სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე

სახელმწიფო სარეგისტრაციო კოდი 190.040.000.22.033.011.312

საქართველოს ფინანსთა მინისტრის

ბრძანება № 1318

2007 წლის 28 დეკემბერი

ქ. თბილისი

სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე

საქართველოს საბიუჯეტო კოდექსის მე-7 მუხლის მე-4 ნაწილის, 52-ე მუხლის და „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის „ლ“ ქვეპუნქტის საფუძველზე, ვბრძანებ :

საქართველოს ფინანსთა მინისტრის 2009 წლის 30 დეკემბრის ბრძანება №921- სსმ III, №159, 30.12.2009წ., მუხ.1985

 მუხლი 1

დამტკიცდეს „სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ” ინსტრუქცია თანდართულ დანართებთან ერთად (დანართი №1, №2, №3, №4, №5, №6).

საქართველოს ფინანსთა მინისტრის 2008 წლის192 დეკემბრის  ბრძანება №927- სსმ III, №184, 26.12.2008წ., მუხ.1879

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

საქართველოს ფინანსთა მინისტრის 2010 წლის 25 აგვისტოს ბრძანება №673- სსმ III, №107, 30.08.2010წ., მუხ.1669

მუხლი2

ძალადაკარგულად გამოცხადდეს საქართველოს ფინანსთა მინისტრის 2006 წლის 25 დეკემბრის N1825 ბრძანება (სსმ 26.12.2006, III ნაწილი, № 174, მუხ 2364) „სახელმწიფო ხაზინის მომსახურებაზე მყოფი ორგანიზაციების მიერ ვალდებულების აღებისა და ხარჯების გაწევის წესის შესახებ ინსტრუქციის დამტკიცების თაობაზე“.

 მუხლი 3

ბრძანება ამოქმედდეს 2008 წლის 1 იანვრიდან.

 ნ. გილაური

შეტანილი ცვლილებები:

1. საქართველოს ფინანსთა მინისტრის 2008 წლის 4 ივნისის  ბრძანება №493- სსმ III, №82, 10.06.2008წ., მუხ.887

2. საქართველოს ფინანსთა მინისტრის 2008 წლის 5 სექტემბრის  ბრძანება №697- სსმ III, №134, 11.09.2008წ., მუხ.1337

3. საქართველოს ფინანსთა მინისტრის 2008 წლის 10 ოქტომბრის  ბრძანება №778- სსმ III, №152, 17.10.2008წ., მუხ.1509

4. საქართველოს ფინანსთა მინისტრის 2008 წლის192 დეკემბრის  ბრძანება №927- სსმ III, №184, 26.12.2008წ., მუხ.1879

5. საქართველოს ფინანსთა მინისტრის 2009 წლის 9 მარტის ბრძანება №137- სსმ III, №27, 11.03.2009წ., მუხ.350

6. საქართველოს ფინანსთა მინისტრის 2009 წლის 13 ნოემბრის ბრძანება №729- სსმ III, №140, 13.11.2009წ., მუხ.1608

7. საქართველოს ფინანსთა მინისტრის 2009 წლის 30 დეკემბრის ბრძანება №921- სსმ III, №159, 30.12.2009წ., მუხ.1985

8. საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

9. საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

10. საქართველოს ფინანსთა მინისტრის 2010 წლის 25 აგვისტოს ბრძანება №673- სსმ III, №107, 30.08.2010წ., მუხ.1669

11. საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

 

 

ინსტრუქცია

სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ

თავი I

ძირითადი დებულებები

მუხლი 1. ზოგადი დებულებები

1. ინსტრუქცია განსაზღვრავს „საქართველოს სახელმწიფო ბიუჯეტის შესახებ“საქართველოს კანონით განსაზღვრული ასიგნებების ფარგლებში გადახდების განხორციელების წესს.

2. სახელმწიფო ხაზინის მომსახურებაზე მყოფი ორგანიზაციების (შემდგომში _ ორგანიზაცია) მიერ განსახორციელებელ გადახდაზე ვალდებულების აღება ხდება ამ ინსტრუქციით განსაზღვრული წესით.

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

მუხლი 2. ტერმინთა განმარტებები

1. ამ ინსტრუქციაში გამოყენებულ ტერმინებს აქვს შემდეგი მნიშვნელობა:

ა) გადახდაზე ვალდებულების აღება – საბიუჯეტო ორგანიზაციის მიერ საბიუჯეტო წლის განმავლობაში განსახორციელებელ გადახდებზე სახელმწიფო ხაზინაში დადგენილი წესით ვალდებულების რეგისტრაცია;

ბ) საგადახდო მოთხოვნა გ) სახსრების გადახდა დ) წინასწარი გადახდა ე) წინასწარი გადახდის დამოწმება – წინასწარ გადახდილი სახსრებით სამეურნეო მოვლენის

მოხდენის წერილობითი დადასტურება

ვ) დაფარვის წყარო – სახელმწიფო ბიუჯეტით გამოყოფილი ასიგნებების საბიუჯეტო კლასიფიკაციის მუხლებსა და კოდებს შორის გადანაწილების წესის დანართი №2-ით განსაზღვრული გადასახდელების დაფარვის ან სახსრების მიმართვის წყაროები.

