„ფინანსური პოლიციის შესახებ” (საქართველოს საკანონმდებლო მაცნე III, 04.03.2004, №5, მუხლი 11.) საქართველოს კანონის 26-ე მუხლის მე-3 პუნქტის ა) ქვეპუნქტის საფუძველზე, ვბრძანებ:

1. დამტკიცდეს საქართველოს ფინანსთა სამინისტროს ფინანსური პოლიციის თანდართული დებულება.

2. ბრძანება ამოქმედდეს გამოქვეყნებისთანავე.

მინისტრის მოვალეობის

შემსრულებელი ზ. სოსელია

შეტანილი ცვლილებები:

1.საქართველოს ფინანსთა მინისტრის 2004 წლის 31 მარტის ბრძანება №205-სსმIII,№36,02.04.2004წ., მუხ.299

2.საქართველოს ფინანსთა მინისტრის 2004 წლის 8 ნოემბრის ბრძანება №728-სსმIII,№127,08.11.2004წ., მუხ.1134

3.საქართველოს ფინანსთა მინისტრის 2004 წლის 6 დეკემბრის ბრძანება №792-სსმIII,№143,07.12.2004წ., მუხ.1290

4.საქართველოს ფინანსთა მინისტრის 2005 წლის 11 მაისის ბრძანება №316-სსმIII,№56,13.05.2005წ., მუხ.620

5.საქართველოს ფინანსთა მინისტრის 2005 წლის 6 ოქტომბრის ბრძანება №995-სსმIII,№117,07.10.2005წ., მუხ.1295

6.საქართველოს ფინანსთა მინისტრის 2006 წლის 20 იანვრის ბრძანება №58-სსმIII,№11,27.01.2006წ., მუხ.129

საქართველოს ფინანსთა სამინისტროს ფინანსური პოლიციის

დ ე ბ უ ლ ე ბ ა

თავი I. შესავალი

მუხლი 1. ზოგადი დებულებები

1. საქართველოს ფინანსთა სამინისტროს ფინანსური პოლიცია (შემდგომში – პოლიცია) არის საქართველოს ფინანსთა სამინისტროს სისტემაში სახელმწიფო საქვეუწყებო დაწესებულების სტატუსით შემავალი სპეციალური სამართალდამცავი ორგანო, რომელიც არსებული კანონმდებლობის შესაბამისად ახორციელებს საფინანსო-ეკონომიკურ სფეროში დანაშაულის წინააღმდეგ ბრძოლას, სისხლის სამართლის საპროცესო კანონმდებლობით მის კომპეტენციას მიკუთნებულ საქმეთა წინასწარ გამოძიებას და კანონმდებლობით დადგენილ სხვა ფუნქციებს.

2. პოლიციის საქმიანონის სამართლებრივი საფუძვლებია საქართველოს კონსტიტუცია, საქართველოს საერთაშორისო ხელშეკრულებები, საგადასახადო და საბაჟო კანონმდებლობა, სისხლის სამართლის საპროცესო კანონმდებლობა, საქართველოს კანონი “ოპერატიულ-სამძებრო საქმიანობის შესახებ”, საქართველოს კანონი “ფინანსური პილიციის შესახებ”, სხვა კანონმდებლობა და კანონქვემდებარე აქტები.

3. პოლიცია ფინანსდება საქართველოს ცენტრალური ბიუჯეტიდან.

4. თავისი უფლებამოსილების განხორციელებისას პოლიცია წარმოადგენს სახელმწიფოს.

5. პოლიცია ანგარიშვალდებულია საქართველოს პრეზიდენტისა და საქართველოს ფინანსთა მინისტრის წინაშე, რომელიც წარმართავს და კოორდინაციას უწევს პოლიციის საქმიანობას და ახორციელბს ზედამხედველობას საქართველოს კანონმდებლობით დადგენილი წესით.

6. პოლიცია წარმართავს თავის საქმიანობას კანონიერების, პიროვნების ღირსების პატივისცემის, სამართლიანობის, ჰუმანიზმისა და საჯაროობის პრინციპებზე დაყრდნობით, მას არ აქვს უფლება გაამჟღავნოს მოქალაქის პირადი ცხოვრების, მისი პატივისა და პირადი ღირსების შემლახავი ინფორმაცია, აგრეთვე სახელმწიფო თუ კანონმდებლობით დაცული ინფორმაცია. ოპერატიულ-სამძებრო ხასიათის ინფორმაცია ან წინასწარი გამოძიების მასალების გახმაურება დასაშვებია მხოლოდ კანონმდებლობით დადგენილი წესით.

7. პოლიციის სრული დასახელებაა: საქართველოს ფინანსთა სამინისტროს ფინანსური პოლიცია.

8. პოლიციის იურიდიული მისამართია: ქ. თბილისი, უნივერსიტეტის ქ. №2.

საქართველოს ფინანსთა მინისტრის 2005 წლის 11 მაისის ბრძანება №316-სსმIII,№56,13.05.2005წ., მუხ.620

საქართველოს ფინანსთა მინისტრის 2005 წლის 6 ოქტომბრის ბრძანება №995-სსმIII,№117,07.10.2005წ., მუხ.1295

მუხლი 2. პოლიციის ამოცანები

1. პოლიციის საქმიანობის მიზნები და ამოცანებია:

ა) საფინანსო-ეკონომიკურ სფეროში დანაშაულის გამოვლენა, თავიდან აცილება და წინასწარი გამოძიება საქართველოს სისხლის სამარათლის საპროცესო კოდექსით და საქართველოს სხვა ნორმატიული აქტებით მინიჭებული უფლებამოსილების ფარგლებში.

ბ) საფინანსო-ეკონომიკურ სფეროში ადმინისტრაციულ სამართალდარღვევათა პრევენცია და გამოვლენა ადმინისტაციულ სამართალდარღვევათა კოდექსითა და სხვა ნორმატიული აქტებით მინიჭებული უფლებამოსილების საფუძველზე;

გ) ფინანსთა სამინისტროს სისტემის საქმიანობის უსაფრთხოების და სამსახურებრივი მოვალეობის შესრულების პროცესში ამ ორგანოთა თანამშრომლების მართლსაწინააღმდეგო ხელყოფისაგან დაცვის უზრუნველყოფა;

დ) საფინანსო-ეკონომიკურ სფეროში სამოხელეო დანაშაულის და კორუფციულ გარიგებათა პრევენცია, აღკვეთა და გამოვლენა;

ე) კომპეტენციის ფარგლებში ინფორმაციის მოპოვება, გადამუშავება და მისი ანალიზი;

ვ) კადრების გადამზადება და კვალიფიკაციის ამაღლება;

ზ) საფინანსო-ეკონომიკურ საფეროში დანაშაულის წინააღმდეგ ბრძოლის საქმეში, სხვა ქვეყნის სამართალდამცავ ორგანოებთან და საერთაშორისო ორგანიზაციებთან თანამშრომლობა კომპეტენციის ფარგლებში;

2. პოლიციას არ შეიძლება დაეკისროს ისეთი ამოცანის შესრულება , რომელიც პირდაპირ არ არის განსაზღვრული “ფინანსური პოლიციის შესახებ “ საქართველოს კანონით.

