საქართველოს თავდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა სოციალური დაცვის, მატერიალური უზრუნველყოფისა და შრომის ანაზღაურების პირობების განსაზღვრის მიზნით, ,,სამხედრო მოსამსახურის სტატუსის შესახებ“, ,,სამხედრო პოლიციის შესახებ“ და ,,საჯარო სამსახურის შესახებ“ საქართველოს კანონების, „საქართველოს თავდაცვის სამინისტროს სამხედრო მოსამსახურეთა, სპეციალური წოდების მქონე პირთა და სამოქალაქო პირთა სოციალური დაცვისა და მატერიალური უზრუნველყოფის შესახებ“ საქართველოს პრეზიდენტის 2004 წლის 5 ნოემბრის № 493 და ,,სამშვიდობო და სხვა სახის ოპერაციების განსახორციელებლად საქართველოს თავდაცვის სამინისტროს სამხედრო მოსამსახურეთა და სამოქალაქო პერსონალის სტატუსით წარგზავნილ პირთა სამივლინებო ზღვრული ყოველთვიური ნორმებისა და სხვა სოციალური პირობების განსაზღვრის შესახებ“ საქართველოს პრეზიდენტის 2010 წლის 11 აგვისტოს № 635 ბრძანებულებების საფუძველზე,

ვბრძანებ:

საქართველოს თავდაცვის მინისტრის 2010 წლის 30 ნოემბრის ბრძანება №807, სსმ III, №158, 03.12.2010 წ., მუხ.2130

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

1. დამტკიცდეს:

ა) სამხედრო მოსამსახურეთა ყოველთვიური თანამდებობრივი სარგოების ნუსხა (დანართი №1);

ბ) (ამოღებულია);

გ) (ამოღებულია);

დ) სამოქალაქო თანამდებობის პირთა თანამდებობრივი სარგოების ნუსხა (დანართი №4);

ე) სამხედრო მოსამსახურეთა დანამატების ოდენობა (დანართი №5);

ვ) (ამოღებულია);

ზ) სამხედრო მოსამსახურეთა წოდებრივი სარგოების ნუსხა (დანართი №7);

თ) რისკის დონეების მიხედვით, სამშვიდობო და სხვა სახის ოპერაციებში მონაწილე საქართველოს თავდაცვის სამინისტროს სამხედრო მოსამსახურეთა და სამოქალაქო პერსონალის სტატუსით წარგზავნილ პირთა სამივლინებო ყოველთვიური ნორმები (დანართი №8);

ი) საზღვარგარეთ საქართველოს დიპლომატიურ წარმომადგენლობებსა და საერთაშორისო ორგანიზაციებში მივლინებული თავდაცვის ატაშეების, საქართველოს თავდაცვის სამინისტროს წარმომადგენლებისა და მათი აპარატების თანამდებობის პირთა გრძელვადიანი მივლინების ანაზღაურებისა და შენახვის ხარჯების ყოველთვიური ნორმები (დანართი №9);

კ) (ამოღებულია);

ლ) (ამოღებულია);

მ) (ამოღებულია);

ნ) სახმელეთო ჯარების სარდლობისა და ჯარების ლოგისტიკური უზრუნველყოფის სარდლობის სტრუქტურული ქვედანაყოფების ნუსხა (დანართი №13 ) და აღნიშნულ დანართში მითითებული სახმელეთო ჯარების სარდლობისა და ჯარების ლოგისტიკური უზრუნველყოფის სარდლობის სტრუქტურული ქვედანაყოფების სამოქალაქო შტატით გათვალისწინებულ თანამდებობებზე მოსამსახურე პირებს, რომელთა კატეგორიებს ან თანამდებობათა ნუსხებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამათლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად მიეცეთ დანამატი დანართი №13-ის შესაბამისად ;

ო) სახმელეთო ჯარების ზოგიერთ სამხედრო მოსამსახურეთა დანამატების ნუსხა (დანართი №14);

პ) (ამოღებულია);

ჟ) (ამოღებულია);

რ) საქართველოს შეიარაღებული ძალების ზოგიერთ სამხედრო მოსამსახურეთა დანამატების ნუსხა (დანართი №18) და დანართში აღნიშნული კატეგორიის პირებს ამ ბრძანებით განსაზღვრულ ანაზღაურებასთან ერთად მიეცეთ დანართით გათვალისწინებული დანამატი.

საქართველოს თავდაცვის მინისტრის 200 7 წლის 22 ოქტომბრის ბრძანება №608 - სსმ III, №149, 24.10.2007 წ., მუხ.1 661

საქართველოს თავდაცვის მინისტრის 2007 წლის 30 ნოემბრის ბრძანება №758 - სსმ III, №173, 06.12.2007 წ., მუხ.1916

საქართველოს თავდაცვის მინისტრის 2007 წლის 28 დეკემბრის ბრძანება №812- სსმ III, №186, 28.12.2007 წ., მუხ.2093

საქართველოს თავდაცვის მინისტრის 2008 წლის 24 მარტის ბრძანება №147- სსმ III, №44, 24.03.2008 წ., მუხ.497

საქართველოს თავდაცვის მინისტრის 2008 წლის 2 ივლისის ბრძანება №363, სსმ III, №96, 08.07.2008 წ., მუხ.1059

საქართველოს თავდაცვის მინისტრის 2008 წლის 30 დეკემბრის ბრძანება №828, სსმ III, №187, 31.12.2008 წ., მუხ.1889

საქართველოს თავდაცვის მინისტრის 2009 წლის 11 მარტის ბრძანება №164, სსმ III, №27, 11.03.2009 წ., მუხ.347

საქართველოს თავდაცვის მინისტრის 2009 წლის 6 ივლისის ბრძანება №477, სსმ III, №83, 06.07.2009 წ., მუხ.887

საქართველოს თავდაცვის მინისტრის 2009 წლის 21 აგვისტოს ბრძანება №541, სსმ III, №104, 24.08.2009 წ., მუხ.1164

საქართველოს თავდაცვის მინისტრის 2009 წლის 16 დეკემბრის ბრძანება №768, სსმ III, №153, 17.12.2009 წ., მუხ.1812

საქართველოს თავდაცვის მინისტრის 2010 წლის 4 მარტის ბრძანება №134, სსმ III, №24, 05.03.2010 წ., მუხ.134

საქართველოს თავდაცვის მინისტრის 2010 წლის 14 მაისის ბრძანება №333, სსმ III, №55, 18.05.2010 წ., მუხ.844

საქართველოს თავდაცვის მინისტრის 2011 წლის 28 თებერვლის ბრძანება №132 - ვებგვერდი, 01.03.2011წ.

1¹. სამხედრო მოსამსახურეთათვის ამ ბრძანებით განსაზღვრული სოციალური დაცვის, მატერიალური უზრუნველყოფისა და შრომის ანაზღაურების პირობები, ვრცელდება, აგრეთვე, საქართველოს თავდაცვის სამინისტროს საჯარო სამართლის იურიდიული პირების სამხედრო მოსამსახურეებზე.

საქართველოს თავდაცვის მინისტრის 2010 წლის 6 ოქტომბრის ბრძანება №672, სსმ III, №129, 08.10.2010 წ., მუხ.1869

საქართველოს თავდაცვის მინისტრის 2011 წლის 1 მარტის ბრძანება №141 - ვებგვერდი, 01.03.2011წ.

2. სპეციალური ოპერაციების ძალების იმ სამხედრო მოსამსახურეებს, რომელთა კატეგორიებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად, ეძლევათ დანამატი 120 ლარის ოდენობით.

საქართველოს თავდაცვის მინისტრის 2007 წლის 22 ოქტომბრის ბრძანება №608 - სსმ III, №149, 24.10.2007 წ., მუხ.1661

2¹. სახმელეთო ჯარების, მისდამი დაქვემდებარებული ქვედანაყოფებისა და სპეციალური ოპერაციების ძალების იმ სამხედრო მოსამსახურეებს, რომელთა კატეგორიებს ან თანამდებობათა ნუსხებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად, ეძლევათ დანამატი 138 ლარის ოდენობით.

2². სამხედრო სარეზერვო სამსახურის გავლისას იმ პირებს, რომლებიც ნებაყოფლობით აიღებენ ვალდებულებას გაიარონ სამხედრო სარეზერვო სამსახური კანონით გათვალისწინებულ ვადაზე დამატებით და რომელთა ნუსხას ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სარეზერვო სამსახურის გავლის პერიოდში, ეძლევათ ყოველთვიური ფულადი სარგო არა უმეტეს 300 ლარის ოდენობით.

2³. საქართველოს თავდაცვის სამინისტროს სამოქალაქო ოფისსა და საქართველოს შეიარაღებული ძალების გაერთიანებული შტაბის სტრუქტურული ქვედანაყოფის იმ სამხედრო მოსამსახურეებსა და სამოქალაქო პირებს, გარდა სამხედრო თანამდებობაზე დანიშნული სამოქალაქო პირისა, რომელთა კატეგორიებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად, ეძლევათ დანამატი დანართი №17 შესაბამისად.

საქართველოს თავდაცვის მინისტრის 2008 წლის 26 აგვისტოს ბრძანება №480, სსმ III, №124, 27.08.2008 წ., მუხ.1278

საქართველოს თავდაცვის მინისტრის 2010 წლის 6 აპრილის ბრძანება №228, სსმ III, №35, 06.04.2010 წ., მუხ.588

2⁴. სამხედრო თანამდებობაზე დანიშნული სამოქალაქო პირის შრომის ანაზღაურება განისაზღვრება მხოლოდ ამ თანამდებობისათვის დაწესებული თანამდებობრივი სარგოსა და ამ ბრძანებით დამტკიცებული შემდეგი დანამატ ებ ის ოდენობით:

ა) დანართი №5-ი თ გათვალისწინებული დანამატები;

ბ) დანართი №13-ით დამტკიცებული ნუსხის პირველი პუნქტით გათვალისწინებული დანამატი (ასეთი დანამატის დაწესების შემთხვევაში).

საქართველოს თავდაცვის მინისტრის 2009 წლის 27 თებერვლის ბრძანება №120, სსმ III, №22, 27.02.2009 წ., მუხ.277

საქართველოს თავდაცვის მინისტრის 2010 წლის 3 აგვისტოს ბრძანება №517, სსმ III, №96, 04.08.2010 წ., მუხ.1422

საქართველოს თავდაცვის მინისტრის 2011 წლის 7 აპრილის ბრძანება №240 - ვებგვერდი, 08.04.2011წ.

2⁵ .სახმელეთო ჯარებისა და სპეციალური ოპერაციების ძალების იმ სამხედრო მოსამსახურეებს, რომელთა კატეგორიებს ან თანამდებობათა ნუსხებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად, ეძლევათ დანამატი 360 ლარის ოდენობით.

2⁶. საქართველოს შეიარაღებული ძალების გაერთიანებული შტაბისა და სახმელეთო ჯარების ქვედანაყოფების სერჟანტებს, რომელთა კატეგორიებსა და თანამდებობების ნუსხას ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, ამ ბრძანებით განსაზღვრულ ანაზღაურებასთან ერთად ეძლევათ დანამატი იმავე აქტით განსაზღვრული ოდენობით, არა უმეტეს 276 ლარის ოდენობით.

