საქართველოს თავდაცვის სამინისტროს დებულების დამტკიცების შესახებ

 

საქართველოს პრეზიდენტის

ბრძანებულება №119

2004 წლის 5 აპრილი

ქ. თბილისი

საქართველოს თავდაცვის სამინისტროს დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის მე-2 პუნქტის შესაბამისად:

1. დამტკიცდეს საქართველოს თავდაცვის სამინისტროს თანდართული დებულება.

2. ძალადაკარგულად ჩაითვალოს „საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2001 წლის 18 იანვრის № 17 ბრძანებულება.

მ. სააკაშვილი

 

შეტანილი ცვლილებები:

1. საქართველოს პრეზიდენტის 2004 წლის 14 ა გვისტოს ბრძანებულება №329-სსმ III, №87, 17.08.2004წ; მუხ.753

2. საქართველოს პრეზიდენტის 2004 წლის 25 დეკემბრის ბრძანებულება №609-სსმ III, №152, 27.12.2004წ; მუხ.1384

3. საქართველოს პრეზიდენტის 2005 წლის 23 აპრილის ბრძანებულება №249-სსმ III, №49, 25.04.2005წ; მუხ.503

4. საქართველოს პრეზიდენტის 2005 წლის 29 ივლისის ბრძანებულება №673-სსმ III, №89, 01.08.2005წ; მუხ.1013

5. საქართველოს პრეზიდენტის 2006 წლის 5 იანვრის  ბრძანებულება №7-სსმ III, №2, 09.01.2006წ; მუხ.6

6. საქართველოს პრეზიდენტის 2006 წლის 10 აგვისტოს  ბრძანებულება №476-სსმ III, №108, 15.08.2006წ; მუხ.1475

7. საქართველოს პრეზიდენტის 2006 წლის 5 სექტემბრის  ბრძანებულება №535-სსმ III, №122, 07.09.2006წ; მუხ.1630

8. საქართველოს პრეზიდენტის 2006 წლის 27 ნოემბრის  ბრძანებულება №706-სსმ III, №159, 27.11.2006წ; მუხ.2181

9. საქართველოს პრეზიდენტის 2006 წლის 25 დეკემბრის  ბრძანებულება №759-სსმ III, №174, 26.12.2006წ; მუხ.2354

10. საქართველოს პრეზიდენტის 2007 წლის 18 იანვრის  ბრძანებულება №44-სსმ III, №8, 23.01.2007წ; მუხ.61

11. საქართველოს პრეზიდენტის 2007 წლის 30 მაისის  ბრძანებულება №336-სსმ III, №77, 01.06.2007წ; მუხ.827

12. საქართველოს პრეზიდენტის 2007 წლის 8 აგვისტოს ბრძანებულება №457-სსმ III, №113, 13.08.2007წ; მუხ.1248

13. საქართველოს პრეზიდენტის 2007 წლის 12 ოქტომბრის ბრძანებულება №571-სსმ III, №145, 18.10.2007წ; მუხ.1617

14. საქართველოს პრეზიდენტის 2007 წლის 14 დეკემბრის ბრძანებულება №690-სსმ III, №179, 18.12.2007წ; მუხ.1969

15. საქართველოს პრეზიდენტის 2007 წლის 27 დეკემბრის ბრძანებულება №720-სსმ III, №186, 28.12.2007წ; მუხ.2074

16. საქართველოს პრეზიდენტის 2008 წლის 12 მარტის ბრძანებულება №139-სსმ III, №40, 17.03.2008წ; მუხ.443

17. საქართველოს პრეზიდენტის 2008 წლის 30 აპრილის ბრძანებულება №222-სსმ III, №66, 02.05.2008წ; მუხ.729

18. საქართველოს პრეზიდენტის 2008 წლის 8 ივლისის ბრძანებულება №349-სსმ III, №96, 08.07.2008წ; მუხ.1068

19. საქართველოს პრეზიდენტის 2008 წლის 21 ივლისის ბრძანებულება №377-სსმ III, №103, 22.07.2008წ; მუხ.1145

20. საქართველოს პრეზიდენტის 2008 წლის 5 აგვისტოს ბრძანებულება №399-სსმ III, №111, 05.08.2008წ; მუხ.1221

21. საქართველოს პრეზიდენტის 2008 წლის 18 სექტემბრის ბრძანებულება №453-სსმ III, №139, 19.09.2008წ; მუხ.1365

22. საქართველოს პრეზიდენტის 2008 წლის 2 ოქტომბრის ბრძანებულება №475-სსმ III, №146, 03.10.2008წ; მუხ.1455

23. საქართველოს პრეზიდენტის 2009 წლის 6 იანვრის ბრძანებულება №1-სსმ III, №2, 09.01.2009წ; მუხ.7

24. საქართველოს პრეზიდენტის 2009 წლის 3 თებერვლის ბრძანებულება №42-სსმ III, №13, 05.02.2009წ; მუხ.149

25. საქართველოს პრეზიდენტის 2009 წლის 3 თებერვლის ბრძანებულება №43-სსმ III, №13, 05.02.2009წ; მუხ.150

26. საქართველოს პრეზიდენტის 2009 წლის 18 თებერვლის ბრძანებულება №61-სსმ III, №19, 19.02.2009წ; მუხ.238

27. საქართველოს პრეზიდენტის 2009 წლის 11 მარტის  ბრძანებულება №107-სსმ III, №31, 17.03.2009წ; მუხ.368

28. საქართველოს პრეზიდენტის 2009 წლის 17 მარტის  ბრძანებულება №127-სსმ III, №33, 19.03.2009წ; მუხ.378

29. საქართველოს პრეზიდენტის 2009 წლის 26 მარტის  ბრძანებულება №151-სსმ III, №39, 30.03.2009წ; მუხ.442

30. საქართველოს პრეზიდენტის 2009 წლის 31 მარტის  ბრძანებულება №153-სსმ III, №40, 31.03.2009წ; მუხ.452

31. საქართველოს პრეზიდენტის 2009 წლის 6 მაისის  ბრძანებულება №230-სსმ III, №55, 07.05.2009წ; მუხ.624

32. საქართველოს პრეზიდენტის 2009 წლის 12 ივნისის  ბრძანებულება №318-სსმ III, №75, 19.06.2009წ; მუხ.828

33. საქართველოს პრეზიდენტის 2009 წლის 22 ივლისის  ბრძანებულება №426-სსმ III, №90, 22.07.2009წ; მუხ.956

