საქართველოს თავდაცვის სამინისტროს თავდაცვის ძალების ეროვნული გვარდიის დებულების დამტკიცების შესახებ

საქართველოს თავდაცვის მინისტრის 2014  წლის 23 მაისის ბრძანება №37 - ვებგვერდი, 23.05.2014წ.

საქართველოს თავდაცვის 2018 წლის 13 დეკემბრის ბრძანება №122- ვებგვერდი,14.12.2018წ.

საქართველოს თავდაცვის მინისტრის 2014  წლის 23 მაისის ბრძანება №37 - ვებგვერდი, 23.05.2014წ.

საქართველოს თავდაცვის 2018 წლის 13 დეკემბრის ბრძანება №122- ვებგვერდი,14.12.2018წ.

საქართველოს თავდაცვის მინისტრის 2014  წლის 23 მაისის ბრძანება №37 - ვებგვერდი, 23.05.2014წ.

საქართველოს თავდაცვის 2018 წლის 13 დეკემბრის ბრძანება №122- ვებგვერდი,14.12.2018წ.

საქართველოს თავდაცვის მინისტრის 2014  წლის 23 მაისის ბრძანება №37 - ვებგვერდი, 23.05.2014წ.

საქართველოს თავდაცვის 2018 წლის 13 დეკემბრის ბრძანება №122- ვებგვერდი,14.12.2018წ.

2.ეროვნული გვარდია თავის საქმიანობაში ხელმძღვანელობს საქართველოს კანონმდებლობით, საქართველოს თავდაცვის მინისტრის (შემდგომ – მინისტრი) სამართლებრივი აქტებით და საქართველოს თავდაცვის ძალების მეთაურის (შემდგომ – თავდაცვის ძალების მეთაური) ინდივიდუალური ადმინისტრაციულ-სამართლებრივი აქტებით.

3. ეროვნული გვარდია ანგარიშვალდებულია მინისტრისა და თავდაცვის ძალების მეთაურის წინაშე, რომლებიც ახორციელებენ ეროვნული გვარდიის სამსახურებრივ ზედამხედველობას, საქართველოს კანონმდებლობით დადგენილი წესით.

4. ეროვნულ გვარდიას აქვს საკუთარი სახელწოდებით ბეჭედი, ქართულ-ინგლისური წარწერით, შტამპი, ბლანკი და დროშა.

მუხლი 2.  ეროვნული გვარდიის ამოცანები და ფუნქციები:

ფუნქციები და ამოცანებია:

ა) დაქვემდებარებული სტრუქტურული ერთეულების უწყვეტი საბრძოლო მომზადება;

ბ) განსახორციელებული ოპერაციების დაგეგმვა და დაქვემდებარებული სტრუქტურული ერთეულების მართვა;

გ) სამოქალაქო უსაფრთხოების ღონისძიებათა განხორციელების ხელშეწყობა; საქართველოს კანონმდებლობით დადგენილ შემთხვევაში, როდესაც არსებობს თავდაცვის ძალების გამოყენების საჭიროება საგანგებო სიტუაციებით გამოწვეული სამოქალაქო უსაფრთხოების ღონისძიებების დაგეგმვაში, ორგანიზებასა და აღსრულებაში მონაწილეობა;

დ) (ამოღებულია - 16.03.2018, №23);

ე) რეზერვისტთა მომზადება და გადამზადება;

ვ) დამტკიცებული პროგრამების თანახმად, სხვადასხვა მოსამზადებელი კურსების ჩატარება და შესაბამისი სერტიფიკატების გაცემა;

ზ) საგანგებო სიტუაციების ან საგანგებო მდგომარეობის დროს სახელმწიფო და ადგილობრივი ხელისუფლების ორგანოების მხარდაჭერა;

თ) სამშვიდობო, ჰუმანიტარულ და სხვა სახის სწავლებებსა და ოპერაციებში მონაწილეობა; 

ი) ეროვნული გვარდიის სტრუქტურული ერთეულების საბრძოლო და სამობილიზაციო მზადყოფნის, აგრეთვე კომპეტენციის ფარგლებში სხვა გეგმებისა და პროგრამების შემუშავება;

