საქართველოს საბაჟო კოდექსის 66-ე მუხლისა და საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ლ“ ქვეპუნქტის საფუძველზე, ვბრძანებ:

1. საქართველოს საბაჟო ორგანოებს საბაჟო საზღვრის გადამკვეთი საქონლისა და სატრანსპორტო საშუალებების მიმართ საქართველოს საბაჟო კოდექსით განსაზღვრული საბაჟო პროცედურების განხორციელების ადგილებად განესაზღვროთ:

ა) საბაჟო საზღვრის გადაკვეთის ადგილებში საქონლის წარდგენასთან, დათვალიერებასთან, საბაჟო დოკუმენტების არსებობის დადგენასთან, ზოგად დეკ-ლარირებასთან, საბაჟო კანონმდებლობის შესრულების მიზნით სხვა ქმედებების განხოციელებასთან დაკავშირებული საბაჟო პროცედურების ჩატარებისას – სასაზღვრო საბაჟო ორგანოები: საბაჟო გამშვები პუნქტები (წითელი ხიდი, სადახლო, გარდაბანი, ახკერპი, გუგუთი, მტკვარი, ლაგოდეხი, სამთაწყარო, ყაზბეგი, ვალე, ნინოწმინდა, სარფი, ბათუმის აეროპორტი, ქუთაისისა და სენაკის აეროპორტები) და საბაჟო საგუშაგოები (თბილისის აეროპორტი, ბათუმის პორტი, ფოთისა და ყულევის პორტები);

საქართველოს ფინანსთა მინისტრის 2007 წლის 9 მარტის ბრძანება №192 - სსმ III, 12.03.2007, №32, მუხ.386

საქართველოს ფინანსთა მინისტრის 2007 წლის 28 სექტემბრის ბრძანება №1084 - სსმ III, 04.10.2007, №138, მუხ.1511

ბ) საბაჟო რეჟიმში საქონლის მოსაქცევად საქონლის წარდგენასთან, საბაჟო დეკლარირებასთან და დათვალიერებასთან, საბაჟო გადასახდელების გადახდასთან, სატრანსპორტო საშუალებებისა და პირადი ნივთების შემოწმებასთან, საბაჟო კანონმდებლობის შესრულების მიზნით სხვა ქმედებების განხორციელებასთან დაკავშირებული საბაჟო პროცედურების ჩატარებისას – საბაჟო დამუშავების ოპერაციების განხორციელების შემდეგი ადგილები:

ბ.ა) თბილისის რეგიონალური ცენტრი (საგადასახადო ინსპექცია):

ბ.ა.ა) ქ. თბილისი, ჭირნახულის I შესახვევი №7 (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა. აღნიშნული შეზღუდვა არ ვრცელება საბაჟო საწყობში საქონლის შენახვის საბაჟო რეჟიმში მოქცეული აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციის განხორცილებისას);

ბ.ა.ბ) ქ. თბილისი, ცოტნე დადიანის ქ. №30 (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.ა.გ) ქ. თბილისი, აეროპორტის მიმდებარე ტერიტორია (მხოლოდ საფოსტო გზავნილების, დიპლომატიური მიზნებისათვის შემოტანილი საქონლის და საქართველოში მუდმივ საცხოვრებლად შემოსვლისას ფიზიკური პირის მიერ პირადი სარგებლობისათვის შემოტანილი საქონლის საბაჟო დამუშავების ოპერაციებისათვის);

ბ.ა.დ) ქ. მცხეთა, ნარეკვავის დასახლება, ნატახტარის ქ. №1 (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.ა.ე) მცხეთის რ-ნი, ზაჰესის დასახლება, მშვიდობის ქ. №105ა;

ბ.ა.ვ) ქ. თბილისი, დავით აღმაშენებლის ხეივანი, მე-13 კილომეტრი, საქართველოს შინაგან საქმეთა სამინისტროს საპატრულო პოლიციის დეპარტამენტის ქ. თბილისის საპატრულო პოლიციის მთავარი სამმართველოს შენობა – მხოლოდ ,,საბაჟო კონტროლის ზონაში საქართველოს შინაგან საქმეთა სამინისტროს სპეციალისტების დაშვების და იმპორტის საბაჟო რეჟიმით შემოტანილი სატრანსპორტო საშუალებების დათვალიერებისა და მათი რეკვიზიტების შემოწმების შესახებ ინსტრუქციის დამტკიცების თაობაზე“ საქართველოს ფინანსთა მინისტრისა და საქართველოს შინაგან საქმეთა მინისტრის 2006 წლის 20 დეკემბრის №1778-1497 ერთობლივი ბრძანებით განსაზღვრული ავტოსატრანსპორტო საშუალებების საბაჟო დამუშავების ოპერაციებისათვის;

