საქართველოს ფინანსთა სამინისტროს შემოსავლების სამსახურის დებულების დამტკიცებისა და საქართველოს ფინანსთა სამინისტროს ფინანსური პოლიციის,საგადასახადო დეპარტამენტისა და საბაჟო დეპარტამენტის რეორგანიზაციის შესახებ

სახელმწიფო სარეგისტრაციო კოდი 010.320.010.22.033.010.049

საქართველოს ფინანსთა მინისტრის

ბრძანება №170

2007 წლის 2 მარტი

ქ. თბილისი

საქართველოს ფინანსთა სამინისტროს შემოსავლების სამსახურის დებულების დამტკიცებისა და საქართველოს ფინანსთა სამინისტროს ფინანსური პოლიციის, საგადასახადო დეპარტამენტისა და საბაჟო დეპარტამენტის რეორგანიზაციის შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 25-ე მუხლის მე-5 პუნქტის, ,,საქართველოს ფინანსთა სამინისტროს შემოსავლების სამსახურის შესახებ“ საქართველოს კანონის მე-12 მუხლის მე-2 პუნქტის, 22-ე მუხლის მე-2, მე-5, მე-6 და მე-7 პუნქტებისა და საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის ,,ი“ ქვეპუნქტის საფუძველზე, ვბრძანებ:

1. დამტკიცდეს ,,საქართველოს ფინანსთა სამინისტროს შემოსავლების სამსახურის დებულება“.

2. შემოსავლების სამსახურის უფროსმა 2007 წლის 17 აპრილამდე უზრუნველყოს:

ა) საგადასახადო და საბაჟო დეპარტამენტებისა და ფინანსური პოლიციის ცენტრალური აპარატის (მათ შორის საგამოძიებო დეპარტამენტის რეგიონალური სტრუქტურული ერთეულების) რეორგანიზაცია;

ბ) შემოსავლების სამსახურის ცენტრალური აპარატის სტრუქტურისა და საშტატო ნუსხის დამტკიცება და მითითებული საშტატო ნუსხიდან და სტრუქტურიდან გამომდინარე საგადასახადო და საბაჟო დეპარტამენტებისა და ფინანსური პოლიციის ცენტრალური აპარატის (მათ შორის საგამოძიებო დეპარტამენტის რეგიონალური სტრუქტურული ერთეულების) მოსამსახურეთა დანიშვნა შემოსავლების სამსახურის ცენტრალური აპარატის შესაბამის თანამდებობებზე ხელშეკრულებით არა უმეტეს 6 თვის ვადით ან მოვალეობის შემსრულებლად, ან გამოსაცდელი ვადით;

გ) შემოსავლების სამსახურის მოსამსახურეთა საკვალიფიკაციო მოთხოვნების დასამტკიცებლად წარმოდგენა საქართველოს ფინანსთა სამინისტროში.

საქართველოს ფინანსთა მინისტრის 2007 წლის 19 მარტის ბრძანება №219-სსმIII, №37, 20.03.2007წ.; მუხ.436

საქართველოს ფინანსთა მინისტრის 2007 წლის 13 აპრილის ბრძანება №342-სსმIII, №51, 13.04.2007წ.; მუხ.562

3. საგადასახადო და საბაჟო დეპარტამენტებისა და ფინანსური პოლიციის მოსამსახურეები, მიუხედავად იმისა, ფორმალურად მოხდა თუ არა მათი გადანიშვნა შემოსავლების სამსახურში, ექვემდებარებიან შემოსავლების სამსახურის ხელმძღვანელობას. მითითებული მოსამსახურეები განთავისუფლებამდე ან შემოსავლების სამსახურში გადანიშვნამდე, საქართველოს სისხლის სამართლის საპროცესო კოდექსით, ,,ოპერატიულ-სამძებრო საქმიანობის შესახებ“ საქართველოს კანონით, ,,საქართველოს ფინანსთა სამინისტროს შემოსავლების სამსახურის შესახებ“ საქართველოს კანონით, საქართველოს ზოგადი ადმინისტრაციული კოდექსით, საგადასახადო და საბაჟო კოდექსებით განსაზღვრულ მოქმედებებს ახორციელებენ და შესაბამის დოკუმენტებს აფორმებენ პირველ პუნქტში მითითებული დებულების ამოქმედებამდე მინიჭებული უფლებამოსილებების ფარგლებში.

4. იმ შემთხვევაში, თუ ვერ ხერხდება საგადასახადო და საბაჟო დეპარტამენტებისა და ფინანსური პოლიციის ცენტრალური აპარატის მოსამსახურეთა გადაყვანა შემოსავლების სამსახურის ცენტრალური აპარატის შესაბამის თანამდებობაზე, ისინი ითვლებიან სამსახურიდან განთავისუფლებულებად და შემოსავლების სამსახურის უფროსი, ხოლო შესაბამის თანამდებობებზე საქართველოს ფინანსთა მინისტრი შემოსავლების სამსახურის უფროსის წარდგინებით გამოსცემს შესაბამის ინდივიდუალურ ადმინისტრაციულ-სამართლებრივ აქტს.

5. მოსამსახურე შეიძლება განთავისუფლდეს თანამდებობიდან როგორც გაფრთხილების ვადის გასვლამდე, ისე გაფრთხილების ვადის გასვლის შემდეგ ნებისმიერ დღეს.

6. თუ მოსამსახურეები განთავისუფლდნენ რეორგანიზაციის საფუძველზე გაფრთხილების ვადის გასვლამდე, მათ მიეცემათ ხელფასი განთავისუფლებიდან გაფრთხილების ვადის გასვლამდე და კომპენსაცია სამსახურის შექმნის დღემდე არსებული 2 თვის თანამდებობრივი სარგოს ოდენობით. გაფრთხილების ვადის გასვლის შემდეგ (მიუხედავად იმისა, თუ რამდენი დღე გადაცდება გაფრთხილების ვადას) რეორგანიზაციის საფუძველზე განთავისუფლებულ პირებს მიეცემათ განთავისუფლებამდე სამსახურში ყოფნის ხელფასი და კომპენსაცია სამსახურის შექმნის დღემდე არსებული 2 თვის თანამდებობრივი სარგოს ოდენობით. კომპენსაციები არ გაიცემა შემოსავლების სამსახურში დანიშნულ პირებზე.

7. საგადასახადო დეპარტამენტისა და საბაჟო დეპარტამენტის ტერიტორიული ორგანოების რეორგანიზაციამდე შემოსავლების სამსახურის უფროსმა 2007 წლის 1 აპრილამდე უზრუნველყოს ამ ორგანოების მოსამსახურეების ავტომატური გადანიშვნა საგადასახადო და საბაჟო ორგანოების შესაბამის თანამდებობებზე.

8. შემოსავლების სამსახურმა უზრუნველყოს საგადასახადო და საბაჟო ორგანოებისა და ფინანსური პოლიციის მიერ გამოყენებული ადმინისტრაციულ სამართალდარღვევათა ოქმების, შესაბამისი ინდივიდუალური ადმინისტრაციულ-სამართლებრივი აქტების, საქართველოს სისხლის სამართლის საპროცესო კოდექსითა და ,,ოპერატიულ-სამძებრო საქმიანობის შესახებ“ საქართველოს კანონით განსაზღვრული საპროცესო და სხვა დოკუმენტებისა და ფორმების, აგრეთვე სამსახურებრივ-საშტატო იარაღის ტარების უფლების დამადასტურებელი მოწმობისა და შესაბამისი ბეჭდის შეცვლა და საჭიროების შემთხვევაში მათი უნიფიცირება. ახალი ფორმების (დოკუმენტების, მოწმობებისა და ბეჭდების) დამტკიცებამდე და დამზადებამდე გამოყენებულ იქნეს ძველი ფორმები (დოკუმენტები, მოწმობები და ბეჭდები).

საქართველოს ფინანსთა მინისტრის 2007 წლის 19 მარტის ბრძანება №219-სსმIII, №37, 20.03.2007წ.; მუხ.436

9. ძალადაკარგულად გამოცხადდეს:

ა) საქართველოს ფინანსთა მინისტრის 2006 წლის 7 აგვისტოს №932 ბრძანება ,,საქართველოს ფინანსთა სამინისტროს საგადასახადო დეპარტამენტის დებულების დამტკიცების თაობაზე“;

ბ) საქართველოს ფინანსთა მინისტრის 2005 წლის 25 აპრილის №285 ბრძანება ,,საქართველოს ფინანსთა სამინისტროს საბაჟო დეპარტამენტის დებულების დამტკიცების თაობაზე“;

გ) საქართველოს ფინანსთა მინისტრის 2004 წლის 18 მარტის №163 ბრძანება ,,საქართველოს ფინანსთა სამინისტროს ფინანსური პოლიციის დებულების დამტკიცების შესახებ“.

10. ბრძანება ამოქმედდეს 2007 წლის 5 მარტს.

ა. ალექსიშვილი

 

შეტანილი ცვლილებები:

1. საქართველოს ფინანსთა მინისტრის 2007 წლის 19 მარტის ბრძანება №219-სსმIII, №37, 20.03.2007წ.; მუხ.436

2. საქართველოს ფინანსთა მინისტრის 2007 წლის 13 აპრილის ბრძანება №342-სსმIII, №51, 13.04.2007წ.; მუხ.562

3. საქართველოს ფინანსთა მინისტრის 2007 წლის 6 ივნისის ბრძანება №607-სსმIII, №81, 11.06.2007წ.; მუხ.866

4. საქართველოს ფინანსთა მინისტრის 2007 წლის 2 ივლისის  ბრძანება №785-სსმIII, №94, 02.07.2007წ.; მუხ.1108

5. საქართველოს ფინანსთა მინისტრის 2007 წლის 2 ივლისის  ბრძანება №787-სსმIII, №94, 02.07.2007წ.; მუხ.1010

6. საქართველოს ფინანსთა მინისტრის 2007 წლის 28 სექტემბრის  ბრძანება №1100-სსმIII, №139, 05.10.2007წ.; მუხ.1526

7. საქართველოს ფინანსთა მინისტრის 2007 წლის 1 ოქტომბრის  ბრძანება №1114-სსმIII, №139, 05.10.2007წ.; მუხ.1529

8. საქართველოს ფინანსთა მინისტრის 2007 წლის 10 ოქტომბრის ბრძანება №1134-სსმIII, №144, 16.10.2007წ.; მუხ.1604

9. საქართველოს ფინანსთა მინისტრის 2007 წლის 24 ოქტომბრის ბრძანება №1171-სსმIII, №153, 31.10.2007წ.; მუხ.1705

10. საქართველოს ფინანსთა მინისტრის 2007 წლის 22 ნოემბრის ბრძანება №1228-სსმIII, №169, 29.11.2007წ.; მუხ.1873

11. საქართველოს ფინანსთა მინისტრის 2008 წლის 10 იანვრის ბრძანება №23-სსმIII, №4, 14.01.2008წ.; მუხ.62

12. საქართველოს ფინანსთა მინისტრის 2008 წლის 18 იანვრის ბრძანება №56-სსმIII, №9, 22.01.2008წ.; მუხ.105

13. საქართველოს ფინანსთა მინისტრის 2008 წლის 14 თებერვლის ბრძანება №136-სსმIII, №24, 14.02.2008წ.; მუხ.255

14. საქართველოს ფინანსთა მინისტრის 2008 წლის 15 თებერვლის ბრძანება №147-სსმIII, №26, 20.02.2008წ.; მუხ.282

15. საქართველოს ფინანსთა მინისტრის 2008 წლის 25 თებერვლის ბრძანება №189-სსმIII, №32, 29.02.2008წ.; მუხ.350

16. საქართველოს ფინანსთა მინისტრის 2008 წლის 21 მარტის ბრძანება №259-სსმIII, №46, 27.03.2008წ.; მუხ.521

17. საქართველოს ფინანსთა მინისტრის 2008 წლის 27 მარტის ბრძანება №297-სსმIII, №47, 28.03.2008წ.; მუხ.531

