„რეფერალური მომსახურების“ ფარგლებში შესაბამისი სამედიცინო დახმარების გაწევის შესახებ გადაწყვეტილების მიღების მიზნით კომისიის შექმნისა და მისი საქმიანობის წესის განსაზღვრის შესახებ

საქართველოს მთავრობის

დადგენილება №331

2010 წლის 3 ნოემბერი

ქ. თბილისი

 „რეფერალური მომსახურების“ ფარგლებში შესაბამისი სამედიცინო დახმარების გაწევის შესახებ გადაწყვეტილების მიღების მიზნით კომისიის შექმნისა და მისი საქმიანობის წესის განსაზღვრის შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის შესაბამისად, შესაბამისი წლის სახელმწიფო ბიუჯეტის შესახებ საქართველოს კანონით რეფერალური პროგრამის ფარგლებში სამედიცინო დახმარების გაწევის შესახებ გადაწყვეტილების მიღების ხელშეწყობის უზრუნველსაყოფად:

    მუხლი 1

„რეფერალური მომსახურების“ ფარგლებში შესაბამისი სამედიცინო დახმარების გაწევის შესახებ შესაბამისი გადაწყვეტილების მიღების ხელშეწყობის მიზნით, ა(ა)აიპ – საქართველოს სოლიდარობის ფონდში (შემდგომში – ფონდი) იქმნება კომისია (შემდგომში – კომისია), რომლის შემადგენლობა და საქმიანობის პრინციპები განისაზღვრება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის (შემდგომში − მინისტრი) ინდივიდუალური ადმინისტრაციულ-სამართლებრივი აქტით.

    მუხლი 2

დამტკიცდეს კომისიის საქმიანობის თანდართული წესი.

    მუხლი 3

  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ (შემდგომში – სამინისტრო) უზრუნველყოს შესაბამისი სამართლებრივი აქტების ამ დადგენილებასთან შესაბამისობაში მოყვანა.

საქართველოს მთავრობის 2019 წლის 28 იანვრის დადგენილება №8 – ვებგვერდი, 29.01.2019წ.

საქართველოს მთავრობის 2022 წლის 14 ივნისის დადგენილება №321 – ვებგვერდი, 16.06.2022წ.

მუხლი 3^​1

ამ დადგენილების შესაბამისად, სამედიცინო მომსახურების დაფინანსება განხორციელდეს მოქმედი კანონმდებლობის შესაბამისად.

    მუხლი 4

დადგენილება ამოქმედდეს გამოქვეყნებისთანავე.

პრემიერ-მინისტრი                   ნ. გილაური

კომისიის საქმიანობის წესი

     მუხლი 1. კომისიის საქმიანობის მიზანი

კომისიის საქმიანობის მიზანს წარმოადგენს „რეფერალური მომსახურების, „სტიქიური უბედურებების, კატასტროფების, საგანგებო სიტუაციების, კონფლიქტურ რეგიონებში დაზარალებულ მოქალაქეთა და საქართველოს მთავრობის მიერ სხვა განსაზღვრული შემთხვევების დროს მოსახლეობის სამედიცინო დახმარების კომპონენტის“ (შემდგომში – სამედიცინო დახმარების კომპონენტი) ფარგლებში სამედიცინო დახმარების გაწევის შესახებ შესაბამისი გადაწყვეტილების მიღების ხელშეწყობა.

    მუხლი 2. სამედიცინო დახმარების კომპონენტის მოსარგებლეები

1. სამედიცინო დახმარების კომპონენტის მოსარგებლეები არიან:

ა) სტიქიური უბედურებების, კატასტროფების, საგანგებო სიტუაციების დროს დაზარალებული მოსახლეობა, თუ ეს ხარჯები არ იფარება სხვა სახელმწიფო პროგრამების ან დაზღვევის მეშვეობით;

ბ) „ოკუპირებული ტერიტორიების შესახებ“ საქართველოს კანონის მე-2 მუხლისა და მე-10 მუხლის მე-2 პუნქტით გათვალისწინებულ ტერიტორიებზე მცხოვრები საქართველოს მოქალაქეები და საქართველოში მუდმივად მცხოვრები მოქალაქეობის არმქონე პირები, საქართველოს მოქალაქეობის დამადასტურებელი ან შესაბამისი ოფიციალური დოკუმენტის ქონის მიუხედავად;

