“საჯარო სამართლის იურიდიული პირის - სამოქალაქო რეესტრის სააგენტოს დებულების დამტკიცების შესახებ"

სახელმწიფო სარეგისტრაციო კოდი 040.030.000.22.027.008.069

საქართველოს იუსტიციის მინისტრის

ბრძანება №209

2006 წლის 30 იანვარი

ქ. თბილისი

საჯარო სამართლის იურიდიული პირის – სამოქალაქო რეესტრის სააგენტოს დებულების დამტკიცების შესახებ

„სახელმწიფო რეესტრის შესახებ“ საქართველოს კანონის 12¹ მუხლის პირველი პუნქტის შესაბამისად, ვბრძანებ:

1. დამტკიცდეს საჯარო სამართლის იურიდიული პირის – სამოქალაქო რეესტრის სააგენტოს დებულება.

2. ძალადაკარგულად გამოცხადდეს საქართველოს იუსტიციის მინისტრის 2004 წლის 12 ნოემბრის №1397 ბრძანება „სამოქალაქო რეესტრის დეპარტამენტის დებულების, სახელმწიფო რეესტრის მწარმოებელი ტერიტორიული ორგანოების – საპასპორტო და მოსახლეობის რეგისტრაციის სამსახურებისა და მოსახლეობის რეგისტრაციის სამსახურების ტიპური დებულებებისა და ნუსხის დამტკიცების შესახებ“.

3. ძალადაკარგულად გამოცხადდეს საქართველოს იუსტიციის მინისტრის 2003 წლის 17 აპრილის №290 ბრძანება „საქართველოს იუსტიციის სამინისტროს სამოქალაქო აქტების რეგისტრაციის საკითხთა კომისიის შექმნისა და დებულების დამტკიცების შესახებ“.

4. ძალადაკარგულად გამოცხადდეს საქართველოს იუსტიციის მინისტრის 2005 წლის 8 ივლისის №1202 ბრძანება „საქართველოს იუსტიციის სამინისტროს სამოქალაქო აქტების რეგისტრაციის საკითხთა კომისიის შემადგენლობის შეცვლის შესახებ“.

5. ეს ბრძანება ამოქმედდეს გამოქვეყნებისთანავე.

გ. ქავთარაძე

საჯარო სამართლის იურიდიული პირის – სამოქალაქო რეესტრის სააგენტოს დებულება

    მუხლი 1. ზოგადი დებულებანი

1. საჯარო სამართლის იურიდიული პირი – სამოქალაქო რეესტრის სააგენტო (შემდგომში – სააგენტო) არის საქართველოს იუსტიციის სამინისტროს (შემდგომში – სამინისტრო) მმართველობის სფეროში შემავალი საჯარო სამართლის იურიდიული პირი, რომელიც შექმნილია „სახელმწიფო რეესტრის შესახებ“ საქართველოს კანონის შესაბამისად.

2. სააგენტო თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, სხვა საკანონმდებლო აქტებითა და ამ დებულებით.

3. სააგენტო ანგარიშვალდებულია საქართველოს იუსტიციის სამინისტროს წინაშე, „სახელმწიფო რეესტრის შესახებ“ საქართველოს კანონით, „საჯარო სამართლის იურიდიული პირის შესახებ“ საქართველოს კანონითა და ამ დებულებით დადგენილ ფარგლებში და წესით.

4. სააგენტო საკუთარი სახელით იძენს უფლებებსა და მოვალეობებს, დებს გარიგებებს, საკუთარი სახელით გამოდის მესამე პირებთან ურთიერთობაში, ასევე სასამართლოში მოსარჩელედ ან/და მოპასუხედ.

5. სააგენტოს აქვს დამოუკიდებელი ბალანსი, საბანკო ანგარიში, ემბლემა და ბეჭედი საქართველოს სახელმწიფო გერბის გამოსახულებით, იურიდიული პირის სხვა რეკვიზიტები.

6. სააგენტოს იურიდული მისამართია: ქ. თბილისი, ვანის ქ. №4.

    მუხლი 2. სააგენტოს მიზნები

სააგენტოს მიზნებია:

ა) საქართველოს მოქალაქეთა და საქართველოში მცხოვრებ უცხოელთა მონაცემების ერთიანი რეესტრის ფორმირება;

ბ) თავისი კომპეტენციის ფარგლებში კანონით გათვალისწინებული საქმიანობის განხორციელება;

გ) ელექტრონული მმართველობის პრინციპებზე დაფუძნებული ერთიანი სისტემის ჩამოყალიბება;

დ) სამოქალაქო რეესტრის სფეროში მოქმედი კანონმდებლობის სრულყოფა;

ე) საქართველოს მოქალაქეთა და საქართველოში მცხოვრებ უცხოელთა ვინაობის დადგენა და დოკუმენტირება.

    მუხლი 3. სააგენტოს ფუნქციები

სააგენტოს ფუნქციებია:

ა) დაბადების, ქორწინების, განქორწინების, მამობის დადგენის, შვილად აყვანის, სახელის, მამის სახელის, გვარის, მოქალაქეობის შეცვლისა და გარდაცვალების ფაქტების რეგისტრაცია;

ბ) სამოქალაქო აქტების ჩანაწერების შესწორება, შეცვლა, აღდგენა და გაუქმება;

გ) სამოქალაქო აქტების რეგისტრაციის თაობაზე განმეორებითი მოწმობებისა და ცნობების გაცემა;

დ) სამოქალაქო აქტების შესახებ საარქივო ფონდის შექმნა, აღრიცხვა და შენახვა;

ე) საცხოვრებელი ადგილის მიხედვით ფიზიკურ პირთა რეგისტრაცია და რეგისტრაციიდან მოხსნა, შესაბამისი პირადობისა და ბინადრობის მოწმობების გაცემა;

