1. დამტკიცდეს ინსტრუქცია ,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ“ თანდართულ დანართებთან ერთად.

საქართველოს ფინანსთა მინისტრის 2008 წლის 3 ოქტომბრის ბრძანება №753 - სსმ III, 09.10.2008, №148, მუხ.1474

2. ამ ბრძანების ამოქმედებისთანავე ძალადაკარგულად გამოცხადდეს ,,საბაჟო კონტროლის ქვეშ საქონლისა და სატრანსპორტო საშუალების აღრიცხვის მოწმობის შევსების წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 17 მარტის №217 ბრძანება.

3. ბრძანება ამოქმედდეს 2007 წლის 1 იანვრიდან.

ა. ალექსიშვილი

შეტანილია ცვლილებები:

1. საქართველოს ფინანსთა მინისტრის 2007 წლის 8 თებერვლის ბრძანება №99 - სსმ III, 08.02.2007, №18, მუხ.204

2. საქართველოს ფინანსთა მინისტრის 2007 წლის 9 მარტის ბრძანება №188 - სსმ III, 12.03.2007, №32, მუხ.382

3. საქართველოს ფინანსთა მინისტრის 2007 წლის 14 მარტის ბრძანება №208 - სსმ III, 15.03.2007, №35, მუხ.413

4. საქართველოს ფინანსთა მინისტრის 2007 წლის 23 აპრილის ბრძანება №408 - სსმ III, 30.04.2007, №60, მუხ.681

5. საქართველოს ფინანსთა მინისტრის 2007 წლის 16 ივლისის ბრძანება №890 - სსმ III, 19.07.2007, №103, მუხ.1135

6. საქართველოს ფინანსთა მინისტრის 2007 წლის 23 ივლისის ბრძანება №927 - სსმ III, 25.07.2007, №105, მუხ.1163

7. საქართველოს ფინანსთა მინისტრის 2007 წლის 2 აგვისტოს ბრძანება №961 - სსმ III, 03.08.2007, №109, მუხ.1215

8. საქართველოს ფინანსთა მინისტრის 2007 წლის 24 აგვისტოს ბრძანება №1020 - სსმ III, 27.08.2007, №121, მუხ.1318

9. საქართველოს ფინანსთა მინისტრის 2007 წლის 28 სექტემბრის ბრძანება №1091 - სსმ III, 05.10.2007, №139, მუხ.1517

10. საქართველოს ფინანსთა მინისტრის 2007 წლის 19 ოქტომბრის ბრძანება №1158 - სსმ III, 23.10.2007, №148, მუხ.1653

11. საქართველოს ფინანსთა მინისტრის 2007 წლის 29 ნოემბრის ბრძანება №1250 - სსმ III, 10.12.2007, №174, მუხ.1928

12. საქართველოს ფინანსთა მინისტრის 2008 წლის 9 იანვრის ბრძანება №8 - სსმ III, 09.01.2008, №3, მუხ.45

13. საქართველოს ფინანსთა მინისტრის 2008 წლის 17 იანვრის ბრძანება №38 - სსმ III, 24.01.2008, №11, მუხ.141

14. საქართველოს ფინანსთა მინისტრის 2008 წლის 25 თებერვლის ბრძანება №183 - სსმ III, 29.02.2008, №32, მუხ.344

15. საქართველოს ფინანსთა მინისტრის 2008 წლის 27 მაისის ბრძანება №463 - სსმ III, 02.06.2008, №78, მუხ.846

16. საქართველოს ფინანსთა მინისტრის 2008 წლის 4 ივნისის ბრძანება №494 - სსმ III, 09.06.2008, №82, მუხ.888

17. საქართველოს ფინანსთა მინისტრის 2008 წლის 4 აგვისტოს ბრძანება №647 - სსმ III, 07.08.2008, №113, მუხ.1235

18. საქართველოს ფინანსთა მინისტრის 2008 წლის 3 ოქტომბრის ბრძანება №753 - სსმ III, 09.10.2008, №148, მუხ.1474

19. საქართველოს ფინანსთა მინისტრის 2009 წლის 28 ოქტომბრის ბრძანება №691 - სსმ III, 28.10.2009, №132, მუხ.1530

20. საქართველოს ფინანსთა მინისტრის 2009 წლის 27 ნოემბრის ბრძანება №775 - სსმ III, 30.11.2009, №146, მუხ.1715

21. საქართველოს ფინანსთა მინისტრის 2009 წლის 18 დეკემბრის ბრძანება №859 - სსმ III, 18.12.2009, №154, მუხ.1823

22. საქართველოს ფინანსთა მინისტრის 2009 წლის 30 დეკემბრის ბრძანება №923 - სსმ III, 30.12.2009, №159, მუხ.2007

23. საქართველოს ფინანსთა მინისტრის 2009 წლის 31 დეკემბრის ბრძანება №962 - სსმ III, 31.12.2009, №160, მუხ.2032

24. საქართველოს ფინანსთა მინისტრის 2010 წლის 2 თებერვლის ბრძანება №54 - სსმ III, 03.02.2010, №13, მუხ.150

25. საქართველოს ფინანსთა მინისტრის 2010 წლის 5 მარტის ბრძანება №165 - სსმ III, 05.03.2010, №24, მუხ.365

26. საქართველოს ფინანსთა მინისტრის 2010 წლის 5 მაისის ბრძანება №353 - სსმ III, 10.05.2010, №52, მუხ.790

27. საქართველოს ფინანსთა მინისტრის 2010 წლის 2 ივნისის ბრძანება №443 - სსმ III, 04.06.2010, №63, მუხ.944

28. საქართველოს ფინანსთა მინისტრის 2010 წლის 30 ივნისის ბრძანება №535 - სსმ III, 05.07.2010, №79, მუხ.1149

ინსტრუქცია საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ

თავი I

ზოგადი დებულებანი

მუხლი 1

საქონლის ან/და სატრანსპორტო საშუალებების საბაჟო საზღვარზე შემოტანის, ასევე საბაჟო ტერიტორიაზე საბაჟო კონტროლის ქვეშ გადაადგილების დროს საქონლის ან/და სატრანსპორტო საშუალებების საბაჟო კონტროლი და აღრიცხვა ხორციელდება ,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობით“ (შემდგომში – მოწმობა, დანართი №1), თუ ამ ინსტრუქციით სხვა არ არის გათვალისწინებული.

საქართველოს ფინანსთა მინისტრის 2010 წლის 5 მარტის ბრძანება №165 - სსმ III, 05.03.2010, №24, მუხ.365

მუხლი 2

ინსტრუქციაში გამოყენებულ ტერმინთა განმარტებები:

ა) სასაქონლო პარტია – გამგზავნ საბაჟო ორგანოდან ერთი სატრანსპორტო საშუალებით გადასაადგილებელი, ერთი ან რამდენიმე დასახელების საქონელი (სარკინიგზო ტრანსპორტის შემთხვევაში – გამგზავნ საბაჟო ორგანოში წარდგენილი ერთი ან რამდენიმე დასახელების საქონელი, რომელიც გამგზავნ საბაჟო ორგანოში წარდგენილი სატრანსპორტო დოკუმენტაციის საფუძველზე ერთი გამგზავნის მიერ გაგზავნილია ერთი მიმღების მისამართით და ერთდროულად, ერთი შემადგენლობით უნდა წარედგინოს დანიშნულების ადგილზე, ან დანიშნულების საბაჟოში);

ბ) სატრანსპორტო დოკუმენტები – სატრანსპორტო ზედდებული, კონოსამენტი ან საქონლის თანხმლები სხვა დოკუმენტები, რომელთა საფუძველზეც ხორციელდება საქონლის საერთაშორისო ან/და საქართველოს საბაჟო ტერიტორიაზე გადაზიდვა;

გ) გამგზავნი საბაჟო ორგანო – მოწმობის გამომწერი საბაჟო ორგანო:

გ.ა) საიდანაც იწყება საქონლის ან/და სატრანსპორტო საშუალებების საქართველოს საბაჟო ტერიტორიაზე გადაადგილებაზე (მათ შორის საზღვაო ტრანსპორტიდან გადმოტვირთული საქონლის ან/და სატრანსპორტო საშუალებების გადაადგილებასა ან სატრანსპორტო საშუალების სახეობის შეცვლაზე) კონტროლი;

გ.ბ) ან რომელიც ახორციელებს წინმსწრები მოწმობის დახურვას (ან კონტროლიდან მოხსნას) და ახალი მოწმობის (მოწმობების) გამოწერას;

დ) დანიშნულების საბაჟო – გამგზავნი საბაჟო ორგანოს მიერ მოწმობის 53-ე გრაფაში მითითებული საბაჟო ორგანო ან სხვა საბაჟო ორგანო, სადაც მთავრდება საქონლის და სატრანსპორტო საშუალების გადაადგილება ან/და გადაადგილებაზე კონტროლი;

ე) დანიშნულების ადგილი – არასაბაჟო ორგანო (დროებითი შენახვის საწყობი, საბაჟო საწყობი, რკინიგზის სადგური, საერთაშორისო მიმოსვლისთვის გახსნილი საზღვაო ნავსადგური, უბაჟო ვაჭრობის პუნქტი, თავისუფალი ზონა, აგრეთვე კანონმდებლობით დადგენილი სხვა ადგილი), სადაც მთავრდება საბაჟო ტერიტორიაზე შემოტანილი, ან ორ არასაბაჟო ორგანოს შორის გადასატანი საქონლის ან/და სატრანსპორტო საშუალების საბაჟო კონტროლის ქვეშ გადაადგილება;

ვ) პირადი სარგებლობის ნივთები – ნივთები, რომლის შემოტანა ხორციელდება ფიზიკური პირის მიერ, არარეგულარულად და რომლის მახასიათებლები და რაოდენობა მიუთითებს, რომ ნივთები განკუთვნილია მიმღების ან მისი გადამაადგილებელი ფიზიკური პირის პირადი ან მისი ოჯახის წევრთა სარგებლობისთვის;

ზ) მოწმობის გამოწერა – საბაჟო მონაცემთა ავტომატიზებულ სისტემა – ASYCUDA-ს (შემდგომში – სისტემა) მეშვეობით ამ ინსტრუქციით დადგენილი წესით ელექტრონულად შევსებული, საბაჟო ორგანოს თანამშრომლის მიერ დარეგისტრირებული ელექტრონული ფორმატის მოწმობის ქაღალდზე ამობეჭდვა. საზღვაო ნავსადგურიდან 12 კილომეტრის რადიუსში განლაგებული საბაჟო საწყობის დანიშნულებით ან ამავე რადიუსში მდებარე საბაჟო საწყობიდან საზღვაო ნავსადგურის დანიშნულებით, საბაჟო გამშვები პუნქტი „სარფიდან“ 12 კილომეტრის რადიუსში განთავსებული საბაჟო კონტროლის ზონის (მათ შორის ტვირთის X-Ray რენტგენული ინსპექტირების სისტემის განთავსების ადგილის) დანიშნულებით ან ამავე რადიუსში მდებარე საბაჟო კონტროლის ზონიდან საბაჟო გამშვები პუნქტი „სარფის“ დანიშნულებით გადაადგილების შემთხვევაში მოწმობის გამოწერად აგრეთვე ჩაითვლება სისტემაში დაშვებული პირის მიერ ამ ინსტრუქციით დადგენილი წესით შევსებული და ქაღალდზე ამობეჭდილი მოწმობის საბაჟო ორგანოში წარდგენა და ამავე საბაჟო ორგანოს თანამშრომლის მიერ ამ მოწმობის დარეგისტრირება;

თ) კლასიფიკატორი – ,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანებით დამტკიცებული ,,საბაჟო დეკლარირების კლასიფიკატორი“ (დანართი №15);

ი) მისაბმელი – მოძრაობისთვის განკუთვნილი საავტომობილო სატრანსპორტო საშუალებების შემადგენელი სატრანსპორტო საშუალება ძრავის გარეშე, აგრეთვე ნახევარმისაბმელი და მისაბმელ-სახსნელი.

საქართველოს ფინანსთა მინისტრის 2007 წლის 8 თებერვლის ბრძანება №99 - სსმ III, 08.02.2007, №18, მუხ.204

საქართველოს ფინანსთა მინისტრის 2007 წლის 2 აგვისტოს ბრძანება №961 - სსმ III, 03.08.2007, №109, მუხ.1215

საქართველოს ფინანსთა მინისტრის 2007 წლის 24 აგვისტოს ბრძანება №1020 - სსმ III, 27.08.2007, №121, მუხ.1318

საქართველოს ფინანსთა მინისტრის 2007 წლის 19 ოქტომბრის ბრძანება №1158 - სსმ III, 23.10.2007, №148, მუხ.1653

საქართველოს ფინანსთა მინისტრის 2008 წლის 17 იანვრის ბრძანება №38 - სსმ III, 24.01.2008, №11, მუხ.141

საქართველოს ფინანსთა მინისტრის 2008 წლის 4 აგვისტოს ბრძანება №647 - სსმ III, 07.08.2008, №113, მუხ.1235

საქართველოს ფინანსთა მინისტრის 2010 წლის 2 ივნისის ბრძანება №443 - სსმ III, 04.06.2010, №63, მუხ.944

მუხლი 3

აღნიშნული მოწმობით ხორციელდება:

ა) საქართველოს საბაჟო ტერიტორიაზე თავისი სვლით გადაადგილებული ან გადაზიდული საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე ან არასაბაჟო ორგანომდე გადაადგილების 20-დღიანი ვადის (საბაჟო საწყობში დროებითი დასაწყობებისას – დასაწყობების ფაქტობრივი ვადის დამატებით) კონტროლი და აღრიცხვა, აგრეთვე ამ ვადის ფარგლებში არასაბაჟო ორგანოდან საბაჟო დამუშავების ოპერაციის განხორციელების ადგილამდე ამ ქვეპუნქტში აღნიშნული სატრანსპორტო საშუალებების გადაადგილების აღრიცხვა;

ბ) საბაჟო ტერიტორიაზე ტრანზიტის საბაჟო რეჟიმით გადაადგილებული საქონლისა და სატრანსპორტო საშუალებების საბაჟო კონტროლი და აღრიცხვა;

გ) საბაჟო დამუშავების ოპერაციის განსაზღვრის შემდეგ საქართველოს საბაჟო ტერიტორიიდან გასატანი საქონლის საბაჟო კონტროლი და აღრიცხვა;

დ) საბაჟო საზღვრის გადმომკვეთი საქონლისა და სატრანსპორტო საშუალებების საბაჟო კონტროლი და აღრიცხვა, თუ მათზე საბაჟო დამუშავების ოპერაცია არ ხდება საბაჟო გამშვებ პუნქტში ან საბაჟო საგუშაგოზე;

ე) საქართველოს საბაჟო ტერიტორიაზე ორ სხვადასხვა საბაჟო კონტროლის ზონას შორის გადაადგილებული საბაჟო კონტროლის ქვეშ მყოფი საქონლისა და სატრანსპორტო საშუალებების საბაჟო კონტროლი და აღრიცხვა;

ვ) საბაჟო კონტროლის ქვეშ გადაადგილებული ერთი სატრანსპორტო საშუალებიდან მეორე სატრანსპორტო საშუალებაზე გადატვირთული საქონლის საბაჟო კონტროლი და აღრიცხვა, გარდა საზღვაო და საჰაერო ტრანსპორტზე საქონლის გადატვირთვისას;

ზ) საბაჟო კონტროლის ქვეშ გადაადგილებული სატრანსპორტო საშუალებებიდან საქონლის ნაწილის გადმოტვირთვის ან საქონლის დამატებით დატვირთვის შემთხვევაში სატრანსპორტო საშუალებებში დარჩენილი ან დამატებული და გადაადგილებული საქონლის საბაჟო კონტროლი და აღრიცხვა;

თ) საქართველოს საბაჟო ტერიტორიაზე საბაჟო კონტროლის ქვეშ სხვა საქონლისა და სატრანსპორტო საშუალებების გადაადგილების საბაჟო კონტროლი და აღრიცხვა;

ი) სასაზღვრო საბაჟო ორგანოში ფიზიკური პირის მიერ მსუბუქი ავტომანქანით შემოტანილი საბაჟო კანონმდებლობით განსაზღვრულ დაუბეგრავ მინიმუმზე მეტი პირადი ნივთების კონტროლი და აღრიცხვა. თუ შეუძლებელია საქონლის იდენტიფიკაცია, მაშინ მასზე განხორციელდება შესაბამისი საიდენტიფიკაციო საშუალებების ნიშანდება;

კ) საქართველოს საბაჟო ტერიტორიაზე შემოტანილი სასაზღვრო საბაჟო ორგანოს მიერ უკან დაბრუნებული საქონლის საბაჟო კონტროლი და აღრიცხვა;

ლ) საქართველოს საბაჟო კოდექსის 171-ე მუხლის შესაბამისად იმპორტის გადასახდელებისაგან (გარდა საბაჟო მოსაკრებლისა) გათავისუფლებული დაბრუნებული საქონლის საბაჟო კონტროლი და აღრიცხვა;

მ) თავისუფალ ზონაში შესატანი უცხოური ან/და საქართველოს საქონლის, ან თავისუფალი ზონიდან გასატანი უცხოური საქონლის გადაადგილების საბაჟო კონტროლი და აღრიცხვა;

ნ) სასაზღვრო საბაჟო ორგანოს გავლით საქართველოს საბაჟო ტერიტორიაზე შემოტანილი უბაჟო ვაჭრობის პუნქტში რეალიზაციისთვის განკუთვნილი საქონელის კონტროლი, რომელიც გადაადგილდება იმავე სასაზღვრო საბაჟო ორგანოს სამოქმედო ტერიტორიაზე განთავსებულ უბაჟო ვაჭრობის პუნქტში.

საქართველოს ფინანსთა მინისტრის 2009 წლის 28 ოქტომბრის ბრძანება №691 - სსმ III, 28.10.2009, №132, მუხ.1530

საქართველოს ფინანსთა მინისტრის 2009 წლის 18 დეკემბრის ბრძანება №859 - სსმ III, 18.12.2009, №154, მუხ.1823

საქართველოს ფინანსთა მინისტრის 2009 წლის 30 დეკემბრის ბრძანება №923 - სსმ III, 30.12.2009, №159, მუხ.2007

მუხლი 4

აღნიშნული მოწმობა არ გამოიწერება:

ა) მგზავრთა საერთაშორისო გადაყვანისათვის გამოყენებულ სატრანსპორტო საშუალებებზე, თუ ისინი საერთაშორისო შეთანხმებების საფუძველზე ასრულებენ რეგულარულ რეისებს და ამ სატრანსპორტო საშუალებებით არ გადაადგილდება საბაჟო კონტროლს დაქვემდებარებული საქონელი;

ბ) საქონლის გარეშე გადაადგილებულ სარკინიგზო ან საქართველოში რეგისტრირებულ სატრანსპორტო საშუალებებზე;

გ) TIR წიგნაკით გადაადგილებულ საქონელსა ან/და სატრანსპორტო საშუალებებზე, გარდა საზღვაო ნავსადგურიდან ათი კილომეტრის რადიუსში განლაგებულ საბაჟო საწყობში და საბაჟო საწყობიდან საზღვაო ნავსადგურში TIR-კარნეტით გადაადგილებული საქონლისა;

დ) მილსადენი ტრანსპორტით და ელექტროგადამცემი ხაზებით გადაადგილებულ საქონელზე;

ე) (ამოღებულია);

ვ) უცხო ქვეყნის მოქალაქეთა მიერ, საქონლის გარეშე გადაადგილებულ, უცხოეთში რეგისტრირებულ ავტოსატრანსპორტო საშუალებებზე;

ზ) უცხო ქვეყნის მოქალაქეთა მიერ, საქონლის გარეშე, გადაადგილებულ საგარეო ეკონომიკური საქმიანობის ეროვნული სასაქონლო ნომენკლატურის 8712, 8713 სასაქონლო პოზიციაში შემავალ, მიწისზედა სატრანსპორტო საშუალებებზე (ძრავის გარეშე);

თ) თავისუფალ ზონაში შესატან უცხოურ ან/და საქართველოს საქონელზე, როცა ამ ქვეპუნქტში აღნიშნული საქონლის საქართველოს საბაჟო ტერიტორიაზე შემოტანა ხორციელდება თავისუფალი ზონის შესასვლელში განთავსებული სასაზღვრო საბაჟო ორგანოს გავლით;

ი) თავისუფალი ზონიდან გასატან უცხოურ საქონელზე, როცა ამ ქვეპუნქტში აღნიშნული საქონლის საქართველოს საბაჟო ტერიტორიდან გატანა ხორციელდება თავისუფალი ზონის გასასვლელში განთავსებული სასაზღვრო საბაჟო ორგანოს გავლით;

კ) „საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანების დანართი №21-ით გათვალისწინებული „სატვირთო-საბაჟო დეკლარაციის ფორმა №3“-ით საქონლის ექსპორტის საბაჟო რეჟიმში ან რეექსპორტის საბაჟო დამუშავების ოპერაციაში დეკლარირებულ ავტოსატრანსპორტო საშუალებებზე;

ლ) ორ მომიჯნავე საბაჟო კონტროლის ზონას შორის სარკინიგზო ტრანსპორტით გადაადგილებულ საქონელზე;

მ) საბაჟო-სავაჭრო თანამშრომლობის მონაწილის მიერ ექსპორტის საბაჟო რეჟიმში მოქცეულ საქონელზე, რომლის მიმართაც დადგენილი წესით ხორციელდება გამარტივებული საბაჟო პროცედურები;

ნ) სატვირთო-საბაჟო დეკლარაციის წარდგენით ექსპორტის საბაჟო რეჟიმში მოქცეულ საქონელსა და ავტოსატრანსპორტო საშუალებაზე, თუ საქონელი არ გადაიტვირთა სხვა სატრანსპორტო საშუალებაზე (გარდა საზღვაო და საჰაერო ტრანსპორტისა);

ო) „საბაჟო კონტროლის ქვეშ მყოფი სატრანსპორტო საშუალების აღრიცხვის მოწმობის ფორმა №2“-ით (შემდგომში – აღრიცხვის მოწმობის ფორმა №2) გადაადგილებულ, რეექსპორტის საბაჟო დამუშავების ოპერაციაში გაცხადებულ მექანიკურ სატრანსპორტო საშუალებებზე.

საქართველოს ფინანსთა მინისტრის 2007 წლის 16 ივლისის ბრძანება №890 - სსმ III, 19.07.2007, №103, მუხ.1135

საქართველოს ფინანსთა მინისტრის 2007 წლის 23 ივლისის ბრძანება №927 - სსმ III, 25.07.2007, №105, მუხ.1163

საქართველოს ფინანსთა მინისტრის 2007 წლის 29 ნოემბრის ბრძანება №1250 - სსმ III, 10.12.2007, №174, მუხ.1928

საქართველოს ფინანსთა მინისტრის 2008 წლის 27 მაისის ბრძანება №463 - სსმ III, 02.06.2008, №78, მუხ.846

საქართველოს ფინანსთა მინისტრის 2009 წლის 27 ნოემბრის ბრძანება №775 - სსმ III, 30.11.2009, №146, მუხ.1715

საქართველოს ფინანსთა მინისტრის 2010 წლის 2 თებერვლის ბრძანება №54 - სსმ III, 03.02.2010, №13, მუხ.150

საქართველოს ფინანსთა მინისტრის 2010 წლის 5 მაისის ბრძანება №353 - სსმ III, 10.05.2010, №52, მუხ.790

მუხლი 5

1. მოწმობის გამოწერას ახორციელებს გამგზავნი საბაჟო ორგანო.