ბ.ა.ზ) საქართველოს საბაჟო საზღვრიდან ქ. თბილისის რკინიგზის სამგზავრო სადგურის ტერიტორიის ჩათვლით და უკუმიმართულებით მოძრავი ერევანი-ბათუმი-ერევანი, ბათუმი-ერევანი-ბათუმის საერთაშორისო სარკინიგზო მიმოსვლის ძირითადი მარშრუტის მსვლელობის სწრაფი სამგზავრო მატარებელი (იმ შემთხვევაში, თუ ვერ ხერხდება აღნიშნული პროცედურის მატარებელში წარმართვა, საქონლის საბაჟო რეჟიმში მოქცევის ოპერაცია განხორციელდება უახლოეს ან დეკლარანტის მიერ შერჩეულ საბაჟო პროცედურის ჩატარების ადგილზე);

ბ.ა.თ) ქ. თბილისი, ვანის ქ. №1 (შპს „ინტერტრანსის“ საწყობის ტერიტორია) (მხოლოდ რკინიგზით გადაადგილებული საქონლის მიმართ საბაჟო დამუშავების ოპერაციებისათვის);

ბ.ა.ი) ქ. თბილისი, აეროპორტის დასახლება, შპს „გაკო ტერმინალის“ საწყობის ტერიტორია (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა. აღნიშნული შეზღუდვა არ ვრცელება საბაჟო საწყობში საქონლის შენახვის საბაჟო რეჟიმში მოქცეული აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციის განხორცილებისას);

ბ.ა.კ) ქ. თბილისი, ქიზიყის ქ. №4, შპს „კასპიან კრედო & ჯორჯიას“ საწყობის ტერიტორია (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა. აღნიშნული შეზღუდვა არ ვრცელება საბაჟო საწყობში საქონლის შენახვის საბაჟო რეჟიმში მოქცეული აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციის განხორცილებისას);

ბ.ა.ლ) ქ. თბილისი, იუმაშევის ქ. №14, სს ,,ლილო 1“-ის საწყობის ტერიტორია (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა. აღნიშნული შეზღუდვა არ ვრცელება საბაჟო საწყობში საქონლის შენახვის საბაჟო რეჟიმში მოქცეული აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციის განხორცილებისას).

საქართველოს ფინანსთა მინისტრის 2008 წლის 25 თებერვლის ბრძანება №180 - სსმ III, 29.02.2008, №32, მუხ.341

ბ.ბ) ახალციხის რეგიონალური ცენტრი (საგადასახადო ინსპექცია): საბაჟო გამშვები პუნქტი „ვალე“-ს ტერიტორია (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.გ) თელავის რეგიონალური ცენტრი (საგადასახადო ინსპექცია): ქ. თელავი, ერეკლე II-ის გამზ. №1 (გარდა ავტოსატრანსპორტო საშუალებების საბაჟო დამუშავების ოპერაციებისა და საქონლის მიმართ თავისუფალ მიმოქცევაში გაშვების (იმპორტის) საბაჟო რეჟიმის გამოყენებისა. ამ რეჟიმში ახორციელებს მხოლოდ რკინიგზით გადაადგილებული საქონლისა და დახურული საბაჟო საწყობის საქმიანობის ნებართვის მფლობელის საწყობში შენახული საქონლის მოქცევას, აგრეთვე ნებისმიერი საბაჟო დამუშავების ოპერაციის (გარდა ექსპორტის საბაჟო რეჟიმისა) შეცვლას თავისუფალ მიმოქცევაში გაშვების (იმპორტის) საბაჟო რეჟიმით);

