თვითმმართველი ქალაქის - ბათუმის დასახლებათა ტერიტორიების გამოყენებისა და განაშენიანების რეგულირების წესების შესახებ

თვითმმართველი ქალაქის – ბათუმის საკრებულოს

დ ა დ გ ე ნ ი ლ ე ბ ა №50

2012 წლის 14 სექტემბერი

ქ. ბათუმი

თვითმმართველი ქალაქის – ბათუმის ტერიტორიაზე დასახლებათა  ტერიტორიების გამოყენებისა და განაშენიანების რეგულირების წესების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ს“ ქვეპუნქტის, 22 -ე მუხლის პირველი პუნქტის „ჟ“ ქვეპუნქტის, „სივრცითი მოწყობისა და ქალაქთმშენებლობის საფუძველის შესახებ“ საქართველოს კანონის მე-2 მუხლის „ჟ“ ქვეპუნქტისა და 26 -ე მუხლის მე-3 პუნქტისა და „თვითმმართველი ქალაქის – ბათუმის ტერიტორიაზე დასახლებათა ტერიტორიების გამოყენებისა და განაშენიანების რეგულირების წესების” შესახებ თვითმმართველი ქალაქის – ბათუმის საკრებულოს დადგენილების პროექტის მოსამზადებლად ადმინისტრაციული წარმოების დაწყების შესახებ“ თვითმმართველი ქალაქის – ბათუმის საკრებულოს 2012 წლის 16 აგვისტოს №204 განკარგულების შესაბამისად, დამტკიცებულ იქნეს თვითმმართველი ქალაქის – ბათუმის ტერიტორიაზე დასახლებათა ტერიტორიების გამოყენებისა და განაშენიანების რეგულირების წესები.

    მუხლი 1. რეგულირების სფერო

წინამდებარე წესები არეგულირებს:

ა) თვითმმართველ ქ. ბათუმის ტერიტორიაზე დასახლებათა ტერიტორიების გამოყენებისა და განაშენიანების წესებს;

ბ) თვითმმართველი ქალაქის – ბათუმის მიწათსარგებლობის გენერალური გეგმის და განაშენიანების რეგულირების გეგმის შემადგენლობის განსაზღვრას;

გ) თვითმმართველი ქალაქის – ბათუმის განაშენიანების რეგულირების გეგმის დამტკიცების წესს;

დ) თვითმმართველი ქალაქის – ბათუმის ტერიტორიის ზონებად დაყოფის მიზნით ზოგად ფუნქციური და კონკრეტული ფუნქციური ზონების ჩამონათვალს;

ე) კონკრეტული ფუნქციური ზონებისათის კოეფიციენტებს;

ვ) კონკრეტულ ფუნქციურ ზონაში მდებარე სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის წესს;

ზ) კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დასაშვები (ნებადართული) და დაუშვებელი (აკრძალული) სახეობების ჩამონათვალს;

თ) მიწის ნაკვეთზე შენობათა განთავსების დამატებით პირობებს;

ი) სპეციალური (ზონალური) შეთანხმებასთან დაკავშირებულ საკითხებს;

კ) დასახლებათა ტერიტორიების გამოყენებისა და განაშენიანების რეგულირების საკითხთა კომისიისა და სხვა კომისიის შექმნისა და ფუნქციონირების წესს;

ლ) დამატებით მოთხოვნებს ქალაქთმშენებლობის სხვა დოკუმენტაციის მიმართ და მათი დამტკიცების წესს;

მ) დამატებით სანებართვო პირობებს;

ნ) თვითმმართველ ქ. ბათუმის ტერიტორიაზე დასახლებათა ტერიტორიების გამოყენებისა და განაშენიანების სხვა წესებს.

    მუხლი 2. წესის მიზნი

წინამდებარე წესის მიზანს წარმოადგენს საჯარო და კერძო ინტერესების ურთიერთგაწონასწორების საფუძველზე თვითმმართველ ქ. ბათუმის ტერიტორიის, კვლევაზე დაფუძნებული, წინასწარ დაგეგმილი, დასაბუთებული სივრცით-ტერიტორიული წყობისა და მისაღები არქიტექტურული ღირებულებების შესაბამისი ურბანული განვითარება.

    მუხლი 3. ფუნქციური ზონები

1. უფლებრივი ზონირების დოკუმენტების განხორციელების მიზნით თვითმმართველ         ქ. ბათუმის ტერიტორია იყოფა შემდეგ ზონებად:

ა) ზოგად ფუნქციურ ზონებად:

ა.ა) ლანდშაფტურ-სარეკრეაციო ზონა – (ლსზ);

ა.ბ) სასოფლო-სამეურნეო ზონა – (სოფზ);

ა.გ) სარეკრეაციო ზონა – (რზ);

ა.დ) საკურორტო-სარეკრეაციო ზონა – (სრზ);

ა.ე) სპეციალური ზონა – (სპეცზ);

ა.ვ) საცხოვრებელი ზონა – (სზ);

ა.ზ) სატრანსპორტო ზონა – (ტზ);

ა.თ) საზოგადოებრივ-საქმიანი ზონა – (სსზ);

ა.ი) სამრეწველო ზონა – (ს);

ბ) კონკრეტულ ფუნქციურ ზონებად:

ბ.ა) ლანდშაპტურ-სარეკრეაციო ზონა' – (ლსზ');

ბ.ბ) სასოფლო-სამეურნეო ზონა' – (სოფზ');

ბ.გ) სარეკრეაციო ზონა' – (რზ');

ბ.დ) საკურორტო-სარეკრეაციო ზონა 2 – (სრზ-2)

ბ.ე) სპეციალური ზონა' – (სპეცზ');

ბ.ვ) საცხოვრებელი ზონა 3 – (სზ-3);

ბ.ზ) საცხოვრებელი ზონა 5 – (სზ-5);

ბ.თ) საცხოვრებელი ზონა 6 – (სზ–6);

ბ.ი) სატრანსპორტო ზონა 1 – (ტზ–1);

ბ.კ) სატრანსპორტო ზონა 2 – (ტზ–2);

ბ.ლ) საზოგადოებრივ-საქმიანი ზონა 1 – (სსზ-1);

ბ.მ) საზოგადოებრივ-საქმიანი ზონა 2 – (სსზ-2);

ბ.ნ) საზოგადოებრივ-საქმიანი ზონა 3 – (სსზ-3);

ბ.ო) სამრეწველო ზონა 1 – (ს-1);

ბ.პ) სამრეწველო ზონა 2 – (ს-2).

2. ტერიტორიის ზოგად ფუნქციურ ზონებად დაყოფა აისახება მიწათსარგებლობის გენერალური გეგმის შესაბამისი მიწათსარგებლობის ზოგადი უფლებრივი ზონირების დოკუმენტში.

3. ტერიტორიის კონკრეტულ ფუნქციურ ზონებად დაყოფა აისახება განაშენიანების რეგულირების გეგმის შესაბამისი მიწათსარგებლობის კონკრეტული უფლებრივი ზონირების დოკუმენტში.

    მუხლი 4. კონკრეტული ფუნქციური ზონებისათვის კოეფიციენტები

კონკრეტული ფუნქციური ზონებისათვის დადგინდეს შემდეგი კოეფიციენტები:

4.1. საცხოვრებელი ზონა – 3 (სზ-3), დაბალი ინტენსივობის საცხოვრებელი ზონა:

ა) განაშენიანების დომინირებული სახეობა – საცხოვრებელი სახლები;

ბ) მიწის ნაკვეთის განაშენიანების მაქსიმალური კოეფიციენტი კ–1 = 0,5;

გ) მიწის ნაკვეთის განაშენიანების ინტენსივობის მაქსიმალური კოეფიციენტი კ–2 = 1,3-მდე;

დ) მიწის ნაკვეთის გამწვანების კოეფიციენტი კ-3 = 0,2.

4.2. საცხოვრებელი ზონა – 5 (სზ-5), საშუალო ინტენსივობის საცხოვრებელი ზონა:

ა) დომინირებული სახეობა – საცხოვრებელი სახლები;

ბ) მიწის ნაკვეთის განაშენიანების მაქსიმალური კოეფიციენტი კ-1 = 0,5;

ბ) მიწის ნაკვეთის განაშენიანების ინტენსივობის მაქსიმალური კოეფიციენტი კ–2 = 1,8-მდე;

დ) მიწის ნაკვეთის გამწვანების კოეფიციენტი კ-3 = 0,1.

4.3. საცხოვრებელი ზონა – 6 (სზ–6), მაღალი ინტენსივობის საცხოვრებელი ზონა:

ა) განაშენიანების დომინირებული სახეობა – საცხოვრებელი სახლები;

ბ) მიწის ნაკვეთის განაშენიანების მაქსიმალური კოეფიციენტი კ–1 = 0,5;

გ) მიწის ნაკვეთის განაშენიანების ინტენსივობის მაქსიმალური კოეფიციენტი კ–2 = 2,2-მდე;

დ) მიწის ნაკვეთის გამწვანების კოეფიციენტი კ–3 = 0,1.

4.4. საზოგადოებრივსაქმიანი ზონა – 1 (სსზ–1), საშუალო ინტენსივობის საზოგადოებრივ–საქმიანი ზონა:

ა) განაშენიანების დომინირებული სახეობის გარეშე (შერეული ზონა);

ბ) მიწის ნაკვეთის განაშენიანების მაქსიმალური კოეფიციენტი კ–1 = 0,6;

გ) მიწის ნაკვეთის განაშენიანების ინტენსივობის მაქსიმალური კოეფიციენტი კ–2 = 3,0–მდე;

დ) მიწის ნაკვეთის გამწვანების კოეფიციენტი კ–3 = 0,1;

ე) გარდა წინამდებარე წესის 6.4. პუნქტის „დ“ ქვეპუნქტით გათვალისწინებული შემთხვევებისა, ზონის ტერიტორიისათვის სპეციალური (ზონალური) შეთანხმების საფუძველზე დასაშვებია:

• მიწის ნაკვეთების განაშენიანების მაქსიმალური კოეფიციენტის (კ–1) გაზრდა 1,0–მდე (100%–მდე);

• მიწის ნაკვეთების განაშენიანების ინტენსივობის მაქსიმალური კოეფიციენტის (კ–2) გაზრდა;

• მიწის ნაკვეთების გამწვანების მინიმალური კოეფიციენტის (კ–3) შემცირება ან/და გაუქმება.

ვ) სამშენებლო მიწის ნაკვეთის უკანა ეზოს პრინციპის დაცვის მიზნით, მიწის ნაკვეთების განაშენიანების მაქსიმალური კოეფიციენტის (კ–1) გაზრდა 1,0–მდე (100%–მდე) დასაშვებია, თუ არსებობს საქართველოს ეკონომიკური განვითარების მინისტრის 2008 წლის 08 ივლისის №1–1/1254 ბრძანებით დამტკიცებული „დასახლებათა ტერიტორიების გამოყენებისა და განაშენიანების რეგულირების ძირითადი დებულებების” 26-ე მუხლის მე- 12 პუნქტით გათვალისწინებული გარემოებები ან/და არ არსებობს აღნიშნული გარემოებები, მაგრამ უკანა ეზოს ტერიტორიაზე შენობის ან მისი ნაწილების განთავსებაზე არსებობს სამშენებლო მიწის ნაკვეთის საზოგადოებრივი საზღვრ(ებ)ის მოპირდაპირედ (არამოსაზღვრედ) არსებული, საჯარო რეესტრში რეგისტრირებული მეზობელი მიწის ნაკვეთ(ებ)ის მესაკუთრ(ეებ)ის სანოტარო წესით დამოწმებული თანხმობა.

4.5. საზოგადოებრივ–საქმიანი ზონა – 2 (სსზ–2), განაშენიანების მაღალი ინტენსივობის ზონა:

ა) დომინირებული სახეობა – საზოგადოებრივი დანიშნულების ობიექტები,

ბ) მიწის ნაკვეთის განაშენიანების მაქსიმალური კოეფიციენტი კ–1 = 0,7;

გ) მიწის ნაკვეთის განაშენიანების ინტენსივობის მაქსიმალური კოეფიციენტი კ–2 = 4,0–მდე;

დ) მიწის ნაკვეთის გამწვანების კოეფიციენტი კ–3 = 0,1;

ე) გარდა წინამდებარე წესის 6.5. პუნქტის „დ“ ქვეპუნქტით გათვალისწინებული შემთხვევებისა, ზონის ტერიტორიისათვის სპეციალური (ზონალური) შეთანხმების საფუძველზე დასაშვებია:

• მიწის ნაკვეთების განაშენიანების მაქსიმალური კოეფიციენტის (კ–1) გაზრდა 1,0–მდე (100%–მდე);

• მიწის ნაკვეთების განაშენიანების ინტენსივობის მაქსიმალური კოეფიციენტის (კ–2) გაზრდა;

• მიწის ნაკვეთების გამწვანების მინიმალური კოეფიციენტის (კ–3) შემცირება ან/და გაუქმება.

ვ) სამშენებლო მიწის ნაკვეთის უკანა ეზოს პრინციპის დაცვის მიზნით, მიწის ნაკვეთების განაშენიანების მაქსიმალური კოეფიციენტის (კ–1) გაზრდა 1,0–მდე (100%–მდე) დასაშვებია, თუ არსებობს საქართველოს ეკონომიკური განვითარების მინისტრის 2008 წლის 08 ივლისის №1–1/1254 ბრძანებით დამტკიცებული „დასახლებათა ტერიტორიების გამოყენებისა და განაშენიანების რეგულირების ძირითადი დებულებები“–ს 26 -ე მუხლის მე- 12 პუნქტით გათვალისწინებული გარემოებები ან/და არ არსებობს აღნიშნული გარემოებები, მაგრამ უკანა ეზოს ტერიტორიაზე შენობის ან მისი ნაწილების განთავსებაზე არსებობს სამშენებლო მიწის ნაკვეთის საზოგადოებრივი საზღვრ(ებ)ის მოპირდაპირედ (არამოსაზღვრედ) არსებული, საჯარო რეესტრში რეგისტრირებული მეზობელი მიწის ნაკვეთ(ებ)ის მესაკუთრ(ეებ)ის სანოტარო წესით დამოწმებული თანხმობა.

4.6. საზოგადოებრივ-საქმიანი ზონა – 3 (სსზ–3), განაშენიანების მაღალი ინტენსივობის ზონა:

ა) დომინირებული სახეობა – საზოგადოებრივი დანიშნულების ობიექტები;

ბ) მიწის ნაკვეთის განაშენიანების მაქსიმალური კოეფიციენტი კ–1 = 0,7;

გ) მიწის ნაკვეთზე განაშენიანების მაქსიმალური სიმაღლე – 15 მეტრი;

დ) მიწის ნაკვეთის გამწვანების კოეფიციენტი კ–3 = 0,1;

ე) გარდა წინამდებარე წესის 6.6. პუნქტის „დ“ ქვეპუნქტით გათვალისწინებული შემთხვევებისა, ზონის ტერიტორიისათვის სპეციალური (ზონალური) შეთანხმების საფუძველზე დასაშვებია:

• მიწის ნაკვეთების განაშენიანების მაქსიმალური კოეფიციენტის (კ–1) გაზრდა 1,0–მდე (100%-მდე);

• მიწის ნაკვეთზე განაშენიანების მაქსიმალური სიმაღლის გაზრდა;

• მიწის ნაკვეთების გამწვანების მინიმალური კოეფიციენტის (კ–3) შემცირება ან/და გაუქმება.