გ) საქართველოს შინაგან საქმეთა სამინისტროს, საქართველოს თავდაცვის სამინისტროს, საქართველოს იუსტიციის სამინისტროს მმართველობის სფეროში მოქმედი სპეციალური პენიტენციური სამსახურის პოლიციელი ან სამხედრო მოსამსახურე;“

დ) (ამოღებულია - 13.06.2022, №311);

ე) სექსუალური ძალადობის მსხვერპლი საქართველოს მოქალაქეები (საქართველოს მოქალაქეში იგულისხმებიან საქართველოს მოქალაქეობის დამადასტურებელი დოკუმენტის (მათ შორის, 18 წლამდე ასაკის ბავშვების შემთხვევაში – პირადი ნომერი ან დაბადების მოწმობა), პირადობის ნეიტრალური მოწმობის, ნეიტრალური სამგზავრო დოკუმენტის მქონე პირები, საქართველოში სტატუსის მქონე მოქალაქეობის არმქონე პირები, საქართველოში თავშესაფრის მაძიებელი პირები, ლტოლვილის ან ჰუმანიტარული სტატუსის მქონე პირები);

ვ) (ამოღებულია - 09.03.2020, №152);

ზ) HER-2 რეცეპტორ-დადებითი ადრეული ძუძუს კიბოს დიაგნოზის და HER-2 რეცეპტორ-დადებითი ძუძუს მეტასტაზური კიბოს  დიაგნოზის მქონე საქართველოს მოქალაქის დამადასტურებელი დოკუმენტის (მათ შორის, 18 წლამდე ასაკის ბავშვების შემთხვევაში – პირადი ნომერი ან დაბადების მოწმობა), პირადობის ნეიტრალური მოწმობის, ნეიტრალური სამგზავრო დოკუმენტის მქონე პირები, საქართველოში სტატუსის მქონე მოქალაქეობის არმქონე პირები, საქართველოში თავშესაფრის მაძიებელი პირები,  ლტოლვილის  ან  ჰუმანიტარული  სტატუსის  მქონე  პირები,  გარდა ქ. თბილისსა და აჭარის ავტონომიურ რესპუბლიკაში რეგისტრირებული პირებისა;

თ) პირი, რომელიც შესაბამისი განაცხადით მოითხოვს სამედიცინო მომსახურებასთან/დახმარებასთან დაკავშირებული ხარჯების დაფინანსებას;

ი) საბიუჯეტო სახსრებით დაზღვეული პირები, რომელთაც ესაჭიროებათ ისეთი გეგმური/გადაუდებელი სტაციონარული სამედიცინო მომსახურება, რომელთა ხარჯები არ იფარება სახელმწიფო ტენდერის ფარგლებში შეძენილი სადაზღვევო პირობების მიხედვით სადაზღვევო სქემებით, მაგრამ ფინანსდება „საყოველთაო ჯანმრთელობის დაცვის სახელმწიფო პროგრამის“ ბენეფიციარებისთვის;

კ) საქართველოს მოქალაქეობის დამადასტურებელი დოკუმენტის მქონე 18 წლამდე ასაკის ონკოლოგიური დიაგნოზის (დაავადებების საერთაშორისო კლასიფიკაციის (ICD) კოდით (C00-C97, D42-D43)) მქონე პირები, რომელთა მკურნალობა, ამ დადგენილების ფარგლებში შექმნილი კომისიის მიერ ექსპერტთა ჯგუფის დასკვნის საფუძველზე მიღებული გადაწყვეტილების  შესაბამისად, დაგეგმილია „18 წლამდე ასაკის ონკოლოგიური დიაგნოზის მქონე პაციენტების სამედიცინო მომსახურების მიმწოდებელი საერთაშორისო სამედიცინო დაწესებულებების შემფასებელთა სამუშაო ჯგუფის შექმნის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით დამტკიცებული სამუშაო ჯგუფის მიერ საერთაშორისო ბაზრის კვლევის შედეგად გამოვლენილ საქართველოს ფარგლებს გარეთ არსებულ სამედიცინო დაწესებულებებში, ფონდსა და ამ დაწესებულებებს შორის გაფორმებული ხელშეკრულების პირობების შესაბამისად.

