საქართველოს ფინანსთა სამინისტროს შემოსავლების სამსახურის სისტემაში სტაჟირების გავლის წესის დამტკიცების შესახებ

სახელწიფო სარეგისტრაციო კოდი 010.240.030.22.033.013.097

საქართველოს ფინანსთა

მინისტრის ბრძანება №289

2009 წლის 8 მაისი  

ქ. თბილისი

საქართველოს ფინანსთა სამინისტროს შემოსავლების სამსახურის სისტემაში სტაჟირების გავლის წესის დამტკიცების შესახებ

„საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის „ს“ ქვეპუნქტის საფუძველზე, ვბრძანებ:

1. დამტკიცდეს „საქართველოს ფინანსთა სამინისტროს შემოსავლების სამსახურის სისტემაში სტაჟირების გავლის წესი“ თანდართულ დანართებთან ერთად.

2. ეს ბრძანება ამოქმედდეს გამოქვეყნებისთანავე.

კ. ბაინდურაშვილი

 

შეტანილი ცვლილებები:

1. საქართველოს ფინანსთა მინისტრის 2009 წლის 17 სექტემბრის ბრძანება №605-სსმIII, №114, 18.09.2009., მუხ.1299

2. საქართველოს ფინანსთა მინისტრის 2009 წლის 25 სექტემბრის ბრძანება №630-სსმIII, №117, 28.09.2009., მუხ.1352

3. საქართველოს ფინანსთა მინისტრის 2009 წლის 3 ნოემბრის ბრძანება №711-სსმIII, №137, 06.11.2009., მუხ.1577

4. საქართველოს ფინანსთა მინისტრის 2009 წლის 10 ნოემბრის ბრძანება №724-სსმIII, №140, 13.11.2009., მუხ.1604

5. საქართველოს ფინანსთა მინისტრის 2009 წლის 31 დეკემბრის ბრძანება №950-სსმIII, №1, 04.01.2010., მუხ.3

6. საქართველოს ფინანსთა მინისტრის 2010 წლის 9 თებერვლის ბრძანება №74-სსმIII, №15, 10.02.2010., მუხ.180

7. საქართველოს ფინანსთა მინისტრის 2010 წლის 26 თებერვლის ბრძანება №135-სსმIII, №23, 26.02.2010., მუხ.303

 

საქართველოს ფინანსთა სამინისტროს შემოსავლების სამსახურის სისტემაში სტაჟირების გავლის წესი

თავი I

ზოგადი დებულებანი

    მუხლი 1

ეს წესი განსაზღვრავს საქართველოს ფინანსთა სამინისტროს შემოსავლების სამსახურის (შემდგომში – სამსახური) ცენტრალურ აპარატში, ტერიტორიულ ორგანოებში და განსაკუთრებული ნიშნის მიხედვით შექმნილ სტრუქტურულ ქვედანაყოფებში სტაჟირების გავლის წესსა და პირობებს.

    მუხლი 2

1. სამსახური ახორციელებს რა მმართველობას საგადასახადო და საბაჟო სფეროში, უზრუნველყოფს საქართველოს ტერიტორიაზე საგადასახადო და საბაჟო კანონმდებლობის დაცვასა და შესრულების კონტროლს, შესაბამისად, დიდი მნიშვნელობა ენიჭება ერთიანი საკადრო პოლიტიკის გატარებას, კვალიფიციური კადრების მომზადებას, გადამზადებას და კვალიფიკაციის ამაღლებას.

2. კვალიფიციური კადრების მომზადების მიზნით, სამსახური სტაჟირების გასავლელად იღებს პერსპექტიულ ახალგაზრდებს, ხელს უწყობს მათი პროფესიული დონის ამაღლებას, პრაქტიკული უნარ-ჩვევების გამომუშავებასა და ქმნის საბაჟო, საგადასახადო კანონმდებლობის და სხვა შესაბამის სფეროში ცოდნის დონის ამაღლების პირობებს.

