,,2008 წლის დაავადებათა პრევენციის სახელმწიფო პროგრამის დამტკიცების შესახებ“

სახელმწიფო სარეგისტრაციო კოდი 470.230.000.22.035.011.929

საქართველოს შრომის, ჯანმრთელობისა და სოციალური დაცვის

მინისტრის ბრძანება №140/ნ

2008 წლის 17 ივნისი

ქ. თბილისი

2008 წლის დაავადებათა პრევენციის სახელმწიფო პროგრამის დამტკიცების შესახებ

,,საქართველოს 2008 წლის სახელმწიფო ბიუჯეტის შესახებ“ საქართველოს კანონის 48-ე მუხლის მე-2 პუნქტის შესაბამისად: ვბრძანებ:

1. დამტკიცდეს 2008 წლის დაავადებათა პრევენციის თანდართული სახელმწიფო პროგრამა.

2. ბრძანება ამოქმედდეს გამოქვეყნებისთანავე.

ა. კვიტაშვილი

დანართი

2008 წლის დაავადებათა პრევენციის სახელმწიფო პროგრამა

თავი I

ზოგადი დებულებები

    მუხლი 1. პროგრამის მიზანი

პროგრამის მიზანია მოსახლეობის ჯანმრთელობის მდგომარეობის გაუმჯობესება გადამდები და არაგადამდები დაავადებების ადრეული გამოვლენისა და ეფექტიანი პრევენციული ღონისძიებების განხორციელების გზით.

    მუხლი 2. პროგრამის კომპონენტები და ბიუჯეტი:

,,2008 წლის სახელმწიფო ბიუჯეტის შესახებ“ საქართველოს კანონის შესაბამისად პროგრამის ბიუჯეტი განისაზღვრა 4 929,12 ათასი ლარით, შემდეგი ცხრილის შესაბამისად:

 

№	დასახელება	ბიუჯეტი (ათას ლარებში)
1.	ნარკომანიით დაავადებულ პირთა რეაბილიტაციის კომპონენტი	500,0
2.	პროფესიულ დაავადებათა პრევენციის კომპონენტი	200,0
3.	გენეტიკური პათოლოგიების ადრეული გამოვლენის კომპონენტი	200,0
4.	ცხოვრების ჯანსაღი წესის დამკვიდრების ხელშეწყობის კომპონენტი	344,12
5.	იმუნიზაციის კომპონენტი	2 911,0
6.	უსაფრთხო სისხლის კომპონენტი	600,0
7.	ეპილეფსიის ადრეული დიაგნოსტიკისა და პრევენციის კომპონენტი	174,0
	სულ	4 929,12

 

თავი II

ნარკომანიით დაავადებულ პირთა რეაბილიტაციის კომპონენტი

    მუხლი 3. კომპონენტის მიზანი

კომპონენტის მიზანია ნარკომანიით დაავადებულ პირთა რეაბილიტაციის უზრუნველყოფა.

    მუხლი 4. კომპონენტის ამოცანა

კომპონენტის ამოცანაა ნარკომანიით დაავადებულთა რეაბილიტაციის ღონისძიებების გატარება, ნარკოლოგიური ცენტრების ფუნქციონირება.

    მუხლი 5. მომსახურების შესყიდვა და განხორციელების მექანიზმები

ნარკომანიით დაავადებულთა რეაბილიტაციის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 6. ბიუჯეტი და ანაზღაურების წესი

,,საქართველოს 2008 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 500.0 ათასი ლარით შემდეგი ცხრილის მიხედვით:

 

№	ქვეკომპონენტის დასახელება	ბიუჯეტი (ათას ლარებში)	ანაზღაურების წესი
1	ნარკომანიით დაავადებულთა რეაბილიტაციის ღონისძიებები	160,0	შესრულებული სამუშაოს მიხედვით, ერთეულის ფასი განისაზღვრება ცხრილი 1-ის შესაბამისად
2	ნარკოლოგიური ცენტრების მიერ ეპიდზედამხედველობის განხორციელება	36,0	გლობალური ბიუჯეტი
3	ჩანაცვლებითი მკურნალობის განსახორციელებლად 5 სამედიცინო ბრიგადის ფუნქციონირება	304,0	გლობალური ბიუჯეტი
	სულ	500,0

              

ცხრილი 1. ნარკომანიით დაავადებულთა რეაბილიტაციის ღონისძიებები

 

№	დასახელება	ფასი (ლარებში)
1	სტაციონარული დეტოქსიკაცია	825
2	პირველადი რეაბილიტაცია	770

 

თავი III

პროფესიულ დაავადებათა პრევენციის კომპონენტი

    მუხლი 7. კომპონენტის მიზანი

კომპონენტის მიზანია დასაქმებული მოსახლეობის ჯანმრთელობის დაცვა პროფესიულ დაავადებათა იდენტიფიკაციისა და პრევენციის გზით.