თავი II. პოლიციის უფლება-მოვალეობები

მუხლი 3. პოლიციის უფლებამოსილება.

1. პოლიცია (უფლებამოსილი პირი) უფლებამოსილია თავისი კომპეტენციის ფარგლებში:

ა) განახორციელოს ოპერატიულ-სამძებრო საქმიანობა, გამოავლინოს, გახსნას და აღკვეთოს დანაშაული საფინანსო-ეკონომიკურ სფეროში, აწარმოოს წინასწარი გამოძიება, გამოიყენოს ფიზიკური იძულება კანონით დადგენილ ფარგლებში და წესით;

ბ) საფინანსო-ეკონომიკურ სფეროში ჩადენილ დანაშაულზე აღძრას სისხლის სამართლის საქმე ან უარი თქვას მის აღძვრაზე;

გ) ჩაატაროს სისხლის სამართლის საპროცესო კოდექსით გათვალისწინებული ყველა საგამოძიებო და საპროცესო მოქმედება, გამოითხოვოს მოსამართლის ბრძანება კანონმდებლობით დადგენილ შემთხვევაში და დადგენილი წესით;

დ) საჭიროების შემთხვევაში მიიღოს გადაწყვეტილება რევიზიის ან ინვენტარიზაციის ჩატარებაზე, მოითხოვოს საუწყებო შემოწმების ჩატარება და გამოძიებისათვის საჭირო დოკუმენტების წარდგენა;

ე) მოიპოვოს, დაამუშავოს და ანალიზი გაუკეთოს პოლიციის საქმიანობასთან დაკავშირებულ ინფორმაციას და განახორციელოს სტრატეგიული დაგეგმვა;

ვ) სამსახურებრივი მოვალეობის შესრულების მიზნით საგადასახადო და საბაჟო ორგანოებიდან მოითხოვოს და მიიღოს ცალკეული გადასახადის გადამხდელის შესახებ იდენტიფიცირებული ინფორმაცია;

ზ) კანონმდებლობით დადგენილი წესით შეადგინოს ადმინისტრაციულ სამართალდარღვევათა ოქმი, განიხილოს და გადაწყვიტოს ადმინისტრაციულ სამართალდარღვევათა საქმეები, დამრღვევს შეუფარდოს ადმინისტრაციული სახდელი;

თ) დანაშაულისა თუ სხვა სამართალდარღვევის შესახებ საკმარისი მონაცემების არსებობისას გააჩეროს და დაათვალიეროს სატრანსპორტო საშუალებები, ასევე შეამოწმოს მოქალაქის პირადობის დამადასტურებელი საბუთები;

ი) შეიმუშავოს ერთობლივი ღონისძიებები სხვა სამართალდამცავ ორგანოებთან, მასზე დაკისრებული ამოცანების შესრულების უზრუნველსაყოფად;

კ) საფუძვლიანი ეჭვის არსებობისას მიმართოს საბაჟო ორგანოებს მოაახდინონ საბაჟო კონტროლს დაქვემდებარებული საქონელი და სატრასპორტო საშუალებების, აგრეთვე საცავების და სხვა ადგილების (სადაც იმყოფება ან შეიძლება იმყოფებოდეს საბაჟო კონტროლს დაქვემდებარებული საქონლეი და სატრასპორტო საშუალებები) საბაჟო შემოწმება (საბაჟო დათვალიერება), დაესწროს საბაჟო შემოწმებას (საბაჟო დათვალიერებას);

ლ) სისხლის სამართლის ან ადმინისტრაციულ სამართალდარღვევათა საქმის წარმოებასთან დაკავშირებით, გამოიძახოს ფიზიკური პირი, მოსთხოვოს ახსნა-განმარტება და საქმესთან (მასალებთან) დაკავშირებული საჭირო დოკუმენტები;

მ) მოახდინოს პირის (საქონლისა და სატრასპორტო საშუალებების) დაკავება სისხლის სამართლის საპროცესო და ადმინისტრაციულ სამართალდარღვევათა კოდექსის შესაბამისად;

ნ) კომპეტენციის ფარგლებში ითანამშრომლოს საფინანსო-ეკონომიკურ სფეროში დანაშაულის წინააღმდეგ ბრძოლის საქმეში, სხვა ქვეყნის სამართალდამცავ ორგანოებთან და საერთაშორისო ორგანიზაციებთან;

ო) განახორციელოს კანონმდებლობით განსაზღვრული სხვა უფლებამოსილება;

2. პოლიციის თანამშრომელს უფლება აქვს შეინახოს, ატაროს და გამოიყენოს სამსახურებლივ-საშტაო და შესაბამისი კანონით ნებადართული სხვა სახის იარაღი.

3. სამსახურებრივი მოვალეობის შესრულებისას პოლიციის თანამშრომელს მინიჭებული უფლებების ფარგლებში კანონით დადგენილი წესით უფლება აქვს გამოიყენოს ფიზიკური იძულება, სპეციალური საშუალებები და სამსახურებრივ-საშტატო და სამხედრო საბრძოლო იარაღი.

მუხლი 4. პოლიციის მოვალეობები

პოლიცია კანონმდებლობით განსაზღვრული ამოცანების შესაბამისად ვალდებულია:

ა) გამოავლინოს, გახსნას და აღკვეთოს საფინანსო-ეკონომიკურ სფეროში დანაშაული და სხვა სამართალდარღვევა;

ბ) შეისწავლოს საფინანსო-ეკონომიკურ სფეროში დანაშაულისა და სხვა სამართალდარღვევების გამომწვევი მიზეზები და პირობები, მიიღოს ზომები მათ აღმოსაფხვრელად;

გ) საფინანსო-ეკონომიკურ სფეროში ჩადენილ დანაშაულზე დაიწყოს გამოძიება;

დ) კანონით დადგენილი წესით განიხილოს და მიიღოს გადაწყვეტილებები მის კომპეტენციას მიკუთვნებულ სისხლის სამართლის დანაშაულისა და ადმინისტრაციულ სამართალდარღვევათა საქმეებზე;

ე) შეასრულოს მოსამართლის, პროკურორის წერილობითი დავალებები, მითითებები საფინანსო-ეკონომიკურ სფეროში საგამოძიებო ან ოპერატიულ-სამძებრო მოქმედებების შესრულების დროს. დახმარება აღმოუჩინოს მათ საგამოძიებო მოქმედებების წარმოებისას;

ვ) მიიღოს და რეგისტრაციაში გაატაროს საფინანსო-ეკონომიკურ სფეროში დანაშაულისა და სამართალდარღვევების შესახებ შემოსული განცხადება, შეტყობინება, დაუყოვნებლივ მოახდინოს მათზე რეაგირება;

ზ) შესაძლებლობა მისცეს დაკავებულს ან დაპატიმრებულ პირს კანონის შესაბამისად განახორციელოს სამართლებრივი დაცვის უფლება;

თ) შეასრულოს კანონმდებლობით გათვალისწინებული სხვა მოვალეობები.