ვ) საქართველოს მოქალაქის პასპორტის (საქართველოში მუდმივად მცხოვრები მოქალაქეობის არმქონე პირის სამგზავრო პასპორტის) გაცემა და შეცვლა;

ზ) საინფორმაციო ბარათის გაცემა;

თ) საქართველოს მოქალაქეებზე მათი საზღვარგარეთ დაქორწინების მიზნით ქორწინების დამაბრკოლებელი გარემოებების არარსებობის შესახებ ცნობის გაცემა;

ი) უცხოელისა და საქართველოს მოქალაქის, უცხოელების ქორწინების რეგისტრაციაზე ნებართვის გაცემა;

კ) სახელის, მამის სახელის, გვარის შეცვლის შესახებ სააგენტოს ტერიტორიული სამსახურის მიერ წარმოდგენილი მოქალაქის განცხადებისა და თანდართული საბუთების განხილვა და დამტკიცება;

ლ) გვარის შესწორების (აღდგენის) შესახებ სააგენტოს ტერიტორიული სამსახურის მიერ წარმოდგენილი მოქალაქის განცხადებისა და თანდართული საბუთების განხილვა და დამტკიცება;

მ) მოქმედი კანონმდებლობით გათვალისწინებული წესით, სამოქალაქო აქტების რეგისტრაციასთან დაკავშირებული საქმიანობის ორგანიზება, კოორდინაცია და მეთოდური ხელმძღვანელობა; ცალკეული სახის სამოქალაქო აქტების რეგისტრაციასთან დაკავშირებული საკითხების გადაწყვეტა;

ნ) სამოქალაქო რეესტრის წარმოების უზრუნველყოფა:

ნ.ა) მოქალაქეობის, სამოქალაქო აქტების რეგისტრაციის, მიგრაციის საინფორმაციო ბანკის ფორმირების უზრუნველყოფა;

ნ.ბ) საქართველოს მოქალაქეთა და საქართველოში მცხოვრებ უცხოელთა პირადობის დადასტურების, საქართველოს მოქალაქის პასპორტის (სამგზავრო პასპორტის) გაცემასთან დაკავშირებული საინფორმაციო ბანკის ფორმირების უზრუნველყოფა;

ნ.გ) საქართველოში დროებით მყოფ უცხოელთა რეგისტრაციასთან დაკავშირებული საინფორმაციო ბანკის ფორმირების უზრუნველყოფა;

ო) სააგენტოს ტერიტორიული სამსახურების მიერ გაწეული საქმიანობის შედეგების პერიოდული შეჯამება, შეფასება და ანალიზი;

პ) სააგენტოს ტერიტორიული სამსახურების ბლანკებით (მკაცრი აღრიცხვის საბუთებით) უზრუნველყოფა, მათ შენახვასა და გამოყენებაზე კონტროლის განხორციელება;

ჟ) სააგენტოს ტერიტორიული სამსახურების საქმიანობის სრულყოფის მიზნით პერსპექტიული და მიმდინარე გეგმების შემუშავება და განხორციელება;

რ) სააგენტოს კომპეტენციას მიკუთვნებულ სფეროში მოქმედი ნორმატიული აქტების სრულყოფის შესახებ წინადადებების პერიოდულად მომზადება და თავისი კომპეტენციის ფარგლებში კონტროლი ამ სფეროებში მოქმედი კანონმდებლობის შესრულებაზე;

ს) სააგენტოს ტერიტორიული სამსახურების საქმიანობის მეთოდოლოგიური ხელმძღვანელობა და კონტროლი;

ტ) საქართველოს კანონმდებლობით გათვალისწინებული სხვა უფლებამოსილებების განხორციელება.

    მუხლი 4. სააგენტოს ხელმძღვანელობა

1. სააგენტოს ხელმძღვანელობს სააგენტოს თავმჯდომარე (შემდგომში – თავმჯდომარე), რომელსაც თანამდებობაზე ნიშნავს და თანამდებობიდან ათავისუფლებს საქართველოს იუსტიციის მინისტრი (შემდგომში – მინისტრი).

2. თავმჯდომარეს ჰყავს სამი მოადგილე, რომელთაც თანამდებობაზე ნიშნავს და თანამდებობიდან ათავისუფლებს თავმჯდომარე საქართველოს იუსტიციის მინისტრთან შეთანხმებით.

3. მოადგილეები თავმჯდომარის გადაწყვეტილებით კურირებენ სააგენტოში მათთვის მიკუთვნებულ სფეროს. მოადგილეების უფლებამოსილება განისაზღვრება თავმჯდომარის ბრძანებით.

4. ერთ-ერთი მოადგილე თავმჯდომარის არყოფნის შემთხვევაში ხელმძღვანელობს სააგენტოს საქმიანობას.

5. თავმჯდომარის დავალებით მოადგილეები ახორციელებენ სხვა უფლებამოსილებებს.

    მუხლი 5. სააგენტოს თავმჯდომარე

1. სააგენტოს თავმჯდომარე:

ა) წარმოადგენს სააგენტოს;

ბ) ხელმძღვანელობს და წარმართავს სააგენტოს საქმიანობას;

გ) პასუხისმგებელია საქართველოს კონსტიტუციისა და სხვა საკანონმდებლო აქტების შესრულებისათვის სამსახურის უფლებამოსილებას მიკუთვნებულ სფეროში;

დ) უზრუნველყოფს სააგენტოს სტრუქტურული ქვედანაყოფებისა და ტერიტორიული სამსახურების საქმიანობის კონტროლს და მეთოდურ ხელმძღვანელობას;

ე) მინისტრს დასამტკიცებლად წარუდგენს მოადგილეების კანდიდატურებს და განსაზღვრავს მათ უფლებამოსილებას;