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

მუხლი 3. საბიუჯეტო სახსრების გადახდის პროცედურები

1.ორგანიზაცია ბიუჯეტით განსაზღვრული გადასახდელების დასაფინანსებლად

სახელმწიფო ხაზინაში წარადგენს დოკუმენტაციას შემდეგი რიგითობით, თუ ამ

ინსტრუქციით ან მოქმედი კანონმდებლობით სხვა რამ არ არის გათვალისწინებული:

ა)ვალდებულების დოკუმენტი;

ბ)საგადახდო მოთხოვნა;

გ)წინასწარი გადახდის დამოწმება (წინასწარი გადახდის შემთხვევაში).

2. ვალდებულების, საგადახდო მოთხოვნისა და დამოწმების დოკუმენტებში შეტანილი

მონაცემების სისწორეზე პასუხისმგებლობა ეკისრება ორგანიზაციას.

     მუხლი 3^​1 . ინფორმაცია გაფორმებული ხელშეკრულების შესახებ

1. „სახელმწიფო შესყიდვების შესახებ“ საქართველოს კანონის შესაბამისად, მიმწოდებელთან                100 000 ლარისა და მეტი ოდენობით (საბიუჯეტო წლის ფარგლებში) გაფორმებული ხელშეკრულების შესახებ ინფორმაციას (დანართი №6) ორგანიზაცია წარადგენს სახელმწიფო ხაზინაში ხელშეკრულების გაფორმებიდან 10 სამუშაო დღის ვადაში.

2. ხელშეკრულებაში ცვლილებების შეტანის შემთხვევაში, ორგანიზაცია დაზუსტებულ ინფორმაციას (დანართი №6) წარადგენს სახელმწიფო ხაზინაში ხელშეკრულებაში ცვლილებების შეტანიდან 10 სამუშაო დღის ვადაში.

3. ხელშეკრულების გაფორმების შესახებ ინფორმაციის წარუდგენლობის შემთხვევაში სახელმწიფო ხაზინა არ დაარეგისტრირებს შესაბამის ხელშეკრულების საფუძველზე შედგენილ ვალდებულების დოკუმენტს.

4. ორგანიზაცია უფლებამოსილია გადახდა განახორციელოს დანართ №6-ში მითითებული თარიღის დადგომამდე 5 სამუშაო დღით ადრე ან თარიღის დადგომიდან 5 სამუშაო დღის შემდგომ პერიოდში, თუ ეს არ ეწინააღმდეგება ხელშეკრულებით გათვალისწინებულ პირობებს.

5. ორგანიზაცია უფლებამოსილია გადახდა განახორციელოს დანართი №6-ით გაწერილი გადახდის გრაფიკის შესაბამისად 10%-იანი მეტობა-ნაკლებობის ფარგლებში, თუ ეს არ ეწინააღმდეგება ხელშეკრულებით გათვალისწინებულ პირობებს.

6. თუ ხელშეკრულებაში არ არის გათვალისწინებული გადახდის და საქონლის/მომსახურების მიწოდების/სამუშაოს შესრულების გრაფიკი, ორგანიზაცია სახელმწიფო ხაზინაში წარადგენს მოსალოდნელი გადახდის გრაფიკს. ორგანიზაციის წერილობითი მომართვის საფუძველზე შესაძლებელია შეტანილ იქნეს ცვლილებები დანართი №6-ის პირველ ნაწილში წარმოდგენილ „ხელშეკრულებით გათვალისწინებული გადახდის/საქონლის/მომსახურების მიწოდების/სამუშაოს შესრულების გრაფიკში“.

საქართველოს ფინანსთა მინისტრის 2008 წლის192 დეკემბრის  ბრძანება №927- სსმ III, №184, 26.12.2008წ., მუხ.1879

საქართველოს ფინანსთა მინისტრის 2009 წლის 9 მარტის ბრძანება №137- სსმ III, №27, 11.03.2009წ., მუხ.350

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

    მუხლი 3^​2. განსახორციელებელ გადახდებზე ხაზინაში წარსადგენი ინფორმაცია

1. ორგანიზაცია, საქონლის/მომსახურების/სამუშაოს შესყიდვის მიზნით განსახორციელებელ გადახდებზე ვალდებულების დოკუმენტთან და მივლინების ხარჯებზე განსახორციელებელ გადახდებზე კვარტალურ განაცხადთან (გარდა გრიფით „საიდუმლო“) ერთად, სახელმწიფო ხაზინაში ინფორმაციას (დანართი №6) წარადგენს საბიუჯეტო კლასიფიკაციის შემდეგ მუხლებზე:

ა) საქონელი და მომსახურება;

ბ) სუბსიდიები;

გ) სხვა ხარჯები;

დ) ძირითადი აქტივები;

ე) მატერიალური მარაგები;

ვ) ფასეულობები;

ზ) არაწარმოებული აქტივები;

თ) სესხები;

ი) სხვა კრედიტორული დავალიანებები.