34. საქართველოს პრეზიდენტის 2009 წლის 1 სექტემბრის ბრძანებულება №561-სსმ III, №108, 02.09.2009წ; მუხ.1239

35. საქართველოს პრეზიდენტის 2009 წლის 27 ოქტომბრის ბრძანებულება №751-სსმ III, №131, 27.10.2009წ; მუხ.1514

36. საქართველოს პრეზიდენტის 2009 წლის 13 ნოემბრის ბრძანებულება №809-სსმ III, №141, 18.11.2009წ; მუხ.1625

37. საქართველოს პრეზიდენტის 2010 წლის 15 იანვრის ბრძანებულება №34-სსმ III, №6, 20.01.2010წ; მუხ.38

 

 

საქართველოს თავდაცვის სამინისტროს დებულება

    მუხლი 1. ზოგადი დებულებანი

1. საქართველოს თავდაცვის სამინისტრო (შემდგომში – სამინისტრო) არის საქართველოს კონსტიტუციის, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის შესაბამისად შექმნილი აღმასრულებელი ხელისუფლების დაწესებულება, რომელიც მოქმედი კანონმდებლობის საფუძველზე მინიჭებული უფლებამოსილების ფარგლებში უზრუნველყოფს სახელმწიფო პოლიტიკის განხორციელებას თავდაცვის სფეროში.

2. სამინისტროს უშუალოდ ხელმძღვანელობს საქართველოს თავდაცვის მინისტრი, რომელიც ანგარიშვალდებულია საქართველოს პრეზიდენტის – საქართველოს სამხედრო ძალების უმაღლესი მთავარსარდლის და საქართველოს მთავრობის წინაშე. სამინისტროს დანიშნულებაა საქართველოს შეიარაღებული ძალების აღმშენებლობა, მუდმივი საბრძოლო და სამობილიზაციო მზადყოფნის უზრუნველყოფა, ბრძოლისუნარიანობის განმტკიცება, ქვეყნის დამოუკიდებლობის ნებისმიერი ხელყოფისა და შესაძლო აგრესიის მოგერიება.

3. სამინისტროს საქმიანობის სამართლებრივი საფუძვლებია: საქართველოს კონსტიტუცია, საერთაშორისო სამართლებრივი აქტები, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონი, „თავდაცვის შესახებ“ საქართველოს კანონი, საქართველოს პრეზიდენტის ბრძანებულებები და განკარგულებები, საქართველოს მთავრობისა და პრემიერ-მინისტრის სამართლებრივი აქტები, ეს დებულება და თავდაცვის მინისტრის სამართლებრივი აქტები.

4. სამინისტრო თავის უფლებამოსილებას ახორციელებს საქართველოს მთელ ტერიტორიაზე.

5. სამინისტროსა და შეიარაღებული ძალების დაფინანსების წყაროა საქართველოს სახელმწიფო ბიუჯეტი.

6. სამინისტროს აქვს დამოუკიდებელი ბალანსი, ანგარიშსწორების ანგარიში, სათანადო ხარჯთა ნუსხა, ემბლემა, ბეჭედი და შტამპი თავისი დასახელებით და საქართველოს სახელმწიფო გერბის გამოსახულებით. სამინისტროსა და მის სტრუქტურულ ერთეულებს აქვთ თავიანთი სიმბოლიკა და დროშა, რომლებსაც ამტკიცებს საქართველოს პრეზიდენტი.

8. სამინისტროს იურიდიული მისამართია: ქ. თბილისი, გენერალ გ. კვინიტაძის ქ. №20.

საქართველოს პრეზიდენტის 2007 წლის 18 იანვრის  ბრძანებულება №44-სსმ III, №8, 23.01.2007წ; მუხ.61

    მუხლი 2. სამინისტროს ამოცანები და ფუნქციები

1. სამინისტროს ძირითადი ამოცანებია:

ა) საქართველოს შეიარაღებული ძალების აღმშენებლობა;

ბ) საქართველოს შეიარაღებული ძალების მუდმივი მზადყოფნა საბრძოლო ამოცანების შესასრულებლად;

გ) შექმნილი სამხედრო-პოლიტიკური მდგომარეობიდან გამომდინარე ომის საშიშროების განსაზღვრა;

დ) საქართველოს უმაღლესი საკანონმდებლო და აღმასრულებელი ხელისუფლების მიერ მიღებულ პოლიტიკურ გადაწყვეტილებათა სამხედრო უზრუნველყოფა;

ე) შეიარაღებული ძალების ოპერატიულ-სტრატეგიული მოწყობის განსაზღვრა;

ვ) საქართველოს საერთაშორისო ხელშეკრულებათა და შეთანხმებათა შესაბამისად სამხედრო თანამშრომლობის განხორციელება.

2. სამინისტროს ძირითადი ფუნქციებია:

ა) საქართველოს შეიარაღებული ძალების აღმშენებლობის პროგრამიდან გამომდინარე ამოცანების შესასრულებლად ჯარების მომზადების დონის განსაზღვრა;

ბ) შეიარაღებული ძალების ოპერატიული, საბრძოლო მზადყოფნაში მოყვანის, სამობილიზაციო ძალების სახეობათა გამოყენების გეგმების განსაზღვრა;

გ) შეიარაღებული ძალების გეგმურად და განკარგულების წესით მშვიდობიანი მდგომარეობიდან საომარ მდგომარეობაზე სხვადასხვა დონის საბრძოლო მზადყოფნის მდგომარეობაში გადასაყვანად გადაწყვეტილების მომზადება;

დ) შეიარაღებული ძალების საბრძოლო მომზადების, საბრძოლო მზადყოფნისა და ბრძოლისუნარიანობის ამაღლება;

ე) საქართველოს და საზღვარგარეთის ქვეყნებში სამხედრო-პოლიტიკური მდგომარეობის ანალიზი და მისგან გამომდინარე მისაღებ გადაწყვეტილებათა მომზადება;

ვ) შეიარაღებული ძალების სამხედრო ტექნიკით, შეიარაღებით, აღჭურვილობით, საბრძოლო მასალებითა და სხვა სამხედრო ქონებით უზრუნველსაყოფად შეკვეთების მომზადება და მათი შესრულების კონტროლი;