კ) ეროვნული გვარდიის სტრუქტურული ერთეულების შესაბამისი მატერიალურ-ტექნიკური და სამხედრო-ტექნიკური ქონებით უზრუნველყოფა;

ლ) საქართველოს მიერ საერთაშორისო ხელშეკრულებებითა და შეთანხმებებით ნაკისრი ვალდებულებების შესრულებაში მონაწილეობა კომპეტენციის ფარგლებში;

მ) სამხედრო სარიტუალო სამსახურის და სამხედრო-საჩვენებელი ორკესტრის მეშვეობით სხვადასხვა ცერემონიალისა და ღონისძიებების ჩატარება;

ნ) სამინისტროს ერთიანი ფინანსური პოლიტიკის ძირითადი მიმართულებების განხორციელების უზრუნველყოფა, სახელმწიფო ბიუჯეტის წინაშე ვალდებულებათა დროულად შესრულება, ბუღალტრული აღრიცხვის ორგანიზება, ფინანსური და არაფინანსური აქტივების და ვალდებულებების ბუღალტრული აღრიცხვისა და ანგარიშგების სწორი წარმართვა კომპეტენციის ფარგლებში;

ო) თავდაცვის ძალების ტერიტორიული რეზერვისა და მობილიზაციის მართვის ღონისძიებათა დაგეგმვა, კოორდინაცია და აღსრულება კომპეტენციის ფარგლებში;

პ) კომპეტენციის ფარგლებში მობილიზაციის სისტემის მართვისა და განვითარების ღონისძიებათა დაგეგმვაში მონაწილეობა;

ჟ) ტერიტორიული რეზერვის რეკრუტირებაში მონაწილეობა სსიპ – სამხედრო გაწვევისა და რეკრუტირების ეროვნულ სააგენტოსთან კოორდინაციით;

რ) (ამოღებულია - 27.12.2024, №103).

 მუხლი 3. ეროვნული გვარდიის  ხელმძღვანელობა

1. ეროვნულ გვარდიას  ხელმძღვანელობს ეროვნული გვარდიის უფროსი.

2. ეროვნული გვარდიის უფროსს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

3. ეროვნული გვარდიის უფროსი საქართველოს კანონმდებლობით დადგენილი წესით ეროვნულ გვარდიაზე დაკისრებული სამსახურებრივი ამოცანების შესრულებისათვის ანგარიშვალდებულია სამინისტროს და თავდაცვის ძალების ხელმძღვანელობის წინაშე.

4. ეროვნული გვარდიის უფროსი:

ა) უზრუნველყოფს ეროვნული გვარდიის წინაშე დასმული ამოცანების შესრულებას;

ბ) მართავს და აკონტროლებს ეროვნული გვარდიის სტრუქტურულ ერთეულებს;

გ) წარადგენს წინადადებებს ეროვნული გვარდიის  სტრუქტურული ერთეულების საკადრო პოლიტიკის შესახებ;

დ) ორგანიზებას უწევს ეროვნული გვარდიის ურთიერთობას სახელმწიფო და არასახელმწიფო სტრუქტურებთან;

ე) განსაზღვრავს ეროვნული გვარდიის განვითარების პრიორიტეტებს და ხელმძღვანელობს განვითარების პროგრამებისა და გეგმების შემუშავებას;

ვ) თავდაცვის ძალების მეთაურს წარუდგენს წინადადებებს და აწვდის დასამტკიცებლად გეგმებსა და პროგრამებს ეროვნული გვარდიის საქმიანობასთან, აგრეთვე რეზერვისტთა მომზადება/გადამზადებასა და ტერიტორიული რეზერვის რეკრუტირებაში მონაწილეობასთან დაკავშირებით;

ზ) ხელს აწერს და/ან ვიზირებას უკეთებს ეროვნული გვარდიაში მომზადებულ დოკუმენტებს;

თ) კომპეტენციის ფარგლებში, კანონმდებლობით დადგენილი წესით, გამოსცემს ინდივიდუალურ ადმინისტრაციულ-სამართლებრივ აქტებს;

ი) დადგენილი წესით, დასამტკიცებლად წარადგენს ეროვნული გვარდიის საშტატო ნუსხას, ტაბელს, სახელმწიფო საიდუმლოებაზე დაშვებისა და ნატო-ს კლასიფიცირებულ ინფორმაციაზე დაშვების ნომენკლატურებს;