ბ.დ) ცხინვალის რეგიონალური ცენტრი (საგადასახადო ინსპექცია): სოფელი ქურთა (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.ე) ქუთაისის რეგიონალური ცენტრი (საგადასახადო ინსპექცია): წყალტუბოს რაიონი, სოფ. ქვიტირი, ,,საბაჟო-კემპინგი“ (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.ვ) რუსთავის რეგიონალური ცენტრი (საგადასახადო ინსპექცია): ქ. რუსთავი, ფიროსმანის ქ. №38 (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.ზ) ბათუმის რეგიონალური ცენტრი (საგადასახადო ინსპექცია):

ბ.ზ.ა) ხელვაჩაურის რ-ნი, სოფელი ადლია, შპს ,,ტერმინალის“ საწყობის ტერიტორია (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.ზ.ბ) ქ. ბათუმი, ტბელ-აბუსერიძის ქ. №11, საქართველოს შინაგან საქმეთა სამინისტროს საპატრულო პოლიციის დეპარტამენტის აჭარის სამმართველო – ,,საბაჟო კონტროლის ზონაში საქართველოს შინაგან საქმეთა სამინისტროს სპეციალისტების დაშვების და იმპორტის საბაჟო რეჟიმით შემოტანილი სატრანსპორტო საშუალებების დათვალიერებისა და მათი რეკვიზიტების შემოწმების შესახებ ინსტრუქციის დამტკიცების თაობაზე“ საქართველოს ფინანსთა მინისტრისა და საქართველოს შინაგან საქმეთა მინისტრის 2006 წლის 20 დეკემბრის №1778-1497 ერთობლივი ბრძანებით განსაზღვრული ავტოსატრანსპორტო საშუალებების საბაჟო დამუშავების ოპერაციებისათვის;

ბ.ზ.გ) ქ. ბათუმი, გოგებაშვილის ქ. №60;

ბ.თ) ფოთის რეგიონალური ცენტრი (საგადასახადო ინსპექცია):

ბ.თ.ა) ქ. ფოთი, კოკაიას ხეივანი №1 (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.თ.ბ) ხობის რაიონი, სოფელი ყულევი (გარდა აქციზური ავტოსატრანსპორტო საშუალებების მიმართ საქონლის თავისუფალ მიმოქცევაში გაშვების (იმპორტის) საბაჟო დამუშავების ოპერაციისა);

ბ.თ.გ) ქ. ფოთი, საქართველოს შინაგან საქმეთა სამინისტროს საპატრულო პოლიციის დეპარტამენტის სამეგრელოსა და ზემო სვანეთის სამმართველოს მე-3 სახაზო განყოფილება – მხოლოდ ,,საბაჟო კონტროლის ზონაში საქართველოს შინაგან საქმეთა სამინისტროს სპეციალისტების დაშვების და იმპორტის საბაჟო რეჟიმით შემოტანილი სატრანსპორტო საშუალებების დათვალიერებისა და მათი რეკვიზიტების შემოწმების შესახებ ინსტრუქციის დამტკიცების თაობაზე“ საქართველოს ფინანსთა მინისტრისა და საქართველოს შინაგან საქმეთა მინისტრის 2006 წლის 20 დეკემბრის №1778-1497 ერთობლივი ბრძანებით განსაზღვრული ავტოსატრანსპორტო საშუალებების საბაჟო დამუშავების ოპერაციებისათვის.

საქართველოს ფინანსთა მინისტრის 2007 წლის 8 თებერვლის ბრძანება №93 - სსმ III, 08.02.2007, №18, მუხ.202

საქართველოს ფინანსთა მინისტრის 2007 წლის 23 მაისის ბრძანება №538 - სსმ III, 01.06.2007, №76, მუხ.822

საქართველოს ფინანსთა მინისტრის 2007 წლის 21 ივნისის ბრძანება №671 - სსმ III, 25.06.2007, №88, მუხ.946

საქართველოს ფინანსთა მინისტრის 2008 წლის 18 იანვრის ბრძანება №62 - სსმ III, 22.01.2008, №9, მუხ.111

გ) საქონლის დროებითი დასაწყობების დროს – საბაჟო საწყობი ან შენახვის სხვა ადგილი, რომელიც აკმაყოფილებს საქართველოს საბაჟო კანონმდებლობით დადგენილ პირობებს.

