სამშვიდობო და სხვა სახის ოპერაციების განსახორციელებლად საქართველოს შეიარაღებული ძალების ქვედანაყოფების სამხედრო მოსამსახურეთა და სამოქალაქო პერსონალის სტატუსით წარგზავნილ პირთა ფულადი კმაყოფის, გრძელვადიანი მივლინების ყოველთვიური ნორმებისა და სხვა სოციალური პირობების განსაზღვრის შესახებ

საქართველოს პრეზიდენტის 2007 წლის 30 მაისის ბრძანებულება №337 - სსმ III, №77, 01.06.2007 წ., მუხ.828

საქართველოს პრეზიდენტის 2007 წლის 21 სექტემბრის ბრძანებულება №532 - სსმ III, №133, 25.09.2007 წ., მუხ.1442

„საქართველოს შეიარაღებული ძალების სამშვიდობო ოპერაციებში მონაწილეობის შესახებ“ საქართველოს კანონის მე-8 მუხლიდან გამომდინარე, საერთაშორისო ხელშეკრულებების (შეთანხმებების, მემორანდუმის) საფუძველზე სამშვიდობო და სხვა სახის ოპერაციებში მონაწილე საქართველოს შეიარაღებული ძალების ქვედანაყოფის სამხედრო მოსამსახურეთა და სამოქალაქო პერსონალის სტატუსით წარგზავნილ პირთა ფულადი კმაყოფისა და სხვა სოციალური პირობების გაუმჯობესების, აგრეთვე ქვეყნის გარეთ გრძელვადიანი მივლინების ყოველთვიური ნორმების განსაზღვრის მიზნით:

1. დამტკიცდეს საერთაშორისო ხელშეკრულებების (შეთანხმებების, მემორანდუმის) საფუძველზე ქვეყნის ფარგლებს გარეთ სამშვიდობო და სხვა სახის ოპერაციებში მონაწილე საქართველოს შეიარაღებული ძალების სამხედრო მოსამსახურეთა და სამოქალაქო პერსონალის სტატუსით წარგზავნილ პირთა გრძელვადიანი მივლინების ყოველთვიური ზღვრული ნორმები (დანართი №2).

საქართველოს პრეზიდენტის 2004 წლის 5 ნოემბრის ბრძანებულება №494 - სსმ III, №127, 08.11.2004 წ., მუხ.1120

საქართველოს პრეზიდენტის 2006 წლის 7 აპრილის ბრძანებულება №239 - სსმ III, №48, 07.04.2006 წ., მუხ.601

2. „სამხედრო მოსამსახურის სტატუსის შესახებ“ საქართველოს კანონის მე-15 მუხლის მე-6 პუნქტის შესაბამისად, სამშვიდობო ოპერაციების განსახორციელებლად შექმნილ ქვედანაყოფში სამხედრო სამსახური ჩაითვალოს როგორც სამხედრო სამსახურის გავლის განსაკუთრებული პირობა.

3. საერთაშორისო ხელშეკრულებების (შეთანხმებების, მემორანდუმის) საფუძველზე ქვეყნის ფარგლებს გარეთ მაღალი რისკის სამშვიდობო და სხვა სახის ოპერაციებში მონაწილე სამხედრო მოსამსახურეებს საქართველოს თავდაცვის მინისტრის ბრძანებით გრძელვადიანი მივლინების ყოველთვიური ანაზღაურების ნორმაზე დაუწესდეთ დანამატი 30%-ის ოდენობით.

31. რისკის დონეების მიხედვით ამ ბრძანებულების №2 დანართით დამტკიცებული ზღვრული ნორმების ფარგლებში, საერთაშორისო ხელშეკრულებების (შეთანხმებების, მემორანდუმის) საფუძველზე ქვეყნის ფარგლებს გარეთ სამშვიდობო და სხვა სახის ოპერაციებში მონაწილე სამხედრო მოსამსახურეთა და სამოქალაქო პერსონალის სტატუსით წარგზავნილ პირთა გრძელვადიანი მივლინების ყოველთვიური ანაზღაურების ოდენობას განსაზღვრავს საქართველოს თავდაცვის მინისტრი.

4. სამშვიდობო და სხვა სახის ოპერაციებში მონაწილე სამხედრო მოსამსახურეთა საყაზარმე კვების ნორმატივები განისაზღვროს საქართველოსა და აშშ-ის „წვრთნისა და აღჭურვის“ ერთობლივ პროგრამაში მონაწილე (პროგრამაგავლილი) სამხედრო მოსამსახურეთა საყაზარმე კვების ნორმატივის ოდენობით.

5. ამ ბრძანებულებით გათვალისწინებული ღონისძიებების ფინანსური უზრუნველყოფა განხორციელდეს საქართველოს თავდაცვის სამინისტროსათვის სახელმწიფო ბიუჯეტით გათვალისწინებული ასიგნებების ფარგლებში.

6. (ამოღებულია).