1^​1. ინფორმაციის წარდგენა ორგანიზაციის მიერ მივლინების ხარჯებზე განსახორციელებელ გადახდებზე ხორციელდება:

ა) „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებით განსაზღვრული მთავარი საჯარო და წამყვანი საჯარო თანამდებობის პირებისა და დაწესებულების ხელმძღვანელის მივლინების შემთხვევაში, დანართი №6-ით ინფორმაციის წარდგენა ხდება თითოეულ მივლინებულ პირზე; 

ბ) დაწესებულების ხელმძღვანელის ცალკეული ბრძანებით ერთი და იმავე მიზნით და ერთი და იმავე დანიშნულების ადგილზე მოსამსახურეთა მივლინებისას, ასევე უმაღლესი რანგის თანამდებობის პირების ვიზიტთან დაკავშირებით სახელმწიფო დაცვის სპეციალური სამსახურის თანამშრომლების და სამთავრობო დელეგაციის ვიზიტის მოსამზადებლად მოსამსახურეთა მივლინების შემთხვევაში, დანართი №6-ით ინფორმაციის წარდგენა ხდება ჯამურად მთლიან ჯგუფზე;

გ) სამშვიდობო და სხვა სახის ოპერაციებში მონაწილეთა გრძელვადიანი მივლინების შემთხვევაში დანართი №6-ით ინფორმაციის წარდგენა არ მოითხოვება.

2. დანართი №6-ის მეორე და მესამე ნაწილებში ინფორმაცია მიეთითება „საქართველოს საბიუჯეტო კლასიფიკაციის დამტკიცების თაობაზე” საქართველოს ფინანსთა მინისტრის ბრძანებით დამტკიცებული „საქართველოს საბიუჯეტო კლასიფიკაციის” დანართის ცხრილი №1, ცხრილი №2 და ცხრილი №3-ის მიხედვით.

3. საქონლის/მომსახურების/სამუშაოს შესყიდვის მიზნით განსახორციელებელ გადახდებზე და მივლინების ხარჯებთან დაკავშირებით განსახორციელებელ გადახდებზე ინფორმაციის დადგენილი ფორმით წარმოუდგენლობის შემთხვევაში, სახელმწიფო ხაზინა არ დაარეგისტრირებს შესაბამის ვალდებულების დოკუმენტს.

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

საქართველოს ფინანსთა მინისტრის 2010 წლის 25 აგვისტოს ბრძანება №673- სსმ III, №107, 30.08.2010წ., მუხ.1669

საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

თავი II

ვალდებულება

მუხლი 4. ვალდებულების დოკუმენტის მომზადება

1. ვალდებულების დოკუმენტს (დანართი № 1) ორგანიზაცია ადგენს წლიური საბიუჯეტო კანონით გათვალისწინებული ხარჯების ეკონომიკური კლასიფიკაციის, არაფინანსური აქტივებით ოპერაციების და ფინანსური აქტივებითა და ვალდებულებებით ოპერაციების კლასიფიკაციის თითოეულ მუხლზე ნაზარდი გეგმური ასიგნებების ფარგლებში, „სახელმწიფო შესყიდვების შესახებ“საქართველოს კანონის შესაბამისად განსახორციელებელ სახელმწიფო შესყიდვაზე გაფორმებული ხელშეკრულების მონაცემების მიხედვით.

1^​1. ვალდებულების დოკუმენტს ორგანიზაცია ადგენს დაფარვის წყაროს მითითებით.

2. „საქართველოს სახელმწიფო ბიუჯეტის შესახებ“საქართველოს კანონის ფარგლებში ორგანიზაციის მიერ განხორციელებულ შესყიდვებზე, რომლებზეც არ ვრცელდება „სახელმწიფო შესყიდვების შესახებ“საქართველოს კანონის მოთხოვნები, ვალდებულების აღება შესაძლებელია ორგანიზაციის წერილობითი მომართვის საფუძველზე.

3. ბიუჯეტთან ანგარიშსწორების მიზნით განსახორციელებელ გადახდებზე და ბიუჯეტის სასარგებლოდ წინა წლებში დარიცხული გადასახდელების დასაფარად, ასევე სახელმწიფოს მიერ განსაზღვრული ფუნქციის შესასრულებლად დაფუძნებული საჯარო სამართლის იურიდიული პირების მიერ გაწეული მომსახურების ანაზღაურების მიზნით, ვალდებულების აღება შესაძლებელია ორგანიზაციის წერილობითი მომართვის საფუძველზე.

4. (ამოღებულია).