2. საქართველოს საბაჟო ტერიტორიაზე საქონლის შემოტანა და საბაჟო პროცედურების განხორციელება სხვა ადგილებში, რომლებიც განსაზღვრული არ არის საქართველოს მთავრობის დადგენილებით (განსაკუთრებულ შემთხვევებში სამხედრო ტექნიკისა და შეიარაღების, ავარიების, დაუძლეველი ძალის მოქმედების შედეგების სალიკვიდაციოდ, აგრეთვე სამაშველო სამუშაოების შესასრულებლად ტექნიკის, აგრეთვე პირუტყვის შემოყვანის და მსგავს შემთხვევებში საზღვრის გადაკვეთის სხვა ადგილები) დაიშვება დაინტერესებული პირის წერილობითი განცხადების საფუძველზე, მისივე ხარჯებით და საბაჟო ორგანოსთან შეთანხმებით.

3. საბაჟო ორგანოს შესაბამისი სტრუქტურული ერთეულის წერილობითი თანხმობა არაა საჭირო მუდმივ და დროებით საცხოვრებლად გადაადგილებულ პირთა, დიპლომატიურ და მასთან გათანაბრებულ წარმომადგენლობათა, დიპლომატიურ და ადმინისტრაციულ-ტექნიკური პერსონალის (მათთან მცხოვრები ოჯახის წევრების ჩათვლით) კუთვნილი საქონლისა და სატრანსპორტო საშუალებების, ასევე ჰუმანიტარული დახმარებისა და გრანტით შემოტანილი საქონლის საბაჟო დამუშავების ოპერაციის განხორციელებისას.

4. ფიზიკური პირის მიერ საქართველოს საბაჟო საზღვარზე იმპორტის საბაჟო რეჟიმით გადაადგილებული 700 ლარზე ნაკლები საბაჟო ღირებულების მქონე, პირადი სარგებლობისათვის განკუთვნილი საქონელი, აგრეთვე ექსპორტის საბაჟო რეჟიმით გადაადგილებული 3000 ლარზე ნაკლები საბაჟო ღირებულების მქონე საქონელი, ამ პირის თხოვნის საფუძველზე, ექვემდებარება საბაჟო დამუშავების ოპერაციას იმ სასაზღვრო საბაჟო ორგანოში, სადაც მის მიერ ხორციელდება საქონლით საბაჟო საზღვრის გადაკვეთა. მიუხედავად ამ პუნქტის პირველ წინადადებაში აღნიშნული დებულებისა, სასაზღვრო საბაჟო ორგანოებში – ,,წითელი ხიდი“, ,,გარდაბანი“, ,,სადახლო“, ლაგოდეხი, ,,სამთაწყარო“, ,,გუგუთი“, ,,ახკერპი“, ,,მტკვარი“, ,,ვალე“ და ,,ყაზბეგი“ განხორციელდება მხოლოდ ექსპორტის (ფიზიკური პირის მიერ საქართველოს საბაჟო საზღვარზე გადაადგილებული 3000 ლარზე ნაკლები საბაჟო ღირებულების საქონლის) საბაჟო რეჟიმში დეკლარირება, ხოლო ამავე პუნქტების გავლით გადაადგილებული საქონლის დეკლარირება თავისუფალ მიმოქცევაში გაშვების (იმპორტის) საბაჟო რეჟიმში განხორციელდება უახლოეს ან დეკლარანტის მიერ შერჩეულ საბაჟო დამუშავების ოპერაციის ადგილზე.

საქართველოს ფინანსთა მინისტრის 2007 წლის 8 თებერვლის ბრძანება №95 - სსმ III, 12.02.2007, №19, მუხ.218

5. ფიზიკური პირის მიერ ერევანი-ბათუმი-ერევანი და ბათუმი-ერევანი-ბათუმის საერთაშორისო სარკინიგზო მიმოსვლის ძირითადი მარშრუტის მსვლელობის სწრაფი სამგზავრო მატარებლით საქართველოს საბაჟო საზღვარზე გადაადგილებული 700 ლარზე (იმპორტის შემთხვევაში) და 3000 ლარზე (ექსპორტის შემთხვევაში) ნაკლები საბაჟო ღირებულების საქონელი ექვემდებარება იმავე მატარებელში, შესაბამისად, იმპორტისა და ექსპორტის საბაჟო რეჟიმებში მოქცევას. იმ შემთხვევაში, თუ ვერ ხერხდება აღნიშნული პროცედურის მატარებელში წარმართვა, საქონლის საბაჟო დამუშავების შესაბამისი ოპერაცია განხორციელდება უახლოეს ან დეკლარანტის მიერ შერჩეულ საბაჟო დამუშავების ადგილზე.

