„ფინანსური პოლიციის შესახებ” (საქართველოს საკანონმდებლო მაცნე III, 04.03.2004, №5, მუხლი 11.) საქართველოს კანონის 26-ე მუხლის მე-3 პუნქტის ა) ქვეპუნქტის საფუძველზე, ვბრძანებ:

1. დამტკიცდეს საქართველოს ფინანსთა სამინისტროს ფინანსური პოლიციის თანდართული დებულება.

2. ბრძანება ამოქმედდეს გამოქვეყნებისთანავე.

მინისტრის მოვალეობის

შემსრულებელი ზ. სოსელია

შეტანილი ცვლილებები:

1.საქართველოს ფინანსთა მინისტრის 2004 წლის 31 მარტის ბრძანება №205-სსმIII,№36,02.04.2004წ., მუხ.299

2.საქართველოს ფინანსთა მინისტრის 2004 წლის 8 ნოემბრის ბრძანება №728-სსმIII,№127,08.11.2004წ., მუხ.1134

3.საქართველოს ფინანსთა მინისტრის 2004 წლის 6 დეკემბრის ბრძანება №792-სსმIII,№143,07.12.2004წ., მუხ.1290

საქართველოს ფინანსთა სამინისტროს ფინანსური პოლიციის

დ ე ბ უ ლ ე ბ ა

თავი I. შესავალი

მუხლი 1. ზოგადი დებულებები

1. საქართველოს ფინანსთა სამინისტროს ფინანსური პოლიცია (შემდგომში – პოლიცია) არის საქართველოს ფინანსთა სამინისტროს სისტემაში სახელმწიფო საქვეუწყებო დაწესებულების სტატუსით შემავალი სპეციალური სამართალდამცავი ორგანო, რომელიც არსებული კანონმდებლობის შესაბამისად ახორციელებს ეკონომიკური დანაშაულის სფეროში პრევენციულ, ოპერატიულ-სამძებრო საქმიანობას, მოკვლევასა და წინასწარ გამოძიებას, აგრეთვე კანონმდებლობით მის კომპეტენციას მიკუთვნებულ სხვა ფუნქციებს.

2. პოლიციის საქმიანონის სამართლებრივი საფუძვლებია საქართველოს კონსტიტუცია, საქართველოს საერთაშორისო ხელშეკრულებები, საგადასახადო და საბაჟო კანონმდებლობა, სისხლის სამართლის საპროცესო კანონმდებლობა, საქართველოს კანონი “ოპერატიულ-სამძებრო საქმიანობის შესახებ”, საქართველოს კანონი “ფინანსური პილიციის შესახებ”, სხვა კანონმდებლობა და კანონქვემდებარე აქტები.

3. პოლიცია ფინანსდება საქართველოს ცენტრალური ბიუჯეტიდან.

4. თავისი უფლებამოსილების განხორციელებისას პოლიცია წარმოადგენს სახელმწიფოს.

5. პოლიცია ანგარიშვალდებულია საქართველოს პრეზიდენტისა და საქართველოს ფინანსთა მინისტრის წინაშე, რომელიც წარმართავს და კოორდინაციას უწევს პოლიციის საქმიანობას და ახორციელბს ზედამხედველობას საქართველოს კანონმდებლობით დადგენილი წესით.

6. პოლიცია წარმართავს თავის საქმიანობას კანონიერების, პიროვნების ღირსების პატივისცემის, სამართლიანობის, ჰუმანიზმისა და საჯაროობის პრინციპებზე დაყრდნობით, მას არ აქვს უფლება გაამჟღავნოს მოქალაქის პირადი ცხოვრების, მისი პატივისა და პირადი ღირსების შემლახავი ინფორმაცია, აგრეთვე სახელმწიფო თუ კანონმდებლობით დაცული ინფორმაცია. ოპერატიულ-სამძებრო ხასიათის ინფორმაცია ან წინასწარი გამოძიების მასალების გახმაურება დასაშვებია მხოლოდ კანონმდებლობით დადგენილი წესით.

7. პოლიციის სრული დასახელებაა: საქართველოს ფინანსთა სამინისტროს ფინანსური პოლიცია.

8. პოლიციის იურიდიული მისამართია ქ. თბილისი ცოტნე დადიანის №30.

მუხლი 2. პოლიციის ამოცანები

1. პოლიციის საქმიანობის მიზნები და ამოცანებია:

ა) ეკონომიკურ დანაშაულთა სფეროში პრევენციული საქმიანობა, მოკვლევა და წინასწარი გამოძიება მისთვის სისხლის სამართლის საპროცელო კოდექსითა და სხვა ნორმატიული აქტებით მინიჭებული უფლებამოსილების საფუძველზე;

ბ) საფინანსო-ეკონომიკურ სფეროში ადმინისტრაციულ სამართალდარღვევათა პრევენცია და გამოვლენა ადმინისტაციულ სამართალდარღვევათა კოდექსითა და სხვა ნორმატიული აქტებით მინიჭებული უფლებამოსილების საფუძველზე;

გ) ფინანსთა სამინისტროს სისტემის საქმიანობის უსაფრთხოების და სამსახურებრივი მოვალეობის შესრულების პროცესში ამ ორგანოთა თანამშრომლების მართლსაწინააღმდეგო ხელყოფისაგან დაცვის უზრუნველყოფა;

დ) საფინანსო-ეკონომიკურ სფეროში სამოხელეო დანაშაულის და კორუფციულ გარიგებათა პრევენცია, აღკვეთა და გამოვლენა;

ე) კომპეტენციის ფარგლებში ინფორმაციის მოპოვება, გადამუშავება და მისი ანალიზი;

ვ) კადრების გადამზადება და კვალიფიკაციის ამაღლება;

ზ) საფინანსო-ეკონომიკურ საფეროში დანაშაულის წინააღმდეგ ბრძოლის საქმეში, სხვა ქვეყნის სამართალდამცავ ორგანოებთან და საერთაშორისო ორგანიზაციებთან თანამშრომლობა კომპეტენციის ფარგლებში;

2. პოლიციას არ შეიძლება დაეკისროს ისეთი ამოცანის შესრულება , რომელიც პირდაპირ არ არის განსაზღვრული “ფინანსური პოლიციის შესახებ “ საქართველოს კანონით.

თავი II. პოლიციის უფლება-მოვალეობები

მუხლი 3. პოლიციის უფლებამოსილება.