საქართველოს თავდაცვის მინისტრის 2010 წლის 10 დეკემბრის ბრძანება №839,სსმ III, №163,14.12.2010 წ., მუხ.2313

2⁷. საქართველოს თავდაცვის სამინისტროს შეიარაღებული ძალების გაერთიანებული შტაბის სამხედრო პოლიციის დეპარტამენტის თანამშრომლებს, რომელთა კატეგორიებსა და თანამდებობების ნუსხას ამტკიცებს საქართველოს თავდაცვის მინისტრი ინდივიდუალური ადმინისტრაციულ- სამართლებრივი აქტით, ამ ბრძანებით განსაზღვრულ ანაზღაურებასთან ერთად ეძლევათ დანამატი იმავე აქტით განსაზღვრული ოდენობით, მაგრამ არა უმეტეს 1500 ლარისა.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

3. სახმელეთო ჯარების იმ სამხედრო მოსამსახურეებს, რომელთა თანამდებობათა ნუსხას ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, მათი ფუნქციების, საპასუხისმგებლო სამუშაოსა და მისი მოცულობის გათვალისწინებით, ბრძანებით განსაზღვრულ ანაზღაურებასთან ერთად ეძლევათ დანამატი დანართი №6-ის მიხედვით.

31. შეიარაღებული ძალებისა და მისდამი დაქვემდებარებული ქვედანაყოფების იმ სამხედრო მოსამსახურეებს, რომლებიც იმყოფებიან მუდმივი დისლოკაციის ადგილის გარეთ, სპეციალური დავალების შესასრულებლად ან დანიშნული/მივლინებული არიან დროებით შტატზე და რომელთა კატეგორიებს ან თანამდებობათა ნუსხებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად, ეძლევა დანამატი 500 ლარის ოდენობით.

საქართველოს თავდაცვის მინისტრის 2008 წლის 25 მარტის ბრძანება №154- სსმ III, №47, 28.03.2008 წ., მუხ.535

საქართველოს თავდაცვის მინისტრის 2010 წლის 19 აპრილის ბრძანება №255, სსმ III, №44, 20.04.2010 წ., მუხ.674

3². სამხედრო მოსამსახურეებს, რომლებიც დანიშნული/მივლინებული არიან დროებით შტატზე სამსახურებრივი მოვალეობის შესასრულებლად, დროებით შტატზე ყოფნის პერიოდში ანაზღაურება მიეცემათ ძირითადი საშტატო კატეგორიისათვის განსაზღვრული ანაზღაურების ოდენობით.

4. სამხედრო მოსამსახურეებს, რომლებმაც ორი ან ოთხი წლის ვადით გააგრძელეს სამხედრო სამსახური 2009 წლის 1 მარტამდე გაფორმებული კონტრაქტის საფუძველზე, ამ ბრძანებით განსაზღვრულ ანაზღაურებასთან ერთად ამ კონტრაქტის მოქმედების ვადის განმავლობაში, ეძლევათ დანამატი 138 ლარის ოდენობით. ამ პუნქტის მოქმედება სამხედრო მოსამსახურეზე ვრცელდება, თუ მითითებული კონტრაქტის გაფორმებამდე:

ა) სამხედრო მოსამსახურემ იმსახურა საქართველოსა და ამერიკის შეერთებული შტატების ,,წვრთნისა და აღჭურვის“ ერთობლივი პროგრამით და ამავე დროს კონტრაქტის საფუძველზე იმსახურა სამი წლისა და სამი თვის ვადით და კონტრაქტი შეუწყდა ვადის გასვლის გამო;

ბ) სამხედრო მოსამსახურემ კონტრაქტის საფუძველზე იმსახურა ოთხი წლის ვადით და კონტრაქტი შეუწყდა ვადის გასვლის გამო;

გ) ამ პუნქტის ,,ა“ ან ,,ბ“ ქვეპუნქტებით გათვალისწინებული ვადის გასვლის შემდეგ სამხედრო მოსამსახურემ იმსახურა საქართველოს თავდაცვის მინისტრის ინდივიდუალურ ადმინისტრაციულ-სამართლებრივი აქტით განსაზღვრული კონტრაქტის ვადით და კონტრაქტი შეუწყდა ვადის გასვლის გამო.

საქართველოს თავდაცვის მინისტრის 2009 წლის 14 მაისის ბრძანება №364, სსმ III, №60, 18.05.2009 წ., მუხ.676

5. სამხედრო მოსამსახურეებს, „საქართველოს თავდაცვის სამინისტროსა და საქართველოს თავდაცვის სამინისტროს მმართველობის სფეროში მოქმედი საჯარო სამართლის იურიდიული პირების სამხედრო მოსამსახურეების, სახელმწიფო სპეციალური წოდების მქონე და სამოქალაქო პირთა, სამხედრო განათლებისა და მომზადების განმახორციელებელი ზოგადსაგანმანათლებლო დაწესებულების მოსწავლეების სასურსათო უზრუნველყოფის ნორმების დამტკიცების შესახებ“ საქართველოს თავდაცვის მინისტრის 2006 წლის 1 თებერვლის № 31 ბრძანებით დადგენილი ნორმით, სახელმწიფოს ხარჯზე ეძლევათ სასურსათო ულუფა ან მე- 6 პუნქტის „დ“ ქვეპუნქტით განსაზღვრული ფულადი კომპენსაციები და ფორმის ტანსაცმელი. თუ სამხედრო მოსამსახურე არ დგას სასურსათო კმაყოფაზე, მას სასურსათო ულუფის ნაცვლად, მიეცემა ფულადი კომპენსაცია, გარდა ამ ბრძანებით გათვალისწინებული პერიოდებისა. არასრული თვის შემთხვევაში, კომპენსაცია იანგარიშება კალენდარული დღეების მიხედვით. ფულადი კომპენსაციები არ მიეცემათ:

ა) სავალდებულო სამხედრო სამსახურის სამხედრო მოსამსახურეებს და რეზერვისტთა ან წვევამდელთა სამხედრო აღრიცხვიდან ჩარიცხულ მსმენელებს;

ბ) სამხედრო მოსამსახურეებს „საქართველოს თავდაცვის სამინისტროსა და საქართველოს თავდაცვის სამინისტროს მმართველობის სფეროში მოქმედი საჯარო სამართლის იურიდიული პირების სამხედრო მოსამსახურეების, სახელმწიფო სპეციალური წოდების მქონე და სამოქალაქო პირთა, სამხედრო განათლებისა და მომზადების განმახორციელებელი ზოგადსაგანმანათლებლო დაწესებულების მოსწავლეების სასურსათო უზრუნველყოფის ნორმების დამტკიცების შესახებ“ საქართველოს თავდაცვის მინისტრის 2006 წლის 1 თებერვლის № 31 ბრძანების 1⁵ პუნქტით განსაზღვრულ იმ პერიოდზე, როდესაც არ უნდა განხორციელდეს მათი სასურსათო ულუფით უზრუნველყოფა. მიუხედავად ამ ქვეპუნქტის მოთხოვნისა, ფულადი კომპენსაცია გაიცემა შემდეგ პერიოდებზე:

ბ.ა) სამსახურებრივი მივლინების პერიოდში;

ბ.ბ) კადრების განკარგულებაში ყოფნისას 2 თვის განმავლობაში.

6. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, სასურსათო უზრუნველყოფის ნორმის ღირებულება განესაზღვროთ:

ა) საერთო საჯარისო, მეზღვაურთა, სამკურნალო-სასურსათო, იჯრები საყაზარმე კვების პირობებში, საქართველოს თავდაცვის სამინისტროს სახელმწიფო სპეციალური წოდების მქონე და სამოქალაქო პირების სასურსათო იჯრა ყოველდღიურად საორიენტაციოდ 8.50 ლარის ოდენობით;

ბ) მფრინავთა სასურსათო იჯრა საყაზარმე კვების პირობებში ყოველდღიურად საორიენტაციოდ 9.50 ლარის ოდენობით;

გ) სამსახურებრივი მოვალეობის შესრულების პერიოდში ზენორმატიული დატვირთვიდან გამომდინარე, სასურსათო კმაყოფაზე ყოფნისას, საქართველოს თავდაცვის სამინისტროს სპეციალური დანიშნულების ქვედანაყოფების სამხედრო მოსამსახურეთა სასურსათო იჯრა საყაზარმე კვების პირობებში, საქართველოს თავდაცვის სამინისტროს სახელმწიფო სპეციალური წოდების მქონე და სამოქალაქო პირების სასურსათო იჯრა ყოველდღიურად საორიენტაციოდ 10.50 ლარის ოდენობით.

დ) სასურსათო ულუფის საკომპენსაციო თანხა განისაზღვროს თვეში:

დ.ა) საერთო საჯარისო შემადგენლობისთვის – 75 ლარის ოდენობით;

დ.ბ) მფრინავთა შემადგენლობისთვის – 145 ლარის ოდენობით;

დ.გ) მეზღვაურთა შემადგენლობისთვის – 85 ლარის ოდენობით.

საქართველოს თავდაცვის მინისტრის 2008 წლის 31 მარტის ბრძანება №175, სსმ III, №48, 31.03.2008 წ., მუხ.565

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

6¹. ამ ბრძანების მე-6 პუნქტის ,,დ)“ ქვეპუნქტში გათვალისწინებული შესაბამისი სასურსათო ულუფის საკომპენსაციო თანხა გაიცემა შემდეგი თვის შრომის ანაზღაურებასთან ერთად, ხოლო იმ შემთხვევაში, თუ შრომის ანაზღაურება არ გაიცემა, საკომპენსაციო თანხა გაიცემა მომდევნო თვის ბოლოს.

საქართველოს თავდაცვის მინისტრის 2008 წლის 28 თებერვლის ბრძანება №109- სსმ III, №35, 06.03.2008 წ., მუხ.375

6 ². საქართველოს თავდაცვის სამინისტროს სახელმწიფო სპეციალური წოდების მქონე პირებს საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით განსაზღვრულ შემთხვევებში მიეცემათ სასურსათო ულუფის საკომპენსაციო თანხა თვეში 75 ლარის ოდენობით.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

7. კონტრაქტორების მიერ საქართველოს თავდაცვის სამინისტროს სამხედრო მოსამსახურეთა და სახელმწიფო სპეციალური წოდების მქონე პირთა სასურსათო უზრუნველყოფის ორგანიზების განხორციელების შემთხვევაში კვების ყოველდღიური ნორმის ღირებულებას ემატება შესაბამისი ხელშეკრულებით განსაზღვრული მომსახურებისა და სხვა ხარჯები.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

8. საქართველოს თავდაცვის სამინისტროს სამხედრო მოსამსახურეთა და სახელმწიფო სპეციალური წოდების მქონე პირთა ფულადი სარგო შედგება თანამდებობრივი და წოდებრივი სარგოებისაგან.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

9. სამხედრო მოსამსახურეებს, რომლებიც სამხედრო სამსახურს გადიან გაწვევით ვადიანი სამხედრო სამსახურის სახით და სურვილს გამოთქვამენ საკონტრაქტო (პროფესიულ) სამხედრო სამსახურში გადასვლაზე, საკონტრაქტო (პროფესიულ) სამხედრო სამსახურში გადასვლის დღიდან ანაზღაურება განესაზღვროთ კანონმდებლობით გათვალისწინებული ოდენობით. იმ სამხედრო მოსამსახურეებს, რომლებიც სამხედრო სამსახურს იხდიდნენ გაწვევით ვადიანი სამხედრო სამსახურის სახით, გამოთქვეს სურვილი საკონტრაქტო (პროფესიულ) სამხედრო სამსახურში გადასვლაზე 2007 წლის პირველი ნოემბრის ჩათვლით და საკონტრაქტო (პროფესიულ) სამხედრო სამსახურში გადასვლის დღიდან, კანონმდებლობით დადგენილი გაწვევით ვადიანი სამხედრო სამსახურის ვადის მე-12 თვის ჩათვლით, თანამდებობრივი სარგო განესაზღვრათ 57 ლარის ოდენობით, 2007 წლის პირველი ნოემბრიდან ანაზღაურება, ნაცვლად 57 ლარისა, განესაზღვროთ კანონმდებლობით დადგენილი ოდენობით.

