საქართველოს საბაჟო კოდექსის 75-ე მუხლის მე-7 ნაწილის და საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ლ“ ქვეპუნქტის საფუძველზე, ვბრძანებ:

1. დამტკიცდეს:

ა) ინსტრუქცია „საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ“ (დანართი №1);

ბ) საქონლის დათვალიერების უწყება (დანართი №2);

გ) საქონლის დათვალიერების აქტი (დანართი №3);

დ) საქონლის დათვალიერების უწყებისა და საქონლის დათვალიერების აქტის რეგისტრაციის ჟურნალი (დანართი №4).

ე) თამბაქოს ნაწარმის დათვალიერების აქტი (დანართი №5).

საქართველოს ფინანსთა მინისტრის 2008 წლის 3 ივნისის ბრძანება №489 - სსმ III, 05.06.2008, №81, მუხ.872

1¹. საქონლის დათვალიერებისას და სინჯის ან/და ნიმუშის აღებისას ამ ბრძანების პირველი პუნქტის ,,ა“ ქვეპუნქტით დამტკიცებული ინსტრუქციით გათვალისწინებული საბაჟო პროცედურების განხორციელების წესის ამოქმედება განხორციელდეს ეტაპობრივად, საქართველოს ფინანსთა მინისტრის ინდივიდუალური ადმინისტრაციულ-სამართლებრივი აქტით განსაზღვრული საბაჟო დამუშავების ოპერაციების განხორციელების ადგილებზე.

საქართველოს ფინანსთა მინისტრის 2008 წლის 14 იანვრის ბრძანება №28 - სსმ III, 14.01.2008, №4, მუხ.65

2. ბრძანება ამოქმედდეს 2008 წლის 15 იანვრიდან.

ნ. გილაური

შეტანილია ცვლილებები:

1. საქართველოს ფინანსთა მინისტრის 2008 წლის 14 იანვრის ბრძანება №28 - სსმ III, 14.01.2008, №4, მუხ.65

2. საქართველოს ფინანსთა მინისტრის 2008 წლის 3 ივნისის ბრძანება №489 - სსმ III, 05.06.2008, №81, მუხ.872

3. საქართველოს ფინანსთა მინისტრის 2008 წლის 4 აგვისტოს ბრძანება №638 - სსმ III, 07.08.2008, №113, მუხ.1229

4. საქართველოს ფინანსთა მინისტრის 2008 წლის 31 დეკემბრის ბრძანება №992 - სსმ III, 31.12.2008, №187, მუხ.2017

5. საქართველოს ფინანსთა მინისტრის 2009 წლის 23 აპრილის ბრძანება №254 - სსმ III, 28.04.2009, №51, მუხ.586

6. საქართველოს ფინანსთა მინისტრის 2009 წლის 31 აგვისტოს ბრძანება №568 - სსმ III, 01.09.2009, №107, მუხ.1237

7. საქართველოს ფინანსთა მინისტრის 2010 წლის 30 ივნისის ბრძანება №536 - სსმ III, №79, 05.07.2010, მუხ.1150

დანართი №1

ინსტრუქცია

საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ

თავი I

ზოგადი დებულებები

მუხლი 1

„საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ ინსტრუქცია“ (შემდგომში – ინსტრუქცია) განსაზღვრავს საბაჟო კონტროლს დაქვემდებარებული საქონლის დათვალიერებისას და სინჯის ან/და ნიმუშის აღებისას განსახორციელებელ საბაჟო პროცედურებს, მათი ჩატარების წესებს და ამ პროცესში მონაწილე პირთა უფლება-მოვალეობებს.

მუხლი 2

ამ ინსტრუქციის მოთხოვნები არ ვრცელდება:

ა) საქონლის სახით გადაადგილებული სატრანსპორტო საშუალებების დათვალიერებაზე;

ბ) მგზავრის პირადი ნივთების (ბარგის) დათვალიერებაზე;

გ) მგზავრის დათვალიერებასა და შემოწმებაზე;

დ) საფოსტო გზავნილის დათვალიერებაზე;

ე) ელექტროგადამცემი ხაზებით და მილსადენით გადაადგილებულ საქონელზე.

თავი II

საქონლის დათვალიერება

მუხლი 3

1. საქონლის დათვალიერება (შემდგომში – დათვალიერება) წარმოადგენს საბაჟო პროცედურას, რომელიც ხორციელდება საბაჟო ზედამხედველობას დაქვემდებარებული საქონლისა და სატრანსპორტო საშუალებების მიმართ და ითვალისწინებს საბაჟო ორგანოს უფლებამოსილი მოხელეების მიერ საქონლისა ან/და სატრანსპორტო საშუალებების დათვალიერებას ტექნიკური საშუალების – რენტგენული ინსპექტირების სისტემების გამოყენებით (შემდგომ ტექსტში – სკანირება), ან/და ლუქების, შტამპებისა და საქონლის იდენტიფიკაციის სხვა საშუალებების მოხსნითა და სატრანსპორტო საშუალებების, მათი სატვირთო სათავსების, საქონლის შეფუთვის გახსნით და დათვალიერებით.

2. დათვალიერების მიზანია საბაჟო კონტროლის მიზნით საქონლისა და სატრანსპორტო საშუალებების იდენტიფიკაცია, აკრძალული საქონლის შემოტანა/გატანის აღკვეთა, საქონლის მიმართ არასატარიფო ღონისძიებების გატარება, საქონლის ფარულად გადაადგილების ფაქტების გამოვლენა და აღკვეთა, არადეკლარირებული საქონლის გამოვლენა, დეკლარირებული საქონლისთვის მინიჭებული საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) კოდის სისწორის განსაზღვრა.

საქართველოს ფინანსთა მინისტრის 2008 წლის 31 დეკემბრის ბრძანება №992 - სსმ III, 31.12.2008, №187, მუხ.2017

მუხლი 4

დათვალიერებას (სკანირების გარეშე) ახორციელებს საბაჟო დამუშავების ოპერაციის განხორციელების საბაჟო ორგანოს უფლებამოსილი სტრუქტურული ერთეულის ან/და სასაზღვრო საბაჟო ორგანოს მოხელე (შემდგომში – საბაჟო მოხელე), ხოლო სკანირებას – საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) საბაჟო კონტროლის დეპარტამენტის ოპერატიული მართვის სამმართველოს შესაბამისი ჯგუფის წევრი (შემდგომში – საბაჟო მოხელე).

საქართველოს ფინანსთა მინისტრის 2009 წლის 31 აგვისტოს ბრძანება №568 - სსმ III, 01.09.2009, №107, მუხ.1237

საქართველოს ფინანსთა მინისტრის 2010 წლის 30 ივნისის ბრძანება №536 - სსმ III, №79, 05.07.2010, მუხ.1150

თავი III

დეკლარანტის უფლება-მოვალეობები

მუხლი 5

საქონლისა ან/და სატრანსპორტო დათვალიერებისას დეკლარანტს უფლება აქვს:

ა) დაესწროს დათვალიერებას, საქონლის სინჯისა და/ან ნიმუშის აღებას;

ბ) საქონლისა და სატრანსპორტო საშუალებების დათვალიერებისას წერილობით დააფიქსიროს საკუთარი აზრი, მისცეს ახსნა-განმარტებები;

გ) მიიღოს დათვალიერების აქტის ან/და საქონლის ან/და სატრანსპორტო საშუალების სკანირების შედეგის ამსახველი სურათის ასლი;

დ) მოითხოვოს საქონლის დამატებითი დათვალიერება და დათვალიერებისას საბაჟო მოხელეების მხრიდან მისი კანონიერი უფლებების დაცვა.

მუხლი 6

დათვალიერებისას დეკლარანტი ვალდებულია:

ა) უზრუნველყოს საქონლისა და სატრანსპორტო საშუალებების საბაჟო ორგანოსთვის წარდგენა;

ბ) საბაჟო ორგანოს მოთხოვნის საფუძველზე დაესწროს დათვალიერებას და აღმოუჩინოს დახმარება საბაჟო მოხელეს (განახორციელოს საქონლის ტრანსპორტირება, აწონვა, საქონლის რაოდენობის განსაზღვრა, გადმოტვირთვა-დატვირთვა, გადატვირთვა, შეფუთვების გახსნა ან ხელმეორედ შეფუთვა, ასევე შენობების, საცავების და სხვა ადგილების გახსნა, სადაც შესაძლებელია იმყოფებოდეს საბაჟო კონტროლს დაქვემდებარებული საქონელი ან/და სატრანსპორტო საშუალებები).