ზ) კანონმდებლობით დადგენილი წესით და განსაზღვრული ორგანიზაციულ-სამართლებრივი ფორმით იურიდიული პირების დაფუძნება;

თ) კანონმდებლობით განსაზღვრულ შემთხვევებში შესაბამისი სახელმწიფო უწყებებისა და საქართველოს სახელმწიფო (კერძო) სტრუქტურების კავშირგაბმულობის ქსელებით პრიორიტეტული სარგებლობა; თავისი კომპეტენციის ფარგლებში კავშირგაბმულობის საშუალებებისა და არხების აღდგენის, გამოყოფილი რადიოსიხშირული სპექტრების გამოყენების გეგმების შეთანხმება;

ი) კანონმდებლობით განსაზღვრულ შემთხვევებში შესაბამისი სახელმწიფო უწყებებისა და საქართველოს სახელმწიფო (კერძო) სტრუქტურების სარკინიგზო, საზღვაო, საავტომობილო და საჰაერო სატრანსპორტო საშუალებებითა და ხაზებით პრიორიტეტული სარგებლობა; დადგენილი წესით სამხედრო გადაზიდვების გეგმების შემუშავება, შეთანხმება და დამტკიცება;

კ) ევროპაში შეიარაღების კონტროლის, უშიშროების ზომების განმტკიცების შესახებ ხელშეკრულებათა განხორციელება, „პარტნიორობა მშვიდობისათვის“ პროგრამაში მონაწილეობა და შეძენილი გამოცდილების შეიარაღებულ ძალებში დანერგვა;

ლ) სამხედრო კადრების მომზადება;

მ) სამხედრო ბიუჯეტის შემუშავება;

ნ) სამხედრო მეცნიერების განვითარება;

ო) სამართლებრივი და ნორმატიული აქტების შემუშავების, მათში ცვლილებების შეტანისა და გაუქმების, აგრეთვე სამხედრო ტექნიკისა და შეიარაღების დანერგვის, მოდერნიზაციისა და უტილიზაციის საკითხების შესახებ წინადადებათა წარდგენა საქართველოს პრეზიდენტისა და მთავრობისათვის;

პ) სახელმწიფოში შექმნილ საგანგებო ან საომარ სიტუაციებში პრეზიდენტის ბრძანებით შეიარაღებული ძალების გამოყენების უზრუნველყოფა;

ჟ) სადაზვერვო საქმიანობა და უწყებრივი უშიშროების უზრუნველყოფა;

რ) საქართველოს თავდაცვის სამინისტროს სტრუქტურულ ქვედანაყოფებსა და ჯარის სახეობებში მართვის ავტომატიზებული სისტემის განვითარების, კოორდინაციისა და კონტროლის უზრუნველყოფა;

ს) კანონმდებლობით დადგენილი წესით, თავისი კომპეტენციის ფარგლებში, იარაღის ბრუნვასთან დაკავშირებული ლიცენზიებისა და ნებართვების გაცემა;

ტ) კანონმდებლობით მინიჭებული უფლებამოსილების ფარგლებში გააფორმოს უცხოეთის შესაბამის სახელმწიფო ხელისუფლების ორგანოსთან, საერთაშორისო და/ან არასამთა ვ რობო ორგანიზაციასთან ხელშეკრულებები და შეთანხმებები (მიუხედავად მათი ფორმისა და სახელწოდებისა), რომლებიც არ წარმოადგენენ „საქართველოს საერთაშორისო ხელშეკრულებების შესახებ“ საქართველოს კანონით გათვალისწინებული საერთაშორისო ხელშეკრულებებს, არ რეგულირდება საერთაშორისო სამართლის ნორმებით და დადებულია საჯარო უფლებამოსილების განხორციელების ფარგლებში.

საქართველოს პრეზიდენტის 2007 წლის 30 მაისის  ბრძანებულება №336-სსმ III, №77, 01.06.2007წ; მუხ.827

საქართველოს პრეზიდენტის 2008 წლის 21 ივლისის ბრძანებულება №377-სსმ III, №103, 22.07.2008წ; მუხ.1145

საქართველოს პრეზიდენტის 2008 წლის 18 სექტემბრის ბრძანებულება №453-სსმ III, №139, 19.09.2008წ; მუხ.1365

საქართველოს პრეზიდენტის 2009 წლის 13 ნოემბრის ბრძანებულება №809-სსმ III, №141, 18.11.2009წ; მუხ.1625

    მუხლი 3. სამინისტროს ხელმძღვანელობა

1. სამინისტროს ხელმძღვანელობს მინისტრი. მინისტრს თანამდებობაზე ნიშნავს პრემიერ-მინისტრი საქართველოს პრეზიდენტის თანხმობით; მინისტრს თანამდებობიდან ათავისუფლებს საქართველოს პრეზიდენტი, აგრეთვე საქართველოს პრემიერ-მინისტრი.

2. მინისტრი არის სამოქალაქო პირი, იგი ანგარიშვალდებულია საქართველოს პრეზიდენტისა და პრემიერ-მინისტრის წინაშე.

3. მინისტრი:

ა) წარმოადგენს სამინისტროს, ან კანონმდებლობით დადგენილი წესით სამინისტროს მოხელეებს ანიჭებს სამინისტროს წარმომადგენლობის უფლებამოსილებას;

ბ) ახორციელებს ორგანიზაციულ ღონისძიებებს ქვეყნის თავდაცვისუნარიანობისა და მისი უშიშროების უზრუნველსაყოფად;

გ) ახორციელებს ღონისძიებებს საქართველოს კონსტიტუციის მოთხოვნების, საქართველოს კანონების, საქართველოს პრეზიდენტისა და მთავრობის სამართლებრივი აქტების შესასრულებლად, რომლებიც სამინისტროს მმართველობის სფეროს განეკუთვნება;

დ) კოორდინაციას უწევს სამინისტროს სტრუქტურული ქვედანაყოფების საქმიანობას, ახორციელებს სამინისტროს შესაბამის თანამდებობის პირთა გადაწყვეტილებებისა და საქმიანობის სამსახურებრივ ზედამხედველობას და კანონმდებლობით დადგენილი წესით ძალადაკარგულად ცნობს სამინისტროს თანამდებობის პირების აქტებსა და მოქმედებებს მათი კანონიერების ან მიზანშეუწონლობის მოტივით;

ე) საქართველოს კანონმდებლობის შესაბამისად გამოსცემს ნორმატიულ აქტებს და ზედამხედველობს მათ შესრულებას;