1. პოლიცია (უფლებამოსილი პირი) უფლებამოსილია თავისი კომპეტენციის ფარგლებში:

ა) განახორციელოს ოპერატიულ-სამძებრო საქმიანობა, აწარმოოს მოკვლევა და წინასწარი გამოძიება, გამოიყენოს ფიზიკური იძულება კანონით დადგენილ ფარგლებში და წესით;

ბ) საფინანსო-ეკონომიკურ სფეროში ჩადენილ დანაშაულზე აღძრას სისხლის სამართლის საქმე ან უარი თქვას მის აღძვრაზე;

გ) ჩაატაროს სისხლის სამართლის საპროცესო კოდექსით გათვალისწინებული ყველა საგამოძიებო და საპროცესო მოქმედება, გამოითხოვოს მოსამართლის ბრძანება კანონმდებლობით დადგენილ შემთხვევაში და დადგენილი წესით;

დ) საჭიროების შემთხვევაში მიიღოს გადაწყვეტილება რევიზიის ან ინვენტარიზაციის ჩატარებაზე, მოითხოვოს საუწყებო შემოწმების ჩატარება და გამოძიებისათვის საჭირო დოკუმენტების წარდგენა;

ე) მოიპოვოს, დაამუშავოს და ანალიზი გაუკეთოს პოლიციის საქმიანობასთან დაკავშირებულ ინფორმაციას და განახორციელოს სტრატეგიული დაგეგმვა;

ვ) სამსახურებრივი მოვალეობის შესრულების მიზნით საგადასახადო და საბაჟო ორგანოებიდან მოითხოვოს და მიიღოს ცალკეული გადასახადის გადამხდელის შესახებ იდენტიფიცირებული ინფორმაცია;

ზ) კანონმდებლობით დადგენილი წესით შეადგინოს ადმინისტრაციულ სამართალდარღვევათა ოქმი, განიხილოს და გადაწყვიტოს ადმინისტრაციულ სამართალდარღვევათა საქმეები, დამრღვევს შეუფარდოს ადმინისტრაციული სახდელი;

თ) დანაშაულისა თუ სხვა სამართალდარღვევის შესახებ საკმარისი მონაცემების არსებობისას გააჩეროს და დაათვალიეროს სატრანსპორტო საშუალებები, ასევე შეამოწმოს მოქალაქის პირადობის დამადასტურებელი საბუთები;

ი) შეიმუშავოს ერთობლივი ღონისძიებები სხვა სამართალდამცავ ორგანოებთან, მასზე დაკისრებული ამოცანების შესრულების უზრუნველსაყოფად;

კ) საფუძვლიანი ეჭვის არსებობისას მიმართოს საბაჟო ორგანოებს მოაახდინონ საბაჟო კონტროლს დაქვემდებარებული საქონელი და სატრასპორტო საშუალებების, აგრეთვე საცავების და სხვა ადგილების (სადაც იმყოფება ან შეიძლება იმყოფებოდეს საბაჟო კონტროლს დაქვემდებარებული საქონლეი და სატრასპორტო საშუალებები) საბაჟო შემოწმება (საბაჟო დათვალიერება), დაესწროს საბაჟო შემოწმებას (საბაჟო დათვალიერებას);

ლ) სისხლის სამართლის ან ადმინისტრაციულ სამართალდარღვევათა საქმის წარმოებასთან დაკავშირებით, გამოიძახოს ფიზიკური პირი, მოსთხოვოს ახსნა-განმარტება და საქმესთან (მასალებთან) დაკავშირებული საჭირო დოკუმენტები;

მ) მოახდინოს პირის (საქონლისა და სატრასპორტო საშუალებების) დაკავება სისხლის სამართლის საპროცესო და ადმინისტრაციულ სამართალდარღვევათა კოდექსის შესაბამისად;

ნ) კომპეტენციის ფარგლებში ითანამშრომლოს საფინანსო-ეკონომიკურ სფეროში დანაშაულის წინააღმდეგ ბრძოლის საქმეში, სხვა ქვეყნის სამართალდამცავ ორგანოებთან და საერთაშორისო ორგანიზაციებთან;

ო) განახორციელოს კანონმდებლობით განსაზღვრული სხვა უფლებამოსილება;

2. პოლიციის თანამშრომელს უფლება აქვს შეინახოს, ატაროს და გამოიყენოს სამსახურებლივ-საშტაო და შესაბამისი კანონით ნებადართული სხვა სახის იარაღი.

3. სამსახურებრივი მოვალეობის შესრულებისას პოლიციის თანამშრომელს მინიჭებული უფლებების ფარგლებში კანონით დადგენილი წესით უფლება აქვს გამოიყენოს ფიზიკური იძულება, სპეციალური საშუალებები და სამსახურებრივ-საშტატო და სამხედრო საბრძოლო იარაღი;

მუხლი 4. პოლიციის მოვალეობები

პოლიცია კანონმდებლობით განსაზღვრული ამოცანების შესაბამისად ვალდებულია:

ა) გამოავლინოს, გახსნას და აღკვეთოს საფინანსო-ეკონომიკურ სფეროში დანაშაული და სხვა სამართალდარღვევა;

ბ) შეისწავლოს საფინანსო-ეკონომიკურ სფეროში დანაშაულისა და სხვა სამართალდარღვევების გამომწვევი მიზეზები და პირობები, მიიღოს ზომები მათ აღმოსაფხვრელად;

გ) დანაშაულის ნიშნების არსებობისას სისხლის სამართლის საპროცესო კანონმდებლობის შესაბამისად ჩაატაროს მოკვლევა, აღძრას სისხლის სამართლის საქმე;

დ) კანონით დადგენილი წესით განიხილოს და მიიღოს გადაწყვეტილებები მის კომპეტენციას მიკუთვნებულ სისხლის სამართლის დანაშაულისა და ადმინისტრაციულ სამართალდარღვევათა საქმეებზე;

ე) შეასრულოს მოსამართლის, პროკურორის წერილობითი დავალებები, მითითებები საფინანსო-ეკონომიკურ სფეროში საგამოძიებო ან ოპერატიულ-სამძებრო მოქმედებების შესრულების დროს. დახმარება აღმოუჩინოს მათ საგამოძიებო მოქმედებების წარმოებისას;

ვ) მიიღოს და რეგისტრაციაში გაატაროს საფინანსო-ეკონომიკურ სფეროში დანაშაულისა და სამართალდარღვევების შესახებ შემოსული განცხადება, შეტყობინება, დაუყოვნებლივ მოახდინოს მათზე რეაგირება;

ზ) შესაძლებლობა მისცეს დაკავებულს ან დაპატიმრებულ პირს კანონის შესაბამისად განახორციელოს სამართლებრივი დაცვის უფლება;

თ) შეასრულოს კანონმდებლობით გათვალისწინებული სხვა მოვალეობები.