2. სამედიცინო დახმარების კომპონენტის მოსარგებლეები არ შეიძლება იყვნენ სახელმწიფო-პოლიტიკური თანამდებობის პირები, აგრეთვე მათი ოჯახის წევრები (მეუღლე, შვილი, მშობელი), გარდა კანონმდებლობით გათვალისწინებული შემთხვევებისა.  

2^​1. ამ მუხლის პირველი და მე‑2 პუნქტების მიუხედავად, გამონაკლისი შეიძლება დაშვებულ იქნეს კომისიის გადაწყვეტილებით.

3. ამ მუხლის მიზნებისათვის, სიტყვები – „სახელმწიფო პროგრამა“ გულისხმობს სამინისტროსათვის შესაბამისი წლის სახელმწიფო ბიუჯეტით გამოყოფილი ასიგნების ფარგლებში დაფინანსებულ პროგრამებს, ხოლო საქართველოს შინაგან საქმეთა სამინისტროს, საქართველოს თავდაცვის სამინისტროს, საქართველოს იუსტიციის სამინისტროს მმართველობის სფეროში მოქმედი სპეციალური პენიტენციური სამსახურის პოლიციელის ან სამხედრო მოსამსახურის შემთხვევაში – ასევე შესაბამისი უწყების მიერ დაფინანსებულ სადაზღვევო პირობებს.

    მუხლი 3. დაფინანსების ოდენობა და გაცემის პირობები

1. ამ წესის მე-2 მუხლის პირველი პუნქტის „თ“ ქვეპუნქტით განსაზღვრული პირებისთვის სახელმწიფოს მიერ დაფინანსების თანხის მოცულობა (მათ შორის, როგორც საქართველოს ფარგლებში, ისე ფარგლებს გარეთ) კომისიის მიერ განისაზღვრება ამ მუხლის შესაბამისად.

2. „რეფერალური მომსახურების ფარგლებში“ სამედიცინო დახმარების დაფინანსების ოდენობის გამოანგარიშება ხდება შემდეგი პრინციპით:

ა)  განაცხადის მიხედვით განისაზღვრება მაძიებლის დაფინანსების სტატუსი:

ა.ა) თუ მაძიებლის სტატუსი შეესაბამება ქვემოთ ჩამოთვლილ რომელიმე ჯგუფს, მას ენიჭება დაფინანსების უმაღლესი სტატუსი:

ა.ა.ა) პირები, რომელთა ოჯახები რეგისტრირებულნი არიან „სოციალურად დაუცველი ოჯახების მონაცემთა ერთიან ბაზაში“ და   მათთვის   მინიჭებული   სარეიტინგო   ქულა   არ აღემატება 70 000-ს;

ა.ა.ბ) მინისტრის ინდივიდუალური ადმინისტრაციულ-სამართლებრივი აქტით განსაზღვრული სააღმზრდელო საქმიანობის განმახორციელებელი დაწესებულებების, დედათა და ბავშვთა თავშესაფრებისა  და სათემო ორგანიზაციების ბენეფიციარები;

ა.ა.გ) სამინისტროს სახელმწიფო კონტროლს დაქვემდებარებული სსიპ – სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ფილიალებში (სპეციალიზებულ დაწესებულებებში):

ა.ა.გ.ა) ბავშვთა სააღმზრდელო დაწესებულებებში, ხანდაზმულთა და შშმ პირთა პანსიონატებში მცხოვრები ბენეფიციარები;

ა.ა.გ.ბ) რეინტეგრაციაში ან მინდობით აღზრდაში მყოფი ბავშვები, რომელთა გამოც ოჯახები იღებენ რეინტეგრაციის შემწეობას ან მინდობით აღზრდის ანაზღაურებას;