საქართველოს თავდაცვის მინისტრის 2007 წლის 1 ნოემბრის ბრძანება №638 - სსმ III, №154, 01.11.2007 წ., მუხ.1718

9¹. საქართველოს თავდაცვის სამინისტროს სამხედრო მოსამსახურეები და სახელმწიფო სპეციალური წოდების მქონე პირები , რომლებიც გადიან საქართველოს თავდაცვის მინისტრის ან მის მიერ უფლებამოსილი პირის მიერ განსაზღვრული სპეციალური კურსს/კურსებს სპეციალური კურსის გავლის პერიოდში უზრუნველყოფილები არიან მხოლოდ კვებით, სამედიცინო/საყოფაცხოვრებო მომსახურებითა და განთავსდებიან ყაზარმაში. ამ პირებს ხელფასი ენიშნებათ კურსის/კურსების წარმატებით გავლის შემდეგ მუდმივ შტატზე დანიშვნის შემთხვევაში.

საქართველოს თავდაცვის მინისტრის 2008 წლის 4 ივნისის ბრძანება №307, სსმ III, №81, 05.06.2008 წ., მუხ.873

საქართველოს თავდაცვის მინისტრის 2008 წლის 3 ნოემბრის ბრძანება №670, სსმ III, №158, 03.11.2008 წ., მუხ.1592

საქართველოს თავდაცვის მინისტრის 2009 წლის 21 აპრილის ბრძანება №284, სსმ III, №48, 21.04.2009 წ., მუხ.541

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

9². (ამოღებულია - 03.02.11, №77).

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

10. ოფიცერთა, კაპრალთა და სერჟანტთა (მიჩმანთა) შემადგენლობას სამხედრო სამსახურში ნამსახურები კალენდარული წლების (მათ შორის, ყოფილი სსრკ-ის ან სხვა სახელმწიფოს შეიარაღებულ ძალებში) მიხედვით ნამსახურობისათვის (გარდა სავალდებულო სამხედრო სამსახურში ნამსახურობისა) ეძლევათ ყოველთვიური პროცენტული დანამატი (წელთა ნამსახურობის) ფულადი სარგოების შემდეგი ოდენობით:

ა) 1-დან 2 წლამდე – 5 %;

ბ) 2-დან 5 წლამდე – 10 %;

გ) 5-დან 10 წლამდე – 20 %;

დ) 10-დან 15 წლამდე – 25 %;

ე) 15-დან 20 წლამდე – 30 %;

ვ) 20-დან 25 წლამდე – 35 %;

ზ) 25-დან 30 წლამდე – 40 %;

თ) 30 წელი და მეტი – 45 %.

10¹. საქართველოს თავდაცვის სამინისტროს სახელმწიფო სპეციალური წოდების მქონე პირებს სამხედრო და სახელმწიფო სპეციალური წოდებით ნამსახურები საერთო ოდენობის კალენდარული წლების მიხედვით ეძლევათ ყოველთვიური პროცენტული დანამატი ფულადი სარგოების შემდეგი ოდენობით:

ა) 1-დან 2 წლამდე – 5 %;

ბ) 2-დან 5 წლამდე – 10 %;

გ) 5-დან 10 წლამდე – 20 %;

დ)10-დან 15 წლამდე – 25 %;

ე) 15-დან 20 წლამდე – 30 %;

ვ) 20-დან 25 წლამდე – 35 %;

ზ) 25-დან 30 წლამდე – 40 %;

თ) 30 წელი და მეტი – 45 %.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

11. (ამოღებულია).

12. სამოქალაქო პირებს შრომითი სტაჟის საერთო ოდენობის კალენდარული წლების მიხედვით შრომითი საქმიანობისთვის ეძლევათ ყოველთვიური პროცენტული დანამატი თანამდებობრივი სარგოს შემდეგი ოდენობით:

ა) 1-დან 2 წლამდე – 5 %;

ბ) 2-დან 5 წლამდე – 10 %;

გ) 5-დან 10 წლამდე – 20 %;

დ) 10-დან 15 წლამდე – 25 %;

ე) 15 წელი და მეტი – 30 %.

13. სამოქალაქო პირებს საჯარო მოხელის საკლასო ჩინისათვის ეძლევათ ყოველთვიური პროცენტული დანამატი თანამდებობრივი სარგოს შემდეგი ოდენობით:

ა) ნამდვილ სახელმწიფო მრჩეველს – 40%;

ბ) I კლასის სახელმწიფო მრჩეველს, I კლასის მრჩეველს – 35%;

გ) სახელმწიფო მრჩეველს, II კლასის მრჩეველს, საჯარო სამსახურის I კლასის მრჩეველს – 30%;

დ) III კლასის მრჩეველს, საჯარო სამსახურის II კლასის მრჩეველს, საჯარო სამსახურის I კლასის რეფერენტს – 25%;

ე) საჯარო სამსახურის III კლასის მრჩეველს, საჯარო სამსახურის II კლასის რეფერენტს – 20%;

ვ) საჯარო სამსახურის III კლასის რეფერენტს – 15%.

14. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, რომლებიც გასულები არიან მუდმივი დისლოკაციის (დაბანაკების) პუნქტის გარეთ სასწავლო-საწვრთნელ ცენტრებში, ბანაკებში, პოლიგონებზე, სათადარიგო აეროდრომებზე, მანევრებსა და წვრთნებზე, სამხედრო ამოცანათა დამუშავებისათვის, ახალი სამხედრო ტექნიკის შესწავლისა და ათვისებისათვის (მეცადინეობაზე გასვლის დღიდან მეცადინეობის დამთავრების დღის ჩათვლით, რომელიც დამტკიცებულია ზემდგომი შტაბის სასწავლო გეგმით), საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტის საფუძველზე შეიძლება მიეცეს საველე ფული ყოველდღიური ანაზღაურების სახით თანამდებობრივი სარგოს 3%-მდე ოდენობით.

საქართველოს თავდაცვის მინისტრის 2010 წლის 15 ნოემბრის ბრძანება №774, სსმ III, №151, 18.11.2010 წ., მუხ.2115

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

15. საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით, საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს საბრძოლო დავალების, სამსახურებრივი მოვალეობის კეთილსინდისიერად შესრულებისა და სამაგალითო დისციპლინისათვის, აგრეთვე საქართველოს თავდაცვის სამინისტროს სამხედრო მოსამსახურეებს საბრძოლო დავალების სანიმუშოდ შესრულებისათვის წლიური საბიუჯეტო კანონით, საქართველოს თავდაცვის სამინისტროსათვის ,,მუშა-მოსამსახურეთა შრომის ანაზღაურების“ მუხლით გათვალისწინებული ასიგნებების ფარგლებში, შეიძლება მიეცეთ ფულადი ჯილდო და/ან პრემია, აგრეთვე ერთჯერადი დახმარება. ფულადი ჯილდო გაიცემა ,,საქართველოს სამხედრო ძალების საჯარისო სადისციპლინო წესდების დამტკიცების შესახებ“ საქართველოს პრეზიდენტის 2006 წლის 10 თებერვლის №111 ბრძანებულებით დამტკიცებული წესდებით გათვალისწინებულ შემთხვევაში და გათვალისწინებული ოდენობით, ხოლო პრემია ან ერთჯერადი დახმარება საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით განსაზღვრული ოდენობით.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

16. სამხედრო მფრინავებს თანამდებობრივი სარგო მიეცეთ სამმაგი ოდენობით და ნამსახურობის ერთი დღე ჩაეთვალოთ ნამსახურობის სამ დღედ, ხოლო მფრინავი შემადგენლობის იმ მოსამსახურეებს, რომელთა ნუსხას ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით – ორმაგი ოდენობით და ნამსახურობის ერთი დღე ჩაეთვალოთ ნამსახურობის ორ დღედ. ამასთან, სამხედრო მფრინავებს, თითოეული საბრძოლო გაფრენისათვის, ეძლევათ დანამატი 72 ლარის ოდენობით.

17. სამხედრო მოსამსახურეებს პარაშუტით თითოეული ხტომისათვის ეძლევათ დანამატი თანამდებობრივი სარგოს შემდეგი ოდენობით:

ა) 2-დან 10-მდე – 0.5%;

ბ) 10-დან 50-მდე – 1%;

გ) 50-დან 300-მდე – 1.5%;

დ) 300-დან 500-მდე – 2%;

ე) 500-დან 1000-მდე – 2,5%;

ვ) 1000 და მეტი – 3%;

ზ) ინსტრუქტორ–პარაშუტისტებს მე-17 პუნქტში მითითებული დანამატი ეძლევათ წელიწადში არა უმეტეს 100, ხოლო სხვა სამხედრო მოსამსახურეებს არა უმეტეს 50 ხტომაზე. ინსტრუქტორ-პარაშუტისტებს დანამატი ეძლევათ 300 ნახტომის შესრულების შემდეგ.

18. სამხედრო-საზღვაო ძალების მცურავი შემადგენლობის სამხედრო მოსამსახურეებს, ეძლევათ შემდეგი დანამატი:

ა) საზღვაო აკვატორიაში საბრძოლო მორიგეობისას ზღვაში ყოფნის ყოველი ერთი საათისთვის – ერთი ლარის ოდენობით;

ბ) საბრძოლო მორიგეობისას, შეზღუდული საბრძოლო მზადყოფნის რეჟიმში ბაზაში დგომის ყოველი ერთი საათისათვის – 0.5 ლარის ოდენობით;

გ) ზღვაში ყოფნის ყველა სხვა შემთხვევაში (წვრთნები, მანევრები და ა.შ.) ყოველი ერთი საათისათვის – 0.3 ლარის ოდენობით.

19 სამხედრო მოსამსახურეებს ყოველ 10 მეტრ სიღრმეზე ერთი საათის განმავლობაში, წყალქვეშ შესრულებული სამუშაოებისათვის, ეძლევათ დანამატი – 54 ლარის ოდენობით.

20. საქართველოს თავდაცვის სამინისტროს იმ სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, რომლებიც სამსახურებრივი მოვალეობის შესრულებისას მუშაობენ საიდუმლო დოკუმენტებთან, საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით საიდუმლოების შემცველ დოკუმენტებთან დაშვებისა და მუშაობისათვის ეძლევათ ყოველთვიური პროცენტული დანამატი თანამდებობრივი სარგოს 15%-ის ოდენობით. აღნიშნული კატეგორიის საქართველოს თ ა ვდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა თანამდებობების ნუსხას ამტკიცებს საქართველოს თავდაცვის მინისტრი.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

21. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, რომელთა თანამდებობების ნუსხას, ინდივიდუალური ადმინისტრაციულ-სამართლებრივი აქტით, ამტკიცებს საქართველოს თავდაცვის მინისტრი, დაშიფრვაზე უწყვეტი მუშაობისათვის ეძლევათ ყოველთვიური პროცენტული დანამატი თანამდებობრივი სარგოს შემდეგი ოდენობით:

ა) 1-დან 3 წლამდე – 10%;

ბ) 3-დან 6 წლამდე – 15%;

გ) 6 წელი და მეტი – 20%.

საქართველოს თავდაცვის მინისტრის 2008 წლის 24 აპრილის ბრძანება №239, სსმ III, №63, 24.04.2008 წ., მუხ.716

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

22. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს (გარდა უცხო ენის სპეციალისტებისა) უცხო ენების ცოდნისა და სამსახურში პრაქტიკული გამოყენებისათვის, საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით, შეიძლება მიეცეთ ყოველთვიური პროცენტული დანამატი თანამდებობრივი სარგოს შემდეგი ოდენობით:

ა) დასავლეთ ევროპული ერთი ენის ცოდნისათვის – 10%;

ბ) აღმოსავლეთ ქვეყნების ერთი ან დასავლეთ ევროპული ორი ენის ცოდნისათვის – 20%;

გ) აღმოსავლეთ ქვეყნების ორი ან დასავლეთ ევროპული სამი ენის ცოდნისათვის – 30%.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

23. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს სამეცნიერო ხარისხისათვის/დოქტორის აკადემიური ხარისხისათვის ეძლევათ ყოველთვიური პროცენტული დანამატი თანამდებობრივი სარგოს 25%-ის ოდენობით.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

24. (ამოღებულია).

