„რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვის და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“

სახელმწიფო სარეგისტრაციო კოდი 470.230.000.22.035.012.988

საქართველოს შრომის, ჯანმრთელობისა და სოციალური დაცვის

მინისტრის ბრძანება №135/ნ

2009 წლის 8 აპრილი

ქ. თბილისი

რეზიდენტურის ალტერნატიულ დიპლომისშემდგომ განათლებაში ( პროფესიულ მზადებაში) მონაწილეობის, მისი წარმართვის და შეფასების წესისა და იმ სამედიცინო დაწესებულებების ან/ და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების ( პროფესიული მზადების) კურსის გავლა

„საექიმო საქმიანობის შესახებ“ საქართველოს კანონის 98-ე მუხლის მე-3 პუნქტის „გ“ და „დ“ ქვეპუნქტების შესაბამისად, ვბრძანებ:

1. დამტკიცდეს:

ა) რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვისა და შეფასების წესი (დანართი 1);

ბ) იმ სამედიცინო დაწესებულებების ან/და სასწავლებლების აკრედიტაციის კრიტერიუმები და წესი, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა (დანართი 2).

2. ძალადაკარგულად გამოცხადდეს:

ა) „რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვისა და შეფასების წესისა და იმ სამედიცინო დაწესებულებების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2007 წლის 18 აპრილის №135/ნ ბრძანება.

ბ) „სამედიცინო დაწესებულებათა ნუსხის დამტკიცების შესახებ, რომელშიც დასაშვებია კლინიკურ სპეციალობებში რეზიდენტურის კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2002 წლის 11 აპრილის №102/ნ ბრძანება.

3. ბრძანება ამოქმედდეს გამოქვეყნებისთანავე.

ა. კვიტაშვილი

შეტანილია ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება № 218/ნ - სსმ III,  29.06.2009, სსმ №79, მუხ.864

2 . საქართველოს შრომის, ჯანმრთელობისა და სოციალური დაცვის მინისტრის 2009 წლის 2 ივლისის ბრძანება № 222/ნ - სსმ III,  03.07.2009, სსმ №82, მუხ.884

3 . საქართველოს შრომის, ჯანმრთელობისა და სოციალური დაცვის მინისტრის 2009 წლის 31 აგვისტოს ბრძანება № 284/ნ - სსმ III,  31.08.2009, სსმ №107, მუხ.1233

4 . საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ნოემბრის ბრძანება № 389/ნ - სსმ III,  27.11.2009, სსმ №146, მუხ.1704

5. საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება № 125/ნ - სსმ III,  13.05.2010, სსმ №54, მუხ.840

6. საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

7. საქართველოს შრომის, ჯანმრთელობისა და სოციალური დაცვის მინისტრის 2011 წლის 28 დეკემბრის ბრძანება №01-68/ნ - ვებგვერდი, 29.12.2011წ.

 

 

                                                                                                                                                        დანართი 1

რეზიდენტურის ალტერნატიულ დიპლომისშემდგომ განათლებაში ( პროფესიულ მზადებაში) მონაწილეობის, მისი წარმართვისა და შეფასების წესი

1. რეზიდენტურის ალტერნატიული დიპლომისშემდგომი განათლება (პროფესიული მზადება) ხორციელდება საქართველოს შრომის, ჯანმრთელობისა და სოციალური დაცვის სამინისტროს პროფესიული განვითარების საბჭოს (შემდგომში – საბჭო) მიერ აკრედიტებული და საქართველოს განათლებისა და მეცნიერების სამინისტროსთან შეთანხმებული საქართველოს შრომის, ჯანმრთელობისა და სოციალური დაცვის სამინისტროს (შემდგომში – სამინისტრო) მიერ დამტკიცებული სარეზიდენტო პროგრამების შესაბამისად.

2. სამედიცინო დაწესებულებები ან/და სასწავლებლები დიპლომისშემდგომ განათლებას (პროფესიულ მზადებას) ახორციელებენ აკრედიტებული სარეზიდენტო პროგრამის ფარგლებში და გააჩნიათ აკრედიტაციის მოწმობა.

3. სპეციალობის მაძიებელს აკრედიტებულ სამედიცინო დაწესებულებაში /სასწავლებელში რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის უფლება ეძლევა ერთიანი დიპლომისშემდგომი საკვალიფიკაციო გამოცდის ჩაბარების შედეგად მინიჭებული სპეციალობის მაძიებლის დამადასტურებელი მოწმობის ან/და შესაბამისი ცნობის წარდგენის შემთხვევაში.

4. ერთიანი დიპლომისშემდგომი საკვალიფიკაციო გამოცდის შედეგები ძალაშია 2 წლის განმავლობაში. თუ სპეციალობის მაძიებელმა აღნიშულ პერიოდში არ დაიწყო დიპლომისშემდგომი განათლება (პროფესიული მზადება) და არ გაიარა შესაბამისი სარეზიდენტო პროგრამის სულ მცირე 1 მოდული, გამოცდის შედეგები უქმდება და დიპლომისშემდგომი განათლების (პროფესიული მზადების) დასაწყებად მან განმეორებით უნდა ჩააბაროს ერთიანი დიპლომისშემდგომი საკვალიფიკაციო გამოცდა.

5. სპეციალობის მაძიებლის მიერ შესაბამისი სპეციალობის სარეზიდენტო პროგრამის გავლის ხანგრძლივობა არ უნდა იყოს შესაბამის სპეციალობაში სარეზიდენტო პროგრამის ხანგრძლივობაზე ნაკლები და არ უნდა აღემატებოდეს მას 2-ჯერ. ვადის ათვლა იწყება პირველი მოდულის დაწყების დღიდან.

6. სპეციალობის მაძიებელმა სარეზიდენტო პროგრამის შემადგენელი თითოეული მოდული უნდა გაიაროს არანაკლებ ამ მოდულის ხანგრძლივობით განსაზღვრულ ვადაში; შეუძლებელია 2 და მეტი მოდულის ერთდროულად გავლა.

7. სპეციალობის მაძიებელთა შერჩევის კრიტერიუმებს განსაზღვრავს პროგრამის განმახორციებელი აკრედიტებული სამედიცინო დაწესებულება/ სასწავლებელი პროგრამაში აკრედიტაციით განსაზღვრულ რეზიდენტთა/მაძიებელთა რაოდენობის შესაბამისი ლიმიტის (კვოტის) მიხედვით. სპეციალობის მაძიებელს, რომელიც აკმაყოფილებს შერჩევის კრიტერიუმებს, დაწესებულება/სასწავლებელი უფორმებს შესაბამის ხელშეკრულებას.

8. დაწესებულებაში/სასწავლებელში რეზიდენტურის ალტერნატიული დიპლომისშემდგომი განათლების (პროფესიული მზადების) პროგრამის ხარისხის უზრუნველყოფაზე პასუხისმგებელი პირები არიან:

ა) პროგრამის ხელმძღვანელი/ხელმძღვანელობა;

ბ) ცალკეულ მოდულებზე პასუხისმგებელი პირები.

9. პროგრამის ხელმძღვანელის/ხელმძღვანელობისა და ცალკეულ მოდულებზე პასუხისმგებელი პირების უფლება-მოვალეობები განისაზღვრება დაწესებულების/სასწავლებლის მიერ დადგენილი წესით, რომელიც უნდა გააჩნდეს დაწესებულებას/სასწავლებელს.

10. დაწესებულებაში/სასწავლებელში, რომელშიც შესაძლებელია რეზიდენტურის ალტერნატიული დიპლომისშემდგომი განათლების (პროფესიული მზადების) კურსის გავლა, დანერგილი უნდა იყოს მაძიებელთა შეფასების სისტემა, რომელიც მოიცავს მაძიებელთა ეტაპობრივ და საბოლოო შეფასებას და იძლევა ცოდნის, უნარ-ჩვევებისა და მიდგომების, ასევე, პრაქტიკული საქმიანობის შეფასების შესაძლებლობას.

11. სპეციალობის მაძიებელი მზადების პროცესში უზრუნველყოფილი უნდა იყოს კვალიფიციური კონსულტაციებით, სასწავლო მასალებით (სასწავლო/სამეცნიერო ლიტერატურა, სხვა პროგრამული საკითხები), კურიკულუმის (სასწავლო გეგმა) შესაბამისი სამუშაო გრაფიკით.

12. სპეციალობის მაძიებელს უნდა ჰქონდეს ადგილი და შესაძლებლობა პრაქტიკული და თეორიული მეცადინეობისათვის. მისთვის ხელმისაწვდომი უნდა იყოს აღჭურვილობა პრაქტიკული მეთოდიკის დამუშავებისათვის.