ა.ა.დ) სკოლა-პანსიონებში მცხოვრები (მათ შორის, მზრუნველობამოკლებული და შეზღუდული შესაძლებლობის მქონე) ბავშვები;

ა.ბ) თუ მაძიებლის სტატუსი შეესაბამება ქვემოთ ჩამოთვლილ რომელიმე ჯგუფს, მას ენიჭება დაფინანსების საშუალო სტატუსი:

ა.ბ.ა) 0–24 წლის (ჩათვლით) ასაკის საქართველოს მოქალაქეობის დამადასტურებელი დოკუმენტის, პირადობის ნეიტრალური მოწმობის, ნეიტრალური სამგზავრო დოკუმენტის მქონე პირები. ასევე საქართველოში სტატუსის მქონე მოქალაქეობის არმქონე პირები, საქართველოში თავშესაფრის მაძიებელი პირები, ლტოლვილის ან ჰუმანიტარული სტატუსის მქონე   პირები, გარდა ამავე პუნქტის „ა.ა“ ქვეპუნქტით განსაზღვრული მოსარგებლეებისა;

ა.ბ.ბ) პირები, რომელთა ოჯახებიც რეგისტრირებულია „სოციალურად დაუცველი ოჯახების მონაცემთა ერთიან ბაზაში“ და მინიჭებული აქვთ 70 001-დან 100 000 ჩათვლით სარეიტინგო ქულა;

ა.ბ.გ) საპენსიო ასაკის საქართველოს მოქალაქეობის დამადასტურებელი დოკუმენტის, პირადობის ნეიტრალური მოწმობის, ნეიტრალური სამგზავრო დოკუმენტის მქონე   პირები, საქართველოში სტატუსის მქონე მოქალაქეობის არმქონე პირები, საქართველოში თავშესაფრის მაძიებელი პირები, ლტოლვილის ან ჰუმანიტარული სტატუსის მქონე   პირები,  ასევე საპენსიო ასაკის სახელმწიფო პენსიის მიმღები პირები;

ა.ბ.დ) მკვეთრად გამოხატული შშმ საქართველოს მოქალაქე;

ა.გ) თუ ბენეფიციარი არ განეკუთვნება ამ პუნქტის „ა.ა“ და „ა.ბ“ ქვეპუნქტებით განსაზღვრულ კატეგორიას, განხორციელდება მისი შემოსავლის შესახებ ინფორმაციის მოპოვება (განაცემის სახის მიუხედავად) საქართველოს ფინანსთა სამინისტროს მმართველობის სფეროში შემავალი სსიპ – შემოსავლების სამსახურიდან (შემდგომში – სსიპ – შემოსავლების სამსახური), ამ წესის მე-5 მუხლის შესაბამისად.

3. ამ მუხლის მიუხედავად, გამონაკლისი შეიძლება დაშვებულ იქნეს კომისიის გადაწყვეტილებით.

    მუხლი 4. დაფინანსების მაძიებლის განცხადების განხილვის წესი

1. ამ წესის მე-2 მუხლის პირველი პუნქტით გათვალისწინებულ   შემთხვევებში, კომისიის სახელზე დაწერ ილ განცხადებას თან უნდა ახლდეს:

1​ ^​1. საქართველოს ფარგლებს გარეთ მკურნალობის/დიაგნოსტიკის მოთხოვნის შემთხვევაში (გარდა ამ წესის მე-2 მუხლის პირველი პუნქტის „კ“ ქვეპუნქტით განსაზღვრული შემთხვევებისა), კომისიის მიერ განსახილველი დოკუმენტაცია ეგზავნება სამინისტროს შესაბამისი დარგის ექსპერტს საქართველოს ფარგლებს გარეთ მკურნალობის აუცილებლობის თაობაზე დასკვნისათვის.

2. განცხადებისა და თანდართული დოკუმენტაციის შესაბამისობის დადგენის შემდეგ აღნიშნული დოკუმენტაცია განსახილველად გადაეცემა კომისიას. 

3. კომისია სათანადო მონაცემების ანალიზის შემდეგ განიხილავს მაძიებლისათვის დაფინანსების გაცემის შესაძლებლობას და განსაზღვრავს დაფინანსების მიზანშეწონილობას.