5. წარმომადგენლობით ხარჯებზე, ექსტრადიციისა და ბადრაგირების, ძალოვანი სტრუქტურებისათვის როტაციის წესით საზღვარგარეთ მივლინებულ თანამშრომელთა გამგზავრებისა და მოწყობის ხარჯებისათვის, ნაღდი ანგარიშსწორებისათვის ანგარიშვალდებული პირის ანგარიშზე დარიცხული საბანკო პროცენტის ანაზღაურებისათვის ვალდებულების აღება შესაძლებელია ორგანიზაციის ხელმძღვანელის ინდივიდუალური ადმინისტრაციულ-სამართლებრივი აქტის საფუძველზე.

6. სასამართლო და სხვა უფლებამოსილი ორგანოების გადაწყვეტილებების საფუძველზე სახაზინო ანგარიშებიდან იძულებით ჩამოჭრილ ან ნებაყოფლობით გადახდილ თანხებზე ვალდებულების აღების საფუძველს წარმოადგენს საინკასო დავალება თანხის ჩამოჭრის შესახებ, სააღსრულებლო ფურცელი ან სასამართლო და სხვა უფლებამოსილი ორგანოების გადაწყვეტილება თანხის დაკისრების შესახებ.

7. სახელმწიფოს მიერ ნაკისრი ვალდებულებების შესრულების მიზნით ვალდებულების საფუძველს წარმოადგენს შესაბამისი საერთაშორისო ან ქვეყნის შიგნით გაფორმებული ხელშეკრულება.

8. ორგანიზაციის მიერ განსახორციელებელ გადახდებზე, რომლებიც ამ ინსტრუქციით არ რეგულირდება, ვალდებულების აღება და გადახდა შესაძლებელია საქართველოს ფინანსთა მინისტრთან შეთანხმებით ორგანიზაციის წერილობითი მომართვის საფუძველზე.

საქართველოს ფინანსთა მინისტრის 2008 წლის 5 სექტემბრის  ბრძანება №697- სსმ III, №134, 11.09.2008წ., მუხ.1337

საქართველოს ფინანსთა მინისტრის 2008 წლის 10 ოქტომბრის  ბრძანება №778- სსმ III, №152, 17.10.2008წ., მუხ.1509

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

მუხლი 5. ვალდებულების აღება კვარტალური განაცხადით

ქვემოთ ჩამოთვლილ ხარჯებზე ვალდებულების აღება ხდება კვარტალური განაცხადის (დანართი № 2) ფორმით ბიუჯეტით განსაზღვრული გეგმური ასიგნებების ფარგლებში:

ა) ხელფასი ფულადი ფორმით, სოციალური შენატანები, შტატგარეშე მომუშავეთა ანაზღაურება (მათ შორის, სუბსიდიების ეკონომიკურ კატეგორიაში გათვალისწინებული ანალოგიური გადასახდელები);

ბ) ქვეყნის შიგნით და ქვეყნის გარეთ მივლინების ხარჯები;

გ) სამხედრო მოსამსახურეებისა და სამოქალაქო პირების საველე ფული;

დ) „სახელმწიფო საიდუმლოების შესახებ“საქართველოს კანონით გათვალისწინებული ღონისძიებების ხარჯები (აღნიშნულ ხარჯებზე ვალდებულების დოკუმენტს თან უნდა ახლდეს ორგანიზაციის უფლებამოსილი პირის წერილობითი მომართვა);

ე) საზღვარგარეთ საქართველოს დიპლომატიური წარმომადგენლობების შენახვის ხარჯები;

ვ) საერთაშორისო ორგანიზაციებთან თანამშრომლობის და ამ ორგანიზაციებში გაწევრიანების ხარჯები;

ზ) ტერიტორიული ერთეულების ბიუჯეტებში გადასაცემი ტრანსფერები;

თ) სოციალური დახმარება;

ი) დამქირავებლის მიერ გაწეული სოციალური დახმარება;

კ) სახელმწიფო ჯილდოებზე დაწესებული ფულადი პრემიები;

ლ) სახელმწიფო ერთეულების მიზეზით ფიზიკური ტრამვირებისა თუ ქონებრივი ზარალის ასანაზღაურებლად, აგრეთვე დაღუპვის შემთხვევაში გადასახდელი კომპენსაციები;

მ) მოსწავლეთა ვაუჩერები, სახელმწიფო სასწავლო გრანტები და სტიპენდიები, აგრეთვე პრეზიდენტის ან სხვა სახელობის გრანტები და სტიპენდიები;

ნ) სტიქიური უბედურებების შედეგად მიყენებული ზიანის ან მიღებული ტრავმების კომპენსირების მიზნით განსახორციელებელი გადახდები;

ო) კანონმდებლობით დადგენილი პერიოდული გასაცემლები: „მოქალაქეთა პოლიტიკური გაერთიანებების შესახებ“საქართველოს ორგანული კანონის შესაბამისად, პარტიების საქმიანობისათვის ხელშეწყობის მიზნით სახელმწიფო ბიუჯეტიდან გამოყოფილი თანხები;

პ) მაჟორიტარ დეპუტატთა ბიუროს ხარჯები;

ჟ) წინა წლებში წარმოქმნილი კრედიტორული დავალიანებები, (მხოლოდ გადასახდელი ხელფასების სახით).

