაცვის ეროვნული სამსახურის მიერ გასაცემი არაიოდიზირებული მარილის იმპორტის სანებართვო მოწმობის ფორმისა და აღრიცხვა-ანგარიშგების წესის დამტკიცების შესახებ

„ლიცენზიებისა და ნებართვების შესახებ“ საქართველოს კანონის 24-ე მუხლის 49-ე პუნქტის საფუძველზე, ვბრძანებ:

1. დამტკიცდეს არაიოდიზირებული მარილის იმპორტის სანებართვო მოწმობის თანდართული ფორმა (დანართი №1).

2. დამტკიცდეს არაიოდიზირებული მარილის იმპორტის სანებართვო მოწმობის გაცემისა და აღრიცხვა-ანგარიშგების თანდართული წესი (დანართი №2).

3. საქართველოს სოფლის მეურნეობის სამინისტროს სურსათის უვნებლობის, ვეტერინარიისა და მცენარეთა დაცვის ეროვნულმა სამსახურმა (ლ. ორკოშნელი) უზრუნველყოს „ნორმატიული აქტების შესახებ“ საქართველოს კანონის შესაბამისად ამ ბრძანების ნორმატიული აქტების სახელმწიფო რეესტრში გატარება და გაზეთ „საქართველოს საკანონმდებლო მაცნეში“, გამოქვეყნება.

4. კონტროლი ბრძანების შესრულებაზე დაევალოს მინისტრის პირველ მოადგილეს ლ. ბეგიაშვილს.

5. ეს ბრძანება ამოქმედდეს გამოქვეყნებისთანავე.

მ. სვიმონიშვილი

 

დანართი №1

საქართველოს სოფლის მეურნეობის სამინისტროს

სურსათის უვნებლობის, ვეტერინარიისა და მცენარეთა დაცვის

ეროვნული სამსახური

არაიოდიზირებული მარილის იმპორტის სანებართვო

მოწმობა №

განმცხადებელი (იმპორტიორი) --------------------------------------------------------------------------------------------------------------------------------------------------------------------

საიდენტიფიკაციო კოდი ---------------------------------------------------------------------

იურიდიული/ფაქტობრივი მისამართი -----------------------------------------------------

მომწოდებელი (მისამართი) ------------------------------------------------------------------

მარილის დანიშნულება ----------------------------------------------------------------------

ხელშეკრულების № და თარიღი -------------------------------------------------------------

მარილის რაოდენობის ათვლის ერთეული ------------------------------------------------

რაოდენობა -------------------------------------------------------------------------------------

მწარმოებელი ქვეყანა და კომპანია ----------------------------------------------------------

სანებართვო მოწმობის მოქმედების ვადა --------------------------------------------------

სანებართვო მოწმობა გაცემულია სამსახურის უფროსის 200 წლის ”---” ”-------” ინდივიდუალურ-ადმინისტრაციულ სამართლებრივი აქტის საფუძველზე

სამსახურის უფროსი

 

დანართი №2

საქართველოს სოფლის მეურნეობის სამინისტროს სურსათის უვნებლობის, ვეტერინარიისა და მცენარეთა დაცვის ეროვნული სამსახურის მიერ გასაცემი არაიოდიზირებული მარილის იმპორტის სანებართვო მოწმობის გაცემისა და აღრიცხვა-ანგარიშგების წესი

    მუხლი 1. ზოგადი დებულება

1. არაიოდიზირებული მარილის იმპორტის სანებართვო მოწმობის ფორმა (შემდგომში – მკაცრი აღრიცხვის ფორმა) შემუშავებული და დამტკიცებულია „მკაცრი აღრიცხვის ფორმების შესახებ“ საქართველოს კანონის მოთხოვნათა შესაბამისად.

2. მკაცრი აღრიცხვის ფორმების რეგისტრაცია წარმოებს საქართველოს ფინანსთა სამინისტროში.

3. საქართველოს სოფლის მეურნეობის სამინისტროს სურსათის უვნებლობის, ვეტერინარიისა და მცენარეთა დაცვის ეროვნული სამსახური (შემდგომში – სამსახური) მკაცრი აღრიცხვის ფორმების გაცემას, აღრიცხვა-ანგარიშგებას ახორციელებს საქართველოს კანონმდებლობის და ამ წესის საფუძველზე.

    მუხლი 2. მკაცრი აღრიცხვის ფორმების დამზადება

1. მკაცრი აღრიცხვის ფორმების დამზადებას აწარმოებს პოლიგრაფიული საწარმო „მკაცრი აღრიცხვის ფორმების შესახებ“ საქართველოს კანონის თანახმად, სამსახურთან გაფორმებული ხელშეკრულების საფუძველზე.

2. პოლიგრაფიული საწარმოდან მკაცრი აღრიცხვის ფორმების გამოტანის უფლება აქვს პირს, რომელსაც სამსახურის მიერ მინიჭებული აქვს სათანადოდ გაფორმებული მინდობილობა.