3^​1. კომისიის მიერ მიღებული გადაწყვეტილება ეცნობება მაძიებელს/წარმომადგენელს (მოკლე ტექსტური შეტყობინებების ან მოთხოვნის შემთხვევაში, საგარანტიო ქაღალდმატარებლის ფორმით), რომელიც უზრუნველყოფს დაფინანსების შესახებ ინფორმაციის მიწოდებას მომსახურების განმახორციელებელი კლინიკისთვის. ამასთან:

ა) დაუშვებელია კლინიკის მოთხოვნის საფუძველზე მაძიებლის/ წარმომადგენლის მხრიდან კომისიის მიერ დაფინანსებისთვის გამოყოფილი თანხის წინასწარ გადახდა ან კლინიკის დეპოზიტზე დროებით განთავსება;

ბ) კლინიკის მოთხოვნის საფუძველზე მაძიებლის/წარმომადგენლის მხრიდან კომისიის მიერ დაფინანსებისთვის გამოყოფილი თანხის წინასწარ გადახდა ან კლინიკის დეპოზიტზე დროებით განთავსება გამოიწვევს პასუხისმგებლობას, მოქმედი კანონმდებლობის შესაბამისად.

4. კომისიის მიერ განცხადების დაკმაყოფილების შემთხვევაში, გადაწყვეტილება ეცნობება განმცხადებელს.

    მუხლი 5. კომისიისა და კომისიის წევრთა ზოგადი უფლებამოსილებები

1. კომისიის თავმჯდომარე (მისი არყოფნის შემთხვევაში – მოადგილე):

ა) ხელმძღვანელობს კომისიის საქმიანობას;

ბ) იწვევს და წარმართავს კომისიის სხდომებს.

2. კომისიის მდივანი:

ა) უზრუნველყოფს კომისიის სხდომის გამართვის ორგანიზებას;

ბ) პასუხისმგებელია კომისიის სხდომის ოქმის სწორად და ზუსტად შედგენაზე, სხდომის მასალების შენახვას ა და დაცვაზე.

3. კომისია უფლებამოსილია, სსიპ – შემოსავლების სამსახურისგან დაინტერესებული პირის განცხადების დაფინანსების მიზანშეწონილობის განსასაზღვრად სამინისტროს სახელმწიფო კონტროლს დაქვემდებარებული სსიპ – ჯანმრთელობის ეროვნული სააგენტოს მეშვეობით გამოითხოვოს ინფორმაცია პირის შემოსავლების შესახებ.

4. ამ დადგენილების მიზნებისათვის, ფიზიკური პირის შემოსავალი განისაზღვრება:

ა) იმ პირებისათვის, რომელთა შემოსავალი ექვემდებარება გადახდის წყაროსთან დაბეგვრას ყოველთვიურად, საანგარიშო თვის (სსიპ – შემოსავლების სამსახურისაგან სსიპ – ჯანმრთელობის ეროვნული სააგენტოსათვის ინფორმაციის მიწოდების თვე) წინა თვიდან ბოლო უწყვეტი 12 თვის მდგომარეობით დასაბეგრი შემოსავლით, კანონმდებლობით დადგენილი საგადასახადო შეღავათების გარეშე;

ბ) იმ პირებისათვის, რომელთა შემოსავალი არ ექვემდებარება გადახდის წყაროსთან დაბეგვრასა და საგადასახადო ორგანოში წარადგენენ წლიურ საშემოსავლო გადასახადის დეკლარაციას, სსიპ – შემოსავლების სამსახურისაგან სსიპ – ჯანმრთელობის ეროვნული სააგენტოსათვის ინფორმაციის მიწოდების წინა საანგარიშო წლის მდგომარეობით დასაბეგრი შემოსავლით, კანონმდებლობით დადგენილი საგადასახადო შეღავათებისა და წინა წლების ზარალის გამოქვითვის გარეშე;