7. ძალადაკარგულად ჩაითვალოს „სამშვიდობო ოპერაციების განსახორციელებლად საქართველოს შეიარაღებული ძალების ქვედანაყოფების სამხედრო მოსამსახურეთა ფულადი კმაყოფის და სხვა სოციალური პირობების განსაზღვრის შესახებ“ საქართველოს პრეზიდენტის 2003 წლის 12 თებერვლის №43 ბრძანებულება.

8. ეს ბრძანებულება ძალაში შევიდეს 2004 წლის 1 სექტემბრიდან.

მ. სააკაშვილი

შეტანილი ცვლილებები:

1. საქართველოს პრეზიდენტის 2004 წლის 5 ნოემბრის ბრძანებულება №494 - სსმ III, №127, 08.11.2004 წ., მუხ.1120

2. საქართველოს პრეზიდენტის 2005 წლის 15 იანვრის ბრძანებულება №17 - სსმ III, №6, 20.01.2005 წ., მუხ.60

3. საქართველოს პრეზიდენტის 2006 წლის 7 აპრილის ბრძანებულება №239 - სსმ III, №48, 07.04.2006 წ., მუხ.601

4. საქართველოს პრეზიდენტის 2007 წლის 30 მაისის ბრძანებულება №337 - სსმ III, №77, 01.06.2007 წ., მუხ.828

5. საქართველოს პრეზიდენტის 2007 წლის 21 ივნისის ბრძანებულება №382 - სსმ III, №89, 26.06.2007 წ., მუხ.953

6. საქართველოს პრეზიდენტის 2007 წლის 21 სექტემბრის ბრძანებულება №532 - სსმ III, №133, 25.09.2007 წ., მუხ.1442

7. საქართველოს პრეზიდენტის 2009 წლის 20 აგვისტოს ბრძანებულება №530 - სსმ III, №104, 24.08.2009 წ., მუხ.1157

დანართი №1

(ძალადაკარგულია)

საქართველოს პრეზიდენტის 2005 წლის 15 იანვრის ბრძანებულება №17 - სსმ III, №6, 20.01.2005 წ., მუხ.60

დანართი №2

საერთაშორისო ხელშეკრულებების (შეთანხმებების, მემორანდუმის) საფუძველზე ქვეყნის ფარგლებს გარეთ სამშვიდობო და სხვა სახის ოპერაციებში მონაწილე საქართველოს შეიარაღებული ძალების სამხედრო მოსამსახურეთა და სამოქალაქო პერსონალის სტატუსით წარგზავნილ პირთა გრძელვადიანი მივლინების ყოველთვიური ზღვრული ნორმები

№	შესაბამისი თანამდებობის წოდებრივი ზღვარი	გრძელვადიანი მივლინების თანხა
		აშშ დოლარი	ევრო
1.	პოლკოვნიკი	1 700	1 210
2.	ვიცე-პოლკოვნიკი	1 500	1 070
3.	მაიორი	1 300	930
4.	კაპიტანი	1 100	790
5.	უფროსი ლეიტენანტი	1 000	710
6.	ლეიტენანტი	980	700
7.	უმცროსი ლეიტენანტი	950	680
8.	სერჟანტ-ლეიტენანტი	930	660
9.	მთავარი სერჟანტი	900	640
10.	ბრიგადის სერჟანტი	870	620
11.	ბატალიონის სერჟანტი	850	610
12.	მასტერ სერჟანტი	800	570
13.	უფროსი სერჟანტი	750	540
14.	სერჟანტი	700	500
15.	უმცროსი სერჟანტი	650	460
16.	კაპრალი	600	430
17.	ვადიანი სამხედრო მოსამსახურე	125	90
18.	სამოქალაქო პერსონალის სტატუსის მქონე პირი (აღმოსავლური ენების თარჯიმანი)	1 500	1 070

შენიშვნა: წარგზავნილი კონტინგენტის ანაზღაურება განხორციელდება

აშშ დოლარით ან ევროთი. ანაზღაურების ნორმებსა და ვალუტას განსაზღვრავს

საქართველოს თავდაცვის მინისტრი.

საქართველოს პრეზიდენტის 2007 წლის 21 ივნისის ბრძანებულება №382 - სსმ III, №89, 26.06.2007 წ., მუხ.953

საქართველოს პრეზიდენტის 2009 წლის 20 აგვისტოს ბრძანებულება №530 - სსმ III, №104, 24.08.2009 წ., მუხ.1157

გამოსვლა შენახვა

Annotate

როგორ დავიმოწმოთ

საქართველოს პრეზიდენტის ბრძანებულება „,,სამშვიდობო ოპერაციების განსახორციელებლად საქართველოში შეიარაღებული ძალების ქვედანაყოფების სამხედრო მოსამსახურეთა ფულადი კმაყოფის, გრძელვადიანი მივლინების ყოველთვიური ნორმებისა და სხვა სოციალური პირობების განსაზღვრის შესახებ”“, №355, 26.08.2004, სარეგისტრაციო კოდი 120.260.010.05.002.003 (კონსოლიდირებული რედაქცია 20.08.2009). ხელმისაწვდომია: https://legali.ge/law/35950-7/