    მუხლი 8. კომპონენტის ამოცანები

კომპონენტის ამოცანებია:

ა) შრომის პროცესში მოქმედი გარე ფაქტორების შეფასება (სამთო-სამადნო წარმოება – ჭიათურა, ცემენტის წარმოება);

ბ) პროფესიული ჯანმრთელობის კვლევა მიზნობრივ ჯგუფებში;

გ) მსხვილ საწარმოთა ინვენტარიზაცია და საინფორმაციო ბაზის სრულყოფა;

დ) დამსაქმებლისა და დასაქმებულის ინფორმირება პროფესიული ჯანმრთელობის რისკებისა და დაცვის შესახებ, მიზნობრივი ტრენინგების ჩატარება;

ე) პროფესიული ჯანმრთელობის ერთიანი ეპიდზედამხედველობა;

ვ) გავრცელებული პროფესიული დაავადებების პროფილაქტიკისა და მკურნალობის სახელმძღვანელო სქემების შემუშავება (მარგანეცით ქრონიკული ინტოქსიკაცია), შემუშავებული გაიდლაინების (ვიბრაციული დაავადება, სილიკოზი) მიხედვით პროტოკოლების შემუშავება;

ზ) საწარმოებში ქიმიური უსაფრთხოების სისტემის შემუშავება;

თ) პროფესიული ჯანმრთელობის დაცვის სამართლებრივი რეგულაციების ხელშეწყობა.

    მუხლი 9. მომსახურების შესყიდვა და განხორციელების მექანიზმები

პროფესიულ დაავადებათა პრევენციის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 10. ბიუჯეტი

,,საქართველოს 2008 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 200.0 ათასი ლარით (დაფინანსების მეთოდი – გლობალური ბიუჯეტი.).

თავი IV

გენეტიკური პათოლოგიების ადრეული გამოვლენის კომპონენტი

    მუხლი 11. კომპონენტის მიზანი

კომპონენტის მიზანია თანდაყოლილი სიმახინჯეების დროული გამოვლენა.

    მუხლი 12. კომპონენტის ამოცანები

კომპონენტის ამოცანებია:

ა) გენეტიკურ პათოლოგიებზე სკრინინგული გამოკვლევა სამმაგი ტესტ-სისტემით რისკის მქონე ორსულთა ჯგუფებში (დანართი 1) ქ. თბილისის მასშტაბით;

 ბ) სკრინინგით ვერიფიცირებული ორსულების ინვაზიური კვლევა (ამნიოცენტეზი) კარიოტიპირების მეთოდით.

    მუხლი 13. მომსახურების შესყიდვა და განხორციელების მექანიზმები

გენეტიკური პათოლოგიების ადრეული გამოვლენის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 14. ბიუჯეტი და ანაზღაურების წესი

,,საქართველოს 2008 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 200,0 ათასი ლარით (დაფინანსების მეთოდი – გლობალური ბიუჯეტი).

დანართი 1

ორსულთა რისკ-ჯგუფები თანდაყოლილი პათოლოგიის სკრინინგისათვის:

1. ქრომოსომული პათოლოგიის არსებობა ერთ-ერთ მშობელთან და/ან ოჯახის წევრთან;

2. გენური პათოლოგიის არსებობა ერთ-ერთ მშობელთან და/ან ოჯახის წევრთან;

3. ნაადრევი ბავშვის დაბადება თანდაყოლილი განვითარების მანკით;

4. ანამნეზში მკვდრადშობადობა;

5. დაუდგენელი მიზეზით ნეონატალურ პერიოდში ახალშობილის სიკვდილი;

6. ქალის ასაკი 35 და მეტი წლის;

7. ინფექციური დაავადებები (აქტიური ციტომეგალოვირუსი, ჰერპესი, ტოქსოპლაზმოზი, B და C ჰეპატიტი, წითელა);