13. სპეციალობის მაძიებელს უფლება აქვს:

ა) მოითხოვოს შესაბამისი სამუშაო პირობებით (ხელშეკრულებით განსაზღვრული პირობები) უზრუნველყოფა: კვალიფიციური ხელმძღვანელი, თანამედროვე კლინიკური და საინფორმაციო/საკომუნიკაციო ტექნოლოგიები, სამუშაო ოთახი;

ბ) მონაწილეობდეს სარეზიდენტო პროგრამით გათვალისწინებული სასწავლო პროცესის დაგეგმვასა და შეფასებაში.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

გ) მზადების პროცესთან დაკავშირებული პრობლემების შესახებ აცნობოს სამედიცინო დაწესებულების ან/და სასწავლებლის ხელმძღვანელობას.

14. სპეციალობის მაძიებლის მოვალეობები:

ა) სპეციალობის მაძიებელი ვალდებულია შეასრულოს სარეზიდენტო პროგრამით განსაზღრული კურიკულუმი;

ბ) სპეციალობის მაძიებელი ვალდებულია მის მიერ განხორციელებულ/შესრულებულ სამუშაოთა აღრიცხვის მიზნით აწარმოოს დღიური, რომლის ფორმატი განისაზღვრება ნიმუშის (დანართი 1.1) შესაბამისად;

გ) სპეციალობის მაძიებელი ვალდებულია, ყოველი სასწავლო წლის ბოლოს პროგრამის ხელმძღვანელს წარუდგინოს გაწეული მუშაობის ანგარიში, გაიაროს ეტაპობრივი და შემაჯამებელი გამოცდა.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

დ) სპეციალობის მაძიებელი ვალდებულია დაიცვას სამედიცინო დაწესებულების ან/და სასწავლებლის შინაგანაწესი და შეასრულოს დაწესებულების განრიგით განსაზღვრული საქმიანობა.

15. სპეციალობის მაძიებლის ეტაპობრივი/საბოლოო უარყოფითი შეფასების შემთხვევაში, პროგრამის ხელმძღვანელმა/ხელმძღვანელობამ, სპეციალობის მაძიებელთან შეთანხმებით, შეიძლება განუსაზღვროს მას მოდული/მოდულები, რომლებიც უნდა გაიაროს განმეორებით.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

16. რეზიდენტურის პროგრამა არ ჩაითვლება გავლილად, თუ განმეორებით სარეზიდენტო პროგრამის 2-ჯერ მეტ ვადაში სპეციალობის მაძიებელი ვეღარ ასწრებს სარეზიდენტო პროგრამის შემადგენელი მოდულის/მოდულების გავლას ან რომელიმე მოდულში/მოდულებში მიიღებს უარყოფით შეფასებას.

17. სპეციალობის მაძიებელს უფლება აქვს, გადავიდეს ერთი აკრედიტებული დაწესებულებიდან/სასწავლებლიდან მეორე აკრედიტებულ დაწესებულებაში/სასწავლებელში.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

18. პროგრამით გათვალისწინებული მოდულების წარმატებით დასრულების შემდეგ, სპეციალობის მაძიებელს ეძლევა დიპლომისშემდგომი განათლების (პროფესიული მზადების) კურსის გავლის დამადასტურებელი სახელმწიფო მოწმობა. მოწმობას გასცემს საბჭო.

 

დანართი 1.1

დღიურის ნიმუში

 

საექიმო სპეციალობის მაძიებლის გვარი, სახელი ---------------------- ----------------------------------------------------------------------------------------------------- პროგრამის დაწყებისა და დამთავრების თარიღი: ---------------------- ------------------------------------------------------------------------------------------------------------------ --------------------------(დღე/თვე/წელი)--------------------- (დღე/თვე/წელი) დაწესებულების/სასწავლებლის დასახელება და მისამართი :   პირველი წელი: წელი: 20-------დან 20-------მდე მიზანი ...................................................................................................................................... მოდულის დასახელება მოდულის განმახორციელებელი დაწესებულების დასახელება -------------------------------------------------------------------------------------------- თეორიული ცოდნა ------------------------------------------------------------------------------------------------------------------ --------------------------------------------------------------------------------------- პროფესიული უნარ-ჩვევები: ------------------------------------------------------------------------------------------------------------------ --------------------------------------------------------------------------------------- შეფასება: ჩაეთვალა/არ ჩაეთვალა მოდულზე პასუხისმგებელი პირის ხელმოწერა: მაძიებლის ხელმოწერა: პროგრამის ხელმძღვანელის ხელმოწერა: თარიღი:   მეორე წელი: წელი: 20-------დან 20-------მდე მიზანი ..................................................................................................................................... მოდულის დასახელება   მოდულის განმახორციელებელი დაწესებულების დასახელება ------------------------------------------------------------------------------------------------ თეორიული ცოდნა ------------------------------------------------------------------------------------------------------------------ --------------------------------------------------------------------------------------- პროფესიული უნარ-ჩვევები: ------------------------------------------------------------------------------------------------------------------ --------------------------------------------------------------------------------------- შეფასება: ჩაეთვალა/არ ჩაეთვალა მოდულზე პასუხისმგებელი პირის ხელმოწერა: მაძიებლის ხელმოწერა: პროგრამის ხელმძღვანელის ხელმოწერა: თარიღი:   მესამე წელი: წელი: 20-------დან 20-------მდე მიზანი ...................................................................................................................................... მოდულის დასახელება   მოდულის განმახორციელებელი დაწესებულების დასახელება ---------------------------------------------------------------------------------------------- დასახელება: თეორიული ცოდნა ------------------------------------------------------------------------------------------------------------------ ---------------------------------------------------------------------------------------- პროფესიული უნარ-ჩვევები: ----------------------------------------------------------------------------------------------------------------- ----------------------------------------------------------------------------------------------------------------- შეფასება: ჩაეთვალა/არ ჩაეთვალა მოდულზე პასუხისმგებელი პირის ხელმოწერა: მაძიებლის ხელმოწერა: პროგრამის ხელმძღვანელის ხელმოწერა: თარიღი:

საბოლოო შეფასება: პროგრამის ხელმძღვანელის ხელმოწერა: თარიღი:

 

დანართი 2

იმ სამედიცინო დაწესებულებების ან/ და სასწავლებლების აკრედიტაციის კრიტერიუმები და წესი, რომლებშიც შესაძლებელია დიპლომისშემდგომი განათლების ( პროფესიული მზადების) კურსის გავლა

    მუხლი 1. ზოგადი დებულებები

1. ამ წესში გამოყენებულ ტერმინებს აქვთ შემდეგი მნიშვნელობა:

ა) სამედიცინო დაწესებულება/სასწავლებელი – დიპლომისშემდგომ განათლებაში (პროფესიულ მზადებაში) აკრედიტაციის მაძიებელი/აკრედიტებული სამედიცინო დაწესებულება ან უმაღლესი სამედიცინო სასწავლებელი (შემდეგში – დაწესებულება/სასწავლებელი);

ბ) აფილირებული/ქვეკონტრაქტორი დაწესებულება – სამედიცინო დაწესებულება/სასწავლებელი, რომელთანაც დიპლომისშემდგომი მზადების განხორციელების მიზნით ხელშეკრულება (დიპლომისშემდგომი მზადების განხორციელების თაობაზე) აქვს დადებული აკრედიტაციის მაძიებელ/აკრედიტებულ სამედიცინო დაწესებულებას/სასწავლებელს;

გ) ლიმიტი (კვოტა) – რეზიდენტთა/მაძიებელთა მაქსიმალური რაოდენობა, რომელთა ერთდროულად მზადების უფლებაც ეძლევა აკრედიტებულ დაწესებულებას/სასწავლებელს ან/და კონკრეტული მოდულის განხორციელებაში მონაწილე აფილირებულ დაწესებულებას.

2. აკრედიტაციის მიზანია დაადასტუროს დაწესებულების/სასწავლებლის შესაბამისობა სარეზიდენტო პროგრამის განხორციელების ამ წესით დადგენილ კრიტერიუმებთან.

3. დაწესებულების/სასწავლებლის აკრედიტაციას ახორციელებს პროფესიული განვითარების საბჭო (შემდგომში – საბჭო), საქართველოს შრომის, ჯანმრთელობისა და სოციალური დაცვის სამინისტროს (შემდგომში – სამინისტრო) საჯარო სამართლის იურიდიული პირის – სამედიცინო საქმიანობის სახელმწიფო რეგულირების სააგენტოს (შემდგომში – სააგენტო) მეშვეობით.

4. აკრედიტაციის მინიჭების შემთხვევაში საბჭო დაწესებულებას/სასწავლებელს განუსაზღვრავს რეზიდენტთა/მაძიებელთა ლიმიტს (კვოტას) კონკრეტული დიპლომისშემდგომი განათლების (პროფესიული მზადების) /სარეზიდენტო პროგრამის ფარგლებში.

5. კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამის ფარგლებში აკრედიტებულ დაწესებულებას/სასწავლებელს უფლება აქვს, განახორციელოს დიპლომისშემდგომი განათლება (პროფესიული მზადება) აღნიშნული პროგრამის როგორც სრული, ასევე შესაბამისი საექიმო სპეციალობის მომიჯნავე სპეციალობებისათვის დადგენილი კურსის ფარგლებში. ამ შემთხვევაში რეზიდენტთა/მაძიებელთა საერთო რაოდენობა განისაზღვრება პროგრამით გათვალისწინებული ვადებისა და აკრედიტაციით მინიჭებული კვოტის შესაბამისად.

6. კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამის ფარგლებში აკრედიტებულ დაწესებულებას/სასწავლებელს 2012 წლის 1 სექტემბრამდე უფლება აქვს, განახორციელოს დამოუკიდებელი საექიმო საქმიანობის სუბიექტის მზადება შესაბამისი საექიმო სპეციალობის მომიჯნავე სპეციალობებისათვის დადგენილი დიპლომისშემდგომი განათლების (პროფესიული მზადების) კურსის ფარგლებში მინიჭებული კვოტის ზემოთ.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2009 წლის 31 აგვისტოს ბრძანება №284/ნ - სსმ III,  31.08.2009, სსმ №107, მუხ.1233

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

საქართველოს შრომის, ჯანმრთელობისა და სოციალური დაცვის მინისტრის 2011 წლის 28 დეკემბრის ბრძანება №01-68/ნ - ვებგვერდი, 29.12.2011წ.

    მუხლი 2. აკრედიტაციის ჩატარების პრინციპები

1. დაწესებულებების/სასწავლებლის აკრედიტაცია ხორციელდება კონკრეტული დიპლომისშემდგომი განათლების (პროფესიული მზადების) /სარეზიდენტო პროგრამის (პროგრამების) ფარგლებში.

1^​1. დაწესებულებების/სასწავლებლების აკრედიტაცია შესაძლებელია განხორციელდეს კონკრეტული საექიმო სპეციალობის/სპეციალობების დიპლომისშემდგომი განათლების (პროფესიული მზადების) პროგრამის/პროგრამების მომიჯნავე საექიმო სპეციალობებისათვის დადგენილი კურსის ფარგლებშიც.

2. აკრედიტაციის მაძიებელი დაწესებულება/სასწავლებელი უნდა უზრუნველყოფდეს კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამით გათვალისწინებული კლინიკური მოდულების სულ მცირე 1/2-ის საკუთარ ბაზებზე გატარებას (აღნიშნული არ ეხება უმაღლეს სასწავლებელსა და მომიჯნავე საექიმო სპეციალობე-ბისათვის დადგენილ პროგრამებს საექიმო სპეციალობაში – „საოჯახო მედიცინა“).

3. აფილირებული დაწესებულება, რომელთანაც დიპლომისშემდგომი განათლების (პროფესიული მზადების) განხორციელების მიზნით ხელშეკრულება აქვს დადებული დაწესებულებას/სასწავლებელს, უნდა უზრუნველყოფდეს სულ მცირე 1 მოდულის ფარგლებში სულ მცირე 1 რეზიდენტის/მაძიებლის მზადებას მოდულის ხანგრძლივობის ვადაში (გარდა საექიმო სპეციალობისა – „პათოლოგიური ანატომია – კლინიკური პათოლოგია“).

4. დაწესებულების/სასწავლებლის აკრედიტაცია მოიცავს სარეზიდენტო პროგრამის თითოეული მოდულის განხორციელებაში მონაწილე დაწესებულებების/სასწავლებლების შესაძლებლობების შეფასებას და ამ წესით განსაზღვრულ კრიტერიუმებთან შესაბამისობის დადგენას.

5. დაწესებულება/სასწავლებელი აკრედიტებულად ითვლება იმ შემთხვევაში, თუ ის/მისი კლინიკური ბაზა ან/და მასთან აფილირებული დაწესებულებები აკმაყოფილებენ ამ წესით განსაზღვრულ კრიტერიუმებს.

6. აფილირებულ დაწესებულებას/სასწავლებელს უფლება არა აქვს იმავე პროგრამის ფარგლებში მოიპოვოს აკრედიტაცია დამოუკიდებლად.

7. საბჭოსთან შეთანხმებით, აფილირებულ დაწესებულებას/სასწავლებელს უფლება აქვს გახდეს სხვა აკრედიტებული დაწესებულების/სასწავლებლის კონტრაქტორი, მოდულის მიმდინარეობის ვადებისა და კვოტის გათვალისწინებით.

8. კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამის ფარგლებში აკრედიტებულ დაწესებულებას/სასწავლებელს არ შეიძლება ჰქონდეს გაფორმებული ხელშეკრულება იგივე პროგრამის ფარგლებში აკრედიტებულ სხვა დაწესებულებასთან/სასწავლებელთან. აღნიშნული არ ეხება თეორიულ მოდულებსა და მომიჯნავე საექიმო სპეციალობებისათვის დადგენილ პროგრამებს საექიმო სპეციალობაში – „საოჯახო მედიცინა“.

9. დაწესებულება/სასწავლებელი ვალდებულია ხელი შეუწყოს აკრედიტაციის პროცესს, წარადგინოს აკრედიტაციის მიზნებისათვის საჭირო დოკუმენტაცია.

10. საბჭო უზრუნველყოფს დაწესებულების/სასწავლებლის აკრედიტაციის პროცესის გამჭვირვალობასა და აკრედიტაციის პროცესის მონიტორინგს.

11. თუ სარეზიდენტო მზადების დასრულების შემდგომ კონკრეტული აკრედიტრებული დაწესებულების/სასწავლებლის მაძიებელთა 1/2 სახელმწიფო სასერტიფიკაციო გამოცდაზე დაიმსახურებს უარყოფით შეფასებას, მაშინ საბჭო უფლებამოსილია მიიღოს გადაწყვეტილება აკრედიტაციის საკითხის გადახედვის შესახებ.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

    მუხლი 3. სამედიცინო დაწესებულების ან/და სასწავლებლის განაცხადი

1. დაწესებულებამ/უმაღლესმა სასწავლებელმა აკრედიტაციის მიზნით საბჭოს სამდივნოში უნდა წარადგინოს განაცხადი აკრედიტაციის მოთხოვნის შესახებ (დაწესებულების დასახელების, იურიდიული მისამართის მითითებით). განაცხადში, ასევე, უნდა მიეთითოს სარეზიდენტო პროგრამის დასახელება, რომლის განხორციელების უფლების მიღება სურს დაწესებულებას/სასწავლებელს და ამ პროგრამის ფარგლებში გასატარებელ რეზიდენტთა/ მაძიებელთა რაოდენობა (ლიმიტი /კვოტა).

2. აკრედიტაციის მოთხოვნის შესახებ განაცხადს უნდა დაერთოს შემდეგი დოკუმენტაცია:

ა) დადგენილი ფორმის შესაბამისი თვითშეფასების კითხვარი (დანართი 2.1);

ბ) დაწესებულების/სასწავლებლის წესდების/დებულების დამოწმებული ასლი, ხოლო კერძო სამართლის იურიდიული პირის შემთხვევაში – აგრეთვე სარეგისტრაციო მონაცემები;

გ) აფილირებულ დაწესებულებასთან/დაწესებულებებთან გაფორმებული ხელშეკრულების/ მემორანდუმის ასლი (ასლები);

დ) იმ სამედიცინო საქმიანობათა ჩამონათვალი, რომლებსაც ახორციელებს დაწესებულება/სასწავლებელი ან/და მასთან აფილირებული დაწესებულებები/ სასწავლებლები, ხოლო ლიცენზირებადი სამედიცინო საქმიანობ(ებ)ის განხორციელების/სტაციონარული დაწესებულების ნებართვის არსებობის შემთხვევაში – შესაბამისი სალიცენზიო და სანებართვო მოწმობ(ებ)ის/სანებართვო მოწმობის დანართ(ებ)ი ასლ(ებ)ი;

ე) უმაღლესი სამედიცინო საგანმანათლებლო პროგრამების, დიპლომისშემდგომი განათლების (პროფესიული მზადების) პროგრამების, უწყვეტი სამედიცინო განათლების პროგრამების დასახელება, რომლებიც ხორციელდება სამედიცინო დაწესებულებაში/სასწავლებელში;

ვ) დოკუმენტაცია და/ან ინფორმაცია დაწესებულების/სასწავლებლის და მასთან აფილირებული დაწესებულების (დაწესებულებების) შენობა-ნაგებობებისა და მატერიალურ-ტექნიკური ბაზის ფლობისა და სარგებლობის შესახებ;

ზ) ინფორმაცია დაწესებულების/სასწავლებლის და მასთან აფილირებული დაწესებულების (დაწესებულებების) მიერ სამედიცინო აღჭურვილობისა და კომპიუტერული ტექნიკის ფლობის შესახებ;

თ) იმ შემთხვევაში, როცა ერთი და იგივე მოდული უნდა განხორციელდეს/ხორციელდება სხვადასხვა საექიმო სპეციალობის პროგრამის ფარგლებში – კონკრეტული მოდულის განხორციელების წლიური გეგმა-გრაფიკი (ვადებისა და არსებული/საძიებელი ლიმიტის (კვოტის) გათვალისწინებით).