5¹. საქართველოს საბაჟო ტერიტორიაზე შემოტანილი საქართველოს ფინანსთა მინისტრის 2007 წლის 22 ნოემბრის №1232 ბრძანების დანართი №12 – ,,ნედლი ნავთობისა და მისი გადამუშავებით მიღებული საქონლის (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით) ნუსხით“ გათვალისწინებული საქონლის საბაჟო დამუშავების ოპერაციების განხორციელების ადგილებად განისაზღვროს:

ა) ქ. თბილისი, ცოტნე დადიანის ქ. №30;

ბ) წყალტუბოს რ-ნი, სოფ. ქვიტირი, ,,საბაჟო კემპინგი“;

გ) ქ. ბათუმი, გოგებაშვილის ქ. №60;

საქართველოს ფინანსთა მინისტრის 2008 წლის 6 თებერვლის ბრძანება №116 - სსმ III, 07.02.2008, №19, მუხ.228

დ) ქ. ფოთი, კოკაიას ხეივანი №1.

საქართველოს ფინანსთა მინისტრის 2008 წლის 18 იანვრის ბრძანება №78 - სსმ III, 24.01.2008, №11, მუხ.159

5². ფიზიკური პირის მიერ საქართველოს საბაჟო საზღვარზე მსუბუქი ან სატვირთო ავტოსატრანსპორტო საშუალებით გადაადგილებული სეს ესნ-ის 3403 19 100 00, 3403 19 910 00, 3403 19 990 00, 3403 99 900 00, 2710 19 710 00 – 2710 99 000 00 კოდებით გათვალისწინებული არა უმეტეს 10 ლიტრი ზეთებისა ან/და არა უმეტეს 20 ლიტრი ბენზინის დეკლარირება საქონლის თავისუფალ მიმოქცევაში გაშვების (იმპორტის) საბაჟო რეჟიმში განხორციელდება უახლოეს ან დეკლარანტის მიერ შერჩეულ ნებისმიერ საბაჟო დამუშავების ოპერაციის ადგილზე.

6. საქართველოს საბაჟო ტერიტორიაზე ღია/დახურული, დალუქული/დაულუქავი სატრანსპორტო საშუალებებით გადაადგილებული, საბაჟო კონტროლს დაქვემდებარებული იმ საქონლის, რომლის სათანადო აღრიცხვა და საიმედო იდენტიფიცირება სასაზღვრო საბაჟო ორგანოს ტერიტორიაზე შეუძლებელია, საბაჟო დამუშავების ოპერაციის უახლოეს ადგილამდე ტრანსპორტირება განხორციელდეს საბაჟო ორგანოს უფლებამოსილი მოხელის უშუალო თანხლებით და ზედამხედველობის ქვეშ.

7. საბაჟო დამუშავების ოპერაციის განხორციელების დროდ განისაზღვროს:

ა) საბაჟო დამუშავების ოპერაციის განხორციელების საბაჟო ორგანოსათვის – სამუშაო დრო (სამუშაო დროში არ ითვლება საქართველოს ფინანსთა სამინისტროს შემოსავლების სამსახურის შრომის შინაგანაწესით განსაზღვრული შესვენების დრო) – კალენდარული კვირის ყოველი დღის 10⁰⁰ საათიდან – 18⁰⁰ საათამდე, დაინტერესებული პირის თხოვნით, მისი ხარჯითა და საბაჟო ორგანოს წერილობითი თანხმობით, საბაჟო დამუშავების ოპერაცია შეიძლება განხორციელდეს არასამუშაო დროსაც;

საქართველოს ფინანსთა მინისტრის 2007 წლის 16 ივლისის ბრძანება №892 - სსმ III, 19.07.2007, №103, მუხ.1137

საქართველოს ფინანსთა მინისტრის 2008 წლის 3 იანვრის ბრძანება №2 - სსმ III, 09.01.2008, №3, მუხ.43

ბ) სასაზღვრო საბაჟო ორგანოებისათვის – სამუშაო დრო – კალენდარული კვირის (საქართველოს შრომის კოდექსით დადგენილი უქმე დღეების ჩათვლით) ყოველი დღის 00⁰⁰ – 24⁰⁰ საათი“.