25. კადრების განკარგულებაში ყოფნის პერიოდში საქართველოს თავდაცვის სამინისტროს სამხედრო მოსამსახურეებს ა და საქართველოს თავდაცვის სამინისტროს გაერთიანებული შტაბისა და სახმელეთო ჯარების სახელმწიფო სპეციალური წოდების მქონე პირებს უნარჩუნდებათ ფულადი სარგოები ბოლო დაკავებული თანამდებობის შესაბამისად, წელთა ნამსახურობის პროცენტული დანამატი და სასურსათო ულუფის სანაცვლოდ დაწესებული ფულადი კომპენსაცია არა უმეტეს ორი თვისა.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

26. სამხედრო მოსამსახურეებს (სავალდებულო სამხედრო სამსახურის სამხედრო მოსამსახურეების, რეზერვისტთა ან წვევამდელთა სამხედრო აღრიცხვიდან ჩარიცხული მსმენელების გარდა), რომლებიც დათხოვნილი არიან შეიარაღებული ძალების რიგებიდან ზღვრული ასაკის მიღწევის, ავადმყოფობის გამო, რეორგანიზაციასა და შტატების შემცირებასთან დაკავშირებით, ნამსახურები წლების (სავალდებულო სამხედრო სამსახურში ნამსახურები წლების გარდა) მიხედვით (მათ შორის ყოფილი სსრკ-ისა ან სხვა სახელმწიფოს შეიარაღებულ ძალებში ნამსახურები წლების ჩათვლით) ეძლევათ ერთჯერადი გასასვლელი დახმარება ფულადი სარგოების შემდეგი ოდენობით:

ა) 2 წლამდე (მაგრამ არანაკლებ 6 თვისა) სამმაგი;

ბ) 2-დან 10 წლამდე – ხუთმაგი, ხოლო ომისა და სამხედრო ძალების ვეტერანებს 10 წლამდე – ექვსმაგი;

გ) 10-დან 15 წლამდე – რვამაგი;

დ) 15-დან 20 წლამდე – ათმაგი;

ე) 20 წელი და მეტი – თორმეტმაგი.

კონტრაქტის ვადის ამოწურვასთან დაკავშირებით შეიარაღებული ძალების რიგებიდან დათხოვნისას (ოფიცერთა შემადგენლობის გარდა) ერთჯერადი გასასვლელი დახმარება არ გაიცემა.

27. სამხედრო მოსამსახურეებს, რომლებიც დათხოვნილი არიან შეიარაღებული ძალების რიგებიდან პირადი განცხადების (სურვილის) საფუძველზე და ნამსახურები აქვთ არანაკლებ 10 წლისა, ეძლევათ ერთჯერადი (გამოსასვლელი) დახმარება ფულადი სარგოების ორმაგი ოდენობით.

28. სამოქალაქო პირებს, რომლებიც გათავისუფლებული არიან სამსახურიდან, ეძლევათ ერთჯერადი დახმარება თანამდებობრივი სარგოს შემდეგი ოდენობით:

ა) ჯანმრთელობის მდგომარეობის, ხანგრძლივი შრომისუუნარობის, სამხედრო ან ალტერნატიულ სამსახურში გაწვევის გამო – 1 თვის;

ბ) დაწესებულების ლიკვიდაციის ან შტატების შემცირების გამო – 2 თვის.

28¹. საქართველოს თავდაცვის სამინისტროს გაერთიანებული შტაბისა და სახმელეთო ჯარების სახელმწიფო სპეციალური წოდების მქონე პირებს, რომლებიც დათხოვნილი არიან სამსახურიდან ავადმყოფობის გამო, რეორგანიზაციასა და შტატების შემცირებასთან დაკავშირებით, სამხედრო და სახელმწიფო სპეციალური წოდებით ნამსახურები საერთო ოდენობის კალენდარული წლების მიხედვით ეძლევათ ერთჯერადი გასასვლელი დახმარება ფულადი სარგოების შემდეგი ოდენობით:

ა) 2 წლამდე (მაგრამ არანაკლებ 6 თვისა) სამმაგი;

ბ) 2-დან 10 წლამდე _ ხუთმაგი, ხოლო ომისა და სამხედრო ძალების ვეტერანებს 10 წლამდე - ექვსმაგი;

გ) 10-დან 15 წლამდე _ რვამაგი;

დ) 15-დან 20 წლამდე _ ათმაგი;

ე) 20 წელი და მეტი _ თორმეტმაგი.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

29. სამხედრო მოსამსახურეებს, რომლებიც სამხედრო პენსიის უფლებით დათხოვნილი არიან ყოფილი სსრკ-ის შეიარაღებული ძალების რიგებიდან და სამხედრო სამსახურს გადიან საქართველოს შეიარაღებული ძალების შემადგენლობაში, შეიარაღებული ძალებიდან დათხოვნისას გასაცემი ერთჯერადი (გამოსასვლელი) დახმარების გაანგარიშების დროს მხედველობაში არ მიიღება ყოფილი სსრკ-ის შეიარაღებული ძალების რიგებში ნამსახურობის წლები.

30. საქართველოს თავდაცვის სამინისტროს იმ სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, რომელთა თანამდებობების ნუსხას ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით და რომელთაც უშუალო კონტაქტი აქვთ ჯანმრთელობისათვის მავნე სითხეებთან, ქიმიურ, მომწამლავ, რადიაქტიულ და სხვა ნივთიერებებთან, ნამსახურობის ერთი დღე ეთვლებათ დღენახევრად და საქართველოს თავდაცვის სამინისტროს სამხედრო მოსამსახურეებს ფულადი სარგოები, ხოლო საქართველოს თავდაცვის სამინისტროს სამოქალაქო პირებს თანამდებობრივი სარგო უნაზღაურდებათ ერთნახევარი ოდენობით.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

31. საქართველოს თავდაცვის სამინისტროს სამხედრო მოსამსახურეებ ს, სახელმწიფო სპეციალური წოდები ს მქონე და სამოქალაქო პირებს უფლება აქვთ ისარგებლონ უფასო სამედიცინო მომსახურებით საქართველოს თავდაცვის სამინისტროს დაქვემდებარებულ სამხედრო-სამედიცინო ქვედანაყოფებში.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

32. სსიპ – საქართველოს თავდაცვის სამინისტროს სამხედრო ჰოსპიტალში, ამ ჰოსპიტალში არსებული სამედიცინო მომსახურებით, მისი დებულების შესაბამისად, უფლება აქვთ ისარგებლონ:

ა) საქართველოს თავდაცვის სამინისტროს და საქართველოს თავდაცვის სამინისტროს მმართველობის სფეროში მოქმედი საჯარო სამართლის იურიდიული პირების სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, სამხედრო განათლებისა და მომზადების განმახორციელებელი ზოგადსაგანმანათლებლო დაწესებულების მოსწავლეებს (კადეტებს);

ბ) საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით განსაზღვრულ ი კატეგორიის პირებს, თუ ისინი წარმოადგენენ:

ბ.ა) საქართველოს თავდაცვის სამინისტროდან დათხოვნილ სახელმწიფო კომპენსაციის/ პენსიის მიმღებ პირებს;

ბ.ბ) მარჩენალის გარდაცვალების გამო სახელმწიფო კომპენსაციის/პენსიის მიმღებ პირებს;

ბ.გ) ამ პუნქტის „ა“ და „ბ.ა“ ქვეპუნქტებში განსაზღვრულ პირთა ოჯახის წევრებს (მეუღლე, შვილი, დედა, მამა).

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

32¹. როდესაც, ჰოსპიტალში ვერ ხორციელდება შესაბამისი სამედიცინო მომსახურება იმ მიზეზით, რომ ჰოსპიტალს არ გააჩნია შესაძლებლობა ჰოსპიტლის ტერიტორიაზე შესაბამისი სამედიცინო მომსახურების გასაწევად, საქართველოს თავდაცვის სამინისტროს ხარჯზე 32-ე პუნქტში მითითებული პირების მიერ სამედიცინო მომსახურებით სხვა სამედიცინო დაწესებულებაში სარგებლობის შემთხვევები, გასაწევი ხარჯების მოცულობა და წინაპირობები განისაზღვრება საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით.

33. სასწავლებლად წარგზავნილ სამხედრო მოსამსახურეებს, რომლებიც გათავისუფლებულნი არიან დაკავებული თანამდებობიდან და წარგზავნილნი არიან მსმენელებად სხვადასხვა სასწავლებლებში, სწავლის მთელი პერიოდის განმავლობაში უნარჩუნდებათ ფულადი სარგოები, წელთა ნამსახურობის პროცენტული დანამატი, სასურსათო ულუფის ნაცვლად დაწესებული ფულადი კომპენსაციები, ხოლო სამოქალაქო პირებს _ თანამდებობრივი სარგო და წელთა ნამსახურობის დანამატი. ამასთანავე, ეძლევათ სამივლინებო თანხები დადგენილი წესით (თუ სხვა რამ არ არის გათვალისწინებული). წვრთნებისა და სამხედრო განათლების სარდლობის თავდაცვის ეროვნულ აკადემიაში სასწავლებლად ჩარიცხულ მსმენელებს:

ა) ყოველთვიურად უწესდებათ მხოლოდ ფულადი სარგო 276 ლარის ოდენობით, თუ სასწავლებელში ჩარიცხვამდე პირი იმყოფებოდა:

ა.ა) რეზერვისტთა აღირცხვაზე;

ა.ბ) წვევამდელთა აღრიცხვაზე და სასწავლებელში ჩარიცხვასთან ერთად გახდა საკონტრაქტო სამხედრო მოსამსახურე;

ბ) უნარჩუნდებათ მხოლოდ ფულადი სარგოები, წელთა ნამსახურობის პროცენტული დანამატი, სასურსათო ულუფის ნაცვლად დაწესებული ფულადი კომპენსაციები, თუ სასწავლებელში ჩარიცხვამდე პირი წარმოადგენდა სამხედრო მოსამსახურეს.

34. სასწავლებლად (გრძელვადიანი მივლინებით) სხვა სახელმწიფოში წარგზავნილ სამხედრო მოსამსახურეებსა და სამოქალაქო პირებს თანამდებობრივი სარგო შესაძლებელია მიეცეთ როგორც ამ ქვეყნის, აგრეთვე საქართველოს ეროვნული ვალუტით, თუ ანაზღაურების სხვა პირობები არ არის გათვალისწინებული. შესაბამისი ქვეყნის ვალუტით ანაზღაურების ოდენობას განსაზღვრავს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით.

35. სამხედრო მოსამსახურეებს საომარი მდგომარეობის დროს მოქმედ სამხედრო ნაწილში ყოფნის, ან შეიარაღებულ კონფლიქტში უშუალო მონაწილეობის, ან მშვიდობიან პერიოდში სპეციალური დავალების შესრულების დროს, რომელიც გათანაბრებული იქნება საბრძოლო მოქმედებებთან, ერთი დღე ჩაეთვლებათ ნამსახურობის სამ დღედ. პირს, რომელიც უშუალოდ არ მონაწილეობდა შეიარაღებულ კონფლიქტში და იყო საბრძოლო მოქმედებისათვის მზადყოფნაში, ან უზრუნველყოფდა საბრძოლო მოქმედებებს, ან იმყოფებოდა შეიარაღებული კონფლიქტის ზონაში სამშვიდობო ძალების შემადგენლობაში, ნამსახურობის ერთი დღე ჩაეთვლება ორ დღედ. შესაბამისად ფულადი სარგოები დროის ამ პერიოდში მიეცემათ სამმაგი ან ორმაგი ოდენობით.

