2. საქართველოს ფინანსთა სამინისტრომ, ეკონომიკური განვითარების სამინისტრომ, შრომის, ჯანმრთელობისა და სოციალური დაცვის სამინისტრომ უზრუნველყონ დადგენილებით განსაზღვრული პროგრამის განხორციელებისათვის საჭირო ღონისძიებათა დაწყება (დაფინანსება) საქართველოს 2007 წლის სახელმწიფო ბიუჯეტით მათთვის გათვალისწინებულ ასიგნებათა ფარგლებში და სათანადო ასიგნებების ასახვა საქართველოს 2008 წლის სახელმწიფო ბიუჯეტში.

საქართველოს მთავრობის 2007 წლის 26 დეკემბრის დადგენილება №298 - სსმ III, №184, 26.12.2007წ., მუხ.2059

3. საქართველოს შრომის, ჯანმრთელობისა და სოციალური დაცვის სამინისტრომ დადგენილების ამოქმედებიდან არა უგვიანეს ხუთი დღისა უზრუნველყოს „ღირსეული დასაწყისის“ ბარათის ფორმის დამტკიცება.

4. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად დადგენილებასთან დაკავშირებულ ღონისძიებათა შეზღუდულ ვადებში შესრულების უზრუნველსაყოფად საქართველოს ეკონომიკური განვითარების სამინისტრომ და სსიპ – სოციალური სუბსიდიების სააგენტომ საჭირო მომსახურების ან/და საქონლის შესყიდვა განახორციელონ ერთ პირთან მოლაპარაკების საშუალებით.

5. დადგენილება ამოქმედდეს გამოქვეყნებისთანავე.

პრემიერ-მინისტრი ვ. გურგენიძე

შეტანილი ცვლილებები:

1. საქართველოს მთავრობის 2007 წლის 21 დეკემბრის დადგენილება №286 - სსმ III, №182, 24.12.2007წ., მუხ.2026

2. საქართველოს მთავრობის 2007 წლის 26 დეკემბრის დადგენილება №298 - სსმ III, №184, 26.12.2007წ., მუხ.2059

3. საქართველოს მთავრობის 2008 წლის 8 სექტემბრის დადგენილება №187 - სსმ III, №133, 09.09.2008წ., მუხ.1330

4. საქართველოს მთავრობის 2008 წლის 3 დეკემბრის დადგენილება №234 - სსმ III, №174, 05.12.2008წ., მუხ.1777

ხელმოკლე ოჯახებში დაბადებული ახალშობილების დახმარების მიზნობრივი სახელმწიფო პროგრამა – „ღირსეული დასაწყისი“

მუხლი 1. პროგრამის მიზანი

პროგრამის მიზანია ახალშობილის დაბადებასთან დაკავშირებით ხელმოკლე ოჯახების სოციალურ-ეკონომიკური მდგომარეობის გაუმჯობესება და ერთჯერადი ფულადი დახმარების გაცემა.

საქართველოს მთავრობის 2008 წლის 8 სექტემბრის დადგენილება №187 - სსმ III, №133, 09.09.2008წ., მუხ.1330

მუხლი 2. პროგრამის მონაწილე პირები

ხელმოკლე ოჯახებში დაბადებული ახალშობილების დახმარების მიზნობრივ სახელმწიფო პროგრამაში – „ღირსეული დასაწყისი“ (შემდგომში – პროგრამა) მონაწილეობას მიიღებენ:

ა) დონორები (ფიზიკური და იურიდიული პირები) ნებაყოფლობის საფუძველზე;

ბ) საქართველოს შრომის, ჯანმრთელობისა და სოციალური დაცვის სამინისტროს საჯარო სამართლის იურიდიული პირი – სოციალური სუბსიდიების სააგენტო (შემდგომში – სააგენტო);

გ) საქართველოს ეკონომიკური განვითარების სამინისტრო;

დ) საქართველოს იუსტიციის სამინისტროს საჯარო სამართლის იურიდიული პირი – სამოქალაქო რეესტრის სააგენტო;