ვ) თანამდებობაზე ნიშნავს და თანამდებობიდან ათავისუფლებს სამინისტროს სტრუქტურული ქვედანაყოფების საჯარო, მათ შორის, სამხედრო მოსამსახურეებს, წყვეტს მათი წახალისების, დისციპლინური პასუხისმგებლობის, მივლინებაში წარგზავნისა და შვებულებაში გასვლის საკითხებს, გარდა კანონით გათვალისწინებული შემთხვევებისა;

ზ) საქართველოს პრეზიდენტს – საქართველოს სამხედრო ძალების უმაღლეს მთავარსარდალს თანამდებობაზე დასანიშნად წარუდგენს საქართველოს შეიარაღებული ძალების გაერთიანებული შტაბის უფროსის, დაქვემდებარებული ჯარების სახეობების სარდლებისა და სამშვიდობო ძალების უფროსების, ეროვნული გვარდიის დეპარტამენტის უფროსის კანდიდატურებს და წინადადებებს მათი თანამდებობიდან გათავისუფლების შესახებ;

ზ^​1) ჯარის სახეობის სარდლის არყოფნის შემთხვევაში უფლებამოსილია სარდლის მოვალეობანი დააკისროს სამინისტროს სამხედრო მოსამსახურეს;

თ) პრემიერ-მინისტრს თანამდებობაზე დასანიშნად წარუდგენს მინისტრის პირველი მოადგილისა და მოადგილეების კანდიდატურებს და წინადადებებს მათი თანამდებობიდან გათავისუფლების შესახებ;

ი) დადგენილი წესით ანიჭებს ოფიცრებს სამხედრო წოდებებს პირველადი სამხედრო წოდებიდან პოლკოვნიკის (პირველი რანგის კაპიტნის) ჩათვლით, კანონის შესაბამისად წარადგენს ოფიცრებს უმაღლეს სამხედრო წოდებაზე;

კ) დადგენილი წესით ანიჭებს საკლასო ჩინებს სახელმწიფო მრჩევლამდე, კანონის შესაბამისად წარადგენს კანდიდატებს საკლასო ჩინის – სახელმწიფო მრჩევლის – მისანიჭებლად;

ლ) განსაკუთრებული დამსახურებისათვის სამინისტროს საჯარო, მათ შორის, სამხედრო მოსამსახურეებს წარადგენს სახელმწიფო ჯილდოზე;

მ) პრემიერ-მინისტრს წარუდგენს წინადადებებს სამინისტროს წლიური ბიუჯეტის შემოსავლებისა და გასავლის საკითხების შესახებ, აგრეთვე, აუცილებლობის შემთხვევაში, დამატებითი ბიუჯეტის პროექტის თაობაზე;

ნ) იღებს გადაწყვეტილებას საბიუჯეტო სახსრების მიზნობრივი გამოყენების შესახებ და პასუხს აგებს სამინისტროს ბიუჯეტის ზუსტი და მიზანმიმართული ხარჯვისათვის;

ო) საქართველოს პრეზიდენტს – საქართველოს სამხედრო ძალების უმაღლეს მთავარსარდალს დასამტკიცებლად წარუდგენს გაერთიანებული შტაბის დებულებას;

პ) ამტკიცებს სამინისტროს სტრუქტურული ქვედანაყოფებისა და სამინისტროს ადმინისტრაციის უსაფრთხოებისა და ტექნიკური უზრუნველყოფის დეპარტამენტის დებულებებს, გარდა გაერთიანებული შტაბის დებულებისა;

ჟ) ამტკიცებს სამინისტროს სტრუქტურული ქვედანაყოფების საშტატო ნუსხას, გარდა შეიარაღებული ძალების გაერთიანებული შტაბისა;

ჟ^​1) ადგენს სამინისტროს სამოქალაქო ტექნიკური თანამდებობების დასახელებასა და თანამდებობათა ნუსხას;

რ) საქართველოს თავდაცვის სამინისტროს სამხედრო-ტექნიკურ საკითხთა მუდმივმოქმედი კომისიის რეკომენდაციის საფუძველზე გამოსცემს ბრძანებებს ახალი და მოდერნიზებული სამხედრო ტექნიკის, საბრძოლო მასალების შეიარაღებაში მიღებისა და მოძველებული სამხედრო ტექნიკის შეიარაღებიდან მოხსნის თაობაზე;

ს) უფლებამოსილია შექმნას სათათბირო ორგანოები, კომისიები და საბჭოები, განსაზღვროს მათი უფლება-მოვალეობანი და საქმიანობის წესი;

ტ) უფლებამოსილია მინისტრის პირველ მოადგილეს და/ან მოადგილეებს, აგრეთვე სტრუქტურული ქვედანაყოფების ხელმძღვანელებს მიანიჭოს ამ პუნქტის ,,ვ“ ქვეპუნქტით განსაზღვრული ფუნქციების განხორციელების უფლება;

უ) ამტკიცებს საქართველოს შეიარაღებული ძალების გაერთიანებული შტაბის სტრუქტურული ქვედანაყოფებისა და ჯარის სახეობათა დებულებებს;

ფ) გასცემს ჩრდილო-ატლანტიკური ხელშეკრულების ორგანიზაციის (ნატო) კლასიფიცირებულ ინფორმაციასთან მუშაობის ნებართვას;

ქ) ამტკიცებს საქართველოს თავდაცვის სამინისტროს სამოქალაქო ოფისში სტაჟირების გავლის წესს.

4. მინისტრს ჰყავს 5 მოადგილე, მათ შორის ერთი პირველი. მინისტრის პირველ მოადგილესა და მოადგილეებს მინისტრის წარდგინებით, საქართველოს პრეზიდენტთან შეთანხმებით, თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი. მინისტრის პირველი მოადგილისა და მოადგილეების უფლებამოსილება განისაზღვრება მინისტრის ბრძანებით, თუ კანონითა და მთავრობის აქტებით სხვა რამ არ არის დადგენილი.

5. მინისტრის ერთ-ერთი მოადგილე მინისტრის დავალებით ახორციელებს საპარლამენტო მდივნის ფუნქციას.

6. მინისტრის არყოფნის შემთხვევაში მის უფლებამოსილებას ახორციელებს მინისტრის პირველი მოადგილე, ხოლო პირველი მოადგილის არყოფნის შემთხვევაში, მინისტრის გადაწყვეტილებით – მინისტრის ერთ-ერთი მოადგილე.

