როგორ დავიმოწმოთ

დოკუმენტის ტექსტი

როგორ დავიმოწმოთ

მუხლი 1 1.🔗

მუხლი 1 1.🔗

შემდგომი ცვლილებები (41)

წინა ცვლილებები (14)

საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე

საქართველოს საბაჟო კოდექსის 68-ე მუხლის, 69-ე მუხლის მე-5 ნაწილის, 70-ე მუხლის მე-4 ნაწილის „ბ“ქვეპუნქტის, 71-ე მუხლის მე-3 ნაწილის, 89-ე მუხლის მე-3 ნაწილის, 90-ე მუხლის მე-7 ნაწილის, 91-ე მუხლის მე-3 ნაწილისა და „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის „ლ“ ქვეპუნქტის საფუძველზე, ვბრძანებ:

მუხლი 1

დამტკიცდეს:

ა) ინსტრუქცია „საბაჟო რეჟიმების (გარდა ტრანზიტის საბაჟო რეჟიმისა და საბაჟო-სავაჭრო თანამშრომლობის მონაწილის მიერ ან მისი დანიშნულებით შემოტანილი საქონლისა, რომლის მიმართაც დადგენილი წესით ხორციელდება გამარტივებული საბაჟო კონტროლი) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის შევსების, წარდგენის, დაბრუნების, შეცვლის და რეგისტრაციის წესების შესახებ“ (დანართი №1).

ბ) „სატვირთო-საბაჟო დეკლარაცია“ (დანართი №2);

გ) „საბაჟო ორგანოსათვის წარდგენილი დოკუმენტების შესახებ განაცხადი“ (დანართი №3);

დ) ინსტრუქცია „ტრანზიტის საბაჟო რეჟიმის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ (დანართი №4);

ე) ინსტრუქცია „ფიზიკური პირის საბაჟო დეკლარაციის ფორმისა და შევსების წესის შესახებ“ (დანართი №5);

ვ) „ფიზიკური პირის საბაჟო დეკლარაცია“ (დანართი №6);

ზ) „დეკლარირებას დაქვემდებარებული საქონლის ნუსხა“(დანართი №7);

თ) ინსტრუქცია „საფოსტო გზავნილის დეკლარაციის ფორმისა და შევსების წესების შესახებ“ (დანართი №8);

ი) „საფოსტო გზავნილის დეკლარაცია „CN22“ (დანართი №9);

კ) „საფოსტო გზავნილის დეკლარაცია „CN23“ (დანართი №10);

ლ) (ამოღებულია).

მ) „ნედლი ნავთობისა და მისი გადამუშავებით მიღებული საქონლის (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით) ნუსხა (დანართი №12);

ნ) (ამოღებულია).

ო) (ამოღებულია).

პ) „საბაჟო დეკლარირების კლასიფიკატორი“ (დანართი №15);

ჟ) ინსტრუქცია „სატვირთო საბაჟო დეკლარაციის ფორმა №2-ის შევსების წესის შესახებ“ (დანართი №16);

რ) „სატვირთო საბაჟო დეკლარაციის ფორმა №2“ (დანართი №17);

ს) „საბაჟო დეკლარაციის მონაცემთა ბაზის ელექტრონული დამუშავების სისტემაში დაშვების შესახებ განცხადება“(დანართი №18).

ტ) ინსტრუქცია „საბაჟო-სავაჭრო თანამშრომლობის მონაწილეთა მიერ საქართველოს საბაჟო ტერიტორიაზე საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ საქონელზე, რომლის მიმართაც დადგენილი წესით ხორციელდება გამარტივებული საბაჟო კონტროლი, სატვირთო-საბაჟო დეკლარაციის შევსების, წარდგენის და რეგისტრაციის წესების შესახებ“ (დანართი №19).

უ) ინსტრუქცია „სსიპ საქართველოს შინაგან საქმეთა სამინისტროს მომსახურების სააგენტოს განყოფილებების სარეგისტრაციო სამსახურებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ ავტოსატრანსპორტო საშუალებებზე საბაჟო დეკლარაციის შევსების, წარდგენის და რეგისტრაციის წესების შესახებ“ (დანართი №20);

ფ) „სატვირთო-საბაჟო დეკლარაციის ფორმა №3“ (დანართი №21).

საქართველოს ფინანსთა მინისტრის 2008 წლის 9 იანვრის ბრძანება №7-სსმIII, №3, 10.01.2008წ., მუხ.44

საქართველოს ფინანსთა მინისტრის 2008 წლის 18 იანვრის ბრძანება №81-სსმIII, №11, 24.01.2008წ., მუხ.162

საქართველოს ფინანსთა მინისტრის 2008 წლის 9 ივნისის ბრძანება №501-სსმIII, №82, 10.06.2008წ., მუხ.889

მუხლი 2

ამ ბრძანების ამოქმედებისთანავე ძალადაკარგულად გამოცხადდეს საქართველოს ფინანსთა მინისტრის 2006 წლის 20 დეკემბრის №1776 ბრძანება „საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“.

მუხლი 3

ბრძანება, გარდა №15 დანართის მე-2 ნაწილის პირველი პუნქტის – „საბაჟო ორგანოების“ მე-8 გრაფისა და მე-2 პუნქტის – „საბაჟო დამუშავების ოპერაციების ადგილების“„გ“ქვეპუნქტის მე-3 გრაფისა, ამოქმედდეს 2007 წლის 1 დეკემბრიდან.

მუხლი 4

ბრძანების №15 დანართის მე-2 ნაწილის პირველი პუნქტის – „საბაჟო ორგანოების“ მე-8 გრაფა და მე-2 პუნქტის – „საბაჟო დამუშავების ოპერაციების ადგილების“„გ“ქვეპუნქტის მე-3 გრაფა ამოქმედდეს 2008 წლის 1 იანვრიდან.

მინისტრის მოვალეობის

შემსრულებელი ნ. გილაური

შეტანილი ცვლილებები:

1. საქართველოს ფინანსთა მინისტრის 2007 წლის 17 დეკემბრის ბრძანება №1296-სსმIII, №178, 17.12.2007წ., მუხ.1968

2. საქართველოს ფინანსთა მინისტრის 2008 წლის 9 იანვრის ბრძანება №7-სსმIII, №3, 10.01.2008წ., მუხ.44

3. საქართველოს ფინანსთა მინისტრის 2008 წლის 18 იანვრის ბრძანება №60-სსმIII, №9, 22.01.2008წ., მუხ.109

4. საქართველოს ფინანსთა მინისტრის 2008 წლის 18 იანვრის ბრძანება №81-სსმIII, №11, 24.01.2008წ., მუხ.162

5. საქართველოს ფინანსთა მინისტრის 2008 წლის 25 თებერვლის ბრძანება №185-სსმIII, №32, 29.02.2008წ., მუხ.346

6. საქართველოს ფინანსთა მინისტრის 2008 წლის 28 თებერვლის ბრძანება №212-სსმIII, №32, 29.02.2008წ., მუხ.355

7. საქართველოს ფინანსთა მინისტრის 2008 წლის 7 აპრილის ბრძანება №331-სსმIII, №54, 10.04.2008წ., მუხ.621

8. საქართველოს ფინანსთა მინისტრის 2008 წლის 10 აპრილის ბრძანება №339-სსმIII, №57, 15.04.2008წ., მუხ.665

9. საქართველოს ფინანსთა მინისტრის 2008 წლის 1 მაისის ბრძანება №403-სსმIII, №68, 06.05.2008წ., მუხ.737

10. საქართველოს ფინანსთა მინისტრის 2008 წლის 27 მაისის ბრძანება №465-სსმIII, №78, 02.06.2008წ., მუხ.848

11. საქართველოს ფინანსთა მინისტრის 2008 წლის 9 ივნისის ბრძანება №501-სსმIII, №82, 10.06.2008წ., მუხ.889

12. საქართველოს ფინანსთა მინისტრის 2008 წლის 16 ივნისის ბრძანება №516-სსმIII,№85, 17.06.2008წ., მუხ.934

13. საქართველოს ფინანსთა მინისტრის 2008 წლის 20 ივნისის ბრძანება №533-სსმIII, №91, 27.06.2008წ., მუხ.995

14. საქართველოს ფინანსთა მინისტრის 2008 წლის 27 ივნისის ბრძანება №558-სსმIII, №91, 27.06.2008წ., მუხ.1000

დანართი №1

ინსტრუქცია

ინსტრუქცია საბაჟო რეჟიმების (გარდა ტრანზიტის საბაჟო რეჟიმისა და საბაჟო-სავაჭრო თანამშრომლობის მონაწილის მიერ ან მისი დანიშნულებით შემოტანილი საქონლისა, რომლის მიმართაც დადგენილი წესით ხორციელდება გამარტივებული საბაჟო კონტროლი) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის შევსების, წარდგენის, დაბრუნების, შეცვლის და რეგისტრაციის წესების შესახებ.

თავი I

ზოგადი დებულებანი

მუხლი 1.

საბაჟო რეჟიმების (გარდა ტრანზიტის საბაჟო რეჟიმისა და საბაჟო-სავაჭრო თანამშრომლობის მონაწილის მიერ ან მისი დანიშნულებით შემოტანილი საქონლისა, რომლის მიმართაც დადგენილი წესით ხორციელდება გამარტივებული საბაჟო კონტროლი) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქცია (შემდგომში – ინსტრუქცია) ადგენს საქონლისა და სატრანსპორტო საშუალებების (შემდგომში – საქონელი) საბაჟო დამუშავების ოპერაციების გამოყენებისას (საბაჟო რეჟიმებისა, აგრეთვე რეექსპორტის ზოგიერთ შემთხვევაში) სატვირთო-საბაჟო დეკლარაციის (შემდგომში – დეკლარაცია, დანართი №2) ფორმის, შევსების, წარდგენის, დაბრუნების, შეცვლის და რეგისტრაციის წესებს.

მუხლი 1 ¹.

ამ ინსტრუქციის მოქმედება არ ვრცელდება საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ ავტოსატრანსპორტო საშუალებებზე, რომლებიც ექვემდებარება დეკლარირებას „სსიპ საქართველოს შინაგან საქმეთა სამინისტროს მომსახურების სააგენტოს განყოფილებების სარეგისტრაციო სამსახურებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ ავტოსატრანსპორტო საშუალებებზე საბაჟო დეკლარაციის შევსების, წარდგენის და რეგისტრაციის წესების შესახებ“ ინსტრუქციით (დანართი №20) განსაზღვრული წესით.

მუხლი 2

ინსტრუქციაში გამოყენებულ ტერმინთა განმარტებები:

ა) დეკლარანტი – პირი, რომელიც საბაჟო დეკლარირებას ახორციელებს თავისი სახელით ან რომლის სახელითაც ხორციელდება საბაჟო დეკლარირება;

ბ) სასაქონლო პარტია – ერთი ან რამდენიმე დასახელების საქონელი, გაგზავნილი ერთი გამგზავნის მიერ ერთი მიმღების მისამართით ერთი ხელშეკრულების საფუძველზე, ერთი სახეობის ტრანსპორტით, წარდგენილი საბაჟო დამუშავების ოპერაციისათვის ერთდროულად ერთი და იმავე საბაჟო გამშვები პუნქტის გავლით, მიუხედავად სატრანსპორტო საშუალებებისა და გადაზიდვის დამადასტურებელი დოკუმენტების რაოდენობისა; ერთი ხელშეკრულების საფუძველზე მილსადენი ტრანსპორტით ერთი საანგარიშო თვის განმავლობაში გადაადგილებული და ერთი და იმავე საბაჟო რეჟიმში მოქცეული საქონელი; ერთი ხელშეკრულების საფუძველზე ელექტროგადამცემი ხაზებით ერთი საანგარიშო თვის განმავლობაში გადაადგილებული ერთი და იმავე საბაჟო რეჟიმში მოქცეული ელექტროენერგია, ხოლო პარალელურ რეჟიმში მუშაობის დროს ერთი ხელშეკრულების საფუძველზე ელექტროგადამცემი ხაზებით პარალელურ რეჟიმში მუშაობის ხელშეკრულების მოქმედების ვადაში სალდო გადადინებით გადაადგილებული ელექტროენერგია;

გ) სატრანსპორტო დოკუმენტები – სატრანსპორტო ზედდებული, კონოსამენტი ან საქონლის თანხმლები სხვა დოკუმენტები, რომელთა საფუძველზეც ხორციელდება საქონლის საერთაშორისო და\ან საქართველოს საბაჟო ტერიტორიაზე საბაჟო ზედამხედველობის ქვეშ მისი გადაზიდვა;

დ) მოვაჭრე ქვეყანა – სახელმწიფო, რომლის ტერიტორიაზეც რეგისტრირებულია (ცხოვრობს) გამგზავნი (მიმღები), მიუხედავად მისი ეროვნული კუთვნილებისა;

ე) ბრუტო წონა (კგ) – საქონლის მთლიანი წონა შესაფუთი მასალის (ტარის), მათ შორის შესაფუთი კონტეინერების ჩათვლით, რომლებიც უზრუნველყოფენ საქონლის დაცვას შენახვისა და ტრანსპორტირების დროს;

ვ) ნეტო წონა (კგ) – საქონლის წონა შესაფუთი მასალის (ტარის) გარეშე, გარდა იმ შესაფუთი მასალისა, რომელიც განუშორებელია საქონლისაგან მის მოხმარებამდე და რომელშიც იგი მიეწოდება საცალო ვაჭრობისათვის.

მუხლი 3

დეკლარაციის წარდგენა ხდება საქართველოს საბაჟო კანონმდებლობით განსაზღვრულ იმ საბაჟო ორგანოში, სადაც წარმოებს საქონლის საბაჟო დამუშავების ოპერაცია.

მუხლი 4

1. დეკლარაციის წარდგენა ხდება საქართველოს საბაჟო კოდექსის 61-ე მუხლით დადგენილ ვადებში, რომელიც აითვლება საქონლის ზოგადი დეკლარირების საფუძველზე, საქართველოს ფინანსთა მინისტრის 2006 წლის 20 დეკემბრის №1764 ბრძანებით დამტკიცებული ინსტრუქციის 11¹ მუხლის პირველი პუნქტის შესაბამისად, „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობისათვის“ მინიჭებული „D“ ნომრის გასწვრივ მითითებული შევსების თარიღიდან (ექსპორტის საბაჟო რეჟიმის დროს ფიზიკური პირის მიერ გასატან საქონელზე სატვირთო საბაჟო დეკლარაცია წარედგინება იმ შემთხვევაში, თუ საქონელი არ ექვემდებარება სატვირთო საბაჟო დეკლარაციის ფორმა №2-ით დეკლარირებას).

2. უცხო ქვეყნის მოქალაქეთა მიერ საქონლის გარეშე საქართველოს საბაჟო ტერიტორიაზე გადაადგილებულ უცხოეთში რეგისტრირებულ სატვირთო ავტოსატრანსპორტო საშუალებებზე დეკლარაციის წარდგენა ხდება ზოგადი დეკლარირებიდან (მოქალაქის სამგზავრო დოკუმენტში (პასპორტში) ჩაკრულ სტიკერთან დასმული თარიღიდან) 20 კალენდარულ დღეში, ხოლო უცხო ქვეყნის მოქალაქეთა მიერ საქონლის გარეშე საქართველოს საბაჟო ტერიტორიაზე გადაადგილებულ უცხოეთში რეგისტრირებულ მსუბუქ ავტოსატრანსპორტო საშუალებებზე:

ა) ზოგადი დეკლარირებიდან (მოქალაქის სამგზავრო დოკუმენტში (პასპორტში) ჩაკრულ სტიკერთან დასმული თარიღიდან) 90 კალენდარულ დღეში, თუ საქონელი შემოტანილია საზღვაო გზით;

ბ) ზოგადი დეკლარირებიდან (მოქალაქის სამგზავრო დოკუმენტში (პასპორტში) ჩაკრულ სტიკერთან დასმული თარიღიდან) 65 კალენდარულ დღეში, თუ საქონელი შემოტანილია სხვა გზით.

2¹. საქართველოს საბაჟო ტერიტორიაზე შემოტანისას ამ ბრძანების დანართი №12 – „ნედლი ნავთობისა და მისი გადამუშავებით მიღებული საქონლის (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით) ნუსხით“ გათვალისწინებულ საქონელზე დეკლარაციის წარდგენა ხდება ზოგადი დეკლარირების საფუძველზე გამოწერილი აღრიცხვის მოწმობის შევსების თარიღიდან 5 კალენდარულ დღეში

3. დეკლარაციას ავსებს დეკლარანტი, გარდა იმ შემთხვევებისა, როდესაც დეკლარანტი თხოვნით მიმართავს საბაჟო ორგანოს დეკლარაციის შევსების თაობაზე:

ა) მსუბუქი ავტომანქანების იმპორტის, ექსპორტის, საბაჟო საწყობში საქონლის შენახვის, დროებითი შემოტანის, რეექსპორტის საბაჟო დამუშავების ოპერაციების დროს;

ბ) საფოსტო გზავნილების იმპორტის ან ექსპორტის დროს (თუ კანონმდებლობით საქონელი ექვემდებარება დეკლარირებას სატვირთო-საბაჟო დეკლარაციით);

გ) გამარტივებული საბაჟო დეკლარაციით საქონლის დეკლარირების დროს;

დ) ფიზიკური პირის მიერ დაბეგვრას დაქვემდებარებული 20 კგ-სა და 0,5 მ³-ზე ნაკლები საქონლის იმპორტის დროს.

4. საბაჟო დეკლარაციის მონაცემთა ბაზის ელექტრონული დამუშავების სისტემაში დაშვების მიზნით საქართველოს საწარმო (მეწარმე ფიზიკური პირი), რომელსაც გააჩნია საქართველოს ფინანსთა სამინისტროს შემოსავლების სამსახურის შესაბამის სერვერთან მიერთების შესაძლებლობა, შემოსავლების სამსახურს მიმართავს განცხადებით (დანართი №18). არასრულად შევსებული განცხადება უბრუნდება განმცხადებელს განცხადების რეგისტრაციიდან 5 დღის ვადაში. განცხადებით გათვალისწინებული ინფორმაციის სრულად წარმოდგენის შემთხვევაში, განცხადების რეგისტრაციიდან ხუთი დღის ვადაში განმცხადებელს ეცნობება მონაცემთა ბაზის ელექტრონული დამუშავების სისტემაში დაშვების მიზნით დაშვებისთვის აუცილებელი კონფიდენციალური მონაცემების დალუქული კონვერტით მიღების შესაძლებლობის შესახებ. კონვერტი გადაეცემა განმცხადებელს ან განმცხადებლის უფლებამოსილ წარმომადგენელს, რომელიც ხელმოწერით ადასტურებს კონვერტის მიღებას. იმ შემთხვევაში, როცა განცხადების რეგისტრაციიდან 3 თვის განმავლობაში საბაჟო ორგანოში არ იქნება დადგენილი წესით დარეგისტრირებული საქართველოს საწარმოს (მეწარმე ფიზიკური პირი) მიერ შევსებული საბაჟო დეკლარაცია, საბაჟო დეკლარაციის მონაცემთა ბაზის ელექტრონული დამუშავების სისტემაში დაშვება ავტომატურად უქმდება.

საქართველოს ფინანსთა მინისტრის 2008 წლის 27 მაისის ბრძანება №465-სსმIII, №78, 02.06.2008წ., მუხ.848

მუხლი 5

1. ერთი დეკლარაციით შეიძლება გაცხადდეს მხოლოდ საქონლის ერთი პარტია.

2. დეკლარაციის ძირითადი ფურცლით შეიძლება გაცხადდეს ცნობები მხოლოდ ერთი დასახელების, სახეობის და მარკის საქონელზე, რომელიც საგარეო ეკონომიკური საქმიანობის ეროვნულ სასაქონლო ნომენკლატურაში (შემდგომში – სეს ესნ) კლასიფიცირდება ერთი თერთმეტნიშნა კოდით და წარმოშობილია ერთ ქვეყანაში.

3. დეკლარაციის ერთ დამატებით ფურცელში შეიძლება გაცხადდეს ცნობები სამი დასახელების, სახეობის და მარკის საქონელზე და რომელთაგან თითოეული მათგანი სეს ესნ-ში კლასიფიცირდება ერთი თერთმეტნიშნა კოდით და წარმოშობილია ერთ ქვეყანაში. დაუშვებელია ერთ დეკლარაციაში გაცხადდეს ერთზე მეტი ერთი და იმავე თერთმეტნიშნა კოდის და ერთი და იმავე წარმოშობის ქვეყნის საქონელი.

4. სასაქონლო პარტიის ერთ დეკლარაციაში დეკლარირებისას მის ძირითად ფურცელს შეიძლება დაერთოს არა უმეტეს 33 დამატებითი ფურცლისა და ერთი დეკლარაციით შეიძლება გაცხადდეს არა უმეტეს 100 დასახელების საქონელი.

5. იმ შემთხვევაში, თუ სასაქონლო პარტია შედგება 100-ზე მეტი დასახელების საქონლისაგან, მაშინ 100-ის შემდეგ პარტიაში შემავალ ყოველ მომდევნო 100 დასახელებამდე საქონელზე ივსება ახალი დეკლარაცია.

6. დეკლარაცია ივსება ქართულ ენაზე კომპიუტერის საბეჭდი მოწყობილობის გამოყენებით. საჭიროების შემთხვევაში შეიძლება დაიბეჭდოს ამ მუხლის მე-8 პუნქტის „გ“ ქვეპუნქტში აღნიშნული ცისფერი ეგზემპლარი დამატებით სხვა ენაზეც.

7. დასაშვებია დეკლარაციის უკანა გვერდის გამოყენება სხვდასხვა მაკონტროლებელი ორგანოების აღნიშვნებისა და დამღებისათვის.

8. დეკლარაციების კომპლექტი შედგება 3 სხვადასხვა ფერის (ულტრაიისფერი დაცვის მქონე გერბიანი ორი თეთრი და ულტრაიისფერი დაცვის მქონე გერბიანი ერთი ცისფერი) ფურცლისაგან და ნაწილდება შემდეგნაირად:

ა) პირველი თეთრი გერბიანი ფურცელი რჩება საბაჟო დამუშავების საბაჟო ორგანოში;

ბ) მეორე თეთრი გერბიანი ფურცელი საქონლის საქართველოს საბაჟო ტერიტორიიდან გატანის შემთხვევაში რჩება სასაზღვრო საბაჟო ორგანოში, ხოლო საქონლის შემოტანის შემთხვევაში – ინახება საბაჟო დამუშავების საბაჟო ორგანოში;

გ) ცისფერი ფურცელი უბრუნდება დეკლარანტს.

9. დეკლარაციის დამატებითი ფურცლების გრაფების შევსების წესი იგივეა, რაც ძირითადი ფურცლის შესაბამისი გრაფებისა.

მუხლი 6

1. დეკლარაციის მიღებაზე უფლებამოსილი პირი (მიმღები), ამ ინსტრუქციით დადგენილი წესით იღებს დეკლარანტისაგან დეკლარაციას და მისი რეგისტრაციისათვის ამოწმებს წარდგენილი დეკლარაციის ამ ინსტრუქციით დადგენილ ფორმასთან შესაბამისობას.

2. დეკლარაცია უნდა შეიცავდეს მონაცემებს, რომლებიც აუცილებელია საგარეო-ეკონომიკური საქმიანობის რეგულირების მექანიზმების სწორად გამოყენებისათვის, საბაჟო სტატისტიკის წარმოებისა და საბაჟო კანონმდებლობის აღსრულებისათვის, მათ შორის, შესაბამისი საბაჟო რეჟიმის მოხოვნების განხორციელებისათვის.

3. დეკლარაციას უნდა დაერთოს საბაჟო კანონმდებლობით გათვალისწინებული ყველა დოკუმენტი, რომელიც აუცილებელია შესაბამისი საბაჟო რეჟიმის (ან რეექსპორტის) პირობების შესრულებისა და დეკლარირებული მონაცემების დადასტურებისათვის.

4. საბაჟო ორგანო დაუყოვნებლივ ახორციელებს წარდგენილი დეკლარაციის რეგისტრაციას, თუ უზრუნველყოფილია დეკლარაციაში აღნიშნული საქონლის წარდგენა საბაჟო ორგანოში.

5. თუ დარღვეულია დეკლარაციის ფორმა და შევსების წესი, თანმხლები დოკუმენტები შესაბამის დარღვევაზე მითითებით დაუყოვნებლივ უბრუნდება დეკლარანტს.

6. რეგისტრაციის მომენტიდან დეკლარაცია წარმოადგენს იურიდიული მნიშვნელობის მქონე ფაქტების დამადასტურებელ საბუთს.

7. დეკლარაციის წარდგენის უფლება აქვს დეკლარანტს.

8. დეკლარაციის რეგისტრაციის შემდეგ დეკლარანტის წერილობითი განცხადების საფუძველზე შესაძლებელია დეკლარაციაში მითითებული მონაცემების შეცვლა (გარდა ამ მუხლის მე-9 პუნქტით დადგენილი შემთხვევებისა).

9. დეკლარანტის განცხადების საფუძველზე დეკლარაციაში ცვლილებების შეტანა აკრძალულია, თუ:

ა) საბაჟო ორგანომ დაადგინა საქონლის სახეობის, რაოდენობის, წარმოშობის ქვეყნის ან/და საბაჟო ღირებულების შესახებ დეკლარირებული მონაცემების უზუსტობა;

ბ) საბაჟო ორგანომ უკვე გაუშვა საქონელი.

10. აკრძალულია საბაჟო ორგანოს უფლებამოსილი პირის მიერ დეკლარაციის შევსება ან დეკლარაციაში მონაცემების დამატება ან მასში მონაცემების შეცვლა, გარდა იმ მონაცემებისა, რომელთა შეტანა ან/და შეცვლა განეკუთვნება საბაჟო ორგანოს კომპეტენციას, აგრეთვე ელექტრონული დამუშავების დროს გამოყენებული კოდირებული მონაცემების შეცვლის ან დამატების გარდა, თუ ისინი დეკლარაციაში შეტანილია არაკოდირებული სახით.

11. საბაჟო დეკლარაციის შემოწმების ვადა, როგორც წესი, არ უნდა აღემატებოდეს დეკლარაციის რეგისტრაციიდან 2 საათს, თუ კანონმდებლობით სხვა რამ არ არის განსაზღვრული.

12. საბაჟო ორგანოში დეკლარირება ხდება წერილობითი ან/და ელექტრონული ფორმით.

13. სატვირთო-საბაჟო დეკლარაცია (დანართი №2) ფინანსთა მინისტრის ბრძანებით განსაზღვრულ საბაჟო დამუშავების ოპერაციისათვის აუცილებელ თანმხლებ დოკუმენტებთან და განაცხადთან (შემდგომში – განაცხადი, დანართი №3) ერთად ბარდება დოკუმენტების მიმღებ ფანჯარაში.

14. დოკუმენტების მიმღები ამოწმებს თანდართული დოკუმენტების ჩამონათვალს ფაქტობრივად წარმოდგენილთან და შესაბამისობის არსებობის შემთხვევაში ხელმოწერით, თარიღისა და დროის შესაბამის გრაფებში დაფიქსირებით ადასტურებს საბუთების მიღების ფაქტს და ყუას უბრუნებს დეკლარანტს.

15. ჩამონათვალისა და წარმოდგენილი დოკუმენტების შეუსაბამობის შემთხვევაში განაცხადის ფორმაზევე აღინიშნება მოცემული დოკუმენტის არარსებობის შესახებ, მოწმდება ხელმოწერით, დაისმება თარიღი, დრო და დოკუმენტების პაკეტი უბრუნდება დეკლარანტს.

16. დეკლარაციისა და სავალდებულო დოკუმენტების სრულად წარმოდგენის შემთხვევაში საბაჟო ორგანოს უფლება არა აქვს უარი განაცხადოს დოკუმენტთა პაკეტის მიღებაზე.

17. მიღების შემდეგ 10 წუთის ვადაში ხდება დეკლარაციის რეგისტრაცია და C (სტატისტიკური) ნომრის მინიჭება, რის შემდეგაც დეკლარაცია წარმოადგენს იურიდიული მნიშვნელობის ფაქტების დამადასტურებელ დოკუმენტს.

18. საბაჟო წესების დარღვევის შესახებ გამოტანილი გადაწყვეტილება (რომელიც ეფუძნება საქართველოს საბაჟო კოდექსის 72-ე მუხლის მოთხოვნებს) და საჯარიმო თანხის გადახდა არ ათავისუფლებს დეკლარანტს საბაჟო დამუშავების ოპერაციის ვალდებულებისაგან. ასეთ შემთხვევაში დეკლარირება ხდება თავიდან, ხოლო წინა დეკლარაცია ბათილად იქნება ცნობილი.

19. მალფუჭებადი საქონლის, ცხოველების, მასობრივი ინფორმაციის შემცველი საქონლის, საქართველოს უმაღლეს სახელმწიფო ორგანოთა მისამართზე გაგზავნილი, სტიქიური უბედურებების, ავარიების და კატასტროფების დროს საჭირო საქონლის საბაჟო დამუშავების ოპერაცია ხორციელდება პრიორიტეტული წესით, მაქსიმალურად შემჭიდროვებულ ვადებში.

20. დეკლარაციის შემოწმებას ატარებს საბაჟო მოხელე, რომლის არჩევასაც უზრუნველყოფს კომპიუტერული პროგრამა, ხოლო გადაუდებელ გარემოებათა გამო კომპიუტერული პროგრამის მეშვეობით არჩევის შეუძლებლობის შემთხვევაში მოხელეს ირჩევს უშუალო ხელმძღვანელი წერილობითი გადაწყვეტილებით, განაცხადზე დადებული რეზოლუციით გადაუდებელი გარემოების მითითებით.

21. დეკლარაციის შემოწმების ეტაპებია:

ა) დეკლარირების წესის შემოწმება;

ბ) სასაქონლო ნომენკლატურის კოდის განსაზღვრის პირველადი (დოკუმენტური) შემოწმება;

გ) აკრძალვების, შეზღუდვების და გაცხადებულ საბაჟო რეჟიმში საქონლის მოქცევის პირობების შემოწმება;

დ) საგადასახადო შეღავათების გამოყენების შემოწმება;

ე) საბაჟო ღირებულების განსაზღვრის შემოწმება;

ვ) საბაჟო გადასახდელების დარიცხვის შემოწმება.

22. დეკლარაციის შევსების სისწორის შემოწმებისას ყურადღება ექცევა კლასიფიკატორის გამოყენების სისწორეს, გრაფებში მონაცემთა შეტანის სისწორეს, დეკლარანტის ხელმოწერის არსებობას, ხოლო წარმომადგენლის მიერ დეკლარირების განხორციელების შემთხვევაში მოწმდება წარმომადგენლის უფლებამოსილების დამადასტურებელი დოკუმენტის არსებობა (ხელშეკრულება, მინდობილობა და სხვა). ამავე ეტაპზე ხდება დეკლარაციის წარდგენის ვადების შემოწმება.

23. დეკლარაციის არასწორად შევსების შემთხვევაში, თუ შეცდომა არ იწვევს გადასახდელებისაგან თავის არიდებას ან პრეფერენციების გამოყენებას და საბაჟოს არ შეუძლია ელექტრონულად ცვლილებები შეიტანოს დეკლარაციაში, ხდება დეკლარაციის გაუქმება და დეკლარანტს წერილობით ეცნობება ხელახალი დეკლარირების აუცილებლობის თაობაზე, მიზეზის მითითებით, სხვა შემთხვევაში დეკლარაციაში ცვლილებებს ახორციელებს საბაჟო მოხელე და აღნიშნულის თაობაზე წერილობით აცნობებს დეკლარანტს დადგენილი წესით.

24. საბაჟო ორგანო იტოვებს გაუქმებული დეკლარაციის თანმხლები დოკუმენტების ასლებს, ხოლო ორიგინალებს უბრუნებს დეკლარანტს.

25. გაუქმებული დეკლარაცია, რომელსაც დაესმება შტამპი „გაუქმებულია“საბაჟო მოხელის ხელმოწერით და პირადნომრიანი ბეჭდით, ასევე თანმხლები დოკუმენტების ასლები რჩება საბაჟო ორგანოს და ინახება არქივში.

26. საგარეო ეკონომიკური საქმიანობის ეროვნული სასაქონლო ნომენკლატურის კოდის განსაზღვრის პირველადი (დოკუმენტური) შემოწმების დროს საბაჟო მოხელის მიერ მოწმდება თუ რამდენად შეესაბამება დეკლარაციაში მითითებული საქონლის აღწერილობა მითითებულ სასაქონლო კოდს. ამავე დროს განსაკუთრებული ყურადღება ექცევა იმ კოდების გადამოწმებას, რომლებზეც ვრცელდება შეღავათები ან სასაქონლო ჯგუფების იმ კოდებს, რომლებშიც განსხვავება იძლევა სხვაობას საბაჟო გადასახადის განაკვეთში.

27. კოდის სისწორის შემოწმებისას შეუსაბამობის გამოვლენა გამოიწვევს დეკლარანტის პასუხისმგებლობას, თუ შეცვლილი კოდი იძლეოდა საგადასახადო შეღავათების მიღების შესაძლებლობას. სხვა შემთხვევაში საბაჟო ორგანო ახდენს კოდის კორექტირებას.

28. შემდეგ ეტაპზე მოხელე ამოწმებს აკრძალულია თუ არა აღნიშნული საქონელი გაცხადებულ რეჟიმში მოსაქცევად, ან რამდენად აკმაყოფილებს საქონელი გაცხადებულ საბაჟო რეჟიმში მოქცევის პირობებს.

29. თუ საქონელი არაა აკრძალული გაცხადებულ რეჟიმში მოსაქცევად, საბაჟო მოხელე ამოწმებს არის თუ არა დადგენილი კანონმდებლობით რაიმე სახის ლიცენზიები ან ნებართვები აღნიშნული საქონლის გაცხადებულ რეჟიმში მოსაქცევად. თუ კანონმდებლობით ასეთი ლიცენზიები ან ნებართვები მოითხოვება, მოწმდება მათი არსებობა წარმოდგენილ დოკუმენტებში. ამავე დროს მოწმდება ლიცენზიებისა და ნებართვების ნამდვილობა მათი გამცემი უწყების მიერ წარმოდგენილ ნიმუშებთან და დამცავი ნიშნების აღწერილობებთან მათი შედარების გზით.

30. ამ მუხლის 29-ე პუნქტით გათვალისწინებული ნიმუშებისა და დამცავი ნიშნების აღწერილობების ან მათში შეტანილი ცვლილებების არარსებობის შემთხვევაში, საბაჟო მოხელეს ლიცენზიებისა და ნებართვების ნამდვილობის დადასტურებაზე პასუხისმგებლობა არ დაეკისრება.

31. ამ მუხლის 29-ე პუნქტით განსაზღვრული ლიცენზიების და ნებართვების ორიგინალების წარმოუდგენლობისას დეკლარანტს წერილობით ეცნობება ამ დოკუმენტების წარმოდგენის აუცილებლობის თაობაზე დადგენილი წესით. მრავალჯერადი გამოყენების დოკუმენტი (ლიცენზია, ნებართვა) საბაჟო ორგანოს წარედგინება ასლთან ერთად.

32. დეკლარაციის შემოწმების შემდეგი ეტაპია საგადასახადო შეღავათების გამოყენების შემოწმება. ეს შემოწმება ხორციელდება იმ შემთხვევაში, თუ დეკლარაციაში მითითებულია ასეთი შეღავათების გამოყენების შესახებ. ამისათვის საბაჟო მოხელე ამოწმებს თანმხლებ დოკუმენტებს, რაც აუცილებელია სატარიფი შეღავათების და პრეფერენციების მისაღებად საქონლის წარმოშობის ქვეყნის დასადასტურებლად (წარმოშობის სერტიფიკატი). ასევე მოწმდება დოკუმენტები, რაც წარმოადგენს საგადასახადო შეღავათების გავრცელების საფუძველს (ფინანსთა სამინისტროს წერილი საქონლისათვის ჰუმანიტარული ან გრანტის სტატუსის მინიჭების შესახებ და სხვა).

