ქ. თბილისის ტერიტორიაზე ადგილობრივი გადასახადის შემოღების შესახებ

ქალაქ თბილისის საკრებულოს

გადაწყვეტილება №1-9

2011 წლის 28 იანვარი

ქ. თბილისი

ქ. თბილისის ტერიტორიაზე ადგილობრივი გადასახადის შემოღების შესახებ

საქართველოს კანონის „საქართველოს საგადასახადო კოდექსის“, „საქართველოს დედაქალაქის – თბილისის შესახებ“ საქართველოს კანონის მე-9^​1​ მუხლის მეორე პუნქტის „დ“ქვეპუნქტისა და მე-12 მუხლის „ი“ ქვე პუნქტის და „ნორმატიული აქტების შესახებ“საქართველოს კანონის 25-ე მუხლის თანახმად,

ქ. თბილისის საკრებულომ გადაწყვიტა:

1. ქ. თბილისის ტერიტორიაზე შემოღებულ იქნეს ადგილობრივი გადასახადი – ქონების გადასახადი.

2. დასაბეგრი ქონების გადასახადის წლიური განაკვეთი შეადგენს:

ა) რეზიდენტი საწარმოსთვის/ ორგანიზაციისთვის – მის ბალანსზე ძირითად საშუალებად აღრიცხული აქტივების, დაუმონტაჟებელი მოწყობილობების, დაუმთავრებელი მშენებლობის და არამატერიალური აქტივების, აგრეთვე მის მიერ  ლიზინგით გაცემული ქონების საშუალო წლიური საბალანსო ნარჩენი ღირებულების 1% -ს. ამასთან:

ა.ა) ადგილობრივი სამგზავრო-სატრანსპორტო გადაზიდვისას მიწისქვეშა ელექტროტრანსპორტისათვის და ავტობუსებისათვის (M₃ კატეგორია – 5 ტონაზე მეტი), მათ ბალანსზე ძირითად საშუალებად აღრიცხული აქტივების, დაუმონტაჟებელი მოწყობილობების, დაუმთავრებელი მშენებლობის და არამატერიალური აქტივების, აგრეთვე მის მიერ ლიზინგით გაცემული ქონების საშუალო წლიური საბალანსო ნარჩენი ღირებულების გადასახადის წლიური განაკვეთი შეადგენს 0,01 პროცენტს, 2013 წლის 1 იანვრამდე;

ა.ბ) საქმიანობისათვის სპორტის დარგში გადასახადის წლიური განაკვეთი შეადგენს მათ ბალანსზე ძირითად საშუალებად აღრიცხული აქტივების, დაუმონტაჟებელი მოწყობილობების, დაუმთავრებელი მშენებლობის და არამატერიალური აქტივების, აგრეთვე მის მიერ ლიზინგით გაცემული ქონების საშუალო წლიური საბალანსო ნარჩენი ღირებულების 0,01 პროცენტს 2013 წლის 1 იანვრამდე.

ბ) არარეზიდენტი საწარმოსათვის – საქართველოს ტერიტორიაზე არსებული ქონების - მის ბალანსზე ძირითად საშუალებად აღრიცხული აქტივების, დაუმონტაჟებელი მოწყობილობების, დაუმთავრებელი მშენებლობის და არამატერიალური აქტივების, (მათ შორის, იჯარით, ქირით, უზუფრუქტით, ან სხვა ამგვარი სახის ხელშეკრულების საფუძველზე გაცემულ, საქართველოს ტერიტორიაზე არსებული ქონების) საშუალო წლიური საბალანსო ნარჩენი ღირებულების 1% -ს.

[ბ^​1. სალიზინგო კომპანიისთვის ლიზინგის მთელი პერიოდის განმავლობაში მის მიერ დასაბეგრი ქონების ლიზინგით პირველად გაცემის მომენტისთვის არსებული საბალანსო საწყისი ღირებულების 0,6 პროცენტს; - ამოქმედდეს 2012 წლის 1 იანვრიდან.]