36. საქართველოს თავდაცვის სამინისტროს სამხედრო მოსამსახურეებს, სახელმწიფო სპეციალური წოდების მქონე და სამოქალაქო პირებს, რომლებსაც ეძლევათ შესაბამისად ფულადი სარგოები ან თანამდებობრივი სარგო ერთნახევარი, ორმაგი ან სამმაგი ოდენობით – წელთა ნამსახურობის პროცენტული დანამატი, ყველა სახის დახმარება, დანამატი, ჯილდო (პრემია) და პენსიის/კომპენსაციის დასანიშნად ფულადი სარგოები უანგარიშდებათ ფულადი სარგოებისა და თანამდებობრივი სარგოების ერთმაგი ოდენობიდან.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

37. „სამხედრო მოსამსახურის სტატუსის შესახებ“ საქართველოს კანონის მე-19 მუხლით გათვალისწინებულ გასაცემლებზე ვალდებულებები წარმოიქმნება მხოლოდ იმ შემთხვევაში, თუ „სახელმწიფო ბიუჯეტის შესახებ“ საქართველოს კანონით საქართველოს თავდაცვის სამინისტროსთვის აღნიშნული მიზნით გამოყოფილი იქნება შესაბამისი ასიგნება.

37¹. უფროსი ან უმაღლესი სამხედრო ან სახელმწიფო სპეციალური წოდების თანამდებობაზე მყოფ ი საქართველოს თავდაცვის სამინისტროს სამხედრო მოსამსახურისათვის ან სახელმწიფო სპეციალური წოდების მქონე პირისთვის ბინის ქირავნობის ხელშეკრულებით გათვალისწინებული მომსახურება შესაძლებელია შესყიდულ იქნეს საქართველოს თავდაცვის მინისტრის ინდივიდუალურ ადმინისტრაციულ-სამართლებრივი აქტით განსაზღვრული ღირებულებისა და ბიუჯეტით გამოყოფილი ასიგნებების ფარგლებში, თუ საქართველოს თავდაცვის სამინისტროს სამხედრო მოსამსახურეს ან სახელმწიფო სპეციალური წოდების მქონე პირს სამსახურებრივი მოვალეობების შესრულების ადგილას არ გააჩნია საცხოვრებელი ფართი.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

38. სამხედრო მოსამსახურეს სამსახურებრივი მოვალეობის შესრულებისას დაჭრის ან დასახიჩრების შემთხვევაში, სხეულის დაზიანების სიმძიმის ხარისხის შესაბამისად, სახელმწიფო ბიუჯეტიდან მიეცემა ერთჯერადი დახმარება შემდეგი ოდენობით:

ა) მძიმე დაზიანება – 7000 ლარი;

ბ) ნაკლებად მძიმე დაზიანება – 3000 ლარი;

გ) მსუბუქი დაზიანება – 2000 ლარი.

დაზიანების სიმძიმის ხარისხს განსაზღვრავს საჯარო სამართლის იურიდიული პირი – საქართველოს თავდაცვის სამინისტროს სამხედრო ჰოსპიტალი.

38¹. სამსახურებრივი მოვალეობის შესრულებასთან დაკავშირებით საქართველოს თავდაცვის სამინისტროს სპეციალური წოდების მქონე თანამშრომლის დაჭრის/დასახიჩრების ან მისთვის შეზღუდული შესაძლებლობის სტატუსის დადგენის შემთხვევაში თანამშრომელს სხეულის დაზიანების სიმძიმის ხარისხის შესაბამისად მიეცემა ერთჯერადი დახმარება შემდეგი ოდენობით:

ა) მძიმე დაზიანება_ 7000 ლარი;

ბ) ნაკლებად მძიმე დაზიანება _ 3000 ლარი.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

39. სამოქალაქო პირს (მათ შორის შტატგარეშე საჯარო მოსამსახურეს), რომელმაც სამსახურებრივი მოვალეობის შესრულებასთან დაკავშირებით თავდასხმის შედეგად მიიღო სხეულის დაზიანება, რის შედეგადაც ცნობილი იქნა შეზღუდული შესაძლებლობის სტატუსის მქონე პირად ან დასახიჩრდა, მიეცემა ერთჯერადი დახმარება შემდეგი ოდენობით:

ა) შრომისუნარიანობის სრული (100%) დაკარგვისას – 5000 ლარი;

ბ) შრომისუნარიანობის ნაწილობრივ (არანაკლებ 70%) დაკარგვისას – 3000 ლარი;

გ) შრომისუნარიანობის ნაწილობრივ (25%-60%-მდე) დაკარგვისას – 2000 ლარი;

დ) შრომისუნარიანობის ნაწილობრივ (1%-25%-მდე) დაკარგვისას – 1000 ლარი.

საქართველოს თავდაცვის მინისტრის 2008 წლის 8 ივლისის ბრძანება №381, სსმ III, №97, 09.07.2008 წ., მუხ.1080

39¹. 39-ე პუნქტით გათვალისწინებული დახმარების გარდა საქართველოს თავდაცვის მინისტრის მიერ მიღებული გადაწყვეტილების შემთხვევაში, შესაბამისი ინდივიდუალური ადმინისტრაციულ-სამართლებრივი აქტით განსაზღვრული ოდენობით ერთჯერადი დახმარება შეიძლება აგრეთვე გაიცეს, თუ სამოქალაქო პირმა (მათ შორის შტატგარეშე საჯარო მოსამსახურემ) სამსახურებრივი მოვალეობის შესრულებისას მიიღო სხეულის დაზიანება. აღნიშნული პუნქტი მოქმედებს სამსახურებრივი მოვალეობის შესრულებისას წარმოქმნილ იმ შემთხვევაშიც, როდესაც შეუძლებელია ზუსტად იმის დადგენა დაზიანების მიზეზს წარმოადგენდა თუ არა სამსახურებრივი მოვალეობის შესრულებასთან დაკავშირებით თავდასხმა ან ამ მიზეზის დადგენისათვის საჭიროა სისხლის სამართლის საპროცესო კანონმდებლობით გათვალისწინებული ღონისძიებების დასრულება.

40. სამსახურებრივი მოვალეობის შესრულებისას საქართველოს თავდაცვის სამინისტროს სამხედრო მოსამსახურის ან სახელმწიფო სპეციალური წოდების მქონე პირის დაღუპვის, ან მიღებული ტრავმის შედეგად გამოწვეული ავადმყოფობით გარდაცვალების შემთხვევაში, მის ოჯახს მიეცემა ერთჯერადი დახმარება 15 000 ლარის ოდენობით და დაკრძალვის ხარჯები 500 ლარის ოდენობით, ასევე საქართველოს თავდაცვის მინისტრის მიერ მიღებული გადაწყვეტილების შემთხვევაში, მითითებულ ოჯახს დამატებით შეიძლება მიეცეს ერთჯერადი დახმარება შესაბამისი ინდივიდუალური ადმინისტრაციულ-სამართლებრივი აქტით განსაზღვრული ოდენობით. საქართველოს თავდაცვის სამინისტროს სამხედრო სამსახურში მყოფი პირის ან საქართველოს თავდაცვის სამინისტროს სახელმწიფო სპეციალური წოდების მქონე პირის დაღუპვის სხვა შემთხვევაში მის ოჯახს, საქართველოს თავდაცვის მინისტრის მიერ მიღებული გადაწყვეტილების შემთხვევაში, შეიძლება მიეცეს ერთჯერადი დახმარება შესაბამისი ინდივიდუალური ადმინისტრაციულ-სამართლებრივი აქტით განსაზღვრული ოდენობით. ნეშტის გადასვენებასთან დაკავშირებულ ხარჯებს გაიღებს საქართველოს თავდაცვის სამინისტრო.

საქართველოს თავდაცვის მინისტრის 2007 წლის 22 ოქტომბრის ბრძანება №608 - სსმ III, №149, 24.10.2007 წ., მუხ.1661

საქართველოს თავდაცვის მინისტრის 2008 წლის 22 მაისის ბრძანება №276, სსმ III, №75, 23.05.2008 წ., მუხ.817

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

40 ¹. საქართველოს თავდაცვის მინისტრის მიერ მიღებული გადაწყვეტილების შემთხვევაში, ერთჯერადი ფულადი დახმარება და/ან ფასიანი საჩუქარი (ქონება, მომსახურება ან სამუშაო) შესაბამისი ინდივიდუალური ადმინისტრაციულ-სამართლებრივი აქტით განსაზღვრული ოდენობით (მაგრამ თითოეული გაცემისას არა უმეტეს 5000 ლარის ღირებულების/ოდენობისა) შეიძლება მიეცეს შემდეგ პირებს:

ა) ამ ბრძანების მე-40 პუნქტში მითითებულ პირთა ოჯახის ერთ-ერთ წევრს;

ბ) უგზო-უკვლოდ დაკარგულად ცნობამდე ან კანონით დადგენილი წესით გარდაცვლილად გამოცხადებამდე, უგზო-უკვლოდ დაკარგული სამხედრო მოსამსახურის ან სპეციალური წოდების მქონე პირის ოჯახის ერთ-ერთ წევრს;

გ) სამსახურებრივი მოვალეობის შესრულებისას დაჭრილ ან დასახიჩრებულ საქართველოს თავდაცვის სამინისტროს სამხედრო მოსამსახურეს (მათ შორის, დათხოვნილ სამხედრო მოსამსახურეს) ან სახელმწიფო სპეციალური წოდების მქონე პირს (მათ შორის, დათხოვნილ მოსამსახურეს);

დ) 41-ე პუნქტით განსაზღვრული სამოქალაქო პირის (მათ შორის, შტატგარეშე საჯარო მოსამსახურის), აგრეთვე საქართველოს თავდაცვის სამინისტროს სისტემაში შემავალი საჯარო სამართლის იურიდიული პირის დაღუპული მოსამსახურის ოჯახის ერთ-ერთ წევრს;

ე) საომარი მოქმედებების დროს დაღუპული პირის ოჯახის ერთ-ერთ წევრს, თუ დაღუპულ პირს გავლილი ჰქონდა სამხედრო სარეზერვო სამსახური ;

ვ) საქართველოს თავდაცვის სამინისტროს სამხედრო მოსამსახურეებს, სპეციალური წოდების მქონე და სამოქალაქო პირებს და მათი ოჯახის წევრებს.

საქართველოს თავდაცვის მინისტრის 2008 წლის 25 მარტის ბრძანება №155- სსმ III, №47, 28.03.2008 წ., მუხ.536

საქართველოს თავდაცვის მინისტრის 2008 წლის 15 დეკემბრის ბრძანება №774, სსმ III, №178, 15.12.2008 წ., მუხ.1816

საქართველოს თავდაცვის მინისტრის 2008 წლის 26 დეკემბრის ბრძანება №822, სსმ III, №184, 26.12.2008 წ., მუხ.1883

საქართველოს თავდაცვის მინისტრის 2009 წლის 22 დეკემბრის ბრძანება №805, სსმ III, №156, 22.12.2009 წ., მუხ.1840

საქართველოს თავდაცვის მინისტრის 2011 წლის 4 იანვრის ბრძანება №6 - ვებგვერდი, 06.01.2011წ.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

41. სამსახურებრივი მოვალეობების შესრულებასთან დაკავშირებით, სამოქალაქო პირზე (მათ შორის, შტატგარეშე საჯარო მოსამსახურეზე) თავდასხმის შედეგად მისი დაღუპვის შემთხვევაში ოჯახს ეძლევა ერთჯერადი დახმარება 10 000 ლარის ოდენობით და დაკრძალვის ხარჯები 500 ლარის ოდენობით. საქართველოს თავდაცვის მინისტრის მიერ მიღებული გადაწყვეტილების შემთხვევაში, შესაბამისი ინდივიდუალური ადმინისტრაციულ-სამართლებრივი აქტით განსაზღვრული ოდენობით, მაგრამ არა უმეტეს ამ პუნქტში მითითებული ოდენობისა ერთჯერადი დახმარება აგრეთვე შეიძლება გაიცეს სამსახურებრივი მოვალეობის შესრულებისას წარმოქმნილ შემდეგ შემთხვევებში:

ა) სამოქალაქო პირის დაღუპვის ისეთ შემთხვევაში, რომელიც არ არის თავდასხმის შედეგი;

ბ) შეუძლებელია ზუსტად იმის დადგენა, დაღუპვის მიზეზი იყო თუ არა სამსახურებრივი მოვალეობის შესრულებასთან დაკავშირებით თავდასხმა ან ამ მიზეზის დადგენისათვის საჭიროა სისხლის სამართლის საპროცესო კანონმდებლობით გათვალისწინებული ღონისძიებების დასრულება.