33. ამ მუხლის 32-ე პუნქტში აღნიშნული დოკუმენტების არარსებობა წარმოადგენს საბაჟო დეკლარაციის ბათილად ცნობის საფუძველს.

34. დეკლარაციის შემოწმების შემდეგ ეტაპზე საბაჟო მოხელე ამოწმებს საბაჟო ღირებულების განსაზღვრის მეთოდის გამოყენების სისწორეს. ამისათვის მოწმდება დეკლარაციის თანმხლები დოკუმენტები, რაც საჭიროა საბაჟო ღირებულების განსაზღვრის მიზნებისათვის.

35. როდესაც საბაჟო მოხელე ახდენს საბაჟო ღირებულების კორექტირებას ან განსხვავებული მეთოდით დადგენას საქართველოს ფინანსთა მინისტრის 2006 წლის 20 დეკემბრის №1768 ბრძანებით დამტკიცებული „საქონლის საბაჟო ღირებულების განსაზღვრის სისწორის კონტროლის წესების შესახებ“ ინსტრუქციის შესაბამისად, ადგენს „საქონლის საბაჟო ღირებულების კორექტირების აქტს“, რომელიც ეგზავნება დეკლარანტს, ამასთან:

ა) თუ დეკლარანტი იხდის სხვაობას კორექტირების აქტით განსაზღვრული საბაჟო ღირებულების საფუძველზე გაანგარიშებულ საბაჟო გადასახდელებსა და დეკლარირებულ (გადახდილ) საბაჟო გადასახდელებს შორის, საბაჟო მოხელის მიერ დეკლარაციის ელექტრონულ ვერსიაში კორექტირების შემდეგ წარმოადგენს კორექტირებულ დეკლარაციას;

ბ) თუ დეკლარანტი არ ეთანხმება კორექტირების აქტის მონაცემებს, მაგრამ დამატებით წარმოადგენს საქართველოს საბაჟო კოდექსით გათვალისწინებულ არანაკლებ ორთვიან გარანტიას, რომლის საგარანტიო თანხა ტოლია კორექტირების აქტით განსაზღვრული საბაჟო ღირებულების საფუძველზე გაანგარიშებულ საბაჟო გადასახდელებსა და დეკლარანტის მიერ დეკლარირებული (გადახდილი) საბაჟო ღირებულების საფუძველზე გაანგარიშებულ საბაჟო გადასახდელებს შორის სხვაობისა, უფლებამოსილი საბაჟო მოხელე საბაჟო დეკლარაციის ყველა ეგზემპლარზე „C“ გრაფაში აკეთებს აღნიშვნას – „გაშვება ნებადართულია გარანტიით“, უსვამს „A“ ნომერს და უშვებს საქონელს დეკლარაციაში „K“ ნომრის დასმის გარეშე;

გ) კორექტირების აქტის დადგენილი წესით გასაჩივრების შემთხვევაში:

გ.ა) საბაჟო დავის განმხილველი ორგანოს მიერ დეკლარანტის საჩივრის დაკმაყოფილების თაობაზე მიღებული, ძალაში შესული გადაწყვეტილების საბაჟო ორგანოში წარმოდგენისას, უფლებამოსილი საბაჟო მოხელე საბაჟო დეკლარაციას ანიჭებს „K“ ნომერს, „C“გრაფაში კეთდება აღნიშვნა „გაშვება ნებადართულია“. გარანტიით გაშვებული საქონლის შემთხვევაში „C“ გრაფაში აღნიშვნას „გაშვება ნებადართულია გარანტიით“გადაესმება ხაზი და კეთდება აღნიშვნა „გაშვება ნებადართულია“, ხოლო ელექტრონულ ვერსიაში ხორციელდება შესაბამისი ცვლილება.

გ.ბ) საბაჟო დავის განმხილველი ორგანოს მიერ დეკლარანტის საჩივრის დაკმაყოფილებაზე უარის თაობაზე მიღებული, ძალაში შესული გადაწყვეტილების საბაჟო ორგანოში წარმოდგენისას თავდაპირველი საბაჟო დეკლარაცია ექვემდებარება ცვლილებას. დეკლარანტს ეგზავნება მოთხოვნა დეკლარაციის ცისფერი ფურცლის წარმოდგენის (დაბრუნების) თაობაზე, აგრეთვე შეტყობინება დარიცხულ საბაჟო ვალდებულებაზე, რომელიც მოიცავს კორექტირების აქტით განსაზღვრული საბაჟო ღირებულების საფუძველზე გაანგარიშებულ საბაჟო გადასახდელებსა და დეკლარანტის მიერ დეკლარირებული საბაჟო ღირებულების საფუძველზე გაანგარიშებულ საბაჟო გადასახდელებს შორის სხვაობას და აღნიშნულ თანხაზე დარიცხულ საურავს საბაჟო დეკლარაციის რეგისტრაციის მომდევნო დღიდან ყოველ ვადაგადაცილებული დღისათვის. დეკლარირებული საბაჟო გადასახდელების და შეტყობინებით დარიცხული საბაჟო ვალდებულებების გადახდის (მათ შორის, გარანტიის თანხის ჩამოჭრის) დადასტურების შემთხვევაში, უფლებამოსილი საბაჟო მოხელე ახორციელებს ცვლილებებს საბაჟო დეკლარაციის ელექტრონულ ვერსიაში და დეკლარაციის კომპლექტის სამივე ფურცელზე საქონლის საბაჟო ღირებულებისა და გადასახდელების გრაფებში, დეკლარაციას ანიჭებს „K“ ნომერს და „C“ გრაფაში აკეთებს აღნიშვნას „გაშვება ნებადართულია“. გარანტიით გაშვებული საქონლის შემთხვევაში „C“ გრაფაში აღნიშვნა „გაშვება ნებადართულია გარანტიით“ იცვლება აღნიშვნით „გაშვება ნებადართულია“.

36. საბაჟო ღირებულების გასაზღვრის შემოწმების შემდეგ საბაჟო მოხელე ამოწმებს გადასახდელების გადახდის სისწორეს. ამისათვის ის ამოწმებს დეკლარაციაში დაფიქსირებულ ვალუტის კურსს, განსაზღვრავს შესაბამისი გადასახდელით დასაბეგრ თანხას და ამოწმებს წარმოდგენილ გადასახდელების გადახდის დოკუმენტებს.

37. საბაჟო დამუშავების ოპერაციების დამთავრებისათვის საბაჟო გადასახდელების გადახდის დასადასტურებლად შეიძლება დეკლარანტის მიერ წარმოდგენილ იქნეს:

ა) კომერციული ბანკის მიერ საგადასახადო დავალების ეგზემპლარი, რომელიც დამოწმებული იქნება საქართველოს ეროვნული ბანკის პრეზიდენტის 1999 წლის 2 სექტემბრის №220 ბრძანებით დადგენილი წესით. თუ უზრუნველყოფილი იქნება კომერციული ბანკის მიერ მოწოდებული ელექტრონული ინფორმაციით გადახდის დადასტურებაც ან/და შესაძლებელი იქნება საქართველოს ფინანსთა სამინისტროს სახაზინო სამსახურის მიერ საბაჟო გადასახდელების გადახდის ფაქტის დადგენა;

ბ) საბაჟო ორგანოს სალაროს მიერ გაცემული გადახდის დამადასტურებელი დოკუმენტი.

38. შემოწმების დამთავრების შემდეგ დეკლარაციას მიენიჭება ნომერი (A).

39. დეკლარაციის შემოწმება უნდა დასრულდეს როგორც წესი, დეკლარაციის მიღებიდან არა უგვიანეს ორი საათისა. სამუშაო დღის დასრულებამდე ორი საათის განმავლობაში მიღებული დეკლარაციების შემოწმება უნდა დასრულდეს არა უგვიანეს მომდევნო სამუშაო დღის 11.00 საათისა.

40. ამ მუხლის მე-11 პუნქტში აღნიშნული ვადის დარღვევის შემთხვევაში, საბაჟო მოხელე ვალდებულია წერილობით შეატყობინოს მიზეზების შესახებ დეკლარანტს და სიტყვიერად აცნობოს უშუალო უფროსს.

41. საბაჟო ორგანოს მიერ მოთხოვნილი დამატებით წარმოსადგენი დოკუმენტების მისაღებად დეკლარანტს შესაძლებელია დასჭირდეს საბაჟო ორგანოში წარდგენილი დოკუმენტები. ასეთ შემთხვევაში, დეკლარანტის წერილობითი მოთხოვნის საფუძველზე საბაჟო გასცემს დოკუმენტს, ხოლო იტოვებს დოკუმენტის ასლს, რომლის უკანა გვერდზეც აკეთებს შესაბამის აღნიშვნას ორიგინალის საქმეში არარსებობის მიზეზის შესახებ. ასლებს თან დაერთვის დეკლარანტის წერლობითი განცხადება დოკუმენტების მოთხოვნის შესახებ.

42. დამატებითი დოკუმენტების წარმოდგენის შესახებ წერილობითი მოთხოვნის დეკლარანტისათვის გაგზავნის (გადაცემის) მომენტიდან საბაჟო დამუშავებისათვის დადგენილი დროის ათვლა ჩერდება მოთხოვნილი დოკუმენტების დეკლარანტის მიერ ოფიციალურად წარმოდგენამდე.

43. საბაჟო ორგანოს მიერ მოთხოვნილი დამატებითი დოკუმენტების წარდგენა დეკლარანტის მიერ ხდება წერილთან ერთად, რომელშიც მიეთითება დეკლარაციის საცნობარო ნომერი.

44. დეკლარანტის მიერ დამატებითი დოკუმენტების წარმოდგენის შემდეგ ამ მუხლის მე-11 პუნქტით განსაზღვრული ვადის ათვლა იწყება თავიდან.

45. თუ დეკლარანტი დამატებითი დოკუმენტის მოთხოვნას ან საგადასახადო დავალებას მიიჩნევს უკანონოდ, მას უფლება აქვს გაასაჩივროს საბაჟო ორგანოს მიერ მიღებული გადაწყვეტილება კანონმდებლობით დადგენილი წესით.

46. დეკლარანტის მიერ დამატებითი დოკუმენტის წარმოდგენის ვადაა სამი სამუშაო დღე, თუ დოკუმენტის გასაცემად საქართველოს მოქმედი კანონმდებლობით სხვა ვადა არ არის განსაზღვრული.

47. დეკლარაციის შემოწმების ბოლოს ან მის ნებისმიერ ეტაპზე საბაჟო მოხელე უფლებამოსილია მიიღოს ქვემოთ ჩამოთვლილი გადაწყვეტილებებიდან ერთერთი:

ა) საქონლის გაშვების შესახებ;

ბ) საქონლის გაშვების აკრძალვის შესახებ;

გ) საქონლის დათვალიერების და/ან სინჯისა და ნიმუშის აღების შესახებ;

დ) სამართალდარღვევის არსებობის შესახებ;

ე) საბაჟო დამუშავების ოპერაციის შეჩერების შესახებ;

ვ) საქონლის საბაჟო ღირებულების კორექტირების შესახებ.

48. საბაჟო გადასახდელების გადახდის ვალდებულების არსებობის შემთხვევაში, ხორციელდება გადახდის დადასტურება K ნომრის მინიჭებით. საქონლის გაშვების შესახებ გადაწყვეტილების მიღებისას საბაჟო მოხელე დეკლარაციაზე დაუსვამს შტამპს „გაშვება ნებადართულია“, დაუსვამს პირადნომრიან ბეჭედს, თარიღს და ხელმოწერას, რითაც საბაჟო დამუშავების ოპერაცია დასრულებულია.

49. საქონლის გაშვების აკრძალვის შესახებ გადაწყვეტილების შემთხვევაში საბაჟო მოხელე ახორციელებს კანონმდებლობით განსაზღვრულ მოქმედებებს.

50. საქონლის შემოწმების შესახებ გადაწყვეტილების მიღების შემთხვევაში დეკლარაციას დაესმება შტამპი „კამერალური შემოწმება ჩატარებულია“, საბაჟო მოხელის ხელმოწერა, პირადნომრიანი ბეჭედი და დრო. დოკუმენტების პაკეტი გადაეცემა უშუალო უფროსს, რომელიც შემოწმების ჩატარებას დაავალებს საამისოდ უფლებამოსილ სხვა საბაჟო მოხელეს, რომლის არჩევაც ხდება ამ მუხლის მე-20 პუნქტით განსაზღვრული წესით.

51. სამართალდარღვევის არსებობის შემთხვევაში საბაჟო მოხელე ახორციელებს კანონმდებლობით განსაზღვრულ მოქმედებებს.

52. საბაჟო დამუშავების ოპერაციის შეჩერების შესახებ გადაწყვეტილების მიღების შემთხვევაში საბაჟო მოხელე აღნიშნულის შესახებ წერილობით აცნობებს დეკლარანტს.

53. საბაჟო სამართალდარღვევის არსებობის შემთხვევაში საბაჟო მოხელე დოკუმენტების პაკეტს დაურთავს საბაჟო სამართალდარღვევის ოქმს და პირადად წარუდგენს დეკლარანტს ხელმოსაწერად.

54. საბაჟო დამუშავების ოპერაციის განხორციელების პროცესში დანაშაულის ნიშნების არსებობისას, საბაჟო მოხელე ატყობინებს უშუალო ხელმძღვანელს, ხოლო გადაუდებელი აუცილებლობიდან გამომდინარე, საპროცესო მოქმედებების ჩასატარებლად შესაძლებელია დახმარებისათვის მიმართოს საქართველოს ფინანსთა სამინისტროს შემოსავლების სამსახურის შესაბამის სტრუქტურულ ქვედანაყოფს.

55. დეკლარაციის შემოწმების დროს გამოყენებულ ყველა დოკუმენტზე კეთდება აღნიშვნა კამერალური შემოწმების თარიღისა და დეკლარაციის სტატისტიკური ნომრის მითითებით, რაზეც ხელს აწერს საბაჟო მოხელე და დაუსვამს პირადნომრიან ბეჭედს. მრავალჯერადი გამოყენების დოკუმენტის დამოწმებული ასლი რჩება საბაჟოზე და ჩაეკვრება საქმეში. ასეთი დოკუმენტის გამოყენების ვადის გასვლის შემდეგ ორიგინალი უკან დაბრუნებას აღარ ექვემდებარება.

56. საბაჟო დეკლარაციის ბათილად ცნობა ხორციელდება საქართველოს საბაჟო კოდექსის 72-ე მუხლის მოთხოვნების შესაბამისად.

57. თუ დეკლარაციის გრაფები – 2 (მხოლოდ საქონლის საქართველოს საბაჟო ტერიტორიაზე შემოტანასთან დაკავშირებული საბაჟო დამუშავების ოპერაციების შემთხვევაში), 3, 8 (მხოლოდ საქონლის საქართველოს საბაჟო ტერიტორიიდან გატანასთან დაკავშირებული საბაჟო დამუშავების ოპერაციების შემთხვევაში), 10, 11, 12, 15, 15ა, 17, 17ა, 18, 19, 21, 22, 23, 25, 26, 27, 28, 29, 30, 31, 32, 37, 40, 42, 43, 44, 45, 47, 49 არასწორად არის შევსებული და აღნიშნული შეცდომა არ იწვევს საბაჟო სამართალდარღვევისათვის პასუხისმგებლობას, საბაჟო მოხელეს შეუძლია ცვლილებები შეიტანოს დეკლარაციის აღნიშნულ გრაფებში.

საქართველოს ფინანსთა მინისტრის 2008 წლის 1 მაისის ბრძანება №403-სსმIII, №68, 06.05.2008წ., მუხ.737

მუხლი 7

საბაჟო ორგანოს მიერ დეკლარაციის (აგრეთვე თანდართული საბუთებისა და ცნობების) მიღება რეგისტრირდება ელექტრონული საშუალებით და ასევე სპეციალური რეგისტრაციის ჟურნალში, რომელსაც ენიჭება სარეგისტრაციო ნომერი.

თავი II

თავისუფალ მიმოქცევაში გაშვების (იმპორტი) რეჟიმში გაცხადებულ საქონელზე დეკლარაციის შევსების წესი

მუხლი 8

1. დეკლარანტი დეკლარაციის შევსებისას ავსებს შემდეგ გრაფებს: A, 1, 2, 3, 5, 6, 7, 8, 9, 11, 12, 13, 14, 15, 15ა, 16, 17, 17ა, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 49, 50, 54, B.

2. გრაფა „A“ – გრაფაში აღინიშნება საბაჟო ორგანოს ხუთნიშნა ციფრული კოდი და დასახელება საბაჟო დეკლარირების კლასიფიკატორის (შემდგომში – კლასიფიკატორი) დანართი №15-ის შესაბამისად.

3. გრაფა 1 „დეკლარაცია“ – გრაფის პირველ განყოფილებაში ჩაიწერება ოპერაციის დასახელება – იმპორტი- „იმ“, მეორეში – ციფრული კოდი „4“.

4. გრაფა 2 „ექსპორტიორი“ – გრაფაში აღინიშნება საქონლის გამომგზავნის რეკვიზიტები იურიდიული პირის ან მისი სტრუქტურული ქვედანაყოფის (ფიზიკური პირის შემთხვევაში – სახელი და გვარი) სახელწოდება და მისამართი.

5. გრაფა 3 „ფორმები“ – გრაფის პირველ განყოფილებაში აღინიშნება ფურცლის რიგითი ნომერი, მეორეში – დეკლარაციის ფურცლების საერთო რაოდენობა ძირითადი და დამატებითი ფურცლების ჩათვლით (მაგალითად, თუ გვაქვს ერთი დეკლარაცია ორი დამატებითი ფურცლით, მაშინ ძირითადი ფურცლის მე-3 გრაფის პირველ განყოფილებაში უნდა აღინიშნოს – 1, მეორე განყოფილებაში – 3, პირველ დამატებით ფურცელში – 2 და 3, მეორეში – 3 და 3).

6. გრაფა 5 „საქონლის რაოდენობა“ – გრაფაში მიეთითება წარმოდგენილ დეკლარაციაში დეკლარირებული უკანასკნელი საქონლის რიგითი ნომერი.

7. გრაფა 6 „ადგილების რაოდენობა“ – გრაფაში აღინიშნება დეკლარირებული საქონლის (სასაქონლო პარტიის) ადგილების საერთო რაოდენობა, რაც მოცემულია სატრანსპორტო დოკუმენტებში. თუ დეკლარირდება საქონელი მილსადენებით ან ელექტროგადამცემი ხაზებით, გრაფაში ჩაიწერება „1“. საქონლისათვის, რომელიც გადაიზიდება კონტეინერებით, ყუთებით, ქვეშით („პოდონი“) და ა.შ. მიეთითება რაოდენობა იმ უმცირესი შეფუთვისა, რომელიც მოცემულია სატრანსპორტო დოკუმენტებში, როგორც სატვირთო ადგილი.

8. გრაფა 7 „საცნობარო ნომერი“ – გრაფაში აღინიშნება დეკლარანტის მიერ დეკლარაციისათვის მინიჭებული უნიკალური ნომერი.

9. გრაფა 8 „იმპორტიორი“– გრაფაში აღინიშნება საქონლის მიმღების შესახებ მონაცემები. თუ საქონლის მიმღები იურიდიული პირია, გრაფაში აღინიშნება მისი სრული სახელწოდება, მისამართი, ტელეფონის ან ფაქსის (ტელეფაქსის) ნომერი, ხოლო გრაფის ზედა ნაწილში „N“ ნიშნის შემდეგ აღინიშნება საქონლის მიმღების ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. თუ საქონლის მიმღები ფიზიკური პირია, გრაფაში აღინიშნება მისი სახელი, გვარი, მისამართი, ხოლო გრაფის ზედა ნაწილში „N“ ნიშნის შემდეგ აღინიშნება ამავე პირის მოქალაქის პირადობის მოწმობაში აღნიშნული პირადი ნომერი (გარდა ინდივიდუალური საწარმოსი და „მეწარმეთა შესახებ“ საქართველოს კანონის პირველი მუხლის მე-2 პუნქტით განსაზღვრული ფიზიკური პირისა). არარეზიდენტი ფიზიკური პირის შემთხვევაში, აგრეთვე გრაფის ზედა ნაწილში „N“ ნიშნის შემდეგ აღინიშნება საქონლის მიმღები არარეზიდენტი ფიზიკური პირის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ.

10. გრაფა 9 „ფინანსურ დარეგულირებაზე პასუხისმგებელი პირი“ – გრაფაში აღინიშნება ფინანსურ ანგარიშსწორებაზე პასუხისმგებელი პირის რეკვიზიტები. თუ ფინანსურ ანგარიშსწორებაზე პასუხისმგებელია იურიდიული პირი, გრაფაში აღინიშნება მისი სრული სახელწოდება, მისამართი, ტელეფონის ან ფაქსის (ტელეფაქსის) ნომერი. თუ ფინანსურ ანგარიშსწორებაზე პასუხისმგებელია ფიზიკური პირი, გრაფაში აღინიშნება მისი სახელი, გვარი, მისამართი, პირადობის დამადასტურებელი დოკუმენტის ნომერი. გრაფის ზედა ნაწილში „№“ ნიშნის შემდეგ აღინიშნება ფინანსურ ანგარიშსწორებაზე პასუხისმგებელი პირის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. იმ შემთხვევაში, თუ ფიზიკურ პირზე საგადასახადო ორგანოს მიერ არ არის გათვალისწინებული საიდენტიფიკაციო ნომრის მინიჭება, მაშინ „N“ნიშნის შემდეგ აღინიშნება რიცხვი შემდეგი სქემით: XXYYYYYYY – სადაც XX არის მოქალაქის პირადობის მოწმობის სერიის შესაბამისი რიგითი ნომერი ქართულ ანბანში, ხოლო YYYYYYY – პირადობის მოწმობის შვიდნიშნა ნომერი. მაგ., თუ პირადობის მოწმობაში არის Nგ0251194, მაშინ „N“ნიშნის შემდეგ აღინიშნება რიცხვი – 030251194.

11. გრაფა 11 „მოვაჭრე ქვეყანა“ – გრაფაში აღინიშნება მოვაჭრე ქვეყნის ციფრული კოდი კლასიფიკატორის ნაწილი 3-ის შესაბამისად.

12. გრაფა 12 „დაწვრილებითი ღირებულება“ – გრაფაში აღინიშნება თანხა ლარებში, რომლითაც კორექტირდება დეკლარირებული საქონლის (სასაქონლო პარტიის) საერთო ფაქტურული ღირებულება საბაჟო ღირებულებამდე.

13. გრაფა 13 „მოსაკრებლის გაანგარიშება“ – გრაფაში მიეთითება საბაჟო მოსაკრებლის გაანგარიშების დამხმარე კოდი კლასიფიკატორის ნაწილის 5-ის შესაბამისად.

14. გრაფა 14 „დეკლარანტი/წარმომადგენელი“ – გრაფაში აღინიშნება დეკლარანტის სრული სახელწოდება და მისამართი. გრაფის ზედა ნაწილში „N“ ნიშნის შემდეგ აღინიშნება დეკლარანტის ცხრანიშნა საიდენტიფიკაციო ნომერი (კოდი), რომელიც მინიჭებული აქვს საგადასახადო ინსპექციის მიერ. იმ შემთხვევაში, თუ დეკლარანტი არის საქონლის მფლობელი, მაშინ შესაძლებელია გრაფაში მიეთითოს „იხ. გრაფა 8“.

15. გრაფა 15 „გამომგზავნი ქვეყანა“– გრაფაში აღინიშნება საქართველოში საქონლის გამომგზავნი ქვეყნის მოკლე დასახელება კლასიფიკატორის ნაწილი 3-ის შესაბამისად. გამომგზავნი ქვეყანა განისაზღვრება სატრანსპორტო დოკუმენტებში მოყვანილი ცნობების საფუძველზე, რომელთა თანახმად ხორციელდებოდა საქონლის საერთაშორისო გადაზიდვა, ხოლო საბაჟო რეჟიმის შეცვლის დროს საქონლის დეკლარირებისას, გამომგზავნ ქვეყნად მიიჩნევა წინმსწრები დეკლარაციის შესაბამის გრაფაში მითითებული ქვეყანა.

16. გრაფა 15ა „გამომგზავნი ქვეყნის კოდი“– გრაფაში აღინიშნება საქართველოში საქონლის გამომგზავნი ქვეყნის ციფრული კოდი კლასიფიკატორის ნაწილი 3-ის შესაბამისად.

17. გრაფა 16. „წარმოშობის ქვეყანა“– გრაფაში ჩაიწერება საქონლის წარმოშობის ქვეყნის მოკლე დასახელება კლასიფიკატორის ნაწილი 3-ის შესაბამისად. თუ შეუძლებელია საქონლის წარმოშობის ქვეყნის დადგენა, გრაფაში ჩაიწერება – „უცნობია“.

18. გრაფა 17. „დანიშნულების ქვეყანა“– აღინიშნება დანიშნულების ქვეყნის მოკლე დასახელება კლასიფიკატორის ნაწილი 3-ის შესაბამისად.

19. გრაფა 17-ა „დანიშნულების ქვეყნის კოდი“– აღინიშნება დანიშნულების ქვეყნის ციფრული კოდი კლასიფიკატორის ნაწილი 3-ის შესაბამისად.

20. გრაფა 18 „სატარნსპორტო საშუალება დანიშნულების ადგილზე“ – გრაფის მარცხენა განყოფილებაში აღინიშნება იმ სატარნსპორტო საშუალებათა რაოდენობა და მონაცემები, რომლითაც ხდება საქონლის მიწოდება საბაჟო დამუშავების საბაჟო ორგანომდე (საზღვაო სატრანსპორტო საშუალების დასახელება, საჰაერო ხომალდის რეისის და ბორტის ნომრები, სარკინიგზო ვაგონის ნომერი, ავტოტრანსპორტის სარეგისტრაციო ნომერი და სხვა მსგავსი მონაცემები). გრაფის მარჯვენა განყოფილებაში უნდა ჩაიწეროს სატრანსპორტო საშუალების მფლობელი ქვეყნის კოდი კლასიფიკატორის ნაწილი 3-ის შესაბამისად. გრაფის სრულყოფილად შევსების შეუძლებლობის შემთხვევაში, კეთდება მითითება – „იხ. უკანა გვერდზე“. დეკლარაციის სამივე ეგზემპლარის უკანა მხარეს აღინიშნება სატრანსპორტო საშუალებათა ნომრები.

21. გრაფა 19 „კონტეინერი“ – გრაფაში აღინიშნება:

ა) თუ საქონელი იგზავნება კონტეინერით – 1, ხოლო კონტეინერის ნომრები მიეთითება დეკლარაცის 31-ე გრაფაში;

ბ) თუ საქონელი არ იგზავნება კონტეინერით – 0.

22. გრაფა 20 „მიწოდების პირობები“– გრაფის პირველ განყოფილებაში აღინიშნება მიწოდების პირობების ასოითი კოდი კლასიფიკატორის ნაწილი 8-ის შესაბამისად. მეორე განყოფილებაში მიეთითება გეოგრაფიული პუნქტი.

23. გრაფა 21 „სატრანსპორტო საშუალება საზღვარზე“– გრაფის მარცხენა განყოფილებაში აღინიშნება იმ სატარნსპორტო საშუალებათა რაოდენობა და მონაცემები, რომლითაც საქონელი მიწოდებულ იქნა საქართველოს საბაჟო საზღვრამდე (საზღვაო სატრანსპორტო საშუალების დასახელება, საჰაერო ხომალდის რეისისა და ბორტის ნომრები, რკინიგზის ვაგონის ნომერი, ავტოსატრანსპორტო საშუალების სარეგისტრაციო ნომერი და სხვა ამგვარი მონაცემები). გრაფის სრულყოფილად შევსების შეუძლებლობის შემთხვევაში, კეთდება მითითება – „იხ. უკანა გვერდზე“. დეკლარაციის სამივე ეგზემპლარის უკანა მხარეს აღინიშნება სატრანსპორტო საშუალებათა ნომრები (მაგალითად: 23 რკინიგზ. ვაგ. – იხ. უკანა გვერდზე). გრაფის მარჯვენა განყოფილებაში მიეთითება სატრანსპორტო საშუალების მფლობელი ქვეყნის კოდი კლასიფიკატორის ნაწილი 3-ის შესაბამისად.

24. გრაფა 22 „ვალუტა და საქონლის საერთო ფაქტურული ღირებულება“ – გრაფის მარცხენა განყოფილებაში აღინიშნება ხელშეკრულებაში (კონტრაქტში), ან საქონლის საერთო ღირებულების დამადასტურებელ სხვა წარმოდგენილ დოკუმენტში მითითებული ვალუტის ციფრული კოდი კლასიფიკატორის ნაწილი 3-ის შესაბამისად, ხოლო მარჯვენა განყოფილებაში ციფრებით აღინიშნება ამავე დოკუმენტებში მითითებული საქონლის (სასაქონლო პარტიის) საერთო ღირებულება შესაბამის ვალუტაში.

25. გრაფა 23 „ვალუტის კურსი“– გრაფაში აღინიშნება 22-ე გრაფის მარცხენა განყოფილებაში მითითებული უცხოური ვალუტის კურსი ეროვნული ვალუტის მიმართ, რომელიც დადგენილია საქართველოს ეროვნული ბანკის მიერ დეკლარაციის საბაჟო ორგანოში რეგისტრაციის დღისათვის.

26. გრაფა 24 „გარიგების სახე“– გრაფაში აღინიშნება გარიგების სახე კოდი კლასიფიკატორის ნაწილი 9-ის შესაბამისად.

27. გრაფა 25 „ტსს კოდი“– გრაფაში ჩაიწერება 21-ე გრაფაში მითითებული სატარნსპორტო საშუალების კოდი კლასიფიკატორის ნაწილი 10-ის შესაბამისად.

28. გრაფა 26 „სატრანსპორტო საშუალება ქვეყანაში“– გრაფაში აღინიშნება მე-18 გრაფაში მითითებული სატარანსპორტო საშუალების კოდი კლასიფიკატორის ნაწილი 10-ის შესაბამისად.

29. გრაფა 28 „ფინანსური და საბანკო მონაცემები“– გრაფაში აღინიშნება მე-9 გრაფაში მითითებული პირის საბანკო რეკვიზიტები:

ა) ფინანსური და საბანკო მონაცემები, კოდი – მიეთითება ბანკის (ფილიალის კოდი), სადაც მე-9 გრაფაში მითითებულ პირს გახსნილი აქვს ანგარიში;

ბ) ბანკი (ფილიალი) – მიეთითება ბანკის (ფილიალის) დასახელება, სადაც მე-9 გრაფაში მითითებულ პირს გახსნილი აქვს ანგარიში.

30. გრაფა 29. „საბაჟო საგუშაგო საზღვარზე“– გრაფაში აღინიშნება საბაჟო ორგანოს კოდი და დასახელება, საიდანაც შემოვიდა საქონელი საქართველოში, კლასიფიკატორის ნაწილი 2-ის მიხედვით.

31. გრაფა 30 „საქონლის ადგილმდებარეობა“– იმ შემთხვევაში, როდესაც საქონლის საბაჟო დამუშავების ოპერაცია ხორციელდება საბაჟო საწყობში (ღია ან დახურული), დროებით შენახვის საწყობში (ღია ან დახურული) ან საქონლის დროებითი დასაწყობების სხვა ადგილებში განთავსებულ საქონელზე, გრაფაში აღინიშნება სამნიშნა ციფრული კოდი კლასიფიკატორის ნაწილი 13-ის შესაბამისად.

32. გრაფა 31 „საქონლის აღწერა და რაოდენობა“ – გრაფაში აღინიშნება დეკლარირებული საქონლის ზუსტი მონაცემები მათ შეფუთვასა და მარკირებაზე, რაც იძლევა საქონლის საბაჟო მიზნით იდენტიფიცირების შესაძლებლობას. გრაფაში აღინიშნება სატვირთო ადგილების, მათი შეფუთვისა და მარკირების შესახებ მონაცემები, აგრეთვე ერთი სატვირთო ადგილის შემცველ საქონელთა რაოდენობის, შეფუთვის, დაფასოების, მარკირების შესახებ მონაცემები. კონტეინერებით გადაზიდულ საქონელზე მიეთითება კონტეინერების რაოდენობა და წილადის ხაზის შემდეგ – მათი ნომრები. თუ საქონელს არ უკავია მთელი კონტეინერი, მისი ნომრის შემდეგ ჩაიწერება – „ნაწილი“, აღინიშნება მარკირებულ აქციზურ საქონელზე აქციზური მარკების სერია და რაოდენობა; აღინიშნება საქონლის ზუსტი აღწერილობა: დასახელება, მისი ტექნიკური და ძირითადი კომერციული მახასიათებლები (სტანდარტი, ხარისხი, მარკა, მოდელი, არტიკული, საფირმო სახელწოდება და ა. შ.), რომლებიც იძლევიან საქონელთა საბაჟო იდენტიფიცირებისა და საგარეო ეკონომიკური საქმიანობის ეროვნული სასაქონლო ნომენკლატურის შესაბამისად თერთმეტნიშნა ქვეპოზიციით კლასიფიცირების შესაძლებლობას. იმ შემთხვევაში, თუ აღნიშნულ გრაფაში ვერ ხერხდება ყველა მონაცემის შეტანა, მაშინ ჩაიწერება ძირითადი ინფორმაცია, ხოლო გრაფის ბოლოს მიეთითება „იხ. დანართი“. დაუშვებელია დეკლარირებული საქონლის მითითება სასაქონლო პოზიციის საერთო დასახელებით, რომელიც მოცემულია საგარეო ეკონომიკური საქმიანობის ეროვნულ სასაქონლო ნომენკლატურაში. იმ შემთხვევაში, თუ საქონელი გაიშვება მიზნობრივი დანიშნულებით, მაშინ გრაფაში ჩაიწერება სიტყვები „მიზნობრივი დანიშნულებით“.

33. გრაფა 32 „საქონელი“– გრაფაში მიეთითება 31-ე გრაფაში დეკლარირებული საქონლის რიგითი ნომერი. მაგალითად: თუ დეკლარირდება რამდენიმე დასახელების საქონელი, მაშინ დეკლარაციის ძირითად ფურცელში ჩაიწერება – 1, პირველ დამატებით ფურცელზე – 2, 3, 4; მეორე დამატებით ფურცელზე – 5, 6, 7 და ა.შ. ერთი დასახელების საქონლის დეკლარირებისას გრაფაში იწერება – 1.

34. გრაფა 33 „საქონლის კოდი“ – გრაფაში აღინიშნება საქონლის თერთმეტნიშნა კოდი საგარეო ეკონომიკური საქმიანობის ეროვნული სასაქონლო ნომენკლატურის მიხედვით.

35. გრაფა 34 „წარმოშობის ქვეყნის კოდი“– გრაფაში ჩაიწერება საქონლის წარმოშობის ქვეყნის კოდი კლასიფიკატორის ნაწილი 3-ის შესაბამისად.

36. გრაფა 35 „ბრუტო წონა (კგ)“– გრაფაში მთელი რიცხვის სახით აღინიშნება 31-ე გრაფაში აღწერილი საქონლის ბრუტო წონა კილოგრამებში.

37. გრაფა 36 „პრეფერენციები“– იმ შემთხვევაში, თუ:

ა) საქონელი წარმოშობილია მსოფლიო სავაჭრო ორგანიზაციის წევრ ქვეყანაში, გრაფა არ ივსება;

ბ) საქონელი წარმოშობილია სხვა ქვეყნებში, გრაფაში აღინიშნება კოდი 900;

გ) საქონელი წარმოშობილია ქვეყანაში, რომელთანაც დადებული საერთაშორისო ხელშეკრულება ითვალისწინებს საბაჟო გადასახადისაგან გათავისუფლებას, გრაფაში აღინიშნება ამ ქვეყნის კოდი კლასიფიკატორის ნაწილი 3-ის შესაბამისად.

38. გრაფა 37 „საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – „40“. მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – „00“. სამთანრიგიან კოდში ჩაიწერება გადასახადების გაანგარიშების დამხმარე კოდი კლასიფიკატორის ნაწილი 6-ის შესაბამისად.