18. საქართველოს ფინანსთა მინისტრის 2008 წლის 23 აპრილის ბრძანება №382-სსმIII, №63, 24.04.2008წ.; მუხ.712

19. საქართველოს ფინანსთა მინისტრის 2008 წლის 11 ივლისის ბრძანება №590-სსმIII, №100, 15.07.2008წ.; მუხ.1107

20. საქართველოს ფინანსთა მინისტრის 2008 წლის 15 სექტემბრის ბრძანება №725-სსმIII, №137, 16.09.2008წ.; მუხ.1352

21. საქართველოს ფინანსთა მინისტრის 2008 წლის 27 ოქტომბრის ბრძანება №807-სსმIII, №157, 29.10.2008წ.; მუხ.1572

22. საქართველოს ფინანსთა მინისტრის 2008 წლის 11 დეკემბრის ბრძანება №908-სსმIII, №178, 15.12.2008წ.; მუხ.1811

23. საქართველოს ფინანსთა მინისტრის 2008 წლის 29 დეკემბრის ბრძანება №951-სსმIII, №186, 30.12.2008წ.; მუხ.1944

24. საქართველოს ფინანსთა მინისტრის 2009 წლის 30 იანვრის ბრძანება №46-სსმIII, №13, 05.02.2009წ.; მუხ.162

25. საქართველოს ფინანსთა მინისტრის 2009 წლის 25 მარტის ბრძანება №182-სსმIII, №38, 27.03.2009წ.; მუხ.438

26. საქართველოს ფინანსთა მინისტრის 2009 წლის 8 აპრილის ბრძანება №226-სსმIII, №45, 10.04.2009წ.; მუხ.503

27. საქართველოს ფინანსთა მინისტრის 2009 წლის 14 ივლისის ბრძანება №445-სსმIII, №88, 20.07.2009წ.; მუხ.944

28. საქართველოს ფინანსთა მინისტრის 2009 წლის 15 ივლისის ბრძანება №448-სსმIII, №88, 20.07.2009წ.; მუხ.945

29. საქართველოს ფინანსთა მინისტრის 2009 წლის 31 აგვისტოს ბრძანება №566-სსმIII, №107, 31.08.2009წ.; მუხ.1235

30. საქართველოს ფინანსთა მინისტრის 2009 წლის 25 სექტემბრის ბრძანება №633-სსმIII, №117, 28.09.2009წ.; მუხ.1355

31. საქართველოს ფინანსთა მინისტრის 2009 წლის 13 ნოემბრის ბრძანება №733-სსმIII, №140, 13.11.2009წ.; მუხ.1612

32. საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

33. საქართველოს ფინანსთა მინისტრის 2009 წლის 4 დეკემბრის ბრძანება №813-სსმIII, №150, 10.12.2009წ.; მუხ.1775

34. საქართველოს ფინანსთა მინისტრის 2009 წლის 30 დეკემბრის ბრძანება №934-სსმIII, №159, 30.12.2009წ.; მუხ.1998

35. საქართველოს ფინანსთა მინისტრის 2010 წლის 23 თებერვლის ბრძანება №123-სსმIII, №22, 25.02.2010წ.; მუხ.275

36. საქართველოს ფინანსთა მინისტრის 2010 წლის 4 მარტის ბრძანება №147-სსმIII, №24, 05.03.2010წ.; მუხ.329

37. საქართველოს ფინანსთა მინისტრის 2010 წლის 12 მარტის ბრძანება №182-სსმIII, №27, 12.03.2010წ.; მუხ.405

38. ძალადაკარგულია - საქართველოს ფინანსთა მინისტრის 2010 წლის 31 მარტის ბრძანება №248-სსმIII, №33, 31.03.2010წ.; მუხ.543

 

საქართველოს ფინანსთა სამინისტროს შემოსავლების სამსახურის

დებულება

    მუხლი 1. ზოგადი დებულებანი

1. საქართველოს ფინანსთა სამინისტროს შემოსავლების სამსახური (შემდგომში – სამსახური) არის საქართველოს ფინანსთა სამინისტროს სახელმწიფო საქვეუწყებო დაწესებულება.

2. სამსახური თავის საქმიანობას წარმართავს საქართველოს კონსტიტუციის, საერთაშორისო ხელშეკრულებების, საგადასახადო და საბაჟო კანონმდებლობის, ,,საქართველოს ფინანსთა სამინისტროს შემოსავლების სამსახურის შესახებ“ საქართველოს კანონის, საქართველოს ფინანსთა სამინისტროს დებულების, ამ დებულებისა და სხვა საკანონმდებლო და კანონქვემდებარე ნორმატიული აქტების შესაბამისად.

3. სამსახურს აქვს ბეჭედი საქართველოს სახელმწიფო გერბის გამოსახულებით და საკუთარი დასახელებით, დამოუკიდებელი ბალანსი, ანგარიშსწორების ანგარიშები ხაზინაში.

4. სამსახურის მისამართია: ქ. თბილისი, ვ. გორგასლის ქ. №16.

საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

    მუხლი 2. სამსახურის დაფინანსება

სამსახური ფინანსდება სახელმწიფო ბიუჯეტიდან.

    მუხლი 3. წარმომადგენლობა

1. სამსახური ახორციელებს სახელმწიფოს წარმომადგენლობას და მოქმედებს სახელმწიფოს სახელით მისთვის კანონმდებლობით დაკისრებული უფლებამოვალეობების განხორციელებისას.

2. სამსახურის წარმომადგენლობაზე უფლებამოსილი პირია სამსახურის უფროსი.

3. ცალკეული საკითხების გადაწყვეტისას სამსახურის წარმომადგენლობის უფლებამოსილება სამსახურის უფროსის მიერ კანონმდებლობით დადგენილი წესით შეიძლება დელეგირებულ იქნეს სამსახურის სხვა მოხელეებზე ან სტრუქტურულ ქვედანაყოფებზე ინდივიდუალური ადმინისტრაციულ-სამართლებრივი აქტით.

    მუხლი 4. სამსახურის ფუნქციები და უფლებამოსილებები

სამსახური (სამსახურის უფლებამოსილი მოსამსახურე) თავისი კომპეტენციის ფარგლებში:

ა) უზრუნველყოფს საგადასახადო და საბაჟო კანონმდებლობის დაცვასა და შესრულებაზე კონტროლს;

ბ) ორგანიზაციას უწევს საქართველოს საგადასახადო კოდექსით განსაზღვრული გადასახადების, აგრეთვე სხვა კანონებით განსაზღვრული და მის კომპეტენციაში შემავალი გადასახდელების ადმინისტრირებას;

გ) ახორციელებს გადამხდელთა საგადასახადო და საბაჟო კონტროლს, აგრეთვე სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინარულ სასაზღვრო-საკარანტინო, სანიტარიულ-საკარანტინო და სხვა კონტროლს;

გ^​1) უზრუნველყოფს საბაჟო გამშვებ პუნქტებში/საბაჟო საგუშაგოებში საქართველოს სახელმწიფო საზღვრის გადაკვეთისას სამგზავრო დოკუმენტებში შესაბამისი აღნიშვნების განხორციელების მონიტორინგს;

გ^​2) პირის (დაინტერესებული მხარის) წერილობითი განცხადების (მოთხოვნის) საფუძველზე იღებს წინასწარ საბაჟო გადაწყვეტილებას საქართველოს საბაჟო ტერიტორიაზე შემოსატანი ან/და საქართველოს საბაჟო ტერიტორიიდან გასატანი საქონლის მიმართ საგარეო-ეკონომიკური საქმიანობის ეროვნული სასაქონლო ნომენკლატურის შესაბამისად სასაქონლო კოდის ან წარმოშობის ქვეყნის განსაზღვრის თაობაზე;

დ) ახორციელებს ტერიტორიული ორგანოებისა და სპეციალიზებული სტრუქტურული ქვედანაყოფების საქმიანობის მართვას, კოორდინაციას და ზედამხედველობას;

ე) შეიმუშავებს საქართველოს საგადასახადო და საბაჟო კოდექსებით განსაზღვრული დადგენილებებისა და ბრძანებების პროექტებს და მეთოდურ მითითებებს, აგრეთვე, მონაწილეობს საგადასახადო და საბაჟო სფეროში კანონპროექტებისა და საერთაშორისო ხელშეკრულებების მომზადებასა და განხილვაში;

ვ) დადგენილი წესით მონაწილეობს სასამართლოში საქმეთა განხილვის დროს;

ზ) ახდენს სამსახურის სისტემაში კადრების შერჩევასა და განაწილებას, ახორციელებს ღონისძიებებს კადრების გადამზადებისა და კვალიფიკაციის ამაღლებისათვის;

თ) მონაწილეობს საერთაშორისო ურთიერთობებში და თანამშრომლობს საზღვარგარეთის ქვეყნების შესაბამის სამსახურებთან;

ი) იღებს გადაწყვეტილებებს ,,ლიცენზიებისა და ნებართვების შესახებ“ საქართველოს კანონით მის ქვემდებარეობას მიკუთვნებული ლიცენზიებისა და ნებართვების გაცემის, ცვლილებების შეტანის, გაუქმების, მოქმედების შეჩერების და განახლების თაობაზე;

კ) იხილავს საიმპორტო საქონლისათვის გრანტის ან ჰუმანიტარული დახმარების სტატუსის მინიჭების საკითხს და იღებს სათანადო გადაწყვეტილებას;

ლ) აწარმოებს საგადასახადო, საბაჟო და ადმინისტრაციულ სამართალდარღვევათა, სისხლის სამართლის საქმეებს მოქმედი კანონმდებლობით საქართველოს ფინანსთა სამინისტროს კომპეტენციას მიკუთვნებულ სამართალდარღვევებთან და დანაშაულებთან დაკავშირებით;

მ) ამოღებულია;

ნ) უზრუნველყოფს მის კომპეტენციას მიკუთვნებული საგადასახადო და საბაჟო სამართალდარღვევების ან სხვა სამართალდარღვევების გამოვლენას, შესწავლას და აღკვეთას და შესაბამისი საფუძვლების არსებობისას ხელმძღვანელობს საქართველოს ადმინისტრაციულ სამართალდარღვევათა კოდექსის 244-ე, 245-ე, 247-ე, 248-ე და 249-ე მუხლებით. საქართველოს ადმინისტრაციულ სამართალდარღვევათა კოდექსის დებულებების გამოყენების უფლება აქვთ საბაჟო და საგადასახადო სამართალდარღვევის ოქმის შედგენაზე უფლებამოსილ მოსამსახურეებს;

ო) შეიმუშავებს ერთობლივ ღონისძიებებს შესაბამის სამართალდამცავ ორგანოებთან ერთად, მასზე დაკისრებული ამოცანების შესრულების უზრუნველსაყოფად;

პ) ადმინისტრაციულ სამართალდარღვევათა საქმისწარმოებასთან დაკავშირებით იძახებს ფიზიკურ პირს, სთხოვს ახსნა-განმარტებას და საქმესთან (მასალებთან) დაკავშირებულ საჭირო დოკუმენტებს;

ჟ) ახორციელებს კანონმდებლობით დაკისრებულ სხვა უფლება-მოვალეობებს.

საქართველოს ფინანსთა მინისტრის 2009 წლის 30 იანვრის ბრძანება №46-სსმIII, №13, 05.02.2009წ.; მუხ.162

საქართველოს ფინანსთა მინისტრის 2009 წლის 25 მარტის ბრძანება №182-სსმIII, №38, 27.03.2009წ.; მუხ.438

საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

    მუხლი 5. სამსახურის ხელმძღვანელობა

1. სამსახურს ხელმძღვანელობს სამსახურის უფროსი, რომელსაც საქართველოს ფინანსთა მინისტრის წარდგინებით თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.