2. საზღვაო ნავსადგურიდან 12 კილომეტრის რადიუსში განლაგებული საბაჟო საწყობის დანიშნულებით ან ამავე რადიუსში მდებარე საბაჟო საწყობიდან საზღვაო ნავსადგურის დანიშნულებით, საბაჟო გამშვები პუნქტ „სარფიდან“ 12 კილომეტრის რადიუსში განთავსებული საბაჟო კონტროლის ზონის (მათ შორის ტვირთის X-Ray რენტგენული ინსპექტირების სისტემის განთავსების ადგილის) დანიშნულებით ან ამავე რადიუსში მდებარე საბაჟო კონტროლის ზონიდან საბაჟო გამშვები პუნქტი „სარფის“ დანიშნულებით გადაადგილებულ საქონელზე მოწმობა აგრეთვე შესაძლებელია გამოიწეროს სისტემაში დაშვებული პირის მიერ, ამ ინსტრუქციის 8¹ მუხლით დადგენილი წესით.

3. მილსადენი და ელექტროგადამცემი ხაზებით გადაადგილებული, ასევე საზღვაო ტრანსპორტით საქართველოდან ტრანზიტით გასატანი საქონლის (გარდა კონტეინერებში და სახმელეთო სატრანსპორტო საშუალებებში განთავსებულისა) საბაჟო კონტროლიდან მოხსნა ხდება შესაბამისი სატვირთო-საბაჟო დეკლარაციის საფუძველზე.

4. გამგზავნი საბაჟო ორგანო საქონლის საავტომობილო ტრანსპორტით (მ.შ. მისაბმელით) შემოტანისას (მათ შორის, საზღვაო ტრანსპორტით შემოტანილი საქონლის ავტოსატრანსპორტო საშუალებით საზღვაო ნავსადგურიდან 12 კილომეტრის რადიუსში განლაგებულ საბაჟო საწყობში გადაადგილებისას) ახორციელებს აღნიშნული საავტომობილო სატრანსპორტო საშუალების, აგრეთვე მისაბმელის, კონტეინერის დამატებით სავალდებულო დალუქვას ქვეყნის ტერიტორიაზე გადაადგილებული საბაჟო კონტროლს დაქვემდებარებული საქონლის მიმართ კონტროლის გაძლიერების მიზნით. იმ შემთხვევაში, როცა სატრანსპორტო საშუალებაზე, აგრეთვე მისაბმელზე, კონტეინერზე დადებული ლუქი უზრუნველყოფს საქონლის ხელშეუხებლობას ან დამატებითი დალუქვის შედეგად შესაძლებელია არსებითად გაუარესდეს უკვე დადებული ლუქის ხარისხი ან მდგომარეობა, დამატებითი დალუქვა არ ხორციელდება. შესაბამისად, ასეთ შემთხვევაში მოწმობაში მიეთითება უკვე დადებული ლუქის რეკვიზიტები ამ ინსტრუქციით დადგენილი წესით.

5. საბაჟო ორგანოს მიერ დამატებითი ლუქის დადება სხვა ქვეყნის მიერ დალუქულ სატრანსპორტო საშუალებაზე არ იწვევს საბაჟო ორგანოს შესაბამისი მოხელის პასუხისმგებლობას დეკლარანტის მიერ წარმოდგენილი დოკუმენტების საფუძველზე შევსებული მოწმობის სათანადო მონაცემების ფაქტობრივ მონაცემებთან სიზუსტის მიმართ.

6. ფიზიკური პირის მიერ ავტოსატრანსპორტო საშუალებით საქართველოს საგადასახადო კოდექსის 270⁵ მუხლის ,,ლ“ ქვეპუნქტით გათვალისწინებულ დაუბეგრავ რაოდენობასა და ღირებულებაზე მეტი საქონლის ტრანზიტის საბაჟო რეჟიმით გადაადგილების შემთხვევაში გამგზავნი საბაჟო ორგანოს მიერ ავტოსატრანსპორტო საშუალებაზე გამოიწერება მოწმობა და მოწმობის 44-ე გრაფაში მიეთითება ,,ფიზიკური პირის დეკლარაციის“ კოდი და ნომერი. კოდი და ნომერი ერთმანეთისგან მძიმით გამოიყოფა.

7. საქართველოს საბაჟო ტერიტორიაზე შემოტანილი საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის 20-დღიანი ვადით გადაადგილების დროს, თუ პირს თან აქვს საქართველოს საგადასახადო კოდექსის 270⁵ მუხლის ,,ლ“ ქვეპუნქტით გათვალისწინებულ დაუბეგრავ რაოდენობასა და ღირებულებაზე მეტი საქონელი, გამოიწერება მოწმობა ცალკე – ავტოსატრანსპორტო საშუალებაზე და ცალკე – საქონელზე, ხოლო ავტოსატრანსპორტო საშუალებაზე გამოწერილი მოწმობის 44-ე გრაფაში მიეთითება საქონელზე გამოწერილი მოწმობის კოდი კლასიფიკატორის მე-11 ნაწილის – ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით და სარეგისტრაციო ნომერი.

8. ამ ინსტრუქციის მე-3 მუხლის ,,კ“ ქვეპუნქტით გათვალისწინებულ შემთხვევაში სასაზღვრო საბაჟო ორგანო ერთდროულად ახორციელებს მოწმობის გამოწერას და მისი კონტროლიდან მოხსნას.

9. ამ ინსტრუქციით დადგენილი წესით გამოწერილი მოწმობის მე-17 გრაფის ქვევით არსებულ ცარიელ ადგილზე გამგზავნი საბაჟო ორგანოს მოხელის მიერ დაისმება საბაჟო დამღა ,,აყვანილია კონტროლზე“ და ხელმოწერა. აღნიშნული დამღისა და ხელმოწერის გარეშე აკრძალულია ამ მოწმობაში ასახული საბაჟო კონტროლის ქვეშ მყოფი საქონლის ან/და სატრანსპორტო საშუალების გადაადგილების დაწყება საბაჟო კონტროლის ზონის ფარგლებს მიღმა.

საქართველოს ფინანსთა მინისტრის 2007 წლის 9 მარტის ბრძანება №188 - სსმ III, 12.03.2007, №32, მუხ.382

მუხლი 6

1. მოწმობის კონტროლიდან მოხსნა ხორციელდება:

ა) დანიშნულების საბაჟოს მიერ, სადაც მთავრდება საქონლის ან/და სატრანსპორტო საშუალების გადაადგილება, ან გადაადგილებაზე კონტროლი, ან სადაც მოხდა საქონლის სხვა სატრანსპორტო საშუალებაში გადატვირთვა, ან როცა დანიშნულების ადგილზე გამოცხადებულ სასაქონლო პარტიაზე იწერება ახალი მოწმობა (რამდენიმე მოწმობის გამოწერისას (სასაქონლო პარტიის დანაწევრების შემთხვევაში) წინმსწრები მოწმობა შესაძლებელია კონტროლიდან მოიხსნას მხოლოდ სასაქონლო პარტიის ბოლო ნაწილზე მოწმობის გამოწერისას);

ბ) არასასაზღვრო საბაჟო ორგანოს მიერ, როცა მოწმობის 53-ე გრაფაში (დანიშნულების საბაჟოს) მითითებული არასასაზღვრო საბაჟო ორგანოს ნაცვლად საქონელი ან/და სატრანსპორტო საშუალება წარედგინება სხვა ნებისმიერ არასასაზღვრო საბაჟო ორგანოს (გარდა იმ შემთხვევისა, როდესაც საბაჟო დამუშავების ოპერაციის განხორციელების ადგილზე – არასასაზღვრო საბაჟო ორგანოში ,,საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანების შესაბამისად საქონლისა ან/და სატრანსპორტო საშუალების მიმართ დაუშვებელია განხორციელდეს მოწმობის მე-4 გრაფაში მითითებული საბაჟო დამუშავების ოპერაცია ან/და ნებისმიერი სხვა საბაჟო დამუშავების ოპერაცია);

გ) სასაზღვრო საბაჟო ორგანოს მიერ, როცა მოწმობის 53-ე გრაფაში (დანიშნულების საბაჟოს) დაფიქსირებული სასაზღვრო საბაჟო ორგანოს ნაცვლად ტრანზიტის საბაჟო რეჟიმში გადაადგილებული საქონლისა და სატრანსპორტო საშუალების წარდგენა ხდება ერთი და იგივე უცხო ქვეყანასთან არსებულ საქართველოს სახელმწიფო საზღვართან მდებარე სხვა სასაზღვრო საბაჟო ორგანოში (გარდა იმ შემთხვევისა, როდესაც სატრანსპორტო საშუალების ან საქონლის გადაადგილება ამ მიმართულებით იკრძალება (მაგ., აქციზური საქონელი; სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინალურ სასაზღვრო-საკარანტინო და სანიტარიულ-საკარანტინო კონტროლს დაქვემდებარებული საქონელი);

დ) სასაზღვრო საბაჟო ორგანოს მიერ, როცა მოწმობის 53-ე გრაფაში დაფიქსირებული სასაზღვრო საბაჟო ორგანოს ნაცვლად ტრანზიტის საბაჟო რეჟიმში გადაადგილებული საქონლისა და სატრანსპორტო საშუალების წარდგენა ხდება სხვა უცხო ქვეყანასთან არსებულ საქართველოს სახელმწიფო საზღვართან მდებარე სასაზღვრო საბაჟო ორგანოში, (გარდა იმ შემთხვევისა, როცა ამ მიმართულებით იკრძალება სატრანსპორტო საშუალების ან საქონლის გადადგილება (მაგ., აქციზური საქონელი; სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინალურ სასაზღვრო-საკარანტინო და სანიტარიულ-საკარანტინო კონტროლს დაქვემდებარებული საქონელი):

დ.ა) იმ შემთხვევაში, თუ დეკლარანტი ან გადაზიდვაზე პასუხისმგებელი პირი წარადგენს დანიშნულების ქვეყნის შეცვლის დამადასტურებელ შესაბამის სატრანსპორტო დოკუმენტს, რომელშიც მითითებული უნდა იყოს წინმსწრები სატრანსპორტო დოკუმენტის შესახებ მონაცემები (ნომერი, გამოწერის თარიღი). წარდგენილი სატრანსპორტო დოკუმენტების კოდები კლასიფიკატორის მე-11 ნაწილის ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით და დოკუმენტების ნომრები (ასეთის არსებობის შემთხვევაში), დანიშნულების ქვეყნის მოკლე დასახელება (ხოლო თუ დანიშნულების ქვეყანა რამდენიმეა მიეთითება პირველი) მიეთითება მოწმობის უკანა გვერდზე და დამოწმდება პასუხისმგებელი მოხელის ხელმოწერითა და პირადნომრიანი ბეჭდით. დანიშნულების საბაჟო ორგანოს მოხელე ვალდებულია, იმავდროულად სისტემაში, გრაფის – ,,დანიშნულების საბაჟო ორგანოს კონტროლი“ განყოფილება ,,შენიშვნაში“ მიუთითოს სატრანსპორტო დოკუმენტის კოდი და ინდივიდუალური ნომერი;

დ.ბ) ამ პუნქტის ,,დ.ა“ ქვეპუნქტით გათვალისწინებული სატრანსპორტო დოკუმენტის წარდგენა არ მოეთხოვება ამ ინსტრუქციის მე-5 მუხლის მე-6 პუნქტით გათვალისწინებულ ფიზიკურ პირს, მიუხედავად იმისა, გადაადგილდება თუ არა ავტოსატრანსპორტო საშუალებით საქართველოს საგადასახადო კოდექსის 270⁵ მუხლის ,,ლ“ ქვეპუნქტით გათვალისწინებულ დაუბეგრავ მინიმუმზე მეტი პირადი სარგებლობის ნივთები ტრანზიტის საბაჟო რეჟიმით;

ე) (ამოღებულია);

ვ) იმ შემთხვევაში, როცა დანიშნულების საბაჟოში – სასაზღვრო საბაჟო ორგანოში არ არის წარმოდგენილი მოწმობის კონტროლიდან მოხსნის დამადასტურებელი მოწმობის შესაბამისი პირი და მოწმობის კონტროლიდან მოხსნა არ არის დარეგისტრირებული სისტემაში – საბაჟო კონტროლს დაქვემდებარებული საქონლის ან/და სატრანსპორტო საშუალების საქართველოს საბაჟო საზღვრის გადაკვეთის დამადასტურებელი სხვა დოკუმენტების (წერილობითი დასტური საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციიდან; ან/და საბაჟო ორგანოს უფროსის მიერ დამოწმებული ჩანაწერი საბაჟო კონტროლს დაქვემდებარებული საქონლის ან/და სატრანსპორტო საშუალების საქართველოს საბაჟო ტერიტორიაზე შემოსვლის/ტერიტორიიდან გასვლის აღრიცხვის ჟურნალში; ან/და საერთაშორისო შეთანხმების ფარგლებში უცხო ქვეყნის საბაჟო ორგანოდან მიღებული ინფორმაცია ან/და საგამოძიებო და სხვა უფლებამოსილი ორგანოებიდან მიღებული ინფორმაცია) საფუძველზე საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) რეგიონული ცენტრის წერილობითი მომართვის შემდგომ შემოსავლების სამსახურის ცენტრალური აპარატის შესაბამისი სტრუქტურული ქვედანაყოფის მიერ ხორციელდება მოწმობის კონტროლიდან მოხსნის რეგისტრაცია სისტემაში.

2. გამგზავნი საბაჟო ორგანოს მიერ გამოწერილი მოწმობის დაკარგვის შემთხვევაში დანიშნულების საბაჟო ორგანო შესაბამისი სამართალწარმოების განხორციელებისა და საბაჟო ვალდებულებების შესრულების შემდეგ ახორციელებს მოწმობის საბაჟო ორგანოს მოხელის პირადნომრიანი ბეჭდით დამოწმებული ასლის გაცემას.

3. TIR წიგნაკს კონტროლიდან ხსნის დანიშნულების საბაჟო ორგანო, გარდა ამ მუხლის მე-4 პუნქტით გათვალისწინებული შემთხვევისა. კონტროლიდან მოხსნის მიზნით, TIR წიგნაკის 27-ე გრაფაში მიეთითება „ASYCUDA“-ს მიერ მინიჭებული „R“ ნომერი; 28-ე გრაფაში დაესმება საბაჟო ორგანოს დამღა „მოხსნილია კონტროლიდან“, ხოლო დამღაში შესაბამის ადგილზე მიეთითება კონტროლიდან მოხსნის თარიღი, საბაჟო ორგანოს პასუხისმგებელი მოხელის ხელმოწერა და პირადნომრიანი ბეჭედი.

4. საქართველოს საწარმოს საწყობში (შენახვის სხვა ადგილზე) დროებითი დასაწყობებისა და საქონლის თავისუფალ მიმოქცევაში გაშვების (იმპორტის) საბაჟო რეჟიმისათვის განკუთვნილი, საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8704, 8705 და 8711 (რომლის ძრავის მუშა მოცულობა 50 სმ³-ზე მეტია) სასაქონლო პოზიციებით გათვალისწინებული, ახალი (საქართველოში შემოტანამდე დაურეგისტრირებელი) ან/და 8703 სასაქონლო პოზიციით გათვალისწინებული მექანიკური სატრანსპორტო საშუალებების გადამზიდ ავტოსატრანსპორტო საშუალებაზე TIR წიგნაკს კონტროლიდან ხსნის სასაზღვრო საბაჟო ორგანო, რომლის გავლითაც ცარიელი ავტოსატრანსპორტო საშუალება ტოვებს საქართველოს საბაჟო ტერიტორიას. კონტროლიდან მოხსნის მიზნით, ავტოსატრანსპორტო საშუალების მძღოლის მიერ, სასაზღვრო საბაჟო ორგანოს წარედგინება სასაქონლო პარტიაში შემავალ ყველა მექანიკურ სატრანსპორტო საშუალებაზე გაფორმებული საბაჟო დეკლარაციების ეგზემპლარები.

საქართველოს ფინანსთა მინისტრის 2007 წლის 23 აპრილის ბრძანება №408 - სსმ III, 30.04.2007, №60, მუხ.681

მუხლი 7. მოწმობის შევსების ზოგადი წესი

1. მოწმობა ივსება სისტემის მეშვეობით ელექტრონულად საბაჟო ორგანოს მოხელის მიერ საბაჟო ორგანოში ან სისტემაში დაშვებული პირის მიერ, რომელიც წარმოადგენს საქონლის შემოტანისას – სასაქონლო პარტიის მიმღებს, საქონლის გატანისას – სასაქონლო პარტიის გამგზავნს, ტრანზიტის საბაჟო რეჟიმში მოქცეული სასაქონლო პარტიის გადაადგილებისას – სასაქონლო პარტიის მფლობელს ან ამ პუნქტში მითითებული პირის პირდაპირ ან არაპირდაპირ წარმომადგენელს საქართველოს საბაჟო კოდექსის მე-8 მუხლის შესაბამისად.

2. მოწმობა ივსება დეკლარანტის მიერ წარმოდგენილი სატრანსპორტო დოკუმენტების, ხოლო საქონლის გატანისას აგრეთვე სატვირთო-საბაჟო დეკლარაციის საფუძველზე.

3. საქონლის ან სატრანსპორტო საშუალების დათვალიერების განხორციელების შემთხვევაში, მოწმობა ივსება საბაჟო ორგანოში საბაჟო ორგანოს მოხელის მიერ დათვალიერების შედეგების ამსახველი აქტის საფუძველზე. სასაზღვრო საბაჟო ორგანოში საქონლისა და სატრანსპორტო საშუალების დათვალიერების შეუძლებლობის შემთხვევაში, მოწმობა ივსება წარმოდგენილი დოკუმენტების საფუძველზე და ხორციელდება საქონლის გადაადგილება უახლოეს საბაჟო ორგანომდე ან კანონმდებლობით დადგენილ სხვა (არასაბაჟო ორგანო) ადგილამდე საბაჟო გაცილების თანხლებით შემდგომი დათვალიერების განხორციელების მიზნით. აღნიშნულ მოწმობაზე დაისმება დამღა – ,,ექვემდებარება დათვალიერებას“, ხოლო მოწმობის D გრაფის (,,გამგზავნი საბაჟო ორგანოს კონტროლი“) – განყოფილებაში ,,შედეგი“, მიეთითება A3.

3¹. „გამარტივებული საბაჟო დეკლარაციის სახეების, მისი წარდგენის შემთხვევებისა და წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2010 წლის 18 თებერვლის №106 ბრძანებით დამტკიცებული ინსტრუქციის მე-4 მუხლით გათვალისწინებული, გამარტივებული საბაჟო დეკლარაციის საბაჟო ორგანოში წარდგენას დაქვემდებარებული საქონლის გადაადგილების შემთხვევებში, მოწმობა ივსება აღნიშნული ბრძანებით დამტკიცებული ინსტრუქციის დანართი №1-ით განსაზღვრული „გამარტივებული საბაჟო დეკლარაციის წარდგენას დაქვემდებარებული საქონლისა და სატრანსპორტო საშუალების აღრიცხვის ფორმის“ წარდგენის საფუძველზე.

4. ერთი მოწმობა ივსება მხოლოდ ერთ სასაქონლო პარტიაზე.

5. სისტემაში დაშვებული პირი ან საბაჟოს ორგანოს მოხელე უფლებამოსილია მოწმობის გამოწერამდე მოწმობის ელექტრონულ ფორმატში შეიტანოს ცვლილება მოწმობის შევსებისას, მოწმობის შევსების რეგისტრაციამდე, ან მოწმობის შევსების რეგისტრაციიდან მის საბაჟო ორგანოში წარდგენამდე. მოწმობის შევსების რეგისტრაციის შემდეგ მონაცემების შეცვლის ცალკეული შემთხვევა რეგისტრირდება სისტემის მიერ.

6. მოწმობა გამოიწერება 4 პირად და ნაწილდება შემდეგნაირად:

ა) პირველი პირი რჩება გამგზავნ საბაჟო ორგანოში და მოწმობის გამოწერიდან 7 დღის ვადაში ეგზავნება ზემდგომ საბაჟო ორგანოს დადგენილი წესით;

ბ) მეორე პირი თან მიყვება საქონელს ან/და სატრანსპორტო საშუალებას დანიშნულების საბაჟო ორგანომდე და მოწმობის კონტროლიდან მოხსნის შემდეგ 7 დღის ვადაში ეგზავნება ზემდგომ საბაჟო ორგანოს დადგენილი წესით;

გ) მესამე და მეოთხე პირი რჩება დეკლარანტს ან/და გადამზიდველს.

7. მოწმობის, ან TIR წიგნაკის მოსახევი (მწვანე) ფურცლის უკანა გვერდი გამოიყენება სხვადასხვა მაკონტროლებელი ორგანოების შენიშვნების, აღნიშვნებისა და დამღებისათვის, ხოლო საქონლის დაბრუნებისას საბაჟო ორგანოს მიერ დამღის – ,,დაბრუნებულია საქონელი“ დასმისთვის.

8. მოწმობაში არასწორი ინფორმაციის გამოვლენისას საბაჟო ორგანო ვალდებულია მოწმობის გამოწერის შემდეგ შეცვალოს არასწორი მონაცემები. შესწორებას ახორციელებს გამგზავნი საბაჟო ორგანო, აგრეთვე დანიშნულების საბაჟო. შესწორება ხორციელდება შემდეგი წესით:

ა) გამგზავნი საბაჟო ორგანოს მიერ – მოწმობის ელექტრონულ ფორმატში არსებულ 56-ე გრაფაში, სადაც აღინიშნება:

ა.ა) გრაფის ნომერი ან/და განყოფილების სათაური, რომელშიც შეტანილია არასწორი მონაცემები;

ა.ბ) სწორი მონაცემი;

ა.გ) სწორი მონაცემის შეტანის საფუძველი – მოწმობის 44-ე გრაფაში მითითებული დოკუმენტის კოდი და დოკუმენტის ინდივიდუალური ნომერი ან სხვა;

ბ) დანიშნულების საბაჟოს მიერ – მოწმობის ელექტრონულ ფორმატში მოწმობის ,,I“ გრაფის განყოფილებაში ,,შენიშვნა“, სადაც აღინიშნება (გარდა იმ შემთხვევისა, როცა არასწორი მონაცემის შესახებ უკვე შეტანილია ინფორმაცია გამგზავნი საბაჟო ორგანოს მიერ 56-ე გრაფაში):

ბ.ა) გრაფის ნომერი, განყოფილების სათაური, რომელშიც შეტანილია არასწორი მონაცემები;

ბ.ბ) სწორი მონაცემი;

ბ.გ) სწორი მონაცემის შეტანის საფუძველი – მოწმობის 44-ე გრაფაში მითითებული დოკუმენტის კოდი და დოკუმენტის ინდივიდუალური ნომერი ან სხვა;

ბ.დ) მოწმობის შესაბამის გრაფაში იშლება არასწორი მონაცემი და მიეთითება სწორი მონაცემი.

8¹. არასწორად გამოწერილი მოწმობის გამგზავნ საბაჟო ორგანოში გაუქმების აუცილებლობისას გამგზავნი საბაჟო ორგანოს მოხელე ვალდებულია:

ა) მოწმობის ელექტრონულ ფორმატში შევიდეს ,,ინციდენტის“ მეშვეობით და შეიტანოს მოწმობის 56-ე გრაფაში გაუქმების თაობაზე მოკლე ინფორმაცია და მიუთითოს გაუქმებული მოწმობის ნაცვლად გამოწერილი ახალი მოწმობის ,,D“ ნომერი;

ბ) გამოწერილ მოწმობაზე დაუსვას საბაჟო დამღა ,,ანულირებულია“, რომელიც მოწმდება მოხელის პირადნომრიანი ბეჭდით;

გ) შეადგინოს აქტი (სადაც აისახება მოწმობის გაუქმების მიზეზი), რომელიც გაუქმებულ მოწმობასთან ერთად სათანადო რეესტრით იგზავნება შემოსავლების სამსახურის რეგიონული ცენტრის მიერ შემოსავლების სამსახურის ცენტრალური აპარატის შესაბამის სტრუქტურულ ქვედანაყოფში.

9. სისტემაში დაშვებულ პირს უფლება აქვს, წინასწარ ელექტრონულად შეავსოს მოწმობა. პირის სისტემაში დაშვება ხორციელდება ,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანებით დამტკიცებული ,,საბაჟო რეჟიმების (გარდა ტრანზიტის საბაჟო რეჟიმისა) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციის (დანართი №1) მე-4 მუხლით განსაზღვრული წესით.