თავი IV

საბაჟო მოხელის უფლება-მოვალეობები

მუხლი 7

დათვალიერებისას საბაჟო მოხელე უფლებამოსილია:

ა) მოსთხოვოს დეკლარანტს წარმოადგინოს საბაჟო კონტროლს დაქვემდებარებული საქონელი და სატრანსპორტო საშუალებები;

ბ) მიიღოს დათვალიერებაში მონაწილე პირთაგან ინფორმაცია;

გ) ამ ინსტრუქციით დადგენილი წესით, საბაჟო ორგანოს ხელმძღვანელის თანხმობით, გაზარდოს დათვალიერების მოცულობა და/ან გამოიყენოს დათვალიერების უფრო დეტალური ფორმა;

დ) საქართველოს კანონმდებლობის შესაბამისად, მოიწვიოს ექსპერტები და სპეციალისტები;

ე) აიღოს საქონლის სინჯი და/ან ნიმუში.

მუხლი 8

1. დათვალიერებისას საბაჟო მოხელე ვალდებულია:

ა) არ მიაყენოს არამართლზომიერი ზიანი საბაჟო კონტროლს დაქვემდებარებულ საქონელსა და სატრანსპორტო საშუალებებს;

ბ) დაიცვას დეკლარანტისა და დათვალიერებაში მონაწილე სხვა პირთა უფლებები;

გ) საქონლის ან/და სატრანსპორტო საშუალების სკანირებისას:

გ.ა) განახორციელოს სკანირება შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით განსაზღვრულ ადგილზე რენტგენ-სკანერის ექსპლუატაციის წესებით განსაზღვრულ ვადაში;

გ.ბ) ასახოს სკანირების მეშვეობით მიღებული სურათი საბაჟო კონტროლის ქვეშ მყოფი საქონლის ან/და სატრანსპორტო საშუალების ელექტრონულ აღრიცხვის მოწმობაში (შემდგომში – მოწმობა) შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით დადგენილი წესით;

გ.გ) შეინახოს სკანირების მეშვეობით მიღებული სურათი საქართველოს საბაჟო კოდექსით განსაზღვრული ვადით, როცა საქართველოს ფინანსთა მინისტრის მიერ განსაზღვრულ შემთხვევაში არ ივსება მოწმობა. იმ შემთხვევაში, თუ სურათი შეიცავს შესაძლო სამართალდარღვევის დამადასტურებელ მონაცემებს, რეაგირებისთვის გადასცეს ეს სურათი საბაჟო დამუშავების ოპერაციის განხორციელების საბაჟო ორგანოს უფლებამოსილი სტრუქტურული ერთეულის ან სასაზღვრო საბაჟო ორგანოს მოხელეს;

დ) განახორციელოს დათვალიერება კანონმდებლობით განსაზღვრულ ვადაში ამ ინსტრუქციით დადგენილი წესით და შედეგები ასახოს დათვალიერების აქტში;

ე) სამართალდარღვევის ფაქტის გამოვლენისას, დადგენილი წესით შეადგინოს შესაბამისი სამართალდარღვევის ოქმი და მასალები, სათანადო რეაგირებისათვის წარუდგინოს დათვალიერებაზე გადაწყვეტილების მიმღებ პირს;

ვ) წერილობით აცნობოს საბაჟო ორგანოს უფროსს დათვალიერების მოცულობისა და ფორმის შეცვლის შესახებ (მიზეზების მითითებით), ასევე აღნიშნული ასახოს დათვალიერების აქტში.

2. საქონლის დათვალიერებისას მხოლოდ სკანირების შედეგები არ შეიძლება გამოყენებულ იქნეს ამ მუხლის პირველი პუნქტით გათვალისწინებული დათვალიერების აქტის და სამართალდარღვევის ოქმის შესადგენად.

თავი V

დათვალიერებაზე დამსწრე პირები

მუხლი 9

დათვალიერებას ესწრებიან:

ა) დათვალიერების განმახორციელებელი საბაჟო მოხელე, ხოლო საჭიროების შემთხვევაში, ასევე საბაჟო ორგანოს სხვა მოხელე;

ბ) დეკლარანტი – თავისი სურვილით ან საბაჟო ორგანოს მოთხოვნით;

გ) საქონლის და/ან სატრანსპორტო საშუალებების მიმართ სხვა უფლებამოსილი პირები ან მათი წარმომადგენლები საბაჟო ორგანოს მოთხოვნით;

დ) საბაჟო საწყობის ან უბაჟო ვაჭრობის პუნქტის პასუხისმგებელი პირი, როცა საქონელი ინახება აღნიშნულ საწყობში ან უბაჟო ვაჭრობის პუნქტში;

ე) ტექნიკური პერსონალი, რომელიც აუცილებლობიდან გამომდინარე, ახორციელებს დატვირთვა-გადმოტვირთვის ან დათვალიერებასთან დაკავშირებულ სხვა სამუშაოებს;

ვ) სახელმწიფო მაკონტროლებელი ან/და სამართალდამცავი ორგანოების წარმომადგენლები – საბაჟო ორგანოს უფროსის გადაწყვეტილებით, შესაბამისი წერილობითი მომართვის საფუძველზე;

ზ) საბაჟო მოხელის გადაწყვეტილებით მოწვეული ექსპერტები, სპეციალიტები. საბაჟო ორგანოს უფროსის გადაწყვეტილებით, საერთაშორისო შეთანხმებების საფუძველზე, სხვა ქვეყნების საბაჟო ორგანოების წარმომადგენლები.

მუხლი 10

დეკლარანტის ან საქონლის და/ან სატრანსპორტო საშუალებების მიმართ სხვა უფლებამოსილი პირების ან მათი წარმომადგენლების დაუსწრებლად დათვალიერება ხორციელდება:

ა) აღნიშნული პირების საქონლის დათვალიერების უწყებით განსაზღვრულ ვადაში გამოუცხადებლობისას;

ბ) როდესაც დეკლარანტის ან/და საქონლის და/ან სატრანსპორტო საშუალებების მიმართ სხვა უფლებამოსილი პირების მიზეზით ვერ ხერხდება დათვალიერების უწყების გადაცემა;

გ) როდესაც საფრთხე ექმნება ადამიანის სიცოცხლეს და ჯანმრთელობას ან სახელმწიფო უშიშროებას ან საზოგადოებრივ წესრიგს ან ცხოველებსა და მცენარეებს ან სხვა გადაუდებელ გარემოებათა არსებობისას;

დ) საქართველოს საბაჟო ტერიტორიაზე საბაჟო ზედამხედველობას დაქვემდებარებული საქონლის მიტოვებისას, როდესაც საქონლის ან/და სატრანსპორტო საშუალების მესაკუთრის ან/და მფლობელის დადგენა შეუძლებელია.

თავი VI

დათვალიერებაზე გადაწყვეტილების მიღება

მუხლი 11

დათვალიერებას ექვემდებარება:

ა) რენტგენ-სკანერის მეშვეობით – შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით განსაზღვრულ ადგილზე საბაჟო ორგანოში წარდგენილი საქონელი ან/და სატრანსპორტო საშუალება. ამ ქვეპუნქტით გათვალისწინებული საშუალებით დათვალიერება არ განხორციელდება ამ ინსტრუქციის მე-12 მუხლის მე-2 პუნქტის ,,ბ“ ქვეპუნქტში მითითებული ერთ-ერთი პირის გადაწყვეტილების, ან რენტგენ-სკანერის გაუმართაობის საფუძველზე.