39. გრაფა 38 „ნეტო წონა (კგ)“– გრაფაში მთელი რიცხვის სახით ჩაიწერება 31-ე გრაფაში აღწერილი საქონლის ნეტო წონა კილოგრამებში. იმ შემთხვევაში, თუ საქონლის წონა 1კგ-ზე ნაკლებია (მაგ. ძვირფასი ლითონები), 38-ე გრაფაში ჩაიწერება 1, ხოლო საქონლის ზუსტი წონა გრამებში აღინიშნება 31-ე გრაფაში.

40. გრაფა 39 „კვოტა“– ივსება კვოტირებულ საქონელზე. ამ გრაფაში აღინიშნება კვოტის ნაშთი მიღებული ნებართვით გათვალისწინებული რაოდენობიდან გამომდინარე (მაგალითად: ნებართვის თანახმად გამოყოფილი კვოტა შეადგენს 1000000 ცალს). საქონლის პირველ პარტიად დეკლარირებულია 400000 ცალი, დეკლარაციის 31-ე გრაფაში ჩაიწერება 400000 ცალი; 39-ე გრაფაში – 1000000. საქონლის შემდგომი პარტიის დეკლარირებისას, რომელიც წარმოებს ამავე ნებართვით გამოყოფილი კვოტის ფარგლებში, 39-ე გრაფაში ჩაიწერება 600000.

41. გრაფა 40 „საერთო დეკლარაცია/წინმსწრები დოკუმენტი“– გრაფა ივსება იმ შემთხვევაში, როდესაც თავისუფალ მიმოქცევაში გაშვებამდე საქონელი იმყოფებოდა სხვა საბაჟო რეჟიმში, ან დროებითი შენახვის საწყობში. გრაფაში აღინიშნება წინმსწრები დეკლარაციის ნომერი და გაფორმების წელი.

42. გრაფა 41 „დამატებითი ზომის ერთეული“– გრაფაში აღინიშნება საქონლის რაოდენობა იმ განზომილებაში, რომელიც სეს ესნ-ში შეესაბამება საქონლის თერთმეტნიშნა კოდს (მაგალითად: საქონლის დასახელება – „წნეხამკრეფები“, საქონლის კოდი – 8433 40 100 00, მისი ზომის დამატებითი ერთეული სეს ესნ-ის მიხედვით – ცალი, რაოდენობა – 10. გრაფაში ჩაიწერება – 10). თუ საქონელს შეესაბამება ზომის მხოლოდ ძირითადი ერთეული (კგ), მაშინ გრაფა არ ივსება.

43. გრაფა 42 „საქონლის ღირებულება“ – გრაფაში აღინიშნება დეკლარაციის 31-ე გრაფაში მოცემული საქონლის ღირებულება ხელშეკრულების (კონტრაქტის), ან საქონლის საერთო ღირებულების დამადასტურებელი სხვა წარმოდგენილი დოკუმენტის მიხედვით 22-ე გრაფაში მითითებული ვალუტის შესაბამისად. თუ ღირებულება გამოსახულია ათწილადებში, მაშინ იგი უნდა დამრგვალდეს მძიმის შემდეგ პირველ ორ ციფრამდე სიზუსტით.

44. გრაფა 43 „ს.ღ.კ.“– გრაფაში ჩაიწერება საბაჟო ღირებულების განსაზღვრის მეთოდის ნომერი.

45. გრაფა 44 „დამატებითი ინფორმაცია“– გრაფაში აღინიშნება დეკლარაციასთან ერთად წარდგენილი ნებართვის ნომერი (ასეთის არსებობის აუცილებლობის შემთხვევაში) და დოკუმენტაციის ნომრები კლასიფიკატორის ნაწილი 11-ის შესაბამისად.

46. გრაფა 45 „კორექტირება“– გრაფაში აღინიშნება საქონლის ღირებულების კორექტირების კოეფიციენტი.

47. გრაფა 46 „საბაჟო ღირებულება“ – გრაფაში აღინიშნება 31-ე გრაფაში მითითებული საქონლის საბაჟო ღირებულება ლარებში. გადაანგარიშება ხდება დეკლარაციის საბაჟო ორგანოში პასუხისმგებელი პირის მიერ რეგისტრირების დღისათვის საქართველოს ეროვნული ბანკის მიერ დადგენილი სავალუტო კურსით.

48. გრაფა 47 „გადასახდელების გამოთვლა“ – საბაჟო გადასახდელების გამოანგარიშება წარმოებს საბაჟო გადასახდელების სახეობების მიხედვით დეკლარაციის ძირითად და დამატებით ფურცლებზე გაცხადებულ საქონელზე ცალ-ცალკე:

ა) გრაფის პირველ სვეტში – „სახე“– ჩაიწერება საბაჟო გადასახდელის კოდი კლასიფიკატორის ნაწილი 4-ის შესაბამისად;

ბ) გრაფის მეორე სვეტში – „დასაბეგრი ბაზა“ – ჩაიწერება საბაჟო გადასახდელის გამოანგარიშების საფუძველი, რომელიც განსაზღვრულია საქართველოს კანონმდებლობის შესაბამისად;

გ) გრაფის მესამე სვეტში – „განაკვეთი“ – აღინიშნება საქართველოს კანონმდებლობით დადგენილი გადასახდელის განაკვეთი;

დ) გრაფის მეოთხე სვეტში – „თანხა“ – აღინიშნება გამოანგარიშებული გადასახდელების თანხა;

ე) გრაფის ქვედა ნაწილში „ჯამი“– ის გასწვრივ აღინიშნება მეოთხე სვეტში – „თანხა“ – გამოანგარიშებული გადასახდელების თანხების ჯამი.

49. გრაფა 49 „საწყობის დასახელება“ – გრაფა ივსება იმ შემთხვევაში, როდესაც თავისუფალ მიმოქცევაში გაშვებამდე საქონელი იმყოფებოდა საბაჟო საწყობში საქონლის შენახვის რეჟიმში, ან დროებითი შენახვის საწყობში. გრაფაში აღინიშნება საბაჟო საწყობის საბაჟო-საიდენტიფიკაციო კოდი.

50. გრაფა 50 „პრინციპალი“– 50-ე გრაფაში, მე-8 გრაფაში აღნიშნული პირი (ან მისი წარმომადგენელი) ხელმოწერით და ბეჭდის დასმით (არსებობის შემთხვევაში) ადასტურებს დეკლარაციაში ასახული ტექსტობრივი და ციფრული ინფორმაციის სისწორეს.

51. გრაფა 54 „ადგილი და თარიღი“ – გრაფაში მიეთითება დეკლარაციის შევსების ადგილი და თარიღი. 54-ე გრაფაში, მე-14 გრაფაში აღნიშნული პირი ხელის მოწერით და ბეჭდის დასმით (არსებობის შემთხვევაში) ადასტურებს დეკლარაციაში ასახული ტექსტობრივი და ციფრული ინფორმაციის სისწორეს.

52. გრაფა „B“„დაწვრილებითი გამოანგარიშება“ – გრაფაში აღინიშნება:

ა) „მოსაკრებელი სულ“– აღინიშნება დეკლარირებული საქონლის პარტიაზე გადასახდელი მოსაკრებელი;

ბ) „გადახდილია სულ“ – აღინიშნება დეკლარირებულ საქონლის პარტიაზე გადასახდელების ჯამი.

53. (ამოღებულია).

საქართველოს ფინანსთა მინისტრის 2008 წლის 7 აპრილის ბრძანება №331-სსმIII, №54, 10.04.2008წ., მუხ.621

მუხლი 9

1. საბაჟო ორგანოს პასუხისმგებელი მოხელე ავსებს შემდეგ გრაფებს: A, B, C.

2. გრაფა „A“ – გრაფაში აღინიშნება რეგისტრაციის ნომერი და რეგისტრაციის თარიღი. ნომერი მოწმდება საბაჟო ორგანოს უფლებამოსილი მოხელის პირადნომრიანი ბეჭდით.

3. გრაფა „B“ – გრაფაში აღინიშნება შეფასების ნომერი და გადახდის ქვითრის (ასეთის არსებობის შემთხვევაში) ნომერი და მათი მინიჭების თარიღები.

4. გრაფა „C“ „გამშვები საბაჟო“ – გრაფაში უნდა დაისვას საბაჟო ორგანოს დამღა – „გაშვება ნებადართულია“ან „გაშვება აკრძალულია“. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გაფორმების თარიღს. საბაჟო კონტროლის დამადასტურებელი დამღა მოწმდება ამავე მოხელის პირადნომრიანი ბეჭდით, როდესაც ის მიიღებს გადაწყვეტილებას საქონლის გაშვებაზე ან არ გაშვებაზე. ბეჭდის დასმა დამღის შიგნით დაუშვებელია. ხელმოწერა შესრულებული უნდა იყოს გარკვევით. სრულყოფილად უნდა იკითხებოდეს ბეჭდისა და დამღის ნომრები და წარწერა. დამატებითი ფურცლების აღნიშნულ გრაფაში ისმება მხოლოდ პირადნომრიანი ბეჭედი.

5. (ამოღებულია).

6. (ამოღებულია).

თავი III

საქონლის ექსპორტის საბაჟო რეჟიმში გაცხადებულ საქონელზე დეკლარაციის შევსების წესი

მუხლი 10

გრაფები 3, 5, 6, 7, 9, 11, 13, 16, 19, 20, 22, 23, 24, 25, 26, 28, 30, 31, 32, 33, 34, 35, 36, 38, 39, 40, 41, 44, 46, 47, 48, 49, 54, A, B, C ივსება საქონლის თავისუფალ მიმოქცევაში გაშვების (იმპორტის) საბაჟო რეჟიმში დეკლარირებისას სატვირთო-საბაჟო დეკლარაციის შევსების წესის შესაბამისად. იმ შემთხვევაში, როდესაც საქონელი ექცევა ექსპორტის საბაჟო რეჟიმში უკან დაბრუნების პირობით, მაშინ 31-ე გრაფაში ჩაიწერება სიტყვები: „დაბრუნების პირობით“.

მუხლი 11

1. გრაფა 1 „დეკლარაცია“– გრაფის პირველ განყოფილებაში ჩაიწერება ოპერაციის დასახელება – ექსპორტი – „ექ“, მეორეში – ციფრული კოდი „1“.

2. გრაფა 8 „იმპორტიორი“ – გრაფაში აღინიშნება საქონლის გამგზავნის შესახებ მონაცემები. თუ საქონლის გამგზავნი იურიდიული პირია, გრაფაში აღინიშნება მისი სრული სახელწოდება, მისამართი, ტელეფონის ან ფაქსის (ტელეფაქსის) ნომერი, ხოლო გრაფის ზედა ნაწილში „N“ ნიშნის შემდეგ აღინიშნება საქონლის გამგზავნის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. თუ საქონლის გამგზავნი ფიზიკური პირია, გრაფაში აღინიშნება მისი სახელი, გვარი, მისამართი, ხოლო გრაფის ზედა ნაწილში „N“ ნიშნის შემდეგ აღინიშნება ამავე პირის მოქალაქის პირადობის მოწმობაში აღნიშნული პირადი ნომერი (გარდა ინდივიდუალური საწარმოსი და „მეწარმეთა შესახებ“ საქართველოს კანონის პირველი მუხლის მე-2 პუნქტით განსაზღვრული ფიზიკური პირისა). არარეზიდენტი ფიზიკური პირის შემთხვევაში, აგრეთვე გრაფის ზედა ნაწილში „N“ ნიშნის შემდეგ აღინიშნება საქონლის გამგზავნი არარეზიდენტი ფიზიკური პირის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. 3. გრაფა 8 „იმპორტიორი“ – გრაფაში აღინიშნება საქონლის მიმღების რეკვიზიტები – იურიდიული პირის ან მისი სტრუქტურული ქვედანაყოფის (ფიზიკური პირის შემთხვევაში – სახელი და გვარი) სახელწოდება და მისამართი.

4. გრაფა 14 „დეკლარანტი/წარმომადგენელი“ – გრაფაში აღინიშნება დეკლარანტის სრული სახელწოდება და მისამართი. გრაფის ზედა ნაწილში „N“ ნიშნის შემდეგ აღინიშნება დეკლარანტის ცხრანიშნა საიდენტიფიკაციო ნომერი (კოდი), რომელიც მინიჭებული აქვს საგადასახადო ორგანოს მიერ. იმ შემთხვევაში, თუ დეკლარანტი არის საქონლის მფლობელი, მაშინ შესაძლებელია გრაფაში მიეთითოს „იხ. გრაფა 2“.

5. გრაფა 17 „დანიშნულების ქვეყანა“– გრაფაში მიეთითება იმ ქვეყნის მოკლე დასახელება, კლასიფიკატორის ნაწილი 3-ის შესაბამისად, რომელიც დეკლარაციის შედგენის დღისათვის ცნობილი იქნება, როგორც საქონლის დანიშნულების ქვეყანა, რომელშიც მოიხმარება, გამოიყენება და/ან გადამუშავდება საქონელი.

6. გრაფა 17ა „დანიშნულების ქვეყნის კოდი“– გრაფაში აღინიშნება დანიშნულების ქვეყნის ციფრული კოდი კლასიფიკატორის ნაწილი 3-ის შესაბამისად.

7. გრაფა 18 „სატრანსპორტო საშუალება გაგზავნის ადგილზე“– გრაფის მარცხენა განყოფილებაში აღინიშნება იმ სატარნსპორტო საშუალებათა რაოდენობა და შემდეგ აღინიშნება სატარნსპორტო საშუალების მონაცემები, რომლებზეც საქონელი დაიტვირთება საქართველოს საბაჟო საზღვარზე (გამშვებ პუნქტზე) მისატანად. გრაფის სრულყოფილად შევსების შეუძლებლობის შემთხვევაში, კეთდება მითითება – „იხ. უკანა გვერდზე“; დეკლარაციის სამივე ეგზემპლარის უკანა მხარეს აღინიშნება სატრანსპორტო საშუალებათა ნომრები; მაგალითად: 01 ა/მ 33-09 დდა 23ე რკინიგზ. ვაგ. – იხ. უკანა გვერდზე. გრაფის მარჯვენა განყოფილებაში მიეთითება სატრანსპორტო საშუალების მფლობელი ქვეყნის კოდი კლასიფიკატორის ნაწილი 3-ის შესაბამისად. თუ საქონელი გადაიზიდება სხვადასხვა ქვეყნებში რეგისტრირებული რამდენიმე სატრანსპორტო საშუალებით, მაშინ ქვეყნის კოდის მაგივრად ჩაიწერება – „000“.

8. გრაფა 21 „სატრანსპორტო საშუალება საზღვარზე“– გრაფის მარცხენა განყოფილებაში აღინიშნება იმ სატრანსპორტო საშუალებათა რაოდენობა და შემდეგ აღინიშნება სატარნსპორტო საშუალების მონაცემები, რომლითაც საქონელი ფაქტობრივად გადაკვეთს საბაჟო საზღვარს (საზღვაო სატრანსპორტო საშუალების დასახელება, საჰაერო ხომალდის რეისის და ბორტის ნომრები, რკინიგზის ვაგონის ნომერი, საგზაო ტრანსპორტის სარეგისტრაციო ნომერი და სხვა მსგავსი მონაცემები). გრაფის მარჯვენა განყოფილებაში უნდა ჩაიწეროს სატრანსპორტო საშუალების მფლობელი ქვეყნის კოდი, კლასიფიკატორის ნაწილი 3-ის შესაბამისად. თუ საქონელი გადაიზიდება სხვადასხვა ქვეყნებში რეგისტრირებული რამდენიმე სატრანსპორტო საშუალებით, მაშინ ჩაიწერება – „000“. გრაფის სრულყოფილად შევსების შეუძლებლობის შემთხვევაში, კეთდება მითითება – „იხ. უკანა გვერდზე“. დეკლარაციის სამივე ეგზემპლარის უკანა მხარეს აღინიშნება სატრანსპორტო საშუალებათა ნომრები.

9. გრაფა 29 „საბაჟო საგუშაგო საზღვარზე“– გრაფაში აღინიშნება საბაჟო ორგანოს კოდი და დასახელება, საიდანაც უნდა გავიდეს საქონელი საქართველოდან, კლასიფიკატორის ნაწილი 2-ის შესაბამისად.

10. გრაფა 37 „საბაჟო რეჟიმი (პროცედურა)“– გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – „10“. მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი, კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – „00“. სამთანრიგიან კოდში ჩაიწერება გადასახადების გაანგარიშების დამხმარე კოდი კლასიფიკატორის ნაწილი 6-ის შესაბამისად.

11. საქონლის ექსპორტის საბაჟო რეჟიმის დასრულება დასტურდება დანიშნულების სასაზღვრო საბაჟო ორგანოს მიერ სატვირთო-საბჟო დეკლარაციის „D“ გრაფაში სპეციალური აღნიშვნით – „მოხსნილია კონტროლიდან“.

თავი IV

რეექსპორტის საბაჟო დამუშავების ოპერაციის დროს დეკლარაციის შევსების წესი

მუხლი 12

გრაფები 2, 3, 5, 6, 7, 8, 9, 11, 13, 14, 16, 17, 17ა, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 36, 38, 39, 40, 41, 44, 46, 47, 48, 49, 54, A, B და C ივსება საქონლის ექსპორტის საბაჟო რეჟიმში დეკლარირებისას სატვირთო-საბაჟო დეკლარაციის შევსების წესის შესაბამისად.

მუხლი 13

1. გრაფა 1 „დეკლარაცია“– გრაფის პირველ განყოფილებაში ჩაიწერება ოპერაციის დასახელება – რეექსპორტი – „რექ“, მეორეში – ციფრული კოდი „1“.

2. გრაფა 37 „საბაჟო რეჟიმი (პროცედურა)“– გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველ ორ ციფრში ჩაიწერება – „11“, მეორე ორი ციფრი აღნიშნავს წინმსწრებ საბაჟო რეჟიმს (ასეთის არსებობის შემთხვევაში) და ჩაიწერება ამ რეჟიმის კოდი კლასიფიკატორის ნაწილი 1-ის შესაბამისად. სამთანრიგიან კოდში ჩაიწერება გადასახადების გაანგარიშების დამხმარე კოდი – „002“„საბაჟო დეკლარირების კლასიფიკატორის“ ნაწილი 6-ის შესაბამისად.

3. საქონლის რეექსპორტის საბაჟო, საბაჟო დამუშვების ოპერაციის დასრულება დასტურდება დანიშნულების სასაზღვრო საბაჟო ორგანოს მიერ სატვირთო-საბაჟო დეკლარაციის „D“ გრაფაში სპეციალური აღნიშვნით – „მოხსნილია კონტროლიდან“.

მუხლი 14

საქონლის რეექსპორტის დროს სატვირთო-საბაჟო დეკლარაცია წარედგინება მხოლოდ საბაჟო საწყობში საქონლის შენახვის, საბაჟო ტერიტორიაზე საქონლის გადამუშავების ან საქონლის დროებითი შემოტანის საბაჟო რეჟიმებში მოქცეული საქონლის რეექსპორტის დროს.

თავი V

საბაჟო საწყობში საქონლის შენახვის საბაჟო რეჟიმში გაცხადებულ საქონელზე დეკლარაციის შევსების წესი

მუხლი 15

გრაფები 2, 3, 5, 6, 7, 8, 9, 11, 13, 14, 16, 17, 17ა, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 36, 38, 39, 40, 41, 42, 43, 45, 46, 47, 48, 54, A, B და C ივსება საქონლის იმპორტის საბაჟო რეჟიმში დეკლარირებისას სატვირთო-საბაჟო დეკლარაციის შევსების წესის შესაბამისად.

მუხლი 16

1. გრაფა 1 „დეკლარაცია“ – გრაფის პირველ განყოფილებაში ჩაიწერება ოპერაციის დასახელება – „სხვ.“, მეორეში – ციფრული კოდი „7“.

3. გრაფა 44 „დამატებითი ინფორმაცია“– გრაფაში აღინიშნება დეკლარაციასთან ერთად წარდგენილი ნებართვის ნომერი (ასეთის არსებობის აუცილებლობის შემთხვევაში) და დოკუმენტაციის ნომრები კლასიფიკატორის ნაწილი 11-ის შესაბამისად. იმ შემთხვევაში, თუ 37-ე გრაფაში მითითებულია „7474“ მაშინ „44“ გრაფაში მიეთითება იმ საწყობის საიდენტიფიკაციო კოდი, საიდანაც ხდება საქონლის გამოტანა.

4. გრაფა 49 „საწყობის დასახელება“ – გრაფის პირველ ნაწილში აღინიშნება საბაჟო საწყობის საბაჟო-საიდენტიფიკაციო კოდი. გრაფის მეორე ნაწილში მიეთითება საქონლის საბაჟო საწყობში განთავსების ვადა დღეებში.

თავი VI

საქონლის დროებითი შემოტანის საბაჟო რეჟიმში გაცხადებულ საქონელზე დეკლარაციის შევსების წესი

მუხლი 17

საქონლის დროებითი შემოტანისას გრაფები 2, 3, 5, 6, 7, 8, 9, 11, 13, 14, 16, 17, 17ა, 18, 19, 20, 21, 22, 23, 25, 26, 28, 29, 30, 31, 32, 33, 34, 35, 36, 38, 39, 40, 41, 42, 43, 44, 45, 46, 47, 48, 49, 54, A, B და C ივსება საქონლის იმპორტის საბაჟო რეჟიმში დეკლარირებისას სატვირთო-საბაჟო დეკლარაციის შევსების წესის შესაბამისად.

მუხლი 18

1. გრაფა 1 „დეკლარაცია“ – საქონლის დროებითი შემოტანისას გრაფის პირველ განყოფილებაში ჩაიწერება ოპერაციის დასახელება – „დრი“, მეორეში – ციფრული კოდი „3“.

2. გრაფა 24 „გარიგების სახე“- საქონლის დროებითი შემოტანისას გრაფაში აღინიშნება გარიგების ხასიათის კოდი კლასიფიკატორის ნაწილი 9-ის შესაბამისად. გრაფის პირველ ნაწილში უნდა ჩაიწეროს ციფრი „6“.

3. გრაფა 37 „საბაჟო რეჟიმი (პროცედურა)“– გრაფაში აღინიშნება ოთხთანრიგიანი და სამთანრიგიანი კოდი. საქონლის დროებითი შემოტანისას ოთხთანრიგიანი კოდის პირველ ორ ციფრად ჩაიწერება – „34“. მეორე ორ ციფრად წინმსწრები საბაჟო რეჟიმის კოდი, კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – „00“. სამთანრიგიან კოდში ჩაიწერება გადასახადების გაანგარიშების დამხმარე კოდი კლასიფიკატორის ნაწილი 6-ის შესაბამისად.

თავი VII

საბაჟო ტერიტორიაზე საქონლის გადამუშავების საბაჟო რეჟიმში გაცხადებულ საქონელზე დეკლარაციის შევსების წესი

მუხლი 19

გრაფები 2, 3, 5, 6, 7, 8, 9, 11, 12, 13, 14, 15, 15ა, 16, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 36, 38, 39, 40, 41, 42, 43, 44, 45, 46, 47, 48, 49, 54, A, B და C ივსება საქონლის იმპორტის საბაჟო რეჟიმში დეკლარირებისას სატვირთო-საბაჟო დეკლარაციის შევსების წესის შესაბამისად.

მუხლი 20

1. გრაფა 1 „დეკლარაცია“– გრაფის პირველ განყოფილებაში ჩაიწერება ოპერაციის დასახელება – „იმ“, მეორეში – ციფრული კოდი „5“.

2. გრაფა 37 „საბაჟო რეჟიმი (პროცედურა)“– გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – „51“. მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი, კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – „00“; გადამუშავების შედეგად მიღებული საქონლის ექსპორტის შემთხვევაში პირველი ორი ციფრი ჩაიწერება „10“, ხოლო მეორე ორი ციფრი „51“. თუ აღნიშნული საქონელი გაცხადდება სხვა საბაჟო რეჟიმში, პირველი ორ ციფრად იწერება გაცხადებული საბაჟო რეჟიმის კოდი, კლასიფიკატორის ნაწილი 1-ის შესაბამისად, ხოლო მეორე ორ ციფრად – „51“. სამთანრიგიან კოდში ჩაიწერება გადასახადების გაანგარიშების დამხმარე კოდი კლასიფიკატორის ნაწილი 6-ის შესაბამისად.

თავი VIII

საბაჟო ტერიტორიის გარეთ საქონლის გადამუშავების საბაჟო რეჟიმში გაცხადებულ საქონელზე დეკლარაციის შევსების წესი

მუხლი 21

მუხლი 22

1. გრაფა 1 „დეკლარაცია“ – გრაფის პირველ განყოფილებაში ჩაიწერება ოპერაციის დასახელება – „ექ“, მეორეში – ციფრული კოდი „6“.

3. საბაჟო ტერიტორიის გარეთ გადამუშავების რეჟიმში მოქცეული საქონლის საქართველოს საბაჟო ტერიტორიიდან გატანა დასტურდება დანიშნულების სასაზღვრო საბაჟო ორგანოს მიერ სატვირთო-საბაჟო დეკლარაციის „D“ გრაფაში სპეციალური აღნიშვნით – „მოხსნილია კონტროლიდან“.

თავი IX

დასკვნითი დებულებანი

მუხლი 23

1. დეკლარაციის შემოწმების დასრულების შემდეგ, დეკლარაციის მესამე ფურცელი საბაჟო ორგანოს მიღებულ გადაწყვეტილების აღნიშვნებით (გაცხადებული საბაჟო რეჟიმის შესაბამისად, საქონლის გაშვების ან საქონლის გაშვების აკრძალვის თაობაზე) გადაეცემა დეკლარაციის მიღებაზე უფლებამოსილ პირს.

2. მიღებულ გადაწყვეტილებაზე მონაცემები შეიტანება დეკლარაციის სარეგისტრაციო ჟურნალში.

3. დეკლარაცია თანმხლები საბუთებითა და ცნობებით ინახება საქართველოს საბაჟო კანონმდებლობით დადგენილი წესით.

დანართი №2

დანართი №3

საქართველოს ფინანსთა სამინისტრო შემოსავლების სამსახური

საბაჟო ორგანოსათვის წარდგენილი დოკუმენტების შესახებ განაცხადი

დოკუმენტის დასახელება	დოკუმენტის N	დედანი	ასლი	შენიშვნა
საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობა (გარდა უცხო ქვეყნის მოქალაქეთა მიერ უცხოეთში რეგისტრირებული ავტოსატრანსპორტო საშუალების საქონლის გარეშე საქართველოს საბაჟო ტერიტორიაზე გადაადგილების შემთხვევისა)
მოქალაქის სამგზავრო დოკუმენტის (პასპორტის) სტიკერიანი ფურცლის სათანადოდ დამოწმებული ასლი
ხელშეკრულება
შესყიდვის დოკუმენტი (ინვოისი ან სხვა საანგარიშსწორებო დოკუმენტი)
სატრანსპორტო ზედნადები
კონოსამენტი
მანიფესტი
TIR-წიგნაკი
ერთჯერადი ან გენერალური მინდობილობა, ხელშეკრულება ან მისი შემცვლელი დოკუმენტი წარმომადგენლის უფლებამოსილების შესახებ
დაკვირვების ელექტრონული საშუალებების იმპორტის ან ექსპორტის ლიცენზია
ვეტერინარულ კონტროლს დაქვემდებარებული პროდუქციის ტრანზიტის ნებართვა
ვეტერინარულ კონტროლს დაქვემდებარებული პროდუქციის იმპორტის ნებართვა
ფიტოსანიტარიულ კონტროლს დაქვემდებარებული მცენარეული წარმოშობის პროდუქციის იმპორტის ნებართვა
შეზღუდულად ბრუნვადი მასალების იმპორტის, ექსპორტის, რეექსპორტის ან ტრანზიტის ნებართვა
ბირთვული, რადიაციული ობიექტების, ბირთვული მასალების, რადიაქტიული ნივთიერებების, რადიაქტიული ნარჩენების, მინერალების (წიაღისეულის), რომლებისგანაც პრაქტიკულად შესაძლებელია ბირთვული მასალების მიღება, ყველაფრის, რაც დამზადებულია ბირთვული მასალისაგან ან რადიაქტიული ნივთიერებისაგან ან შეიცავს მათ, როგორც შემადგენელ ნაწილს, აგრეთვე ბირთვული ტექნოლოგიების ან ნოუ-ჰაუების ექსპორტის, იმპორტის ან ტრანზიტის ნებართვა
„გადაშენების საფრთხის წინაშე მყოფი ველური ფლორის და ფაუნის სახეობებით საერთაშორისო ვაჭრობის შესახებ¨ კონვენციის (CITES) დანართებში შეტანილი სახეობების, მათი ნაწილებისა და დერივატების ექსპორტის, იმპორტის, რეექსპორტის ნებართვა
იარაღისა და საბრძოლო მასალის იმპორტის, ექსპორტის, რეექსპორტის ან ტრანზიტის ნებართვა
უცხო ქვეყნის და საერთაშორისო ორგანიზაციების წარმომადგენელთა, აგრეთვე სხვა მნიშვნელოვან პირთა ვიზიტის დროს მათ თანმხლებ პირთა მიერ იარაღისა და საბრძოლო მასალის საქართველოდან შემოტანისა და საქართველოდან გატანის ნებართვა.
იარაღის ერთი სახეობის ცალკეული ეგზემპლარების საქართველოში შემოტანისა და საქართველოდან გატანის (გარდა ექსპორტ-იმპორტის, ტრანზიტისა და რეექსპორტისა) ნებართვა
ორმაგი დანიშნულების პროდუქციის ექსპორტის, იმპორტის, რეექსპორტის ან ტრანზიტის ნებართვა
სპეციალურ კონტროლს დაქვემდებარებული სამკურნალო საშუალებების იმპორტის ან ექსპორტის ნებართვა
არაიოდიზებული მარილის იმპორტის ნებართვა
საქართველოს კულტურულ ფასეულობათა საქართველოდან გატანის ნებართვა
დსთ-ს ზოგიერთ ქვეყანაში წარმოებული საქონლის რეექსპორტის ნებართვა (შესაბამისი ქვეყნის უფლებამოსილი სახელმწიფო ორგანოს მიერ გაცემული)
ხე-ტყის ექსპორტისას – ხე-ტყის კანონიერების ან/და წარმოშობის დამადასტურებელი დოკუმენტი
საქართველოს ფინანსთა სამინისტროს წერილობითი დასკვნა საქონლისათვის ჰუმანიტარული სტატუსის მინიჭების შესახებ
საქართველოს ფინანსთა სამინისტროს წერილობითი დასკვნა საქონლისათვის გრანტის სტატუსის მინიჭების შესახებ
საქონლის წარმოშობის სერტიფიკატი
საქონლის შესაბამისობის სერტიფიკატი
საქონლის უსაფრთხოების სერტიფიკატი
ფიტო-სანიტარული სერტიფიკატი
ვეტერინარული სერტიფიკატი
სანიტარული-ჰიგიენური სერთიფიკატი
ფუმიგაციისა და დეზინფექციის სერტიფიკატი
საქონლის თავისუფალ მიმოქცევაში გაშვების (იმპორტის) საბაჟო რეჟიმში საქონლის მოქცევის საბაჟო დეკლარაცია
საბაჟო საწყობში საქონლის შენახვის საბაჟო რეჟიმში საქონლის მოქცევის საბაჟო დეკლარაცია
საქონლის დროებითი შემოტანის საბაჟო რეჟიმში საქონლის მოქცევის საბაჟო დეკლარაცია
საბაჟო ტერიტორიაზე საქონლის გადამუშავების საბაჟო რეჟიმში საქონლის მოქცევის საბაჟო დეკლარაცია
სპეციალური საგადასახადო ანგარიშ-ფაქტურა (სსაფ) – ნავთობპროდუქტების იმპორტის დროს
საქონლის სპეციფიკაცია
საბანკო გარანტია
ფინანსური რისკის დაზღვევის პოლისი
სახელმწიფო ხაზინის ცნობა სახელმწიფო ხაზინაში გარანტიის სახით სათანადო თანხის (დეპოზიტის) შეტანის თაობაზე
საქონლისა და/ან სატრანსპორტო საშუალების საბაჟო კონტროლის ქვეშ დროებითი შენახვის განაცხადი
სამკურნალო საშუალებების საბაჟო აღნუსხვის ფორმა
საბაჟო გადასახდელების გადახდის დამადასტურებელი დოკუმენტი
გადასახადის გადამხდელის საიდენტიფიკაციო ნომერი (კოდი)
შეფუთვის ფურცელი
ექსპერტიზის აქტი
საქონლის დათვალიერების აქტი
საქონლის სინჯის (ნიმუშის) აღების აქტი (ოქმი)
ჯარიმის გადახდის დოკუმენტი
სასამართლოს დადგენილება ადმინისტრაციული სახდელის დადების შესახებ
ადმინისტრაციული სამართალდარღვევის ოქმი
საბაჟო სამართალდარღვევის ოქმი
საბაჟო შეტყობინება
წერილი
განცხადება
ავტოსატრანსპორტო საშუალების ტექნიკური პასპორტი
საქონლის ტრანზიტის საბაჟო რეჟიმში საქონლის მოქცევის საბაჟო დეკლარაცია
საბაჟო ტერიტორიის გარეთ საქონლის გადამუშავების საბაჟო რეჟიმში საქონლის მოქცევის საბაჟო დეკლარაცია
საქონლის ექსპორტის საბაჟო რეჟიმში საქონლის მოქცევის საბაჟო დეკლარაცია
ფიზიკური პირის საბაჟო დეკლარაცია
სატვირთო საბაჟო დეკლარაციის ფორმა N2
საფოსტო გზავნილის დეკლარაცია CN 22
საფოსტო გზავნილის დეკლარაცია CN 23
გამარტივებული საბაჟო დეკლარაცია
საქონლის დროებითი შემოტანის საბაჟო რეჟიმში მოქცეული, იმპორტის გადასახდელების გადახდისაგან ნაწილობრივ გათავისუფლებული საქონლის მიმართ გადასახდელი თანხის გადახდის განრიგი

1. დოკუმენტაციის წარმომდგენი პირი -------------------------------------------------------------------

2. იურიდიული ან ფიზიკური პირის საიდენტიფიკაციო ნომერი ------------------------------------

3. საბაჟო ორგანოს მიერ დოკუმენტაციის მიღების თარიღი და დრო ------- 200 წ. -----სთ. -----წთ.

4. დოკუმენტის მიღებაზე პასუხისმგებელი პირი ------------------------------------------------------

5. საბაჟო დამუშავების ოპერაციის განყოფილების თანამშრომელი ----------------------------------

6. თარიღი და დრო -------------------------------- 200 წ. --------სთ. ------ წთ. “

დანართი №4

ინსტრუქცია

ტრანზიტის საბაჟო რეჟიმის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ

თავი I

ზოგადი დებულებანი

მუხლი 1

„ტრანზიტის საბაჟო რეჟიმის შესაბამისად გაცხადებულ საქონელზე სატვირთო საბაჟო – დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ ინსტრუქცია“ (შემდგომში – ინსტრუქცია) ადგენს საქონლისა და სატრასპორტო საშუალებების (შემდგომში – საქონელი) ტრანზიტის საბაჟო რეჟიმის გამოყენებისას სატვირთო-საბაჟო დეკლარაციის (შემდგომში – დეკლარაცია) ფორმის, შევსების, წარდგენის, დაბრუნების, შეცვლის და რეგისტრაციის წესებს.