გ) ფიზიკური პირის მიერ ერევანი-ბათუმი-ერევანი და ბათუმი-ერევანი-ბათუმის საერთაშორისო სარკინიგზო მიმოსვლის ძირითადი მარშრუტის მსვლელობის სწრაფი სამგზავრო მატარებლით საქართველოს საბაჟო საზღვარზე გადაადგილებული საქონლის საბაჟო დამუშავების ოპერაციის განხორციელების დროდ განისაზღვროს ერევანი-ბათუმი-ერევანი, ბათუმი-ერევანი-ბათუმის საერთაშორისო სარკინიგზო მიმოსვლის ძირითადი მარშრუტის მსვლელობის სწრაფი სამგზავრო მატარებლის საბაჟო საზღვრიდან ქ. თბილისის რკინიგზის სამგზავრო სადგურის ტერიტორიის ჩათვლით და უკუმიმართულებით გადაადგილებისთვის – აუცილებელი დროის პერიოდი.

7¹. ამ ბრძანების მე-7 პუნქტის „ა“ ქვეპუნქტით გათვალისწინებულ შემთხვევაში დაინტერესებული პირი საბაჟო ორგანოს მიმართავს წერილობით, სამუშაო დროის დამთავრებამდე არა უგვიანეს 2 საათით ადრე. საბაჟო დამუშავების ოპერაციის არასამუშაო დროს განხორციელების თაობაზე საბაჟო ორგანოს თანხმობა გამოიცემა საბაჟო გადაწყვეტილების ფორმით და წარმოადგენს რეგიონალური საბაჟოს ხელმძღვანელის ინდივიდუალურ ადმინისტრაციულ-სამართლებრივ აქტს.

7². ამ ბრძანების მე-7 პუნქტის „ა“ და ,,ბ“ ქვეპუნქტებით გათვალისწინებულ შემთხვევებში ცვლიანობის განრიგი, არასამუშაო დროს (კალენდარულ კვირაში 40 საათზე მეტი) ზეგანაკვეთური სამუშაოს პირობები, აგრეთვე 7¹ პუნქტით გათვალისწინებულ შემთხვევაში არასამუშაო დროს (კალენდარულ კვირაში 40 საათზე მეტი) ზეგანაკვეთური სამუშაოს პირობები, აგრეთვე სხვა შესაბამისი საკითხები განისაზღვრება საქართველოს ფინანსთა სამინისტროს შემოსავლების სამსახურის შრომის შინაგანაწესით.

8. ამ ბრძანების ამოქმედებისთანავე ძალადაკარგულად გამოცხადდეს ,,საქართველოს ფინანსთა სამინისტროს საბაჟო დეპარტამენტის, საბაჟო ორგანოების სამოქმედო ტერიტორიების, საბაჟო გაფორმების ადგილებისა და დროის განსაზღვრის შესახებ საქართველოს ფინანსთა მინისტრის 2003 წლის 13 ივნისის №309 და ,,საქართველოს ფინანსთა სამინისტროს საბაჟო დეპარტამენტის ტერიტორიული ორგანოების შექმნის და მათი სამოქმედო ტერიტორიების განსაზღვრის შესახებ“ საქართველოს ფინანსთა მინისტრის 2004 წლის 21 ივნისის №403 ბრძანებები.

8¹. ამ ბრძანების პირველი პუნქტის ,,ა“ ქვეპუნქტით გათვალისწინებული სასაზღვრო საბაჟო ორგანოები სტრუქტურულად დაექვემდებარებიან საქართველოს ფინანსთა სამინისტროს შემოსავლების სამსახურის შემდეგ ტერიტორიულ ორგანოებს:

ა) საბაჟო საგუშაგო: ,,თბილისის აეროპორტი“ – თბილისის რეგიონალურ ცენტრს (საგადასახადო ინსპექციას);

ბ) საბაჟო გამშვები პუნქტები: ,,წითელი ხიდი“, ,,სადახლო“, ,,გარდაბანი“, ,,ახკერპი“, ,,გუგუთი“, ,,მტკვარი“ – რუსთავის რეგიონალურ ცენტრს (საგადასახადო ინსპექციას);

გ) საბაჟო გამშვები პუნქტი ,,ქუთაისისა და სენაკის აეროპორტები“ – ქუთაისის რეგიონალურ ცენტრს (საგადასახადო ინსპექციას);