ბ) სხვა საშუალებით:

ბ.ა) რისკების მართვის სისტემის საფუძველზე, საბაჟო მონაცემთა ავტომატიზებულ სისტემაში (ASYCUDA) ინტეგრირებული რისკის კრიტერიუმის თანხვედრის ან შემთხვევითი შერჩევითობის საფუძველზე წითელ დერეფანში გადაყვანილი, რეგისტრირებული სატვირთო საბაჟო დეკლარაციით დეკლარირებული საქონელი;

ბ.ბ) რეგისტრირებული სატვირთო საბაჟო დეკლარაციით დეკლარირებული საქონელი, როდესაც სატვირთო-საბაჟო დეკლარაციასთან (შემდგომში – სსდ) ერთად წარდგენილია არასრული დოკუმენტაცია, რომელიც არ არის საკმარისი საქონლის იდენტიფიცირებისთვის ან/და საბაჟო ღირებულების განსაზღვრისთვის, ან/და სსდ-ს თან ერთად წარდგენილ დოკუმენტაციაში ასახული მონაცემები წინააღმდეგობრივია, ან/და დოკუმენტაციაში არსებული მონაცემები არ შეესაბამება სსდ-ში ასახულ მონაცემებს;

ბ.გ) სასაზღვრო საბაჟო ორგანოში აქციზური მარკებით ნიშანდებას დაქვემდებარებული თამბაქოს ნაწარმი საქართველოს საბაჟო ტერიტორიაზე ამ საქონლის შემოტანისას (მიუხედავად შემოტანის მიზნებისა);

ბ.დ) რეგისტრირებული სატვირთო საბაჟო დეკლარაციით ან ზოგადი დეკლარირებით დეკლარირებული საქონელი იმ შემთხვევებში, როდესაც სკანირების შედეგების ამსახველი სურათის ან სამართალდამცავი ორგანოებიდან ან სხვა წყაროებიდან მოწოდებული ინფორმაციის მიხედვით ადგილი აქვს, ან შესაძლოა ჰქონდეს საბაჟო კანონმდებლობის დარღვევას ან ასეთი დარღვევის მცდელობას;

ბ.ე) რეგისტრირებული სსდ-ით დეკლარირებული საქონელი, რომლის მიმართ დათვალიერების თაობაზე გადაწყვეტილებას, საკუთარი ინიციატივით, იღებს ამ ინსტრუქციის მე-12 მუხლის მე-2 პუნქტის ,,ბ“ ქვეპუნქტში მითითებული ერთ-ერთი პირი;

ბ.ვ) ერთსა და იმავე სატრანსპორტო საშუალებაში განთავსებული რეგისტრირებული სსდ-ით დეკლარირებული საქონელი, როცა ამავე სატრანსპორტო საშუალებაში განთავსებული რეგისტრირებული სხვა სსდ-ით დეკლარირებული საქონლის მიმართ ამ მუხლის ,,ბ.ა“, ,,ბ.ბ“, ,,ბ.დ“ და ,,ბ.ე“ ქვეპუნქტების საფუძველზე მიღებულია დათვალიერების თაობაზე გადაწყვეტილება.

მუხლი 12

1. დათვალიერების უწყებას აფორმებს საბაჟო მოხელე.

2. საქონლის დათვალიერების თაობაზე გადაწყვეტილებას, სსდ-ის წითელ დერეფანში გადაყვანის ფორმით, იღებს:

ა) ამ ინსტრუქციის მე-11 მუხლის „ბ.ბ“, „ბ.დ“ და „ბ.ვ“ ქვეპუნქტებით გათვალისწინებულ შემთხვევებში:

ა.ა) შემოსავლების სამსახურის საბაჟო კონტროლის დეპარტამენტის უფროსი, უფროსის მოადგილეები ან სამმართველოების უფროსები;

ა.ბ) საბაჟო ორგანოს უფროსი ან უფროსის მოადგილეები;

ა.გ) საბაჟო დამუშავების ოპერაციის სამმართველოს (განყოფილების)/საბაჟო დამუშავების ოპერაციების და საბაჟო კონტროლის სამმართველოს უფროსი (ან მისი შემცვლელი);

ა.დ) შემოსავლების სამსახურის უფროსის ბრძანებით განსაზღვრული პირები.

ბ) ამ ინსტრუქციის მე-11 მუხლის „ბ.ე“ ქვეპუნქტით გათვალისწინებულ შემთხვევაში:

ბ.ა) შემოსავლების სამსახურის საბაჟო კონტროლის დეპარტამენტის უფროსი, უფროსის მოადგილეები ან სამმართველოების უფროსები;

ბ.ბ) საბაჟო ორგანოს უფროსი ან უფროსის მოადგილეები.

3. ამ ინსტრუქციის მე-11 მუხლის ,,ა“ და ,,ბ.გ“ ქვეპუნქტებით გათვალისწინებულ შემთხვევაში საქონლის დათვალიერების უწყება არ გამოიწერება.

4. საქონლის დათვალიერების უწყება გამოიწერება ამ ბრძანების №2 დანართით დადგენილი ფორმით.

5. საბაჟო კონტროლს დაქვემდებარებული საქონლის დათვალიერებისას და სინჯის ან/და ნიმუშის აღებისას განხორციელებულ საბაჟო პროცედურებზე მონიტორინგს, რეგისტრირებული სატვირთო საბაჟო დეკლარაციით დეკლარირებული საქონლის მიმართ დათვალიერების მიზანშეწონილობაზე გადაწყვეტილების მიღებას, დათვალიერების შედეგების შეფასებას ახორციელებს შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტის საფუძველზე შექმნილი მონიტორინგის ჯგუფი.

6. საბაჟო კონტროლის ქვეშ მყოფი საქონლისა ან/და სატრანსპორტო საშუალებების მიმართ საბაჟო პროცედურების განხორციელების ადგილებში (სასაზღვრო საბაჟო ორგანოები; საბაჟო დამუშავების ოპერაციების განხორციელების ადგილები; საბაჟო საწყობი ან შენახვის სხვა ადგილი; ან სხვა საბაჟო კონტროლის ზონა) რენტგენ-სკანერების მეშვეობით განხორციელებული სკანირების შედეგად მიღებული ინფორმაციების დამუშავება-ანალიზს და შესაბამის რეაგირებას ახორციელებს შემოსავლების სამსახურის საბაჟო კონტროლის დეპარტამენტის ოპერატიული მართვის სამმართველო.

საქართველოს ფინანსთა მინისტრის 2009 წლის 23 აპრილის ბრძანება №254 - სსმ III, 28.04.2009, №51, მუხ.586

მუხლი 13

1. საქონლის დათვალიერების უწყება უნდა შეივსოს ამ ბრძანების დანართი №2-ის შესაბამისად.

2. შევსებული უწყების ასლი, უწყების გაცემიდან არა უგვიანეს ერთი საათისა, გადაეცემა უშუალოდ ან ეგზავნება დეკლარანტს ფოსტით ან ელექტრონული საშუალებებით, ხოლო იმ შემთხვევაში, როცა საქონელი წარდგენილია კანონმდებლობით გათვალისწინებულ არასაბაჟო ორგანოში, აგრეთვე ამ ორგანოს.

3. საქონლის დათვალიერების უწყებაში საბაჟო ორგანოს წარმომადგენლის მიერ დათვალიერების დროის მითითებისას უნდა მიეთითოს უწყების გაცემის დღიდან მომდევნო კალენდარული დღის (გარდა იმ შემთხვევისა, როცა კალენდარული დღე ემთხვევა კვირა დღეს ან საქართველოს შრომის კოდექსით დადგენილ უქმე დღეს) არა უგვიანეს 18.00 საათი.

4. დეკლარანტს ან არასაბაჟო ორგანოს წარმომადგენელს დეკლარანტის თანხმობით უფლება აქვს, დათვალიერების დაწყების დროის ამოწურვამდე არა უგვიანეს 1 საათისა, განცხადებით მიმართოს დათვალიერების უწყების გამცემ საბაჟო ორგანოს და უწყებით განსაზღვრული დათვალიერების დროის ნაცვლად მიუთითოს დათვალიერების განსხვავებული დრო. ამ შემთხვევაში დათვალიერების დროის მითითებისას უნდა მიეთითოს უწყების გაცემის დღიდან მომდევნო მეხუთე კალენდარული დღის არა უგვიანეს 18.00 საათი.

5. დეკლარანტის ან დაკლარანტის თანხმობით არასაბაჟო ორგანოს მოტივირებული მოთხოვნის საფუძველზე, ამ მუხლის მე-3 ან მე-4 პუნქტით დადგენილი წესით განსაზღვრული დათვალიერების დროის გადავადება შესაძლებელია არა უმეტეს 5 კალენდარული დღისა. დათვალიერების დროის გადავადების შესახებ გადაწყვეტილება მიიღება ამ ინსტრუქციის მე-12 მუხლის მე-2 პუნქტის ,,ბ“ ქვეპუნქტში მითითებული პირის მიერ.

