საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე

✨ ჰკითხე AI-ს ამ კანონის შესახებ

საქართველოს პრეზიდენტის ბრძანებულება ძალადაკარგული სამართლდამცავი ორგანოები

მიღების თარიღი

25.04.2003 ძალადაკარგული 04.10.2011

გამომცემი ორგანო

საქართველოს პრეზიდენტი.

ნომერი

№159

სარეგისტრაციო კოდი

140.080.000.05.002.002

გამოქვეყნების წყარო

matsne.gov.ge , სსმ, 39, 01/05/2003

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (6)

შემდგომი ცვლილებები (2)

სახელმწიფო დაცვის სპეციალურ სამსახურში სამხედრო ვალდებულების მოხდის წესის შესახებ დებულების დამტკიცების თაობაზე

04.10.2011

,,საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებაში ცვლილებებისა და დამატების შეტანის შესახებ

02.03.2011

წინა ცვლილებები (4)

"საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე" საქართველოს პრეზიდენტის 2003 წლის 25 აპრილის №159 ბრძანებულებაში ცვლილებების შეტანის შესახებ

27.09.2010

28.03.2008

,,საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებით დამტკიცებულ დებულებაში ცვლილებებისა და დამატებების შეტანის შესახებ“

08.06.2007

„საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებით დამტკიცებულ დებულებაში ცვლილებების შეტანის შესახებ“

14.07.2006

01.05.2003 14.07.2006 08.06.2007 28.03.2008 27.09.2010 02.03.2011 04.10.2011

დოკუმენტის ტექსტი

⇄ რედაქციების შედარება

საქართველოს პრეზიდენტის

ბ რ ძ ა ნ ე ბ უ ლ ე ბ ა №159

2003 წლის 25 აპრილი

ქ.თბილისი

საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე

„სახელმწიფო დაცვის სპეციალური სამსახურის შესახებ“ საქართველოს კანონის 24-ე მუხლის პირველი პუნქტის „ბ)“ ქვეპუნქტის საფუძველზე დამტკიცდეს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ თანდართული დებულება.

ე. შევარდნაძე

შეტანილი ცვლილებები:

1. საქართველოს პრეზიდენტის 2006 წლის 14 ივლისის №425 ბრძანებულება - სსმ III, №95 18.07.2006 წ., მუხ.1262

2. საქართველოს პრეზიდენტის 2007 წლის 8 ივნისის №352 ბრძანებულება - სსმ III, №82 14.06.2007 წ., მუხ.869

3. საქართველოს პრეზიდენტის 2008 წლის 28 მარტის №167 ბრძანებულება - სსმ III, №49 01.04.2008 წ., მუხ.569

4.საქართველოს პრეზიდენტის 2010 წლის 27 სექტემბრის ბრძანებულება №781 - სსმ III, №125, 30.09.2010 წ., მუხ.1815

დ ე ბ უ ლ ე ბ ა

საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ

თავი I

ზოგადი დებულებანი

1. ეს დებულება საქართველოს კანონის „სახელმწიფო დაცვის სპეციალური სამსახურის შესახებ“ 24-ე მუხლის პირველი პუნქტის „ბ“ ქვეპუნქტის საფუძველზე განსაზღვრავს სახელმწიფო დაცვის სპეციალურ სამსახურში საკონტრაქტო სამსახურის გავლის წესსა და პირობებს.

2. საკონტრაქტო სამსახური არის სახელმწიფო დაცვის სპეციალურ სამსახურში სამსახურის გავლის ერთ-ერთი სახე (შემდეგში – საკონტრაქტო სამსახური).

3. საკონტრაქტო სამსახურის გავლა ჩაითვლება სავალდებულო სამხედრო სამსახურის გავლად.

თავი II

საკონტრაქტო სამსახურში მიღების წესი

4. საკონტრაქტო სამსახურში შეიძლება ჩაირიცხოს საქართველოს მოქალაქეობის მქონე წვევამდელი, რომელმაც იცის სახელმწიფო ენა, პიროვნული თვისებებით, განათლებით, ფიზიკური მომზადებით და ჯანმრთელობის მდგომარეობით შეძლებს შეასრულოს დაკისრებული მოვალეობანი.