ვ) თანამდებობაზე ნიშნავს და თანამდებობიდან ათავისუფლებს სააგენტოს თანამშრომლებს (გარდა ამ დებულებით გათვალისწინებული შემთხვევებისა), მათ მიმართ გამოიყენებს წახალისებისა და დისციპლინური პასუხისმგებლობის ზომებს;

ზ) კანონმდებლობის შესაბამისად გამოსცემს ინდივიდუალურ-სამართლებრივ (ადმინისტრაციულ) აქტებს;

თ) უფლება აქვს მოიწვიოს სპეციალისტები ხელშეკრულების საფუძველზე კონკრეტული საქმიანობის განხორციელების მიზნით;

ი) ამტკიცებს სააგენტოს შინაგანაწესსა და სამუშაო ადგილების აღწერილობას;

კ) განსაზღვრავს და ამტკიცებს სააგენტოს საშტატო განრიგს, თანამშრომელთა თანამდებობრივი სარგოს კატეგორიებს საქართველოს იუსტიციის მინისტრთან შეთანხმებით;

ლ) ანაწილებს მოვალეობებს სააგენტოს თანამშრომლებს შორის, აძლევს მათ სათანადო მითითებებს და დავალებებს, აკონტროლებს სააგენტოს თანამშრომელთა მიერ სამსახურებრივი მოვალეობების შესრულებას;

მ) თვალყურს ადევნებს სააგენტოს მიერ დაკისრებულ მოვალეობათა შესრულების მიმდინარეობას და ახორციელებს სააგენტოს თანამშრომელთა გადაწყვეტილებებისა და საქმიანობის სამსახურებრივ ზედამხედველობას;

ნ) სააგენტოს კომპეტენციას მიკუთვნებულ სფეროს მარეგულირებელ საკანონმდებლო აქტებში არსებული ხარვეზების აღმოფხვრის მიზნით ხელმძღვანელობს შესაბამისი საკანონმდებლო წინადადებების მომზადებას;

ო) შუამდგომლობს იმ სახსრებისა და მატერიალური ფასეულობების გამოყოფის შესახებ, რომლებიც საჭიროა სააგენტოს ამოცანების შესასრულებლად;

პ) იღებს გადაწყვეტილებას სააგენტოს სახსრებისა და მატერიალური ფასეულობების განკარგვის შესახებ, რომლებიც საჭიროა სააგენტოს ამოცანების შესასრულებლად;

ჟ) საქართველოს იუსტიციის მინისტრს წარუდგენს ანგარიშს სააგენტოს საქმიანობის შესახებ;

რ) გასცემს ცნობას ქორწინების დამაბრკოლებელი გარემოებების არარსებობის შესახებ;

ს) გასცემს ნებართვას უცხოელისა და საქართველოს მოქალაქის, უცხოელების ქორწინების რეგისტრაციაზე;

ტ) ამტკიცებს სააგენტოს ტერიტორიული სამსახურის მიერ წარმოდგენილ დასკვნას სახელის, მამის სახელის, გვარის შეცვლის თაობაზე;

უ) ამტკიცებს სააგენტოს ტერიტორიული სამსახურის მიერ წარმოდგენილ დასკვნას გვარის შესწორების (აღდგენის) თაობაზე;

ფ) ახორციელებს სხვა ადმინისტრაციულ ფუნქციებს;

ქ) ახორციელებს ამ დებულებითა და კანონმდებლობით მინიჭებულ სხვა უფლებამოსილებებს.

    მუხლი 6. სააგენტოს სტრუქტურა

1. სააგენტო თავის უფლებამოსილებების განხორციელებას უზრუნველყოფს სტრუქტურული ქვედანაყოფებისა და ტერიტორიული სამსახურების მეშვეობით.

2. სააგენტოს სტრუქტურული ქვედანაყოფებია:

ა) სამოქალაქო აქტების რეგისტრაციის სამმართველო;

ბ) საპასპორტო და მოსახლეობის რეგისტრაციის სამმართველო;

გ) საინფორმაციო-ანალიტიკური სამმართველო;

დ) იურიდიული სამსახური;

ე) ადამიანური რესურსების მართვის სამსახური;

ვ) ბუღალტერია;

ზ) ლოჯისტიკის სამსახური;

თ) შესყიდვების სამსახური;

ი) საზოგადოებასთან და მასმედიასთან ურთიერთობის სამსახური;

კ) შიდა კონტროლისა და აუდიტის სამსახური;

ლ) ტექნიკური ექსპერტიზის სამსახური;

მ) კანცელარია.

3. საინფორმაციო-ანალიტიკური სამმართველო შედგება შემდეგი განყოფილებებისაგან:

ა) საინფორმაციო ტექნოლოგიების განყოფილება;

ბ) საინფორმაციო აღრიცხვისა და ანალიზის განყოფილება.

4. სააგენტოს ტერიტორიული სამსახურებია:

 