საქართველოს ფინანსთა მინისტრის 2008 წლის 5 სექტემბრის  ბრძანება №697- სსმ III, №134, 11.09.2008წ., მუხ.1337

საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

მუხლი 6. ვალდებულების დოკუმენტის განხილვა და რეგისტრაცია

1. ორგანიზაცია მომსახურე ხაზინაში წარადგენს ამ ინსტრუქციის მე-4 და მე-5 მუხლების შესაბამისად შედგენილ ვალდებულების დოკუმენტს.

2. სახელმწიფო ხაზინის ცენტრალური აპარატის შესაბამისი სტრუქტურული ქვედანაყოფი ან რეგიონალური ხაზინა განიხილავს წარმოდგენილი დოკუმენტაციის ამ ინსტრუქციის მოთხოვნებთან შესაბამისობას და არეგისტრირებს მას ხაზინის საინფორმაციო ბაზაში. არასრულყოფილი დოკუმენტაცია უბრუნდება ორგანიზაციას.

3. ამ ინსტრუქციის მე-5 მუხლით გათვალისწინებულ გადახდებზე ვალდებულებას არეგისტრირებს სახელმწიფო ხაზინა.

4. ამ ინსტრუქციის მე-4 მუხლით გათვალისწინებულ გადახდებზე ვალდებულებებს სახელმწიფო ხაზინა არეგისტრირებს საქართველოს ფინანსთა მინისტრთან შეთანხმებით, გარდა მინისტრის ინდივიდუალური ადმინისტრაციულ-სამართლებრივი აქტით განსაზღვრული ვალდებულებებისა, რომელთაც სახელმწიფო ხაზინა არეგისტრირებს ავტომატურ რეჟიმში.

5. დარეგისტრირებული ვალდებულების გადატანა სხვა მუხლში, ასევე ერთი ვალდებულებით გაცემული სახსრების სხვა ვალდებულების დასაფინანსებლად გამოყენება დაუშვებელია.

6. ორგანიზაციის უფლებამოსილი პირის წერილობითი მოთხოვნის საფუძველზე შესაძლებელია სახელმწიფო ხაზინის მიერ სრულად ან ნაწილობრივ გაუქმდეს დარეგისტრირებული ვალდებულება.

7. ორგანიზაციის უფლებამოსილი პირის წერილობითი მოთხოვნის საფუძველზე შესაძლებელია სახელმწიფო ხაზინის მიერ კვარტალური განაცხადის ფორმაში შეტანილი იქნეს შესაბამისი ცვლილება.

საქართველოს ფინანსთა მინისტრის 2008 წლის 5 სექტემბრის  ბრძანება №697- სსმ III, №134, 11.09.2008წ., მუხ.1337

თავი III

საგადახდო მოთხოვნა

მუხლი 7. საგადახდო მოთხოვნის დოკუმენტის მომზადება

1. ორგანიზაცია საგადახდო მოთხოვნას (დანართი № 3) ადგენს სამეურნეო მოვლენის მოხდენის შემდეგ, სადაც მიეთითება სამეურნეო მოვლენის მოხდენის დამადასტურებელი დოკუმენტი და მოთხოვნილი თანხა რეგისტრირებული ვალდებულების ფარგლებში.

2. ერთ ვალდებულებაზე შეიძლება შედგეს რამდენიმე საგადახდო მოთხოვნა.

3. მიზნობრივი გრანტების სახსრებით გასაწევ ხარჯებზე ორგანიზაცია საგადახდო მოთხოვნას ადგენს ვალდებულების რეგისტრაციის გარეშე და მოთხოვნის საფუძვლად მიუთითებს გადახდის წყაროს: „მიზნობრივი გრანტი“.

მუხლი 8. წინასწარი გადახდა

1. წინასწარი გადახდის შემთხვევაში საგადახდო მოთხოვნაში მოთხოვნის საფუძვლად მიეთითება „წინასწარი გადახდა“და წინასწარი გადახდის დამოწმების წარმოდგენის ვადა.

2. წინასწარი გადახდის დამოწმება ხორციელდება საგადახდო მოთხოვნით გათვალისწინებულ ვადაში საგადახდო მოთხოვნით განსაზღვრულ თანხაზე.

3. დამოწმების დოკუმენტის დადგენილ ვადაში წარმოუდგენლობის შემთხვევაში სახელმწიფო ხაზინა შეაჩერებს იმავე კლასიფიკაციის მუხლით ახალი ვალდებულებების აღებას და დამოწმების დოკუმენტის დროულად წარმოუდგენლობის შესახებ ყოველთვიურად აცნობებს შესაბამის მაკონტროლებელ ორგანოებს.