    მუხლი 3

ამ წესში გამოყენებულ ტერმინებს აქვთ შემდეგი მნიშვნელობა:

ა) სტაჟირება – ამ წესით რეგულირებადი, აუნაზღაურებელი საქმიანობა;

ბ) სტაჟიორი – პირი, რომელიც ამ წესის საფუძველზე გადის სტაჟირებას;

გ) კანდიდატი – პირი, რომელსაც ამ წესის შესაბამისად სამსახურში წარმოდგენილი აქვს განცხადება სტაჟირების გავლის შესახებ;

დ) დაწესებულება – სამსახურის ცენტრალური აპარატი, ტერიტორიული ორგანოები და განსაკუთრებული ნიშნის მიხედვით შექმნილი სტრუქტურული ქვედანაყოფები.

თავი II

სტაჟიორების შერჩევა და სტაჟირების გავლის წესი

    მუხლი 4

1. სტაჟიორად მიიღება სახელმწიფოს მიერ აკრედიტებულ უმაღლეს საგანმანათლებლო დაწესებულებაში მიღებული უმაღლესი განათლების მქონე პირი.

2. სტაჟიორის განათლება უნდა შეესაბამებოდეს დაწესებულების შესაბამისი სტრუქტურული ქვედანაყოფის/სტრუქტურული ერთეულის საჯარო მოსამსახურისათვის დადგენილ საკვალიფიკაციო მოთხოვნებს, სადაც მას სურს სტაჟირების გავლა.

    მუხლი 5

1. სამსახურის სისტემაში სტაჟირების გავლის შესახებ კონკურსის თაობაზე ინფორმაცია ქვეყნდება საქართველოს ფინანსთა სამინისტროს ვებ-გვერდზე.

2. კანდიდატების განცხადებები სამსახურში სტაჟირების გავლის შესახებ სამსახურის ადმინისტრაციულ დეპარტამენტს (შემდგომში – ადმინისტრაციული დეპარტამენტი) წარედგინება ყოველდღე 10 სთ-დან 18 სთ-მდე (გარდა დასვენებისა და საქართველოს შრომის კოდექსით გათვალისწინებული უქმე დღეებისა).    3. კანდიდატების მიერ სამსახურში სტაჟირების გავლის შესახებ წარსადგენი დოკუმენტაციის და სტაჟირების გავლის წესის შესახებ კონსულტაციებს გასცემს სამსახურის უფროსის აპარატის სატელეფონო ცენტრი.

    მუხლი 6

1. სამსახურის სისტემაში სტაჟირების გავლის მსურველმა ადმინისტრაციულ დეპარტამენტს უნდა წარუდგინოს შემდეგი საბუთები:

ა) კანდიდატის ანკეტა-რეზიუმე №1 დანართის შესაბამისად;

ბ) დიპლომის ასლი;

გ) პირადობის დამადასტურებელი დოკუმენტის ასლი;

დ) ცნობა ნარკოლოგიური შემოწმების შესახებ;

ე) ცნობა ნასამართლობის შესახებ;

ვ) ორი ფოტოსურათი (ზომა 3X4).

2. ამ მუხლის პირველი პუნქტის „ა“ ქვეპუნქტში მითითებულ ანკეტა-რეზიუმეში კანდიდატმა უნდა მიუთითოს დაწესებულების ის სტრუქტურული ქვედანაყოფი/სტრუქტურული ერთეული, სადაც მას სურვილი აქვს გაიაროს სტაჟირება. კანდიდატს უფლება აქვს მიუთითოს დაწესებულების ერთზე მეტი სტრუქტურული ქვედანაყოფი/სტრუქტურული ერთეული, თუ მისი განათლება აკმაყოფილებს ამ წესის მე-4 მუხლის მე-2 პუნქტის მოთხოვნებს. კანდიდატმა ანკეტა-რეზიუმეში უნდა მიუთითოს პრიორიტეტული სტრუქტურული ქვედანაყოფი/სტრუქტურული ერთეული.

