მართვის ავტომატური საშუალებების გამოყენებით ნორმატიული აქტის (ნორმატიული აქტის პროექტის) შედგენის, მიღების (გამოცემის), გაგზავნის, აღრიცხვის, სისტემატიზაციისა და გამოქვეყნების წესის დამტკიცების თაობაზე

საქართველოს იუსტიციის მინისტრი ს

ბრძანება №158

2011 წლის 29 დეკემბერი

ქ. თბილისი

მართვის ავტომატური საშუალებების გამოყენებით ნორმატიული აქტის (ნორმატიული აქტის პროექტის) შედგენის, მიღების (გამოცემის), გაგზავნის, აღრიცხვის, სისტემატიზაციისა და გამოქვეყნების წესის დამტკიცების თაობაზე

„ნორმატიული აქტების შესახებ“ საქართველოს კანონის 27-ე მუხლის მე-7 პუნქტის, „საქართველოს იუსტიციის სამინისტროს დებულების დამტკიცების შესახებ“ საქართველოს პრეზიდენტის 2008 წლის 7 ნოემბრის №541 ბრძანებულებით დამტკიცებული დებულების მე-5 მუხლის მე-2 პუნქტის „ა“ და „პ“ ქვეპუნქტების შესაბამისად, ვბრძანებ:

1. დამტკიცდეს მართვის ავტომატური საშუალებების გამოყენებით ნორმატიული აქტის (ნორმატიული აქტის პროექტის) შედგენის, მიღებ ის (გამოცემ ის ), გ აგზავნის, აღრიცხვის, სისტემატიზაციისა და გამოქვეყნების წესი.

2. 201 2 წლის 1 იანვრიდან 1 ივლისამდე ნორმატიული აქტის (ნორმატიული აქტის პროექტის) მართვის ავტომატური საშუალებების გამოყენებით შედგენ ის , მიღებ ის (გამოცემ ის ), გაგზავნ ის ან გადაცემ ის შემთხვევაში მოქმედებს ამ ბრძანებით დამტკიცებული წესი, ხოლო მართვის ავტომატური საშუალებების გამოყენები ს გარეშე შედგენ ის , მიღებ ის (გამოცემ ის ), გაგზავნ ის ან გადაცემ ის შემთხვევაში – „ნორმატიული აქტების აღრიცხვის, სისტემატიზაციისა და გამოქვეყნების წესის დამტკიცების თაობაზე“ საქართველოს იუსტიციის მინისტრის 2010 წლის 28 დეკემბრის №236 ბრძანებ ით დამტკიცებული წესი.

3. ძალადაკარგულად გამოცხადდეს „ნორმატიული აქტების აღრიცხვის, სისტემატიზაციისა და გამოქვეყნების წესის დამტკიცების თაობაზე“ საქართველოს იუსტიციის მინისტრის 2010 წლის 28 დეკემბრის №236 ბრძანება.

4. ეს ბრძანება, გარდა მე-3 პუნქტისა, ამოქმედდეს 2012 წლის 1 იანვრიდან.

5. ამ ბრძანების მე-3 პუნქტი ამოქმედდეს 2012 წლის 1 ივლისიდან.

ზ. ადეიშვილი

 

მართვის ავტომატური საშუალებების გამოყენებით ნორმატიული აქტის (ნორმატიული აქტის პროექტის)  შედგენის, მიღების (გამოცემის), გაგზავნის, აღრიცხვის, სისტემატიზაციისა და გამოქვეყნების წესი

    მუხლი 1. ზოგადი დებულებანი

1. „მართვის ავტომატური საშუალებების გამოყენებით ნორმატიული აქტის (ნორმატიული აქტის პროექტის) შედგენის, მიღების (გამოცემის), გადაგზავნის, აღრიცხვის, სისტემატიზაციისა და გამოქვეყნების წესი“ (შემდგომში – წესი) შემუშავებულია „ნორმატიული აქტების შესახებ“ საქართველოს კანონის 27-ე მუხლის მე-7 პუნქტის საფუძველზე.

2. წესის მიზანია მართვის ავტომატური საშუალებების გამოყენებით ნორმატიული აქტის (ნორმატიული აქტის პროექტის) შედგენასთან, მიღებასთან (გამოცემასთან), გადაგზავნასთან ან გადაცემასთან, აგრეთვე აღრიცხვასთან, სისტემატიზაციასთან და გამოქვეყნებასთან  დაკავშირებული საქმიანობის რეგულირება.