5. საკონტრაქტო სამსახურში მყოფი პირის სამსახურის ვადა განისაზღვრება ,,სამხედრო ვალდებულებისა და სამხედრო სამსახურის შესახებ“ საქართველოს კანონით.

საქართველოს პრეზიდენტის 2006 წლის 14 ივლისის №425 ბრძანებულება - სსმ III, №95 18.07.2006 წ., მუხ.1262

6. საკონტრაქტო სამსახურის გავლის მსურველმა წვევამდელმა განცხადებით უნდა მიმართოს სამსახურს. განცხადების მიღების საფუძველია სამსახურის უფროსის ბრძანება, რომელიც განსაზღვრავს საკონტრაქტო სამსახურში ჩასარიცხ წვევამდელთა რიცხოვნობას და კანდიდატთა შერჩევის პერიოდს.

საქართველოს პრეზიდენტის 2008 წლის 28 მარტის №167 ბრძანებულება - სსმ III, №49 01.04.2008 წ., მუხ.569

7. (ამოღებულია).

8. განცხადება მიიღება მხოლოდ კანდიდატის მიერ წვევამდელის მიწერის მოწმობის (სათანადო ჩანაწერებით) წარმოდგენის შემთხვევაში, რის შემდეგაც ადგილობრივი თვითმმართველობის ორგანოს შესაბამის სამსახურში წარსადგენად ეძლევა ცნობა მისი სპეციალურ შესწავლაში აყვანისა და საკონტრაქტო სამსახურში შესაძლო ჩარიცხვის შესახებ.

9. საკონტრაქტო სამსახურში ჩასარიცხ კანდიდატთან ტარდება გასაუბრება.

10. გასაუბრების გავლისას მოწმდება კანდიდატის ზოგადი განათლება და ინტელექტუალური მონაცემები.

11. გასაუბრების შედეგებით შერჩეული კანდიდატი ავსებს საკადრო აღრიცხვის ანკეტას.

12. საკონტრაქტო სამსახურში ჩარიცხვის კანდიდატი, საკადრო აღრიცხვის ანკეტის შევსებიდან შეძლებისდაგვარად უმოკლეს ვადაში, სამსახურის კადრების მთავარ სამმართველოს სავალდებულო წესით წარუდგენს თავისი და ახლო ნათესავების დაბადების და ქორწინების მოწმობის, ახლო ნათესავების გარდაცვალების ცნობის, დიპლომის ან ატესტატის ასლებს, ცნობას თავისი და ახლო ნათესავების სამუშაო ადგილიდან, ფორმა №1-ს, ფოტოსურათების – 3X4 და 9X12 – 2-2 ეგზემპლარს (ელექტრონული ვერსიით), ცნობას სასწავლებლიდან, ცნობას ჯანმრთელობის მდგომარეობის შესახებ, გულმკერდის რენტგენოსკოპიას, ცნობებს აღრიცხვის შესახებ ფსიქონევროლოგიური და ნარკოლოგიური დისპანსერებიდან, პირადი საქმის შედგენისათვის საჭირო სხვა დოკუმენტაციას სამსახურის მოთხოვნით.

საქართველოს პრეზიდენტის 2010 წლის 27 სექტემბრის ბრძანებულება №781 - სსმ III, №125,30.09.2010 წ., მუხ.1815

13. საკონტრაქტო სამსახურში ჩარიცხვის კანდიდატმა ამ დებულების მე-12 პუნქტით გათვალისწინებული დოკუმენტების ასლებთან ერთად სამსახურის კადრების მთავარ სამმართველოს უნდა წარუდგინოს აღნიშნული დოკუმენტების დედნები.

14. საკონტრაქტო სამსახურში ჩარიცხვის კანდიდატს საბუთების სრულყოფილად წარდგენის შემდეგ ეძლევა მიმართვა სამსახურის სამედიცინო მთავარ სამმართველოში სპეციალური-საექიმო კომისიის გასავლელად.

15. სპეციალური-საექიმო კომისიის გავლის დასრულების შემდეგ სამსახურის სამედიცინო მთავარი სამმართველო სამსახურის კადრების მთავარ სამმართველოს უგზავნის თითოეული წვევამდელის შესახებ სპეციალური-საექიმო კომისიის დასკვნას.

