საქართველოს გარემოს დაცვისა და ბუნებრივი რესურსების სამინისტრო 2008 წლის 13 ნოემბრის ბრძანება №745 - „გარემოსდაცვითი ტექნიკური რეგლამენტების შესახებ“

სახელმწიფო სარეგისტრაციო კოდი 300.160.070.22.023.012.379

საქართველოს გარემოს დაცვისა და ბუნებრივი რესურსების

მინისტრის ბრძანება №745

2008 წლის 13 ნოემბერი

ქ. თბილისი

გარემოსდაცვითი ტექნიკური რეგლამენტების შესახებ

„გარემოზე ზემოქმედების ნებართვის შესახებ“ საქართველოს კანონის 23-ე მუხლის ,,ა“ ქვეპუნქტის საფუძველზე, ვბრძანებ:

1. დამტკიცდეს:

ა) საწარმოო და არასაწარმო ობიექტების ჩამდინარე წყლების ზედაპირული წყლის ობიექტებში ჩაშ-ვების ტექნიკური რეგლამენტი (დანართი 1);

ბ) ზედაპირული წყლის ობიექტიდან წყლის ამოღების ტექნიკური რეგლამენტი (დანართი 2);

გ) ზედაპირული წყლის ობიექტიდან წყლის ამოღების ტექნიკური რეგლამენტის ფორმა (დანართი 3);

დ) ტექნიკური რეგლამენტი ატმოსფერული ჰაერის მავნე ნივთიერებებით დამაბინძურებელი საქმიანობებისთვის (დანართი 4);

ე) ტექნიკური რეგლამენტი მრგვალი ხეტყის (მორის) პირველადი გადამამუშავებელი სახერხი საამქროებისა და საწარმოებისათვის (დანართი 5).

2. ამ ბრძანების დანართი 5-ით დამტკიცებული ,,ტექნიკური რეგლამენტი მრგვალი ხეტყის (მორის) პირველადი გადამამუშავებელი სახერხი საამქროებისა და საწარმოებისათვის“ ამოქმედდეს 2009 წლის 1 იანვრიდან.

3. ეს ბრძანება ამოქმედდეს გამოქვეყნებიდან მე-15 დღეს.

გ. ხაჩიძე

შეტანილი ცვლილებები:

1. საქართველოს გარემოს დაცვისა და ბუნებრივი რესურსების მინისტრის 2010 წლის 29 მარტის ბრძანება №11-სსმIII, №34, 01.04.2010წ.; მუხ.573

2. საქართველოს გარემოს დაცვისა და ბუნებრივი რესურსების მინისტრის 2010 წლის 14 ივნისის ბრძანება №20-სსმIII, №71, 18.06.2010წ.; მუხ.1034

3. საქართველოს გარემოს დაცვისა და ბუნებრივი რესურსების მინისტრის 2010 წლის 30 ივლისის ბრძანება №27-სსმIII, №93, 30.07.2010წ.; მუხ.1381

4. საქართველოს გარემოს დაცვისა და ბუნებრივი რესურსების მინისტრის 2010 წლის 27 სექტემბრის ბრძანება №45 - სსმ III, №124, 28.09.2010წ., მუხ.1813

5. საქართველოს ენერგეტიკისა და ბუნებრივი რესურსების მინისტრის 2011 წლის 24 ივნ ისის ბრძანება №96 - ვებგვერდი, 24.06.2011წ.

6. საქართველოს გარემოს ა და ბუნებრივი რესურსების დაცვის მინისტრის 2013 წლის 24 ივნისის ბრძანება №47 - ვებგვერდი, 25.06.2013 წ.

 

დანართი 1

საწარმოო და არასაწარმო ობიექტების ჩამდინარე წყლების ზედაპირული წყლის ობიექტებში ჩაშვების ტექნიკური რეგლამენტი

1. ტექნიკური რეგლამენტი ვრცელდება ყველა იმ საწარმოო და არასაწარმო ობიექტებზე, რომლებიც ახორციელებენ ჩამდინარე წყლების ზედაპირული წყლის ობიექტებში ჩაშვებას და რომელთა საქმიანობაც არ ექვემდებარება ეკოლოგიურ ექსპერტიზას.