8. აუტოსომ-დომინანტური ტიპის მემკვიდრული დაავადებების არსებობა მშობლებში;

9.  აუტოსომ-რეცესიული დაავადებების ჰეტეროზიგოტური მატარებლობა ორივე მშობელში;

10.     ნაყოფის ულტრაბგერითი გამოკვლევით განვითარების მანკის ნიშნების აღმოჩენა;

11.     ორსულობის პერიოდში ძლიერმოქმედი წამლების მიღება;

12.     ერთ-ერთი მშობლის დაავადება ნარკომანიით და/ან ალკოჰოლიზმით;

13.     ხელოვნური განაყოფიერება;

14.     მედიკამენტოზური და/ან ქიმიური ინტოქსიკაცია ორსულობის პირველი ტრიმესტრის დროს;

15.     რადიაციის და სხვა დამაზიანებელი ფაქტორების ზემოქმედება ორსულობისას.

თავი V

ცხოვრების ჯანსაღი წესის დამკვიდრების ხელშეწყობის კომპონენტი

    მუხლი 15. კომპონენტის მიზანი

კომპონენტის მიზანია ავადობის აქტიური გამოვლენა და ცხოვრების ჯანსაღი წესის დამკვიდრების ხელშეწყობა.

    მუხლი 16. კომპონენტის ქვეკომპონენტები

კომპონენტი შედგება შემდეგი ქვეკომპონენტებისაგან:

ა) სამკურნალო-პროფილაქტიკური გასინჯვების ქვეკომპონენტი;

ბ) ტრანსპლანტაციის რეესტრის წარმოების ქვეკომპონენტი;

გ) კიბოს რეესტრის წარმოების ქვეკომპონენტი;

დ) ახალშობილთა სმენის სკრინინგული გამოკვლევის ქვეკომპონენტი;

ე) სქესობრივად გადამდებ დაავადებათა პროფილაქტიკის ქვეკომპონენტი;

ვ) ქალთა დისჰორმონული ოსტეოპოროზის პროფილაქტიკის ქვეკომპონენტი;

ზ) ფოლის მჟავას დეფიციტით გამოწვეულ დაავადებათა კვლევის ქვეკომპონენტი;

თ) საპრეზიდენტო ნაციონალური პროგრამა ,,პატრიოტით“ განსაზღვრული სამედიცინო ღონისძიებების უზრუნველყოფის ქვეკომპონენტი.

    მუხლი 17. კომპონენტის ამოცანები

კომპონენტის ამოცანებია:

ა) ავადობის აქტიური გამოვლენის მიზნით საქართველოს მოსახლეობის სამკურნალო-პროფილაქტიკური (მათ შორის, ინსტრუმენტული) გასინჯვების ჩატარება ექიმ-სპეციალისტთა მიერ;

ბ) ორგანოთა ტრანსპლანტაციის საჭიროების მქონე პაციენტთა საინფორმაციო ბანკის ფუნქციონირება და მუდმივი განახლება;

 გ) კიბოს რეესტრის წარმოება, კიბოსწინა დაავადებებისა და ავთვისებიანი სიმსივნეების ადრეული ფორმების გამოვლენა, ქვეყანაში ონკოდაავადებების აღრიცხვიანობის გაუმჯობესება;

დ) ქ. თბილისში დაბადებული ყველა ახალშობილის სმენის სკრინინგული გამოკვლევა;

ე) სქესობრივად გადამდებ დაავადებათა დიაგნოსტიკა რისკ-ჯგუფებში;

ვ) ქალთა დისჰორმონული ოსტეოპოროზის პროფილაქტიკა დენსიტომეტრიის საშუალებით;

ზ) საქართველოს მთელ ტერიტორიაზე რეპროდუქციული ასაკის (14 - 47) ქალებში ფოლიუმის მჟავის დეფიციტის გავრცელების დადგენა მიკრობიოლოგიური კვლევის მეთოდით;

თ) ,,საპრეზიდენტო ნაციონალური პროგრამა ,,პატრიოტის“ განხორციელების შესახებ“ საქართველოს პრეზიდენტის 2008 წლის 1 აპრილის №228 განკარგულების მე-6 პუნქტით განსაზღვრული ღონისძიებების განხორციელება.