მუხლი 9. სახელმწიფო ხაზინის მიერ საგადახდო მოთხოვნის რეგისტრაცია

1. ორგანიზაცია მომსახურე ხაზინას წარუდგენს საგადახდო მოთხოვნას, რომელსაც მომსახურე ხაზინა დაარეგისტრირებს აღებული ვალდებულების და დამტკიცებული ფულის გაცემის ოპერატიული ფინანსური გეგმის ფარგლებში.

2. არასრულად ან/და არასწორად შევსებული საგადახდო მოთხოვნა არ რეგისტრირდება და უბრუნდება ორგანიზაციას.

მუხლი 10. გაუნაღდებელი საგადახდო მოთხოვნების დავალიანებაში ასახვა

1. წლის განმავლობაში მოხდენილ სამეურნეო მოვლენებზე საგადახდო მოთხოვნებს სახელმწიფო ხაზინა იღებს მომავალი საფინანსო წლის 10 იანვრამდე.

2.გაუნაღდებელი საგადახდო მოთხოვნები აისახება დავალიანებაში და დაიფარება დავალიანებათა დაფარვისათვის დადგენილი წესით.

თავი IV

სახსრების გადახდა და მობრუნებების მართვა

მუხლი 11. სახსრების გადახდა

1. მომსახურე ხაზინა დარეგისტრირებულ საგადახდო მოთხოვნებს გზავნის სახელმწიფო ბიუჯეტის ასიგნებებისა და საოპერაციო რისკების მართვის დეპარტამენტში.

2. სახელმწიფო ბიუჯეტის ასიგნებებისა და საოპერაციო რისკების მართვის დეპარტამენტი ფულის გაცემის ყოველდღიური ოპერატიული ფინანსური გეგმის ფარგლებში აყალიბებს ელექტრონული საგადახდო მოთხოვნების რეესტრს და საქართველოს ეროვნულ ბანკში გასაგზავნად გადასცემს ანგარიშსწორების და ანგარიშგების დეპარტამენტს.

3. განაღდებული საგადახდო მოთხოვნების შესახებ სახაზინო ამონაწერს ორგანიზაცია იღებს მომსახურე ხაზინაში.

საქართველოს ფინანსთა მინისტრის 2009 წლის 13 ნოემბრის ბრძანება №729- სსმ III, №140, 13.11.2009წ., მუხ.1608

მუხლი 12. მობრუნებული თანხების მართვა

1. ხაზინის ერთიან ანგარიშზე მიმდინარე წელს გადახდილი თანხის მობრუნება განხორციელდეს ხაზინის ერთიანი ანგარიშის სახაზინო კოდზე – 302009921 – (მიმდინარე წელს გადახდილი თანხის მობრუნება), რომელიც მიზნობრივად გახსნილია ბიუჯეტიდან გაწეული და გამოუყენებელი თანხის განსათავსებლად. მობრუნებისას შესაბამისი თანხით მცირდება საკასო ხარჯი და საგადახდო მოთხოვნა.

2. წინა წლებში გადახდილი თანხის მობრუნება ხდება ბიუჯეტის შემოსულობებში „წინა წელს გამოუყენებელი და დაბრუნებული საბიუჯეტო ხარჯის“კოდზე.

საქართველოს ფინანსთა მინისტრის 2008 წლის 4 ივნისის  ბრძანება №493- სსმ III, №82, 10.06.2008წ., მუხ.887

თავი V

„საქართველოს სახელმწიფო ბიუჯეტის შესახებ“ საქართველოს კანონით გათვალისწინებული გადასახდელების აღრიცხვა-ანგარიშგება

მუხლი 13. „საქართველოს სახელმწიფო ბიუჯეტის შესახებ“ საქართველოს კანონით გათვალისწინებული გადასახდელების აღრიცხვა-ანგარიშგება

„საქართველოს სახელმწიფო ბიუჯეტის შესახებ“ საქართველოს კანონით გათვალისწინებული გადასახდელების შესრულების აღრიცხვას სახელმწიფო ხაზინა ახდენს დანართი №4-ის მიხედვით და წარუდგენს საქართველოს ფინანსთა სამინისტროს კანონმდებლობით დადგენილ ვადებში.

მუხლი 14. დონორთა მიერ გამოყოფილი კრედიტებითა და გრანტებით განხორციელებული გადახდების ანგარიშგებაში ასახვა

1. უცხოეთიდან მიღებული დაფინანსების წყაროებით და გრანტებით განსახორციელებელი საინვესტიციო პროექტების ფარგლებში ათვისებული სახსრების შესახებ (რომელთა ათვისება ხორციელდება სახაზინო ანგარიშების გაუვლელად) ვალდებულების, საგადახდო მოთხოვნისა და საკასო ხარჯის სახელმწიფო ბიუჯეტის შესრულების ანგარიშგებაში ასახვის საფუძველს წარმოადგენს ორგანიზაციის მიერ დადგენილი ფორმით (დანართი №5) წარმოდგენილი წერილობითი ინფორმაცია პროექტების შესრულების მდგომარეობის შესახებ, რომელიც წარედგინება სახელმწიფო ხაზინას საანგარიშო პერიოდის დასრულებიდან 7 დღის ვადაში.