მუხლი 2

ინსტრუქციაში გამოყენებულ ტერმინთა განმარტებები:

ბ) სასაქონლო პარტია – ერთი ან რამდენიმე დასახელების საქონელი, გაგზავნილი ერთი გამგზავნის მიერ ერთი მიმღების მისამართით ერთი ხელშეკრულების საფუძველზე, ერთი სატრანსპორტო საშუალებით (სარკინიგზო ტრანსპორტის შემთხვევაში ერთი შემადგენლობით). ერთი ხელშეკრულების საფუძველზე მილსადენი ტრანსპორტით ერთი საანგარიშო თვის განმავლობაში გადაადგილებული და ერთი და იმავე საბაჟო რეჟიმში მოქცეული საქონელი. ერთი ხელშეკრულების საფუძველზე ელექტროგადამცემი ხაზებით ერთი საანგარიშო თვის განმავლობაში გადაადგილებული ერთი და იმავე საბაჟო რეჟიმში მოქცეული ელექტროენერგია;

გ) სატრანსპორტო დოკუმენტები – სატარანსპორტო ზედდებული, კონოსამენტი ან საქონლის თანხმლები სხვა დოკუმენტები, რომელთა საფუძველზეც ხორციელდება საქონლის საერთაშორისო და\ან საქართველოს საბაჟო ტერიტორიაზე საბაჟო ზედამხედველობის ქვეშ მისი გადაზიდვა;

დ) ბრუტო წონა (კგ) – საქონლის მთლიანი წონა შესაფუთი მასალის (ტარის), მათ შორის, შესაფუთი კონტეინერების ჩათვლით, რომლებიც უზრუნველყოფენ საქონლის დაცვას შენახვისა და ტრანსპორტირების დროს;

ე) ნეტო წონა (კგ) – საქონლის წონა შესაფუთი მასალის (ტარის) გარეშე, გარდა იმ შესაფუთი მასალისა, რომელიც განუშორებელია საქონლისაგან მის მოხმარებამდე და რომელშიც იგი მიეწოდება საცალო ვაჭრობისათვის;

ვ) საქონლის ზედამხედველობიდან მოხსნა – საბაჟო ზედამხედველობის დამთავრება;

ზ) გადამისამართება – იმპორტიორის (საქონლის მიმღების) შეცვლა.

მუხლი 3

1. დეკლარაციით ხდება მხოლოდ:

ა) საბაჟო საწყობიდან საზღვაო ტრანსპორტით ტრანზიტით გადასატანი საქონლის (გარდა კონტეინერებში და სატრანსპორტო საშუალებებში განთავსებული საქონლისა) დეკლარირება;

ბ) მილსადენი და ელექტროგადამცემი ხაზებით ტრანზიტით გადაადგილებული საქონლის დეკლარირება;

გ) საზღვაო ტრანსპორტით საქართველოდან ტრანზიტით გასატანი საქონლის (გარდა კონტეინერებში და სატრანსპორტო საშუალებებში განთავსებული საქონლისა) დეკლარირება.

დ) საქართველოდან ტრანზიტით გასატანი საქონლის დეკლარირება, იმ შემთხვევაში, როცა საქონლის მიმართ წინმსწრები საბაჟო დამუშავების ოპერაცია განხორციელდა სატვირთო-საბაჟო დეკლარაციის მეშვეობით.

2. დეკლარაციის წარდგენა ხდება საქართველოს საბაჟო კანონმდებლობით განსაზღვრულ იმ საბაჟო ორგანოში, სადაც წარმოებს საქონლის საბაჟო დამუშავების ოპერაცია.

3. საბაჟო რეჟიმის ან სატრანსპორტო საშუალების შეცვლისას ან საქონლის გადამისამართებისას საქონლის დეკლარირება ხდება იმ საბაჟო ორგანოს სამოქმედო ტერიტორიაზე, სადაც ხდება საბაჟო რეჟიმის ან სატრანსპორტო საშუალების შეცვლა ან საქონლის გადამისამართება.

4. TIR-კარნეტის წიგნაკით გადაადგილებული ტრანზიტული საქონლის შესაბამის საბაჟო ორგანოში დეკლარირების დროს სატვირთო საბაჟო დეკლარაციად ითვლება TIR-კარნეტის წიგნაკი (გარდა იმ შემთხვევისა, როცა საქონლის მიმართ წინმსწრები საბაჟო დამუშავების ოპერაცია განხორციელდა სატვირთო-საბაჟო დეკლარაციის მეშვეობით), ხოლო TIR-კარნეტის წიგნაკის არქონის შემთხვევაში _ სატრანსპორტო ზედდებული, საჰაერო, სარკინიგზო და საზღვაო ტრანსპორტის დროს (გარდა საზღვაო ტრანსპორტით გასატანი (კონტეინერებში და სახმელეთო სატრანსპორტო საშუალებებში განთავსებულის გარდა) საქონლისა, ან იმ საქონლისა, რომლის მიმართ წინმსწრები საბაჟო დამუშავების ოპერაცია განხორციელდა სატვირთო-საბაჟო დეკლარაციის მეშვეობით), აგრეთვე სხვა დოკუმენტი, რომელიც გამოიყენება შემდგომი გადაზიდვისათვის და/ან შეიცავს საქონლის და სატრანსპორტო საშუალების იდენტიფიკაციისათვის საჭირო მონაცემებს. დროებითი შენახვის საწყობიდან საქონლის ტრანზიტით გადაადგილების შემთხვევაში, დეკლარაციის ნაცვლად გამოიწერება „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობა“ (გარდა საზღვაო ტრანსპორტით ტრანზიტით გასატანი (კონტეინერებში და სატრანსპორტო საშუალებებში განთავსებულის გარდა) საქონლისა). მილსადენი და ელექტროგადამცემი ხაზებით ტრანზიტით გადაადგილებულ, ასევე საზღვაო ტრანსპორტით საქართველოდან ტრანზიტით გასატან საქონელზე (გარდა კონტეინერებში და სატრანსპორტო საშუალებებში განთავსებულისა), აგრეთვე საქართველოდან ტრანზიტით გასატან იმ საქონელზე, რომლის მიმართ წისმსწრები საბაჟო დამუშავების ოპერაცია განხორციელდა დეკლარაციის მეშვეობით, წარმოდგენილ უნდა იქნეს დეკლარაცია.

საქართველოს ფინანსთა მინისტრის 2007 წლის 17 დეკემბრის ბრძანება №1296-სსმIII, №178, 17.12.2007წ., მუხ.1968

მუხლი 4

ტრანზიტის საბაჟო რეჟიმში გაცხადებული საქონლის საბაჟო ზედამხედველობიდან მოხსნა, როგორც წესი, ხორციელდება საქართველოს საბაჟო კანონმდებლობით განსაზღვრულ იმ საბაჟო ორგანოში, საიდანაც ხდება საქონლის საბაჟო საზღვრის გარეთ გატანა (დანიშნულების საბაჟო ორგანო), ხოლო საბაჟო რეჟიმის ან სატრანსპორტო საშუალების შეცვლისას, ან საქონლის გადამისამართებისას – იმ საბაჟო ორგანოს სამოქმედო ტერიტორიაზე, სადაც ხდება საბაჟო რეჟიმის ან სატრანსპორტო საშუალების შეცვლა ან საქონლის გადამისამართება.

მუხლი 5

დეკლარაციის წარდგენა ხდება საქართველოს საბაჟო კოდექსის 61-ე მუხლით დადგენილ ვადებში.

მუხლი 6

1. დეკლარაციის წარდგენით დეკლარირდება ამ ინსტრუქციის მე-3 მუხლის პირველ პუნქტში მითითებული საქონელი, რომელიც გადაკვეთს საქართველოს საბაჟო საზღვარს (ან განსაზღვრულია საბაჟო საზღვარზე გადასაადგილებლად), აგრეთვე საქონელი, რომლის საბაჟო რეჟიმიც იცვლება, ან საქონელი, რომელიც გარკვეული მიზეზების გამო გადამისამართდება საქართველოს საბაჟო ტერიტორიაზე ან გადაიტვირთება სხვა სატრანსპორტო საშუალებაში.

2. ერთი დეკლარაციით შეიძლება გაცხადდეს მხოლოდ საქონლის ერთი პარტია.

3. დეკლარაციის ძირითადი ფურცლით შეიძლება გაცხადდეს ცნობები მხოლოდ ერთი დასახელების, სახეობის და მარკის საქონელზე, რომელიც საგარეო ეკონომიკური საქმიანობის ეროვნულ სასაქონლო ნომენკლატურაში (შემდგომში – სეს ესნ) კლასიფიცირდება ერთი თერთმეტნიშნა კოდით და წარმოშობილია ერთ ქვეყანაში.

4. დეკლარაციის ერთ დამატებით ფურცელში შეიძლება გაცხადდეს ცნობები სამი დასახელების, სახეობის და მარკის საქონელზე და რომელთაგან თითოეული მათგანი სეს ესნ-ში კლასიფიცირდება ერთი თერთმეტნიშნა კოდით და წარმოშობილია ერთ ქვეყანაში.

5. სასაქონლო პარტიის ერთ დეკლარაციაში დეკლარირებისას მის ძირითად ფურცელს შეიძლება დაერთოს არა უმეტეს 33 დამატებითი ფურცლისა და ერთი დეკლარაციით შეიძლება გაცხადდეს არა უმეტეს 100 დასახელების საქონელი. იმ შემთხვევაში, თუ სასაქონლო პარტია შედგება 100-ზე მეტი დასახელების საქონლისაგან, მაშინ 100-ის შემდეგ პარტიაში შემავალ ყოველ მომდევნო 100 დასახელებამდე საქონელზე ივსება ახალი დეკლარაცია

6. დეკლარაცია ივსება ქართულ ენაზე კომპიუტერის საბეჭდი მოწყობილობის გამოყენებით. საჭიროების შემთხვევაში, შეიძლება დაიბეჭდოს ამ მუხლის მე-8 პუნქტში აღნიშნული ცისფერი ეგზემპლარი დამატებით სხვა ენაზეც;

7. დასაშვებია დეკლარაციის უკანა გვერდის გამოყენება სხვდასხვა მაკონტროლებელი ორგანოების აღნიშვნებისა და დამღებისათვის;

ბ) მეორე თეთრი გერბიანი ფურცელი საქონლის საქართველოს საბაჟო ტერიტორიიდან გატანის შემთხვევაში რჩება სასაზღვრო საბაჟო ორგანოში;

გ) ცისფერი ფურცელი უბრუნდება დეკლარანტს.

10. საბაჟო დეკლარაციის მონაცემთა ბაზის ელექტრონული დამუშავების სისტემაში დაშვების მიზნით საქართველოს საწარმო (მეწარმე ფიზიკური პირი), რომელსაც გააჩნია საქართველოს ფინანსთა სამინისტროს შემოსავლების სამსახურის შესაბამის სერვერთან მიერთების შესაძლებლობა, შემოსავლების სამსახურს მიმართავს განცხადებით (დანართი №18). არასრულად შევსებული განცხადება უბრუნდება განმცხადებელს განცხადების რეგისტრაციიდან 5 დღის ვადაში. განცხადებით გათვალისწინებული ინფორმაციის სრულად წარმოდგენის შემთხვევაში, განცხადების რეგისტრაციიდან ხუთი დღის ვადაში განმცხადებელს ეცნობება მონაცემთა ბაზის ელექტრონული დამუშავების სისტემაში დაშვების მიზნით დაშვებისთვის აუცილებელი კონფიდენციალური მონაცემების დალუქული კონვერტით მიღების შესაძლებლობის შესახებ. კონვერტი გადაეცემა განმცხადებელს ან განმცხადებლის უფლებამოსილ წარმომადგენელს, რომელიც ხელმოწერით ადასტურებს კონვერტის მიღებას. იმ შემთხვევაში, როცა განცხადების რეგისტრაციიდან 3 თვის განმავლობაში საბაჟო ორგანოში არ იქნება დადგენილი წესით დარეგისტრირებული საქართველოს საწარმოს (მეწარმე ფიზიკური პირი) მიერ შევსებული საბაჟო დეკლარაცია, საბაჟო დეკლარაციის მონაცემთა ბაზის ელექტრონული დამუშავების სისტემაში დაშვება ავტომატურად უქმდება.

მუხლი 7

2. დეკლარაცია უნდა შეიცავდეს მონაცემებს, რომლებიც აუცილებელია საგარეო-ეკონომიკური საქმიანობის რეგულირების მექანიზმების სწორად გამოყენებისათვის, საბაჟო სტატისტიკის წარმოებისა და საბაჟო კანონმდებლობის აღსრულებისათვის, მათ შორის, შესაბამისი საბაჟო რეჟიმის მოთხოვნების განხორციელებისათვის.

3. დეკლარაციას უნდა დაერთოს საბაჟო კანონმდებლობით გათვალისწინებული ყველა დოკუმენტი, რომელიც აუცილებელია შესაბამისი საბაჟო რეჟიმის პირობების შესრულებისა და დეკლარირებული მონაცემების დადასტურებისათვის.

4. საბაჟო ორგანო დაუყონებლივ ახორციელებს წარდგენილ დეკლარაციის რეგისტრაციას, თუ უზრუნველყოფილია დეკლარაციაში აღნიშნული საქონლის წარდგენა საბაჟო ორგანოში.

7. საქონლის მიმართ გამოიყენება შესაბამისი საბაჟო რეჟიმის მარეგულირებელი საბაჟო კანონმდებლობა, რომლებიც მოქმედებს დეკლარაციის რეგისტრაციის დღისათვის, თუ საბაჟო კანონმდებლობით სხვა რამ არ არის გათვალისწინებული.

8. დეკლარაციის წარდგენის უფლება აქვს დეკლარანტს.

9. თუ დეკლარაციის რეგისტრაცია იწვევს პირის ვალდებულებების წარმოშობას, საბაჟო დეკლარაცია უნდა წარადგინოს შესაბამისმა პირმა ან მისმა წარმომადგენელმა. საქართველოს საბაჟო ტერიტორიაზე საქონლის შემოტანისას დეკლარანტად ითვლება საქონლის მიმღები, ხოლო საბაჟო ტერიტორიიდან საქონლის გატანისას – საქონლის გამგზავნი, რომლებიც შესაბამისად მითითებულნი უნდა იყვნენ საქონლის მფლობელის დამადასტურებელ დოკუმენტებში.

10. დეკლარაციის რეგისტრაციის შემდეგ დეკლარანტის წერილობითი განცხადების საფუძველზე შესაძლებელია დეკლარაციაში მითითებული მონაცემების შეცვლა (გარდა ამ მუხლის მე-11 პუნქტით დადგენილი შემთხვევებისა).

11. დეკლარაციაში ცვლილებების შეტანა აკრძალულია, თუ:

ბ) საბაჟო ორგანომ უკვე გაუშვა საქონელი.

12. აკრძალულია საბაჟო ორგანოს უფლებამოსილი პირის მიერ დეკლარაციის შევსება ან დეკლარაციაში მონაცემების დამატება ან მასში მონაცემების შეცვლა, გარდა იმ მონაცემებისა, რომელთა შეტანა ან/და შეცვლა განეკუთვნება საბაჟო ორგანოს კომპეტენციას, აგრეთვე ელექტრონული დამუშავების დროს გამოყენებული კოდირებული მონაცემების შეცვლის ან დამატების გარდა, თუ ისინი დეკლარაციაში შეტანილია არაკოდირებული სახით.

13. საბაჟო დეკლარაციის შემოწმების ვადა, როგორც წესი, არ უნდა აღემატებოდეს დეკლარაციის რეგისტრაციიდან 2 საათს, თუ კანონმდებლობით სხვა რამ არ არის განსაზღვრული.

მუხლი 8

საბაჟო ორგანოს მიერ დეკლარაციის (აგრეთვე თანდართული საბუთებისა და ცნობების) მიღება რეგისტრირდება სპეციალურ რეგისტრაციის ჟურნალში და ენიჭება სარეგისტრაციო ნომერი;

მუხლი 9

საბაჟო დეკლარირება და მისი შემოწმების პროცედურები ხორციელდება „საბაჟო რეჟიმების (გარდა ტრანზიტის საბაჟო რეჟიმისა), აგრეთვე რეექსპორტის შესაბამისად გაცხადებულ საქონელზე სატვირთო საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციის მე-7 მუხლის შესაბამისად.

თავი II

დეკლარაციის შევსების წესი

მუხლი 10

1. დეკლარანტი დეკლარაციის შევსებისას ავსებს შემდეგ გრაფებს: A, 1, 2, 3, 5, 6, 7, 8, 14, 15, 15-ა, 17, 17-ა, 18, 19, 21, 25, 27, 31, 32, 33, 35, 38, 40, 44, 50, 52, 53, 55.

2. გრაფა A – აღინიშნება იმ საბაჟო ორგანოს ხუთნიშნა ციფრული კოდი და დასახელება, კლასიფიკატორის ნაწილი 2-ის შესაბამისად, რომელიც აწარმოებს დეკლარაციის მიღებას.

3. გრაფა 1. „დეკლარაცია“ – პირველ განყოფილებაში ჩაიწერება რეჟიმის დასახელება – ტრანზიტი – „ტრ“, მეორეში – ციფრული კოდი „8“.

4. გრაფა 2. „ექსპორტიორი“ – აღინიშნება საქონლის გამომგზავნის რეკვიზიტები – იურიდიული პირის ან მისი სტრუქტურული ქვედანაყოფის (ფიზიკური პირის შემთხვევაში – სახელი და გვარი) სახელწოდება და მისამართი.

5. გრაფა 3. „ფორმები“ – პირველ განყოფილებაში აღინიშნება ფურცლის რიგითი ნომერი, მეორეში – დეკლარაციის ფურცლების საერთო რაოდენობა ძირითადი და დამატებითი ფურცლების ჩათვლით. (მაგალითად, თუ გვაქვს ერთი დეკლარაცია ორი დამატებითი ფურცლით, მაშინ ძირითადი ფურცლის მე-3 გრაფის პირველ განყოფილებაში უნდა აღინიშნოს – 1, მეორე განყოფილებაში – 3, პირველ დამატებით ფურცელში – 2 და 3, მეორეში – 3 და 3).

6. გრაფა 5. „საქონლის რაოდენობა“ – მიეთითება წარდგენილ დეკლარაციაში დეკლარირებული უკანასკნელი საქონლის რიგითი ნომერი.

7. გრაფა 6. „ადგილების რაოდენობა“ – აღინიშნება დეკლარირებული საქონლის (სასაქონლო პარტიის) ადგილების საერთო რაოდენობა, რაც მოცემულია სატრანსპორტო დოკუმენტებში. თუ დეკლარირდება საქონელი მილსადენებით ან ელექტროგადამცემი ხაზებით, გრაფაში ჩაიწერება „1“. საქონლისათვის, რომელიც გადაიზიდება კონტეინერებით, ყუთებით, ქვეშით („პოდონი“) და ა. შ., მიეთითება რაოდენობა იმ უმცირესი შეფუთვისა, რომელიც მოცემულია სატრანსპორტო დოკუმენტებში, როგორც სატვირთო ადგილი.

8. გრაფა 7. „საცნობარო ნომერი“ – აღინიშნება დეკლარანტის მიერ დეკლარაციისათვის მინიჭებული უნიკალური ნომერი.

9. გრაფა 8. „იმპორტიორი“ – აღინიშნება საქონლის მიმღების რეკვიზიტები. თუ საქონლის მიმღები იურიდიული პირია, გრაფაში აღინიშნება მისი სრული სახელწოდება და მისამართი; თუ საქონლის მიმღები ფიზიკური პირია, გრაფაში აღინიშნება მისი სახელი, გვარი, მისამართი.

10. გრაფა 14. „დეკლარანტი/წარმომადგენელი“ – გრაფაში აღინიშნება დეკლარანტის სრული სახელწოდება და მისამართი. გრაფის ზედა ნაწილში „N“ ნიშნის შემდეგ აღინიშნება დეკლარანტის ცხრანიშნა საიდენტიფიკაციო ნომერი(კოდი), რომელიც მინიჭებული აქვს საგადასახადო ორგანოს მიერ. იმ შემთხვევაში, თუ დეკლარანტი არის საქონლის მფლობელი, მაშინ შესაძლებელია გრაფაში მიეთითოს „იხ. გრაფა 8“.

11. გრაფა 15. „გამომგზავნი ქვეყანა“– აღინიშნება საქონლის გამომგზავნი ქვეყნის მოკლე დასახელება კლასიფიკატორის ნაწილი 3-ის შესაბამისად. გამომგზავნი ქვეყანა განისაზღვრება სატრანსპორტო დოკუმენტებში მოყვანილი ცნობების საფუძველზე, რომელთა თანახმად ხორციელდებოდა საქონლის საერთაშორისო გადაზიდვა, ხოლო საბაჟო რეჟიმის შეცვლის დროს საქონლის დეკლარირებისას, გამომგზავნ ქვეყნად მიიჩნევა წინმსწრები დეკლარაციის შესაბამის გრაფაში მითითებული ქვეყანა.

12. გრაფა 15ა. „გამომგზავნი ქვეყნის კოდი“ – აღინიშნება საქონლის გამომგზავნი ქვეყნის ციფრული კოდი კლასიფიკატორის ნაწილი 3-ის შესაბამისად.

13. გრაფა 17. „დანიშნულების ქვეყანა“ – მიეთითება დანიშნულების ქვეყნის მოკლე დასახელება, კლასიფიკატორის ნაწილი 3-ის შესაბამისად.

14. გრაფა 17ა. „დანიშნულების ქვეყნის კოდი“ – აღინიშნება დანიშნულების ქვეყნის ციფრული კოდი კლასიფიატორის ნაწილი 3-ის შესაბამისად.

15. გრაფა 18. „სატრანსპორტო საშუალება დანიშნულების ადგილზე“ – მარცხენა განყოფილებაში აღინიშნება სატრანსპორტო საშუალების მონაცემები, რომლითაც ხდება საქონლის მიწოდება დანიშნულების საბაჟო ორგანომდე (საზღვაო სატრანსპორტო საშუალების დასახელება, საჰაერო ხომალდის რეისის და ბორტის ნომრები, ავტოტრანსპორტის სარეგისტრაციო ნომერი, სარკინიგზო ვაგონის ნომერი და სხვა მსგავსი მონაცემები). გრაფის მარჯვენა განყოფილებაში უნდა ჩაიწეროს სატრანსპორტო საშულების მფლობელი ქვეყნის კოდი კლასიფიკატორის ნაწილი 3-ის შესაბამისად. გრაფის სრულყოფილად შევსების შეუძლებლობის შემთხვევაში, კეთდება მითითება – „იხ. უკანა გვერდზე“; დეკლარაციის სამივე ეგზემპლარის უკანა მხარეს აღინიშნება სატრანსპორტო საშუალებათა ნომრები. მაგალითად: „23 რკინიგზ. ვაგ. – იხ. უკანა გვერდზე“.

16. გრაფა 19. „კონტეინერი“ აღინიშნება: თუ საქონელი იგზავნება კონტეინერით – 1, ხოლო კონტეინერის ნომრები მიეთითება დეკლარაცის 31-ე გრაფაში; თუ საქონელი არ იგზავნება კონტეინერით – 0.

17. გრაფა 21. „სატრანსპორტო საშუალება საზღვარზე“ – მარცხენა განყოფილებაში აღინიშნება სატარნსპორტო საშუალების მონაცემები, რომლითაც საქონელი მიწოდებულ იქნა საქართველოს საბაჟო საზღვრამდე (საზღვაო სატრანსპორტო საშუალების დასახელება, საჰაერო ხომალდის რეისისა და ბორტის ნომრები, რკინიგზის ვაგონის ნომერი, ავტოსატრანსპორტო საშუალების სარეგისტრაციო ნომერი, და სხვა ამგვარი მონაცემები). გრაფის მარჯვენა განყოფილებაში მიეთითება სატრანსპორტო საშუალების მფლობელი ქვეყნის კოდი კლასიფიკატორის ნაწილი 3-ის შესაბამისად.

18. გრაფა 25. „ტრანსპორტის სახე“ – ჩაიწერება 21-ე გრაფაში მითითებული სატარნსპორტო საშუალების კოდი კლასიფიკატორის ნაწილი 10-ის შესაბამისად.

19. გრაფა 31. „საქონლის აღწერა და რაოდენობა“ – აღინიშნება დეკლარირებული საქონლის ზუსტი მონაცემები, მათ შეფუთვასა და მარკირებაზე, რაც იძლევა საქონლის საბაჟო მიზნით იდენტიფიცირების შესაძლებლობას. თითოეული მონაცემი ჩაიწერება ახალი სტრიქონით. გრაფაში აღინიშნება სატვირთო ადგილების, მათი შეფუთვისა და მარკირების შესახებ მონაცემები, აგრეთვე ერთი ადგილის შემცველ საქონელთა რაოდენობის, შეფუთვის, დაფასოების, მარკირების შესახებ მონაცემები; კონტეინერებით გადაზიდულ საქონელზე მიეთითება კონტეინერების რაოდენობა და წილადის ხაზის შემდეგ – მათი ნომრები. თუ საქონელს არ უკავია მთელი კონტეინერი, მისი ნომრის შემდეგ ჩაიწერება „ნაწილი“; აღინიშნება მარკირებულ აქციზურ საქონელზე აქციზური მარკების სერია და რაოდენობა; აღინიშნება საქონლის ზუსტი აღწერილობა: დასახელება, მისი ტექნიკური და ძირითადი კომერციული მახასიათებლები .

20. გრაფა 32. „საქონელი N“ – მიეთითება 31-ე გრაფაში დეკლარირებული საქონლის რიგითი ნომერი. (მაგალითად: თუ დეკლარირდება რამდენიმე დასახელების საქონელი, მაშინ დეკლარაციის ძირითად ფურცელში ჩაიწერება 1, პირველ დამატებით ფურცელზე – 2, 3, 4; მეორე დამატებით ფურცელზე – 5, 6, 7 და ა. შ.) ერთი დასახელების საქონლის დეკლარირებისას გრაფაში იწერება 1.

21. გრაფა 33. „საქონლის კოდი“ – აღინიშნება საქონლის კოდი საგარეო ეკონომიკური საქმიანობის ეროვნული სასაქონლო ნომენკლატურის მიხედვით ორ ნიშნამდე სიზუსტით სავალდებულოდ. აქციზური საქონლის დეკლარირებისას – თერთმეტ ნიშნამდე სიზუსტით.

22. გრაფა 35. „ბრუტო (კგ)“ – მთელი რიცხვის სახით აღინიშნება 31-ე გრაფაში აღწერილი საქონლის ბრუტო წონა კილოგრამებში.

23. გრაფა 38. „ნეტო (კგ)“ – მთელი რიცხვის სახით ჩაიწერება 31-ე გრაფაში აღწერილი საქონლის ნეტო წონა კილოგრამებში. იმ შემთხვევაში, თუ საქონლის წონა 1კგ-ზე ნაკლებია (მაგ., ძვირფასი ლითონები), 38-ე გრაფაში ჩაიწერება 1, ხოლო საქონლის ზუსტი წონა გრამებში აღინიშნება 31-ე გრაფაში.

24. გრაფა 40. „საერთო დეკლარაცია/წინმსწრები დოკუმენტი“ – ივსება იმ შემთხვევაში, როდესაც საქონელი იმყოფებოდა სხვა საბაჟო რეჟიმში, ან დროებითი შენახვის საწყობში, ან მოხდა საქონლის გადატვირთვა სხვა სატრანსპორტო საშუალებაში ან მისი გადამისამართება. გრაფაში აღინიშნება წინმსწრები დეკლარაციის ნომერი და გაფორმების წელი.

25. გრაფა 44. „დამატებითი ინფორმაცია“ – აღინიშნება დეკლარაციასთან ერთად წარდგენილი ნებართვის ნომერი (ასეთის არსებობის შემთხვევაში) და დოკუმენტაციის ნომრები კლასიფიკატორის ნაწილი 11-ის შესაბამისად.

26. გრაფა 50. „გადამზიდველი“ – აღინიშნება გადამზიდველის რეკვიზიტები (ასეთის არსებობის შემთხვევაში). „წარმომადგენლის“ გასწვრივ აღინიშნება გადაზიდვაზე პასუხისმგებელი პირის (მძღოლის) სახელი და გვარი და პასპორტის ნომერი (მხოლოდ ავტოსატრანსპორტო საშუალებით გადაზიდვის შემთხვევაში).

27. გრაფა 52. – ამ ბრძანების დანართი №12 – „ნედლი ნავთობისა და მისი გადამუშავებით მიღებული საქონლის (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით) ნუსხით“ გათვალისწინებული საქონლის დეკლარირებისას წინმსწრები „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის“ არსებობის შემთხვევაში მიეთითება მოწმობის ნომერი.

28. გრაფა 53. „დანიშნულების საბაჟო“ – აღინიშნება იმ საბაჟო ორგანოს ხუთნიშნა ციფრული კოდი და დასახელება კლასიფიკატორის ნაწილი 2-ის შესაბამისად, სადაც ხდება საქონლის კონტროლიდან მოხსნა ან იმ საბაჟო ორგანოს ხუთნიშნა ციფრული კოდი და დასახელება, რომლის სამოქმედო ტერიტორიაზეც მოხდება საბაჟო რეჟიმის შეცვლა, საქონლის გადამისამართება ან სხვა სატრანსპორტო საშუალებაში გადატვირთვა.

29. გრაფა 55. „ადგილი და თარიღი“ – მიეთითება დეკლარაციის შევსების ადგილი და თარიღი. საქონლის გადაზიდვაზე პასუხისმგებელი პირი ხელმოწერით ადასტურებს დეკლარაციაში ასახული ტექსტობრივი და ციფრული ინფორმაციის სისწორეს.

მუხლი 11

1. საბაჟო ორგანოს პასუხისმგებელი მოხელე ავსებს შემდეგ გრაფებს: 54, B, C, D, E.

2. გრაფა 54. „მებაჟე“ – აღინიშნება საბაჟო ორგანოს პასუხისმგებელი მოხელის პირადი ნომერი; „ლუქის ნომრების“ გასწვრივ აღინიშნება სატრანსპორტო საშუალებაზე დადებული ლუქის ნომრები. თუ ლუქი არ არის დადებული, აღინიშნება „0“. „გამოცხადების თარიღის“ გასწვრივ აღინიშნება 53-ე გრაფაში აღნიშნულ საბაჟო ორგანოში გამოცხადების თარიღი.

3. გრაფა „B“. აღინიშნება რეგისტრაციის D ნომერი და რეგისტრაციის თარიღი.

4. გრაფა „C გამგზავნი საბაჟო“ – გრაფაში უნდა დაისვას დეკლარაციის მიმღები საბაჟო ორგანოს დამღა – „აყვანილია კონტროლზე“. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გაფორმების თარიღს. საბაჟო კონტროლის დამადასტურებელი დამღა მოწმდება ამავე მოხელის პირადნომრიანი ბეჭდით. ბეჭდის დასმა დამღის შიგნით დაუშვებელია. ხელმოწერა შესრულებული უნდა იყოს გარკვევით. სრულყოფილად უნდა იკითხებოდეს ბეჭდისა და დამღის ნომრები და წარწერა.

5. გრაფა „D“ – ივსება 53-ე გრაფაში მითითებულ დანიშნულების საბაჟო ორგანოში. გრაფაში აღინიშნება კონტროლიდან მოხსნის ნომერი, რომელიც მოწმდება პასუხისმგებელი მოხელის პირადნომრიანი ბეჭდით. დამატებითი ფურცლების აღნიშნულ გრაფაში ისმება მხოლოდ პასუხისმგებელი მოხელის პირადნომრიანი ბეჭედი.

6. გრაფა „E“ – უნდა დაისვას 53-ე გრაფაში მითითებული დანიშნულების საბაჟო ორგანოს დამღა – „მოხსნილია კონტროლიდან“. დამღაში მითითებულ ადგილზე პასუხისმგებელი მოხელე აწერს ხელს და მიუთითებს კონტროლიდან მოხსნის თარიღს. ხელმოწერა შესრულებული უნდა იყოს გარკვევით, სრულყოფილად უნდა იკითხებოდეს დამღის ნომერი და წარწერა.

7. თუ დეკლარაციის გრაფები – 2, 3, 8, 15, 15ა, 17, 17ა, 18, 19, 21, 25, 27, 31, 32, 40 არასწორად არის შევსებული და აღნიშნული შეცდომა არ იწვევს საბაჟო სამართალდარღვევისათვის პასუხისმგებლობას, საბაჟო ორგანოს პასუხისმგებელ მოხელეს შეუძლია ცვლილებები შეიტანოს დეკლარაციის აღნიშნულ გრაფებში.

თავი III

დასკვნითი დებულებანი

მუხლი 12

დეკლარაცია, თანმხლები საბუთები და ცნობები ინახება საქართველოს საბაჟო კანონმდებლობით დადგენილი წესით.

დანართი №5

ინსტრუქცია

ფიზიკური პირის საბაჟო დეკლარაციის ფორმისა და შევსების წესის შესახებ

მუხლი 1

1. ეს ინსტრუქცია განსაზღვრავს საქართველოს საბაჟო საზღვარზე ფიზიკური პირის მიერ დეკლარირებას დაქვემდებარებული „ფიზიკური პირის საბაჟო დეკლარაციის“ (დანართი №6) მე-3 ნაწილში მითითებული საგნების გადაადგილებისას „ფიზიკური პირის საბაჟო დეკლარაციის“ (შემდგომში – დეკლარაცია) ფორმისა და შევსების წესს.

2. შევსებული დეკლარაცია რჩება საბაჟო ორგანოში და ინახება არანაკლებ 6 წლის განმავლობაში.

3. დეკლარციაში არ უნდა იყოს წაშლილი და გადასწორებული ადგილები. ყოველი შესწორების შეტანა უნდა მოხდეს არასწორი მონაცემების გადახაზვით და თუ საჭიროა, შესაბამისი მონაცემების იმავე ფურცელზე ჩამატებით. ყოველი შესწორება მოწმდება საბაჟო ორგანოს პასუხისმგებელი პირის ხელმოწერით და პირადნომრიანი ბეჭდის დასმით.

4. დეკლარაცია ივსება ფიზიკური პირის მიერ, სურვილისამებრ – ქართულ, რუსულ ან ინგლისურ ენაზე. გაურკვევლად შევსებული დეკლარაციები საბაჟო ორგანოების მიერ არ მიიღება.

5. დეკლარაცია ივსება ორ ეგზემპლარად. ერთი ეგზემპლარი რჩება საბაჟო ორგანოს, ხოლო მეორე ეგზემპლარი გადაეცემა ფიზიკურ პირს.

მუხლი 2

„ნაწილი 1. საბაჟო რეჟიმები“

შესაბამის კვადრატში კეთდება აღნიშვნა – „X“.

მუხლი 3.

„ნაწილი 2. პირადი ინფორმაცია“

ა) 2.1 ქვეპუნქტში აღინიშნება პირის გვარი;

ბ) 2.2 ქვეპუნქტში აღინიშნება პირის სახელი;

გ) 2.3 ქვეპუნქტში აღინიშნება პირის მუდმივი საცხოვრებელი (რეგისტრაციის) ადგილი;

დ) 2.4 ქვეპუნქტში აღინიშნება პირის მოქალაქეობა;

ე) 2.5 ქვეპუნქტში აღინიშნება პირის პასპორტის ნომერი და პირადი ნომერი;

ვ) 2.6 ქვეპუნქტში აღინიშნება პირის დაბადების თარიღი;

ზ) 2.7 ქვეპუნქტში აღინიშნება ქვეყანა, საიდანაც ჩამოვიდა პირი;

თ) 2.8 ქვეპუნქტში აღინიშნება ქვეყანა, სადაც მიემგზავრება პირი;

ი) 2.9 და 2.10 ქვეპუნქტებში აღინიშნება ხელბარგისა და ბარგის შეკვრების რაოდენობა.

საქართველოს ფინანსთა მინისტრის 2008 წლის 10 აპრილის ბრძანება №339-სსმIII, №57, 15.04.2008წ., მუხ.665

მუხლი 4.

„ნაწილი 3. ინფორმაცია საქონლის შესახებ“

შესაბამის კვადრატში კეთდება აღნიშვნა – „X“.

მუხლი 5.

„ნაწილი 4.“ თუ დეკლარაციის მესამე ნაწილის გრაფებში აირჩიეთ დადებითი პასუხი, შეავსეთ ცხრილი (გარდა 3.9 ქვეპუნქტის შემთხვევისა). ცხრილის შესაბამის უჯრებში აღინიშნება საქონლის დასახელება, მათი მოკლე აღწერილობა, რაოდენობა (ზომის ერთეულის მითითებით სეს ესნ-ის მიხედვით) როგორც ციფრებით, ისე სიტყვიერად. თუ ცხრილში დარჩება ცარიელი უჯრები, ისინი გადაიხაზება.