თავი VII

განმეორებითი, დამატებითი და მიზანმიმართული დათვალიერების სახეები

მუხლი 14

1. ამ ინსტრუქციის მე-12 მუხლის მე-2 პუნქტის ,,ბ“ ქვეპუნქტით განსაზღვრული უფლებამოსილი პირის მიერ განმეორებითი დათვალიერების თაობაზე გადაწყვეტილება მიიღება საქონლის დათვალიერების შედეგების ამსახველი აქტის შევსებიდან ამ საქონლის საბაჟო კონტროლის ზონის დატოვებამდე, ამავე პირის ინიციატივით ან დეკლარანტის დასაბუთებული წერილობითი მოთხოვნის საფუძველზე და ფორმდება საქონლის დათვალიერების ახალი უწყებით.

2. დეკლარანტის მოთხოვნის საფუძველზე განხორციელებულ განმეორებით დათვალიერებაში მონაწილეობის უფლება არა აქვს თავდაპირველი დათვალიერების განმახორციელებელ საბაჟო მოხელეს.

საქართველოს ფინანსთა მინისტრის 2008 წლის 4 აგვისტოს ბრძანება №638 - სსმ III, 07.08.2008, №113, მუხ.1229

მუხლი 15

1. დამატებითი დათვალიერება ხორციელდება დეკლარანტის წერილობითი განცხადების საფუძველზე, თუ იგი მიიჩნევს, რომ საქონლის ნაწილის დათვალიერების შედეგები არ შეიძლება გავრცელდეს მთელ საქონელზე, ასევე ამ ინსტრუქციის მე-18 მუხლით გათვალისწინებულ შემთხვევაში.

2. დამატებითი დათვალიერება გულისხმობს საქონლის სრულ ან შერჩევით (ამ ინსტრუქციის მე-17 მუხლით დადგენილ დათვალიერების მოცულობაზე მეტი ოდენობით) დათვალიერებას.

3. დამატებითი დათვალიერება ხორციელდება ამ ინსტრუქციის მე-12 მუხლის მე-2 პუნქტით განსაზღვრული უფლებამოსილი პირის გადაწყვეტილებით.

4. დამატებითი დათვალიერების მოცულობა განისაზღვრება იმის გათვალისწინებით, რომ მიღებულ იქნეს საბაჟო კონტროლს დაქვემდებარებული საქონლის შესახებ საკმარისი ინფორმაცია.

მუხლი 16

1. მიზანმიმართული დათვალიერება ხორციელდება ამ ინსტრუქციის მე-11 მუხლის “დ“ ქვეპუნქტით გათვალისწინებულ შემთხვევაში.

2. მიზანმიმართული დათვალიერება გულისხმობს საქონლის ნებისმიერი შეფუთვის (შეკვრის) გახსნას ან/და სატრანსპორტო საშუალების ნებისმიერი სათავსის (განყოფილების) შემოწმებას, მასში საქონლის სამალავების ან/და საბაჟო კონტროლისაგან მალულად გადაადგილებული საქონლის აღმოჩენის მიზნით.

3. მიზანმიმართული დათვალიერება შეიძლება განხორციელდეს დათვალიერებასთან, განმეორებით დათვალიერებასთან ან დამატებით დათვალიერებასთან ერთდროულად.

4. მიზანმიმართული დათვალიერება ხორციელდება ამ ინსტრუქციის მე-12 მუხლის მე-2 პუნქტით განსაზღვრული უფლებამოსილი პირის გადაწყვეტილებით.

თავი VIII

დათვალიერების მოცულობა და ფორმა

მუხლი 17

1. თუ სატვირთო საბაჟო დეკლარაციაში დეკლარირებულია ერთი სახეობის, კერძოდ – ერთი დასახელების (მარკა, მოდელი და ა.შ.), სეს ესნ-ის მიხედვით ერთი სასაქონლო კოდით კოდირებული, იდენტურად შეფუთული, სტანდარტული უმცირესი შეფუთვის, ან შეუფუთავი (ნაყარი, ჩასხმით და ა.შ.) საქონელი, მისი დათვალიერება ხორციელდება შემთხვევითი შერჩევითობით საქონლის რაოდენობის არანაკლებ 5%-ის ოდენობით. საქონლის რაოდენობა განისაზღვრება სატვირთო საბაჟო დეკლარაციის 41-ე გრაფაში მითითებული დამატებითი ზომის ერთეულის შესაბამისად, ხოლო ასეთი სახის ზომის ერთეულის არარსებობისას, ძირითადი ზომის ერთეულის (კგ) მიხედვით.

2. ამ მუხლის პირველი პუნქტისგან განსხვავებულ შემთხვევაში საქონლის დათვალიერება ხორციელდება შემთხვევითი შერჩევითობის საფუძველზე, ამ მუხლის პირველი პუნქტის განსაზღვრებით თითოეული სახეობის საქონლის რაოდენობის არანაკლებ 10%-ის ოდენობით, შეფუთვის ცალკეული სახეობის გახსნისას ამოღებული საქონელი ექვემდებარება რაოდენობის განსაზღვრას, რომელიც ხორციელდება სატვირთო საბაჟო დეკლარაციის 41-ე გრაფაში მითითებული დამატებითი ზომის ერთეულის შესაბამისად, ხოლო ასეთი სახის ზომის ერთეულის არარსებობისას, ძირითადი ზომის ერთეულის (კგ) მიხედვით.

3. იმ შემთხვევაში, როდესაც სატვირთო საბაჟო დეკლარაციაში მითითებული საქონლის ერთეულის რაოდენობა აჭარბებს 50-ს, დათვალიერება ხორციელდება შემთხვევითი შერჩევითობის საფუძველზე სხვადასხვა ერთეულის საქონლის რაოდენობის არანაკლებ 20%-ის ოდენობით (მაგალითად – თუ გვაქვს 50 ერთეული საქონელი, დათვალიერება შეიძლება ჩაუტარდეს 10 ერთეულ საქონელს, თითოეულს 20%-ის ოდენობით).

4. საქართველოს საბაჟო ტერიტორიაზე შემოტანისას (მიუხედავად შემოტანის მიზნებისა), აქციზური მარკებით ნიშანდებას დაქვემდებარებული თამბაქოს ნაწარმი დათვალიერდება ამ ინსტრუქციის დანართი №5-ის გამოყენებით სასაზღვრო საბაჟო ორგანოში შემთხვევითი შერჩევითობით. დათვალიერება ხორციელდება თამბაქოს ნაწარმის უდიდესი შეფუთვის საერთო რაოდენობის 2% ოდენობის შერჩევით, შერჩეული უდიდესი შეფუთვის საერთო რაოდენობიდან დათვალიერებას ექვემდებარება არანაკლებ 2% თამბაქოს ნაწარმის ყუთი, ხოლო თითოეული ყუთიდან თამბაქოს ნაწარმის არანაკლებ 2% ოდენობის უმცირესი შეფუთვა. თამბაქოს ნაწარმის რაოდენობა განისაზღვრება სატვირთო საბაჟო დეკლარაციის 41-ე გრაფაში, ხოლო სასაზღვრო საბაჟო ორგანოში ზოგადი დეკლარირებისთვის წარდგენილ დოკუმენტში, მითითებული დამატებითი ზომის ერთეულის შესაბამისად, ხოლო ასეთი სახის ზომის ერთეულის არარსებობისას, ძირითადი ზომის ერთეულის (კგ) მიხედვით.

5. ამ მუხლის პირველი-მე-3 პუნქტებით დადგენილი პროცენტული მაჩვენებლის მიხედვით დათვალიერებას დაქვემდებარებული საქონლის მოცულობის სწორად განსაზღვრისთვის სავალდებულოა სატრანსპორტო საშუალებაში ფაქტობრივად განთავსებული სატვირთო საბაჟო დეკლარაციით დეკლარირებული საქონლის საერთო რაოდენობის დადგენა. საერთო რაოდენობა დგინდება სატვირთო საბაჟო დეკლარაციის 41-ე გრაფაში, ხოლო ამ მუხლის მე-4 პუნქტში მითითებულ შემთხვევაში კი ზოგადი დეკლარირებისთვის წარდგენილ დოკუმენტში ასახული დამატებითი ზომის ერთეულის შესაბამისად, ამასთან, ასეთი სახის ზომის ერთეულის არარსებობისას, ძირითადი ზომის ერთეულის (კგ) მიხედვით.

