სამინისტროს სისტემაში შემავალი სამედიცინო და სხვა დაწესებულებათა რეაბილიტაციისა და აღჭურვის 2025 წლის სახელმწიფო პროგრამის დამტკიცების შესახებ

სამინისტროს სისტემაში შემავალ სამედიცინო და სხვა დაწესებულებათა რეაბილიტაციისა და აღჭურვის 2025 წლის სახელმწიფო პროგრამის (შემდგომში – პროგრამა) მიზანია სამედიცინო და სხვა დაწესებულებათა მშენებლობა, რეაბილიტაცია, აღჭურვა და ფუნქციონირების ხელშეწყობა.

პროგრამის კომპონენტებია:

ა) სსიპ – საგანგებო სიტუაციების კოორდინაციისა და გადაუდებელი დახმარების ცენტრის ფუნქციონირებისათვის:

ა.ა) საპროექტო/სამშენებლო/სარემონტო სამუშაოები;

ა.ბ) აღჭურვა;

ბ)  სს თ. ცერცვაძის სახელობის ინფექციური პათოლოგიის, შიდსისა   და კლინიკური იმუნოლოგიის სამეცნიერო-პრაქტიკული ცენტრის ფუნქციონირების უწყვეტობის ხელშეწყობა;

გ) ა(ა)იპ − საქართველოს სამედიცინო ჰოლდინგის მართვაში არსებული სამედიცინო დაწესებულებების:

გ.ა) საპროექტო/სამშენებლო/სარემონტო სამუშაოები;

გ.ა.ა) მათ შორის: შპს თბილისის ბავშვთა ინფექციური კლინიკური საავადმყოფოს საპროექტო/სამშენებლო სამუშაოები;

გ.ბ) აღჭურვა;

დ) პროგრამის ადმინისტრირება;

ე) მიუსაფართა დროებითი თავშესაფრების, ფსიქიატრიული და ადიქტოლოგიური სერვისების მიმწოდებელი დაწესებულებების:

ე.ა) საპროექტო/სამშენებლო/სარემონტო სამუშაოები;

ე.ბ) აღჭურვა;

ვ) სს „საჩხერის რაიონული საავადმყოფო-პოლიკლინიკური გაერთიანების“ ფუნქციონირებისათვის:

ვ.ა) საპროექტო/სამშენებლო/სარემონტო სამუშაოები;

ვ.ბ) აღჭურვა;

ზ) შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის“ პროექტირება/მშენებლობა.

საქართველოს მთავრობის 2025 წლის 27 მაისის დადგენილება №182 - ვებგვერდი, 28.05.2025წ.

ამ პროგრამის მე-2 მუხლის „ა“, „ბ“, „გ“, „ე“, „ვ“, „ზ“ ქვეპუნქტებით გათვალისწინებული ღონისძიებების შესყიდვები განხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

1. ამ პროგრამით გათვალისწინებული ღონისძიებების დაფინანსება ხორციელდება „საქართველოს 2025 წლის სახელმწიფო ბიუჯეტის შესახებ“ საქართველოს კანონის „სამინისტროს სისტემაში შემავალი სამედიცინო და სხვა დაწესებულებათა რეაბილიტაციისა და აღჭურვის“ (პროგრამული კოდი: 27 04) პროგრამით გათვალისწინებული ასიგნების ფარგლებში.

2. პროგრამის მე-2 მუხლით გათვალისწინებული ღონისძიებების განმახორციელებელია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცენტრალური აპარატი.

პროგრამის ბიუჯეტი, კომპონენტების მიხედვით, განისაზღვროს 33 641.6 ათასი ლარით: