შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ

საქართველოს მთავრობის

დადგენილება №23

2008 წლის 8 თებერვალი

ქ. თბილისი

რეინტეგრაციის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-11 მუხლისა და საქართველოს პრეზიდენტის 2008 წლის 24 იანვრის №33 ბრძანებულების შესაბამისად:

1. შეიქმნას რეინტეგრაციის საკითხებში საქართველოს სახელმწიფო მინისტრის აპარატი და დამტკიცდეს აპარატის თანდართული დებულება და საშტატო ნუსხა.

2. რეინტეგრაციის საკითხებში საქართველოს სახელმწიფო მინისტრის აპარატის საშტატო რიცხოვნობა განისაზღვროს 30 ერთეულით.

საქართველოს მთავრობის 2009 წლის 14   აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2009 წლის 24 ივლისის დადგენილება  №129-სსმ III, №93, 28.07.2009წ; მუხ.993

საქართველოს მთავრობის 2011 წლის 5 იანვრის დადგენილება  №10-ვებგვერდი,11.01.2011წ.

საქართველოს მთავრობის 2011 წლის 28 აპრილის დადგენილება №194-ვებგვერდი,03.05.2011წ.

3. საქართველოს ფინანსთა სამინისტრომ (ნ. გილაური) უზრუნველყოს „საქართველოს 2008 წლის სახელმწიფო ბიუჯეტის შესახებ“ საქართველოს კანონში ცვლილებებისა და დამატებების შესახებ პროექტის მომზადება რეინტეგრაციის საკითხებში საქართველოს სახელმწიფო მინისტრის აპარატის საქმიანობის დაფინანსებისათვის საჭირო სახსრების გამოყოფის მიზნით.

4. დადგენილება ამოქმედდეს გამოქვეყნებისთანავე.

პრემიერ-მინისტრი           ვ. გურგენიძე

 

შეტანილი ცვლილებები:

1. საქართველოს მთავრობის 2008 წლის 8 მარტის დადგენილება  №49-სსმ III, №38, 11.03.2008წ; მუხ.410

2. საქართველოს მთავრობის 2008 წლის 3 ივნისის დადგენილება  №130-სსმ III, №82, 10.06.2008წ; მუხ.880

3. საქართველოს მთავრობის 2008 წლის 5 ნოემბრის დადგენილება  №216-სსმ III, №160, 06.11.2008წ; მუხ.1616

4. საქართველოს მთავრობის 2008 წლის 26 დეკემბრის დადგენილება  №259-სსმ III, №186, 30.12.2008წ; მუხ.1936

5. საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

6. საქართველოს მთავრობის 2009 წლის 24 ივლისის დადგენილება  №129-სსმ III, №93, 28.07.2009წ; მუხ.993

7. საქართველოს მთავრობის 2011 წლის 5 იანვრის დადგენილება  №10-ვებგვერდი,11.01.2011წ.

8.საქართველოს მთავრობის 2011 წლის 28 აპრილის დადგენილება №194-ვებგვერდი,03.05.2011წ.

 

რეინტეგრაციის საკითხებში საქართველოს სახელმწიფო მინისტრის აპარატის დებულება

    მუხლი 1. ზოგადი დებულებანი

1. რეინტეგრაციის საკითხებში საქართველოს სახელმწიფო მინისტრის აპარატი (შემდგომში – აპარატი) იქმნება „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-11 მუხლის შესაბამისად.

2. აპარატის საქმიანობის სფეროს განეკუთვნება:

ა) საქართველოს ტერიტორიული მთლიანობის აღდგენის ხელშეწყობა: აფხაზეთის ავტონომიურ რესპუბლიკასა და ყოფილ სამხრეთ ოსეთის ავტონომიურ ოლქში მცხოვრები მოსახლეობის საქართველოს ერთიან სახელმწიფოებრივ სივრცეში რეინტეგრაცია;

ბ) ყველა იძულებით გადაადგილებული პირის – დევნილისა და ლტოლვილის და მათი შთამომავლების ღირსეული დაბრუნების, რეინტეგრაციისა და მათი უფლებების დაცვის ხელშეწყობა;