2. სამსახურებრივი მოვალეობის შესრულებისას, პოლიციის თანამშრომელი ვალდებულია ზედმიწევნით დაიცვას მოქალაქის კანონიერი უფლებები. მოქალაქის უფლებების შეზღუდვა განახორციელოს მხოლოდ კანონით დადგენილი წესით. მოქალაქის უფლებების იძულებითი შეზღუდვის ყოველ ცალკეულ შემთხვევაში, პოლიციის თანამშრომელი მოქალაქეს, მის წინაშე წარდგომისას წარუდგენს პირადობის მოწმობას (სამსახურებრივ ჟეტონს), განუმარტავს მისი უფლებების კონკრეტული შეზღუდვის გამოყენების საფუძველს. პოლიციის თანამშრომელი ვალდებულია მოქალაქესთან ურთიერთობისას ზუსტად დაიცვას სამსახურებრივი ეთიკის ნორმები.

თავი III. პოლიციის სტრუქტურა და მართვა

მუხლი 5. პოლიციის მართვა

1. პოლიციას ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი საქართველოს ფინანსთა მინისტრის წარდგინებით, საქართველოს პრემიერ-მინისტრთან შეთანხმებით.

2. პოლიციის უფროსი:

ა) ხელმძღვანელობს პოლიციას და პასუხისგებელია კანონმდებლობით დაკისრებული მოვალეობის ჯეროვანი შესრულებისათვის;

ბ) თავისი კომპეტენციის ფარგლებში იღებს გადაწყვეტილებებს პოლიციის გამგებლობის სფეროსთვის მიკუთვნებულ საკითხებზე, მოქმედებს სახელმწიფოს სახელით;

გ) თვალყურს ადევნებს პოლიციის სტრუტურული ქვედანაყოფებისა და ერთეულების მიერ თავიანთი მოვალეობის შესრულებას და ახორციელებს სამსახურებრივ ზედამხედველობას პოლიციის მოსამსახურეების საქმიანობასა და მათ მიერ მიღებულ გადაწყვეტილებებზე კანონმდებლობით დადგენილი წესით;

დ) ფინანსთა სამინისტროს საკონკურსო-საატესტაციო კომისიის წარდგინებით თავისი კომპეტენციის ფარგლებში თანამდებობაზე ნიშნავს და თანამდებობიდან ათავისუფლებს პოლიციის საშტატო განრიგით გათვალისწინებულ მოსამსახურეებს, გარდა ამ მუხლის მე-5 და მე-6 პუნქტით განსაზღვრული მოსამსახურეებისა;

ე) ანაწილებს პოლიციის მოსამსახურეთა შორის ფუნქციონალურ მოვალეობებს, განსაზღვრავს მათი პერსონალური პასუხისმგებლობის საკითხებს, კომპეტენციის ფარგლებში ახორციელებს მათ მიმართ წახალისებასა და დისციპლინურ ზემოქმედებას;

ვ) საქართველოს ფინანსთა მინისტრთან შეაქვს წინადადებები პოლიციის თანამშრომელთა მიმართ დისციპლინარული ან წახალისების ზომების გამოყენების შესახებ;

ზ) პასუხისგებელია პოლიციისათვის გამოყოფილი საბიუჯეტო სახსრების, ასევე მატერიალურ ტექნიკური ფასეულობების (მათ შორის შეიარაღების, საბრძოლო მასალის, სპეციალური ტექნიკის, სპეციალური საშუალებების და ა.შ.) მიზნობრივ ხარჯვასა და გამოყენებაზე;

თ) დასამტკიცებლად წარუდგენს საქრთველოს ფინანსთა მინისტრს პოლიციის დებულების პროექტს, სტრუქტურას, ხარჯთაღრიცხვასა და საშტატო განრიგს, ასევე ნორმატიულ აქტებში ცვლილებების პროექტებს;

ი) ფინანსთა მინისტრის მიერ განსაზღვრული პერიოდულობით წარუდგენს საქართველოს პრეზიდენტსა და საქართველოს ფინანსთა მინისტრს ანგარიშს პოლიციის მიერ გაწეული საქმიანობის შესახებ და ინფორმაციას პოლიციის საქმიანობის პრიორიტეტული მიმართულებების თაობაზე. ასევე აწვდის მათ ოპერატიული ვითარების შესახებ ინფომრაციას;

კ) პოლიციის კომპეტენციის სფეროს მიკუთნებულ საკითხებზე გამოსცემს ინდივიდუალურ-სამართლებრივ აქტებს; გამოსცემს მეთოდურ მითითებებს, რომელთა შესრულება სავალდებულოა პოლიციის მოსამსახურეთათვის;

ლ) თავისი კომპეტენციის ფარგელებში ანიჭებს სპეციალურ წოდებებს და შუამდგომლობს ფინანსთა მინისტრის წინაშე პოლიციის თანამშრომლებისათვის შესაბამისი სპექციალური წოდებათა მინიჭების თაობაზე;

მ) საქართველოს ფინანსთა მინისტრს წარუდგენს წინადადებებს პოლიციის მატერიალურ-ტექნიკური უზრუნველყოფის თაობაზე;

ნ) წარუდგენს წინადადებებს ფინანსთა მინისტრს პოლიციაში სამსახურის გავლის საკითხების გადაწყვეტის შესახებ;

ო) კომპეტენციის ფარგლებში იღებს გადაწყვეტილებებს ოპერატიულ-სამძებრო საქმიანობის განხორციელებაზე;

პ) საქართველოს კანონმდებლობის შესაბამისად სარგებლობს სხვა უფლებამოსილებებით;

რ) კომპეტენციის ფარგლებში ძალადაკარგულად ცნობს მოადგილის, პოლიციის სტრუქტურული ერთეულების თანამდებობის პირების გადაწყვეტილებებს, რომლებიც არ შეესაბამება საქართველოს კანონმდებლობას ან ლახავს ადამიანის კანონიერ უფლებებს;

ჟ) თავისი ბრძანებით ქმნის პოლიციის უფროსის სათათბირო ორგანო-საბჭოს, რომლის რიცხოვნობას, პერსონალურ შემადგენლობას განსაზღვრავს ბრძანებით;

ს) ახორციელებს საქართველოს კანონმდებლობით მინიჭებულ სხვა უფლებამოსილებებს;

3. პოლიციის უფროსს ჰყავს ერთი მოადგილეს, რომლის უფლებამოსილება განისაზღვრება პოლიციის უფროსის ბრძანებით;

4. პოლიციის უფროსის არ ყოფნის შემთხვევაში მის მოვალეობას ასრულებს მისი მოადგილე;

5. პოლიციის უფროსის მოადგილეს, პოლიციის სტრუქტურული ქვედანაყოფების უფროსებსა და მათ მოადგილეებს პოლიციის უფროსის წარდგინებით თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი.