    მუხლი 18. მომსახურების შესყიდვა და განხორციელების მექანიზმები

ცხოვრების ჯანსაღი წესის დამკვიდრების ხელშეწყობის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 19. ბიუჯეტი და ანაზღაურების წესი

,,საქართველოს 2008 წლის სახელმწიფო ბიუჯეტის შესახებ’’ საქართველოს კანონის შესაბამისად კომპონენტის ბიუჯეტი განისაზღვრა 344,12 ათასი ლარით შემდეგი ცხრილების მიხედვით:

 

№	ქვეკომპონენტის დასახელება	ბიუჯეტი (ათას ლარებში)	ანაზღაურების წესი
1	სამკურნალო-პროფილაქტიკური გასინჯვების ქვეკომპონენტი	81,12
2	ტრანსპლანტაციის რეესტრის წარმოების ქვეკომპონენტი	20,0	გლობალური ბიუჯეტი
3	კიბოს რეესტრის წარმოების ქვეკომპონენტი	30,0	გლობალური ბიუჯეტი
4.	ახალშობილთა სმენის სკრინინგული გამოკვლევის ქვეკომპონენტი	30,0	შესრულებული სამუშაოს მიხედვით, გამოკვლევების ფასი განისაზღვრება ცხრილი 2-ის შესაბამისად
5	სქესობრივად გადამდებ დაავადებათა პროფილაქტიკის ქვეკომპონენტი	70,0	გლობალური ბიუჯეტი
6	ქალთა დისჰორმონული ოსტეოპოროზის პროფილაქტიკის ქვეკომპონენტი	15,0	გლობალური ბიუჯეტი
7	ფოლის მჟავას დეფიციტით გამოწვეულ დაავადებათა კვლევის ქვეკომპონენტი	50,0	გლობალური ბიუჯეტი
8	საპრეზიდენტო ნაციონალური პროგრამა ,,პატრიოტით“ განსაზღვრული სამედიცინო ღონისძიებების უზრუნველყოფის ქვეკომპონენტი	48,0
	სულ	344,12

    

ცხრილი 2. ახალშობილთა სმენის სკრინინგული გამოკვლევა

 

№	ღონისძიების დასახელება	ერთეულის ფასი (ლარებში)
1	სმენის სკრინინგი	2,0
2	კომპიუტერული აუდიომეტრია	60
3	ტიმპანომეტრია	6

 

შენიშვნა: 1. საპრეზიდენტო ნაციონალური პროგრამა ,,პატრიოტით“ განსაზღვრული სამედიცინო ღონისძიებების უზრუნველყოფის ქვეკომპონენტის ფარგლებში განსაზღვრულია პარტრიოტთა 6 ბანაკის მომსახურება 5 თვის განმავლობაში.

2. თითოეული ბანაკისათვის ყოველთვიურად შეისყიდება მედიკამენტები და სამედიცინო დანიშნულების საგნები (ცხრილი 3) არა უმეტეს 1000 ლარის ფარგლებში.

თითოეულ ბანაკს ყოველთვიურად ემსახურება ერთი ექიმი. ყოველთვიურად ექიმის სახელფასო ფონდი განისაზღვრება 600 ლარით.

ცხრილი 3. მედიკამენტებისა და სამედიცინო დანიშნულების საგნების ნუსხა მედიკამენტებისა და სამედიცინო დანიშნულების საგნების ნუსხა

 