41¹. საქართველოს თავდაცვის სამინისტროს სამოქალაქო პირის (მათ შორის, შტატგარეშე საჯარო მოსამსახურის), აგრეთვე საქართველოს თავდაცვის სამინისტროს სისტემაში შემავალი საჯარო სამართლის იურიდიული პირის მოსამსახურის დაღუპვის/გარდაცვალების სხვა შემთხვევაში, რომლებიც არ არის გათვალისწინებული ამ ბრძანების 41 -ე პუნქტში, მის ოჯახს, საქართველოს თავდაცვის მინისტრის მიერ მიღებული გადაწყვეტილების შემთხვევაში, შესაბამისი ინდივიდუალური ადმინისტრაციულ-სამართლებრივი აქტით განსაზღვრული ოდენობით (მაგრამ არა უმეტეს 10000 ლარისა) შეიძლება მიეცეს ერთჯერადი დახმარება.

42. ამ ბრძანების:

ა ) მე-40, 41-ე და 41¹ პუნქტების მიზნებისათვის ოჯახის წევრებს წარმოადგენენ: პირველ რიგში მეუღლე, არასრულწლოვანი (შვილ(ებ)ი და სრულწლოვანი შრომისუუნარო (შვილ(ებ)ი, ხოლო მათი არყოლის შემთხვევაში მეორე რიგში მშობლები და სრულწლოვანი (შვილ(ებ)ი. თუ ოჯახის წევრები არ განსაზღვრავენ ერთ პირს დახმარების მისაღებად, მაშინ დახმარება თანაბარწილად გაიცემა ყველა წევრზე (მათ შორის, 18 წლამდე დაქორწინებული პირი), ხოლო არასრულწლოვანი (გარდა 18 წლის ასაკამდე დაქორწინებულისა), აგრეთვე სრულწლოვანი შრომისუუნარო (შვილ(ებ)ის დახმარებას, მათი სახელით, იღებს (შვილ(ებ)ის კანონიერი წარმომადგენელი. იმ შემთხვევაში, თუ დახმარების მიმღებ პირს შეფარდებული აქვს თავისუფლების აღკვეთა, დახმარების მიღებაზე უფლებამოსილი პირის წილს მიიღებენ იმავე რიგში მყოფი ოჯახის სხვა წევრები თანაბარწილად, ხოლო მათი არყოლის შემთხვევაში შემდგომ რიგში მყოფი ოჯახის წევრები ;

ბ) 40¹ პუნქტის მიზნებისათვის ოჯახის წევრებს წარმოადგენენ: მეუღლე, შვილ(ებ)ი, მშობლები.

საქართველოს თავდაცვის მინისტრის 2007 წლის 22 ოქტომბრის ბრძანება №608 - სსმ III, №149, 24.10.2007 წ., მუხ.1661

43. ნამსახურობის დღეების დაანგარიშებასთან დაკავშირებით სამინისტროს მიერ განხორციელებული ქმედება (მათ შორის – გამოცემული აქტი) სამხედრო მოსამსახურეს უფლება აქვს გაასაჩივროს ნამსახურების დღეების გაზრდილი ოდენობით დაანგარიშების უფლების წარმოქმნიდან ერთი თვის ვადაში.

44. შტატგარეშე შრომითი ხელშეკრულებით დასაქირავებელი მოსამსახურეების თანამდებობრივი დასახელების ნუსხა და რაოდენობა, ამ თანამდებობისათვის სახელფასო განაკვეთის ოდენობა და საათობრივი ანაზღაურების ოდენობა განისაზღვრება საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით.

45. თუ ამ ბრძანების მე-2, 2¹, 2², 2³, 2⁵, 2⁶, 2⁷, 3, 3¹ , მე-16, მე-20, 21-ე, 30-ე და 44-ე პუნქტებით გათვალისწინებული შესაბამისი კატეგორია ან თანამდებობათა ნუსხა არ დამტკიცდა საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით, იგულისხმება, რომ დანამატი ან სხვა გასაცემი შეიძლება გაიცეს მხოლოდ კატეგორიის ან ნუსხის დამტკიცების აქტით განსაზღვრული თარიღიდან და შესაბამისად, ამ კატეგორიის ან ნუსხის დამტკიცებამდე (თარიღამდე), შესაბამის გასაცემლებზე ვალდებულებები არ წარმოიქმნება. მითითებული აქტის გამოცემის უფლება, შეიძლება დელეგირებულ იქნეს საქართველოს თავდაცვის მინისტრის ერთ-ერთ მოადგილეზე.

საქართველოს თავდაცვის მინისტრის 2011 წლის 3 თებერვლის ბრძანება №77 - ვებგვერდი, 04.02.2011წ.

46. სამოქალაქო პირებისათვის გასაცემ დანამატებზე (გარდა დანამატისა საკლასო ჩინზე) საქართველოს თავდაცვის სამინისტროს ვალდებულებები წარმოიქმნება მხოლოდ ამ ბრძანების ამოქმედების მომდევნო თვის პირველი რიცხვიდან.

47. მე-4 პუნქტში მითითებულ სამხედრო მოსამსახურეებს, თუ მათ ორი ან ოთხი წლის ვადით გააგრძელეს სამხედრო სამსახური კონტრაქტის საფუძველზე 2007 წლის 2 მარტამდე მე-4 პუქტით განსაზღვრული დანამატი ეძლევათ ამ ბრძანების ამოქმედების დღის მომდევნო თვის პირველი რიცხვიდან, და შესაბამისად, საქართველოს თავდაცვის სამინისტროს ვალდებულებები წარმოიქმნება ამ თარიღიდან. ხოლო იმ სამხედრო მოსამსახურეებს, რომლებიც მე-4 პუნქტით განსაზღვრულ დანამატს იღებდნენ ამ ბრძანების ამოქმედებამდე, მე-4 პუქტით განსაზღვრული დანამატი ეძლევათ ამ ბრძანების ამოქმედების დღიდან. კონტრაქტის საფუძველზე სამხედრო სამსახურის გაგრძელებისას გასაფორმებელი კონტრაქტის ვადებს განსაზღვრავს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით.

47¹. ამ პუნქტში მითითებულ სამხედრო მოსამსახურეებს, რომლებიც ორი ან ოთხი წლის ვადით გააგრძელებენ სამხედრო სამსახურს 2009 წლის პირველ მარტ ს ან პირველი მარტი ს შემდეგ გაფორმებული კონტრაქტის საფუძველზე და კონტრაქტი შეუწყდებათ ვადის გასვლის გამო, კონტრაქტის სრული ვადის ამოწურვის შემდეგ მიეცემათ ერთჯერადი დახმარება 47² პუნქტში მითითებული ოდენობით. ამ პუნქტის მოქმედება სამხედრო მოსამსახურეზე ვრცელდება, თუ მითითებული კონტრაქტის გაფორმებამდე:

ა) სამხედრო მოსამსახურემ:

ა.ა.) იმსახურა საქართველოსა და ამერიკის შეერთებული შტატების ,,წვრთნისა და აღჭურვის” ერთობლივი პროგრამით და ამავე დროს კონტრაქტის საფუძველზე იმსახურა სამი წლისა და სამი თვის ვადით, კონტრაქტი შეუწყდა ვადის გასვლის გამო და ახალი კონტრაქტის გაფორმებამდე არ გასულა 2 წელზე მეტი;

ა.ბ.) კონტრაქტის საფუძველზე იმსახურა ოთხი წლის ვადით, კონტრაქტი შეუწყდა ვადის გასვლის გამო და ახალი კონტრაქტის გაფორმებამდე არ გასულა 2 წელზე მეტი;

ა.გ) ამ პუნქტის „ა.ა” ან „ა.ბ.” ქვეპუნქტებით გათვალისწინებული სამსახურის ვადის გასვლის შემდეგ სამხედრო მოსამსახურემ იმსახურა საქართველოს თავდაცვის მინისტრის ინდივიდუალურ ი ადმინისტრაციულ-სამართლებრივი აქტით განსაზღვრული კონტრაქტის ვადით, კონტრაქტი შეუწყდა ვადის გასვლის გამო და ახალი კონტრაქტის გაფორმებამდე არ გასულა 2 წელზე მეტი;

ბ) მე-4 პუნქტში მითითებულმა სამხედრო მოსამსახურემ სამსახურთან შეთანხმებით შეწყვიტა მე-4 პუნქტში მითითებული 2- ან 4- წლიანი კონტრაქტი ვადამდე ამ პუნქტში მითითებული კონტრაქტის სრული ვადით გაფორმების სანაცვლოდ;

გ) სამხედრო მოსამსახურემ სამსახურთან შეთანხმებით შეწყვიტა ერთწლიანი კონტრაქტი ვადამდე ამ პუნქტში მითითებული კონტრაქტის სრული ვადით გაფორმების სანაცვლოდ.

47 ². 47¹ პუნქტში მითითებულ სამხედრო მოსამსახურეს ერთჯერადი დახმარება მიეცემა შემდეგი ოდენობით:

ა) ორი წლით კონტრაქტის საფუძველზე სამსახურის გავლის შემთხვევაში 3000 ლარი;

ბ) ოთხი წლით კონტრაქტის საფუძველზე სამსახურის გავლის შემთხვევაში 7000 ლარი.

47³. 26-ე, 38-ე და მე-40 პუნქტებით გათვალისწინებული შესაბამისი ერთჯერადი დახმარებების დამატებით, 47¹ პუნქტით გათვალისწინებული კონტრაქტის ვადის ამოწურვამდე შტატების შემცირების, ავადმყოფობის, სამსახურებრივი მოვალეობის შესრულების შედეგად გარდაცვალების ან დაჭრა/დასახიჩრების საფუძველზე დათხოვნის შემთხვევაში, სამხედრო მოსამსახურეს ან მისი ოჯახის წევრს 47² პუნქტით განსაზღვრული ერთჯერადი დახმარება მიეცემა ფაქტობრივად ნამსახურები ვადის პროპორციულად. შესაბამისად გამოიყენება 42-ე პუნქტით განსაზღვრული წესი. ჯამური ვადის გაანგარიშება ხდება სრული თვით. ამ მიზნით ერთ თვემდე ნამსახურები ვადა ითვლება სრული ერთი თვის სამსახურად.

47⁴. სამხედრო მოსამსახურეს, რომელსაც მე-4 პუნქტის საფუძველზე მიეცემოდა დანამატი 2009 წლის 1 მარტამდე, უნარჩუნდება ამ დანამატის მიღების უფლება მასთან გაფორმებული კონტრაქტის ვადის ამოწურვამდე, მის შეწყვეტამდე ან ახალი კონტრაქტის დადებამდე.