1	სამოქალაქო რეესტრის სააგენტოს გლდანის სამსახური
2	სამოქალაქო რეესტრის სააგენტოს დიდუბის სამსახური
3	სამოქალაქო რეესტრის სააგენტოს ვაკის სამსახური
4	სამოქალაქო რეესტრის სააგენტოს ისნის სამსახური
5	სამოქალაქო რეესტრის სააგენტოს კრწანისის სამსახური
6	სამოქალაქო რეესტრის სააგენტოს მთაწმინდის სამსახური
7	სამოქალაქო რეესტრის სააგენტოს ნაძალადევის სამსახური
8	სამოქალაქო რეესტრის სააგენტოს საბურთალოს სამსახური
9	სამოქალაქო რეესტრის სააგენტოს სამგორის სამსახური
10	სამოქალაქო რეესტრის სააგენტოს ჩუღურეთის სამსახური
11	სამოქალაქო რეესტრის სააგენტოს აბაშის სამსახური
12	სამოქალაქო რეესტრის სააგენტოს ადიგენის სამსახური
13	სამოქალაქო რეესტრის სააგენტოს ამბროლაურის სამსახური
14	სამოქალაქო რეესტრის სააგენტოს ასპინძის სამსახური
15	სამოქალაქო რეესტრის სააგენტოს ახალგორის სამსახური
16	სამოქალაქო რეესტრის სააგენტოს ახალქალაქის სამსახური
17	სამოქალაქო რეესტრის სააგენტოს ახმეტის სამსახური
18	სამოქალაქო რეესტრის სააგენტოს ბაღდათის სამსახური
19	სამოქალაქო რეესტრის სააგენტოს ბოლნისის სამსახური
20	სამოქალაქო რეესტრის სააგენტოს ბორჯომის სამსახური
21	სამოქალაქო რეესტრის სააგენტოს გარდაბნის სამსახური
22	სამოქალაქო რეესტრის სააგენტოს გურჯაანის სამსახური
23	სამოქალაქო რეესტრის სააგენტოს დედოფლისწყაროს სამსახური
24	სამოქალაქო რეესტრის სააგენტოს დმანისის სამსახური
25	სამოქალაქო რეესტრის სააგენტოს დუშეთის სამსახური
26	სამოქალაქო რეესტრის სააგენტოს ვანის სამსახური
27	სამოქალაქო რეესტრის სააგენტოს ზესტაფონის სამსახური
28	სამოქალაქო რეესტრის სააგენტოს ზუგდიდის სამსახური
29	სამოქალაქო რეესტრის სააგენტოს თელავის სამსახური
30	სამოქალაქო რეესტრის სააგენტოს თერჯოლის სამსახური
31	სამოქალაქო რეესტრის სააგენტოს თეთრიწყაროს სამსახური
32	სამოქალაქო რეესტრის სააგენტოს თიანეთის სამსახური
33	სამოქალაქო რეესტრის სააგენტოს კასპის სამსახური
34	სამოქალაქო რეესტრის სააგენტოს ლაგოდეხის სამსახური
35	სამოქალაქო რეესტრის სააგენტოს ლანჩხუთის სამსახური
36	სამოქალაქო რეესტრის სააგენტოს ლენტეხის სამსახური
37	სამოქალაქო რეესტრის სააგენტოს მარნეულის სამსახური
38	სამოქალაქო რეესტრის სააგენტოს მარტვილის სამსახური
39	სამოქალაქო რეესტრის სააგენტოს მესტიის სამსახური
40	სამოქალაქო რეესტრის სააგენტოს მცხეთის სამსახური
41	სამოქალაქო რეესტრის სააგენტოს ნინოწმინდის სამსახური
42	სამოქალაქო რეესტრის სააგენტოს ოზურგეთის სამსახური
43	სამოქალაქო რეესტრის სააგენტოს ონის სამსახური
44	სამოქალაქო რეესტრის სააგენტოს რუსთავის სამსახური
45	სამოქალაქო რეესტრის სააგენტოს საგარეჯოს სამსახური
46	სამოქალაქო რეესტრის სააგენტოს სამტრედიის სამსახური
47	სამოქალაქო რეესტრის სააგენტოს საჩხერის სამსახური
48	სამოქალაქო რეესტრის სააგენტოს სენაკის სამსახური
49	სამოქალაქო რეესტრის სააგენტოს სიღნაღის სამსახური
50	სამოქალაქო რეესტრის სააგენტოს ტყიბულის სამსახური
51	სამოქალაქო რეესტრის სააგენტოს ფოთის სამსახური
52	სამოქალაქო რეესტრის სააგენტოს ქარელის სამსახური
53	სამოქალაქო რეესტრის სააგენტოს ყაზბეგის სამსახური
54	სამოქალაქო რეესტრის სააგენტოს ყვარლის სამსახური
55	სამოქალაქო რეესტრის სააგენტოს ჩოხატაურის სამსახური
56	სამოქალაქო რეესტრის სააგენტოს ახალციხის სამსახური
57	სამოქალაქო რეესტრის სააგენტოს ჩხოროწყუს სამსახური
58	სამოქალაქო რეესტრის სააგენტოს ცაგერის სამსახური
59	სამოქალაქო რეესტრის სააგენტოს ცხინვალის სამსახური
60	სამოქალაქო რეესტრის სააგენტოს წალენჯიხის სამსახური
61	სამოქალაქო რეესტრის სააგენტოს წალკის სამსახური
62	სამოქალაქო რეესტრის სააგენტოს წყალტუბოს სამსახური
63	სამოქალაქო რეესტრის სააგენტოს ჭიათურის სამსახური
64	სამოქალაქო რეესტრის სააგენტოს ხონის სამსახური
65	სამოქალაქო რეესტრის სააგენტოს ხარაგაულის სამსახური
66	სამოქალაქო რეესტრის სააგენტოს ხაშურის სამსახური
67	სამოქალაქო რეესტრის სააგენტოს ხობის სამსახური
68	სამოქალაქო რეესტრის სააგენტოს გორის სამსახური
69	სამოქალაქო რეესტრის სააგენტოს ქუთაისის სამსახური
70	სამოქალაქო რეესტრის სააგენტოს ბათუმის სამსახური
71	სამოქალაქო რეესტრის სააგენტოს ქობულეთის სამსახური
72	სამოქალაქო რეესტრის სააგენტოს ხელვაჩაურის სამსახური
73	სამოქალაქო რეესტრის სააგენტოს ქედის სამსახური
74	სამოქალაქო რეესტრის სააგენტოს ხულოს სამსახური
75	სამოქალაქო რეესტრის სააგენტოს შუახევის სამსახური
76	სამოქალაქო რეესტრის სააგენტოს აფხაზეთის ავტონომიური რესპუბლიკის სამსახური
77	სამოქალაქო რეესტრის სააგენტოს ქურთას თემის სამსახური
78	სამოქალაქო რეესტრის სააგენტოს ერედვის თემის სამსახური
79	სამოქალაქო რეესტრის სააგენტოს ქ. თბილისის №1 სპეციალიზირებული სამსახური
80	სამოქალაქო რეესტრის სააგენტოს ქ. თბილისის №2 სპეციალიზირებული სამსახური
81	სამოქალაქო რეესტრის სააგენტოს ქ. თბილისის №3 სპეციალიზირებული სამსახური
82	სამოქალაქო რეესტრის სააგენტოს ქ. თბილისის №4 სპეციალიზირებული სამსახური
83	სამოქალაქო რეესტრის სააგენტოს ქ. რუსთავის სპეციალიზირებული სამსახური
84	სამოქალაქო რეესტრის სააგენტოს ქ. გორის სპეციალიზირებული სამსახური
85	სამოქალაქო რეესტრის სააგენტოს ქ. ქუთაისის სპეციალიზირებული სამსახური
86	სამოქალაქო რეესტრის სააგენტოს ქ. ბათუმის სპეციალიზირებული სამსახური
87	სამოქალაქო რეესტრის სააგენტოს საქართველოს არქივი
88	სამოქალაქო რეესტრის სააგენტოს ქ. თბილისის არქივი
89	სამოქალაქო რეესტრის სააგენტოს ქ. ქუთაისის არქივი
90	სამოქალაქო რეესტრის სააგენტოს აჭარის ა/რ არქივი
91	სამოქალაქო რეესტრის სააგენტოს საინფორმაციო-სამისამართო ბიურო