გ) საქართველოს ტერიტორიაზე მცხოვრები ეროვნული/ეთნიკური უმცირესობების სამოქალაქო ინტეგრაციის ხელშეწყობა; ფართო სამოქალაქო ინტეგრაციული პროცესების წარმართვა;

დ) თავისი კომპეტენციის ფარგლებში სახელმწიფო მინისტრის აპარატის ფუნქციების განხორციელება შესაბამისი წარმომადგენლების მეშვეობით ეროვნული/ეთნიკური უმცირესობებით მჭიდროდ დასახლებულ რეგიონებში;

ე) აფხაზეთის ავტონომიური რესპუბლიკის მთავრობასთან, ყოფილი სამხერთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციასა და სახელმწიფო რწმუნებულებთან – გუბერნატორებთან და ადგილობრივი თვითმმართველობის ორგანოებთან უწყებათაშორისი თანამშრომლობა;

ვ) საერთაშორისო ორგანიზაციებისა და მათი ეგიდით მოქმედი არასამთავრობო ორგანიზაციების, აგრეთვე საქართველოს კანონმდებლობის შესაბამისად დაფუძნებული არაკომერციული იურიდიული პირებისა და სხვა ადგილობრივი საინიციატივო ჯგუფების მიერ „ოკუპირებული ტერიტორიების შესახებ” საქართველოს კანონით განსაზღვრულ ოკუპირებულ ტერიტორიებზე ჰუმანიტარული, სოციალურ-ეკონომიკური და ნდობის გაღრმავების მიმართულებით განსახორციელებელი პროექტების ხელშეწყობა და კოორდინაცია, აგრეთვე ამ ორგანიზაციებთან და საინიციატივო ჯგუფებთან დიალოგის წარმართვა და მჭიდრო თანამშრომლობა;

ზ) „ოკუპირებული ტერიტორიების შესახებ“ საქართველოს კანონით განსაზღვრული ოკუპირებული ტერიტორიებისა და იქ მცხოვრები მოსახლეობის მიმართ საქართველოს სახელმწიფო პოლიტიკური კურსისა და სტრატეგიის თაობაზე წინადადების შემუშავება.

3. აპარატი თავისი საქმიანობისას ხელმძღვანელობს საქართველოს კონსტიტუციით, საქართველოს კანონებით, საქართველოს პრეზიდენტისა და საქართველოს მთავრობის სამართლებრივი აქტებით, საქართველოს პრემიერ-მინისტრისა და სახელმწიფო მინისტრის ბრძანებებითა და ამ დებულებით.

4. აპარატის სტრუქტურასა და საშტატო ნუსხას საქართველოს სახელმწიფო მინისტრის წარდგენით განსაზღვრავს საქართველოს მთავრობა.

5. საქართველოს სახელმწიფო მინისტრის აპარატს აქვს დასრულებული ბალანსი და ანგარიში ხაზინაში, ხარჯთა ნუსხა და ბეჭედი სახელმწიფო გერბის გამოსახულებით.

6. საქართველოს სახელმწიფო მინისტრი განკარგავს აპარატის საქმიანობისათვის გამოყოფილ სახსრებს.

7. აპარატის ადგილსამყოფელია ქ. თბილისი, ინგოროყვას ქუჩა №7.

საქართველოს მთავრობის 2008 წლის 3 ივნისის დადგენილება  №130-სსმ III, №82, 10.06.2008წ; მუხ.880

საქართველოს მთავრობის 2008 წლის 5 ნოემბრის დადგენილება  №216-სსმ III, №160, 06.11.2008წ; მუხ.1616

საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2009 წლის 24 ივლისის დადგენილება  №129-სსმ III, №93, 28.07.2009წ; მუხ.993

    მუხლი 2. აპარატის  ფუნქციები და ამოცანები

თავისი კომპეტენციის ფარგლებში აპარატის ფუნქციები და ამოცანებია:

ა) აფხაზეთის ავტონომიურ რესპუბლიკასა და ყოფილ სამხრეთ ოსეთის ავტონომიურ ოლქში სამშვიდობო პროცესის საინიციატივო წინადადებებისა და ფორმატების შემუშავება, შეთავაზება, სამშვიდობო პროცესის წარმართვა და მასში მონაწილეობა;

ბ) აფხაზეთის ავტონომიური რესპუბლიკიდან და ყოფილი სამხრეთ ოსეთის ავტონომიური ოლქიდან იძულებით გადაადგილებულ პირთა – დევნილთა და ლტოლვილთა და მათ შთამომავალთა უსაფრთხო, უპირობო და ღირსეული დაბრუნების, უფლებების დაცვის ინსტიტუციური მექანიზმების შემუშავება და მათი განხორციელების ხელშეწყობა;

გ) საქართველოს ტერიტორიაზე რეინტეგრაციასა და სამოქალაქო ინტეგრაციასთან დაკავშირებული სოციალურ-ეკონომიკური საქმიანობის ხელშეწყობა და კოორდინაცია;

დ) მთავრობის სამოქალაქო ინტეგრაციის პოლიტიკის შემუშავება, კოორდინირება, განხორციელება; უწყებათაშორისი, ადგილობრივი, რეგიონალური თანამშრომლობის განხორციელება. ეროვნული/ეთნიკური უმცირესობების სამოქალაქო ინტეგრაციის ინიციატივებისა და მათი განხორციელების ხელშეწყობა. შემუშავებული პროგრამების ზედამხედველობა და განხორციელება;

ე) საქართველოს მთავრობისათვის რეინტეგრაციასა და სამოქალაქო ინტეგრაციასთან დაკავშირებული საკითხების, აფხაზეთის ავტონომიურ რესპუბლიკასა და ყოფილ სამხრეთ ოსეთის ავტონომიურ ოლქში მიმდინარე პროცესებთან დაკავშირებული რეკომენდაციების, პოლიტიკისა და სტრატეგიის შემუშავება და წარდგენა;

ვ) საზოგადოების ინფორმირება სახელმწიფო მინისტრის აპარატის საქმიანობასთან დაკავშირებით;

ზ) საერთაშორისო ორგანიზაციებთან, უცხოურ სამთავრობო და არასამთავრობო სტრუქტურებთან მოლაპარაკებისა და კონსულტაციების წარმართვა უწყების მიზნების მისაღწევად;

თ) რეინტეგრაციისა და სამოქალაქო ინტეგრაციის პროცესების ხელშეწყობის მიზნით საქართველოს სახელმწიფო სტრუქტურების შესაბამისი საქმიანობის კოორდინაცია;

ი) აფხაზეთის ავტონომიურ რესპუბლიკასა და ყოფილ სამხრეთ ოსეთის ავტონომიურ ოლქთან დაკავშირებული ყველა მოლაპარაკების წარმართვა და მასში მონაწილეობა;

კ) აფხაზეთის ავტონომიურ რესპუბლიკასა და ყოფილ სამხრეთ ოსეთის ავტონომიურ ოლქთან დაკავშირებულ საკითხებზე მაღალი და საექსპერტო დონის უწყებათაშორისი კომისიების საქმიანობის ორგანიზება და წარმართვა;

ლ) რეინტეგრაციასა და სამოქალაქო ინტეგრაციასთან და კავშირებული სპეციალური ფონდის კანონმდებლობით დადგენილი წესით ორგანიზება, სათანადო პროგრამების ინიციირება, კოორდინირება და მათი განხორციელების ზედამხედველობა;

მ) საერთაშორისო ორგანიზაციებისა და მათი ეგიდით მოქმედი არასამთავრობო ორგანიზაციების, აგრეთვე საქართველოს კანონმდებლობის შესაბამისად დაფუძნებული არაკომერციული იურიდიული პირებისა და სხვა ადგილობრივი საინიციატივო ჯგუფების მიერ „ოკუპირებული ტერიტორიების შესახებ“ საქართველოს კანონით განსაზღვრულ ოკუპირებულ ტერიტორიებზე ჰუმანიტარული, სოციალურ-ეკონომიკური და ნდობის გაღრმავების მიმართულებით განსახორციელებელი პროექტების წინასწარ განხილვა მათი განხორციელების ხელშეწყობისა და კოორდინაციის მიზნით, აგრეთვე ამ ორგანიზაციებთან და საინიციატივო ჯგუფებთან დიალოგის წარმართვა და მჭიდრო თანამშრომლობა;

