სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერა-განადგურების შესახებ

”წამლისა და ფარმაცევტული საქმიანობის შესახებ” საქართველოს კანონის მე-17 მუხლის 1-ლი და მე-2 პუნქტების შესაბამისად, ვადაგასული და გაუვარგისებული სამკურნალო საშუალებების ჩამოწერა-განადგურების მოწესრიგების მიზნით, ვბრძანებ:

1. შრომის, ჯანმრთელობისა და სოციალური დაცვის სამინისტროსთან შეიქმნას სამედიცინო და ფარმაცევტულ დაწესებულებებში სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერისა და განადგურების მუდმივმოქმედი კომისია შემადგენლობით:

ა) ლევან ჯუღელი – საქართველოს შრომის, ჯანმრთელობისა და სოციალური დაცვის მინისტრის მოადგილე, კომისიის თავმჯდომარე;

ბ) თინა ტურძილაძე – წამლის სააგენტოს უფროსი;

გ) იოსებ ლობჟანიძე – მინისტრის აპარატის უფროსი;

დ) გიორგი კერვალიშვილი – საფინანსო-საბიუჯეტო დეპარტამენტის უფროსის მოვალეობის შემსრულებელი;

ე) თამთა დემურიშვილი – ჯანდაცვის პოლიტიკის დეპარტამენტის უფროსის მოვალეობის შემსრულებელი;

ვ) ირაკლი ნატროშვილი – შეზღუდული პასუხისმგებლობის საზოგადოება “წამლის ხარისხის კონტროლის ცენტრის” დირექტორი;

ზ) ელზა გულიაშვილი – იურიდიული დეპარტამენტის უფროსი;

თ) ნიკოლოზ აბსანძე – გენერალური ინსპექციის უფროსის მოვალეობის შემსრულებელი;

ი) გიორგი თვალავაძე – სამედიცინო დახმარების ხარისხის კონტროლის ინსპექციის უფროსი;

კ) თამაზ კვირკელია – ნარკოტიკების ლეგალურ ბრუნვაზე კონტროლის ბიუროს უფროსის მოვალეობის შემსრულებელი;

ლ) ნანა გორგასლიძე – წამლის სააგენტოს აპარატის სპეციალისტის მოვალეობის შემსრულებელი, კომისიის მდივანი.

საქართველოს შრომის, ჯანმრთელობისა და სოციალური დაცვის მინისტრის 2002 წლის 28 მაისის ბრძანება №158/ნ-სსმIII,№58,11.06.2002წ.,მუხ.541

საქართველოს შრომის, ჯანმრთელობისა და სოციალური დაცვის მინისტრის 2005 წლის 10 იანვრის ბრძანება №1/ნ-სსმIII,№5,17.01.2005წ.,მუხ.55

2. დაევალოს კომისიას:

ა) შეისწავლოს სამკურნალო-პროფილაქტიკურ და ფარმაცევტულ დაწესებულებებში სამკურნალო საშუალებების ვადის გასვლისა და გაუვარგისების მიზეზები, მოამზადოს დასკვნა დამტკიცებული ინსტრუქციის შესაბამისად და წარუდგინოს საქართველოს შრომის, ჯანმრთელობისა და სოციალური დაცვის მინისტრს დასამტკიცებლად;

ბ) ყოველკვარტალურად წარუდგინოს საქართველოს ეკონომიკის, მრეწველობისა და ვაჭრობის სამინისტროს სახელმწიფო შესყიდვების დეპარტამენტს ინფორმაცია სახელმწიფო შესყიდვებით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების განადგურებისა და საბალანსო ანგარიშიდან ჩამოწერის შესახებ.