16. ვარგისიანობაზე სპეციალური-საექიმო კომისიის გავლის შემდეგ, სამსახურის ადმინისტრაციის (დეპარტამენტი) სასწავლო ცენტრის ინსტრუქტორები იბარებენ საკონტრაქტო მოსამსახურეების კანდიდატების ფიზიკურ ნორმატივებს.

კანდიდატების ფიზიკურ ნორმატივებს.

17. სამსახურის კადრების მთავარი სამმართველო ახდენს საკონტრაქტო სამსახურში ჩასარიცხი კანდიდატისა და მისი ახლო ნათესავების სპეციალურ შესწავლას.

171. წვევამდელი საკონტრაქტო სამსახურში ჩარიცხვამდე, გაწვევის დასრულებამდე არა უგვიანეს ერთი თვისა, საკონტრაქტო პირობების შესაბამისად, გადის სპეციალურ თეორიულ-პრაქტიკულ სწავლებას ერთ თვემდე ვადით, რომლის მატერიალურ-ფინანსური უზრუნველყოფა ხორციელდება სამსახურისთვის გამოყოფილი საბიუჯეტო ასიგნებების ფარგლებში.

საქართველოს პრეზიდენტის 2007 წლის 8 ივნისის №352 ბრძანებულება - სსმ III, №82 14.06.2007 წ., მუხ.869

172. ამ დებულების 6-16 პუნქტებით გათვალისწინებული პროცედურების დასრულების შემდეგ, თეორიულ-პრაქტიკული სწავლების დაწყებამდე კანდიდატი დებს კონტრაქტს. სპეციალური თეორიულ-პრაქტიკული სწავლების პერიოდი არ ითვლება საკონტრაქტო სამსახურის ვადაში. საკონტრაქტო სამსახურის დაწყების დღე აითვლება საკონტრაქტო სამსახურში ჩარიცხვის, სამხედრო და სახელმწიფო დაცვის სპეციალური სამსახურის მოსამსახურის ფიცის დადების დღიდან.

17³. საკონტრაქტო სამსახურში ჩარიცხვა განხორციელდება კონტრაქტორის მიერ სპეციალური თეორიულ-პრაქტიკული სწავლების დადებითი შედეგით გავლის შემთხვევაში. არადამაკმაყოფილებელი შედეგი არის საკონტრაქტო სამსახურში ჩარიცხვაზე უარის თქმის საფუძველი.

18. საკონტრაქტო სამსახურში ჩარიცხული კანდიდატების სიას სამსახურის კადრების მთავარი სამმართველო აცნობებს საქართველოს რეგიონული განვითარებისა და ინფრასტრუქტურის სამინისტროს.

თავი III

(ძალადაკარგულია)

19. (ძალადაკარგულია).

თავი IV

საკონტრაქტო სამსახურის გავლის წესი

20. (ძალადაკარგულია).

21. საკონტრაქტო სამსახურის გავლის წესი და პირობები განისაზღვრება ამ დებულებით და კონტრაქტით. კონტრაქტის ნიმუში მტკიცდება სამსახურის უფროსის ბრძანებით.

22. საკონტრაქტო მოსამსახურის სამსახურის ერთი სტრუქტურული ერთეულიდან მეორეში გადაყვანა ხდება სამსახურის უფროსის ბრძანებით.

23. საკონტრაქტო მოსამსახურე, რომელიც სამხედო ვალდებულებას იხდის საკონტრაქტო სამსახურის სახით, თავისი ინიციატივით (თვითნებურად) ან ბრალეულობით კონტრაქტის შეწყვეტის შემთხვევაში, სამხედრო ვალდებულებას ჩვეულებრივი წესით იხდის საქართველოს შეიარაღებულ ძალებში, კონტრაქტით ნამსახურევი ვადის ჩაუთვლელად.