10. მოწმობის შევსებისას ურთიერთშეუსაბამო მონაცემების შეტანის მცდელობისას სისტემის მიერ ეკრანზე გამოსული ელექტრონული შეტყობინების სახით ავტომატურად მიეთითება მოწმობის ის გრაფები, რომელშიც ტექნიკურად არასწორად არის შეტანილი მონაცემები.

11. შევსების დასრულებისას საბაჟო მოხელე ან სისტემაში დაშვებული პირი არეგისტრირებს მოწმობის შევსების ფაქტს სისტემაში. შევსებულ მოწმობას ენიჭება უნიკალური საიდენტიფიკაციო ნომერი.

12. ინფორმაციის გადაცემის ნებისმიერი საშუალებით შევსებულ მოწმობის უნიკალური საიდენტიფიკაციო ნომრის შესახებ ინფორმაცია სისტემაში დაშვებული პირის მიერ გადაეცემა საქონლის ან/და სატრანსპორტო საშუალების მფლობელს.

13. საბაჟო ორგანოში წარდგენილი საქონლის ან/და სატრანსპორტო საშუალების მფლობელი გადასცემს საბაჟო ორგანოს მოხელეს შესაბამის სატრანსპორტო დოკუმენტაციას და წერილობით ან სიტყვიერად აწვდის შევსებული სტატუსის მქონე მოწმობის შესახებ ინფორმაციას.

14. გამგზავნი საბაჟოს ორგანოს მოხელე სისტემაში დაშვებული პირის მიერ რეგისტრირებული შევსებული მოწმობის ძებნის პარამეტრებში უთითებს საქონლის ან/და სატრანსპორტო საშუალების მფლობელის მიერ მიწოდებულ მონაცემს, აძლევს ძებნისა და შემდგომ მოწმობის გამოძახების (ეკრანზე გამოსახვის) ბრძანებას. მოწმობის ეკრანზე გამოძახების ბრძანების მიცემა ნიშნავს მოწმობის საბაჟო ორგანოში წარდგენის დადასტურებას.

15. გამგზავნი საბაჟო ორგანოს მოხელე მოწმობის გამოწერის მიზნით ახდენს:

ა) გამგზავნ საბაჟო ორგანოში წარდგენილი საქონლის ან/და სატრანსპორტო საშუალების იდენტიფიცირებას, სატრანსპორტო დოკუმენტაციაში მითითებულ მონაცემებთან ურთიერთშედარებას, სატრანსპორტო დოკუმენტაციის საფუძველზე მოწმობის ელექტრონულად შევსებას, რომელშიც ასევე აისახება საბაჟო ორგანოს მიერ განხორციელებული კონტროლის ღონისძიებების შედეგი, და მოწმობის გამოწერას;

ბ) მოწმობის ელექტრონულად წარდგენის შემთხვევაში, ამ პუნქტის ,,ა“ ქვეპუნქტში გათვალისწინებულთან ერთად, მოწმობის გრაფებში შეტანილი მონაცემების შედარებას წარდგენილ სატრანსპორტო დოკუმენტაციასთან, ცდომილების აღმოჩენის შემთხვევაში კი მონაცემების შეცვლას მოწმობის ელექტრონულ ფორმატში.

16. უცხოეთში რეგისტრირებული სატვირთო ავტომანქანებით საქართველოში საქონლის შემოტანის შემთხვევაში მოწმობა კონტროლიდან იხსნება დანიშნულების საბაჟო ორგანოში, ხოლო სატრანსპორტო საშუალებამ საქართველოს საბაჟო ტერიტორია უნდა დატოვოს შემოსვლის დროს მოწმობის გამოწერის თარიღიდან არა უგვიანეს 20 დღის ვადაში. თუ ასეთი სატრანსპორტო საშუალება საქართველოს საბაჟო ტერიტორიაზე დაიტვირთება გასატანი საქონლით, ახალი მოწმობის გამომწერი საბაჟო ორგანო მოითხოვს შემოსვლის დროს გამოწერილი მოწმობის იმ პირს, რომელიც გააჩნია გადამზიდველს, რომლის უკანა გვერდზეც აკეთებს აღნიშვნას ახალი მოწმობის გამოწერის შესახებ (ახალი მოწმობის ნომრის მითითებით), რაც დამოწმდება უფლებამოსილი მოხელის ხელმოწერით, თარიღითა და პირადნომრიანი ბეჭდის დასმით. ავტოსატრანსპორტო საშუალების (ცარიელის ან დატვირთულის) მფლობელი გამსვლელ (დანიშნულების) საბაჟო ორგანოს უტოვებს საქართველოში შემოტანისას გამოწერილი მოწმობის შესაბამის პირს, რომლის უკანა გვერდზე საბაჟო ორგანოს უფლებამოსილი პირი აკეთებს აღნიშვნას სატრანსპორტო საშუალების გასვლის შესახებ ხელმოწერით, თარიღითა და პირადნომრიანი ბეჭდის დასმით.

17. TIR წიგნაკით გადაადგილებული საქონლისა და სატრანსპორტო საშუალებების შემთხვევაში გამგზავნი საბაჟო ორგანო ან სისტემაში დაშვებული პირი უზრუნველყოფს TIR წიგნაკის შესახებ მონაცემების ელექტრონულად შეტანას მოწმობის ელექტრონულ ფორმატში. წიგნაკის შესაბამის (თეთრ და მწვანე) ფურცლებზე და ყუაზე აღინიშნება სისტემის მიერ მინიჭებული ,,D“ ნომერი. საბაჟო ორგანოს მოხელე მონაცემთა დადატურების მიზნით აწერს ხელს, მიუთითებს შევსების თარიღს და სვამს პირადნომრიან ბეჭედს.

საქართველოს ფინანსთა მინისტრის 2008 წლის 4 ივნისის ბრძანება №494 - სსმ III, 09.06.2008, №82, მუხ.888

მუხლი 8. (ამოღებულია)

მუხლი 8¹. განსაკუთრებულ შემთხვევებში მოწმობის შევსების წესი

1. საზღვაო ნავსადგურიდან 12 კილომეტრის რადიუსში განლაგებული საბაჟო საწყობის დანიშნულებით ან ამავე რადიუსში მდებარე საბაჟო საწყობიდან საზღვაო ნავსადგურის დანიშნულებით, საბაჟო გამშვები პუნქტ „სარფიდან“ 12 კილომეტრის რადიუსში განთავსებული საბაჟო კონტროლის ზონის (მათ შორის, ტვირთის X-Ray რენტგენული ინსპექტირების სისტემის განთავსების ადგილის) დანიშნულებით ან ამავე რადიუსში მდებარე საბაჟო კონტროლის ზონიდან საბაჟო გამშვები პუნქტი „სარფის“ დანიშნულებით საქონლის გადაადგილების, აგრეთვე საერთაშორისო აეროპორტის მიმდებარე საბაჟო საწყობიდან საფოსტო გზავნილებით შემოტანილი საქონლის საბაჟო დამუშავების ოპერაციის განხორციელების ადგილის დანიშნულებით გადაადგილების შემთხვევაში მოწმობა ივსება ამ მუხლით დადგენილი წესით.

1¹. მოწმობა ივსება სისტემის მეშვეობით ელექტრონულად საბაჟო ორგანოს თანამშრომლის მიერ საბაჟო ორგანოში ან სისტემაში დაშვებული პირის მიერ, რომელიც წარმოადგენს საქონლის გადამზიდველს. სისტემაში დაშვებულ პირს უფლება აქვს, წინასწარ ელექტრონულად შეავსოს მოწმობა. პირის სისტემაში დაშვება ხორციელდება “საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანების დანართი №1-ით გათვალისწინებული “საბაჟო რეჟიმების (გარდა ტრანზიტის საბაჟო რეჟიმისა და საბაჟო-სავაჭრო თანამშრომლობის მონაწილის მიერ ან მისი დანიშნულებით შემოტანილი საქონლისა, რომლის მიმართაც დადგენილი წესით ხორციელდება გამარტივებული საბაჟო კონტროლი) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციის მე-4 მუხლით განსაზღვრული წესით.

2. მოწმობა ივსება სატრანსპორტო დოკუმენტების, ხოლო საქონლის გატანისას – აგრეთვე სატვირთო-საბაჟო დეკლარაციის საფუძველზე.

3. ერთი მოწმობა ივსება ერთ სატრანსპორტო საშუალებაზე.

3¹. საერთაშორისო აეროპორტის მიმდებარე 2 ან მეტი საბაჟო საწყობიდან საბაჟო დამუშავების ოპერაციის განხორციელების ადგილის დანიშნულებით, საფოსტო გზავნილებით შემოტანილი საქონლის გადაადგილების შემთხვევაში დასაშვებიაერთი მოწმობის გამოწერა.

4. მოწმობის გამოწერამდე სისტემაში დაშვებული პირი ან საბაჟო ორგანოს მოხელე უფლებამოსილია შეიტანოს ცვლილება მოწმობის ელექტრონულ ფორმატში მოწმობის შევსებისას მოწმობის შევსების რეგისტრაციამდე, ან მოწმობის შევსების რეგისტრაციიდან მის საბაჟო ორგანოში წარდგენამდე, ან საბაჟო ორგანოში წარდგენიდან მოწმობის რეგისტრაციამდე. მოწმობის შევსების რეგისტრაციის შემდეგ მონაცემების შეცვლის ცალკეული შემთხვევა რეგისტრირდება სისტემის მიერ.

5. მოწმობა იბეჭდება 3 ეგზემპლიარად და ნაწილდება შემდეგნაირად:

ა) პირველი ეგზემპლარი თან მიყვება საქონელს ან/და სატრანსპორტო საშუალებას დანიშნულების საბაჟომდე და მოწმობის კონტროლიდან მოხსნის შემდეგ 7 დღის ვადაში ეგზავნება ზემდგომ საბაჟო ორგანოს დადგენილი წესით;

ბ) მეორე ეგზემპლარი რჩება დანიშნულების ადგილზე (საბაჟო საწყობში ან საზღვაო ნავსადგურში);

გ) მესამე ეგზემპლარი რჩება გადამზიდველს.

6. მოწმობის უკანა გვერდი გამოიყენება სხვადასხვა მაკონტროლებელი ორგანოების შენიშვნების, აღნიშვნებისა და დამღებისათვის, ხოლო საქონლის დაბრუნებისას საბაჟო ორგანოს მიერ დამღის – ,,დაბრუნებულია საქონელი“ დასმისთვის.

7. მოწმობაში არასწორი ინფორმაციის გამოვლენისას საბაჟო ორგანო ვალდებულია მოწმობის გამოწერის შემდეგ შეცვალოს არასწორი მონაცემები. შესწორებას ახორციელებს გამზავნი საბაჟო ორგანო, აგრეთვე დანიშნულების საბაჟო. შესწორება ხორციელდება შემდეგი წესით:

ა.ბ) სწორი მონაცემი;

ბ) დანიშნულების საბაჟოს მიერ – მოწმობის ელექტრონულ ფორმატში მოწმობის ,,I“ გრაფის განყოფილებაში ,,შენიშვნა“, სადაც აღინიშნება (გარდა იმ შემთხვევისა, როცა არასწორი მონაცემის შესახებ უკვე შეტანილია ინფორმაცია გამგზავნი ორგანოს მიერ 56-ე გრაფაში):

ბ.ბ) სწორი მონაცემი;

ბ.გ) სწორი მონაცემის შეტანის საფუძველი – მოწმობის 44-ე გრაფაში მითითებული დოკუმენტის კოდი და დოკუმენტის ინდივიდუალური ნომერი ან სხვა.

8. არასწორად გამოწერილი მოწმობის გამგზავნ საბაჟო ორგანოში გაუქმების აუცილებლობისას გამგზავნი საბაჟო ორგანოს მოხელე ვალდებულია:

9. მოწმობის შევსებისას ურთიერთშეუსაბამო მონაცემების შეტანის მცდელობისას სისტემის მიერ ეკრანზე გამოსული ელექტრონული შეტყობინების სახით ავტომატურად მიეთითება მოწმობის ის გრაფები, რომელშიც ტექნიკურად არასწორად არის შეტანილი მონაცემები.

10. შევსების დასრულებისას საბაჟო მოხელე ან სისტემაში დაშვებული პირი არეგისტრირებს მოწმობის შევსების ფაქტს სისტემაში. შევსებულ მოწმობას ენიჭება უნიკალური საიდენტიფიკაციო ნომერი.

11. შევსებული მოწმობის უნიკალური საიდენტიფიკაციო ნომრის შესახებ ინფორმაცია სისტემაში დაშვებული პირის მიერ ინფორმაციის გადაცემის ნებისმიერი საშუალებით გადაეცემა საქონლის ან/და სატრანსპორტო საშუალების მფლობელს.

12. საბაჟო ორგანოში წარდგენილი საქონლის ან/და სატრანსპორტო საშუალების მფლობელი ან გადამზიდველი გადასცემს საბაჟო ორგანოს მოხელეს შესაბამის სატრანსპორტო დოკუმენტაციას და წერილობით (ქაღალდზე ამობეჭდილი ელექტროულად შევსებული მოწმობა) ან სიტყვიერად აწვდის შევსებული სტატუსის მქონე მოწმობის შესახებ ინფორმაციას.

13. გამგზავნი საბაჟოს ორგანოს მოხელე სისტემაში დაშვებული პირის მიერ რეგისტრირებული შევსებული მოწმობის ძებნის პარამეტრებში უთითებს საქონლის ან/და სატრანსპორტო საშუალების მფლობელის მიერ მიწოდებულ მონაცემს, აძლევს ძებნისა და შემდგომ მოწმობის გამოძახების (ეკრანზე გამოსახვის) ბრძანებას. მოწმობის ეკრანზე გამოძახების ბრძანების მიცემა ნიშნავს მოწმობის საბაჟო ორგანოში წარდგენის დადასტურებას.

14. გამგზავნი საბაჟო ორგანოს მოხელე მოწმობის გამოწერის მიზნით ახდენს:

ა) გამგზავნ საბაჟო ორგანოში წარდგენილი საქონლის ან/და სატრანსპორტო საშუალების იდენტიფიცირებას, სატრანსპორტო დოკუმენტაციაში მითითებულ მონაცემებთან ურთიერთშედარებას, რომელშიც ასევე აისახება საბაჟო ორგანოს მიერ განხორციელებული კონტროლის ღონისძიებების შედეგი, და მოწმობის გამოწერას;

ბ) მოწმობის ელექტრონულად წარდგენის შემთხვევაში, ამ პუნქტის ,,ა“ ქვეპუნქტით გათვალისწინებულთან ერთად, მოწმობის გრაფებში შეტანილი მონაცემების შედარებას წარდგენილ სატრანსპორტო დოკუმენტაციასთან, ცდომილების აღმოჩენის შემთხვევაში კი მონაცემების შეცვლას მოწმობის ელექტრონულ ფორმატში;

გ) იმ შემთხვევაში, თუ სისტემაში დაშვებული პირის – გადამზიდველის მიერ ელექტრონულად შევსებულ მოწმობაში, რომელიც ქაღალდზე ამობეჭდილი სახით წარედგინა საბაჟო ორგანოს არ არის მითითებული შესაბამისი საქონლის (კონტეინერის მისაბმელის) გადამაადგილებელი (გამწევი) საავტომობილო სატრანსპორტო საშუალებების რეკვიზიტები საბაჟო მოხელე ვალდებულია განახორციელოს ქვემოთ მითითებული პროცედურა შემდეგი თანმიმდევრობით, კერძოდ:

გ.ა) იძახებს სერვერზე შენახულ მოწმობას უნიკალური საიდენტიფიკაციო ნომრის მეშვეობით;

გ.ბ) ელექტრონულად შეაქვს სისტემაში საქონლის (კონტეინერის, მისაბმელის) გადამაადგილებელი (გამწევი) საავტომობილო სატრანსპორტო საშუალებების სანომრე ნიშანი, აგრეთვე მისამბელის სანომრე (სარეგისტრაციო) ნიშანი მოწმობის ელექტრონული ფორმატის მე-18 გრაფის პირველ ნაწილში და არეგისტრირებს მონაცემის ცვლილებას;

გ.გ) არეგისტრირებს მოწმობას, რომლის შედეგად სისტემის მიერ ავტომატურად ივსება გრაფა ,,მოწმობის ნომერი“ და მას ენიჭება ,,D“ ნომერი;

გ.დ) ხელით წერს ,,D“ ნომერს, სისტემაში დაშვებული პირის მიერ საბაჟო ორგანოში უკვე წარდგენილ მოწმობის გრაფაში – ,,მოწმობის ნომერი“ ან ქაღალდზე ამობეჭდავს დარეგისტრირებულ მოწმობას.

15. გამოწერილი მოწმობის ყველა ეგზემპლარი წარედგინება საბაჟო მოხელეს, რომელიც ამოწმებს პირადნომრიანი ბეჭდით და ხელმოწერით.

მუხლი 9. მოწმობისა და მასთან დაკავშირებული სხვა დოკუმენტების შენახვა

საბაჟო ორგანოს მიერ მოწმობისა და TIR წიგნაკის რეგისტრაცია და კონტროლიდან მოხსნა რეგისტრირდება სპეციალურ რეგისტრაციის ჟურნალში. შემოსვლაზე იწარმოება ცალკე ჟურნალი, ხოლო გასვლაზე – ცალკე. ამ ინსტრუქციის მე-7 და 8¹ მუხლებით გათვალისწინებული მოწმობა და TIR წიგნაკის ფურცლები (თეთრი და მწვანე) საბაჟო გამშვები პუნქტებიდან (საბაჟო საგუშაგოებიდან), საბაჟო დამუშავების ოპერაციის განხორციელების ადგილებიდან, სისტემატიზირებული სახით კონტროლზე აყვანიდან და კონტროლიდან მოხსნიდან 7 დღის ვადაში იგზავნება შემოსავლების სამსახურის რეგიონულ ცენტრებში. შემოსავლების სამსახურის რეგიონული ცენტრი უზრუნველყოფს TIR წიგნაკის კონტროლზე აყვანის ეგზემპლარის (თეთრი ფურცლის) გადაგზავნას შემოსავლების სამსახურის იმ რეგიონულ ცენტრში, რომლის სტრუქტურაში შემავალმა საბაჟო ორგანომაც მოახდინა შესაბამისი TIR წიგნაკის გამოყენებით განხორციელებული გადაზიდვის კონტროლიდან მოხსნა. მოწმობაში და სისტემის მონაცემთა ბაზაში ნებისმიერი ცვლილების შეტანისას დგება აქტი, რომელიც შესაბამის მოწმობასთან ერთად იგზავნება შემოსავლების სამსახურის რეგიონულ ცენტრებში.

საქართველოს ფინანსთა მინისტრის 2007 წლის 28 სექტემბრის ბრძანება №1091 - სსმ III, 05.10.2007, №139, მუხ.1517

საქართველოს ფინანსთა მინისტრის 2008 წლის 25 თებერვლის ბრძანება №183 - სსმ III, 29.02.2008, №32, მუხ.344

საქართველოს ფინანსთა მინისტრის 2009 წლის 31 დეკემბრის ბრძანება №962 - სსმ III, 31.12.2009, №160, მუხ.2032

მუხლი 10

საბაჟო ორგანოს მიერ მოწმობის შევსებისას ან კონტროლიდან მოხსნისას, შეიძლება მოთხოვნილ იქნეს კანონმდებლობით გათვალისწინებული დამატებითი საბუთები და/ან ცნობები.

თავი II

მოწმობის შევსების წესი

მუხლი 11. მოწმობის გრაფების შევსების წესი

1. გრაფა 1 – ,,მოწმობა“ – სისტემის მიერ ავტომატურად ივსება მხოლოდ გრაფის მესამე ნაწილი და ეთითება სიმბოლო – T1.

2. გრაფა 2 – ,,ექსპორტიორი“– მიეთითება:

ა) საქონლის გამგზავნის/ექსპორტიორის, გადასახადის გადამხდელის საიდენტიფიკაციო ნომერი (ასეთის არსებობისას), სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით) და მისამართი. თუ გამგზავნი ერთზე მეტია, გრაფის პირველ რიგში აღინიშნება ,,სხვადასხვა“, ქვედა რიგში – გამგზავნის/ექსპორტიორის შესახებ ინფორმაცია, რომელშიც აისახება გადასახადის გადამხდელის სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით) და მისამართი (ამ შემთხვევაში არ მიეთითება მხოლოდ გადასახადის გადამხდელის საიდენტიფიკაციო ნომერი). სახელწოდება და მისამართი ერთმანეთისგან მძიმით გამოიყოფა;

ბ) ავტოსატრანსპორტო საშუალების გადაადგილებაზე პასუხისმგებელი პირის სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი – საქართველოს საბაჟო ტერიტორიაზე საქართველოში არარეგისტრირებული თავისი სვლით გადაადგილებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის 20-დღიანი ვადით შემოტანისას;

გ) ავტოსატრანსპორტო საშუალების მძღოლის სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი – საქართველოს საბაჟო ტერიტორიაზე, თავისი სვლით გადაადგილებული, ცარიელი, ან საქართველოს საგადასახადო კოდექსის 270⁵ მუხლის ,,ლ“ ქვეპუნქტით დადგენილ ზღვარს ზემოთ პირადი სარგებლობის ნივთების გადამაადგილებელი ავტოსატრანსპორტო საშუალების შემოსვლისას, რომელიც ექცევა ტრანზიტის საბაჟო რეჟიმში.

3. გრაფა 3 – ,,ფორმა“– გრაფის პირველი ნაწილში სისტემის მიერ ავტომატურად ეთითება ფურცლის რიგითი ნომერი, ხოლო მეორე ნაწილში – მოწმობის ძირითადი და დამატებითი ფურცლების საერთო რაოდენობა.