3. დაევალოს:

ა) აფხაზეთის ა/რ და აჭარის ა/რ ჯანდაცვის მინისტრებს, (ე. ბერია, აკ. ბერიძე), შრომის, ჯანმრთელობისა და სოციალური დაცვის რეგიონალური დეპარტამენტების დირექტორებს შექმნან სამკურნალო-პროფილაქტიკურ და ფარმაცევტულ დაწესებულებებში სამკურნალო საშუალებების ვარგისიანობის ვადის გასვლისა და გაუვარგისების შედეგად ჩამოწერა-განადგურების რეგიონალური და საქალაქო მუდმივმოქმედი კომისიები;

ბ) ქ. თბილისის მერიის შრომის, ჯანმრთელობისა და სოციალური დაცვის საქალაქო სამსახურის უფროსს (დ. პავლიაშვილი) დასვას საკითხი ქ. თბილისის მერიის წინაშე დედაქალაქის სამკურნალო-პროფილაქტიკურ და ფარმაცევტულ დაწესებულებებში სამკურნალო საშუალებების ვარგისიანობის ვადის გასვლისა და გაუვარგისების შედეგად ჩამოწერა-განადგურების საქალაქო მუდმივმოქმედი კომისიის შექმნის შესახებ.

4. დამტკიცდეს:

ა) სამკურნალო-პროფილაქტიკურ და ფარმაცევტულ დაწესებულებებში სახელმწიფო შესყიდვებით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერა-განადგურების ინსტრუქცია (დანართი №1);

ბ) ვადაგასული და გაუვარგისებული სამკურნალო საშუალებების ჩამოწერა-განადგურების აქტის ფორმა (დანართი №2).

5. ძალადაკარგულად ჩაითვალოს ”სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერა-განადგურების შესახებ” საქართველოს ჯანმრთელობის დაცვის მინისტრის 1999 წლის 19 დეკემბრის №451/ო ბრძანება.

5¹. სპეციალურ კონტროლს დაქვემდებარებული სამკურნალო საშუალებების ჩამოწერა-განადგურება ხორციელდება ,,ფარმაცევტულ, სამედიცინო, სასწავლო, სამეცნიერო-კვლევით, საექსპორტო-დიაგნოსტიკურ დაწესებულებაში და საკონტროლო-ანალიზურ ლაბორატორიაში ნარკოტიკული საშუალებების, ფსიქოტროპული ნივთიერებებისა და პრეკურსორების ლეგალური ბრუნვის წესების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2003 წლის 21 ივლისის №150/ნ ბრძანე ბის მე-7 დანართის შესაბამისად.

6. ბრძანება ძალაშია გამოქვეყნებისთანავე.

ა. ჯორბენაძე

შეტანილი ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2002 წლის 28 მაისის ბრძანება №158/ნ-სსმIII,№58,11.06.2002წ.,მუხ.541

2. საქართველოს შრომის, ჯანმრთელობისა და სოციალური დაცვის მინისტრის 2005 წლის 10 იანვრის ბრძანება №1/ნ-სსმIII,№5,17.01.2005წ.,მუხ.55

დანართი №1

ი ნ ს ტ რ უ ქ ც ი ა

სამკურნალო-პროფილაქტიკურ და ფარმაცევტულ დაწესებულებებში სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერა-განადგურების შესახებ

I. ზოგადი ნაწილი

1. წინამდებარე ინსტრუქცია განსაზღვრავს სამედიცინო და ფარმაცევტულ დაწესებულებებში სახელმწიფო შესყიდვით და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების (შემდგომში – სამედიცინო საქონელი) ჩამოწერა-განადგურების წესებს.

2. სამკურნალო საშუალებები ექვემდებარება ჩამოწერა-განადგურებას, როდესაც მათი ვარგისიანობის ვადა გასულია ან მათი ხარისხი არ შეესაბამება სახელმწიფო სტანდარტს.