გ) ფიზიკური პირისათვის: საკუთრებაში არსებული უძრავი ქონების (მათ შორის დაუმთავრებელი მშენებლობის, შენობა- ნაგებობების ან მათი ნაწილის) იახტების ( კატარღების) თვითმფრინავების, შვეულმფრენების; არარეზიდენტისაგან ლიზინგით მიღებული ქონების; ეკონომიკური საქმიანობის განხორციელების შემთხვევაში მის ბალანსზე ძირითად საშუალებად აღრიცხული აქტივების, დაუმონტაჟებელი მოწყობილობების და არამატერიალური აქტივების, აგრეთვე მის მიერ ლიზინგით გაცემული ქონების; პირის მფლობელობაში ან/ და სარგებლობაში არსებული გარდაცვლილი პირის სახელზე რეგისტრირებულ ქონების ( გარდა იმ შემთხვევისა, როცა მფლობელობა ხორციელდება იჯარის, ქირის, უზუფრუქტის ან სხვა ამგვარი ხელშეკრულების საფუძველზე) – დასაბეგრი ქონების გადასახადის წლიური განაკვეთის ოდენობა დიფერენცირებულია გადასახადის გადამხდელის ოჯახის მიერ საგადასახადო წლის განმავლობაში მიღებული შემოსავლების მიხედვით და შეადგენს:

გ. ა) 100000 (ასი ათასი) ლარამდე შემოსავლების მქონე ოჯახებისთვის – საგადასახადო პერიოდის ბოლოსათვის დასაბეგრი ქონების საბაზრო ღირებულების 0, 2%- ს;

გ. ბ) 100000 (ასი ათასი) ლარი და მეტი შემოსავლების მქონე ოჯახებისთვის – საგადასახადო პერიოდის ბოლოსათვის დასაბეგრი ქონების საბაზრო ღირებულების 0, 8 %- ს.

[გ) ფიზიკური პირისთვის: საკუთრებაში არსებული უძრავი ქონების (მათ შორის, დაუმთავრებელი მშენებლობის, შენობა-ნაგებობების ან მათი ნაწილის) და საკუთრებაში არსებულ ი მიწის ნაკვეთის, რომელზედაც დამაგრებულია უძრავი ქონება, იახტების (კატარღების) თვითმფრინავების, შვეულმფრენების; არარეზიდენტისგან ლიზინგით მიღებული ქონების; ეკონომიკური საქმიანობის განხორციელების შემთხვევაში მის ბალანსზე ძირითად საშუალებად აღრიცხული აქტივების, დაუმონტაჟებელი მოწყობილობების და არამატერიალური აქტივების, აგრეთვე მის მიერ ლიზინგით გაცემული ქონების; პირის მფლობელობაში ან/და სარგებლობაში არსებული გარდაცვლილი პირის სახელზე რეგისტრირებული ქონების (გარდა იმ შემთხვევისა, როცა მფლობელობა ხორციელდება იჯარის, ქირის, უზუფრუქტის ან სხვა ამგვარი ხელშეკრულების საფუძველზე) – დასაბეგრი ქონების გადასახადის წლიური განაკვეთის ოდენობა დიფერენცირებულია გადასახადის გადამხდელის ოჯახის მიერ საგადასახადო წლის განმავლობაში მიღებული შემოსავლების მიხედვით და შეადგენს:

გ.ა) 100000 (ასი ათასი) ლარამდე შემოსავლების მქონე ოჯახებისთვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,2%-ს;

გ.ბ) 100000 (ასი ათასი) ლარი და მეტი შემოსავლების მქონე ოჯახებისთვის – საგადასახადო პერიოდის ბოლოსთვის დასაბეგრი ქონების საბაზრო ღირებულების 0,8 %-ს; - ამოქმედდეს 2012 წლის 1 იანვრიდან.]

ქალაქ თბილისის საკრებულოს 2011 წლის 23 დეკემბრის გადაწყვეტილება №13-61 - ვებგვერდი, 28.12.2011 წ.

3. სასოფლო- სამეურნეო დანიშნულების მიწაზე ქონების გადასახადის წლიური განაკვეთი მიწის ერთ ჰექტარზე განისაზღვროს დანართი №1- ის შესაბამისად.

ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

4. არასასოფლო-სამეურნეო დანიშნულების მიწაზე ქონების გადასახადი კონკრეტული მიწის ნაკვეთისთვის, მიწის ნაკვეთის ადგილმდებარეობის გათვალისწინებით, გაიანგარიშება შემდეგნაირად: გადასახადის წლიური საბაზისო განაკვეთი მრავლდება შესაბამის ტერიტორიულ კოეფიციენტზე, ამასთან:

ა) გადასახადის წლიური საბაზისო განაკვეთი განისაზღვროს ერთ კვადრატულ მეტრზე 0,24 ლარის ოდენობით;