2. სამსახურებრივი მოვალეობის შესრულებისას, პოლიციის თანამშრომელი ვალდებულია ზედმიწევნით დაიცვას მოქალაქის კანონიერი უფლებები. მოქალაქის უფლებების შეზღუდვა განახორციელოს მხოლოდ კანონით დადგენილი წესით. მოქალაქის უფლებების იძულებითი შეზღუდვის ყოველ ცალკეულ შემთხვევაში, პოლიციის თანამშრომელი მოქალაქეს, მის წინაშე წარდგომისას წარუდგენს პირადობის მოწმობას (სამსახურებრივ ჟეტონს), განუმარტავს მისი უფლებების კონკრეტული შეზღუდვის გამოყენების საფუძველს. პოლიციის თანამშრომელი ვალდებულია მოქალაქესთან ურთიერთობისას ზუსტად დაიცვას სამსახურებრივი ეთიკის ნორმები.

თავი III. პოლიციის სტრუქტურა და მართვა

მუხლი 5. პოლიციის მართვა

1. პოლიციას ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი საქართველოს ფინანსთა მინისტრის წარდგინებით, საქართველოს პრემიერ-მინისტრთან შეთანხმებით.

2. პოლიციის უფროსი:

ა) ხელმძღვანელობს პოლიციას და პასუხისგებელია კანონმდებლობით დაკისრებული მოვალეობის ჯეროვანი შესრულებისათვის;

ბ) თავისი კომპეტენციის ფარგლებში იღებს გადაწყვეტილებებს პოლიციის გამგებლობის სფეროსთვის მიკუთვნებულ საკითხებზე, მოქმედებს სახელმწიფოს სახელით;

გ) თვალყურს ადევნებს პოლიციის სტრუტურული ქვედანაყოფებისა და ერთეულების მიერ თავიანთი მოვალეობის შესრულებას და ახორციელებს სამსახურებრივ ზედამხედველობას პოლიციის მოსამსახურეების საქმიანობასა და მათ მიერ მიღებულ გადაწყვეტილებებზე კანონმდებლობით დადგენილი წესით;

დ) თანამდებობაზე ნიშნავს და თანამდებობიდან ათავისუფლებს პოლიციის საშტატო განრიგით გათვალისწინებულ მოსამსახურეებს, გარდა ამ მუხლის მე-5 პუნქტით გათვალისწინებული მოსამსახურეებისა;

ე) ანაწილებს პოლიციის მოსამსახურეთა შორის ფუნქციონალურ მოვალეობებს, განსაზღვრავს მათი პერსონალური პასუხისმგებლობის საკითხებს, კომპეტენციის ფარგლებში ახორციელებს მათ მიმართ წახალისებასა და დისციპლინურ ზემოქმედებას;

ვ) საქართველოს ფინანსთა მინისტრთან შეაქვს წინადადებები პოლიციის თანამშრომელთა მიმართ დისციპლინარული ან წახალისების ზომების გამოყენების შესახებ;

ზ) პასუხისგებელია პოლიციისათვის გამოყოფილი საბიუჯეტო სახსრების, ასევე მატერიალურ ტექნიკური ფასეულობების (მათ შორის შეიარაღების, საბრძოლო მასალის, სპეციალური ტექნიკის, სპეციალური საშუალებების და ა.შ.) მიზნობრივ ხარჯვასა და გამოყენებაზე;

თ) დასამტკიცებლად წარუდგენს საქრთველოს ფინანსთა მინისტრს პოლიციის დებულების პროექტს, სტრუქტურას, ხარჯთაღრიცხვასა და საშტატო განრიგს, ასევე ნორმატიულ აქტებში ცვლილებების პროექტებს;

ი) ფინანსთა მინისტრის მიერ განსაზღვრული პერიოდულობით წარუდგენს საქართველოს პრეზიდენტსა და საქართველოს ფინანსთა მინისტრს ანგარიშს პოლიციის მიერ გაწეული საქმიანობის შესახებ და ინფორმაციას პოლიციის საქმიანობის პრიორიტეტული მიმართულებების თაობაზე. ასევე აწვდის მათ ოპერატიული ვითარების შესახებ ინფომრაციას;

კ) პოლიციის კომპეტენციის სფეროს მიკუთნებულ საკითხებზე გამოსცემს ინდივიდუალურ-სამართლებრივ აქტებს; გამოსცემს მეთოდურ მითითებებს, რომელთა შესრულება სავალდებულოა პოლიციის მოსამსახურეთათვის;

ლ) თავისი კომპეტენციის ფარგელებში ანიჭებს სპეციალურ წოდებებს და შუამდგომლობს ფინანსთა მინისტრის წინაშე პოლიციის თანამშრომლებისათვის შესაბამისი სპექციალური წოდებათა მინიჭების თაობაზე;

მ) საქართველოს ფინანსთა მინისტრს წარუდგენს წინადადებებს პოლიციის მატერიალურ-ტექნიკური უზრუნველყოფის თაობაზე;

ნ) წარუდგენს წინადადებებს ფინანსთა მინისტრს პოლიციაში სამსახურის გავლის საკითხების გადაწყვეტის შესახებ;

ო) კომპეტენციის ფარგლებში იღებს გადაწყვეტილებებს ოპერატიულ-სამძებრო საქმიანობის განხორციელებაზე;

პ) საქართველოს კანონმდებლობის შესაბამისად სარგებლობს სხვა უფლებამოსილებებით;

რ) კომპეტენციის ფარგლებში ძალადაკარგულად ცნობს მოადგილის, პოლიციის სტრუქტურული ერთეულების თანამდებობის პირების გადაწყვეტილებებს, რომლებიც არ შეესაბამება საქართველოს კანონმდებლობას ან ლახავს ადამიანის კანონიერ უფლებებს;

ჟ) თავისი ბრძანებით ქმნის პოლიციის უფროსის სათათბირო ორგანო-საბჭოს, რომლის რიცხოვნობას, პერსონალურ შემადგენლობას განსაზღვრავს ბრძანებით;

ს) ახორციელებს საქართველოს კანონმდებლობით მინიჭებულ სხვა უფლებამოსილებებს;

3. პოლიციის უფროსს ჰყავს ორი მოადგილე, რომელთა უფლებამოსილება განისაზღვრება პოლიციის უფროსის ბრძანებით;

4. პოლიციის უფროსის არყოფნის შემთხვევაში მის მოვალეობას ასრულებს მისი ერთ-ერთი მოადგილე პოლიციის უფროსის ბრძანებით;

5. პოლიციის უფროსის მოადგილეებს, პოლიციის სტრუქტურული ქვედანაყოფების უფროსებსა და მათ მოადგილეებს კანონმდებლობით დადგენილი წესით თანამდებობაზე ნიშნავს და თანადებობიდან ათავისუფლებს საქართველოს ფინანსთა მინისტრი ფინანსური პოლიციის უფროსის წარდგინებით.

6.(ამოღებულია).

საქართველოს ფინანსთა მინისტრის 2006 წლის 20 იანვრის ბრძანება №58-სსმIII,№11,27.01.2006წ., მუხ.129

მუხლი 6. პოლიციის სტრუქტურა:

1. პოლიცია დაკისრებულ მოვალეობებს ასრულებს საქართველოს მთელ ტერიტორიაზე და ფუნქციონირებს ერთიანი ცენტრალიზირებული წესით.