3. კანდიდატი სტაჟირების გავლისათვის უნდა აკმაყოფილებდეს შემდეგ მოთხოვნებს:

ა) უნდა იყოს საქართველოს მოქალაქე;

ბ) უნდა ფლობდეს საქართველოს სახელმწიფო ენას;

გ) მომხმარებლის დონეზე უნდა შეეძლოს პერსონალურ კომპიუტერთან მუშაობა (ჭინდოწს, ჭორდ, Eხცელ).

    მუხლი 7

1. სტაჟირებაზე პირის მიღება ხდება ტესტირების ან/და გასაუბრების წესით.

2. ტესტირებას ან/და გასაუბრებას ატარებს საქართველოს შინაგან საქმეთა სამინისტროს მმართველობაში მოქმედი საჯარო სამართლის იურიდიული პირი – საქართველოს შინაგან საქმეთა სამინისტროს აკადემია (შემდგომში – აკადემია).

3. ტესტირებაზე დაიშვებიან ის კანდიდატები, რომლებიც ადმინისტრაციულ დეპარტამენტს წარუდგენენ ამ წესის მე-6 მუხლის პირველი პუნქტით განსაზღვრულ საბუთებს. კანდიდატები უნდა აკმაყოფილებდნენ ამ წესის მე-4 მუხლით და მე-6 მუხლის მე-3 პუნქტით დადგენილ მოთხოვნებს.

4. ტესტირება ტარდება ზოგად უნარ-ჩვევებში. გასაუბრებაზე დაიშვებიან ის კანდიდატები, რომლებიც ზოგადი უნარ-ჩვევების ტესტში დააგროვებენ აკადემიის მიერ, სამსახურის უფროსთან შეთანხმებით განსაზღვრულ გამსვლელ ქულას.

5. ტესტირების ან/და გასაუბრების ჩატარების წესს განსაზღვრავს აკადემია სამსახურთან შეთანხმებით.

    მუხლი 8

1. კანდიდატი, რომელიც ვერ გაივლის ტესტირებას ან/და გასაუბრებას, ერთი წლის განმავლობაში მეორედ ტესტირებაზე ან გასაუბრებაზე არ დაიშვება.

2. ადმინისტრაციულ დეპარტამენტში იქმნება მონაცემთა ბაზა, რომელშიც ხდება ტესტირებაში ან/და გასაუბრებაში წარმატებული კანდიდატების აღრიცხვა.

3. იმ კანდიდატთან დაკავშირებით, რომელიც ზოგადი უნარ-ჩვევების ტესტში დააგროვებს გამსვლელ ქულას ან წარმატებით გაივლის გასაუბრებას (თუ სტაჟიორად მიღება ხდება ტესტირებისა და გასაუბრების წესით – ტესტირებაში დააგროვებს გამსვლელ ქულას და წარმატებით გაივლის გასაუბრებას), სამსახურის უფროსი გამოსცემს ინდივიდუალურ ადმინისტრაციულ-სამართლებრივ აქტს მისი სტაჟიორად დანიშვნის შესახებ. სტაჟიორად დანიშნული პირი ვალდებულია დანიშვნისთანავე გაეცნოს და ხელმოწერით დაადასტუროს ხელწერილი იმ საიდუმლო ინფორმაციის დაცვის ვალდებულების შესახებ, რაც მისთვის ცნობილი გახდება სტაჟირების პროცესში.

4. სტაჟიორი გაივლის სავალდებულო თეორიულ სწავლებას აკადემიაში,  მის მიერ შესასრულებელი ფუნქცია-მოვალეობების სპეციფიკის შესაბამისი სასწავლო პროგრამით.

5. სავალდებულო თეორიული სწავლების დასრულების შემდეგ სტაჟიორს უტარდება ტესტირება სასწავლო პროგრამის თემატიკის შესაბამისად. ტესტირების გამსვლელ ქულას ადგენს აკადემია სამსახურთან შეთანხმებით. ის სტაჟიორები, რომლებიც წარმატებით გაივლიან ტესტირებას აკადემიაში, მიიღებენ  აკადემიის სერტიფიკატს. სტაჟიორებს, რომლებიც ვერ გაივლიან ტესტირებას, სამსახურის უფროსის ინდივიდუალური ადმინისტრაციულ-სამართლებრივი აქტით შეუწყდებათ სტაჟირება.