ნ) „ოკუპირებული ტერიტორიების შესახებ“ საქართველოს კანონით განსაზღვრული ოკუპირებული ტერიტორიებისა და იქ მცხოვრები მოსახლეობის მიმართ საქართველოს სახელმწიფო პოლიტიკური კურსისა და სტრატეგიის თაობაზე წინადადების შემუშავების მიზნით შესაბამისი ინფორმაციის მოგროვება და ანალიზი.

საქართველოს მთავრობის 2008 წლის 3 ივნისის დადგენილება  №130-სსმ III, №82, 10.06.2008წ; მუხ.880

საქართველოს მთავრობის 2008 წლის 5 ნოემბრის დადგენილება  №216-სსმ III, №160, 06.11.2008წ; მუხ.1616

საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2009 წლის 24 ივლისის დადგენილება  №129-სსმ III, №93, 28.07.2009წ; მუხ.993

     მუხლი 3. აპარატის სტრუქტურა და შემადგენლობა

1. აპარატის სტრუქტურული ერთეულები და ქვედანაყოფებია:

ა) საერთაშორისო ორგანიზაციებთან ურთიერთობისა და სამართლებრივი უზრუნველყოფის დეპარტამენტი, რომლის სტრუქტურული ქვედანაყოფებია:

ა.ა) პოლიტიკური ანალიზისა და საზოგადოებასთან ურთიერთობის სამმართველო;

ა.ბ) საერთაშორისო ორგანიზაციებთან ურთიერთობისა და პროექტების მართვის სამმართველო;

ბ) აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა და სამოქალაქო ინტეგრაციის დეპარტამენტი, რომლის სტრუქტურული ქვედანაყოფებია:

ბ.ა) აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა სამმართველო;

ბ.ბ) სამოქალაქო ინტეგრაციის სამმართველო;

გ) ადმინისტრაციული დეპარტამენტი.

2. ამ დებულებისა და საშტატო ნუსხის შესაბამისად აპარატში დგინდება შემდეგი თანამდებობები:

ა) საქართველოს სახელმწიფო მინისტრი;

ბ) საქართველოს სახელმწიფო მინისტრის პირველი მოადგილე;

გ) საქართველოს სახელმწიფო მინისტრის აღმასრულებელი თანაშემწე;

დ) საქართველოს სახელმწიფო მინისტრის თანაშემწე;

ე) საქართველოს სახელმწიფო მინისტრის პირველი მოადგილის თანაშემწე;

ვ) დეპარტამენტის უფროსი;

ზ) სამმართველოს უფროსი;

თ) მთავარი მრჩეველი;

ი) მრჩეველი;

კ) მთავარი ბუღალტერი;

ლ) საინფორმაციო ტექნოლოგიების ადმინისტრატორი;

მ) საქართველოს სახელმწიფო მინისტრის წარმომადგენელი ეროვნული/ეთნიკური უმცირესობებით მჭიდროდ დასახლებულ რეგიონებში;

ნ) საქმეთა მმართველი.

საქართველოს მთავრობის 2008 წლის 8 მარტის დადგენილება  №49-სსმ III, №38, 11.03.2008წ; მუხ.410

საქართველოს მთავრობის 2008 წლის 3 ივნისის დადგენილება  №130-სსმ III, №82, 10.06.2008წ; მუხ.880

საქართველოს მთავრობის 2008 წლის 5 ნოემბრის დადგენილება  №216-სსმ III, №160, 06.11.2008წ; მუხ.1616

საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2009 წლის 24 ივლისის დადგენილება  №129-სსმ III, №93, 28.07.2009წ; მუხ.993

საქართველოს მთავრობის 2011 წლის 5 იანვრის დადგენილება  №10-ვებგვერდი,11.01.2011წ.