6. პოლიციის საგამოძიებო დეპარტამენტის გამომძიებლებს საგამოძიებო დეპარტამენტის თავმჯდომარის წარდგინებით, პოლიციის უფროსთან შეთანხმებით თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი.

მუხლი 6. პოლიციის სტრუქტურა:

1. პოლიცია დაკისრებულ მოვალეობებს ასრულებს საქართველოს მთელ ტერიტორიაზე ცენტრალური და ტერიტორიული ორგანოების, აგრეთვე სპეციალური დანიშნულების რაზმის მეშვეობით და ფუნქციონირებს ერთიანი ცენტრალიზირებული წესით.

2. პოლიციის სტრუქტურა შედგება:

ა) პოლიციის აპარატი;

ბ) პოლიციის ოპერატიული დეპარტამენტი;

გ) პოლიციის საგამოძიებო დეპარტამენტი;

დ) პოლიციის სპეციალური დანიშნულების რაზმი;

ე) პოლიციის სტატისტიკური აღრიცხვისა და საინფორმაციო სამმართველო;

ვ) სპეციალურ დავალებათა სამმართველო;

ზ) ოპერატიული აღრიცხვის სამმართველო;

თ) ოპერატიულ-ტექნიკური უზრუნველყოფის სამმართველო;

ი) ბუღალტერია.

საქართველოს ფინანსთა მინისტრის 2004 წლის 31 მარტის ბრძანება №205-სსმIII,№36,02.04.2004წ., მუხ.299

საქართველოს ფინანსთა მინისტრის 2004 წლის 8 ნოემბრის ბრძანება №728-სსმIII,№127,08.11.2004წ., მუხ.1134

საქართველოს ფინანსთა მინისტრის 2004 წლის 6 დეკემბრის ბრძანება №792-სსმIII,№143,07.12.2004წ., მუხ.1290

მუხლი 7. პოლიციის აპარატი

1. პოლიციის აპარატი შედგება შემდეგი დანაყოფებისაგან:

ა) კანცელარია;

ბ) კადრების სამსახური;

გ) სპეციალურ გამოკვლევათა სამსახური;

დ) მატერიალურ-ტექნიკური და ფინანსური უზრუნ-ველყოფის სამსახური;

ე) სამართლებრივ საკითხთა და საერთაშორისო ურთიერთობათა სამსახური;

ვ) საზოგადოებასთან ურთიერთობის სამსახური;

ზ) სამორიგეო განყოფილება.

2. პოლიციის აპარატი თავისი კომპეტენციის ფარგლებში ახორციელებს პოლიციის სტრუქტურული ერთეულების საქმის წარმოების კოორდინაციისა და უზრუნველყოფის ფუნქციებს.

მუხლი 8. ოპერატიული აღრიცხვის სამმართველო

ოპერატიული აღრიცხვის სამმართველოს ძირითადი ამოცანაა: ოპერატიული ინფორმაციის, ოპერატიული აღრიცხვის საქმეების და საიდუმლო თანამშრომელთა აპარატის აღრიცხვა. პოლიციის დანაყოფებისათვის ოპერატიულ-სამძებრო საქმიანობის განხორციელებისათვის მეთოდური და პრაქტიკული დახმარების გაწევა. პოლიციის სისტემაში საიდუმლო რეჟიმის, კონსპირაციის დაცვის უზრუნველყოფა და კონტროლი.

საქართველოს ფინანსთა მინისტრის 2004 წლის 6 დეკემბრის ბრძანება №792-სსმIII,№143,07.12.2004წ.,

მუხ.1290

მუხლი 9. სპეციალურ დავალებათა სამმართველო

სპეციალურ დავალებათა სამმართველოს ძირითადი ამოცანაა: საფინანსო-ეკონომიკურ სფეროში სამოხელეო დანაშაულის (მათ შორის, პოლიციის პირადი შემადგენლობის მიერ ჩადენილი დანაშაულის) და კორუფციულ გარიგებათა პრევენცია, აღკვეთა და გამოვლენა; როგორც მოკვლევის ორგანო უშუალოდ ახორციელებს ოპერატიულ-სამძებრო ღონისძიებებს. კომპეტენციის ფარგლებში ასრულებს პოლიციის უფროსის სპეციალურ დავალებებს.

მუხლი 9¹. ოპერატიულ-ტექნიკური უზრუნველყოფის სამმართველო

ოპერატიულ-ტექნიკური უზრუნველყოფის სამმართველოს ძირითადი ამოცანაა: პოლიციის ოპერატიულ-საგამოძიებო დანაყოფების ოპერატიულ-ტექნიკური უზრუნველყოფა, სპეციალური საშუალებების და სპეციალიზირებული დანაყოფების გამოყენებით ოპერატიულ-სამძებრო ღონისძიებების განხორციელება.

მუხლი 10. პოლიციის სტატისტიკური აღრიცხვისა და საინფორმაციო სამმართველო

პოლიციის სტატისტიკური აღრიცხვისა და საინფორმაციო სამმართველოს ძირითადი ამოცანაა: პოლიციის სისტემაში რეგისტრირებულ დანაშაულობათა და სამართალდარღვევათა აღრიცხვა, სისტემატიზაცია, სტატისტიკური ანალიზი, საინფორმაციო საძიებო კომპიუტერული სისტემების დანერგვა და ექსპლუატაცია. სახელმწიფო დაწესებულებებიდან საბაჟო და საგადასახადო სამსახურებიდან, ასევე კანონით დასაშვები წყაროებიდან პოლიციის ფუნქციონირებისათვის საჭირო ინფორმაციის მოგროვება. პოლიციის დანაყოფებიდან დადგენილი წესით გაწეული მუშაობის შედეგების, ასევე მათი კონტროლის განხორციელების მიზნით ანგარიშების მიღება, თავისი კომპეტენციის ფარგლებში სისტემატიზაცია და ანალიზი. პოლიციის ორგანოების მუშაობის შემაჯამებელი ანგარიშების მომზადება.