ვ) სამშენებლო მიწის ნაკვეთის უკანა ეზოს პრინციპის დაცვის მიზნით, მიწის ნაკვეთების განაშენიანების მაქსიმალური კოეფიციენტის (კ–1) გაზრდა 1,0–მდე (100%–მდე) დასაშვებია, თუ არსებობს საქართველოს ეკონომიკური განვითარების მინისტრის 2008 წლის 08 ივლისის №1–1/1254 ბრძანებით დამტკიცებული „დასახლებათა ტერიტორიების გამოყენე–ბისა და განაშენიანების რეგულირების ძირითადი დებულებები“–ს 26 -ე მუხლის მე- 12 პუნქტით გათვალისწინებული გარემოებები ან/და არ არსებობს აღნიშნული გარემოებები, მაგრამ უკანა ეზოს ტერიტორიაზე შენობის ან მისი ნაწილების განთავსებაზე არსებობს სამშენებლო მიწის ნაკვეთის საზოგადოებრივი საზღვრ(ებ)ის მოპირდაპირედ (არამოსა–ზღვრედ) არსებული, საჯარო რეესტრში რეგისტრირებული მეზობელი მიწის ნაკვეთ(ებ)ის მესაკუთრ(ეებ)ის სანოტარო წესით დამოწმებული თანხმობა.

4.7. საკურორტო-სარეკრეაციო ზონა–2 (სრზ–2):

ა) მიწის ნაკვეთის განაშენიანების მაქსიმალური კოეფიციენტი კ–1 = 0,3;

ბ) მიწის ნაკვეთის განაშენიანების ინტენსივობის მაქსიმალური კოეფიციენტი კ–2 = 3,0–მდე;

გ) მიწის ნაკვეთის გამწვანების კოეფიციენტი კ–3 = 0,1.

4.8. ლანდშაფტურ–სარეკრეაციო ზონა¢ (ლსზ¢ ), სარეკრეაციო ზონა¢ (რზ¢ ), სამრეწველო ზონა 1 (ს–1), სამრეწველო ზონა 2 (ს–2), სპეციალური ზონა’ (სპეცზ’), სასოფლო–სამეურნეო ზონა’ (სოფზ’), სატრანსპორტო ზონა 1 (ტრ–1) და სატრანსპორტო ზონა 2 (ტრ–2):

კოეფიციენტები არ დგინდება.

4.9. კონკრეტული ფუნქციური ზონებისათის მაქსიმალური კოეფიციენტის დადგენა, დამკვეთს არ ავალდებულებს სრულად აითვისოს დადგენილი კოეფიციენტი, ხოლო მშენებლობის ნებართვის გაცემაზე უფლებამოსილ პირს არ ავალდებულებს უპირობოდ დაამტკიცოს მიწის ნაკვეთის სამშენებლოდ გამოყენების პირობები და შეითანხმოს პროექტი:

    მუხლი 5. კონკრეტულ ფუნქციურ ზონაში მდებარე სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის ფორმულის (H=L/Y) Y კოეფიციენტის მნიშვნელობა

დადგინდეს კონკრეტულ ფუნქციურ ზონაში მდებარე სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის ფორმულის (H=L/Y) Y კოეფიციენტის შემდეგი მნიშვნელობა:

5.1. საცხოვრებელი ზონა – 3 (სზ–3) = 0,4;

5.2. საცხოვრებელი ზონა – 5 (სზ–5) = 0,4;

5.3. საცხოვრებელი ზონა – 6 (სზ–6) კ–3 = 0,4;        

5.4. საზოგადოებრივ-საქმიანი ზონა – 1 (სსზ–1):

ა) 0,1;

ბ) წინამდებარე წესის 4.4. პუნქტის „ე“ ქვეპუნქტის პირველი ნაწილით (მიწის ნაკვეთების განაშენიანების მაქსიმალური კოეფიციენტის (კ-1) გაზრდისას 1,0-მდე (100%-მდე) და „ვ“ ქვეპუნქტით გათვალისწინებულ შემთხვევებში, სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის ფორმულის (H=L/Y) Y კოეფიციენტის მნიშვნელობა უქმდება;

5.5. საზოგადოებრივ–-საქმიანი ზონა – 2 (სსზ-2):

ა) 0,1;

ბ) წინამდებარე წესის 4.5. პუნქტის „ე“ ქვეპუნქტის პირველი ნაწილით (მიწის ნაკვეთების განაშენიანების მაქსიმალური კოეფიციენტის (კ–1) გაზრდისას 1,0-მდე (100%-მდე) და „ვ“ ქვეპუნქტით გათვალისწინებულ შემთხვევებში, სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის ფორმულის (H=L/Y) Y კოეფიციენტის მნიშვნელობა უქმდება.

5.6. საზოგადოებრივ-საქმიანი ზონა – 3 (სსზ–3):

ა) 0,1;

ბ) წინამდებარე წესის 4.6. პუნქტის „ე“ ქვეპუნქტის პირველი ნაწილით (მიწის ნაკვეთების განაშენიანების მაქსიმალური კოეფიციენტის (კ–1) გაზრდისას 1,0–მდე (100%–მდე) და „ვ“ ქვეპუნქტით გათვალისწინებულ შემთხვევებში, სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის ფორმულის (H=L/Y) Y კოეფიციენტის მნიშვნელობა უქმდება;

5.7. საკურორტო-სარეკრეაციო ზონა–2 (სრზ–2) = 0,4;

5.8. ლანდშაფტურ-სარეკრეაციო ზონა¢ (ლსზ¢ )= 0,4;

5.9. სარეკრეაციო ზონა¢ (რზ¢ ) = 0,4;

5.10. სამრეწველო ზონა 1 (ს–1) = 0,25;

5.11. სამრეწველო ზონა 2 (ს–2) = 0,25;

5.12. სპეციალური ზონა’ (სპეცზ’) = 0,4;

5.13. სასოფლო–სამეურნეო ზონა’ (სოფზ’) = 0,4;

5.14. სატრანსპორტო ზონა 1 (ტრ–1) = 0,4;

5.15. სატრანსპორტო ზონა 2 (ტრ–2) = 0,4.

    მუხლი 6. კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დასაშვები (ნებადართული) სახეობების ჩამონათვალი

დამტკიცდეს კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დასაშვები (ნებადართული) სახეობების ჩამონათვალი:

6.1. საცხოვრებელი ზონა – 3 (სზ–3):

ა) ზონის ტერიტორიისათვის უძრავი ქონების (ობიექტების) დასაშვები სახეობები:

• ბაღები;

• სკვერები;

• საბავშვო მოედნები;

• მრავალბინიანი და ინდივიდუალური საცხოვრებელი სახლები;

• ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში სამეზობლო თმენისა და სანიტარიულ-ჰიგიენური ნორმების დაცვით;

• საბავშვო ბაღები და სკოლამდელი აღზრდის სხვა დაწესებულებები;

• დაწყებითი სკოლები;

• საშუალო სკოლები;

• ღია საცურაო აუზები;

• სპორტული მოედნები;

• ამბულატორიები;

• აფთიაქები;

• კლუბები (მრავალფუნქციური დარბაზები შეხვედრებისათვის, გამოფენებისათვის);

• პირველადი მოხმარების საქონლის მაღაზიები;

• სასურსათო მაღაზიები;

• საფოსტო განყოფილებები, კავშირგაბმულობის განყოფილებები;

• ბანკების ფილიალები/ განყოფილებები;

• საერთო სარგებლობის ღია მიწისზედა ან/და მიწისქვეშა ავტოსადგომები, ცალკე მდგომი მრავალსართულიანი ავტოსადგომები.

ბ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები:

• ბაღები;

• სკვერები;

• პარკები;

• საბავშვო მოედნები;

• სპორტული მოედნები;

• სპეციალური (ზონალური) შეთანხმების საფუძველზე არსებული ობიექტების რეკონსტრუქცია;

• მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი.

გ) ზონის ტერიტორიაზე მდებარე მრავალბინიან საცხოვრებელ სახლზე მიშენება ან/და დაშენება დასაშვებია მხოლოდ ერთიანი პროექტის საფუძველზე.

დ) ზონის ტერიტორიისათვის, გარდა მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთებისა, მათ შორის იმ მიწის ნაკვეთებისა, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები, რომლებიც საჭიროებენ სპეციალურ (ზონალურ) შეთანხმებას:  

• პარკები;

• ბულვარები;

• ორანჟერეები და სათბურები;

• ინდივიდუალური სამეურნეო და ტექნიკური დამხმარე ნაგებობები;

• პოლიკლინიკები;

• სპორტული დარბაზები;

• კინოთეატრები;

• საინფორმაციო ცენტრები;

• საგამოფენო დარბაზები;

• საცეკვაო დარბაზები–დისკოთეკები;

• ბარები;

• კაფეები;

• სწრაფი კვების ობიექტები;

• საყოფაცხოვრებო მომსახურების ობიექტები;

• კიოსკები, დროებითი პავილიონები, საცალო ვაჭრობისა და მომსახურებისათვის;

• სანოტარო კანტორები;

• საეკლესიო ობიექტები;

• პოლიციის განყოფილებები;

• სასტუმროები;

• კომუნალური და საინჟინრო-ტექნიკური ობიექტები;

• ავტოგასამართი სადგურები ან/და სატრანსპორტო მომსახურების ობიექტები.

6.2. საცხოვრებელი ზონა – 5 (სზ–5):

ა) ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• საბავშვო მოედნები;

• მრავალბინიანი და ინდივიდუალური საცხოვრებელი სახლები;

• ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში და ცალკე მდგომი, სამეზობლო თმენისა და სანიტარიულ-ჰიგიენური ნორმების დაცვით;

• საბავშვო ბაღები და სკოლამდელი აღზრდის სხვა დაწესებულებები;

• დაწყებითი სკოლები;

• საშუალო სკოლები;

• პოლიკლინიკები;

• ამბულატორიები;

• აფთიაქები;

• სპორტული დარბაზები;

• ღია საცურაო აუზები;

• სპორტული მოედნები;

• კლუბები (მრავალფუნქციური დარბაზები შეხვედრებისათვის, გამოფენებისათვის);

• კინოთეატრები;

• საინფორმაციო ცენტრები;

• საგამოფენო დარბაზები;

• პირველადი მოხმარების საქონლის მაღაზიები;

• სამრეწველო საქონლის მაღაზიები;

• სასურსათო მაღაზიები;

• უნივერსალური მაღაზიები;

• ბარები;

• კაფეები;

• სწრაფი კვების ობიექტები;

• საყოფაცხოვრებო მომსახურების ობიექტები;

• საფოსტო განყოფილებები, კავშირგაბმულობის განყოფილებები;

• ბანკების ფილიალები, განყოფილებები;

• იურიდიული კონსულტაციები;

• სანოტარო კანტორები;

• ცალკე მდგომი მრავალსართულიანი ავტოსადგომები;

• საერთო სარგებლობის ღია მიწისზედა ან/და მიწისქვეშა ავტოსადგომები;

• კომუნალური და საინჟინრო-ტექნიკური ობიექტები;

ბ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები:

• ბაღები;

• სკვერები;

• პარკები;

• საბავშვო მოედნები;

• სპორტული მოედნები;

• სპეციალური (ზონალური) შეთანხმების საფუძველზე არსებული ობიექტების რეკონსტრუქცია;

• მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი.

გ) ზონის ტერიტორიაზე მდებარე მრავალბინიან საცხოვრებელ სახლზე მიშენება ან/ და დაშენება დასაშვებია მხოლოდ ერთიანი პროექტის საფუძველზე.

დ) ზონის ტერიტორიისათვის, გარდა მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთებისა, მათ შორის იმ მიწის ნაკვეთებისა, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები, რომლებიც საჭიროებენ სპეციალურ (ზონალურ) შეთანხმებას:  

• საშუალო პროფესიულ-ტექნიკური სასწავლო დაწესებულებები;

• ინდივიდუალური სამეურნეო და ტექნიკური დამხმარე ნაგებობები;

• მოხუცთა ინტერნატები;

• საავადმყოფოები;

• საცურაო აუზები;

• თეატრები;

• საქალაქო ბიბლიოთეკები;

• არქივები;

• მუზეუმები;

• საცეკვაო დარბაზები – დისკოთეკები;

• რესტორნები;

• კიოსკები, დროებითი პავილიონები, საცალო ვაჭრობისა და მომსახურებისათვის;

• ბანკები;

• მართვის დაწესებულებები და ორგანიზაციები;

• ოფისები და კანტორები;

• სასამართლოები;

• საეკლესიო ობიექტები;

• პოლიციის განყოფილებები;

• სახანძრო დეპოები;

• სასტუმროები;

• საზოგადოებრივი ტუალეტები;

• ავტოგასამართი სადგურები ან/და სატრანსპორტო მომსახურების ობიექტები.

6.3. საცხოვრებელი ზონა – 6 (სზ–6):

ა) ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• საბავშვო მოედნები;

• მრავალბინიანი და ინდივიდუალური საცხოვრებელი სახლები;

• ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში და ცალკე მდგომი, სამეზობლო თმენისა და სანიტარიულ-ჰიგიენური ნორმების დაცვით;

• საბავშვო ბაღები და სკოლამდელი აღზრდის სხვა დაწესებულებები;

• დაწყებითი სკოლები;

• საშუალო სკოლები;

• საშუალო პროფესიულ-ტექნიკური სასწავლო დაწესებულებები;

• უმაღლესი სასწავლებლები;

• პოლიკლინიკები;

• ამბულატორიები;

• აფთიაქები;

• სპორტული დარბაზები;

• საცურაო აუზები;

• ღია საცურაო აუზები;

• სპორტული მოედნები;

• კლუბები;

• კინოთეატრები;

• საქალაქო ბიბლიოთეკები;

• საინფორმაციო ცენტრები;

• საგამოფენო დარბაზები;

• პირველადი მოხმარების საქონლის მაღაზიები;

• სამრეწველო საქონლის მაღაზიები;

• სასურსათო მაღაზიები;

• უნივერსალური მაღაზიები;

• ბარები;

• კაფეები;

• სწრაფი კვების ობიექტები;

• საყოფაცხოვრებო მომსახურების ობიექტები;

• საფოსტო განყოფილებები, კავშირგაბმულობის განყოფილებები;

• ბანკების ფილიალები, განყოფილებები;

• იურიდიული კონსულტაციები;

• სანოტარო კანტორები;

• ცალკე მდგომი მრავალსართულიანი ავტოსადგომები;

• საერთო სარგებლობის ღია მიწისზედა ან/და მიწისქვეშა ავტოსადგომები.