6. სტაჟიორები, რომლებიც წარმატებით გაივლიან სავალდებულო თეორიულ სწავლებას, შემდეგ გაივლიან პრაქტიკულ სწავლებას შესაბამის დაწესებულებაში.

7. პრაქტიკული სწავლების დაწყებისას სტაჟიორს სტაჟირების ხელმძღვანელს  განუსაზღვრავს დაწესებულების უფროსი.

    მუხლი 9

1. სტაჟირების ხანგრძლივობას განსაზღვრავს სამსახურის უფროსი  არა უმეტეს 4 თვის ვადით.

2. სტაჟირების ვადის გასვლის შემდეგ სტაჟიორს სტაჟირების ხელმძღვანელის შეფასებით რეკომენდაციას აძლევს შესაბამისი დაწესებულების უფროსი.

3. სტაჟირების ვადის გასვლის შემდეგ სტაჟიორს უტარდება გასაუბრება დაწესებულების სტრუქტურული ქვედანაყოფის/სტრუქტურული ერთეულის საქმიანობის ძირითად მიმართულებებზე.

4. ამ მუხლის მე-3 პუნქტში აღნიშნულ გასაუბრებას ატარებს სამსახურის უფროსის ბრძანებით შექმნილი კომისია, რომელიც დაწესებულების უფროსის რეკომენდაციის გათვალისწინებით  იღებს შემდეგ გადაწყვეტილებას:

ა) სტაჟირების შედეგების დადებითი შეფასების შესახებ;

ბ) სტაჟირების შედეგების უარყოფითი შეფასების შესახებ.

5. სტაჟირების შედეგების დადებითი შეფასების შემთხვევაში, სტაჟიორს ეძლევა დანართი №2-ში მოცემული ფორმის სტაჟირების გავლის დამადასტურებელი სერტიფიკატი და დაწესებულების შესაბამის სტრუქტურულ ქვედანაყოფში/სტრუქტურულ ერთეულში ვაკანსიის არსებობის შემთხვევაში იგი შესაძლებელია დაინიშნოს ვაკანტურ თანამდებობაზე კანონმდებლობით დადგენილი წესით.

თავი III

სტაჟიორის უფლებები და მოვალეობები

    მუხლი 10

1. სტაჟიორს უფლება აქვს:

ა) დაწესებულების შესაბამისი სტრუქტურული ქვედანაყოფის/სტრუქტურული ერთეულის ხელმძღვანელის თანხმობით გაეცნოს სამსახურებრივ დოკუმენტაციას, თუ აღნიშნული არ ეწინააღმდეგება ოფიციალური დოკუმენტების გაცნობის კანონმდებლობით დადგენილ წესებს;

ბ) ხელმძღვანელის თანხმობით დაესწროს და მონაწილეობა მიიღოს დაწესებულების მიერ ორგანიზებულ ღონისძიებებსა და შეხვედრებში;

გ) გაეცნოს დაწესებულების სტრუქტურული ქვედანაყოფის/სტრუქტურული ერთეულის მუშაობის სპეციფიკას, იმ საკითხების მომზადებასა და სათანადო დოკუმენტების შედგენას, რომელიც მოცემულ სფეროს მიეკუთვნება.

2. სტაჟიორი ხელმძღვანელის მითითებით ასრულებს კონკრეტულ დავალებებს, რომელიც შედის დაწესებულების სტრუქტურული ქვედანაყოფის/სტრუქტურული ერთეულის კომპეტენციაში.

3. სტაჟიორს უფლება აქვს სამსახურის თანამშრომლებთან ერთად მონაწილეობა მიიღოს სემინარებსა და კონფერენციებში.