მუხლი 11. კანცელარია

კანცელარიის ძირითადი ამოცანაა: პოლიციის უფროსთან თათბირების მომზადება და ოქმების გაფორმება, პოლიციაში შემოსული კორესპონდენციების აღრიცხვა და დამუშავება; პოლიციის უფროსის მიერ გამოცემული ბრძანებებისა და მითითებების აღრიცხვა-რეგისტრაცია და დაგზავნა, პოლიციის დანაყოფებში საქმისწარმოების ორგანიზება, პოლიციის დანაყოფებში საჩივარ-განცხადებების განხილვასა და მოქალაქეთა მიღების ორგანიზება. განსაკუთრებით მნიშვნელოვანი საიდუმლო, სრულიად საიდუმლო კორესპონდენციების, ამანათების და სხვა სახის დოკუმენტაციის ადრესანტებისათვის დადგენილი მარშუტითა და წესით ოპერატიული მიწოდება. საქართველოს პრეზიდენტის, საქართველოს პარლამენტისა და მთავრობისათვის, ასევე ხელისუფლების სხვა დაწესებულებებში განსაკუთრებით მნიშვნელოვანი, საიდუმლო და სხვა კორესპონდენციების მიტანა. პოლიციაში საჯარო ინფორმაციის გაცემის ორგანიზება.

მუხლი 12. კადრების სამსახური

კადრების სამსახურის ძირითადი ამოცანაა: პოლიციის სისტემაში ერთიანი საკადრო პოლიტიკის განხორციელება, პოლიციის პირადი შემადგენლობის დაკომპლექტება და თვისობრივი გაუმჯობესება, მათი შერჩევა, განაწილება და პროფესიული დონის ამაღლება. საორგანიზაციო-საშტატო მუშაობის ორგანიზაცია. კომპეტენციის ფარგლებში პოლიციის მოსამსახურეთა მიერ სამსახურებრივი გადაცდომების გამოვლენა და სათანადო რეაგირება.

მუხლი 13. სპეციალურ გამოკვლევათა სამსახური

სპეციალურ გამოკვლევათა სამსახურის ძირითადი ამოცანაა: საჭიროების შემთხვევაში რევიზიის ან ინვენტარიზაციის ჩატარება. გამოძიებისა და მოკვლევის ორგანოებისათვის სპექციალური გამოკვლევათა ჩატარება და დასკვნების მომზადება.

მუხლი 14. მატერიალურ ტექნიკური და ფინანსური უზურნველყოფის უზუნველყოფის სამსახური

მატერიალურ-ტექნიკური და ფინანსური უზრუნველყოფის სამსახურის ძირითადი ამოცანაა: პოლიციის სისტემაში შემავალი ყველა დანაყოფის ეფექტური ფუნქციონირების ფინანსური და მატერიალურ-ტექნიკური უზრუნველყოფა. პოლიციის დანაყოფების ცენტრალიზირებული მომარაგება ყველა სახის კმაყოფით, კვარტალური და წლიური საფინანსო და სტატისტიკური ანგარიშების შედგენა და მათი დროულად წარდგენა.

მუხლი 15. ბუღალტერია

ბუღალტერიის ძირითადი ამოცანაა: პოლიციის სისტემაში შემავალი დანაყოფების ფინანსური უზრუნველყოფა; პოლიციის ნაერთი ბიუჯეტის პროექტის მომზადება; პოლიციის სისტემის ოგანოების ნაერთი ბალანსების შედგენა; ცენტრალური ბიუჯეტიდან გამოყოფილ ასიგნებათა განაწილება და ხარჯვის კონტროლის განხორციელება; პოლიციის თანამშრომელთა სტიმულირების და სოციალური დაცვის მექანიზმების შემუშავება.

მუხლი 16. სამართლებრივ საკითხთა და საერთაშორისო ურთიერთობათა სამსახური

სამართლებრივ საკითხთა და საერთაშორისო ურთიერთობათა სამსახურის ძირითადი ამოცანაა: საფინანსო-ეკონომიკურ სფეროში დანაშაულის წინააღმდეგ ბრძოლის საქმეში სხვა ქვეყნის სამართალდამცავ ორგანოებთან და საერთაშორისო ორგანიზაციებთან თანამშრომლობა, მიმოწერის ორგანიზება, პოლიციის საქმიანობის მარეგულირებელი საკანონმდებლო ნორმატიული აქტების მომზადების ორგანიზება; პოლიციაში საჩივრებისა და განცხადებების განხილვა (სამოქმედო დაცვის საკითხებზე); პოლიციის ინტერესების წარმოდგენა და დაცვა სასამართლოსა და სხვა ორგანოებში (გარდა სისხლის სამართლის საქმეებისა) სამართლებრივი საკითხების განხილვისას.

მუხლი 17. საზოგადოებასთან ურთიერთობის სამსახური

საზოგადოებასთან ურთიერთობის სამსახურის ძირითადი ამოცანაა: მასობრივი ინფორმაციის საშუალებებთან, არასამთავრობო და სხვა საზოგადოებრივ ორგანიზაციებთან პოლიციის ურთიერთობის უზრუნველყოფა და ხელშეწყობა, საზოგადოების ინფორმირება პოლიციის კომპეტენციას მიკუთნებული საქმიანობის განხორციელების თაობაზე.

მუხლი 18. სამორიგეო განყოფილება

სამორიგეო განყოფილების ძირითადი ამოცანაა: პოლიციის შენობა-ნაგებობებში მოქალაქეთა დაშვების ორგანიზება, საფინანსო-ეკონომიკურ სფეროში დანაშაულის შესახებ განცხადება -შეტყობინების მიღება და რეგისტრაცია, რეაგირების ორგანიზება. პოლიციის მიერ დაკავებულ და დაპატიმრებულ პირთა აღრიცხვა. პოლიციაზე რიცხული ცეცხლსასროლი იარაღის და კავშირგაბმულობის საშუალებების გაცემის ორგანიზება, დღეღამური ოპერატიული ვითარების ინფორმაციის მიღება-სისტემატიზაცია. პოლიციაზე რიცხული ავტოტრანსპორტის მომსახურება.