2. პოლიციის სტრუქტურა შედგება:

ა) ოპერატიული აღრიცხვის სამმართველო;

ბ) სპეციალურ დავალებათა სამმართველო;

გ) სტატისტიკის, აღრიცხვისა და საინფორმაციო სამმართველო;

დ) კანცელარია;

ე) კადრების სამსახური;

ვ) სპეციალურ გამოკვლევათა სამმართველო;

ზ) მატერიალურ-ტექნიკური და ფინანსური უზრუნველყოფის სამსახური;

თ) ბუღალტერია;

ი) სამართლებრივ საკითხთა და საერთაშორისო ურთიერთობის სამსახური;

კ) საზოგადოებასთან ურთიერთობის სამსახური;

ლ) ოპერატიულ-ტექნიკური უზრუნველყოფის დეპარტამენტი;

მ) პოლიციის საგამოძიებო დეპარტამენტი;

ნ) პოლიციის სპეციალური დანიშნულების რაზმი.

საქართველოს ფინანსთა მინისტრის 2004 წლის 31 მარტის ბრძანება №205-სსმIII,№36,02.04.2004წ., მუხ.299

საქართველოს ფინანსთა მინისტრის 2004 წლის 8 ნოემბრის ბრძანება №728-სსმIII,№127,08.11.2004წ., მუხ.1134

საქართველოს ფინანსთა მინისტრის 2004 წლის 6 დეკემბრის ბრძანება №792-სსმIII,№143,07.12.2004წ., მუხ.1290

მუხლი 7. (ამოღებულია)

მუხლი 8. ოპერატიული აღრიცხვის სამმართველო

ოპერატიული აღრიცხვის სამმართველოს ძირითადი ამოცანაა: ოპერატიული ინფორმაციის, ოპერატიული აღრიცხვის საქმეების და საიდუმლო თანამშრომელთა აპარატის აღრიცხვა. პოლიციის დანაყოფებისათვის ოპერატიულ-სამძებრო საქმიანობის განხორციელებისათვის მეთოდური და პრაქტიკული დახმარების გაწევა. პოლიციის სისტემაში საიდუმლო რეჟიმის, კონსპირაციის დაცვის უზრუნველყოფა და კონტროლი.

საქართველოს ფინანსთა მინისტრის 2004 წლის 6 დეკემბრის ბრძანება №792-სსმIII,№143,07.12.2004წ.,

მუხ.1290

მუხლი 9. სპეციალურ დავალებათა სამმართველო

სპეციალურ დავალებათა სამმართველოს ძირითადი ამოცანაა: საფინანსო-ეკონომიკურ სფეროში სამოხელეო დანაშაულის (მათ შორის, პოლიციის პირადი შემადგენლობის მიერ ჩადენილი დანაშაულის) და კორუფციულ გარიგებათა გამოვლენა-აღკვეთის მიზნით ოპერატიულ-სამძებრო ღონისძიებების განხორციელება; კომპეტენციის ფარგლებში პოლიციის უფროსის სპეციალურ დავალებათა შესრულება.

მუხლი 9¹. ოპერატიულ-ტექნიკური უზრუნველყოფის დეპარტამენტი

ოპერატიულ-ტექნიკური უზრუნველყოფის დეპარტამენტის ძირითადი ამოცანაა: პოლიციის ოპერატიულ-საგამოძიებო დანაყოფების ოპერატიულ-ტექნიკური უზრუნველყოფა, სპეციალური საშუალებების და სპეციალიზირებული დანაყოფების გამოყენებით ოპერატიულ-სამძებრო ღონისძიებების განხორციელება.

მუხლი 10. სტატისტიკური აღრიცხვისა და საინფორმაციო სამმართველო

პოლიციის სტატისტიკური აღრიცხვისა და საინფორმაციო სამმართველოს ძირითადი ამოცანაა: პოლიციის სისტემაში დანაშაულობათა (მათში მონაწილე პირთა) და სამართალდარღვევათა აღრიცხვა-სისტემატიზაცია, სტატისტიკური ანალიზი, საინფორმაციო საძიებო კომპიუტერული სისტემების დანერგვა და ექსპლუატაცია. სახელმწიფო დაწესებულებებიდან, საბაჟო და საგადასხადო სამსახურებიდან, ასევე კანონით დასაშვები წყაროებიდან პოლიციის ფუნქციონი-რებისათვის საჭირო ინფორმაციის მოგროვება, სისტემატიზაცია და მათი ოპერატიულ-საგამოძიებო ორგანოებისათვის მიწოდება; პოლიციის დანაყოფებიდან დადგენილი წესით გაწეული მუშაობის შედეგების, ასევე მათი კონტროლის განხორციელების მიზნით ანგარიშების მიღება, თავისი კომპეტენციის ფარგლებში სისტემატიზაცია და ანალიზი; პოლიციის ორგანოების მუშაობის შემაჯამებელი ანგარიშების მომზადება.

მუხლი 11. კანცელარია

კანცელარიის ძირითადი ამოცანაა: პოლიციის უფროსთან თათბირების მომზადება და ოქმების გაფორმება, პოლიციაში შემოსული კორესპონდენციების აღრიცხვა და დამუშავება; პოლიციის უფროსის მიერ გამოცემული ბრძანებებისა და მითითებების აღრიცხვა-რეგისტრაცია და დაგზავნა, პოლიციის დანაყოფებში საქმისწარმოების ორგანიზება, პოლიციის დანაყოფებში საჩივარ-განცხადებების განხილვასა და მოქალაქეთა მიღების ორგანიზება. განსაკუთრებით მნიშვნელოვანი საიდუმლო, სრულიად საიდუმლო კორესპონდენციების, ამანათების და სხვა სახის დოკუმენტაციის ადრესანტებისათვის დადგენილი მარშუტითა და წესით ოპერატიული მიწოდება. საქართველოს პრეზიდენტის, საქართველოს პარლამენტისა და მთავრობისათვის, ასევე ხელისუფლების სხვა დაწესებულებებში განსაკუთრებით მნიშვნელოვანი, საიდუმლო და სხვა კორესპონდენციების მიტანა. პოლიციაში საჯარო ინფორმაციის გაცემის ორგანიზება.

მუხლი 12. კადრების სამსახური

კადრების სამსახურის ძირითადი ამოცანაა: პოლიციის სისტემაში ერთიანი საკადრო პოლიტიკის განხორციელება, პოლიციის პირადი შემადგენლობის დაკომპლექტება და თვისობრივი გაუმჯობესება, მათი შერჩევა, განაწილება და პროფესიული დონის ამაღლება. საორგანიზაციო-საშტატო მუშაობის ორგანიზაცია. კომპეტენციის ფარგლებში პოლიციის მოსამსახურეთა მიერ სამსახურებრივი გადაცდომების გამოვლენა და სათანადო რეაგირება.