კ) ახორციელებს კონტროლს თანამშრომელთა მიერ სამსახურებრივი მოვალეობის შესრულებასა და დისციპლინის დაცვაზე;

ლ) შუამდგომლობს თავდაცვის ძალების მეთაურთან დაქვემდებარებული პირადი შემადგენლობისათვის მორიგი სამხედრო წოდებების მინიჭების, თანამდებობაზე დანიშვნის, განთავისუფლების, გადაადგილების და/ან კვალიფიკაციის ამაღლების შესახებ;

მ)  ეროვნული გვარდიის განვითარებაში შეტანილი წვლილისთვის ,,ღირსეული გვარდიელის“ სამკერდე ნიშანსა და სერტიფიკატს გადასცემს ეროვნული გვარდიის მოქმედ და ყოფილ მოსამსახურეებს, აგრეთვე შესაბამისი უცხო ქვეყნის თავდაცვის სამინისტროს თანხმობით, საერთაშორისო ორგანიზაციებისა და პარტნიორი უცხო ქვეყნის წარმომადგენლებს;

ნ) (ამოღებულია - 18.03.2025, №30);

ო) კანონმდებლობით დადგენილი წესით ახორციელებს ძალების მოსამსახურეთა წახალისებას და მათ მიმართ დისციპლინური ზომების გამოყენებას;

პ) მართავს გვარდიის საქმიანობასთან დაკავშირებულ რისკებს.

5. ეროვნული გვარდიის უფროსს ჰყავს ორი მოადგილე, რომლებსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი. ეროვნული გვარდიის უფროსის მოადგილეების საკურატორო სფეროსა და უფლებამოსილებას განსაზღვრავს ეროვნული გვარდიის უფროსი.

6. (ამოღებულია - 16.12.2016, №99);

7. ეროვნული გვარდიის უფროსის დროებით არყოფნის შემთხვევაში მის უფლება-მოვალეობებს, ეროვნული გვარდიის უფროსის დავალებით, ახორციელებს მისი ერთ-ერთი მოადგილე, ხოლო მოადგილეების არყოფნის შემთხვევაში – ეროვნული გვარდიის შტაბის უფროსი.

8. ეროვნული გვარდიის უფროსის მოადგილე:

ა) პასუხისმგებელია  დაკისრებული ამოცანებისა და ფუნქციების შესრულებაზე;

ბ) ხელს აწერს და/ან ვიზირებას უკეთებს  მომზადებულ დოკუმენტებს;

გ) აკონტროლებს და პასუხისმგებელია საქმიანობის მიმდინარეობასა და შედეგებზე;

დ) უზრუნველყოფს  ეროვნული გვარდიის ეფექტურ ფუნქციონირებას.

9. ეროვნული გვარდიის სერჟანტთა შემადგენლობას ხელმძღვანელობს და ეროვნული გვარდიის სამხედრო მოსამსახურეთა (გარდა ოფიცრებისა) დისციპლინის განმტკიცების, ფიზიკური მზადყოფნის, ინდივიდუალური საბრძოლო მომზადების, სამხედრო-პროფესიული განათლებისა და კარიერული განვითარების საკითხებს უფლებამოსილების ფარგლებში კოორდინაციას უწევს ეროვნული გვარდიის სერჟანტი, რომელსაც დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

მუხლი 4. ეროვნული გვარდიის სტრუქტურული ერთეულები და მათი კომპეტენცია

1. ეროვნული გვარდიის სტრუქტურული ერთეულებია (შემდგომში – სტრუქტურული ერთეული):

ა) ბუღალტრული აღრიცხვის სამსახური;

ბ) საგანგებო სიტუაციებზე რეაგირების სამმართველო;

ბ^​1) ტერიტორიული რეზერვის რეკრუტირებისა და მობილიზაციის მართვის სამსახური;

ბ^​2) (ამოღებულია - 27.12.2024, №103);

გ) ეროვნული გვარდიის შტაბი:

გ.ა) G-1 სამსახური;

გ.ა^​​1) G - 2 სამსახური;

გ.ბ) G-3 სამსახური;

გ.გ) G-4 სამსახური;

გ.დ) G-5 სამსახური;

გ.ე) G-6 სამსახური;

გ.ვ) G-7 სამსახური;

დ) საბრძოლო მხარდაჭერის ასეული;

ე) უზრუნველყოფის ასეული;

ვ) (ამოღებულია - 15.12.2023, №122).