    მუხლი 11

სტაჟიორი მოვალეა:

ა) გაეცნოს და იხელმძღვანელოს „საქართველოს ფინანსთა სამინისტროს შემოსავლების სამსახურის შესახებ“ საქართველოს კანონით, საქართველოს ფინანსთა სამინისტროს, სამსახურის და დაწესებულების  დებულებით, სხვა შესაბამისი სამართლებრივი აქტებით;

ბ) დაიცვას შინაგანაწესი და შრომის კანონმდებლობით დადგენილი ნორმები;

გ) დადგენილ ვადებში შეასრულოს ყველა ის დავალება, რომელიც მას დაეკისრება ხელმძღვანელის მიერ;

დ) მაქსიმალურად გამოიყენოს სტაჟირების ვადა სამსახურის სისტემის საქმიანობის სპეციფიკის გასაცნობად, პროფესიული ჩვევების დასაუფლებლად და პრაქტიკული გამოცდილების მისაღებად.

თავი IV

სამსახურის მოვალეობები

    მუხლი 12

სამსახური ვალდებულია სტაჟიორს პროფესიული უნარ-ჩვევებისა და პრაქტიკული გამოცდილების შესაძენად შეუქმნას სათანადო პირობები.

    მუხლი 13

1. სტაჟიორის უშუალო ხელმძღვანელი ვალდებულია:

ა) პირადად აკონტროლოს სტაჟიორის საქმიანობა;

ბ) პერიოდულად მიაწოდოს სასწავლო თემატიკა, მისცეს დავალებები და მასთან დაკავშირებით უზრუნველყოს ინფორმაციით;

გ) განუსაზღვროს შესასრულებელი სამუშაოს კონკრეტული ვადა;

დ) ხელი შეუწყოს სტაჟიორისთვის განსაზღვრული უფლებამოსილების განხორციელებას.

2. ამ მუხლის პირველ პუნქტში აღნიშნული ვალდებულებების შეუსრულებლობა გამოიწვევს დისციპლინურ პასუხისმგებლობას.

თავი V

სტაჟირების გავლის სხვა პირობები

    მუხლი 14

1. სტაჟირების შეწყვეტის საფუძველია:

ა) სავალდებულო თეორიული სწავლების დროს არასაპატიო მიზეზით 6 აკადემიური საათის გაცდენა, თეორიული სწავლების კურსიდან გარიცხვა ან საბოლოო უარყოფითი შეფასების მიღება;

ბ) პრაქტიკული სწავლების პროცესში არასაპატიო მიზეზით 5 სამუშაო დღის განმავლობაში დაწესებულების შესაბამის სტრუქტურულ ქვედანაყოფში/სტრუქტურულ ერთეულში გამოუცხადებლობა;

გ) დავალების შეუსრულებლობა ან არაჯეროვანი შესრულება;

დ) პირადი განცხადება;

ე) სტაჟიორის სისხლის სამართლის პასუხისგებაში მიცემა.

2. სტაჟირების შეწყვეტის შესახებ გადაწყვეტილებას იღებს სამსახურის უფროსი სტაჟირების ხელმძღვანელის ან ადმინისტრაციული დეპარტამენტის უფროსის დასაბუთებული მოთხოვნის ან/და ამ მუხლის პირველი პუნქტით გათვალისწინებული შემთხვევების არსებობის საფუძველზე.

    მუხლი 15

1. სამსახურის უფროსს უფლება აქვს მიიღოს გადაწყვეტილება სტაჟიორისათვის სტაჟირების გადავადების ან დროებით შეჩერების შესახებ.

2. სტაჟირების გადავადების ან დროებით შეჩერების საფუძველია:

ა) პირადი განცხადება;

ბ) სტაჟიორის საავადმყოფო ფურცელზე ყოფნა;

გ) სტაჟიორის მიმართ სისხლის სამართლის საქმის წარმოება – საბოლოო გადაწყვეტილების მიღებამდე;

დ) სამხედრო სარეზერვო სამსახურში გაწვევა.