მუხლი 13. სპეციალურ გამოკვლევათა სამმართველო

სპეციალურ გამოკვლევათა სამმართველოს ძირითადი ამოცანაა: საჭიროების შემთხვევაში სისხლის სამართლის საპროცესო კანონმდებლობის შესაბამისად, საფინანსო-ეკონომიკურ სფეროში დანაშაულის გამოვლენა-აღკვეთის მიზნით სპეციალური და საექსპერტო გამოკვლევების ჩატარება.

მუხლი 14. მატერიალურ ტექნიკური და ფინანსური უზურნველყოფის უზუნველყოფის სამსახური

მატერიალურ-ტექნიკური და ფინანსური უზრუნველყოფის სამსახურის ძირითადი ამოცანაა: პოლიციის სისტემაში შემავალი ყველა დანაყოფის ეფექტური ფუნქციონირების ფინანსური და მატერიალურ-ტექნიკური უზრუნველყოფა. პოლიციის დანაყოფების ცენტრალიზირებული მომარაგება ყველა სახის კმაყოფით, კვარტალური და წლიური საფინანსო და სტატისტიკური ანგარიშების შედგენა და მათი დროულად წარდგენა.

მუხლი 15. ბუღალტერია

ბუღალტერიის ძირითადი ამოცანაა: პოლიციის სისტემაში შემავალი დანაყოფების ფინანსური უზრუნველყოფა; პოლიციის ნაერთი ბიუჯეტის პროექტის მომზადება; პოლიციის სისტემის ოგანოების ნაერთი ბალანსების შედგენა; ცენტრალური ბიუჯეტიდან გამოყოფილ ასიგნებათა განაწილება და ხარჯვის კონტროლის განხორციელება; პოლიციის თანამშრომელთა სტიმულირების და სოციალური დაცვის მექანიზმების შემუშავება.

მუხლი 16. სამართლებრივ საკითხთა და საერთაშორისო ურთიერთობათა სამსახური

სამართლებრივ საკითხთა და საერთაშორისო ურთიერთობათა სამსახურის ძირითადი ამოცანაა: საფინანსო-ეკონომიკურ სფეროში დანაშაულის წინააღმდეგ ბრძოლის საქმეში სხვა ქვეყნის სამართალდამცავ ორგანოებთან და საერთაშორისო ორგანიზაციებთან თანამშრომლობა, მიმოწერის ორგანიზება, პოლიციის საქმიანობის მარეგულირებელი საკანონმდებლო ნორმატიული აქტების მომზადების ორგანიზება; პოლიციაში საჩივრებისა და განცხადებების განხილვა (სამოქმედო დაცვის საკითხებზე); პოლიციის ინტერესების წარმოდგენა და დაცვა სასამართლოსა და სხვა ორგანოებში (გარდა სისხლის სამართლის საქმეებისა) სამართლებრივი საკითხების განხილვისას.

მუხლი 17. საზოგადოებასთან ურთიერთობის სამსახური

საზოგადოებასთან ურთიერთობის სამსახურის ძირითადი ამოცანაა: მასობრივი ინფორმაციის საშუალებებთან, არასამთავრობო და სხვა საზოგადოებრივ ორგანიზაციებთან პოლიციის ურთიერთობის უზრუნველყოფა და ხელშეწყობა, საზოგადოების ინფორმირება პოლიციის კომპეტენციას მიკუთნებული საქმიანობის განხორციელების თაობაზე.

მუხლი 18. (ამოღებულია)

მუხლი 19. (ამოღებულია)

მუხლი 20. პოლიციის ოპერატიულ-საგამოძიებო ორგანოების თანამდებობის პირთა უფლება-მოვალეობები

1. ამ პუნქტით დადგენილ უფლებამოსილებას ახორციელებენ საგამოძიებო დეპარტამენტის ოპერა-ტიულ-საგამოძიებო დანაყოფების (მთავარი სამმართველო, სამმართველო, განყოფილება) უფროსები და მათი მოადგილეები, კერძოდ:

ა) ხელმძღვანელობენ ოპერატიულ-საგამოძიებო ორგანოების მუშაობას და პასუხს აგებენ მათ წინაშე მდგარი ამოცანების შესრულებაზე;

ბ) სწავლობენ და აანალიზებენ ხაზობრივად საფინანსო-ეკონომიკურ სფეროში დანაშაულის მდგომარეობას, მასთან ბრძოლის შედეგებს, სახავენ და ახორციელებენ ღონისძიებებს ამ მიმართულებით მუშაობის გაუმჯობესების მიზნით;

გ) ადგენენ დანაყოფის სამუშაო და სპეციალურ გეგმებს, აწესებენ კონტროლს მათ შესრულებაზე, აჯამებენ დანაყოფის მიერ გაწეულ მუშაობას, შეიმუშავებენ და წარუდგენენ პოლიციის ხელმძღვანელობას წინადადებებს დანაყოფის მუშაობის შემდგომი სრულ-ყოფის თაობაზე;

დ) უზრუნველყოფენ პირადი შემადგენლობის საქმიანობაში კანონიერებისა და პირადი დისციპლინის დაცვას, დახმარებას უწევენ მათ, რათა სისტემატურად აიმაღლონ პროფესიული მომზადების დონე; აფასებენ მათ მიერ გაწეულ მუშაობას და პოლიციის ხელმძღვანელობას წარუდგენენ წინადადებებს დისციპლინური პასუხისგებლობის ან წახალისების გამოყენების შესახებ;

ე) პოლიციის უფროსის მიერ განსაზღვრული კომპეტენციის ფარგლებში აწარმოებენ მიმოწერას მათ წინაშე მდგარი ამოცანების შესაბამისად;

ვ) ორგანიზაციას უწევენ მოქალაქეთა განცხადე-ბების და საჩივრების დროულ და ხარისხიან განხილვას;

ზ) პირადად გააჩნიათ ოპერატიული წყაროები და მონაწილეობენ განსაკუთრებულ საქმეებთან დაკავშირებულ ოპერატიულ-სამძებრო ღონისძიებებში. აძლევენ მითითებებსა და რეკომენდაციებს დანაყოფის პირად შემადგენლობას ოპერატიულ-სამძებრო საქმიანობის განხორციელებაში;

თ) განიხილავენ საფინანსო-ეკონომიკურ სფეროში ადმინისტრაციულ სამართალდარღვევათა საქმეებს, კანონმდებლობის შესაბამისად დამრღვევს ადებენ ადმინისტრაციულ სახდელს;

ი) უწყებრივ და ორგანიზაციულ კონტროლს უწევენ მის დაქვემდებარებაში მყოფ გამომძიებლებს, აკონტროლებენ მათ მიერ საშემსრულებლო და სამსახურებრივი დისციპლინის დაცვას;

კ) უწყებრივ და ორგანიზაციულ კონტროლს უწევენ იმ მოქმედებათა შესრულებას, რომლებიც დანაშაულის გამოვლენისა და თავიდან აცილებისკენაა მიმართული;

ლ) კომპეტენციის ფარგლებში იღებენ გადაწყვეტილებებს ოპერატიულ-სამძებრო საქმიანობის განხორციელებაზე;

მ) მონაწილეობენ პოლიციის ოპერატიულ-საგამოძიებო თანამშრომელთა შერჩევასა და განაწილებაში;

ნ) საქართველოს კანონმდებლობის შესაბამისად სარგებლობენ სხვა უფლებამოსილებებით.

