სსიპ საქართველოს შინაგან საქმეთა სამინისტროს მომსახურების სააგენტოს მიერ გირავნობის რეგისტრაციის, ნასამართლობის შესახებ ცნობისა და მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემის წესის დამტკიცების შესახებ

სახელმწიფო სარეგისტრაციო კოდი 010.240.060.22.034.010.501

საქართველოს შინაგან საქმეთა

მინისტრის ბრძანება №892

2007 წლის 25 ივნისი

ქ. თბილისი

სსიპ საქართველოს შინაგან საქმეთა სამინისტროს მომსახურების სააგენტოს მიერ გირავნობის რეგისტრაციის, ნასამართლობის შესახებ ცნობისა და მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემის წესის დამტკიცების შესახებ

საქართველოს სამოქალაქო კოდექსის, საქართველოს ზოგად ი ადმინისტრაციული კოდექსის, „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურებისა და ვადების შესახებ“ საქართველოს კანონისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული საქართველოს შინაგან საქმეთა სამინისტროს დებულების მე-11 პუნქტის „ა“ და „ნ“ ქვეპუნქტების საფუძველზე, ვბრძანებ:

1. დამტკიცდეს თანდართული ,,სსიპ საქართველოს შინაგან საქმეთა სამინისტროს მომსახურების სააგენტოს მიერ გირავნობის რეგისტრაციის, ნასამართლობის შესახებ ცნობისა და მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემის წესი“.

2. ეს ბრძანება ამოქმედდეს გამოქვეყნებისთანავე.

ი. მერაბიშვილი

 

 

სსიპ საქართველოს შინაგან საქმეთა სამინისტროს მომსახურების სააგენტოს მიერ გირავნობის რეგისტრაციის, ნასამართლობის შესახებ ცნობისა და მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემის წესი

თავი I

ზოგადი დებულებები

    მუხლი 1

ეს ინსტრუქცია საქართველოს სამოქალაქო კოდექსის, საქართველოს ზოგადი ადმინისტრაციული კოდექსის, „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურებისა და ვადების შესახებ“ საქართველოს კანონის, აგრეთვე საქართველოს სხვა კანონმდებლობის შესაბამისად ადგენს სსიპ საქართველოს შინაგან საქმეთა სამინისტროს მომსახურების სააგენტოს მიერ მექანიკურ სატრანსპორტო საშუალებებზე გირავნობის (გარდა საგადასახადო გირავნობისა) რეგისტრაციის, დაგირავებული მექანიკური სატრანსპორტო საშუალებების გასხვისების, ნასამართლობის შესახებ ცნობის გაცემის, მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემისა და იარაღის სამართლებრივი მდგომარეობის შესახებ ცნობის გაცემის წესსა და პირობებს.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

    მუხლი 2

ინსტრუქციაში გამოყენებულ ტერმინთა განმარტება:

ა) საჯარო სამართლის იურიდიული პირი – საქართველოს შინაგან საქმეთა სამინისტროს მომსახურების სააგენტო (შემდგომში – სააგენტო) – კანონით შექმნილი საჯარო სამართლის იურიდიული პირი, რომელიც შედის საქართველოს შინაგან საქმეთა სამინისტროს მმართველობის სფეროში;

ბ) საფასური – „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურებისა და ვადების შესახებ“ საქართველოს კანონით განსაზღვრული სავალდებულო გადასახდელი, დამატებული ღირებულების გადასახადის ჩათვლით, რომელიც გადაიხდება სააგენტოს მიერ გაწეული მომსახურებისათვის;

გ) მომსახურება – სააგენტოს მიერ მექანიკურ სატრანსპორტო საშუალებებზე გირავნობის რეგისტრაციის, მექანიკური სატრანსპორტო საშუალების სამართლებრივი მდგომარეობის შესახებ ცნობისა და ნასამართლობის შესახებ ცნობის გაცემის, აგრეთვე ამ ინსტრუქციითა და კანონმდებლობით განსაზღვრული სხვა ქმედებების განხორციელება;

დ) დაჩქარებული მომსახურება – დაინტერესებული პირის მოთხოვნის საფუძველზე მომსახურების განხორციელება კანონმდებლობით განსაზღვრულ ვადაზე უფრო შემჭიდროებულ დროში;

ე) დაინტერესებული პირი – ფიზიკური ან იურიდიული პირი, რომელსაც ამ ინსტრუქციით დადგენილი წესით გააჩნია სამართლებრივი უფლება, მოსთხოვოს სააგენტოს მომსახურების გაწევა;

ვ) ელექტრონული დოკუმენტი – ელექტრონული, ოპტიკური ან სხვა მსგავსი საშუალების გამოყენებით შექმნილი, გაგზავნილი, მიღებული ან შენახული წერილობითი ინფორმაცია, რომელიც ადასტურებს იურიდიული მნიშვნელობის ფაქტს ან იურიდიული მნიშვნელობის არმქონე ფაქტს;

ზ) მატერიალური დოკუმენტი – ქაღალდზე ან სხვა მატერიალურ მატარებელზე წარმოდგენილი ინფორმაცია, რომელიც ადასტურებს იურიდიული მნიშვნელობის ფაქტს ან იურიდიული მნიშვნელობის არმქონე ფაქტს;

თ) ელექტრონული დოკუმენტბრუნვის სისტემა – ელექტრონული დოკუმენტების გაცვლის სისტემა, რომლის მონაწილეთა შორის არსებული ურთიერთობები რეგულირდება ამ ბრძანებით;

ი) მექანიკური სატრანსპორტო საშუალება – ძრავიანი სატრანსპორტო საშუალება, მოპედის გარდა, აგრეთვე ყველა სახის ტრაქტორი, მისაბმელი და თვითმავალი მანქანა;

კ) მექანიკური სატრანსპორტო საშუალების სამართლებრივი მდგომარეობა – მარეგისტრირებელ ორგანოში აღრიცხული (რეგისტრირებული) ინფორმაცია მექანიკურ სატრანსპორტო საშუალებაზე საკუთრების უფლების, სამართლებრივი დატვირთვისა და უფლებრივად შეზღუდვის შესახებ, რომელიც დასტურდება უფლებამოსილი ადმინისტრაციული ორგანოს მიერ გაცემული დოკუმენტით;

ლ) დამხმარე ტექნიკური საშუალებები – სავალდებულო რეგისტრაციისათვის განკუთვნილი სასოფლო-სამეურნეო ტექნიკის შემადგენელი დამხმარე საშუალებები, რომელზეც არ გაიცემა სახელმწიფო სანომრე ნიშანი;

მ) სამომავლო ქონება – საქართველოს სამოქალაქო კოდექსის 254-ე მუხლის მე-5 ნაწილის შესაბამისად გირავნობის გარიგებით განსაზღვრული მოთხოვნის უზრუნველყოფის საშუალებად გამოყენებული მექნიკური სატრანსპორტო საშუალება, რომელსაც დამგირავებელი შეიძენს მომავალში;

ნ) ავტორიზებული მოგირავნე ან ნოტარიუსი (მისი შემცვლელი) – მოგირავნე ან ნოტარიუსი (მისი შემცვლელი), რომელსაც სააგენტოსთან დადებული სახელშეკრულებო ურთიერთობებიდან გამომდინარე მინიჭებული აქვს ელექტრონული დოკუმენტბრუნვის სისტემის გამოყენებით მექანიკური სატრანსპორტო საშუალების გირავნობის რეგისტრაციის ან/და რეგისტრაციაში ცვლილებების განხორციელების ან/და გირავნობის რეგისტრაციის გაუქმების თაობაზე ელექტრონული დოკუმენტის წარდგენის უფლება .

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

თავი II

მექანიკურ სატრანსპორტო საშუალებაზე გირავნობის რეგისტრაციის წესი

მუხლი 3

1. მექანიკურ სატრანსპორტო საშუალებაზე რეგისტრირებული გირავნობის წარმოშობისათვის აუცილებელია გარიგების წერილობითი ფორმით დადება და ამ გარიგებით განსაზღვრული გირავნობის უფლების რეგისტრაცია სსიპ საქართველოს შინაგან საქმეთა სამინისტროს მომსახურების სააგენტოში. გარიგების ნამდვილობისათვის არ მოითხოვება გარიგების ან გარიგების მონაწილე მხარეთა ხელმოწერების ნამდვილობის დამოწმება, თუ:

ა) გარიგების მონაწილე მხარეები გარიგებას ხელს აწერენ მარეგისტრირებელ ორგანოში უფლებამოსილი პირის თანდასწრებით;

ბ) მექანიკურ ი სატრანსპორტო საშუალებ ის გირავნობის რეგისტრაცი ა ხორციელდება ელექტრონული დოკუმენტბრუნვის სისტემ ის გამოყენებით, ავტორიზებული მოგირავნ ი ს ელექტრონული განცხადების საფუძველზე .

2. სააგენტო უფლებამოსილია მატერიალური ან/და ელექტრონული დოკუმენტის სახით შექმნას, მიიღოს, შეინახოს (მათ შორის, საარქივო მასალები) და გასცეს მექანიკურ სატრანსპორტო საშუალებაზე გირავნობის რეგისტრაციასთან დაკავშირებული ნებისმიერი დოკუმენტი, რომელსაც შეიძლება სამართლებრივი შედეგები მოჰყვეს. ელექტრონულ დოკუმენტებს და მათ ამონაბეჭდს აქვს იგივე იურიდიული ძალა, როგორიც მატერიალური სახის დოკუმენტებს.

3. სააგენტო უფლებამოსილია კანონმდებლობით გათვალისწინებულ შემთხვევებში, გარდა ამ წესით განსაზღვრულ დოკუმენტებისა, დამატებით მოითხოვოს ნებისმიერი დოკუმენტის ან ინფორმაციის წარმოდგენა, რაც აუცილებელია გირავნობის რეგისტრაციის საკითხზე გადაწყვეტილების მისაღებად.

 4. სააგენტოს მიერ მექანიკურ სატრანსპორტო საშუალებაზე გირავნობა რეგისტრირდება ამ წესით განსაზღვრული მატერიალური ან ელექტრონული დოკუმენტების მიღებიდან 5 სამუშაო დღის ვადაში.

5. მექანიკურ სატრანსპორტო საშუალებაზე გირავნობა რეგისტრირებულად ითვლება სააგენტოს მიერ რეგისტრაციის ჟურნალში ან ელექტრონულ მონაცემთა ბაზაში მისი რეგისტრაციისა და სარეგისტრაციო ნომრის მინიჭების მომენტიდან.

6. გირავნობის რეგისტრაციის საფასური გადაიხდევინება დასაგირავებელი მექანიკური სატრანსპორტო საშუალებების რაოდენობის შესაბამისად.

7. სააგენტოსთან გაფორმებული სახელშეკრულებო ურთიერთობიდან გამომდინარე, ავტორიზებული მოგირავნე უფლებამოსილია ელექტრონული განცხადების საფუძველზე განახორციელოს მექანიკურ სატრანსპორტო საშუალებაზე გირავნობის რეგისტრაცია ან/და მიიღოს გირავნობის რეგისტრაციასთან დაკავშირებული მომსახურება.

7^​1. სააგენტოსთან დადებული სახელშეკრულებო ურთიერთობებიდან გამომდინარე, ავტორიზებული ნოტარიუსი ს (შემცვლელი პირ ის) მიერ შედგენილი ან/და დამოწმებული გირავნობის გარიგებით განსაზღვრული გირავნობის უფლების რეგისტრაცია შეიძლება განხორციელდეს ელექტრონული დოკუმენტბრუნვის სისტემის გამოყენებით, ავტორიზებული ნოტარიუსის (მისი შემცვლელის) ელექტრონული სახის მომართვის საფუძველზე.

8. სააგენტო არ არის პასუხისმგებელი გირავნობის გარიგების მხარეების მიერ მიღწეული შეთანხმების შინაარსზე და მისი შეუსრულებლობით გამოწვეულ სამართლებრივ შედეგებზე. სააგენტო არ შეიძლება მიჩნეულ იქნეს გარიგებაში ასახული გარემოებების დამადასტურებელ პირად (გარდა გირავნობის რეგისტრაციის ფაქტისა).

9. დაინტერესებული პირის მიერ რეგისტრირებული გირავნობისათვის წარმოდგენილი დოკუმენტების შენახვის ვადა განისაზღვრება რეგისტრაციის წიგნში ან ელექტრონულ მონაცემთა ბაზაში გირავნობის შეწყვეტის შესახებ ინფორმაციის ასახვიდან ერთი თვის ვადით.

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

     მუხლი 3^​1

1. კანონმდებლობით დადგენილი წესით სააგენტო ახორციელებს გირავნობის რეგისტრაციას:

ა) საბაჟო დამუშავების ოპერაციის განსაზღვრამდე საქართველოში შემოტანილი, სააგენტოში დაურეგისტრირებელი, საგარეო - ეკონომიკური საქმიანობის ეროვნული სასაქონლო ნომენკლატურის (სეს ესნ) 8702, 8703 და 8704 (რომლის ძრავის მუშა მოცულობა 50 სმ 3 მეტია) სასაქონლო პოზიციებში აღწერილ და კლასიფიცირებულ, საბაჟო კონტროლს დაქვემდებარებულ სატრანსპორტო საშუალებებზე;

ბ) საქონლის თავისუფალ მიმოქცევაში გაშვების (იმპორტის) საბაჟო რეჟიმში ან საბაჟო საწყობში საქონლის შენახვის საბაჟო რეჟიმში მიქცეულ მექანიკურ სატრანსპორტო საშუალებებზე, რომლებიც დეკლარირ ებულია სატვირთო საბაჟო დეკლარაციის ფორმა №3-ით;

გ) სააგენტოში რეგისტრირებულ მექანიკურ სატრანსპორტო საშუალებებზე.

დ) დამგირავებლის მიერ შესაძენ სამომავლო ქონებაზე, თუ სამომავლო ქონება წარმოადგენს:

დ.ა) საქართველოში დაურეგისტრირებელ, საქართველოს ფარგლებს გარეთ მყოფ, საგარეო - ეკონომიკური საქმიანობის ეროვნული სასაქონლო ნომენკლატურის (სეს ესნ) 8702, 8703 და 8704 (რომლის ძრავის მუშა მოცულობა 50 სმ 3 მეტია) სასაქონლო პოზიციებში აღწერილ და კლასიფიცირებულ სატრანსპორტო საშუალებებს;

დ.ბ) ამ მუხლის პირველი პუნქტის „ა“, „ბ“ და „გ“ ქვეპუნქტებით განსაზღვრულ მექანიკურ სატრანსპორტო საშუალებებს.

2. სააგენტოში დაურეგისტრირებელი მექანიკური სატრანსპორტო საშუალებების გირავნობის რეგისტრაციის შესახებ ინფორმაცია დამატებით აისახება საქართველოს შინაგან საქმეთა სამინისტროს ავტომატიზებული სისტემის მონაცემთა ბაზაში.

3 . თუ გირავნობის საგანს წარმოადგენს სამომავლო ქონება, მაშინ დამგირავებლის მიერ ქონების შეძენის შემთხვევაში წინა მესაკუთრის დროს წარმოშობილი გირავნობის უფლება წინ გაუსწრებს ახალი მესაკუთრის დროს წარმოშობილ გირავნობის უფლებას, მიუხედავად მათი წარმოშობის თარიღისა.

4 . სამომავლო ქონება მოთხოვნის უზრუნველყოფის საშუალება ხდება დამგირავებლის მიერ მისი შეძენისთანავე, ხოლო სამომავლო ქონებაზე გირავნობის უფლებათა რიგითობა განისაზღვრება გირავნობის უფლების რეგისტრაციის მომენტის შესაბამისად.

5. სამომავლო ქონებაზე გირავნობის რეგისტრაცია არ განხორციელდება , თუ გირავნობის გარიგებაში კონკრეტულად არ არის განსაზღვრული დამგირავებლის მიერ შესაძენი მექანიკური სატრანსპორტო საშუალება და მისი მაიდენტიფიცირებელი მონაცემები.

 6. სამომავლო ქონებაზე გირავნობის რეგისტრაციის არსებობისას სააგენტოში დაგირავებული მექანიკური სატრანსპორტო საშუალების ახალ მესაკუთრეზე გადაფორმების შემთხვევაში, შემძენზე გადადის დაუტვირთავი ქონება, თუ მოთხოვნის მომენტისათვის სააგენტოში არ მოიპოვება ინფორმაცია სამომავლო ქონების მოთხოვნის უზრუნველყოფის საშუალებად გახდომის შესახებ. აღნიშნული წესი არ ვრცელდება, თუ შემძენი დამგირავებელია.

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

მუხლი 4

1. მექანიკურ სატრანსპორტო საშუალებაზე გირავნობის რეგისტრაციისათვის დაინტერესებული პირის მიერ სააგენტოში წარმოდგენილ უნდა იქნეს:

ა) გირავნობის გარიგება, რომელიც აკმაყოფილებს ამ წესის მე-5 მუხლის მოთხოვნებს;

ბ) მექანიკურ სატრანსპორტო საშუალებაზე გირავნობის რეგისტრაციისათვის კანონმდებლობით განსაზღვრული საფასურის გადახდის დამადასტურებელი დოკუმენტი .

2. საბაჟო დამუშავების ოპერაციის განსაზღვრამდე საქართველოში შემოტანილი, სააგენტოში დაურეგისტრირებელი, საგარეო - ეკონომიკური საქმიანობის ეროვნული სასაქონლო ნომენკლატურის (სეს ესნ) 8702, 8703 და 8704 (რომლის ძრავის მუშა მოცულობა 50 სმ 3 მეტია) სასაქონლო პოზიციებში აღწერილი და კლასიფიცირებული, საბაჟო კონტროლს დაქვემდებარებული სატრანსპორტო საშუალებების გირავნობის რეგისტრაციისათვის, გარდა ამ მუხლის პირველი პუნქტით განსაზღვრული დოკუმენტებისა, დამატებით წარმოდგენილ უნდა იქნეს:

ა) უფლებამოსილი ორგანოს მიერ გაცემული ელექტრონული ან მატერიალური სახის დოკუმენტი, რომელიც ადასტურებს მექანიკური სატრანსპო რ ტო საშუალების საქართველოს ტერიტორიაზე შემოტანისა და მისი საბაჟო კონტროლს დაქვემდებარების ფაქტს;

ბ) მექანიკურ სატრანსპორტო საშუალებაზე დამგირავებლის საკუთრების უფლების წარმოშობის (გარდა სამომავლო ქონებისა) დამადასტურებელი დოკუმენტი (კონოსამენტი, ინვოისი, ნასყიდობის ხელშეკრულება და სხვ.) ან მისი ასლი.

3. მარეგისტრირებელ ორგანოში უფლებამოსილი პირის თანდასწრებით, გარიგების მონაწილე მხარეების მიერ გირავნობის გარიგებ აზე ხელმოწერის შემთხვევაში, გარდა ამ მუხლის პირველი პუნქტით განსაზღვრული დოკუმენტებისა, დამატებით წარმოდგენილ უნდა იქნეს მოგირავნისა და დამგირავებლის პირადობის დამადასტურებელი მოწმობა, ხოლო იმ შემთხვევაში, თუ მხარე იურიდიული პირია – იურიდიული პირის რეგისტრაციის ამსახველი დოკუმენტი .

4. თუ დაინტერესებული პირი გირავნობის რეგისტრაციასთან დაკავშირებულ საქმის წარმოებაში მონაწილეობს წარმომადგენლის მეშვეობით, წარმოდგენილ უნდა იქნეს წარმომადგენლობითი უფლებამოსილების დამადასტურებელი დოკუმენტი.

5. ამ წესით განსაზღვრული მატერიალური სახის დოკუმენტების წარმოდგენა სავალდებულო არ არის, თუ სააგენტოს მიერ გირავნობის რეგისტრაციისათვის საჭირო გარემოებების დადგენა შესაძლებელია შესაბამისი ელექტრონული მონაცემთა ბაზის მეშვეობით.

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

საქართველოს შინაგან საქმეთა მინისტრის 2013 წლის 29 მარტის ბრძანება №226 - ვებგვერდი, 29.03.2013 წ.

    მუხლი 4^​1

1. ავტორიზებული მოგირავნის ან ნოტარიუსის (მისი შემცვლელის) მიერ გირავნობის გარიგებით განსაზღვრულ ი მექანიკურ ი სატრანსპორტო საშუალებ ის გირავნობის ელექტრონული დოკუმენტბრუნვის სისტემის გამოყენებით რეგისტრაციის საფუძველს წარმოადგენს ელექტრონული სახის განცხადება/მომართვა, რომელიც უნდა შეიცავდეს:

ა) გირავნობის გარიგების შედგენის თარიღსა და ნომერს;

ბ) მონაცემებს მოგირავნის, დამგირავებლის, შესაძლო მოვალე მესამე პირის შესახებ;

გ) მექანიკური სატრანსპორტო საშუალების სრულყოფილი იდენტიფიცირებისათვის საჭირო მონაცემებს;

დ) მოთხოვნის უზრუნველყოფის მაქსიმალურ თანხას ან გირავნობის გარიგებაში აღნიშნული თანხის განსაზღვრის ფაქტის დადასტურებას;

ე) კანონმდებლობით განსაზღვრული საფასურის გადახდის თაობაზე ინფორმაციის დადასტურებას.

1^​1) გარდა ამ მუხლის პირველი პუნქტით განსაზღვრული მონაცემებისა, ავტორიზებული მოგირავნე უფლებამოსილია დოკუმენტბრუნვის სისტემის შესაბამის ველში მიუთითოს მის მიერ გირავნობის გარიგების დადებაზე ან/და მის გაუქმებაზე ან/და გირავნობის რეგისტრაციაზე (მის გაუქმებაზე, შესწორების, ცვლილების ან/და დამატების შეტანაზე ან სხვა) მინიჭებული წარმომადგენლობითი  უფლებამოსილების მქონე პირის სახელი, გვარი, პირადი ნომერი, მინიჭებული უფლებამოსილება. აღნიშნული უფლების რეალიზების შემთხვევაში მოგირავნეს ეხსნება ვალდებულება ამ მუხლის მე-4 პუნქტით განსაზღვრული წესით მატერიალური დოკუმენტების წარდგენისას, დამატებით წარადგინოს სააგენტოში წარმომადგენელზე შესაბამისი წარმომადგენლობითი უფლებამოსილების მინიჭების დამადასტურებელი მატერიალური სახის დოკუმენტი. აღნიშნული წესით ელექტრონულ დოკუმენტში მოგირავნის მიერ წარმომადგენლისა და მისი უფლებამოსილების  მითითებას გააჩნია იურიდიული ძალა.

2. ავტორიზებული მოგირავნის ან ნოტარიუსის (მისი შემცვლელის) ამ მუხლის პირველი პუნქტით განსაზღვრული ელექტრონული სახის განცხადების/მომართვიდან 5 სამუშაო დღის განმავლობაში სააგენტო ახორციელებს მექანიკურ სატრანსპორტო საშუალებაზე გირავნობის რეგისტრაციას.

3. ერთი ელექტრონული სახის განცხადებით/მომართვით შესაძლებელია გირავნობის რეგისტრაციის განხორციელების მოთხოვნა მხოლოდ ერთ მექანიკურ სატრანსპორტო საშუალებაზე.

4. გირავნობის რეგისტრაციის თაობაზე ელექტრონული დოკუმენტის  გაგზავნიდან 7 სამუშაო დღის განმავლობაში ავტორიზებული მოგირავნე ვალდებულია  სააგენტოში წარმოადგინოს ამ წესის მე-4 მუხლით განსაზღვრული წესით ასახული ელექტრონული სახის მონაცემების დამადასტურებელი შესაბამისი მატერიალური სახის დოკუმენტები (გარდა წარმომადგენლობითი უფლებამოსილიების დამადასტურებელი მატერიალური სახის დოკუმენტისა, თუ არსებობს ამ მუხლის 1^​1 პუნქტით განსაზღვრული გარემოება). 

5. ელექტრონული დოკუმენტბრუნვის სისტემ ის მეშვეობით გირავნობის უფლების რეგისტრაციის თაობაზე ელექტრონული სახის მომართვის გაგზავნიდან 7 სამუშაო დღის განმავლობაში ავტორიზებული ნოტარიუსი (მისი შემცვლელი) თავად უზრუნველყოფს სააგენტოში ამ წესის მე-4 მუხლით განსაზღვრული მატერიალური დოკუმენტების წარმოდგენას, გარდა იმ შემთხვევებისა, როცა სააგენტოში დოკუმენტების წარდგენის ვალდებულების შესრულების შესახებ, აგრეთვე აღნიშნული ვალდებულების შეუსრულებლობით გამოწვეული სამართლებრივი შედეგების შესახებ იგი წერილობით გააფრთხილებს გირავნობის გარიგების მხარეებს .

6. ამ მუხლის მე-4 და მე-5 პუნქტებით განსაზღვრული ვალდებულების შეუსრულებლობის ან წარმოდგენილი მატერიალური დოკუმენტების ელექტრონულ დოკუმენტში არსებულ მონაცემებთან არსებითი შეუსაბამობის, ან წერილობითი ფორმის გირავნობის გარიგების ამ წესის მე-5 მუხლის მოთხოვნებთან შეუსაბამობის შემთხვევაში გირავნობის რეგისტრაცია ბათილია, ხოლო გირავნობის უფლება ჩაითვლება დაურეგისტრირებლად.

7. ამ მუხლის მე-6 პუნქტით განსაზღვრულ შემთხვევაში მხარეების კარგავენ გირავნობის რეგისტრაციისათვის გადახდილი საფასურის უკან დაბრუნების მოთხოვნის უფლებას.

8. სააგენტოს მერ მოგირავნის წარმომადგენლის წარმომადგენლობითი უფლებამოსილების დადგენა ხორციელდება ელექტრონული დოკუმენტის მიხედვით თუ არსებობს ამ მუხლის 1^​1 პუნქტით განსაზღვრული გარემოება.

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

საქართველოს შინაგან საქმეთა მინისტრის 2013 წლის 29 მარტის ბრძანება №226 - ვებგვერდი, 29.03.2013 წ.

მუხლი 4 ^​2

^​

 1. სააგენტო ახორციელებს მექანიკურ სატრანსპორტო საშუალებაზე გირავნობის უფლების რეგისტრირებულ მონაცემებში ცვლილების რეგისტრაციას თუ მოგირავნის და დამგირავებლის მიერ გირავნობის გარიგებაში შეტანილი ცვლილება იწვევს ამ წესის მე-5 მუხლის პირველი პუნქტით განსაზღვრულ რეგისტრირებულ მონაცემებში შესწორების, ცვლილების ან/და დამატების შეტანას.

2. მექანიკურ სატრანსპორტო საშუალებაზე გირავნობის უფლების რეგისტრირებულ მონაცემებში ცვლილების რეგისტრაცია ხორციელდება მატერიალური  ან/და ელექტრონული დოკუმენტის საფუძველზე, მექანიკურ სატრანსპორტო საშუალებაზე გირავნობის რეგისტრაციისათვის ამ წესით  განსაზღვრული ნორმების შესაბამისად.

3. მოგირავნე და დამგირავებელი ვალდებულები არიან მექანიკურ სატრანსპორტო საშუალებაზე გირავნობის უფლების რეგისტრირებულ მონაცემებში ცვლილების თაობაზე დადებულ გარიგებაში აღნიშნონ უფლებამოსილი ადმინისტრაციული ორგანოს, ნოტარიუსის ან საჯარო უფლებამოსილებით აღჭურვილი სხვა პირის მიერ კანონმდებლობით დადგენილი წესით გაცემული (შესრულებული, დამოწმებული) დოკუმენტები (აქტები), რომლებითაც დასტურდება ამ წესის მე-5 მუხლის პირველი პუნქტის  „ბ“, „დ“ და  „გ“ ქვეპუნქტებით განსაზღვრული მონაცემები.

4. ამ მუხლით გათვალისწინებულ შემთხვევაში მომსახურებაზე საფასურის გადახდა ხორციელდება:

ა) მოგირავნესთან, დამგირავებელთან, შესაძლო მოვალე მესამე პირთან ან უზრუნველყოფილი მოთხოვნის მაქსიმალურ თანხასთან დაკავშირებული რეგისტრირებულ მონაცემებში შესწორების, ცვლილების ან დამატების რეგისტრაციისათვის დამატებით წარმოდგენილი  გირავნობის გარიგების რაოდენობის შესაბამისად;

ბ) მექანიკურ სატრანსპორტო საშუალებასთან დაკავშირებულ რეგისტრირებულ მონაცემებში შესწორების, ცვლილების ან დამატების რეგისტრაციისათვის დამატებით წარმოდგენილ გირავნობის გარიგებაში (ხელშეკრულებაში) არსებული  მექანიკური სატრანსპორტო საშუალების რაოდენობის შესაბამისად.

5. სააგენტო ვალდებულია გაასწოროს მის მიერ მექანიკურ სატრანსპორტო საშუალებაზე გირავნობის უფლების რეგისტრირებულ მონაცემებში დაშვებული ტექნიკური ხარვეზები, რომელიც გამოწვეულია დოკუმენტაციიდან მონაცემის უზუსტო გადატანით და ტექნიკური ან გამოთვლის დროს დაშვებული შეცდომით. ტექნიკურ ხარვეზად ჩაითვლება ასევე ორთოგრაფიული, არითმეტიკული ან სხვა სახის ტექნიკური უზუსტობა.

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2013 წლის 29 მარტის ბრძანება №226 - ვებგვერდი, 29.03.2013 წ.

მუხლი 5

 1. მექანიკური სატრანსპორტო საშუალებ ის გირავნობის გარიგებაში უნდა აღინიშნოს:

ა) გარიგების შედგენის თარიღი და ნომერი;

ბ) მონაცემები მოგირავნის, დამგირავებლის, წარმომადგენლის, შესაძლო მოვალე მესამე პირის შესახებ (სახელი, გვარი, პირადი ნომერი, სახელწოდება, საიდენტიფიკაციო ნომერი, ინფორმაცია უფლებამოსილების შესახებ);

გ) დაგირავებული მექანიკური სატრანსპორტო საშუალების სრულყოფილი იდენტიფიცირებისათვის საჭირო მონაცემები;

დ) უფლებამოსილი ადმინისტრაციული ორგანოს (თანამდებობის პირის) მიერ გაცემული დოკუმენტით დადასტურებული ინფორმაცია გარიგების დადების დროისთვის სატრანსპორტო საშუალების სამართლებრივი მდგომარეობ ის შესახებ (გარდა ამ მუხლის მე-4 პუნქტით განსაზღვრული შემთხვევებისა);

ე) უზრუნველყოფილი ძირითადი მოთხოვნის ზოგადი ან კონკრეტული აღწერა და მაქსიმალური თანხა, რომლის ფარგლებშიც უნდა დაკმაყოფილდეს უზრუნველყოფილი მოთხოვნა.

2. მოგირავნე და დამგირავებელი ვალდებულები არიან გარიგებაში აღნიშნონ უფლებამოსილი ადმინისტრაციული ორგანოს, ნოტარიუსის ან საჯარო უფლებამოსილებით აღჭურვილი სხვა პირის მიერ კანონმდებლობით დადგენილი წესით გაცემული (შესრულებული, დამოწმებული) დოკუმენტები (აქტები), რომლებითაც დასტურდება ამ მუხლის პირველი პუნქტის „ბ“ და „გ“ ქვეპუნქტებით განსაზღვრული მონაცემები.

3. სააგენტოში რეგისტრირებულ დამხმარე ტექნიკურ საშუალებაზე გირავნობის რეგისტრაციის შემთხვევაში ამ მუხლის პირველი პუნქტის „გ“ ქვეპუნქტით გათვალისწინებული გირავნობის საგნის აღწერილობ აში მითითებულ უნდა იქნეს ტექნიკური ტალონის ნომერი და აგრეგატის ნომერი.

4. გირავნობის გარიგებაში სავალდებულო არ არის მითითებული იქნეს ინფორმაცია დაგირავებული მექანიკური სატრანსპორტო საშუალების სამართლებრივი მდგომარეობის შესახებ, თუ გარიგების დადების დროისათვის მექანიკური სატრანსპორტო საშუალება რეგისტრირებული არ არის სააგენტოში.

 5. გარიგებაში ასახული, ამ მუხლის პირველი პუნქტის „დ“ ქვეპუნქტით გათვალისწინებული უფლებამოსილი ადმინისტრაციული ორგანოს (თანამდებობის პირის) მიერ გაცემული დოკუმენტის გაცემა წინ უნდა უსწრებდეს მექანიკურ სატრანსპორტო საშუალების გირავნობის გარიგების დადებას, მაგრამ არაუმეტეს 15 კალენდარული დღისა.

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

საქართველოს შინაგან საქმეთა მინისტრის 2013 წლის 29 მარტის ბრძანება №226 - ვებგვერდი, 29.03.2013 წ.

მუხლი 6

სააგენტოს უფლება აქვს უარი განაცხადოს გირავნობის რეგისტრაციაზე, თუ:

ა) წარმოდგენილი მატერიალური ან/და ელექტრონული დოკუმენტები არ აკმაყოფილებენ ამ წესით დადგენილ მოთხოვნებს;

ბ) წერილობითი ფორმის გირავნობის გარიგება არ აკმაყოფილებს ამ წესის მე-5 მუხლის მოთხოვნებს;

გ) რეგისტრაციის მომენტისათვის დასაგირავებელ ობიექტზე აღრიცხულია უფლებრივი შეზღუდვა (ყადაღა, ძებნა ან სხვა უფლებრივი შეზღუდვის გადაწყვეტილება).

დ) გირავნობის გარიგება არ მოიცავს დაგირავებული მექანიკური სატრანსპორტო საშუალების სრულყოფილი იდენტიფიცირებისათვის საჭირო მონაცემებს;

ე) რეგისტრაციის მომენტისათვის წარმოდგენილ მატერიალურ ან/და ელექტრონულ დოკუმენტებში ასახული ინფორმაცია არ შეესაბამება სააგენტოს სარეგისტრაციო მონაცემთა ბაზაში არსებულ ინფორმაციას;

ვ) მექანიკურ სატრანსპორტო საშუალებაზე გირავნობის რეგისტრაცია მოითხოვა არაუფლებამოსილმა პირმა ან არ იქნა გადახდილი მომსახურების საფასური;

ზ) არსებობს კანონმდებლობით გათვალისწინებული სხვა საფუძვლები.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

მუხლი 7

1. ერთი და იგივე ქონება შეიძლება რამდენჯერმე დაგირავდეს. გირავნობის უფლებათა რიგითობა განისაზღვრება მათი სარეგისტრაციოდ წარდგენის დროის შესაბამისად.

2. (ამოღებულია).

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

    მუხლი 8

დაგირავებული მექანიკური სატრანსპორტო საშუალების რეგისტრაციაში ცვლილებები საჭიროებს მოგირავნის წერილობით თანხმობას, თუ მესაკუთრე ახორციელებს:

ა) მექანიკური სატრანსპორტო საშუალების ნომრიანი აგრეგატების შეცვლას;

ბ) მექანიკური სატრანსპორტო საშუალების რეგისტრაციიდან მოხსნას.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

    მუხლი 9

1. რეგისტრირებული გირავნობისას, დამგირავებლის მიერ მექანიკური სატრანსპორტო საშუალების რეალიზაციის შემთხვევაში, დამგირავებელს და შემძენს ერთობლივად ეკისრებათ სააგენტოში შემძენის დამგირავებლად რეგისტრაციის ვალდებულება, რომლის შეუსრულებლობის შემთხვევაში სოლიდარულად აგებენ პასუხს ამ ვალდებულების შეუსრულებლობით გამოწვეული ნებისმიერ ი ზიანისათვის.

2. დამგირავებლის მიერ დაგირავებული მექანიკური სატრანსპორტო საშუალების გასხვისების შემთხვევაში, სააგენტოში გირავნობის შემძენზე რეგისტრაცია განხორციელდება დამგირავებლისა და შემძენის მიერ ამ წესით განსაზღვრული ნორმების შესაბამისად გირავნობის გარიგების (გარიგებაში ცვლილების ან/და დამატებების) სარეგისტრაციოდ წარმოდგენისა და გირავნობის რეგისტრაციისათვის დადგენილი საფასურის გადახდის შემდეგ.

3. დამგირავებლის მიერ საქართველოს სამოქალაქო კოდექსის 266-ე მუხლის პირველი პუნქტით გათვალისწინებული შეთანხმების დარღვევის შემთხვევაში, სააგენტოს მიერ მექანიკური სატრანსპორტო საშუალების გასხვისებაზე შეზღუდვა და მოგირავნესათვის ინფორმაციის მიწოდება განხორციელდება მხოლოდ ,,ინფორმაციის შეტყობინების ვალდებულების“ არსებობისას, კანონით გათვალისწინებული წესით.

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

    მუხლი 10

1. დამგირავებლის მიერ ხელშეკრულებით განსაზღვრული ვალდებულების შეუსრულებლობის ან არაჯეროვნად შესრულების შემთხვევაში, მოგირავნე უფლებამოსილია გადაიფორმოს საკუთარ სახელზე დაგირავებული ნივთი, ან უშუალოდ, აგრეთვე სპეციალური სავაჭრო დაწესებულების მეშვეობით მოახდინოს დაგირავებული მექანიკური სატრანსპორტო საშუალების რეალიზაცია, თუ გირავნობის ხელშეკრულება ითვალისწინებს აღნიშნულის თაობაზე მხარეების შეთანხმებას.

2. (ამოღებულია ).

3. მოგირავნის მიერ ამ მუხლის პირველი პუნქტით განსაზღვრული უფლებამოსილების განხორციელებისას მექანიკური სატრანსპორტო საშუალების გადაფორმებისათვის კანონმდებლობით განსაზღვრული დოკუმენტების გარდა სააგენტოში დამატებით წარმოდგენილ უნდა იქნეს:

ა) კანონით დადგენილი წესით დამგირავებლისათვის და სხვა მოგირავნეებისათვის გირავნობის საგნის რეალიზაციის თაობაზე შეტყობინების ვალდებულების შესრულების დამადასტურებელი დოკუმენტი;

ბ) გირავნობის ხელშეკრულება.

4. ამ მუხლის მე-3 პუნქტით გათვალისწინებული დოკუმენტების წარმოდგენა სავალდებულო არ არის, თუ მოგირავნემ წარმოადგინა ნოტარიუსის მიერ გაცემული სააღსრულებო ფურცელი ან მისი ასლი.

5. მექანიკური სატრანსპორტო საშუალების რეალიზაცია შეიძლება განხორციელდეს დამგირავებლისა და სხვა მოგირავნეების წინასწარი წერილობითი გაფრთხილების გარეშეც, თუ არსებობს გირავნობის საგნის საბაზრო ან საბირჟო ფასის დაცემის რეალური საფრთხე.

6. მოგირავნის მიერ დაგირავებული მექანიკური სატრანსპორტო საშუალების რეალიზაციის შედეგად შემძენზე გადადის დაუტვირთავი საკუთრება.

7. მოგირავნის მიერ სააგენტოში მექანიკური სატრანსპორტო საშუალების სარეალიზაციოდ წარმოდგენილი დოკუმენტების სისწორეზე პასუხისმგებლობა ეკისრება მოგირავნეს.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

საქართველოს შინაგან საქმეთა მინისტრის 2013 წლის 29 მარტის ბრძანება №226 - ვებგვერდი, 29.03.2013 წ.

 

     მუხლი 11

რამდენჯერმე დაგირავებული მექანიკური სატრანსპორტო საშუალების რეალიზაციისას, უფლების მქონე მოგირავნემ კანონმდებლობით გათვალისწინებული დოკუმენტების გარდა სააგენტოში დამატებით უნდა წარმოადგინოს:

ა) იმ მოგირავნის წერილობითი თანხმობა, რომლის გირავნობაც წინ უსწრებს რეალიზაციის განმახორციელებელ მოგირავნის უფლებას;

ბ) კანონით დადგენილი წესით დამგირავებლისათვის და სხვა მოგირავნეებისათვის გირავნობის საგნის რეალიზაციის თაობაზე შეტყობინების ვალდებულების შესრულების დამადასტურებელი დოკუმენტი;

გ) გირავნობის ხელშეკრულება.

შენიშვნა: იმ შემთხვევაში, თუ რეალიზაციის განმახორციელებელი მოგირავნის წინა მოგირავნე არ იყენებს თავის უფლებას ამონაგები თანხიდან დაიკმაყოფილოს გირავნობით უზრუნველყოფილი მოთხოვნა, მექანიკური სატრანსპორტო საშუალების შემძენზე გადადის გირავნობის უფლებით დატვირთული ქონება, რომლის დადგენილი წესით რეგისტრაციაც ევალებათ გამსხვისებელსა და შემძენს ამ ბრძანებით განსაზღვრული წესით.

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

მუხლი11 ^​1 

1. მოგირავნის მიერ ამ წესის მე-10 მუხლის მე-3 პუნქტის „ა“ ქვეპუნქტით, მე-11 მუხლის „ბ“ ქვეპუნქტით და 14^​1 მუხლის მე-3 პუნქტის „გ“ ქვეპუნქტით განსაზღვრული ვალდებულება შესრულებულად ჩაითვლება, თუ სააგენტოში წარმოდგენილი დოკუმენტით დასტურდება ადრესატისათვის:

ა) დოკუმენტის პირადად ხელზე ჩაბარება, რაც დამოწმებული უნდა იყოს ადრესატის ხელმოწერითა და ჩაბარების თარიღით;

ბ) კურიერის ან ფოსტის მეშვეობით დოკუმენტის ჩაბარება, რაც უნდა დასტურდებოდეს დოკუმენტის ჩაბარების შესახებ მიღებული შეტყობინებით;

გ) ხელშეკრულებით დადგენილი წესით დოკუმენტის ელექტრონული ფოსტის ან ფაქსით გაგზავნა, რაც უნდა დასტურდებოდეს შესაბამისი ტექნიკური საშუალებებით მოწოდებული გზავნილით;

დ) მხარეთა მიერ შეთანხმებული სხვა განსხვავებული წესით ჩაბარება, ხელშეკრულებით დადგენილი წესით.

2. თუ დამგირავებლის ან სხვა მოგირავნეების ადგილსამყოფელი უცნობია ან ამ მუხლის პირველი პუნქტით გათვალისწინებული ვალდებულების შესრულება სხვაგვარად ვერ ხერხდება, მოგირავნემ უნდა უზრუნველყოს აღნიშნული ვალდებულების შესრულება საჯარო შეტყობინების გზით – იმ გაზეთის ან მასობრივი ინფორმაციის სხვა საშუალებით, რომელიც გავრცელებულია დამგირავებლის საცხოვრებელი ადგილის შესაბამის ადმინისტრაციულ-ტერიტორიულ ერთეულში.

3. სააგენტო არ არის ვალდებული გადაამოწმოს ამ მუხლის პირველი და მე-2 პუნქტებით განსაზღვრული დოკუმენტების ან ინფორმაციის ნამდვილობა.

4. სააგენტოში მოგირავნის მიერ ამ მუხლის პირველი და მე-2 პუნქტებით განსაზღვრული დოკუმენტის ან ინფორმაციის სისწორეზე პასუხიმგებლობა ეკისრება დოკუმენტის ან ინფორმაციის მომწოდებელ პირს.

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

მუხლი 12 (ამოღებულია)

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

მუხლი 13

1. სააგენტო არ დააკმაყოფილებს მოგირავნის განცხადებას დამგირავებლის (მესაკუთრის) მონაწილეობის გარეშე გირავნობის საგნის მოგირავნის საკუთრებაში აღრიცხვის ან რეალიზაციის თაობაზე, თუ:

ა) მოგირავნის მიერ წარმოდგენილი დოკუმენტაცია არ აკმაყოფილებს ამ ბრძანებით განსაზღვრულ მოთხოვნებს;

ბ) რეგისტრირებული გირავნობის გარიგება არ ითვალისწინებს საქართველოს სამოქალაქო კოდექსის 260^​1 ან 283-ე მუხლის პირველი ნაწილით გათვალისწინებულ მოგირავნის უფლებას;

გ) მოგირავნის უფლება წარმოშობილია მფლობელობითი გირავნობით;

დ) კანონმდებლობით გათვალისწინებულ სხვა შემთხვევებში.

2. ამ მუხლის პირველი პუნქტის „ბ“ და „გ“ ქვეპუნქტებით განსაზღვრული მოთხოვნები არ გამოიყენება, თუ მოგირავნის მიერ მექანიკური სატრანსპორტო საშუალების რეალიზაციის ან საკუთრებად აღრიცხვის უფლების წარმოშობა დასტურდება სასამართლოს ან უფლებამოსილი ადმინისტრაციული ორგანოს მიერ გაცემული დოკუმენტით, ან წარმოდგენილია ნოტარიუსის მიერ გაცემული სააღსრულებო ფურცელი.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

    მუხლი 14

1. გირავნობის უფლების რეგისტრაცია შეწყდება:

ა) მოგირავნეზე გირავნობის გადასვლის გამო;

ბ) მოგირავნის მიერ მატერიალური ან ელექტრონული განცხადებით წარმოდგენილი მოთხოვნის საფუძველზე;

გ) მოგირავნის მიერ გირავნობის რეალიზაციის შედეგად;

დ) გირავნობის გაუქმების რეგისტრაციის გამო;

დ^​1) მექანიკური სატრანსპორტო საშუალების რეგისტრაციიდან მოხსნის გამო;

ე) კანონმდებლობით გთვალისწინებულ სხვა შემთხვევებში.  

2. გირავნობის უფლების შეწყვეტა შესაძლებელია დამგირავებლის მოთხოვნის საფუძველზეც, ამ შემთხვევაში განცხადებას გირავნობის უფლების შეწყვეტის შესახებ თან უნდა ერთვოდეს მოგირავნის წერილობითი დასტური.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

    მუხლი 14^​1

^​

1. მოგირავნის წერილობითი მოთხოვნიდან ორი კვირის ვადაში მოვალის მიერ საქართველოს სამოქალაქო კოდექსის 281-ე მუხლის პირველი ნაწილით განსაზღვრული ვალდებულების შეუსრულებლობის შემთხვევაში მოგირავნის განცხადების საფუძველზე სააგენტო გასცემს გირავნობის მოწმობას.

2. გირავნობის მოწმობა (დანართი 1) არის აღსრულების ქვემდებარე აქტი, რომლითაც დასტურდება სააგენტოში საქართველოს სამოქალაქო კოდექსის 258-ე მუხლის მე-4 ნაწილით განსაზღვრულ მექანიკურ სატრანსპორტო საშუალებაზე გირავნობის უფლების რეგისტრაციის ფაქტი და საქართველოს კანონმდებლობით დადგენილი გარემოებების არსებობისას მოგირავნეს უფლებას აძლევს მოთხოვოს უფლებამოსილ ორგანოს (თანამდებობის პირს) გირავნობით უზრუნველყოფილი მოთხოვნის დაკმაყოფილების მიზნით დაგირავებული ნივთის მის მფლობელობაში გადაცემა.

3. გირავნობის მოწმობის მისაღებად მოგირავნემ სააგენტოში უნდა წარმოადგინოს:

ა) მოგირავნის პარადობის დამადასტურებელი დოკუმენტი, ხოლო იურიდიული პირის შემთხვევაში რეგისტრაციის დამადასტურებელი დოკუმენტი და მოწმობის მიღებაზე წარმომადგენლობითი უფლებამოსილების დამადასტურებელი დოკუმენტი;

ბ) გირავნობის ხელშეკრულება;                            

გ) მოგირავნის მიერ დამგირავებლისათვის სამოქალაქო კოდექსის 281-ე მუხლის პირველი ნაწილით განსაზღვრული ვალდებულების შესრულების მოთხოვნის დამადასტურებელი დოკუმენტი;

დ) გირავნობის მოწმობის გაცემის საფასურის გადახდის დამადასტურებელი დოკუმენტი.

4. გირავნობის მოწმობა არ გაიცემა, თუ:

ა) რეგისტრირებული გირავნობის გარიგება არ შეიცავს მოთხოვნის უზრუნველყოფისათვის სამოქალაქო კოდექსის 260^​1 მუხლით ან/და 283-ე მუხლის პირველი ნაწილით განსაზღვრულ მხარეთა შეთანხმებას;

ბ) წარმოდგენილი დოკუმენტები არ აკმაყოფილებს კანონმდებლობით დადგენილ მოთხოვნებს;

გ) გირავნობის რეგისტრაცია გაუქმებულია;

გ^​1) მოთხოვნის მომენტისათვის მექანიკურ სატრანსპორტო საშუალებაზე აღრიცხულია უფლებრივი შეზ ღ უდვა;

გ^​2) გირავნობის მოწმობის გაცემის მოთხოვნისათვის სამომავლო ქონება არ გამხდარა მოთხოვნის უზრუნველყოფის საშუალება ან/და შემოტანილი არ არის საქართველოს ტერიტორიაზე.

დ) კანონმდებლობით განსაზღვრულ სხვა შემთხვევებში.

5. გირავნობის მოწმობაში აისახება:

ა) მოგირავნის სახელი, გვარი, რეგისტრაციის ადგილი, პირადი ნომერი, ხოლო იურიდიული პირის შემთხვევაში – სახელწოდება, იურიდიული მისამართი, საიდენტიფიკაციო კოდი;

ბ) დამგირავებლის სახელი, გვარი, რეგისტრაციის ადგილი, პირადი ნომერი, ხოლო იურიდიული პირის შემთხვევაში – სახელწოდება, იურიდიული მისამართი, საიდენტიფიკაციო კოდი;

გ) გირავნობის რეგისტრაციის საფუძველი და თარიღი;

დ) დაგირავებული მექანიკური სატრანსპორტო საშუალების საიდენტიფიკაციო მონაცემები;

ე) დაგირავებული მექანიკური სატრანსპორტო საშუალების მესაკუთრის სახელი, გვარი, რეგისტრაციის ადგილი, პირადი ნომერი, ხოლო იურიდიული პირის შემთხვევაში – სახელწოდება, იურიდიული მისამართი, საიდენტიფიკაციო კოდი;

ვ) ინფორმაცია გირავნობის მოწმობის გაცემის დღისათვის მექანიკურ სატრანსპორტო საშუალებაზე აღრიცხული სამართლებრივი დატვირთვის შესახებ;

ზ) გირავნობის მოწმობის ნომერი და გაცემის თარიღი;

თ) უფლებამოსილი თანამდებობის პირის ხელმოწერა და ბეჭედი.

6. დოკუმენტის გაყალბებისაგან დაცვის მიზნით, სააგენტო უზრუნველყოფს გირავნობის მოწმობის შესრულებას დამცავი ან/და განმასხვავებელი ნიშნების მქონე ქაღალდის გამოყენებით.

7. სააგენტოში მოგირავნის მიერ გირავნობის მოწმობის გაცემის მოთხოვნის მართლზომიერებაზე პასუხისმგებელია მოგირავნე.

საქართველოს შინაგან საქმეთა მინისტრის 2009 წლის 10 სექტემბრის ბრძანება №1115 - სსმ III, 10.09.2009, №111, მუხ.1264

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

თავი III

ნასამართლობის შესახებ ცნობის გაცემის წესი

    მუხლი 15

ნასამართლობის შესახებ ცნობა წარმოადგენს სააგენტოს მიერ გაცემულ დოკუმენტს, რომელშიც აისახება ინფორმაცია ფიზიკური პირის ნასამართლობისა და ძებნის შესახებ.

    მუხლი 16

1. ნასამართლობის შესახებ ცნობის მისაღებად პირმა უნდა წარმოადგინოს:

ა) განცხადება ნასამართლობის შესახებ ცნობის მიღების თაობაზე;

ბ) პირის პირადობის მოწმობის ასლი.

2. ნასამართლობის შესახებ ცნობა გაიცემა განცხადების შემოტანიდან ხუთი დღის შემდეგ და მოქმედებს მომდევნო თხუთმეტი დღის განმავლობაში.

შენიშვნა: 1. ნასამართლობის შესახებ ცნობის მისაღებად დაჩქარებული მომსახურების მოთხოვნის შემთხვევაში, დაინტერესებულმა პირმა დამატებით უნდა წარმოადგინოს დაჩქარებული მომსახურებისათვის კანონით დადგენილი საფასურის გადახდის დამადასტურებელი დოკუმენტი.

2. პირზე ნასამართლობის ცნობა შეიძლება გაიცეს მის მიერ გაცემული მინდობილობის საფუძვლზე. ამ შემთხვევაში მისმა მარწმუნებელმა დამატებით უნდა წარმოადგინოს საკუთარი პირადობის მოწმობის ასლი და მინდობილობა, ან მისი ნოტარიულად დამოწმებული ასლი.

    მუხლი 17

ნასამართლობის შესახებ ცნობა არ გაიცემა:

ა) თუ წარმოდგენილი დოკუმენტაცია არ აკმაყოფილებს ამ ბრძანების მე-16 მუხლის პირველი პუნქტით გათვალისწინებულ მოთხოვნებს;

ბ) გარდაცვლილ პირზე;

გ) თუ აღნიშნული ინფორმაციის გაცემაზე არსებობს სამართლებრივი შეზღუდვა;

დ) თუ წარმოდგენილი დოკუმენტებით ან/და მონაცემთა ბაზაში არსებული ინფორმაციის არასრულყოფილობის გამო ვერ ხერხდება ფიზიკური პირის შესახებ ნასამართლობასთან ან ძებნასთან დაკავშირებული ზუსტი გარემოებების დადგენა.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

თავი IV

მექანიკური სატრანსპორტო საშუალების სამართლებრივი მდგომარეობის შესახებ ცნობის გაცემის წესი

    მუხლი 18

1. მექანიკური სატრანსპორტო საშუალების სამართლებრივი მდგომარეობის შესახებ ცნობა წარმოადგენს დოკუმენტს, რომელშიც დაინტერესებული პირის მოთხოვნის შესაბამისად აისახება:

ა) მექანიკური სატრანსპორტო საშუალებების რეგისტრაციის შედეგად ასახული მონაცემები;

ბ) ინფორმაცია რეგისტრირებული მექანიკური სატრანსპორტო საშუალების სამართლებრივი მდგომარეობის შესახებ;

გ) ამ მუხლის „ა“ და „ბ“ ქვეპუნქტებით განსაზღვრული ინფორმაციის რეგისტრაციის არარსებობის შესახებ.

2. დაინტერესებულ პირს უფლება აქვს თითო განცხადებით მოითხოვოს ამ მუხლის პირველი პუნქტის „ა“ ქვეპუნქტით განსაზღვრული სარეგისტრაციო მონაცემებზე შემდეგი სახის ინფორმაცია:

ა) მექანიკური სატრანსპორტო საშუალების მესაკუთრის (მესაკუთრეების) შესახებ; ან

ბ) პირის საკუთრებაში არსებული მექანიკური სატრანსპორტო საშუალებების შესახებ; ან

გ) მექანიკური სატრანსპორტო საშუალების ძირითადი მახასიათებელი მონაცემების შესახებ (სარეგისტრაციო ნიშნების, ნომრიანი აგრეგატების, საიდენტიფიკაციო კოდის, რეგისტრაციის საფუძვლის, სარეგისტრაციო ცვლილებების საფუძვლის შესახებ).

3. ამ მუხლის პირველი პუნქტის „ბ“ ქვეპუნქტით განსაზღვრული ინფორმაცია შეიძლება გაიცეს როგორც დამატებითი ინფორმაციის სახით, აგრეთვე ცალკე ინფორმაციის სახით. აღნიშნული ინფორმაციის ცალკე ინფორმაციის სახით მოთხოვნის შემთხვევაში დაინტერესებულმა პირმა სააგენტოში უნდა წარმოადგინოს ცალკე განცხადება და კანონმდებლობით გათვალისწინებული საფასურის გადახდის დამადასტურებელი ქვითარი.“.

4. მექანიკური სატრანსპორტო საშუალების სამართლებრივი მდგომარეობის შესახებ ცნობაში აისახება მხოლოდ საქართველოს შინაგან საქმეთა სამინისტროს საინფორმაციო ანალიტიკური დეპარტამენტის ინფორმაციული უზრუნველყოფისა და ანალიზის სამმართველოს ან/და სააგენტოს მონაცემთა ბაზაში რეგისტრირებული მონაცემები.

5. დაინტერესებული პირის თითოეულ განცხადებაზე გაიცემა თითო მექანიკური სატრანსპორტო საშუალების სამართლებრივი მდგომარეობის შესახებ ცნობა.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

მუხლი 18 ^​1

^​

1. სააგენტო უფლებამოსილია ელექტრონული დოკუმენტის სახით გასცეს ამ წესის მე-18 მუხლის პირველი პუნქტის ,,ბ“ და ,,გ“ ქვეპუნქტებით განსაზღვრული ინფორმაციის ამსახველი მექანიკური სატრანსპორტო საშუალების სამართლებრივი მდგომარეობის შესახებ ცნობა. ელექტრონულ დოკუმენტსა და მის ამონაბეჭდს აქვს იგივე იურიდიული ძალა, როგორიც თავად ამ დოკუმენტებს.

2. მექანიკური სატრანსპორტო საშუალების სამართლებრივი მდგომარეობის შესახებ ცნობის ელექტრონული დოკუმენტის სახით გაცემის საფუძველს წარმოადგენს ავტორიზებული ან არაავტორიზებული მომხმარებელის ელექტრონული განცხადება, რომელიც უნდა შეიცავდეს:

ა) ავტორიზებული ან არაავტორიზებული მომხმარებლის მაიდენტიფიცირებელ მონაცემებს (სახელს, გვარს, პირად ნომერს ან იურიდიული პირის სახელწოდებასა და საიდენტიფიკაციო კოდს);

ბ) მექანიკური სატრანსპორტო საშუალების ან/და მისი მესაკუთრის სრულყოფილი იდენტიფიცირებისათვის საჭირო მონაცემებს ;

გ) მითითებას მომსახურების მიღების ვადის შესახებ;

დ) ავტორიზებული მომხმარებლის მიერ საფასურის გადახდის დადასტურებას.

3. მექანიკური სატრანსპორტო საშუალების სამართლებრივი მდგომარეობის შესახებ ცნობის ელექტრონული დოკუმენტის სახით მიღებისათვის საფასურის გადახდა არაავტორიზებული მომხმარებლის მიერ ხორციელდება ელექტრონული გადახდის მეთოდით, ხოლო ავტორიზებული მომხმარებლის მიერ უნაღდო ანგარიშსწორების გზით. ავტორიზებული მომხმარებელი ვალდებულია მომსახურების საფასურის გადახდის დამადასტურებელი დოკუმენტი წარუდგინოს სააგენტოს მომსახურების მოთხოვნიდან 7 სამუშაო დღის განმავლობაში.

4. ერთი ელექტრონული განცხადებით შესაძლებელია მხოლოდ ერთ მექანიკურ სატრანსპორტო საშულებასთან დაკავშირებული ელექტრონული სახის ცნობის მიღება.

5. მექანიკური სატრანსპორტო საშუალების სამართლებრივი მდგომარეობის შესახებ ცნობის ელექტრონული დოკუმენტის ფორმა მტკიცდება სააგენტოს დირექტორის ინდივიდუალური სამართლებრივი აქტით.

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

საქართველოს შინაგან საქმეთა მინისტრის 2010 წლის 10 სექტემბრის ბრძანება №855 - სსმ III, №128,  06.10.2010, მუხ.1862

    მუხლი 19

მექანიკური სატრანსპორტო საშუალების სამართლებრივი მდგომარეობის შესახებ ცნობის მისაღებად დაინტერესებული პირი შეიძლება იყოს ნებისმიერი ფიზიკური ან იურიდიული პირი.

    მუხლი 20

1. მექანიკური სატრანსპორტო საშუალების სამართლებრივი მდგომარეობის შესახებ ცნობის მისაღებად დაინტერესებულმა პირმა უნდა წარმოადგინოს:

ა) განცხადება, რომელშიც მითითებული უნდა იქნეს ამ ბრძანების მე-18 მუხლით განსაზღვრული მისაღები ინფორმაციის სახე, აგრეთვე მოთხოვნილი ინფორმაციის შესაბამისად – მესაკუთრის (სახელი, გვარი, რეგისტრაციის ადგილი ან პირადი ნომერი; იურიდიული პირის სახელწოდება, იურიდიული მისამართი ან სამეწარმეო კოდი) ან/და მექანიკური სატრანსპორტო საშუალების (სახელმწიფო ნომერი ან ტრანსპორტის სარეგისტრაციო მოწმობის ნომერი ან საიდენტიფიკაციო (VIN) ნომერი;

ბ) დაინტერესებული პირის პირადობის მოწმობის ასლი ან/და რწმუნება;

გ) საფასურის გადახდის დამადასტურებელი ქვითარი.

2. იმ შემთხვევაში, თუ დაინტერესებული პირის მიერ ამ მუხლის პირველი პუნქტის „ა“ ქვეპუნქტით განსაზღვრულ განცხადებაში მითითებული იქნა არასრულყოფილი ინფორმაცია ან წარმოდგენილი ინფორმაციის საშუალებით ვერ ხერხდება მექანიკური სატრანსპორტო საშუალების ან მისი მესაკუთრის ზუსტი იდენტიფიცირება, სააგენტოს უფლება აქვს ინფორმაციის დაზუსტების მიზნით მოითხოვოს განცხადებაში მითითებული მონაცემების დაზუსტება ან/და დამატებითი დოკუმენტაციის წარმოდგენა.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

მუხლი 21

მექანიკური სატრანსპორტო საშუალების სამართლებრივი მდგომარეობის შესახებ ცნობა არ გაიცემა, თუ:

ა) დაინტერესებული პირი ვერ აკმაყოფილებს ამ წესით დადგენილ მოთხოვნებს;

ბ) არსებობს შეზღუდვა, რომელიც კრძალავს აღნიშნულ მექანიკურ სატრანსპორტო საშუალებაზე ინფორმაციის გაცემას;

გ) არ იქნა გადახდილი მომსახურების საფასური;

დ) კანონმდებლობით განსაზღვრულ სხვა შემთხვევებში.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

საქართველოს შინაგან საქმეთა მინისტრის 2008 წლის 17 ივლისის ბრძანება №795 - სსმ III, 23.07.2008, № 104 , მუხ.1164

საქართველოს შინაგან საქმეთა მინისტრის 2008 წლის 23 დეკემბრის ბრძანება №1380 - სსმ III, 29.12.2008, №185, მუხ.1901

თავი IV^​1

იარაღის სამართლებრივი მდგომარეობის შესახებ ცნობის გაცემის წესი

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

    მუხლი 21^​1

 1. იარაღის სამართლებრივი მდგომარეობის შესახებ ცნობა წარმოადგენს დოკუმენტს, რომელშიც დაინტერესებული პირის მოთხოვნის შესაბამისად აისახება:

ა) იარაღის რეგისტრაციის შედეგად ასახული მონაცემები;

ბ) ინფორმაცია რეგისტრირებული იარაღის სამართლებრივი მდგომარეობის შესახებ;

გ) ამ მუხლის „ა“ და „ბ“ ქვეპუნქტებით განსაზღვრული ინფორმაციის რეგისტრაციის არარსებობის შესახებ.

2. დაინტერესებულ პირს უფლება აქვს თითო განცხადებით მოითხოვოს ამ მუხლის პირველი პუნქტის „ა“ ქვეპუნქტით განსაზღვრულ სარეგისტრაციო მონაცემებზე ინფორმაცია:

ა) იარაღის მესაკუთრეების შესახებ; ან

ბ) პირის საკუთრებაში არსებული იარაღის შესახებ; ან

გ) იარაღის ძირითადი მახასიათებელი მონაცემების შესახებ (სარეგისტრაციო მოწმობის №, საიდენტიფიკაციო ნომერი, რეგისტრაციის საფუძველი, სარეგისტრაციო ცვლილებების საფუძველი, გაცემული ნებართვის სახე).

3. ამ მუხლის პირველი პუნქტის „ბ“ ქვეპუნქტით განსაზღვრული ინფორმაცია შეიძლება გაიცეს როგორც დამატებითი ინფორმაციის, ასევე ცალკე ინფორმაციის სახით. აღნიშნული ინფორმაციის ცალკე ინფორმაციის სახით მოთხოვნის შემთხვევაში დაინტერესებულმა პირმა სააგენტოში უნდა წარმოადგინოს ცალკე განცხადება და კანონმდებლობით გათვალისწინებული საფასურის გადახდის დამადასტურებელი ქვითარი.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

    მუხლი 21^​2

იარაღის სამართლებრივი მდგომარეობის შესახებ ცნობის მისაღებად დაინტერესებული პირი შეიძლება იყოს ნებისმიერი ფიზიკური ან იურიდიული პირი.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

    მუხლი 21^​3

1. იარაღის სამართლებრივი მდგომარეობის შესახებ ცნობის მისაღებად დაინტერესებულმა პირმა უნდა წარმოადგინოს:

ა) განცხადება, რომელშიც მითითებული უნდა იქნეს ამ ბრძანების 21^​1 მუხლით განსაზღვრული მისაღები ინფორმაციის სახე, აგრეთვე მოთხოვნილი ინფორმაციის შესაბამისად – მესაკუთრის ან მოსარგებლე პირის (სახელი, გვარი; რეგისტრაციის ადგილი; პირადი ნომერი) ან/და იარაღის (მარკა; მოდელი ან იარაღის სარეგისტრაციო მოწმობის ნომერი ან იარაღის საიდენტიფიკაციო ნომერი);

ბ) დაინტერესებული პირის პირადობის მოწმობის ასლი ან/და რწმუნება;

გ) საფასურის გადახდის დამადასტურებელი ქვითარი.

2. იმ შემთხვევაში, თუ დაინტერესებული პირის მიერ ამ მუხლის პირველი პუნქტის „ა“ ქვეპუნქტით განსაზღვრულ განცხადებაში მითითებულ იქნა არასრულყოფილი ინფორმაცია ან წარმოდგენილი ინფორმაციის საშუალებით ვერ ხერხდება იარაღის ან მისი მესაკუთრის/მოსარგებლე პირის ზუსტი იდენტიფიცირება, სააგენტოს თანამშრომელს უფლება აქვს ინფორმაციის დაზუსტების მიზნით მოითხოვოს განცხადებაში მითითებული მონაცემების დაზუსტება ან/და დამატებითი დოკუმენტაციის წარმოდგენა.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

    მუხლი 21 ^​4

^​

იარაღის სამართლებრივი მდგომარეობის შესახებ ცნობა არ გაიცემა, თუ:

ა) დაინტერესებული პირი ვერ აკმაყოფილებს ამ ბრძანების 21^​1 ან 21^​3 მუხლის მოთხოვნებს;

ბ) არსებობს შეზღუდვა აღნიშნულ იარაღზე ან მის მესაკუთრე/მოსარგებლე პირზე ინფორმაციის გაცემაზე.

საქართველოს შინაგან საქმეთა მინისტრის 2008 წლის 11 იანვრის ბრძანება №14 - სსმ III, 16.01.2008, №6, მუხ.75

თავი V

დასკვნითი დებულებები

    მუხლი 22

ინსტრუქციაში ცვლილებებისა და დამატებების შეტანა ხდება მოქმედი კანონმდებლობით დადგენილი წესით.

 

Annotate