საქართველოს პრეზიდენტის 2004 წლის 14 აგვისტოს ბრძანებულება №329-სსმ III, №87, 17.08.2004წ; მუხ.753

საქართველოს პრეზიდენტის 2005 წლის 23 აპრილის ბრძანებულება №249-სსმ III, №49, 25.04.2005წ; მუხ.503

საქართველოს პრეზიდენტის 2006 წლის 5 იანვრის  ბრძანებულება №7-სსმ III, №2, 09.01.2006წ; მუხ.6

საქართველოს პრეზიდენტის 2006 წლის 10 აგვისტოს  ბრძანებულება №476-სსმ III, №108, 15.08.2006წ; მუხ.1475

საქართველოს პრეზიდენტის 2006 წლის 5 სექტემბრის  ბრძანებულება №535-სსმ III, №122, 07.09.2006წ; მუხ.1630

საქართველოს პრეზიდენტის 2006 წლის 27 ნოემბრის  ბრძანებულება №706-სსმ III, №159, 27.11.2006წ; მუხ.2181

საქართველოს პრეზიდენტის 2007 წლის 8 აგვისტოს ბრძანებულება №457-სსმ III, №113, 13.08.2007წ; მუხ.1248

საქართველოს პრეზიდენტის 2007 წლის 27 დეკემბრის ბრძანებულება №720-სსმ III, №186, 28.12.2007წ; მუხ.2074

საქართველოს პრეზიდენტის 2008 წლის 12 მარტის ბრძანებულება №139-სსმ III, №40, 17.03.2008წ; მუხ.443

საქართველოს პრეზიდენტის 2009 წლის 3 თებერვლის ბრძანებულება №42-სსმ III, №13, 05.02.2009წ; მუხ.149

საქართველოს პრეზიდენტის 2009 წლის 3 თებერვლის ბრძანებულება №43-სსმ III, №13, 05.02.2009წ; მუხ.150

საქართველოს პრეზიდენტის 2009 წლის 17 მარტის  ბრძანებულება №127-სსმ III, №33, 19.03.2009წ; მუხ.378

საქართველოს პრეზიდენტის 2009 წლის 12 ივნისის  ბრძანებულება №318-სსმ III, №75, 19.06.2009წ; მუხ.828

    მუხლი 4. სამინისტროს თანამდებობის პირები

1. სამინისტროს თანამდებობის პირები არიან:

ა) მინისტრის პირველი მოადგილე და მოადგილეები;

ბ) სამინისტროს სტრუქტურული ქვედანაყოფების ხელმძღვანელები;

გ) სამინისტროს სახელმწიფო კონტროლს დაქვემდებარებული საჯარო სამართლის იურიდიული პირების ხელმძღვანელები და მათი მოადგილეები.

2. სამინისტროს სტრუქტურული ქვედანაყოფის ხელმძღვანელი:

ა) წარმოადგენს სამინისტროს შესაბამის სტრუქტურულ ქვედანაყოფს;

ბ) ანაწილებს მოვალეობებს მისდამი დაქვემდებარებული სტრუქტურული ქვედანაყოფის მოხელეებს შორის და აძლევს მათ მითითებებს და განკარგულებებს;

გ) ხელს აწერს სამინისტროს სტრუქტურულ ქვედანაყოფში მომზადებულ დოკუმენტებს;

დ) მინისტრის წინაშე ანგარიშვალდებულია დაქვემდებარებული სტრუქტურული ქვედანაყოფის მუშაობის წარმართვისათვის;

ე) სამინისტროს ხელმძღვანელობას წარუდგენს წინადადებებს სამინისტროს სტრუქტურული ქვედანაყოფის სტრუქტურის, შტატების, მუშაობის ორგანიზაციის, სტრუქტურული ქვედანაყოფების მოხელეებისათვის პრემიის დანიშვნის, მათი წახალისების ან მათთვის დისციპლინური პასუხისმგებლობის დაკისრების შესახებ;

ვ) შუამდგომლობს იმ სახსრების გამოყოფის თაობაზე, რომელიც საჭიროა სამინისტროს სტრუქტურული ქვედანაყოფის ამოცანების შესასრულებლად;

ზ) შუამდგომლობს სამინისტროს სტრუქტურული ქვედანაყოფის მოხელეთა კვალიფიკაციის ამაღლების თაობაზე;

თ) ასრულებს ამ დებულებით, სამინისტროს სტრუქტურული ქვედანაყოფის დებულებით, მინისტრის ან მისი დავალებით მინისტრის მოადგილეების მიერ განსაზღვრულ სხვა ამოცანებს.

საქართველოს პრეზიდენტის 2004 წლის 14 აგვისტოს ბრძანებულება №329-სსმ III, №87, 17.08.2004წ; მუხ.753

    მუხლი 5. სამინისტროს სტრუქტურული ქვედანაყოფები, მათი სტატუსი და ფუნქციები

1. სამინისტროს სტრუქტურული ქვედანაყოფებია:

ა) საქართველოს შეიარაღებული ძალების გაერთიანებული შტაბი (შემდეგში – გაერთიანებული შტაბი);

ბ) გენერალური ინსპექცია;

გ) სამინისტროს ადმინისტრაცია;

დ) თავდაცვის პოლიტიკისა და დაგეგმვის დეპარტამენტი;

ე) ფინანსების მართვის დეპარტამენტი;

ვ) სახელმწიფო შესყიდვების დეპარტამენტი;

ზ) საერთაშორისო ურთიერთობებისა და ევროატლანტიკური ინტეგრაციის დეპარტამენტი;

თ) სამხედრო დაზვერვის დეპარტამენტი;

ი) (ამოღებულია) ;

კ) რესურსების მართვისა და კონტროლის დეპარტამენტი;

ლ) (ამოღებულია) ;

მ) ინფორმაციული ტექნოლოგიების დეპარტამენტი;

ნ) თავდაცვის ატაშეებისა და სამოქალაქო წარმომადგენლების ოფისი (სამმართველო);

ო) ანალიტიკური დეპარტამენტი.

2. გაერთიანებულ შტაბს აქვს სტრუქტურული ქვედანაყოფები, რომელთა დებულებებს ამტკიცებს საქართველოს თავდაცვის მინისტრი.