მუხლი 19. პოლიციის ოპერატიული დეპარტამენტი

1. პოლიციის ოპერატიული დეპარტამენტის ძირითადი ამოცანებია:

ა) საფინანსო-ეკონომიკის სფეროში დანაშაულისა და სხვა სამართალდარღვევების გამოვლენა-აღკვეთა, მათზე სათანადო რეაგირება, მათში მონაწილე პირის ან პირების დადგენა, მათ მიმართ კანონმდებლობით გათვალისწინებული ღონისძიებების განხორციელება;

ბ) საფინასო-ეკონომიკურ სფეროში სამოხელეო დანაშაულის და კორუფციულ გარიგებათა პრევენცია, აღკვეთა და გამოვლენა;

გ) მის კომპეტენციას მიკუთვნებულ საკითხებზე სისხლის სამართლის საქმეების აღძვრა, მოკვლევის წარმოება საქართველოს სისხლის სამართლის საპროცესო კოდექსით დადგენილი წესით;

დ) მოსამართლის, პროკურორის და გამომძიებლის წერილობითი დავალების, მითითებების შესრულება, საფინანსო-ეკონომომიკურ სფეროში საგამოძიებო მოქმედებების წარმოებისას კომპეტენციის ფარგლებში მათთვის დახმარების გაწევა;

ე) დანაშაულის გამოვლენა აღკვეთის მიზნით ოპერატიულ-სამძებრო საქმიანობა;

ვ) საბაჟო და საგადასახადო სახელმწიფო პოლიტიკის განხორციელებისათვის ხელის შეწყობა, რეკომენდაციათა შემუშავება ამ ურთიერთობის გაუმჯობესებისა და ბიუჯეტში გადასახადების სრულად და დროულად მობილიზაციის კუთხით;

ზ) საფინანსო-საბიჯეტო და ფულად საკრედიტო ურთიერთობათა სფეროში კანონმდებლობის დარღვევის ხელის შემწყობი მიზეზების გამოვლენა, პირობების შესწავლა ანალიზი და რეკომენდაციების შემუშავება.

2. პოლიციის ოპერატიული დეპარტამენტი ოპერატიულ სამძებრო საქმიანობას ახორციელებს ოპერატიულ-ანალიტიკური სამმართველოსა და პოლიციის ტერიტორიული ორგანოების (რომლებიც სამოქმედო ტერიტორიაზე ახორცილებენ მოკვლევასა და ოპერატიულ-სამძებრო საქმიანობას) მეშვეობით.

3. პოლიციის ოპერატიული დეპარტამენტის ოპერატიულ-ანალიტიკური სამმართველოს ძირითადი ამოცანაა: საფინანსო-ეკონომიკურ სფეროში დანაშაულის წინააღმდეგ ბრძოლის ორგანიზება-კოორდინაცია; დანაშაულის წინააღმდეგ ბრძოლის მდგომარეობის ხაზობრივი ანალიზი; დანაშაულის სახეების, ხერხების, მეთოდების განსაზღვრა და სათანადო ოპერატიულ-სამძებრო ღონისძიებების ორგანიზება; მნიშვნელოვან საქმეებზე მუშაობა და შესაბამისი რეაგირება; ფინანსური პოლიციის ტერიტორიული ორგანოებში ოპერატიულ-სამძებრო საქმიანობის ორგანიზება და კოორდინაცია. სამსახურის ტერიტორიული ორგანოების ინფორმაციულ-ანალიტიკური მუშაობის ორგანიზება..

4. პოლიციის ტერიტორიული (სამმართველო, განყოფილებები) ორგანოების ძირითადი ამოცანებია: სამოქმედო ტერიტორიაზე საფინანსო-ეკონომიკურ სფეროში დანაშაულისა და სამართალდარღვევების გამოვლენა - აღკვეთა; დანაშაულის შესახებ განცხადებებისა და შეტყობინებების მიღება, რეგისტრაცია და რეაგირება; დანაშაულის გამოვლენა აღკვეთის მიზნით ოპერატიულ-სამძებრო საქმიანობა. ადმინისტრაციულ სამართალდარღვევებზე კანონით დადგენილი წესით რეაგირება. სამოქმედო ტერიტორიაზე მოსამართლის, პროკურორის და გამომძიებლის წერილობით დავალების, მითითებების შესრულება, საფინანსო-ეკონომიკურ სფეროში საგამოძიებო მოქმედების წარმოებისას მათთვის დახმარების აღმოჩენა.

5. პოლიციის ოპერატიული დეპარტამენტის უფროსი:

ა) ხელმძღვანელობს დეპარტამენტის მუშაობას და პასუხს აგებს მის წინაშე მდგარი ამოცანების შესრულებაზე;

ბ) არის მოკვლევის ორგანოს უფროსი, იგი საერთო უწყებრივ ხელმძღვანელობას უწევს მოქმედი კანონმდებლობით დადგენილი წესით პოლიციის მოკვლევის ორგანოებს (სამმართველოებს, განყოფილებებს);

გ) პოლიციის უფროსს თანამდებობაზე დასანიშნად წარუდგენს დაქვემდებარებული სტრუქტურული ერთეულების საჯარო მოსამსახურეთა კანდიდატურებს;

დ) კომპეტენციის ფარგლებში იღებს გადაწყვეტილებებს ოპერატიულ-სამძებრო საქმიანობის განხორციელებაზე;

ე) საქართველოს კანონმდებლობის შესაბამისად სარგებლობს სხვა უფლებამოსილებებით;

მუხლი 20. პოლიციის მოკვლევის ორგანოების თანამდებობის პირთა უფლება–მოვალეობები

1. ამ მუხლით დადგენილ უფლებამოსილებას ახორციელებენ ოპერატიული დეპარტამენტის დანაყოფებების (სამსახურის, სამმართველოს, განყოფილებების) უფროსები და მათი მოადგილეები, კერძოდ:

ა) სწავლობენ და აანალიზებენ ხაზობრივად საფინანსო-ეკონომიკურ სფეროში დანაშაულის მდგომარეობას, მასთან ბრძოლის შედეგებს, სახავენ და ახორციელებენ ღონისძიებებს ამ მიმართულებით მუშაობის გაუმჯობესების მიზნით;