მუხლი 6

„ნაწილი 5. მნიშვნელოვანი ინფორმაცია“

ა) შესაბამის ადგილზე დეკლარანტი აკეთებს ხელმოწერას, ხოლო „თარიღის“ გასწვრივ აღნიშნავს დეკლარაციის შევსების თარიღს რიცხვის, თვის და წელიწადის მითითებით;

ბ) საბაჟო ორგანოს უფლებამოსილი მოხელე შესაბამის ადგილზე აკეთებს ხელმოწერას და „ბ.ა“-ზე (ბეჭდის ადგილზე) ამოწმებს მისი პირადნომრიანი ბეჭდით. ამასთან, სრულყოფილად უნდა იკითხებოდეს ბეჭდის ნომერი და წარწერა.

მუხლი 7

„დეკლარირებას დაქვემდებარებული საქონელი“ (დანართი №7)

ა) ცხრილის შესაბამის უჯრებში აღინიშნება საქონლის დასახელება, მათი მოკლე აღწერილობა, რაოდენობა (ზომის ერთეულის მითითებით სეს ესნ-ის მიხედვით) როგორც ციფრებით, ისე სიტყვიერად. თუ ცხრილში დარჩება ცარიელი უჯრები, ისინი გადაიხაზება;

ბ) შესაბამის ადგილზე დეკლარანტი აკეთებს ხელმოწერას, ხოლო „თარიღის“ გასწვრივ აღნიშნავს დეკლარაციის შევსების თარიღს რიცხვის, თვის და წელიწადის მითითებით;

გ) საბაჟო ორგანოს უფლებამოსილი მოხელე შესაბამის ადგილზე აკეთებს ხელმოწერას და „ბ.ა“-ზე (ბეჭდის ადგილზე) ამოწმებს მისი პირადნომრიანი ბეჭდით. ამასთან, სრულყოფილად უნდა იკითხებოდეს ბეჭდის ნომერი და წარწერა.

დ) დანართი №7-ით გათვალისწინებული „დეკლარირებას დაქვემდებარებული საქონლის“ ცხრილის საბაჟოს ეგზემპლარი რჩება საბაჟო ორგანოს, ხოლო დეკლარანტის ეგზემპლარი – დეკლარანტს.

დანართი №6

საქართველოს ფინანსთა სამინისტრო შემოსავლების სამსახური

ფიზიკური პირის საბაჟო დეკლარაცია

1. საბაჟო რეჟიმები

1.1. საქართველოში შემოსვლა (იმპორტი)

1.2. საქართველოდან გასვლა (ექსპორტი)

1.3. ტრანზიტი

2. პირადი ინფორმაცია

2.1. გვარი-----------------------------------------------------------------------------------------------------

2.2. სახელი---------------------------------------------------------------------------------------------------

2.3. საცხოვრებელი ადგილი (ქვეყანა, მისამართი)------------------------------------------------------

2.4. მოქალაქეობა---------------------------------------------------------------------------------------------

2.5. პასპორტის ნომერი და პირადი ნომერი -------------------------------------------------------------

2.6. დაბადების თარიღი ------------------------------------------------------------------------------------

2.7. ქვეყანა, საიდანაც ჩამოვიდა პირი--------------------------------------------------------------------

2.8. ქვეყანა, სადაც მიემგზავრება პირი-------------------------------------------------------------------

2.9. თან მიმაქვს ბარგი და ხელბარგი ---------------------------------------------------------- ადგილი

2.10. ჩემგან დამოუკიდებლად იგზავნება ბარგი ----------------------------------------------ადგილი

3. ინფორმაცია საქონლის შესახებ

თან მაქვს ან ბარგით და ხელბარგით გადავაადგილებ შემდეგ საქონელს:

3.1. 30 000 ლარზე (ან სხვა ვალუტაში მის ეკვივალენტზე) მეტი ოდენობის ნაღდი ფული ან ფასიანი ქაღალდები

დიახ არა

3.2. იარაღი ან ასაფეთქებელი მასალები

დიახ არა

3.3. ნარკოტიკული ან ფსიქოტროპიული ნივთიერებები

დიახ არა

3.4. ანტიკვარული ან ხელოვნების ნიმუშები

დიახ არა

3.5. მომწამვლელი ნივთიერებები ან მედიკამენტები

დიახ არა

3.6. მცენარეები და ცხოველები, მათი ნაწილები ან მათგან მიღებული პროდუქცია

დიახ არა

3.7. მაღალი სიხშირის რადიოელექტრონული მოწყობილობები, კავშირგაბმულობის საშუალებები

დიახ არა

3.8. რადიოაქტიური მასალები

დიახ არა

3.9. ეკონომიკური საქმიანობისათვის განკუთვნილი საქონელი

დიახ არა

(დადებითი პასუხის შემთხვევაში საქონლის რეკვიზიტები დეკლარანტის მიერ მიეთითება დანართ №7-ში)

ნებისმიერი ოდენობით ვალუტის საქართველოში შემოტანა და მისი გატანა თავისუფლდება გადასახდელებისაგან, თუმცა პირის მიერ 30 000 ლარზე (ან სხვა ვალუტაში მის ეკვივალენტზე) მეტი ოდენობის ნაღდი ფულის ან ფასიანი ქაღალდების საზღვარზე გადაადგილება ექვემდებარება სავალდებულო დეკლარირებას.

იმ შემთხვევაში, თუ პირი არ განახორციელებს სავალდებულო საბაჟო დეკლარირებას დაქვემდებარებული საქონლის დეკლარირებას, მის მიმართ გატარდება მოქმედი კანონმდებლობით გათვალისწინებული პასუხისმგებლობის შესაბამისი ღონისძიებები.

4. თუ დეკლარაციის მე-3 ნაწილის გრაფებში აირჩიეთ დადებითი პასუხი, შეავსეთ ცხრილი (გარდა 3.9 ქვეპუნქტის შემთხვევისა):

№	საქონლის დასახელება	რაოდენობა (ზომის ერთეული სეს ესნ-ის მიხედვით)

მოგესალმებათ საქართველოს საბაჟო ! ! !

საქართველოს საბაჟო სამსახური ვალდებულია აღკვეთოს აკრძალული ნივთების ქვეყანაში შემოტანა. საბაჟო მოხელე უფლებამოსილია დაგისვათ შეკითხვები, შეამოწმოს თქვენი პირადი ბარგი და ხელბარგი. თუ თქვენ შეგარჩიეს შემოწმებისათვის, საბაჟოს მოხელეები მოგეპყრობიან თავაზიანად, პროფესიონალურად და დაიცავენ თქვენს უფლებებს. საბაჟოს თანამშრომლები უპასუხებენ თქვენს შეკითხვებს. გაუგებრობის შემთხვევაში შეგიძლიათ ისარგებლოთ შემოსავლების სამსახურის სატელეფონო ცენტრის მომსახურებით, ცხელი ხაზის № 8 800 111.

5. მნიშვნელოვანი ინფორმაცია

5.1. იმპორტისას საბაჟო გადასახდელებისაგან თავისუფლდება პირის მიერ ერთი დღე-ღამის განმავლობაში შემოტანილი:

5.1.1. საგარეო-ეკონომიკური საქმიანობის სასაქონლო ნომენკლატურის 06, 07, 08, 19 ჯგუფებისა და 0401–0406, 1601, 1702–1704, 2101–2102 სასაქონლო პოზიციების შესაბამისი ჯამური თანხით 500 ლარამდე ღირებულების, საერთო წონით არა უმეტეს 30 კგ-ისა კვების პროდუქტები (მხოლოდ ფიზიკური პირის მიერ, მათ შორის, საფოსტო გზავნილის შემთხვევაში);

5.1.2. საგარეო-ეკონომიკური საქმიანობის სასაქონლო ნომენკლატურის 28–96 ჯგუფების შესაბამისი 1000 ლარამდე (ფიზიკური პირის მიერ საჰაერო ტრანსპორტით შემოტანისას – 3000 ლარამდე) ღირებულების, 50 კგ-მდე საერთო წონის საქონელი, რომელიც არ არის განკუთვნილი ეკონომიკური საქმიანობისათვის;

5.1.3. უცხოეთში ყოველ 6 თვეზე მეტი ხნით ყოფნის შემდეგ საქართველოში შემოსული ფიზიკური პირის მიერ საგარეო-ეკონომიკური საქმიანობის სასაქონლო ნომენკლატურის 28–96 ჯგუფების შესაბამისი 7500 ლარამდე ღირებულების საქონელი, რომელიც არ არის განკუთვნილი ეკონომიკური საქმიანობისათვის, ხოლო უცხო ქვეყანაში საქართველოს დიპლომატიური წარმომადგენლობიდან ან საკონსულო დაწესებულებიდან როტაციის წესით სამუშაო მივლინებიდან გამოწვეული დიპლომატიური თანამდებობის პირისათვის – დამატებით მის მიერ პირადი სარგებლობისათვის განკუთვნილი საქონელი (ოჯახზე ერთი სატრანსპორტო საშუალება, მაცივარი, კომპიუტერი და ტელევიზორი);

5.1.4. 18 წლის ასაკს მიღწეული პირის მიერ შემოტანილი 200 ღერი სიგარეტი და 2 ლირტი ყველა სახის ალკოჰოლური სასმელი, აგრეთვე 50 სიგარა (სიგარილა) ან 250 გრამი თამბაქო ან თამბაქოს დასახელებული ნაწარმი საერთო წონით არა უმეტეს 250 გრამისა (აქციზის გადასახადის გარდა);

5.1.5. საქართველოში მუდმივად საცხოვრებლად შემოსვლისას ფიზიკური პირის მიერ შემოტანილი საქონელი (მათ შორის, ავეჯი, საყოფაცხოვრებო დანიშნულების საქონელი, ოჯახზე ერთი სატრანსპორტო საშუალება), რომელიც არ არის განკუთვნილი ეკონომიკური საქმიანობისათვის.

5.2. თუ თქვენ მიერ საქართველოში შემოტანილი საქონლის პარამეტრები აღემატება მე-5 ნაწილის 5.1. პუნქტში აღნიშნულს, თქვენ შეგიძლიათ:

5.2.1. საქონელი მოათავსოთ დროებითი შენახვის საწყობში და წარადგინოთ შესაბამისი განაცხადი;

5.2.2. საქონელი თქვენ მიერ მითითებულ საბაჟო დამუშავების ოპერაციის ადგილამდე გადააადგილოთ „საბაჟო კონტროლის ქვეშ მყოფი საქონლის ან/და სატრანპორტო საშუალების აღრიცხვის მოწმობით“ კანონმდებლობით დადგენილი წესით. ამასთან, თუ თქვენ მიერ შემოტანილი დაბეგვრას დაქვემდებარებული საქონელი არ აღემატება 20 კგ-სა და 0,5მ³-ს, უნდა მოითხოვოთ დანართი №7 და შეიტანოთ მასში საქონლის შესახებ შესაბამისი ინფორმაცია, ხოლო საბაჟო ორგანო შესაძლებლობის შემთხვევაში უზრუნველყოფს ამ საქონლის მიტანას უახლოეს ან თქვენ მიერ მითითებულ საბაჟო დამუშავების ოპერაციის ადგილამდე;

5.2.3. წარადგინოთ სატვირთო-საბაჟო დეკლარაცია კანონმდებლობით განსაზღვრულ ადგილებში. ამასთან, საბაჟო ორგანოს მიერ გადაადგილებული დაბეგვრას დაქვემდებარებული 20 კგ-სა და 0,5მ³-ზე ნაკლები საქონლის დანიშნულების ადგილზე მიტანის დროს, თქვენი მოთხოვნის საფუძველზე, საბაჟო ორგანო ავსებს სატვირთო საბაჟო დეკლარაციას.

„--------“ -------------------- 200---- წელი

დეკლარანტის ხელმოწერა --------------------------------

დანართი №7

საბაჟოს ეგზემპლარი

დეკლარირებას დაქვემდებარებული საქონლის ნუსხა

№	საქონლის დასახელება	რაოდენობა (ზომის ერთეული სეს ესნ-ის მიხედვით

„-------“ ----------------------- 200--------- წელი

დეკლარანტის ხელმოწერა ------------------------

საბაჟო ორგანოს უფლებამოსილი პირის ხელმოწერა-------------------------------- ბ.ა.

დეკლარანტის ეგზემპლარი

დეკლარირებას დაქვემდებარებული საქონლის ნუსხა

№	საქონლის დასახელება	რაოდენობა (ზომის ერთეული სეს ესნ-ის მიხედვით)

„--------“ --------------------- 200--------წელი

დეკლარანტის ხელმოწერა ---------------------

საბაჟო ორგანოს უფლებამოსილი პირის ხელმოწერა------------------------------ ბ.ა.

დანართი №8

ინსტრუქცია

საფოსტო გზავნილის დეკლარაციის ფორმისა და შევსების წესების შესახებ

თავი I

ზოგადი დებულებები

მუხლი 1

„საფოსტო გზავნილის დეკლარაციის ფორმისა და შევსების წესების შესახებ“ ინსტრუქცია (შემდგომში – ინსტრუქცია) ადგენს საქონლის საბაჟო დამუშავების ოპერაციების გამოყენებისას საფოსტო გზავნილების დეკლარაციის (შემდგომში – დეკლარაცია) ფორმისა და შევსების წესს.

მუხლი 2

ინსტრუქციაში გამოყენებულ ტერმინთა განმარტებები:

ბ) საფოსტო გზავნილი – ამანათში მოთავსებული საქონელი და/ან დოკუმენტები;

გ) სატრანსპორტო დოკუმენტები – სატრანსპორტო ზედდებული ან საქონლის თანმხლები სხვა დოკუმენტები, რომელთა საფუძველზეც ხორციელდება საქონლის საერთაშორისო და/ან საქართველოს საბაჟო ტერიტორიაზე საბაჟო ზედამხედველობის ქვეშ მისი გადაზიდვა.

მუხლი 3

1. დეკლარაციის წარდგენა ხდება საქართველოს კანონმდებლობით განსაზღვრულ იმ საბაჟო ორგანოში, სადაც წარმოებს შესაბამისი საბაჟო პროცედურები.

2. იმპორტისა და ექსპორტის საბაჟო რეჟიმების დროს სატვირთო-საბაჟო დეკლარაციას ავსებს დეკლარანტი, შესაბამისად „საბაჟო რეჟიმების (გარდა ტრანზიტის საბაჟო რეჟიმისა) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციის მე-8 მუხლის პირველი პუნქტისა და მე-11 მუხლის მიხედვით, გარდა იმ შემთხვევისა, როდესაც დეკლარანტი თხოვნით მიმართავს საბაჟო ორგანოს დეკლარაციის შევსების თაობაზე.

მუხლი 4

1. დეკლარაციის წარდგენა ხდება საბაჟო ორგანოში დეკლარანტის მიერ საქონლის წარდგენასთან ერთად.

2. საფოსტო გზავნილში მოთავსებული საქონლის ექსპორტის და/ან იმპორტის დროს დეკლარანტი საბაჟო ორგანოში წარადგენს საფოსტო გზავნილის დეკლარაციას (CN 23, დანართი N10), ხოლო საფოსტო გზავნილში მოთავსებული დოკუმენტების, აგრეთვე 5 კილოგრამამდე საქონლის დროს საფოსტო დაწესებულებაში წარადგენს საფოსტო გზავნილის დეკლარაციას (CN 22, დანართი №9)

3. თუ საფოსტო გზავნილის იმპორტის დროს მასში მოთავსებული საქონლის რაოდენობა აღემატება საქართველოს საგადასახადო კოდექსით გათვალისწინებულ დაუბეგრავ რაოდენობასა და ღირებულებას, გზავნილის მიმღები საფოსტო გზავნილის დეკლარაციასთან (CN 23) ერთად წარადგენს სატვირთო-საბაჟო დეკლარაციას, ხოლო ექსპორტის საბაჟო რეჟიმის დროს ფიზიკური პირის მიერ გასატან საქონელზე სატვირთო-საბაჟო დეკლარაცია წარედგინება იმ შემთხვევში, თუ საქონლის ღირებულება აღემატება 3000 ლარს.

4. სატვირთო-საბაჟო დეკლარაცია არ წარედგინება იმ შემთხვევაში, თუ საქონელი გათავისუფლებულია საბაჟო გადასახდელებისაგან.

5. დეკლარანტს უფლება აქვს, სურვილის შემთხვევაში, დამატებით წარადგინოს აგრეთვე სატვირთო-საბაჟო დეკლარაცია.

თავი II

საფოსტო გზავნილის დეკლარაცია (CN 23-ის) შევსების წესი ექსპორტის დროს

მუხლი 5

1. გრაფაში „საიდან“ – ჩაიწერება „საქართველო“.

2. გრაფაში „სად“ – ჩაიწერება „იმპორტიორი ქვეყნის დასახელება“.

3. გრაფაში „გამგზავნის გვარი და მისამართი“ – ჩაიწერება გამგზავნი პირის სახელი, გვარი, მისამართი, ხოლო იურიდიული პირის შემთხვევაში – იურიდიული პირის დასახელება და მისამართი.

4. გრაფაში „მიმღების გვარი და სრული მისამართი“ – ჩაიწერება მიმღების სახელი, გვარი ან იურიდიული პირის რეკვიზიტები და მისამართი.

5. გრაფაში „გზავნილის აღწერილობა (ჩამონათვალი) და რაოდენობა“ – ჩაიწერება საქონლის დასახელება (დასახელებები) და რაოდენობა სეს სენ-ის განზომილებების მიხედვით.

6. გრაფაში „გზავნილის ნომერი“ – ჩაიწერება საფოსტო ადმინისტრაციის მიერ მინიჭებული ნომერი, ხოლო ქვედა ცარიელ გრაფაში მიეთითება ზედდებულის ნომერი.

7. გრაფაში „გამგზავნი პუნქტი“ – მიეთითება გამგზავნი საფოსტო ადმინისტრაცია.

8. გრაფაში „გაგზავნის თარიღი“ – მიეთითება საფოსტო დაწესებულებიდან გაგზავნის თარიღი.

9. გრაფაში „წონა“ – მიეთითება ბრუტო წონა კოლოგრამებში.

10. გრაფებში „გამგზავნის ხელმოწერა“, „ოპერატორის ხელმოწერა“ და „გამგზავნი პუნქტის ბეჭედი“ – მიეთითება შესაბამისად გამგზავნი პირის ხელმოწერა და ბეჭედი (არსებობის შემთხვევაში), საფოსტო დაწესებულების უფლებამოსილი პირის ხელმოწერა და გამგზავნი საფოსტო პუნქტის ბეჭედი.

11. დეკლარაცია ივსება საფოსტო ორგანოში 4 ეგზემპლარად, რომელთაგან ერთი რჩება საბაჟო ორგანოს, ერთი – საფოსტო ორგანოს, ხოლო ორი ეგზემპლარი მიყვება საქონელს დანიშნულების ადგილზე.

თავი III

საფოსტო გზავნილის დეკლარაციის (CN 22-ის) შევსების წესი ექსპორტის დროს

მუხლი 6

1. გრაფაში „დეტალური აღწერა მოთავსებული ნივთისა“ – ჩაიწერება ამანათში არსებული დოკუმენტების, სურათების და ა. შ დასახელება, აგრეთვე არსებობის შემთხვევაში საქონლის დასახელება.

2. გრაფაში „დოკუმენტი“ – გადაიხაზება უჯრა, იმ შემთხვევაში, როდესაც ამანათში მოთავსებული იქნება დოკუმენტები.

3. გრაფაში „საქონელი“ – გადაიხაზება უჯრა, იმ შემთხვევაში, როდესაც ამანათში მოთავსებული იქნება საქონელი.

4. გრაფაში „ღირებულება“ – მიეთითება დოკუმენტების ან საქონლის დეკლარანტის მიერ გაცხადებული ღირებულება.

5. გრაფებში „ხელმოწერა“ – მიეთითება შესაბამისად გამგზავნი პირის (დეკლარანტის) ხელმოწერა.

6. დეკლარაცია ივსება საფოსტო ორგანოში 4 ეგზემპლარად, რომელთაგან ერთი რჩება საბაჟო ორგანოს, ერთი – საფოსტო ორგანოს, ხოლო ორი ეგზემპლარი მიყვება საქონელს დანიშნულების ადგილზე.

თავი IV

საფოსტო გზავნილებით გასაგზავნი აკრძალული საქონლის ნუსხა

მუხლი 7

1. აკრძალულია საფოსტო გადაზიდვებით შემდეგი გზავნილების გადაგზავნა (გარდა იმ შემთხვევისა, როდესაც მოცემული გზავნილი იგზავნება ე.წ „გამოცხადებული ფასდადებით“, რაც იმას ნიშნავს, რომ წინასწარ ცხადდება მოცემულ გზავნილში მოთავსებული საქონლის ფასი მისი დაზღვევის მიზნით):

ა) მონეტები;

ბ) საბანკო და საკრედიტო ბილეთები და სხვა ფასიანი ქაღალდები;

გ) საგზაო ჩეკები;

დ) პლატინა, ოქრო და ვერცხლი ნაკეთობების ან გადაუმუშავებელი სახით;

ე) ძვირფასი ქვები, საიუველირო ნაწარმი და სხვა ძვირფასი საგნები.

2. აკრძალულია აგრეთვე წერილობითი კორესპონდენციების გზავნილებით შემდეგი საქონლის გაგზავნა:

ა) ნარკოტიკული და ფსიქოტროპული ნივთიერებები;

ბ) ფეთქებადი და სხვა საშიში ნივთიერებები;

გ) უხამსი ნივთები;

დ) საქონელი, რომლის შემოტანა ქვეყანაში აკრძალულია;

ე) ცოცხალი ცხოველები.

3. საფოსტო გზავნილებით დასაშვებია ქვემოთ ჩამოთვლილი საქონლის გაგზავნა (გარდა იმ შემთხვევებისა, როდესაც ასეთ საქონელი იგზავნება ე.წ „გამოცხადებული ფასდადებით“):

ა) ფუტკარი, წურბელა, ფუტკრის ჭია;

ბ) პარაზიტები და მავნე მწერების გამანადგურებლები, ამ მწერების გამოკვლევის მიზნით.

დანართი №9

საბაჟო CUSTOMS		CN 22
შესაძლებელია გაიხსნას ოფიციალურად May be opened officially		(old C1)
მოხსენით ეს მხარე იმ შემთხვევაში, თუ მას თან ახლავს საბაჟო დეკლარაცია. სხვა შემთხვევაში ეს უნდა იქნეს შევსებული Detach this part of the packet if accompanied by Customs declaration. Otherwise it must be completed.
დეტალური აღწერა მოთავსებული ნივთისა Detailed Description of Contents -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- --------------------------------------------------------------------------------------------------------------------------
დოკუმენტი Document	საქონელი Merchandise
ღირებულება (მითითებული უნდა იქნეს ვალუტა) Value (specify the currency)
ვადასტურებ, რომ შიგნით მითავსებული ნივთი არ შეიცავს საშიშ ნივთიერებებს, რომელიც აკრძალულია საფოსტო წესების მარეგულირებელი კანონით I sertify that this item does not contain any danger article prohibited by postal regulation. ხელმოწერა ––––––––––––––––––– Signature

დანართი №10

დანართი №11-(ამოღებულია)

დანართი №12

ნედლი ნავთობისა და მისი გადამუშავებით მიღებული საქონლის (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით) ნუსხა

1. ნედლი ნავთობი (გარდა მილსადენისა)	2709 00, 2709 00 100 00, 2709 00 900 00
2. ბიტუმი	2713 20 000 00, 2713 90 900 00
3. ნავთობის მსუბუქი დისტილატები: - ბენზინი გადამუშავებისათვის - სპეციალური ბენზინი საავტომობილო ბენზინები: - ბენზინი ნორმალი აი-80 - ბენზინი რეგულარი აი-91 - ბენზინი პრემიუმი აი-95 - ბენზინი სუპერი აი-98 - რეაქტიული და სხვა ბენზინი	2710 11 110 00 , 2710 11 150 00 2710 11 210 00 , 2710 11 250 00 2710 11 410 00 2710 11 410 00 2710 11 450 00 2710 11 490 00 2710 11 700 00 , 2710 11 900 00
4. ნავთობის მძიმე დისტილატები: გაზოილი (დიზელის საწვავი): - დიზელის საწვავი გადამუშავებისათვის - დიზელის მოტორული საწვავი - თხევადი საწვავი (მაზუთი)	2710 19 310 00 , 2710 19 350 00 2710 19 410 00 - 2710 19 490 00 2710 19 510 00 - 2710 19 690 00

დანართი №13-(ამოღებულია)

დანართი №14-(ამოღებულია)

დანართი №15

საბაჟო დეკლარირების კლასიფიკატორი

ნაწილი 1. საბაჟო დამუშავების ოპერაციების კლასიფიკატორი

№	დასახელება	კოდი
	საბაჟო რეჟიმები
1	საქონლის თავისუფალ მიმოქცევაში გაშვება (იმპორტი)	40
2	საქონლის თავისუფალ მიმოქცევაში გაშვება (იმპორტი) გამარტივებული საბაჟო კონტროლით	44
3	საქონლის ტრანზიტი	80
4	საბაჟო საწყობში საქონლის შენახვა	74
5	საბაჟო ტერიტორიაზე საქონლის გადამუშავება	51
6	საქონლის დროებითი შემოტანა	34
7	საბაჟო ტერიტორიის გარეთ საქონლის გადამუშავება	61
8	საქონლის ექსპორტი	10
	საბაჟო დამუშავების სხვა ოპერაციები
1	საქონლის გადატანა თავისუფალ ზონაში ან თავისუფალ საწყობში	71
2	საქართველოს საბაჟო ტერიტორიიდან საქონლის რეექსპორტი	11
3	საქონლის განადგურება საბაჟო ზედამხედველობის ქვეშ	76
4	საქონლის გადაცემა სახელმწიფო საკუთრებაში	75

ნაწილი 2. საბაჟო ორგანოებისა და საბაჟო დამუშავების ოპერაციების ადგილების კლასიფიკატორი

1. საბაჟო ორგანოები

№	კოდი	საბაჟო ორგანოები
1	60000	თბილისის რეგიონალური ცენტრი (საგადასახადო ინსპექცია)
2	69405	ქუთაისის რეგიონალური ცენტრი (საგადასახადო ინსპექცია)
3	69114	რუსთავის რეგიონალური ცენტრი (საგადასახადო ინსპექცია)
4	69205	გორის რეგიონალური ცენტრი (საგადასახადო ინსპექცია)
5	69037	თელავის რეგიონალური ცენტრი (საგადასახადო ინსპექცია)
6	69038	ახალციხის რეგიონალური ცენტრი (საგადასახადო ინსპექცია)
7	69202	ცხინვალის რეგიონალური ცენტრი (საგადასახადო ინსპექცია)
8	69555	ბათუმის რეგიონალური ცენტრი (საგადასახადო ინსპექცია)
9	69656	ფოთის რეგიონალური ცენტრი (საგადასახადო ინსპექცია)
10	69001	საბაჟო საგუშაგო „თბილისის აეროპორტი“
11	69002	საბაჟო გამშვები პუნქტი „წითელი ხიდი“
12	69003	საბაჟო გამშვები პუნქტი „სადახლო“
13	69005	საბაჟო გამშვები პუნქტი „გუგუთი“
14	69006	საბაჟო გამშვები პუნქტი „ახკერპი“
15	69007	საბაჟო გამშვები პუნქტი „სამთაწყარო“
16	69009	საბაჟო გამშვები პუნქტი „გარდაბანი“
17	69010	საბაჟო გამშვები პუნქტი „ლაგოდეხი“
18	69021	საბაჟო გამშვები პუნქტი „მტკვარი“
19	69101	საბაჟო გამშვები პუნქტი „ყაზბეგი“
20	69301	საბაჟო გამშვები პუნქტი „ვალე“
21	69302	საბაჟო გამშვები პუნქტი „ნინოწმინდა“
22	69401	საბაჟო გამშვები პუნქტი „ქუთაისის და სენაკის აეროპორტი“
23	69501	საბაჟო საგუშაგო „ფოთისა და ყულევის პორტები“
24	69601	საბაჟო გამშვები პუნქტი „სარფი“
25	69602	საბაჟო საგუშაგო „ბათუმის პორტი“
26	69603	საბაჟო გამშვები პუნქტი „ბათუმის აეროპორტი“

შენიშვნა: აღრიცხვის მოწმობის შევსების დროს კოდი – 60000 მიეთითება იმ შემთხვევაში,

თუ საქონელი განკუთვნილია დახურული ტიპის საბაჟო საწყობში შესანახად.

საქართველოს ფინანსთა მინისტრის 2008 წლის 18 იანვრის ბრძანება №60-სსმIII, №9, 22.01.2008წ., მუხ.109

საქართველოს ფინანსთა მინისტრის 2008 წლის 25 თებერვლის ბრძანება №185-სსმIII, №32, 29.02.2008წ., მუხ.346

2. საბაჟო დამუშავების ოპერაციების განხორციელების სხვა ადგილები

რეგიონალური ცენტრები (საგადასახადო ინსპექციები)

№	კოდი	რეგიონალური ცენტრები (საგადასახადო ინსპექციები)
1	60000 69040 69000 20002 69026 69227 69043 69015 69016 69030 69250	თბილისის რეგიონალური ცენტრი (საგადასახადო ინსპექცია): ქ. თბილისი, ჭირნახულის I შესახვევი №7; ქ. თბილისი, ცოტნე დადიანის ქ. №30; ქ. თბილისი, ცოტნე დადიანის ქ. №30 (მხოლოდ საბაჟო-სავაჭრო თანამშრომლობის მონაწილეთა მიერ, ან მათი დანიშნულებით საქართველოს საბაჟო ტერიტორიაზე შემოტანილი საქონლის საბაჟო დამუშავების ოპერაციებისათვის); ქ. თბილისი, აეროპორტის მიმდებარე ტერიტორია; ქ. მცხეთა, მუხრანის ქ. №17; საქართველოს საბაჟო საზღვრიდან ქ. თბილისის რკინიგზის სამგზავრო სადგურის ტერიტორიის ჩათვლით და უკუმიმართულებით მოძრავი ერევანი-ბათუმი-ერევანი, ბათუმი-ერევანი-ბათუმის საერთაშორისო სარკინიგზო მიმოსვლის ძირითადი მარშრუტის მსვლელობის სწრაფი სამგზავრო მატარებელი. იმ შემთხვევაში, თუ ვერ ხერხდება აღნიშნული პროცედურის მატარებელში წარმართვა, საქონლის საბაჟო რეჟიმში მოქცევის ოპერაცია განხორციელდება უახლოეს ან დეკლარანტის მიერ შერჩეულ საბაჟო პროცედურის ჩატარების ადგილზე; ქ. თბილისი, აეროპორტის დასახლება (შპს „გაკო ტერმინალის“ საწყობის ტერიტორია); ქ. თბილისი, ქიზიყის ქ. №4 (შპს „კასპიან კრედო & ჯორჯიას“ საწყობის ტერიტორია); ქ. თბილისი, იუმაშევის ქ. №14 (სს „ლილო 1“-ის საწყობის ტერიტორია); ქ. გორი, მოსკოვის ქ. №1, ს.ს.ი.პ. საქართველოს შინაგან საქმეთა სამინისტროს მომსახურების სააგენტოს აღმოსავლეთ საქართველოს სამმართველოს ქ. გორის განყოფილების შენობა
2	69300 69350	ახალციხის რეგიონალური ცენტრი (საგადასა-ხადო ინსპექცია): საბაჟო გამშვები პუნქტი „ვალეს“ ტერიტორია; ქ. ახალციხე, ახალქალაქის გზატკეცილი №2, სსიპ საქართველოს შინაგან საქმეთა სამინისტროს მომსახურების სააგენტოს აღმოსავლეთ საქართველოს სამმარ-თველოს ქ. ახალციხის განყოფილების შენობა
3	69017 69070	თელავის რეგიონალური ცენტრი (საგადასახადო ინსპექცია): ქ. თელავი, ერეკლე II–ის გამზ. №1; ქ. თელავი, ჩოლოყაშვილის ქ. №21, სსიპ საქართველოს შინაგან საქმეთა სამინისტროს მომსახურების სააგენტოს აღმოსავლეთ საქართველოს სამმართველოს ქ. თელავის განყოფილების შენობა
4	69033 69150	ცხინვალის რეგიონალური ცენტრი (საგადასახადო ინსპექცია): სოფელი ქურთა; სოფელი ხეითი, სსიპ საქართველოს შინაგან საქმეთა სამინისტროს მომსახურების სააგენტოს აღმოსავლეთ საქართველოს სამმართველოს ხეითის განყოფილების შენობა
5	69400 69450	ქუთაისის რეგიონალური ცენტრი (საგადასახადო ინსპექცია): წყალტუბოს რაიონი, სოფ. ქვიტირი, „საბაჟო-კემპინგი“; სსიპ საქართველოს შინაგან საქმეთა სამინისტროს მომსახურების სააგენტოს დასავლეთ საქართველოს სამმართველოს ქ. ქუთაისის განყოფილების შენობა
6	69014 69050	რუსთავის რეგიონალური ცენტრი (საგადასახადო ინსპექცია): ქ. რუსთავი, ფიროსმანის ქ. №38; სსიპ საქართველოს შინაგან საქმეთა სამინისტროს მომსახურების სააგენტოს თბილისის სამმართველოს სარეგისტრაციო განყოფილების შენობა
7	69600 20001 69605 69602	ბათუმის რეგიონალური ცენტრი (საგადასახადო ინსპექცია): ხელვაჩაურის რ-ნი, სოფელი ადლია, შპს „ტერმინალის“ საწყობის ტერიტორია; ხელვაჩაურის რ-ნი, სოფელი ადლია, შპს „ტერმინალის“ საწყობის ტერიტორია (მხოლოდ საბაჟო-სავაჭრო თანამშრომლობის მონაწილეთა მიერ, ან მათი დანიშნულებით საქართველოს საბაჟო ტერიტო-რიაზე შემოტანილი საქონლის საბაჟო დამუშავების ოპერაციებისათვის); ქ. ბათუმი, ტბელ აბუსერიძის ქ. №11, სსიპ საქართველოს შინაგან საქმეთა სამინისტროს მომსახურების სააგენტოს დასავლეთ საქართველოს სამმართველოს ქ. ბათუმის განყოფილების შენობა; ბათუმის საზღვაო ნავსადგურის ტერიტორია
8	69500 20001 69502 69510 69511 69555	ფოთის რეგიონალური ცენტრი (საგადასახადო ინსპექცია): ქ. ფოთი, კოკაიას ხეივანი №1; ქ. ფოთი, კოკაიას ხეივანი №1 (მხოლოდ საბაჟო-სავაჭრო თანამშრომლობის მონაწილეთა მიერ, ან მათი დანიშნულებით საქართველოს საბაჟო ტერიტორიაზე შემოტანილი საქონლის საბაჟო დამუშავების ოპერაციებისათვის); ხობის რაიონი, სოფელი ყულევი; ქ. ფოთი, ს.ს.ი.პ. საქართველოს შინაგან საქმეთა სამინისტროს მომსახურების სააგენტოს დასავლეთ საქართველოს სამმართველოს ქ. ფოთის განყოფილების შენობა; ქ. ზუგდიდი, პარიზის კომუნის ქ. №7, ს.ს.ი.პ. საქართველოს შინაგან საქმეთა სამინისტროს მომსახურების სააგენტოს დასავლეთ საქართველოს სამმართველოს ქ. ზუგდიდის განყოფილების შენობა; ოზურგეთის რ-ნი, სოფელი ოზურგეთი, ს.ს.ი.პ. საქართველოს შინაგან საქმეთა სამინისტროს მომსახურების სააგენტოს დასავლეთ საქართველოს სამმართველოს ქ. ოზურგეთის განყოფილების შენობა

საქართველოს ფინანსთა მინისტრის 2008 წლის 28 თებერვლის ბრძანება №212-სსმIII, №32, 29.02.2008წ., მუხ.355

საქართველოს ფინანსთა მინისტრის 2008 წლის 16 ივნისის ბრძანება №516-სსმIII,№85, 17.06.2008წ., მუხ.934