3. სამინისტროს სტრუქტურული ქვედანაყოფების ერთობლიობა, გარდა გაერთიანებული შტაბისა, ქმნის სამინისტროს სამოქალაქო ოფისს (შემდეგში – ოფისი).

4. სამინისტროს სტრუქტურულ ქვედანაყოფებს აქვს შემდეგი ძირითადი ამოცანები:

ა) გაერთიანებული შტაბი:

ა.ა) ხელმძღვანელობს საბრძოლო და სამობილიზაციო მომზადებას;

ა.ბ) ახორციელებს საქართველოს სამხედრო ძალების მართვას საომარი მდგომარეობის დროს;

ა.გ) მის დაქვემდებარებაში არსებული სამხედრო პოლიციის დეპარტამენტი ახორციელებს: საქართველოს სისხლის სამართლის საპროცესო კოდექსით განსაზღვრულ საქართველოს სამინისტროს კომპეტენციას განკუთვნილ დანაშაულთა გამოძიებას, შეიარაღებული ძალების ტერიტორიაზე და მის ფარგლებს გარეთ სამხედრო მოსამსახურეთა მიერ დისციპლინის დაცვის კონტროლს, სამინისტროს სისტემაში არსებული ადმინისტრაციული პატიმრობის ადგილების დაცვას, სამხედრო ობიექტების უსაფრთხოების უზრუნველყოფას და კანონმდებლობით გათვალისწინებულ სხვა საქმიანობას;

ბ) გენერალური ინსპექცია ახორციელებს:

ბ.ა) სამინისტროს სისტემის ორგანოების ინსპექტირებასა და შემოწმებას, კანონმდებლობით განსაზღვრული კომპეტენციის ფარგლებში;

ბ.ბ) სამსახურებრივ შემოწმებასა და შემდგომ რეაგირებას სამინისტროს საჯარო, მათ შორის, სამხედრო მოსამსახურეების მიერ ჩადენილ კანონდარღვევებზე;

ბ.გ) ოპერატიულ-სამძებრო საქმიანობის შესახებ“ საქართველოს კანონის შესაბამისად, ოპერატიულ-სამძებრო ღონისძიებებს;

ბ.დ) სამინისტროსა და გაერთიანებული შტაბის ადმინისტრაციული შენობისა და სამინისტროს მიმდებარე ტერიტორიის, აგრეთვე საქართველოს თავდაცვის მინისტრის მიერ განსაზღვრული სამინისტროს სხვა სტრუქტურული ქვედანაყოფებისა და სამინისტროს მმართველობის სფეროში მოქმედი საჯარო სამართლის იურიდიული პირების შენობებისა და ტერიტორიის ვიდეოკონტროლსა და ვიდეოკონტროლის სისტემის პროგრამულ უზრუნველყოფას;

გ) სამინისტროს ადმინისტრაცია, რომელიც მასზე დაკისრებულ ფუნქციებს ახორციელებს შემდეგი სტრუქტურული ქვედანაყოფების მეშვეობით:

გ.ა) საქმისწარმოების დეპარტამენტი, რომლის ძირითადი ფუნქციებია:

გ.ა.ა) მინისტრის ინდივიდუალური ადმინისტრაციულ-სამართლებრივი აქტით განსაზღვრულ სამინისტროს სამოქალაქო ოფისის სტრუქტურულ ქვედანაყოფებში ერთიანი საქმისწარმოების (საიდუმლო, არასაიდუმლო) უზრუნველყოფა და სამინისტროს არქივის მართვა;

გ.ა.ბ) იარაღის ბრუნვასთან დაკავშირებით სამინისტროს მიერ გაცემული ლიცენზიებისა და ნებართვების აღრიცხვა;

გ.ბ) იურიდიული დეპარტამენტი, რომლის ძირითადი ფუნქციაა სამინისტროს სამართლებრივი უზრუნველყოფა, სამინისტროში მომზადებული სამართლებრივი აქტების ექსპერტიზა და ვიზირება, შესაბამისი ნორმატიული ბაზის სრულყოფა, კომპეტენციის ფარგლებში საერთაშორისო ხელშეკრულებების პროექტების სამართლებრივი უზრუნველყოფა;

გ.გ) პროტოკოლის დეპარტამენტი, რომლის ძირითადი ფუნქციაა საზღვარგარეთის ქვეყნების უმაღლესი და მაღალი რანგის ოფიციალური დელეგაციების ვიზიტების, სამინისტროს მიერ გასამართი ღონისძიებების (სემინარები, კონფერენციები, საერთაშორისო ხელშეკრულებების ხელმოწერის ცერემონიალი) ორგანიზაციული უზრუნველყოფა;

გ.დ) სამხედრო-ტექნიკურ საკითხთა დეპარტამენტი, რომლის ძირითადი ფუნქციებია:

გ.დ.ა) სამინისტროს სამხედრო-ტექნიკურ საკითხთა მუდმივმოქმედი კომისიის საქმიანობასთან დაკავშირებული დოკუმენტაციისა და კანონმდებლობის თანახმად, შესაბამისი რეკომენდაციების პროექტების მომზადება, კომისიის საქმიანობის ორგანიზაციულ-ტექნიკური უზრუნველყოფა;

გ.დ.ბ) კანონმდებლობით დადგენილი წესით და კომპეტენციის ფარგლებში, იარაღის ბრუნვასთან დაკავშირებული ლიცენზიებისა და ნებართვების გაცემის მომზადება;

გ.ე) ადამიანური რესურსების მართვის დეპარტამენტი, რომლის ძირითადი ფუნქციაა სამინისტროს ადამიანური რესურსების მართვის პოლიტიკის განსაზღვრა, სამინისტროს სამოქალაქო ოფისის საშტატო ნუსხის მომზადება და ანალიზი, აგრეთვე სამინისტროს სამოქალაქო ოფისში საჯარო მოსამსახურეთა, გარდა სამხედრო მოსამსახურეებისა, შრომითი ურთიერთობების შემცველი დოკუმენტაციის (დანიშვნა, გათავისუფლება, შვებულება, მივლინება და სხვ.) მომზადება, წარმოება;

გ.ვ) საზოგადოებრივ საქმეთა დეპარტამენტი, რომლის ძირითადი ფუნქციაა სამინისტროს საზოგადოებასთან და მასობრივი ინფორმაციის საშუალებებთან ურთიერთობის უზრუნველყოფა;

