სამშვიდობო ოპერაციების განსახორციელებლად საქართველოს შეიარაღებული ძალების ქვედანაყოფების სამხედრო მოსამსახურეთა და სამოქალაქო პერსონალის სტატუსით წარგზავნილ პირთა ფულადი კმაყოფის, გრძელვადიანი მივლინების ყოველთვიური ნორმებისა და სხვა სოციალური პირობების განსაზღვრის შესახებ

საქართველოს პრეზიდენტის 2007 წლის 30 მაისის ბრძანებულება №337 - სსმ III, №77, 01.06.2007 წ., მუხ.828

„საქართველოს შეიარაღებული ძალების სამშვიდობო ოპერაციებში მონაწილეობის შესახებ“ საქართველოს კანონის მე-8 მუხლიდან გამომდინარე, სამშვიდობო ოპერაციებში მონაწილე საქართველოს შეიარაღებული ძალების ქვედანაყოფის სამხედრო მოსამსახურეთა ფულადი კმაყოფისა და სხვა სოციალური პირობების გაუმჯობესების, აგრეთვე ქვეყნის გარეთ გრძელვადიანი მივლინების ყოველთვიური ნორმების განსაზღვრის მიზნით:

1. დამტკიცდეს ქვეყნის ფარგლებს გარეთ სამშვიდობო ოპერაციებში მონაწილე საქართველოს შეიარაღებული ძალების სამხედრო მოსამსახურეთა და სამოქალაქო პერსონალის სტატუსით წარგზავნილ პირთა გრძელვადიანი მივლინების ყოველთვიური ზღვრული ნორმები (დანართი №2).

საქართველოს პრეზიდენტის 2004 წლის 5 ნოემბრის ბრძანებულება №494 - სსმ III, №127, 08.11.2004 წ., მუხ.1120

საქართველოს პრეზიდენტის 2006 წლის 7 აპრილის ბრძანებულება №239 - სსმ III, №48, 07.04.2006 წ., მუხ.601

2. „სამხედრო მოსამსახურის სტატუსის შესახებ“ საქართველოს კანონის მე-15 მუხლის მე-6 პუნქტის შესაბამისად, სამშვიდობო ოპერაციების განსახორციელებლად შექმნილ ქვედანაყოფში სამხედრო სამსახური ჩაითვალოს როგორც სამხედრო სამსახურის გავლის განსაკუთრებული პირობა.

3. ქვეყნის ფარგლებს გარეთ მაღალი რისკის სამშვიდობო ოპერაციებში მონაწილე სამხედრო მოსამსახურეებს საქართველოს თავდაცვის მინისტრის ბრძანებით გრძელვადიანი მივლინების ყოველთვიური ანაზღაურების ნორმაზე დაუწესდეთ დანამატი 30%-ის ოდენობით.

31. რისკის დონეების მიხედვით ამ ბრძანებულების №2 დანართით დამტკიცებული ზღვრული ნორმე-ბის ფარგლებში, ქვეყნის ფარგლებს გარეთ სამშვიდობო ოპერაციებში მონაწილე სამხედრო მოსამსახურეთა და სამოქალაქო პერსონალის სტატუსით წარგზავნილ პირთა გრძელვადიანი მივლინების ყოველთვიური ანაზღაურების ოდენობას განსაზღვრავს საქართველოს თავდაცვის მინისტრი.

4. სამშვიდობო ოპერაციებში მონაწილე სამხედრო მოსამსახურეთა საყაზარმე კვების ნორმატივები განისაზღვროს საქართველოსა და აშშ-ის „წვრთნისა და აღჭურვის“ ერთობლივ პროგრამაში მონაწილე (პროგრამაგავლილი) სამხედრო მოსამსახურეთა საყაზარმე კვების ნორმატივის ოდენობით.

5. ამ ბრძანებულებით გათვალისწინებული ღონისძიებების ფინანსური უზრუნველყოფა განხორციელდეს საქართველოს თავდაცვის სამინისტროსათვის სახელმწიფო ბიუჯეტით გათვალისწინებული ასიგნებების ფარგლებში.

