აღმასრულებელ ხელისუფლებაში შრომის ანაზღაურების სფეროში ერთიანი სახელმწიფო პოლიტიკის გატარების მიზნით, „საჯარო სამსახურის შესახებ“ საქართველოს კანონის მე-9 მუხლის მე-7 პუნქტის შესაბამისად:

1. აღმასრულებელ ხელისუფლებაში მოსამსახურეთა მინიმალური თანამდებობრივი სარგო განისაზღვროს 115 ლარით.

2. საქართველოს პრემიერ-მინისტრის თანამდებობრივი სარგო განისაზღვროს 3600 ლარით.

3. საქართველოს მთავრობის წევრისა და საქართველოს შეიარაღებული ძალების გენერალური შტაბის უფროსის თანამდებობრივი სარგო განისაზღვროს 2980 ლარით.

4. საქართველოს მთავრობის წევრის პირველი მოადგილის და მოადგილის თანამდებობრივი სარგო განისაზღვროს შესაბამისად 2000 და 1950 ლარის ოდენობით.

5. საქართველოს შეიარაღებული ძალების გენერალური შტაბის უფროსის პირველი მოადგილის და მოადგილის თანამდებობრივი სარგო განისაზღვროს შესაბამისად 2200 და 2100 ლარით.

6. (ძალადაკარგულია).

საქართველოს პრეზიდენტის 2005 წლის 2 თებერვლის ბრძანებულება №56-სსმIII, №13, 04.02.2005წ., მუხ.127

7. ამ ბრძანებულების შესრულების კონტროლი განახორციელონ საქართველოს სახელმწიფო მინისტრმა რეფორმების კოორდინაციის საკითხებში კ. ბენდუქიძემ, საქართველოს ფინანსთა სამინისტრომ (ზ. ნოღაიდელი) და საქართველოს შრომის, ჯანმრთელობისა და სოციალური დაცვის სამინისტრომ (ლ. ჭიპაშვილი).

8. ეს ბრძანებულება ძალაშია 2005 წლის 21 იანვრიდან.

მ. სააკაშვილი

შეტანილი ცვლილებები:

1. საქართველოს პრეზიდენტის 2005 წლის 2 თებერვლის ბრძანებულება №56-სსმIII, №13, 04.02.2005წ., მუხ.127

გამოსვლა შენახვა

Annotate

როგორ დავიმოწმოთ

საქართველოს პრეზიდენტის ბრძანებულება „აღმასრულებელ ხელისუფლებაში დასაქმებულ მოსამსახურეთა შრომის ანაზღაურების მოწესრიგების ზოგიერთ ღონისძიებათა შესახებ”, №43, 24.01.2005, სარეგისტრაციო კოდი 270.090.000.08.002.003 (კონსოლიდირებული რედაქცია 02.02.2005). ხელმისაწვდომია: https://legali.ge/law/94168-1/