თევზჭერის ლიცენზიის გაცემის წესისა და პირობების შესახებ დებულების დამტკიცების თაობაზე

საქართველოს მთავრობის

დადგენილება №138

2005 წლის 11 აგვისტო

ქ. თბილისი

 ცხოველთა სამყაროს ობიექტებით სარგებლობის ნებართვისა და ლიცენზიის გაცემის წესისა და პირობების შესახებ დებულების დამტკიცების თაობაზე

„ლიცენზიებისა და ნებართვების შესახებ“ საქართველოს კანონის მე-40 მუხლის პირველი პუნქტის შესრულების მიზნით:

1. დამტკიცდეს ცხოველთა სამყაროს ობიექტებით სარგებლობის ნებართვისა და ლიცენზიის გაცემის წესისა და პირობების შესახებ თანდართული დებულება.

2. დადგენილება ამოქმედდეს გამოქვეყნებისთანავე.

 პრემიერ-მინისტრი   ზ. ნოღაიდელი

შეტანილი ცვლილებები:

1. საქართველოს მთავრობის 2005 წლის 23 სექტემბრის დადგენილება №170 - სსმ III, №114, 28.09.2005 წ., მუხ.1260

2. საქართველოს მთავრობის 2005 წლის 3 ნოემბრის დადგენილება №199 - სსმ III, №129, 03.11.2005 წ., მუხ.1437

3. საქართველოს მთავრობის 2005 წლის 16 ნოემბრის დადგენილება №203 - სსმ III, №134, 16.11.2005 წ., მუხ.1476

4. საქართველოს მთავრობის 2006 წლის 16 მარტის დადგენილება №63 - სსმ III, №35, 17.03.2006 წ., მუხ.429

დებულება

ცხოველთა სამყაროს ობიექტებით სარგებლობის ნებართვისა და ლიცენზიის გაცემის წესისა და პირობების შესახებ

თავი I. ზოგადი დებულებანი

    მუხლი 1. დებულების მიზანი

ეს დებულება განსაზღვრავს ცხოველთა სამყაროს ობიექტებით სარგებლობის ნებართვისა და ლიცენზიის გაცემის წესსა და პირობებს.

    მუხლი 2. ნებართვისა და ლიცენზიის გამცემი ადმინისტრაციული ორგანო        

1. ნადირობის ნებართვისა (შემდგომში – ნებართვა) და თევზჭერის ლიცენზიის (შემდგომში – ლიცენზია) გამცემი ადმინისტრაციული ორგანოა საქართველოს გარემოს დაცვისა და ბუნებრივი რესურსების სამინისტრო (შემდგომში – სამინისტრო), ხოლო „აჭარის ავტონომიური რესპუბლიკის მთავრობის საქვეუწყებო დაწესებულების – გარემოს დაცვისა და ბუნებრივი რესურსების სამმართველოსათვის ლიცენზიისა და ნებართვების გაცემის უფლებამოსილების დელეგირების შესახებ“ საქართველოს მთავრობის 2006 წლის 26 იანვრის №21 დადგენილებით განსაზღვრულ შემთხვევებში – აგრეთვე აჭარის ავტონომიური რესპუბლიკის მთავრობის საქვეუწყებო დაწესებულება – გარემოს დაცვისა და ბუნებრივი რესურსების სამმართველო (შემდგომში – სამმართველო).

2. ნებართვისა და ლიცენზიის გაცემის უფლებამოსილება სამინისტრომ შეიძლება მიანიჭოს თავის ტერიტორიულ ორგანოებს.

3. ნებართვისა და ლიცენზიის გამცემი სამინისტროს ტერიტორიული ორგანოები განისაზღვრება საქართველოს გარემოს დაცვისა და ბუნებრივი რესურსების მინისტრის ბრძანებით.  

საქართველოს მთავრობის 200 6 წლის 16 მარტის დადგენილება № 63 - სსმ III, № 35 , 17.03 .20 06 წ., მუხ .429

თავი II. თევზჭერის ლიცენზია

    მუხლი 3. თევზჭერის ლიცენზიის გაცემის წესი

1. ლიცენზია გაიცემა აუქციონის წესით.

2. აუქციონი ცხადდება საქართველოს გარემოს დაცვისა და ბუნებრივი რესურსების მინისტრის (შემდგომში – მინისტრი) ადმინისტრაციული აქტით, რომელიც უნდა გამოიცეს აუქციონის გამართვამდე არა უგვიანეს ერთი თვისა.