    მუხლი 3. მკაცრი აღრიცხვის ფორმების აღრიცხვა და შენახვა

1. მკაცრი აღრიცხვის ფორმების აღრიცხვა, შენახვასა და გაცემაზე კონტროლს ახორციელებს სამსახური.

2. მკაცრი აღრიცხვის ფორმების აღრიცხვა, „საბუღალტრო აღრიცხვის შესახებ“ საქართველოს კანონის შესაბამისად, ხორციელდება რეგისტრაციის ჟურნალში.

3. მკაცრი აღრიცხვის ფორმები ინახება მათ აღრიცხვა-ანგარიშგებაზე უფლებამოსილ პირთან.

4. მკაცრი აღრიცხვის ფორმების შენახვა ხორციელდება „მკაცრი აღრიცხვის ფორმების შესახებ“ საქართველოს კანონის შესაბამისად.

5. სათავსი, სადაც ინახება მკაცრი აღრიცხვის ფორმები, უნდა იყოს ხელშეუხებელი გარეშე პირთათვის და სათანადოდ დაცული დაზიანებისგან.

    მუხლი 4. მკაცრი აღიცხვის ფორმების გაცემის პროცედურები

1. მკაცრი აღრიცხვის ფორმებს მათ აღრიცხვა-ანგარიშგებაზე პასუხისმგებელი პირი განცხადების საფუძველზე გადასცემს სურსათის უვნებლობის, ვეტერინარიისა და მცენარეთა დაცვის სამსახურის რეგისტრაციისა და ნებართვების სამმართველოს უფროსს.

2. რეგისტრაციისა და ნებართვების სამმართველოს უფროსი მკაცრი აღრიცხვის ფორმების მიღების ფაქტს ადასტურებს მკაცრი აღრიცხვის ფორმების რეგისტრაციის ჟურნალში ხელმოწერით.

    მუხლი 5. მკაცრი აღრიცხვის ფორმების შევსება

1. მკაცრი აღრიცხვის ფორმების შევსება ხდება სამსახურის რეგისტრაციისა და ნებართვების სამმართველოს თანამშრომელთა მიერ.

2. მკაცრი აღრიცხვის ფორმები ივსება ლურჯი ან შავი ბურთულიანი კალმით. მკაცრი აღრიცხვის ფორმების ყველა ჩანაწერი კეთდება გარკვევით. დაუშვებელია გადახაზვა, გადაფხეკა, გადაშლა და ა.შ. მკაცრი აღრიცხვის ფორმების დაზიანების ან მათში არასწორი მონაცემის შეტანის შემთხვევაში ივსება ახალი, ძველი გადაიხაზება ჯვარედინად. მკაცრი აღრიცხვის ფორმის შემვსები ადგენს აქტს მკაცრი აღრიცხვის ფორმის გაუქმების მიზეზის მითითებით.

3. მკაცრი აღრიცხვის ფორმები ივსება სამ პირად, რომელთაგან ერთი პირი რჩება სამსახურს. ნებართვის მაძიებელს გადაეცემა მეორე და მესამე პირი, რომელთაგან ერთ პირს წარუდგენს საბაჟო სამსახურს.

4. შევსებული მკაცრი აღრიცხვის ფორმების რეგისტრაცია მიმდინარეობს რეგისტრაციის ჟურნალში.

5. „ლიცენზიებისა და ნებართვების შესახებ“ საქართველოს კანონის 36-ე მუხლის შესაბამისად სამსახური ვალდებულია აწარმოოს უწყებრივი სანებართვო რეესტრი.

    მუხლი 6. გამოსაყენებლად უვარგისი მკაცრი აღრიცხვის ფორმების ჩამოწერა

1. გამოსაყენებლად უვარგისი მკაცრი აღრიცხვის ფორმების ჩამოწერა შეიძლება:

ა) შევსების დროს დაშვებული შეცდომის გამო;

ბ) მკაცრი აღრიცხვის ფორმის დაზიანების გამო.

2. გამოსაყენებლად უვარგისი მკაცრი აღრიცხვის ფორმების ჩამოწერა უნდა მოხდეს ჩამოწერის აქტის შედგენის შემდეგ.

3. გამოსაყენებლად უვარგისი მკაცრი აღრიცხვის ფორმების ექსკლუზიური ნუმერაცია იწერება რეგისტრაციის ჟურნალში.

4. გამოსაყენებლად უვარგისი მკაცრი აღრიცხვის ფორმების უტილიზაცია ხორციელდება საქართველოს კანონმდებლობით დადგენილი წესით.

    მუხლი 7. მკაცრი აღრიცხვის ფორმების შენახვა, აღრიცხვასა და გაცემაზე კონტროლი

საქართველოს სოფლის მეურნეობის სამინისტროს სახელმწიფო საქვეუწყებო დაწესებულება – სურსათის უვნებლობის, ვეტერინარიისა და მცენარეთა დაცვის ეროვნული სამსახური ყოველი კალენდარული წლის ბოლოს ახდენს მკაცრი აღრიცხვის ფორმების ინვენტარიზაციას, კანონმდებლობით დადგენილი წესით.