2. საწარმოო და არასაწარმო ობიექტების ჩამდინარე წყლების ზედაპირული წყლის ობიექტებში ჩაშვების ტექნიკური რეგლამენტი დგინდება ჩამდინარე წყალში შესაბამისი ინგრედიენტისათვის ზღვრულად დასაშვები კონცენტრაციის განსაზღვრით და მდგომარეობს შემდეგში:

 

 

3. მე-2 პუნქტში მოყვანილ ცხრილში *-ით აღნიშნული ინგრედიენტების ჩაშვევის პირობები არ ვრცელდება იმ წყალმოსარგებლეებზე (პროფილისა და წარმადობის მიუხედავად), რომელთა ჩამდინარე წყლები ჩაედინება ზედაპირული წყლის ობიექტში ან წყლის ობიექტის გარკვეულ მონაკვეთზე, რომელიც განსაზღვრულია როგორც დაცული ზონა, ანუ რომელიც:

ა) განკუთვნილია წყალაღებისთვის მოსახლეობის წყალმომარაგების მიზნით;

ბ) განკუთვნილია ეკონომიკურად მნიშვნელოვანი წყლის მობინადრეების სახეობების დაცვისათვის;

გ) განკუთვნილია მოსახლეობის დასვენებისათვის.

4. მე-3 პუნქტით გათვალისწინებულ შემთხვევაში წყალმოსარგებლე ვალდებულია ჩამდინარე წყლის ხარისხი მოიყვანოს შესაბამისობაში ,,გარემოს ხარისხობრივი მდგომარეობის ნორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს №297/ნ ბრძანებით ზედაპირული წყლის ობიექტებში დამაბინძურებელ ნივთიერებათა ზღვრულად დასაშვებ კონცენტრაციებთან.

5. ზედაპირული წყლის ობიექტებში არ შეიძლება ჩაშვებულ იქნეს ისეთი დამაბინძურებელი ნივთიერებები, რომელთათვისაც არ არის დადგენილი ზედაპირული წყლის ობიექტებში ზღვრულად დასაშვები კონცენტრაციები ან არ არსებობს ანალიტიკური კვლევის მეთოდები.

6. ზედაპირული წყლის ობიექტებში დაუშვებელია გაუწმენდავი ან არასაკმარისად გაწმენდილი და ინფექციური დაავადებების გამომწვევების შემცველი ჩამდინარე წყლების ჩაშვება.

დანართი 2

ზედაპირული წყლის ობიექტიდან წყლის ამოღების ტექნიკური რეგლამენტი

1. ზედაპირული წყლის ობიექტებიდან წყლის ყოველი ამოღებისას, ცალკეული წყალმოსარგებლე, რომლის საქმიანობა არ ექვემდებარება ეკოლოგიურ ექსპერტიზას, შეიმუშავებს ,,ზედაპირული წყლის ობიექტიდან წყლის ამოღების ტექნიკური რეგლამენტის პროექტს”, რომელსაც ითანხმებს  საქართველოს გარემოსა  და ბუნებრივი რესურსების დაცვის სამინისტროს უფლებამოსილი პირი, ხოლო აჭარის ავტონომიური რესპუბლიკის მთავრობის საქვეუწყებო დაწესებულების - გარემოს დაცვისა და ბუნებრივი რესურსების სამმართველოს უფროსი.

საქართველოს გარემოს დაცვისა და ბუნებრივი რესურსების მინისტრის 2010 წლის 29 მარტის ბრძანება №11-სსმIII, №34, 01.04.2010წ.; მუხ.573

საქართველოს გარემოს დაცვისა და ბუნებრივი რესურსების მინისტრის 2010 წლის 27 სექტემბრის ბრძანება №45 - სსმ III, №124, 28.09.2010წ., მუხ.1813

საქართველოს გარემოსა და ბუნებრივი რესურსების დაცვის მინისტრის 2013 წლის 24 ივნისის ბრძანება №47 - ვებგვერდი, 25.06.2013 წ.

2. ზედაპირული წყლის ობიექტიდან წყლის ამოღების ტექნიკური რეგლამენტი დგინდება 5 წელიწადში ერთხელ.

3. ზედაპირული წყლის ობიექტიდან წყლის ამოღების ტექნიკური რეგლამენტის ფორმა განსაზღვრულია დანართი 3-ით.