4. გრაფა 4 – გრაფაში მიეთითება საქართველოს საბაჟო ტერიტორიაზე შემოტანილი ან გასატანი, ან გადაადგილებული საბაჟო კონტროლს დაქვემდებარებული საქონლისა ან/და სატრანსპორტო საშუალებების მიმართ საბაჟო დამუშავების ოპერაციის სავარაუდოდ განსაზღვრის განზრახვის ან განსაზღვრული საბაჟო დამუშავების ოპერაციის შესახებ შემდეგი კოდირებული ინფორმაცია:

ა) ექსპორტის საბაჟო რეჟიმში მოქცეული საქონლის გატანისას – ,,10“;

ბ) თავისუფალი ზონიდან საქონლის სასაზღვრო საბაჟო ორგანოს (გარდა იმ შემთხვევისა, როცა ინსტრუქციის მე-4 მუხლის ,,თ“ ქვეპუნქტის შესაბამისად აღრიცხვის მოწმობა არ გამოიწერება) დანიშნულებით საქონლის გადაადგილებისას – ,,11“;

გ) თავისუფალი ზონიდან საქონლის არასასაზღვრო საბაჟო ორგანოს დანიშნულებით საქონლის გადაადგილებისას – ,,12“;

დ) 20-დღიანი ვადით უკვე შემოტანილი საქართველოს საბაჟო ტერიტორიაზე თავისი სვლით გადაადგილებული ან გადაზიდული საქართველოში არარეგისტრირებული ავტოსატრანსპორტო საშუალებების (როცა ამ ქვეპუნქტში აღნიშნულ სატრანსპორტო საშუალებებზე გამოწერილ წინმსწრებ აღრიცხვის მოწმობის მე-4 გრაფაში მითითებული იყო ,,20“) არასაბაჟო ორგანოდან საბაჟო დამუშავების ოპერაციის განხორციელების ადგილამდე 20-დღიანი ვადის ფარგლებში დარჩენილი ვადით გადაადგილებისას – ,,19“;

ე) საქართველოს საბაჟო ტერიტორიაზე საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის 20-დღიანი ვადით გადაადგილებისას – ,,20“;

ვ) საბაჟო ტერიტორიის გარეთ საქონლის გადამუშავების საბაჟო რეჟიმში მოქცეული საქონლის გატანის მიზნით – ,,21“;

ზ) საქონლის უცვლელ მდგომარეობაში უკან დაბრუნებისთვის ექსპორტის საბაჟო რეჟიმში მოქცეული საქონლის გატანის მიზნით – ,,23“;

თ) რეექსპორტის საბაჟო დამუშავების ოპერაციის განხორციელება – ,,31“;

ი) საქონლის თავისუფალ მიმოქცევაში გაშვების (იმპორტის) საბაჟო რეჟიმში მოქცევის მიზნით – ,,40“;

კ) საბაჟო-სავაჭრო თანამშრომლობის მონაწილის მიერ ან მისი დანიშნულებით, საქონლის თავისუფალ მიმოქცევაში გაშვების (იმპორტის) საბაჟო რეჟიმში მოქცევის მიზნით საქონლის შემოტანის შემთხვევაში მის მიმართ დადგენილი წესით გამარტივებული საბაჟო კონტროლის განხორციელებისას – ,,44“;

ლ) საბაჟო ტერიტორიაზე საქონლის გადამუშავების მიზნით – ,,51“;

მ) დროებითი შემოტანის საბაჟო რეჟიმისათვის საქონლის შემოტანის მიზნით – ,,53“;

ნ) საქართველოს საბაჟო კოდექსის 171-ე მუხლის საფუძველზე საბაჟო გადასახდელებისაგან (გარდა საბაჟო მოსაკრებლისა) გათავისუფლებული დაბრუ-ნებული საქონლის საქართველოს საბაჟო ტერიტორიაზე შემოტანის შემთხვევაში – ,,63“;

ო) საბაჟო საწყობში საქონლის შენახვის მიზნით – ,,71“;

პ) სასაზღვრო საბაჟო ორგანოდან (გარდა იმ შემთხვევისა, როცა ინსტრუქციის მე-4 მუხლის ,,ზ“ ქვეპუნქტის შესაბამისად აღრიცხვის მოწმობა არ გამოიწერება) თავისუფალ ზონაში საქონლის შეტანის მიზნით – ,,77“;

ჟ) არასასაზღვრო საბაჟო ორგანოდან თავისუფალ ზონაში საქონლის შეტანის მიზნით – ,,78“;

რ) ტრანზიტის საბაჟო რეჟიმში მოქცეული – ,,80“;

ს) სპეციალური კოდები, რომელიც თავის მხრივ აღნიშნავს:

ს.ა) იმ შემთხვევაში, როცა ერთი სატრანსპორტო საშუალებით ერთდროულად გადაადგილდება თავისუფალ მიმოქცევაში გაშვების (იმპორტის) საბაჟო რეჟიმში მოსაქცევად და ტრანზიტის საბაჟო რეჟიმში მოქცეული საქონელი, გრაფაში აღინიშნება – ,,47“;

ს.ბ) იმ შემთხვევაში, როცა ერთი სატრანსპორტო საშუალებით გადაადგილდება საქონლის ტრანზიტის საბაჟო რეჟიმში მოქცეული საქონელი, რომელსაც საქართველოს ტერიტორიაზე ემატება ექსპორტის საბაჟო რეჟიმში მოქცეული საქონელი, ახალი მოწმობის გრაფაში აღინიშნება – ,,81“;

ს.გ) საქართველოს საბაჟო ტერიტორიაზე შემოტანილი საქონლის სასაზღვრო საბაჟო ორგანოს მიერ უკან დაბრუნების შემთხვევაში – ,,15“;

ს.დ) უბაჟო ვაჭრობის პუნქტში რეალიზაციისთვის – ,,72“;

ს.ე) საქართველოს საბაჟო ტერიტორიაზე ერთი საბაჟო კონტროლის ზონიდან მეორე საბაჟო კოტროლის ზონაში გადაადგილებისას (გარდა სასაზღვრო საბაჟო ორგანოებს შორის გადაადგილებისა) – ,,73“;

ტ) ზოგადი კოდები, როცა შეუძლებელია საბაჟო დამუშავების ოპერაციის სავარაუდო განსაზღვრის განზრახვის ან განსაზღვრული საბაჟო დამუშავების ოპერაციის აღმნიშვნელი ამ პუნქტის ,,ა“ – ,,ს“ ქვეპუნქტებში ასახული კოდის მითითება, აღრიცხვის მოწმობაში შეიტანება შემდეგი კოდირებული ინფორმაცია:

ტ.ა) საქონლის ან/და სატრანსპორტო საშუალების საბაჟო ტერიტორიდან გატანისას – ,,16“;

ტ.ბ) საქონლის ან/და სატრანსპორტო საშუალების საბაჟო ტერიტორიაზე შემოტანისას – ,,46“.

5. გრაფა 5 – ,,საქ. რაოდ.“ – სისტემის მიერ ავტომატურად ეთითება მოწმობის 31-ე გრაფაში მითითებული საქონლის რიგითი ნომრების საერთო რაოდენობა. სარკინიგზო ტრანსპორტით საქონლის გადაადგილებისას თითოეული სარკინიგზო ვაგონის მიხედვით დამატებითი ფურცლების საერთო რაოდენობა.

6. გრაფა 6 – ,,ადგ. რაოდენობა“– ეთითება 31-ე გრაფაში მითითებული საქონლის სატვირთო ადგილების (ყუთები, ქვეში და ა.შ. ეთითება მთლიანი რაოდენობა იმ უმცირესი შეფუთვისა, რომელიც მოცემულია სატრანსპორტო დოკუმენტებში, როგორც სატვირთო ადგილი) საერთო რაოდენობა, რომელიც მოცემულია სატრანსპორტო დოკუმენტებში.

7. გრაფა 7 – ,,საცნობარო ნომერი“ – ეთითება მოწმობის უნიკალური ნომერი, რომელიც ენიჭება სისტემაში დაშვებული თითოეული პირის, ან თითოეული საბაჟო ორგანოს მიერ მიხედვით სისტემაში დაშვებული პირის ან საბაჟო ორგანოს მოხელის მიერ ელექტრონულად შევსებული მოწმობის რეგისტრაციისას ან TIR წიგნაკით გადაადგილებულ საქონელსა და სატრანსპორტო საშუალების შესახებ მონაცემების ამსახველი ელექტრონულად შევსებული მოწმობის რეგისტრაციისას.

8. გრაფა 8 – ,,იმპორტიორი“- გრაფაში ეთითება:

ა) საქონლის მიმღების:

ა.ა) იურიდიული პირის ან სხვა ორგანიზაციული წარმონაქმნის – სრული სახელწოდება, მისამართი, გადასახადის გადამხდელის საიდენტიფიკაციო ნომერი (ასეთის არსებობისას).

ა.ბ) ფიზიკური პირის – სახელი, გვარი, მისამართი, პირადი ნომერი (პირადობის დამადასტურებელი დოკუმენტის მიხედვით); ინდივიდუალური საწარმოს შემთხვევაში – გადასახადის გადამხდელის საიდენტიფიკაციო ნომერი.

ბ) თუ საქონლის მიმღები ერთზე მეტია, გრაფის პირველ რიგში აღინიშნება ,,სხვადასხვა“, მომდევნო რიგში მიმღების შესახებ ინფორმაცია, რომელშიც აისახება მათი სრული სახელწოდება (ფიზიკური პირის შემთხვევაში – სახელი, გვარი, პირადი ნომერი – პირადობის დამადასტურებელი დოკუმენტის მიხედვით) და მისამართი (ამ შემთხვევაში არ მიეთითება მხოლოდ გადასახადის გადამხდელის საიდენტიფიკაციო ნომერი). სახელწოდება და მისამართი ერთმანეთისგან მძიმით გამოიყოფა;

გ) ავტოსატრანსპორტო საშუალების გადაადგილებაზე პასუხისმგებელი პირის სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი – საქართველოს საბაჟო ტერიტორიაზე საქართველოში არარეგისტრირებული თავისი სვლით გადაადგილებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის 20-დღიანი ვადით გადაადგილებისას;

დ) ავტოსატრანსპორტო საშუალების მძღოლის სახელი და გვარი, მისამართი და პირადი ნომერი (პირადობის დამადასტურებელი დოკუმენტის მიხედ-ვით) – საქართველოს საბაჟო ტერიტორიაზე, თავისი სვლით გადაადგილებული (უცხო ქვეყნის მოქალაქეთა მიერ საქონლის გარეშე საქართველოს საბაჟო ტერიტორიაზე გადაადგილებული უცხოეთში რეგისტრირებული ავტოსატრანსპორტო საშუალებების გარდა), ან საქართველოს საგადასახადო კოდექსის 270⁵მუხლის ,,ლ“ ქვეპუნქტით დადგენილ დაუბეგრავ მინიმუმზე მეტი საქონლის გადამაადგილებელი, ავტოსატრანსპორტო საშუალების შემოსვლისას (მ.შ. უცხო ქვეყნის მოქალაქეთა მიერ საქართველოს საბაჟო ტერიტორიაზე გადაადგილებულ უცხოეთში რეგისტრირებულ ავტოსატრანსპორტო საშუალებებზე), რომელიც ექცევა ტრანზიტის საბაჟო რეჟიმში.

9. გრაფა 14 – ,,დეკლარანტი/წარმომადგენელი“:

ა) გრაფა არ ივსება საბაჟო ორგანოს მიერ მოწმობის შევსებისას;

ბ) სისტემაში დაშვებული პირის მიერ მოწმობის შევსებისას გრაფაში მიეთითება ამ პირის სრული სახელწოდება და მისამართი. გრაფის ზედა ნაწილში ,,№“ ნიშნის შემდეგ აღინიშნება პირის – გადასახადის გადამხდელის საიდენტიფიკაციო ნომერი.

10. გრაფა 15 – ,,გამომგზავნი ქვეყანა“ – მიეთითება იმ ქვეყნის დასახელება და კოდი ქვეყნების კლასიფიკატორის №3 ნაწილის – ,,ქვეყნების, ტერიტორიებისა და ვალუტების კლასიფიკატორის“ შესაბამისად, საიდანაც გამოგზავნილია საქონელი სატრანსპორტო დოკუმენტების მიხედვით.

11. გრაფა 17 – ,,დანიშნულების ქვეყანა“ – ეთითება იმ ქვეყნის დასახელება და კოდი, კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად, სადაც სატრანსპორტო დოკუმენტაციაში დაფიქსირებული ინფორმაციით დასრულდება საქონლის საერთაშორისო გადაზიდვა (რამდენიმე დანიშნულების ქვეყნის არსებობის შემთხვევაში მიეთითება პირველი).

12. გრაფა – 18 ,,გამწევი სატრ. საშ. ნომერი გამგზავნ. საბაჟო ორგანოში“ – გრაფის:

ა) პირველ განყოფილებაში ეთითება:

ა.ა) გამწევი საავტომობილო სატრანსპორტო საშუალების სანომრე ნიშანი;

ა.ბ) სხვა სატრანსპორტო საშუალების შემთხვევაში – გამწევი საშუალების სარეგისტრაციო ნომერი. სარკინიგზო ტრანსპორტის შემთხვევაში – ეთითება რკინიგზის ვაგონების რაოდენობა.

ბ) მეორე განყოფილებაში ეთითება სატრანსპორტო საშუალების (რკინიგზის ვაგონების გარდა) რეგისტრაციის/მფლობელი ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად. იმ შემთხვევაში, როცა:

ბ.ა) სატრანსპორტო საშუალება შედგება რამდენიმე სატრანსპორტო საშუალებისგან, მიეთითება გამწევი სატრანსპორტო საშუალების (საწევარას) რეგისტრაციის/მფლობელი ქვეყნის კოდი (მაგ., რამდენიმე სატრანსპორტო საშუალებისგან შემდგარი სატვირთო ავტოსატრანსპორტო საშუალების მითითებისას ეთითება საწევარას სანომრე ნიშანი და რეგისტრაციის ქვეყნის კოდი);

ბ.ბ) ავტოსატრანსპორტო საშუალება მოხსნილია რეგისტრაციიდან, დროებითი სანომრე ნიშნის გამცემი ქვეყნის კოდი.

13. გრაფა 19 – ,,კტ.“– როცა საქონელი:

ა) არ გადაიზიდება კონტეინერით, გრაფა რჩება ცარიელი;

ბ) გადაიზიდება კონტეინერით, შემვსები პირის მიერ გრაფაში მონაცემის შეტანისას ავტომატურად ეთითება შესაბამისი სიმბოლო, რომლის შედეგად შესაძლებელი გახდება 31-ე გრაფის, კონტეინერის შესახებ მონაცემის შესატან სპეციალურ ნაწილში, ინფორმაციის შეტანა.

14. გრაფა 21 ,,სატრანსპორტო საშუალება გამგზავნ საბაჟო ორგანოში“ – გრაფაში აღინიშნება იმ სატრანსპორტო საშუალების (სტაციონარული სატრანსპორტო მოწყობილობის (კონტეინერი, მისაბმელი, ნახევარმისაბმელის) გარდა) მონაცემები, რომლითაც საქონელი წარდგენილ იქნა გამგზავნ საბაჟო ორგანოში, გრაფის:

ა) პირველ ნაწილში მიეთითება სარეგისტრაციო მონაცემი (ავტოტრანსპორტის მარკა, მოდელი, საზღვაო, საჰაერო ხომალდის დასახელება, საჰაერო ხომალდის რეისის, ბორტის ნომერი, მისაბმელის (ნახევარმისაბმელი) ნომერი) (არ მიეთითება სარკინიგზო ვაგონის ნომერი);

ბ) მეორე ნაწილში მიეთითება სატრანსპორტო საშუალების (რკინიგზის ვაგონების გარდა) რეგისტრაციის/მფლობელი ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ მიხედვით. იმ შემთხვევაში, როცა საავტომობილო სატრანსპორტო საშუალება მოხსნილია რეგისტრაციიდან – დროებითი სანომრე ნიშნის გამცემი ქვეყნის კოდი.

15. გრაფა 25 ,,ტრანსპორტის სახე“ – გრაფაში ეთითება მე-18 გრაფაში მითითებული სატრანსპორტო საშუალების კოდი კლასიფიკატორის ნაწილი №10-ის – ,,ტრანსპორტის სახეობების კლასიფიკატორის“ მიხედვით.

16. გრაფა 27 ,,დანიშნულების ადგილი“ – გრაფაში ეთითება არასაბაჟო ორგანოს ხუთნიშნა ციფრული კოდი დანიშნულების ადგილის კლასიფიკატორის მიხედვით, რომელიც მტკიცდება შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით და ცხადდება საჯაროდ საქართველოს ზოგადი ადმინისტრაციული კოდექსის 57-ე მუხლის შესაბამისად.

17. გრაფა 31 – ,,ადგილების აღწერა და რაოდ.“– გრაფაში:

ა) ,,საქონლის აღწერა“ – ეთითება:

ა.ა) გრაფის პირველ ნაწილში მოწმობის 33-ე გრაფაში მითითებული თითოეული სასაქონლო კოდის შესაბამისად საქონლის სავაჭრო ნიშანი, ხოლო სარკინიგზო გადაზიდვების შემთხვევაში – ივსება რკინიგზის თითოეულ ვაგონზე და მიეთითება მხოლოდ ვაგონის ნომერი, რომელშიც განთავსებულია ეს საქონელი;

ა.ბ) მოწმობის 33-ე გრაფაში ხუთზე მეტი სასაქონლო კოდის მითითების აუცილებლობისას, როცა მოწმობა ივსება საბაჟო ორგანოს მოხელის მიერ, პირველ ფურცელზე გრაფის პირველ ნაწილში მიეთითება სიტყვა ,,სხვადასხვა“, ხოლო სატრანსპორტო ზედდებულში მითითებული პირველი ხუთი საქონლის სასაქონლო კოდი მიეთითება დამატებით ფურცლებზე (სარკინიგზო ტრანსპორტით გადაადგილებულის გარდა);

ა.გ) საქართველოს საგადასახადო კოდექსის 270⁵ მუხლის ,,ლ“ ქვეპუნქტით დადგენილ დაუბეგრავ მინიმუმზე მეტი საქონლის გადამაადგილებელი ავტოსატრანსპორტო საშუალების შემოსვლისას (მ.შ. უცხო ქვეყნის მოქალაქეთა მიერ საქართველოს საბაჟო ტერიტორიაზე გადაადგილებულ უცხოეთში რეგისტრირებულ ავტოსატრანსპორტო საშუალებებზე) პირველ განყოფილებაში სიტყვა ,,სხვადასხვა“, ხოლო მეორე განყოფილებაში მიეთითება შეფუთვის – ,,ტომრის“ შესატყვისი კოდი;

ა.დ) საქართველოს საბაჟო ტერიტორიაზე საქართველოში არარეგისტრირებული, ცარიელი ავტოსატრანსპორტო საშუალების თავის სვლით გადაადგილებისას მიეთითება ავტოსატრანსპორტო საშუალების მონაცემები (მარკა, მოდელი, გამოშვების წელი და სხვა).

ბ) ,,სატვირთო ადგილების რაოდენობა, სახეობა“ – შემდეგი რიგითობით ეთითება მონაცემები:

ბ.ა) პირველ განყოფილებაში – სატვირთო ადგილების რაოდენობა;

ბ.გ) მესამე განყოფილებაში – მეორე განყოფილებაში ამორჩეული კოდის შესაბამისი შეფუთვის დასახელება (ივსება სისტემის მიერ ავტომატურად);

გ) ,,კონტეინერის №“ – შესაძლებელია მიეთითოს მხოლოდ 2 კონტეინერის საიდენტიფიკაციო ნომერი (კონტეინერის ნომერი არ ეთითება სარკინიგზო გადაზიდვების შემთხვევაში);

დ) საქონლის რამდენიმე კოდის (სარკინიგზო ტრანსპორტის შემთხვევაში აგრეთვე ერთზე მეტი ვაგონის) მითითების შემთხვევაში სისტემაში დაშვებული პირი ან საბაჟო ორგანოს მოხელე (მხოლოდ საქონლის ხუთი კოდის) პროგრამაში ,,ერთეულის დამატება“ ბრძანების მიცემის მეშვეობით ამატებს დამატებით ფურცელს, რომელიც შეიცავს მხოლოდ 31-ე, 32-ე, 33-ე, 35-ე, 38-ე, მე-40 და 44-ე გრაფებს. აღნიშნული გრაფები ივსება ამ ინსტრუქციით დადგენილი წესით;

ე) გრაფის ქვედა განყოფილებაში ეთითება საქონლის დასახელება და სხვა მონაცემები, რაც იძლევა საქონლის იდენტიფიცირების საშუალებას. ხოლო საქართველოს საბაჟო ტერიტორიაზე საქართველოში არარეგისტრირებული, ცარიელი ავტოსატრანსპორტო საშუალების თავის სვლით გადაადგილებისას მიეთითება ავტოსატრანსპორტო საშუალების საიდენტიფიკაციო ნომერი (VIN).

18. გრაფა 32 – ,,საქ.№“– სისტემის მიერ ავტომატურად ეთითება 31-ე გრაფაში მითითებული საქონლის რიგითი ნომერი.

19. გრაფა 33 – ,,საქონლის კოდი“ – გრაფაში ეთითება 31-ე გრაფაში მითითებული საქონლის კოდი საგარეო ეკონომიკური საქმიანობის ეროვნული სასაქონლო ნომენკლატურის შესაბამისად:

ა) ორნიშნა დონეზე, ამასთან, შესაბამისი ჯგუფის ორნიშნა რიცხვის მითითების შემდგომ ეთითება ორი ციფრი ,,00“;

ბ) ოთხნიშნა დონეზე – იმ საქონლის შემთხვევაში, რომლის შემოტანისთვის ან/და გატანისათვის საქართველოს კანონმდებლობით მოითხოვება ლიცენზია ან/და ნებართვა;

გ) ,,0000“ – 31-ე გრაფაში სიტყვა ,,სხვადასხვა“ მითითებისას;

დ) რვანიშნა დონეზე – აქციზური საქონლის (მსუბუქი ავტომანქანის შემთხვევაში ოთხნიშნა), აგრეთვე ნავთობის მსუბუქი, საშუალო, მძიმე დისტილატების შემთხვევაში.“;

20. გრაფა 35 – ,,ბრუტო წონა“ – გრაფაში ეთითება 31-ე გრაფაში მითითებული საქონლის მთლიანი წონა კილოგრამებში სატრანსპორტო დოკუმენტაციის მიხედვით (სატრანსპორტო დოკუმენტაციაში ბრუტო წონის შესახებ სხვადასხვა მონაცემის არსებობისას მიეთითება უმცირესი მონაცემი), რომელიც მოიცავს საქონლის საერთო წონას ყველა სახის შეფუთვასთან ერთად. ამასთან, გრაფაში მონაცემი აღინიშნება მთელი რიცხვის სახით (0,001-დან 0,499 ჩათვლით მრგვალდება – 0, ხოლო 0,500-დან 0,999 ჩათვლით მრგვალდება – 1). მხოლოდ იმ შემთხვევაში, როცა სატრანსპორტო დოკუმენტაცია არ შეიცავს საქონლის ბრუტო წონის შესახებ ინფორმაციას, აღნიშნულ გრაფაში მიეთითება საერთო წონა საქონლის ან/და სატრანსპორტო საშუალების ფიზიკური აწონვის მონაცემის საფუძველზე. ამ შემთხვევაში მოწმობის 44-ე გრაფაში ,,სატრ. დოკუმენტები“ სავალდებულოა მიეთითოს შესაბამისი კოდი კლასიფიკატორის ნაწილი 11-ის – ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარდგენილი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით.

21. გრაფა 38 – ,,ნეტო წონა“ – გრაფაში ეთითება 31-ე გრაფაში მითითებული საქონლის ნეტო წონა კილოგრამებში, სატრანსპორტო დოკუმენტაციის მიხედვით (სატრანსპორტო დოკუმენტაციაში ნეტო წონის შესახებ სხვადასხვა მონაცემის არსებობისას მიეთითება უმცირესი მონაცემი), რომელიც მოიცავს საქონლის წონას ყველა სახის შეფუთვის გარეშე. იმ შემთხვევაში, თუ საქონლის წონა 1 კგ-ზე ნაკლებია (მაგ., ძვირფასი ლითონები), 38-ე გრაფაში ჩაიწერება – 1. იმ შემთხვევაში, როცა სატრანსპორტო დოკუმენტაციაში არ არის მითითებული ნეტო წონის შესახებ ინფორმაცია, აღნიშნული გრაფა არ ივსება.

22. გრაფა 40 – ,,საერთო დეკლარაცია/წინმსწრები დოკუმენტი“ – გრაფაში ეთითება წინმსწრები მოწმობის (დეკლარაციის) სარეგისტრაციო ნომერი.

23. გრაფა 44 – ,,სატრ. დოკუმენტები“ – გრაფის:

ა) პირველ განყოფილებაში მიეთითება სისტემაში ინტეგრირებული მზა მონაცემებიდან ამორჩეული, მოწმობასთან ერთად საქონლის საბაჟო ტერიტორიაზე შემოტანის, ან ტერიტორიიდან გატანის, ან ტერიტორიაზე გადაადგილებისთვის სავალდებულოდ (ლიცენზია, ნებართვა, სერტიფიკატი ან სხვა) წარსადგენი, აგრეთვე საბაჟო ორგანოში წარდგენილი სხვა დოკუმენტების კოდები კლასიფიკატორის ნაწილი №11-ის ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით;

ბ) მეორე განყოფილებაში:

ბ.ა) სისტემის მიერ ავტომატურად ეთითება ამორჩეული კოდის შესაბამისი დოკუმენტის დასახელება. მოწმობის შემვსები ვალდებულია წაშალოს ავტომატურად გამოსახული მონაცემი და მიუთითოს დოკუმენტის ინდივიდუალური ნომერი. სატრანსპორტო საშუალების გამგზავნ საბაჟო ორგანოში აწონვის შემთხვევაში მიეთითება წონა ციფრებით კგ-ში;

ბ.ბ) საბაჟო ორგანოს მოხელის მიერ მიეთითება საქონლის გადაადგილების საბაჟო მარშრუტი, იმ შემთხვევაში, როცა ავტოსატრანსპორტო საშუალების საგაბარიტო პარამეტრები ან/და დატვირთვა აღემატება კანონმდებლობით ნებადართულ მაჩვენებლებს და შეუძლებელია ასეთი პარამეტრების კორექტირება ან/და ტვირთი არ ექვემდებარება დაშლა-დანაწილებას გამგზავნ საბაჟო ორგანოში;

გ) მესამე განყოფილებაში მოწმობის შემვსების მიერ მიეთითება მეორე განყოფილებაში მითითებული დოკუმენტის გაცემის (რეგისტრაციის) თარიღი, სისტემაში ინტეგრირებული კალენდრის მეშვეობით.