3. წესის მოქმედება ვრცელდება ნორმატიული აქტის მიღების (გამოცემის) უფლებამოსილების მქონე ყველა ორგანოს (თანამდებობის პირის) მიმართ.

4. ნორმატიული აქტის მიღების (გამოცემის) უფლების მქონე ორგანო (თანამდებობის პირი) ნორმატიული აქტის (ნორმატიული აქტის პროექტის) შედგენას, მიღებას (გამოცემას), სამართლებრივი ექსპერტიზისათვის გადაგზავნას ან გადაცემას უზრუნველყოფს „საქართველოს საკანონმდებლო მაცნეს“ (შემდგომში – მაცნე) პორტალის მეშვეობით.

5. ამ წესით განსაზღვრულ პროცედურებსა და ნორმატიული აქტების საქმისწარმოების  ელექტრონულ სისტემაში (შემდგომში – სისტემა) არსებულ პროცედურებს შორის შეუსაბამობის წარმოშობის შემთხვევაში უპირატესობა ენიჭება სისტემაში არსებულ პროცედურებს. ასეთი შეუსაბამობის წარმოქმნიდან არა უგვიანეს შვიდი დღისა, საქართველოს იუსტიციის სამინისტრომ (შემდგომში – სამინისტრო) უნდა უზრუნველყოს წესში შესაბამისი ცვლილებების შესატანად კანონმდებლობით დადგენილი პროცედურების დაწყება.

6. მართვის ავტომატური საშუალებების გამოყენებით ნორმატიული აქტის (პროექტის) შედგენისათვის, მიღებისათის (გამოცემისათვის), გადაგზავნისათვის ან გადაცემისათვის, აგრეთვე აღრიცხვის, სისტემატიზაციის და გამოქვეყნებისათვის სავალდებულოა  სისტემის გამოყენება.

    მუხლი 2. ნორმატიული აქტების სახელმწიფო რეესტრი

 1. ნორმატიული აქტების სახელმწიფო აღრიცხვისა და სისტემატიზაციის მიზნით, მაცნე  აწარმოებს ნორმატიული აქტების სახელმწიფო რეესტრს (შემდგომში – სახელმწიფო რეესტრს).

 2. სახელმწიფო რეესტრი (გარდა „საიდუმლო“ ნაწილისა) წარმოებს ელექტრონული ფორმით მაცნეს ვებგვერდზე.

 3. სახელმწიფო რეესტრში შეიტანება ყველა ნორმატიული აქტი. „საიდუმლო“ გრიფის მქონე ნორმატიული აქტი ან ნორმატიული აქტის ასეთივე გრიფის მქონე ნაწილი შეიტანება სახელმწიფო რეესტრის „საიდუმლო“ ნაწილში. სახელმწიფო რეესტრის „საიდუმლო“ ნაწილში შეტანილი ინფორმაციის გაცნობის პირობები და წესი განისაზღვრება „სახელმწიფო საიდუმლოების შესახებ“ საქართველოს კანონით.

    მუხლი 3. სისტემაში რეგისტრაცია

1. სისტემაში რეგისტრაცია სავალდებულოა ნორმატიული აქტის მიღების (გამოცემის) უფლებამოსილების მქონე ყველა ორგანოსათვის (თანამდებობის პირისთვის). ნორმატიული აქტის მიღების (გამოცემის) უფლებამოსილების მქონე ყველა ორგანომ (თანამდებობის პირმა) დადგენილი წესით უნდა გაიაროს რეგისტრაცია სისტემაში.

2. სისტემაში რეგისტრაციის დროს ნორმატიული აქტის მიღების (გამოცემის) უფლებამოსილების მქონე ორგანოს (თანამდებობის პირის) წარმომადგენელმა ამ წესის შესაბამისად უნდა შეავსოს მომხმარებლის რეგისტრაციის განაცხადი (დანართი №4).

3. რეგისტრირებული მომხმარებელი პასუხისმგებელია მომხმარებლის რეგისტრაციის განაცხადში მითითებული ინფორმაციის სისწორეზე ან/და უტყუარობაზე. მაცნე პასუხს არ აგებს რეგისტრირებული მომხმარებლის მიერ სისტემაში შეყვანილი ან განთავსებული ინფორმაციისა თუ დოკუმენტის სისწორეზე ან/და უტყუარობაზე, ან აღნიშნული ინფორმაციის ან დოკუმენტის სისტემაში შეყვანის ან განთავსების შედეგად წარმოშობილ ზიანზე.