დანართი 3

შეთანხმებულია

 

––––––––––––––––––––––––––––––

––––––––––––––––––––––––––––––

––––––––––––––––––––––––––––––

       (უფლებამოსილი პირის სახელი, გვარი, თანამდებობა)

 

 

                    ––––––––––––––––––––––––––––––

                    (უფლებამოსილი პირის ხელმოწერა)

„–––––– “ „––––––––––––– “ 20–––– წ.

 

მოქმედების ვადა ––––––––––––––

 

ტ ე ქ ნ ი კ უ რ ი რ ე გ ლ ა მ ე ნ ტ ი

ზედაპირული წყლის ობიექტიდან წყლის ამოღებაზე

20 – 20– წლების პერიოდისათვის

საწარმოს დასახელება ––––––––––––––––––––––––––––––––––––––––

ადგილმდებარეობა, მისამართი ––––––––––––––––––––––––––––––––

გამოშვებული პროდუქცია (რაოდენობა წელიწადში) –––––––––––––––––––––––––––––––––––

მუშაობის რეჟიმი (სამუშაო დღეების რაოდენობა/წელ., სამუშაო საათების რაოდენობა/დღ.) –––––––

––––––––––––––––––––––––––

ზედაპირული წყლის ობიექტი, საიდანაც ხდება წყლის ამოღება

––––––––––––––––––––––––––––––––––––––––––––––––––––––––––

წყლის ამოღების წერტილი (მანძილი შესართავიდან, კმ) –––––––––––––––––––––––––

ამოღებული წყლის რაოდენობა:

 

                                                                                                                             ათასი კუბ.მ

 

 

საწარმოს ხელმძღვანელი ––––––––––––––––––––––––––– ––––––––––––––––––––––––––––

                                                       (სახელი, გვარი)                      (ხელმოწერა)

 

„––––– “ „–––––––––––––––– “ 20 წ.

 

 ბ.ა.

საქართველოს გარემოს დაცვისა და ბუნებრივი რესურსების მინისტრის 2010 წლის 29 მარტის ბრძანება №11-სსმIII, №34, 01.04.2010წ.; მუხ.573

საქართველოს გარემოს დაცვისა და ბუნებრივი რესურსების მინისტრის 2010 წლის 27 სექტემბრის ბრძანება №45 - სსმ III, №124, 28.09.2010წ., მუხ.1813

დანართი 4

ტექნიკური რეგლამენტი ატმოსფერული ჰაერის მავნე ნივთიერებებით დამაბინძურებელი საქმიანობებისთვის

1. ტექნიკური რეგლამენტი მტკიცდება ატმოსფერული ჰაერის მავნე ნივთიერებებით დაბინძურების ყველა იმ საქმიანობისათვის, რომლებიც არ ექვემდებარება ეკოლოგიურ ექსპერტიზას.

2. ატმოსფერული ჰაერის მავნე ნივთიერებებით დაბინძურების იმ საქმიანობების, რომლებიც არ ექვემდებარება ეკოლოგიურ ექსპერტიზას, განმახორციელებელი ყველა ფიზიკური და იურიდიული პირისათვის სავალდებულოა შემუშავდეს ,,ატმოსფერული ჰაერის დაბინძურების სტაციონარული წყაროების და მათ მიერ გაფრქვეულ მავნე ნივთიერებათა ინვენტარიზაციის ტექნიკური ანგარიში“, ,,ატმოსფერული ჰაერის დაცვის შესახებ“საქართველოს კანონის შესაბამისად.

3. ეს ტექნიკური რეგლამენტი არ გავრცელდება საქმიანობის განმახორციელებელ იმ ფიზიკურ და იურიდიულ პირებზე, რომლებსაც, ამ ბრძანების ამოქმედებამდე, მოქმედი კანონმდებლობის შესაბამისად, უკვე შეთანხმებული და დამტკიცებული ჰქონდათ ,,ატმოსფერული ჰაერის დაბინძურების სტაციონარული წყაროების და მათ მიერ გაფრქვეულ მავნე ნივთიერებათა ინვენტარიზაციის ტექნიკური ანგარიშები“, აღნიშნული ანგარიშების მოქმედების ვადის ამოწურვამდე.

4. ტექნიკური რეგლამენტით დგინდება ატმოსფერული ჰაერის მავნე ნივთიერებებით დაბინძურების სტაციონარული ობიექტის ცალკეული გაფრქვევის წყაროში მავნე ნივთიერებათა გაფრქვევის მაქსიმალური მნიშვნელობები.