    მუხლი 16

იმ შემთხვევაში, თუ სტაჟიორი დადგენილი წესით დაინიშნა დაწესებულებაში თანამდებობაზე სტაჟირების ვადის ამოწურვამდე, მას სტაჟირება ჩაეთვლება გავლილად და ეძლევა შესაბამისი სერტიფიკატი.

    მუხლი 17

სტაჟირებას ორგანიზებას უწევს ადმინისტრაციული დეპარტამენტი.

დანართი №1

საქართველოს ფინანსთა სამინისტროს

შემოსავლების სამსახური

 

კანდიდატის ანკეტა-რეზიუმე

ფოტო

 

1. სახელი, მამის სახელი, გვარი

2. დაბადების თარიღი, ადგილი

3. საცხოვრებელი ადგილი

4. საკონტაქტო ტელეფონები

 

         

5. საპასპორტო მონაცემები

 

 

6. განათლება

 

 

 

 

8. სპეციალური ან პროფესიული ჩვევები (მიუთითეთ რა კურსები ან ტრენინგები გაქვთ გავლილი)

 

–––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––

 

9. შრომითი საქმიანობა

 

 

  10. ოჯახური მდგომარეობა:

(ქვემოთ მიუთითეთ თქვენი ოჯახის წევრების სახელი, გვარი, დაბადების თარიღი – რ. /თ. / წ., სამუშაო ადგილი, თანამდებობა).

 

 

11. დაწესებულების სტრუქტურული ქვედანაყოფი/სტრუქტურული ერთეული, რომელშიც თქვენ გსურთ გაიაროთ სტაჟირება:

11.1. საქართველოს ფინანსთა სამინისტროს შემოსავლების სამსახურის ცენტრალური აპარატი:

 სამსახურის უფროსის აპარატი – საორგანიზაციო სამმართველო; სატელეფონო ცენტრი

 ადმინისტრაციული დეპარტამენტი – საფინანსო სამმართველო; კადრების სამმართველო; სამეურნეო სამმართველო; საქმისწარმოების სამმართველო

 იურიდიული დეპარტამენტი – ექსპერტიზის სამმართველო; სასამართლო დავების სამმართველო; საჩივრების სამმართველო; ადმინისტრირების სამართლებრივი უზრუნველყოფის სამმართველო

 მომსახურების დეპარტამენტი – არაპირდაპირი გადასახადის სამმართველო; გადამხდელთა მომსახურების სამმართველო; სათამაშო ბიზნესის რეგულირების სამმართველო; გრანტებისა და ჰუმანიტარული დახმარების სამმართველო

 მეთოდოლოგიის დეპარტამენტი – დაბეგვრის მეთოდოლოგიის სამმართველო; პროცედურების მეთოდოლოგიის სამმართველო

 საბაჟო კონტროლის დეპარტამენტი – საბაჟო დამუშავების ოპერაციების მონიტორინგის სამმართველო; ოპერატიული მართვის სამმართველო; ვეტერინარული, სანიტარიული და ფიტოსანიტარიული კონტროლის ორგანიზაციის სამმართველო; სპეციალური საბაჟო კონტროლის ორგანიზაციის სამმართველო

 ინფორმაციის დამუშავების და ანალიზის დეპარტამენტი – რისკების მართვის სამმართველო; სტატისტიკისა და ანალიზის სამმართველო

 ადმინისტრირების დეპარტამენტი – ადმინისტრირების ღონისძიებების სამმართველო; ყადაღადადებული ქონების რეალიზაციის ღონისძიებათა სამმართველო.

