თვითმმართველი ქალაქის - ბათუმის ტერიტორიაზე იმ შენობა-ნაგებობების სახეობების ჩამონათვალისა და ტერიტორიული ზონების განსაზღვრის შესახებ, სადაც აკრძალულია ან/და შესაძლებელია აზარტული და მომგებიანი თამაშობების (გარდა წამახალისებელი გათამაშებისა) მოწყობა

თვითმმართველი ქალაქის – ბათუმის საკრებულოს

დადგენილება №22

2011 წლის 20 მაისი

ქ. ბათუმი

თვითმმართველი ქალაქის – ბათუმის ტერიტორიაზე იმ შენობა-ნაგებობების სახეობების ჩამონათვალისა და ტერიტორიული ზონების განსაზღვრის შესახებ, სადაც აკრძალულია ან/და შესაძლებელია ლატარიის, აზარტული და მომგებიანი თამაშობების (გარდა წამახალისებელი გათამაშებისა) მოწყობა

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტის, 22-ე მუხლის პირველი პუნქტის „ძ“ ქვეპუნქტის, „ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონის 35-ე მუხლისა და „თვითმმართველი ქალაქის – ბათუმის ტერიტორიაზე იმ შენობა-ნაგებობების სახეობების ჩამონათვალისა და ტერიტორიული ზონების განსაზღვრის შესახებ, სადაც აკრძალულია ან/და შესაძლებელია აზარტული და მომგებიანი თამაშობების (გარდა წამახალისებელი გათამაშებისა) მოწყობა“ თვითმმართველი ქალაქის – ბათუმის საკრებულოს დადგენილების პროექტის მოსამზადებლად ადმინისტრაციული წარმოების დაწყების შესახებ“ თვითმმართველი ქალაქის – ბათუმის 2011 წლის 05 აპრილის №66 განკარგულების შესაბამისად, თვითმმართველი ქალაქის – ბათუმის საკრებულო ადგენს:

მუხლი 1. ტერიტორიული ზონები, სადაც შესაძლებელია ლატარიის, სათამაშო აპარატების სალონის, აზარტული კლუბის, ტოტალიზატორის, ლოტოს ან/და ბინგოს მოწყობა

თვითმმართველი ქ. ბათუმის ტერიტორიაზე ლატარიის, სათამაშო აპარატების სალონის, აზარტული კლუბის, ტოტალიზატორის, ლოტოს ან/და ბინგოს მოწყობა დასაშვებია პეტრე ბაგრატიონის, ალექსანდრე სულაბერიძის, მამია ვარშანიძისა და გენ. ა. აბაშიძის ქუჩებს შორის არსებულ ტერიტორიულ ზონაში და ამავე ზონის ტერიტორიაზე აღნიშნული ქუჩების ორივე მხარეს მდებარე ნებისმიერ შენობა-ნაგებობაში, თუ „ლატარიების, აზარტული და მომგებიანი თამაშობების მოწყობის შესახებ“ საქართველოს კანონით, წინამდებარე დადგენილებით ან/და სხვა ნორმატიული აქტებით რომელიმე შენობა-ნაგებობაში აკრძალული არ არის ლატარიის, აზარტული და მომგებიანი თამაშობების მოწყობა.

თვითმმართველი ქალაქის - ბათუმის საკრებულოს 2011 წლის 30 სექტემბრის დადგენილება №53 - ვებგვერდი, 10.10.2011 წ.

თვითმმართველი ქალაქის - ბათუმის საკრებულოს 20 12 წლის 30 მარტის დადგენილება №17 - ვებგვერდი, 05.04.2012წ.

თვითმმართველი ქალაქის - ბათუმის საკრებულოს 2012 წლის 21 მაისის დადგენილება №28 - ვებგვერდი, 30.05.2012წ.

    მუხლი 2. შენობა-ნაგებობების ჩამონათვალი, სადაც შესაძლებელია ლარატიის, აზარტული და მომგებიანი თამაშობების (გარდა წამახალისებელი გათამაშებისა) მოწყობა

     გარდა ამ დადგენილების პირველი მუხლით გათვალისწინებულ ტერიტორიულ ზონაში მდებარე შენობა-ნაგებობებისა, ლატარიის, სათამაშო აპარატების სალონის, აზარტული კლუბის, ტოტალიზატორის, ლოტოს ან/და ბინგოს მოწყობა დასაშვებია თვითმმართველ ქ. ბათუმის   მთელს ტერიტორიაზე მდებარე სამორინეებში, ხოლო შენობა-ნაგებობათა მრავალფუნქციურობის შემთხვევაში მხოლოდ უშუალოდ სამორინისათვის განკუთვნილ ფართში.

      თვითმმართველი ქალაქის - ბათუმის საკრებულოს 2011 წლის 30 სექტემბრის დადგენილება №53 - ვებგვერდი, 10.10.2011 წ.

თვითმმართველი ქალაქის - ბათუმის საკრებულოს 20 12 წლის 30 მარტის დადგენილება №17 - ვებგვერდი, 05.04.2012წ.

თვითმმართველი ქალაქის - ბათუმის საკრებულოს 2012 წლის 21 მაისის დადგენილება №28 - ვებგვერდი, 30.05.2012წ.