ე) საბანკო დაწესებულება – კანონმდებლობის შესაბამისად ლიცენზირებული იურიდიული პირი, რომელიც გამოხატავს სურვილს მონაწილეობა მიიღოს პროგრამაში და სააგენტოსთან გააფორმებს ხელშეკრულებას;

ვ) მოსარგებლე – ოჯახი, რომელიც რეგისტრირებულია სოციალურად დაუცველი ოჯახების მონაცემთა ერთიან ბაზაში და ბავშვის დაბადების დღისთვის ან ბავშვის დაბადებიდან 6 თვის განმავლობაში (მაგრამ არა უგვიანეს 2008 წლის 5 დეკემბრისა) მინიჭებული აქვს 100 000-ის ტოლი ან ნაკლები სოციალურ-ეკონომიკური მდგომარეობის ამსახველი სარეიტინგო ქულა.

საქართველოს მთავრობის 2008 წლის 3 დეკემბრის დადგენილება №234 - სსმ III, №174, 05.12.2008წ., მუხ.1777

მუხლი 3. პროგრამის ფარგლებში მონაწილე პირთა კომპეტენცია

1. პროგრამის ფინანსური მხარდაჭერისათვის ნებაყოფლობის საფუძველზე დონორები (ფიზიკური და იურიდიული პირები) ახორციელებენ შემოწირულობებს სახელმწიფო ხაზინის ბიუჯეტის შემოსულობების ერთიან ანგარიშზე თანხების ჩარიცხვით.

2. სააგენტო უზრუნველყოფს:

ა) „ღირსეული დასაწყისის“ ბარათის (შემდგომში – ბარათი) დამზადებას და მოსარგებლეებისათვის გადაცემას;

ბ) საინფორმაციო ბუკლეტების დამზადებას და სსიპ – სამოქალაქო რეესტრის სააგენტოსათვის გადაცემას;

გ) ახალშობილისათვის დახმარების გასაცემად საბანკო დაწესებულებასთან ხელშეკრულების გაფორმებას. სააგენტო უფლებამოსილია ამ პროგრამით გათვალისწინებული დახმარების გასაცემად ხელშეკრულება გააფორმოს ყველა იმ საბანკო დაწესებულებასთან, რომელიც წერილობით გამოხატავს სურვილს, მონაწილეობა მიიღოს ბარათის განაღდებაში;

დ) საბანკო დაწესებულების მეშვეობით მოსარგებლეებზე 2007 წლის 21 დეკემბრიდან დაბადებულ ყოველ ახალშობილზე ერთჯერადი დახმარების სახით 1000 ლარის გაცემას;

ე) მის კომპეტენციას მიკუთვნებული საკითხების ადმინისტრირებასთან დაკავშირებით ელექტრონული ბაზის ფორმირებასა და სხვა საჭირო ღონისძიებების განხორციელებას.

3. საქართველოს ეკონომიკური განვითარების სამინისტრო უზრუნველყოფს ამ პროგრამის თაობაზე მოსახლეობის ინფორმირებას (მათ შორის, საინფორმაციო კლიპების დამზადებასა და განთავსებას).

4. სსიპ – სამოქალაქო რეესტრის სააგენტო უზრუნველყოფს საინფორმაციო ბუკლეტების გავრცელებას.

5. საბანკო დაწესებულება უზრუნველყოფს:

ა) მოსარგებლის მიერ წარმოდგენილი ბარათის განაღდებას;

ბ) სააგენტოსთან გაფორმებული ხელშეკრულების საფუძველზე სააგენტოსათვის შესაბამისი ინფორმაციისა და დოკუმენტების წარდგენას განაღდებული ბარათისა და გაწეული მომსახურების ასანაზღაურებლად.

6. ბარათის გაყალბებისათვის პასუხისმგებლობა ეკისრება გამყალბებელს, მოქმედი კანონმდებლობის შესაბამისად.