4. რეგისტრირებული მომხმარებელი ვალდებულია მის მიერ მომხმარებლის რეგისტრაციის განაცხადში მითითებული ინფორმაციის ცვლილების შემთხვევაში დაუყოვნებლივ ასახოს აღნიშნული ცვლილება სისტემაში.

5. სისტემაში შესვლით რეგისტრირებული მომხმარებელი ეთანხმება სისტემის გამოყენების პირობებს .

    მუხლი 4. ნორმატიული აქტის პროექტის შედგენა

1. ნორმატიული აქტის პროექტის შედგენა ხორციელდება „ნორმატიული აქტების შესახებ“ საქართველოს კანონის მე-16 მუხლის შესაბამისად, მართვის ავტომატური საშუალების –  სისტემის მეშვეობით.

2. ნორმატიული აქტის პროექტის შედგენისას სისტემაში შეტანილ უნდა იქნეს შემდეგი რეკვიზიტები:

ა) ნორმატიული აქტის სათაური;

ბ) ნორმატიული აქტის სახე;

გ) ნორმატიული აქტის მიმღები (გამომცემი) ორგანო (თანამდებობის პირი);

დ) ნორმატიული აქტის ძალაში შესვლის თარიღი და აქტის მოქმედების ვადა (თუ იგი განსაზღვრული ვადით არის მიღებული (გამოცემული)).

3. ნორმატიული აქტის პროექტი უნდა დამუშავდეს სისტემაში არსებული რედაქტორის მეშვეობით, მაცნეს ვებპორტალზე განთავსებული ინსტრუქციის შესაბამისად, შრიფტით „Sylfaen“, არანაკლებ „11“ ზომისა, გარდა იმ შემთხვევებისა, როდესაც ნორმატიული აქტი შედგება სქემების, ცხრილებისა და ნუსხებისაგან, რომლებშიც, მათი ფორმატიდან გამომდინარე, შეუძლებელია „11“ ან მეტი ზომის შრიფტის გამოყენება.

4. თუ გადასახადის, ბაჟის, მოსაკრებლის, ტარიფის, საფასურის განაკვეთების ან/და ოდენობების ჩამოყალიბება შესაძლებელია ნორმატიული აქტის ტექსტის შესაბამისი ნორმისაგან განცალკევებით – სქემების, ცხრილების, ნუსხების ან სხვა ფორმით, მაშინ ის/ისინი ნორმატიულ აქტს უნდა დაერთოს დანართის სახით, შრიფტით არანაკლებ „9“ ზომისა. ნორმატიულ აქტს მხოლოდ დანართის სახით დაერთვება სქემები, ცხრილები, ნუსხები, უჯრები, სურათები და ა. შ.. ნორმატიული აქტის დანართი ნორმატიულ აქტთან ერთად ქვეყნდება და მისი ნაწილია.

5. ნორმატიული აქტის პროექტის შედგენა სისტემაში უნდა განხორციელდეს მისი სტრუქტურის შესაბამისად, კარებად (კოდექსში – წიგნებად), თავებად, მუხლებად,  პუნქტებად (კოდექსში – ნაწილებად) და ქვეპუნქტებად.

6. ტექსტის შემცველი დანართი ასევე უნდა დამუშავდეს სისტემაში არსებული რედაქტორის მეშვეობით, ამ მუხლის მე-5 პუნქტში მითითებული წესის შესაბამისად.

7. სქემების, ცხრილების, ნუსხების და სურათების შემცველი დანართი სისტემაში უნდა აიტვირთოს ცალკე დოკუმენტად, ნებისმიერ ფორმატში.

    მუხლი 5. ნორმატიული აქტის (პროექტის) სამართლებრივი ექსპერტიზისათვის გადაგზავნა

ნორმატიული აქტის (პროექტის) საქართველოს იუსტიციის სამინისტროში სამართლებრივი ექსპერტიზისათვის გადაგზავნა, სამართლებრივი დასკვნის შედგენა და გადაგზავნა ხორციელდება „ნორმატიული აქტების შესახებ“ საქართველოს კანონის მე-19 მუხლით დადგენილი წესით, სისტემის საშუალებით.

    მუხლი 6. ნორმატიული აქტების გამოქვეყნება

1. ნორმატიულ აქტებს სახელმწიფო რეესტრში არეგისტრირებს და აქვეყნებს მაცნე.