47⁵. საქართველოს თავდაცვის სამინისტროს საჯარო მოსამსახურე სამოქალაქო პირს, რომელსაც მე-12 პუნქტის საფუძველზე 2009 წლის 1 მარტამდე დაენიშნა 5 წლამდე შრომითი სტაჟის დანამატი 10%-ის ოდენობით, უნარჩუნდება ამ დანამატის (10%-ის ოდენობით) მიღების უფლება.

48. ძალადაკარგულად ჩაითვალოს:

ა) „საქართველოს თავდაცვის სამინისტროს სამხედრო მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ“ საქართველოს თავდაცვის მინისტრის 2006 წლის 15 თებერვლის №38 ბრძანება;

ბ) „სამშვიდობო ოპერაციების განსახორციელებლად საქართველოს შეიარაღებული ძალების ქვედანაყოფების სამხედრო მოსამსახურეთა ფულადი კმაყოფის, გრძელვადიანი მივლინების ყოველთვიური ნორმების შესახებ“ საქართველოს თავდაცვის მინისტრის 2006 წლის 25 აპრილის №143 ბრძანება.

49. ბრძანება ამოქმედდეს 2007 წლის 27 სექტემბრიდან.

დ. კეზერაშვილი

შეტანილი ცვლილებები:

1. საქართველოს თავდაცვის მინისტრის 2007 წლის 22 ოქტომბრის ბრძანება №608 - სსმ III, №149, 24.10.2007 წ., მუხ.1661

2. საქართველოს თავდაცვის მინისტრის 2007 წლის 1 ნოემბრის ბრძანება №638 - სსმ III, №154, 01.11.2007 წ., მუხ.1718

3. საქართველოს თავდაცვის მინისტრის 2007 წლის 12 ნოემბრის ბრძანება №693 - სსმ III, №160, 15.11.2007 წ., მუხ.1772

4. საქართველოს თავდაცვის მინისტრის 2007 წლის 30 ნოემბრის ბრძანება №758 - სსმ III, №173, 06.12.2007 წ., მუხ.1916

5. საქართველოს თავდაცვის მინისტრის 2007 წლის 28 დეკემბრის ბრძანება №812- სსმ III, №186, 28.12.2007 წ., მუხ.2093

6. საქართველოს თავდაცვის მინისტრის 2008 წლის 16 იანვრის ბრძანება №25- სსმ III, №7, 18.01.2008 წ., მუხ.80

7. საქართველოს თავდაცვის მინისტრის 200 წლის 28 თებერვლის ბრძანება №109- სსმ III, №35, 06.03.2008 წ., მუხ.375

8. საქართველოს თავდაცვის მინისტრის 2008 წლის 24 მარტის ბრძანება №147- სსმ III, №44, 24.03.2008 წ., მუხ.497

9. საქართველოს თავდაცვის მინისტრის 2008 წლის 25 მარტის ბრძანება №154- სსმ III, №47, 28.03.2008 წ., მუხ.535

10. საქართველოს თავდაცვის მინისტრის 2008 წლის 25 მარტის ბრძანება №155- სსმ III, №47, 28.03.2008 წ., მუხ.536

11. საქართველოს თავდაცვის მინისტრის 2008 წლის 31 მარტის ბრძანება №175, სსმ III, №48, 31.03.2008 წ., მუხ.565

12. საქართველოს თავდაცვის მინისტრის 2008 წლის 24 აპრილის ბრძანება №239, სსმ III, №63, 24.04.2008 წ., მუხ.716

13. საქართველოს თავდაცვის მინისტრის 2008 წლის 22 მაისის ბრძანება №276, სსმ III, №75, 23.05.2008 წ., მუხ.817

14. საქართველოს თავდაცვის მინისტრის 2008 წლის 4 ივნისის ბრძანება №307, სსმ III, №81, 05.06.2008 წ., მუხ.873

15. საქართველოს თავდაცვის მინისტრის 2008 წლის 2 ივლისის ბრძანება №363, სსმ III, №96, 08.07.2008 წ., მუხ.1059

16. საქართველოს თავდაცვის მინისტრის 2008 წლის 8 ივლისის ბრძანება №381, სსმ III, №97, 09.07.2008 წ., მუხ.1080

17. საქართველოს თავდაცვის მინისტრის 2008 წლის 26 აგვისტოს ბრძანება №480, სსმ III, №124, 27.08.2008 წ., მუხ.1278

18. საქართველოს თავდაცვის მინისტრის 2008 წლის 3 ნოემბრის ბრძანება №670, სსმ III, №158, 03.11.2008 წ., მუხ.1592

19. საქართველოს თავდაცვის მინისტრის 2008 წლის 15 დეკემბრის ბრძანება №774, სსმ III, №178, 15.12.2008 წ., მუხ.1816

20. საქართველოს თავდაცვის მინისტრის 2008 წლის 26 დეკემბრის ბრძანება №822, სსმ III, №184, 26.12.2008 წ., მუხ.1883

21. საქართველოს თავდაცვის მინისტრის 2008 წლის 30 დეკემბრის ბრძანება №828, სსმ III, №187, 31.12.2008 წ., მუხ.1889

22. საქართველოს თავდაცვის მინისტრის 2009 წლის 27 თებერვლის ბრძანება №120, სსმ III, №22, 27.02.2009 წ., მუხ.277

23. საქართველოს თავდაცვის მინისტრის 2009 წლის 11 მარტის ბრძანება №164, სსმ III, №27, 11.03.2009 წ., მუხ.347

24. საქართველოს თავდაცვის მინისტრის 2009 წლის 15 აპრილის ბრძანება №277, სსმ III, №47, 16.04.2009 წ., მუხ.535

25. საქართველოს თავდაცვის მინისტრის 2009 წლის 21 აპრილის ბრძანება №284, სსმ III, №48, 21.04.2009 წ., მუხ.541

26. საქართველოს თავდაცვის მინისტრის 2009 წლის 14 მაისის ბრძანება №364, სსმ III, №60, 18.05.2009 წ., მუხ.676

27. საქართველოს თავდაცვის მინისტრის 2009 წლის 28 მაისის ბრძანება №397, სსმ III, №66, 01.06.2009 წ., მუხ.734

28. საქართველოს თავდაცვის მინისტრის 2009 წლის 6 ივლისის ბრძანება №477, სსმ III, №83, 06.07.2009 წ., მუხ.887

29. საქართველოს თავდაცვის მინისტრის 2009 წლის 18 აგვისტოს ბრძანება №537, სსმ III, №104, 24.08.2009 წ., მუხ.1163

30. საქართველოს თავდაცვის მინისტრის 2009 წლის 21 აგვისტოს ბრძანება №541, სსმ III, №104, 24.08.2009 წ., მუხ.1164

31. საქართველოს თავდაცვის მინისტრის 2009 წლის 9 ოქტომბრის ბრძანება №616, სსმ III, №123, 12.10.2009 წ., მუხ.1424

32. საქართველოს თავდაცვის მინისტრის 2009 წლის 16 დეკემბრის ბრძანება №768, სსმ III, №153, 17.12.2009 წ., მუხ.1812

33. საქართველოს თავდაცვის მინისტრის 2009 წლის 22 დეკემბრის ბრძანება №805, სსმ III, №156, 22.12.2009 წ., მუხ.1840

34. საქართველოს თავდაცვის მინისტრის 2010 წლის 10 თებერვლის ბრძანება №71, სსმ III, №17, 12.02.2010 წ., მუხ.199

35. საქართველოს თავდაცვის მინისტრის 2010 წლის 4 მარტის ბრძანება №134, სსმ III, №24, 05.03.2010 წ., მუხ.134

36. საქართველოს თავდაცვის მინისტრის 2010 წლის 6 აპრილის ბრძანება №228, სსმ III, №35, 06.04.2010 წ., მუხ.588

37. საქართველოს თავდაცვის მინისტრის 2010 წლის 19 აპრილის ბრძანება №255, სსმ III, №44, 20.04.2010 წ., მუხ.674

38. საქართველოს თავდაცვის მინისტრის 2010 წლის 19 აპრილის ბრძანება №256, სსმ III, №44, 20.04.2010 წ., მუხ.675

39. საქართველოს თავდაცვის მინისტრის 2010 წლის 14 მაისის ბრძანება №333, სსმ III, №55, 18.05.2010 წ., მუხ.844

40. საქართველოს თავდაცვის მინისტრის 2010 წლის 8 ივნისის ბრძანება №378, სსმ III, №985, 09.06.2010 წ., მუხ.985

41. საქართველოს თავდაცვის მინისტრის 2010 წლის 20 ივლისის ბრძანება №473, სსმ III, №89, 21.07.2010 წ., მუხ.1294

42. საქართველოს თავდაცვის მინისტრის 2010 წლის 3 აგვისტოს ბრძანება №517, სსმ III, №96, 04.08.2010 წ., მუხ.1422

43. საქართველოს თავდაცვის მინისტრის 2010 წლის 6 ოქტომბრის ბრძანება №672, სსმ III, №129, 08.10.2010 წ., მუხ.1869

44. საქართველოს თავდაცვის მინისტრის 2010 წლის 15 ნოემბრის ბრძანება №774, სსმ III, №151, 18.11.2010 წ., მუხ.2115

45. საქართველოს თავდაცვის მინისტრის 2010 წლის 30 ნოემბრის ბრძანება №807, სსმ III, №158, 03.12.2010 წ., მუხ.2130

46. საქართველოს თავდაცვის მინისტრის 2010 წლის 10 დეკემბრის ბრძანება №839,სსმ III, №163,14.12.2010 წ., მუხ.2313

47. საქართველოს თავდაცვის მინისტრის 2010 წლის 21 დეკემბრის ბრძანება №869 - სსმ III, №167, 22.12.2010 წ., მუხ.2394

48. საქართველოს თავდაცვის მინისტრის 2010 წლის 21 დეკემბრის ბრძანება №870 - სსმ III, №167, 22.12.2010 წ., მუხ.2395

49. საქართველოს თავდაცვის მინისტრის 2010 წლის 30 დეკემბრის ბრძანება №896 - სსმ III, №171, 30.12.2010 წ., მუხ.1464

50. საქართველოს თავდაცვის მინისტრის 2011 წლის 4 იანვრის ბრძანება №6 - ვებგვერდი, 06.01.2011წ.

51. საქართველოს თავდაცვის მინისტრის 2011 წლის 3 თებერვლ ის ბრძანება №77 - ვებგვერდი, 04.02.2011წ.

52.საქართველოს თავდაცვის მინისტრის 2011 წლის 28 თებერვლ ის ბრძანება №132 - ვებგვერდი, 01.03.2011წ.

53. საქართველოს თავდაცვის მინისტრის 2011 წლის 1 მარტის ბრძანება №141 - ვებგვერდი, 01.03.2011წ.

54. საქართველოს თავდაცვის მინისტრის 2011 წლის 7 მარტის ბრძანება №159 - ვებგვერდი, 11.03.2011წ.

55. საქართველოს თავდაცვის მინისტრის 2011 წლის 15 მარტის ბრძანება №161 - ვებგვერდი, 16.03.2011წ.

56. საქართველოს თავდაცვის მინისტრის 2011 წლის 7 აპრილის ბრძანება №240 - ვებგვერდი, 08.04.2011წ.

57. საქართველოს თავდაცვის მინისტრის 2011 წლის 18 აპრილის ბრძანება №267 - ვებგვერდი, 26.04.2011წ.