ზ) მე-10 და მე-20 ტერიტორიული თავდაცვის ბრიგადები;

თ) სამხედრო სარიტუალო სამსახური;

ი)  სამხედრო-საჩვენებელი ორკესტრი.

2. ეროვნული გვარდიის სტრუქტურული ერთეულების ფუნქციებია:

ა) ბუღალტრული აღრიცხვის სამსახური ანგარიშვალდებულია სამინისტროს ფინანსების მართვის დეპარტამენტის წინაშე და უზრუნველყოფს:

ა.ა) სამინისტროს ერთიანი ფინანსური პოლიტიკის ძირითადი მიმართულებების განხორციელებას;

ა.ბ) სახელმწიფო ბიუჯეტის წინაშე ვალდებულებათა დროულად შესრულებას;

ა.გ)  ბუღალტრული აღრიცხვის ორგანიზებას;

ა.დ) ფინანსური და არაფინანსური აქტივების და ვალდებულებების ბუღალტრული აღრიცხვისა და ანგარიშგების სწორად წარმართვას;

ა.ე) სასაქონლო მატერიალური ფასეულობებისა და დაფინანსების სწორ და დროულ ასახვას შესაბამის პირველად დოკუმენტებში;

ა.ვ) ხარჯების გაწევის მარეგულირებელი კანონმდებლობის მოთხოვნების შესრულებას;

ა.ზ) კანონმდებლობით ნებადართულ სახელმწიფო შესყიდვებთან დაკავშირებული ხელშეკრულებების მომზადებასა და შესაბამისი ფინანსური ოპერაციების  წარმოებას;

ა.თ) ბიუჯეტის დაგეგმვის პროცესში მონაწილეობასა და შესაბამისი გათვლების წარმოებას;

ა.ი) ქვედანაყოფის შესაბამის ფულად უზრუნველყოფასა და სალარო ოპერაციების წარმოებას;

ა.კ) ანგარიშგების (რეპორტის) მომზადებისა და დადგენილ ვადებში სამინისტროს ფინანსების მართვის დეპარტამენტში წარდგენას;

ბ) საგანგებო სიტუაციებზე რეაგირების სამმართველო:

ბ.ა) ახორციელებს ქვეყნის სამოქალაქო უსაფრთხოების სისტემაში ჩართულ საჯარო დაწესებულებებთან კოორდინაციას;

ბ.ბ) უზრუნველყოფს საგანგებო სიტუაციების დროს ეროვნული გვარდიის რეაგირების სისტემის მართვას;

ბ.გ) კომპეტენციის ფარგლებში ახორციელებს საგანგებო სიტუაციებით გამოწვეული სამოქალაქო უსაფრთხოების ღონისძიებების დაგეგმვას, მართვას და აღსრულებას, ეროვნული გვარდიის შტაბთან კოორდინაციით;

ბ.დ) ახორციელებს საგანგებო სიტუაციებზე რეაგირებისათვის ეროვნული გვარდიის ქვედანაყოფების მომზადების უზრუნველყოფას;

ბ^​1) ტერიტორიული რეზერვის რეკრუტირებისა და მობილიზაციის მართვის სამსახური:

ბ^​1.ა) ახორციელებს სამობილიზაციო რეზერვის მართვას, სამინისტროს სისტემის შესაბამის სტრუქტურულ ქვედანაყოფებთან/ერთეულებთან კოორდინაციაში;

ბ^​1.ბ) ახორციელებს სამობილიზაციო გეგმების შემუშავებას, კოორდინაციასა და აღსრულებას კომპეტენციის ფარგლებში;

ბ^​1.გ) მონაწილეობს თავდაცვის ძალების რეზერვის მობილიზაციის სისტემის მართვისა და განვითარების ღონისძიებათა დაგეგმვაში;

ბ^​1.დ) სსიპ – სამხედრო გაწვევისა და რეკრუტირების ეროვნულ სააგენტოსთან კოორდინაციით მონაწილეობს ტერიტორიული რეზერვის რეკრუტირებაში, მსურველთა რეგისტრაციასა და შერჩევის ღონისძიებებში.