საქართველოს ფინანსთა მინისტრის 2008 წლის 27 ივნისის ბრძანება №558-სსმIII, №91, 27.06.2008წ., მუხ.1000

ნაწილი 3. ქვეყნების, ტერიტორიებისა და ვალუტების კლასიფიკატორი

ქვეყნის კოდი	ქვეყნის ან ტერიტორიის შემოკლებული დასახელება	ვალუტის დასახელება	ვალუტის კოდი
		ასოითი	ციფრული
036	ავსტრალია	ავსტრალიური დოლარი		036
040	ავსტრია	ევრო	EUR	978
004	ავღანეთი	ავღანი	AFN	971
031	აზერბაიჯანი	აზერბაიჯანული მანათი	AZM	031
008	ალბანეთი	ლეკი	ALL	008
012	ალჟირი	ალჟირული დინარი	DZD	012
016	ამერიკის სამოა	აშშ დოლარი	USD	840
024	ანგოლა	კვანზა	AOA	973
660	ანგილია	აღმოსავლეთკარიბული დოლარი	XCD	951
020	ანდორა	ევრო	EUR	978
028	ანტიგუა-ბარბუდა	აღმოსავლეთკარიბული დოლარი	XCD	951
784	არაბთა გაერთიანებული ემირატები	დირჰემი	AED	784
032	არგენტინა	არგენტინული პესო	ARS	032
533	არუბა	არუბული გულდენი	AWG	533
554	ახალი ზელანდია	ახალზელანდიური დოლარი	NZD	554
540	ახალი კალედონია	ფრანკი CFP	XPF	953
050	ბანგლადეში	ტაკა	BDT	050
052	ბარბადოსი	ბარბადოსული დოლარი	BBD	052
044	ბაჰამები	ბაჰამური დოლარი	BSD	044
048	ბაჰრეინი	ბაჰრეინული დინარი	BHD	048
112	ბელარუსი	ბელარუსული რუბლი	BYR	112
056	ბელგია	ევრო	EUR	978
084	ბელიზი	ბელიზური დოლარი	BZD	084
204	ბენინი	ფრანკი CFA BCEAO	XOF	952
060	ბერმუდა	ბერმუდული დოლარი	BMD	060
068	ბოლივია	ბოლივიანო	BOB	068
070	ბოსნია-ჰერცეგოვინა	კონვერტირებადი მარკა	BAM	977
072	ბოტსვანა	ფულა	BWP	072
076	ბრაზილია	ბრაზილიური რეალი	BRL	986
086	ბრიტანეთის ტერიტორია ინდოეთის ოკეანეში	აშშ დოლარი	USD	840
096	ბრუნეი	ბრუნეის დოლარი	BND	096
100	ბულგარეთი	ლევი	BGN	975
074	ბუვე	ნორვეგიული კრონა	NOK	578
854	ბურკინაფასო	ფრანკი CFA BCEAO	XOF	952
108	ბურუნდი	ბურუნდული ფრანკი	BIF	108
064	ბუტანი	ნგულტრუმი	BTN	064
	ინდური რუპი	INR	356
266	გაბონი	ფრანკი CFA BCEAO	XAF	950
826	გაერთიანებული სამეფო	გირვანქა სტერლინგი	GBP	826
328	გაიანა	გაიანური დოლარი	GYD	328
270	გამბია	დალასი	GMD	270
288	განა	სედი	GHC	288
276	გერმანია	ევრო	EUR	978
312	გვადელუპა	ევრო	EUR	978
320	გვატემალა	ქვეთსალი	GTQ	320
324	გვინეა	გვინეური ფრანკი	GNF	324
624	გვინეაბისაუ	გვინეაბისაუს პესო	GWP	624
	ფრანკი CFA BCEAO	XOF	952
292	გიბრალტარი	გიბრალტარული ფუნტი	GIP	292
308	გრენადა	აღმოსავლეთკარიბული დოლარი	XCD	951
304	გრენლანდია	დანიური კრონა	DKK	208
316	გუამი	აშშ დოლარი	USD	840
208	დანია	დანიური კრონა	DKK	208
732	დასავლეთი საჰარა	მაროოკული დირჰემი	MAD	504
212	დომინიკა	აღმოსავლეთკარიბული დოლარი	XCD	951
214	დომინიკელთა რესპუბლიკა	დომინიკანური პესო	DOP	214
818	ეგვიპტე	ეგვიპტური ფუნტი	EGP	818
231	ეთიოპია	ეთიოპიური ბირი	ETB	230
218	ეკვადორი	აშშ დოლარი	USD	840
226	ეკვატორული გვინეა	ფრანკი CFA BEAC	XAF	950
368	ერაყი	ერაყული დინარი	IQD	368
232	ერიტრეა	ნაკფა	ERN	232
724	ესპანეთი	ევრო	EUR	978
233	ესტონეთი	კროონი	EEK	233
548	ვანუატუ	ვატუ	VUV	548
336	ვატიკანი	ევრო	EUR	978
862	ვენესუელა	ბოლივარი	VEB	862
704	ვიეტნამი	დონგი	VND	704
850	ვირჯინის კუნძულები, აშშ	აშშ დოლარი	USD	840
092	ვირჯინის კუნძულები, ბრიტანეთი	აშშ დოლარი	USD	840
894	ზამბია	კვაჩა	ZMK	894
716	ზიმბაბვე	ზიმბაბვის დოლარი	ZWD	716
796	თერქს-ქაიქოსის კუნძულები	აშშ დოლარი	USD	840
792	თურქეთი	თურქული ლირა	TRL	792
795	თურქმენეთი	მანათი	TMM	795
388	იამაიკა	იამაიკური დოლარი	JMD	388
392	იაპონია	იენი	JPY	392
887	იემენი	იემენის რიალი	YER	886
356	ინდოეთი	ინდური რუპი	INR	356
360	ინდონეზია	ინდონეზიური რუპი	IDR	360
400	იორდანია	იორდანული დინარი	JOD	400
364	ირანი	ირანული რიალი	IRR	364
372	ირლანდია	ევრო	EUR	978
352	ისლანდია	ისლანდიური კრონა	ISK	352
376	ისრაელი	ახალი ისრაელური შეკელი	ILS	376
380	იტალია	ევრო	EUR	978
132	კაბოვერდე	კაბოვერდეს ესკუდო	CVE	132
136	კაიმანის კუნძულები	კაიმანის კუნძულების დოლარი	KYD	136
116	კამბოჯა	რიელი	KHR	116
120	კამერუნი	ფრანკი CFA BEAC	XAF	950
124	კანადა	კანადური დოლარი	CAD	124
404	კენია	კენიური შილინგი	KES	404
196	კვიპროსი	კვიპროსული ფუნტი	CYP	196
296	კირიბატი	ავსტრალიური დოლარი	AUD	036
170	კოლუმბია	კოლუმბიური პესო	COP	170
174	კომორები	კომორების ფრანკი	KMF	174
178	კონგო	ფრანკი CFA BEAC	XAF	950
180	კონგოს დემოკრატიული რესპუბლიკა	კონგოს ფრანკი	CDF	976
410	კორეა	ვონი	KRW	410
408	კორეის სახალხო დემოკრატიული რესპუბლიკა	ჩრდილო-კორეული ვონი	KPW	408
188	კოსტარიკა	კოსტარიკული კოლონი	CRC	188
384	კოტდივუარი	ფრანკი CFA BCEAO	XOF	952
192	კუბა	კუბური პესო	CUP	192
184	კუკის კუნძულები	ახალზელანდიური დოლარი	NZD	554
833	კუნძული მენი	გირვანქა სტერლინგი	GBP	826
418	ლაოსი	კიპი	LAK	418
428	ლატვია	ლატვიური ლატი	LVL	428
426	ლესოთო	ლოტი	LSL	426
	რენდი	ZAR	710
422	ლიბანი	ლიბანური ფუნტი	LBP	422
430	ლიბერია	ლიბერიული დოლარი	LRD	430
434	ლიბია	ლიბიური დინარი	LYD	434
440	ლიტვა	ლიტვური ლიტი	LTL	440
438	ლიხტენშტაინი	შვეიცარიული ფრანკი	CHF	756
442	ლუქსემბურგი	ევრო	EUR	978
450	მადაგასკარი	მალაგასიური ფრანკი	MGF	450
480	მავრიკი	მავრიკიული რუპი	MUR	480
478	მავრიტანია	უგია	MRO	478
446	მაკაუ	პატაკა	MOP	446
807	მაკედონია	დინარი	MKD	807
454	მალავი	კვაჩა	MWK	454
458	მალაიზია	მალაიზიური რინგიტი	MYR	458
462	მალდივები	რუფია	MVR	462
466	მალი	ფრანკი CFA BCEAO	XOF	952
470	მალტა	მალტური ლირა	MTL	470
504	მაროკო	მაროკოული დირჰემი	MAD	504
474	მარტინიკა	ევრო	EUR	978
584	მარშალის კუნძულები	აშშ დოლარი	USD	840
175	მეიოტი	ევრო	EUR	978
484	მექსიკა	მექსიკური პესო	MXN	484
104	მიანმა	კიატი	MMK	104
583	მიკრონეზია	აშშ დოლარი	USD	840
508	მოზამბიკი	მეტიკალი	MZM	508
498	მოლდოვა	მოლდოვური ლეი	MDL	498
492	მონაკო	ევრო	EUR	978
496	მონგოლეთი	ტუგრიკი	MNT	496
500	მონსერატი	აღმოსავლეთკარიბული დოლარი	XCD	951
516	ნამიბია	რენდი	ZAR	710
	ნამიბიური დოლარი	NAD	516
520	ნაურუ	ავსტრალიური დოლარი	AUD	036
524	ნეპალი	ნეპალის რუპი	NPR	524
562	ნიგერი	ფრანკი CFA BCEAO	XOF	952
566	ნიგერია	ნაირა	NGN	566
528	ნიდერლანდები	ევრო	EUR	978
530	ნიდერლანდების ანტილები	ანტილიური გულდენი	ANG	532
558	ნიკარაგუა	კორდობა ორო	NIO	558
570	ნიუე	ახალზელანდიური დოლარი	NZD	554
578	ნორვეგია	ნორვეგიული კრონა	NOK	578
574	ნორფოლკი	ავსტრალიური დოლარი	AUD	036
512	ომანი	ომანის რიალი	OMR	512
586	პაკისტანი	პაკისტანური რუპია	PKR	586
585	პალაუ	აშშ დოლარი	USD	840
591	პანამა	აშშ დოლარი	USD	840
598	პაპუა-ახალგვინეა	კინა	PGK	598
600	პარაგვაი	გვარანი	PYG	600
604	პერუ	ახალი სოლი	PEN	604
612	პიტკერნი	ახალზელანდიური დოლარი	NZD	554
616	პოლონეთი	ზლოტი	PLN	985
620	პორტუგალია	ევრო	EUR	978
630	პუერტორიკო	აშშ დოლარი	USD	840
638	რეიუნიონი	ევრო	EUR	978
646	რუანდა	რუანდის ფრანკი	RWF	646
642	რუმინეთი	ლეი	ROL	642
643	რუსეთი	რუსული რუბლი	RUB	643
300	საბერძნეთი	ევრო	EUR	978
222	სალვადორი	სალვადორული კოლონი	SVC	222
	აშშ დოლარი	USD	840
882	სამოა	ტალა	WST	882
710	სამხრეთი აფრიკა	რენდი	ZAR	710
239	სამხრეთი ჯორჯია – სამხრეთი სენდვიჩის კუნძულები	გირვანქა სტერლინგი	GBP	826
674	სანმარინო	ევრო	EUR	978
678	საუტომა-პრენსიპა	დობრა	STD	678
682	საუდების არაბეთი	საუდური რიალი	SAR	682
250	საფრანგეთი	ევრო	EUR	978
254	საფრანგეთის გვიანა	ევრო	EUR	978
260	საფრანგეთის სამხრეთი ტერიტორიები	ევრო	EUR	978
258	საფრანგეთის პოლინეზია	ფრანკი CFP	XPF	953
268	საქართველო	ლარი	GEL	981
690	სეიშელები	სეიშელის რუპი	SCR	690
686	სენეგალი	ფრანკი CFA BCEAO	XOF	952
654	სენტელენა	სენტელენის ფუნტი	SHP	654
670	სენტვინსენტ-გრენადინები	აღმოსავლეთკარიბული დოლარი	XCD	951
659	სენტკიტს-ნევისი	აღმოსავლეთკარიბული დოლარი	XCD	951
662	სენტლუსია	აღმოსავლეთკარიბული დოლარი	XCD	951
666	სენპიერ-მიკელონი	ევრო	EUR	978
891	სერბია-მონტენეგრო	სერბიული დინარი	CSD	891
748	სვაზილენდი	ლილანგენი	SZL	748
744	სვალბარდ-იანმაიენი	ნორვეგიული კრონა	NOK	578
694	სიერალეონე	ლეონე	SLL	694
702	სინგაპური	სინგაპურის დოლარი	SGD	702
760	სირია	სირიული ფუნტი	SYP	760
703	სლოვაკეთი	სლოვაკური კრონა	SKK	703
705	სლოვენია	ტოლარი	SIT	705
090	სოლომონის კუნძულები	სოლომონის კუნძულების დოლარი	SBD	090
706	სომალი	სომალიური შილინგი	SOS	706
051	სომხეთი	სომხური დრამი	AMD	051
736	სუდანი	სუდანური დინარი	SDD	736
740	სურინამი	სურინამული გულდენი	SRG	740
158	ტაივანი	ახალი ტაივანური დოლარი	TWD	901
764	ტაილანდი	ბატი	THB	764
834	ტანზანია	ტანზანიური შილინგი	TZS	834
762	ტაჯიკეთი	სომონი	TJS	972
626	ტიმორ-ლესტე	აშშ დოლარი	USD	840
768	ტოგო	ფრანკი CFA BCEAO	XOF	952OF
772	ტოკელაუ	ახალზელანდიური დოლარი	NZD	554
776	ტონგა	პაანგა	TOP	776
780	ტრინიდად-ტობაგო	ტრინიდად-ტობაგოს დოლარი	TTD	780
798	ტუვალუ	ავსტრალიური დოლარი	AUD	036
788	ტუნისი	ტუნისური დინარი	TND	788
800	უგანდა	უგანდური შილინგი	UGX	800
860	უზბეკეთი	უზბეკური სუმი	UZS	860
804	უკრაინა	გრივნა	UAH	980
348	უნგრეთი	ფორინტი	HUF	348
876	უოლის-ფუტუნა	ფრანკი C	XPF	953
858	ურუგვაი	ურუგვაის პესო	UYP	858
234	ფარერის კუნძულები	დანიური კრონა	DKK	208
608	ფილიპინები	ფილიპინური პესო	PHP	608
246	ფინეთი	ევრო	EUR	978
242	ფიჯი	ფიჯის დოლარი	FJD	242
238	ფოლკლენდის (მალვინის) კუნძულები	ფოლკლენდის კუნძულების ფუნტი	FKP	238
166	ქოქოსის (კილინგის) კუნძულები	ავსტრალიური დოლარი	AUD	036
162	ქრისტმასი	ავსტრალიური დოლარი	AUD	036
414	ქუვეითი	ქუვეითური დინარი	KWD	414
398	ყაზახეთი	ტენგე	KZT	398
634	ყატარი	ყატარის რიალი	QAR	634
417	ყირგიზეთი	სომი	KGS	417
840	შეერთებული შტატები	აშშ დოლარი	USD	840
581	შეერთებული შტატების შორსმდებარე მცირე კუნძულები	აშშ დოლარი	USD	840
756	შვეიცარია	შვეიცარული ფრანკი	CHF	756
752	შვედეთი	შვედური კრონა	SEK	752
144	შრილანკა	შრილანკური რუპი	LKR	144
148	ჩადი	ფრანკი CFA BEAC	XAF	950
203	ჩეხეთი	ჩეხური კორუნა	CZK	203
152	ჩილე	ჩილეს პესო	CLP	152
156	ჩინეთი	იუანრენმინბი	CNY	156
580	ჩრდილოეთ მარიანის კუნძულები	აშშ დოლარი	USD	840
140	ცენტრალური აფრიკის რესპუბლიკა	ფრანკი CFA BEAC	XAF	950
191	ხორვატია	კუნა	HRK	191
262	ჯიბუტი	ჯიბუტის ფრანკი	DJF	262
332	ჰაიტი	აშშ დოლარი	USD	840
334	ჰერდ-მაკდონალდის კუნძულები	ავსტრალიური დოლარი	AUD	036
340	ჰონდურასი	ლემპირა	HNL	340
344	ჰონკონგი	ჰონკონგური დოლარი	HKD	344

შენიშვნა:	ფრანკი C AC	ცენტრალური აფრიკის სახელმწიფოთა ბანკის ფულის ერთეული
	ფრანკი C BCE	დასავლეთი აფრიკის სახელმწიფოთა ბანკის ფულის ერთეული

ნაწილი 4. საბაჟო გადასახდელების სახეობების კლასიფიკატორი კოდიდასახელება

10 საბაჟო მოსაკრებელი

20 საბაჟო გადასახადი

27 აქციზი

28 დღგ

ნაწილი 5. საბაჟო მოსაკრებლების გაანგარიშების დამხმარე კოდების კლასიფიკატორი

კოდი	დასახელება
1	საერთაშორისო ხელშეკრულებებით გათვალისწინებული შემთხვევები
2	საქონლის იმპორტი სტიქიური უბედურების, ავარიისა და კატასტროფის ლიკვიდაციის, აგრეთვე ჰუმანიტარული დახმარების მიზნით;
3	საქონლის იმპორტი, რომელიც გათვალისწინებულია ხელშეკრულებით გრანტის შესახებ, საქართველოს პრეზიდენტის ბრძანებულებით განსაზღვრული წესით;
4	უცხო ქვეყნების დიპლომატიური და მათთან გათანაბრებული წარმომადგენლობების ოფიციალური სარგებლობისათვის, აგრეთვე ამ წარმომადგენლობების დიპლომატიური და ადმინისტრაციულ-ტექნიკური პერსონალის (მათთან მცხოვრები ოჯახის წევრების ჩათვლით) პირადი სარგებლობისათვის განკუთვნილი საქონელი;
5	საქონლის იმპორტი საქართველოს საგადასახადო კოდექსის 270⁵ მუხლის „ლ¨ ქვეპუნქტის შესაბამისად
6	ეროვნული და უცხოური ვალუტის (გარდა ნუმიზმატიკური მიზნებით გამოსაყენებლად გათვალისწინებულისა) და ფასიანი ქაღალდების იმპორტი;
7	საქონლის ან/და სატრანსპორტო საშუალების ტრანზიტი;
0	კანონმდებლობით გათვალისწინებული სხვა გათავისუფლებები
9	შეღავათიანი განაკვეთი – 5 ევრო („საბაჟო მოსაკრებლების შესახებ¨ საქართველოს კანონის მე-5 მუხლის „ა“ პუნქტის „ა.ბ“ ქვეპუნქტის შესაბამისად)“

ნაწილი 6. გადასახადების გაანგარიშების დამხმარე კოდების კლასიფიკატორი

კოდი	დასახელება
000	დამხმარე კოდი
001	საქონლის ექსპორტი (საბაჟო გადასახადისაგან გათავისუფლება, აქციზის და დღგ-ს ნულოვანი განაკვეთი)
002	საქონლის რეექსპორტი (საბაჟო გადასახადისაგან, აქციზისაგან და დღგ-სგან გათავისუფლება)
003	საქართველოს ტერიტორიაზე საქონლის ტრანზიტი (საბაჟო გადასახადისაგან, აქციზისაგან და დღგ-სგან გათავისუფლება)
004	საბაჟო საწყობში საქონლის შენახვა (საბაჟო გადასახადისაგან, აქციზისაგან და დღგ-სგან გათავისუფლება)
005	საქონლის იმპორტი სტიქიური უბედურების, ავარიისა და კატასტროფის ლიკვიდაციის, აგრეთვე ჰუმანიტარული დახმარების მიზნით (საბაჟო გადასახადისაგან და დღგ-სგან გათავისუფლება)
006	საქონლის იმპორტი, რომელიც გათვალისწინებულია გრანტების შესახებ ხელშეკრულებით (საბაჟო გადასახადისაგან და დღგ-სგან გათავისუფლება)
007	საქონლის იმპორტი, რომელიც ფინანსდება გრანტებით ან უცხო ქვეყნის სახელმწიფო ორგანოს ან/და საერთაშორისო ორგანიზაციის მიერ გაცემული შეღავათიანი კრედიტებით, რომლებიც შეიცავს გრანტის ელემენტს არანაკლებ 25 პროცენტის ოდენობით (საბაჟო გადასახადისაგან გათავისუფლება)
008	საქონლის იმპორტი, რომელიც განკუთვნილია უცხო ქვეყნის დიპლომატიური წარმომადგენლობისა და მასთან გათანაბრებული წარმომადგენლობების ოფიციალური სარგებლობისათვის, ამ წარმომადგენლობათა დიპლომატიური და ადმინისტრაციულ-ტექნიკური პერსონალის (მასთან მცხოვრები ოჯახის წევრების ჩათვლით) პირადი სარგებლობისათვის (საბაჟო გადასახადისაგან, აქციზისაგან და დღგ-სგან გათავისუფლება)
009	„ნავთობისა და გაზის შესახებ“ საქართველოს კანონით განსაზღვრულ ნავთობისა და გაზის ოპერაციებში დასაქმებული უცხო ქვეყნის მოქალაქეებისა (მათთან მცხოვრები ოჯახის წევრების ჩათვლით) პირადი სარგებლობისათვის განკუთვნილი პირადი მოხმარების საგნებისა და საყოფაცხოვრებო ნივთების იმპორტი (საბაჟო გადასახადისაგან და დღგ-სგან გათავისუფლება)
010	საქონლის დროებითი შემოტანა საქართველოს კანონმდებლობით გათვაისწინებულ შემთხვევებში (საბაჟო გადასახადისაგან, აქციზისაგან და დღგ-სგან გათავისუფლება)
011	საქართველოს საგადასახადო კოდექსის 270⁵-ე მუხლის „ლ¨ ქვეპუნქტით გათვალისწინებული საქონლის იმპორტი (საბაჟო გადასახადისაგან და დღგ-სგან გათავისუფლება)
012	ბავშვთა კვების პროდუქტების და დიაბეტური კვების იმ პროდუქტების იმპორტი, რომლებიც მარკირებულია ასეთად საბითუმო და საცალო წესით მიწოდებისას; რენტგენის ფირების, ინსულინის შპრიცების (ნემსების), გლუკომეტრების, სადიაგნოსტიკო ტესტ-სისტემების იმპორტი (საბაჟო გადასახადისაგან გათავისუფლება)
013	საერთაშორისო საჰაერო რეისების განსახორციელებლად ბორტზე მიწოებული საავიაციო საწვავი, საპოხი და სხვა დამხმარე საშუალებები, აგრეთვე საერთაშორისო საზღვაო რეისების განსახორციელებლად ბორტზე მიწოდებული საწვავი და საპოხი საშუალებები (საბაჟო გადასახადისაგან და აქციზისაგან გათავისუფლება, დღგ-ს ნულოვანი განაკვეთი )
014	„ნავთობისა და გაზის შესახებ“ საქართველოს კანონით განსაზღვრული ნავთობისა და გაზის ოპერაციების წარმოებისათვის განკუთვნილი მოწყობილობა-დანადგარების, სატრანსპორტო საშუალებების, სათადარიგო ნაწილებისა და მასალების იმპორტი (საბაჟო გადასახადისაგან და დღგ-სგან გათავისუფლება)
015	უსასყიდლოდ ჩამორთმეული, კონფისკებული, უპატრონო და სახელმწიფო საკუთრებაში მიქცეული საქონელი ან/და სატრანსპორტო საშუალება, რომელიც საქართველოს კანონმდებლობით დადგენილი წესით გადავიდა სახელმწიფოს განკარგვაში ან საკუთრებაში (საბაჟო გადასახადისაგან გათავისუფლება)
016	ეროვნული და უცხოური ვალუტის (გარდა ნუმიზმატიკური მიზნებით გამოსაყენებლად გათვალისწინებულის) და ფასიანი ქაღალდების იმპორტი (დღგ-სგან გათავისუფლება)
017	საქართველოს ეროვნული ბანკისათვის გადასაცემი ოქროს იმპორტი (დღგ-სგან გათავისუფლება)
018	საქართველოს ფინანსთა სამინისტროს აქციზური მარკების იმპორტი (დღგ-სგან გათავისუფლება)
019	განძეულობის, ჩამორთმეული ან/და უპატრონო საქონლის, აგრეთვე სახელმწიფოს მიერ მემკვიდრეობით მიღებული საქონლის იმპორტი, რომელთა რეალიზაციით მიღებული შემოსავლები შეიტანება ბიუჯეტში (დღგ-სგან გათავისუფლება)
021	საგანმანათლებლო დაწესებულებათა მიერ სამეცნიერო და საგანმანათლებლო საქმიანობისათვის გამოთვლითი ტექნიკის, ხელსაწყო-დანადგარებისა და ქიმიური რეაქტივების იმპორტი (დღგ-სგან გათავისუფლება)
022	ჩვილ ბავშვთა კვების პროდუქტების ან/და ბავშვთა ჰიგიენის ნაწარმის იმპორტი, რომელიც საბითუმო და საცალო წესით მიწოდებისას მარკირებულია ასეთად (დღგ-სგან გათავისუფლება)
023	საგარეო-ეკონომიკური საქმიანობის ეროვნული სასაქონლო ნომეკლატურის 8703 კოდში აღნიშნული მსუბუქი ავტომობილის იმპორტი (დღგ-სგან გათავისუფლება)
024	ელექტროენერგეტიკული სექტორის რეაბილიტაციისათვის საქართველოს პარლამენტის მიერ რატიფიცირებული საქართველოს საერთაშორისო ხელშეკრულებებით უცხოეთის სახელმწიფოების ან/და საერთაშორისო ორგანიზაციების მიერ გაცემული შეღავათიანი კრედიტით დაფინანსებული საქონლის იმპორტი (დღგ-სგან გათავისუფლება)
025	ელექტროენერგიის წარმოებისათვის (თბოელექტროსადგურებისათვის) ბუნებრივი აირის იმპორტი (დღგ-სგან გათავისუფლება)
026	ფიზიკური პირის მიერ 2 ლიტრი ალკოჰოლური სასმელისა და 200 ღერი სიგარეტის იმპორტი (საბაჟო გადასახადისაგან, აქციზისაგან და დღგ-სგან გათავისუფლება)
027	საქართველოში ავტოსატრანსპორტო საშუალებით შემომსვლელი პირის ავტოსატრანსპორტო საშუალების იმ სტანდარტულ ავზში არსებული საწვავი, რომელიც ძრავის კვების სისტემასთან კონსტრუქციულად და ტექნოლოგიურად არის დაკავშირებული (აქციზისაგან გათავისუფლება)
028	„ნავთობისა და გაზის შესახებ“ საქართველოს კანონით განსაზღვრული ნავთობისა და გაზის ოპერაციების განსახორციელებლად ნავთობპროდუქტების იმპორტი (აქციზისაგან გათავისუფლება)
030	გადასახადებისაგან გათავისუფლებული საქონელი საქართველოს კანონმდებლობის შესაბამისად
031	უცხოეთში საქართველოს დიპლომატიურ წარმომადგენლობათა ქონების იმპორტი (საბაჟო გადასახადისაგან და დღგ-სგან გათავისუფლება)
034	დღგ-სა და აქციზის გადახდა საქონლის დროებითი შემოტანის რეჟიმის დროს
051	მხოლოდ საბაჟო გადასახადისაგან გათავისუფლება (თუ სხვა კოდის გამოყენება შეუძლებელია)
052	მხოლოდ აქციზისაგან გათავისუფლება (თუ სხვა კოდის გამოყენება შეუძლებელია)
053	მხოლოდ დღგ-სგან გათავისუფლება (თუ სხვა კოდის გამოყენება შეუძლებელია)
054	საბაჟო გადასახადისა და აქციზისაგან გათავისუფლება (თუ სხვა კოდის გამოყენება შეუძლებელია)
055	საბაჟო გადასახადისა და დღგ-სგან გათავისუფლება (თუ სხვა კოდის გამოყენება შეუძლებელია)
056	აქციზისა და დღგ-სგან გათავისუფლება (თუ სხვა კოდის გამოყენება შეუძლებელია)
057	საბაჟო გადასახადის, აქციზისა და დღგ-სგან გათავისუფლება (თუ სხვა კოდის გამოყენება შეუძლებელია)
102	საბაჟო გადასახადისაგან გათავისუფლებული საქონელი საქართველოს კანონმდებლობის შესაბამისად
202	სამედიცინო, საპროტეზო-ორთოპედიული ნაწარმი და სამედიცინო ტექნიკა
203	სამეცნიერო ლიტერატურა, დამტკიცებული სასწავლო სახელმძღვანელოები და საბავშვო ლიტერატურა
207	სანაშენე ცხოველები, შინაური ფრინველი, ხარის სპერმა, მინერალური სასუქები, ქიმიკატები, მცენარეთა დაცვის საშუალებები
208	ბუნებრივი გაზი და ელექტროენერგია
209	დღგ-სა და აცქიზისაგან გათავისუფლებული საქონელი საქართველოს კანონმდებლობის შესაბამისად
304	საზღვარგარეთ გამოცემული ბეჭდვითი პროდუქცია
313	აქციზური და სხვა სპეციალური ქართული მარკების იმპორტი
332	საქონლის დროებითი შემოტანა, სხვა
333	საქონლის დაბრუნება
540	აქციზის გარანტია საბაჟო ტერიტორიაზე საქონლის გადამუშავების რეჟიმის დროს
550	ბაქო-თბილისი-ჯეიჰანის მილსადენის მშენებლობისათვის განკუთვნილი საქონელი
604	საბაჟო გადასახადისაგან და დღგ-სგან გათავისუფლება
605	ჰუმანიტარული დახმარების მიზნით იმპორტირებული საქონელი
609	წონის მიხედვით
612	სამკურნალო (ფარმაცევტული) ნედლეული და სუბსტანციები
613	ჩამოსასხმელი ღვინოები
614	სიგარეტი 30-ღერიანი კოლოფებით
615	თამბაქოს წარმოებისათვის ნედლეული („ტრაბზონის“¨ ჯიშის თამბაქოს გარდა)
651	საგარეო ეკონომიკური საქმიანობის ეროვნული სასაქონლო ნომენკლატურის 8703 კოდში მითითებული საქონლის იმპორტი
703	ბორტზე მიწოდება შიდა რეისებისათვის
704	საბაჟო გარანტია სტანდარტული გაცვლის სისტემის გამოყენებისას შემცვლელი პროდუქტის წინასწარ შემოტანის დროს

ნაწილი 7. საბაჟო ვალდებულებების შესრულების გარანტიის სახეების კლასიფიკატორი

კოდი	გარანტიის საფუძვლები
01	საბანკო გარანტია
02	ფინანსური რისკის დაზღვევის პოლისი
03	დეპოზიტი სახელმწიფო ხაზინაში (სახელმწიფო ხაზინის მიერ გაცემული შესაბამისი ცნობა)

ნაწილი 8. მიწოდების პირობების კლასიფიკატორი

კოდი	მიწოდების პირობების დასახელება
CFR CIF CIP CPT DAF DDP DDU DEQ DES EXW FAS FCA FOB	ღირებულება და ფრახტი (დანიშნულების მითითებულ პორტში) ღირებულება, დაზღვევა, ფრახტი (დანიშნულების მითითებულ პორტში) ფრახტი და დაზღვევა გადახდილია (მითითებულ დანიშნულების ადგილამდე) ფრახტი გადახდილია (მითითებულ დანიშნულების ადგილამდე) მიწოდება საზღვარზე (მითითებულ ადგილზე) მიწოდება საბაჟო გადასახდელების გადახდით (მითითებულ დანიშნულების ადგილზე) მიწოდება საბაჟო გადასახდელების გადაუხდელად (მითითებულ დანიშნულების ადგილზე) მიწოდება ნავმისადგომიდან (საბაჟო გადასახდელების გადახდით დანიშნულების მითითებულ პორტში) მიწოდება გემიდან (დანიშნულების მითითებულ პორტში) ფრანკო ქარხანა (მითითებულ ადგილზე) ფრანკო გემის ბორტთან (ჩატვირთვის მითითებულ პორტში) ფრანკო გადამზიდველი (მითითებულ ადგილზე) ფრანკო გემის ბორტზე (ჩატვირთვის მითითებულ პორტში)

ნაწილი 9. გარიგების სახეობების კლასიფიკატორი

კოდი	დასახელება
0.1	საქონლის გადაადგილება საქართველოს ვალუტაში ანგარიშსწორებით
1.1	იურიდიული პირების მიერ საქონლის შემოტანა/გატანა
1.2	ფიზიკური პირების მიერ საქონლის შემოტანა/გატანა
2.1	საქონლის მიწოდება თავისუფლად კონვერტირებად ვალუტაზე ანგარიშსწორებით (გარდა სახელმწიფო კრედიტის დასაფარავად)
2.3	საქონლის გადაადგილება სახელმწიფო კრედიტით
2.6	საქონლის გადაადგილება სახელმწიფო კრედიტის დასაფარავად
3.1	საქონლის მიწოდება კლირინგულ ვალუტაზე ანგარიშსწორებით
3.2	საქონლის მიწოდება სამთავრობათაშორისო ხელშეკრულების თანახმად
3.3	საქონლის მიწოდება კლირინგულ ვალუტაში სახელმწიფო კრედიტით
3.6	საქონლის მიწოდება კლირიგნულ ვალუტაში სახელმწიფო კრედიტის დასაფარავად
4.1	საქონლის მიწოდება ჩაკეტილ ვალუტაზე ანგარიშსწორებით
4.3	საქონლის მიწოდება ჩაკეტილ ვალუტაში სახელმწიფო კრედიტით
5.1	საქონლის მიწოდება საქონლის პირდაპირი გაცვლის წესით (ბარტერი)
5.2	საქონლის მიწოდება წარმოდგენილი სამუშაოებისა და მომსახურების ანგარიშზე
5.4	გაზის მიწოდება სხვა ქვეყნის ტერიტორიაზე ტრანზიტისათვის
6.1	დროებითი გატანა იურიდიული პირების მიერ
6.2	დროებითი გატანა ფიზიკური პირების მიერ
6.3	დროებითი გატანა/შემოტანა სამუზეუმო ექსპონატების
6.4	დროებითი შემოტანა
7.1	საქონლის მიწოდება საკომპენსაციო ვალდებულების ანგარიშზე კლირინგულ ვალუტაზე ანგარიშსწორებით
7.2	საქონლის მიწოდება საქართველოსა და დსთ-ის ქვეყნების ვალდებულებების ანგარიშზე
7.5	საქონლის მიწოდება დსთ-ის ქვეყნებს შორის წარმოებების და ობიექტების მშენებლობისათვის თანამშრომლობის ვალდებულებებისის ანგარიშზე
7.8	საქონლის მიწოდება საკომპენსაციო ვალდებულებების ანგარიშზე თავისუფლად კონვერტირებად ვალუტაზე ანგარიშსწორებით
8.0	სხვა მიწოდებები

ნაწილი 10. ტრანსპორტის სახეობების კლასიფიკატორი

კოდი	დასახელება
10	საზღვაო ტრანსპორტი
12	რკინიგზის ვაგონი საზღვაო ხომალდზე (ბორანი)
16	თვითმავალი საგზაო საშუალება საზღვაო ხომალდზე
20	რკინიგზის ტრანსპორტი
30	საავტომობილო ტრანსპორტი
40	საჰაერო ტრანსპორტი
50	ფოსტა
70	სტაციონარული სატრანსპორტო საშუალებები (კონტეინერი, მისაბმელი, ნახევრადმისაბმელი)
90	თვითმოძრავი საშუალებები
92	მაგისტრალური მილსადენი
94	მაღალი ძაბვის ელექტროგადამცემი ხაზები