2. სამსახურის უფროსი:

ა) წარმოადგენს სამსახურს ან უფლებამოსილებას ანიჭებს სამსახურის წარმომადგენლობაზე, თუ კანონით სხვა რამ არ არის გათვალისწინებული;

ბ) ხელმძღვანელობს და კოორდინაციას უწევს სამსახურის საქმიანობას, უზრუნველყოფს კანონმდებლობით დაკისრებული მოვალეობების ჯეროვან შესრულებას;

გ) ანაწილებს ფუნქციებს სამსახურის უფროსის პირველ მოადგილეს და მოადგილეებს შორის, კოორ-დინაციას უწევს მათ მუშაობას, განსაზღვრავს სამსახურის მოსამსახურეთა ფუნქციებსა და მათი პერსონალური პასუხისმგებლობის საკითხებს;

დ) უშუალოდ, ხოლო დელეგირების შემთხვევაში  სამსახურის მოხელეების, ცენტრალური აპარატის სტრუქტურული ქვედანაყოფების, ტერიტორიული ორგანოების და მათი სტრუქტურული ქვედანაყოფების მეშვეობით წყვეტს სამსახურის კომპეტენციას მიკუთვნებულ საკითხებს;

ე) გამოსცემს მეთოდურ მითითებებს, რომელთა შესრულებაც სავალდებულოა სამსახურის საჯარო მოსამსახურეთათვის, ახორციელებს სამსახურებრივ ზედამხედველობას, უზრუნველყოფს და ახორციელებს სამსახურის მოსამსახურეთა წახალისებასა და მათ მიმართ დისციპლინური პასუხისმგებლობის ზომების გამოყენებას (გარდა იმ მოსამსახურეთა მიმართ წახალისების ფორმებისა და დისციპლინური პასუხისმგებლობის ზომების გამოყენებისა, რომელთა დანიშვნისა და გათავისუფლების უფლებამოსილება გააჩნია საქართველოს ფინანსთა მინისტრს);

ვ) თანამდებობაზე ნიშნავს და თანამდებობიდან ათავისუფლებს სამსახურის საჯარო მოსამსახურეებს, რომელთა დანიშვნისა და გათავისუფლების კომპეტენციაც არ გააჩნია საქართველოს ფინანსთა მინისტრს საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების საფუძველზე;

ზ) კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს;

თ) თავისი კომპეტენციის ფარგლებში ანიჭებს სპეციალურ წოდებებს და შუამდგომლობს საქართველოს ფინანსთა მინისტრის წინაშე თანამშრომლებისათვის შესაბამისი სპეციალური წოდებების მინიჭების თაობაზე;

ი) მინისტრს დასამტკიცებლად წარუდგენს სამსახურის ცენტრალური აპარატის, ტერიტორიული ორგანოებისა და სტრუქტურული ქვედანაყოფების სტრუქტურას;

კ) ბიუჯეტით განსაზღვრული წლიური ხელფასის ფონდისა და საშტატო რიცხოვნების ფარგლებში შეიმუშავებს და ამტკიცებს სამსახურის ცენტრალური აპარატის, ტერიტორიული ორგანოებისა და სტრუქტურული ქვედანაყოფების საშტატო ნუსხას;

ლ) საქართველოს ფინანსთა მინისტრს წარუდგენს წინადადებებს შემოსავლების სამსახურში სამსახურის გავლის საკითხების გადაწყვეტის შესახებ და სამსახურის საქმიანობასთან დაკავშირებული ნორმატიული აქტების თაობაზე;

მ) თავისი კომპეტენციის ფარგლებში განკარგავს სამსახურისათვის გამოყოფილ ფულად სახსრებს, პასუხისმგებელია სამსახურის მატერიალურ-ტექნიკური ბაზის შენახვასა და მიზნობრივად გამოყენებაზე;

ნ) ინდივიდუალური ადმინისტრაციულ-სამართლებრივი აქტით ქმნის უფროსის სათათბირო ორგანოს და განსაზღვრავს მის რიცხოვნობას და პერსონალურ შემადგენლობას;

ო) ამოღებულია;

პ) კომპეტენციის ფარგლებში ძალადაკარგულად ცნობს სამსახურის შესაბამისი მოსამსახურეების საქართველოს კანონმდებლობასთან შეუსაბამო ან მიზანშეუწონელ გადაწყვეტილებებს;

ჟ) კანონმდებლობით გათვალისწინებულ შემთხვევებში ამტკიცებს საკვალიფიკაციო მოთხოვნებს;

რ) ახორციელებს კანონმდებლობით მის კომპეტენციას მიკუთვნებულ სხვა უფლება-მოვალეობებს.

3. სამსახურის უფროსი ანგარიშვალდებულია საქართველოს ფინანსთა მინისტრის წინაშე.

4. სამსახურის უფროსს ჰყავს პირველი მოადგილე და სამსახურის საშტატო განრიგით გათვალისწინებული რაოდენობის მოადგილე. სამსახურის უფროსის ერთ-ერთი მოადგილე ამავდროულად არის სამსახურის აუდიტის დეპარტამენტის უფროსი.

5. სამსახურის სტრუქტურული ქვედანაყოფების, ტერიტორიული ორგანოებისა და სტრუქტურული ერთეულების ხელმძღვანელები წარმართავენ შესაბამისი სტრუქტურული ქვედანაყოფების, ტერიტორიული ორგანოებისა და ერთეულების საქმიანობას.

6. სამსახურის უფროსის არყოფნის შემთხვევაში მის მოვალეობას ასრულებს პირველი მოადგილე, ხოლო პირველი მოადგილის არყოფნის შემთხვევაში – საქართველოს ფინანსთა მინისტრის დავალებით, უფროსის ერთ-ერთი მოადგილე.

საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

საქართველოს ფინანსთა მინისტრის 2009 წლის 4 დეკემბრის ბრძანება №813-სსმIII, №150, 10.12.2009წ.; მუხ.1775

საქართველოს ფინანსთა მინისტრის 2010 წლის 4 მარტის ბრძანება №147-სსმIII, №24, 05.03.2010წ.; მუხ.329

საქართველოს ფინანსთა მინისტრის 2010 წლის 12 მარტის ბრძანება №182-სსმIII, №27, 12.03.2010წ.; მუხ.405

    მუხლი 6. სამსახურის სტრუქტურა

1. სამსახური დაკისრებულ მოვალეობებს ასრულებს საქართველოს მთელ ტერიტორიაზე. სამსახური შედგება ცენტრალური აპარატის, განსაკუთრებული ნიშნის მიხედვით შექმნილი სტრუქტურული ქვედანაყოფებისა და ტერიტორიული ორგანოებისაგან, რომლებიც ქმნიან ერთიან ცენტრალიზებულ სისტემას.

2. სამსახურის ცენტრალური აპარატის სტრუქტურული ქვედანაყოფებია:

ა) სამსახურის უფროსის აპარატი;

ბ) ადმინისტრაციული დეპარტამენტი;

გ) იურიდიული დეპარტამენტი;

დ) მომსახურების დეპარტამენტი;

ე) მეთოდოლოგიის დეპარტამენტი;

ვ) საბაჟო კონტროლის დეპარტამენტი;

ზ) ამოღებულია;

თ) ინფორმაციის დამუშავების და ანალიზის დეპარტამენტი;

ი) ადმინისტრირების დეპარტამენტი.

3. სამსახურის განსაკუთრებული ნიშნის მიხედვით შექმნილი სტრუქტურული ქვედანაყოფებია:

ა) ამოღებულია;

ბ) ამოღებულია;

გ) აუდიტის დეპარტამენტი.

4. სამსახურის ტერიტორიული ორგანოებია:

ა) აფხაზეთის საგადასახადო ინსპექცია;

ბ) მსხვილ გადამხდელთა საგადასახადო ინსპექცია;

გ) თბილისის რეგიონალური ცენტრი (საგადასახადო ინსპექცია);

დ) ბათუმის რეგიონალური ცენტრი (საგადასახადო ინსპექცია);

ე) ქუთაისის რეგიონალური ცენტრი (საგადასახადო ინსპექცია);

ვ) რუსთავის რეგიონალური ცენტრი (საგადასახადო ინსპექცია);

ზ) ფოთის რეგიონალური ცენტრი (საგადასახადო ინსპექცია);

თ) გორის საგადასახადო ინსპექცია;

ი) თელავის რეგიონალური ცენტრი (საგადასახადო ინსპექცია);

კ) ახალციხის რეგიონალური ცენტრი (საგადასახადო ინსპექცია);

ლ) ამოღებულია;

მ) გურიის საგადასახადო ინსპექცია.

5. აუდიტის დეპარტამენტის, როგორც განსაკუთრებული ნიშნის მიხედვით შექმნილი შემოსავლების სამსახურის სტრუქტურული ქვედანაყოფის დებულება მტკიცდება საქართველოს ფინანსთა მინისტრის ნორმატიული აქტით.

საქართველოს ფინანსთა მინისტრის 2008 წლის 11 ივლისის ბრძანება №590-სსმIII, №100, 15.07.2008წ.; მუხ.1107

საქართველოს ფინანსთა მინისტრის 2008 წლის 27 ოქტომბრის ბრძანება №807-სსმIII, №157, 29.10.2008წ.; მუხ.1572

საქართველოს ფინანსთა მინისტრის 2009 წლის 14 ივლისის ბრძანება №445-სსმIII, №88, 20.07.2009წ.; მუხ.944

საქართველოს ფინანსთა მინისტრის 2009 წლის 25 სექტემბრის ბრძანება №633-სსმIII, №117, 28.09.2009წ.; მუხ.1355

საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

    მუხლი 7. სამსახურის ცენტრალური აპარატის სტრუქტურული ქვედანაყოფების სტრუქტურა

სამსახურის ცენტრალური აპარატის სტრუქტურული ქვედანაყოფები შედგება შემდეგი სტრუქტურული ერთეულებისაგან:

ა) სამსახურის უფროსის აპარატი;

ა.ა) საორგანიზაციო სამმართველო;

ა.ბ) სატელეფონო ცენტრი;

ბ) ადმინისტრაციული დეპარტამენტი:

ბ.ა) საფინანსო სამმართველო;

ბ.ბ) კადრების სამმართველო;

ბ.გ) სამეურნეო სამმართველო;

ბ.დ) საქმისწარმოების სამმართველო;

გ) იურიდიული დეპარტამენტი:

გ.ა) ექსპერტიზის სამმართველო;

გ.ბ) სასამართლო დავების სამმართველო;

გ.გ) საჩივრების სამმართველო;

გ.დ) ადმინისტრირების სამართლებრივი უზრუნველყოფის სამმართველო;

დ) მომსახურების დეპარტამენტი:

დ.ა) ამოღებულია;

დ.ბ) არაპირდაპირი გადასახადის სამმართველო;

დ.გ) გადამხდელთა მომსახურების სამმართველო;

დ.დ) სათამაშო ბიზნესის რეგულირების სამმართველო;

დ.ე) გრანტებისა და ჰუმანიტარული დახმარების სამმართველო;

ე) მეთოდოლოგიის დეპარტამენტი:

ე.ა) დაბეგვრის მეთოდოლოგიის სამმართველო;

ე.ბ) პროცედურების მეთოდოლოგიის სამმართველო;

ვ) საბაჟო კონტროლის დეპარტამენტი:

ვ.ა) საბაჟო დამუშავების ოპერაციების მონიტორინგის სამმართველო;

ვ.ბ) ოპერატიული მართვის სამმართველო;

ვ.გ) ვეტერინარული, სანიტარიული და ფიტოსანიტარიული კონტროლის ორგანიზაციის სამმართველო;

ვ.დ) სპეციალური საბაჟო კონტროლის ორგანიზაციის სამმართველო;

ზ) ამოღებულია;

თ) ინფორმაციის დამუშავების და ანალიზის დეპარტამენტი:

თ.ა) რისკების მართვის სამმართველო;

თ.ბ) სტატისტიკის და ანალიზის სამმართველო;

თ.გ) ამოღებულია

ი) ადმინისტრირების დეპარტამენტი:

ი.ა) ადმინისტრირების ღონისძიებების სამმართველო;

ი.ბ) ყადაღადადებული ქონების რეალიზაციის ღონისძიებათა სამმართველო.