ბ) ადგენენ დანაყოფის სამუშაო და სპეციალურ გეგმებს, აწესებენ კონტროლს მათ შესრულებაზე, აჯამებენ დანაყოფის მიერ გაწეულ მუშაობას, შეიმუშავებენ და წარუდგენენ პოლიციის ხელმძღვანელობას წინადადებებს დანაყოფის მუშაობის შემდგომი სრულყოფის თაობაზე;

გ) უზრუნველყოფენ პირადი შემადგენლობის საქმიანობაში კანონიერების და პირადი დისციპლინის დაცვას, დახმარებას უწევენ მათ, რათა სისტემატურად აიმაღლონ პროფესიული მომზადების დონე; აფასებენ მათ მიერ გაწეულ მუშაობას და პოლიციის ხელმძვანელობას წარუდგენენ წინადადებებს დისციპლინარული პასუხისგებლობის ან წახალისების გამოყენების შესახებ;

დ) პოლიციის უფროსის მიერ განსაზღვრული კომპეტენციის ფარგლებში აწარმოებენ მიმოწერას მათ წინაშე მდგარი ამოცანების შესაბამისად;

ე) ორგანიზაციას უწევენ მოქალაქეთა განცხადებების და საჩივრების დროულ და ხარისხიან შესრულებას.

ვ) აღძრავს სისხლის სამართლის საქმეს და წარუდგენს პროკურორს დასამტკიცებლად, სისხლის სამართლის საპროცესო კოდექსის შესაბამისად იღებს გადაწყვეტილებას თავდაპირველი საგამოძიებო მოქმედების ჩასატარებლად;

ზ) პირადად გააჩნიათ ოპერატიული წყაროები და მონაწილეობენ განსაკუთრებულ საქმეებთან დაკავშირებული ოპერატიულ-სამძებრო ღონისძიებებში. აძლევენ მითითებებს და რეკომენდაციებს დანაყოფის პირად შემადგენლობას ოპერატიულ-სამძებრო საქმიანობის განხორციელებაში.

თ) განიხილავენ საფინანსო-ეკონომიკურ სფეროში ადმინისტრაციულ სამართალდარღვევათა საქმეებს, კანონმდებლობის შესაბამისად დამრღვევს ადებენ ადმინისტრაციულ სახდელს.

ი) ახორციელებენ კანონმდებლობით მინიჭებულ სხვა უფლებამოსილებებს.

მუხლი 21. პოლიციის საგამოძიებო დეპარტამენტის ორგანიზება

1. პოლიციის საგამოძიებო დეპარტამნტის ძირითადი ამოცანაა: საფინანსო-ეკონომიკურ სფეროში ჩადენილ დანაშულთა გახსნა, მათი ყოველმხრივი, სრული და ობიექტური გამოძიება; საქართველოს სისხლის სამართლის საპროცესო კოდექსით მისთვის მინიჭებული უფლებამოსილების განხორციელება.

2. პოლიციის საგამოძიებო დეპარტამენტი დაკისრებულ მოვალეობას ასრულებს საქართველოს მთელ ტერიტორიაზე და ფინქციონირებს ერთიანი, ცენტრალიზირებული წესით.

მუხლი 22. პოლიციის საგამოძიებო დეპარტამენტის სტრუქტურა

1. პოლიციის საგამოძიებო დეპარტამენტის სტრუქტურული ერთეულებია:

ა) კონტროლის სამმართველო.

ბ) განსაკუთრებულ მნიშვნელოვან საქმეთა გამოძიების სამმართველო;

გ) აღმოსავლეთის საგამოძიებო სამმართველო;

დ) დასავლეთის საგამოძიებო სამმართველო;

2. პოლიციის საგამოძიებო დეპარტამენტის კონტროლის სამმართველო საგამოძიებო დეპარტამენტის საგამოძიებო ორგანოებს პერიოდულად უწევს მეთოდურ და პრაქტიკულ დახმარებას. დანაშაულის გახსნისა და გამოძიების სრულყოფის მიზნით უზრუნველყოფს საგამოძიებო და ოპერატიული დანაყოფების ურთიერთშეთანხმებულ მუშაობას, სხვა საკონტროლო დავალებების შესრულებას. საგამოძიებო დეპარტამენტის უფროსის დავალების საფუძველზე ახორციელებს პოლიციის კომპეტენციას მიკუთვნებული სისხლის სამართლის საქმეების წინასწარ გამოძიებას.

3. პოლიციის საგამოძიებო დეპარტამენტის განსაკუთრებულ მნიშვნელოვან საქმეთა გამოძიების სამმართველო აწარმოებს რთული, მრავალეპიზოდიანი, აგრეთვე პოლიციის საგამოძიებო დეპარტამენტის უფროსის გადაწყვეტილებით განსაზღვრული სხვა სისხლის სამართლის საქმეების გამოძიებას.

4. პოლიციის საგამოძიებო დეპარტამენტის აღმოსავლეთის საგამოძიებო სამმართველო, კომპეტენციის ფარგლებში უზრუნველყოფს ქ.თბილისში, ქვემო ქართლის, კახეთის, მცხეთა-მთიანეთის, შიდა ქართლისა და სამცხე-ჯავახეთის მხერეში პოლიციის კომპეტენციას მიკუთვნებული სისხლის სამართლის დანაშაულობათა გამოძიებას.

5. პოლიციის საგამოძიებო დეპარტამენტის დასავლეთის საგამოძიებო სამმართველო, კომპეტენციის ფარგლებში უზრუნველყოფს იმერეთის, გურიის, სამეგრელო-ზემო სვანეთის და რაჭა ლეჩხუმ ქვემო სვანეთის მხარეში, აგრეთვე აჭარისა და აფხაზეთის ავტონომიურ რესპუბლიკებში პოლიციის კომპეტენციას მიკუთვნებული სისხლის სამართლის დანაშაულობათა გამოძიებას.