ბ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის, იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები:

• ბაღები;

• სკვერები;

• პარკები;

• საბავშვო მოედნები;

• სპორტული მოედნები;

• სპეციალური (ზონალური) შეთანხმების საფუძველზე არსებული ობიექტების რეკონსტრუქცია;

• მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი;

გ) ზონის ტერიტორიაზე მდებარე მრავალბინიან საცხოვრებელ სახლზე მიშენება ან/და დაშენება დასაშვებია მხოლოდ ერთიანი პროექტის საფუძველზე;

დ) ზონის ტერიტორიისათვის, გარდა მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთებისა, მათ შორის, იმ მიწის ნაკვეთებისა, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები, რომლებიც საჭიროებენ სპეციალურ (ზონალურ) შეთანხმებას:  

• მოხუცთა ინტერნატები;

• საავადმყოფოები;

• სასწრაფო სამედიცინო დახმარების სადგურები;

• თეატრები;

• არქივები;

• მუზეუმები;

• საცეკვაო დარბაზები – დისკოთეკები;

• რესტორნები;

• კიოსკები, დროებითი პავილიონები, საცალო ვაჭრობისა და მომსახურებისათვის;

• ბანკები;

• მართვის დაწესებულებები და ორგანიზაციები;

• ოფისები და კანტორები;

• სამეცნიერო და საპროექტო ორგანიზაციები;

• სასამართლოები;

• საეკლესიო ობიექტები;

• პოლიციის განყოფილებები;

• სახანძრო დეპოები;

• სასტუმროები;

• საზოგადოებრივი ტუალეტები;

• ავტოგასამართი სადგურები ან/და სატრანსპორტო მომსახურების ობიექტები;

• კომუნალური და საინჟინრო-ტექნიკური ობიექტები.

6.4. საზოგადოებრივ-საქმიანი ზონა – 1 (სსზ–1):

ა) ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• საბავშვო მოედნები;

• მრავალბინიანი და ინდივიდუალური საცხოვრებელი სახლები, მრავალფუნქციური შენობები (საცხოვრებელი, ოფისები და სხვა);

• საბავშვო ბაღები და სკოლამდელი აღზრდის სხვა დაწესებულებები;

• დაწყებითი სკოლები;

• საშუალო სკოლები;

• საშუალო პროფესიულ-ტექნიკური სასწავლო დაწესებულებები;

• უმაღლესი სასწავლებლები;

• პოლიკლინიკები;

• ამბულატორიები;

• აფთიაქები;

• სპორტული დარბაზები;

• საცურაო აუზები;

• კლუბები;

• კინოთეატრები;

• თეატრები;

• საქალაქო ბიბლიოთეკები;

• არქივები;

• საინფორმაციო ცენტრები;

• მუზეუმები;

• საგამოფენო დარბაზები;

• საცეკვაო დარბაზები – დისკოთეკები;

• სამრეწველო საქონლის მაღაზიები;

• სასურსათო მაღაზიები;

• უნივერსალური მაღაზიები;

• ბარები;

• კაფეები;

• რესტორნები;

• სწრაფი კვების ობიექტები;

• საყოფაცხოვრებო მომსახურების ობიექტები;

• საფოსტო და კავშირგაბმულობის განყოფილებები;

• ბანკების ფილიალები, განყოფილებები;

• ბანკები;

• მართვის დაწესებულებები და ორგანიზაციები;

• ოფისები და კანტორები;

• სამეცნიერო და საპროექტო ორგანიზაციები;

• სასამართლოები;

• იურიდიული კონსულტაციები;

• სანოტარო კანტორები;

• სასტუმროები;

• ცალკე მდგომი მრავალსართულიანი ავტოსადგომები;

• საერთო სარგებლობის ღია მიწისზედა ან/და მიწისქვეშა ავტოსადგომები;

ბ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის, იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები:

• ბაღები;

• სკვერები;

• პარკები;

• საბავშვო მოედნები;

• სპორტული მოედნები;

• სპეციალური (ზონალური) შეთანხმების საფუძველზე არსებული ობიექტების რეკონსტრუქცია;

• მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი;

გ) ზონის ტერიტორიაზე მდებარე მრავალბინიან საცხოვრებელ სახლზე მიშენება ან/ და დაშენება დასაშვებია მხოლოდ ერთიანი პროექტის საფუძველზე.

დ) ზონის ტერიტორიისათვის, გარდა მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთებისა, მათ შორის, იმ მიწის ნაკვეთებისა, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები, რომლებიც საჭიროებენ სპეციალურ (ზონალურ) შეთანხმებას:  

• მრავალფუნქციური შენობები (საცხოვრებელი, ოფისები და სხვა);

• საავადმყოფოები;

• სასწრაფო სამედიცინო დახმარების სადგურები;

• ღია საცურაო აუზები;

• სპორტული მოედნები;

• საკონცერტო დარბაზები;

• უნივერსალური სპორტულ-სამაყურებლო დარბაზები;

• სავაჭრო ცენტრები;

• კიოსკები, დროებითი პავილიონები საცალო ვაჭრობისა და მომსახურებისათვის;

• საეკლესიო ობიექტები;

• პოლიციის განყოფილებები;

• სახანძრო დეპოები;

• საზოგადოებრივი ტუალეტები;

• რკინიგზის სადგურები და ავტოსადგურები;

• ავტოგასამართი სადგურები ან/და სატრანსპორტო მომსახურების ობიექტები;

• კომუნალური და საინჟინრო-ტექნიკური ობიექტები.

6.5. საზოგადოებრივ-საქმიანი ზონა – 2 (სსზ–2):

ა) ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• მრავალბინიანი და ინდივიდუალური საცხოვრებელი სახლები, მრავალფუნქციური შენობები (საცხოვრებელი, ოფისები და სხვა);

• აფთიაქები;

• კლუბები;

• კინოთეატრები;

• თეატრები;

• საკონცერტო დარბაზები;

• უნივერსალური სპორტულ-სამაყურებლო დარბაზები;

• საქალაქო ბიბლიოთეკები;

• არქივები;

• საინფორმაციო ცენტრები;

• მუზეუმები;

• საგამოფენო დარბაზები;

• საცეკვაო დარბაზები – დისკოთეკები;

• უნივერსალური მაღაზიები;

• სავაჭრო ცენტრები;

• ბარები;

• კაფეები;

• რესტორნები;

• სწრაფი კვების ობიექტები;

• საყოფაცხოვრებო მომსახურების ობიექტები;

• საფოსტო და კავშირგაბმულობის ობიექტები;

• ბანკების ფილიალები, განყოფილებები;

• ბანკები;

• მართვის დაწესებულებები და ორგანიზაციები;

• ოფისები და კანტორები;

• სამეცნიერო და საპროექტო ორგანიზაციები;

• სასამართლოები;

• იურიდიული კონსულტაციები;

• სანოტარო კანტორები;

• სასტუმროები;

• ჩაშენებული საზოგადოებრივი ტუალეტები;

• ცალკე მდგომი მრავალსართულიანი ავტოსადგომები;

• საერთო სარგებლობის ღია მიწისზედა ან/და მიწისქვეშა ავტოსადგომები;

ბ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის, იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები:

• ბაღები;

• სკვერები;

• პარკები;

• საბავშვო მოედნები;

• სპორტული მოედნები;

• სპეციალური (ზონალური) შეთანხმების საფუძველზე არსებული ობიექტების რეკონსტრუქცია;

• მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი;

გ) ზონის ტერიტორიაზე მდებარე მრავალბინიან საცხოვრებელ სახლზე მიშენება ან/ და დაშენება დასაშვებია მხოლოდ ერთიანი პროექტის საფუძველზე;

დ) ზონის ტერიტორიისათვის, გარდა მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთებისა, მათ შორის, იმ მიწის ნაკვეთებისა, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები, რომლებიც საჭიროებენ სპეციალურ (ზონალურ) შეთანხმებას: 

• დაწყებითი სკოლები;

• საშუალო სკოლები;

• საშუალო პროფესიულ-ტექნიკური სასწავლო დაწესებულებები;

• უმაღლესი სასწავლებლები;

• პოლიკლინიკები;

• კიოსკები, დროებითი პავილიონები საცალო ვაჭრობისა და მომსახურებისათვის;

• საეკლესიო ობიექტები;

• პოლიციის განყოფილებები;

• რკინიგზის სადგურები და ავტოსადგურები;

• ავტოგასამართი სადგურები ან/და სატრანსპორტო მომსახურების ობიექტები;

• კომუნალური და საინჟინრო-ტექნიკური ობიექტები.

6.6. საზოგადოებრივ-საქმიანი ზონა – 3 (სსზ–3):

ა) ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• მრავალბინიანი და ინდივიდუალური საცხოვრებელი სახლები, მრავალფუნქციური შენობები (საცხოვრებელი, ოფისები და სხვა);

• აფთიაქები;

• კლუბები;

• კინოთეატრები;

• თეატრები;

• საკონცერტო დარბაზები;

• უნივერსალური სპორტულ-სამაყურებლო დარბაზები;

• საქალაქო ბიბლიოთეკები;

• არქივები;

• საინფორმაციო ცენტრები;

• მუზეუმები;

• საგამოფენო დარბაზები;

• საცეკვაო დარბაზები – დისკოთეკები;

• უნივერსალური მაღაზიები;

• სავაჭრო ცენტრები;

• ბარები;

• კაფეები;

• რესტორნები;

• სწრაფი კვების ობიექტები;

• საყოფაცხოვრებო მომსახურების ობიექტები;

• საფოსტო და კავშირგაბმულობის ობიექტები;

• ბანკების ფილიალები, განყოფილებები;

• ბანკები;

• მართვის დაწესებულებები და ორგანიზაციები;

• ოფისები და კანტორები;

• სამეცნიერო და საპროექტო ორგანიზაციები;

• სასამართლოები;

• იურიდიული კონსულტაციები;

• სანოტარო კანტორები;

• სასტუმროები;

• ჩაშენებული საზოგადოებრივი ტუალეტები;

• ცალკე მდგომი მრავალსართულიანი ავტოსადგომები;

• საერთო სარგებლობის ღია მიწისზედა ან/და მიწისქვეშა ავტოსადგომები;

ბ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის, იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები:

• ბაღები;

• სკვერები;

• პარკები;

• საბავშვო მოედნები;

• სპორტული მოედნები;

• სპეციალური (ზონალური) შეთანხმების საფუძველზე არსებული ობიექტების რეკონსტრუქცია;

• მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი;

გ) ზონის ტერიტორიაზე მდებარე მრავალბინიან საცხოვრებელ სახლზე მიშენება ან/ და დაშენება დასაშვებია მხოლოდ ერთიანი პროექტის საფუძველზე;

დ) ზონის ტერიტორიისათვის, გარდა მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთებისა, მათ შორის, იმ მიწის ნაკვეთებისა, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია, უძრავი ქონების (ობიექტების) დასაშვები სახეობები, რომლებიც საჭიროებენ სპეციალურ (ზონალურ) შეთანხმებას: 

• დაწყებითი სკოლები;

• საშუალო სკოლები;

• საშუალო პროფესიულ-ტექნიკური სასწავლო დაწესებულებები;

• უმაღლესი სასწავლებლები;

• პოლიკლინიკები;

• კიოსკები, დროებითი პავილიონები საცალო ვაჭრობისა და მომსახურებისათვის;

• საეკლესიო ობიექტები;

• პოლიციის განყოფილებები;

• რკინიგზის სადგურები და ავტოსადგურები;

• ავტოგასამართი სადგურები ან/და სატრანსპორტო მომსახურების ობიექტები;

• კომუნალური და საინჟინრო-ტექნიკური ობიექტები.

6.7. ლანდშაფტურ-სარეკრეაციო ზონა¢ (ლსზ¢ ):

ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• სანაპირო პლაჟები;

• დეკორატიული გაფორმების ობიექტები;

• მცირე არქიტექტურული ფორმები (საპარკო პავილიონები, როტონდები, კიოსკები, შადრევნები, დეკორატიული აუზები, წყლის სასმელები, კასკადები, არხები და სხვა);

• საწყალოსნო ობიექტები (ნავსადგომები, პირსები, ელინგები);

• გასახდელები, საშხაპეები, საზოგადოებრივი ტუალეტები;

• პლაჟის ინვენტარის ღია საწყობები;

• სამაშველო სამსახურის სადგურები;

• პირველადი სამედიცინო დახმარების პუნქტები.

6.8. სარეკრეაციო ზონა¢ (რზ¢ ):

ზონის ტერიტორიისათვის უძრავი ქონების (ობიექტების) დასაშვები სახეობები:

• პარკები;

• ბაღები;

• სკვერები;

• ბულვარები;

• დეკორატიული გაფორმების ობიექტები;

• მცირე არქიტექტურული ფორმები (საპარკო პავილიონები, როტონდები, კიოსკები, შადრევნები, დეკორატიული აუზები, წყლის სასმელები, კასკადები, არხები და სხვა);

• სპორტული მოედნები;

• პირველადი სამედიცინო დახმარების პუნქტები;

• სავაჭრო პავილიონები;

• ატრაქციონები;

• საწყალოსნო ობიექტები (ნავმისადგომები, პირსები, ელინგები);

• საერთო სარგებლობის ღია მიწისზედა ან/და მიწისქვეშა ავტოსადგომები;

• საზოგადოებრივი ტუალეტები;

• სამაყურებლო ობიექტები (ესტრადები, ამფითეატრები, საგამოფენო დარბაზები, კინოთეატრები);

• სპორტულ-ფიზკულტურული ნაგებობები (სტადიონები, სპორტდარბაზები, ღია და დახურული საცურაო აუზები);

• სათამაშო ავტომატების დარბაზები, საბილიარდოები და ა.შ.;

• ზოოპარკები;

• კაფეები, რესტორნები;

• სასტუმროები;

• საეკლესიო ობიექტები;

• სკოლამდელი ასაკის საბავშვო სპეციალიზირებული დაწესებულებები;

• ადმინისტრაციის შენობები.

6.9. საკურორტო-სარეკრეაციო ზონა – 2 (სრზ–2):

• პარკები;

• ბაღები;

• სკვერები;

• ბულვარები;

• დეკორატიული გაფორმების ობიექტები;

• საერთო სარგებლობის ღია მიწისზედა ან/და მიწისქვეშა ავტოსადგომები;

• მცირე არქიტექტურული ფორმები (საპარკო პავილიონები, როტონდები და სხვა);

• სპორტული მოედნები;

• პირველადი სამედიცინო დახმარების პუნქტები;

• სავაჭრო პავილიონები, კიოსკები;

• ატრაქციონები;

• საწყალოსნო ობიექტები (ნავმისადგომები, ელინგები);

• საზოგადოებრივი ტუალეტები;

• სამაყურებლო ობიექტები (ესტრადები, ამფითეატრები, საგამოფენო დარბაზები, კინოთეატრები);

• სპორტულ-ფიზკულტურული ნაგებობები (საწვრთნელი ბაზები, სტადიონები, სპორტდარბაზები, ღია და დახურული საცურაო აუზები);

• ზოოპარკები;

• კაფეები, რესტორნები;

• საეკლესიო ობიექტები;

• სკოლამდელი ასაკის ბავშვთა აგარაკები;

• დასვენების ბანაკები და ბაზები;

• დასასვენებელი სახლები;

• სანატორიუმები;

• სასტუმროები;

• მოხუცთა ინტერნატები;

• საავადმყოფოები;

• სამეურნეო ობიექტები (ადმინისტრაციის შენობები; საყოფაცხოვრებო სათავსები, სახელოსნოები, ცალკე მდგომი მრავალსართულიანი ავტოსადგომები).