გ.ვ1) უსაფრთხოებისა და ტექნიკური უზრუნველყოფის დეპარტამენტი, რომლის ძირითადი ფუნქციაა „ოპერატიულ-სამძებრო საქმიანობის შესახებ“ საქართველოს კანონის შესაბამისად, სპეციალური საშუალებებისა და სპეციალიზებული დანაყოფების გამოყენებით ოპერატიულ-ტექნიკური და ოპერატიულ-სამძებრო ღონისძიებების განხორციელება, უსაფრთხოების წესების შემუშავება და ინფორმაციის ანალიტიკური დამუშავება;

გ.ზ) ნატოს კლასიფიცირებული ინფორმაციის ცენტრალური სამმართველო, რომლის ძირითადი ფუნქციებია:

გ.ზ.ა) საქართველოში ჩრდილოატლანტიკური ხელშეკრულების ორგანიზაციის (ნატო) კლასიფიცირებული ინფორმაციის ცენტრალური რეგისტრის ფუნქციონირების წარმართვა და აღნიშნული ინფორმაციის უსაფრთხოების უზრუნველყოფა;

გ.ზ.ბ) შესაბამის სახელმწიფო დაწესებულებებში არსებული ნატოს კლასიფიცირებული ინფორმაციის ქვერეგისტრების საქმიანობის კოორდინაცია და ქვერეგისტრებში ფიზიკური, ინფორმაციული, პერსონალური (კადრების) და საკომუნიკაციო და ინფორმაციული ტექნოლოგიების უსაფრთხოების ნორმების კონტროლის უზრუნველყოფა;

გ.ზ.გ) ინფორმაციის უსაფრთხოების საკითხებში საქართველოს მიერ აღებული საერთაშორისო ვალდებულებებისა და ნატოს უსაფრთხოების ოფისის რეკომენდაციების შესრულების უზრუნველყოფა;

გ.თ) (ამოღებულია) ;

დ) თავდაცვის პოლიტიკისა და დაგეგმვის დეპარტამენტი:

დ.ა) განსაზღვრავს მოკლე-, საშუალო- და გრძელვადიან მოთხოვნებს ეროვნული სამხედრო სტრატეგიით დასახული მიზნების შესრულებისათვის და შეიმუშავებს თანამიმდევრულ გეგმებს განსაზღვრული მოთხოვნების უზრუნველსაყოფად;

დ.ბ) მონაწილეობს თავდაცვის სტრატეგიის განსაზღვრაში და ეროვნული უსაფრთხოების კონცეფციის შემუშავებაში;

დ.გ) აყალიბებს სამინისტროს ამოცანებს, რეფომების მოკლე-, საშუალო- და გრძელვადიან გეგმებს;

დ.დ) ხელს უწყობს საქართველოს შეიარაღებული ძალების პროგრამების განხორციელებას;

ე) ფინანსების მართვის დეპარტამენტი:

ე.ა) შეისწავლის სამინისტროს მიერ გასატარებელი საფინანსო პოლიტიკის ძირითად მიმართულებებს და შეიმუშავებს სამინისტროს საფინანსო პოლიტიკას;

ე.ბ) ახორციელებს საერთაშორისო პროგრამების ფინანსურ დაგეგმვასა და შესრულებას;

ე.გ) ახორციელებს დამტკიცებული ბიუჯეტის მიზნობრივ ხარჯვასა და მისი შესრულების ანალიზს;

ე.დ) პასუხისმგებელია სამინისტროს სისტემაში ბუღალტრული აღრიცხვის მოწესრიგებისა და ფინანსური დისციპლინის განმტკიცებისათვის;

ე.ე) ოფისისა და გაერთიანებული შტაბის შესაბამისი მოთხოვნების საფუძველზე შეიმუშავებს თავდაცვის ბიუჯეტის პროექტს;

ვ) სახელმწიფო შესყიდვების დეპარტამენტი:

ვ.ა) ახორციელებს სახელმწიფო შესყიდვას სამინისტროს საჭიროებისათვის;

ვ.ბ) ახორციელებს სახელმწიფო შესყიდვის საკონტრაქტო პირობების შესრულების მონიტორინგს კომპეტენციის ფარგლებში;

ზ) საერთაშორისო ურთიერთობებისა და ევროატლანტიკური ინტეგრაციის დეპარტამენტი:

ზ.ა) წარმართავს საერთაშორისო ურთიერთობებს;

ზ.ბ) უზრუნველყოფს სამინისტროს მიერ ნატოსთან ინტეგრაციის პროცესის კოორდინირებას;

თ) სამხედრო დაზვერვის დეპარტამენტი ახორციელებს ფარული და ღია წყაროებიდან ოპერატიული ინფორმაციის მოპოვებას და მონაწილეობს მოსალოდნელი რისკის განსაზღვრის პროცესში;

ი) (ამოღებულია);

კ) რესურსების მართვისა და კონტროლის დეპარტამენტი:

კ.ა) აწარმოებს სამინისტროს მიერ განსახორციელებელი შესყიდვების საქართველოს შეიარაღებული ძალების არსებულ მოთხოვნილებებთან შესაბამისობის ანალიზს;

კ.ბ) ახორციელებს თავდაცვის სისტემის განვითარებისათვის მიმართული რესურსების გამოყენების ეფექტიანობის ანალიზსა და კონტროლს;

კ.გ) აწარმოებს შესაძენი საშუალებების ნატოს სტანდარტებთან, საქართველოს თავდაცვის სისტემის სტრატეგიული მიმოხილვის ამოცანებთან თავსებადობის ანალიზს;

კ.დ) უზრუნველყოფს დაგეგმილი შესყიდვების ეკონომიკური მიზანშეწონილობის ანალიზს;

კ.ე) უზრუნველყოფს თავდაცვის რესურსების ეფექტიანად განკარგვისათვის საჭირო მონაცემთა ბაზის შექმნას, სისტემატურ განახლებასა და ანალიზს;

ლ) (ამოღებულია) ;

მ) ინფორმაციული ტექნოლოგიების დეპარტამენტი, რომლის ძირითადი ფუნქციაა სამინისტროს სტრუქტურულ ქვედანაყოფებსა და ჯარის სახეობებში მართვის ავტომატიზებული სისტემების დანერგვა და შემდგომში მისი განვითარების უზრუნველყოფა;

ნ) თავდაცვის ატაშეებისა და სამოქალაქო წარმომადგენლების ოფისი (სამმართველო):