6. საქართველოს თავდაცვის სამინისტრომ (გ. ბარამიძე) უზრუნველყოს იმ სამხედრო მოსამსახურეებთან კონტრაქტის გაფორმება, რომლებიც იმსახურებენ შეიარაღებული ძალების შესაბამის ქვედანაყოფებში და მონაწილეობას მიიღებენ სამშვიდობო ოპერაციებში.

7. ძალადაკარგულად ჩაითვალოს „სამშვიდობო ოპერაციების განსახორციელებლად საქართველოს შეიარაღებული ძალების ქვედანაყოფების სამხედრო მოსამსახურეთა ფულადი კმაყოფის და სხვა სოციალური პირობების განსაზღვრის შესახებ“ საქართველოს პრეზიდენტის 2003 წლის 12 თებერვლის №43 ბრძანებულება.

8. ეს ბრძანებულება ძალაში შევიდეს 2004 წლის 1 სექტემბრიდან.

მ. სააკაშვილი

შეტანილი ცვლილებები:

1. საქართველოს პრეზიდენტის 2004 წლის 5 ნოემბრის ბრძანებულება №494 - სსმ III, №127, 08.11.2004 წ., მუხ.1120

2. საქართველოს პრეზიდენტის 2005 წლის 15 იანვრის ბრძანებულება №17 - სსმ III, №6, 20.01.2005 წ., მუხ.60

3. საქართველოს პრეზიდენტის 2006 წლის 7 აპრილის ბრძანებულება №239 - სსმ III, №48, 07.04.2006 წ., მუხ.601

4. საქართველოს პრეზიდენტის 2007 წლის 30 მაისის ბრძანებულება №337 - სსმ III, №77, 01.06.2007 წ., მუხ.828

დანართი №1

(ძალადაკარგულია)

საქართველოს პრეზიდენტის 2005 წლის 15 იანვრის ბრძანებულება №17 - სსმ III, №6, 20.01.2005 წ., მუხ.60

დანართი №2

ქვეყნის გარეთ სამშვიდობო ოპერაციებში მონაწილე საქართველოს შეიარაღებული ძალების სამხედრო მოსამსახურეთა და სამოქალაქო პერსონალის სტატუსით წარგზავნილ პირთა გრძელვადიანი მივლინების ყოველთვიური ზღვრული ნორმები

(აშშ დოლარი)

№	შესაბამისი თანამდებობის წოდებრივი ზღვარი	გრძელვადიანი მივლინების თანხები	შენიშვნა
1.	პოლკოვნიკი	1700
2.	ვიცე-პოლკოვნიკი	1500
3.	მაიორი	1300
4.	კაპიტანი	1100
5.	უფროსი ლეიტენანტი	1000
6.	ბატალიონის სერჟანტი	850
7.	მასტერ-სერჟანტი	800
8.	უფროსი სერჟანტი	750
9.	სერჟანტი	700
10.	უმცროსი სერჟანტი	650
11.	კაპრალი	600
12.	ვადიანი სამხედრო მოსამსახურე	125
13	თარჯიმანი (არაბული ენის სპეციალისტი)	1500

შენიშვნა: ერთჯერადი დახმარებების გაანგარიშება განხორციელდება წინამდებარე თანხების გარეშე.

გამოსვლა შენახვა

Annotate

როგორ დავიმოწმოთ

საქართველოს პრეზიდენტის ბრძანებულება „,,სამშვიდობო ოპერაციების განსახორციელებლად საქართველოში შეიარაღებული ძალების ქვედანაყოფების სამხედრო მოსამსახურეთა ფულადი კმაყოფის, გრძელვადიანი მივლინების ყოველთვიური ნორმებისა და სხვა სოციალური პირობების განსაზღვრის შესახებ”“, №355, 26.08.2004, სარეგისტრაციო კოდი 120.260.010.05.002.003 (კონსოლიდირებული რედაქცია 30.05.2007). ხელმისაწვდომია: https://legali.ge/law/35950-4/