5. ატმოსფერული ჰაერის დაბინძურების სტაციონარული ობიექტის ცალკეული გაფრქვევის მილში მავნე ნივთიერებათა გაფრქვევის მაქსიმალური მნიშვნელობები (Cx, მგ/ მ3) გაფრქვევის მილის სიმაღლის (H, მ), გაფრქვევის მილის დიამეტრის (D, მ) და მავნე ნივთიერების მაქსიმალური კონცენტრაციისგან (Cმ, მგ/ მ3) დამოკიდებულებით განისაზღვრება შემდეგი ფორმულით:

Cx=30Cმ(H+D)/D,

 

სადაც მავნე ნივთიერებათა მაქსიმალური კონცენტრაციის მნიშვნელობები აიღება შემდეგი ცხრილის მიხედვით:

 

6. ატმოსფერული ჰაერის დაბინძურების ერთ სტაციონარულ ობიექტში რამდენიმე გაფრქვევის მილის არსებობის შემთხვევაში და, ამავე დროს, ორი ან ორზე მეტი მათგანიდან ერთი და იმავე სახეობის მავნე ნივთიერების გაფრქვევისას, მე-5 პუნქტის თანახმად, ცალკეულ გაფრქვევის მილში განსაზღვრული მავნე ნივთიერების გაფრქვევის მაქსიმალური მნიშვნელობა მცირდება იმდენჯერ, რამდენი გაფრქვევის მილიცაა იმავე სახეობის მავნე ნივთიერების გაფრქვევით სტაციონარულ ობიექტში.

7. ატმოსფერული ჰაერის დაბინძურების სტაციონარულ ობიექტში გაფრქვევის მილის გარეშე მავნე ნივთიერებათა გაფრქვევის შემთხვევაში, თითოეულ ამ წყაროსთვის მავნე ნივთიერებათა გაფრქვევის მაქ-სიმალურ მნიშვნელობებად აიღება მე-2 პუნქტში წარმოდგენილ დოკუმენტში დადგენილ შესაბამის მავნე ნივთიერებათა გაფრქვევის მაჩვენებლები.

დანართი №5

(ძალადაკარგულია - საქართველოს ენერგეტიკისა და ბუნებრივი რესურსების მინისტრის 2011 წლის 24 ივნისის ბრძანება №96 - ვებგვერდი, 24.06.2011წ.)

ტექნიკური რეგლამენტი

მრგვალი ხე-ტყის (მორის) პირველადი გადამამუშავებელი

სახერხი საამქროებისა და საწარმოებისათვის

    მუხლი 1. ზოგადი დებულებები

1. წინამდებარე ტექნიკური რეგლამენტით დადგენილი მოთხოვნები ვრცელდება სახერხ საამქროებსა და საწარმოებზე (მიუხედავად მათი სამართლებრივი ფორმისა), რომელთაც იყენებენ მრგვალი ხე-ტყის (მორის) სახერხი დანადგარები (ტექნიკა).

2. წინამდებარე ტექნიკური რეგლამენტით დადგენილი მოთხოვნები წარმოადგენენ გარემოსდაცვით მოთხოვნებს და სავალდებულოა შესასრულებლად მრგვალი ხე-ტყის (მორის) პირველადი გადამამუშავებელი სახერხი საამქროებისა და საწარმოებისთვის ტექნიკური რეგლამენტებით გათვალისწინებულ სხვა ნორმებთან და მოთხოვნებთან ერთად.

    მუხლი 2. ფუნქციონირების ზოგადი მოთხოვნები

1. აკრძალულია მრგვალი ხე-ტყის (მორის) პირველადი გადამამუშავებელი სახერხი საამქროებისა და საწარმოების (შემდეგში – სახერხი საამქროები) ფუნქციონირება:

ა) სახელმწიფო ტყის ფონდის ტერიტორიაზე;

ბ) დაცული ტერიტორიის ფარგლებში;

2. აკრძალულია მრგვალი ხე-ტყის (მორის) პირველადი გადამამუშავებელი სახერხი საამქროებისა და საწარმოების სახერხი დანადგარების განთავსება (მიუხედავად სახერხი საამქროს მიწის საკუთრების ფორმისა):

ა) მდინარის კალაპოტის კიდიდან ორივე მხარეს – 50 მეტრის ფარგლებში;

ბ) ტბებისა და წყალსაცავების წყალდაცვითი ზოლის ფარგლებში (რომელიც შეადგენს 300 მ-ს და განისაზღვრება წყლის მაქსიმალური ზვირთცემისას წყლით დაფარული (მაქსიმალური დონის) შესაბამისი სანაპირო ხაზის კიდიდან);

გ) შავი ზღვის სანაპირო ზოლში – ნაპირიდან 300 მეტრის ფარგლებში;

დ) საქართველოს კანონმდებლობით აკრძალულ სხვა ადგილებში.