24. საკონტრაქტო მოსამსახურის მიერ თავისი ბრალეულობით კონტრაქტის შეწყვეტად ჩაითვლება:

ა) კონტრაქტით გათვალისწინებული მოთხოვნების შეუსრულებლობა;

ბ) სამსახურებრივი დისციპლინის უხეში ან სისტემატური დარღვევა;

გ) ფიცის გატეხა, სამსახურის მოსამსახურისათვის შეუფერებელი საქციელის ჩადენა;

დ) სისხლის სამართლის დანაშაულის ჩადენაზე კანონიერ ძალაში შესული გამამტყუნებელი განაჩენის არსებობა.

25. საკონტრაქტო მოსამსახურის ვადამდე ან საკონტრაქტო ვადის გასვლის გამო სამსახურიდან დათხოვნა ხდება სამსახურის უფროსის ბრძანებით.

26. საკონტრაქტო მოსამსახურე სამსახურის გავლის პერიოდში არ შეიძლება არჩეული იქნეს წარმომადგენლობით ორგანოში.

27. სავალდებულო სამხედრო სამსახურში გაწვევისაგან გადავადების უფლების მქონე პირი, რომელიც პირადი სურვილით იხდის სამხედრო ვალდებულებას საკონტრაქტო სამსახურში, კარგავს კანონით მინიჭებული შეღავათის უფლებას, თუ მას სამსახურის გავლის პერიოდში არ წარმოექმნება შეღავათის მინიჭების ახალი გარემოება. საკონტრაქტო მოსამსახურეს უფლება აქვს უარი თქვას შეღავათის მინიჭების ახალი გარემოებით სარგებლობაზეც.

28. საშტატო ერთეულზე განაწილების შემდეგ, საკონტრაქტო მოსამსახურე დაცვის ობიექტის ხელმძღვანელის თანდასწრებით ეცნობა დასაცავი ობიექტის მუდმივმოქმედ გეგმას. მოსამსახურეებს განაწესში განაწილებისას უტარდებათ შესაბამისი ინსტრუქტაჟი.

29. საკონტრაქტო სამსახურის დასრულების შემდეგ მოსამსახურე, თავისი სურვილით და უშუალო უფროსის შუამდგომლობით, სამხედრო ძალების რეზერვში ჩარიცხვამდე სამსახურის სამედიცინო მთავარ სამმართველოში ვარგისიანობაზე განმეორებითი სპეციალური-საექიმო კომისიის გავლის შემდეგ შეიძლება ჩაირიცხოს საკონტრაქტო-პროფესიულ სამსახურში.

თავი V

საკონტრაქტო მოსამსახურის შვებულებაში დათხოვნისა და შვებულებიდან გამოძახების, სამსახურებრივი მივლინების წესი

30. საკონტრაქტო სამსახურში მყოფ პირს სამსახურის გავლის მთელ პერიოდში, წახალისების სახით, სამსახურის სადისციპლინო წესდებით გათვალისწინებული წესით, უშუალო ხელმძღვანელის შუამდგომლობის საფუძველზე, ეძლევა ერთჯერადი ორკვირიანი შვებულება, გარდა საკონტრაქტო სამსახურის ბოლო თვისა. საკონტრაქტო მოსამსახურეს ოჯახური მდგომარეობის გამო ან სხვა მიზეზით შეიძლება მიეცეს მოკლევადიანი შვებულება ათ დღემდე ვადით, აგრეთვე მოკლევადიანი შვებულება მნიშვნელოვან სპორტულ ღონისძიებებში მონაწილეობასთან ან აკადემიურ სასწავლო პროცესთან დაკავშირებით.

31. შვებულება ფორმდება სამსახურის კადრების მთავარ სამმართველოში. საკონტრაქტო მოსამსახურეს ეძლევა შვებულების ფურცელი, რომლის ფორმაც განისაზღვრება სამსახურის უფროსის ინდივიდუალური ადმინისტრაციულ-სამართლებრივი აქტით.

32. სამსახურებრივი რეჟიმის გაძლიერებისა და განგაშის (გარდა სასწავლოსი) შემთხვევაში, შვებულებასა და მივლინებაში მყოფი საკონტრაქტო მოსამსახურე ვალდებულია სასწრაფოდ გამოცხადდეს თავის სამუშაო ადგილზე, თუ ეს შეუძლებელია, მან დაუყოვნებლივ უნდა შეატყობინოს თავის უშუალო უფროსს.