ბ^​2) (ამოღებულია - 27.12.2024, №103);

გ) ეროვნული გვარდიის შტაბი – ახორციელებს ეროვნული გვარდიის სტრუქტურული ერთეულების საბრძოლო და ყოველდღიური საქმიანობის დაგეგმვას და კონტროლს;

გ.ა) G-1 სამსახური – ახორციელებს ეროვნული გვარდიის ადამიანური რესურსების მართვას, სოციალური დაცვის საკითხების შესახებ წინადადებების მომზადებას, პირადი შემადგენლობის შერჩევის, კვალიფიკაციის ამაღლების, შეფასებისა და კარიერული მართვისათვის საჭირო ღონისძიებებს; წარმართავს პირადი შემადგენლობის აღრიცხვიანობას, ქმნის მონაცემთა ერთიან ბაზას და ახორციელებს საშტატო სტრუქტურის დაგეგმვას;

გ.ა^​1) G-2 სამსახური – ახორციელებს ეროვნული გვარდიის სადაზვერვო ინფორმაციით უზრუნველყოფას, სადაზვერვო და უსაფრთხოების ღონისძიებების დაგეგმვას და ორგანიზებას;

გ.ბ) G-3 სამსახური – მშვიდობიანობის, საომარი და საგანგებო მდგომარეობის დროს ახორციელებს ოპერაციების დაგეგმვას; საჯარისო სამსახურის ორგანიზებას და მონიტორინგს; ეროვნული გვარდიის სტრუქტურული ერთეულების ეფექტური მართვის უზრუნველყოფის მხარდაჭერასა და საბრძოლო მზადყოფნის მონიტორინგს;

გ.გ) G-4 სამსახური – უზუნველყოფს ეროვნული გვარდიის სამხედრო-ტექნიკური,  მატერიალურ-ტექნიკური და სამედიცინო უზრუნველყოფის დაგეგმვას, შესრულების ორგანიზებას, კოორდინირებას და მონიტორინგს;

გ.დ) G -5 სამსახური – უზრუნველყოფს ეროვნული გვარდიის განვითარების გეგმებისა და პროგრამების შემუშავების ორგანიზებას, ნატო-ს და პარტნიორ ქვეყნებთან ორმხრივი სამხედრო თანამშრომლობის, აგრეთვე სამხედრო-სამოქალაქო ურთიერთობების ხელშეწყობას;

გ.ე) G-6 სამსახური – უზრუნველყოფს კავშირების, ინფორმაციული სისტემების, ქსელების დაგეგმვას, ორგანიზებას და მონიტორინგს. ინფორმაციის გაცვლის უსაფრთხოების ორგანიზებას და უზრუნველყოფას;

გ.ვ) G-7 სამსახური – უზრუნველყოფს ეროვნული გვარდიის სტრუქტურული ერთეულების საბრძოლო მომზადებისა და პირადი შემადგენლობის განათლების დაგეგმვას და მონიტორინგს;

დ) საბრძოლო მხარდაჭერის ასეული – ახორციელებს ამ დებულების მე-4 მუხლის პირველი პუნქტის ,,ა“-,,გ“ ქვეპუნქტებში მითითებული სტრუქტურული ერთეულების დისლოკაციის ადგილისა და მართვის პუნქტების დაცვას, აგრეთვე მართვის პუნქტების კავშირგაბმულობის კვანძების გაშლას, რადიო, რადიოსარელეო, საკაბელო, საფელდეგერო კავშირებით უზრუნველყოფას, ინფორმაციული სისტემების ქსელების გაშლასა და ტექნიკურ ექსპლუატაციას;

ე) უზრუნველყოფის ასეული – ახორციელებს ამ მუხლის პირველი პუნქტის „ა“-„გ“ ქვეპუნქტებში მითითებული სტრუქტურული ერთეულების ლოჯისტიკურ და სამედიცინო უზრუნველყოფას, სანიტარიულ-ჰიგიენური ღონისძიების გატარებას, საევაკუაციო ღონისძიებებში მონაწილეობის მიღებას;

ვ) ამოღებულია  - 15.12.2023, №122).