24. გრაფა 50 – გრაფის:

ა) განყოფილებაში ,,პრინციპალი“ მიეთითება ,,000“, სისტემის მიერ ავტომატურად ეთითება სიტყვა ,,საერთაშორისო გადაზიდვა“;

ბ) განყოფილებაში ,,წარმდგენი“ მიეთითება სატრანსპორტო დოკუმენტების გამგზავნ საბაჟო ორგანოში წარმდგენი ფიზიკური პირის სახელი, გვარი;

გ) განყოფილებაში ,,თარიღი“ მიეთითება ამ პუნქტის ,,ბ“ ქვეპუნქტში მითითებული ფიზიკური პირის პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი;

დ) საქართველოს საბაჟო ტერიტორიაზე საქონლის გადაადგილებისას TIR წიგნაკის წარდგენის შემთხვევაში:

დ.ა) განყოფილებაში ,,პრინციპალი“ მიეთითება ,,111“, სისტემის მიერ ავტომატურად ეთითება სიტყვა ,,TIR წიგნაკი“;

დ.ბ) განყოფილებაში ,,წარმდგენი“ მიეთითება TIR წიგნაკის გამგზავნ საბაჟო ორგანოში წარმდგენი ფიზიკური პირის სახელი, გვარი;

დ.გ) განყოფილების ,,თარიღი“ პირველ ნაწილში მიეთითება ამ პუნქტის ,,დ.ბ“ ქვეპუნქტში მითითებული ფიზიკური პირის პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი;

დ.დ) განყოფილების ,,თარიღი“ მეორე ნაწილში ეთითება TIR წიგნაკის გაცემის თარიღი, სისტემაში ინტეგრირებული ,,კალენდრიდან’’ თარიღის არჩევის მეშვეობით;

ე) განყოფილებაში ,,პრინციპალი“:

ე.ა) საქართველოს საბაჟო ტერიტორიაზე საქონლის საჰაერო ან საზღვაო ტრანსპორტით გადაადგილების შემთხვევაში მიეთითება ,,222“, სისტემის მიერ ავტომატურად ეთითება სიტყვა ,,საჰაერო ან საზღვაო;

ე.ბ) საქართველოს საბაჟო ტერიტორიაზე საქონლის სარკინიგზო ტრანსპორტით გადაადგილდების შემთხვევაში მიეთითება ,,333“, სისტემის მიერ ავტომატურად ეთითება სიტყვა ,,რკინიგზა“;

ე.გ) საქართველოს საბაჟო ტერიტორიაზე საქონლის გადაადგილებისას, როცა საქონლის მიმღები პირი, რომელსაც წარმოეშვა ან შეიძლება წარმოეშვას საბაჟო ვალდებულება, სახელმწიფო ხელისუფლების ან ადგილობრივი თვითმმართველობის ორგანოა მიეთითება ,,444“, სისტემის მიერ ავტომატურად ეთითება სიტყვა ,,სახ. ორგანო“;

ე.დ) საქართველოს საბაჟო ტერიტორიაზე ნებისმიერი საბაჟო დამუშავების ოპერაციის ქვეშ მოქცეული ან მისთვის განკუთვნილი, აგრეთვე საბაჟო დამუშავების ოპერაციის განსაზღვრამდე 20-დღიანი ვადით შემოტანილი სეს ესნ-ის 8702, 8703, 8704, 8705 და 8711 კოდებით გათვალისწინებული საქონლის თავისი სვლით გადაადგილების ან სხვა სატრანსპორტო საშუალებით გადაზიდვის შემთხვევაში მიეთითება ,,777“, სისტემის მიერ ავტომატურად ეთითება სიტყვა ,,სატრ. საშუალება“;

ე.ე) ჰუმანიტარული, გრანტის ან დიპლომატიური საქონლის სტატუსით საქონლის გადაადგილების შემთხვევაში მიეთითება ,,888“, სისტემის მიერ ავტომატურად ეთითება სიტყვა ,,ჰუმ. გრანტ. დიპ.“;

ე.ვ) საქონლის საქართველოს საბაჟო ტერიტორიაზე გადაადგილებისას, იმ შემთხვევაში, როცა საქონლის მიმღები არის საბაჟო გადასახდელებისაგან (მათ შორის, საბაჟო მოსაკრებლის გარეშე) საერთაშორისო ხელშეკრულებების შესაბამისად გათავისუფლებული პირი მიეთითება ,,999“, სისტემის მიერ ავტომატურად ეთითება სიტყვა ,,საერთაშ.“;

ე.ზ) ექსპორტის საბაჟო რეჟიმით საქონლის გადაადგილების შემთხვევაში მიეთითება ,,10000“, სისტემის მიერ ავტომატურად ეთითება სიტყვა ,,ექსპორტი.“;

ე.თ) ,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანებით დამტკიცებული ,,ნედლი ნავთობისა და მისი გადამუშავებით მიღებული საქონლის (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით) ნუსხით“ (დანართი №12) გათვალისწინებულ საქონლის გადაადგილებისას მიეთითება ,,20000“, სისტემის მიერ ავტომატურად ეთითება სიტყვა ,,წინასწარი“;

ე.ი) საქართველოს საბაჟო ტერიტორიაზე ფიზიკური პირის მიერ მსუბუქი ავტომანქანით პირადი სარგებლობის ნივთების გადაადგილების შემთხვევაში მიეთითება ,,40000“, სისტემის მიერ ავტომატურად ეთითება სიტყვა ,,პირ. სარგ’’.

25. გრაფა 52 ,,გარანტია“ – გრაფაში:

ა) გამგზავნ საბაჟო ორგანოში საბაჟო ვალდებულების წარმოშობის შემთხვევაში ამ საბაჟო ვალდებულების შესრულების მიზნით ინდივიდუალური გარანტიის წარდგენის შემთხვევაში:

ა.ა) პირველ განყოფილებაში მიეთითება გარანტიის დამადასტურებელი დოკუმენტის ნომერი;

ა.ბ) მეორე განყოფილებაში მიეთითება გარანტიის სახეობის კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“ (დანართი №4) მიხედვით;

ა.გ) მესამე განყოფილებაში – გარანტიის გამცემი პირის გადასახადის გადამხდელის საიდენტიფიკაციო ნომერი;

ბ) საქართველოს საბაჟო ტერიტორიაზე საქონლის გადაადგილებისათვის TIR წიგნაკის წარდგენის შემთხვევაში:

ბ.ა) პირველ განყოფილებაში მიეთითება TIR წიგნაკის სერია და ნომერი (სასვენი ნიშნების, შორისის და დეფისის გარეშე);

ბ.ბ) მეორე განყოფილებაში TIR წიგნაკის იმ მოსახევი ფურცლის (ვაუჩერის) რიგითი ნომერი (მითითებულია ფურცლის მარცხენა კიდეზე წითელი შრიფტით PAGE), რომლითაც ხორციელდება საქართველოს საბაჟო ტერიტორიაზე საქონლის კონტროლზე აყვანა;

ბ.გ) მესამე განყოფილებაში – TIR წიგნაკის ყდის მე-2 და მე-3 გრაფების ან მოსახევი ფურცლის მე-4 გრაფაში დასმული სატრანსპორტო ფირმის გარანტიის სახეობის ან გარანტიის წარდგენისაგან გათავისუფლების კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“ (დანართი №4) მიხედვით;

გ) სხვა შემთხვევაში მიეთითება გარანტიის წარდგენისაგან გათავისუფლების კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“ (დანართი N4) მიხედვით.

26. გრაფა 53 ,,დანიშნულების საბაჟო და ქვეყანა“ – გრაფაში გამგზავნი საბაჟო ორგანოს მოხელის მიერ მიეთითება:

ა) დანიშნულების საბაჟო ორგანოს კოდი კლასიფიკატორის ნაწილი №2-ის – ,,საბაჟო ორგანოებისა და საბაჟო დამუშავების ოპერაციების ადგილების კლასიფიკატორის“ მიხედვით (საბაჟო ორგანოს შესაბამისი კოდის სისტემაში ინტეგრირებული მზა მონაცემებიდან ამორჩევისას სისტემის მიერ ავტომატურად ეთითება საბაჟო ორგანოს დასახელება);

ბ) დანიშნულების ქვეყანა – ეთითება იმ ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ მიხედვით, სადაც სატრანსპორტო დოკუმენტაციაში დაფიქსირებული ინფორმაციით დასრულდება საქონლის საერთაშორისო გადაზიდვა. საქართველოს შემთხვევაში აღნიშნული გრაფა არ ივსება.

27. გრაფა 54 – ,,პასუხისმგებელი პირის ხელმოწერა“ – გრაფაში:

ა) საქონლის რკინიგზით გადაადგილების დროს მიეთითება საქართველოს რკინიგზა, გამოწერილ მოწმობაზე დაესმება რკინიგზის დამღა (ბეჭედი) და უფლებამოსილი პირის ხელმოწერა;

ბ) მიეთითება მონაცემები გადამზიდველის შესახებ:

ბ.ა) საქართველოში გადასახადის გადამხდელად რეგისტრირებული გადამზიდველის შემთხვევაში გადასახადის გადამხდელის საიდენტიფიკაციო ნომერი;

ბ.ბ) იმ შემთხვევაში, როცა გადამზიდველი არ არის რეგისტრირებული საქართველოში გადასახადის გადამხდელად მიეთითება გადამზიდველის დასახელება, შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით განსაზღვრულ შემთხვევაში სასაზღვრო საბაჟო ორგანოში რჩება სატრანსპორტო ზედდებულის ასლი მოწმობის პირველ ეგზემპლიართან ერთად;

ბ.გ) იმ შემთხვევაში, როცა საერთაშორისო გადაზიდვის დამადასტურებელ დოკუმენტში გადამზიდველის გრაფა ცარიელია ან სხვა გრაფაში არ არის მითითებული გადამზიდველის თაობაზე ინფორმაცია, მიეთითება მძღოლის სახელი და გვარი;

გ) აწერს ხელს სატრანსპორტო საშუალების გადამაადგილებელი პასუხისმგებელი პირი.

28. გრაფა 55 – ,,გადატვირთვა“ – საქართველოს საბაჟო კოდექსის 46-ე მუხლით გათვალისწინებულ შემთხვევაში საქონლის მფლობელის/მესაკუთრის მოთხოვნის საფუძველზე საბაჟო ორგანოს უფლებამოსილი პირი ვალდებულია საქონლის ერთი სატრანსპორტო საშუალებიდან სხვა სატრანსპორტო საშუალებაში, ან/და კონტეინერიდან კონტეინერში საბაჟო ზედამხედველობით გადატვირთვის ოპერაციის დასრულებისთანავე, გამოწერილ მოწმობაში ხელით, ხოლო მომდევნო სამუშაო დღის 12 საათამდე სისტემაში, შეიტანოს გადატვირთვის შესახებ ამ პუნქტის ,,ა“, ,,ბ“, ,,გ“, ,,დ“, ,,ე“და ,,ვ“ ქვეპუნქტებში მითითებული მონაცემები, კერძოდ:

ა) ,,ადგილი და ქვეყანა“ – მიეთითება ადმინისტრაციული ერთეულისა და დასახლებული პუნქტის (თუ გადატვირთვის აუცილებლობა წარმოიშვა დასახლებული პუნქტის ადმინისტრაციულ ტერიტორიაზე) დასახელება;

ბ) ,,ახალი სატრანს. საშ. იდენტ.“ ახალი სატრანსპორტო საშუალების შესახებ მოწმობის მე-18 გრაფაში მონაცემების შეტანისთვის დადგენილი წესით;

გ) ,,კტ“ახალ კონტეინერში საქონლის გადატვირთვისას კონტეინერის ველის გასააქტიურებელ კვადრატში დასვას ციფრი ,,1“და მეორე ნაწილში მიუთითოს კონტეინერის ნომერი. იმ შემთხვევაში, თუ არ ხდება ახალ კონტეინერში საქონლის ჩატვირთვა, აღნიშნულ კვადრატში ეთითება ,,0“.

დ) ,,ახალი კონტეინ. იდენტ“ ივსება, როცა განყოფილებაში ,,კტ“ მითითებულია კოდირებული მონაცემი ,,1“, ასეთ დროს ეთითება გამგზავნი საბაჟო ორგანოს მოხელის მიერ დადებული ლუქების რაოდენობა (ციფრებით).

ე) ,,ლუქის ახალი №№“:

ე.ა) ეთითება შემდეგი კოდირებული ციფრული მონაცემები:

ე.ა.ა) 0 – იმ შემთხვევაში, როცა არ არის საჭირო ლუქების დადება (მაგ. დიდგაბარიტიანი საქონელი);

ე.ა.ბ) 1 – მხოლოდ სარკინიგზო გადაზიდვის შემთხვევაში, როცა რკინიგზის მიერ არ არის მოწოდებული ინფორმაცია ლუქების დადების შესახებ;

ე.ა.გ) 2 – მხოლოდ სარკინიგზო გადაზიდვის შემთხვევაში, როცა რკინიგზის მიერ მოწოდებულია ინფორმაცია ლუქების დადების შესახებ;

ე.ა.დ) 5 – როცა სატრანსპორტო საშუალებაზე იდება ლუქები;

ე.ბ.) ,,იდენტ.“ – გრაფის განყოფილებაში ,,ლუქის ახალი №№“კოდირებული მონაცემის ,,5“ მითითებისას, მიეთითება აგრეთვე ლუქის ნომერი (რამდენიმე ლუქის შემთხვევაში – პირველი და ბოლო ლუქის ნომერი, რომლებიც ერთმანეთისგან გამოიყოფა მძიმით). ლუქის ნომრები მძიმით გამოიყოფა;

ვ) ,,ხელმოწერა“, ,,ბეჭედი“ – მონაცემების სინამდვილის დადასტურებისთვის მოაწეროს ხელი და დასვას პირადნომრიანი ბეჭედი.

29. მოწმობის ელექტრონული ფორმატის 56-ე გრაფაში – ,,გადაადგილებისას მომხდარი ინციდენტი“ – 55-ე გრაფის შევსების შემთხვევაში ან სხვა საჭიროებისას ელექტრონულად საბაჟო ორგანოს მოხელის მიერ ეთითება მოკლე ინფორმაცია (მ.შ. საბაჟო ორგანოში აღნიშნულის შესახებ შეტყობინების მიღების თარიღი და დრო) გადაადგილებისას მომხდარი ავარიის ან სხვა დაუძლეველი ძალის თაობაზე, აგრეთვე მოწმობის დახურვის არასწორად რეგისტრირების შემთხვევაში მოწმობის დახურვის რეგისტრაციის გაუქმებისას.

საქართველოს ფინანსთა მინისტრის 2007 წლის 14 მარტის ბრძანება №208 - სსმ III, 15.03.2007, №35, მუხ.413

საქართველოს ფინანსთა მინისტრის 2008 წლის 9 იანვრის ბრძანება №8 - სსმ III, 09.01.2008, №3, მუხ.45

საქართველოს ფინანსთა მინისტრის 2010 წლის 30 ივნისის ბრძანება №535 - სსმ III, 05.07.2010, №79, მუხ.1149

მუხლი 11¹. გამგზავნ საბაჟო ორგანოში კონტროლის შედეგებთან დაკავშირებით მოწმობის გრაფების შევსების წესი

1. გრაფა ,,მოწმობის ნომერი“ – ავტომატურად ივსება სისტემის მიერ, გამგზავნ საბაჟო ორგანოში მოწმობის რეგისტრაციისას და ენიჭება ,,D“ ნომერი და მიეთითება მოწმობის გამოწერის თარიღი.

2. გრაფა A – ,,გამგზავნი საბაჟო ორგანო“ – ეთითება გამგზავნი საბაჟო ორგანოს კოდი კლასიფიკატორის ნაწილი №2-ის ,,საბაჟო ორგანოებისა და საბაჟო დამუშავების ოპერაციების ადგილების კლასიფიკატორის“ მიხედვით (საბაჟო ორგანოს შესაბამისი კოდის სისტემაში ინტეგრირებული მზა მონაცემებიდან ამორჩევისას სისტემის მიერ ავტომატურად ეთითება საბაჟო ორგანოს დასახელება).

3. გრაფა D – ,,გამგზავნი საბაჟო ორგანოს კონტროლი“ – გრაფა ივსება გაგზავნის საბაჟო ორგანოში, სადაც აისახება საბაჟო კონტროლის შედეგები, კერძოდ:

ა) გრაფის განყოფილებაში ,,შედეგი“ – მიეთითება:

ა.ა) A1 (ამასთან, ლათინური ასო A სავალდებულოა მიეთითოს დიდი შრიფტით), როცა სასაზღვრო საბაჟო ორგანოში განხორციელებული სატრანსპორტო საშუალების გარეგანი (ვიზუალური) დათვალიერების შედეგად საბაჟო კონტროლის შედეგი დამაკმაყოფილებელია;

ა.ბ) A3 (ამასთან, ლათინური ასო A სავალდებულოა მიეთითოს დიდი შრიფტით) – ,,ექვემდებარება დათვალიერებას“;

ა.გ) ექვსციფრა კოდი ,,სამართალდარღვევათა კლასიფიკატორის“ (დანართი №3) მიხედვით და შემდეგ მიეთითება სამართალდარღვევის ოქმის ნომერი (სერიის მითითების გარეშე), იმ შემთხვევაში, როცა გამგზავნ საბაჟო ორგანოში განხორციელებული საბაჟო კონტროლის შედეგად გამოვლენილია საბაჟო ორგანოს ქვემდებარე სამართალდარღვევის ფაქტი. ექვსციფრა კოდი და სამართალდარღვევის ოქმის ნომერი ერთმანეთისგან მძიმით გამოიყოფა;

ბ) გრაფის განყოფილება ,,ლუქი“ – ეთითება:

ბ.ა) შემდეგი კოდირებული მონაცემები:

ბ.ა.ა) 0 – იმ შემთხვევაში, როცა არ არის საჭირო ლუქების დადება;

ბ.ა.ბ) 1 – მხოლოდ სარკინიგზო გადაზიდვის შემთხვევაში, როცა სარკინიგზო ზედნადებში არ არის მითითებული ლუქების შესახებ ინფორმაცია;

ბ.ა.გ) 2 – მხოლოდ სარკინიგზო გადაზიდვის შემთხვევაში, როცა სარკინიგზო ზედნადებში მითითებულია ლუქების შესახებ ინფორმაცია;

ბ.ა.დ) 3 – იმ შემთხვევაში, როცა გამგზავნ საბაჟო ორგანოში წარდგენილ სატრანსპორტო საშუალებაზე უკვე დადებულია ლუქები და გამგზავნი საბაჟო ორგანოს მოხელის მიერ არ ხდება სატრანსპორტო საშუალების გადალუქვა;

ბ.ა.ე) 4 – იმ შემთხვევაში, როცა გამგზავნ საბაჟო ორგანოში წარდგენილ სატრანსპორტო საშუალებაზე არ არის დადებული ლუქები და გამგზავნი საბაჟო ორგანოს მოხელის მიერ ხდება სატრანსპორტო საშუალების დალუქვა;

ბ.ა.ვ) 5 – იმ შემთხვევაში, როცა გამგზავნ საბაჟო ორგანოში წარდგენილ სატრანსპორტო საშუალებაზე დადებულია ლუქები და გამგზავნი საბაჟო ორგანოს მოხელის მიერ ხდება სატრანსპორტო საშუალების დამატებით დალუქვა;

გ) განყოფილება ,,იდენტ“ ივსება განყოფილებაში ,,ლუქი“ კოდირებული მონაცემის ,,4“ ან ,,5“ მითითების შემთხვევაში. ეთითება გამგზავნი საბაჟო ორგანოს მოხელის მიერ დადებული ლუქების რაოდენობა (ციფრებით) და მძიმის შემდეგ მიეთითება ლუქის ნომერი (რამდენიმე ლუქის შემთხვევაში – პირველი და ბოლო ნომერი, რომლებიც ერთმანეთისგან გამოიყოფა მძიმით);

დ) გრაფის განყოფილებაში ,,ვადა“ – ეთითება გამგზავნი საბაჟო ორგანოს მიერ დანიშნულების საბაჟოში, ან დანიშნულების ადგილზე გამოცხადების თარიღი. სისტემაში ინტეგრირებული კალენდრიდან გამგზავნი საბაჟო ორგანოს მოხელე ირჩევს თარიღს და დროს. იმ შემთხვევაში, როცა გამოცხადების ვადა აღემატება ერთ დღეს, გამოცხადების დროდ ჩაითვლება გამოცხადების დღის 24.00 საათი. იმ შემთხვევაში, როცა გამოცხადების ვადა არ აღემატება ერთ დღეს, გამგზავნი საბაჟო ორგანოს მოხელე ვალდებულია მიუთითოს დანიშნულების საბაჟოში, ან დანიშნულების ადგილზე გამოცხადების ზუსტი დრო.

მუხლი 12. (ამოღებულია)

მუხლი 13

1. საქონლის დანიშნულების ადგილზე – არასაბაჟო ორგანოში წარდგენის დადასტურების მიზნით ხდება დამოწმება საბაჟო საწყობის ან უბაჟო ვაჭრობის პუნქტის, ან საბაჟო-სავაჭრო თანამშრომლობის მონაწილის საწყობის, ან შენახვის სხვა ადგილის მფლობელის მიერ – მოწმობის უკანა გვერდზე გაკეთებული აღნიშვნით (ბეჭედი, ხელმოწერა, თარიღი და დრო). საბაჟო საწყობი ან უბაჟო ვაჭრობის პუნქტი ან საბაჟო-სავაჭრო თანამშრომლობის მონაწილე ვალდებულია, მოწმობის დამოწმებიდან არა უგვიანეს 1 საათისა, სისტემაში ელექტრონულად დაადასტუროს გამოცხადება. ამ მიზნით მოწმობის ელექტრონული ფორმატის დამატებით ფურცელში გრაფა „I“-ის განყოფილებაში „გამოცხადების თარიღი“ სისტემაში ინტეგრირებული კალენდრიდან ამოირჩევა თარიღი და სისტემის მიერ ავტომატურად ეთითება დრო. საბაჟო ორგანოს მოხელე ვალდებულია მოახდინოს მოწმობის რეგისტრაცია ამ მუხლის მე-3 პუნქტით დადგენილი წესით.

2. სარკინიგზო გადაზიდვების შემთხვევაში – რკინიგზის მიერ სარკინიგზო ზედნადებზე და მოწმობის უკანა გვერდზე გაკეთებული აღნიშვნით (დამღა, ხელმოწერა, თარიღი და დრო). დამოწმებული მოწმობისა და სარკინიგზო ზედნადების საბაჟო ორგანოსათვის გადაცემის ვალდებულება ეკისრება სარკინიგზო ზედნადებში მითითებულ ტვირთმიმღებს, ხოლო ექსპორტის და საბაჟო ტერიტორიის გარეთ საქონლის გადამუშავების საბაჟო რეჟიმების გამოყენებისას, საბაჟო საწყობში საქონლის შენახვის, საბაჟო ტერიტორიაზე საქონლის გადამუშავების ან საქონლის დროებითი შემოტანის საბაჟო რეჟიმებში მყოფი საქონლის საბაჟო ტერიტორიიდან რეექსპორტით გატანისას, აგრეთვე დროებითი დასაწყობების ადგილიდან საქონლის რეექსპორტისას, თავისუფალ მიმოქცევაში გაშვებული დეფექტური საქონლის ან საქართველოს საქონლის სტატუსის ჩამორთმევისას უკან დაბრუნების შემთხვევაში რეექსპორტისას – ტვირთგამგზავნს. სისტემაში საქონლის გამოცხადების დადასტურება და მოწმობის დახურვა ხორციელდება ამ მუხლის მე-3 პუნქტით დადგენილი წესით მოწმობის წარდგენისთანავე.