3. აკრძალულია სახერხი საამქროების მიერ ხე-ტყის გადამუშავების პროცესში წარმოქმნილი ნარჩენების განთავსება ამ მუხლის მე-2 პუნქტით განსაზღვრული ტერიტორიის ფარგლებში (მიუხედავად სახერხი საამქროს მიწის საკუთრების ფორმისა).

4. სახერხი საამქრო ვალდებულია უზრუნველყოს სახერხი დანადგარის, ხე-ტყისა და მისი გადამუშავების შედეგად წარმოქმნილი ნარჩენების განთავსების ტერიტორიის შემოღობვა.

5. ამ მუხლის მე-2 პუნქტით დადგენილი მანძილი იანგარიშება შესაბამისი წყლის ობიექტის უახლოესი წერტილიდან სახერხი საამქროს სახერხი დანადგარის და ნარჩენების განთავსების ადგილის უახლოეს წერტილამდე.

6. აკრძალულია ხე-ტყის ან მისი პირველადი გადამუშავების პროდუქტის განთავსება სახერხი საამქროს შემოღობილი ტერიტორიის ფარგლებს გარეთ (დატვირთვისა და ჩამოცლის პროცესის გარდა).

    მუხლი 3. გარემოს დაბინძურების თავიდან აცილების მოთხოვნები

1. მერქნის ქიმიური დამუშავების მიზნით, სახერხი საამქროების ტერიტორიაზე გამოყოფილი სპეციალური მოედნები, აგრეთვე მერქნის დაცვის ქიმიურ საშუალებათა შესანახი ადგილები, აუცილებლად უნდა აღიჭურვოს მყარი მონოლითური (წყალგაუმტარი) დამცავი საფარით, ქიმიკატების ნიადაგსა და გრუნტის წყლებში გაჟონვის თავიდან ასაცილებლად, ასევე შესაბამისი წყალშემკრები სისტემით.

2. მიმდებარე ტერიტორიის დაბინძურების თავიდან ასაცილებლად სავალდებულოა ხე-ტყის გადამუშავების შედეგად წარმოქმნილი ნარჩენების (ბურბუშელა, ნახერხი) შენახვა საწარმოს ტერიტორიაზე ამისათვის სპეციალურად გამოყოფილ ადგილებში (შემოფარგული ტერიტორია ან/და შესაბამისი ბუნკერი).

3. თუ სახერხი საამქრო თვითონ არ ახორციელებს წარმოქმნილი საწარმოო და მერქნის ნარჩენების უტილიზაციას, უნდა გააჩნდეს შესაბამისი დოკუმენტაცია (მათ შორის, ხელშეკრულება) – ნარჩენების გატანაზე.

4. სხვა ნარჩენების არსებობის შემთხვევაში გამოიყენება მოქმედი კანონმდებლობით დადგენილი მოთხოვნები.

    მუხლი 4. სახერხ საამქროში ხე-ტყის, მისი პირველადი გადამუშავების პროდუქტისა და შესაბამისი დოკუმენტების აღრიცხვის მოთხოვნები

1. სავალდებულოა სახერხი საამქროების ფუნქციონირების პროცესში „ხე-ტყის, მისი პირველადი გადამუშავების პროდუქტისა და შესაბამისი დოკუმენტების აღრიცხვის ჟურნალის“ (შემდგომში – ჟურნალი) წარმოება დამტკიცებული ფორმისა (ფორმა №1) და მოთხოვნების მიხედვით.

2. ჟურნალი უნდა იყოს ზონარგაყრილი, დანომრილი, რომლის დამოწმებაც ხორციელდება სამინისტროს სახელმწიფო საქვეუწყებო დაწესებულება – გარემოს დაცვის ინსპექციის (შემდგომში – გარემოს დაცვის ინსპექცია) ან მისი ტერიტორიული ორგანოს მიერ სამოქმედო ტერიტორიისა და სახერხი საამქროს ადგილმდებარეობის გათვალისწინებით.

