რეგულარული საერთაშორისო საჰაერო გადაყვანა-გადაზიდვის ლიცენზიის გაცემის წესისა და პირობების შესახებ დებულების დამტკიცების თაობაზე

საქართველოს მთავრობის

დადგენილება №212

2005 წლის 23 ნოემბერი

ქ. თბილისი

რეგულარული საერთაშორისო საჰაერო გადაყვანა-გადაზიდვის ლიცენზიის გაცემის წესისა და პირობების შესახებ დებულების დამტკიცების თაობაზე

„ლიცენზიებისა და ნებართვების შესახებ” საქართველოს კანონის მე-40 მუხლის პირველი პუნქტის შესაბამისად:

1. დამტკიცდეს რეგულარული საერთაშორისო გადაყვანა-გადაზიდვის ლიცენზიის გაცემის წესისა და პირობების შესახებ თანდართული დებულება.

2. დადგენილება ამოქმედდეს გამოქვეყნებისთანავე.

პრემიერ-მინისტრი         ზ. ნოღაიდელი

შეტანილი ცვლილებები:

1. საქართველოს მთავრობის 2006 წლის 20 დეკემბრის დადგენილება №235-სსმIII,№172,22.12.2006წ., მუხ.2310

2. საქართველოს მთავრობის 2007 წლის 19 სექტემბრის დადგენილება №195-სსმIII,№132,21.09.2007წ., მუხ.1426

 

დებულება

რეგულარული საერთაშორისო საჰაერო გადაყვანა-გადაზიდვის ლიცენზიის გაცემის წესისა და პირობების შესახებ

    მუხლი 1. ზოგადი დებულებები

ეს დებულება განსაზღვრავს საქართველოში რეგისტრირებული გადამზიდველებისათვის რეგულარული საერთაშორისო საჰაერო გადაყვანა-გადაზიდვის ლიცენზიის (შემდგომში – ლიცენზია) (თუ შეზღუდვა შეთანხმებულ ხაზებზე ფრენის სიხშირეებსა და დანიშნული ავიაგადამზიდველების რაოდენობაზე დადგენილია საერთაშორისო ხელშეკრულებით) გაცემის წესსა და პირობებს.

საქართველოს მთავრობის 2006 წლის 20 დეკემბრის დადგენილება №235-სსმIII,№172,22.12.2006წ., მუხ.2310

საქართველოს მთავრობის 2007 წლის 19 სექტემბრის დადგენილება №195-სსმIII,№132,21.09.2007წ., მუხ.1426

    მუხლი 2. ლიცენზიის გამცემი ადმინისტრაციული ორგანო

საქართველოს საჰაერო კოდექსის 59-ე მუხლის მე-3 ნაწილის თანახმად ლიცენზიას გასცემს საქართველოს ეკონომიკური განვითარების სამინისტროს სახელმწიფო საქვეუწყებო დაწესებულება – ერთიანი სატრანსპორტო ადმინისტრაცია (შემდგომში – ადმინისტრაცია).

საქართველოს მთავრობის 2006 წლის 20 დეკემბრის დადგენილება №235-სსმIII,№172,22.12.2006წ., მუხ.2310

საქართველოს მთავრობის 2007 წლის 19 სექტემბრის დადგენილება №195-სსმIII,№132,21.09.2007წ., მუხ.1426

    მუხლი 3. ლიცენზიის გაცემის წესი

1. ლიცენზია გაიცემა აუქციონის წესით და მისი გამართვის პირობაა შემთხვევა, როდესაც საერთაშორისო ხელშეკრულება ითვალისწინებს შეთანხმებულ ხაზებზე შეზღუდვას:

ა) ფრენის სიხშირეებზე;

ბ) დანიშნულ ავიაგადამზიდველთა რაოდენობაზე.

2. აუქციონის გამართვის, გამარჯვებულის გამოვლენისა და შესაბამისი სალიცენზიო მოწმობის გაცემის წესს ადგენს ადმინისტრაცია „ლიცენზიებისა და ნებართვების შესახებ“ საქართველოს კანონით დადგენილი მოთხოვნების გათვალისწინებით.

საქართველოს მთავრობის 2006 წლის 20 დეკემბრის დადგენილება №235-სსმIII,№172,22.12.2006წ., მუხ.2310

საქართველოს მთავრობის 2007 წლის 19 სექტემბრის დადგენილება №195-სსმIII,№132,21.09.2007წ., მუხ.1426

    მუხლი 4. ლიცენზიის ფასი

აუქციონზე გამოტანილი ლიცენზიის გაცემის საწყისი ფასის განსაზღვრისა და ანგარიშსწორების წესს „ლიცენზიებისა და ნებართვების შესახებ“ საქართველოს კანონის პრინციპების დაცვით ადგენს ადმინისტრაცია.

საქართველოს მთავრობის 2006 წლის 20 დეკემბრის დადგენილება №235-სსმIII,№172,22.12.2006წ., მუხ.2310

საქართველოს მთავრობის 2007 წლის 19 სექტემბრის დადგენილება №195-სსმIII,№132,21.09.2007წ., მუხ.1426

    მუხლი 5. სალიცენზიო პირობები

“ლიცენზიებისა და ნებართვების შესახებ” საქართველოს კანონით დადგენილი საბუთების გარდა ლიცენზიის მაძიებელმა უნდა წარადგინოს:

ა) ამონაწერი სამეწარმეო რეესტრიდან;

ბ) ლიცენზიის მაძიებლის საჰაერო ხომალდის ექსპლუატანტის მოწმობის (სერტიფიკატის) ასლი;

გ) საჰაერო ხომალდის ექსპლუატანტის სამოქალაქო პასუხისმგებლობის სავალდებულო დაზღვევის დამადასტურებელი დოკუმენტები (პოლისები ან სხვა ეკვივალენტური საბუთები) იმ ზიანის გამო, რომელიც შეიძლება მიადგეთ ეკიპაჟის წევრს, მგზავრს, ტვირთის ან საფოსტო გზავნილების გამგზავნს (მიმღებს) ანდა მესამე პირს ამ ექსპლუატანტის მოქმედებით;

დ) საჰაერო გადაყვანა-გადაზიდვის დოკუმენტების ნიმუშები (სამგზავრო ბილეთები, ავიასატვირთო ზედნადები);

ე) აუქციონში მონაწილეობისათვის ბეს შეტანის დამადასტურებელი საბუთი.

    მუხლი 6. დასკვნითი დებულება

სალიცენზიო მოწმობის ფორმა მტკიცდება ადმინისტრაციის უფროსის კანონქვემდებარე ნორმატიული აქტით.

საქართველოს მთავრობის 2006 წლის 20 დეკემბრის დადგენილება №235-სსმIII,№172,22.12.2006წ., მუხ.2310

საქართველოს მთავრობის 2007 წლის 19 სექტემბრის დადგენილება №195-სსმIII,№132,21.09.2007წ., მუხ.1426

Annotate