2. ნორმატიული აქტის მიღების (გამოცემის) უფლების მქონე ორგანოს (თანამდებობის პირის) მიერ მიღებული (გამოცემული) ნორმატიული აქტის გამოსაქვეყნებლად წარდგენა სავალდებულოა.

3. კანონქვემდებარე ნორმატიული აქტის ცალკეულ დებულებათა გამოუქვეყნებლობა დასაშვებია მხოლოდ „სახელმწიფო საიდუმლოების შესახებ“ საქართველოს კანონით განსაზღვრულ შემთხვევებში.

4. რამდენიმე უწყების მიერ ერთობლივად მომზადებული ნორმატიული აქტის გამოსაქვეყნებლად წარდგენა ევალება იმ უწყებას, რომელიც სიით პირველია მითითებული ნორმატიული აქტის შემუშავებისათვის მიცემულ დავალებაში.

5. ნორმატიული აქტი (გარდა ამ მუხლის მე-7–მე-11 პუნქტებში მითითებული ნორმატიული აქტებისა) საქართველოს იუსტიციის სამინისტროს სამართლებრივი დასკვნის გაცემიდან 10 დღის ვადაში, ხოლო ის კანონქვემდებარე ნორმატიული აქტები, რომელიც საქართველოს იუსტიციის მინისტრის ბრძანების შესაბამისად, არ საჭიროებენ იუსტიციის სამინისტროს სამართლებრივ დასკვნას - მისი მიმღები (გამომცემი) ორგანოს (თანამდებობის პირის) მიერ მიღებიდან (ხელმოწერიდან) არა უგვიანეს მე-5 დღისა, გამოსაქვეყნებლად უნდა გადაეცეს/გადაეგზავნოს მაცნეს.

6. ნორმატიულ აქტს (გარდა ამ მუხლის მე-8–მე-11 პუნქტებში მითითებული ნორმატიული აქტებისა) მაცნე აქვეყნებს ნორმატიული აქტის მისთვის გადაცემიდან/მიღებიდან 5 დღის ვადაში.

7. ადგილობრივი თვითმმართველობის ნორმატიული აქტი მაცნეს გამოსაქვეყნებლად უნდა გაეგზავნოს უფლებამოსილი ორგანოს (თანამდებობის პირის) მიერ მისი მიღებიდან (ხელმოწერიდან) არა უგვიანეს მეორე დღისა.

8. საქართველოს პარლამენტის, აგრეთვე აფხაზეთის ავტონომიური რესპუბლიკის უმაღლესი საბჭოსა და აჭარის ავტონომიური რესპუბლიკის უმაღლესი საბჭოს მიერ მიღებული კანონები ქვეყნდება შესაბამისად საქართველოს კონსტიტუციით, კანონითა და ავტონომიური რესპუბლიკების კონსტიტუციებით დადგენილი წესით.

9. საქართველოს პრეზიდენტის, საქართველოს პარლამენტის, საქართველოს მთავრობის, აგრეთვე აფხაზეთის ავტონომიური რესპუბლიკისა და აჭარის ავტონომიური რესპუბლიკის ნორმატიული აქტები (გარდა ამ მუხლის მე-8 პუნქტში მითითებული ნორმატიული აქტებისა) მაცნეს უნდა გადაეცეს/გადაეგზავნოს და გამოქვეყნდეს მათი მიღებიდან (ხელმოწერიდან) 10 დღის ვადაში.

10. საქართველოს ცენტრალური საარჩევნო კომისიის ნორმატიული აქტი მაცნეს უნდა გადაეცეს/გადაეგზავნოს და გამოქვეყნდეს მისი მიღებიდან არა უგვიანეს მე-2 დღისა.

11. საქართველოს ეროვნული ბანკის დაუყოვნებლივ ასამოქმედებელი ნორმატიული აქტი მაცნეს უნდა გადაეცეს/გადაეგზავნოს და გამოქვეყნდეს არა უგვიანეს შემდეგი სამუშაო დღისა.

12. ნორმატიული აქტი მაცნეს გამოსაქვეყნებლად გადაეგზავნება სისტემის  მეშვეობით, გარდა „საიდუმლო“ გრიფის მქონე ნორმატიული აქტისა.

13 . გამოქვეყნებისათვის გადმოგზავნილ ნორმატიულ აქტს (გარდა ამ მუხლის მე-7– მე-11 პუნქტებში მითითებულ ი, აგრეთვე საქართველოს იუსტიციის მინისტრის ბრძანებით განსაზღვრული  კანონქვემდებარე ნორმატიული აქტების ა ) თან უნდა ახლდეს საქართველოს იუსტიციის სამინისტროს მიერ გაცემული დადებითი დასკვნ ა.