№	დასახელება	დოზა	ერთეული	რაოდენობა
1.	იმოდიუმი	2მგ	კაფს	30
2.	ბარალგინი	5მლ	ამპ	15
3.	ბარალგინი	500მგ	ტაბ	20
4.	პარაცეტამოლი	500მგ	ტაბ	30
5.	სუპრასტინი	2% 1მლ	ამპ	10
6.	სუპრასტინი	25მგ	ტაბ	20
7.	სალბუტამოლის სულფატი-ინჰალაციური აეროზოლი	100მკგ200დ	ბალონი	2
8.	კორვალოლი	25მლ	ფლაკონი	3
9.	ვალერიანის წვეთები	30მლ	ფლაკონი	3
10.	დროტავერინის ჰ/ქ (ნო-შპა)	40მგ	ტაბ	2 კოლოფი
11.	კოფეინი	10% 1მლ	ამპ	5
12.	გააქტივებული ნახშირი	250მგ	ტაბ	40
13.	დექსამეტაზონი	4მგ/მლ	ამპ	10
14.	პრედნიზოლონი	30მგ/მლ	ამპ	10
15.	სპირტი	96%	1მლ	800
16.	რეჰიდრონი		პაკეტი	20
17.	ამოქსიცილინი	500მგ	ტაბ./კაფს	30
18.	ამინოკაპრონის მჟავა	5%-100მლ	ფლაკონი	1
19.	წყალბადის ზეჟანგი	3% 40მლ	ფლაკონი	5
20.	ბამბა			10 შეკვრა
21	აცეტილსალიცილის მჟავა	300მგ	ტაბლეტები	10
22	ქლორჰექსიდინის დიგლუკონატი	5%, 1ლ	ფლაკონი	1
23	იოდი	10%, 200მლ	ფლაკონი	1
24	ტეტრაციკლინი H CL	1%, 5მგ	თვალის მალამო	1
25	მარლის ბინტი	10X10სმ, 100%ბამბა, 8-ფენა, სტერილური,	ყუთი/100	1
26	მარლის ბინტი	10X10სმ, 12-ფენა, სტერილური	ყუთი/5	10
27	მარლის ბინტი	10X10სმ, სტერილური, პარაფინით	ყუთი/10	1
28	მარლის ლენტა	8სმX4მ, ინდივიდუალურად შეხვეული		8
29	ელასტიური ბინტი	8სმX4მ		2
30	ხელთათმანები სამედიცინო გასინჯვისათვის	ერთჯერადი, ლატექსი, არასტერილური	ყუთი/100	1
31	ლეიკოპლასტირი	2.5სმX5მ ცინკის ოქსიდატით		2
32	ლეიკოპლასტირი	7.5X5მ, ცინკის ოქსიდატით		1
33	საოპერაციო მაკრატელი	14 სმ		1
34	დანის ბასრი პირი	1	პაკეტი/5	1
35	ჰემოსტატიური ქირურგიული პინცეტი	კოხერი 14 სმ, სწორი, 1X2 კბილანით	ყუთი	1
36	კორცანგი	15.5 სმ		1
37	ფოლგაში შეხვეული 220X160სმ გადასაფარებელი ( rescue blanket)			1
38	ტუალეტის საპონი	100გრ		1
39	საპნის ყუთი	110X70X35მმ		1
40	უსაფრთხო ქინძისთავები	საშუალო ზომის (40მმ) სწორი, ნიკელით დაფარული	ყუთი	1
41	პირსახოცი	42X50 სმ, 100% ბამბა		1
42	მედიკამენტების ჩანთა	13X20სმ, პლასტიკი	პაკეტში/10	1
43	მრავალმხრივი დანიშნულების ჩანთა	40X32X20სმ		1

 

თავი VI

იმუნიზაციის კომპონენტი

    მუხლი 20. კომპონენტის მიზანი

კომპონენტის მიზანია მოსახლეობის დაცვა მართვადი ინფექციებისაგან იმუნიზაციის გზით.

    მუხლი 21. კომპონენტის ამოცანები

კომპონენტის ამოცანებია:

ა) ვაქცინების შეძენა, შენახვა და გაცემა ,,ცივი ჯაჭვის“ პრინციპების დაცვით;

ბ) შრატებისა და ვაქცინების სტრატეგიული მარაგის შესყიდვა, შენახვა, გაცემა (ყვითელი ცხელების ვაქცინის გაცემისას პრიორიტეტი ენიჭებათ საზღვარგარეთ სამუშაო ვიზიტებით წამსვლელებს);

გ) იმუნოპროფილაქტიკის წარმოება (მათ შორის წითელა-წითურას მასობრივი ვაქცინაცია).

    მუხლი 22. მომსახურების შესყიდვა და განხორციელების მექანიზმები

იმუნიზაციის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 23. ბიუჯეტი და ანაზღაურების წესი

,,საქართველოს 2008 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 2 911.0 ათასი ლარით, შემდეგი ცხრილის შესაბამისად:

 

№	ქვეკომპონენტის დასახელება	ბიუჯეტი (ათას ლარებში)
1	ვაქცინების შესყიდვა	900,0
2	სტრატეგიული შრატებისა და ვაქცინების შესყიდვა	111,0
3	აცრა-ვიზიტები	600,0
4	წითელა-წითურას აცრა-ვიზიტები	1 300,0
	სულ	2 911,0