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2009 წლის 2 ივლისის ბრძანება №222/ნ - სსმ III,  03.07.2009, სსმ №82, მუხ.884

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

    მუხლი 4. აკრედიტაციის პროცესი

1. დაწესებულების/სასწავლებლის მიერ განაცხადის წარდგენის შემდეგ საბჭოს სამდივნო ამოწმებს განაცხადისა და თანდართული დოკუმენტაციის შესაბამისობას ამ წესის მე-3 მუხლით დადგენილ მოთხოვნებთან; სრული შესაბამისობის შემთხვევაში ინფორმაცია რეგისტრირდება შესაბამის ჟურნალსა და მონაცემთა კომპიუტერულ ბაზაში.

2. საბჭოს სამდივნო შემოსულ დოკუმენტაციას განიხილავს 10 დღის ვადაში. არასრულყოფილი დოკუმენტაციის წარმოდგენის შემთხვევაში აკრედიტაციის მაძიებელს ეძლევა 15 დღე დოკუმენტაციის მოსაწესრიგებლად, რომლის თაობაზეც მაძიებელს ეცნობება საბჭოს სამდივნოს მიერ.

3. იმ შემთხვევაში, თუ დადგენილ ვადაში არ იქნება წარდგენილი შესაბამისი დოკუმენტები, საბჭოს სამდივნოს მიერ დაწესებულებას ეგზავნება ოფიციალური შეტყობინება აკრედიტაციაზე უარის თქმის შესახებ.

4. დოკუმენტაციის სრულყოფილად წარმოდგენის შემთხვევაში სააგენტოს უფროსი გამოსცემს ინდივიდუალურ ადმინისტრაციულ-სამართლებრივ აქტს დაწესებულებაში სააკრედიტაციო ვიზიტის შესახებ.

5. სააკრედიტაციო ვიზიტის მიზანია, საშუალება მისცეს სააგენტოს თანამშრომლებს, დადგინდეს თვითშეფასების კითხვართან და აკრედიტაციის კრიტერიუმებთან დაწესებულების/სასწავლებლის და მასთან აფილირებული დაწესებულების (დაწესებულებების) პირობების შესაბამისობა. სააკრედიტაციო ვიზიტის ხანგრძლივობა განისაზღვრება დაწესებულების/სასწავლებლისა და მისი დოკუმენტაციის მოცულობის შესაბამისად.

6. სააგენტოს თანამშრომლები ამოწმებენ დაწესებულების/სასწავლებლის აკრედიტაციის მიზნებისათვის საჭირო დოკუმენტაციას, ახორციელებენ მათში დასაქმებული პირების, რეზიდენტების/მაძიებლების და სხვა დაინტერესებული პირების ინტერვიუირებას და შენობა-ნაგებობის და აღჭურვილობის ადგილზე დათვალიერებას. აკრედიტაციის პირობების გადამოწმების მიზნით, სააგენტოს თანამშრომლები უფლებამოსილნი არიან, მოიძიონ და გადაამოწმონ კონკრეტული მონაცემები.

7. სააკრედიტაციო ვიზიტის დასრულების შემდეგ დგება ოქმი.

8. დაწესებულება/სასწავლებელი ვალდებულია ხელი შეუწყოს სააგენტოს თანამშრომლებს სააკრედიტაციო ვიზიტის განხორციელებასა და შესაბამისი ოქმის მომზადებაში.

9. ოქმი წარმოადგენს აკრედიტაციის მაძიებელი დაწესებულების/სასწავლებლის ფაქტობრივი პირობების აღწერას. ოქმით დგინდება აკრედიტაციის მაძიებლის პირობების შესაბამისობა ამ წესით დადგენილ აკრედიტაციის კრიტერიუმებთან (დანართი 2.2).

10. სააკრედიტაციო ვიზიტის დასრულებისას სააგენტოს თანამშრომლები აკრედიტაციის მაძიებელ დაწესებულებას/სასწავლებელს აცნობენ ოქმს, რაც დასტურდება ოქმზე სააგენტოს უფლებამოსილი თანამშრომლისა და დაწესებულების წარმომადგენლის ხელმოწერითა და დაწესებულების ბეჭდით.

11. ოქმის წარმოდგენის შემდეგ სააგენტოს უფროსი საბჭოს წარუდგენს შესაბამის მოხსენებით ბარათს, რომელსაც თან ერთვის ოქმის ასლი.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

    მუხლი 5. გადაწყვეტილება აკრედიტაციის შესახებ

1. საბჭო გადაწყვეტილებას იღებს სააკრედიტაციო დოკუმენტაციის წარმოდგენიდან ერთი თვის ვადაში. თუ საქმისათვის არსებითი მნიშვნელობის მქონე გარემოებების გამო აუცილებელია მეტი ვადა, ამ შემთხვევაში გადაწყვეტილების მიღების საერთო ვადა არ უნდა აღემატებოდეს 3 თვეს.

2. საბჭო სააგენტოს მიერ წარმოდგენილი ინფორმაციის საფუძველზე იღებს შემდეგ გადაწყვეტილებას:

ა) აკრედიტაციის მინიჭების შესახებ;

ბ) აკრედიტაციის მინიჭებაზე უარის თქმის შესახებ;

გ) აკრედიტაციის გაუქმების შესახებ;

დ) ლიმიტის (კვოტის) შეცვლის შესახებ.

3. აკრედიტაცია ძალაში შედის საბჭოს მიერ გადაწყვეტილების მიღებისთანავე.

4. აკრედიტაციის მინიჭებაზე უარის თქმის შესახებ გადაწყვეტილებაში დეტალურად უნდა მიეთითოს უარის თქმის საფუძველი.

5. საბჭოს გადაწყვეტილება საბჭოს სამდივნოს მიერ რეგისტრირდება შესაბამის ჟურნალში და მონაცემთა კომპიუტერულ ბაზაში.

6. დაწესებულებისათვის/სასწავლებლისათვის აკრედიტაციის მინიჭება ხდება 3 წლის ვადით.

7. აკრედიტებული დაწესებულება/სასწავლებელი ახალი აკრედიტაციის მისაღებად საბჭოს მიმართავს მინიჭებული აკრედიტაციის ვადის ამოწურვამდე 4 თვით ადრე.

8. გადაწყვეტილება აკრედიტაციის შესახებ დასტურდება აკრედიტაციის მოწმობით.

9. აკრედიტაციის შესახებ მოწმობის ფორმას განსაზღვრავს საბჭო და ამტკიცებს სამინისტრო.

10. მოწმობის გაცემის ორგანიზაციულ უზრუნველყოფას ახორციელებს სააგენტო.

11. საბჭოს გადაწყვეტილება შეიძლება გასაჩივრდეს მოქმედი კანონ მ დებლობის შესაბამისად.

12. დაწესებულება/სასწავლებელი უფლებამოსილია იმავე სარეზიდენტო პროგრამის/პროგრამების ფარგლებში აკრედიტაციის მოთხოვნით მიმართოს საბჭოს აკრედიტაციის გაუქმების შესახებ გადაწყვეტილების ძალაში შესვლიდან არა უადრეს 1 წლისა.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

    მუხლი 6. დაწესებულებისათვის რეზიდენტთა/მაძიებელთა რაოდენობის (ლიმიტი/კვოტა) განსაზღვრა

1. რეზიდენტთა/მაძიებელთა რაოდენობის განსაზღვრა გულისხმობს დაწესებულებისათვის/ სასწავლებლისათვის რეზიდენტთა/მაძიებელთა მაქსიმალური რაოდენობის – ლიმიტის (კვოტის) განსაზღვრას, რომლის ერთდროულად მზადების უფლება აქვს დაწესებულებას/სასწავლებელს ერთი წლის განმავლობაში იმ პროგრამის ფარგლებში, რომელზედაც უნდა მოიპოვოს აკრედიტაცია ან/და კონკრეტული მოდულის განხორციელებაში მონაწილე აფილირებულ დაწესებულებას მოდულის მიმდინარეობის ვადებში.