3. მეწარმე ვალდებულია ფუნქციონირების დაწყებამდე ჟურნალის დამოწმებისთვის გარემოს დაცვის ინსპექციაში ჟურნალთან ერთად წარმოადგინოს დაკავებული მიწის საკუთრების ან კანონიერად სარგებლობის უფლების დამადასტურებელი შესაბამისი დოკუმენტი, ასევე სახერხი საამქროს ჟურნალის წარმოებასა და საწარმოს წარმომადგენლობაზე სხვა პირის უფლებამოსილების დამადასტურებელი ნოტარიულად დამოწმებული დოკუმენტი (თუ ჟურნალის წარმოება არ ხორციელდება უშუალოდ საწარმოს ხელმძღვანელის მიერ).

4. ამ მუხლის მე-3 პუნქტით გათვალისწინებული დოკუმენტების წარმოდგენის შემდგომ, ამ დანართის ფორმა №1-ით გათვალისწინებული ჟურნალის დამოწმება ხდება გარემოს დაცვის ინსპექციის უფლებამოსილი პირის მიერ (ფორმა №1-ის „პირველი გვერდის“ შევსება ხდება სახერხი საამქროს მიერ ჟურნალის წარდგენამდე, ჟურნალის „შემდეგი გვერდის“ წარმოება ხდება სახერხი საამქროების ფუნქციონირების პროცესში).

5. ჟურნალის წარმოებას ახორციელებს სახერხი საამქროს (საწარმოს) ხელმძღვანელი ან/და მისგან ამისთვის უფლებამოსილი პირი, რაც არ ათავისუფლებს საწარმოს ამ დანართით გათვალისწინებული შესაბამისი მოთხოვნების დარღვევისას საქართველოს კანონმდებლობით დადგენილი პასუხისმგებლობისგან.

6. ჟურნალში აღრიცხვა ხორციელდება ხე-ტყის ან მისი პირველადი გადამუშავების პროდუქტის მიღებისას ჩამოცლის დამთავრებისთანავე, ხოლო გატანისას – არა უგვიანეს დატვირთვისა.

7. სახერხი საამქრო ვალდებულია გადასამუშავებლად მიიღოს მხოლოდ კანონდებლობით განსაზღვრული დოკუმენტების მქონე მერქნული რესურსი. აკრძალულია სახერხ საამქროში საშეშე მერქნის კანონიერების დამადასტურებელი დოკუმენტით გათვალისწინებული საშეშე მერქნის მიღება, გარდა იმ საშეშე მერქნისა, რომელიც მოპოვებულია საქართველოს კანონმდებლობით გათვალისწინებული „ხე-ტყის დამზადების სპეციალური ლიცენზიის“ შესაბამისად.

8. სახერხ საამქროში ხე-ტყის განთავსებისას ხე-ტყის მფლობელის მიერ ხე-ტყის საქართველოს კანონმდებლობით გათვალისწინებული შესაბამისი დოკუმენტების მე-3 ეგზემპლარის გადაცემა ხდება საწარმოს ხელმძღვანელზე ან მის მიერ ამისთვის განსაზღვრულ უფლებამოსილ პირზე.

9. ჟურნალი და სახერხ საამქროში ამ მუხლის მე-8 პუნქტის შესაბამისად გადაცემული ხე-ტყის შესაბამისი დოკუმენტები ინახება სახერხი საამქროს ტერიტორიაზე სპეციალურად გამოყოფილ და სათანადოდ დაცულ ადგილას (რომელიც ხელმიუწვდომელია უცხო პირთათვის და დაცულ იქნება ყოველგვარი უარყოფითი ზემოქმედებისგან).

10. ჟურნალში ჩანაწერი წარმოებს ბურთულიანი კალმით, ჩანაწერები კეთდება მკაფიოდ და აკრძალულია შეტანილ მონაცემთა წაშლა ან შესწორება. თუ ჟურნალის რომელიმე გრაფის შევსებისას დაშვებულ იქნა მექანიკური შეცდომა, იგი გადაიხაზება, მის გამოსასწორებლად ჟურნალის მე-18 გრაფაში (შენიშვნა) მიეთითება – სწორი ჩანაწერი და კეთდება წარწერა „შესწორებულია“.