 

ა) ერთ წლამდე ასაკის ბავშვებში BCG, DPT-3, POLIO-3, მოცვა მინიმუმ 90% და HPB-3, მინიმუმ 80 %;

ბ) 1-დან 2 წლამდე ასაკის ბავშვებში DPT-4, POLIO-4 და MMR მოცვა მინიმუმ 90%;

გ) რევაქცინაცია 5-დან 6 წლამდე ასაკში Dt, POLIO-5, MMR მოცვა მინიმუმ 90%. (აუცი-ლებელია ვაქცინებით რეგულარული უზრუნველყოფა);

დ) რევაქცინაცია 13-14 წლის ასაკში TD, MMR მოცვა მინიმუმ 90%.

თავი VII

უსაფრთხო სისხლის კომპონენტი

    მუხლი 24. კომპონენტის მიზანი

კომპონენტის მიზანია სოციალურად საშიში დაავადებების გავრცელების პრევენცია ,,უსაფრთხო სისხლით“ მოსახლეობის უზრუნველყოფის გზით

    მუხლი 25. კომპონენტის ამოცანა

კომპონენტის ამოცანაა დონორული სისხლის დიაგნოსტირება B და C ჰეპატიტზე, აივ ინფექცია/შიდსზე ექსპრეს და იმუნოფერმენტული მეთოდით, ათაშანგზე.

    მუხლი 26. მომსახურების შესყიდვა და განხორციელების მექანიზმები

უსაფრთხო სისხლის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 27. ბიუჯეტი და ანაზღაურების წესი

1. ,,საქართველოს 2008 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 600,0 ათასი ლარით.

2. უსაფრთხო სისხლის კომპონენტით განსაზღვრული მომსახურების ანაზღაურება ხორციელდება შესრულებული სამუშაოს (ჩატარებული გამოკვლევების პროცედურები და რაოდენობა) მიხედვით, ხოლო გამოკვლევების ფასი განისაზღვრება შემდეგი ცხრილის შესაბამისად:

 

 

 