თვითმმართველი ქალაქის - ბათუმის საკრებულოს 2012 წლის 3 აგვისტოს დადგენილება №45 - ვებგვერდი, 07.08.2012წ.

    მუხლი 3. შენობა-ნაგებობების ჩამონათვალი, სადაც აკრძალულია ლატარიის, სათამაშო აპარატების სალონის, აზარტული კლუბის, ტოტალიზატორის, ლოტოს ან/და ბინგოს მოწყობა

აკრძალულია ლატარიის, სათამაშო აპარატების სალონის, აზარტული კლუბის, ტოტალიზატორის, ლოტოს ან/და ბინგოს მოწყობა შენობა-ნაგებობაში, თუ ისინი არ მდებარეობენ წინამდებარე დადგენილების პირველი მუხლით გათვალისწინებულ ტერიტორიულ ზონაში ან წინამდებარე დადგენილების მეორე მუხლით გათვალისწინებულ შენობა-ნაგებობებში, ასევე საქართველოს კანონმდებლობით გათვალისწინებულ სხვა შენობა-ნაგებობებში.

თვითმმართველი ქალაქის - ბათუმის საკრებულოს 2012 წლის 21 მაისის დადგენილება №28 - ვებგვერდი, 30.05.2012წ.

თვითმმართველი ქალაქის - ბათუმის საკრებულოს 2012 წლის 3 აგვისტოს დადგენილება №45 - ვებგვერდი, 07.08.2012წ.

მუხლი 3^​1. თამაშობები, რომელზეც არ ვრცელდება წინამდებარე დადგენილება

წინამდებარე დადგენილების მოქმედება არ ვრცელდება ლატარიის ბილეთების გაყიდვა/ გავრცელებაზე და მისი რეგულირება ხდება საქართველოს კანონმდებლობით.

თვითმმართველი ქალაქის - ბათუმის საკრებულოს 2011 წლის 21 ივნისის დადგენილება №29 - ვებგვერდი, 27.06.2011წ.

თვითმმართველი ქალაქის - ბათუმის საკრებულოს 2012 წლის 21 მაისის დადგენილება №28 - ვებგვერდი, 30.05.2012წ.

    მუხლი 4. გარდამავალი დებულებები

1. ამ დადგენილების 1-ლი მუხლით გათვალისწინებული მოთხოვნები გავრცელდეს 2013 წლის 1 იანვრიდან იმ პირების მიმართ, რომლებსაც ლატარია, სათამაშო აპარატების სალონი, ტოტალიზატორი, ლოტო ან/და ბინგო მოწყობილი აქვთ ქ. ბათუმში, ალექსანდრე პუშკინისა და პეტრე ბაგრატიონის ქუჩებს შორის არსებულ ტერიტორიულ ზონაში ან ქალაქ ბათუმის მთელ ტერიტორიაზე მდებარე არანაკლებ 20- ნომრიან სასტუმროებში.

2. ამ მუხლის პირველი პუნქტით გათვალიწინებული საქმიანობის განმახორციელებელი პირები ვალდებულნი არიან 2013 წლის 1 იანვრამდე თავიანთი საქმიანობა შესაბამისობაში მოიყვანონ ამ დადგენილების 1-ლი მუხლით გათვალისწინებულ მოთხოვნებთან.

თვითმმართველი ქალაქის - ბათუმის საკრებულოს 20 12 წლის 30 მარტის დადგენილება №17 - ვებგვერდი, 05.04.2012წ.

თვითმმართველი ქალაქის - ბათუმის საკრებულოს 2012 წლის 21 მაისის დადგენილება №28 - ვებგვერდი, 30.05.2012წ.

    მუხლი 5. დასკვნითი დებულებები

1. დადგენილება შეიძლება გასაჩივრდეს ბათუმის საქალაქო სასამართლოში (მის.: ქ. ბათუმი, ზუბალაშვილის ქ. №30) უშუალო ზიანის მიყენებიდან სამი თვის ვადაში.

2. წინამდებარე დადგენილება ამოქმედდეს გამოქვეყნებიდან მე-15 დღეს.

საკრებულოს თავმჯდომარე                                                                                          გ. კირთაძე

შეტანილი ცვლილებები:

1. თვითმმართველი ქალაქის - ბათუმის საკრებულოს 2011 წლის 21 ივნისის დადგენილება №29 - ვებგვერდი, 27.06.2011წ.

2. თვითმმართველი ქალაქის - ბათუმის საკრებულოს 2011 წლის 30 სექტემბრის დადგენილება №53 - ვებგვერდი, 10.10.2011 წ.

3. თვითმმართველი ქალაქის - ბათუმის საკრებულოს 2012 წლის 30 მარტის დადგენილება №17 - ვებგვერდი, 05.04.2012წ.

4. თვითმმართველი ქალაქის - ბათუმის საკრებულოს 2012 წლის 21 მაისის დადგენილება №28 - ვებგვერდი, 30.05.2012წ.

5. თვითმმართველი ქალაქის - ბათუმის საკრებულოს 2012 წლის 3 აგვისტოს დადგენილება №45 - ვებგვერდი, 07.08.2012წ.

 

Annotate