3. მე-2 პუნქტში განსაზღვრული ადმინისტრაციული აქტის გამოცემის საფუძველია მაძიებლის განცხადება, რომელსაც სამინისტრო იხილავს საჯარო ადმინისტარაციული წარმოების წესით, ან სამინისტროს გადაწყვეტილება.

4. ინფორმაციას აუქციონის გამართვის თაობაზე სამინისტრო აქვეყნებს ცენტრალურ პრესაში აუქციონის გამართვამდე არა უგვიანეს ერთი თვისა.

5. აუქციონის გამართვამდე, მხოლოდ სახელმწიფო ან საზოგადოებრივი ინტერესებიდან გამომდინარე, სამინისტრომ შეიძლება დაადგინოს შავ ზღვასა და საქართველოს კანონმდებლობით განსაზღვრულ წყლის სხვა ობიექტებში თევზჭერის თვისებრივი და დროში განსაზღვრული ნორმები და წესები, რომლებიც ყოველი თითოეული შემთხვევისათვის მტკიცდება გარემოს დაცვისა და ბუნებრივი რესურსების მინისტრის ცალკე კანონქვემდებარე ნორმატიული აქტით.

6. აუქციონის გამართვის, გამარჯვებულის გამოვლენისა და შესაბამისი სალიცენზიო მოწმობის გაცემის წესს ადგენს სამინისტრო.

    მუხლი 4. აუქციონში მონაწილეობის მიღების წესი და პირობები

1. აუქციონის წესით ლიცენზიის გაცემაში მონაწილეობის მიღების უფლება აქვთ საქართველოს რეზიდენტ იურიდიულ ან ფიზიკურ პირებს, რომლებიც დააკმაყოფილებენ კანონით დადგენილ სალიცენზიო პირობებს და იკისრებენ ვალდებულებას დააკმაყოფილონ ლიცენზიის გამცემის მიერ განსაზღვრული მოთხოვნები.

2. აუქციონში მონაწილეობის მისაღებად წარსადგენ დოკუმენტთა ნუსხა განისაზღვრება საქართველოს კანონმდებლობით.

3. აუქციონში მონაწილეობაზე განცხადება მიიღება აუქციონის გამართვამდე არა უგვიანეს 15 დღისა.

4. თუ ლიზენციის მაძიებელი განცხადების წარდგენის ვადის დასრულებამდე უარს იტყვის აუქციონში მონაწილეობაზე, მის მიერ გადახდილი სალიცენზიო მოსაკრებელი ექვემდებარება დაბრუნებას. მოცემული ვადის დარღვევის შემთხვევაში სალიცენზიო მოსაკრებლის თანხა უკან დაბრუნებას არ ექვემდებარება.

5. აუქციონში მონაწილეობის მისაღებად ლიცენზიის მაძიებელი ვალდებულია გადაიხადოს ბე. ბეს ოდენობის განსაზღვრის, მისი გადახდისა და უკან დაბრუნების წესს ადგენს მინისტრი კანონქვემდებარე ნორმატიული აქტით.

საქართველოს მთავრობის 2005 წლის 23 სექტემბრის დადგენილება № 170 - სსმ III, № 114 , 28.0 9 .20 05 წ., მუხ . 1260

საქართველოს მთავრობის 2005 წლის 3 ნოემბრის დადგენილება №199 - სსმ III, №129, 03.11.2005 წ., მუხ.1437

     მუხლი 5. უარი აუქციონში მონაწილეობის მიღებაზე 

1. აუქციონში მონაწილეობისათვის არ დაიშვება მაძიებელი, თუ:

ა) დაგვიანებით წარადგინა აუქციონში მონაწილეობისათვის საჭირო დოკუმენტაცია;

ბ) წარადგინა წინასწარ ყალბი ან არაზუსტი ინფორმაცია;

გ) კანონმდებლობით დადგენილი მოთხოვნების საფუძველზე არ შეიძლება მონაწილეობდეს დანიშნულ აუქციონში.

2. მაძიებელს მოტივირებული უარი უნდა ეცნობოს განცხადების მიღებიდან არა უგვიანეს 3 დღისა.

    მუხლი 6. საწყისი ფასი

აუქციონზე გამოტანილი ლიცენზიის გაცემის საწყისი ფასის განსაზღვრისა და ანგარიშსწორების წესს „ლიცენზიებისა და ნებართვების შესახებ“ საქართველოს კანონის პრინციპების დაცვით ადგენს მინისტრი.