საქართველოს ფინანსთა მინისტრის 2009 წლის 25 სექტემბრის ბრძანება №630-სსმIII, №117, 28.09.2009., მუხ.1352

საქართველოს ფინანსთა მინისტრის 2009 წლის 31 დეკემბრის ბრძანება №950-სსმIII, №1, 04.01.2010., მუხ.3

11.2. საქართველოს ფინანსთა სამინისტროს შემოსავლების სამსახურის ტერიტორიული ორგანოები:

 დასახელება ––––––––––––––––––––––––––

 მომსახურების სამმართველო/გადამხდელთა მომსახურების სამმართველო

 გადასახადების ადმინისტრირების სამმართველო/იძულებითი ღონისძიებების სამმართველო

 იურიდიული სამმართველო/იურიდიულ საკითხთა სამმართველო;

 საბაჟო დამუშავების ოპერაციის სამმართველო/საბაჟო დამუშავების ოპერაციისა და საბაჟო კონტროლის სამმართველო

 ადმინისტრაცია

 საინფორმაციო-ანალიტიკური და საგადასახადო შემოწმებების სამმართველო/კონტროლის სამმართველო (მსხვილ გადამხდელთა საგადასახადო ინსპექცია/თბილისის რეგიონალური ცენტრი (საგადასახადო ინსპექცია)/რუსთავის რეგიონალური ცენტრი (საგადასახადო ინსპექცია)/გორის საგადასახადო ინსპექცია)

 საინფორმაციო-ანალიტიკური სამმართველო (თბილისის რეგიონალური ცენტრი (საგადასახადო ინსპექცია)

 საბაჟო კონტროლისა და ინფორმაციის დამუშავების განყოფილება

 საბაჟო გამშვები პუნქტი

 საბაჟო საგუშაგო;

საქართველოს ფინანსთა მინისტრის 2009 წლის 17 სექტემბრის ბრძანება №605-სსმIII, №114, 18.09.2009., მუხ.1299

საქართველოს ფინანსთა მინისტრის 2009 წლის 3 ნოემბრის ბრძანება №711-სსმIII, №137, 06.11.2009., მუხ.1577

საქართველოს ფინანსთა მინისტრის 2009 წლის 10 ნოემბრის ბრძანება №724-სსმIII, №140, 13.11.2009., მუხ.1604

საქართველოს ფინანსთა მინისტრის 2009 წლის 31 დეკემბრის ბრძანება №950-სსმIII, №1, 04.01.2010., მუხ.3

საქართველოს ფინანსთა მინისტრის 2010 წლის 9 თებერვლის ბრძანება №74-სსმIII, №15, 10.02.2010., მუხ.180

საქართველოს ფინანსთა მინისტრის 2010 წლის 26 თებერვლის ბრძანება №135-სსმIII, №23, 26.02.2010., მუხ.303

11.3 ამოღებულია.

საქართველოს ფინანსთა მინისტრის 2009 წლის 31 დეკემბრის ბრძანება №950-სსმIII, №1, 04.01.2010., მუხ.3

 

11.4 საქართველოს ფინანსთა სამინისტროს შემოსავლების სამსახურის აუდიტის დეპარტამენტი:

 ადმინისტრაცია

 გეგმური შემოწმებების მთავარი სამმართველო

 საკონტროლო შემოწმებების მთავარი სამმართველო

 კონტროლის, დაგეგმვის და იურიდიულ საკითხთა მთავარი სამმართველო

დანართი №2

 

საქართველოს ფინანსთა სამინისტროს შემოსავლების სამსახურის სისტემაში სტაჟირების გავლის დამადასტურებელი

 

ს ე რ ტ ი ფ ი კ ა ტ ი

 

№ ––––––

 

   ეს სერტიფიკატი ეძლევა –––––––––––––––––––––––––––––––––––––

(სახელი, გვარი)

 

მასზედ, რომ მან 200  წლის “    “ –––––––– დან 200   წლის  “  “  ––––––– მდე

წარმატებით გაიარა სტაჟირების სრული კურსი საქართველოს ფინანსთა სამინისტროს შემოსავლების სამსახურის

–––––––––––––––––––––––––––––––––––––––––––––––––––––––––––––––––––––––––––––––

(დაწესებულების სტრუქტურული ქვედანაყოფი/სტრუქტურული ერთეული)

 

უფლებამოსილი თანამდებობის  პირის ხელმოწერა ––––––––––––––––––––

 

 

 

Annotate