6.10. სამრეწველო ზონა 1 (ს–1), სამრეწველო ზონა 2 (ს–2), სპეციალური ზონა’ (სპეცზ’), სასოფლო-სამეურნეო ზონა’ (სოფზ’), სატრანსპორტო ზონა 1 (ტრ–1) და სატრანსპორტო ზონა 2 (ტრ–2):

 სამრეწველო ზონა 1 (ს–1)-ის, სამრეწველო ზონა 2 (ს–2)–ის, სპეციალური ზონის’ (სპეცზ’), სასოფლო–სამეურნეო ზონის’ (სოფზ’), სატრანსპორტო ზონა 1 (ტრ–1)-ის და სატრანსპორტო ზონა 2 (ტრ–2)–ის ტერიტორიისათვის უძრავი ქონების (ობიექტების) დასაშვები სახეობები განისაზღვროს საქართველოს ეკონომიკური განვითარების მინისტრის 2008 წლის 08 ივლისის №1–1/1254 ბრძანებით დამტკიცებული „დასახლებათა ტერიტორიების გამოყენებისა და განაშენიანების რეგულირების ძირითადი დებულებებით”.

6.11. კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დასაშვები (ნებადართული) სახეობების ჩამონათვალი ვრცელდება როგორც ახალმშენებლობაზე, ისე არსებულის რეკონსტრუქციაზე.

    მუხლი 7. კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დაუშვებელი (აკრძალული) სახეობების ჩამონათვალი

დამტკიცდეს კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დაუშვებელი (აკრძალული) სახეობების ჩამონათვალი:

7.1. კონკრეტული უფლებრივი ზონირების დოკუმენტში ასახული ყველა ზონის ტერიტორიისათვის დაუშვებელი (აკრძალული) უძრავი ქონების (ობიექტების) სახეობებია:

ა) უძრავი ქონებები (ობიექტები), რომელთა შესაბამის ზონის ტერიტორიაზე განთავსებაც (მშენებლობაც) თვითმმართველი ქალაქის – ბათუმის კონკრეტული უფლებრივი ზონირების რუკაში ასახული ზონის ტერიტორიისათვის უძრავი ქონების (ობიექტების) დასაშვები (ნებადართული) და დაუშვებელი (აკრძალული) სახეობების ჩამონათვალით (რეგლამენტით), მათ შორის სპეციალური (ზონალური) შეთანხმებით, დასაშვები არ არის;

ბ) ხის საცხოვრებელი სახლები, მათ შორის კომბინირებული (ხის და სხვა სამშენებლო მასალის ერთობლიობა) საცხოვრებელი სახლები;

გ) ხის სხვა შენობა-ნაგებობები, მათ შორის კომბინირებული (ხის და სხვა სამშენებლო მასალის ერთობლიობა) შენობა-ნაგებობები, გარდა:

გ.ა) მიწათსარგებლობის გენერალური გეგმით გათვალისწინებული სასოფლო-სამეურნეო ზონის ტერიტორიაზე’ (სოფზ’) მდებარე მიწის ნაკვეთის ფუნქციონირებისათვის უზრუნველმყოფი შენობა-ნაგებობებისა;

გ.ბ) მიწათსარგებლობის გენერალური გეგმით გათვალისწინებული ყველა ზონის ტერიტორიაზე სტაციონარული არქიტექტურული ფორმებისა, კაფე-ბარის, რესტორნის, ბუნგალოს და სხვა მსგავსი ტიპის საზოგადოებრივი დანიშნულების ობიექტებისა და მათი ფუნქციონირებისათვის უზრუნველმყოფი შენობა-ნაგებობებისა.

7.2. კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დაუშვებელი (აკრძალული) სახეობების ჩამონათვალი ვრცელდება როგორც ახალმშენებლობაზე, ისე არსებულის რეკონსტრუქციაზე.

    მუხლი 8. მიწის ნაკვეთზე შენობათა განთავსების დამატებითი პირობები

1. მიწის ნაკვეთზე შენობათა განთავსება (მშენებლობა) ანდა არსებულის რეკონსტრუქცია დასაშვებია, თუ იგი არ წარმოადგენს სამშენებლოდ შეუსაბამო მიწის ნაკვეთს;

2. გარდა კანონმდებლობით გათვალისწინებული შემთხვევებისა, მიწის ნაკვეთი წარმოადგენს სამშენებლოდ შეუსაბამო მიწის ნაკვეთს, თუ:

ა) მას არ აქვს ერთი მისავლელი მაინც, მათ შორის სერვიტუტის გამოყენებით;

ბ) მიწის ნაკვეთი, რომელიც მდებარეობს წინამდებარე წესით დამტკიცებულ ტერიტორიულ ზონაში, თუ მისი ფართობი არის 150,00 კვ.მ.-ზე ნაკლები, გარდა ამ მუხლის მე- 6 პუნქტით გათვალისწინებული შემთხვევისა;

გ) მიწის ნაკვეთი საჭიროა თვითმმართველ ქ. ბათუმის ტერიტორიაზე სახელმწიფო, აჭარის ავტონომიური რესპუბლიკის ან თვითმმართველი ქალაქის – ბათუმის შესაბამისი ორგანოს გადაწყვეტილების საფუძველზე ახალი საერთაშორისო, შიდასახელმწიფოებრივი ან ადგილობრივი საავტომობილო გზის მშენებლობისათვის, ასევე არსებული საავტომობილო გზის გაგრძელება-გაფართოების მშენებლობისათვის ან თვითმმართველ ქ. ბათუმის მიერ სხვა ისეთი ინფრასტრუქტურული პროექტების განხორციელებისათვის, რომელიც „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის შესაბამისად წარმოადგენს მიწის ნაკვეთის მიმართ ექსპროპრიაციის განხორციელების საფუძველს.

3. მიწის ნაკვეთის სამშენებლოდ შეუსაბამობა ნიშნავს, რომ მშენებლობის ნებართვის გაცემაზე უფლებამოსილი პირი ვალდებულია შეუსაბამობის აღმოფხვრამდე არ დაამტკიცოს მიწის ნაკვეთის სამშენებლოდ გამოყენების პირობები, ხოლო თუ მიწის ნაკვეთის სამშენებლოდ გამოყენების პირობები დამტკიცებულია, არ შეითანხმოს არქიტექტურული პროექტი/კონსტრუქციული სქემა, ხოლო თუ ხსენებული ორივე ეტაპი გავლილია, არ გასცეს მშენებლობის ნებართვა.

4. მშენებლობის ნებართვის გაცემაზე უფლებამოსილი პირი მიწის ნაკვეთის სამშენებლოდ გამოყენების პირობების დამტკიცებაზე ან არქიტექტურული პროექტი/კონსტრუქციული სქემის შეთანხმებაზე ან/და მშენებლობის ნებართვის გაცემაზე უარის თქმის თაობაზე შესაბამისი ადმინისტრაციულ-სამართლებრივი აქტით მიწის ნაკვეთს ანიჭებს სამშენებლოდ შეუსაბამო მიწის ნაკვეთის სტატუსს.

5. ამ მუხლის მე-2 პუნქტის „ა“ ქვეპუნქტით გათვალისწინებული მისავლელი არსებულად ჩაითვლება, თუ მიწის ნაკვეთს ესაზღვრება საზოგადოებრივი სივრცე. სხვა შემთხვევაში კი, როცა მიწის ნაკვეთს ყველა მხრიდან ესაზღვრება საჯარო რეესტრში რეგისტრირებული მიწის ნაკვეთები, ან ისეთი მიწის ნაკვეთები, რომლებიც არ წარმოადგენენ საზოგადოებრივ სივრცეს, მისასვლელის არსებობა დასტურდება, თუ:

ა) მოსაზღვრედ არსებული მიწის ნაკვეთებიდან ერთს მაინც ესაზღვრება საზოგადოებრივი სივრცე და იგი წარმოადგენს სამშენებლოდ მოთხოვნილი მიწის ნაკვეთის მესაკუთრის ან მოსარგებლის საკუთრებას, მათ შორის თანასაკუთრებას, რაც დასტურდება საჯარო რეესტრის მონაცემებით;

ბ) საჯარო რეესტრში რეგისტრირებულ მესაკუთრესთან მიღწეული შეთანხმების საფუძველზე, რაც რეგისტრირებული იქნება საჯარო რეესტრში, მისასვლელად გამოყენების მიზნით მოსაზღვრედ არსებული მიწის ნაკვეთები სერვიტუტითაა დატვირთული სამშენებლოდ მოთხოვნილი მიწის ნაკვეთის სასარგებლოდ, იმდაგვარად, რომ სამშენებლოდ მოთხოვნილი მიწის ნაკვეთი უკავშირდებოდეს საზოგადოებრივ სივრცეს.

გ) სამშენებლოდ მოთხოვნილი მიწის ნაკვეთი არ მდებარეობს დასახლებათა ტერიტორიების დაგეგმარებითი თვალსაზრისით დარეგულირებელი/მოწესრიგებული განაშენიანებული ტერიტორიის ნაწილში – კვარტლში, მაგრამ არსებობს აღნიშნული ტერიტორიის კვარტალურად განაშენიანების გეგმა და სამშენებლოდ მოთხოვნილი მიწის ნაკვეთი ესაზღვრება ტერიტორიის კვარტალურად განაშენიანების გეგმით გათვალისწინებულ კვარტლის შემომსაზღვრელ პერსპექტიულ ქუჩას.

6. ამ მუხლის მე- 2 პუნქტის „ბ“ ქვეპუნქტის მოთხოვნები არ ვრცელდება, თუ მიწის ნაკვეთი მდებარეობს შენობებით განაშენიანებულ მიწის ნაკვეთებს შორის და მშენებლობის განხორციელებით სრულად უქმდება შენობებით განაშენიანებულ მიწის ნაკვეთებს შორის არსებული ღია სივრცე. ასევე, უკვე არსებული ობიექტის რეკონსტრუქციაზე, თუ არ იცვლება გაბარიტები. ამ პუნქტის მიზნებისათვის შენობებით განაშენიანებულ მიწის ნაკვეთებს შორის არსებული ღია სივრცე სრულად გაუქმებულად ითვლება იმ შემთხვევაშიც, თუ შენობებს შორის არ რჩება 0,1 მეტრზე მეტი ღია სივრცე.

7. ამ მუხლის მე-2 პუნქტის „გ“ ქვეპუნქტით გათვალისწინებულ მიწის ნაკვეთს ავტომატურად ეხსნება სამშენებლოდ შეუსაბამო მიწის ნაკვეთის სტატუსი, თუ:

ა) ამ მუხლის მე-2 პუნქტით „გ“ ქვეპუნქტით გათვალისწინებული პირის მიერ დაგეგმვიდან 10 (ათი) წლის განმავლობაში არ განხორციელდება ის ინფრასტრუქტურული პროექტი, რომლის გამოც მიწის ნაკვეთს მიენიჭა სამშენებლოდ შეუსაბამო მიწის ნაკვეთის სტატუსი, გარდა სახელმწიფო, აჭარის ავტონომიური რესპუბლიკის ან თვითმმართველი ქალაქის – ბათუმის შესაბამისი ორგანოს გადაწყვეტილების საფუძველზე ახალი საერთაშორისო, შიდასახელმწიფოებრივი ან ადგილობრივი საავტომობილო გზის მშენებლობისა, ასევე არსებული საავტომობილო გზის გაგრძელება-გაფართოების მშენებლობისა;

ბ) მიწის ნაკვეთს სახელმწიფოს, აჭარის ავტონომიური რესპუბლიკის ან თვითმმართველი ქალაქის – ბათუმის შესაბამისი ორგანოს გადაწყვეტილების საფუძველზე ახალი საერთაშორისო, შიდასახელმწიფოებრივი ან ადგილობრივი საავტომობილო გზის მშენებლობის, ასევე არსებული საავტომობილო გზის გაგრძელება-გაფართოების მშენებლობის მოტივით მინიჭებული სამშენებლოდ შეუსაბამო მიწის ნაკვეთის სტატუსი ეხსნება, თუ გაუქმდა ან შეიცვალა გადაწყვეტილება, რომელიც ითვალისწინებდა საავტომობილო გზის მშენებლობას ან არსებული საავტომობილო გზის გაგრძელება-გაფართოების მშენებლობას;

გ) თუ სახელმწიფო, აჭარის ავტონომიური რესპუბლიკის ან თვითმმართველი ქალაქის – ბათუმის შესაბამისი ორგანოს გადაწყვეტილების საფუძველზე ახალი საერთაშორისო, შიდასახელმწიფოებრივი ან ადგილობრივი საავტომობილო გზის მშენებლობისათვის, ასევე არსებული საავტომობილო გზის გაგრძელება-გაფართოების მშენებლობისათვის საჭირო არ არის მთლიანი მიწის ნაკვეთი, სამშენებლოდ შეუსაბამო მიწის ნაკვეთის სტატუსი ენიჭება მიწის ნაკვეთის მხოლოდ იმ ნაწილს, რომელიც საჭიროა აღნიშნული მიზნისათვის. შესაბამისად, მიწის ნაკვეთის დარჩენილი ნაწილი განიხილება სამშენებლო მიწის ნაკვეთად;

დ) ამ მუხლის მე-2 პუნქტით „გ“ ქვეპუნქტის მიზნებისათვის თვითმმართველი ქალაქის – ბათუმის იმ ტერიტორიაზე, რომელზეც გათვალისწინებულია ახალი საავტომობილო გზების მშენებლობა ან/და არსებული საავტომობილო გზების გაგრძელების ან/და გაფართოების მშენებლობა, მშენებლობის ნებართვის გაცემისას, თითოეული სამშენებლო მიწის ნაკვეთისათვის დგინდება განაშენიანების რეგულირების ხაზები (წითელი ხაზები) და განაშენიანების სავალდებულო ხაზები (ლურჯი ხაზები). განაშენიანების სავალდებულო ხაზები (ლურჯი ხაზები) არ შეიძლება დადგინდეს მიწის ნაკვეთის იმ ნაწილზე, რომელიც საჭიროა ახალი საავტომობილო გზის მშენებლობისათვის ან/ და არსებული საავტომობილო გზის გაგრძელების ან/და გაფართოების მშენებლობისათვის.