    მუხლი 7. ლიცენზიის მოქმედების ვადა

ლიცენზია სამინისტროს მიერ გაიცემა ათ წლამდე ვადით.

    მუხლი 7^​1. სალიცენზიო პირობები

თევზჭერის ლიცენზიით გათვალისწინებული საქმიანობის განხორციელება დასაშვებია მხოლოდ საქართველოს რეზიდენტი იურიდიული პირის ან/და ფიზიკური პირების საკუთრებაში ან/და სარგებლობაში არსებული მცურავი საშუალებებით. ამასთან, სარგებლობასთან დაკავშირებული კანონმდებლობით გათვალისწინებული პროცედურები უნდა განხორციელდეს აუქციონის მოწყობის დღემდე.

საქართველოს მთავრობის 2005 წლის 3 ნოემბრის დადგენილება №199 - სსმ III, №129, 03.11.2005 წ., მუხ.1437

საქართველოს მთავრობის 2005 წლის 16 ნოემბრის დადგენილება №203 - სსმ III, №134, 16.11.2005 წ., მუხ.1476

თავი III. ნადირობის ნებართვა

    მუხლი 8. ნადირობის ნებართვის მისაღებად წარსადგენი საბუთები

„ცხოველთა სამყაროს შესახებ“ საქართველოს კანონით დადგენილ ტერიტორიებზე, მათ შორის გადამფრენ ფრინველებზე სეზონური ნადირობის ნებართვის მისაღებად წარსადგენი საბუთების ჩამონათვალი და მათი წარდგენის წესი განისაზღვრება „ლიცენზიებისა და ნებართვების შესახებ“ საქარ-თველოს კანონის 25-ე მუხლით, ხოლო დამატებით წარსადგენი საბუთების ჩამონათვალი განისაზღვრება „ცხოველთა სამყაროს შესახებ“ საქართველოს კანონის 48-ე მუხლის მე-9 პუნქტით.

    მუხლი 9. ნადირობის ნებართვის გაცემის წესი

1 „ცხოველთა სამყაროს შესახებ“ საქართველოს კანონით დადგენილ ტერიტორიებზე, მათ შორის გადამფრენ ფრინველებზე სეზონური ნადირობის ნებართვა გაიცემა „ლიცენზიებისა და ნებართვების შესახებ“ საქართველოს კანონის 26-ე მუხლით დადგენილი პრინციპების შესაბამისად.

2. ნადირობის ნებართვა გაიცემა მარტივი ადმინისტრაციული წარმოებისათვის დადგენილ ვადებში. ეს ვადები არ უნდა აღემატებოდეს „ლიცენზიებისა და ნებართვების შესახებ“ საქართველოს კანონის 26-ე მუხლით ნებართვის გაცემისათვის დადგენილ მაქსიმალურ ვადებს.

    მუხლი 10. ნებართვის მოქმედების ვადა

ადმინისტრაციული ორგანო ნებართვას გასცემს ერთი წლის ვადით.

საქართველოს მთავრობის 200 6 წლის 16 მარტის დადგენილება № 63 - სსმ III, № 35 , 17.03 .20 06 წ., მუხ .429

    მუხლი 11. ნებართვის ფორმა

ნადირობის ნებართვის ფორმა მტკიცდება მინისტრის კანონქვემდებარე ნორმატიული აქტით.

    მუხლი 12. სხვა პირობები

1. ნადირობის ნებართვის გაცემაზე უარის თქმის საფუძველია „ლიცენზიებისა და ნებართვების შესახებ“ საქართველოს კანონის 27-ე მუხლითა და „ცხოველთა სამყაროს შესახებ“ საქართველოს კანონის 41-ე მუხლით დადგენილი შემთხვევები.

 2. ნადირობის ნებართვის გასაჩივრებასთან, ნებართვის გამცემის უფლებამოვალეობებთან, სანებართვო მოწმობის დაკარგვასთან ან დაზიანებასთან, ასევე ნებართვის ამოქმედებასთან და მოქმედების ვადასთან დაკავშირებულ საკითხებს აწესრიგებს „ლიცენზიებისა და ნებართვების შესახებ“ და „ცხოველთა სამყაროს შესახებ“ საქართველოს კანონები.

 

 

Annotate