დ) საბაჟო გამშვები პუნქტი ,,ყაზბეგი“ – გორის რეგიონალურ ცენტრს (საგადასახადო ინსპექციას);

ე) საბაჟო გამშვები პუნქტები ,,ლაგოდეხი“ და ,,სამთაწყარო“ – თელავის რეგიონალურ ცენტრს (საგადასახადო ინსპექციას);

ვ) საბაჟო გამშვები პუნქტები ,,ვალე“ და ,,ნინოწმინდა“ – ახალციხის რეგიონალურ ცენტრს (საგადასახადო ინსპექციას);

ზ) საბაჟო საგუშაგო ,,ბათუმის პორტი“, საბაჟო გამშვები პუნქტები: ,,სარფი“, ,,ბათუმის აეროპორტი“ – ბათუმის რეგიონალურ ცენტრს (საგადასახადო ინსპექციას);

თ) საბაჟო საგუშაგო ,,ფოთისა და ყულევის პორტები“ – ფოთის რეგიონალურ ცენტრს (საგადასახადო ინსპექციას).

საქართველოს ფინანსთა მინისტრის 2007 წლის 28 სექტემბრის ბრძანება №1102 - სსმ III, 05.10.2007, №139, მუხ.1528

საქართველოს ფინანსთა მინისტრის 2007 წლის 22 ნოემბრის ბრძანება №1227 - სსმ III, 29.11.2007, №169, მუხ.1872

9. ბრძანება ამოქმედდეს 2007 წლის 1 იანვრიდან.

ა. ალექსიშვილი

შეტანილია ცვლილებები:

1. საქართველოს ფინანსთა მინისტრის 2007 წლის 8 თებერვლის ბრძანება №93 - სსმ III, 08.02.2007, №18, მუხ.202

2. საქართველოს ფინანსთა მინისტრის 2007 წლის 8 თებერვლის ბრძანება №95 - სსმ III, 12.02.2007, №19, მუხ.218

3. საქართველოს ფინანსთა მინისტრის 2007 წლის 9 მარტის ბრძანება №192 - სსმ III, 12.03.2007, №32, მუხ.386

4. საქართველოს ფინანსთა მინისტრის 2007 წლის 23 მაისის ბრძანება №538 - სსმ III, 01.06.2007, №76, მუხ.822

5. საქართველოს ფინანსთა მინისტრის 2007 წლის 21 ივნისის ბრძანება №671 - სსმ III, 25.06.2007, №88, მუხ.946

6. საქართველოს ფინანსთა მინისტრის 2007 წლის 16 ივლისის ბრძანება №892 - სსმ III, 19.07.2007, №103, მუხ.1137

7. საქართველოს ფინანსთა მინისტრის 2007 წლის 28 სექტემბრის ბრძანება №1084 - სსმ III, 04.10.2007, №138, მუხ.1511

8. საქართველოს ფინანსთა მინისტრის 2007 წლის 28 სექტემბრის ბრძანება №1102 - სსმ III, 05.10.2007, №139, მუხ.1528

9. საქართველოს ფინანსთა მინისტრის 2007 წლის 22 ნოემბრის ბრძანება №1227 - სსმ III, 29.11.2007, №169, მუხ.1872

10. საქართველოს ფინანსთა მინისტრის 2008 წლის 3 იანვრის ბრძანება №2 - სსმ III, 09.01.2008, №3, მუხ.43

11. საქართველოს ფინანსთა მინისტრის 2008 წლის 18 იანვრის ბრძანება №62 - სსმ III, 22.01.2008, №9, მუხ.111

12. საქართველოს ფინანსთა მინისტრის 2008 წლის 18 იანვრის ბრძანება №78 - სსმ III, 24.01.2008, №11, მუხ.159

13. საქართველოს ფინანსთა მინისტრის 2008 წლის 6 თებერვლის ბრძანება №116 - სსმ III, 07.02.2008, №19, მუხ.228

14. საქართველოს ფინანსთა მინისტრის 2008 წლის 25 თებერვლის ბრძანება №180 - სსმ III, 29.02.2008, №32, მუხ.341

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“, №1765, 20.12.2006, სარეგისტრაციო კოდი 230.150.020.22.033.009.699 (კონსოლიდირებული რედაქცია 25.02.2008). ხელმისაწვდომია: https://legali.ge/law/68170-14/