8. გარდა კანონმდებლობით გათვალისწინებული შემთხვევებისა, სამშენებლოდ შეზღუდულ მიწის ნაკვეთს მიეკუთვნება მრავალბინიან საცხოვრებელ სახლზე კანონმდებლობით დადგენილი წესით მიკუთვნებული მიწის ნაკვეთები, ასევე აღნიშნული მიწის ნაკვეთიდან გამოყოფილი და დამოუკიდებელ საკადასტრო ერთეულად რეგისტრირებული მიწის ნაკვეთი, რომელზეც შესაძლებელია მხოლოდ წინამდებარე წესით ნებადართული, მათ შორის სპეციალური (ზონალური) შეთანხმებით ნებადართული ობიექტის მშენებლობა.

9. ამ მუხლის მე-8 პუნქტით გათვალისწინებული მიწის ნაკვეთი ითვლება სამშენებლოდ შეზღუდულად იმ შემთხვევაშიც, როცა იგი აღარ წარმოადგენს მრავალბინიანი საცხოვრებელი სახლის ბინათმესაკუთრეთა ამხანაგობის საკუთრებას, არამედ მოხდა მისი ბინათმესაკუთრეთა ამხანაგობის ერთი ან რამდენიმე წევრისათვის შესაბამისი შეთანხმების საფუძველზე საკუთრების უფლებით გადაცემას ან/ და შესაბამისი შეთანხმების საფუძველზე იგი საჯარო რეესტრში რეგისტრირებულია ნებისმიერი მესამე პირის საკუთრებად.

10. მშენებლობის ნებართვის გაცემაზე უფლებამოსილი პირი მიწის ნაკვეთის სამშენებლოდ გამოყენების პირობების დამტკიცებაზე ან არქიტექტურული პროექტის/კონსტრუქციული სქემის შეთანხმებაზე ან/და მშენებლობის ნებართვის გაცემაზე უარის თქმის თაობაზე შესაბამისი ადმინისტრაციულ-სამართლებრივი აქტით მიწის ნაკვეთს ანიჭებს სამშენებლოდ შეზღუდული მიწის ნაკვეთის სტატუსს.

11. თუ შენობის განთავსება დაგეგმილი არ არის სამეზობლო საზღვარზე ან სარეკონსტრუქციო შენობა განთავსებული არ არის სამეზობლო საზღვარზე, სავალდებულოა შენობის საანგარიშო ზედაპირზე მოეწყოს კარი, ფანჯარა, სამტრედე და კედელში არსებული სხვა ღია ნაწილი, ასევე აივანი ან/და ერკერი ან ერთ-ერთი მათგანი მაინც.

12. თუ შენობის განთავსება დაგეგმილია სამეზობლო საზღვარზე ან სარეკონსტრუქციო შენობა განთავსებულია სამეზობლო საზღვარზე, საანგარიშო ზედაპირზე კარის, ფანჯრის, სამტრედეს და კედელში არსებული სხვა ღია ნაწილის, ასევე აივანის ან/და ერკერის ან ერთერთი მათგანის მოწყობა სავალდებულო არ არის, თუ მოსაზღვრე მიწის ნაკვეთზე განლაგებულია შენობა და მშენებლობის განხორციელებით სრულად უქმდება მოსაზღვრე მიწის ნაკვეთზე არსებულ შენობასა და სამშენებლოდ მოთხოვნილ მიწის ნაკვეთს შორის არსებული ღია სივრცე. ასევე, თუ სამშენებლოდ მოთხოვნილ მიწის ნაკვეთზე მშენებლობის ნებართვის გაცემის მოთხოვნის დროისათვის მოსაზღვრე მიწის ნაკვეთზე მიმდინარეობს ან პარალელურად მოთხოვნილია მშენებლობის ნებართვის გაცემა და აღნიშნული მშენებლობების განხორციელებით სრულად უქმდება მოსაზღვრე მიწის ნაკვეთებს შორის არსებული ღია სივრცე. ამ პუნქტის მიზნებისათვის შენობებით განაშენიანებულ მიწის ნაკვეთებს შორის არსებული ღია სივრცე სრულად გაუქმებულად ითვლება იმ შემთხვევაშიც, თუ შენობებს შორის არ რჩება 01 მეტრზე მეტი ღია სივრცე.

13. ამ მუხლის მე-11 და მე-12 პუნქტის მოთხოვნები არ ვრცელდება:

ა) თუ სამშენებლოდ მოთხოვნილი მიწის ნაკვეთი მდებარეობს დასახლებათა ტერიტორიების დაგეგმარებითი თვალსაზრისით დარეგულირებული/მოწესრიგებული განაშენიანებული ტერიტორიის ნაწილში (კვარტალში) და შენობის განთავსება დაგეგმილია კვარატლის შემომსაზღვრელ რომელიმე ქუჩაზე ან კვარტალში არსებულ მიწის ნაკვეთზე. ამ მუხლის მიზნებისათვის კვარტალი არის ოთხივე მხრიდან ქუჩებით (არ იგულისხმება მისასვლელები, ნაკვეთებს შორის გასასვლელები და შიდა კვარტალური გზები) შემოსაზღვრული განაშენიანებული ტერიტორია. ამ პუნქტით გათვალისწინებულ შემთხვევაში, მოსაზღვრე მიწის ნაკვეთზე მშენებლობის განხორციელებამდე სავალდებულოა უზრუნველყოფილ იქნეს კარის, ფანჯარის, სამტრედეს და კედელში არსებული სხვა ღია ნაწილის, ასევე აივანის ან/და ერკერის ან ერთ-ერთი მათგანის გარეშე არსებული შენობის საანგარიშო ზედაპირის არქიტექტურული იერსახე ნატურალურთან მისადაგებული სხვადასხვა მხატვრული და არქიტექტურული ელემენტებით, რაც სამომავლოდ არ წარმოადგენს დაბრკოლებას მოსაზღვრე მიწის ნაკვეთზე მშენებლობის განხორციელებისათვის;

ბ) საპროექტო შენობის საანგარიშო ზედაპირის იმ ნაწილზე, რომელიც მდებარეობს მთის, ბორცვის, პლატოს ან/და სხვა იზოლირებული ბუნებრივი ამაღლების კალთის (ფერდობის) მხარეს, თუ საპროექტო შენობის შესაბამისი სართულის იატაკის დასხმის დონემდე საპროექტო შენობასა და მთის, ბორცვის, პლატოს ან/და სხვა იზოლირებული ბუნებრივი ამაღლების კალთას (ფერდობს) შორის არა არის საავტომობილო გზა და მთის, ბორცვის, პლატოს ან/და სხვა იზოლირებული ბუნებრივი ამაღლების კალთის (ფერდობის) შეხების წერტილამდე საპროექტო შენობის შესაბამისი სართულის იატაკის წარმოსახვითი ჰორიზონტალური ხაზის სიგრძე არის ხუთ მეტრზე ნაკლები;

გ) საპროექტო შენობის საანგარიშო ზედაპირის იმ ნაწილზე, რომელიც არ წარმოადგენს მთავარ ან გვერდით ფასადს;

დ) საპროექტო შენობის საანგარიშო ზედაპირის იმ ნაწილზე, რომელსაც აქვს არაწესიერი ფორმა, თუ აღნიშნულით არ ირღვევა მთლიანი საპროექტო შენობის ვიზუალურ -ესთეტიური მთლიანობა.

14. თვითმმართველი ქალაქის – ბათუმის საკრებულო უფლებამოსილია, თვითმმართველ ქ. ბათუმის აღმასრულებელი ორგანოს წარდგინების საფუძველზე განსაზღვროს სხვა ტერიტორიული ზონები ან ქუჩები, სადაც არ ვრცელდება ამ მუხლის მე- 11 და მე- 12 პუნქტის მოთხოვნები. საკრებულოს აღნიშნული გადაწყვეტილება უნდა იყოს დასაბუთებული.

15. თუ სამშენებლოდ მოთხოვნილი მიწის ნაკვეთი არ მდებარეობს დასახლებათა ტერიტორიების დაგეგმარებითი თვალსაზრისით დარეგულირებელი/მოწესრიგებული განაშენიანებული ტერიტორიის ნაწილში – კვარტალში, მაგრამ არსებობს აღნიშნული ტერიტორიის კვარტალურად განაშენიანების გეგმა, მიწის ნაკვეთზე მშენებლობის განხორციელებისას აკრძალულია განაშენიანების რეგულირების ხაზები (წითელი ხაზები) დადგინდეს მიწის ნაკვეთის იმ ნაწილზე, რომელიც კვარტალურად განაშენიანების გეგმით გათვალისწინებულია კვარტალის შემომსაზღვრელი ქუჩებისათვის, ხოლო განაშენიანების სავალდებულო ხაზები (ლურჯი ხაზები) უნდა დადგინდეს იმდაგვარად, რომ უზრუნველყოფილ იქნეს დაგეგმარებითი თვალსაზრისით დაურეგულირებელი/ მოუწესრიგებელი განაშენიანებული ტერიტორიის სამომავლოდ დარეგულირებულ/ მოწესრიგებულ განაშენიანებულ ტერიტორიად – კვარტლად ჩამოყალიბება.

16. თვითმმართველ ქ. ბათუმის ტერიტორიაზე ინდივიდუალური საცხოვრებელი სახლების მშენებლობისას უპირატესობა მიენიჭოს მანსარდულ სახურავს, ასევე, სხვა არაწესიერი ფორმის სახურავს, თუ აღნიშნულით არ ირღვევა მთლიანი საპროექტო შენობის ვიზუალურ-ესთეტიური მთლიანობა.

    მუხლი 9. სპეციალური (ზონალური) შეთანხმება

1. სპეციალური (ზონალური) შეთანხმება არის კონკრეტული მიწის ნაკვეთისათვის, რომელზეც მოთხოვნილია მშენებლობის ნებართვის გაცემა, ქალაქთმშენებლობითი დოკუმენტაციით დადგენილი ძირითადი პარამეტრებისაგან (მოთხოვნებისაგან) განსხვავებული პარამეტრების (მოთხოვნების) დადგენა.

2. სპეციალურ (ზონალურ) შეთანხმებას საჭიროებს:

ა) კონკრეტული მიწის ნაკვეთისთვის განსაზღვრული კ-2 კოეფიციენტის მნიშვნელობის გაზრდა;

ბ) კანონმდებლობით პირდაპირ გათვალისწინებულ შემთხვევებში კონკრეტული მიწის ნაკვეთისთვის განსაზღვრული კ–1 კოეფიციენტის მნიშვნელობის გაზრდა ან გაუქმება;

გ) კონკრეტული მიწის ნაკვეთისთვის ძირითადი ნებადართული სახეობის გარდა კანონმდებლობით პირდაპირ გათვალისწინებული სხვა უძრავი ქონების (ობიექტების) დასაშვები სახეობ(ებ)ის განსაზღვრა;

დ) ზონის ტერიტორიაზე მდებარე მრავალბინიან საცხოვრებელ სახლზე კანონმდებლობით დადგენილი წესით მიკუთვნებულ მიწის ნაკვეთებზე, მათ შორის იმ მიწის ნაკვეთებზე, რომლებიც მიკუთვნებული იყო მრავალბინიან საცხოვრებელ სახლზე, მაგრამ მოხდა მისი გამოყოფა და დამოუკიდებელ საკადასტრო ერთეულად რეგისტრაცია არსებული ობიექტების რეკონსტრუქცია;

ე) კანონმდებლობით გათვალისწინებული სხვა გადაწყვეტილებები.

3. სპეციალურ (ზონალურ) შეთანხმებაზე გადაწყვეტილებას დასახლებათა ტერიტორიების გამოყენებისა და განაშენიანების რეგულირების საკითხთა კომისიის წარდგინების საფუძველზე ღებულობს თვითმმართველ ქ. ბათუმის აღმასრულებელი ორგანოს ხელმძღვანელი. გადაწყვეტილება მიიღება ინდივიდუალური ადმინისტრაციულ-სამართლებრივი აქტის სახით.

    მუხლი 10. დასახლებათა ტერიტორიების გამოყენებისა და განაშენიანების რეგულირების საკითხთა კომისია

1. დასახლებათა ტერიტორიების გამოყენებისა და განაშენიანების რეგულირების შემდგომი დახვეწისა და ეფექტური ფუნქციონირების მიზნით იქმნება დასახლებათა ტერიტორიების გამოყენებისა და განაშენიანების საკითხთა კომისია (შემდგომში – კომისია).

2. კომისიას ქმნის და მის შემადგენლობას თვითმმართველ ქ. ბათუმის აღმასრულებელი ორგანოს წარდგინების საფუძველზე განსაზღვრავს საკრებულო. კომისიის შემადგენლობა განისაზღვრება არანაკლებ ხუთი და არა უმეტეს თერთმეტი წევრისაგან. კომისიის წევრთა შემადგენლობა სავალდებულოა იყოს კენტი.

3. კომისიის შექმნასთან ერთად კომისიის ერთ-ერთი წევრი ინიშნება კომისიის თავმჯდომარედ.

4. კომისია ძირითადად იქმნება თვითმმართველი ქალაქის – ბათუმის საკრებულოს წევრებისა და ქ. ბათუმის მერიის წარმომადგენლებისაგან. კომისიის შემადგენლობაში შეიძლება შედიოდეს ასევე ნებისმიერი სხვა პირიც. კომისიის მუშაობაში შეიძლება მოწვეული იყვნენ დარგის სპეციალისტები, დაინტერესებული პირები და კომისიის შეხედულებისამებრ სხვა პირები.

5. კომისიის ერთ -ერთი წევრი ინიშნება კომისიის მდივნად, რომელიც ახდენს კომისიის მიერ განსახილველ საკითხზე კომისიის წევრებისათვის შესაბამისი დოკუმენტაციისა და ინფორმაციის მიწოდებას, კომისიის სხდომის თარიღისა და დროის შესახებ ატყობინებს კომისიის წევრებს და მოწვეულ პირებს, აწარმოებს კომისიის სხდომის ოქმს, ახორციელებს კომისიის მუშაობის სხვა ორგანიზაციულ-სამართლებრივ ღონისძიებებს და კომისიის თავმჯდომარის დავალებით სხვა უფლებამოსილებებს.

6. კომისიის წევრი კომისიაში საქმიანობას ეწევა ანაზღაურების გარეშე.

7. კომისია არ წარმოადგენს ადმინისტრაციულ ორგანოს, შესაბამისად იგი არ წარმოადგენს სამართლებრივი ურთიერთობის მონაწილეს.

8. კომისია საკითხს იხილავს და გადაწყვეტილებას ღებულობს სხდომაზე, რომლის თაობაზეც ფორმდება კომისიის სხდომის ოქმი.

9. კომისიის მიერ გადაწყვეტილება მიღებულად ითვლება, თუ მას მხარს დაუჭერს კომისიის სრული შემადგენლობის ნახევარზე მეტი. ხმათა თანაბრად გაყოფის შემთხვევაში გადამწყვეტია კომისიის თავმჯდომარის ხმა. აღნიშნულის გამო კომისიის თავმჯდომარე განსახილველ საკითხზე ბოლოს აძლევს ხმას.