2. აკრედიტებული დაწესებულების/სასწავლებლის ლიმიტი/კვოტა განისაზღვრება კომპლექსურად, აკრედიტაციის მაძიებელი დაწესებულების/სასწავლებლის საკუთარი და მასთან აფილირებული დაწესებულებების სიმძლავრეების შესაბამისად. მხედველობაში მიიღება პროგრამის (მოდულის) განხორციელების ვადები.

3. 1 წელზე ნაკლები ხანგრძლივობის დიპლომისშემდგომი მზადების პროგრამის შემთხვევაში, რეზიდენტთა/მაძიებელთა ლიმიტი (კვოტა) განისაზღვრება აღნიშნული დიპლომისშემდგომი მზადების პროგრამის ხანგრძლივობის ვადის შესაბამისად.

3^​1 . (ამოღებულია - 15.12.2011, №01-62/ნ).

4. რეზიდენტთა/მაძიებელთა ლიმიტი (კვოტა) განისაზღვრება დაწესებულებისათვის:

ა) აკრედიტაციის მინიჭებისას;

ბ) რეზიდენტთა/ მაძიებელთა ლიმიტის (კვოტის) ცვლილების შემთხვევაში.

5. ამ მუხლის მე-4 პუნქტის „ბ“ ქვეპუნქტით გათვალისწინებულ რეზიდენტთა/მაძიებელთა ლიმიტი (კვოტა) განისაზღვრება დაწესებულების/სასწავლებლის მიერ წარმოდგენილი დამატებითი ინფორმაციის და სააგენტოს თანამშრომელთა მიერ მონაცემების ადგილზე შესწავლის საფუძველზე.

6. საბჭოს ინიციატივით, დაწესებულების/სასწავლებლის რეზიდენტთა/მაძიებელთა ადგილების რაოდენობა შეიძლება შეიცვალოს მხოლოდ ამ წესის შესაბამისად, დაწესებულების შესაბამისი შემოწმების შედეგად და სააგენტოს ინფორმაციის საფუძველზე.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

    მუხლი 7. აკრედიტაციის კრიტერიუმებთან შესაბამისობის შემოწმება და აკრედიტაციის გაუქმების საფუძვლები

1. აკრედიტებული დაწესებულება/სასწავლებელი ვალდებულია საბჭოს ყოველწლიურად 1 სექტემბრიდან 1 ოქტომბრამდე წარუდგინოს თვითშეფასების ანგარიში აკრედიტაციის კრიტერიუმებთან შესაბამისობის შესახებ. თვითშეფასების ანგარიშის ფორმა მტკიცდება მინისტრის ინდივიდუალური ადმინისტრაციულ-სამართლებრივი აქტით.

1^​1. თვითშეფასების ანგარიშის წარმოდგენა საბჭოში სავალდებულოა იმ შემთხვევაში, თუ დაწესებულებისათვის/სასწავლებლისათვის აკრედიტაციის მინიჭებიდან /ლიმიტის (კვოტის) შეცვლიდან გასულია 6 თვე.

2. საბჭო სააგენტოს მეშვეობით უფლებამოსილია შეამოწმოს დაწესებულების/სასწავლებლის შესაბამისობა აკრედიტაციის კრიტერიუმებთან იმ შემთხვევაში, თუ:

ა) დაწესებულება/სასწავლებელი დადგენილ ვადაში არ წარადგენს თვითშეფასების ანგარიშს;

ბ) თვითშეფასების ანგარიშში მოყვანილი მონაცემების შესაბამისად დაწესებულება/სასწავლებელი აღარ აკმაყოფილებს აკრედიტაციის კრიტერიუმებს ან მონაცემები წარმოშობენ აკრედიტაციის კრიტერიუმებთან შეუსაბამობის ეჭვს;

გ) არსებობს ინფორმაცია, რომ დაწესებულება/სასწავლებელი არ აკმაყოფილებს აკრედიტაციის კრიტერიუმებს.

3. აკრედიტაციის კრიტერიუმებთან დაწესებულების/სასწავლებლის პირობების შესაბამისობის კომპლექსური შემოწმების განხორციელება სააგენტოს მიერ შესაძლებელია წელიწადში მხოლოდ ერთხელ.

3^​1. დაწესებულების/სასწავლებლის აკრედიტაციის კრიტერიუმებთან შესაბამისობის განსაზღვრა ხორციელდება იმ კრიტერიუმების შესაბამისად, რომლის ფარგლებშიც მოპოვებული აქვს მას აკრედიტაცია.

4. დაწესებულების/სასწავლებლის შემოწმების შედეგად სააგენტოს შესაბამისი ოქმის საფუძველზე საბჭო უფლებამოსილია, მიიღოს გადაწყვეტილება აკრედიტაციის გაუქმების და/ან რეზიდენტთა/მაძიებელთა ლიმიტის (კვოტის) შეცვლის შესახებ, თუ დაწესებულება არ შეესაბამება აკრედიტაციის კრიტერიუმებიდან ერთ-ერთს მაინც, აგრეთვე, თუ დაწესებულებამ/ სასწავლებელმა დაარღვია აკრედიტაციის შედეგად განსაზღვრული რეზიდენტთა/მაძიებელთა მაქსიმალური ლიმიტი (კვოტა).

5. აკრედიტაციის გაუქმების შემთხვევაში დაწესებულებას/სასწავლებელს არა აქვს რეზიდენტთა/მაძიებელთა მიღების უფლება, მაგრამ მას უფლება აქვს დაასრულოს იმ რეზიდენტთა/მაძიებელთა დიპლომისშემდგომი განათლება (პროფესიული მზადება), რომელიც დაწყებული იყო აკრედიტაციის გაუქმებამდე.

6. ამ მუხლის მოქმედება 2012 წლის 31 დეკემბრამდე არ ვრცელდება იმ სამედიცინო დაწესებულებებზე/სასწავლებლებზე, რომლებსაც მოპოვებული აქვთ აკრედიტაცია თერაპიული, ქირურგიული, პედიატრიული, სამეანო-გინეკოლოგიური, ონკოლოგიური, ანესთეზიოლოგია-რეანიმატოლოგიური, ნევროლოგიური, ოტორინოლარინგოლოგიუ რ ი, ოფთალმოლოგიური, ფსიქიატრიული, რადიოლოგიური პროფილის დიპლომისშემდგომი განათლების (პროფესიული მზადების) პროგრამების განხორციელებისათვის.

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

    მუხლი 8. დაწესებულების/სასწავლებლის შემოწმების ჩატარების წესი

სამედიცინო დაწესებულების/სასწავლებლის აკრედიტაციის კრიტერიუმებთან შესაბამისობის შემოწმება ხორციელდება ამ წესის მე-4, მე-5 და მე-7 მუხლების შესაბამისად.

    მუხლი 9. აკრედიტებული დაწესებულებებისათვის/სასწავლებლებისათვის რეზიდენტთა/მაძიებელთა ლიმიტის (კვოტის) ცვლილება

1. აკრედიტებულმა დაწესებულებამ/სასწავლებელმა რეზიდენტთა/მაძიებელთა ლიმიტის (კვოტის) ცვლილების შესახებ განაცხადი უნდა წარადგინოს საბჭოში თვითშეფასების ანგარიშთან ერთად.

2. აკრედიტებულ დაწესებულებაში/სასწავლებელში რეზიდენტთა/მაძიებელთა ადგილების რაოდენობის ცვლილება ხორციელდება ამ წესის მე-6 მუხლის შესაბამისად.

    მუხლი 10. აკრედიტებულ დაწესებულებასა და აფილირებულ დაწესებულებას შორის ხელშეკრულების შეწყვეტის/დადების შემთხვევები

აკრედიტებულმა დაწესებულებამ აფილირებულ დაწესებულებასთან ხელშეკრულების შეწყვეტის ან/და სხვა სამედიცინო დაწესებულებასთან ხელშეკრულების გაფორმების თაობაზე ვალდებულია აცნობოს საბჭოს დაუყოვნებლივ. ამ შემთხვევაში საბჭო უფლებამოსილია მიიღოს შესაბამისი გადაწყვეტილება.

    მუხლი 11. აკრედიტებულ დაწესებულებას/სასწავლებელს და პროგრამის ხელმძღვანელს ან/და ცალკეულ მოდულზე პასუხისმგებელ პირს შორის ხელშეკრულების შეწყვეტის/დადების შემთხვევები

1. აკრედიტებული დაწესებულება/სასწავლებელი ვალდებულია პროგრამის ხელმძღვანელთან ან/და ცალკეულ მოდულზე პასუხისმგებელ პირთან ხელშეკრულების შეწყვეტის/გაფორმების შემთხვევაში აცნობოს საბჭოს დაუყოვნებლივ.

2. იმ შემთხვევაში, თუ აკრედიტებული დაწესებულება/სასწავლებელი არ წარმოადგენს ხელშეკრულებას პროგრამის სხვა ხელმძღვანელთან, საბჭო უფლებამოსილია მიიღოს შესაბამისი გადაწყვეტილება.