6. ამ მუხლის პირველი პუნქტისგან განსხვავებულ შემთხვევაში, როცა საქონელი არ არის სორტირებული თითოეული სახეობის მიხედვით, საქონლის დათვალიერება ხორციელდება საქონლის რაოდენობის არანაკლებ 100%-ის ოდენობით, შეფუთვის ცალკეული სახეობის გახსნისას ამოღებული საქონელი ექვემდებარება რაოდენობის განსაზღვრას, რომელიც ხორციელდება სატვირთო საბაჟო დეკლარაციის 41-ე გრაფაში მითითებული დამატებითი ზომის ერთეულის შესაბამისად, ხოლო ასეთი სახის ზომის ერთეულის არარსებობისას, ძირითადი ზომის ერთეულის (კგ) მიხედვით. ამ პუნქტის მიზნებისთვის საქონლის თითოეული სახეობის მიხედვით არასორტირებული აღნიშნავს იმ შემთხვევას, როცა სატრანსპორტო საშუალებაში განთავსებული სეს ესნ-ის მიხედვით ერთი სასაქონლო კოდით კოდირებული, ერთი დასახელების (მარკა, მოდელი და ა.შ.), სტანდარტული უმცირესი შეფუთვის სახით იდენტურად შეფუთული ან შეუფუთავი საქონელი შერეულია სხვა სახეობის საქონელთან, რომლის შედეგად შეუძლებელია ცალკეული სატვირთო ადგილის, ან უმსხვილესი შეფუთვის მიხედვით ცალსახად განხორციელდეს საქონლის თითოეული სახეობის იდენტიფიკაცია.

მუხლი 18

იმ შემთხვევაში, თუ დათვალიერებისას აღმოჩნდება შეუსაბამობა წარდგენილ დოკუმენტებსა და საქონლის ფაქტობრივ მონაცემებს შორის, აგრეთვე სატვირთო საბაჟო დეკლარაციის 41-ე გრაფაში მითითებული დამატებითი ზომის ერთეულის, ხოლო ასეთი სახის ზომის ერთეულის არარსებობისას, ძირითადი ზომის ერთეულის (კგ) მიხედვით საქონლის რაოდენობრივ მონაცემებს შორის, რომელიც აღემატება საქონლის ტრანსპორტირებისას ან შენახვის ნორმალური პირობების გათვალისწინებით ანალოგიურ მაჩვენებლებს, საქონლის დათვალიერების აქტის საფუძველზე უფლებამოსილი პირი იღებს გადაწყვეტილებას დათვალიერების მოცულობის გაზრდისა და უფრო დეტალური დათვალიერების ფორმის გამოყენების თაობაზე.

მუხლი 19

შემოსავლების სამსახურის უფროსს შეუძლია ცალკეული სახეობის საქონელზე და სატრანსპორტო საშუალებებზე, წლის გარკვეულ პერიოდში ან სხვა გარემოებების გათვალისწინებით, ინდივიდუალური ადმინისტრაციულ-სამართლებრივი აქტით დაადგინოს დათვალიერების შესაბამისი მოცულობა და ფორმა.

თავი IX

ტექნიკური საშუალებების გამოყენება

მუხლი 20

დათვალიერების, განმეორებითი ან დამატებითი ან მიზანმიმართული დათვალიერების დაჩქარების და ეფექტურობის მიზნით გამოიყენება სხვადასხვა სახის ტექნიკური საშუალებები, რომლებიც იძლევა საშუალებას მიღებული იქნეს ინფორმაცია საქონლის რაოდენობის, შემადგენლობის, ფიზიკური და ქიმიური თვისებების დადგენის, სამალავების აღმოჩენის და სხვა მიზნით, ამასთან, არ წარმოადგენს საფრთხეს ადამიანის ჯანმრთელობისათვის და არ აყენებს ზიანს საქონელს, სატრანსპორტო საშუალებასა და გარემოს.

მუხლი 21

საბაჟო კონტროლის ტექნიკური საშუალებები შეიძლება გამოყენებულ იქნეს ნებისმიერი საქონლისა და სატრანსპორტო საშუალებების მიმართ, რომლებიც გადაადგილდება საქართველოს საბაჟო საზღვარზე.

მუხლი 22

საქონლის აღმოსაჩენად, რომლის შემოტანა ან გატანა აკრძალულია ან შეზღუდულია საქართველოს კანონმდებლობით, შეიძლება გამოყენებულ იქნეს არსებული სპეციალური საშუალებები.

მუხლი 23

მიზანმიმართული დათვალიერებისას საქლიბი, სახერხი და სხვა მსგავსი ხელსაწყოები გამოიყენება იმ საქონლის გამოსავლენად, რომელიც დამალვის მიზნით შენიღბულია საღებავით და სხვა საშუალებებით, ან განთავსებულია სპეციალურად მოწყობილ სამალავებში.

თავი X

საქონლის სინჯის ან/და ნიმუშის აღება

მუხლი 24

1. საბაჟო კონტროლის განხორციელებისას საბაჟო მოხელე უფლებამოსილია აიღოს გამოკვლევისათვის საჭირო საქონლის სინჯები ან/და ნიმუშები. სინჯებისა ან/და ნიმუშების აღების შესახებ დგება დადგენილი ფორმის აქტი. აღნიშნული აქტის მეორე ეგზემპლარი გადაეცემა საქონელზე უფლებამოსილ პირს ან მის წარმომადგენელს, თუ მისი ვინაობა დადგენილია.

2. საქონლის სინჯის ან/და ნიმუშის აღების ფაქტი უნდა აისახოს საქონლის დათვალიერების აქტში, ასევე მითითებული უნდა იყოს, თუ საქონლის რომელი შეკვრიდან (ყუთი, ფუთა და სხვა), რა რაოდენობის სინჯი ან/და ნიმუში იქნა აღებული.

3. აუცილებლობის შემთხვევებში საქონლის სინჯებისა და ნიმუშების აღება წარმოებს ექსპერტის ან სპეციალისტის მონაწილეობით.

4. საბაჟო კონტროლის ქვეშ მყოფი საქონლის სინჯებისა და ნიმუშების აღება, საბაჟო ორგანოს წერილობითი თანხმობით, შეუძლია ასევე დეკლარანტს, საქონლის და/ან სატრანსპორტო საშუალებების მიმართ სხვა უფლებამოსილ პირს, მათ წარმომადგენლებს და სხვა სახელმწიფო მაკონტროლებელი ორგანოების თანამშრომლებს.

5. ამ მუხლის მე-3 პუნქტით გათვალისწინებულ პირებს სინჯებისა და ნიმუშების აღების უფლება ეძლევათ, თუ მათი აღება:

ა) არ ეწინააღმდეგება და არ ართულებს საბაჟო კონტროლის განხორციელებას;

ბ) არ ცვლის საქონლის მახასიათებელ ნიშნებს;

გ) არ იწვევს საბაჟო გადასახდელების გადახდისაგან თავის არიდებას ან საქართველოს კანონმდებლობის შესაბამისად დადგენილი შეზღუდვებისა და აკრძალვების შეუსრულებლობას.

მუხლი 25

1. სინჯებისა და ნიმუშების აღებისას დეკლარანტის მიერ სინჯებზე და ნიმუშებზე ცალკე საბაჟო დეკლარაცია არ წარედგინება იმ პირობით, რომ ისინი მითითებული იქნება საქონლის საბაჟო დეკლარაციაში.

2. დეკლარანტი და მათი წარმომადგენლები ვალდებულნი არიან ხელი შეუწყონ საბაჟო მოხელეს საქონლის სინჯებისა ან/და ნიმუშების აღებაში, კერძოდ, თავიანთი ხარჯით განახორციელონ საქონლის სინჯებისა ან/და ნიმუშების აღებასთან დაკავშირებული სატვირთო და სხვა საჭირო ოპერაციები.

მუხლი 26

1. დეკლარანტს ან საქონელზე სხვა უფლებამოსილ პირს და მათ წარმომადგენლებს უფლება აქვთ, ხოლო საბაჟო ორგანოს მოთხოვნის საფუძველზე ვალდებული არიან, დაესწრონ საბაჟო მოხელის და/ან სხვა სახელმწიფო მაკონტროლებელი ორგანოების მიერ საქონლის სინჯებისა და ნიმუშების აღებას.

2. საბაჟო მოხელეს უფლება აქვს დაესწროს დეკლარანტის, საქონლის და/ან სატრანსპორტო საშუალებების მიმართ სხვა უფლებამოსილი პირის, მათი წარმომადგენლების და სხვა სახელმწიფო მაკონტროლებელი ორგანოების თანამშრომლების მიერ სინჯებისა და ნიმუშების აღებას.