11. ჟურნალის დაკარგვის ან გაფუჭების შემთხვევაში სახერხი საამქრო ვალდებულია დაუყოვნებლივ აცნობოს გარემოს დაცვის ინსპექციას ან მის იმ ტერიტორიული ორგანოს, სადაც განხორციელდა ჟურნალის დამოწმება.

12. ჟურნალი, სახერხი საამქროს მიერ სრულად შევსების შემდეგ და მე-8 პუნქტის შესაბამისად გადაცემული ხე-ტყის შესაბამისი დოკუმენტები ინახება 5 წლის განმავლობაში დადგენილი წესით, მიუხედავად სახერხი საამქროს მიერ საქართველოს კანონმდებლობის შესაბამისად ფუნქციონირების შეწყვეტისა, რომლებიც მოთხოვნისთანავე უნდა წარედგინოს გარემოს დაცვის ინსპექციას.

13. ჟურნალის გაფუჭება ან დაკარგვა სახერხი საამქროს არ ათავისუფლებს შესაბამისი პასუხისმგებლობისაგან.

14. ჟურნალში ჩანაწერების სისწორეზე პასუხისმგებლობა ეკისრება საწარმოს. ჟურნალში არასწორი ჩანაწერების შეტანა წარმოადგენს გარემოსდაცვითი ტექნიკური რეგლამენტების ამ დანართის მოთხოვნების დარღვევას.

    მუხლი 5. გარდამავალი დებულებები

1. თუ სახერხი საამქრო ფუნქციონირებს 2010 წლის 4 აგვისტოსთვის და არ შეესაბამება ამ დანართის მე-4 მუხლით დადგენილ მოთხოვნებს, სახერხი საამქროს მფლობელმა ამ მოთხოვნებთან სახერხი საამქროს შესაბამისობაში მოყვანა უნდა განახორციელოს 2010 წლის 1 სექტემბრამდე.

2. იმ შემთხვევაში, თუ სახერხი საამქროს მიერ ყოველწლიურად გადამუშავებული ნედლეულის მოცულობა შეადგენს 3500 კუბ.მ-ზე მეტს და მასში დასაქმებულთა რაოდენობა აღემატება 100 კაცს და იგი ფუნქციონირებდა 2010 წლის 4 ივნისამდე და არ შეესაბამება ამ დანართის მე-2 მუხლის მე-2 პუნქტით დადგენილ მოთხოვნებს, სახერხი საამქროს მფლობელმა ამ ტექნიკური რეგლამენტის მოთხოვნებთან შესაბამისობაში მოსაყვანად უნდა მოახდინოს საწარმოს რეკონსტრუქცია ან მისი ადგილმდებარეობის შეცვლა (გადატანა) 2011 წლის 4 აგვისტომდე.

3. სახერხი საამქრო ვალდებულია ფუნქციონირება დაიწყოს მხოლოდ ამ რეგლამენტებით დადგენილი მოთხოვნების შესაბამისად, გარდა ამ მუხლით გათვალისწინებული გამონაკლისი შემთხვევებისა.

4. წინამდებარე რეგლამენტით გათვალისწინებული მოთხოვნების შესრულებაზე კონტროლს ახორციელებს გარემოს დაცვის ინსპექცია.

საქართველოს გარემოს დაცვისა და ბუნებრივი რესურსების მინისტრის 2010 წლის 30 ივლისის ბრძანება №27-სსმIII, №93, 30.07.2010წ.; მუხ.1381

 

 

 

 

 

 