დანართი 2.1

სამედიცინო დაწესებულებებისა ან/და სასწავლებლების აკრედიტაციის თვითშეფასების კითხვარი

სამედიცინო დაწესებულების ან/და სასწავლებლის დასახელება ––––

I. ზოგადი ინფორმაცია

 

 

II. კლინიკური რესურსი

 

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

 

III. მატერიალური რესურსი

 

 

IV. ინტელექტუალური რესურსი

 

 

ასევე წარმოდგენილ უნდა იქნეს სარეზიდენტო პროგრამის ხელმძღვანელისა და ცალკეული მოდულის განხორციელებაზე პასუხისმგებელი პირების ავტოგრაფიები/CV.

 

V. სამეცნიერო კვლევა

 

 

VI. ხარისხის უზრუნველყოფა

 

 

სამედიცინო დაწესებულების ან/და სასწავლებლის ხელმძღვანელის ხელმოწერა

 ––––––––––––––––––––––––

 

ბეჭედი –––––––––––––––

 

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

 

დანართი 2.2

აკრედიტაციის კრიტერიუმები

1.(ამოღებულია ).

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

2. ამბულატორიული ვიზიტების რაოდენობა ერთ რეზიდენტზე/მაძიებელზე გაანგარიშებით პროფილის მიხედვით:

ა) საოჯახო მედიცინა – საშუალოდ ერთი რეზიდენტი/მაძიებელი წელიწადში 1 000 ვიზიტზე;

ბ) თერაპიული პროფილი – საშუალოდ ერთი რეზიდენტი/მაძიებელი წელიწადში 1 000 ვიზიტზე;

გ) ქირურგიული პროფილი – საშუალოდ ერთი რეზიდენტი/მაძიებელი წელიწადში 800 ვიზიტზე;

დ) პედიატრიული პროფილი – საშუალოდ ერთი რეზიდენტი/მაძიებელი წელიწადში 1 000 ვიზიტზე;

ე) სამეანო-გინეკოლოგიური პროფილი – საშუალოდ ერთი რეზიდენტი/მაძიებელი წელიწადში 1 000 ვიზიტზე;

ვ) ფტიზიატრიული პროფილი – საშუალოდ ერთი რეზიდენტი/მაძიებელი წელიწადში 800 ვიზიტზე;

ზ) ფსიქიატრიული პროფილი – საშუალოდ ერთი რეზიდენტი/მაძიებელი წელიწადში 800 ვიზიტზე;

თ) რადიოლოგიური პროფილი – საშუალოდ ერთი რეზიდენტი/მაძიებელი წელიწადში 1 000 დიაგნოსტიკურ ვიზიტზე;

ი) თერაპიული სტომატოლოგია – საშუალოდ ერთი რეზიდენტი/მაძიებელი წელიწადში 400 ვიზიტზე;

კ) ქირურგიული სტომატოლოგია – საშუალოდ ერთი რეზიდენტი/მაძიებელი წელიწადში 200 ვიზიტზე;

ლ) ორთოპედიული სტომატოლოგია – საშუალოდ ერთი რეზიდენტი/მაძიებელი წელიწადში 250 ვიზიტზე;

მ) ორთოდონტია – საშუალოდ ერთი რეზიდენტი/მაძიებელი წელიწადში 500 ვიზიტზე.

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

3. სტაციონარული სამედიცინო დაწესებულების საწოლის საშუალო დატვირთვის მაჩვენებლები წელიწადში (შესაბამისი პროფილის ფარგლებში, საწოლდღეებში) უნდა შეადგენდეს: თერაპიული პროფილი – არანაკლებ 100, პედიატრიული პროფილი – არანაკლებ 130, ქირურგიული პროფილი – არანაკლებს 100, ონკოლოგიური პროფილი – არანაკლებ 180, ინფექციური პროფილი – არანაკლებ 80, სამეანო-გინეკოლოგიური პროფილი – არანაკლებ 100, ნევროლოგიური პროფილი – არანაკლებ 130, ფსიქიატრიული პროფილი – არანაკლებ 210, ფტიზიატრიული პროფილი – არანაკლებ 200, ოტორინოლარინგოლოგიური პროფილი – არანაკლებ 50, ოფთალმოლოგიური პროფილი – არანაკლებ 60.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

4. სტაციონარულ დაწესებულებაში საწოლების რაოდენობა (ქირურგიულ და სამეანო-გინეკოლოგიური პროფილის შემთხვევაში – საოპერაციო აქტივობები, მანიპულაცია/პროცედურები, მშობიარობები) ერთ რეზიდენტზე/მაძიებელზე გაანგარიშებით განყოფილებების პროფილის მიხედვით:

ა) თერაპიული პროფილი – საშუალოდ ერთი რეზიდენტი/მაძიებელი არანაკლებ 3 საწოლზე;

ბ) ქირურგიული პროფილი – საშუალოდ ერთი რეზიდენტი/მაძიებელი არანაკლებ 3 საწოლზე:

ბ.ა) საოპერაციო აქტივობა – საშუალოდ ერთი რეზიდენტი/მაძიებელი წელიწადში ჩატარებულ არანაკლებ 90 ოპერაციაზე;

ბ.ბ) მანიპულაცია/პროცედურები – საშუალოდ ერთი რეზიდენტი/მაძიებელი წელიწადში ჩატარებულ არანაკლებ 120 მანიპულაცია/პროცედურაზე;

გ) სამეანო-გინეკოლოგიური პროფილი – საშუალოდ ერთი რეზიდენტი/მაძიებელი არანაკლებ 3 საწოლზე:

გ.ა) მშობიარობა – საშუალოდ ერთი რეზიდენტი/მაძიებელი წელიწადში არანაკლებ 65 მშობიარობაზე;

გ.ბ) საოპერაციო აქტივობა – საშუალოდ ერთი რეზიდენტი/მაძიებელი წელიწადში არანაკლებ 30 ოპერაციაზე;

დ) პედიატრიული პროფილი – საშუალოდ ერთი რეზიდენტი/მაძიებელი არანაკლებ 3 საწოლზე;

ე) ფსიქიატრიული პროფილი – საშუალოდ ერთი რეზიდენტი/მაძიებელი არანაკლებ 4 საწოლზე;

ვ) ფტიზიატრიული პროფილი – საშუალოდ ერთი რეზიდენტი/მაძიებელი არანაკლებ 4 საწოლზე;

ზ) ინფექციური პროფილი – საშუალოდ ერთი რეზიდენტი/მაძიებელი არანაკლებ 4 საწოლზე;

თ) ანესთეზიოლოგია-რეანიმაციული პროფილი – საშუალოდ ერთი რეზიდენტი/მაძიებელი არანაკლებ 2 საწოლზე.

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

4^​1 . სტაციონარული სამედიცინო დაწესებულება, პროფილის შესაბამისად, უნდა აკმაყოფილებდეს:

ა) მხოლოდ მე-2 პუნქტით განსაზღვრულ კრიტერიუმებს;

ბ) მხოლოდ მე-2 და მე-4 პუნქტის „ბ.ა“, „ბ.ბ“, „გ.ა“ და „გ.ბ.“ ქვეპუნქტებით განსაზღვრულ კრიტერიუმებს;

გ) მხოლოდ მე-3 და მე-4 პუნქტით განსაზღვრულ კრიტერიუმებს;

დ) მე-2, მე-3 და მე-4 პუნქტებით განსაზღვრულ კრიტერიუმებს.

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

4^​2. სამედიცინო დაწესებულებები ან ის დაწესებულებები, რომლებსაც დაემატა ახალი სერვისები და ამ დაწესებულებების ან ახალი სერვისების ამოქმედებიდან არ არის გასული 1 წელი, უნდა აკმაყოფილებდნენ მე-2, მე-3, მე-4 და 41 პუნქტით დადგენილ კრიტერიუმებს იმ ვადებზე გაანგარიშებით, რაც გასულია მათი ამოქმედებიდან (აღნიშნული არ ვრცელდება სტომატოლოგიური სერვისების მიმწოდებელ დაწესებულებებზე). გამონაკლის შემთხვევებში საბჭო უფლებამოსილია, ისინი შეაფასოს და მიიღოს შესაბამისი გადაწყვეტილებები მხოლოდ საწოლების რაოდენობის, გათვალისწინებული/არსებული სერვისების, მატერიალურ-ტექნიკური ბაზისა და აკადემიური/პედაგოგიური რესურსის გათვალისწინებით (ეს გამონაკლისი ეხება მხოლოდ მრავალპროფილურ სტაციონარულ დაწესებულებებს).

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

5. სტომატოლოგიურ დაწესებულებაში არა უმეტეს 3 რეზიდენტი რეზიდენტებისთვის განკუთვნილ თითოეულ სავარძელზე.