 

5. სააგენტოს სტრუქტურული ქვედანაყოფისა და ტერიტორიული სამსახურის უფროსს თანამდებობაზე ნიშნავს და თანამდებობიდან ათავისუფლებს თავმჯდომარე საქართველოს იუსტიციის მინისტრთან შეთანხმებით.

6. სააგენტოს ტერიტორიული სამსახურის დებულებას ამტკიცებს და სამოქმედო ტერიტორიას განსაზღვრავს საქართველოს იუსტიციის მინისტრი.

    მუხლი 7. სააგენტოს სტრუქტურული ქვედანაყოფების ამოცანები

1. სამოქალაქო აქტების რეგისტრაციის სამმართველოს ძირითადი ამოცანებია:

ა) სამოქალაქო აქტების რეგისტრაციის სფეროში ტერიტორიული სამსახურების საქმიანობის კონტროლი;

ბ) ტერიტორიული სამსახურების საქმიანობის კანონიერებისა და კანონმდებლობით გათვალისწინებული მოთხოვნების შესრულების უზრუნველყოფა სამოქალაქო აქტების რეგისტრაციის სფეროში;

გ) ტერიტორიული სამსახურების ინფორმაციული უზრუნველყოფა სამოქალაქო აქტების რეგისტრაციის სფეროში განხორციელებულ ან/და მოსალოდნელ ცვლილებებთან დაკავშირებით;

დ) ტერიტორიული სამსახურების მიერ სამოქალაქო აქტების რეგისტრაციის სფეროში სააგენტოს ხელმძღვანელობის ინსტრუქციული ხასიათის მითითებების შესრულებაზე კონტროლი;

ე) ტერიტორიული სამსახურების სამოქალაქო აქტების რეგისტრაციის სფეროში გამართული მუშაობის უზრუნველყოფის მიზნით შესაბამისი წინადადებებისა და რეკომენდაციების მომზადება;

ვ) სამოქალაქო აქტების რეგისტრაციის სფეროში ტერიტორიული სამსახურების მიერ წარმოდგენილი ყოველკვირეული, ყოველთვიური, კვარტალური და წლიური სტატისტიკური მონაცემების დამუშავება;

ზ) ქორწინების დამაბრკოლებელი გარემოებების არარსებობის შესახებ ცნობის გაცემასთან დაკავშირებით მოქალაქის განცხადებისა და თანდართული დოკუმენტაციის განხილვა, მომზადება და თავმჯდომარისათვის წარდგენა;

თ) უცხოელისა და საქართველოს მოქალაქის, უცხოელების ქორწინების რეგისტრაციაზე ნებართვის გაცემასთან დაკავშირებით მოქალაქის განცხადებისა და თანდართული დოკუმენტაციის განხილვა, მომზადება და თავმჯდომარისათვის წარდგენა;

ი) სახელის, მამის სახელის, გვარის შეცვლის შესახებ სააგენტოს ტერიტორიული სამსახურის მიერ წარმოდგენილი მოქალაქის განცხადებისა და თანდართული საბუთების განხილვა, მომზადება და დასამტკიცებლად თავმჯდომარისათვის წარდგენა;

კ) გვარის შესწორებასთან (აღდგენასთან) დაკავშირებით სააგენტოს ტერიტორიული სამსახურის მიერ წარმოდგენილი მოქალაქის განცხადებისა და თანდართული საბუთების განხილვა, მომზადება და დასამტკიცებლად თავმჯდომარისათვის წარდგენა;

ლ) სამოქალაქო აქტების რეგისტრაციის სფეროს მიკუთვნებულ საკითხებთან დაკავშირებული კორესპონდენციის განხილვისა და შესრულების უზრუნველყოფა;

მ) სამმართველოს ყოველკვირეული, ყოველთვიური, კვარტალური და წლიური სტატისტიკის წარმოება და სტატისტიკური მონაცემების დამუშავება;

ნ) ამ დებულებითა და სხვა საკანონმდებლო აქტებით გათვალისწინებული ამოცანები.