II. ვადაგასულ და გაუვარგისებულ სამედიცინო საქონელზე აქტის შედგენის პირობები

3. დაწესებულების ხელმძღვანელი, სადაც ხდება სამკურნალო საშუალებების ჩამოწერა, ბრძანებით ქმნის კომისიას, რომლის მიერ ჩამოწერას დაქვემდებარებული სასაქონლო-მატერიალური ფასეულობა შეიტანება ნატურით ჩამოწერა-განადგურების აქტში – დამტკიცებული ფორმის მიხედვით, რომლის №№1–14 გრაფების გარკვევით შევსება სავალდებულოა, ხოლო №15 გრაფის – შხამების და კონტროლს დაქვემდებარებული საშუალებების ჩამოწერისა და მატერიალური ფასეულობების ვარგისიანობის ვადის გასვლამდე გაუვარგისების შემთხვევაში.

4. ლაბორატორიული კონტროლის ხარჯების ანაზღაურება ხდება სამკურნალო საშუალებების მფლობელი დაწესებულების მიერ.

5. აქტი შეივსება 5 ასლად, ადგილზე ფაქტობრივად არსებულ სამედიცინო საქონელზე, კომისიის ყველა წევრის ხელმოწერით.

6. დაწესებულების ხელმძღვანელი პირველ სამ ასლს სათანადო ახსნა-განმარტებით ბარათთან ერთად წარუდგენს რეგიონალურ მუდმივმოქმედ კომისიას. მე-4 ასლი ილუქება აღწერილ მატერიალურ ფასეულობასთან ერთად, ხოლო მე-5 – გადაეცემა მატერიალურად პასუხისმგებელ პირს.

III. მუდმივმოქმედი კომისიების მიერ აქტის განხილვა და დასკვნის მომზადება

7. რეგიონალური კომისია განიხილავს წარმოდგენილ დოკუმენტებს და შესაბამისი დასკვნით აქტის 2 ასლს უგზავნის შრომის, ჯანმრთელობისა და სოციალური დაცვის სამინისტროს მუდმივმოქმედ კომისიას.

8. საქართველოს შრომის, ჯანმრთელობისა და სოციალური დაცვის სამინისტროს მუდმივმოქმედი კომისია შეისწავლის რეგიონალური კომისიის დასკვნას, აქტის მონაცემების სისწორეს, გაფასებას, საბოლოო შედეგების გაანგარიშებას (საჭიროების შემთხვევაში, აგზავნის თავის წარმომადგენელს სამედიცინო საქონლის გაუვარგისების მიზეზის ადგილზე შესასწავლად), აკეთებს შესაბამის დასკვნას აქტის მე-2 გვერდზე, წარუდგენს დასამტკიცებლად მინისტრს, რის შემდეგ აქტის ერთი ასლი ჩამოწერა-განადგურებაზე წერილობით ნებართვასთან ერთად უბრუნდება რეგიონალურ კომისიას შესაბამისი რეაგირებისათვის.

IV. სამედიცინო და ფარმაცევტულ დაწესებულებებში ჩამოწერილი სამკურნალო საშუალებების განადგურება

9. სამედიცინო და ფარმაცევტული დაწესებულებების მიერ, წერილობითი ნებართვის მიღების შემდეგ, სამკურნალო საშუალებების განადგურება ხდება ადგილზე, შესაბამისი კომისიის წარმომადგენლის თანდასწრებით, აქტზე სათანადო აღნიშვნებით და ხელმოწერით, რის საფუძველზე ბუხჰალტერია ახდენს საბალანსო ანგარიშიდან მის ჩამოწერას.

V. დაწესებულებების ხელმძღვანელების და მუდმივმოქმედი კომისიების პასუხისმგებლობა

10. დაწესებულებების ხელმძღვანელი პირები და კომისიის წევრები, რომლებმაც მიიღეს მონაწილეობა აქტისა და კომისიის დასკვნების შედგენაში, პასუხისმგებლები არიან მონაცემების სისწორეზე.