საქართველოს ფინანსთა მინისტრის 2008 წლის 23 აპრილის ბრძანება №382-სსმIII, №63, 24.04.2008წ.; მუხ.712

საქართველოს ფინანსთა მინისტრის 2008 წლის 15 სექტემბრის ბრძანება №725-სსმIII, №137, 16.09.2008წ.; მუხ.1352

საქართველოს ფინანსთა მინისტრის 2008 წლის 29 დეკემბრის ბრძანება №951-სსმIII, №186, 30.12.2008წ.; მუხ.1944

საქართველოს ფინანსთა მინისტრის 2009 წლის 8 აპრილის ბრძანება №226-სსმIII, №45, 10.04.2009წ.; მუხ.503

საქართველოს ფინანსთა მინისტრის 2009 წლის 25 სექტემბრის ბრძანება №633-სსმIII, №117, 28.09.2009წ.; მუხ.1355

საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

    მუხლი 8. სამსახურის უფროსის აპარატი

1. საორგანიზაციო სამმართველოს ძირითადი ფუნქციებია:

ა) პროტოკოლით გათვალისწინებული ღონისძიებების, უცხო ქვეყნების, საერთაშორისო ორგანიზაციების უმაღლესი და მაღალი რანგის ოფიციალური დელეგაციების ვიზიტების, შემოსავლების სამსახურის მიერ გასამართი ღონისძიებების ორგანიზაციული უზრუნველყოფა, სამსახურის ოფიციალური დელეგაციების (თანამშრომელთა) უცხოეთში მივლინების ორგანიზება;

ბ) შემოსავლების სამსახურის საერთაშორისო ურთიერთობების კოორდინაცია;

გ) საზოგადოებრივ ორგანიზაციებთან, მასობრივ საინფორმაციო საშუალებებთან ურთიერთობის წარმართვა; სამსახურის მიერ დაგეგმილი და განხორციელებული ღონისძიებების საზოგადოებასთან და მასმედიასთან ურთიერთობის საკითხებთან დაკავშირებული რეკომენდაციების მომზადება; სამსახურის საქმიანობასთან დაკავშირებით ოფიციალური შეტყობინების, განცხადების და სხვა საინფორმაციო მასალების მომზადება;

დ) საჯარო ინფორმაციის გაცემის ორგანიზება;

ე) სამსახურის ხელმძღვანელობის თათბირების ორგანიზება, თათბირების ოქმების წარმოება, საოქმო დავალების შესრულების ვადების კონტროლი;

ვ) მოქალაქეთა მიღების ორგანიზება;

ზ) კომპეტენციის ფარგლებში სამსახურის უფროსის სხვა დავალებების შესრულება.

2. სატელეფონო ცენტრის ძირითადი ფუნქციებია:

ა) ფიზიკური და იურიდიული პირებისათვის, ორგანიზაციისათვის კონსულტაციების გაწევა საბაჟო და საგადასახადო კანონმდებლობის გამოყენების თაობაზე სატელეფონო და ელექტრონული კომუნიკაციების (ვებგვერდი, ელექტრონული ფოსტა, ფაქსი) მეშვეობით;

ბ) ამოღებულია;

გ) დაინტერესებული პირებისათვის კომპეტენციის ფარგლებში ინფორმაციების მიწოდება სამსახურის უფლებამოსილებაში შემავალ საკითხებთან დაკავშირებით;

დ) კომპეტენციის ფარგლებში ანალიტიკური მასალების მომზადებაში მონაწილეობა;

ე) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2008 წლის 15 სექტემბრის ბრძანება №725-სსმIII, №137, 16.09.2008წ.; მუხ.1352

საქართველოს ფინანსთა მინისტრის 2009 წლის 30 იანვრის ბრძანება №46-სსმIII, №13, 05.02.2009წ.; მუხ.162

    მუხლი 9. ადმინისტრაციული დეპარტამენტი

1. საფინანსო სამმართველოს ძირითადი ფუნქციებია:

ა) სამსახურის სისტემის ნაერთი ბიუჯეტის პროექტის მომზადება და საქართველოს ფინანსთა სამინისტროში წარდგენა;

ბ) წლიური საბიუჯეტო კანონით, სამსახურის ამოცანებისა და ფუნქციების შესრულების მიზნით, გამოყოფილი ფულადი სახსრების მართვა;

გ) საშტატო ნუსხის პროექტის მომზადება და ხელმძღვანელისთვის დასამტკიცებლად წარდგენა;

დ) კომპეტენციის ფარგლებში, მოქმედი კანონმდებლობის შესაბამისად, სახელმწიფო შესყიდვების განხორციელება;

ე) კომპეტენციის ფარგლებში სამსახურის ხარჯთანუსხის შესრულების პერიოდული ანგარიშების მომზადებაში მონაწილეობის მიღება;

ვ) სამსახურის სისტემის ფინანსური და მატერიალური აქტივებისა და პასივების აღრიცხვა-ანგარიშგების წარმოება;

ზ) საბუღალტრო საქმიანობის წარმართვა თანამედროვე მოთხოვნათა დონეზე; სამსახურის ბიუჯეტის ხარჯვითი ნაწილის შესრულება;

თ) კვარტალური და წლიური საფინანსო, სტატისტიკური, აგრეთვე სამსახურის ნაერთი ბიუჯეტის შესრულების ანგარიშგების მომზადება და მათი დროულად წარდგენა;

ი) მოსამსახურეთა შრომის ანაზღაურების ორგანიზება და სოციალური დაცვის მექანიზმების უზრუნველყოფა;

კ) საპენსიო საბუთების გაანგარიშება წელთა ნამსახურობის მიხედვით;

ლ) კომპეტენციის ფარგლებში სამსახურის უფროსის სხვა დავალებების შესრულება.

2. კადრების სამმართველოს ძირითადი ფუნქციებია:

ა) დაწესებულების შინაგანაწესის შემუშავება და სტრუქტურული ერთეულების ხელმძღვანელების მონაწილეობით მის განხორციელებაზე კონტროლის გაწევა. წარდგინების შესაბამისად დისციპლინური პასუხისმგებლობის გამოყენებასთან დაკავშირებით სამსახურის უფროსის ინდივიდუალური ადმინისტრაციულ-სამართლებრივი აქტის (ბრძანების) პროექტების მომზადება;

ბ) დადგენილი წესის შესაბამისად, სისტემის საჯარო მოსამსახურეთა პირადი საქმეების წარმოება, საჭიროებისამებრ მოსამსახურეთა შრომის წიგნაკებში შესაბამისი ჩანაწერების შეტანა;

გ) წარდგინების საფუძველზე, დადგენილი წესის შესაბამისად, მოსამსახურეთა დანიშვნის, განთავისუფლებისა და გადაადგილების თაობაზე სამსახურის უფროსის ინდივიდუალური ადმინისტრაციულ-სამართლებრივი აქტების (ბრძანებების) პროექტების მომზადება;

დ) დადგენილი წესის შესაბამისად, სამსახურის სისტემის მოსამსახურეთათვის სახელმწიფო სპეციალური წოდების მინიჭების თაობაზე წინადადებების მომზადება;

ე) სამსახურის უფროსის გადაწყვეტილებით სისტემის მოსამსახურეთათვის დადგენილი წესით კონკურსის და ატესტაციის ჩატარების ორგანიზება, დადგენილი წესის შესაბამისად პრაქტიკისა და სტაჟირების გავლასთან დაკავშირებული საკითხების ორგანიზება; სამსახურის მოსამსახურეთა მომზადების, გადამზადების (კვალიფიკაციის შეცვლა) და კვალიფიკაციის ამაღლების უზრუნველყოფის საკითხების კოორდინაცია.

3. სამეურნეო სამმართველოს ძირითადი ფუნქციებია:

ა) სამსახურის სისტემაში ძირითადი საშუალებების, სასაქონლო-მატერიალური ფასეულობების განაწილება, კონტროლი და ცენტრალურ აპარატში ინვენტარიზაციის ჩატარების უზრუნველყოფა;

ბ) სამსახურის სისტემის კუთვნილი ავტოსატრანსპორტო საშუალებების აღრიცხვა და საწვავის გაცემა განსაზღვრული ლიმიტების ფარგლებში;

გ) სამსახურის სისტემის მატერიალურ-ტექნიკური უზრუნველყოფა;

დ) ხელმძღვანელობასთან შეთანხმებით კაპიტალური და მიმდინარე სამშენებლო და სარემონტო სამუშაოების ზედამხედველობა;

ე) სასაწყობო მეურნეობის წარმოება;

ვ) კომპეტენციის ფარგლებში სამსახურის უფროსის სხვა დავალებების შესრულება.

4. საქმისწარმოების სამმართველოს ძირითადი ფუნქციებია:

ა) სამსახურში საქმისწარმოების ორგანიზება და კონტროლი; შემოსული და გასული კორესპონდენციის რეგისტრაცია, ზემდგომი ორგანოებისა და სამსახურის ხელმძღვანელის გადაწყვეტილებათა შესრულებაზე კონტროლი; შესრულებული დოკუმენტაციის აღრიცხვა და ორგანიზება;

ბ) სამსახურის უფროსის ინდივიდუალური ადმინისტრაციულ-სამართლებრივი აქტებისა და დავალებების რეგისტრაცია, მათი შესრულების ორგანიზების უზრუნველყოფა, გაწეული მუშაობის შედეგების შესახებ ინფორმაციის მომზადება სამსახურის უფროსისათვის;

გ) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2009 წლის 13 ნოემბრის ბრძანება №733-სსმIII, №140, 13.11.2009წ.; მუხ.1612

    მუხლი 10. იურიდიული დეპარტამენტი

1. ექსპერტიზის სამმართველოს ძირითადი ფუნქციებია:

ა) კომპეტენციის ფარგლებში შემოსავლების სამსახურში შემუშავებული ან სხვა სახელისუფლებო ორგანოებიდან გადმოგზავნილი საკანონმდებლო და კანონქვემდებარე ნორმატიული აქტების პროექტების სამართლებრივი ექსპერტიზის წარმოება;

ბ) სამსახურის საქმიანობის მარეგულირებელი საკანონმდებლო და კანონქვემდებარე ნორმატიული აქტების პროექტების მომზადების ორგანიზება;

გ) კომპეტენციის ფარგლებში სამსახურის უფროსის სხვა დავალებების შესრულება.

2. სასამართლო დავების სამმართველოს ძირითადი ფუნქციებია:

ა) კომპეტენციის ფარგლებში შესაბამისი მინდობილობის (რწმუნებულების) საფუძველზე სამსახურის ინტერესების წარმომადგენლობა სასამართლო და სხვა სახის დავებში;

ბ) სასამართლო და სხვა სახის დავების წარმოშობის მიზეზების ანალიზი და შესაბამისი რეკომენდაციების შემუშავება და ხელმძღვანელობისათვის წარდგენა;

გ) კომპეტენციის ფარგლებში სამსახურის უფროსის სხვა დავალებების შესრულება.

3. საჩივრების სამმართველოს ძირითადი ფუნქციებია:

ა) სამსახურში შემოსული საჩივრების განხილვა და შესაბამისი გადაწყვეტილებების პროექტების მომზადება;

ბ) სათანადო ინფორმაციის მომზადება საჩივრების განსახილველად დანიშნულ სხდომებზე გასატანად;

გ) დავების განმხილველი სხდომების ორგანიზება და სხდომის ოქმების წარმოების უზრუნველყოფა;

დ) კომპეტენციის ფარგლებში სამსახურის უფროსის სხვა დავალებების შესრულება.