2. საპასპორტო და მოსახლეობის რეგისტრაციის სამმართველოს ძირითადი ამოცანებია:

ა) პირადობის (ბინადრობის) მოწმობისა და პასპორტის გაცემის სფეროში ტერიტორიული სამსახურების საქმიანობის კონტროლი;

ბ) ტერიტორიული სამსახურების საქმიანობის კანონიერებისა და კანონმდებლობით გათვალისწინებული მოთხოვნების შესრულების უზრუნველყოფა საპასპორტო და მოსახლეობის რეგისტრაციის სფეროში;

გ) ტერიტორიული სამსახურების ინფორმაციული უზრუნველყოფა საპასპორტო და მოსახლეობის რეგისტრაციის სფეროში განხორციელებულ ან/და მოსალოდნელ ცვლილებებთან დაკავშირებით;

დ) ტერიტორიული სამსახურების მიერ საპასპორტო და მოსახლეობის რეგისტრაციის სფეროში სააგენტოს ხელმძღვანელობის ინსტრუქციული ხასიათის მითითებების შესრულებაზე კონტროლი;

ე) საპასპორტო და მოსახლეობის რეგისტრაციის სფეროში ტერიტორიული სამსახურების გამართული მუშაობის უზრუნველყოფის მიზნით, შესაბამისი წინადადებებისა და რეკომენდაციების მომზადება;

ვ) სააგენტოს ხელმძღვანელობის დროული ინფორმირება ტერიტორიულ სამსახურებში საპასპორტო და მოსახლეობის რეგისტრაციის სფეროში არსებული პრობლემების შესახებ;

ზ) საპასპორტო და მოსახლეობის რეგისტრაციის სფეროს მიკუთვნებულ საკითხებთან დაკავშირებული კორესპონდენციის განხილვისა და შესრულების უზრუნველყოფა;

თ) საპასპორტო და მოსახლეობის რეგისტრაციის სფეროში ტერიტორიული სამსახურების მიერ წარმოდგენილი ყოველდღიური, ყოველკვირეული, ყოველთვიური, კვარტალური და წლიური სტატისტიკური მონაცემების დამუშავება;

ი) ამ დებულებითა და სხვა საკანონმდებლო აქტებით გათვალისწინებული ამოცანები.

3. საინფორმაციო-ანალიტიკური სამმართველოს ძირითადი ამოცანებია:

ა) სააგენტოს კომპიუტერული ქსელის ადმინისტრირება;

ბ) ქსელში ჩართული კომპიუტერული ტექნიკის გამართული მუშაობის უზრუნველყოფა;

გ) ქსელის უსაფრთხოების დაცვის უზრუნველყოფა;

დ) სააგენტოს სერვერული ცენტრების ადმინისტრირება;

ე) რეგიონალური სამსახურებიდან მიღებული ინფორმაციის დამუშავება და ანალიზი;

ვ) ლოკალურ და ცენტრალიზებულ ბაზაში არსებული შეცდომების გასწორება და ბაზების სრულყოფა;

ზ) ცენტრალიზებული ბაზების მონიტორინგი;

თ) სტატისტიკური მონაცემების დამუშავება და მათი ანალიზი;

ი) სააგენტოს საქმიანობის ანალიზი და ყოველთვიური, კვარტალური და წლიური ანგარიშების მომზადება;

კ) ამ დებულებითა და სხვა საკანონმდებლო აქტებით გათვალისწინებული ამოცანები.

4. ამ მუხლის მე-3 პუნქტის „ა“, „ბ“, „გ“ და „დ“ პუნქტებით გათვალისწინებულ ამოცანებს ახორციელებს საინფორმაციო-ანალიტიკური სამმართველოს საინფორმაციო ტექნოლოგიების განყოფილება, ხოლო „ე“, „ვ“, „ზ“, „თ“ და „ი“ ქვეპუნქტებით გათვალისწინებულ ამოცანებს  – საინფორმაციო-ანალიტიკური სამმართველოს საინფორმაციო აღრიცხვისა და ანალიზის განყოფილება.

5. იურიდიული სამსახურის ძირითადი ამოცანებია;

ა) სააგენტოს სისტემის სამართლებრივი მომსახურებით უზრუნველყოფა;

ბ) სააგენტოს მიერ მომზადებული ნორმატიული აქტების და სხვა დოკუმენტების პროექტების მომზადებაში მონაწილეობა, მათი ვიზირება და სხვა ნორმატიულ აქტებთან შესაბამისობის უზრუნველყოფა;

გ) სამსახურებრივი და სააგენტოს საქმიანობასთან დაკავშირებული სხვა დავებისას დასკვნების მომზადება;

დ) სასამართლო ორგანოებში სააგენტოს წარმომადგენლობის უზრუნველყოფა;

ე) ამ დებულებითა და სხვა საკანონმდებლო აქტებით გათვალისწინებული ამოცანები.

6. ადამიანური რესურსების მართვის სამსახურის ძირითადი ამოცანებია:

ა) სისტემაში კადრების აღრიცხვა, მონიტორინგი და ანალიზი;

ბ) სააგენტოს უფლებამოსილების ფარგლებში სააგენტოს სისტემის მოსამსახურეთა დანიშვნა-გათავისუფლების შესახებ ბრძანებების მომზადება;

გ) სააგენტოს თანამშრომელთა პირადი საქმეების შედგენა, შრომის წიგნაკების აღრიცხვა-წარმოება;

დ) სააგენტოს მოსამსახურეთა პროფესიული მომზადების, გადამზადებისა და კვალიფიკაციის ამაღლების, მათი საკვალიფიკაციო გამოცდების მომზადება-ჩატარების ორგანიზაცია, კადრების რეზერვის შექმნა;

ე) სააგენტოს ფარგლებში სამოქალაქო თავდაცვისა და სამობილიზაციო ღონისძიებების განხორციელება;

ვ) შრომის შინაგანაწესის შემუშავება და მისი შესრულების, აგრეთვე შრომის დისციპლინის კონტროლი;

ზ) ამ დებულებითა და სხვა საკანონმდებლო აქტებით გათვალისწინებული ამოცანები.