11. სასაქონლო-მატერიალურ ფასეულობათა გაუვარგისებაში უშუალოდ დამნაშავე პირის დადგენის შემთხვევაში, მისი პასუხისმგებლობა განისაზღვრება საქართველოს კანონმდებლობის შესაბამისად.

დანართი №2

სამედიცინო ან ფარმაცევტული დამტკიცებულია

დაწესებულება ----------------------------------------------

დამტკიცებულია საქართველოს შრომის, ჯანმრთელობისა

და სოციალური დაცვის მინისტრის

2001 წ. "-----" "----------"

№ ბრძანებით

ვადაგასული და გაუვარგისებული სამკურნალო საშუალებების ჩამოწერა-განადგურების

ა ქ ტ ი №

კომისიამ შემადგენლობით ----------------------------------------------------------------------------------------------------------------

განვახორციელეთ------------- მდგომარეობით ვადაგასული და გაუვარგისებული სამკურნალო საშუალებების აღწერა, სახეზე აღმოჩნდა:

№	სამკურ-ნალო საშუალე-ბების დასახე-ლება	ერთეულის ზომა	რაოდენობა	ღირებულება				სერია გამოშვების თარიღი	ვარგისიანობის ვადა	მიღების თარიღი, დოკუმენტის №	მომწოდებელი	დაფინანსების წყარო (ჰუმანიტარული გრანტი, სახელმწიფო შესყიდვა.....)	გაუვარგისების მიზეზები (ვადის გასვლა, სახელმწიფო რეესტრიდან ამოღება, გაუვარგისება, მტვრევა.......)	საკონტ-როლო-ანალი-ზური ლაბორა-ტორიის დასკვნის № და თარიღი
				შესასყიდი ფასი		გასაყიდი ფასი
				ერთეულისფასი	ჯამი	ერთეულის ფასი	ჯამი
1	2	3	4	5	6	7	8	9	10	11	12	13	14	15




:
სულ						სულ

------------------------------------------------------------------- კომისიის თავმჯდომარე: -------------------------------------------

სულ შესასყიდი თანხა სიტყვიერად

კომისიის წევრები: ---------------------------------------------

----------------------------------------------

------------------------------------------------------------------- ------------------------------------------

სულ გასაყიდი თანხა სიტყვიერად -----------------------------------------

------------------------------------------

დაწესებულების მთავარი ბუხჰალტერი: -----------------------------

რეგიონალური კომისიის დასკვნა ---------------------------------------------------------------------------------------------------------------

--------------------------------------------------------------------------------------------------------------------------------------------------------

200 წლის "-----------" "----------------------" კომისიის თავმჯდომარე ------------------------------------

კომისიის წევრები: ----------------------------------------

-----------------------------------------

------------------------------------------

--------------------------------------------

შრომის, ჯანმრთელობისა და სოციალური

დაცვის სამინისტროს კომისიის დასკვნა: -------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

200 წლის "-----------" "----------------------" კომისიის თავმჯდომარე ------------------------------------

კომისიის წევრები: ----------------------------------------

----------------------------------------

------------------------------------------

--------------------------------------------

აღნიშვნები ჩამოწერილი ფასეულობების

განადგურების შესახებ ------------------------------- (დაჩეჩქვით, დამტვრევით, გაუვნებლობით, დაწვით, კანალიზაციაში გადაღვრით, ნაგავში გადაყრით. . .)

-------------------------------------------------------------------------------------------------------------------------------------------------------- (საჭიროს ხაზი გაუსვით)

კომისიის თავმჯდომარე ------------------------------------ 200 წლის "-----------" "----------------------"

კომისიის წევრები: ------------------------------------------

-------------------------------------------

--------------------------------------------

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერა-განადგურების შესახებ“, №168/ნ, 20.04.2001, სარეგისტრაციო კოდი 470060000.11.119.004749 (კონსოლიდირებული რედაქცია 10.01.2005). ხელმისაწვდომია: https://legali.ge/law/1334158-2/