2. ამ პუნქტით დადგენილ უფლებამოსილებას ახორციელებენ ოპერატიულ-სამძებრო დანაყოფებების (დეპარტამენტი, სამმართველო, განყოფილება) უფროსები და მათი მოადგილეები, კერძოდ:

ა) კომპეტენციის ფარგლებში სწავლობენ და აანალიზებენ დანაშაულის მდგომარეობას, მასთან ბრძოლის შედეგებს, სახავენ და ახორციელებენ ღონისძიებებს მუშაობის გაუმჯობესების მიზნით;

ბ) ადგენენ დანაყოფის სამუშაო და სპეციალურ გეგმებს, აწესებენ კონტროლს მათ შესრულებაზე, აჯამებენ დანაყოფის მიერ გაწეულ მუშაობას, შეიმუშავებენ და წარუდგენენ პოლიციის ხელმძღვანელობას წინადადებებს დანაყოფის მუშაობის შემდგომი სრულყოფის თაობაზე;

გ) უზრუნველყოფენ პირადი შემადგენლობის საქმიანობაში კანონიერებისა და პირადი დისციპლინის დაცვას, დახმარებას უწევენ მათ, რათა სისტემატურად აიმაღლონ პროფესიული მომზადების დონე; აფასებენ მათ მიერ გაწეულ მუშაობას და პოლიციის ხელმძვანელობას წარუდგენენ წინადადებებს დისციპლინური პასუხისგებლობის ან წახალისების გამოყენების შესახებ;

დ) პოლიციის უფროსის მიერ განსაზღვრული კომპეტენციის ფარგლებში აწარმოებენ მიმოწერას მათ წინაშე მდგარი ამოცანების შესაბამისად;

ე) ორგანიზებას უწევენ მოქალაქეთა განცხადებების და საჩივრების დროულ და ხარისხიან განხილვას;

ვ) იღებენ გადაწყვეტილებას მათ წამოებაში არსებული მასალების საგამოძიებო ორგანეობისათვის გადაცემაზე;

თ) კომპეტენციის ფარგლებში განიხილავენ ადმინისტრაციულ სამართალდარღვევათა საქმეებს, კანონმდებლობის შესაბამისად დამრღვევს ადებენ ადმინისტრაციულ სახდელს;

ი) ახორციელებენ კანონმდებლობით მინიჭებულ სხვა უფლებამოსილებებს.

მუხლი 21. პოლიციის საგამოძიებო დეპარტამენტი

1. პოლიციის საგამოძიებო დეპარტამენტის ძირითადი ამოცანებია:

ა) საფინანსო-ეკონომიკის სფეროში დანაშაულისა და სხვა სამართალდარღვევების გამოვლენა-აღკვეთა, მათზე სათანადო რეაგირება, მათში მონაწილე პირის ან პირების დადგენა, მათ მიმართ კანონმდებლობით გათვალისწინებული ღონისძიებების განხორციელება;

ბ) საფინასო-ეკონომიკურ სფეროში სამოხელეო დანაშაულისა და კორუფციულ გარიგებათა პრევენცია, აღკვეთა და გამოვლენა;

გ) დანაშაულის ნიშნების არსებობისას სისხლის სამართლის საპროცესო კანონმდებლობის შესაბამისად წინასწარი გამოძიების წარმოება;

დ) მოსამართლისა და პროკურორის წერილობითი დავალების, მითითებების შესრულება, საფინანსო-ეკომომიკურ სფეროში საგამოძიებო მოქმედებების წარმოებისას კომპეტენციის ფარგლებში მათთვის დახმარების გაწევა;

ე) დანაშაულის გამოვლენა-აღკვეთის მიზნით ოპერატიულ-სამძებრო საქმიანობა;

ვ) საბაჟო და საგადასახადო სახელმწიფო პოლიტიკის განხორციელებისათვის ხელის შეწყობა, რეკომენდაციათა შემუშავება ამ ურთიერთობის გაუმჯობესებისა და ბიუჯეტში გადასახადების სრულად და დროულად მობილიზაციის კუთხით;

ზ) საფინანსო-საბიჯეტო და ფულად-საკრედიტო ურთიერთობათა სფეროში კანონმდებლობის დარღვევის ხელშემწყობი მიზეზების გამოვლენა, პირობების შესწავლა, ანალიზი და რეკომენდაციების შემუშავება.

2. პოლიციის საგამოძიებო დეპარტამენტის უფროსი:

ა) ხელმძღვანელობს დეპარტამენტის მუშაობას და პასუხს აგებს მის წინაშე მდგარი ამოცანების შესრულებაზე;

ბ) არის ოპერატიულ-საგამოძიებო ორგანოს უფროსი, უწყებრივ და ორგანიზაციულ კონტროლს უწევს მის დაქვემდებარებაში არსებულ საგამოძიებო დანაყოფებს და გამომძიებლებს, აკონტროლებს მათ მიერ საშემსრულებლო და სამსახურებრივი დისციპლინის დაცვას;

გ) უწყებრივ და ორგანიზაციულ კონტროლს უწევს იმ მოქმედებათა შესრულებას, რომლებიც დანაშაულის გამოვლენისა და თავიდან აცილებისკენაა მიმართული;

დ) ხელმძღვანელობს ოპარატიულ-სამძებრო ღონისძიებებს დანაშაულის გამოვლენის, დამნაშავე პირის დადგენა-დაკავების და დანაშაულის თავიდან აცილების მიზნით;

ე) კომპეტენციის ფარგლებში იღებს გადაწყვეტილებებს ოპერატიულ-სამძებრო საქმიანობის განხორციელებაზე;

ვ) ახორციელებს პოლიციის ოპერატიული ორგანოების თანამშრომელთა სამსახურებრივ ზედამხედველობას;

ზ) მონაწილეობს პოლიციის ოპერატიულ-საგამოძიებო ორგანოების თანამშრომელთა შერჩევასა და განაწილებაში;

თ) პოლიციის უფროსს თანამდებობაზე დასანიშნად წარუდგენს დაქვემდებარებული სტრუქტურული ერთეულების საჯარო მოსამსახურეთა კანდიდატურებს;

ი) საქართველოს კანონმდებლობის შესაბამისად სარგებლობს სხვა უფლებამოსილებებით;

3. პოლიციის საგამოძიებო დეპარტამენტის სტრუქტურული ერთეულებია:

ა) განსაკუთრებულ მნიშვნელოვან საქმეთა სამმართველო;

ბ) პირველი ოპერატიულ-საგამოძიებო სამმართველო;

გ) მეორე ოპერატიულ-საგამოძიებო სამმართველ ო;

დ) თბილისის მთავარი სამმართველო;

ე) ქვემო ქართლის სამმართველო;

ვ) კახეთის სამმართველო;

ზ) მცხეთა-მთიანეთის სამმართველო;

თ) შიდა ქართლის სამმართველო;

ი) სამცხე-ჯავახეთის სამმართველო;

კ) იმერეთის, რაჭა-ლეჩხუმის სამმართველო;

ლ) სამეგრელო-ზემო სვანეთი-გურიის სამმართველო;

მ) აჭარის სამმართველო.