33. საკონტრაქტო სამსახურის გავლისას, მოსამსახურე შეიძლება გაიგზავნოს სამსახურებრივ მივლინებაში შემდეგ შემთხვევებში:

ა) სპეციალურ სწავლებებსა და შეკრებებზე;

ბ) მისი მუდმივი სამსახურებრივი ადგილისაგან მოწყვეტით სამსახურებრივი მოვალეობის შესასრულებლად;

გ) სამეცნიერო და თეორიულ-პრაქტიკულ სემინარებში მონაწილეობის მისაღებად;

დ) სპორტულ და კულტურულ-პრაქტიკულ სემინარებში მონაწილეობის მისაღებად.

35. მივლინებაში გაგზავნა ფორმდება სამსახურის შესაბამისი სტრუქტურული დანაყოფის უფროსის პატაკის საფუძველზე. მისავლინებელ პირს (გარდა იმ შემთხვევისა, როდესაც მივლინება პირდაპირ არ უკავშირდება სამსახურებრივი ვალდებულებების შესრულებას) მიეცემა სამივლინებო ბარათი და სამივლინებო თანხა, საჭიროების შემთხვევაში მშრალი ულუფა ან სასურსათო და ფულადი კომპენსაცია.

36. კანონმდებლობით დადგენილი წესით გაცემული საავადმყოფო ფურცლის საფუძველზე საკონტრაქტო მოსამსახურეს ეძლევა შვებულება ავადმყოფობის გამო, რომელიც ფორმდება სამსახურის უფროსის ინდივიდუალური ადმინისტრაციულ-სამართლებრივი აქტით დადგენილი წესით. ამასთან, საკონტრაქტო მოსამსახურე სამედიცინო შემოწმებას გადის სამსახურის შესაბამის სამედიცინო დანაყოფში, რისთვისაც უშუალო ხელმძღვანელი დროებით ათავისუფლებს მას სამსახურებრივი მოვალეობის შესრულებისაგან. გადაუდებელი აუცილებლობის შემთხვევაში, საკონტრაქტო მოსამსახურეს უფლება აქვს მიმართოს სხვა შესაბამის სამედიცინო დაწესებულებას. საკონტრაქტო მოსამსახურეს ავადმყოფობის გამო შვებულება ეძლევა ხელფასის შენარჩუნებით, სხეულის დაზიანების სიმძიმის ან დაავადების ხასიათის გათვალისწინებით, და მისი ხანგრძლივობა საკონტრაქტო სამსახურის განმავლობაში არ უნდა აღემატებოდეს 4 თვეს. ცალკეულ შემთხვევებში, სამსახურის უფროსის გადაწყვეტილებით, აღნიშნული ვადა შეიძლება გაგრძელდეს 2 თვით. თუ ამ ვადების გასვლის შემდეგ მოსამსახურე ვერ აგრძელებს სამსახურებრივი მოვალეობის შესრულებას, მას დაითხოვენ სამსახურიდან კონტრაქტით ნამსახურები ვადის ჩაუთვლელად.

37. ამ დებულების მე-18 პუნქტით გათვალისწინებული პროცედურა განმეორდება კონტრაქტის ვადამდე შეწყვეტის შემთხვევაში, აგრეთვე კონტრაქტის ვადის გასვლის შემდეგ. აღნიშნულის საფუძველზე, კონტრაქტის ვადის გასვლის შემთხვევაში, ადგილობრივი თვითმმართველობის ორგანოს შესაბამისი სამსახური კანონმდებლობით დადგენილი წესით ადგენს სამხედრო-სააღრიცხვო დოკუმენტაციას მოსამსახურის სამხედრო ძალების რეზერვში ჩარიცხვის მიზნით და გასცემს სამხედრო ბილეთს.

გამოსვლა შენახვა

Annotate

როგორ დავიმოწმოთ

საქართველოს პრეზიდენტის ბრძანებულება „საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“, №159, 25.04.2003, სარეგისტრაციო კოდი 140.080.000.05.002.002 (კონსოლიდირებული რედაქცია 27.09.2010). ხელმისაწვდომია: https://legali.ge/law/117076-4/