ზ) მე-10 და მე-20 ტერიტორიული თავდაცვის ბრიგადები – კომპეტენციის ფარგლებში ახორციელებენ რეზერვისტების მომზადება-გადამზადებას, შეფასებას, სამხედრო ოპერაციებში მონაწილეობას, არსებული რესურსების ფარგლებში, საგანგებო სიტუაციების ან საგანგებო მდგომარეობის დროს სახელმწიფო და ადგილობრივი ხელისუფლების ორგანოების მხარდაჭერის განხორციელებას, კომპეტენციის ფარგლებში შესაბამის საჯარო დაწესებულებებთან კოორდინაციაში, თავდაცვის ძალების რეზერვის შესახებ ინფორმაციის დამუშავებას და ანალიზს.

თ) სამხედრო სარიტუალო სამსახური – ახორციელებს ოფიციალური დელეგაციების დახვედრისა და გაცილების, დაკრძალვის შესაბამისი სარიტუალო ცერემონიალით უზრუნველყოფას, საქართველოს ტერიტორიული მთლიანობისათვის ბრძოლაში დაღუპულ მებრძოლთა მემორიალის სამხედრო სარიტუალო მომსახურებას, სადღესასწაულო და სააღლუმო ღონისძიებებში მონაწილეობის მიღებას;

ი) სამხედრო-საჩვენებელი ორკესტრი – უზრუნველყოფს სხვადასხვა ოფიციალური დელეგაციების დახვედრისა და გაცილების, დაკრძალვის შესაბამის მუსიკალურ გაფორმებას, სადღესასწაულო და სააღლუმო ღონისძიებებში მონაწილეობის მიღებას.

3. ეროვნული გვარდიის სტრუქტურულ ერთეულებს ხელმძღვანელობს სტრუქტურული ერთეულის უფროსი, რომელსაც საქართველოს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

4. სტრუქტურული ერთეულის უფროსი საქართველოს კანონმდებლობით დადგენილი წესით სტრუქტურულ ერთეულზე დაკისრებული სამსახურებრივი ამოცანების შესრულებისათვის ანგარიშვალდებულია ეროვნული გვარდიის უფროსის, ეროვნული გვარდიის უფროსის მოადგილის და თავდაცვის ძალების ხელმძღვანელობის წინაშე.

5. სტრუქტურული ერთეულის უფროსი, სტრუქტურულ ერთეულზე დაკისრებული ამოცანების შესრულების მიზნით:

ა) ხელმძღვანელობს  სტრუქტურული ერთეულის  საქმიანობას;

ბ) ანაწილებს  კორესპონდენციას  სტრუქტურული ერთეულის  მოსამსახურეებს შორის;

გ) უზრუნველყოფს სტრუქტურული ერთეულის  მუშაობის ორგანიზებას და ზედამხედველობს სტრუქტურული ერთეულის მოსამსახურეთა მიერ სამსახურებრივი მოვალეობის შესრულებას;

დ) ახორციელებს სტრუქტურული ერთეულში მომზადებული დოკუმენტაციის ვიზირებას;

ე) კომპეტენციის ფარგლებში, კონტროლს უწევს სამინისტროსა და თავდაცვის ძალების ხელმძღვანელობის ბრძანებების, მითითებების, დავალებების, ეროვნული გვარდიის უფროსისა და ეროვნული გვარდიის უფროსის  მოადგილის დავალებების შესრულებას;

ვ) ახორციელებს საქართველოს კანონმდებლობით გათვალისწინებულ სხვა უფლებამოსილებებს.

6. ეროვნულ გვარდიის საშტატო ნუსხით გათვალისწინებულ შემთხვევაში, სტრუქტურულ ერთეულს შეიძლება გააჩნდეს სტრუქტურული ქვედანაყოფები. ქვედანაყოფს ხელმძღვანელობს უფროსი, რომელიც:

ა) ანაწილებს ქვედანაყოფში შესულ დავალებებს;

ბ) ახორციელებს ქვედანაყოფის მოსამსახურეთა მიერ სამსახურებრივი მოვალეობების შესრულების კონტროლს, აძლევს მათ დავალებებსა და მითითებებს;

გ) შესაბამისი სტრუქტურული ერთეულის უფროსს წარუდგენს ანგარიშს ქვედანაყოფის მიერ გაწეული მუშაობის თაობაზე.