3. საბაჟო მოხელეს უფლება აქვს დეკლარანტებისა და მათი წარმომადგენლების დაუსწრებლად აიღოს საქონლის სინჯები ან/და ნიმუშები ამ ინსტრუქციის მე-10 მუხლით გათვალისწინებულ შემთხვევებში. ასეთ შემთხვევებში სინჯებისა ან/და ნიმუშების აღება ხორციელდება არანაკლებ ორი მოწმის თანდასწრებით.

4. საბაჟო ორგანოებს უნდა ეცნობოს სხვა სახელმწიფო მაკონტროლებელი ორგანოების მიერ აღებული საქონლის სინჯებისა და ნიმუშების გამოკვლევების შედეგების შესახებ. აღნიშნულის შესახებ უნდა ეცნობოს აგრეთვე დეკლარანტს ან საქონლის და/ან სატრანსპორტო საშუალებების მიმართ სხვა უფლებამოსილ პირებს ან მათ წარმომადგენლებს.

მუხლი 27

1. სინჯებსა და ნიმუშებს იღებენ იმ მინიმალური ოდენობით, რაც საკმარისია მათ გამოსაკვლევად.

2. იმ შემთხვევაში, თუ საქონლის სინჯების ან/და ნიმუშების გამოკვლევა საჭიროებს სპეციალური ცოდნას, ინიშნება ექსპერტიზა.

3. ექსპერტიზა ტარდება საბაჟო ორგანოს მიერ მოწვეული შესაბამისი ორგანიზაციების წარმომადგენლების ან სხვა ექსპერტების მიერ, რომელთაც დასკვნის გასაცემად გააჩნიათ სპეციალური ცოდნა.

4. გადაწყვეტილება ექსპერტიზის დანიშვნის შესახებ მიიღება ამ ინსტრუქციის მე-12 მუხლის მე-2 პუნქტით გათვალისწინებული პირების მიერ, საბაჟო მოხელის წერილობითი დასაბუთების საფუძველზე.

5. გადაწყვეტილება ექსპერტიზის დანიშვნის შესახებ მიიღება წერილობითი ფორმით, რომელშიც აღინიშნება ექსპერტიზის ჩატარების მიზანი, ექსპერტიზის ჩატარების ადგილი, იმ ორგანიზაციის (ექსპერტის) დასახელება, რომელშიც უნდა ჩატარდეს ექსპერტიზა, ექსპერტის წინაშე დასმული კითხვები, ექსპერტიზისათვის წარსადგენი დოკუმენტებისა და მასალების ჩამონათვალი.

6. ექსპერტიზის ჩასატარებლად ექსპერტის მოწვევა ხდება ხელშეკრულების საფუძველზე, რომელშიც სხვა პირობებთან ერთად აღინიშნება პასუხისმგებლობის შესახებ, ექსპერტის მიერ შეგნებულად ცრუ დასკვნის წარმოდგენის შემთხვევაში.

7. ექსპერტიზის ჩატარების ვადა არ უნდა აღემატებოდეს საქონლის დროებითი შენახვის ვადებს, თუ საქონლის გაშვება არ ხორციელდება ექსპერტიზის დასკვნის მიღებამდე.

მუხლი 28

1. საქონლის სინჯებისა და ნიმუშების გამოკვლევების შედეგების შესახებ უნდა ეცნობოს დეკლარანტს ან საქონლის და/ან სატრანსპორტო საშუალების მიმართ სხვა უფლებამოსილ პირებს ან მათ წარმომადგენლებს.

2. გამოკვლევების დამთავრების შემდეგ საქონლის სინჯები ან/და ნიმუშები უბრუნდება მათ მფლობელს, გარდა იმ შემთხვევებისა, როდესაც სინჯები და ნიმუშები, საქართველოს კანონმდებლობის შესაბამისად, ექვემდებარება განადგურებას, ან მათი ნაწილი გახარჯული იქნა გამოკვლევის პროცესში, ან როდესაც სინჯებისა და ნიმუშების დაბრუნებასთან დაკავშირებული ხარჯები აღემატება მათ ღირებულებას.

3. თუ სინჯის ან/და ნიმუშის აღება ხდება დეკლარანტის ინიციატივით, ჩატარებული ანალიზის ან გამოკვლევის ხარჯებს აანაზღაურებს დეკლარანტი.

4. თუ სინჯის ან/და ნიმუშის აღება ხდება საბაჟო ორგანოს ინიციატივით, ჩატარებული ანალიზის ან გამოკვლევის ხარჯებს აანაზღაურებს საბაჟო ორგანო. ამასთანავე, საბაჟო ორგანო ვალდებული არ არის აანაზღაუროს სინჯის და/ან ნიმუშის აღებით გამოწვეული დანაკლისი.

თავი XI

საქონლის წონის დადგენა

მუხლი 29

1. როცა საქონლის რაოდენობის განსაზღვრა ხორციელდება ძირითადი ზომის ერთეულის (კგ) მიხედვით და დასათვალიერებელია იდენტური სახეობის, დასახელების, სტანდარტულად შეფუთული საქონელი, წონის დადგენა ხორციელდება შერჩევით. სტანდარტული, უმცირესი შეფუთვის მქონე, ერთი დასახელების საქონლის საერთო წონა განისაზღვრება საერთო რაოდენობის არანაკლებ 5% უმცირესი შეფუთვის საქონლის წონის გადამრავლებით იდენტური შეფუთვის რაოდენობაზე.

2. საქონლის დათვალიერების აქტში უნდა მიეთითოს საერთო წონის განსაზღვრის გაანგარიშების მეთოდი.

საქართველოს ფინანსთა მინისტრის 2008 წლის 3 ივნისის ბრძანება №489 - სსმ III, 05.06.2008, №81, მუხ.872\

მუხლი 30

1. საქონლის წონის დადგენის მიზნით, დათვალიერებისას უნდა გამოიყენებოდეს მხოლოდ მუშა მდგომარეობაში მყოფი ასაწონი საშუალებები.

2. აკრძალულია დადგენილი ნორმების დარღვევით არსებული ასაწონი საშუალებების გამოყენება.

მუხლი 31

თუ საქონლის მოცულობას (ან რაოდენობას) განსაზღვრავს ექსპერტი (სპეციალისტი), მაშინ ექსპერტიზის აქტის ასლი უნდა დაერთოს საქონლის დათვალიერების აქტს.

მუხლი 32

1. შეკვრის გახსნა ხორციელდება შერჩევით ან სრულად საქონლის დათვალიერების უწყების შესაბამისად.

2. საჭიროების შემთხვევაში დასაშვებია ყველა შეკვრის (ყუთი, ფუთა და სხვა) გახსნა, მიუხედავად იმისა, რომ შეუძლებელია შეკვრის (ფუთა) პირველადი სახის აღდგენა.

თავი XII

საქონლის დათვალიერების აქტი

მუხლი 33

1. დათვალიერების, განმეორებითი, დამატებითი და მიზანმიმართული დათვალიერების შედეგები ფორმდება ამ ბრძანებით დამტკიცებული საქონლის დათვალიერების აქტით (დანართი №3), გარდა იმ შემთხვევისა, როცა დათვალიერება ხორციელდება რენტგენ-სკანირის მეშვეობით.

2. საქონლის დათვალიერების აქტს ადგენს საბაჟო მოხელე, რომელიც მონაწილეობს დათვალიერებაში.

3. იმ შემთხვევაში, როდესაც დათვალიერებას ესწრებიან ამ ინსტრუქციის მე-9 მუხლის „ბ“, „გ“, „დ“, „ვ“, „ზ“ ქვეპუნქტით გათვალისწინებული პირები, აღნიშნულის თაობაზე მიეთითება საქონლის დათვალიერების აქტში, ისინიც აწერენ ხელს და შესაბამისად გადაეცემათ აქტის თითო ეგზემპლარი (ასლი).

მუხლი 34

აკრძალულია:

ა) საქონლის დათვალიერების აქტის შედგენა სხვა პირის მიერ, რომელიც არ წარმოადგენს ამ ინსტრუქციის შესაბამისად უფლებამოსილ საბაჟო მოხელეს;

ბ) საქონლის დათვალიერების აქტში ისეთი მონაცემების შეტანა, რომელიც არ ეხება დათვალიერებას;

გ) საქონლის დათვალიერების შედეგების გაფორმება ამ ბრძანებით დამტკიცებული ფორმისა (დანართი №3) და შემოსავლების სამსახურის მიერ დამზადებული საქონლის დათვალიერების აქტის ბლანკებისაგან განსხვავებული სხვა ფორმით.