3. სხვა დანარჩენ შემთხვევაში საქონლის ან/და სატრანსპორტო საშუალებების დანიშნულების ადგილზე წარდგენის დადასტურება ხდება დანიშნულების საბაჟო ორგანოს დამღით. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გამოცხადების თარიღს და დროს. ხელმოწერა შესრულებული უნდა იყოს გარკვევით. სრულყოფილად უნდა იკითხებოდეს დამღის ნომერი, წარწერა, თარიღი და დრო. მოწმობის დამოწმებიდან არა უგვიანეს 1 საათისა საბაჟო ორგანოს მოხელე ვალდებულია სისტემაში ელექტრონულად დაადასტუროს გამოცხადების ფაქტი. ამ მიზნით:

ა) მოწმობის ელექტრონული ფორმატის დამატებით ფურცელში გრაფა ,,I“-ში სისტემაში ინტეგრირებული კალენდრიდან ამოირჩევა თარიღი და სისტემის მიერ ავტომატურად ეთითება დრო (რკინიგზის შემთხვევაში ეთითება).

ბ) განყოფილებაში - ,,ლუქების შემოწმება“ ეთითება:

ბ.ა) A1 (ამასთან, ლათინური ასო A სავალდებულოა მიეთითოს დიდი შრიფტით), როცა სატრანსპორტო საშუალების გარეგანი (ვიზუალური) დათვალიერების მეშვეობით განხორციელებული საბაჟო კონტროლის შდეგად დასტურდება სატრანსპორტო საშუალებაზე დადებული ლუქების მთლიანობა;

ბ.ბ) A2 (ამასთან, ლათინური ასო A სავალდებულოა მიეთითოს დიდი შრიფტით), როცა არ ხდება სატრანსპორტო საშუალების გარეგანი (ვიზუალური) დათვალიერება;

ბ.გ) საბაჟო ორგანოს მოხელე ახდენს ამ პუნქტში მითითებული ჩანაწერის ელექტრონულად რეგისტრაციას.

გ) რეგისტრაცია ხორციელდება:

გ.ა) სრული დახურვის მეშვეობით, როცა ხდება მოწმობით გადაადგილებული საქონლის ან/და სატრანსპორტო საშუალების სასაზღვრო საბაჟო ორგანოს გავლით საზღვრის გადაკვეთა ან მოწმობით გადაადგილებული საქონლის უბაჟო ვაჭრობის პუნქტში წარდგენა და მოწმობას ენიჭება დახურვის ნომერი ,,R“;

გ.ბ) არასრული დახურვის მეშვეობით, როცა ხდება საზღვაო ნავსადგურიდან 12 კილომეტრის რადიუსში განლაგებულ საბაჟო საწყობში ან პირიქით (გარდა იმ საქონლისა, რომლის საქართველოს ტერიტორიიდან გატანა ხორციელდება საზღვაო ტრანსპორტის საშუალებით), საბაჟო გამშვები პუნქტი „სარფიდან“ 12 კილომეტრის რადიუსში განთავსებული საბაჟო კონტროლის ზონის (მათ შორის, ტვირთის X-Ray რენტგენული ინსპექტირების სისტემის განთავსების ადგილის) დანიშნულებით საქონლის გადაადგილება და მოწმობას ენიჭება დახურვის ნომერი „R“. მოწმობაში მითითებული საქონლის მთლიან რაოდენობაზე საბაჟო დამუშავების ოპერაციის განმსაზღვრელი სატვირთო საბაჟო დეკლარაციის ან მოწმობის საბაჟო ორგანოში რეგისტრაციისას, საბაჟო ორგანოს თანამშრომელი ვალდებულია ელექტრონულად დახუროს მოწმობა;

გ.გ) სრული დახურვის მეშვეობით, როცა ხდება საბაჟო დამუშავების ოპერაციის განმახორციელებელ საბაჟო ორგანოში მოწმობის და მოწმობაში მითითებული საქონლის მთლიან რაოდენობაზე საბაჟო დამუშავების ოპერაციის განმსაზღვრელი სატვირთო საბაჟო დეკლარაციის წარდგენა. ამ შემთხვევაში მოწმობის ,,I“ გრაფის განყოფილებაში ,,შენიშვნა“ საბაჟო დამუშავების ოპერაციის განმახორციელებელი საბაჟო ორგანოს მიერ მიეთითება სატვირთო საბაჟო დეკლარაციის რეგისტრაციის ნომერი;

გ.დ) არასრული დახურვის მეშვეობით, როცა ხდება საქონლის ან/და სატრანსპორტო საშუალების საბაჟო დამუშავების ოპერაციის განმახორციელებელ საბაჟო ორგანოში ან სხვა დანიშნულების ადგილზე წარდგენა და მოწმობას ენიჭება დახურვის ნომერი ,,R“. მოწმობაში მითითებული საქონლის მთლიან რაოდენობაზე საბაჟო დამუშავების ოპერაციის განმსაზღვრელი სატვირთო საბაჟო დეკლარაციის ან მოწმობის საბაჟო ორგანოში რეგისტრაციისას საბაჟო ორგანოს მოხელე ვალდებულია ელექტრონულად დახუროს მოწმობა;

გ.ე) სრული დახურვის მეშვეობით, როცა ხდება მოწმობით გადაადგილებული, საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8703, 8704, 8705 და 8711 (რომლის ძრავის მუშა მოცულობა 50 სმ³-ზე მეტია) სასაქონლო პოზიციებით გათვალისწინებული სატრანსპორტო საშუალების წარდგენა სსიპ – საქართველოს შინაგან საქმეთა სამინისტროს მომსახურების სააგენტოს განყოფილებებთან შექმნილ საბაჟო კონტროლის ზონებში რეექსპორტის საბაჟო დამუშავების ოპერაციის გაცხადების, საექსპერტო შემოწმების განხორციელებისა და საკუთრების უფლების გადაცემის გარიგებაზე მხარეთა ხელმოწერების ნამდვილობის დადასტურების მიზნით. მოწმობას ენიჭება დახურვის ნომერი ,,R“ და სააგენტოს მიერ გამოიწერება აღრიცხვის მოწმობის ფორმა №2.

გ.ვ) სრული დახურვის მეშვეობით, როცა ხდება მოწმობით გადაადგილებულ საქონელზე ან/და სატრანსპორტო საშუალებაზე ,,საქონლის დროებითი დასაწყობებისა და საბაჟო საწყობში საქონლის შენახვის საბაჟო რეჟიმის გამოყენების წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1759 ბრძანებით დამტკიცებული „საქონლისა და სატრანსპორტო საშუალებების საბაჟო კონტროლის ქვეშ დროებითი შენახვის განაცხადის“ წარდგენა. ამ შემთხვევაში მოწმობის ,,I“ გრაფის განყოფილებაში ,,შენიშვნა“ საბაჟო ორგანოს მიერ მიეთითება განაცხადის რეგისტრაციის ნომერი.

დ) სამართალდარღვევის გამოვლენის შემთხვევაში მიეთითება ექვსციფრა კოდი ,,სამართალდარღვევათა კლასიფიკატორის“ (დანართი №3) მიხედვით და შემდეგ მიეთითება სამართალდარღვევის ოქმის ნომერი (სერიის მითითების გარეშე). ექვსციფრა კოდი და სამართალდარღვევის ოქმის ნომერი ერთმანეთისგან მძიმით გამოიყოფა. საბაჟო ორგანოს მოხელე ახდენს მოწმობაში მითითებული ჩანაწერის ელექტრონულად რეგისტრაციას არასრული დახურვის მეშვეობით. სამართალდამრღვევი პირის მიერ საბაჟო ვალდებულების შესრულებისას საბაჟო ორგანოს მოხელე ვალდებულია ელექტრონულად დახუროს მოწმობა.

4. მოწმობის ,,C’’ გრაფაში დანიშნულების საბაჟოს მიერ დაესმება საბაჟო დამღა – ,,მოხსნილია კონტროლიდან“. დამღაში მითითებულ ადგილზე პასუხისმგებელი მოხელე აწერს ხელს და უთითებს კონტროლიდან მოხსნის თარიღს. ხელმოწერა შესრულებული უნდა იყოს გარკვევით, სრულყოფილად უნდა იკითხებოდეს დამღის ნომერი და წარწერა.

მუხლი 14. განსაკუთრებულ შემთხვევებში მოწმობის გრაფების შევსების წესი

2. გრაფა 2 – ,,ექსპორტიორი“ – მიეთითება:

ა) საქონლის გამგზავნის/ექსპორტიორის, გადასახადის გადამხდელის საიდენტიფიკაციო ნომერი (ასეთის არსებობისას), სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი) და მისამართი. თუ გამგზავნი ერთ პირზე მეტია, გრაფის პირველ რიგში აღინიშნება ,,სხვადასხვა“, ქვედა რიგში – გამგზავნის/ექსპორტიორის შესახებ ინფორმაცია, რომელშიც აისახება გადასახადის გადამხდელის სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი) და მისამართი (ამ შემთხვევაში არ მიეთითება მხოლოდ გადასახადის გადამხდელის საიდენტიფიკაციო ნომერი). სახელწოდება და მისამართი ერთმანეთისგან მძიმით გამოიყოფა;

ბ) ,,უცნობი“ თუ ზოგადი დეკლარირებისთვის წარდგენილ დოკუმენტებში არ არის მითითებული საქონლის გამგზავნი/ექსპორტიორი.

3. გრაფა 3 – ,,ფორმა“ – გრაფის პირველ ნაწილში სისტემის მიერ ავტომატურად ეთითება ფურცლის რიგითი ნომერი, ხოლო მეორე ნაწილში – მოწმობის ძირითადი და დამატებითი ფურცლების საერთო რაოდენობა.

4. გრაფა 4 – გრაფაში მიეთითება საქართველოს საბაჟო ტერიტორიაზე შემოტანილი ან გასატანი, ან გადაადგილებული საბაჟო კონტროლს დაქვემდებარებული საქონლის ან/და სატრანსპორტო საშუალებების მიმართ საბაჟო დამუშავების ოპერაციის გამოყენების განზრახვის, ან სავარაუდოდ გამოსაყენებელი საბაჟო პროცედურის შესახებ შემდეგი ინფორმაცია:

ა) საზღვაო ნავსადგურიდან 12 კილომეტრის რადიუსში განლაგებული საბაჟო საწყობის დანიშნულებით საზღვაო ნავსადგურიდან საქონლის გადაადგილების შემთხვევაში – „03“;

ბ) საზღვაო ნავსადგურიდან 12 კილომეტრის რადიუსში განლაგებული საბაჟო საწყობიდან საზღვაო ნავსადგურის დანიშნულებით საქონლის გადაადგილების შემთხვევაში – „13“.

5. გრაფა 5 – ,,საქ. რაოდ.“ – სისტემის მიერ ავტომატურად ეთითება მოწმობის 31-ე გრაფაში მითითებული საქონლის რიგითი ნომრების საერთო რაოდენობა.

6. გრაფა 6 – ,,ადგ. რაოდენობა“ – ეთითება 31-ე გრაფაში მითითებული საქონლის სატვირთო ადგილების (ყუთები, ქვეში და ა.შ. ეთითება მთლიანი რაოდენობა იმ უმცირესი შეფუთვისა, რომელიც მოცემულია სატრანსპორტო დოკუმენტებში, როგორც სატვირთო ადგილი) საერთო რაოდენობა, რომელიც მოცემულია სატრანსპორტო დოკუმენტებში.

7. გრაფა 7 – ,,საცნობარო ნომერი“ – ეთითება მოწმობის უნიკალური ნომერი, რომელიც ენიჭება სისტემაში დაშვებული თითოეული პირის ან თითოეული საბაჟო ორგანოს მიერ სისტემაში დაშვებული პირის ან საბაჟო ორგანოს მოხელის მიერ მოწმობის ელექტრონულად შევსების რეგისტრაციისას.

8. გრაფა 8 – ,,იმპორტიორი“ – გრაფაში ეთითება:

ა) საქონლის მიმღების:

ა.ა) იურიდიული პირის ან სხვა ორგანიზაციული წარმონაქმნის – სრული სახელწოდება, მისამართი, გადასახადის გადამხდელის საიდენტიფიკაციო ნომერი (ასეთის არსებობისას);

ა.ბ) ფიზიკური პირის – სახელი, გვარი, მისამართი, პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი. ინდივიდუალური საწარმოს შემთხვევაში – გადასახადის გადამხდელის საიდენტიფიკაციო ნომერი;

ბ) თუ საქონლის მიმღები ერთ პირზე მეტია, გრაფის პირველ რიგში აღინიშნება ,,სხვადასხვა“, მომდევნო რიგში მიმღების შესახებ ინფორმაცია, რომელშიც აისახება მათი სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი) და მისამართი (ამ შემთხვევაში არ მიეთითება მხოლოდ გადასახადის გადამხდელის საიდენტიფიკაციო ნომერი). სახელწოდება და მისამართი ერთმანეთისგან მძიმით გამოიყოფა;

გ) თუ ზოგადი დეკლარირებისთვის წარდგენილ დოკუმენტებში არ არის მითითებული საქონლის იმპორტიორი, მიეთითება ,,უცნობი“.

9. გრაფა 14 – ,,დეკლარანტი/წარმომადგენელი“:

ა) გრაფა არ ივსება საბაჟო ორგანოს მიერ მოწმობის შევსებისას;

ბ) სისტემაში დაშვებული პირის მიერ მოწმობის შევსებისას გრაფაში მიეთითება ამ პირის სრული სახელწოდება და მისამართი. გრაფის ზედა ნაწილში ,,№“ ნიშნის შემდეგ აღინიშნება პირის გადასახადის გადამხდელის საიდენტიფიკაციო ნომერი.

10. გრაფა 15 – ,,გამომგზავნი ქვეყანა“ – მიეთითება იმ ქვეყნის დასახელება და კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად, საიდანაც გამოგზავნილია საქონელი სატრანსპორტო დოკუმენტების მიხედვით.

11. გრაფა 17 – ,,დანიშნულების ქვეყანა“ – ეთითება იმ ქვეყნის დასახელება და კოდი, კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად, სადაც სატრანსპორტო დოკუმენტაციაში დაფიქსირებული ინფორმაციით დასრულდება ან შეჩერდება საქონლის საერთაშორისო გადაზიდვა (რამდენიმე დანიშნულების ქვეყნის არსებობის შემთხვევაში მიეთითება პირველი).

12. გრაფა 18 – ,,გამწევი სატრ. საშ. ნომერი გამგზავნ საბაჟო ორგანოში“ – გრაფის:

ა) პირველ განყოფილებაში ეთითება გამწევი საავტომობილო სატრანსპორტო საშუალების სანომრე ნიშანი;

ბ) მეორე განყოფილებაში ეთითება ამ სატრანსპორტო საშუალების რეგისტრაციის/მფლობელი ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად. იმ შემთხვევაში, როცა:

13. გრაფა 19 – ,,კტ.“ – როცა საქონელი:

ა) არ გადაიზიდება კონტეინერით, გრაფა რჩება ცარიელი;

14. გრაფა 21 – ,,სატრანსპორტო საშუალება გამგზავნ საბაჟო ორგანოში“ – გრაფაში აღინიშნება იმ სატრანსპორტო საშუალების (სტაციონარული სატრანსპორტო მოწყობილობის (კონტეინერი, მისაბმელი, ნახევარმისაბმელის) გარდა) მონაცემები, რომლითაც საქონელი წარდგენილ იქნა გამზავნ საბაჟო ორგანოში, გრაფის:

ა) პირველ ნაწილში მიეთითება:

ა.ა) სახეობა (ავტოსატრანსპორტო საშუალება; რკინიგზა, საზღვაო, საჰაერო);

ა.ბ) სარეგისტრაციო მონაცემი (ავტოტრანსპორტის მარკა, მოდელი, საზღვაო, საჰაერო ხომალდის დასახელება, საჰაერო ხომალდის რეისის, ბორტის ნომერი (არ მიეთითება სარკინიგზო ვაგონის ნომერი);

15. გრაფა 25 – ,,ტრანსპორტის სახე“ – გრაფაში ეთითება მე-18 გრაფაში მითითებული სატრანსპორტო საშუალების კოდი კლასიფიკატორის ნაწილი №10-ის– ,,ტრანსპორტის სახეობების კლასიფიკატორის“ მიხედვით.

16. გრაფა 27 “დანიშნულების ადგილი“ – გადაადგილების მიმართულების შესაბამისად, გრაფაში ეთითება: საზღვაო ნავსადგურიდან 12 კილომეტრის რადიუსში მდებარე ან საბაჟო გამშვები პუნქტი „სარფიდან“ 12 კილომეტრის რადიუსში მდებარე საბაჟო საწყობის ხუთნიშნა ციფრული კოდი დანიშნულების ადგილის კლასიფიკატორის მიხედვით, რომელიც მტკიცდება შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით და ცხადდება საჯაროდ საქართველოს ზოგადი ადმინისტრაციული კოდექსის 57-ე მუხლის შესაბამისად, ხოლო ტვირთის X-Ray რენტგენული ინსპექტირების სისტემის განთავსების ადგილის დანიშნულებით გადაადგილების შემთხვევაში დამატებით მიეთითება „S3“. საზღვაო ნავსადგურის მიმართულებით გადაადგილების შემთხვევაში გრაფაში მიეთითება საზღვაო ნავსადგურის ციფრული კოდი კლასიფიკატორის ნაწილი 13-ის – „საქართველოს საბაჟო ტერიტორიაზე მოქმედი საბაჟო საწყობების (ღია ან დახურული), საქონლის დროებითი დასაწყობების, უბაჟო ვაჭრობის პუნქტებისა და შენახვის სხვა ადგილების კლასიფიკატორის“ მიხედვით, ხოლო საბაჟო გამშვები პუნქტი „სარფის“ ან საბაჟო დამუშავების ოპერაციის განხორციელების ადგილის მიმართულებით გადაადგილების შემთხვევა-ში – მიეთითება საბაჟო ორგანოს კოდი კლასიფიკატორის ნაწილი 2-ის – „საბაჟო ორგანოებისა და საბაჟო დამუშავების ოპერაციების ადგილების კლასიფიკატორის“ მიხედვით.

17. გრაფა 31 – ,,ადგილების აღწერა და რაოდ.“ – გრაფაში:

ა) ,,საქონლის აღწერა“ – ეთითება:

ა.ა) მოწმობის 33-ე გრაფაში მითითებული თითოეული სასაქონლო კოდის შესაბამისად საქონლის სავაჭრო ნიშანი;

ა.ბ) სიტყვა ,,სხვადასხვა“ – მოწმობის 33-ე გრაფაში ხუთზე მეტი სასაქონლო კოდის მითითების აუცილებლობისას, როცა მოწმობა ივსება საბაჟო ორგანოს მოხელის მიერ;

ა.გ) მხოლოდ ზოგადი ინფორმაცია საქონლის შესახებ ზუსტი მონაცემების არარსებობისას, რაც არ იძლევა საქონლის საბაჟო მიზნით იდენტიფიცირების შესაძლებლობას;

ბ.ა) პირველ განყოფილებაში – სატვირთო ადგილების რაოდენობა;

ბ.ბ) მეორე განყოფილებაში – სისტემაში ინტეგრირებული მზა მონაცემებიდან ამორჩეული საქონლის შეფუთვის კოდი კლასიფიკატორის ნაწილი №12-ის – ,,საქონლის შეფუთვის მდგომარეობის კლასიფიკატორის“ მიხედვით (იმ შემთხვევაში, თუ სატრანსპორტო დოკუმენტში არ არის მითითებული შეფუთვის თაობაზე ინფორმაცია, ეთითება შეფუთვის სახეობის სხვა შესაბამისი კოდი);

გ) ,,კონტეინერის №“ – შესაძლებელია მიეთითოს მხოლოდ 2 კონტეინერის საიდენტიფიკაციო ნომერი;

დ) საქონლის რამდენიმე კოდის მითითების შემთხვევაში დეკლარანტი ან საბაჟო ორგანოს მოხელე (მხოლოდ საქონლის ხუთი კოდის) პროგრამაში ,,ერთეულის დამატება“ ბრძანების მიცემის მეშვეობით ამატებს დამატებით ფურცელს, რომელიც შეიცავს მხოლოდ 31-ე, 32-ე, 33-ე, 35-ე, 38-ე, მე-40 და 44-ე გრაფებს. აღნიშნული გრაფები ივსება ამ ინსტრუქციით დადგენილი წესით;

ე) გრაფის ქვედა განყოფილებაში ეთითება საქონლის დასახელება და სხვა მონაცემები, რაც იძლევა საქონლის იდენტიფიცირების საშუალებას.

18. გრაფა 32 – ,,საქ. №“ – სისტემის მიერ ავტომატურად ეთითება 31-ე გრაფაში მითითებული საქონლის რიგითი ნომერი.

ა) ორნიშნა დონეზე, ამასთან შესაბამისი ჯგუფის ორნიშნა რიცხვის მითითების შემდგომ, ეთითება ორი ციფრი ,,00“;

ბ) ოთხიშნა დონეზე – იმ საქონლის შემთხვევაში, რომლის შემოტანისთვის ან/და გატანისათვის საქართველოს კანონმდებლობით მოითხოვება ლიცენზია ან/და ნებართვა;

გ) რვანიშნა დონეზე – აქციზური საქონლის (მსუბუქი ავტომანქანის შემთხვევაში ოთხნიშნა), აგრეთვე ნავთობის მსუბუქი, საშუალო, მძიმე დისტილატების შემთხვევაში;

დ) როცა საქონლის თაობაზე საბაჟო ორგანოში წარდგენილი ინფორმაცია არ არის საკმარისი აღნიშნული გრაფის შესავსებად მიეთითება ,,0000.“

20. გრაფა 35 – ,,ბრუტო წონა“ – გრაფაში ეთითება 31-ე გრაფაში მითითებული საქონლის მთლიანი წონა კილოგრამებში სატრანსპორტო დოკუმენტაციის მიხედვით (სატრანსპორტო დოკუმენტაციაში ბრუტო წონის შესახებ სხვადასხვა მონაცემის არსებობისას მიეთითება უმცირესი მონაცემი), რომელიც მოიცავს საქონლის საერთო წონას ყველა სახის შეფუთვასთან ერთად. ამასთან, გრაფაში მონაცემი აღინიშნება მთელი რიცხვის სახით (0,001-დან 0,499-ის ჩათვლით მრგვალდება – 0, ხოლო 0,500-დან 0,999-ის ჩათვლით მრგვალდება – 1). მხოლოდ იმ შემთხვევაში, როცა სატრანსპორტო დოკუმენტაცია არ შეიცავს საქონლის ბრუტო წონის შესახებ ინფორმაციას, აღნიშნულ გრაფაში მიეთითება საერთო წონა საქონლის ან/და სატრანსპორტო საშუალების ფიზიკური აწონვის მონაცემის საფუძველზე. ამ შემთხვევაში სავალდებულოა მიეთითოს შესაბამისი კოდი კლასიფიკატორის ნაწილი №11-ის – ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარდგენილი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით. ამასთან, ნავსადგურში აწონვის შეუძლებლობისას გრაფაში მიეთითება ციფრი ,,1“.

21. გრაფა 38 – ,,ნეტო წონა“ – გრაფაში ეთითება 31-ე გრაფაში მითითებული საქონლის ნეტო წონა კილოგრამებში, სატრანსპორტო დოკუმენტაციის მიხედვით (სატრანსპორტო დოკუმენტაციაში ნეტო წონის შესახებ სხვადასხვა მონაცემის არსებობისას მიეთითება უმცირესი მონაცემი), რომელიც მოიცავს საქონლის წონას ყველა სახის შეფუთვის გარეშე. იმ შემთხვევაში, თუ საქონლის წონა 1 კგ-ზე ნაკლებია (მაგ. ძვირფასი ლითონები), 38-ე გრაფაში ჩაიწერება – 1. იმ შემთხვევაში, როცა სატრანსპორტო დოკუმენტაციაში არ არის მითითებული ნეტო წონის შესახებ ინფორმაცია, აღნიშნული გრაფა არ ივსება.

23. გრაფა 44 – ,,სატრ. დოკუმენტები“ – გრაფის:

ა) პირველ განყოფილებაში მიეთითება სისტემაში ინტეგრირებული მზა მონაცემებიდან ამორჩეული, მოწმობასთან ერთად საქონლის საბაჟო ტერიტორიაზე შემოტანის, ან ტერიტორიიდან გატანის, ან ტერიტორიაზე გადაადგილებისთვის სავალდებულოდ (ლიცენზია, ნებართვა, სერტიფიკატი ან სხვა) წარსადგენი, აგრეთვე საბაჟო ორგანოში წარდგენილი სხვა დოკუმენტების კოდები კლასიფიკატორის ნაწილი №11-ის – ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარდგენილი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით;

ბ) მეორე განყოფილებაში:

ბ.ბ) საბაჟო ორგანოს მოხელის მიერ მიეთითება საქონლის გადაადგილების საბაჟო მარშრუტი იმ შემთხვევაში, როცა ავტოსატრანსპორტო საშუალების საგაბარიტო პარამეტრები ან/და დატვირთვა აღემატება კანონმდებლობით ნებადართულ მაჩვენებლებს და შეუძლებელია ასეთი პარამეტრების კორექტირება ან/და ტვირთი არ ექვემდებარება დაშლა-დანაწილებას გამგზავნ საბაჟო ორგანოში;

24. გრაფა 50 – ,,პრინციპალი“ – გრაფის:

ა) განყოფილებაში ,,პრინციპალი“ მიეთითება ციფრი ,,50000“, სისტემის მიერ ავტომატურად ეთითება სიტყვა ,,10 კმ რადიუსი“;

ბ) გრაფის განყოფილებაში ,,წარმდგენი“ მიეთითება გამწევი სატრანსპორტო საშუალების მძღოლის ფიზიკური პირის სახელი და გვარი;

გ) გრაფის განყოფილებაში ,,თარიღი“ მიეთითება ამ პუნქტის ,,ბ“ ქვეპუნქტში მითითებული ფიზიკური პირის პირადი ნომერი პირადობის დამადასტურებელი დოკუმენტის მიხედვით, ხოლო უცხო ქვეყნის მოქალაქის შემთხვევაში მიეთითება პასპორტის ნომერი, მხოლოდ იმ შემთხვევაში, როდესაც პასპორტში არ ფიქსირდება პირადი ნომერი;

25. გრაფა 52 – ,,გარანტია“ – გრაფაში მიეთითება საქართველოს საბაჟო ტერიტორიაზე საქონლის გადაადგილებისათვის გარანტიის წარდგენისაგან გათავისუფლების კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“ (დანართი №4) მიხედვით;

26. გრაფა 53 – ,,დანიშნულების საბაჟო და ქვეყანა“ – გრაფაში გამგზავნი საბაჟო ორგანოს მოხელის მიერ მიეთითება:

ა) დანიშნულების საბაჟოს კოდი კლასიფიკატორის ნაწილი №2-ის – ,,საბაჟო ორგანოებისა და საბაჟო დამუშავების ოპერაციების ადგილების კლასიფიკატორის“ მიხედვით (საბაჟო ორგანოს შესაბამისი კოდის სისტემაში ინტეგრირებული მზა მონაცემებიდან ამორჩევისას სისტემის მიერ ავტომატურად ეთითება საბაჟო ორგანოს დასახელება);

27. გრაფა 54 – ,,პასუხისმგებელი პირის ხელმოწერა“ – გრაფაში:

ბ) მიეთითება მონაცემები გადამზიდველის შესახებ:

28. გრაფა 55 – ,,გადატვირთვა“ – საქართველოს საბაჟო კოდექსის 46-ე მუხლით გათვალისწინებულ შემთხვევაში საქონლის მფლობელის/მესაკუთრის მოთხოვნის საფუძველზე საბაჟო ორგანოს უფლებამოსილი პირი ვალდებულია საქონლის ერთი სატრანსპორტო საშუალებიდან სხვა სატრანსპორტო საშუალებაში, ან/და კონტეინერიდან კონტეინერში საბაჟო ზედამხედველობით გადატვირთვის ოპერაციის დასრულებისთანავე, გამოწერილ მოწმობაში ხელით, ხოლო მომდევნო სამუშაო დღის 12 საათამდე სისტემაში, შეიტანოს გადატვირთვის შესახებ ამ პუნქტის ,,ა“, ,,ბ“, ,,გ“, ,,დ“, ,,ე“ და ,,ვ“ ქვეპუნქტებში მითითებული მონაცემები, კერძოდ:

ა) ,,ადგილი და ქვეყანა“ – მიეთითება ადმინისტრაციულ-ტერიტორიული ერთეულისა და დასახლებული პუნქტის (თუ გადატვირთვის აუცილებლობა წარმოიშვა დასახლებული პუნქტის ადმინისტრაციულ ტერიტორიაზე) დასახელება;

გ) ,,კტ“ ახალ კონტეინერში საქონლის გადატვირთვისას კონტეინერის ველის გასააქტიურებელ კვადრატში დასვას ციფრი ,,1“ და მეორე ნაწილში მიუთითოს კონტეინერის ნომერი. იმ შემთხვევაში, თუ არ ხდება ახალ კონტეინერში საქონლის ჩატვირთვა, აღნიშნულ კვადრატში ეთითება ,,0“;

ე) ,,ლუქის ახალი №“:

ე.ა) ეთითება შემდეგი კოდირებული ციფრული მონაცემები:

ე.ა.ა) 0 – იმ შემთხვევაში, როცა არ არის საჭირო ლუქების დადება;

ე.ა.ბ) 1 – მხოლოდ სარკინიგზო გადაზიდვის შემთხვევაში, როცა სარკინიგზო ზედნადებში არ არის მითითებული ლუქების შესახებ ინფორმაცია;

ე.ა.გ) 2 – მხოლოდ სარკინიგზო გადაზიდვის შემთხვევაში, როცა სარკინიგზო ზედნადებში მითითებულია ლუქების შესახებ ინფორმაცია;

ე.ა.დ) 5 – იმ შემთხვევაში, როცა სატრანსპორტო საშუალებაზე იდება ლუქები;

ე.ბ.) ,,იდენტ.“ – გრაფის განყოფილებაში ,,ლუქის ახალი №“ კოდირებული მონაცემის ,,5“ მითითებისას ეთითება გამგზავნი საბაჟო ორგანოს მოხელის მიერ დადებული ლუქების რაოდენობა (ციფრებით) და მძიმის შემდეგ მიეთითება ლუქის ნომერი (რამდენიმე ლუქის შემთხვევაში – პირველი და ბოლო ნომერი, რომლებიც ერთმანეთისგან გამოიყოფა მძიმით);

თავი II¹.

აღრიცხვის მოწმობის ფორმა №2-ის შევსებისა და გამოყენების წესი

მუხლი 14¹.

სსიპ საქართველოს შინაგან საქმეთა სამინისტროს მომსახურების სააგენტოში (შემდგომში – სააგენტო) საკუთრების უფლების გადაცემაზე გარიგების დოკუმენტის არსებობის დადასტურებისა და/ან საექსპერტო შემოწმების მიზნით წარდგენილი და/ან დროებით დასაწყობებული, რეექსპორტის საბაჟო დამუშავების ოპერაციაში გაცხადებული, საგარეო ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8703, 8704, 8705 და 8711 (რომლის ძრავის მუშა მოცულობა 50 სმ³-ზე მეტია) სასაქონლო პოზიციებით გათვალისწინებული მექანიკური სატრანსპორტო საშუალებების სასაზღვრო საბაჟო ორგანომდე გადაადგილების საბაჟო კონტროლი და აღრიცხვა ხორციელდება აღრიცხვის მოწმობის ფორმა №2-ით.

მუხლი 14².

1. საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8703, 8704, 8705 და 8711 (რომლის ძრავის მუშა მოცულობა 50 სმ³-ზე მეტია) სასაქონლო პოზიციებით გათვალისწინებული მექანიკური სატრანსპორტო საშუალებების რეექსპორტის საბაჟო დამუშავების ოპერაციის განხორციელების მიზნით, სააგენტოს განყოფილებებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში ხორციელდება აღრიცხვის მოწმობის ფორმა №2-ის გამოწერა.

2. აღრიცხვის მოწმობის ფორმა №2-ის გამოწერას ახორციელებს სააგენტო.

3. აღრიცხვის მოწმობის ფორმა №2-ის წინმსწრები მოწმობის ან TIR წიგნაკის კონტროლიდან მოხსნა ხორციელდება სააგენტოს განყოფილებებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფის მიერ, სააგენტოს მიერ შევსებული და ელექტრონულად მიწოდებული აღრიცხვის მოწმობის ფორმა №2-ის საფუძველზე.

მუხლი 14³.

1. აღრიცხვის მოწმობის ფორმა №2 ივსება სისტემის მეშვეობით ელექტრონულად, სააგენტოს მოხელის მიერ სააგენტოში ან სისტემაში დაშვებული პირის მიერ, რომელიც წარმოადგენს სატრანსპორტო საშუალების მფლობელს ან მის წარმომადგენელს საქართველოს საბაჟო კოდექსის მე-8 მუხლის შესაბამისად.

2. აღრიცხვის მოწმობის ფორმა №2 ივსება სატრანსპორტო საშუალების საექსპერტო შემოწმების შედეგების ამსახველი „მექანიკური სატრანსპორტო საშუალებების დათვალიერების აქტის (ფორმა 2)“ საფუძველზე.

3. ერთი მოწმობა ივსება ერთ სატრანსპორტო საშუალებაზე.

4. სისტემაში დაშვებული პირი ან სააგენტოს მოხელე უფლებამოსილია შეიტანოს ცვლილება მოწმობის ელექტრონულ ფორმატში მოწმობის შევსებისას, მოწმობის შევსების რეგისტრაციამდე.

5. შევსების დასრულებისას სააგენტოს მოხელე ან სისტემაში დაშვებული პირი არეგისტრირებს მოწმობის შევსების ფაქტს სისტემაში. შევსებულ მოწმობას ენიჭება უნიკალური საიდენტიფიკაციო ნომერი.

6. შევსებული მოწმობა სააგენტოს მიერ ელექტრონულად მიეწოდება საბაჟო ორგანოს.

7. დასრულებული მოწმობა სააგენტოს მიერ გამოიწერება 3 პირად, მოწმდება სააგენტოს უფლებამოსილი პირის ხელმოწერითა და ბეჭდით და ნაწილდება შემდეგნაირად:

ა) ერთი ეგზემპლარი თანდართულ დოკუმენტებთან ერთად სააგენტოს მეშვეობით გადაეცემა საბაჟო დამუშავების ოპერაციის განხორციელების საბაჟო ორგანოს;

ბ) მეორე პირი თან მიყვება სატრანსპორტო საშუალებას დანიშნულების საბაჟო ორგანომდე და მოწმობის კონტროლიდან მოხსნის შემდეგ 7 დღის ვადაში ეგზავნება ზემდგომ საბაჟო ორგანოს დადგენილი წესით;

გ) მესამე პირი რჩება დეკლარანტს ან/და გადამზიდველს.

8. მოწმობის უკანა გვერდი გამოიყენება სხვადასხვა მაკონტროლებელი ორგანოების შენიშვნების, აღნიშვნებისა და დამღებისათვის.

მუხლი 14⁴.

სასაზღვრო საბაჟო ორგანოს მიერ აღრიცხვის მოწმობის ფორმა №2-ის რეგისტრაცია და კონტროლიდან მოხსნა რეგისტრირდება სპეციალურ რეგისტრაციის ჟურნალში, ამ ინსტრუქციის მე-9 მუხლის შესაბამისად.

მუხლი 14⁵.

1. გრაფა 1. „ექსპორტიორი“ – გრაფაში აღინიშნება სატრანსპორტო საშუალების გამგზავნის შესახებ მონაცემები. თუ სატრანსპორტო საშუალების გამგზავნი იურიდიული პირია, გრაფაში აღინიშნება მისი სრული სახელწოდება, მისამართი, საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ. თუ სატრანსპორტო საშუალების გამგზავნი ფიზიკური პირია, გრაფაში აღინიშნება მისი სახელი, გვარი, მისამართი, მოქალაქის პირადობის მოწმობაში აღნიშნული პირადი ნომერი ან საიდენტიფიკაციო ნომერი, რომელიც მინიჭებული აქვს საგადასახადო ორგანოს მიერ.

2. გრაფა 2. „წარმომადგენელი“ – გრაფაში აღინიშნება სატრანსპორტო საშუალების გადამაადგილებელი პასუხისმგებელი პირის (მძღოლის) სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი. თუ გადაადგილებაზე პასუხისმგებელი პირი არის უშუალოდ საქონლის გამგზავნი, მაშინ გრაფაში მიეთითება – ,,იხ. გრაფა 1“.

3. გრაფა 3. ,,დანიშნულების ქვეყანა“ – გრაფაში მიეთითება იმ ქვეყნის მოკლე დასახელება და კოდი, კლასიფიკატორის ნაწილი №3-ის – „ქვეყნების, ტერიტორიებისა და ვალუტების კლასიფიკატორის“ შესაბამისად, რომელიც მოწმობის შევსების დღისათვის ცნობილი იქნება, როგორც სატრანსპორტო საშუალების დანიშნულების ქვეყანა.

4. გრაფა 4. „VIN კოდი“, „შასის ნომერი“ – გრაფაში აღინიშნება ავტოსატრანსპორტო საშუალების „VIN“ (VEHICLE IDENTIFICATION NUMBER)/სხვა საიდენტიფიკაციო ნომერი, შასის ნომერი.

5. გრაფა 5. „საქონლის აღწერა“, რომელიც შედგება 3 უჯრისაგან:

ა) უჯრა 5.1 – მიეთითება საქონლის თერთმეტნიშნა კოდი სეს ესნ-ის შესაბამისად;

ბ) უჯრა 5.2 – მიეთითება ავტოსატრანსპორტო საშუალების ძრავის მოცულობა სმ³-ში;

გ) უჯრა 5.3 – მიეთითება სატრანსპორტო საშუალების მარკა, მოდელი, გამოშვების წელი.

6. გრაფა 6. „შევსების თარიღი“ – გრაფაში მიეთითება მოწმობის შევსების თარიღი.

7. გრაფა 8. „ხელმოწერა“ – აწერს ხელს სატრანსპორტო საშუალების გადამაადგილებელი პასუხისმგებელი პირი.

8. გრაფა 9. „წინმსწრები დოკუმენტი“ – გრაფაში მიეთითება წინმსწრები აღრიცხვის მოწმობის ან TIR წიგნაკის ნომერი.

9. გრაფა 10. „სატრანზიტო ნომერი“ – გრაფაში მიეთითება ავტოსატრანსპორტო საშუალების ტრანზიტული სარეგისტრაციო ნომერი.

10. გრაფა 12. „დანიშნულების საბაჟო ორგანო და ვადა“, რომელიც შედგება 2 უჯრისაგან:

ა) უჯრა 12.1 – მიეთითება დანიშნულების სასაზღვრო საბაჟო ორგანოს კოდი კლასიფიკატორის ნაწილი 2-ის შესაბამისად;

ბ) უჯრა 12.2 – მიეთითება დანიშნულების საბაჟო ორგანოში საქონლის მიტანის საბოლოო თარიღი, რომელიც აითვლება მოწმობის რეგისტრაციის თარიღიდან 3 კალენდარული დღით;

11. გრაფა R. „რეჟიმი“ – გრაფაში მიეთითება საქონლის რეექსპორტის საბაჟო დამუშავების ოპერაციის კოდი – „11–74“.

12. D გრაფაში სასაზღვრო საბაჟო ორგანოს მიერ დაესმება საბაჟო დამღა „მოხსნილია კონტროლიდან“. დამღაში მითითებულ ადგილზე პასუხისმგებელი მოხელე აწერს ხელს, უთითებს კონტროლიდან მოხსნის თარიღს და ამოწმებს პირადნომრიანი ბეჭდით. ხელმოწერა შესრულებული უნდა იყოს გარკვევით, სრულ-ყოფილად უნდა იკითხებოდეს დამღის ნომერი და წარწერა.“.

თავი III

დასკვნითი დებულებანი

მუხლი 15

მოწმობა, თანდართული სატრანსპორტო დოკუმენტები და ცნობები ინახება საქართველოს საბაჟო კანონმდებლობით დადგენილი წესით.

მუხლი 16

მოწმობის გამომწერი საბაჟო ორგანოს მიერ განსაზღვრულ გამოცხადების თარიღში გამოუცხადებლობის შემთხვევაში, ინფორმაცია, არა უგვიანეს ხუთი სამუშაო დღისა (ავტოსატრანსპორტო საშუალებების თავისი სვლით გადაადგილების ან სხვა სატრანსპორტო საშუალებით გადაზიდვის შემთხვევაში – არა უგვიანეს 10 სამუშაო დღისა), რეაგირებისათვის გადაეცემა შემოსავლების სამსახურის შესაბამის სტრუქტურულ ქვედანაყოფს, საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციას და შინაგან საქმეთა სამინისტროს საპატრულო პოლიციის დეპარტამენტს.

მუხლი 17. (ამოღებულია)

მუხლი 18. საბაჟო კონტროლის სპეციალური საშუალება

საქონლის ან/და სატრანსპორტო საშუალების ამსახველი ელექტრონული ფორმატის სურათის ელექტრონულ მოწმობაში სავალდებულო ასახვის მიზნით, გამგზავნ ან დანიშნულების საბაჟო ორგანოში ტვირთის X-Ray რენტგენული ინსპექტირების სისტემების ან სხვა ელექტრონული სისტემების დანერგვა და გამოყენება ხორციელდება შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით განსაზღვრულ საბაჟო ორგანოში. ტვირთის X-Ray რენტგენული ინსპექტირების სისტემების ან სხვა ელექტრონული სისტემების მეშვეობით პროგრამული უზრუნველყოფის ტექნიკური მახასიათებლებიდან გამომდინარე, ამ სისტემების მეშვეობით მიღებული სურათის ელექტრონულ მოწმობაში ასახვის წესი განისაზღვრება შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით.

დანართი №1

საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობა

დანართი № 2 (ამოღებულია)

დანართი №3

სამართალდარღვევათა კლასიფიკატორი

ნაწილი №1

სამართალდარღვევათა ერთობლიობა

№	სამართალდარღვევის შინაარსი, მუხლი	კოდი
1.	საბაჟო სამართალდარღვევათა ერთობლიობა, როდესაც დაფარულია საბაჟო დავალიანება	AA5555
2.	საბაჟო სამართალდარღვევათა ერთობლიობა, როდესაც არ არის დაფარული საბაჟო დავალიანება	AA0000
3.	საბაჟო და ადმინისტრაციულ სამართალდარღვევათა ერთობლიობა, როდესაც შესრულებულია ვალდებულება	AB5555
4.	საბაჟო და ადმინისტრაციულ სამართალდარღვევათა ერთობლიობა, როდესაც შეუსრულებელია ვალდებულება	AB0000
5.	საბაჟო სამართალდარღვევისა და კამერალური შემოწმების შედეგად დარიცხულ საბაჟო დავალიანებათა ერთობლიობა, როდესაც შესრულებულია ვალდებულება	AC5555
6.	საბაჟო სამართალდარღვევისა და კამერალური შემოწმების შედეგად დარიცხულ საბაჟო დავალიანებათა ერთობლიობა, როდესაც შეუსრულებელია ვალდებულება	AC0000
7.	საბაჟო და ადმინისტრაციულ სამართალდარღვევათა ერთობლიობა, როდესაც შესრულებულია ვალდებულება	AD5555
8.	საბაჟო და ადმინისტრაციულ სამართალდარღვევათა ერთობლიობა, როდესაც შეუსრულებელია ვალდებულება	AD0000
9.	საბაჟო კუთხით ადმინისტრაციულ სამართალდარღვევათა ერთობლიობა, როდესაც შესრულებულია ვალდებულება	BB5555
10.	საბაჟო კუთხით ადმინისტრაციულ სამართალდარღვევათა ერთობლიობა, როდესაც შეუსრულებელია ვალდებულება	BB0000
11.	კამერალური შემოწმების შედეგად დარიცხული და შესრულებული საბაჟო დავალიანება	CC5555
12.	კამერალური შემოწმების შედეგად დარიცხული და შეუსრულებელი საბაჟო დავალიანება	CC0000

ნაწილი №2

ერთ სამართალდარღვევაზე შედგენილია ოქმი, დაფარულია საბაჟო დავალიანება

საქართველოს საბაჟო კოდექსით გათვალისწინებული საბაჟო სამართალდარღვევები (A)

№
1	საბაჟო გადასახდელების გადაუხდელობა (მუხლი 237)	A	E	2	3	7	0
2	საქონლის დაკარგვა, განადგურება ან უკანონო განკარგვა (მუხლი 248)	A	E	2	4	8	0
3	სხვა ჯარიმები (მუხლი 253)	A	E	2	5	3	0
4	დეკლარირების დადგენილ ვადაში განუხორციელებლობა (მუხლი 238)	A	F	2	3	8	1
5	მე-2 ნაწილი (მუხლი 238)	A	F	2	3	8	2
6	საბაჟო ორგანოს თანხმობის გარეშე საბაჟ ო იდენტიფიკაციის საშუალებების მოხსნა/მოცილება ან/და განადგურება (მუხლი 239)	A	F	2	3	9	1
7	მე-2 ნაწილი (მუხლი 239)	A	F	2	3	9	2
8	საბაჟო დეკლარაციის შევსების წესების დარღვევა (მუხლი 240)	A	F	2	4	0	1
9	მე-2 ნაწილი (მუხლი 240)	A	F	2	4	0	2
10	დეკლარირებული საქონლის მიერ უკანონოდ საქართველოს საბაჟ ო საზღვრის გადაკვეთა ან საბაჟო კონტროლის ზონის დატოვება (მუხლი 241)	A	F	2	4	1	1
11	მე-2 ნაწილი	A	F	2	4	1	2
12	საბაჟო საზღვარზე საქონლის უკანონოდ გადატანა ან გადმოტანა (მუხლი 242)	A	F	2	4	2	1
13	მე-2 ნაწილი (მუხლი 242)	A	F	2	4	2	2
14	საბაჟო ორგანოსთან შეუთანხმებლად საბაჟო ზედამხედველობის ქვეშ მყოფი საქონლის გახსნა, ხელმეორედ შეფუთვა, გადატვირთვა ან გადმოტვირთვა (მუხლი 243)	A	F	2	4	3	1
15	მე-2 ნაწილი (მუხლი 243)	A	F	2	4	3	2
16	საბაჟო ორგანოს თანამდებობის პირისათვის წინააღმდეგობის გაწევა (მუხლი 245)	A	F	2	4	5	1
17	მე-2 ნაწილი (მუხლი 245)	A	F	2	4	5	2
18	სატრანსპორტო საშუალებასთან დაკავშირებული საბაჟო კანონმდებლობის დარღვევა (მუხლი 246)	A	F	2	4	6	1
19	მე-2 ნაწილი (მუხლი 246)	A	F	2	4	6	2
20	საბაჟო დამუშავების ოპერაციებზე საბაჟო კანონმდებლობით დადგენილი პირობების დარღვევა (მუხლი 247)	A	F	2	4	7	1
21	მე-2 ნაწილი (მუხლი 247)	A	F	2	4	7	2
22	დოკუმენტების შენახვის ვადის დარღვევა (მუხლი 249)	A	F	2	4	9	1
23	მე-2 ნაწილი (მუხლი 249)	A	F	2	4	9	2
24	ავარიის და დაუძლეველი ძალის დროს გასატარებელი ღონისძიებების განუხორციელებლობა (მუხლი 250)	A	F	2	5	0	1
25	მე-2 ნაწილი (მუხლი 250)	A	F	2	5	0	2
26	სატრანსპორტო საშუალების შემოსვლის/ჩამოფრენის ან გასვლის/გაფრენის შესახებ საბაჟო ორგანოსათვის შეუტყობინებლობა (მუხლი 251)	A	F	2	5	1	1
27	მე-2 ნაწილი (მუხლი 251)	A	F	2	5	1	2
28	დროებითი შენახვის საწყობის, საბაჟო საწყობის ან უბაჟო ვაჭრობის პუნქტის საქმიანობის ნებართვის მფლობელის მიერ საქართველოს კანონმდებლობით დადგენილი პირობების შეუსრულებლობა (მუხლი 252)	A	F	2	5	2	1
29	მე-2 ნაწილი	A	F	2	5	2	2
30	თავისუფალი ზონისათვის ან თავისუფალი საწყობისათვის დადგენილი მოთხოვნების დარღვევა (მუხლი 244)	A	G	2	4	4	1
31	მე-2 ნაწილი (მუხლი 244)	A	G	2	4	4	2
32	მე-3 ნაწილი (მუხლი 244)	A	G	2	4	4	3