4. პოლიციის საგამოძიებო დეპარტამენტის განსაკუთრებულ მნიშვნელოვან საქმეთა სამმართველოს ძირითადი ამოცანაა: აწარმოოს რთული, მრავალეპიზოდიანი, აგრეთვე პოლიციის საგამოძიებო დეპარტამენტის უფროსის გადაწყვეტილებით განსაზღვრული სხვა სისხლის სამართლის საქმეების გამოძიება. საგამოძიებო დეპარტამენტის საგამოძიებო ორგანოებს პერიოდულად გაუწიოს მეთოდური და პრაქტიკული დახმარება დანაშაულის გახსნისა და გამოძიების სრულყოფის მიზნით.

5. პოლიციის საგამოძიებო დეპარტამენტის პირველი ოპერატიულ-საგამოძიებო სამმართველოს ძირითადი ამოცანაა: ქვეყნის მაშტაბით აქციზური საქონლის უკანონო ბრუნვის სფეროში დანაშაულის გამოვლენა-აღკვეთის, მისი თავიდან აცილების მიზნით ოპერატიულ-სამძებრო ღონისძიებების ორგანიზება-განხორციელება, შესაბამისად კომპეტენციის ფარგლებში სისხლის სამართლის საქმეების წინასწარი გამოძიების წარმოება. ამ სფეროში დანაშაულის წინააღმდეგ ბრძოლის მდგომარეობის ხაზობრივი ანალიზი; დანაშაულის სახეების, ხერხების, მეთოდების განსაზღვრა და სათანადო ოპერატიულ-სამძებრო ღონისძიებების ორგანიზება; საგამოძიებო დეპარტამენტის ტერიტორიულ ორგანოებში ამ მიმართუ-ლებით ოპერატიულ-სამძებრო საქმიანობის ორგანიზება და კოორდინაცია.

6. პოლიციის საგამოძიებო დეპარტამენტის მეორე ოპერატიულ-საგამოძიებო სამმართველოს ძირითადი ამოცანაა: საბაჟო სფეროში დანაშაულის გამოვლენა აღკვეთის, მისი თავიდან აცილების მიზნით ოპერატიულ სამძებრო ღონისძიებების ორგანიზება-განხორციელება, შესაბამისად, კომპეტენციის ფარგლებში სისხლის სამართლის საქმეების წინასწარი გამოძიების წარმოება. ამ სფეროში დანაშაულის წინააღმდეგ ბრძოლის მდგომარეობის ანალიზი; დანაშაულის სახეების, ხერხების, მეთოდების განსაზღვრა და სათანადო ოპერატიულ-სამძებრო ღონისძიებების ორგანიზება; საგამოძიებო დეპარტამენტის ტერიტორიულ ორგანოებში საბაჟო სფეროში დანაშაულის წინააღმდეგ ბრძოლის კუთხით ოპერატიულ-სამძებრო საქმიანობის ორგანიზება და კოორდინაცია.

7. საგამოძიებო დეპარტამენტის ტერიტორიული ოპერატიულ-საგამოძიებო ორგანოების ძირითადი ამოცანებია: სამოქმედო ტერიტორიაზე საფინანსო-ეკონომიკურ სფეროში დანაშაულისა და სამართალდარღვევების გამოვლენა-აღკვეთა; დანაშაულის შესახებ განცხადებებისა და შეტყობინებების მიღება, რეგისტრაცია და რეაგირება; საფინანსო-ეკონომიკურ სფეროში ჩადენილ დანაშაულთა გახსნა, მათი ყოველმხრივი, სრული და ობიექტური გამოძიება; საქართველოს სისხლის სამართლის საპროცესო კოდექსით მისთვის მინიჭებული უფლებამოსილების განხორციელება. დანაშაულის გამოვლენა აღკვეთის მიზნით ოპერატიულ-სამძებრო საქმიანობა. ადმინისტრაციულ სამართალდარღვევებზე კანონით დადგენილი წესით რეაგირება. სამოქმედო ტერიტორიაზე მოსამართლისა და პროკურორის წერილობითი დავალების, მითითებების შესრულება, საფინანსო-ეკონომიკურ სფეროში საგამო-ძიებო მოქმედების წარმოებისას მათთვის დახმარების აღმოჩენა.

8. საგამოძიებო დეპარტამენტის ტერიტორიულ ოპერატიულ-საგამოძიებო ორგანოებს სამოქმედო ტერიტორიებად განესაზღვროს:

ა) თბილისის მთავარი სამმართველო – ქ. თბილი-სის ადმინისტრაციული ტერიტორიის ფარგლები;

ბ) ქვემო ქართლის სამმართველო – ქ. რუსთავის, გარდაბნის, მარნეულის, ბოლნისის, დმანისის, წალკის, თეთრიწყაროს რაიონების ადმინისტრაციული ტერიტორიის ფარგლები;

გ) კახეთის სამმართველო – თელავის, საგარეჯოს, გურჯაანის, დედოფლისწყაროს, სიღნაღის, ყვარლის, ახმეტისა და ლაგოდეხის რაიონების ადმინისტრაციული ტერიტორიის ფარგლები;

დ) მცხეთა-მთიანეთის სამმართველო – ქ. მცხეთის, დუშეთის, ახალგორის, თიანეთისა და ყაზბეგის რაიო-ნების ადმინისტრაციული ტერიტორიის ფარგლები;

ე) შიდა ქართლის სამმართველო – გორის, კასპის, ქარელისა და ხაშურის რაიონების ადმინისტრაციული ტერიტორიის ფარგლები;

ვ) სამცხე-ჯავახეთის სამმართველო – ქ. ბორჯომის, ახალციხის, ადიგენის, ასპინძის, ახალქალაქისა და ნინოწმინდის რაიონების ადმინისტრაციული ტერიტორიის ფარგლები;

ზ) იმერეთის, რაჭა-ლეჩხუმის სამმართველო – ქ. ქუთაისი, ჭიათურის, საჩხერის, ზესტაფონის, თერჯოლის, ტყიბულის, ბაღდათის, ვანის, სამტრედიის, ხონის, ხარაგაულის, წყალტუბოს, ამბროლაუ-რის, ონის, ცაგერის და ლენტეხის რაიონების ადმინისტრაციული ტერიტორიის ფარგლები;

თ) სამეგრელო-ზემო სვანეთი-გურიის სამმართველო – ქ. ფოთის, ზუგდიდის, წალენჯიხის, მესტიის, ჩხოროწყუს, მარტვილის, ხონის, სენაკის, ლანჩხუთის, ჩოხატაურისა და ოზურგეთის რაიონების ადმინისტრაციული ტერიტორიის ფარგლები;

ი) აჭარის სამმართველო – ქ. ბათუმის, ქობულეთის, ხელვაჩაურის, ქედის, შუახევისა და ხულოს რაიონების ადმინისტრაციული ტერიტორიის ფარგლები.”.