6. ქირურგიული პროფილის მოდულზე პასუხისმგებელ პირზე არა უმეტეს 4 რეზიდენტის/მაძიებლისა; თერაპიული პროფილის მოდულზე პასუხისმგებელ პირზე არა უმეტეს 6 რეზიდენტის/მაძიებლისა; ანესთეზია-რეანიმაციის ერთ მოდულზე პასუხისმგებელ პირზე არა უმეტეს 2 რეზიდენტის/მაძიებლისა.

7. პროგრამის ხელმძღვანელი და ცალკეულ მოდულებზე პასუხისმგებელი პირები (გარდა თეორიული მოდულებისა) ხელმძღვანელობენ მხოლოდ ერთ სამედიცინო დაწესებულებაში ან/და სასწავლებელში (ერთ სამედიცინო დაწესებულებასა ან/და სასწავლებელსა და მასთან აფილირებულ სამედიცინო დაწესებულებებსა და სასწავლებლებში) მიმდინარე დიპლომისშემდგომ მზადებას (პროგრამას, მოდულს).

საქართველოს შრომის, ჯანმრთელობისა და სოციალური დაცვის მინისტრის 2009 წლის 31 აგვისტოს ბრძანება №284/ნ - სსმ III,  31.08.2009, სსმ №107, მუხ.1233

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ნოემბრის ბრძანება №389/ნ - სსმ III,  27.11.2009, სსმ №146, მუხ.1704

8. პროგრამის ხელმძღვანელი: აკადემიური თანამდებობა (სრული/ასოცირებული პროფესორი) ან დოქტორის აკადემიური ხარისხი (გარდა საექიმო სპეციალობისა – „საოჯახო მედიცინა“ – როგორც სრული, ასევე მომიჯნავე სპეციალობებისათვის დადგენილი პროგრამებისათვის), სახელმწიფო სერტიფიკატი სარეზიდენტო პროგრამის შესაბამის საექიმო სპეციალობაში და სარეზიდენტო პროგრამის შესაბამის საექიმო სპეციალობაში არანაკლებ 5- წლიანი პედაგოგიური გამოცდილება. პროგრამის ხელმძღვანელი უნდა მონაწილეობდეს დიპლომამდელ განათლებაში ან/და უწყვეტი პროფესიული განვითარების სისტემაში.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

9. მოდულზე პასუხისმგებელი პირი: სახელმწიფო სერტიფიკატი სარეზიდენტო პროგრამის/მოდულის შესაბამის საექიმო სპეციალობაში და სახელმწიფო სერტიფიკატით განსაზღვრულ საექიმო სპეციალობაში პრაქტიკული მუშაობის არანაკლებ 3- წლიანი გამოცდილება, არანაკლებ 2- წლიანი პედაგოგიური გამოცდილება, ან სახელმწიფო სერტიფიკატი სარეზიდენტო პროგრამის/მოდულის შესაბამის საექიმო სპეციალობაში და სახელმწიფო სერტიფიკატით განსაზღვრულ საექიმო სპეციალობაში პრაქტიკული მუშაობის არანაკლებ 4- წლიანი გამოცდილება, დოქტორის აკადემიური ხარისხი, ან სახელმწიფო სერტიფიკატი სარეზიდენტო პროგრამის/მოდულის შესაბამის საექიმო სპეციალობაში, სახელმწიფო სერტიფიკატით განსაზღვრულ საექიმო სპეციალობაში პრაქტიკული მუშაობის არანაკლებ 5- წლიანი გამოცდილება (საექიმო სპეციალობაში – „საოჯახო მედიცინა“ მომიჯნავე სპეციალობებისათვის დადგენილი პროგრამის შემთხვევაში, „საოჯახო მედიცინაში“/პირველად ჯანდაცვაში პრაქტიკული მუშაობის არანაკლებ 2- წლიანი გამოცდილება) და მასწავლებელთა ტრეინინგ-პროგრამის გავლა. მოდულის ხელმძღვანელი უნდა მონაწილეობდეს დიპლომამდელ განათლებაში ან/და უწყვეტი პროფესიული განვითარების სისტემაში.

საქართველოს შრომის, ჯანმრთელობისა და სოციალური დაცვის მინისტრის 2009 წლის 25 ივნისის ბრძანება №218/ნ - სსმ III,  29.06.2009, სსმ №79, მუხ.864

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

9^​1. თეორიულ მოდულზე პასუხისმგებელი პირი: შესაბამისი უმაღლესი განათლება, 2 წელი პედაგოგიური გამოცდილება, ხოლო ნარკოლოგიასა და სტომატოლოგიაში, დამატებით, – შესაბამის საექიმო სპეციალობაში სახელმწიფო სერტიფიკატი.

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

10. რეზიდენტების/მაძიებლების თეორიული მზადებისათვის გამოყოფილი ოთახის ფართობი ერთ რეზიდენტზე/მაძიებელზე გადაანგარიშებით შეადგენს 2,5 მ ^​2 -ს.

ლ) ერთი კომპიუტერი არა უმეტეს 25 რეზიდენტზე/მაძიებელზე.

11. არსებული ლიტერატურა უზრუნველყოფს პროგრამით გათვალისწინებული საკითხების სწავლებასა და შესაბამისი უნარ-ჩვევების ათვისებას.

11^​1. იმ შემთხვევაში, როცა ერთი და იგივე მოდული უნდა განხორციელდეს/ ხორციელდება ერთი კონკრეტული აკრედიტაციის მაძიებელი/აკრედიტებული დაწესებულების (აფილირებული დაწესებულების) მიერ სხვადასხვა საექიმო სპეციალობის პროგრამის ფარგლებში, დაწესებულების/სასწავლებლის მიერ წარმოდგენილი მოდულების განხორციელების წლიური გეგმა-გრაფიკი უნდა იძლეოდეს აღნიშნული მოდულის თითოეული საექიმო სპეციალობის ფარგლებში განხორციელების შესაძლებლობას (ვადებისა და არსებული და საძიებელი ლიმიტის/კვოტის გათვალისწინებით).

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

12. დაწესებულება შემდეგი ჩამონათვალიდან ახორციელებს არანაკლებ 2 აქტივობას:

ა) მონაწილეობს პროგრამების, პროექტების, სამეცნიერო გრანტების განხორციელებაში;

ბ) ჩართულია საერთაშორისო და ადგილობრივ კონფერენციებში;

გ) მონაწილეობს სამეცნიერო და სახელმძღვანელო ლიტერატურის, მონოგრაფიების, სამეცნიერო სტატიების მომზადებაში;

დ) მონაწილეობს კლინიკური გაიდლაინების მომზადებაში.

13. არსებობს სამედიცინო დახმარების ხარისხის შეფასების სისტემა.

14. არსებობს სწავლების ხარისხის უზრუნველყოფის შიდა სისტემა; შეფასების სისტემა ითვალისწინებს რეზიდენტთა/მაძიებელთა ეტაპობრივ და საბოლოო შეფასებას; უარყოფითი შეფასებისას არსებობს აპელაციის მექანიზმი.

15. აკრედიტაციის სპეციფიკური კრიტერიუმები საექიმო სპეციალობისათვის – „ლაბორატორიული მედიცინა“:

ა) სარეზიდენტო პროგრამის განხორციელების მიზნით აკრედიტაციის მაძიებელ სამედიცინო დაწესებულებას/სასწავლებელს (აფილირებული დაწესებულებების ჩათვლით)) უნდა გააჩნდეს კარგად აღჭურვილი კლინიკო-დიაგნოსტიკური ლაბორატორია/ლაბორატორიები. ლაბორატორიის/ ლაბორატორიების აღჭურვილობაში, პროფილის შესაბამისად, უნდა შედიოდეს ქვემოთ ჩამოთვლილი ანალიზატორები:

ა.ა) ბიოქიმიური ანალიზატორი;

ა.ბ) ჰემატოლოგიური ანალიზატორი;

ა.გ) იმუნოლოგიური ანალიზატორი;

ა.დ) ჰემოსტაზიოლოგიური ანალიზატორი;

ა.ე) შარდის ანალიზატორი.

ბ) ლაბორატორია/ლაბორატორიები უნდა უზრუნველყოფდეს მრავალპროფილიანი გამოკვლევების ჩატარებას;

გ) კონკრეტული ლაბორატორიის საერთო დატვირთვა უნდა შეადგენდეს არანაკლებ 10 000 გამოკვლევას წელიწადში;

დ) ლაბორატორიული გამოკვლვების რაოდენობა ერთ რეზიდენტზე/მაძიებელზე გაანგარიშებით პროგრამის ფარგლებში, პროფილის შესაბამისად, უნდა შეადგენდეს 800 გამოკვლევას წელიწადში;

ე) ლაბორატორიული მედიცინის პროგრამის მოდულზე პასუხისმგებელ პირზე გათვალისწინებული უნდა იყოს არა უმეტეს 6 რეზიდენტისა /მაძიებლისა.