თავი XIII

დასკვნითი დებულებანი

მუხლი 35

1. საბაჟო ორგანოები და მათი მოხელეები პასუხისმგებელნი არიან იმ ზიანისთვის, რომ ე ლიც ფიზიკურ ან იურიდიულ პირებსა და/ან მათ ქონებას მიაყენეს თავიანთი არამართლზომიერი გადაწყვეტილებებით, მოქმედებებით ან უმოქმედობით სამსახურებრივი მოვალეობის შესრულებისას.

2. დათვალიერებისას საბაჟო ორგანოების თანამშრომლების მართლზომიერი ქმედებით წარმოშობილი ზიანი, რომელიც მიადგა საქონელსა და სატრანსპორტო საშუალებებს არ ანაზღაურდება.

მუხლი 36

დათვალიერების განხორციელებისას საბაჟო ორგანოს თანამშრომლების კანონიერი გადაწყვეტილებისა და მოთხოვნების უგულებელყოფა ან მათი შესრულებისათვის წინააღმდეგობის გაწევა, იწვევს საქართველოს კანონმდებლობით განსაზღვრულ პასუხისმგებლობას.

მუხლი 37

ინფორმაცია, რომელიც ცნობილი გახდა საქონლისა ან/და სატრანსპორტო საშუალებების დათვალიერებისას მონაწილე პირებისათვის, წარმოადგენს კომერციულ საიდუმლოებას და მისი გამოყენება დასაშვებია მხოლოდ საქართველოს საბაჟო კოდექსის მე-16 მუხლით დადგენილი წესით.

დანართი №2

საქონლის დათვალიერების უწყება №

(დამატებითი ფურცლების რაოდენობა ---------)

-------------------------------------------------------------------------------------------------------------------

საბაჟო ორგანოს დასახელება

ეძლევა დეკლარანტს -----------------------------------------------------------------------------------------

–––––––––––––––––––––––––––––––––––––––––––––––––––––––––––––––––––––––––––––––––––––––––– საქონლის მიმღების, (გამგზავნის), დეკლარანტის ან საქონლის და/ან სატრანსპორტო საშუალებების მიმართ სხვა უფლებამოსილი პირების ან მათი წარმომადგენლების დასახელება

მასზედ, რომ დანიშნულია სატვირთო-საბაჟო დეკლარაციით № -------, -- ------ 200 წ. დეკლარირებული ან საბაჟო ორგანოში წარდგენილი საქონლის დათვალიერება

დათვალიერების დრო ----- სთ. ----წთ. “-----“ ------- 200 წელი

თანმხლების დოკუმენტები----------------------------------------------------------------------------------

სს დეკლარაცია, საქონლის სხვა თანმხლები დოკუმენტები

დათვალიერების ადგილი------------------------------------------------------------------------------------

დათვალიერების მოცულობა: 5% - 10% - 20% (შემოხაზეთ) სხვა (მიუთითეთ)

დათვალიერების სახე: პირველადი, განმეორებითი, დამატებითი, მიზანმიმართული

(გაუსვით ხაზი)

დათვალიერების ფორმა:

()1 – საქონლის შეფუთვის შერჩევით დათვლით და აწონვით;

()2 – საქონლის შეფუთვის გახსნის გარეშე;

()3 - საქონლის შეფუთვის შერჩევითი გახსნით;

()4 - საქონლის შეფუთვის სრული დათვლით და აწონვით

()5 – საქონლის ყველა შეფუთვის გახსნით;

()6 – დათვალიერება;

()6.1 – ნიმუშის და/ან სინჯის აღების გარეშე;

()6.2 – ნიმუშის და/ან სინჯის აღებით;

()7 – სხვადასხვა;

„–––“ –––––––– 200 წელი --------------------------------------------------------------------------------

უწყების გამფორმებელი საბაჟო მოხელის სახელი, გვარი.

ხელმოწერა ---------------------------------

უწყების გაცემის დრო ----- სთ. ----წთ. “-----“ ------- 200 წელი.

უწყების მიღების დრო ----- სთ. ----წთ. “-----“ ------- 200 წელი.

ვადასტურებ –––––––––––––––––––––––––––––––––––––––––––––––––––––––––––––––––––––––––––

არასაბაჟო ორგანოს პასუხისმგებელი პირის ან დეკლარანტის სახელი, გვარი, ხელმოწერა

დანართი №3

საქონლის დათვალიერების აქტი № - -

(დამატებითი ფურცლების რაოდენობა ---------)

(აქტის ნომერი შედგება 3 ნაწილისგან: პირველი _ საბაჟო ორგანოს კოდი, მეორე _ სსდ რეგისტრაციის ნომერი, მესამე _ საბაჟო მოხელის პირადნომრიანი ბეჭდის ნომერი, თუ რამდენიმე მოხელე ახორციელებს დათვალიერებას, ბეჭდის ნომერი გამოიყოფა დეფისით)

-------------------------------------------------------------------------------------------------------------------

საბაჟო ორგანოს სტრუქტურული ერთეულის დასახელება

დათვალიერების საფუძველი: ------------------------------------------------------------------------------

(უწყების № , სხვა (დააზუსტეთ))

დათვალიერების დაწყების დრო ---- სთ ----- წთ “---” ------------- 200 წელი

წინამდებარე აქტი შედგა იმის თაობაზე, რომ საბაჟო ორგანოს მოხელის ----------------------------

-------------------------------------------------------------------------------------------------------------------

------------------------------------------------------------------------------------------------------------ მიერ

-------------------------------------------------------------------------------------------------------------------

------------------------------------------------------------------------------------------------ თანდასწრებით

განხორციელდა: პირველადი დათვალიერება / დამატებითი დათვალიერება / განმეორებითი დათვალიერება / მიზანმიმართული დათვალიერება

(გაუსვით ხაზი)

მიღებულია გადაწყვეტილება დამატებით დათვალიერებაზე -----------------------------------------

საბაჟო მოხელის ხელმოწერა

საქონლის ან/და სატრანსპორტო საშუალების თანმხლები დოკუმენტები ----------------------------

-------------------------------------------------------------------------------------------------------------------

დათვალიერების ადგილი -----------------------------------------------------------------------------------

დათვალიერების მიზნით მოხსნილია საბაჟო იდენტიფიკაციის საშუალებები:

საბაჟო ლუქი: () დარღვეული იყო; () არ იყო დარღვეული.

-------------------------------------------------------------------------------------------------------------------

წარმოდგენილია ერთი ან რამდენიმე --------------------------------------- დასახელების საქონელი

(მიუთითეთ რიცხვი)

დათვალიერდა საქონელი ------------------------------------------------------------------------

(მიეთითება დასახელება)

შეფუთვა------------------------------------------------------------------------------------------------

(დასახელება)

-------------------------------------------------------------------------------------------------------

(რაოდენობა)

წარმოდგენილი დოკუმენტების მიხედვით ბრუტო წონა შეადგენს-------------------- კგ

ნეტო წონა შეადგენს-------------------- კგ

დათვალიერების შედეგად დადგინდა შემდეგი:

საქონლის საერთო წონა ბრუტო------------------კგ. ნეტო------------------------კგ.

დადგინდა შემდეგი მეთოდით:

() ფაქტიური აწონვა --------------------------

() საშუალო წონის დადგენა ------------------ შეკვრის (ყუთის, ტომრის და სხვ.) აწონვით

() გადათვლით ------------------------------

() სხვადასხვა -------------------------------

სატრანსპორტო საშუალების (კონტეინერი) № -----------------------------------------------------------

დათვალიერებული საქონელი შეესაბამება დეკლარირებული საქონლის მახასიათებლებს –––––

(დიახ) ან (არა)

დათვალიერებული საქონელი არ შეესაბამება დეკლარირებული საქონლის მახასიათებლებს

-------------------------------------------------------------------------------------------------------------------

შეფუთვის მონაცემები შეესაბამება დეკლარირებულ მონაცემებს –––––––––––––––––––––––––––

(დიახ) ან (არა)

შეფუთვის მონაცემები არ შეესაბამება დეკლარირებულ მონაცემებს

-------------------------------------------------------------------------------------------------------------------

დათვალიერებისას გამოყენებული საბაჟო კონტროლის უზრუნველყოფის ტექნიკური საშუალებები

01 – რენტგენის დანადგარები;

02 – მეტალოდეტექტორები (სტაციონალური, პორტატული);

03 – დოკუმენტების, ვალუტის, ფასიანი ქაღალდების იდენტიფიკაციის საშუალებები;

04 – ძვირფასი ქვებისა და ლითონის იდენტიფიკაციის საშუალებები;

05 – ნარკოტიკული საშუალებების დისტანციური აღმოჩენის და იდენტიფიკაციის საშუალებები;

06 – დოზიმეტრული კონტროლის საშუალებები;

07 – ფოტო-,აუდიო-,ვიდეოტექნიკა და სხვა აპარატურა;

08 – სხვადასხვა ინსტრუმენტების კომპლექტი;

09 – დათვალიერება საბაჟო კონტროლის უზრუნველყოფის დადგენილი ტექნიკური საშუალებების გამოყენების გარეშე.