4. ადმინისტრირების სამართლებრივი უზრუნველყოფის სამმართველოს ძირითადი ფუნქციებია:

ა) საგადასახადო და საბაჟო სამართალდარღვევების საქმეთა წარმოებასთან დაკავშირებული სამართლებრივი აქტების პროექტების და მეთოდური მითითებების შემუშავება;

ბ) საგადასახადო ვალდებულების შესრულების უზრუნველყოფის ღონისძიებების განხორციელებასთან დაკავშირებული, ასევე ვადაგადაცილებული საგადასახადო დავალიანებების რესტრუქტურიზაციის და ჩამოწერის სამართლებრივი აქტების პროექტების მომზადება;

გ) გადამხდელის საქმიანობაზე დაკვირვების საგადასახადო კონტროლის პროცედურებთან დაკავშირებული სამართლებრივი აქტების პროექტების და მეთოდური მითითებების შემუშავება;

დ) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2008 წლის 29 დეკემბრის ბრძანება №951-სსმIII, №186, 30.12.2008წ.; მუხ.1944

    მუხლი 11. მომსახურების დეპარტამენტი

1. ამოღებულია

2. არაპირდაპირი გადასახადის სამმართველოს ძირითადი ფუნქციებია:

ა) კომპეტენციის ფარგლებში მოქმედი საგადასახადო და საბაჟო კანონმდებლობის და განხორციელებული საკანონმდებლო ცვლილებების ეფექტურობის ანალიზის უზრუნველყოფა და შესაბამისი ცვლილებების და დამატებების პროექტების მომზადება;

ბ) საგადასახადო ორგანოების უზრუნველყოფა ანგარიშ-ფაქტურებით და დღგ-ის გადამხდელის სარეგისტრაციო სერტიფიკატებით. წინადადებების მომზადება და დღგ-ით დაბეგვრაზე შესაბამისი ხელშეკრულებებით გათვალისწინებული სპეციალური დღგ-ის ანგარიშ-ფაქტურა-სერტიფიკატების გაცემა. კომპეტენციის ფარგლებში ანალიტიკური მასალების მომზადებაში მონაწილეობა;

გ) წინადადებების მომზადება მკაცრი აღრიცხვის ბლანკების და სათამაშო ბიზნესის მოსაკრებლის გადახდის ნიშნების ბეჭდვის ორგანიზებაზე და მათი გაცემის უზრუნველყოფა;

დ) წინადადებების მომზადება მკაცრი აღრიცხვის ბლანკების გამოყენებით წარმოქმნილ დარღვევებზე რეაგირების შესახებ და შემდგომი ღონისძიებების გატარების მიზნით ინფორმაციის მიწოდება შემოსავლების სამსახურის ტერიტორიული და სპეციალიზებული ორგანოებისათვის;

ე) კომპეტენციის ფარგლებში აქციზური მარკების მიღებისა და გაცემის ორგანიზება, აღრიცხვა, ინვენტარიზაცია და კომპეტენციის ფარგლებში ანალიტიკური მასალების მომზადებაში მონაწილეობა; საქართველოს ფინანსთა სამინისტროსთან ერთად მბეჭდავ კომპანიებთან გაფორმებული ხელშეკრულებების პირობების დაცვაზე ზედამხედველობა;

ვ) წინადადებების მომზადება აქციზური მარკების დამცავი ნიშნებისა და დიზაინის სრულყოფისათვის;

ზ) საგადასახადო ორგანოს თანამშრომლებისათვის კონსულტაციის გაწევა აქციზური მარკების გამოყენების, კონტროლისა და დამცავი ნიშნების გაყალბების პრევენციის საკითხებთან დაკავშირებით;

თ) კომპეტენციის ფარგლებში სამსახურის უფროსის სხვა დავალებების შესრულება.

3. გადამხდელთა მომსახურების სამმართველოს ძირითადი ფუნქციებია:

ა) კომპეტენციის ფარგლებში მოქმედი საგადასახადო და საბაჟო კანონმდებლობის და განხორციელებული ცვლილებების ეფექტურობის ანალიზის უზრუნველყოფა და საგადასახადო და საბაჟო კანონმდებლობის სრულყოფაზე წინადადებების და შესაბამისი სამართლებრივი აქტების პროექტების მომზადების უზრუნველყოფა;

ბ) საგადასახადო და საბაჟო ორგანოებში გადასახადის გადამხდელთა მომსახურების ორგანიზების პროცესის კოორდინაცია. გადამხდელთა მომსახურების სრულყოფასთან და გამარტივებასთან დაკავშირებით წინადადებების და მეთოდური მითითებების მომზადება;

გ) შემოსავლების სამსახურის სისტემაში ელექტრონულ სერვისთან დაკავშირებით წინადადებების მომზადება ხელმძღვანელობისათვის წარსადგენად;

დ) დადგენილი წესით შემოსავლების სამსახურის კომპეტენციის ფარგლებში გადასახადის გადამხდელთა საგადასახადო აღრიცხვის (რეგისტრაციის) ერთიანი ელექტრონული რეესტრების წარმოების უზრუნველყოფა და გადასახადის გადამხდელთა საგადასახადო აღრიცხვის (რეგისტრაციის) შესახებ კანონმდებლობის გამოყენებაზე წინადადებების მომზადება, საანგარიშ-გებო და სტატისტიკური მონაცემების გაანალიზება და შესაბამისი წინადადებების მომზადება ხელმძღვანელობისათვის წარსადგენად;

ე) უცხოური და საერთაშორისო საწარმოების და ორგანიზაციების საგადასახადო ორგანოში საგადასახადო აღრიცხვაზე/რეგისტრაციაზე აყვანის ძირითადი პრინციპების შემუშავება;

ვ) სახელმწიფო და საგადასახადო რეგისტრაციის სრულყოფის მიზნით ურთიერთობების დამყარება სათანადო ორგანოებთან და მათგან ინფორმაციების მიღება,  მისი შედარება გადამხდელთა სარეგისტრაციო ბაზებთან და ხარვეზების გამოვლენის შემთხვევაში ზომების მიღება მათ აღმოსაფხვრელად;

ზ) კომპეტენციის ფარგლებში საბაჟო და საგადასახადო ორგანოების შესაბამისი სტრუტურული ერთეულების საქმიანობის მონიტორინგი. დადგენილ ვადებში გადასახადის გადამხდელთა საგადასახადო აღრიცხვის (რეგისტრაციის) მდგომარეობის მონიტორინგის განხორციელება საგადასახადო ორგანოების ჭრილში, მათი საქმიანობის გაანალიზება, პრაქტიკული დახმარების გაწევა საგადასახადო ორგანოებისათვის;

თ) საბაჟო და საგადასახადო კანონმდებლობის საკითხებზე გადამხდელთა და დაინტერესებულ პირთა ინფორმირება ბროშურებით, სამახსოვროებით, სხვა ბეჭდვითი გამოცემებით ან/და ინტერნეტ-საშუალებებით;

ი) მსხვილ გადამხდელთა საგადასახადო ინსპექციაში გადასხადის გადამხდელთა აყვანის/გადაყვანის პროცედურების უზრუნველყოფა;

კ) ორგანიზაციისათვის საქველმოქმედო ორგანიზაციის სტატუსის მინიჭების, გაუქმების და ჩამორთმევის საკითხის მომზადების ორგანიზება, შესაბამისი მოწმობის გაცემის და საქველმოქმედო ორგანიზაციის რეესტრის წარმოების უზრუნველყოფა;

ლ) ბანკის ან საბანკო ოპერაციების ცალკეულ სახეობათა შემსრულებელი ორგანიზაციების მიერ უცხოური საწარმოსათვის გახსნილ საბანკო ანგარიშებზე მოწოდებული ინფორმაციების დამუშავება და შესაბამისი საგადასახადო ორგანოების ინფორმირება;

მ) მომხმარებლებთან ნაღდი ფულით ანგარიშსწორებისას გამოსაყენებელი საკონტროლო-სალარო აპარატების მოდელების სახელმწიფო რეესტრის წარმოება და რეგისტრაციის პროცესის ორგანიზება;

ნ) კომპეტენციის ფარგლებში სამსახურის უფროსის სხვა დავალებების შესრულება.

4. სათამაშო ბიზნესის რეგულირების სამმართველოს ძირითადი ფუნქციებია:

ა) კომპეტენციის ფარგლებში მოქმედი კანონმდებლობის სრულყოფაზე წინადადებების და შესაბამისი ნორმატიული აქტების პროექტების მომზადება;

ბ) საქართველოს ტერიტორიაზე ლატარიების, აზარტული და სხვა მომგებიანი თამაშობების სახელმწიფოებრივი რეგულირება;

გ) კანონმდებლობით დადგენილი წესით აზარტული და სხვა მომგებიანი თამაშობების თითოეულ სახეობაზე ნებართვის გაცემა, ცვლილების შეტანა, გაუქმება, მოქმედების შეჩერება, განახლება და კანონით დადგენილი წესით ნებართვის მფლობელის მიერ სანებართვო პირობების შესრულების კონტროლი, აგრეთვე ამ სფეროში ნორმატიული აქტების პროექტების შემუშავება;

დ) ლატარიის ბილეთებისა და სხვა მომგებიან თამაშობებში მონაწილეობის დამადასტურებელი დოკუმენტების/ნივთის (გარდა ტოტალიზატორის ბილეთებისა) ლეგალიზაცია, განაღდებული და გაუქმებული ლატარიის ბილეთებისა და სხვა მომგებიან თამაშობებში მონაწილეობის დამადასტურებელი დოკუმენტების/ნივთის (გარდა ტოტალიზატორის ბილეთებისა) და ღირებულების მქონე ბლანკების (ფორმების, დოკუმენტების) ექსპერტიზა და უტილიზაცია;

ე) შემოსავლების სამსახურის ტერიტორიული და სპეციალიზებული ორგანოებიდან წარმოდგენილი ინფორმაციის მიღება, გაანალიზება და შესაბამისი წინადადებების მომზადება;

ვ) შემოსავლების სამსახურის ხელმძღვანელობისათვის პერიოდულად სათანადო ანგარიშის წარდგენა;

ზ) კომპეტენციის ფარგლებში სამსახურის უფროსის სხვა დავალებების შესრულება.

5. გრანტებისა და ჰუმანიტარული დახმარების სამმართველოს ძირითადი ფუნქციებია:

ა) კომპეტენციის ფარგლებში მოქმედი კანონმდებლობის სრულყოფაზე წინადადებების და შესაბამისი ნორმატიული აქტების პროექტების მომზადება;

ბ) საიმპორტო საქონლისათვის გრანტის ან ჰუმანიტარული დახმარების სტატუსის მინიჭების საკითხის განხილვა და სათანადო გადაწყვეტილების პროექტის მომზადება;

გ) გრანტით და ჰუმანიტარული დახმარებით იმპორტირებული საქონლის აღრიცხვა;

გ^​1) საზღვარგარეთის ქვეყნების ტექნიკური დახმარების პროექტებით იმპორტირებული საქონლის აღრიცხვა;

დ) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2008 წლის 23 აპრილის ბრძანება №382-სსმIII, №63, 24.04.2008წ.; მუხ.712

საქართველოს ფინანსთა მინისტრის 2009 წლის 30 იანვრის ბრძანება №46-სსმIII, №13, 05.02.2009წ.; მუხ.162

საქართველოს ფინანსთა მინისტრის 2009 წლის 30 დეკემბრის ბრძანება №934-სსმIII, №159, 30.12.2009წ.; მუხ.1998

    მუხლი 12. მეთოდოლოგიის დეპარტამენტი

1. დაბეგვრის მეთოდოლოგიის სამმართველოს ძირითადი ფუნქციებია:

ა) კომპეტენციის ფარგლებში საგადასახადო და საბაჟო კანონმდებლობის სრულყოფაზე წინადადებების და შესაბამისი ნორმატიული აქტების პროექტების მომზადება;

ბ) კომპეტენციის ფარგლებში გადამხდელთა დაბეგვრასთან დაკავშირებული ინსტრუქციის პროექტების, მეთოდური მითითებების და სხვა აქტების, აგრეთვე საგადასახადო დეკლარაციების და გაანგარიშებების სხვა ფორმების (მათ შორის, საჯარო მოხელეთა დეკლარაციების) და მათი შევსების წესების შემუშავება;

გ) კომპეტენციის ფარგლებში საგადასახადო და საბაჟო ორგანოებში მეთოდოლოგიური ერთიანობის დაცვის უზრუნველყოფა შემუშავებული ინსტრუქციების, განმარტებების და რეკომენდაციების ნაწილში;

დ) სხვა სახელმწიფოებთან ორმაგი დაბეგვრის შესახებ ხელშეკრულების პროექტების მომზადებასა და განხილვაში მონაწილეობა. საერთაშორისო ხელშეკრულების გამოყენების საკითხებზე ნორმატიული და მეთოდოლოგიური დოკუმენტების შემუშავება კომპეტენციის ფარგლებში;

ე) ამოღებულია;

ვ) ამოღებულია;

ზ) ამოღებულია;

თ) წარმოდგენილი ანგარიშების ფორმების გაანალიზება და გამოკვეთილი ტენდენციების განზოგადება კომპეტენციის ფარგლებში;

ი) კომპეტენციის ფარგლებში საგადასახადო კანონმდებლობის გამოყენებასთან დაკავშირებით გადამხდელებისაგან, საგადასახადო და საბაჟო ორგანოებიდან და სხვა უწყებებიდან სამსახურში შემოსულ წერილებზე პასუხების მომზადება და დასმულ საკითხებზე ერთიანი მიდგომის გამომუშავება;

კ) კომპეტენციის ფარგლებში სამსახურის უფროსის სხვა დავალებების შესრულება.