9. საქართველოს ტერიტორიული მთლიანობის აღდგენამდე აფხაზეთის ავტონომიური რესპუბლიკის ტერიტორიაზე ოპერატიულ-საგამოძიებო ორგანოების ფუნქციებს ახორციელებს საგამოძიებო დეპარტამენტის სამეგრელო-ზემო სვანეთის სამმართველო, ხოლო ყოფილი სამხრეთ ოსეთის ავტონომიური ოლქის ტერიტორიაზე – შესაბამისად საგამოძიებო დეპარტამენტის შიდა ქართლის სამმართველო.

მუხლი 22. (ამოღებულია)

მუხლი 22¹ . (ამოღებულია)

მუხლი 23. სპეციალური დანიშნულების რაზმი

1. პოლიციის სპეციალური დანიშნულების რაზმის ძირითადი ამოცანაა: პოლიციის ოპერატიული დანაყოფების და სხვა სტრუქტურული ერთეულებისათვის დანაშაულისა და სამართალდარღვევების გამოვლენა-აღკვეთისას, საგამოძიებო მოქმედებების ჩატარებისას და სხვა ამოცანების განხორციელებისას დახმარების აღმოჩენა. პოლიციის შენობა-ნაგებობების, დანაშაულის ადგილების, მტკიცებულებებისა და სხვა სპეციალური სადგომების დაცვა დანაშაულებრივი ხელყოფისაგან.

2. სპეციალური დანიშნულების რაზმის შემადგენლობაში ფუნქციონირებს სამორიგეო განყოფილება, რომლის ძირითადი ამოცანაა: პოლიციის შენობაში მოქალაქეთა დაშვების ორგანიზება. პოლიციის მიერ დაკავებულ და დაპატიმრებულ პირთა აღრიცხვა. დღეღამური ოპერატიული ვითარების ინფორმაციის მიღება-სისტემატიზაცია, პოლიციაზე რიცხული ცეცხლ-სასროლი იარაღის და კავშირგაბმულობის საშუალებების გაცემის ორგანიზება, პოლიციის სპეციალური დანიშნულების რაზმზე რიცხული ავტოტრანსპორტის მომსახურება, განგაშის შემთხვევაში ხელმძღვანელობის ინფორმირება, საგანგებო შემთხვევაში პოლიციის შენობიდან თანამშრომელთა ევაკუაციის ორგანიზება.

მუხლი 24. პოლიციის უფროსის სათათბირო ორგანოები

1. პოლიციის უფროსს შეუძლია თავისი მმართველობის სფეროში შექმნას კომისიები და საბჭოები (შემდგომში კომისია), სათათბირო უფლებებით და განსაზღვროს მათი მოვალეობები.

2. კომისია იქმნება პოლიციის უფროსის ბრძანებით, რომლითაც განისაზღვრება კომისიის ამოცანები, თავმჯომარე (საჭიროების შემთხვევაში – თავმჯდომარის მოადგილე) და წევრები, ამოცანის შესრულების ვადა და მომსახურე სრტუქტურული ქვედანაყოფი.

3. კომისიის წევრად შეიძლება მოწვეულ იქნეს სხვა სამთავრობო დაწესებულების მოსამსახურე, ამ დაწესებულების ხელმძღვანელის თანხმობით. კომისიის მუშაობაში შეიძლება თავიანთი თანხმობით ჩართული იქნან პირები, რომლებიც არ არიან სახელმწიფო მოხელეები.

4. კომისიის საქმიანობისას და კომისიის სხდომაზე საოქმო გაფორმებას უზრუნველყოფს კომისიის მოსამსახურე სტრუქტურული ქვედანაყოფი, ან თავმჯდომარის აპარატი.

5. კომისია უფლებამოსილია მის წინაშე მდგარი ამოცანების შესრულების მიზნით გამოითხოვოს აუცილებელი დოკუმენტაცია.

6. კომისიის თავმჯდომარე ანგარიშვალდებულია პოლიციის უფროსის წინაშე, თუ კომისიის შექმნისას სხვა რამ არ იყო გათვალისწინებული.

7. კომისიის მუშაობისას დამატებითი სამსახურებრივი მოვალეობის შესრულება შეიძლება ანაზღაურდეს დადგენილი წესით.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს ფინანსთა მინისტრის ბრძანება №163„საქართველოს ფინანსთა სამინისტროს ფინანსური პოლიციის დებულების დამტკიცების შესახებ“, №163, 18.03.2004, სარეგისტრაციო კოდი 190010000.11.117.006408 (კონსოლიდირებული რედაქცია 20.10.2006). ხელმისაწვდომია: https://legali.ge/law/1360201-6/

შემდგომი ცვლილებები (4)

წინა ცვლილებები (6)

დოკუმენტის ტექსტი

მუხლი 91. ოპერატიულ-ტექნიკური უზრუნველყოფის დეპარტამენტი🔗

მუხლი 18. სამორიგეო განყოფილება🔗

მუხლი 221 . (ამოღებულია)🔗

მუხლი 23. პოლიციის სპეციალური დანიშნულების რაზმი🔗

მუხლი 1. ზოგადი დებულებები🔗

მუხლი 2. პოლიციის ამოცანები🔗

მუხლი 3. პოლიციის უფლებამოსილება.🔗

მუხლი 4. პოლიციის მოვალეობები🔗

მუხლი 5. პოლიციის მართვა🔗

მუხლი 6. პოლიციის სტრუქტურა:🔗

მუხლი 7. (ამოღებულია)🔗

მუხლი 8. ოპერატიული აღრიცხვის სამმართველო🔗

მუხლი 9. სპეციალურ დავალებათა სამმართველო🔗

მუხლი 91. ოპერატიულ-ტექნიკური უზრუნველყოფის დეპარტამენტი🔗

მუხლი 10. სტატისტიკური აღრიცხვისა და საინფორმაციო სამმართველო🔗

მუხლი 11. კანცელარია🔗

მუხლი 12. კადრების სამსახური🔗

მუხლი 13. სპეციალურ გამოკვლევათა სამმართველო🔗

მუხლი 14. მატერიალურ ტექნიკური და ფინანსური უზურნველყოფის უზუნველყოფის სამსახური🔗

მუხლი 15. ბუღალტერია🔗

მუხლი 16. სამართლებრივ საკითხთა და საერთაშორისო ურთიერთობათა სამსახური🔗

მუხლი 17. საზოგადოებასთან ურთიერთობის სამსახური🔗

მუხლი 18. (ამოღებულია)🔗

მუხლი 19. (ამოღებულია)🔗

მუხლი 20. პოლიციის ოპერატიულ-საგამოძიებო ორგანოების თანამდებობის პირთა უფლება-მოვალეობები🔗

მუხლი 21. პოლიციის საგამოძიებო დეპარტამენტი🔗

მუხლი 22. (ამოღებულია)🔗

მუხლი 221 . (ამოღებულია)🔗

მუხლი 23. სპეციალური დანიშნულების რაზმი🔗

მუხლი 24. პოლიციის უფროსის სათათბირო ორგანოები🔗

როგორ დავიმოწმოთ