დანართი №1

სამხედრო მოსამსახურეთა ყოველთვიური თანამდებობრივი სარგოების ნუსხა

(ლარებში)

№	შესაბამისი თანამდებობის წოდებრივი ზღვარი	კოდი	თანამდებობრივი სარგო
1	არმიის გენერალი	G-4	505
2	გენერალ-ლეიტენანტი, ადმირალი	G-3	470
3	გენერალ-მაიორი, ვიცე-ადმირალი	G-2	460
4	ბრიგადის გენერალი, კონტრ-ადმირალი	G-1	420
5	პოლკოვნიკი, I რანგის კაპიტანი	O-6	360
6	ვიცე-პოლკოვნიკი, II რანგის კაპიტანი	O-5	300
7	მაიორი, III რანგის კაპიტანი	O-4	255
8	კაპიტანი, კაპიტან-ლეიტენანტი	O-3	220
9	უფროსი ლეიტენანტი	O-2	205
10	ლეიტენანტი	O-1	195
11	მთავარი სერჟანტი, მთავარი მიჩმანი	S-7	160
12	მასტერ სერჟანტი, მასტერ მიჩმანი	S-6	150
13	უფროსი სერჟანტი, უფროსი მიჩმანი	S-5	146
14	სერჟანტი, მიჩმანი	S-4	144
15	უმცროსი სერჟანტი, უმცროსი მიჩმანი	S-3	142
16	კაპრალი, კაპრალ-სპეციალისტი, საზღვაო კაპრალი, საზღვაო კაპრალ-სპეციალისტი	S-2	140
17	I კლასის რიგითი, I კლასის საზვაო რიგითი	s-1	138
18	რიგითი, საზღვაო რიგითი	So-1	7

დანართი №2 (ამოღებულია)

დანართი №3 (ამოღებულია)

დანართი №4

სამოქალაქო თანამდებობის პირთა თანამდებობრივი სარგოები

(ლარებში)

N	თანამდებობები	კოდი	თანამდებობრივი შარგო
1	სამინისტროს ადმინისტრაციის უფროსი	CP-15	2540
2	სამინისტროს ადმინისტრაციის უფროსის მოადგილე, გენერალური ინსპექციის უფროსი, დეპარტამენტის უფროსი, სამინისტროს ადმინისტრაციის დეპარტამენტის უფროსი	CP-14	1760
3	გენერალური ინსპექციის უფროსის მოადგილე, დეპარტამენტის უფროსის მოადგილე, სამინისტროს ადმინისტრაციის დეპარტამენტის უფროსის მოადგილე	CP-13	1640
4	სამმართველოს უფროსი, სამინისტროს ადმინისტრაციის სამმართველოს უფროსი	CP-12	1460
5	სამმართველოს უფროსის მოადგილე, სამინისტროს ადმინისტრაციის სამმართველოს უფროსის მოადგილე, მინისტრის მრჩეველი, სამინისტროს მთავარი ბუღალტერი	CP-11	1340
6	განყოფილების უფროსი, სამინისტროს ადმინისტრაციის სამმართველოს განყოფილების უფროსი, კანცელარიის უფროსი, პროტოკოლის უფროსი, მინისტრის თანაშემწე	CP-10	1220
7	განყოფილების უფროსის მოადგილე, სამინისტროს ადმინისტრაციის სამმართველოს განყოფილების უფროსის მოადგილე, მინისტრის მოადგილის მრჩეველი	CP-9	1100
8	ჯგუფის უფროსი, მინისტრის მოადგილის თანაშემწე, მთავარი რევიზორი, მთავარი ინსპექტორი	CP-8	1040
9	უფროსი რევიზორი, რეფერენტი, უფროსი ინსპექტორი, მთავარი მენეჯერი, მთავარი სპეციალისტი, მთავარი ბუღალტერი (სამინიტროს მთავარი ბუღალტრის გარდა)	CP-7	980
10	უფროსი იურისტკონსულტი, უფროსი ფინანსისტი, უფროსი ეკონომისტი, უფროსი ბუღალტერი, რევიზორი, ინსპექტორი, წამყვანი მენეჯერი, უფროსი სპეციალისტი	CP-6	920
11	მენეჯერი, იურისტკონსულტი, მოლარე ხაზინადარი, პროგრამისტი, თარჯიმანი, სპეციალისტი, მდივან-რეფერენტი, უფროსი ლაბორანტი, ბუღალტერი, მუსიკოსი	CP-5	800
12	მზარეული, მექანიკოსი, ელექტრომექანიკოსი, კორექტორი, ტექნიკოსი, ლაბორანტი, ადმინისტრატორი, ინსტრუქტორი, საწყობის უფროსი, მბეჭდავი, ოპერატორი, მედდა, აღმზრდელი, ოსტატი, არქივარიუსი, ბიბლიოთეკარი	CP-4	610
13	შენობის კომენდანტი, ექსპედიტორი, მძღოლი, უმცროსი მედდა, დიასახლისი, სამედიცინო რეგისტრატორი, დეზინფექტორი, დამფასოებელი, ზეინკალი, ელექტრიკოსი	CP-3	590
14	მკერავი, ტელეგრაფისტი, ტელეფონისტი, გრავიორი, ფოტოგრაფი, ხურო, მეუთოვე, მეწაღე, ფელდეგერი, სანიტარი, ძიძა	CP-2	570
15	კურიერი, მეკუჭნავე, მეეზოვე, დარაჯი, მელიფტე, მებაღე, შვეიცარი, დამლაგებელი.	CP-1	555

შენიშვნა:

იმ შემთხვევაში, თუ რომელიმე თანამდებობა არ არის გათვალისწინებული ამ დანართის ჩამონათვალში, მისი გათანაბრება შესაბამის თანამდებობასთან ხდება საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით.

დანართი №5

სამხედრო მოსამსახურეთა დანამატების ოდენობა

(ლარებში)

1. №	2. შესაბამისი თანამდებობის წოდებრივი ზღვარი	3. კოდი	4. დანამატების ოდენობა
5. 1	6. არმიის გენერალი	7. G-4	8. 1520
9. 2	10. გენერალ-ლეიტენენტი, ადმირალი	11. G-3	12. 1425
13. 3	14. გენერალ-მაიორი, ვიცე-ადმირალი	15. G-2	16. 1365
17. 4	18. ბრიგადის გენერალი, კონტრ-ადმირალი	19. G-1	20. 1245
21. 5	22. პოლკოვნიკი, I რანგის კაპიტანი	23. O-6	24. 1100
25. 6	26. ვიცე-პოლკოვნიკი, II რანგის კაპიტანი	27. O-5	28. 970
29. 7	30. მაიორი, III რანგის კაპიტანი	31. O-4	32. 760
33. 8	34. კაპიტანი, კაპიტან-ლეიტენანტი	35. O-3	36. 750
37. 9	38. უფროსი ლეიტენანტი	39. O-2	40. 745
41. 10	42. ლეიტენანტი	43. O-1	44. 740
45. 11	46. მთავარი სერჟანტი, მთავარი მიჩმანი	47. S-7	48. 720
49. 12	50. მასტერ სერჟანტი, მასტერ მიჩმანი	51. S-6	52. 705
53. 13	54. უფროსი სერჟანტი, უფროსი მიჩმანი	55. S-5	56. 680
57. 14	58. სერჟანტი, მიჩმანი	59. S-4	60. 670
61. 15	62. უმცროსი სერჟანტი, უმცროსი მიჩმანი	63. S-3	64. 660
65. 16	66. კაპრალი, კაპრალ-სპეციალისტი, საზღვაო 67. კაპრალი, საზღვაო კაპრალ-სპეციალისტი	68. S-2	69. 657
70. 17	71. I კლასის რიგითი, I კლასის საზვაო რიგითი	72. S-1	73. 655

შენიშვნა

№

შესაბამისი თანამდებობის

წოდებრივი ზღვარი

კოდი

დანამატი თვეში

1

ვიცე-პოლკოვნიკი

O-5

450

2

მაიორი

O-4

510

3

კაპიტანი

O-3

570

4

უფროსი ლეიტენანტი

O-2

600

5

მასტერ სერჟანტი

S-6

744

6

უფროსი სერჟანტი

S-5

762

7

სერჟანტი

S-4

780

8

კაპრალ-სპეციალისტი

S-2

800

საქართველოს თავდაცვის მინისტრის 2007 წლის 28 დეკემბრის ბრძანება №812- სსმ III, №186, 28.12.2007 წ., მუხ.2093

საქართველოს თავდაცვის მინისტრის 2010 წლის 14 მაისის ბრძანება №333, სსმ III, №55, 18.05.2010 წ., მუხ.844

საქართველოს თავდაცვის მინისტრის 2010 წლის 21 დეკემბრის ბრძანება №870 - სსმ III, №167, 22.12.2010 წ., მუხ.2395

დანართი №7

სამხედრო მოსამსახურეთა წოდებრივი სარგოების ნუსხა

№

სამხედრო წოდება

კოდი

წოდებრივი

სარგო

1

არმიის გენერალი

G-4

120

2

გენერალ-ლეიტენანტი, ადმირალი

G-3

110

3

გენერალ-მაიორი, ვიცე-ადმირალი

G-2

100

4

ბრიგადის გენერალი, კონტრ-ადმირალი

G-1

85

5

პოლკოვნიკი, I რანგის კაპიტანი

O-6

75

6

ვიცე-პოლკოვნიკი, II რანგის კაპიტანი

O-5

60

7

მაიორი, III რანგის კაპიტანი

O-4

50

8

კაპიტანი, კაპიტან-ლეიტენანტი

O-3

40

9

უფროსი ლეიტენანტი

O-2

30

10

ლეიტენანტი

O-1

25

11

მთავარი სერჟანტი, მთავარი მიჩმანი

S-7

11

12

მასტერ სერჟანტი, მასტერ მიჩმანი

S-6

8

13

უფროსი სერჟანტი, უფროსი მიჩმანი

S-5

6

14

სერჟანტი, მიჩმანი

S-4

5

15

უმცროსი სერჟანტი, უმცროსი მიჩმანი

S-3

4

16

კაპრალი, კაპრალ-სპეციალისტი, საზღვაო

კაპრალი, საზღვაო კაპრალ-სპეციალისტი

S-2

3

საქართველოს თავდაცვის მინისტრის 2007 წლის 28 დეკემბრის ბრძანება №812- სსმ III, №186, 28.12.2007 წ., მუხ.2093

საქართველოს თავდაცვის მინისტრის 2010 წლის 14 მაისის ბრძანება №333, სსმ III, №55, 18.05.2010 წ., მუხ.844

№	სამხედრო წოდება	კოდი	წოდებრივი სარგო
1	არმიის გენერალი	G-4	120
2	გენერალ-ლეიტენანტი, ადმირალი	G-3	110
3	გენერალ-მაიორი, ვიცე-ადმირალი	G-2	100
4	ბრიგადის გენერალი, კონტრ-ადმირალი	G-1	85
5	პოლკოვნიკი, I რანგის კაპიტანი	O-6	75
6	ვიცე-პოლკოვნიკი, II რანგის კაპიტანი	O-5	60
7	მაიორი, III რანგის კაპიტანი	O-4	50
8	კაპიტანი, კაპიტან-ლეიტენანტი	O-3	40
9	უფროსი ლეიტენანტი	O-2	30
10	ლეიტენანტი	O-1	25
11	მთავარი სერჟანტი, მთავარი მიჩმანი	S-7	11
12	მასტერ სერჟანტი, მასტერ მიჩმანი	S-6	8
13	უფროსი სერჟანტი, უფროსი მიჩმანი	S-5	6
14	სერჟანტი, მიჩმანი	S-4	5
15	უმცროსი სერჟანტი, უმცროსი მიჩმანი	S-3	4
16	კაპრალი, კაპრალ-სპეციალისტი, საზღვაო კაპრალი, საზღვაო კაპრალ-სპეციალისტი	S-2	3

როგორ დავიმოწმოთ

საქართველოს მინისტრის ბრძანება „საქართველოს თავდაცვის სამინისტროს სამხედრო მოსამსახურეთა, სახელმწიფო სპეციალური წოდების მქონე და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ“, №560, 26.09.2007, სარეგისტრაციო კოდი 280.120.000.22.026.010.857 (კონსოლიდირებული რედაქცია 18.04.2011). ხელმისაწვდომია: https://legali.ge/law/73030-57/