2. მიზნობრივი ფულადი (მათ შორის მონეტიზებული სასაქონლო) გრანტების, რომელთა ხარჯვა ხორციელდება საქართველოს ფინანსთა მინისტრის მიერ დადგენილი წესის შესაბამისად, სახსრებით განხორციელებული გადახდების სახელმწიფო ბიუჯეტის შესრულების ანგარიშგებაში გატარება ხორციელდება საქართველოს ფინანსთა მინისტრის მიერ დადგენილი წესით, შესაბამისი ვალდებულების ასახვით.

თავი VI

გარდამავალი დებულებები

მუხლი 15. ვალდებულებათა კონტროლის მექანიზმის გავრცელებამდე წარმოქმნილი დავალიანების დაფარვა

ვალდებულებათა კონტროლის მექანიზმის გავრცელებამდე წარმოქმნილი, ორგანიზაციის საბალანსო მონაცემების შესაბამისად რიცხული დავალიანების დაფარვა შესაძლებელია საქართველოს ფინანსთა სამინისტროს თანხმობით.

შეტანილი ცვლილებები:

1. საქართველოს ფინანსთა მინისტრის 2008 წლის 18 იანვრის ბრძანება №69- სსმ III, №11, 24.01.2008წ., მუხ.151

2. საქართველოს ფინანსთა მინისტრის 2008 წლის 15 თებერვლის  ბრძანება №141- სსმ III, №26, 22.02.2008წ., მუხ.276

3. საქართველოს ფინანსთა მინისტრის 2008 წლის 28 მარტის  ბრძანება №309- სსმ III, №48, 21.04.2008წ., მუხ.544

4. საქართველოს ფინანსთა მინისტრის 2008 წლის 27 ივნისის  ბრძანება №551- სსმ III, №94, 08.07.2008წ., მუხ.1038

5. საქართველოს ფინანსთა მინისტრის 2008 წლის 22 დეკემბრის  ბრძანება №183- სსმ III, №183, 25.12.2008წ., მუხ.1871

6. საქართველოს ფინანსთა მინისტრის 2009 წლის 30 იანვრის  ბრძანება №43- სსმ III, №13, 05.02.2009წ., მუხ.159

7. საქართველოს ფინანსთა მინისტრის 2009 წლის 7 მაისის  ბრძანება №282- სსმ III, №57, 11.05.2009წ., მუხ.641

8. საქართველოს ფინანსთა მინისტრის 2009 წლის 23 ივლისის  ბრძანება №473- სსმ III, №91, 23.05.2009წ., მუხ.961

9. საქართველოს ფინანსთა მინისტრის 2009 წლის 17 სექტემბრის  ბრძანება №601- სსმ III, №114, 18.09.2009წ., მუხ.1295

10. საქართველოს ფინანსთა მინისტრის 2009 წლის 25 სექტემბრის  ბრძანება №622- სსმ III, №117, 28.09.2009წ., მუხ.1344

11. საქართველოს ფინანსთა მინისტრის 2009 წლის 3 ნოემბრის ბრძანება №705- სსმ III, №117, 06.11.2009წ., მუხ.1571

12. საქართველოს ფინანსთა მინისტრის 2009 წლის 30 დეკემბრის ბრძანება №933- სსმ III, №159, 30.12.2009წ., მუხ.1997

 

დანართი №1

საქართველოს ფინანსთა მინისტრის 2009 წლის 13 ნოემბრის ბრძანება №729- სსმ III, №140, 13.11.2009წ., მუხ.1608

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

ვალდებულების დოკუმენტი

1. ვალდებულების დოკუმენტი №-------

2. სახაზინო კოდი და დასახელება----------

3. საბიუჯეტო ორგანიზაციის დასახელება–––––––––––––––––––––––

4. ვალდებულების საფუძველი ––––––––№ –––––––––––––––––––––––

5. მომწოდებელი (საიდენტიფიკაციო კოდი) –––––––––––––––––––––

6. მომწოდებელი (დასახელება) –––––––––––––––––––––––––––––––

7.დაფარვის წყარო

თანხა ლარებში

ნაწილი I: ივსება საბიუჯეტო ორგანიზაციის მიერ

ნაწილი II: ივსება ხაზინის მიერ

საბიუჯეტო კლასიფიკაციის მუხლი

მომსახურების სახე

წარდგენილი ვალდებულება

რეგისტრირებული ვალდებულება

საბიუჯეტო ორგანიზაციის ხელმძღვანელი

შემსრულებელი     შემმოწმებელი

პასუხისმგებელი პირი

თარიღი /---/------/------/

თარიღი /---/------/------/

ბ.ა

 

დანართი № 2

საქართველოს ფინანსთა მინისტრის 2008 წლის 5 სექტემბრის  ბრძანება №697- სსმ III, №134, 11.09.2008წ., მუხ.1337