2. პროცედურების მეთოდოლოგიის სამმართველოს ძირითადი ფუნქციებია:

ა) კომპეტენციის ფარგლებში საბაჟო და საგადასახადო კანონმდებლობის სრულყოფაზე წინადადებების და შესაბამისი ნორმატიული აქტების პროექტების მომზადება;

ბ) კომპეტენციის ფარგლებში საბაჟო და საგადასახადო ორგანოებში მეთოდოლოგიური ერთიანობის დაცვის უზრუნველყოფა შემუშავებული ინსტრუქციების, განმარტებების და რეკომენდაციების ნაწილში;

გ) ამოღებულია;

დ) ამოღებულია;

ე) მიმდინარე საგადასახადო კონტროლის (გარდა სახელმწიფო რეგისტრაციისა და გადასახადის გადამხდელად აღრიცხვისა) პროცედურების განხორციელებასთან დაკავშირებით ერთიანი მეთოდოლოგიური მიდგომის შემუშავება;

ვ) კომპეტენციის ფარგლებში საბაჟო და საგადასახადო კანონმდებლობის გამოყენებასთან დაკავშირებით გადამხდელებისაგან, საგადასახადო ორგანოებიდან და სხვა უწყებებიდან სამსახურში შემოსულ წერილებზე პასუხების მომზადება და დასმულ საკითხებზე ერთიანი მიდგომის გამომუშავება;

ზ) საბაჟო პროცედურების, აგრეთვე საბაჟო ორგანოების და მათი სტრუქტურული ერთეულების მუშაობის ტექნოლოგიური სქემების შემუშავება და მათი სრულყოფა. სამსახურის ცენტრალური აპარატის შესაბამისი ქვედანაყოფების და სამსახურის ტერიტორიული და სპეციალიზებული ორგანოების მიერ წინასწარი ოპერაციების, საბაჟო პროცედურების განხორციელებისას  საბაჟო კანონმდებლობის (მათ შორის, საერთაშორისო ხელშეკრულებების) ნორმათა გამოყენების პრაქტიკის (პრაქტიკული საქმიანობის, მისი ამსახველი დოკუმენტების და მონაცემების) შესწავლა, ხოლო შესწავლის შედეგებიდან გამომდინარე,  შესაბამისი რეკომენდაციებისა და პროექტების შემუშავება;

თ)     საბაჟო საქმის (მათ შორის, საერთაშორისო საბაჟო თანამშრომლობის) მომწესრიგებელ საერთაშორისო ხელშეკრულებებთან მიერთების, ასევე ამ ხელშეკრულებებში ცვლილებებისა და დამატებების შეტანის თაობაზე რეკომენდაციების შემუშავება, შესაბამის საერთაშორისო ორგანიზაციებთან მუშაობის წარმართვა;

ი)  წინადადებების შემუშავება საბაჟო პროცედურების განხორციელებისათვის საჭირო ინფრასტრუქტურის განვითარების, კონტროლის მეთოდების და ტექნიკური საშუალებების დანერგვის თაობაზე;

ი^​1) ჰარმონიზებული სისტემის და საგარეო-ეკონომიკური საქმიანობის ეროვნული სასაქონლო ნომენკლატურის საკითხებზე მუშაობა, ჰარმონიზებული სისტემის ცვლილებების სისტემატიზაციის და ამ ცვლილებებთან საგარეო-ეკონომიკური საქმიანობის ეროვნული სასაქონლო ნომენკლატურის შესაბამისობაში მოყვანის, აგრეთვე ამ სფეროში საქართველოს მიერ ნაკისრი ვალდებულებების შესრულების უზრუნველსაყოფად შესაბამისი რეკომენდაციების და წინადადებების წარდგენა;

ი^​2) საქონლის საბაჟო ღირებულების განსაზღვრის საკითხებზე მუშაობა, აღნიშნული სფეროს მომწესრიგებელი საერთაშორისო ხელშეკრულებების მიღების და მათში ცვლილებებისა და დამატებების შეტანის თაობაზე ინფორმაციის სისტემატიზაცია, ამ სფეროში საქართველოს მიერ ნაკისრი ვალდებულებების შესრულების უზრუნველსაყოფად შესაბამისი რეკომენდაციების და წინადადებების წარდგენა;

ი^​3) საქართველოს საბაჟო ტერიტორიაზე შემოსატანი ან/და საქართველოს საბაჟო ტერიტორიიდან გასატანი საქონლის მიმართ საგარეო-ეკონომიკური საქმიანობის ეროვნული სასაქონლო ნომენკლატურის შესაბამისად სასაქონლო კოდის ან წარმოშობის ქვეყნის განსაზღვრის თაობაზე პირის (დაინტერესებული მხარის) წერილობითი განცხადების (მოთხოვნის) საფუძველზე სამსახურის წინასწარი საბაჟო გადაწყვეტილების პროექტების მომზადება;

ი^​4) სამსახურის სტრუქტურული ქვედანაყოფების მიერ შემუშავებული პროცედურული სახელმძღვანელოების განსაზღვრულ სტანდარტებთან შესაბამისობის შემოწმება და მათი გამოცემის კოორდინაცია;

კ) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2008 წლის 23 აპრილის ბრძანება №382-სსმIII, №63, 24.04.2008წ.; მუხ.712

საქართველოს ფინანსთა მინისტრის 2008 წლის 29 დეკემბრის ბრძანება №951-სსმIII, №186, 30.12.2008წ.; მუხ.1944

საქართველოს ფინანსთა მინისტრის 2009 წლის 25 მარტის ბრძანება №182-სსმIII, №38, 27.03.2009წ.; მუხ.438

    მუხლი 13. საბაჟო კონტროლის დეპარტამენტი

1. საბაჟო დამუშავების ოპერაციების მონიტორინგის სამმართველოს ძირითადი ფუნქციებია:

ა) საბაჟო დამუშავების ოპერაციების მონიტორინგი და ზედამხედველობა; საბაჟო დამუშავების ოპერაციის განხორციელებისას საბაჟო კონტროლის თაობაზე გადაწყვეტილების მიღებისა და აღსრულების პროცესის მონიტორინგი;

ა^​1) საქართველოს საბაჟო კოდექსის მე-8 მუხლის მე-4 ნაწილით განსაზღვრული საბანკო გარანტიის, საბაჟო-სავაჭრო თანამშრომლობის მონაწილის საბაჟო ვალდებულების უზრუნველყოფის გარანტიის მიღება, საბაჟო ორგანოებიდან შეუსრულებელი საბაჟო ვალდებულების თაობაზე მიღებული ინფორმაციის საფუძველზე გარანტორის მიმართ შესაბამისი რეაგირება;

ა^​2) საბაჟო მონაცემთა ავტომატიზებულ სისტემა ,,ASYCUDA“-ში დაშვების მიზნით საბაჟო გადაწყვეტილების მიღებასთან, მიღებული საბაჟო გადაწყვეტილების მოქმედების შეჩერებასთან და გაუქმებასთან დაკავშირებით ადმინისტრაციული წარმოების წარმართვა, შესაბამისი გადაწყვეტილებების პროექტების მომზადება;

ბ) რისკის მართვის სისტემის საფუძველზე შერჩეული საბაჟო კონტროლის ღონისძიებების ეფექტურობის შეფასება, საბაჟო კონტროლის განმახორციელებელ პირებზე ზედამხედველობა, შესაძლო არასასურველი პრაქტიკის გამოვლენა და მათი აღკვეთის მიზნით ღონისძიებების შემუშავება;

გ) საბაჟო დამუშავების ოპერაციის განხორციელებასთან დაკავშირებული საბაჟო პროცედურების წარმართვისას საქონლის მესაკუთრის ან/და მფლობელის მიერ საბაჟო ორგანოში წარდგენილი დოკუმენტაციის შერჩევა და ამ დოკუმენტაციის შემოწმება საბაჟო საქმის სფეროში საერთაშორისო თანამშრომლობისა და ურთიერთდახმარების მექანიზმების გამოყენებით, შემოწმების შედეგებზე შესაბამისი რეაგირება;

დ) საბაჟო კონტროლის განხორციელების და საბაჟო კონტროლის შედეგების რეალიზაციის ერთიანი პრინციპებისა და სტანდარტების დანერგვის, საბაჟო კონტროლის სრულყოფისა და ეფექტურობის გაზრდის მიზნით, კომპეტენციის ფარგლებში რეგიონალური ცენტრების (საგადასახადო ინსპექციების) საქმიანობის ზედამხედველობა, პრაქტიკული დახმარების აღმოჩენა და კონკრეტულ საკითხებზე შესასრულებლად სავალდებულო მითითებების მიცემა;

ე) საბაჟო საქმის ორგანიზებასთან დაკავშირებულ საკითხებზე საერთაშორისო ორგანიზაციებთან ურთიერთობების ორგანიზება. სამმართველოს კომპეტენციაში შემავალი საკითხების ანალიზისა და საზღვარგარეთის ქვეყნების გამოცდილების შესწავლის საფუძველზე დეპარტამენტის ხელმძღვანელობისათვის კანონმდებლობაში აუცილებელი ცვლილებებისა და დამატებების განხორციელების თაობაზე რეკომენდაციების წარდგენა, სამსახურის ცენტრალური აპარატის შესაბამის სტრუქტურულ ქვედანაყოფთან ერთად საბაჟო დამუშავების ოპერაციების განხორციელებასთან დაკავშირებული საბაჟო პროცედურების განხორციელების საკითხებზე შესაბამისი მეთოდური მითითებების მომზადება;

ე^​1) საქართველოს საბაჟო კოდექსის XIV1 თავის შესაბამისად საქონლის გაშვების შემდგომი საბაჟო შემოწმების საბაჟო პროცედურების განხორციელება;

ვ) კომპეტენციის ფარგლებში სამსახურის უფროსის სხვა დავალებების შესრულება.