გ) იმ პირებისათვის, რომლებიც საგადასახადო ორგანოში წარადგენენ წლიურ საშემოსავლო გადასახადის დეკლარაციას და ასევე აქვთ შემოსავალი, რომელიც ექვემდებარება გადახდის წყაროსთან დაბეგვრას, ამ პუნქტის „ა“ და „ბ“ ქვეპუნქტებით გათვალისწინებული სიდიდეების ჯამით;

დ) სპეციალური რეჟიმით დაბეგვრას დაქვემდებარებული მცირე ბიზნესის სტატუსის მქონე მეწარმე ფიზიკური პირისათვის სსიპ – შემოსავლების სამსახურისაგან სსიპ – ჯანმრთელობის ეროვნული სააგენტოსთვის ინფორმაციის მიწოდების წინა საანგარიშო წლის მდგომარეობით სპეციალური რეჟიმით დაბეგვრას დაქვემდებარებული დასაბეგრი შემოსავლის 25 %-ისა და სხვა წყაროებიდან მიღებული იმ დასაბეგრი შემოსავლის (მ.შ., ხელფასის სახით) ჯამით, რომელიც არ მიეკუთვნება მცირე ბიზნესის სპეციალური რეჟიმით დასაბეგრ შემოსავალს, ხოლო მიკრობიზნესის სტატუსის მქონე პირთათვის სსიპ – შემოსავლების სამსახურისაგან სსიპ – ჯანმრთელობის ეროვნული სააგენტოსთვის ინფორმაციის მიწოდების წინა საანგარიშო წლის მდგომარეობით სპეციალური რეჟიმით დაბეგვრას დაქვემდებარებული დასაბეგრი შემოსავლისა და სხვა წყაროებიდან მიღებული იმ დასაბეგრი შემოსავლის (მ.შ., ხელფასის სახით) ჯამით, რომელიც არ მიეკუთვნება მიკრობიზნესის სპეციალური რეჟიმით დასაბეგრ შემოსავალს.

    მუხლი 6. კომისიის სხდომის გამართვისა და გადაწყვეტილების მიღების წესი

1. კომისია საქმიანობას ახორციელებს სხდომების მეშვეობით. კომისიის სხდომას იწვევს კომისიის თავმჯდომარე საკუთარი ინიციატივით ან კომისიის წევრის წერილობითი თხოვნის საფუძველზე. სხდომას უძღვება კომისიის თავმჯდომარე ან მისი არყოფნის შემთხვევაში – კომისიის თავმჯდომარის მოადგილე.

2. კომისიის სხდომა უფლებამოსილია, თუ მას ესწრება კომისიის წევრთა სრული შემადგენლობის ნახევარზე მეტი.

3. კომისიის სხდომის გადაწყვეტილება მიღებულად ჩაითვლება, თუ მას მხარს დაუჭერს კომისიის დამსწრე წევრთა ნახევარზე მეტი. გადაწყვეტილების მიღება ხდება კენჭისყრის წესით. ხმების თანაბრად გაყოფის შემთხვევაში გადამწყვეტია კომისიის თავმჯდომარის ხმა.

4. კომისიის გადაწყვეტილება ფორმდება სხდომის ოქმით, რომელსაც ხელს აწერენ კომისიის თავმჯდომარე (მისი არყოფნის შემთხვევაში – თავმჯდომარის მოადგილე) და კომისიის მდივანი (მისი არყოფნის შემთხვევაში – კომისიის სხვა წევრი, რომელსაც კომისიის თავმჯდომარე დააკისრებს კომისიის მდივნის მოვალეობის შესრულებას).

5. საჭიროების შემთხვევაში, კომისიის თავმჯდომარის გადაწყვეტილებით, კომისიის მუშაობაში მონაწილეობის მისაღებად სათათბირო ხმის უფლების გარეშე შეიძლება მოწვეულ იქნენ პირები, რომლებიც არ შედიან კომისიის შემადგენლობაში.