საქართველოს მთავრობის 2007 წლის 21 დეკემბრის დადგენილება №286 - სსმ III, №182, 24.12.2007წ., მუხ.2026

მუხლი 4. პროგრამის განხორციელების მექანიზმი

1. ბარათი არის მატერიალური ფორმის ფინანსური ინსტრუმენტი, რომელსაც სააგენტო გასცემს ტერიტორიული ერთეულების მეშვეობით. ბარათის მისაღებად მოსარგებლის წარმომადგენელმა ბავშვის დაბადებიდან არა უგვიანეს 1 (ერთი) წლის განმავლობაში, მაგრამ არა უგვიანეს 2008 წლის 5 დეკემბრისა, სააგენტოს შესაბამის ტერიტორიულ ერთეულში უნდა წარადგინოს განცხადება, რომელსაც თან უნდა ერთვოდეს:

ა) ახალშობილის მშობლების ან მშობლის (თუ მეორე მშობელი არ ჰყავს) პირადობის დამადასტურებელი დოკუმენტი;

ბ) ბავშვის დაბადების მოწმობა.

2. ბარათის მისაღებად მოსარგებლე განცხადებით მიმართავს სააგენტოს. განცხადებას თან უნდა დაერთოს ამ მუხლის პირველი პუნქტით გათვალისწინებული დოკუმენტების ასლები. განცხადების წარმოდგენიდან არა უმეტეს 10 სამუშაო დღის ვადაში სააგენტოს ტერიტორიული ერთეული მოსარგებლეს გადასცემს ბარათს ან დასაბუთებულ უარს.

3. ბარათს გასანაღდებლად მოსარგებლე წარუდგენს იმ საბანკო დაწესებულებას, რომელთანაც სააგენტოს გაფორმებული აქვს ხელშეკრულება.

მუხლი 5. პროგრამის ბიუჯეტი

1. პროგრამის უზრუნველსაყოფად გამოიყენება შესაბამისი წლის სახელმწიფო ბიუჯეტის კანონით გამოყოფილი სახსრები, რომლის ფარგლებშიც დაიფარება პროგრამით გათვალისწინებული დახმარებისა და პროგრამის ადმინისტრირებასთან დაკავშირებული ხარჯები.

2. საქართველოს ეკონომიკური განვითარების სამინისტროსა და სააგენტოს მიერ პროგრამის ფარგლებში გასატარებელი ღონისძიებების დაფინანსება განხორციელდება წლიური საბიუჯეტო კანონით სამინისტროსათვის და სააგენტოს „სოციალური დახმარების პროგრამით“ (ორგანიზაციული კოდი 35 26 08) გამოყოფილ ასიგნებათა ფარგლებში.

მუხლი 6. გარდამავალი და დასკვნითი დებულებები

1. პროგრამის მოქმედების ვადად განისაზღვროს 2008 წლის 31 დეკემბერი.

2. სააგენტომ პროგრამით მოსარგებლეებისათვის ბარათების გაცემა შეწყვიტოს 2008 წლის 8 დეკემბრიდან.

3. პროგრამის განმახორციელებელმა საბანკო დაწესებულებებმა ბარათების მიღება და განაღდება (ანაზღაურება) შეწყვიტონ 2008 წლის 15 დეკემბერს.

4. პროგრამის განმახორციელებელმა საბანკო დაწესებულებებმა უზრუნველყონ მათ მიერ განაღდებული ბარათების რეესტრის სააგენტოსათვის წარდგენა არა უგვიანეს 2008 წლის 19 დეკემბრისა.

გამოსვლა შენახვა

Annotate

როგორ დავიმოწმოთ

საქართველოს მთავრობის დადგენილება „ხელმოკლე ოჯახებში დაბადებული ახალშობილების დახმარების მიზნობრივი სახელმწიფო პროგრამის – ,,ღირსეული დასაწყისი“ – დამტკიცების შესახებ“, №273, 17.12.2007, სარეგისტრაციო კოდი 280.120.000.10.003.000.914 (კონსოლიდირებული რედაქცია 03.12.2008). ხელმისაწვდომია: https://legali.ge/law/6910-4/

შემდგომი ცვლილებები (1)

წინა ცვლილებები (4)

დოკუმენტის ტექსტი

მუხლი 6. პროგრამის მოქმედების ვადა🔗

მუხლი 1. პროგრამის მიზანი🔗

მუხლი 4. პროგრამის განხორციელების მექანიზმი🔗

მუხლი 5. პროგრამის ბიუჯეტი🔗

როგორ დავიმოწმოთ