 ბ) კონკრეტული მიწის ნაკვეთისთვის არასასოფლო- სამეურნეო დანიშნულების მიწის გადასახადის წლიური განაკვეთის დადგენისას, ამ მიწის ნაკვეთის ადგილმდებარეობა განისაზღვრება „ქ. თბილისის რაიონების საზღვრების დადგენის შესახებ“ ქ. თბილისის საკრებულოს 2007 წლის 22 იანვრის №1–6 გადაწყვეტილებით დამტკიცებული რაიონების საზღვრების აღწერისა და „ქ. თბილისის დადგენილ ადმინისტრაციულ საზღვრებში არსებული რაიონების ტერიტორ იულ ერთეულებად – უბნებად დაყოფის შესახებ“ ქ. თბილისის საკრებულოს 2009 წლის 29 ოქტომბრის №13-29 გადაწყვეტილებით დამტკიცებული უბნების საზღვრების აღწერის  საფუძველზე;

გ) არასასოფლო- სამეურნეო დანიშნულების კონკრეტული მიწის ნაკვეთისთვის, ადგილმდებარეობის გათვალისწინებით, ტერიტორიული კოეფიციენტ ი და  გადასახადის წლიური განაკვეთი მიწის ერთ კვადრატულ მეტრზე გან ი საზღვრ ება №2 დანართის შესაბამისად.

ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

5. ქონების გადასახადისგან თავისუფლდება თბილისის ტერიტორიაზე მდებარე:

ა) მრავალბინიან სახლში მცხოვრები ფიზიკური პირის თანასაკუთრებაში არსებული ფართობის პროპორციულად განსაზღვრული დაბეგვრის ობიექტი (მიწის ნაკვეთი);

ბ) საცხოვრებელ სახლებზე (გარდა მრავალბინიანი სახლებისა) მიმაგრებული მიწის ნაკვეთის სრული ფართობი;

გ) ავტოფარეხებზე მიმაგრებული მიწის ნაკვეთის სრული ფართობი (გარდა იმ ავტოფარეხებისა, რომლებიც გამოიყენება ეკონომიკური საქმიანობისათვის).

[5. ამოღებულია - 23.12.11 №13-61 - 2012 წლის 1 იანვრიდან.]

ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

ქალაქ თბილისის საკრებულოს 2011 წლის 23 დეკემბრის გადაწყვეტილება №13-61 - ვებგვერდი, 28.12.2011 წ.

6. ქალაქ თბილისის მთავრობამ უზრუნველყოს ქონების გადასახადის დაბეგვრის მიზნებისათვის შესაბამისი ინფორმაციის დადგენილი წესით წარდგენა.

6^​1. გადაწყვეტილების მე-3, მე-4 და მე-5 მუხლების მოქმედება ვრცელდება 2011 წლის 1 აპრილამდე არსებულ ურთიერთობებზეც.

[6^​1 ამოღებულია - 23.12.11 №13-61 - 2012 წლის 1 იანვრიდან.]

ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

ქალაქ თბილისის საკრებულოს 2011 წლის 23 დეკემბრის გადაწყვეტილება №13-61 - ვებგვერდი, 28.12.2011 წ.

7. ძალადაკარგულად გამოცხადდეს:

ა) „ქ. თბილისის ტერიტორიაზე ადგილობრივი გადასახადის შემოღების შესახებ“ქ. თბილისის საკრებულოს 2009 წლის 6 თებერვლის № 2- 7 გადაწყვეტილება;

ბ) „ქ. თბილისის ტერიტორიაზე ( მიწის) ზონირების დამტკიცების შესახებ“ქ. თბილისის საკრებულოს 1999 წლის 16 ივნისის № 17- 1 გადაწყვეტილება.

8. გადაწყვეტილება ძალაში შევიდეს საქართველოს კანონმდებლობით დადგენილი წესით.

საკრებულოს თავმჯდომარე   ზ. სამადაშვილი

შეტანილი ცვლილებები:

1. ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

2. ქალაქ თბილისის საკრებულოს 2011 წლის 23 დეკემბრის გადაწყვეტილება №13-61 - ვებგვერდი, 28.12.2011 წ.

დანართი №1

სასოფლო-სამეურნეო დანიშნულების მიწაზე ქონების გადასახადის წლიური განაკვეთები ქ. თბილისში

 

ა) სათიბებისა და საძოვრებისათვის:

 

ბ) სხვა მიწებისათვის:

ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

დანართი №2

ქ. თბილისში არასასოფლო- სამეურნეო დანიშნულების კონკრეტული მიწის ნაკვეთისათვის ადგილმდებარეობის გათვალისწინებით, ტერიტორიული კოეფიციენტ ი და  გადასახადის წლიური განაკვეთი მიწის ერთ კვადრატულ მეტრზე (ლარებში)

 

შენიშვნა: წლიური განაკვეთის ოდენობა მრგვალდება მეასედამდე.

ქალაქ თბილისის საკრებულოს 2011 წლის 11 აპრილის გადაწყვეტილება №4-20 - ვებგვერდი, 15.04.2011 წ.

 

 

Annotate