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

16. აკრედიტაციის სპეციფიკური კრიტერიუმები საექიმო სპეციალობისათვის – „სასამართლო მედიცინა“ (მოდული – „სასამართლო მედიცინა“):

ა) „სასამართლო მედიცინის“ სარეზიდენტო პროგრამის (მოდული – „სასამართლო მედიცინა“) განმახორციელებელი სამედიცინო დაწესებულების/სასწავლებლის (აფილირებული დაწესებულებების ჩათვლით) მოცულობა განისაზღვრება შემდეგი საქმიანობებით:

ა.ა) ცოცხალ პირთა ექსპერტიზა;

ა.ბ) გვამების ექსპერტიზა;

ა.გ) გვამიდან აღებული მასალის სასამართლო პათომორფოლოგიური დიაგნოსტიკა;

ა.დ) გვამიდან აღებული ბიომასალისა და წარმოდგენილი არაბიოლოგიური ნივთმტკიცებების გამოკვლევა;

ა.ე) საგამოძიებო საქმის მასალებით პირველადი, დამატებითი, განმეორებითი, კომისიური, კომპლექსური და ალტერნატიული ექსპერტიზები;

ა.ვ) სასამართლო სამედიცინო ექსპერტების მონაწილეობა პირველად და სხვა საგამოძიებო მოქმედებებში (გვამის დათვალიერება შემთხვევის ადგილზე, ექსჰუმაცია, ცოცხალ პირთა შემოწმება, შესადარებლად საჭირო ნიმუშების აღება და სხვ.).

ბ) „სასამართლო მედიცინის“ სასწავლო პროგრამის (მოდული – „სასამართლო მედიცინა“) განმახორციელებელი სამედიცინო დაწესებულება/სასწავლებელი (აფილირებული დაწესებულებების ჩათვლით) უნდა მოიცავდეს შემდეგ საექსპერტო სტრუქტურულ ქვედანაყოფებს:

ბ.ა) ცოცხალ პირთა სასამართლო სამედიცინო ექსპერტიზის (ამბულატორიული) განყოფილება;

ბ.ბ) გვამების სასამართლო სამედიცინო ექსპერტიზის (თანატოლოგიური) განყოფილება;

ბ.გ) ბიოლოგიურ ნივთმტკიცებათა გამოკვლევის (ლაბორატორიული) განყოფილება:

ბ.გ.ა) სასამართლო ჰისტოლოგიური და ციტოლოგიური ლაბორატორია;

ბ.გ.ბ) სასამართლო ბიოლოგიური ლაბორატორია;

ბ.გ.გ) სასამართლო დნმ ლაბორატორია;

ბ.გ.დ) სასამართლო ქიმიური ლაბორატორია;

ბ.გ.ე) სასამართლო ფიზიკო-ტექნიკური (კრიმინალისტიკური) ლაბორატორია.

გ) დაწესებულების მინიმალური დატვირთვა რაოდენობების მითითებით, 1 რეზიდენტზე/ მაძიებელზე და ერთ წელიწადზე გაანგარიშებით:

 

№	მანიპულაცია/საქმიანობა	რაოდენობა
1.	გვამის გარეგანი დათვალიერება	160
2.	შემთხვევის ადგილზე გვამის დათვალიერება	30
3.	ექსჰუმაცია	3
4.	გვამის გაკვეთა	160
5.	ცოცხალ პირთა გამოკვლევა	160
6.	კომისიური ექსპერტიზა	16
7.	სასამართლო სამედიცინო ექსპერტიზა	320

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

17. აკრედიტაციის სპეციფიკური კრიტერიუმები საექიმო სპეციალობისათვის – „პათოლოგიური ანატომია – კლინიკური პათოლოგია “:

ა) „პათოლოგიური ანატომია – კლინიკური პათოლოგია“ სარეზიდენტო პროგრამის განმახორციელებელი სამედიცინო დაწესებულების/სასწავლებლის (აფილირებული დაწესებულებების ჩათვლით) მოცულობა განისაზღვრება შემდეგი საქმიანობებით:

ა.ა) ოპერაციული მასალის პათოლოგანატომიური გამოკვლევა;

ა.ბ) ბიოფსიური ( გამონაფხეკი ) მასალის მიკრომორფოლოგიური გამოკვლევა;

ა.გ) ნაცხისა და პუნქტატის მიკრომორფოლოგიური გამოკვლევა;

ა.დ) გვამის პათოლოგოანატომიური გამოკვლევა;

ბ) „პათოლოგიური ანატომია – კლინიკური პათოლოგია“ სარეზიდენტო პროგრამის განხორციელების მიზნით აკრედიტაციის მაძიებელი სამედიცინო დაწესებულების სასწავლებლის (აფილირებული დაწესებულებების ჩათვლით) პათოლოგოანატომიური სამსახური დაკომპლექტებული უნდა იყოს მაღალკვალიფიციური კადრებით და მას უნდა გააჩნდეს:

ბ.ა) სათანადოდ აღჭურვილი სასექციო და გვამების შესანახი მაცივარი ( სამაცივრო ოთახი):

ბ.ბ) სათანადოდ აღჭურვილი გვამების მოსაწესრიგებელი ოთახი;

ბ.გ) ოპერაციული და ბიოფსიური მასალის შესანახი და ამოსაჭრელი სათანადოდ აღჭურვილი ოთახი ;

ბ.დ) სათანადოდ აღჭურვილი ჰისტოლოგიური ლაბორატორია ;

ბ.ე) სათანადოდ აღჭურვილი ციტოლოგიური ლაბორატორია ;

ბ.ვ) მიკროპრეპარატების არქივი .

გ) პროგრამის განხორციელებაში მონაწილე თითოეული დაწესებულების მინიმალური დატვირთვა 2 რეზიდენტზე/მაძიებელზე გადაანგარიშებით წელიწადში უნდა იყოს:

 

№	მანიპულაცია/საქმიანობა	რაოდენობა
1.	ოპერაციული და ბიოფსიური მასალის გამოკვლევა	500
2.	ბიოფსიური მასალის / გამონაფხეკის გამოკვლევა	50
3.	ციტოლოგიური გამოკვლევა	100

 

დ) გვამის გაკვეთაში მონაწილე დაწესებულებებში (2 დაწესებულება) წელიწადში – მინიმუმ უნდა ხორცი ე ლდებოდეს 10 გაკვეთა (ორივეში ჯამურად) ;

ე) „პათოლოგიური ანატომია – კლინიკური პათოლოგია“ სარეზიდენტო პროგრამის განხორციელების მიზნით აკრედიტაციის მაძიებელი სამედიცინო დაწესებულების/სასწავლებლის (აფილირებული დაწესებულებების ჩათვლით) მინიმალური დატვირთვა ერთ რეზიდენტზე გადაანგარიშებით უნდა იყოს:

 

№	მანიპულაცია/უნარ-ჩვევა	რაოდენობა
1.	გვამის პათოლოგანატომიურ ი გაკვეთა	7
2 .	გვამური მასალის მიკრომორფოლოგიური გამოკვლევა	10
3 .	ოპერაციული მასალის მიკრომორფოლოგიური გამოკვლევა	150
4 .	ოპერაციული მასალის პათოჰისტოლოგიური დიაგნოსტიკა	50
5 .	ციტოპათოლოგიური გამოკვლევა	30
6 .	ციტოპათოლოგიური დიაგნოსტიკა	20

საქართველოს შრომის, ჯანმრთელობისა და სოციალური დაცვის მინისტრის 2010 წლის 11 მაისის ბრძანება №125/ნ - სსმ III,  13.05.2010, სსმ №54, მუხ.840

18. აკრედიტაციის სპეციფი კ ური კრიტერიუმები საექიმო სპეციალობისათვის – „კლინიკური ტოქსიკოლოგია“:

ა) სარეზიდენტო პროგრამის განხორციელების მიზნით აკრედიტაციის მაძიებელ სამედიცინო დაწესებულებაში/სასწავლებელში (აფილირებული დაწესებულებების ჩათვლით) უნდა იყოს განყოფილება/კლინიკა, რომელშიც ხორციელდება შესაბამისი პროფილის პაციენტების მკურნალობა;

ბ) გატარებული პაციენტების რაოდენობა ერთ რეზიდენტზე/მაძიებელზე გაანგარიშებით უნდა შეადგენდეს საშუალოდ 300 შემთხვევას წელიწადში.

საქართველოს შრომის, ჯანმრთელობისა და სოციალური დაცვის მინისტრის 2011 წლის 15 დეკემბრის ბრძანება №01-62/ნ - ვებგვერდი, 19.12.2011 წ.

 

Annotate