7. ბუღალტერიის ძირითადი ამოცანებია:

ა) სააგენტოს სისტემაში საფინანსო-ეკონომიკური და ბუღალტრული აღრიცხვის ორგანიზაცია და წარმართვა;

ბ) საფინანსო და საბუღალტრო საქმიანობის ანალიზი, კრებსითი ბალანსების, ანგარიშების მომზადება;

გ) სააგენტოს ბიუჯეტისა და ხარჯთა ნუსხის პროექტების შემუშავება;

დ) სისტემაში ძირითადი საშუალებების, ფულადი სახსრებისა და საფინანსო-მატერიალური ფასეულობების ინვენტარიზაციის ჩატარების ორგანიზება;

ე) კვარტალური და წლიური საფინანსო და სტატისტიკური ანგარიშების შედგენა და მათი წარდგენა სამინისტროში და ხაზინაში;

ვ) ამ დებულებითა და სხვა საკანონმდებლო აქტებით გათვალისწინებული ამოცანები.

8. ლოჯისტიკის სამსახურის ძირითადი ამოცანებია:

ა) ცენტრალური აპარატისა და ტერიტორიული სამსახურების ფუნქციონირების მატერიალურ-ტექნიკური უზრუნველყოფა;

ბ) ცენტრალიზებული მომარაგების ორგანიზება;

გ) სამეურნეო საქმიანობის წარმართვა;

დ) ამ დებულებითა და სხვა საკანონმდებლო აქტებით გათვალისწინებული ამოცანები.

9. შესყიდვების სამსახურის ძირითადი ამოცანებია:

ა) სისტემაში სახელმწიფო შესყიდვების ორგანიზება;

ბ) სახსრების რაციონალური ხარჯვის უზრუნველყოფა;

გ) ამ დებულებითა და სხვა საკანონმდებლო აქტებით გათვალისწინებული ამოცანები.

10. საზოგადოებასთან და მასმედიასთან ურთიერთობის სამსახურის ძირითადი ამოცანებია სამინისტროს ერთიანი საინფორმაციო პოლიტიკის ფარგლებში:

ა) მასობრივი ინფორმაციის საშუალებებთან, საზოგადოებრივ ორგანიზაციებთან სააგენტოსა და თავმჯდომარის ურთიერთობის კოორდინირება;

ბ) საზოგადოების ინფორმირება სააგენტოს კომპეტენციას მიკუთვნებული საქმიანობის განხორციელების თაობაზე;

გ) ამ დებულებითა და სხვა საკანონმდებლო აქტებით გათვალისწინებული ამოცანები.

11. შიდა კონტროლისა და აუდიტის სამსახურის ძირითადი ამოცანებია:

ა) სააგენტოს სისტემის მოსამსახურეთა მიერ დისციპლინისა და კანონიერების დარღვევის სამსახურებრივი ფაქტების გამოვლენა, თავიდან აცილება, პროფილაქტიკა, აღნიშნულ ფაქტებზე სამსახურებრივი მოკვლევა;

ბ) სააგენტოს საქმიანობის კომპეტენციის ფარგლებში სააგენტოს მოსამსახურეთა მიერ გაწეული მუშაობის ანალიზი;

გ) თავმჯდომარის დავალებით სააგენტოს სამსახურების საქმიანობის შემოწმება;

დ) შემოსული განცხადებებისა და საჩივრების შემოწმება და მათზე რეაგირება;

ე) სამსახურებრივი მოკვლევის შედეგების შესახებ დასკვნების შედგენა და თავმჯდომარისათვის წარდგენა;

ვ) სააგენტოს სახსრების ხარჯვაზე შიდა აუდიტის ჩატარება;

ზ) შიდასაუწყებო საფინანსო კონტროლის უზრუნველყოფა;

თ) ამ დებულებითა და სხვა საკანონმდებლო აქტებით გათვალისწინებული ამოცანები.

12. ტექნიკური ექსპერტიზის სამსახურის ძირითადი ამოცანებია:

ა) სააგენტოს ინფრასტრუქტურული პროექტების განხორციელებაზე, შესრულებაზე ზედამხედველობა და კონტროლი;

ბ) სააგენტოს ბალანზე რიცხულ შენობებთან დაკავშირებული მიმდინარე სამუშაოების შემოწმება;

გ) ამ დებულებითა და სხვა საკანონმდებლო აქტებით გათვალისწინებული ამოცანების შესრულება.

13. კანცელარიის ძირითადი ამოცანებია:

ა) საქმისწარმოების ერთიანი წესების შესაბამისად, ცენტრალურ აპარატში საქმისწარმოების ორგანიზება;

ბ) შესაბამისი სამართლებრივი აქტების, სხვა საკონტროლო დავალებების და თავმჯდომარის ადმინისტრაციული აქტების შესრულების შემოწმებისა და კონტროლის უზრუნველყოფა;

გ) საქმისწარმოების დასრულებული დოკუმენტაციის აღრიცხვა, დამუშავება და არქივისათვის გადაცემა (არქივირება);

დ) საჯარო ინფორმაციის ხელმისაწვდომობის უზრუნველყოფა;

ე) ამ დებულებითა და სხვა საკანონმდებლო აქტებით გათვალისწინებული ამოცანების შესრულება.

    მუხლი 8. სააგენტოს სტრუქტურული ქვედანაყოფების ხელმძღვანელთა უფლებამოსილებები

1. სააგენტოს სამმართველოს ხელმძღვანელობს სამმართველოს უფროსი, რომელსაც თანამდებობაზე ნიშნავს და თანამდებობიდან ათავისუფლებს თავმჯდომარე მინისტრთან შეთანხმებით.