  ფორმა №1

(პირველი გვერდი)   ხე-ტყის, მისი პირველადი გადამუშავების პროდუქტისა და შესაბამისი დოკუმენტების აღრიცხვის ჟურნალი                                                                                                                                                                                                       „______“ „__________“ 201____ წელი ​  ​                                                                                                                                                                                                                                                                                                                                                                        (თვე)   1) საწარმოს დასახელება _____________________________________ 2) საწარმოს მფლობელი __________________________________________   3) საიდენტიფიკაციო ნომერი______________________________________ 4) ტელეფონის ნომერი _______________________________________   5) საწარმოს მონაცემები _______________________________________________________________________________________________________ (საწარმოს მისამართი, შენობის ტიპი – კაპიტალური, დროებითი და სხვა)   6) სახერხი დანადგარების მონაცემები __________________________________________________________________________________________                                                   (რაოდენობა და ტიპი, მისი სიმძლავრე და სხვა დანადგარები მათი არსებობის შემთხვევაში, მათ შორის,    ____________________________________________________________________________________________________________________________ მერქნის ქიმიური დამუშავებისას გამოყენებული, შესაბამისი პარამეტრების მითითებით) _____________________________________________________________________________________________________________________________   _____________________________________________________________________________________________________________________________   7) ცვლილებები _____________________________________________________________________________________________________________ (მე-7 გრაფაში მიეთითება ინფორმაცია 1-6 გრაფებში მითითებული მონაცემების შეცვლის   ____________________________________________________________________________________________________________________________ შემთხვევაში, რაც ამავე დროს უნდა ეცნობოს გარემოს დაცვის ინსპექციას)   ____________________________________________________________________________________________________________________________   ​

რიგითი №	ხე-ტყის შემოსვლის თარიღი (წელი, თვე, რიცხვი, საათი)	ხე-ტყის წარმოშობის ან კანონიერების დამადასტურებელი შესაბამისი დოკუმენტის რეკვიზიტები (ნომერი, გაცემის თარიღი)	ხე-ტყის სახეობა (ჯიში)	ხე-ტყის მოცულობა, მ ​3	სახერხ საამქროში ხე-ტყის შემომტანი პირი (სახელი, გვარი, პირადი №)	სატრანსპორტო საშუალების მარკა, სახელმწიფო ნომერი	ხე-ტყის შემომტანის ხელმოწერა	გადამუშავების (დახერხვის) თარიღი (წელი, თვე, რიცხვი)	ხე-ტყის გადამუშავების პროდუქტის მოცულობა მ ​3 სორტიმენტების მიხედვით, საერთო მოცულობა მ ​3	კანონმდებლობით დადგენილ შემთხვევებში და დადგენილი წესით ხე-ტყის პირველადი გადამუშავების პროდუქტზე გაცემული დოკუმენტის რეკვიზიტები (ნომერი, სერია, გაცემის თარიღი,)	შემოტანილი ხე-ტყის გადამუშავების შემდეგ, პროდუქტის გატანისას სახერხ სამქროში დარჩენილი ნაშთი: (გადასამუშავებელი ხე-ტყე ან/და გადამუშავებული პროდუქტი, მ ​3 (მისი არარსებობისას დაისმევა X)	სახერხი საამქროდან პროდუქტის გასვლის თარიღი (წელი,თვე, რიცხვი, საათი)	ჩავაბარე		ჩავიბარე		შენიშვნა (მისი არარსებობისას დაისმევა X)
													სახერხი საამქროს შესაბამისი პასუხისმგებელი პირი (სახელი, გვარი)	მისი ხელმოწერა	პროდუქტის გამტანი პირის სახელი, გვარი, პირადობის ან მართვის მოწმობის №	პროდუქტის გამტანი პირის ხელმოწერა
1	2	3	4	5	6	7	8	9	10	11	12	13	14	15	16	17	18

 

 

შენიშვნა: მონაცემები შეიტანება თითოეული დოკუმენტის მიხედვით; ხე-ტყის სხვადასხვა სორტიმენტებად გადამუშავებისას მე-10 გრაფა ივსება სორტიმენტების მიხედვით შესაბამისი მოცულობით (მ3). მე-12 გრაფაში მიეთითება მე-3 გრაფაში მითითებული დოკუმენტით შემოტანილი ხე-ტყის გადამუშავების შედეგად სახერხ საამქროში იმავე დოკუმენტის ფარგლებში დარჩენილი გადასამუშავებელი ხე-ტყე ან/და გადამუშავებული პროდუქტის ნაშთი შესაბამისი მოცულობით (მ3). იმ შემთხვევაში, როდესაც საქართველოს კანონმდებლობა ხე-ტყის პირველადი გადამუშავების პროდუქტზე შესაბამისი დოკუმენტის გაცემას არ ითვალისწინებს მე-11 გრაფაში მიეთითება „X“.

საქართველოს გარემოს დაცვისა და ბუნებრივი რესურსების მინისტრის 2010 წლის 14 ივნისის ბრძანება №20-სსმIII, № 71 , 18.06.2010წ.; მუხ.1034

Annotate