    მუხლი 7. ნორმატიული აქტის რეგისტრაცია სახელმწიფო რეესტრში

1. მაცნეს ნორმატიული აქტი შეაქვს სახელმწიფო რეესტრში და ანიჭებს სახელმწიფო სარეგისტრაციო კოდს მისი მაცნეს ვებგვერდზე გამოქვეყნებისთანავე.

2. ერთობლივ ნორმატიულ აქტს ენიჭება იმ უწყების (მიმღების) სახელმწიფო სარეგისტრაციო კოდი, რომელიც სიით პირველია მითითებული ნორმატიული აქტის შემუშავებისათვის მიცემულ დავალებაში.

3. ნორმატიული აქტები , მათი სახისა და მიღების (გამოცემის) უფლებამოსილების მქონე ორგანოს (თანამდებობის პირის) მიხედვით რეგისტრირდება ნორმატიული აქტების სახელმწიფო რეესტრის შესაბამის ნაწილში .

4. ნორმატიულ აქტში შეტანილი ცვლილება ამ მუხლით დადგენილი წესით ექვემდებარება სახელმწიფო რეესტრში რეგისტრაციას და ენიჭება დამოუკიდებელი სახელმწიფო სარეგისტრაციო კოდი.

5. სახელმწიფო რეესტრში შეიტანება ნორმატიული აქტის შესახებ შემდეგი მონაცემები:

ა) ნორმატიული აქტის სახე;

ბ) ნორმატიული აქტის მიმღები (გამომცემი) ორგანოს (თანამდებობის პირის) სახელწოდება;

გ) ნორმატიული აქტის სათაური;

დ) ნორმატიული აქტის მიღების (გამოცემის) თარიღი და მოქმედების ვადა (თუ იგი განსაზღვრული ვადით არის მიღებული (გამოცემული));

ე) ნორმატიული აქტის მიმღები (გამომცემი) ორგანოს (თანამდებობის პირის) მიერ მინიჭებული სარეგისტრაციო ნომერი;

ვ) იმ ოფიციალური გამოქვეყნების ორგანოს სახელწოდება, რომელშიც ნორმატიული აქტია გამოქვეყნებული და ნორმატიული აქტის გამოქვეყნების თარიღი;

ზ) ნორმატიული აქტის სახელმწიფო სარეგისტრაციო კოდი;

თ) ნორმატიულ აქტში ცვლილების შეტანის თარიღი.

6. „საიდუმლო“ გრიფის მქონე ნორმატიული აქტი მაცნეს სარეგისტრაციოდ გადაეცემა ბეჭდვითი ფორმით, 2 ეგზემპლარად აკინძული და უფლებამოსილი პირის მიერ ბეჭდითა და ხელმოწერით დამოწმებული.

7. „საიდუმლო“ გრიფის მქონე ნორმატიული აქტი ან ნორმატიული აქტის ასეთივე გრიფის მქონე ნაწილი შეიტანება სახელმწიფო რეესტრის საიდუმლო ნაწილში (დანართი №1).

8. „საიდუმლო“ გრიფის მქონე ნორმატიულ აქტს ან ნორმატიული აქტის ასეთივე გრიფის მქონე ნაწილს დაესმება შტამპი სახელმწიფო სარეგისტრაციო კოდის აღნიშვნით.  

9.სახელმწიფო სარეგისტრაციო კოდი შედგება 20-ციფრიანი რიცხვისაგან: „000.000.000.00.000.000.000.“, რომელთაგან პირველი ცხრა წარმოადგენს საქართველოს კანონმდებლობის დარგობრივი კლასიფიკატორის ცალკეული დარგის კოდის საერთო მაჩვენებელს, შემდეგი ორი აღნიშნავს ნორმატიული აქტის სახეს (დანართი №2-ის შესაბამისად), მომდევნო სამი – ნორმატიული აქტის მიღების (გამოცემის) უფლებამოსილების მქონე ორგანოს ან თანამდებობის პირს (ადგილობრივი თვითმმართველობის ორგანოების (თანამდებობის პირების) ნორმატიული აქტის შემთხვევაში – შესაბამის თვითმმართველ ერთეულს) (დანართი №3-ის შესაბამისად), ხოლო ბოლო ექვსი ციფრი – ნორმატიული აქტის რეგისტრაციის რიგით ნომერს სახელმწიფო რეესტრის შესაბამისი ნაწილის მიხედვით.