10. კომისიის გადაწყვეტილება არ წარმოადგენს ადმინისტრაციულ–სამართლებრივ აქტს და მას კომისიის მიერ განხილულ საკითხზე საბოლოო გადაწყვეტილების მიმღები პირისათვის აქვს მხოლოდ სარეკომენდაციო ხასიათი. შესაბამისად, კომისიის გადაწყვეტილება არ ექვემდებარება გასაჩივრებას და მისი მომზადებისა და გამოცემის მიმართ არ გამოიყენება ადმინისტრაციულ-სამართლებრივი აქტის მომზადებისა და გამოცემისათვის დადგენილი მოთხოვნები.

11. კომისია თავის საქმიანობაში იყენებს ქ. ბათუმის მერიის მატერიალურ-ტექნიკურ ბაზას.

12. კომისიის საქმისწარმოების დოკუმენტაცია ინახება იმ საბოლოო გადაწყვეტილებასთან ერთად, რომელსაც წარედგინა საბოლოო გადაწყვეტილების მისაღებად კომისიის გადაწყვეტილება. სხვა შემთხვევაში კომისიის საქმისწარმოების დოკუმენტაციის დაცვა/შენახვა/დამუშავებას ახორციელებს ქ. ბათუმის მერიის ადმინისტრაცია.

13. კომისიის კომპეტენციას განეკუთვნება:

ა) დასახლებათა ტერიტორიის გამოყენებისა და განაშენიანების რეგულირების საკითხებზე რეკომენდაციების მომზადება;

ბ) ქალაქთმშენებლობითი დოკუმენტების მომზადებაში მონაწილეობა;

გ) სპეციალური (ზონალური) შეთანხმების საკითხის განხილვა და სპეციალური (ზონა–ლური) შეთანხმებისათვის/შეთანხმებაზე უარის თქმისათვის შესაბამისი გადაწყვეტილების მომზადება;

დ) კანონმდებლობით პირდაპირ გათვალისწინებულ შემთხვევაში კონკრეტული მიწის ნაკვეთისათვის დამოუკიდებელი განაშენიანების რეგულირების გეგმის შემუშავება და უფლებამოსილი ორგანოსადმი დასამტკიცებლად წარდგენა;

ე) კანონმდებლობით გათვალისწინებული სხვა უფლებამოსილების განხორციელება.

14. კომისიას შეიძლება დაეკისროს სხვა უფლებამოსილების განხორციელებაც, რაც არ საჭიროებს წინამდებარე წესში ცვლილებების შეტანას.

15. კომისიას შეიძლება ჰქონდეს დებულება, რომელსაც ამტკიცებს თვითმმართველი          ქ. ბათუმის აღმასრულებელი ორგანო.

16. მშენებლობის ნებართვის გამცემი ორგანოს გადაწყვეტილებით შეიძლება შეიქმნას მშენებლობის ნებართვის გამცემი ორგანოს სხვა სათათბირო ორგანოც (კომისია, საბჭო და სხვა), რომლის შემადგენლობა განისაზღვრება მისი შექმნის თაობაზე აქტით, ხოლო უფლებამოსილება მისი შექმნის თაობაზე აქტით, ხოლო არსებობისას დამატებით დებულებით.

    მუხლი 11. ქალაქთმშენებლობის დოკუმენტაცია და მათი დამტკიცების წესი

    

 თვითმმართველი ქ. ბათუმის ტერიტორიაზე ქალაქთმშენებლობის დოკუმენტაცია შედგება „ძირითადი დებულებებისაგან”, წინამდებარე წესისაგან, მიწათსარგებლობის გენერალური გეგმისაგან, განაშენიანების რეგულირების გეგმისაგან და კონკრეტული მიწის ნაკვეთისათვის სამშენებლო დოკუმენტისაგან.

    მუხლი 12. თვითმმართველი ქალაქის – ბათუმის მიწათსარგებლობის გენერალური გეგმა და მისი დამტკიცების წესი

თვითმმართველი ქალაქის – ბათუმის მიწათსარგებლობის გენერალური გეგმას, „ძირითადი დებულებებისა” და წინამდებარე წესის გათვალისწინებით თვითმმართველ   ქ. ბათუმის აღმასრულებელი ორგანოს წარდგინების საფუძველზე ამტკიცებს თვითმმართველი ქალაქის – ბათუმის საკრებულო. თვითმმართველი ქალაქის – ბათუმის მიწათსარგებლობის გენერალური გეგმის დამტკიცების მიზნით ადმინისტრაციულ წარმოებას ახორციელებს საკრებულო.

    მუხლი 13. თვითმმართველი ქალაქის – ბათუმის განაშენიანების რეგულირების გეგმა და მისი დამტკიცების წესი

1. თვითმმართველი ქალაქის – ბათუმის განაშენიანების რეგულირების გეგმას, წინამდებარე წესით დადგენილი წესით ამტკიცებს თვითმმართველ ქ. ბათუმის აღმასრულე–ბელი ორგანო. თვითმმართველი ქალაქის – ბათუმის განაშენიანების რეგულირების გეგმის დამტკიცების მიზნით ადმინისტრაციულ წარმოებას ახორციელებს ქ. ბათუმის მერია.

2. კონკრეტული მიწის ნაკვეთისათვის სამშენებლო დოკუმენტს მშენებლობის ნებართვის გაცემის გზით ამტკიცებს მშენებლობის ნებართვის გამცემი.

3. წინამდებარე წესის შესაბამისად თვითმმართველ ქ. ბათუმის აღმასრულებელი ორგანო შეიმუშავებს და ამტკიცებს განაშენიანების რეგულირების გეგმას.

4. თვითმმართველ ქ. ბათუმის აღმასრულებელი ორგანოს უფლება აქვს განაშენიანების რეგულირების გეგმა დაამტკიცოს ქალაქის მთელი ტერიტორიისათვის ან კონკრეტული ნაწილისათვის (უბანი, ერთი ან რამდენიმე კვარტალი და ა.შ.), ხოლო კანონმდებლობით გათვალისწინებულ შემთხვევაში ერთ საკადასტრო ერთეულად რეგისტრირებული ტერიტორიისათვის.

5. თვითმმართველ ქ. ბათუმის აღმასრულებელი ორგანო უფლებამოსილია ერთად დაამტკიცოს განაშენიანების რეგულირების გეგმის ყველა ნაწილი (ზონირების ნაწილი, საინჟინრო ნაწილი, ტექსტური ნაწილი და თემატური ნაწილი) ან განაშენიანების რეგულირების მხოლოდ რამდენიმე ნაწილი (მაგ., ზონირების ნაწილი და საინჟინრო ნაწილი) ანდა განაშენიენების რეგულირების გეგმის მხოლოდ ერთი ნაწილი (მაგ., მხოლოდ ზონირების ნაწილი), გარდა ამ მუხლის მე-7 პუნქტით გათვალისწინებული შემთხვევისა.

6. განაშენიანების რეგულირების გეგმის ანდა მისი რომელიმე ნაწილის დამტკიცებისას, თვითმმართველ ქ. ბათუმის აღმასრულებელი ორგანოს უფლება აქვს გეგმარებითი დავალებით აღარ გაითვალისწინოს ისეთი წინასაპროექტო კვლევების ჩატარება, რომლებიც სრულად იქნა ჩატარებული მიწათსარგებლობის გენერალური გეგმის შემუშავებისას, თუ მიწათსარგებლობის გენერალური გეგმის დამტკიცების შემდეგ არსებითად არ შეცვლილა კვლევის შედეგები, გარდა ამ მუხლის მე-7 პუნქტით გათვალისწნებული შემთხვევისა.

7. თვითმმართველ ქ. ბათუმის აღმასრულებელი ორგანო ვალდებულია კანონმდებლობით გათვალისწნებულ შემთხვევაში ერთ საკადასტრო ერთეულად რეგისტრირებული ტერიტორიისათვის განაშენიანების რეგულირების გეგმის შემუშავება-დამტკიცებისას დაამტკიცოს განაშენიანების რეგულირების გეგმის ყველა ნაწილი და გეგმარებითი დავალებით გაითვალისწინოს ყველა ის წინასაპროექტო კვლევა, რომლებიც გათვალისწნებულია საქართველოს ეკონომიკური განვითარების მინისტრის 2008 წლის 08 ივლისის №1-1/1254 ბრძანებით დამტკიცებული „დასახლებათა ტერიტორიების გამოყენებისა და განაშენიანების რეგულირების ძირითადი დებულებების” 21-ე მუხლის მე-3-8 მუხლებით და 22-ე მუხლით.

8. განაშენიანების რეგულირების გეგმის ან მისი რომელიმე ნაწილის დამტკიცებისას ადმინისტრაციულ წარმოებას თვითმმართველ ქ. ბათუმის აღმასრულებელი ორგანო ახორციელებს ორ ეტაპად, რომელთაგან თითოეულზე მიმდინარეობს დამოუკიდებელი წარმოება. მხოლოდ წინა ეტაპით გათვალისწინებული ადმინისტრაციული წარმოების დასრულებისა და დადებითი ადმინისტრაციულ-სამართლებრივი აქტის გამოცემის შემდეგ არის შესაძლებელი შემდეგი ეტაპის ადმინისტრაციული წარმოების დაწყება. თითოეული ეტაპის ადმინისტრაციული წარმოების დაწყების თაობაზე ქ. ბათუმის მერია გამოსცემს ინდივიდუალურ ადმინისტრაციულ-სამართლებრივ აქტს ადმინისტრაციული წარმოების დაწყების შესახებ.

9. განაშენიანების რეგულირების გეგმის დამტკიცების ეტაპებია:

ა) I ეტაპი – განაშენიანების რეგულირების გეგმის ან მისი რომელიმე ნაწილის გეგმარებითი დავალების დამტკიცება;

ბ) II ეტაპი – განაშენიენების რეგულირების გეგმის ან მისი რომელიმე ნაწილის დამტკიცება.

10. განაშენიანების რეგულირების გეგმის დამტკიცებისას თითოეული ეტაპისათვის გათვალისწინებულია:

ა) I ეტაპი – ადმინისტრაციული წარმოების ვადა არ აღემატება 20 დღეს;

ბ) II ეტაპი – ადმინისტრაციული წარმოების ვადა არ აღემატება 30 დღეს.

11. განაშენიანების რეგულირების გეგმის ან მისი რომელიმე ნაწილის დამტკიცებისას პირველი ეტაპი მიმდინარეობს საქართველოს ზოგადი ადმინისტრაციული კოდექსის VI თავით დადგენილი მარტივი ადმინისტრაციული წესის შესაბამისად, ხოლო მეორე ეტაპი მიმდინარეობს საქართველოს ზოგადი ადმინისტრაციული კოდექსის IX თავით დადგენილი საჯარო ადმინისტრაციული წარმოების წესის შესაბამისად.

12. განაშენიანების რეგულირების გეგმის ან მისი რომელიმე ნაწილის დამტკიცებისას            ქ. ბათუმის მერია გამოსცემს შემდეგ ინდივიდუალურ ადმინისტრაციულ-სამართლებრივ აქტებს:

ა) I ეტაპი – განაშენიანების რეგულირების გეგმის ან მისი რომელიმე ნაწილის გეგმარებითი დავალების დამტკიცების თაობაზე ინდივიდუალური ადმინისტრაციულ-სამართლებრივი აქტი;

ბ) II ეტაპი – განაშენიანების რეგულირების გეგმის ან მისი რომელიმე ნაწილის დამტკიცების თაობაზე ინდივიდუალური ადმინისტრაციულ-სამართლებრივი აქტი.

13. ამ მუხლის შესაბამისად ხორციელდება ასევე განაშენიანების რეგულირების გეგმაში ცვლილებ(ებ)ისა და დამატებ(ებ)ის შეტანა.

14. განაშენიანების რეგულირების გეგმის გაუქმებისას, თუ არ ხდება ახალი განაშენიანების რეგულირების გეგმის დამტკიცება, ქ. ბათუმის მერიის მიერ გამოიყენება საქართველოს ზოგადი ადმინისტრაციული კოდექსის IX თავით გათვალისწინებული საჯარო ადმინისტრაციული წარმოების წესები.

    მუხლი 14. დამატებითი მოთხოვნები მშენებლობის ნებართვის გაცემის სტადიების მიმართ

1. თვითმმართველ ქ. ბათუმის ტერიტორიაზე მშენებლობის ნებართვის გაცემის სტადიები და მათი ვადები განისაზღვრება საქართველოს კანონმდებლობით.

2. თვითმმართველ ქ. ბათუმის მთელს ტერიტორიაზე მშენებლობის განხორციელებისას სავალდებულოა არქიტექტურული პროექტის შეთანხმება.

3. მიწის ნაკვეთის სამშენებლოდ გამოყენების პირობების დამტკიცების სტადიაზე ინფორმაცია მიწის ნაკვეთის შესახებ სავალდებულოა დამატებით ითვალისწინებდეს:

ა) თუ მიწის ნაკვეთზე უკვე არსებობს შენობა-ნაგებობები, არსებული მიწის ნაკვეთის განაშენიანების კოეფიციენტს (კ–1), არსებულ მიწის ნაკვეთის განაშენიანების ინტენსივობის კოეფიციენტს (კ–2) და გამწვანების კოეფიციენტს (კ–3), სამშენებლოდ მოთხოვნილ მიწის ნაკვეთთან მიმართებაში საკუთრივ საპროექტო ობიექტის მიწის ნაკვეთის განაშენიანების კოეფიციენტს (კ–1) და მიწის ნაკვეთის განაშენიანების ინტენსივობის კოეფიციენტს (კ–2) და, არსებული და საპროექტო შენობა-ნაგებობების გათვალისწინებით სამშენებლოდ მოთხოვნილი მიწის ნაკვეთის განაშენიანების კოეფიციენტს (კ–1), მიწის ნაკვეთის განაშენიანების ინტენსივობის კოეფიციენტს (კ-2) და გამწვანების კოეფიციენტს (კ–3), რაც წარმოადგენს სამშენებლოდ მოთხოვნილი მიწის ნაკვეთის საპროექტო კოეფიციენტებს.