6. პოლიციის საგამოძიებო დეპარტამენტის უფროსი:

ა) ახორციელებს კონტროლს გამომძიებლის იმ მოქმედებათა შესრულების დროულობაზე, რომლებიც დანაშაულის გამოვლენისა და აცილებისკენაა მიმართული;

ბ) იღებს ზომებს, რათა ყოველმხრივ, სრულად და ობიექტურად მოხდეს სისხლის სამართლის საქმის წინასწარი გამოძიება, ამოწმებს სისხლის სამართლის საქმეს, წერილობით მითითებებს აძლევს გამომძიებელს წინასწარი გამოძიების წარმოებისას, ბრალდებულად პასუხისგებაში მიცემის, დანაშაულის კვალიფიკაციის, ბრალდების მოცულობის, საქმის წარმართვისა და ცალკეულ საგამოძიებო მოქმედებათა ჩატარებისას;

გ) ახორციელებს პოლიციის საგამოძიებო დეპარტამენტის თანამშრომელთა სამსახურებრივ ზედამხედველობას.

მუხლი 22¹ . (ამოღებულია)

მუხლი 23. პოლიციის სპეციალური დანიშნულების რაზმი

პოლიციის სპეციალური დანიშნულების რაზმის ძირითადი ამოცანაა: პოლიციის ოპერატიული დანაყოფების და სხვა სტრუქტურული ერთეულებისათვის დანაშაულისა და სამართალდარღვევების გამოვლენა-აღკვეთისას, საგამოძიებო მოქმედებების ჩატარებისას და სხვა ამოცანების განხორციელებისას დახმარების აღმოჩენა. პოლიციის შენობა ნაგებობების, დანაშაულის ადგილებისა, მტკიცებულებებისა და სხვა სპეციალური სადგომების დაცვა დანაშაულებრივი ხელყოფისაგან.

მუხლი 24. პოლიციის უფროსის სათათბირო ორგანოები

1. პოლიციის უფროსს შეუძლია თავისი მმართველობის სფეროში შექმნას კომისიები და საბჭოები (შემდგომში კომისია), სათათბირო უფლებებით და განსაზღვროს მათი მოვალეობები.

2. კომისია იქმნება პოლიციის უფროსის ბრძანებით, რომლითაც განისაზღვრება კომისიის ამოცანები, თავმჯომარე (საჭიროების შემთხვევაში – თავმჯდომარის მოადგილე) და წევრები, ამოცანის შესრულების ვადა და მომსახურე სრტუქტურული ქვედანაყოფი.

3. კომისიის წევრად შეიძლება მოწვეულ იქნეს სხვა სამთავრობო დაწესებულების მოსამსახურე, ამ დაწესებულების ხელმძღვანელის თანხმობით. კომისიის მუშაობაში შეიძლება თავიანთი თანხმობით ჩართული იქნან პირები, რომლებიც არ არიან სახელმწიფო მოხელეები.

4. კომისიის საქმიანობისას და კომისიის სხდომაზე საოქმო გაფორმებას უზრუნველყოფს კომისიის მოსამსახურე სტრუქტურული ქვედანაყოფი, ან თავმჯდომარის აპარატი.

5. კომისია უფლებამოსილია მის წინაშე მდგარი ამოცანების შესრულების მიზნით გამოითხოვოს აუცილებელი დოკუმენტაცია.

6. კომისიის თავმჯდომარე ანგარიშვალდებულია პოლიციის უფროსის წინაშე, თუ კომისიის შექმნისას სხვა რამ არ იყო გათვალისწინებული.

7. კომისიის მუშაობისას დამატებითი სამსახურებრივი მოვალეობის შესრულება შეიძლება ანაზღაურდეს დადგენილი წესით.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს ფინანსთა მინისტრის ბრძანება №163„საქართველოს ფინანსთა სამინისტროს ფინანსური პოლიციის დებულების დამტკიცების შესახებ“, №163, 18.03.2004, სარეგისტრაციო კოდი 190010000.11.117.006408 (კონსოლიდირებული რედაქცია 06.12.2004). ხელმისაწვდომია: https://legali.ge/law/1360201-3/

შემდგომი ცვლილებები (7)

წინა ცვლილებები (3)

დოკუმენტის ტექსტი

მუხლი 8. ოპერატიული აღრიცხვის სამსახური🔗

მუხლი 9. სპეციალურ დავალებათა სამმართველო🔗

მუხლი 91. ოპერატიულ-ტექნიკური უზრუნველყოფის სამმართველო🔗

მუხლი 221 . (ამოღებულია)🔗

მუხლი 1. ზოგადი დებულებები🔗

მუხლი 2. პოლიციის ამოცანები🔗

მუხლი 3. პოლიციის უფლებამოსილება.🔗

მუხლი 4. პოლიციის მოვალეობები🔗

მუხლი 5. პოლიციის მართვა🔗

მუხლი 6. პოლიციის სტრუქტურა:🔗

მუხლი 7. (ამოღებულია)🔗

მუხლი 8. ოპერატიული აღრიცხვის სამმართველო🔗

მუხლი 9. სპეციალურ დავალებათა სამმართველო🔗

მუხლი 91. ოპერატიულ-ტექნიკური უზრუნველყოფის სამმართველო🔗

მუხლი 91. ოპერატიულ-ტექნიკური უზრუნველყოფის დეპარტამენტი🔗

მუხლი 10. სტატისტიკური აღრიცხვისა და საინფორმაციო სამმართველო🔗

მუხლი 11. კანცელარია🔗

მუხლი 12. კადრების სამსახური🔗

მუხლი 13. სპეციალურ გამოკვლევათა სამმართველო🔗

მუხლი 14. მატერიალურ ტექნიკური და ფინანსური უზურნველყოფის უზუნველყოფის სამსახური🔗

მუხლი 15. ბუღალტერია🔗

მუხლი 16. სამართლებრივ საკითხთა და საერთაშორისო ურთიერთობათა სამსახური🔗

მუხლი 17. საზოგადოებასთან ურთიერთობის სამსახური🔗

მუხლი 18. სამორიგეო განყოფილება🔗

მუხლი 19. (ამოღებულია)🔗

მუხლი 20. პოლიციის ოპერატიულ-საგამოძიებო ორგანოების თანამდებობის პირთა უფლება-მოვალეობები🔗

მუხლი 21. პოლიციის საგამოძიებო დეპარტამენტი🔗

მუხლი 22. (ამოღებულია)🔗

მუხლი 221 . (ამოღებულია)🔗

მუხლი 23. პოლიციის სპეციალური დანიშნულების რაზმი🔗

მუხლი 24. პოლიციის უფროსის სათათბირო ორგანოები🔗

როგორ დავიმოწმოთ