დასახელება	ერთეულის ღირებულება (ლარებში)
ორგანოს და ქსოვილის პოტენციური დონორის გამოკვლევა (სკრინინგი 1)	31.53
ორგანოს და ქსოვილის პოტენციური დონორის გამოკვლევა (სკრინინგი 2)	29.57
ორგანოს და ქსოვილის პოტენციური დონორის გამოკვლევა (სკრინინგი 3)	34.00
ორგანოს და ქსოვილის პოტენციური დონორის გამოკვლევა (სკრინინგი 4)	32.03
ორგანოს და ქსოვილის პოტენციური დონორის გამოკვლევა (სკრინინგი 5)	33.89
ორგანოს და ქსოვილის პოტენციური დონორის გამოკვლევა (სკრინინგი 6)	31.92
ორგანოს და ქსოვილის პოტენციური დონორის გამოკვლევა (სკრინინგი 7)	36.35
ორგანოს და ქსოვილის პოტენციური დონორის გამოკვლევა (სკრინინგი 8)	34.39
ორგანოს და ქსოვილის პოტენციური დონორის გამოკვლევა (HBCAG-ის განსაზღვრა სისხლის შრატში დამადასტურებელი მეთოდით)	15.11
ორგანოს და ქსოვილის პოტენციური დონორის გამოკვლევა (HCV საწინააღმდეგო ანტისხეულების განსაზღვრა სისხლის შრატში იმუნობლოტინგის მეთოდით)	84.32
ორგანოს და ქსოვილის პოტენციური დონორის გამოკვლევა (HCV რნმ თვისობრივი განსაზღვრა სისხლში P CR მეთოდით)	90.91
ორგანოს და ქსოვილის პოტენციური დონორის გამოკვლევა (სისხლის გამოკვლევა მკრთალ სპიროქეტაზე იმუნოფლუორესცენციის მეთოდით)	4.12
ორგანოს და ქსოვილის პოტენციური დონორის გამოკვლევა (შიდსის კონფირმაცია 1)	87.04
ორგანოს და ქსოვილის პოტენციური დონორის გამოკვლევა (შიდსის კონფირმაცია 2)	84.68
ორგანოს და ქსოვილის პოტენციური დონორის გამოკვლევა (შიდსის კონფირმაცია 3)	89.39
ორგანოს და ქსოვილის პოტენციური დონორის გამოკვლევა (HBCAG-ის კონფირმაცია 1)	26.90
ორგანოს და ქსოვილის პოტენციური დონორის გამოკვლევა (HBCAG-ის კონფირმაცია 2)	19.77
ორგანოს და ქსოვილის პოტენციური დონორის გამოკვლევა (HBCAG-ის კონფირმაცია 3)	29.37
ორგანოს და ქსოვილის პოტენციური დონორის გამოკვლევა (HCV-ის კონფირმაცია 1)	107.15
ორგანოს და ქსოვილის პოტენციური დონორის გამოკვლევა (HCV-ის კონფირმაცია 2)	109.11
ორგანოს და ქსოვილის პოტენციური დონორის გამოკვლევა (HCV-ის კონფირმაცია 3)	105.19
ორგანოს და ქსოვილის პოტენციური დონორის გამოკვლევა (კონფირმაცია მკრთალ სპიროქეტაზე)	14.13
ორგანოს და ქსოვილის პოტენციური დონორის გამოკვლევა (HBCAG-ის განსაზღვრა იმუნოფერმენტული ანალიზის მეთოდით)	4.67
ორგანოს და ქსოვილის პოტენციური დონორის გამოკვლევა (HBCAG-ის განსაზღვრა სისხლის შრატში ექსპრეს მეთოდით)	7.13
ორგანოს და ქსოვილის პოტენციური დონორის გამოკვლევა (HCV-ის საწინააღმდეგო ანტისხეულების განსაზღვრა სისხლის შრატში ექსპრეს მეთოდით)	10.44
ორგანოს და ქსოვილის პოტენციური დონორის გამოკვლევა (HCV-ის საწინააღმდეგო ანტისხეულების განსაზღვრა სისხლის შრატში იფა მეთოდით)	12.40
ორგანოს და ქსოვილის პოტენციური დონორის გამოკვლევა (ალანინამინოტრანსფერაზის (AL T) განსაზღვრა სისხლის შრატში)	3.39
ორგანოს და ქსოვილის პოტენციური დონორის გამოკვლევა (სისხლში მკრთალი სპიროქეტის საწინააღმდეგო ანტისხეულების განსაზღვრა მიკროპრეციპიტაციის მეთოდით)	5.01
ორგანოს და ქსოვილის პოტენციური დონორის გამოკვლევა (აივ ანტისხეულების განსაზღვრა სისხლის შრატში იფა მეთოდით)	6.07
ორგანოს და ქსოვილის პოტენციური დონორის გამოკვლევა (აივ ანტისხეულების განსაზღვრა სისხლის შრატში ექსპრეს მეთოდით)	8.42
ორგანოს და ქსოვილის პოტენციური დონორის გამოკვლევა (აივ ინფექციის კონფირმაციული დიაგნოსტიკა 1)	142.11
ორგანოს და ქსოვილის პოტენციური დონორის გამოკვლევა (აივ ინფექციის კონფირმაციული დიაგნოსტიკა 2)	72.54

 

თავი VIII

ეპილეფსიის ადრეული დიაგნოსტიკისა და პრევენციის კომპონენტი

    მუხლი 28. კომპონენტის მიზანი

კომპონენტის მიზანია საქართველოს მოსახლეობის ეპილეფსიით ავადობისა და დაავადებიანობის შემცირება, დაავადებულთა რეაბილიტაცია და პრობლემის მართვა ეპილეფტოლოგიური მომსახურების სისტემის ფუნქციონირების გზით.

    მუხლი 29. კომპონენტის ამოცანები

კომპონენტის ამოცანებია:

ა) ეპილეფსიის დიაგნოსტიკა;

ბ) ეპილეფსიის რეესტრის წარმოება;

გ) ეპილეფსიის პროფილაქტიკა და სამედიცინო მომსახურების გაიდლაინებისა და პროტოკოლების იმპლემენტაციის ხელშეწყობა.

    მუხლი 30. მომსახურების შესყიდვა და განხორციელების მექანიზმები

ეპილეფისიის ადრეული დიაგნოსტიკისა და პრევენციის კომპონენტით განსაზღვრული მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 31. ბიუჯეტი და ანაზღაურების წესი

,,საქართველოს 2008 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 174.0 ათასი ლარით (დაფინანსების მეთოდი – გლობალური ბიუჯეტი).