სახელმწიფო დაცვის სპეციალური სამსახურის ზოგიერთი კატეგორიის მოსამსახურეთა სოციალური დაცვის დამატებითი ღონისძიებების შესახებ

 

საქართველოს პრეზიდენტის

ბრძანებულება №181

2004 წლის 24 მაისი

ქ. თბილისი

სახელმწიფო დაცვის სპეციალური სამსახურის ზოგიერთი კატეგორიის მოსამსახურეთა სოციალური დაცვის დამატებითი ღონისძიებების შესახებ

„სახელმწიფო დაცვის სპეციალური სამსახურის შესახებ“ საქართველოს კანონის (საქართველოს პარლამენტის უწყებანი, 1996 წელი – №002) მე-17 მუხლის მე-11 პუნქტის შესაბამისად, საქართველოს კანონმდებლობით დაკისრებული ფუნქციონალური ვალდებულების უზრუნველყოფისას სახელმწიფო დაცვის სპეციალური სამსახურის ზოგიერთი ქვედანაყოფის მოსამსახურეთა ბრძოლისუნარიანობის ამაღლების მიზნით, მათი სოციალური პირობების გასაუმჯობესებლად:

1. სახელმწიფო დაცვის სპეციალური სამსახურის ზოგიერთი კატეგორიის მოსამსახურეებს, სამსახურებრივი მოვალეობის შესრულების პერიოდში, სოციალური დაცვის დამატებითი ნორმის სახით დაუწესდეთ კვების ხარჯები:

ა) საქართველოს პრეზიდენტის დაცვის სამმართველოს უფროსს, მოადგილეს, საქართველოს პრეზიდენტისა და მისი ოჯახის წევრთა დაცვის ცვლებში მომუშავე მოსამსახურეებს, აგრეთვე საქართველოს პრეზიდენტის მოვალეობის შესრულების პერიოდში საქართველოს პარლამენტის თავმჯდომარის დაცვის განყოფილების თანამშრომლებს – ყოველთვიური კომპენსაცია 300 ლარის ოდენობით;

ბ) სპეციალური დანიშნულების ქვედანაყოფის:

ბ.ა) მორიგე განწესში მყოფ მოსამსახურეებს ორჯერადი კვებისათვის დღეში (სადილი, ვახშამი) – 5 ლარი;

ბ.ბ) მოსამსახურეებს საგანგებო მდგომარეობის დროს, სამჯერადი კვებისათვის დღეში (საუზმე, სადილი, ვახშამი) – 6 ლარი და 80 თეთრი;

გ) სამსახურის სასწავლო-საწვრთნელი (პირად მცველთა მომზადების და გადამზადების) ცენტრის:

გ.ა) ადმინისტრაციის მოსამსახურეებს ერთჯერადი კვებისათვის დღეში (სადილი) – 3 ლარი;

გ.ბ) მორიგე განწესში მყოფ მოსამსახურეებს ორჯერადი კვებისათვის დღეში (სადილი, ვახშამი) – 5 ლარი;

გ.გ) პირად მცველთა მომზადებისა და გადამზადების კურსებზე მივლინებულ დაცვის თანამშრომლებს სამჯერადი კვებისათვის დღეში (საუზმე, სადილი, ვახშამი) – 6 ლარი და 80 თეთრი;

დ) ადმინისტრაციული შენობებისა და სამთავრობო რეზიდენციების დაცვის სამმართველოს:

დ.ა) საქართველოს პრეზიდენტის გადაადგილების სვლაგეზების დაცვის განყოფილების მორიგე განწესში მყოფ მოსამსახურეებს ერთჯერადი კვებისათვის დღეში (სადილი) – 3 ლარი;

დ.ბ) წეროვანის სამთავრობო რეზიდენციის დაცვის განყოფილების მორიგე განწესში მყოფ მოსამსახურეებს ორჯერადი კვებისათვის დღეში (სადილი, ვახშამი) – 5 ლარი.

საქართველოს პრეზიდენტის 200 5 წლის 8 ივნისის  ბრძანებულება № 465 -სსმ III, №6 9 , 10 .0 6 .200 5 წ; მუხ. 742

საქართველოს პრეზიდენტის 2006 წლის 22 აგვისტოს  ბრძანებულება №498-სსმ III, №114, 29.08.2006წ; მუხ.1565

საქართველოს პრეზიდენტის 2007 წლის 3 დეკემბრის  ბრძანებულება №667-სსმ III, №172, 04.12.2007წ; მუხ.1904

2. ამ ბრძანებულების პირველი პუნქტით გათვალისწინებული სოციალური დაცვის დამატებითი ღონისძიებების უზრუნველყოფისათვის საჭირო ფინანსური სახსრების ოდენობა განისაზღვროს სახელმწიფო დაცვის სპეციალური სამსახურისათვის საქართველოს სახელმწიფო ბიუჯეტით გათვალისწინებული ასიგნებების ფარგლებში.

მ. სააკაშვილი

შეტანილი ცვლილებები:    

1. საქართველოს პრეზიდენტის 2005 წლის 8 ივნისის  ბრძანებულება №465-სსმ III, №69, 10.06.2005წ; მუხ.742

2. საქართველოს პრეზიდენტის 2006 წლის 22 აგვისტოს  ბრძანებულება №498-სსმ III, №114, 29.08.2006წ; მუხ.1565

3. საქართველოს პრეზიდენტის 2007 წლის 3 დეკემბრის  ბრძანებულება №667-სსმ III, №172, 04.12.2007წ; მუხ.1904

Annotate