4. მიწის ნაკვეთის სამშენებლოდ გამოყენების პირობების დამტკიცების სტადიაზე შენობა-ნაგებობების მშენებლობის მიმართ ნებართვის მაძიებლის ძირითადი მოთხოვნები სავალდებულოა დამატებით ითვალისწინებდეს:

ა) III და IV კლასების შენობა–ნაგებობების ახალი მშენებლობისას ფასადების მოწყობის მიზნით გამოსაყენებელი მასალის შესახებ ინფორმაციას და დასაბუთებას გამოსაყენებელი მასალის ნესტგამძლეობის შესახებ, რაც გამორიცხავს ნალექის შეღწევას შენობა-ნაგებობის ინტერიერში;

ბ) თვითმმართველი ქალაქის – ბათუმის საკრებულოს მიერ განსაზღვრულ ტერიტორიულ ზონაში ან ქუჩაზე მშენებლობის განხორციელებისას ფასადისა ან/და სახურავისათვის, ასევე სხვა ისეთი ელემენტის მშენებლობისათვის, რომელიც განსაზღვრავს საპროექტო ობიექტის არქიტექტურულ იერსახეს, გამოსაყენებელი მასალის შესახებ ინფორმაციას;

5. მშენებლობის ნებართვის გამცემი უფლებამოსილია მიწის ნაკვეთის სამშენებლოდ გამოყენების პირობების დამტკიცების სტადიაზე შესაბამისი ადმინისტრაციულ-სამართლებრივი აქტით დაადგინოს სხვა მოთხოვნებიც სამშენებლოდ მოთხოვნილი მიწის ნაკვეთის ან საპროექტო შენობა-ნაგებობების მიმართ, რომელიც გათვალისწინებულ უნდა იქნეს არქიტექტურული პროექტის ან/და მშენებლობის ორგანიზების პროექტის დამუშავებისას. ამ მიზნით, თუ განმცხადებლის მიერ ზოგადი პრინციპებისაგან განსხვავებით მოთხოვნილია სამშენებლო დოკუმენტების ერთ სტადიად დამტკიცება ან ორსტადიანი ადმინისტრაციული წარმოების განხორციელება, მშენებლობის ნებართვის გამცემი უფლებამოსილია, მოთხოვნა დააკმაყოფილოს ნაწილობრივ და დაამტკიცოს მხოლოდ მიწის ნაკვეთის სამშენებლოდ გამოყენების პირობები.

6. მიწის ნაკვეთის სამშენებლოდ გამოყენების პირობების დამტკიცების სტადიაზე ახალი მშენებლობისა და რეკონსტრუქციის თაობაზე განცხადებას სავალდებულოა დამატებით დაეთოს:

ა) საპროექტო ობიექტის ჩვენებით და მის გარეშე (არსებული მდგომარეობით) ფოტო განშლა საპროექტო ობიექტის ორივე მხარეს არანაკლებ 50 (ორმოცდაათი) მეტრის მანძილზე არსებული შენობა-ნაგებობების ჩვენებით, თუ მშენებლობა დაგეგმილია ტერიტორიების დაგეგმარებითი თვალსაზრისით დარეგულირებელი/მოწესრიგებული განაშენიანებული ტერიტორიის ნაწილში – კვარტალში ან/და საპროექტო ობიექტი უშუალოდ ემიჯნება ქუჩის საზოგადოებრივ სივრცეს. ასევე, მოთხოვნისას, ესკიზის სახით საპროექტო ტერიტორიის მიმდებარე ტერიტორიის პერსპექტიული განვითარების გეგმა;

ბ) საპროექტო ობიექტის ფოტომონტაჟი არანაკლებ 50 (ორმოცდაათი) მეტრის რადიუსში არსებული შენობა-ნაგებობების ჩვენებით, თუ მშენებლობა დაგეგმილია ტერიტორიების დაგეგმარებითი თვალსაზრისით დაურეგულირებელი/მოუწესრიგებელი განაშენიანებული ტერიტორიის ნაწილში;

გ) საკადასტრო საზღვრის პროექციის ჩვენებით განაშენიანების რეგულირების ხაზების (წითელი ხაზები) და განაშენანების სავალდებულო ხაზების (ლურჯი ხაზები) გეგმა, თუ მშენებლობა დაგეგმილია ტერიტორიების დაგეგმარებითი თვალსაზრისით დაურეგულირებელი/მოუწესრიგებელი განაშენიანებული ტერიტორიის ნაწილში, მაგრამ არსებობს აღნიშნული ტერიტორიის კვარტალურად განაშენიანების გეგმა;

დ) სამშენებლოდ მოთხოვნილ მიწის ნაკვეთთან მისასვლელი გზის არსებობის დამადასტურებელი დოკუმენტი;

ე) სამშენებლოდ მოთხოვნილ მიწის ნაკვეთზე საპროექტო ობიექტის განთავსების გეგმა ამავე მიწის ნაკვეთზე განლაგებულ მესამე პირთა საკუთრებაში არსებულ შენობა-ნაგებობებთან მიმართებაში, თუ სამშენებლოდ მოთხოვნილ მიწის ნაკვეთზე განლაგებულია მესამე პირთა საკუთრებაში არსებული შენობა-ნაგებობები;

ვ) სამშენებლოდ მოთხოვნილ მიწის ნაკვეთზე განლაგებული, მესამე პირთა საკუთრებაში არსებული შენობა-ნაგებობის წარმოსახვითი სამეზობლო საზღვრ(ებ)ის გეგმა, რომელიც კანონმდებლობით დადგენილი წესით შეთანხმებული უნდა იყოს მიწის ნაკვეთის სხვა მესაკუთრეებთან;

ზ) სამშენებლოდ მოთხოვნილ მიწის ნაკვეთზე განსათავსებელი შენობის მოთხოვნილი სიმაღლის ანგარიში;

თ) სხვა დოკუმენტი, რომელიც ადასტურებს, რომ წინამდებარე წესით გათვალისწინებული რომელიმე შეზღუდვა არ მოქმედებს სამშენებლოდ მოთხოვნილი მიწის ნაკვეთის მიმართ.

7. არქიტექტურული პროექტი სავალდებულოა დამატებით მოიცავდეს:

ა) შენობა-ნაგებობების ფასადებს საკადასტრო საზღვრის პროექციის ჩვენებით;

ბ) ხუთ და მეტსართულიანი შენობა-ნაგებობათა მშენებლობისას, მშენებლობადასრულებული შენობა-ნაგებობების ფასადების განათების პროექტს ან დასაბუთებას მისი საჭიროების ან აუცილებლობის არარსებობის შესახებ. თუ მშენებლობის ნებართვის გამცემი არ იზიარებს ფასადების განათების საჭიროების ან აუცილებლობის არარსებობის თაობაზე მშენებლობის ნებართვის მაძიებლის მოსაზრებას, საქართველოს ზოგადი ადმინისტრაციული კოდექსის 83 -ე მუხლის შესაბამისად, წერილობით სთხოვს მშენებლობის ნებართვის მაძიებლს ფასადების განათების პროექტის წარმოდგენას;

გ) შვიდ და მეტ სართულიანი საცხოვრებელი სახლის (კომპლექსის) მშენებლობისას მეხამრიდის განთავსების გეგმას ან დასაბუთებას მეხამრიდის საჭიროების ან აუცილებლობის არარსებობის შესახებ. თუ მშენებლობის ნებართვის გამცემი არ იზიარებს მეხამრიდის საჭიროების ან აუცილებლობის არარსებობის თაობაზე მშენებლობის ნებართვის მაძიებლის მოსაზრებას, საქართველოს ზოგადი ადმინისტრაციული კოდექსის 83 -ე მუხლის შესაბამისად, წერილობით სთხოვს მშენებლობის ნებართვის მაძიებლს მისი განთავსების გეგმის წარმოდგენას;

დ) IV კლასის შენობა-ნაგებობათა მშენებლობისას შუქსასიგნალო მოწყობილობის განთავსების გეგმას.

8. თუ მშენებლობის ნებართვა გაიცემა მიწის ნაკვეთის სამშენებლოდ გამოყენების პირობების დამტკიცების საფუძველზე, სავალდებულოა არქიტექტურული პროექტი შეესაბამებოდეს დამტკიცებულ მიწის ნაკვეთის სამშენებლოდ გამოყენების პირობებს.

9. არქიტექტურული პროექტით დასაშვებია მიწის ნაკვეთის სამშენებლოდ გამოყენების პირობებით დამტკიცებული პარამეტრების შემდეგი ცვლილებები:

ა) საპროექტო შენობა-ნაგებობის გაბარიტების გაზრდა ან შემცირება არაუმეტეს ერთი მეტრისა, თუ არ ირღვევა კანონმდებლობით დადგენილი მიწის ნაკვეთის განაშენიანების კოეფიციენტი კ-1 ან მიწის ნაკვეთის განაშენიანების ინტენსივობის კოეფიციენტი კ-2;

ბ) სამშენებლოდ მოთხოვნილი მიწის ნაკვეთისათვის დადგენილი განაშენიანების კოეფიციენტის კ–1-ის ან მიწის ნაკვეთის განაშენიანების ინტენსივობის კოეფიციენტის კ-2-ის კანონმდებლობით დადგენილ ოდენობამდე გაზრდა ან შემცირება, თუ აღნიშნული არ იწვევს საპროექტო შენობა-ნაგებობის გაბარიტების კანონმდებლობით დასაშვებზე მეტად ცვლილებას;

გ) საპროექტო შენობა-ნაგებობის დადგენილი სიმაღლის შეუცვლელად საპროექტო შენობა-ნაგებობის სართულ(ებ)ის სიმაღლეების გაზრდა ან შემცირება, თუ აღნიშნულით არ ირღვევა ურბანული განაშენიანება ან ურბანული განაშენიანების პერსპექტიული გეგმა ან აღნიშნული არ იწვევს საპროექტო შენობა–ნაგებობის არქიტექტურული იერსახის დარღვევას (საპროექტო შენობა-ნაგებობა ხდება გაუწონასწორებელი);

დ) სართულების რაოდენობის შეუცვლელად საპროექტო შენობა–ნაგებობის დადგენილი სიმაღლის გაზრდა ან შემცირება, თუ აღნიშნულით არ ირღვევა ურბანული განაშენიანება ან ურბანული განაშენიანების პერსპექტიული გეგმა ან აღნიშნული არ იწვევს საპროექტო შენობა-ნაგებობის არქიტექტურული იერსახის დარღვევას (საპროექტო შენობა–ნაგებობა ხდება გაუწონასწორებელი);

ე) ტერიტორიის კეთილმოწყობის პირობების ცვლილება;

ვ) საპროექტო შენობა-ნაგებობის ფუნქციური დანიშნულების ცვლილება ყველა ფუნქციური დანიშნულებიდან სასტუმროდ ან საცხოვრებელი ან საზოგადოებრივი ან/და სამრეწველო დანიშნულებიდან მრავალფუნქციური დანიშნულების, დასასვენებელ, სამკურნალო, სპორტულ ან/და გასართობ ობიექტად, თუ იგი მიეკუთვნება კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დასაშვებ (ნება-დართული) სახეობას;

ზ) საპროექტო შენობა-ნაგებობის სხვა პარამეტრების ცვლილება, რაც წინამდებარე პუნქტის გათვალისწინებით არსებით გავლენას არ ახდენს საპროექტო შენობა-ნაგებობაზე;

10. შესაბამისი მატერიალურ-ტექნიკური პირობების არსებობისას თვითმმართველ             ქ. ბათუმის ტერიტორიაზე არქიტექტურული პროექტი შესაძლებელია წარდგენილი იყოს ელექტრონული ფორმით.

11. მშენებლობის ნებართვის გაცემის სტადიაზე სავალდებულოა დამატებით წარდგენილი იქნეს:

ა) ახალი მშენებლობისას, დემონტაჟისას, ასევე ისეთი შენობა-ნაგებობის ან მისი ნაწილის რეკონტრუქციისას, რომელიც საჯარო რეესტრში არ არის რეგისტრირებული დამოუკიდებელ ერთეულად, მიწის ნაკვეთზე საკუთრების დამადასტურებელი დოკუმენტი, ხოლო თუ მშენებლობის ნებართვის მაძიებელი არ არის არამესაკუთრე, მიწის ნაკვეთზე აღნაგობის უფლების დამადასტურებელი დოკუმენტი;

ბ) ისეთი შენობა-ნაგებობის ან მისი ნაწილის რეკონტრუქციისას, რომელიც საჯარო რეესტრში რეგისტრირებულია დამოუკიდებელ ერთეულად, დამოუკიდებელ ერთეულად რეგისტრირებულ ფართზე საკუთრების დამადასტურებელი დოკუმენტი, ხოლო თუ მშენებლობის ნებართვის მაძიებელი არის არამესაკუთრე, სარგებლობის დამადასტურებელი დოკუმენტი;

გ) ახალი მშენებლობისას, დემონტაჟისას და რეკონტრუქციისას, მიწის ნაკვეთის თანასაკუთრების შემთხვევაში, კანონმდებლობის შესაბამისად გაცემული თანამესაკუთრეთა თანხმობა.

12. მშენებლობის ნებართვის მოქმედების ვადის გაგრძელებისას სავალდებულო არ არის თანამესაკუთრეთა თანხმობის წარმოდგენა.

13. ახალი მშენებლობის ნებართვის მიღების მოთხოვნისას შესაძლეელია წარმოდგენილ იქნეს პირველი მშენებლობის ნებართვის მიღებისას გაცემული თანამესაკუთრეთა თანხმობა.

14. ხუთ და მეტსართულიან შენობა-ნაგებობათა მშენებლობისას, მშენებლობის ორგანიზების პროექტი სავალდებულოა დამატებით მოიცავდეს:

ა) მშენებლობის პროცესში შენობა-ნაგებობების ფასადების განათების პროექტს, გარდა ინდივიდუალური საცხოვრებელი სახლის მშენებლობისა;

ბ) მშენებლობის პროცესში შენობა-ნაგებობის შეფუთვის პროექტს;

გ) სამშენებლო ღობის პროექტს.

15. აკრძალულია მშენებლობის ნებართვის გაცემის რომელიმე სტადიაზე დამკვეთის (მშენებლობის ნებართვის მაძიებლის) შეცვლა, სანამ არ გაიცემა მშენებლობის ნებართვა. შესაბამისად, მესამე პირზე საკუთრების უფლებით გადაცემას ექვემდებარება მხოლოდ მშენებლობის ნებართვა. მშენებლობის ნებართვის გადაცემის მიზნით მესამე პირი ვალდებულია კანონმდებლობით განსაზღვრულ დოკუმენტებთან ერთად დამატებით წარმოადგინოს მშენებლობის ნებართვაზე საკუთრების უფლების მოპოვების დამადასტურებელი დოკუმენტი. მშენებლობის ნებართვაზე საკუთრების უფლების მოპოვების დამადასტურებელ დოკუმენტს ცვლის მშენებლობის ნებართვის მფლობელისა და მესამე პირის მიერ მშენებლობის ნებართვის გამცემი ორგანოსადმი წარდგენილი ერთობლივი განცხადება, რომლითაც განმცხადებლები პირდაპირ და არაორაზროვნად, რაიმე დათქმების გარეშე დაადასტურებენ, რომ მშენებლობის ნებართვა გადაცემული აქვს მესამე პირს. მესამე პირზე საკუთრების უფლებით გადაცემას ექვემდებარება მშენებლობის ნებართვა, თუ მას გასული არ აქვს მოქმედების ვადა.

16. თუ მშენებლობის ნებართვის გაცემის სტადიაზე დადგინდა, რომ მიწის ნაკვეთის სამშენებლოდ გამოყენების დამტკიცების შემდეგ ან/და არქიტექტურული პროექტის, კონსტრუქციული ან ტექნოლოგიური სქემის შეთანხმების შემდეგ მიწის ნაკვეთის ფართობი შემცირდა იმდაგვარად, რომ ირღვევა ქალაქთმშენებლობის დოკუმენტით დადგენილი მიწის ნაკვეთის განაშენიანების კოეფიციენტი კ-1 ან მიწის ნაკვეთის განაშენიანების ინტენსივობის კოეფიციენტი კ-2 ან/და გამწვანების კოეფიციენტი კ-3, მშენებლობის ნებართვის გამცემი ვალდებულია უარი უთხრას განმცხადებელს მშენებლობის ნებართვის გაცემაზე.