ნ.ა) კოორდინაციას უწევს თავდაცვის ატაშეებისა და სამოქალაქო წარმომადგენლების (მათი აპარატების) საქმიანობას, ხელს უწყობს მათი შესაბამისი პირობებით უზრუნველყოფას;

ნ.ბ) თავდაცვის ატაშეებისა და სამოქალაქო წარმომადგენლების საქმიანობის ეფექტიანობის გაზრდის მიზნით, შეიმუშავებს შესაბამის რეკომენდაციებსა და წინადადებებს და წარუდგენს მინისტრს;

ო) ანალიტიკური დეპარტამენტი ახორციელებს საქართველოსა და საზღვარგარეთის ქვეყნებში თავდაცვის სფეროში არსებული და საპროგნოზო ვითარების, გამოწვევებისა და საფრთხეების ანალიზს პოლიტიკურ-სტრატეგიული, საფინანსო-ეკონომიკური და სამხედრო-ტექნიკური თვალსაზრისით.

საქართველოს პრეზიდენტის 2004 წლის 14 აგვისტოს ბრძანებულება №329-სსმ III, №87, 17.08.2004წ; მუხ.753

საქართველოს პრეზიდენტის 2004 წლის 25 დეკემბრის ბრძანებულება №609-სსმ III, №152, 27.12.2004წ; მუხ.1384

საქართველოს პრეზიდენტის 2005 წლის 23 აპრილის ბრძანებულება №249-სსმ III, №49, 25.04.2005წ; მუხ.503

საქართველოს პრეზიდენტის 2005 წლის 29 ივლისის ბრძანებულება №673-სსმ III, №89, 01.08.2005წ; მუხ.1013

საქართველოს პრეზიდენტის 2006 წლის 5 იანვრის  ბრძანებულება №7-სსმ III, №2, 09.01.2006წ; მუხ.6

საქართველოს პრეზიდენტის 2006 წლის 25 დეკემბრის  ბრძანებულება №759-სსმ III, №174, 26.12.2006წ; მუხ.2354

საქართველოს პრეზიდენტის 2007 წლის 18 იანვრის  ბრძანებულება №44-სსმ III, №8, 23.01.2007წ; მუხ.61

საქართველოს პრეზიდენტის 2007 წლის 30 მაისის  ბრძანებულება №336-სსმ III, №77, 01.06.2007წ; მუხ.827

საქართველოს პრეზიდენტის 2007 წლის 8 აგვისტოს ბრძანებულება №457-სსმ III, №113, 13.08.2007წ; მუხ.1248

საქართველოს პრეზიდენტის 2007 წლის 12 ოქტომბრის ბრძანებულება №571-სსმ III, №145, 18.10.2007წ; მუხ.1617

საქართველოს პრეზიდენტის 2007 წლის 14 დეკემბრის ბრძანებულება №690-სსმ III, №179, 18.12.2007წ; მუხ.1969

საქართველოს პრეზიდენტის 2008 წლის 8 ივლისის ბრძანებულება №349-სსმ III, №96, 08.07.2008წ; მუხ.1068

საქართველოს პრეზიდენტის 2008 წლის 21 ივლისის ბრძანებულება №377-სსმ III, №103, 22.07.2008წ; მუხ.1145

საქართველოს პრეზიდენტის 2008 წლის 5 აგვისტოს ბრძანებულება №399-სსმ III, №111, 05.08.2008წ; მუხ.1221

საქართველოს პრეზიდენტის 2008 წლის 18 სექტემბრის ბრძანებულება №453-სსმ III, №139, 19.09.2008წ; მუხ.1365

საქართველოს პრეზიდენტის 2008 წლის 2 ოქტომბრის ბრძანებულება №475-სსმ III, №146, 03.10.2008წ; მუხ.1455

საქართველოს პრეზიდენტის 2009 წლის 6 იანვრის ბრძანებულება №1-სსმ III, №2, 09.01.2009წ; მუხ.7

საქართველოს პრეზიდენტის 2009 წლის 18 თებერვლის ბრძანებულება №61-სსმ III, №19, 19.02.2009წ; მუხ.238

საქართველოს პრეზიდენტის 2009 წლის 11 მარტის  ბრძანებულება №107-სსმ III, №31, 17.03.2009წ; მუხ.368

საქართველოს პრეზიდენტის 2009 წლის 26 მარტის  ბრძანებულება №151-სსმ III, №39, 30.03.2009წ; მუხ.442

საქართველოს პრეზიდენტის 2009 წლის 31 მარტის  ბრძანებულება №153-სსმ III, №40, 31.03.2009წ; მუხ.452

საქართველოს პრეზიდენტის 2009 წლის 6 მაისის  ბრძანებულება №230-სსმ III, №55, 07.05.2009წ; მუხ.624

საქართველოს პრეზიდენტის 2009 წლის 22 ივლისის  ბრძანებულება №426-სსმ III, №90, 22.07.2009წ; მუხ.956

საქართველოს პრეზიდენტის 2009 წლის 1 სექტემბრის ბრძანებულება №561-სსმ III, №108, 02.09.2009წ; მუხ.1239

საქართველოს პრეზიდენტის 2009 წლის 27 ოქტომბრის ბრძანებულება №751-სსმ III, №131, 27.10.2009წ; მუხ.1514

    მუხლი 5^​1. სამინისტროს მმართველობის სფეროში მოქმედი საჯარო სამართლის იურიდიული პირები არიან:

ა) ამოღებულია ;

ბ) ამოღებულია ;

გ) საქართველოს თავდაცვის სამინისტროს სამხედრო ჰოსპიტალი;

დ) საქართველოს სახელმწიფო ჰიდროგრაფიული სამსახური;

ე) სახელმწიფო სამხედრო სამეცნიერო-ტექნიკური ცენტრი „დელტა“.

საქართველოს პრეზიდენტის 2008 წლის 30 აპრილის ბრძანებულება №222-სსმ III, №66, 02.05.2008წ; მუხ.729

საქართველოს პრეზიდენტის 2010 წლის 15 იანვრის ბრძანებულება №34-სსმ III, №6, 20.01.2010წ; მუხ.38

    მუხლი 6. დასკვნითი დებულებანი

დებულების გაუქმება, მასში ცვლილებებისა და დამატებების შეტანა ხდება საქართველოს პრეზიდენტის ბრძანებულებით.

 

Annotate