საქართველოს მთავრობის 2011 წლის 28 აპრილის დადგენილება №194-ვებგვერდი,03.05.2011წ.

    მუხლი 4. აპარატის ხელმძღვანელობა

1. აპარატის საერთო ხელმძღვანელობას ახორციელებს საქართველოს სახელმწიფო მინისტრი.

2. აპარატის მიმდინარე საქმიანობას ხელმძღვანელობს სახელმწიფო მინისტრის პირველი მოადგილე, რომელსაც თანამდებობაზე ნიშნავს და თანამდებობიდან ათავისუფლებს სახელმწიფო მინისტრი.

3. სახელმწიფო მინისტრის პირველი მოადგილე:

ა) მოქმედებს სახელმწიფო მინისტრის მითითებით, ხელმძღვანელობს და კოორდინაციას უწევს აპარატის საქმიანობას;

ბ) წარმოადგენს სახელმწიფო მინისტრს სამთავრობო სტრუქტურებში, შეხვედრებსა და ფორუმებზე, აგრეთვე ასრულებს სახელმწიფო მინისტრის მოვალეობას შვებულების, მივლინების ან სხვა აუცილებელი მიზეზით მისი არყოფნის დროს;

გ) სახელმწიფო მინისტრს თანამდებობაზე დასანიშნად წარუდგენს აპარატის საშტატო ნუსხით გათვალისწინებულ მოსამსახურეთა კანდიდატურებს, აგრეთვე წინადადებებს მათი ფუნქციური მოვალეობების შესახებ.

4. (ამოღებულია).

5. (ამოღებულია) .

საქართველოს მთავრობის 2008 წლის 26 დეკემბრის დადგენილება  №259-სსმ III, №186, 30.12.2008წ; მუხ.1936

საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2011 წლის 5 იანვრის დადგენილება  №10-ვებგვერდი,11.01.2011წ.

    მუხლი 5. აპარატის თანამშრომლები

1. აპარატის თანამშრომლები არიან საჯარო მოსამსახურეები, რომლებიც უზრუნველყოფენ ამ დებულებითა და მოქმედი კანონმდებლობის შესაბამისად მათთვის დაკისრებული ამოცანების შესრულებას.

2.  (ამოღებულია).

საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2011 წლის 5 იანვრის დადგენილება  №10-ვებგვერდი,11.01.2011წ.

    მუხლი 6. აპარატის დებულებაში ცვლილებებისა და დამატებების შეტანა

აპარატის დებულებაში ცვლილებებისა და დამატებების შეტანა ხორციელდება საქართველოს მთავრობის დადგენილებით.

რეინტეგრაციის საკითხებში საქართველოს სახელმწიფო მინისტრის აპარატის საშტატო ნუსხა

საქართველოს მთავრობის 2008 წლის 8 მარტის დადგენილება  №49-სსმ III, №38, 11.03.2008წ; მუხ.410

საქართველოს მთავრობის 2008 წლის 3 ივნისის დადგენილება  №130-სსმ III, №82, 10.06.2008წ; მუხ.880

საქართველოს მთავრობის 2008 წლის 5 ნოემბრის დადგენილება  №216-სსმ III, №160, 06.11.2008წ; მუხ.1616

საქართველოს მთავრობის 2008 წლის 26 დეკემბრის დადგენილება  №259-სსმ III, №186, 30.12.2008წ; მუხ.1936

საქართველოს მთავრობის 2009 წლის 14 აპრილის დადგენილება  №75-სსმ III, №47, 16.04.2009წ; მუხ.523

საქართველოს მთავრობის 2009 წლის 24 ივლისის დადგენილება  №129-სსმ III, №93, 28.07.2009წ; მუხ.993

საქართველოს მთავრობის 2011 წლის 5 იანვრის დადგენილება  №10-ვებგვერდი,11.01.2011წ.

საქართველოს მთავრობის 2011 წლის 28 აპრილის დადგენილება №194-ვებგვერდი,03.05.2011წ.

Annotate