2. ოპერატიული მართვის სამმართველოს ძირითადი ფუნქციებია:

ა) საბაჟო ორგანოების ოპერატიული მართვის ორგანიზება, კავშირის ელექტრონული საშუალებების გამოყენებით (ტელეფონი, რადიოკავშირი, ელექტრონული ფოსტა, ფაქსი და სხვა) საბაჟო ორგანოების ინფორმირება საბაჟო საქმის ორგანიზების მარეგულირებელი ისეთი სახის სამართლებრივი აქტების თაობაზე, რომელთა ძალაში შესვლა ხორციელდება იმავე ან მომდევნო დღეს, აგრეთვე, საბაჟო კანონმდებლობის გამოყენების თაობაზე კონსულტაცია, საბაჟო ორგანოებიდან ოპერატიული ინფორმაციის მიღება/დამუშავება და შესაბამისი რეაგირება;

ბ) საბაჟო ორგანოების ოპერატიული მართვის ორგანიზების მიზნით სამსახურის ცენტრალური აპარატის სტრუქტურული ქვედანაყოფებიდან და სამსახურის ტერიტორიული ორგანოებიდან შესაბამისი ინფორმაციის მიღება/დამუშავება;

გ) გაგზავნის საბაჟო ორგანოს მიერ საქონლისა და სატრანსპორტო საშუალებების დანიშნულების საბაჟო ორგანოში წარდგენისთვის დადგენილი ვადებისა და პირობების შესრულებაზე, მათ შორის, საბაჟო კონტროლის ქვეშ მყოფი საქონლისა და სატრანსპორტო საშუალების აღრიცხვის მოწმობით, ან საერთაშორისო ხელშეკრულებით გათვალისწინებულ შემთხვევაში სხვა დოკუმენტით საქართველოს საბაჟო ტერიტორიაზე საქონლის გადაადგილების პირობების შესრულებაზე მონიტორინგი და შესაბამისი რეაგირება;

დ) საქართველოს ფინანსთა მინისტრის ბრძანებით გათვალისწინებული წესით კონტროლს დაქვემდებარებულ მიწოდებასთან დაკავშირებული ღონისძიებების მონიტორინგი და კომპეტენციის ფარგლებში საბაჟო ორგანოებისთვის სავალდებულო მითითების მიცემა;

ე) სასაზღვრო საბაჟო ორგანოებში რისკის მართვის სისტემის საფუძველზე საბაჟო კონტროლის ღონისძიებების შემუშავება და მათი განხორციელების მონიტორინგი;

ვ) სასაზღვრო საბაჟო ორგანოში საბაჟო კონტროლს ქვეშ გადაადგილების დაწყების ან დასრულების საბაჟო კონტროლის სტანდარტების დანერგვა, საბაჟო კონტროლის სრულყოფისა და ეფექტურობის გაზრდის მიზნით რეგიონალური ცენტრების (საგადასახადო ინსპექციების) საქმიანობის ზედამხედველობა და კონკრეტული ამოცანების შესასრულებლად სავალდებულო მითითებების მიცემა;

ზ) საბაჟო გამშვებ პუნქტებში/საბაჟო საგუშაგოებში საქართველოს სახელმწიფო საზღვრის გადაკვეთისას ,,საქართველოს სახელმწიფო საზღვრის გადაკვეთისას სამგზავრო დოკუმენტებში შესაბამისი აღნიშვნების განხორციელების წესის დამტკიცების შესახებ“ საქართველოს ფინანსთა მინისტრისა და საქართველოს შინაგან საქმეთა მინისტრის 2009 წლის 30 იანვრის №36-№111 ერთობლივი ბრძანებით განსაზღვრულ შემთხვევებში და დადგენილი წესით სამგზავრო დოკუმენტებში შესაბამისი აღნიშვნების განხორციელების პროცესის მონიტორინგი;

თ) სასაზღვრო საბაჟო პროცედურებთან, სასაზღვრო კონტროლთან დაკავშირებულ საკითხებზე საერთაშორისო ორგანიზაციებთან ურთიერთობების ორგანიზება; ოპერატიული მართვის სამმართველოს კომპეტენციაში შემავალი საკითხების ანალიზისა და/ან საზღვარგარეთის ქვეყნების გამოცდილების შესწავლის საფუძველზე კანონმდებლობაში აუცილებელი ცვლილებებისა და დამატებების განხორციელების, მეთოდური მითითებების მომზადების თაობაზე ხელმძღვანელობისათვის რეკომენდაციების წარდგენა, კომპეტენციის ფარგლებში სასაზღვრო საბაჟო ორგანოში საბაჟო პროცედურების განხორციელების საკითხებზე შესაბამისი მეთოდური მითითებების მომზადებაში მონაწილეობა;

თ^​1) საბაჟო მონაცემთა ავტომატიზებულ სისტემა ,,ASYCUDA“-ში მომხმარებელთა დაშვების და დაშვების გაუქმების ტექნიკური უზრუნველყოფა;

თ^​2) საბაჟო ორგანოებში არსებული სპეციალური ტექნიკის გამოყენების ორგანიზება. საბაჟო კონტროლის განხორციელებისათვის საჭირო ინფრასტრუქტურის განვითარების, ახალი მეთოდებისა და ტექნიკური საშუალებების დანერგვის თაობაზე წინადადებების შემუშავება;

თ^​3) საბაჟო კონტროლის ქვეშ მყოფი საქონლის ან/და სატრანსპორტო საშუალების მიმართ საბაჟო პროცედურების განხორციელების ადგილებში (სასაზღვრო საბაჟო ორგანოები; საბაჟო დამუშავების ოპერაციების განხორციელების ადგილები; საბაჟო საწყობი ან შენახვის სხვა ადგილი; ან სხვა საბაჟო კონტროლის ზონა) საბაჟო კონტროლის განხორციელება რენტგენსკანერის მეშვეობით, მათი ექსპლუატაცია, სკანირების შედეგად მიღებული ინფორმაციის დამუშავება-ანალიზი, საბაჟო სამართალდარღვევის გამოვლენა, საბაჟო სამართალდარღვევის ოქმის შედგენა და შემოსავლების სამსახურის შესაბამისი ტერიტორიული ორგანოსთვის გადაგზავნა;

თ^​4)  სასაზღვრო და არასასაზღვრო საბაჟო ორგანოების საბაჟო კონტროლის საერთო კოორდინაცია;

ი) კომპეტენციის ფარგლებში სამსახურის უფროსის სხვა დავალებების შესრულება.

3. ვეტერინარული, სანიტარიული და ფიტოსანიტარიული კონტროლის ორგანიზაციის სამმართველოს ძირითადი ფუნქციებია:

ა) საბაჟო ორგანოების მიერ სახელმწიფო ფიტოსანიტარიული სასაზღვრო-საკარანტინო, სახელმწიფო ვეტერინარული სასაზღვრო-საკარანტინო, სანიტარიულ-საკარანტინო კონტროლის განხორციელების ორგანიზაცია;

ბ) სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინარულ სასაზღვრო-საკარანტინო, სანიტარიულ-საკარანტინო კონტროლს დაქვემდებარებული საქონლის საქართველოს საბაჟო ტერიტორიაზე შემოტანის, გადაადგილებისა და გატანის პროცესის მონიტორინგი. სასაზღვრო საბაჟო ორგანოების მიერ საქონლის მიმართ კანონმდებლობით დადგენილი წესით განხორციელებული სახელმწიფო ფიტოსანიტარიული სასაზღვრო-საკარანტინო, სახელმწიფო ვეტერინარული სასაზღვრო-საკარანტინო, სანიტარიულ-საკარანტინო კონტროლს დაქვემდებარებული საქონლის შემოწმების შედეგების შესახებ ინფორმაციის მიღება, ანალიზი, პრობლემების გამოვლენა და რეაგირების თაობაზე წინადადებების მომზადება;

გ) სასაზღვრო საბაჟო ორგანოში სახელმწიფო ფიტოსანიტარიული სასაზღვრო-საკარანტინო, სახელმწიფო ვეტერინარული სასაზღვრო-საკარანტინო, სანიტარიულ-საკარანტინო კონტროლის განხორციელების და კონტროლის შედეგების რეალიზაციის ერთიანი პრინციპებისა და სტანდარტების დანერგვის, კონტროლის სრულყოფისა და ეფექტურობის გაზრდის მიზნით რეგიონალური ცენტრების (საგადასახადო ინსპექციების) საქმიანობის ზედამხედველობა, სამსახურის ტერიტორიული ორგანოებისათვის კომპეტენციის ფარგლებში პრაქტიკული დახმარების აღმოჩენა და კონკრეტულ საკითხებზე შესასრულებლად სავალდებულო მითითებების მიცემა;

დ) სასაზღვრო საბაჟო ორგანოში სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინარულ სასაზღვრო-საკარანტინო, სანიტარიულ-საკარანტინო კონტროლთან დაკავშირებულ საკითხებზე საერთაშორისო ორგანიზაციებთან ურთიერთობების ორგანიზება. სამმართველოს კომპეტენციაში შემავალი საკითხების ანალიზისა და საზღვარგარეთის ქვეყნების გამოცდილების შესწავლის საფუძველზე დეპარტამენტის ხელმძღვანელობისათვის კანონმდებლობაში აუცილებელი ცვლილებებისა და დამატებების განხორციელების თაობაზე რეკომენდაციების წარდგენა, სამსახურის ცენტრალური აპარატის შესაბამის სტრუქტურულ ქვედანაყოფთან ერთად სასაზღვრო საბაჟო ორგანოში საბაჟო პროცედურების განხორციელების საკითხებზე შესაბამისი მეთოდური მითითებების მომზადება;

ე) კომპეტენციის ფარგლებში სამსახურის უფროსის სხვა დავალებების შესრულება.

4. სპეციალური საბაჟო კონტროლის ორგანიზაციის სამმართველოს ძირითადი ფუნქციებია:

ა) საბაჟო ორგანოების მიერ არასატარიფო ღონისძიებების გატარებასთან დაკავშირებული საბაჟო პროცედურების განხორციელებაზე ზედამხედველობა;

ბ) ამოღებულია;

გ) ამოღებულია;

დ) ამოღებულია;

ე) ინტელექტუალური საკუთრების ობიექტების რეესტრში ინტელექტუალური საკუთრების ობიექტების რეგისტრაციასთან, ცვლილებების შეტანასთან და გაუქმებასთან დაკავშირებული ადმინისტრაციული წარმოების წარმართვა და შესაბამისი გადაწყვეტილებების პროექტების მომზადება; ინტელექტუალურ საკუთრებასთან დაკავშირებული სასაზღვრო ღონისძიების განხორციელებაზე მონიტორინგი და შესაბამისი რეაგირება;

ვ) ,,ლიცენზიებისა და ნებართვების შესახებ“ საქართველოს კანონით სამსახურის ქვემდებარეობას მიკუთვნებული ნებართვის (უბაჟო ვაჭრობის პუნქტის საქმიანობის ნებართვა, საბაჟო საწყობის (ღია ან/და დახურული) საქმიანობის ნებართვა, თავისუფალი საწყობის საქმიანობის ნებართვა) გაცემასთან, ნებართვაში ცვლილების შეტანასა და ნებართვის გაუქმებასთან დაკავშირებული ადმინისტრაციული წარმოების წარმართვა, კანონმდებლობით დადგენილი წესით სანებართვო პირობების შესრულების კონტროლის ორგანიზება და შესაბამისი გადაწყვეტილებების პროექტების მომზადება;

ზ) კომპეტენციის ფარგლებში სამსახურის ტერიტორიული ორგანოების საქმიანობაზე ზედამხედველობა, მათთვის პრაქტიკული დახმარების აღმოჩენა და კონკრეტულ საკითხებზე შესასრულებლად სავალდებულო მითითებების მიცემა;

თ) სპეციალურ საბაჟო კონტროლთან დაკავშირებულ საკითხებზე საერთაშორისო ორგანიზაციებთან ურთიერთობების ორგანიზება. სამმართველოს კომპეტენციაში შემავალი საკითხების ანალიზისა და საზღვარგარეთის ქვეყნების გამოცდილების შესწავლის საფუძველზე სამსახურის ხელმძღვანელობისათვის კანონმდებლობაში აუცილებელი ცვლილებებისა და დამატებების განხორციელების თაობაზე რეკომენდაციების წარდგენა, სამსახურის ცენტრალური აპარატის შესაბამის სტრუქტურულ ქვედანაყოფთან ერთად საბაჟო პროცედურების განხორციელების საკითხებზე შესაბამისი მეთოდური მითითებების მომზადება;

ი) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2008 წლის 11 დეკემბრის ბრძანება №908-სსმIII, №178, 15.12.2008წ.; მუხ.1811

საქართველოს ფინანსთა მინისტრის 2009 წლის 30 იანვრის ბრძანება №46-სსმIII, №13, 05.02.2009წ.; მუხ.162

საქართველოს ფინანსთა მინისტრის 2009 წლის 8 აპრილის ბრძანება №226-სსმIII, №45, 10.04.2009წ.; მუხ.503