5^​1. კომისიის მიერ განცხადების დაკმაყოფილების (ნაწილობრივი დაკმაყოფილების) შემთხვევაში, შესაბამისი სამედიცინო მომსახურების/ საქონლის მიღება უნდა დაიწყოს საქართველოში არაუგვიანეს 1 (ერთი) თვისა, ხოლო საქართველოს ფარგლებს გარეთ − არაუგვიანეს 2 (ორი) თვის ვადაში, წინააღმდეგ შემთხვევაში, სამედიცინო მომსახურების/საქონლის დაფინანსების შესახებ მიღებული გადაწყვეტილება ითვლება გაუქმებულად. აღნიშნული ვადების ათვლა დაიწყოს კომისიის საოქმო გადაწყვეტილების მიღების დღიდან. ვადის გასვლის შემდეგ კომისიის მიერ მიღებული გადაწყვეტილება სამედიცინო მომსახურების/საქონლის დაფინანსების შესახებ ითვლება გაუქმებულად. მიღებული გადაწყვეტილების გაუქმების შემთხვევები ეცნობება კომისიას.

5^​2. მიღებული გადაწყვეტილების გაუქმების შემთვევაში დაინტერესებული პირი უფლებამოსილია, განმეორებით მიმართოს კომისიას ამ წესით დადგენილი პირობების შესაბამისად. ამ შემთხვევაში კომისია უფლებამოსილია გამოიყენოს მასთან უკვე არსებული, დაინტერესებული პირის მიერ წარდგენილი დოკუმენტები.

6. (ამოღებულია – 01.08.2012, №320).

7. კომისიის სხდომების ორგანიზაციულ-ტექნიკურ უზრუნველყოფას ახორციელებს ფონდი, რომელიც უზრუნველყოფს:

ა) განმცხადებელთა ინფორმირებას აუცილებელი დოკუმენტების წარდგენის შესახებ;

ბ) განმცხადებლის მიერ წარდგენილი დოკუმენტების მიღებას, აღრიცხვასა და ამ წესის მე-4 მუხლთან შესაბამისობის დადგენას;

გ) მიღებული გადაწყვეტილების შესახებ დაინტერესებული პირების ინფორმირებას ზეპირად, ტექნიკური საშუალების გამოყენებით ან წერილობითი ფორმით.

8. (ამოღებულია – 02.11.2012, №441).

    მუხლი 7. კომისიის მიერ მიღებული გადაწყვეტილებების დაფინანსების განსაკუთრებული წესი

1. (ამოღებულია - 13.06.2022, №311).

1 ^​1. ამ წესის მე-2 მუხლის პირველი პუნქტის „ი“ ქვეპუნქტით განსაზღვრული პირებისთვის მკურნალობა დაფინანსდება „საყოველთაო ჯანმრთელობის დაცვის სახელმწიფო პროგრამით“ განსაზღვრული პრინციპების (მოსარგებლის კატეგორია (საბიუჯეტო დაზღვევის მიუხედავად), შესაბამისი მომსახურების პაკეტ ი, თანაგადახდის წილი, ღირებულება) შესაბამისად.

1^​2. ამ წესის მე-2 მუხლის პირველი პუნქტის „კ“ ქვეპუნქტით განსაზღვრული პირებისთვის მომსახურება ფინანსდება ფონდსა და საქართველოს ფარგლებს გარეთ არსებულ სამედიცინო დაწესებულებასთან გაფორმებული ხელშეკრულების პირობების შესაბამისად.

2. განაცხადის ფორმა, ამ წესის მე-2 მუხლის პირველი პუნქტით გათვალისწინებული პირებისათვის მომსახურების მოცულობა და დაფინანსების მექანიზმი, აგრეთვე ამ პროგრამის ადმინისტრირებასთან დაკავშირებული სხვა საკითხები, რომლებიც არ რეგულირდება ამ დადგენილებით, დამატებით შესაძლებელია, დარეგულირდეს ფონდის აღმასრულებელი დირექტორის ინდივიდუალური ადმინისტრაციულ-სამართლებრივი აქტით, სამინისტროსთან შეთანხმებით.

3. ამ წესის მე-6 მუხლის 5^​1 პუნქტის საფუძველზე გამოთავისუფლებული ფინანსური რესურსი ბრუნდება   კომისიის   განკარგვის არეალში. 

დანართი №1

(ამოღებულია)

დანართი №2

(ამოღებულია)

დანართი №3

(ამოღებულია)