17. თუ მშენებლობის ნებართვის გაცემის სტადიაზე დადგინდა, რომ მიწის ნაკვეთის სამშენებლოდ გამოყენების დამტკიცების შემდეგ ან/და არქიტექტურული პროექტის, კონსტრუქციული გეგმის ან ტექნოლოგიური სქემის შეთანხმების შემდეგ გაუარესდა მიწის ნაკვეთის ფაქტობრივი ან სამართლებრივი მდგომარეობა იმდაგვარად, რომ მისი შესაბამის სტადიაზე არსებობისას არ მოხდებოდა მიწის ნაკვეთის სამშენებლოდ გამოყენების დამტკიცება ან/და არქიტექტურული პროექტის, კონსტრუქციული ან ტექნოლოგიური სქემის შეთანხმება, მშენებლობის ნებართვის გამცემი ვალდებულია უარი უთხრას განმცხადებელს მშენებლობის ნებართვის გაცემაზე.

    მუხლი 15. დამატებითი სანებართვო პირობები

თვითმმართველ ქ. ბათუმის ტერიტორიაზე მშენებლობის განხორციელებისას დადგინდეს შემდეგი დამატებითი სანებართვო პირობები:

1. თვითმმართველი ქალაქის – ბათუმის ტერიტორიაზე III ან IV კლასის მრავალბინიანი საცხოვრებელი სახლების ახალი მშენებლობისას ან/და არსებული ობიექტის იმდაგვარად რეკონსტრუქციისას, რომ რეკონსტრუქციის შემდეგ ობიექტი ხდება III ან IV კლასის მრავალბინიანი საცხოვრებელი სახლი, მშენებლობის ნებართვის მფლობელის მიერ ფასადების შემდგომი მოვლა-ექსპლუატაციის ვალდებულების საგარანტიო პერიოდი განისაზღვროს ათი წლის ვადით. საგარანტიო პერიოდის ვადის ათვლა იწყება ობიექტის ექსპლუატაციაში მიღების დღიდან.

2. საგარანტიო პერიოდის განმავლობაში მშენებლობის ნებართვის მფლობელი ვალდებულია საკუთარი სახსრებით უზრუნველყოს ექსპლუატაციაში მიღებული მრავალბინიანი საცხოვრებელი სახლის ფასადების მოვლა-პატრონობა, რაც გულისხმობს გარემოს ზემოქმედების ან/და სხვა გარემოებების შედეგად დაზიანებული ფასადების აღდგენა/რეაბილიტაციას და ფერის განახლებას.

3. ამ მუხლის მოქმედება მშენებლობის ნებართვის მფლობელზე ვრცელდება იმ შემთხვევაშიც, როცა ექსპლუატაციაში მიღებული მრავალბინიანი საცხოვრებელი სახლში არსებული ბინები შესაბამისი გარიგებების საფუძველზე გასხვისებულია და მრავალბინიანი საცხოვრებელი სახლი წარმოადგენს ბინათმესაკუთრეთა ამხანაგობის წევრთა ინდივიდუალურ და საერთო საკუთრებას.

4. საგარანტიო პერიოდის განმავლობაში ექსპლუატაციაში მიღებული III ან/და IV კლასის მრავალბინიანი საცხოვრებელი სახლების ფასადისა და სახურავის ისეთი სარემონტო და მოპირკეთებითი სამუშაოები, რომელთა დროსაც ხდება შენობა-ნაგებობის ფერის ან მოსაპირკეთებელი მასალის ცვლილება დაინტერესებული პირის მიერ წერილობით შეთანხმებულ უნდა იქნეს მშენებლობის ნებართვის მფლობელთან და მხოლოდ აღნიშნულის შემდეგ არის უფლებამოსილი მშენებლობის ნებართვის გამცემი უფლებამოსილი ორგანო მოახდინოს მშენებლობის ნებართვის გაცემა (შეთანხმება) კანონმდებლობით დადგენილი წესით.

5. ამ მუხლის პირველი, მე-2 და მე-3 პუნქტებით დადგენილი პირობების შეუსრულებლობა განიხილება სანებართვო პირობების დარღვევად, რაც ნიშნავს, რომ თვითმმართველი ქალაქის – ბათუმის შესაბამისი ორგანო უფლებამოსილია დამრღვევის მიმართ გაატაროს კანონმდებლობით გათვალისწინებული ღონისძიებები.

    მუხლი 16. გარდამავალი დებულებები

1. მიწათსარგებლობის გენერალური გეგმისა და განაშენიანების რეგულირების გეგმის მოქმედების არეალში მდებარე იმ ობიექტებზე, რომელთა მიმართაც ამ დადგენილების ძალაში შესვლამდე მშენებლობის ნებართვის ურთიერთდამოკიდებული, მაგრამ ადმინისტრაციული წარმოების თვალსაზრისით დამოუკიდებელი სტადიებიდან რომელიმე სტადიის ადმინისტრაციული წარმოების განხორციელებით დაწყებულია მშენებლობის ნებართვის გაცემის პროცედურა ან გაცემულია მშენებლობის ნებართვა, მაგრამ შენობა-ნაგებობა არ არის ექსპლუატაციაში მიღებული, გავრცელდება მშენებლობის ნებართვის გაცემის პროცედურის დაწყების მომენტისათვის მოქმედი კანონმდებლობა, გარდა წინამდებარე დადგენილების მე-10 მუხლისა.

2. იმ ობიექტებზე, რომელიც არ ხვდება მიწათსარგებლობის გენერალური გეგმისა და განაშენიანების რეგულირების გეგმის მოქმედების არეალში, რომელთა მიმართაც მშენებლობის ნებართვის ურთიერთდამოკიდებული, მაგრამ ადმინისტრაციული წარმოების თვალსაზრისით დამოუკიდებელი სტადიებიდან რომელიმე სტადიის ადმინისტრაციული წარმოების განხორციელებით დაწყებულია მშენებლობის ნებართვის გაცემის პროცედურა ან გაცემულია მშენებლობის ნებართვა, გავრცელდეს წინამდებარე დადგენილების მოქმედება, გარდა მშენებლობის ნებართვის გაცემის პროცედურიდან შესაბამისი ადმინისტრაციულ-სამართლებრივი აქტის გამოცემით დასრულებული სტადიისა.

3. ამ მუხლის მე-2 პუნქტით გათვალისწინებულ შემთხვევაში შესათანხმებლად წარმოდგენილი არქიტექტურული პროექტის, კონსტრუქციული ან/და ტექნოლოგიური სქემის შეთანხმებისას თუ დადასტურდა, რომ იგი ეწინააღმდეგება წინამდებარე დადგენილების მოთხოვნებს, მაგრამ შეესაბამება მშენებლობის ნებართვის გამცემი ორგანოს მიერ დამტკიცებულ მიწის ნაკვეთის სამშენებლოდ გამოყენების პირობებს, მიწის ნაკვეთის სამშენებლოდ გამოყენების პირობების შესაბამისობის ნაწილში შესათანხმებლად წარმოდგენილი არქიტექტურული პროექტის, კონსტრუქციული ან/და ტექნოლოგიური სქემის მიმართ არ ვრცელდება წინამდებარე დადგენილების მოქმედება, გარდა წინამდებარე დადგენილების მე-10 მუხლისა.

4. დაევალოს ქ. ბათუმის მერიას, თვითმმართველი ქალაქის – ბათუმის 2013 წლის ბიუჯეტის პროექტის შემუშავებისას გაითვალისწინოს დასახლებათა ტერიტორიების დაგეგმარებითი თვალსაზრისით დაურეგულირებელი/მოუწესრიგებელი განაშენიანებული ტერიტორიის კვარტალურად განაშენიანების გეგმის შემუშავებისთვის საჭირო ასიგნება.

5. დასახლებათა ტერიტორიების დაგეგმარებითი თვალსაზრისით დაურეგულირებელი/მოუწესრიგებელი განაშენიანებული ტერიტორიის კვარტალურად განაშენიანების გეგმის შემუშავებისას გათვალისწინებულ იქნეს დასაგეგმარებელ ტერიტორიაზე არსებული მიწის ნაკვეთების მდებარეობა, რათა კვარტალის შემომსაზღვრელი საპროექტო ქუჩებით მაქსიმალურად მეტი მიწის ნაკვეთი იქნეს უზრუნველყოფილი.

6. დასახლებათა ტერიტორიების დაგეგმარებითი თვალსაზრისით დაურეგულირებელი/მოუწესრიგებელი განაშენიანებული ტერიტორიის კვარტალურად განაშენიანების გეგმის შემუშავების შემდეგ იგი უნდა დამტკიცდეს მიწათსარგებლობის გე ნე რალური გე გ მის საინჟინრო ნაწილის ძირითადი გზ ე ბისა და ქუჩების, მათ შორის, საპროექტო გზებისა და ქუჩების ქსელის რუ კ ის სახით, რომლის შედეგად იგი იქცევა შესასრულებლად სავალდებულო ქალაქთმშენებლობით დოკუმენტად.

7. დაევალოს ქ. ბათუმის მერიას, წინამდებარე წესის ძალაში შესვლიდან სამი თვის ვადაში საკრებულოს თავმჯდომარეს საკრებულოს მიერ განსახილველად წარმოუდგინოს დასახლებათა ტერიტორიების გამოყენებისა და განაშენიანების საკითხთა კომისიის შექმნისა და მისი შემადგენლობის განსაზღვრის თაობაზე განკარგულების პროექტი. დასახლებათა ტერიტორიების გამოყენებისა და განაშენიანების საკითხთა კომისიის წინამდებარე წესის შესაბამისად შექმნამდე მის უფლებამოსილებას ახორციელებს თვითმმართველი ქალაქის – ბათუმის საკრებულოს 2008 წლის 16 დეკემბრის №81 განკარგულებით შექმნილი „დასახლებათა ტერიტორიების გამოყენებისა და განაშენიანების საკითხთა კომისია“.

8. შენობა-ნაგებობაზე, რომლებზეც წინამდებარე წესის შესაბამისად სავალდებულოა ფასადების განათების პროექტის ან მეხამრიდის ან/და შუქსასიგნალო მოწყობილობის განთავსების სქემის წარმოდგენა, გაცემულია მშენებლობის ნებართვა, მაგრამ შენობა-ნაგებობა არ არის ექსპლუატაციაში მიღებული, მშენებლობის ნებართვის მფლობელი ვალდებულია შენობა-ნაგებობის ექსპლუატაციაში მიღების მოთხოვნამდე უზრუნველყოს ფასადების განათების პროექტის ან მეხამრიდის ან/და შუქსასიგნალო მოწყობილობის განთავსების სქემის მშენებლობის ნებართვის გამცემ ორგანოში შესათანხმებლად წარდგენა, ხოლო მშენებლობის ნებართვის გამცემი ორგანოს მიერ მისი შეთანხმებისას, შეთანხმებული პროექტის ან სქემის შესაბამისად, შესაბამისი ფასადების განათების ან მეხამრიდის ან/და შუქსასიგნალო მოწყობილობის მონტაჟი. ამ პუნქტის მოთხოვნათა შეუსრულებლობა წარმოადგენს მშენებლობადასრულებული შენობა-ნაგებობის ექსპლუატაციაში მიღებაზე უარის თქმის საფუძველს, გარდა იმ შემთხვევისა, როცა მშენებლობის ნებართვის მფლობელის მიერ წარმოდგენილი იქნება ფასადების განათების ან მეხამრიდის ან/და შუქსასიგნალო მოწყობილობის საჭიროების ან აუცილებლობის არარსებობის შესახებ დასაბუთება, რაც გაზიარებული იქნება მშენებლობის ნებართვის გამცემის მიერ.

9. შენობა-ნაგებობაზე, რომლებზეც წინამდებარე წესის შესაბამისად სავალდებულოა ფასადების განათების პროექტის ან მეხამრიდის ან/და შუქსასიგნალო მოწყობილობის განთავსების სქემის წარმოდგენა, თუ შენობა-ნაგებობა მიღებულია ექსპლუატაციაში, მშენებლობის ნებართვის მფლობელი ვალდებულია წინამდებარე წესის ძალაში შესვლიდან ხუთი თვის ვადაში უზრუნველყოს ფასადების განათების პროექტის ან მეხამრიდის ან/და შუქსასიგნალო მოწყობილობის განთავსების სქემის მშენებლობის ნებართვის გამცემ ორგანოში შესათანხმებლად წარდგენა, ხოლო მშენებლობის ნებართვის გამცემი ორგანოს მიერ მისი შეთანხმებისას, შეთანხმებული პროექტის ან სქემის შესაბამისად შესაბამისი ფასადების განათების ან მეხამრიდის ან/და შუქსასიგნალო მოწყობილობის მონტაჟი. ამ პუნქტით დადგენილი პირობების შეუსრულებლობა განიხილება სანებართვო პირობების დარღვევად, რაც ნიშნავს, რომ თვითმმართველი ქალაქის – ბათუმის შესაბამისი ორგანო უფლებამოსილია დამრღვევის მიმართ გაატაროს კანონმდებლობით გათვალისწინებული ღონისძიებები, გარდა იმ შემთხვევისა, როცა მშენებლობის ნებართვის მფლობელის მიერ წარმოდგენილი იქნება ფასადების განათების ან მეხამრიდის ან/და შუქსასიგნალო მოწყობილობის საჭიროების ან აუცილებლობის არარსებობის შესახებ დასაბუთება, რაც გაზიარებული იქნება მშენებლობის ნებართვის გამცემის მიერ.

10. ამ მუხლის მე-8 და მე-9 პუნქტებით გათვალისწინებულ შემთხვევაში მშენებლობის ნებართვის გამცემი ორგანოს მიერ ფასადების განათების პროექტის ან მეხამრიდის ან/ და შუქსასიგნალო მოწყობილობის განთავსების სქემის შეთანხმება ხდება პირველი კლასის ობიექტებისათვის დადგენილი წესით, დაგეგმილი მშენებლობის/მონტაჟის ქალაქთმშენებლობის დოკუმენტებთან შესაბამისობისა და მშენებლობის/მონტაჟის განხორციელების წერილობითი დადასტურებით.

11. დაევალოს ქ. ბათუმის მერიას წინამდებარე მუხლის მე-8-10 პუნქტების მოთხოვნების თაობაზე წერილობით აცნობოს იმ პირებს, ვისაც ეხებათ აღნიშნული პუნქტების მოთხოვნები.

12. წინამდებარე დადგენილება არ ვრცელდება კულტურული მემკვიდრეობის ძეგლებზე.

 

    მუხლი 17. დასკვნითი დებულებები

წინამდებარე დადგენილება ამოქმედდეს კანონმდებლობით დადგენილი წესით, გამოქვეყნებისთანავე.

 

საკრებულოს თავმჯდომარე               გ. კირთაძე

 

 

 

 

 

 

 

 

 

 

 

 

 

 

 

 

Annotate