დანართი №15

ნაწილი 11. საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორი

დოკუმენტის კოდი ASYCUDA-ში	დოკუმენტის დასახელება
001	საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობა
002	ხელშეკრულება
003	შესყიდვის დოკუმენტი (ინვოისი ან სხვა საანგარიშსწორებო დოკუმენტი)
004	სატრანსპორტო ზედნადები
005	კონოსამენტი
006	მანიფესტი
007	TIR-წიგნაკი
008	ერთჯერადი ან გენერალური მინდობილობა, ხელშეკრულება ან მისი შემცვლელი დოკუმენტი წარმომადგენლის უფლებამოსილების შესახებ
009	დაკვირვების ელექტრონული საშუალებების იმპორტის ან ექსპორტის ლიცენზია
010	ვეტერინარულ კონტროლს დაქვემდებარებული პროდუქციის ტრანზიტის ნებართვა
011	ვეტერინარულ კონტროლს დაქვემდებარებული პროდუქციის იმპორტის ნებართვა
012	ფიტოსანიტარიულ კონტროლს დაქვემდებარებული მცენარეული წარმოშობის პროდუქციის იმპორტის ნებართვა
013	შეზღუდულად ბრუნვადი მასალების იმპორტის, ექსპორტის, რეექსპორტის ან ტრანზიტის ნებართვა
014	ბირთვული, რადიაციული ობიექტების, ბირთვული მასალების, რადიაქტიული ნივთიერებების, რადიაქტიული ნარჩენების, მინერალების (წიაღისეულის), რომლებისგანაც პრაქტიკულად შესაძლებელია ბირთვული მასალების მიღება, ყველაფრის, რაც დამზადებულია ბირთვული მასალისაგან ან რადიაქტიული ნივთიერებისაგან ან შეიცავს მათ, როგორც შემადგენელ ნაწილს, აგრეთვე ბირთვული ტექნოლოგიების ან ნოუ-ჰაუების ექსპორტის, იმპორტის ან ტრანზიტის ნებართვა
015	„გადაშენების საფრთხის წინაშე მყოფი ველური ფლორის და ფაუნის სახეობებით საერთაშორისო ვაჭრობის შესახებ¨ კონვენციის (CITES) დანართებში შეტანილი სახეობების, მათი ნაწილებისა და დერივატების ექსპორტის, იმპორტის, რეექსპორტის ნებართვა
016	იარაღისა და საბრძოლო მასალის იმპორტის, ექსპორტის, რეექსპორტის ან ტრანზიტის ნებართვა
017	უცხო ქვეყნის და საერთაშორისო ორგანიზაციების წარმომადგენელთა, აგრეთვე სხვა მნიშვნელოვან პირთა ვიზიტის დროს მათ თანმხლებ პირთა მიერ იარაღისა და საბრძოლო მასალის საქართველოში შემოტანისა და საქართველოდან გატანის ნებართვა.
018	იარაღის ერთი სახეობის ცალკეული ეგზემპლარების საქართველოში შემოტანისა და საქართველოდან გატანის (გარდა ექსპორტ-იმპორტის, ტრანზიტისა და რეექსპორტისა) ნებართვა
019	ორმაგი დანიშნულების პროდუქციის ექსპორტის, იმპორტის, რეექსპორტის ან ტრანზიტის ნებართვა
020	სპეციალურ კონტროლს დაქვემდებარებული სამკურნალო საშუალებების იმპორტის ან ექსპორტის ნებართვა
021	არაიოდიზებული მარილის იმპორტის ნებართვა
022	საქართველოს კულტურულ ფასეულობათა საქართველოდან გატანის ნებართვა
023	დსთ-ის ზოგიერთ ქვეყანაში წარმოებული საქონლის რეექსპორტის ნებართვა (შესაბამისი ქვეყნის უფლებამოსილი სახელმწიფო ორგანოს მიერ გაცემული)
024	ხე-ტყის ექსპორტისას – ხე-ტყის კანონიერების ან/და წარმოშობის დამადასტურებელი დოკუმენტი
025	საქართველოს ფინანსთა სამინისტროს წერილობითი დასკვნა საქონლისათვის ჰუმანიტარული დახმარების სტატუსის მინიჭების შესახებ
026	საქართველოს ფინანსთა სამინისტროს წერილობითი დასკვნა საქონლისათვის გრანტის სტატუსის მინიჭების შესახებ
027	საქონლის წარმოშობის სერტიფიკატი
028	საქონლის შესაბამისობის სერტიფიკატი
029	საქონლის უსაფრთხოების სერტიფიკატი
030	ფიტოსანიტარული სერტიფიკატი
031	ვეტერინარული სერტიფიკატი
032	სანიტარიულ-ჰიგიენური სერტიფიკატი
033	ფუმიგაციისა და დეზინფექციის სერტიფიკატი
034	საქონლის თავისუფალ მიმოქცევაში გაშვების (იმპორტის) საბაჟო რეჟიმში საქონლის მოქცევის საბაჟო დეკლარაცია
035	საბაჟო საწყობში საქონლის შენახვის საბაჟო რეჟიმში საქონლის მოქცევის საბაჟო დეკლარაცია
036	საქონლის დროებითი შემოტანის საბაჟო რეჟიმში საქონლის მოქცევის საბაჟო დეკლარაცია
037	საბაჟო ტერიტორიაზე საქონლის გადამუშავების საბაჟო რეჟიმში საქონლის მოქცევის საბაჟო დეკლარაცია
039	სპეციალური საგადასახადო ანგარიშ-ფაქტურა (სსაფ) – ნავთობპროდუქტების იმპორტის დროს
040	საქონლის სპეციფიკაცია
041	საბანკო გარანტია
042	ფინანსური რისკის დაზღვევის პოლისი
043	სახელმწიფო ხაზინის ცნობა სახელმწიფო ხაზინაში გარანტიის სახით სათანადო თანხის (დეპოზიტის) შეტანის თაობაზე
045	საქონლისა და/ან სატრანსპორტო საშუალების საბაჟო კონტროლის ქვეშ დროებითი შენახვის განაცხადი
046	სამკურნალო საშუალებების საბაჟო აღნუსხვის ფორმა
047	საბაჟო გადასახდელების გადახდის დამადასტურებელი დოკუმენტი
048	გადასახადის გადამხდელის საიდენტიფიკაციო ნომერი (კოდი)
049	შეფუთვის ფურცელი
050	ექსპერტიზის აქტი
051	საქონლის დათვალიერების აქტი
052	საქონლის სინჯის (ნიმუშის) აღების აქტი (ოქმი)
053	ჯარიმის გადახდის დოკუმენტი
054	სასამართლოს დადგენილება ადმინისტრაციული სახდელის დადების შესახებ
055	ადმინისტრაციული სამართალდარღვევის ოქმი
056	წერილი
057	განცხადება
058	ავტოსატრანსპორტო საშუალების ტექნიკური პასპორტი
062	საქონლის ტრანზიტის საბაჟო რეჟიმში საქონლის მოქცევის საბაჟო დეკლარაცია
063	საბაჟო ტერიტორიის გარეთ საქონლის გადამუშავების საბაჟო რეჟიმში საქონლის მოქცევის საბაჟო დეკლარაცია
064	საქონლის ექსპორტის საბაჟო რეჟიმში საქონლის მოქცევის საბაჟო დეკლარაცია
065	ფიზიკური პირის საბაჟო დეკლარაცია
066	სატვირთო საბაჟო დეკლარაცია ფორმა N 2
067	საფოსტო გზავნილის დეკლარაცია CN 22
068	საფოსტო გზავნილის დეკლარაცია CN 23
069	გამარტივებული საბაჟო დეკლარაცია
070	საქონლის დროებითი შემოტანის საბაჟო რეჟიმში მოქცეული, იმპორტის გადასახდელების გადახდისაგან ნაწილობრივ გათავისუფლებული საქონლის მიმართ გადასახდელი თანხის გადახდის განრიგი
071	მოქალაქის სამგზავრო დოკუმენტის (პასპორტის) სტიკერიანი ფურცლის სათანადოდ დამოწმებული ასლი

200	ავტომანქანის სახელმწიფო N
201	რკინიგზის ვაგონი, N
202	თვითმფრინავი, რეისი N
203	გემი, რეისი N
204	კონტეინერი, N
210	წინმსწრები დეკლარაციის N: A-
300	ავტომანქანის მარკა
330	მედიკამენტის დასახელება
333	სიგარეტების დასახელება და რაოდენობა, კოლოფი
340	აქციზური მარკების ნომრები
341	საბაჟო სამართალდარღვევის ოქმი
342	საბაჟო შეტყობინება

ნაწილი 12. საქონლის შეფუთვის მდგომარეობის კლასიფიკატორი

კოდი	დასახელება	კოდი	დასახელება
01	ნაყარი	11	ცილინდრიანი
02	ნაყარი გრანულირებული	12	პაკეტი
03	ჩასხმით	13	კასრი
04	შეუფუთავი	14	ამანათი
05	აეროზოლი	15	მუყაოს ყუთი
06	ტომარა	16	ყუთი
07	შეკვრა	17	სხვა
08	ჩარჩოები	18	ქვესადგამი
09	რულონი	19	ბალონი
10	შესაფუთი

ნაწილი 13. საქართველოს საბაჟო ტერიტორიაზე მოქმედი საბაჟო საწყობების, (ღია ან დახურული), დროებითი შენახვის საწყობების (ღია ან დახურული), უბაჟო ვაჭრობის პუნქტებისა და შენახვის სხვა ადგილების კლასიფიკატორი

1. საბაჟო საწყობების, (ღია ან დახურული), დროებითი შენახვის საწყობების (ღია ან დახურული), უბაჟო ვაჭრობის პუნქტების, საბაჟო-სავაჭრო თანამშრომლობის მონაწილეთა საწყობების კლასიფიკატორი მტკიცდება საქართველოს ფინანსთა სამინისტროს შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით და ცხადდება საჯაროდ საქართველოს ზოგადი ადმინისტრაციული კოდექსის 57-ე მუხლის შესაბამისად.

2. საქონლის დროებითი დასაწყობების სხვა ადგილები

კოდი	სახელწოდება	მისამართი
066	საქართველოს ეროვნული ბანკი	_
067	„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით გათვალისწინებული სამინისტრო ან მის გამგებლობაში არსებული სახელმწიფო საქვეუწყებო დაწესებულება	_
068	უცხოეთის დიპლომატიური და მასთან გათანაბრებული დაწესებულება	_
069	იმ შემთხვევაში, როცა არ არსებობს (ადამიანის ორგანო, ადამიანის ორგანოთა ნაწილები, ქსოვილები, ღეროვანი უჯრედი; რადიაციული, საშიში, არაგაბარიტული ტვირთი; საგარეო-ეკონომიკური საქმიანობის ეროვნულ სასაქონლო ნომენკლატურის 0407 00 (ფრინველის კვერცხი ინკუბირებისთვის), 0511 91 901 00 (თევზის განაყოფიერებული ქვირითი), 0301 კოდებში (ცოცხალი თევზები), 01 ჯგუფში (ცოცხალი ცხოველები) აღნიშნული საქონლის შენახვისთვის აუცილებელი, განსაკუთრებული პირობების შესატყვისი საბაჟო საწყობი და საქონლის მიმღების (იმპორტიორის) მიერ საბაჟო ორგანოში წარდგენილია საქართველოს ფინანსთა მინისტრის 2006 წლის 20 დეკემბრის №1767 ბრძანებით დამტკიცებული „გარანტიის წარდგენისა და გამოყენების, მისი წარდგენისაგან გათავისუფლების შემთხვევების და საგარანტიო თანხის განსაზღვრის წესების შესახებ ინსტრუქციის“ მე-6 მუხლის პირველი პუნქტის „ა“ ქვეპუნტით განსაზღვრული საბაჟო გარანტია	_
070	ფოთის საზღვაო ნავსადგური	_
071	ბათუმის საზღვაო ნავსადგური	_
072	სასაზღვრო სარკინიგზო სადგურებისა და იმ სარკინიგზო სადგურების ტერიტორიებზე, საიდანაც ხორციელდება საერთაშორისო მიმოსვლა. იმ შემთხვევაში, თუ სარკინიგზო სადგური ესაზღვრება საზღვაო ნავსადგურს, საიდანაც ხორციელდება საერთაშორისო მიმოსვლა – ამ რკინიგზის სადგურიდან საზღვაო ნავსადგურის შემოფარგლულ ტერიტორიამდე არსებულ სალიანდაგო ტერიტორიაზე	_

შენიშვნა: შესაბამისი საბაჟო დოკუმენტების შევსების დროს მიეთითება ნაწილი 13-ის 066-072 კოდების შესაბამის სტრიქონებში აღნიშნული კონკრეტული ორგანიზაციების მისამართები.

დანართი №16

ინსტრუქცია „სატვირთო საბაჟო დეკლარაცია ფორმა №2“-ის შევსების წესის შესახებ

თავი I

ზოგადი დებულებები

მუხლი 1

ეს ინსტრუქცია განსაზღვრავს სატვირთო საბაჟო დეკლარაცია ფორმა №2-ის (შემდგომში – დეკლარაცია) შევსების წესს.

მუხლი 2.

პირველ მუხლში მითითებული დეკლარაციით საბაჟო დამუშავების ოპერაციას ექვემდებარება ფიზიკური პირის მიერ ერთი სახეობის ტრანსპორტით გადაადგილებული, თავისუფალ მიმოქცევაში გაშვების (იმპორტის) საბაჟო რეჟიმში გაცხადებული 1 500 ლარზე ნაკლები საბაჟო ღირებულების მქონე პირადი სარგებლობისათვის განკუთვნილი ან ექსპორტის საბაჟო რეჟიმში გაცხადებული 3000 ლარზე ნაკლები საბაჟო ღირებულების მქონე საქონელი (საქონელთა ჯგუფი), გარდა იმპორტისა და ექსპორტის საბაჟო რეჟიმებში გაცხადებული შემდეგი საქონლისა:

ა) აქციზური საქონელი;

ბ) საგარეო ეკონომიკური საქმიანობის ეროვნული სასაქონლო ნომენკლატურის 27, 28, 29, 30, 36, 71, 8701, 8702, 8703, 8704, 8705, 8709, 8710, 8711, 8712, 8713, 8716, 88, 89, 93, 97-ე ჯგუფებით გათვალისწინებული საქონელი;

გ) ყველა ის საქონელი, რომლის იმპორტიც საქართველოს საგადასახადო კოდექსის შესაბამისად გათავისუფლებულია დამატებული ღირებულების გადასახადისაგან, გარდა ამავე კოდექსის 230-ე მუხლის პირველი ნაწილის „ფ“ ქვეპუნქტში მითითებული საქონლისა;

დ) „შეიარაღების, სამხედრო ტექნიკისა და ორმაგი დანიშნულების პროდუქციის საექსპორტო და საიმპორტო კონტროლის შესახებ“ საქართველოს კანონით განსაზღვრული ორმაგი დანიშნულების პროდუქცია;

ე) საქართველოს საგადასახადო კოდექსის 270⁵ მუხლის „ლ“ ქვეპუნქტით გათვალისწინებული საქონელი, გარდა თავისუფალი ინდუსტრიული ზონიდან საქონლის იმპორტისა. (მოქმედებს 2009 წლის 1 იანვრამდე).

მუხლი 2.

ა) აქციზური საქონელი;

ე) საქართველოს საგადასახადო კოდექსის 270⁵ მუხლის „ლ“ ქვეპუნქტით გათვალისწინებული საქონელი, გარდა თავისუფალი ინდუსტრიული ზონიდან ან თავისუფალი საწყობიდან საქონლის იმპორტისა. (ამოქმედდეს 2009 წლის 1 იანვრიდან)

საქართველოს ფინანსთა მინისტრის 2008 წლის 20 ივნისის ბრძანება №533-სსმIII, №91, 27.06.2008წ., მუხ.995

მუხლი 3

ერთ დეკლარაციაში შეიძლება გაცხადებული იყოს 10 დასახელების საქონელი.

მუხლი 4

დეკლარაცია ივსება 3 ეგზემპლარად, განსხვავებული ფერის (თეთრი, მწვანე და ლურჯი) ბლანკებზე და ნაწილდება შემდეგნაირად:

ა) თეთრი ფერის ეგზემპლარი რჩება სასაზღვრო საბაჟო ორგანოში, ხოლო ცალკეულ შემთხვევებში – საბაჟო დამუშავების ოპერაციის განხორციელების ადგილზე;

ბ) მწვანე ფერის ეგზემპლარი უბრუნდება საქონლის განმცხადებელ პირს;

გ) ლურჯი ფერის ეგზემპლარი ეგზავნება რეგიონალურ საბაჟოს.

მუხლი 5

დეკლარაციაში „№“-ის გასწვრივ საბაჟო ორგანოს პასუხისმგებელი პირის მიერ აღინიშნება დეკლარაციის ნომერი შემდეგი სქემით: 999999 (საბაჟო ორგანოს ექვსნიშნა ციფრული კოდი)/99999 (დეკლარაციის რიგითი ნომერი, გაფორმებული შესაბამის საბაჟო ორგანოში).

მუხლი 6

კალენდარული წლის დამთავრების შემდეგ დეკლარაციების ნუმერაცია იწყება თავიდან.

მუხლი 7

დეკლარაციის რიგითი ნომერი, რიგითი ნომრის მინიჭება დასტურდება პირადნომრიანი ბეჭდით.

მუხლი 8

დეკლარაციაში არ უნდა იყოს წაშლილი და გადასწორებული ადგილები. ყოველი შესწორების შეტანა უნდა მოხდეს არასწორი მონაცემების გადახაზვით და, თუ საჭიროა, შესაბამისი მონაცემების იმავე ფურცელზე ჩამატებით. ყოველი შესწორება მოწმდება საბაჟო ორგანოს პასუხიმგებელი პირის ხელმოწერით და პირადნომრიანი ბეჭდის დასმით.

მუხლი 9

დეკლარაცია ივსება ქართულ ენაზე. გაურკვევლად შევსებული დეკლარაციები საბაჟო ორგანოების მიერ არ მიიღება.

მუხლი 10

დასაშვებია დეკლარაციის ფურცლის უკანა მხარის გამოყენება საბაჟოს მიერ სხვადასხვა აღნიშვნებისათვის.

თავი II

დეკლარაციის შევსების წესი

მუხლი 11

ფიზიკური პირის (შემდგომში – პირი) მიერ ივსება დეკლარაციის 1-11 გრაფები (გარდა მე-7 გრაფის მე-3 უჯრედისა – „საქონლის კოდი სეს სნ-ის შესაბამისად“), ხოლო საბაჟო ორგანოს პასუხისმგებელი პირის მიერ ივსება დეკლარაციის მე-7 გრაფის მე-3 უჯრედი და 12-18 გრაფები.

ა) პირველ გრაფაში – „გვარი“ იწერება პირის გვარი პასპორტის შესაბამისად;

ბ) მეორე გრაფაში „სახელი“– პირის სახელი პასპორტის შესაბამისად;

გ) მესამე გრაფაში – „პასპორტის ნომერი“ – იწერება პირის პასპორტის ნომერი;

დ) მეოთხე გრაფაში – „პასპორტის გამცემი ქვეყანა“ – იწერება იმ ქვეყნის დასახელება, ვის მიერაც გაცემულ იქნა პასპორტი დეკლარაციის შემვსებ ფიზიკურ პირზე;

ე) მეხუთე გრაფაში – „გასვლის ქვეყანა“ – ივსება იმპორტის (ან სახელმწიფოს სასარგებლოდ უარის თქმის) შემთხვევაში და იწერება იმ ქვეყნის დასახელება, საიდანაც პირი ჩამოვიდა საქართველოში;

ვ) მეექვსე გრაფაში – „შესვლის ქვეყანა“ – ივსება ექსპორტის შემთხვევაში და იწერება იმ ქვეყნის დასახელება, სადაც პირი მიემგზავრება საქართველოს ტერიტორიიდან;

ზ) მეშვიდე გრაფაში – „საქონლის აღწერილობა“ – მოცემულია სამი უჯრედი:

ზ.ა) პირველ უჯრედში „საქონლის დასახელება“ – მიეთითება პირის მიერ საბაჟო საზღვარზე გადასატანად განკუთვნილი საქონლის დასახელება;

ზ.ბ.) მეორე უჯრედში „რაოდენობა, კგ.“ – მიეთითება საბაჟო საზღვარზე გადასატანად განკუთვნილი საქონლის რაოდენობა კილოგრამებში, იმ შემთხვევაში, როდესაც საქონელს გააჩნია საგარეო-ეკონომიკური საქმიანობის სასაქონლო ნომენკლატურით გათვალისწინებული დამატებითი ზომის ერთეული, კილოგრამში საქონლის რაოდენობის გარდა მეორე სტრიქონად მიეთითება ასევე რაოდენობა დამატებითი ზომის ერთეულშიც;

ზ.გ.) მესამე უჯრედში „საქონლის კოდი სეს სნ-ს შესაბამისად“ – მიეთითება საბაჟო საზღვარზე გადასატანად განკუთვნილი საქონლის კოდი საგარეო- ეკონომიკური საქმიანობის სასაქონლო ნომენკლატურის შესაბამისად;

თ) მერვე გრაფაში „ჯამი“ – იწერება „რაოდენობა კგ.“ სვეტში მითითებული საქონლის საერთო რაოდენობა კილოგრამებში;

ი) მეცხრე გრაფაში „შევსების თარიღი“ – პირის მიერ იწერება დეკლარაციის შევსების თარიღი;

კ) მეათე გრაფაში – „ხელმოწერა“ – პირი ხელმოწერით ადასტურებს დეკლარაციაში გაცხადებული მონაცემების სისწორეს;

ლ) მეთერთმეტე გრაფაში – „შენიშვნა“ – პირს შეუძლია დამატებითი ინფორმაციის მითითება აღნიშნულ გრაფაში დეკლარაციაში გაცხადებული საქონლის შესახებ;

მ) მეთორმეტე გრაფაში – „რეჟიმი“ – მითითებულია ორი საბაჟო რეჟიმის კოდი „40“ და „10“. საქონლის იმპორტის შემთხვევაში გადაიხაზება კოდი – „40“, ხოლო საქონლის ექსპორტის შემთხვევაში – „10“;

ნ) მეცამეტე გრაფაში – „საბაჟო-გამშვები პუნქტი (საბაჟო საგუშაგო)“ – გრაფის პირველ განყოფილებაში „დასახელება:“ მიეთითება საბაჟო-გამშვები პუნქტის (საბაჟო საგუშაგოს) დასახელება, ხოლო მე-2 განყოფილებაში „კოდი“ მიეთითება საბაჟო-გამშვები პუნქტის (საბაჟო საგუშაგოს) შესაბამისი კოდი;

ო) მეთოთხმეტე გრაფაში – „ავტოსატრანსპორტო საშუალება“ – პირველ განყოფილებაში „მარკა“ – იწერება იმ ავტოსატრანსპორტო საშუალების მარკა, რომლითაც დეკლარაციაში გახცადებული საქონელი გადაადგილდება საბაჟო საზღვარზე. მე-2 განყოფილებაში „სახ №“ უნდა ჩაიწეროს ავტოსატრანსპორტო საშუალების სახელმწიფო ნომერი;

პ) მეთხუთმეტე გრაფაში – „საბაჟო გადასახდელების გამოანგარიშება“ – არსებობს ორი განყოფილება:

პ.ა.) პირველ განყოფილებაში „ვალუტა 000“ მიეთითება ეროვნული ვალუტის კოდი;

პ.ბ.) პირველი განყოფილების უჯრედში „საქონლის ღირებულება“ – დეკლარაციის მარცხენა ნაწილში გაცხადებული შესაბამისი საქონლის ღირებულება;

პ.გ.) პირველი განყოფილების მეორე უჯრედში „საბაჟო ღირებულება“ – შესაბამისი საქონლის საბაჟო ღირებულება მოქმედი კანონმდებლობის შესაბამისად;

პ.დ.) მეორე განყოფილებაში „დარიცხვა“ – არსებობს ოთხი უჯრედი:

პ.დ.ა) პირველ უჯრედში – „საბაჟო მოსაკრებელი“ – იწერება შესაბამის საქონელზე დარიცხული საბაჟო მოსაკრებელის ოდენობა;

პ.დ.ბ.) მეორე უჯრედში „საბაჟო გადასახადი“ – იწერება შესაბამის საქონელზე დარიცხული საბაჟო გადასახადის ოდენობა;

პ.დ.გ.) მესამე უჯრედში „დღგ“ – იწერება შესაბამის საქონელზე დარიცხული დამატებული ღირებუ-ლების გადასახადის ოდენობა;

პ.დ.დ) მეოთხე უჯრედში „სულ“ – იწერება დეკლარაციაში დარიცხული მოსაკრებლის, საბაჟო გადასახადისა და დღგ-ის თანხების ჯამი საქონლის როგორც თითოეულ, ასევე ყველა დასახელებაზე ერთად მე-15 გრაფის ბოლო მარჯვენა უჯრედში;

ჟ) მეთექვსმეტე გრაფაში – „გადახდის დამადასტურებელი დოკუმენტის ნომერი“ – იწერება ამ მუხლის „პ“ ქვეპუნქტში მითითებული საბაჟო გადასახდელების გადახდის დამადასტურებელი დოკუმენტის ნომერი;

რ) მეჩვიდმეტე გრაფა – „განსაკუთრებული აღნიშვნები“ – ივსება საბაჟო ორგანოს მიერ საქონლის საბაჟო დამუშავებასთან დაკავშირებით დამატებითი ინფორმაციის მითითების შემთხვევაში;

ს) მეთვრამეტე გრაფაში – „საბაჟო აღნიშვნები“ – საბაჟო ორგანოს პასუხისმგებელი პირის მიერ, პირადნომრიანი ბეჭდით და შესაბამისი შტამპით („გაშვება ნებადართულია“) დასტურდება დეკლარაციაში გაცხადებული საქონლის საბაჟო დამუშავების ოპერაციის დასრულება თარიღის მითითებით. ბეჭდის დასმა შტამპის შიგნით დაუშვებელია. სრულყოფილად უნდა იკითხებოდეს ბეჭდისა და შტამპის ნომრები და წარწერა.

დანართი №17

სატვირთო საბაჟო დეკლარაციის ფორმა №2

1. გვარი 2. სახელი 3. პასპორტის ნომერი 4. პასპორტის გამცემი ქვეყანა 5. გასვლის ქვეყანა 6. შესვლის ქვეყანა				N000000/00000 12. 12. 40 10 13. საბაჟო გამშვები პუნქტი (საბაჟო საგუშაგო) დასახელება: კოდი: 14. ავტოსატრანსპორტო საშუალება მარკა: სახ. N
				15. საბაჟო გადასახდელების გამოანგარიშება
						7. საქონლის აღწერილობა			ვალუტა 000		დარიცხვა, ლარი
საქონლის დასახელება	რაოდენობა, კგ	საქონლის კოდი სეს სნ-ის შესაბამისად	საქონლის ღირებულება		საბაჟო ღირებულება	საბაჟო მოსაკრებელი	საბაჟო გადასახადი	დღგ	სულ

							8. ჯამი			16. გადახდის დამადასტურებელი დოკუმენტის N
							9. შევსების თარიღი„—“ ------------ 200 წ. 10. ხელმოწერა----------------------
							11. შენიშვნა:			17. განსაკუთრებული აღნიშვნები:
			18. საბაჟო აღნიშვნები: თარიღი „ ––– “ –––––––––––– 200 წ“

დანართი №18

საქართველოს ფინანსთა სამინისტროს

შემოსავლების სამსახურს

საწარმოს დირექტორის ან მეწარმე ფიზიკური პირის:

(წარმომადგენლის) ––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––

ტელეფონი/ფაქსი –––––––––––––––––––––––––––––––––––––––––––––––––––––––––––––––––––––

განცხადება

საბაჟო დეკლარაციის მონაცემთა ბაზის ელექტრონული დამუშავების სისტემაში დაშვების შესახებ

გთხოვთ, უზრუნველყოთ საბაჟო დეკლარაციის მონაცემთა ბაზის ელექტრონული დამუშავების სისტემაში დაშვება.

იმ ფიზიკური პირის (პირების) საიდენტიფიკაციო მონაცემები, რომელთა მიერ უშუალოდ შეივსება საბაჟო დეკლარაცია

ფიზიკური პირის სახელი, გვარი: –––––––––––––––––––––––––––––––––––––––––––––––––––––

მოქალაქის პირადობის მოწმობის სერია, ნომერი, პირადი ნომერი: ––––––––––––––––––––––––

––––––––––––––––––––––––––––––––––––––––––––––––––––––––––––––––––––––––––––––––––––

მუდმივი საცხოვრებელი ადგილის მისამართი: –––––––––––––––––––––––––––––––––––––––––

(რამდენიმე ფიზიკური პირის შემთხვევაში განცხადებას დაურთეთ ამ პირების შესახებ აღნიშნული მონაცემები)

დეკლარანტი:

––––––––––––– უშუალო

––––––––––––– პირდაპირი წარმომადგენელი

––––––––––––– ირიბი წარმომადგენელი

დანართი :

სამეწარმეო რეესტრიდან ამონაწერი(გვ.)

საგადასახადო რეგისტრაციის მოწმობა (გვ.)

წარმომადგენლობის დამადასტურებელი დოკუმენტი (წარედგინება ინ შემთხვევაში, როცა განცმხადებელია საწარმოს ან მეწარმე ფიზიკური პირის წარმომადგენელი) (გვ.)

განცმხადებლის ხელმოწერა: ––––––––––––––––––––––––––

თარიღი ––––––––––––––––––––––––––

დანართი №19

ინსტრუქცია

„საბაჟო-სავაჭრო თანამშრომლობის მონაწილეთა მიერ საქართველოს საბაჟო ტერიტორიაზე საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ საქონელზე, რომლის მიმართაც დადგენილი წესით ხორციელდება გამარტივებული საბაჟო კონტროლი, სატვირთო-საბაჟო დეკლარაციის შევსების, წარდგენის და რეგისტრაციის წესების შესახებ“

მუხლი 1

1. „საბაჟო-სავაჭრო თანამშრომლობის მონაწილეთა მიერ საქართველოს საბაჟო ტერიტორიაზე საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ საქონელზე, რომლის მიმართაც დადგენილი წესით ხორციელდება გამარტივებული საბაჟო კონტროლი, სატვირთო-საბაჟო დეკლარაციის შევსების, წარდგენის და რეგისტრაციის წესების შესახებ“ ინსტრუქცია (შემდგომში – ინსტრუქცია) ადგენს საბაჟო-სავაჭრო თანამშრომლობის მონაწილეთა მიერ საქონლის თავისუფალ მიმოქცევაში გაშვების (იმპორტის) საბაჟო რეჟიმში (შემდგომში – იმპორტი) გაცხადებულ საქონელზე, რომლის მიმართაც დადგენილი წესით ხორციელდება გამარტივებული საბაჟო კონტროლი, სატვირთო-საბაჟო დეკლარაციის (შემდგომში – დეკლარაცია) შევსების, წარდგენის და რეგისტრაციის წესებს.

2. საბაჟო-სავაჭრო თანამშრომლობის მონაწილეობა პირს არ ართმევს უფლებას, რომ ჩვეულებრივი წესით (ამ ბრძანების დანართი №1-ით დამტკიცებული ინსტრუქციის შესაბამისად) განახორციელოს იმპორტის საბაჟო რეჟიმის განსაზღვრის დასრულება.

მუხლი 2

ინსტრუქციაში გამოყენებულ ტერმინთა განმარტებები:

ა) დეკლარანტი – საქართველოს ფინანსთა მინისტრის შესაბამისი ბრძანებით დამტკიცებული ინსტრუქციით განსაზღვრული „საბაჟო-სავაჭრო თანამშრომლობის მონაწილე“, რომელიც დეკლარირებას ახორციელებს თავისი სახელით ან რომლის სახელითაც ხორციელდება საბაჟო დეკლარირება;

ბ) საქონელი – საბაჟო-სავაჭრო თანამშრომლობის მონაწილეთა მიერ, ან მათი დანიშნულებით ამ ინსტრუქციის შესაბამისად საქართველოს საბაჟო ტერიტორიაზე შემოტანილი, საქონლის იმპორტის საბაჟო რეჟიმში მოსაქცევად განკუთვნილი საქონელი, გარდა ქვემოთ მითითებული საქონლისა:

ბ.ა) შეზღუდულად ბრუნვადი მასალები (იმ შემთხვევის გარდა, როცა აღნიშნული საქონლის მიმღებია „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით გათვალისწინებული სამინისტრო);

ბ.ბ) ბირთვული და რადიაციული ობიექტები, ბირთვული მასალები, რადიაქტიური ნივთიერებები, რადიაქტიური ნარჩენები, მინერალები (წიაღისეული), რომლებისაგანაც პრაქტიკულად შესაძლებელია ბირთვული მასალების მიღება, ყველაფერი, რაც დამზადებულია ბირთვული მასალისაგან ან რადიაქტიური ნივთიერებისაგან ან შეიცავს მათ, როგორც შემადგენელ ნაწილს, აგრეთვე ბირთვული ტექნოლოგიები ან ნოუ-ჰაუები (იმ შემთხვევის გარდა, როცა აღნიშნული საქონლის მიმღებია „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით გათვალისწინებული სამინისტრო);

ბ.გ) „გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ“ კონვენციის (CITES) დანართებში შეტანილი სახეობები, მათი ნაწილები და დერივატები;

ბ.დ) იარაღი და საბრძოლო მასალები (იმ შემთხვევის გარდა, როცა აღნიშნული საქონლის მიმღებია „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით გათვალისწინებული სამინისტრო);

ბ.ე) სპეციალურ კონტროლს დაქვემდებარებული სამკურნალო საშუალებები;

ბ.ვ) მილსადენი ტრანსპორტით და ელექტროგადამცემი ხაზებით გადაადგილებული საქონელი;

ბ.ზ) „საბაჟო-სავაჭრო თანამშრომლობის მონაწილე“ პირთა მიერ ან მათი დანიშნულებით ერთი სატრანსპორტო საშუალებით ერთდროულად გადაადგილებული საქონლის თავისუფალ მიმოქცევაში გაშვების (იმპორტის) საბაჟო რეჟიმში მოსაქცევად განკუთვნილი და ტრანზიტის საბაჟო რეჟიმში მოქცეული საქონელი ან/და სხვა საქონელი, რომლის მიმართ „საბაჟო-სავაჭრო თანამშრომლობის მონაწილე“ პირის მიერ გამოყენებულ იქნება სხვა საბაჟო დამუშავების ოპერაცია;

ბ.თ) ერთი სატრანსპორტო საშუალებით ერთდროულად გადაადგილებული საქონლის თავისუფალ მიმოქცევაში გაშვების (იმპორტის) საბაჟო რეჟიმში მოსაქცევად განკუთვნილი საქონელი, რომლის მიმღებს საბაჟო-სავაჭრო თანამშრომლობის მონაწილესთან ერთად წარმოადგენს სხვა პირი (იმ შემთხვევაშიც, როცა ეს პირი საბაჟო-სავაჭრო თანამშრომლობის მონაწილეა);

ბ.ი) საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) 8702, 8703, 8704, 8705, 8711 (გარდა 871110000 კოდით კლასიფიცირებული საქონლისა) და 8716 სასაქონლო პოზიციებში აღწერილი და კლასიფიცირებული საქონელი;

ბ.კ) საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) 2402 10; 2402 20 სასაქონლო სუბპოზიციების საქონელი; სამრეწველო დამზადების სხვა თამბაქო და თამბაქოს სამრეწველო შემცვლელები; თამბაქო „ჰომოგენიზირებული“ ან „აღდგენილი“, თამბაქოს ექსტრატები და ესენციები 2403 (გარდა 2403 10 900 00, 2403 99 900 00);

ბ.ლ) საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) 2709 00 900 00; 2713 20 000 00; 2713 90 900 00; 3403 19 100 00; 3403 19 910 00; 3403 19 990 00; 3403 99 100; 3403 99 900; 2710 11 110 00-2710 99 000 00; 2711 11 000 00-2711 19 000 00; 2901 10 100 00-2901 29 800 00; 3911 10 000 00-3911 90 990 00; 2707 10 100 00-2707 60 600 00 (გარდა ნაფტალინისა – 2707 40 000 00); 2902 11 100 000-2902 43 000 00; 2905 11 000 00-2905 16 800 00; 3811 11 100 00-3811 90 000 00; 3814 00 100 00, 3814 00 900 00; 2712 20 000 00, 2712 20 900 00 სასაქონლო ქვესუბპოზიციებში აღწერილი და კლასიფიცირებული საქონელი.