საბაჟო კუთხით საქართველოს ადმინისტრაციულ სამართალდარღვევათა კოდექსით გათვალისწინებული სამართალდარღვევები (B)

№
1	ტვირთამწეობის დადგენილი ნორმის ზევით ტვირთის გადაზიდვა ავტოსატრანსპორტო საშუალებით (მუხლი 1291)	B	E	1	2	9	0
2	იმ ჰუმანური დახმარების პროდუქციის გაყიდვა, რომელიც განკუთვნილი იყო უფასოდ გასაცემად (მუხლი 157)	B	E	1	5	7	0
3	საანგარიშსწორებო და სხვა ანგარიშების გახსნის წესის დარღვევა და ბიუჯეტში თანხების გადარიცხვაზე დავალებების შეუსრულებლობა (მუხლი 165)	B	E	1	6	5	0
4	საბაჟო კონტროლის ზონაში უკანონო სამეწარმეო ან სხვა საქმიანობა (მუხლი 194)	B	E	1	9	4	0
5	ბეჭდის (პლომბის/ლუქის) განზრახ დაზიანება ან აგლეჯა (მუხლი 195)	B	E	1	9	5	0
6	ფალსიფიცირებული ან მავნე ალკოჰოლიანი სასმელის რეალიზაცია (მუხლი 179³)	B	F	1	7	9	1
7	მე-2 ნაწილი (მუხლი 179³)	B	F	1	7	9	2

საქართველოს საგადასახადო კოდექსით გათვალისწინებული საგადასახადო სამართალდარღვევები, რომლებიც გამოიყენება საბაჟო გადასახდელების დარიცხვის დროს (C)

№
1	საურავი (მუხლი 129)	C	E	1	2	9	0
2	ყადაღადადებული ქონების მფლობელობის სარგებლობის ან/და განკარგვის წესის დარღვევა (მუხლი 136)	C	E	1	3	6	0
3	გადასახადის არასწორი ჩათვლა ან დაბრუნება (მუხლი 138)	C	E	1	3	8	0
4	საგადასახადო დეკლარაციის დაგვიანებით წარდგენა (მუხლი 131)	C	F	1	3	1	1
5	მე-2 ნაწილი (მუხლი 131)	C	F	1	3	1	2
6	გადასახადის გადარიცხვის თაობაზე საგადასახადო ორგანოს საინკასო დავალებისა და გადასახადის გადამხდელის/ საგადასახადო აგენტის ან სხვა ვალდებული პირის საგადახდო დავალების შესრულების ვადის დარღვევა (მუხლი 141)	C	F	1	4	1	1
7	მე-2 ნაწილი (მუხლი 141)	C	F	1	4	1	2
8	გადასახადების შემცირება (მუხლი 132)	C	G	1	3	2	1
9	მე-2 ნაწილი (მუხლი 132)	C	G	1	3	2	2
10	მე-3 ნაწილი (მუხლი 132)	C	G	1	3	2	3

საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევები, რომლებზეც ოქმს ადგენს საბაჟო ორგანოს მოხელე (D)

№
1	არაიოდიზირებული მარილის რეალიზაცია, ვადაგასული იოდირებული მარილისა და ფალსიფიცირებული სხვა ფორტიფიცირებული საკვები პროდუქტების იმპორტი და რეალიზაცია (მუხლი 44⁴)	D	E	0	4	4	0
2	საქართველოს ტერიტორიაზე ტყვიაშემცველი (0.013 გრამზე მეტი ერთ ლიტრზე) მოტორული ბენზინის, ტეტრაეთილტყვიის, აგრეთვე ფალსიფიცირებული საყოფაცხოვრებო-კომუნალური მოხმარების თხევადი გაზის იმპორტი ან რეალიზაცია (მუხლი 91²)	D	E	0	9	1	0
3	მასალების საკარანტინო შემოწმებისა და სათანადო დამუშავების გარეშე გატანა (მუხლი 99)	D	E	0	9	9	0
4	სამეწარმეო საქმიანობის წესის დარღვევა (მუხლი 164)	D	E	1	6	4	0
5	მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაცია და გადაზიდვა (მუხლი 155²)	D	F	1	5	5	1
6	მე-2 ნაწილი (მუხლი 155²)	D	F	1	5	5	2
7	საავტორო, მომიჯნავე უფლების მფლობელის და მონაცემთა ბაზის დამამზადებლის უფლებების დარღვევა (მუხლი 157¹)	D	F	1	5	7	1
8	მე-2 ნაწილი (მუხლი 157¹)	D	F	1	5	7	2
9	ნაწარმოების, ფონოგრამის, ვიდეოგრამის ან მონაცემთა ბაზის ასლებზე მითითებული უფლების მართვის ინფორმაციის შეცვლა, განაგდურება ან გაყალბება (მუხლი 157²)	D	F	1	5	7	1
10	მე-2 ნაწილი (მუხლი 157²)	D	F	1	5	7	2
11	ნაწარმოების, ფონოგრამის, ვიდეოგრამის ან მონაცემთა ბაზის ასლებზე უფლების მფლობელის მიერ დასმული დაცვის ნიშნის (აღნიშვნის) შეცვლა ან განაგდურება (მუხლი 157³)	D	F	1	5	7	1
12	მე-2 ნაწილი (მუხლი 157³)	D	F	1	5	7	2
13	სასაქონლო (მომსახურების) ნიშნის ან სხვა კომერციული აღნიშვნის უკანონო გამოყენება (მუხლი 158)	D	F	1	5	8	1
14	მე-2 ნაწილი (მუხლი 158)	D	F	1	5	8	2
15	ნავთობის მსუბუქი, საშუალო და მძიმე დისტილატების რეალიზაციის, ტრანსპორტირებისა და შენახვის წესების დარღვევა (მუხლი 155¹)	D	G	1	5	5	1
16	მე-2 ნაწილი (მუხლი 155¹)	D	G	1	5	5	2
17	მე-3 ნაწილი (მუხლი 155¹)	D	G	1	5	5	3
18	თამბაქოს პროდუქციის რეალიზაციისათვის დადგენილი მოთხოვნების შეუსრულებლობა (მუხლი 155³)	D	H	1	5	5	1
19	მე-2 ნაწილი (მუხლი 155³)	D	H	1	5	5	2
20	მე-3 ნაწილი (მუხლი 155³)	D	H	1	5	5	3
21	მე-4 ნაწილი(მუხლი 155³)	D	H	1	5	5	4
22	მე-5 ნაწილი(მუხლი 155³)	D	H	1	5	5	5
23	მე-6 ნაწილი(მუხლი 155³)	D	H	1	5	5	6

ნაწილი №3

ერთ სამართალდარღვევაზე შედგენილია ოქმი, არ არის დაფარული საბაჟო დავალიანება -

№
1	საბაჟო გადასახდელების გადაუხდელობა (მუხლი 237)	0	E	2	3	7	A
2	საქონლის დაკარგვა, განადგურება ან უკანონო განკარგვა (მუხლი 248)	0	E	2	4	8	A
3	სხვა ჯარიმები (მუხლი 253)	0	E	2	5	3	A
4	დეკლარირების დადგენილ ვადაში განუხორციელებლობა (მუხლი 238)	1	F	2	3	8	A
5	მე-2 ნაწილი (მუხლი 238)	2	F	2	3	8	A
6	საბაჟო ორგანოს თანხმობის გარეშე საბაჟო იდენტიფიკაციის საშუალებების მოხსნა/მოცილება ან/და განადგურება (მუხლი 239)	1	F	2	3	9	A
7	მე-2 ნაწილი (მუხლი 239)	2	F	2	3	9	A
8	საბაჟო დეკლარაციის შევსების წესების დარღვევა (მუხლი 240)	1	F	2	4	0	A
9	მე-2 ნაწილი (მუხლი 240)	2	F	2	4	0	A
10	დეკლარირებული საქონლის მიერ უკანონოდ საქართველოს საბაჟ ო საზღვრის გადაკვეთა ან საბაჟო კონტროლის ზონის დატოვება (მუხლი 241)	1	F	2	4	1	A
11	მე-2 ნაწილი	2	F	2	4	1	A
12	საბაჟო საზღვარზე საქონლის უკანონოდ გადატანა ან გადმოტანა (მუხლი 242)	1	F	2	4	2	A
13	მე-2 ნაწილი (მუხლი 242)	2	F	2	4	2	A
14	საბაჟო ორგანოსთან შეუთანხმებლად საბაჟო ზედამხედველობის ქვეშ მყოფი საქონლის გახსნა, ხელმეორედ შეფუთვა, გადატვირთვა ან გადმოტვირთვა (მუხლი 243)	1	F	2	4	3	A
15	მე-2 ნაწილი (მუხლი 243)	2	F	2	4	3	A
16	საბაჟო ორგანოს თანამდებობის პირისათვის წინააღმდეგობის გაწევა (მუხლი 245)	1	F	2	4	5	A
17	მე-2 ნაწილი (მუხლი 245)	2	F	2	4	5	A
18	სატრანსპორტო საშუალებასთან დაკავშირებული საბაჟო კანონმდებლობის დარღვევა (მუხლი 246)	1	F	2	4	6	A
19	მე-2 ნაწილი (მუხლი 246)	2	F	2	4	6	A
20	საბაჟო დამუშავების ოპერაციებზე საბაჟო კანონმდებლობით დადგენილი პირობების დარღვევა (მუხლი 247)	1	F	2	4	7	A
21	მე-2 ნაწილი (მუხლი 247)	2	F	2	4	7	A
22	დოკუმენტების შენახვის ვადის დარღვევა (მუხლი 249)	1	F	2	4	9	A
23	მე-2 ნაწილი (მუხლი 249)	2	F	2	4	9	A
24	ავარიის და დაუძლეველი ძალის დროს გასატარებელი ღონისძიებების განუხორციელებლობა (მუხლი 250)	1	F	2	5	0	A
25	მე-2 ნაწილი (მუხლი 250)	2	F	2	5	0	A
26	სატრანსპორტო საშუალების შემოსვლის/ჩამოფრენის ან გასვლის/გაფრენის შესახებ საბაჟო ორგანოსათვის შეუტყობინებლობა (მუხლი 251)	1	F	2	5	1	A
27	მე-2 ნაწილი (მუხლი 251)	2	F	2	5	1	A
28	დროებითი შენახვის საწყობის, საბაჟო საწყობის ან უბაჟო ვაჭრობის პუნქტის საქმიანობის ნებართვის მფლობელის მიერ საქართველოს კანონმდებლობით დადგენილი პირობების შეუსრულებლობა (მუხლი 252)	1	F	2	5	2	A
29	მე-2 ნაწილი	2	F	2	5	2	A
30	თავისუფალი ზონისათვის ან თავისუფალი საწყობისათვის დადგენილი მოთხოვნების დარღვევა (მუხლი 244)	1	G	2	4	4	A
31	მე-2 ნაწილი (მუხლი 244)	2	G	2	4	4	A
32	მე-3 ნაწილი (მუხლი 244)	3	G	2	4	4	A

№
1	ტვირთამწეობის დადგენილი ნორმის ზევით ტვირთის გადაზიდვა ავტოსატრანსპორტო საშუალებით (მუხლი 129¹)	0	E	1	2	9	B
2	იმ ჰუმანური დახმარების პროდუქციის გაყიდვა, რომელიც განკუთვნილი იყო უფასოდ გასაცემად (მუხლი 157)	0	E	1	5	7	B
3	საანგარიშწორებო და სხვა ანგარიშების გახსნის წესის დარღვევა და ბიუჯეტში თანხების გადარიცხვაზე დავალებების შეუსრულებლობა (მუხლი 165)	0	E	1	6	5	B
4	საბაჟო კონტროლის ზონაში უკანონო სამეწარმეო ან სხვა საქმიანობა (მუხლი 194)	0	E	1	9	4	B
5	ბეჭდის (პლომბის/ლუქის) განზრახ დაზიანება ან აგლეჯა (მუხლი 195)	0	E	1	9	5	B
6	ფალსიფიცირებული ან მავნე ალკოჰოლიანი სასმელის რეალიზაცია (მუხლი 1793)	1	F	1	7	9	B
7	მე-2 ნაწილი (მუხლი 1793)	2	F	1	7	9	B

№
1	საურავი (მუხლი 129)	0	E	1	2	9	C
2	ყადაღადადებული ქონების მფლობელობის სარგებლობის ან/და განკარგვის წესის დარღვევა (მუხლი 136)	0	E	1	3	6	C
3	გადასახადის არასწორი ჩათვლა ან დაბრუნება (მუხლი 138)	0	E	1	3	8	C
4	საგადასახადო დეკლარაციის დაგვიანებით წარდგენა (მუხლი 131)	1	F	1	3	1	C
5	მე-2 ნაწილი (მუხლი 131)	2	F	1	3	1	C
6	გადასახადის გადარიცხვის თაობაზე საგადასახადო ორგანოს საინკასო დავალებისა და გადასახადის გადამხდელის/საგადასახადო აგენტის ან სხვა ვალდებული პირის საგადახდო დავალების შესრულების ვადის დარღვევა (მუხლი 141)	1	F	1	4	1	C
7	მე-2 ნაწილი (მუხლი 141)	2	F	1	4	1	C
8	გადასახადების შემცირება (მუხლი 132)	1	G	1	3	2	C
9	მე-2 ნაწილი (მუხლი 132)	2	G	1	3	2	C
10	მე-3 ნაწილი (მუხლი 132)	3	G	1	3	2	C

№
1	არაიოდიზირებული მარილის რეალიზაცია, ვადაგასული იოდირებული მარილისა და ფალსიფიცირებული სხვა ფორტიფიცირებული საკვები პროდუქტების იმპორტი და რეალიზაცია (მუხლი 44⁴)	0	E	0	4	4	D
2	საქართველოს ტერიტორიაზე ტყვიაშემცველი (0.013 გრამზე მეტი ერთ ლიტრზე) მოტორული ბენზინის, ტეტრაეთილტყვიის, აგრეთვე ფალსიფიცირებული საყოფაცხოვრებო-კომუნალური მოხმარების თხევადი გაზის იმპორტი ან რეალიზაცია (მუხლი 91²)	0	E	0	9	1	D
3	მასალების საკარანტინო შემოწმებისა და სათანადო დამუშავების გარეშე გატანა (მუხლი 99)	0	E	0	9	9	D
4	სამეწარმეო საქმიანობის წესის დარღვევა (მუხლი 164)	0	E	1	6	4	D
5	მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაცია და გადაზიდვა (მუხლი 155²)	1	F	1	5	5	D
6	მე-2 ნაწილი (მუხლი 155²)	2	F	1	5	5	D
7	საავტორო, მომიჯნავე უფლების მფლობელის და მონაცემთა ბაზის დამამზადებლის უფლებების დარღვევა (მუხლი 157¹)	1	F	1	5	7	D
8	მე-2 ნაწილი (მუხლი 157¹)	2	F	1	5	7	D
9	ნაწარმოების, ფონოგრამის, ვიდეოგრამის ან მონაცემთა ბაზის ასლებზე მითითებული უფლების მართვის ინფორმაციის შეცვლა, განაგდურება ან გაყალბება (მუხლი 157²)	1	F	1	5	7	D
10	მე-2 ნაწილი (მუხლი 157²)	2	F	1	5	7	D
11	ნაწარმოების, ფონოგრამის, ვიდეოგრამის ან მონაცემთა ბაზის ასლებზე უფლების მფლობელის მიერ დასმული დაცვის ნიშნის (აღნიშვნის) შეცვლა ან განადგურება (მუხლი 157³)	1	F	1	5	7	D
12	მე-2 ნაწილი (მუხლი 157³)	2	F	1	5	7	D
13	სასაქონლო (მომსახურების) ნიშნის ან სხვა კომერციული აღნიშვნის უკანონო გამოყენება (მუხლი 158)	1	F	1	5	8	D
14	მე-2 ნაწილი (მუხლი 158)	2	F	1	5	8	D
15	ნავთობის მსუბუქი, საშუალო და მძიმე დისტილატების რეალიზაციის, ტრანსპორტირებისა და შენახვის წესების დარღვევა (მუხლი 155¹)	1	G	1	5	5	D
16	მე-2 ნაწილი (მუხლი 155¹)	2	G	1	5	5	D
17	მე-3 ნაწილი (მუხლი 155¹)	3	G	1	5	5	D
18	თამბაქოს პროდუქციის რეალიზაციისათვის დადგენილი მოთხოვნების შეუსრულებლობა (მუხლი 155³)	1	H	1	5	5	D
19	მე-2 ნაწილი (მუხლი 155³)	2	H	1	5	5	D
20	მე-3 ნაწილი (მუხლი 155³)	3	H	1	5	5	D
21	მე-4 ნაწილი(მუხლი 155³)	4	H	1	5	5	D
22	მე-5 ნაწილი(მუხლი 155³)	5	H	1	5	5	D
23	მე-6 ნაწილი(მუხლი 155³)	6	H	1	5	5	D

შენიშვნა:

სერია AE – საქართველოს საბაჟო კოდექსით გათვალისწინებული საბაჟო სამართალდარღვევის მუხლები რომლებიც შედგება

ერთი ნაწილისაგან

სერია AF – საქართველოს საბაჟო კოდექსით გათვალისწინებული საბაჟო სამართალდარღვევის მუხლები რომლებიც შედგება ორი ნაწილისაგან

სერია AG – საქართველოს საბაჟო კოდექსით გათვალისწინებული საბაჟო სამართალდარღვევის მუხლები რომლებიც შედგება სამი ნაწილისაგან

სერია BE – საბაჟო კუთხით საქართველოს ადმინისტრაციულ სამართალდარღვევათა კოდექსის მუხლები რომლებიც შედგება ერთი ნაწილისაგან

სერია BF – საბაჟო კუთხით საქართველოს ადმინისტრაციულ სამართალდარღვევათა კოდექსის მუხლები რომლებიც შედგება ორი ნაწილისაგან

სერია CE – საქართველოს საგადასახადო კოდექსის მუხლები რომლებიც შედგება ერთი ნაწილისაგან

სერია CF – საქართველოს საგადასახადო კოდექსის მუხლები რომლებიც შედგება ორი ნაწილისაგან

სერია CG – საქართველოს საგადასახადო კოდექსის მუხლები რომლებიც შედგება სამი ნაწილისაგან

სერია DE – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება ერთი ნაწილისაგან

სერია DF – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება ორი ნაწილისაგან

სერია DG – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება სამი ნაწილისაგან

სერია DH – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება ექვსი ნაწილისაგან

*კოდის პირველი სიმბოლო აღნიშნავს სამართალდარღვევის სახეობას:

A – საქართველოს საბაჟო კოდექსით გათვალისწინებული საბაჟო სამართალდარღვევა;

B – საბაჟო კუთხით საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევა;

C – საქართველოს საგადასახადო კოდექსით გათვალისწინებული საგადასახადო სამართალდარღვევები, რომლებიც გამოიყებება საბაჟო გადასახდელების დარიცხვის დროს;

D – საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევები, რომლებზეც ოქმს ადგენს საბაჟო ორგანოს მოხელეები, ხოლო დადგენილება გამოაქვთ შესაბამის ორგანოებს.

*კოდის მეორე სიმბოლო აღნიშნავს, თუ რამდენი ნაწილისაგან შედგება სამართალდარღვევის მუხლი:

E – მუხლი შედგება ერთი ნაწილისაგან;

F – მუხლი შედგება ორი ნაწილისაგან

G – მუხლი შედგება სამი ნაწილისაგან

H – მუხლი შედგება ექვსი ნაწილისაგან

*კოდის მესამე–მეხუთე სიმბოლოების ერთობლიობა აღნიშნავს სამართალდარღვევის მუხლის ნომერს

*კოდის მეექვსე სიმბოლო მიუთითებს სამართალდარღვევის მუხლის ნაწილს.

დანართი №4

გარანტიის სახეობისა და გარანტიის წარდგენისაგან გათავისუფლების კლასიფიკატორი

№	გარანტიის სახეობა და გათავისუფლება	კოდი
გარანტიის წარდგენისაგან გათავისუფლებულია	0
საბანკო გარანტია	1
ფინანსური რისკის დაზღვევის პოლისი	2
დეპოზიტი სახელმწიფო ხაზინაში (სახელმწიფო ხაზინის მიერ გაცემული შესაბამისი ცნობა)	3

დანართი №5

საბაჟო კონტროლის ქვეშ მყოფი სატრანსპორტო საშუალების აღრიცხვის მოწმობის ფორმა №2

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“, №1764, 20.12.2006, სარეგისტრაციო კოდი 230.150.070.22.033.009.691 (კონსოლიდირებული რედაქცია 30.06.2010). ხელმისაწვდომია: https://legali.ge/law/68140-28/

შემდგომი ცვლილებები (7)

წინა ცვლილებები (28)

დოკუმენტის ტექსტი

მუხლი 81. განსაკუთრებულ შემთხვევებში მოწმობის შევსების წესი🔗

მუხლი 111. გამგზავნ საბაჟო ორგანოში კონტროლის შედეგებთან დაკავშირებით მოწმობის გრაფების შევსების წესი🔗

მუხლი 141.🔗

მუხლი 142.🔗

მუხლი 143.🔗

მუხლი 144.🔗

მუხლი 145.🔗

მუხლი 1🔗

მუხლი 2🔗

მუხლი 3🔗

მუხლი 4🔗

მუხლი 5🔗

მუხლი 6🔗

მუხლი 7. მოწმობის შევსების ზოგადი წესი🔗

მუხლი 8. (ამოღებულია)🔗

მუხლი 81. განსაკუთრებულ შემთხვევებში მოწმობის შევსების წესი🔗

მუხლი 9. მოწმობისა და მასთან დაკავშირებული სხვა დოკუმენტების შენახვა🔗

მუხლი 10🔗

მუხლი 11. მოწმობის გრაფების შევსების წესი🔗

მუხლი 111. გამგზავნ საბაჟო ორგანოში კონტროლის შედეგებთან დაკავშირებით მოწმობის გრაფების შევსების წესი🔗

მუხლი 12. (ამოღებულია)🔗

მუხლი 13🔗

მუხლი 14. განსაკუთრებულ შემთხვევებში მოწმობის გრაფების შევსების წესი🔗

მუხლი 141.🔗

მუხლი 142.🔗

მუხლი 143.🔗

მუხლი 144.🔗

მუხლი 145.🔗

მუხლი 15🔗

მუხლი 16🔗

მუხლი 17. (ამოღებულია)🔗

მუხლი 18. საბაჟო კონტროლის სპეციალური საშუალება🔗

როგორ დავიმოწმოთ