საქართველოს ფინანსთა მინისტრის 2009 წლის 13 ნოემბრის ბრძანება №729- სსმ III, №140, 13.11.2009წ., მუხ.1608

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

კვარტალური განაცხადი

20.......... წლის …...... კვარტალი

 

ვალდებულება № --------

სახაზინო კოდი და დასახელება ––––––––

საბიუჯეტო ორგანიზაციის დასახელება ––––––––––––––––––––––

დაფარვის წყარო ––––––––––––––––––––––

 

საბიუჯეტო კლასიფიკაციის მუხლი		...… კვარტალი
	1	2
1	შრომის ანაზღაურება
	ხელფასი ფულადი ფორმით – თანამდებობრივი სარგო
	ხელფასი ფულადი ფორმით – წოდებრივი სარგო
	ხელფასი ფულადი ფორმით – პრემია
	ხელფასი ფულადი ფორმით – დანამატი
	ხელფასი ფულადი ფორმით – ჰონორარი
	ხელფასი ფულადი ფორმით – კომპენსაცია
	სოციალური შენატანები
2	საქონელი და მომსახურება
	შტატგარეშე მომუშავეთა ანაზღაურება
	წარმომადგენლობითი ხარჯები
	მივლინება ქვეყნ ის გარეთ
	მივლინება ქვეყნ ის შ ი გნ ი თ
	სხვა დანარჩენი საქონელი და მომსახურება
	დიპლომატიური დაწესებულებების შენახვისა და ატაშატის ხარჯი
	სხვა დანარჩენ საქონელსა და მომსახურებაზე გაწეული დანარჩენი ხარჯი
3	სუბსიდიები
4	გრანტები
	უცხო სახელმწიფოთა მთავრობებს
	მიმდინარე
	კა პიტ ალუ რი
	საერთაშორისო ორგანიზაციებს
	მიმდინარე
	კა პიტ ალუ რი
	სხვა დონის სახელმწიფო ერთეულებს
	მიმდინარე
	კა პიტ ალუ რი
5	სოციალური უზრუნველყოფა
	სოციალური დაზღვევა
	ფულადი ფორმით
	სასაქონლო ფორმით
	სოციალური დახმარება
	ფულადი ფორმით
	სასაქონლო ფორმით
	დამქირავებლის მიერ გაწეული სოციალური დახმარება
	ფულადი ფორმით
	სასაქონლო ფორმით
6	სხვა ხარჯები
	სხვადასხვა ხარჯები – მიმდინარე
7	ვალდებულებები
	საშინაო - სხვა კრედიტორული დავალიანებები
	სულ

 

შენიშვნა --------------------------------------------------------------------------------

საბიუჯეტო ორგანიზაციის ხელმძღვანელი                           შემსრულებელი

პასუხისმგებელი პირი                                                                 შემმოწმებელი

თარიღი/---/------/------/                      ბ. ა.                                  თარიღი /---/------/------/

 

საქართველოს ფინანსთა მინისტრის 2009 წლის 13 ნოემბრის ბრძანება №729- სსმ III, №140, 13.11.2009წ., მუხ.1608

საქართველოს ფინანსთა მინისტრის 2010 წლის 29 სექტემბრის ბრძანება №753- სსმ III, №126, 01.10.2010წ., მუხ.1830

 

 

დანართი №4

სახაზინო სამსახურის ანგარიშგება საანგარიშო პერიოდში

განხორციელებულ გადახდებზე

 

 

 დანართი №5

ინფორმაცია

უცხოეთიდან მიღებული დაფინანსების წყაროებით და გრანტებით

განსახორციელებელი ინვესტიციური პროექტების ფარგლებში

20...... წლის 1 . . . . . . დან . . . . . . . მდე ათვისებულ თანხებზე

 

 

 ხელმძღვანელი ბ.ა.

 პასუხისმგებელი პირი

 თარიღი

 

საქართველოს ფინანსთა მინისტრის 2008 წლის192 დეკემბრის  ბრძანება №927- სსმ III, №184, 26.12.2008წ., მუხ.1879

საქართველოს ფინანსთა მინისტრის 2009 წლის 9 მარტის ბრძანება №137- სსმ III, №27, 11.03.2009წ., მუხ.350

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

 

დანართი №7 (ამოღებულია)    

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

საქართველოს ფინანსთა მინისტრის 2010 წლის 25 აგვისტოს ბრძანება №673- სსმ III, №107, 30.08.2010წ., მუხ.1669

 დანართი №8 (ამოღებულია)

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

დანართი №9 (ამოღებულია)

 

საქართველოს ფინანსთა მინისტრის 2010 წლის 31 მარტის ბრძანება №243- სსმ III, №34, 01.04.2010წ., მუხ.570

საქართველოს ფინანსთა მინისტრის 2010 წლის 21 მაისის ბრძანება №416- სსმ III, №57, 21.05.2010წ., მუხ.884

Annotate