განხორციელდა სინჯის და/ან ნიმუშის აღება ----------------------------------------------------------

-------------------------------------------------------------------------------------------------------------------

(მიუთითეთ სინჯის ან ნიმუშების დასახელება და ოდენობა, დადებული საბაჟო იდენტიფიკაციის საშუალებები)

გამოვლენილია საბაჟო სამართალდარღვევის ნიშნები --------------------------------------------------

-------------------------------------------------------------------------------------------------------------------

დათვალიერების შემდეგ დადებულ იქნა შემდეგი საბაჟო იდენტიფიკაციის საშუალებები -------

-------------------------------------------------------------------------------------------------------------------

დათვალიერების დამთავრების დრო --------სთ. ----- წთ. „----” --------------------200 –წელი

საბაჟო მოხელე------------------------------------------------------------------------------------------------

სახელი, გვარი, ხელმოწერა და პირადნომრიანი ბეჭედი

დამსწრე პირები --------------------------------------- -----------------------------------

სახელი, გვარი, ხელმოწერა

--------------------------------------- -----------------------------------

სახელი, გვარი, ხელმოწერა

--------------------------------------- -----------------------------------

სახელი, გვარი, ხელმოწერა

--------------------------------------- -----------------------------------

სახელი, გვარი, ხელმოწერა

--------------------------------------- -----------------------------------

სახელი, გვარი, ხელმოწერა

--------------------------------------- -----------------------------------

სახელი, გვარი, ხელმოწერა

დამატებითი ფურცელი

დათვალიერების № --------------------------------------- აქტზე, რიგითი ნომერი ------------

დათვალიერდა საქონელი -----------------------------------------------------

(მიეთითება დასახელება)

შეფუთვა--------------------------------------------------------------------------------------------------------

(დასახელება)

-------------------------------------------------------------------------------------------------------

(რაოდენობა)

წარმოდგენილი დოკუმენტების მიხედვით ბრუტო წონა შეადგენს -------------------- კგ

ნეტო წონა შეადგენს -------------------- კგ

დათვალიერების შედეგად დადგინდა შემდეგი:

საქონლის საერთო წონა ბრუტო------------------კგ. ნეტო------------------------კგ.

დადგინდა შემდეგი მეთოდით:

() ფაქტ ობრივი აწონვა --------------------------

() საშუალო წონის დადგენა ------------------ შეკვრის (ყუთის, ტომრის და სხვ.) აწონვით

() გადათვლით ------------------------------

() სხვადასხვა -------------------------------

სატრანსპორტო საშუალების (კონტეინერი) № -----------------------------------------------------------

(დიახ) ან (არა)

-------------------------------------------------------------------------------------------------------------------

(დიახ) ან (არა)

შეფუთვის მონაცემები არ შეესაბამება დეკლარირებულ მონაცემებს

-------------------------------------------------------------------------------------------------------------------

01 – რენტგენის დანადგარები;

02 – მეტალოდეტექტორები (სტაციონალური, პორტატული);

03 – დოკუმენტების, ვალუტის, ფასიანი ქაღალდების იდენტიფიკაციის საშუალებები;

04 – ძვირფასი ქვებისა და ლითონის იდენტიფიკაციის საშუალებები;

06 – დოზიმეტრული კონტროლის საშუალებები;

07 – ფოტო-, აუდიო-, ვიდეოტექნიკა და სხვა აპარატურა;

08 – სხვადასხვა ინსტრუმენტების კომპლექტი;

განხორციელდა სინჯისა და/ან ნიმუშის აღება ----------------------------------------------------------

-------------------------------------------------------------------------------------------------------------------

გამოვლენილია საბაჟო სამართალდარღვევის ნიშნები --------------------------------------------------

-------------------------------------------------------------------------------------------------------------------

დათვალიერების დამთავრების დრო --------სთ. ----- წთ. „----“ --------------------200 –წელი

საბაჟო მოხელე------------------------------------------------------------------------------------------------

სახელი, გვარი, ხელმოწერა და პირადნომრიანი ბეჭედი

დამსწრე პირების ხელმოწერები

დანართი №4

საქონლის დათვალიერების უწყებისა და საქონლის დათვალიერების აქტის

რეგისტრაციის ჟურნალი

--------------------------------------------------------------------

საბაჟო ორგანოს დასახელება

№	სდუ № და გაცემის თარიღი	სდა № და გაცემის თარიღი	დათვალიერების უწყების გამცემი თანამდებობის პირის სახელი, გვარი	დათვა-ლიერების ადგილი	დათვალიერების შედეგის მოკლე ინფორმაცია	გამოვლენილია სამართალდარ-ღვევა	შენიშვნა
1	2	3	4	5	6	7	8

დანართი №5

თამბაქოს ნაწარმის დათვალიერების აქტი №

„ ––––“ „––––––––––––––––––––“ 200 წ.

-----------------------------------------------------------------------------------------------------------------

საბაჟო ორგანოს დასახელება (კოდი)

დათვალიერების ადგილი–––––––––––––––––––––––––––––––––––––––––––––––––––––––––––––––

ექსპორტიორი––––––––––––––––––––––––––––––––––––––––––––––––––––––––––––––––––––––––––

იმპორტიორი–––––––––––––––––––––––––––––––––––––––––––––––––––––––––––––––––––––––––––

საქონლის მომწოდებელი ქვეყანა ––––––––––––––––––––––––––––––––––––––––––––––––––––––––

თანმხლები დოკუმენტები––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––––

სატრანსპორტო საშუალებები ––––––––––––––––––––––––––––––––––––––––––––––––––––––––––––

გაცხადებული თამბაქოს ნაწარმი, რაოდენობის მიხედვით ––––––––––––––––––––––––––––––––––

შერჩევით შემოწმებული თამბაქოს ნაწარმის აქციზური მარკების ნომრები

საბაჟო მოხელე ------------------------------------------------------------------------------------------------

სახელი, გვარი. პირადნომრიანი ბეჭედი

--------------------------------

ხელმოწერა

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ“ ინსტრუქციის დამტკიცების თაობაზე, №9, 09.01.2008, სარეგისტრაციო კოდი 230.210.000.22.033.011.328 (კონსოლიდირებული რედაქცია 30.06.2010). ხელმისაწვდომია: https://legali.ge/law/75322-7/

შემდგომი ცვლილებები (4)

წინა ცვლილებები (7)

დოკუმენტის ტექსტი

მუხლი 1🔗

მუხლი 2🔗

მუხლი 3🔗

მუხლი 4🔗

მუხლი 5🔗

მუხლი 6🔗

მუხლი 7🔗

მუხლი 8🔗

მუხლი 9🔗

მუხლი 10🔗

მუხლი 11🔗

მუხლი 12🔗

მუხლი 13🔗

მუხლი 14🔗

მუხლი 15🔗

მუხლი 16🔗

მუხლი 17🔗

მუხლი 18🔗

მუხლი 19🔗

მუხლი 20🔗

მუხლი 21🔗

მუხლი 22🔗

მუხლი 23🔗

მუხლი 24🔗

მუხლი 25🔗

მუხლი 26🔗

მუხლი 27🔗

მუხლი 28🔗

მუხლი 29🔗

მუხლი 30🔗

მუხლი 31🔗

მუხლი 32🔗

მუხლი 33🔗

მუხლი 34🔗

მუხლი 35🔗

მუხლი 36🔗

მუხლი 37🔗

როგორ დავიმოწმოთ