    მუხლი 8. ნორმატიული აქტების სისტემატიზაცია

1. მაცნეს ვებგვერდზე ელექტრონული ფორმით განთავსებულ სისტემატიზებულ ნორმატიულ აქტებს აქვს ოფიციალური იურიდიული ძალა.

2. ნორმატიული აქტის სისტემატიზაცია გულისხმობს ნორმატიული აქტით გათვალისწინებული ცვლილების ასახვას იმ ნორმატიულ აქტში, რომელშიც შედის ცვლილება და მისი ტექსტის საბოლოო მდგომარეობაში მოყვანას.

3. მაცნე ნორმატიული აქტის სისტემატიზაციას უზრუნველყოფს ნორმატიული აქტის ვებგვერდზე გამოქვეყნებიდან 3 დღის ვადაში.

4. ნორმატიული აქტის სისტემატიზაციის შედეგად,  ნორმატიულ აქტში შესაბამისი ცვლილების რეკვიზიტები (ნორმატიული აქტის მიღების (გამოცემის) თარიღი, მიმღები (გამომცემი) ორგანოს (თანამდებობის პირის) მიერ მინიჭებული სარეგისტრაციო ნომერი, იმ ოფიციალური გამოქვეყნების ორგანოს სახელწოდება, რომელშიც ნორმატიული აქტია გამოქვეყნებული და ნორმატიული აქტის გამოქვეყნების თარიღი) ნორმატიულ აქტში მიეთითება პეტიტის სახით.

5.  მაცნე უფლებამოსილია განახორციელოს ნორმატიულ აქტში რედაქციული სახის შეცდომის გასწორება, რაც გულისხმობს ტექსტში ორთოგრაფიული და პუნქტუაციური შეცდომ(ებ)ის გასწორებას, რითაც არ შეიცვლება ნორმატიული აქტის შინაარსი.

6. მაცნე უფლებამოსილია არ განახორციელოს ნორმატიული აქტის სისტემატიზაცია, თუ შეუძლებელია ნორმატიული აქტით გათვალისწინებული ცვლილების ასახვა იმ ნორმატიულ აქტში, რომელშიც შედის ცვლილება და აღნიშნულის თაობაზე პეტიტის სახით მიეთითება სისტემატიზებულ ნორმატიულ აქტში.

 

დანართი №1

ნორმატიული აქტების სახელმწიფო რეესტრის საიდუმლო ნაწილის ფორმა

 

    

დანართი№2

ნორმატიული აქტის სახის ციფრობრივი კოდები

 

1.  საქართველოს ნორმატიულ აქტებს მიენიჭება შემდეგი ციფრობრივი კოდები:

 

2. ავტონომიური რესპუბლიკის ნორმატიულ აქტებს მიენიჭება შემდეგი ციფრობრივი კოდები:

 

3. ადგილობრივი თვითმმართველობის ნორმატიულ აქტებს მიენიჭება შემდეგი ციფრობრივი კოდები:

 

 

დანართი №3

ნორმატიული აქტის  მიღების (გამოცემის) უფლებამოსილი ორგანოს (თანამდებობის პირის)  ციფრობრივი კოდები

 

1. საქართველოს ნორმატიული აქტის მიღების (გამოცემის) უფლებამოსილ ორგანოს (თანამდებობის პირს) მიენიჭება შემდეგი ციფრობრივი კოდი:

 

2. ავტონომიური რესპუბლიკის ნორმატიული აქტების მიღების (გამოცემის) უფლებამოსილ ორგანოს (თანამდებობის პირს) მიენიჭება შემდეგი ციფრობრივი კოდი:

 

3. თვითმმართველ ერთეულებს მიენიჭება შემდეგი ციფრობრივი კოდი:

 

                                                                                                                                          დანართი №4

მომხმარებლის რეგისტრაციის განაცხადი ს ფორმა

 

შენიშვნა: უფლებების ველში ციფრით ჩაიწეროს შემდეგი უფლებებიდან ერთი ან რამდენიმე:

ა) პროექტის შედგენა;

ბ) ვიზირება;

გ) იუსტიციის სამინისტროში ექსპერტიზაზე გადაგზავნა;

დ) მაცნეში გაგზავნა (საქმისწარმოების განმახორციელებელი თანამშრომლის უფლება);

ე) ხელმომწერის ფუნქცია (ხელმძღვანელი ან/და მოვალეობის შემსრულებელი).

Annotate