გ) სასაქონლო პარტია – ერთი ან რამდენიმე დასახელების საქონელი, გაგზავნილი ერთი გამგზავნის მიერ ერთი მისამართით ერთი ხელშეკრულების საფუძველზე, ერთი სახეობის ტრანსპორტით, წარდგენილი საბაჟო დამუშავების ოპერაციისათვის ერთდროულად, ერთი და იგივე საბაჟო პუნქტის გავლით, მიუხედავად სატრანსპორტო საშუალებებისა და გადაზიდვის დამადასტურებელი დოკუმენტების რაოდენობისა.

დ) რისკი – საქართველოს საბაჟო კანონმდებლობის პოტენციური დარღვევის ალბათობა;

ე) რისკის პროფილი – რისკების კრიტერიუმების ერთობლიობა, რომლის შინაარსი ისაზღვრება მოპოვებული ინფორმაციის ანალიზისა და განსაზღვრული კატეგორიის მიხედვით კლასიფიცირების საფუძველზე, წინასწარ განსაზღვრული და შერჩევის დადგენილი კრიტერიუმების ფარგლებში და მტკიცდება საქართველოს ფინანსთა მინისტრის ბრძანებით დადგენილი წესით;

ვ) დერეფანი – (მწვანე, ყვითელი, წითელი და ლურჯი) საბაჟო კონტროლის ღონისძიება, რომელიც საბაჟო მოხელემ უნდა განახორციელოს დეკლარირებული საქონლის შესახებ მონაცემთა რისკის კრიტერიუმთან თანხვედრის ან არათანხვედრის შემთხვევაში;

ზ) მწვანე დერეფანი – საქონლის მიმართ იმპორტის საბაჟო დამუშავების ოპერაციის განხორციელებისას საქონლის გაშვება დეკლარაციის და თანდართული დოკუმენტების კამერალური შემოწმებისა და საქონლის დათვალიერების გარეშე;

თ) წითელი დერეფანი – საქონლის მიმართ იმპორტის საბაჟო დამუშავების ოპერაციის განხორციელებისას დეკლარაციისა და თანდართული დოკუმენტების კამერალური შემოწმება, აგრეთვე დეკლარირებული საქონლის დათვალიერება;

ი) ლურჯი დერეფანი – საქონლის მიმართ იმპორტის საბაჟო დამუშავების ოპერაციის განხორციელებისას დეკლარაციისა და თანდართული დოკუმენტების კამერალური შემოწმების შედეგად საქონლის გაშვების შემდგომ პერიოდში დოკუმენტების უტყუარობისა და საბაჟო გადასახდელების დარიცხვის სისწორის შემოწმება.

მუხლი 3

1. დეკლარაციის წარდგენა ხდება საქართველოს საბაჟო კანონმდებლობით განსაზღვრულ იმ საბაჟო ორგანოში, სადაც წარმოებს საქონლის საბაჟო დამუშავების ოპერაცია.

2. დეკლარანტს უფლება აქვს:

ა) დეკლარაცია წარადგინოს საქონლის საქართველოს საბაჟო ტერიტორიაზე შემოტანამდე არა უმეტეს 10 დღით ადრე ან/და საქონლის სასაზღვრო საბაჟო ორგანოში წარდგენიდან არა უგვიანეს მომდევნო სამუშაო დღისა და ისარგებლოს ამ ინსტრუქციის მე-6 მუხლით დადგენილი წესით;

ბ) დეკლარაცია წარადგინოს საქონლის სასაზღვრო საბაჟო ორგანოში წარდგენის შემდეგ, საქართველოს საბაჟო კოდექსის 61-ე მუხლით დადგენილ ვადებში და ისარგებლოს ამ ინსტრუქციის მე-7 მუხლით დადგენილი წესით.

მუხლი 4

1. ერთი დეკლარაციით შეიძლება გაცხადდეს მხოლოდ ერთი სასაქონლო პარტია.

2. დეკლარაცია წარედგინება ამ ბრძანების დანართი №2-ით დადგენილი ფორმით და ივსება დანართი №1-ით დამტკიცებული ინსტრუქციის მე-8 მუხლის შესაბამისად, თუ ამ ინსტრუქციით სხვა რამ არ არის გათვალისწინებული.

3. დეკლარაციის პირველ გრაფაში საბაჟო დამუშავების ოპერაციის (იმპორტის) ციფრული კოდი ნაცვლად „40‘‘-ისა მიეთითება – „44“.

მუხლი 5

1. დეკლარაციასთან ერთად წარედგინება საქართველოს ფინანსთა მინისტრის 2006 წლის 20 დეკემბრის №1760 ბრძანებით დამტკიცებული „საქონლის თავისუფალ მიმოქცევაში გაშვების (იმპორტის) საბაჟო რეჟიმის გამოყენების წესების შესახებ ინსტრუქციით“ გათვალისწინებული, აგრეთვე კანონმდებლობით განსაზღვრული სხვა პირობებიდან გამომდინარე საჭირო დოკუმენტები (შესაძლებელია მონაწილის მიერვე დამოწმებული ასლების წარდგენაც), საბაჟო გადასახდელების გადახდის დამადასტურებელი დოკუმენტების ორიგინალების ჩათვლით.

2. საბაჟო დამუშავების განმახორციელებელი საბაჟო ორგანოს უფლებამოსილი მოხელე ახორციელებს დეკლარაციის შემოწმებას, წარმოდგენილ დოკუმენტებთან მისი შესაბამისობისა და საბაჟო გადასახდელების გადახდის დადასტურების მიზნით. აღნიშნულის შემდეგ საბაჟო მონაცემთა ბაზის ელექტრონული დამუშავების სისტემის გამოყენებით დეკლარაციას ენიჭება C (სტატისტიკური) ნომერი, რის საფუძველზეც სასაზღვრო საბაჟო ორგანო ელექტრონულად დაიშვება დეკლარაციასთან.

3. დეკლარაციის შემოწმების ვადა არ უნდა აღემატებოდეს 2 საათს.

მუხლი 6

1. ამ ინსტრუქციის მე-3 მუხლის მე-2 პუნქტის „ა“ ქვეპუნქტით გათვალისწინებულ შემთხვევაში, სასაზღვრო საბაჟო ორგანოში საქონლის წარდგენის დროს საბაჟო მონაცემთა ავტომატიზირებული სისტემის (ASYCUDA) ბაზაში რეგისტრირებული დეკლარაციის გამოძახებისას, სისტემაში ინტეგრირებული რისკების მართვის სისტემის მეშვეობით რისკის კრიტერიუმებთან თანხვედრისა და საბაჟო კონტროლისათვის განსაზღვრული პროცენტული მაჩვენებლის შესაბამისად შემთხვევითი შერჩევის საფუძველზე, დეკლარაციისათვის განისაზღვრება მწვანე, ლურჯი ან წითელი დერეფანი. ამასთან, მწვანე დერეფანი ნიშნავს იმ შემთხვევას, როცა დეკლარაცია არ გადაიყვანება წითელ ან ლურჯ დერეფანში.

2. მწვანე დერეფნის განსაზღვრის შემთხვევაში:

ა) დეკლარაციას საბაჟო მონაცემთა ავტომატიზირებული სისტემის (ASYCUDA)-ს მიერ ავტომატურად ენიჭება A და K ნომრები (A ნომერი ადასტურებს დეკლარაციისა და თანმხლები დოკუმენტების კამერალურ შემოწმებას, K ნომერი – გადასახდელების გადახდას);

ბ) სასაზღვრო საბაჟო კონტროლის განხორციელების შემდგომ ხორციელდება დეკლარაციის ქაღალდზე ამობეჭდვა. დეკლარაციის „C“ გრაფაში – უნდა დაისვას საბაჟო ორგანოს დამღა „გაშვება ნებადართულია“. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გაფორმების თარიღს. დამღა მოწმდება ამავე მოხელის პირადნომრიანი ბეჭდით, როდესაც ის მიიღებს გადაწყვეტილებას საქონლის გაშვებაზე. ბეჭდის დასმა დამღის შიგნით დაუშვებელია. ხელმოწერა შესრულებული უნდა იყოს გარკვევით. სრულყოფილად უნდა იკითხებოდეს ბეჭდისა და დამღის ნომრები და წარწერა. დამატებითი ფურცლების აღნიშნულ გრაფაში ისმება მხოლოდ პირადნომრიანი ბეჭედი;

გ) დეკლარაციების კომპლექტი შედგება 3 სხვადასხვა ფერის (ულტრაიისფერი დაცვის მქონე გერბიანი ორი თეთრი და ულტრაიისფერი დაცვის მქონე გერბიანი ერთი ცისფერი) ფურცლისაგან და ნაწილდება შემდეგნაირად:

გ.ა) ორი თეთრი ფურცელი რჩება სასაზღვრო საბაჟო ორგანოში, რომელთაგან ერთი ეგზავნება საბაჟო დამუშავების საბაჟო ორგანოს;

გ.ბ) ცისფერი ფურცელი გადაეცემა დეკლარანტს.

3. ლურჯი დერეფნის განსაზღვრის შემთხვევაში ხორციელდება ამ მუხლის მე-2 პუნქტში მითითებული პროცედურები და იმპორტის საბაჟო რეჟიმში მოქცეული საქონელი გაშვების შემდგომ პერიოდში ექვემდებარება დოკუმენტების უტყუარობისა და საბაჟო გადასახდელების დარიცხვის სისწორის შემოწმებას.

4. ამ მუხლის მე-2 და მე-3 პუნქტებით გათვალისწინებულ შემთხვევებში ერთი დეკლარაციით დეკლარირებული საქონლის გაშვება ამავე დეკლარაციით განხორციელდება იმ შემთხვევაში, თუ ერთი სასაქონლო პარტიით გაგზავნილი საქონელი სასაზღვრო საბაჟო ორგანოს წარედგინება ერთდროულად, გარდა ამ მუხლის მე-4 პუნქტით გათვალისწინებული შემთხვევისა.

5. თუ სარკინიგზო ტრანსპორტით გადაადგილებული ერთი სასაქონლო პარტიით გაგზავნილი საქონლის ერთდროულად წარდგენა ვერ ხორციელდება 1 სთ და 30 წთ-ის განმავლობაში, სასაქონლო პარტიის ყოველი წარდგენილი ნაწილის გაშვება სასაზღვრო ორგანოს მიერ ხორციელდება აღრიცხვის მოწმობის გამოწერით (იხურება იქვე). ამასთან დეკლარაცია არ ამოიბეჭდება მთელი დეკლარირებული საქონლის ბოლო ნაწილის გაშვებამდე.

6. წითელი დერეფნის განსაზღვრის შემთხვევაში დეკლარაციას A და K ნომრები არ მიენიჭება, სასაზღვრო საბაჟო ორგანოს მიერ დეკლარაცია არ ამოიბეჭდება და საქონელი დადგენილი წესით იგზავნება მონაწილის საწყობის ან მის მიერ შერჩეული, საბაჟო დამუშავების ოპერაციის განმახორციელებელ საბაჟო ორგანოსთან უახლოესი, საბაჟო საწყობის დანიშნულებით.

მუხლი 7

1. ამ ინსტრუქციის მე-3 მუხლის მე-2 პუნქტის „ბ“ ქვეპუნქტით გათვალისწინებულ შემთხვევაში, საქართველოს საბაჟო კოდექსის 61-ე მუხლით დადგენილ ვადებში საბაჟო დამუშავების საბაჟო ორგანოში წარდგენილი დეკლარაციისათვის C (სტატისტიკური) ნომრის მინიჭების შემდეგ, სისტემაში ინტეგრირებული რისკების მართვის სისტემის მეშვეობით რისკის კრიტერიუმებთან თანხვედრისა და საბაჟო კონტროლისათვის განსაზღვრული პროცენტული მაჩვენებლის შესაბამისად შემთხვევითი შერჩევის საფუძველზე დეკლარაციისათვის განისაზღვრება მწვანე, ლურჯი ან წითელი დერეფანი, რომელიც განსაზღვრავს საქონლის მიმართ გამოსაყენებელი საბაჟო კონტროლის ფორმას (პროცედურებს).

2. მწვანე დერეფნის განსაზღვრის შემთხვევაში:

ა) დეკლარაციას მონაცემთა ავტომატიზირებული სისტემის (ASYCUDA) მეშვეობით უკვე მინიჭებული აქვს A და K ნომრები;

ბ) ხორციელდება დეკლარაციის ქაღალდზე ამობეჭდვა. დეკლარაციის „C“ გრაფაში უნდა დაისვას საბაჟო ორგანოს დამღა _ „გაშვება ნებადართულია“. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გაფორმების თარიღს. დამღა მოწმდება ამავე მოხელის პირადნომრიანი ბეჭდით, როდესაც ის მიიღებს გადაწყვეტილებას საქონლის გაშვებაზე. ბეჭდის დასმა დამღის შიგნით დაუშვებელია. ხელმოწერა შესრულებული უნდა იყოს გარკვევით. სრულყოფილად უნდა იკითხებოდეს ბეჭდისა და დამღის ნომრები და წარწერა. დამატებითი ფურცლების აღნიშნულ გრაფაში ისმება მხოლოდ პირადნომრიანი ბეჭედი;

გ) დეკლარაციების კომპლექტი შედგება 2 სხვადასხვა ფერის (ულტრაიისფერი დაცვის მქონე გერბიანი ერთი თეთრი და ულტრაიისფერი დაცვის მქონე გერბიანი ერთი ცისფერი) ფურცლისაგან და ნაწილდება შემდეგნაირად:

გ.ა) თეთრი ფურცელი რჩება საბაჟო დამუშავების საბაჟო ორგანოში;

გ.ბ) ცისფერი ფურცელი გადაეცემა დეკლარანტს.

4. წითელი დერეფნის განსაზღვრის შემთხვევაში დეკლარაციას მონაცემთა ავტომატიზირებული სისტემის (ASYCUDA) მეშვეობით A და K ნომრები არ მიენიჭება, დეკლარაცია არ ამოიბეჭდება და საქონელი დადგენილი წესით ექვემდებარება საბაჟო დათვალიერებას.

5. დათვალიერების შედეგების გათვალისწინებით საქონლის გაშვების შემთხვევაში ხორციელდება დეკლარაციის ქაღალდზე ამობეჭდვა და პასუხისმგებელი მოხელის მიერ A და K ნომრების მინიჭება. დეკლარაციის „C“ გრაფაში – უნდა დაისვას საბაჟო ორგანოს დამღა „გაშვება ნებადართულია“. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გაფორმების თარიღს. დამღა მოწმდება ამავე მოხელის პირადნომრიანი ბეჭდით.

დანართი №20

ინსტრუქცია

„სსიპ საქართველოს შინაგან საქმეთა სამინისტროს მომსახურების სააგენტოს განყოფილებების სარეგისტრაციო სამსახურებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ ავტოსატრანსპორტო საშუალებებზე საბაჟო დეკლარაციის შევსების, წარდგენის და რეგისტრაციის წესების შესახებ“

მუხლი 1

1. „სსიპ საქართველოს შინაგან საქმეთა სამინისტროს მომსახურების სააგენტოს განყოფილებების სარეგისტრაციო სამსახურებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ ავტოსატრანსპორტო საშუალებებზე საბაჟო დეკლარაციის შევსების, წარდგენის და რეგისტრაციის წესების შესახებ“ ინსტრუქცია (შემდგომში – ინსტრუქცია) განსაზღვრავს „სატვირთო-საბაჟო დეკლარაციის ფორმა №3“-ის (შემდგომში – დეკლარაცია) შევსების, წარდგენის და რეგისტრაციის წესებს.

2. ამ ინსტრუქციის მოქმედება არ ვრცელდება საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ ავტოსატრანსპორტო საშუალებებზე:

ა) რომლებიც არ არის აღწერილი და კლასიფიცირებული საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) 8703 სასაქონლო პოზიციაში;

ბ) რომლებიც თავისუფალ მიმოქცევაში გაშვებამდე იმყოფებოდა სხვა საბაჟო რეჟიმში;

გ) რომელთა მიმართ გამოიყენება საგადასახადო შეღავათები ან/და საბაჟო გადასახდელებისაგან გათავისუფლება;

დ) რომელთა მიმართ გამოიყენება უცხო ქვეყნის მოქალაქის მიერ გადაადგილებული უცხოეთში რეგისტრირებული ცარიელი ავტოსატრანსპორტო საშუალებების აღრიცხვისათვის კანონმდებლობით დადგენილი წესი;

ე) რომელთა მიმართ ადგილი აქვს საბაჟო კანონმდებლობის დარღვევას.

მუხლი 2

ინსტრუქციაში გამოყენებულ ტერმინთა განმარტებები:

ა) „დეკლარანტი“ – პირი, რომელიც საბაჟო დეკლარირებას ახორციელებს თავისი სახელით ან რომლის სახელითაც ხორციელდება საბაჟო დეკლარირება;

ბ) „საქონელი“ ან „ავტოსატრანსპორტო საშუალება“ – საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) 8703 სასაქონლო პოზიციაში აღწერილი და კლასიფიცირებული ავტოსატრანსპორტო საშუალება;

გ) „რისკი“ – საქართველოს საბაჟო კანონმდებლობის პოტენციური დარღვევის ალბათობა;

დ) „დერეფანი (მწვანე, ყვითელი)“ – საბაჟო კონტროლი, რომელიც ხორციელდება დეკლარირებული საქონლის შესახებ მონაცემთა რისკის გათვალისწინებით;

ე) მწვანე დერეფანი – საქონლის თავისუფალ მიმოქცევაში გაშვების (იმპორტის) საბაჟო რეჟიმში მოქცევისას დეკლარირებული საქონლის გაშვება საბაჟო დეკლარაციის და თანდართული დოკუმენტების კამერალური შემოწმებისა და საქონლის დათვალიერების გარეშე;

ვ) „ყვითელი დერეფანი“ – საქონლის თავისუფალ მიმოქცევაში გაშვების (იმპორტის) საბაჟო რეჟიმში მოქცევისას დეკლარირებული საქონლის გაშვება საბაჟო დეკლარაციის და თანდართული დოკუმენტების კამერალური შემოწმებით.

მუხლი 3

დეკლარაციის წარდგენა ხდება საქართველოს საბაჟო კოდექსის 61-ე მუხლით დადგენილ ვადებში, რომელიც აითვლება საქონლის ზოგადი დეკლარირების საფუძველზე საქართველოს ფინანსთა მინისტრის 2006 წლის 20 დეკემბრის №1764 ბრძანებით დამტკიცებული ინსტრუქციის 11¹ მუხლის პირველი პუნქტის შესაბამისად, „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობისათვის“ მინიჭებული „D“ ნომრის გასწვრივ მითითებული შევსების თარიღიდან.

მუხლი 4

ერთი დეკლარაციით შეიძლება გაცხადდეს ერთი ავტოსატრანსპორტო საშუალება.

მუხლი 5

1. დეკლარაცია წარედგინება ამ ბრძანების დანართი №21-ით დადგენილი ფორმით.

2. დეკლარაციას ავსებს დეკლარანტი, გარდა იმ შემთხვევებისა, როდესაც დეკლარანტი თხოვნით მიმართავს სსიპ საქართველოს შინაგან საქმეთა სამინისტროს მომსახურების სააგენტოს (შემდგომში – სააგენტო) დეკლარაციის შევსების თაობაზე.

3. დეკლარაციასთან ერთად წარედგინება საქართველოს ფინანსთა მინისტრის 2006 წლის 20 დეკემბრის №1760 ბრძანებით დამტკიცებული „საქონლის თავისუფალ მიმოქცევაში გაშვების (იმპორტის) საბაჟო რეჟიმის გამოყენების წესების შესახებ ინსტრუქციით“ გათვალისწინებული, აგრეთვე კანონმდებლობით განსაზღვრული სხვა შესაბამისი დოკუმენტები, საბაჟო გადასახდელების გადახდის დამადასტურებელი დოკუმენტების ორიგინალების ჩათვლით.

4. დეკლარაცია ივსება ქართულ ენაზე, მონაცემთა დამუშავებისა და გადაცემის ელექტრონული სისტემის გამოყენებით, ამ ინსტრუქციის მე-7 მუხლით დადგენილი წესით.

5. შევსებული დეკლარაცია სააგენტოს მიერ ელექტრონულად მიეწოდება საბაჟო ორგანოს.

6. დეკლარაციის ყველა გრაფის დადგენილი წესით შევსების შემთხვევაში, საბაჟო ორგანოს მიერ, მონაცემთა დამუშავებისა და გადაცემის ელექტრონული სისტემის გამოყენებით, დეკლარაციას ავტომატურად ენიჭება ნომერი, რაც ნიშნავს დეკლარირების დასრულებას და საქონლის გაშვებას მწვანე დერეფნის შესაბამისად.

7. დასრულებული დეკლარაცია ამოიბეჭდება 3 ეგზემპლარად და ნაწილდება შემდეგნაირად:

ა) ერთი ეგზემპლარი თანდართულ დოკუმენტებთან ერთად გადაეცემა საბაჟო დამუშავების ოპერაციის განხორციელების საბაჟო ორგანოს;

ბ) მეორე ეგზემპლარი გადაეცემა მომსახურების სააგენტოს;

გ) მესამე ეგზემპლარი უბრუნდება დეკლარანტს.

მუხლი 6

საბაჟო კანონმდებლობის დარღვევის ნიშნების არსებობის შემთხვევაში დეკლარაციას ნომერი არ მიენიჭება, არ ამოიბეჭდება და საქონელი ექვემდებარება საბაჟო დამუშავების ოპერაციის განხორციელებას ყვითელი დერეფნის შესაბამისად.

მუხლი 7

1. დეკლარანტი დეკლარაციის შევსებისას ავსებს პირველ–მე-11 გრაფებს.

2. გრაფა 1. „იმპორტიორი“ – გრაფაში აღინიშნება საქონლის მიმღების შესახებ მონაცემები. თუ საქონლის მიმღები იურიდიული პირია, გრაფაში აღინიშნება მისი სრული სახელწოდება, მისამართი, ტელეფონის ან ფაქსის (ტელეფაქსის) ნომერი, ხოლო გრაფის ზედა ნაწილში „№“ ნიშნის შემდეგ აღინიშნება საქონლის მიმღების საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. თუ საქონლის მიმღები ფიზიკური პირია, გრაფაში აღინიშნება მისი სახელი, გვარი, მისამართი, ხოლო გრაფის ზედა ნაწილში „№“ ნიშნის შემდეგ აღინიშნება მოქალაქის პირადობის მოწმობაში აღნიშნული პირადი ნომერი ან საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ.

3. გრაფა 2. „წარმომადგენელი“ – თუ დეკლარირება ხორციელდება წარმომადგენლის მეშვეობით, გრაფაში აღინიშნება წარმომადგენლის სრული სახელწოდება, მისამართი, ტელეფონის ან ფაქსის (ტელეფაქსის) ნომერი, ხოლო გრაფის ზედა ნაწილში „№“ ნიშნის შემდეგ აღინიშნება წარმომადგენლის საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. თუ წარმომადგენელი ფიზიკური პირია, გრაფაში აღინიშნება მისი სახელი, გვარი, მისამართი, ხოლო გრაფის ზედა ნაწილში „№“ ნიშნის შემდეგ აღინიშნება მოქალაქის პირადობის მოწმობაში აღნიშნული პირადი ნომერი. იმ შემთხვევაში, თუ დეკლარანტი არის უშუალოდ საქონლის მიმღები, მაშინ გრაფაში მიეთითება – „იხ. გრაფა 1“.

4. გრაფა 3. „გამომგზავნი ქვეყანა“ – გრაფაში აღინიშნება საქართველოში საქონლის გამომგზავნი ქვეყნის მოკლე დასახელება ამ ბრძანებით დამტკიცებული „საბაჟო დეკლარირების კლასიფიკატორის“ (დანართი №15) ნაწილი 3-ის შესაბამისად. გამომგზავნი ქვეყანა განისაზღვრება სატრანსპორტო დოკუმენტებში მოყვანილი ცნობების საფუძველზე, რომელთა თანახმად ხორციელდებოდა საქონლის საერთაშორისო გადაზიდვა.

5. გრაფა 4. „VIN კოდი“ – გრაფაში აღინიშნება ავტოსატრანსპორტო საშუალების „VIN“ (Vehicle Identification Number) ან სხვა საიდენტიფიკაციო ნომერი.

6. გრაფა 5. „საქონლის აღწერილობა“, რომელიც შედგება 3 უჯრისაგან:

ა) უჯრა 5.1 – მიეთითება საქონლის თერთმეტნიშნა კოდი სეს ესნ-ის შესაბამისად;

ბ) უჯრა 5.2 – მიეთითება დეკლარირებული ავტოსატრანსპორტო საშუალების ძრავის მოცულობა სმ³-ში;

გ) უჯრა 5.3 – მიეთითება დეკლარირებული ავტოსატრანსპორტო საშუალების მარკა, მოდელი, გამოშვების წელი.

7. გრაფა 6. „შევსების თარიღი“ – გრაფაში მიეთითება დეკლარაციის შევსების თარიღი.

8. გრაფა 7. „საბაჟო ღირებულება“ – გრაფაში მიეთითება მე-5 გრაფაში მითითებული საქონლის საბაჟო ღირებულება ლარებში.

9. გრაფა 8. „ხელმოწერა“ – გრაფაში დეკლარანტი ხელმოწერით ადასტურებს დეკლარაციაში გაცხადებული მონაცემების სისწორეს.

10. გრაფა 9. „აღრიცხვის მოწმობის №“ – გრაფაში მიეთითება სატრანსპორტო საშუალებაზე გამოწერილი „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის“ ნომერი.

11. გრაფა 10. „სატრანზიტო ნომერი“ – გრაფაში მიეთითება ავტოსატრანსპორტო საშუალების შიდა ტრანზიტული სარეგისტრაციო ნომერი.

12. გრაფა 11. „საბაჟო გადასახდელების გაანგარიშება“ რომელიც შედგება 4 უჯრისაგან:

ა) უჯრა 11.1. – მიეთითება დეკლარირებულ საქონელზე დარიცხული საბაჟო მოსაკრებლის ოდენობა;

ბ) უჯრა 11.2. – მიეთითება დეკლარირებულ საქონელზე დარიცხული საბაჟო გადასახადის ოდენობა;

გ) უჯრა 11.3. – მიეთითება დეკლარირებულ საქონელზე დარიცხული აქციზის ოდენობა;

დ) უჯრა 11.4. – მიეთითება დეკლარირებულ საქონელზე დარიცხული საბაჟო გადასახდელების ჯამი.

სატვირთო – საბაჟო დეკლარაცია ფორმა N3 (დანართიN21)

											N	XXXXX/XXXXX

			1	იმპორტიორი												რეჟიმი
												40
											9	გამოწერილი მოწმობის N



			2	წარმომადგენელი									10			სატრანზიტო ნომერი




		3	გამომგზავნი ქვეყანა



4	VIN კოდი



							5	საქონლის აღწერილობა									11	საბაჟო გადასახდელების გაანგარიშება

					5.1		5.2			5.3				დარიცხვა ლარი		11.1			საბაჟო მოსაკრებელი
				საქონლის კოდი სეს ესნ-ის შესაბამისად		ძრავის მოცულობა სმ ³			მანქანის მარკა
												11.2		საბაჟო გადასახადი
						მოდელი
												11.3		აქციზი
						გამოშვების წელი
												11.4		სულ დაერიცხა



				6	შევსების თარიღი										7			საბაჟო ღირებულება (ლარი)

	–––––	–––––		2008 წ.

		8	ხელმოწერა
		––––––––––––––––––

საბაჟო CUSTOMS	CN 22
შესაძლებელია გაიხსნას ოფიციალურად May be opened officially	(old C1) მოხსენით ეს მხარე იმ შემთხვევაში, თუ მას თან ახლავს საბაჟო დეკლარაცია. სხვა შემთხვევაში ეს უნდა იქნეს შევსებული Detach this part of the packet if accompanied by Customs declaration. Otherwise it must be completed.
დეტალური აღწერა მოთავსებული ნივთისა Detailed Description of Contents -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- -------------------------------------------------------------------------------------------------------------------------- დოკუმენტი Document საქონელი Merchandise ღირებულება (მითითებული უნდა იქნეს ვალუტა) Value (specify the currency) ვადასტურებ, რომ შიგნით მითავსებული ნივთი არ შეიცავს საშიშ ნივთიერებებს, რომელიც აკრძალულია საფოსტო წესების მარეგულირებელი კანონით I sertify that this item does not contain any danger article prohibited by postal regulation. ხელმოწერა ––––––––––––––––––– Signature

საბაჟო დეკლარაცია CN 23 DECLARATION EN DOUANE (arcient C2/P3)
	საიდან De	გამგზავნის გვარი და მისამართი Nom et adresse de l'expediteur	გზავნილის № N De l'envol -------------------------------------------------------	გამგზავნი პუნქტი Bureau d'origine	გამგზავნის თარიღი Date de deport სად A	მიმღების გვარი და სრული მისამართი Nom et complete du destinaire	წონა Piods
		გზავნილის აღწერილობა (ჩამონათვალი) და რაოდენობა designation du conteu et nombre d'objets გამგზავნის ხელმოწერა Signature de l'expediteur ---------------------------------- ოპერატორის ხელმოწერა Signature de l'agent ------------------------------- გამგზავნი პუნქტის ბეჭედი Timbre du bureau expediteur

1. ნედლი ნავთობი (გარდა მილსადენისა) 2709 00, 2709 00 100 00, 2709 00 900 00
2. ბიტუმი 2713 20 000 00, 2713 90 900 00 3. ნავთობის მსუბუქი დისტილატები: - ბენზინი გადამუშავებისათვის - სპეციალური ბენზინი საავტომობილო ბენზინები: - ბენზინი ნორმალი აი-80 - ბენზინი რეგულარი აი-91 - ბენზინი პრემიუმი აი-95 - ბენზინი სუპერი აი-98 - რეაქტიული და სხვა ბენზინი 2710 11 110 00 , 2710 11 150 00 2710 11 210 00 , 2710 11 250 00 2710 11 410 00 2710 11 410 00 2710 11 450 00 2710 11 490 00 2710 11 700 00 , 2710 11 900 00 4. ნავთობის მძიმე დისტილატები: გაზოილი (დიზელის საწვავი): - დიზელის საწვავი გადამუშავებისათვის - დიზელის მოტორული საწვავი - თხევადი საწვავი (მაზუთი) 2710 19 310 00 , 2710 19 350 00 2710 19 410 00 - 2710 19 490 00 2710 19 510 00 - 2710 19 690 00 საქართველოს ფინანსთა მინისტრის 2008 წლის 18 იანვრის ბრძანება №81-სსმIII, №11, 24.01.2008წ., მუხ.162 დანართი №13-(ამოღებულია) საქართველოს ფინანსთა მინისტრის 2008 წლის 18 იანვრის ბრძანება №81-სსმIII, №11, 24.01.2008წ., მუხ.162 დანართი №14-(ამოღებულია) საქართველოს ფინანსთა მინისტრის 2008 წლის 18 იანვრის ბრძანება №81-სსმIII, №11, 24.01.2008წ., მუხ.162 დანართი №15 საბაჟო დეკლარირების კლასიფიკატორი ნაწილი 1. საბაჟო დამუშავების ოპერაციების კლასიფიკატორი №	დასახელება	კოდი	საბაჟო რეჟიმები 1	საქონლის თავისუფალ მიმოქცევაში გაშვება (იმპორტი) 40 2	საქონლის თავისუფალ მიმოქცევაში გაშვება (იმპორტი) გამარტივებული საბაჟო კონტროლით 44 3	საქონლის ტრანზიტი 80 4	საბაჟო საწყობში საქონლის შენახვა 74 5	საბაჟო ტერიტორიაზე საქონლის გადამუშავება 51 6	საქონლის დროებითი შემოტანა 34 7	საბაჟო ტერიტორიის გარეთ საქონლის გადამუშავება 61 8	საქონლის ექსპორტი 10	საბაჟო დამუშავების სხვა ოპერაციები 1	საქონლის გადატანა თავისუფალ ზონაში ან თავისუფალ საწყობში 71 2	საქართველოს საბაჟო ტერიტორიიდან საქონლის რეექსპორტი 11 3	საქონლის განადგურება საბაჟო ზედამხედველობის ქვეშ 76 4	საქონლის გადაცემა სახელმწიფო საკუთრებაში 75 საქართველოს ფინანსთა მინისტრის 2008 წლის 9 იანვრის ბრძანება №7-სსმIII, №3, 10.01.2008წ., მუხ.44 ნაწილი 2. საბაჟო ორგანოებისა და საბაჟო დამუშავების ოპერაციების ადგილების კლასიფიკატორი 1. საბაჟო ორგანოები №	კოდი	საბაჟო ორგანოები 1	60000	თბილისის რეგიონალური ცენტრი (საგადასახადო ინსპექცია) 2	69405	ქუთაისის რეგიონალური ცენტრი (საგადასახადო ინსპექცია) 3	69114	რუსთავის რეგიონალური ცენტრი (საგადასახადო ინსპექცია) 4	69205	გორის რეგიონალური ცენტრი (საგადასახადო ინსპექცია) 5	69037	თელავის რეგიონალური ცენტრი (საგადასახადო ინსპექცია) 6	69038	ახალციხის რეგიონალური ცენტრი (საგადასახადო ინსპექცია) 7	69202	ცხინვალის რეგიონალური ცენტრი (საგადასახადო ინსპექცია) 8	69555	ბათუმის რეგიონალური ცენტრი (საგადასახადო ინსპექცია) 9	69656	ფოთის რეგიონალური ცენტრი (საგადასახადო ინსპექცია) 10	69001	საბაჟო საგუშაგო „თბილისის აეროპორტი“ 11	69002	საბაჟო გამშვები პუნქტი „წითელი ხიდი“ 12	69003	საბაჟო გამშვები პუნქტი „სადახლო“ 13	69005	საბაჟო გამშვები პუნქტი „გუგუთი“ 14	69006	საბაჟო გამშვები პუნქტი „ახკერპი“ 15	69007	საბაჟო გამშვები პუნქტი „სამთაწყარო“ 16	69009	საბაჟო გამშვები პუნქტი „გარდაბანი“ 17	69010	საბაჟო გამშვები პუნქტი „ლაგოდეხი“ 18	69021	საბაჟო გამშვები პუნქტი „მტკვარი“ 19	69101	საბაჟო გამშვები პუნქტი „ყაზბეგი“ 20	69301	საბაჟო გამშვები პუნქტი „ვალე“ 21	69302	საბაჟო გამშვები პუნქტი „ნინოწმინდა“ 22	69401	საბაჟო გამშვები პუნქტი „ქუთაისის და სენაკის აეროპორტი“ 23	69501

საქართველოს მინისტრის ბრძანება „საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“, №1232, 22.11.2007, სარეგისტრაციო კოდი 230.210.000.22.033.011.159 (კონსოლიდირებული რედაქცია 27.05.2008). ხელმისაწვდომია: https://legali.ge/law/74428-14/

საბაჟო დეკლარაცია

CN 23

DECLARATION EN DOUANE

(arcient C2/P3)

საიდან

De

გამგზავნის გვარი და

მისამართი

Nom et adresse de l'expediteur

გზავნილის №

N De l'envol

-------------------------------------------------------

გამგზავნი პუნქტი

Bureau d'origine

გამგზავნის თარიღი

Date de deport

მიმღების გვარი და სრული მისამართი

Nom et complete du destinaire

წონა

Piods

გზავნილის აღწერილობა (ჩამონათვალი) და

რაოდენობა

designation du conteu et nombre d'objets

გამგზავნის ხელმოწერა

Signature de l'expediteur ----------------------------------

ოპერატორის ხელმოწერა

Signature de l'agent -------------------------------

გამგზავნი პუნქტის ბეჭედი

Timbre du bureau expediteur