2. სააგენტოს სამსახურს ხელმძღვანელობს სამსახურის უფროსი, რომელსაც თანამდებობაზე ნიშნავს და თანამდებობიდან ათავისუფლებს თავმჯდომარე მინისტრთან შეთანხმებით.

3. სამმართველოს განყოფილებას ხელმძღვანელობს განყოფილების უფროსი, რომელსაც თანამდებობაზე ნიშნავს და თანამდებობიდან ათავისუფლებს თავმჯდომარე.

4. სამმართველოს უფროსი:

ა) ხელმძღვანელობს და წარმართავს სამმართველოს საქმიანობას;

ბ) ანაწილებს მოვალეობებს სამმართველოს მოსამსახურეებს შორის და აძლევს მათ დავალებებსა და მითითებებს;

გ) ახორციელებს კონტროლს სამმართველოს მოსამსახურეების მიერ თავიანთი სამსახურებრივი მოვალეობის შესრულებაზე;

დ) ხელს აწერს ან ვიზას ადებს სამმართველოში მომზადებულ დოკუმენტებს;

ე) თავმჯდომარეს წარუდგენს ანგარიშს სამმართველოს საქმიანობის შესახებ;

ვ) თავმჯდომარის ან/და მისი ერთ-ერთი მოადგილის დავალებით ასრულებს სხვა დავალებებს.

5. სამსახურის უფროსი:

ა) ხელმძღვანელობს და წარმართავს სამსახურის საქმიანობას;

ბ) ანაწილებს მოვალეობებს სამსახურის მოსამსახურეებს შორის და აძლევს მათ დავალებებსა და მითითებებს;

გ) ახორციელებს კონტროლს სამსახურის მოსამსახურეების მიერ თავიანთი სამსახურებრივი მოვალეობის შესრულებაზე;

დ) ხელს აწერს ან ვიზას ადებს სამსახურში მომზადებულ დოკუმენტებს;

ე) თავმჯდომარეს წარუდგენს ანგარიშს სამსახურის საქმიანობის შესახებ;

ვ) თავმჯდომარის ან/და მისი ერთ-ერთი მოადგილის დავალებით ასრულებს სხვა დავალებებს.

6. სამმართველოს განყოფილების უფროსი:

ა) ხელმძღვანელობს და წარმართავს განყოფილების საქმიანობას;

ბ) ანაწილებს მოვალეობებს განყოფილების მოსამსახურეებს შორის და აძლევს მათ დავალებებსა და მითითებებს;

გ) ახორციელებს კონტროლს განყოფილების მოსამსახურეების მიერ თავიანთი სამსახურებრივი მოვალეობის შესრულებაზე;

დ) ხელს აწერს ან ვიზას ადებს განყოფილებაში მომზადებულ დოკუმენტებს;

ე) სამმართველოს უფროსს წარუდგენს ანგარიშს განყოფილების საქმიანობის შესახებ;

ვ) თავმჯდომარის, მისი ერთ-ერთი მოადგილის ან/და სამმართველოს უფროსის დავალებით ასრულებს სხვა დავალებებს.

7. სააგენტოს კანცელარიას ხელმძღვანელობს კანცელარიის უფროსი, რომელსაც თანამდებობაზე ნიშნავს და თანამდებობიდან ათავისუფლებს თავმჯდომარე საქართველოს იუსტიციის მინისტრთან შეთანხმებით.

8. კანცელარიის უფროსი:

ა) ხელმძღვანელობს და წარმართავს კანცელარიის საქმიანობას;

ბ) კონტროლს უწევს სააგენტოში ოფიციალურად შემოსული და გასული კორესპონდენციის რეგისტრაციას, ოპერატიულ მიწოდებას სააგენტოს ხელმძღვანელობისა და შემსრულებლებისათვის;

გ) კონტროლს უწევს საქმისწარმოების დასრულებული დოკუმენტაციის აღრიცხვას, დამუშავებასა და არქივირებას.

    მუხლი 9. სააგენტოს ქონება

1. სააგენტოს გააჩნია ქონება, რომელიც მას გადაეცემა კანონის შესაბამისად.

2. სააგენტოს ქონებას შეადგენს ძირითადი საბრუნავი საშუალებები, აგრეთვე სხვა მატერიალური ფასეულობა და ფინანსური რესურსები.

    მუხლი 10. სააგენტოს ფინანსები

სააგენტოს დაფინანსების წყაროებია:

ა) საქართველოს ცენტრალური ბიუჯეტიდან გამოყოფილი მიზნობრივი სახსრები;

ბ) სააგენტოსა და მისი სამსახურების მომსახურების გაწევით მიღებული შემოსავლები;

გ) მიზნობრივი კრედიტები და გრანტები;

დ) საქართველოს კანონმდებლობით ნებადართული სხვა შემოსავლები.

    მუხლი 11. სახელმწიფო კონტროლი

სააგენტოს სახელმწიფო მაკონტროლებელი ორგანოა სამინისტრო, რომელიც ზედამხედველობას უწევს სააგენტოს საქმიანობის კანონიერებასა და მიზანშეწონილობას, აჩერებს მისი უკანონო აქტის ან მოქმედების შესრულებას.

    მუხლი 12. სააგენტოს ლიკვიდაცია

სააგენტოს ლიკვიდაცია ხორციელდება კანონმდებლობით გათვალისწინებული წესით.

    მუხლი 13. დასკვნითი დებულებები

ამ დებულების გაუქმება, მასში ცვლილებებისა და დამატებების შეტანა ხორციელდება კანონმდებლობით დადგენილი წესით, საქართველოს იუსტიციის მინისტრის ბრძანებით.