საქართველოს ფინანსთა მინისტრის 2009 წლის 31 აგვისტოს ბრძანება №566-სსმIII, №107, 31.08.2009წ.; მუხ.1235

საქართველოს ფინანსთა მინისტრის 2010 წლის 23 თებერვლის ბრძანება №123-სსმIII, №22, 25.02.2010წ.; მუხ.275

    მუხლი 14. ამოღებულია

საქართველოს ფინანსთა მინისტრის 2008 წლის 23 აპრილის ბრძანება №382-სსმIII, №63, 24.04.2008წ.; მუხ.712

საქართველოს ფინანსთა მინისტრის 2009 წლის 27 ნოემბრის ბრძანება №785-სსმIII, №147, 30.12.2009წ.; მუხ.1727

    მუხლი 15. ინფორმაციის დამუშავების და ანალიზის დეპარტამენტი

1. რისკების მართვის სამმართველოს ძირითადი ფუნქციებია:

ა) კომპეტენციის ფარგლებში საგადასახადო და საბაჟო კანონმდებლობის სრულყოფაზე წინადადებების, შესაბამისი ნორმატიული აქტების და მეთოდური მითითებების პროექტების მომზადება, საგადასახადო და საბაჟო ორგანოებისათვის პრაქტიკული დახმარების აღმოჩენა;

ბ) კომპეტენციის ფარგლებში ექსპორტ-იმპორტის ოპერაციების და უცხო სახელმწიფოების უფლებამოსილი ორგანოებიდან მიღებული საგადასახადო ინფორმაციის დამუშავება, ანალიზი და შესაბამის საგადასახადო და საბაჟო ორგანოებზე დაყვანა;

გ) ინფორმაციული ბაზების, სპეციალური საბაჟო სტატისტიკის მონაცემების, საბაჟო და საგადასახადო კანონმდებლობის დარღვევების თაობაზე არსებული, აგრეთვე საერთაშორისო საბაჟო და საგადასახადო თანამშრომლობის მექანიზმების გამოყენებით მიღებული ინფორმაციის გათვალისწინებით რისკის ფაქტორების გამოვლენა და ანალიზი, რისკების მენეჯმენტის თაობაზე წინადადებების შემუშავება და მათი განხორციელების კოორდინაცია;

დ) კომპეტენციის ფარგლებში სამსახურის უფროსის სხვა დავალებების შესრულება.

2. სტატისტიკის და ანალიზის სამმართველოს ძირითადი ფუნქციებია:

ა) კომპეტენციის ფარგლებში საგადასახადო და საბაჟო კანონმდებლობის სრულყოფაზე წინადადებების, შესაბამისი ნორმატიული აქტების და მეთოდური მითითებების პროექტების მომზადება. საგადასახადო და საბაჟო ორგანოებისათვის პრაქტიკული დახმარების აღმოჩენა;

ბ) სამსახურის ხელმძღვანელობისათვის, აგრეთვე სამსახურის სტრუქტურული ქვედანაყოფებისათვის აუცილებელი ინფორმაციის მიწოდება;

გ) ამოღებულია;

დ) სახელმწიფო დაწესებულებებიდან, ასევე კანონით დასაშვები წყაროებიდან სამსახურის ფუნქციონირებისათვის საჭირო ინფორმაციის მოგროვება, სისტემატიზაცია;

ე) საგარეო ვაჭრობის საბაჟო სტატისტიკის, სპეციალური საბაჟო, საგადასახადო და სხვა შესაბამისი სტატისტიკის წარმოება, საგარეო ვაჭრობის საბაჟო სტატისტიკის და სპეციალური საბაჟო სტატისტიკის მონაცემების, საგარეო-ეკონომიკური საქმიანობის რეგულირების არსებული სატარიფო და არასატარიფო მექანიზმების საგარეო-ეკონომიკური ურთიერთობების დინამიკაზე ზეგავლენის ანალიზი, შესაბამისი რეკომენდაციებისა და წინადადებების შემუშავება;

ვ) ელექტრონული და სხვა სახის ინფორმაციის მიღება და დამუშავება სამსახურის ადმინისტრირებადი შემოსავლების შესახებ;

ზ) დამტკიცებული საგეგმო-საპროგნოზო მაჩვენებლების დაყვანა საგადასახადო და საბაჟო ორგანოებამდე;

თ) შემოსავლების დამუშავების ორგანიზება გადასახადის სახეების, ტერიტორიული ერთეულების მიხედვით;

ი) საგადასახადო შემოსავლების მიმდინარეობის, აგრეთვე დაბეგვრის საკითხებზე აქტუალური ინფორმაციების და მასალების მომზადება;

კ) საგადასახადო ბაზის საპროგნოზო გაანგარიშებების წარმოება საქართველოს ფინანსთა სამინისტროს მიერ დაშვებული წესით;

ლ) ამოღებულია;

მ) საგადასახადო და საბაჟო მონაცემთა ელექტრონულ ბაზებთან მომხმარებლის დონეზე დაკავშირება, დამუშავება, სისტემატიზაცია და წარმართვა;

ნ) საგადასახადო შემოსავლების მობილიზაციის და მათი აკრეფის გაუმჯობესების შესახებ წინადადებების და ანალიტიკური ინფორმაციის მომზადება;

ო) საგადასახადო და საბაჟო ორგანოებში საბიუჯეტო შემოსულობათა (მათ შორის, ზედმეტად გადახდილი თანხის), გადატანების, დაბრუნებების, საგადასახადო სანქციებისა და საურავების მიხედვით აღრიცხვის წარმოების წესების შემუშავება;

პ) საგადასახადო შემოსავლების ანგარიშგების სტატისტიკური ფორმების შედგენის მეთოდოლოგიის შემუშავება-სრულყოფა და ეკონომიკური ანალიზი;

ჟ) გაწეული მუშაობის შედეგების, ასევე მათი ანალიზის განხორციელების მიზნით ანგარიშების მიღება, თავისი კომპეტენციის ფარგლებში სისტემატიზაცია და ანალიზი; სამსახურის მუშაობის შემაჯამებელი ანგარიშების მომზადება;

რ) გადამხდელთა პირადი აღრიცხვის ბარათების წარმოების მეთოდოლოგიის შემუშავება და სრულყოფა;

ს) კომპეტენციის ფარგლებში სამსახურის უფროსის სხვა დავალებების შესრულება.

3. ამოღებულია

საქართველოს ფინანსთა მინისტრის 2008 წლის 23 აპრილის ბრძანება №382-სსმIII, №63, 24.04.2008წ.; მუხ.712

საქართველოს ფინანსთა მინისტრის 2008 წლის 29 დეკემბრის ბრძანება №951-სსმIII, №186, 30.12.2008წ.; მუხ.1944

საქართველოს ფინანსთა მინისტრის 2009 წლის 15 ივლისის ბრძანება №448-სსმIII, №88, 20.07.2009წ.; მუხ.945

საქართველოს ფინანსთა მინისტრის 2009 წლის 25 სექტემბრის ბრძანება №633-სსმIII, №117, 28.09.2009წ.; მუხ.1355

    მუხლი 15^​1. ადმინისტრირების დეპარტამენტი

1. ადმინისტრირების ღონისძიებების სამმართველოს ძირითადი ფუნქციებია:

ა) კომპეტენციის ფარგლებში საგადასახადო და საბაჟო კანონმდებლობის სრულყოფაზე წინადადებების და შესაბამისი ნორმატიული აქტების პროექტების მომზადება, საჭიროების შემთხვევაში სამსახურის ტერიტორიული ორგანოებისათვის პრაქტიკული დახმარების აღმოჩენა;

ბ) ვადაგადაცილებულ დავალიანებათა აღრიცხვა და ანალიზი;

გ) სამსახურის ტერიტორიული ორგანოების მიერ საგადასახადო და საბაჟო ვალდებულების შესრულების უზრუნველყოფის მიზნით გატარებული ღონისძიებების აღრიცხვა-ანალიზი;

დ) მარეგისტრირებელ ორგანოებს/საბანკო დაწესებულებებსა და შემოსავლების სამსახურს შორის ინფორმაციის ელექტრონულ-ტექნიკური საშუალებებით გაცვლის უზრუნველყოფა;

ე) რესტრუქტურიზაციის რეჟიმში მომუშავე საწარმოების (ორგანიზაციების) მიერ საქართველოს ფინანსთა სამინისტროსთან დადებული რესტრუქტურიზაციის ხელშეკრულებით გათვალისწინებული პირობების შესრულების შესახებ ინფორმაციის მიწოდება საქართველოს ფინანსთა სამინისტროსათვის;

ვ) შემოსავლების სამსახურის ტერიტორიული ორგანოების მიერ მიმდინარე კონტროლის პროცედურების შედეგების ანალიზი, შესაბამისი ანგარიშგების წარმოება;

ზ) შემოსავლების სამსახურის ტერიტორიული და სპეციალიზირებული ორგანოებიდან მათ მიერ გამოვლენილ სამართალდარღვევებზე წარმოდგენილი ინფორმაციის მიღება და ანალიზი;

თ) ფიზიკურ პირთა ქონების გადასახადის შესახებ შემოსავლების სამსახურის ტერიტორიული და სხვა სპეციალიზებული ორგანოებიდან წარმოდგენილი ინფორმაციების მიღება და ანალიზი;

ი) კომპეტენციის ფარგლებში სამსახურის უფროსის სხვა დავალებების შესრულება.

2. ყადაღადადებული ქონების რეალიზაციის ღონისძიებათა სამმართველოს ძირითადი ფუნქციებია:

ა) გადასახადის გადამხდელის ყადაღადადებული ქონების რეალიზაციის მიზნით აუქციონის ჩატარების პროცედურების ორგანიზება და აუქციონის ჩატარება;

ბ) აუქციონის გზით რეალიზებულ ყადაღადადებული ქონებაზე გაყიდვისა და ქონების ფლობის (განკარგვის) შესახებ სერტიფიკატის გაცემა;

გ) ყადაღადადებული ქონების რეალიზაციის შედეგების გათვალისწინებით, გადასახადის გადამხდელის მიმართ გასატარებელი ღონისძიებების შესახებ სამსახურის შესაბამისი ტერიტორიული ორგანოს ინფორმირება;

დ) კომპეტენციის ფარგლებში სამსახურის უფროსის სხვა დავალებების შესრულება.

საქართველოს ფინანსთა მინისტრის 2009 წლის 25 სექტემბრის ბრძანება №633-სსმIII, №117, 28.09.2009წ.; მუხ.1355

    მუხლი 16. სამსახურის სათათბირო ორგანო

1. სამსახურის საქმიანობასთან დაკავშირებული განსაკუთრებული მნიშვნელობის საკითხების განხილვისა და მათ შესახებ რეკომენდაციების შემუშავების მიზნით სამსახურის უფროსს შეუძლია თავისი მმართველობის სფეროში შექმნას სათათბირო ორგანოები სათათბირო უფლებით.

2. სათათბირო ორგანოები იქმნება სამსახურის უფროსის ინდივიდუალური ადმინისტრაციულ-სამართლებრივი აქტით.

3. სათათბირო ორგანოების სხდომების ორგანიზებას და სხდომის ოქმების წარმოებას უზრუნველყოფს სამსახურის უფროსის მიერ განსაზღვრული სტრუქტურული ქვედანაყოფი.

    მუხლი 17. სამსახურის რეორგანიზაცია, საქმიანობის შეწყვეტა, დებულებაში ცვლილებების შეტანა

1. სამსახურის რეორგანიზაცია ან მისი საქმიანობის შეწყვეტა ხდება კანონმდებლობით დადგენილი წესით.

2. სამსახურის დებულებაში ცვლილებების შეტანა ხორციელდება საქართველოს ფინანსთა მინისტრის ბრძანებით.

საქართველოს ფინანსთა მინისტრის 2007 წლის 13 აპრილის ბრძანება №342-სსმIII, №51, 13.04.2007წ.; მუხ.562

საქართველოს ფინანსთა მინისტრის 2008 წლის 27 მარტის ბრძანება №297-სსმIII, №47, 28.03.2008წ.; მუხ.531

 

Annotate