ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე

საქართველოს მთავრობის

დადგენილება №132

2005 წლის 11 აგვისტო

ქ. თბილისი

 ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე

„ლიცენზიებისა და ნებართვების შესახებ“ საქართველოს კანონის მე-40 მუხლის პირველი პუნქტის შესაბამისად:

1. დამტკიცდეს ტყით სარგებლობის ლიცენზიების გაცემის წესისა და პირობების შესახებ თანდართული დებულება.

2. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი

შეტანილი ცვლილებები:

1. საქართველოს მთავრობის 2005 წლის 21 სექტემბრის დადგენილება №161 - სსმ III, №113, 27.09.2005წ., მუხ.1235

2. საქართველოს მთავრობის 2005 წლის 23 სექტემბრის დადგენილება №168 - სსმ III, №114, 28.09.2005წ., მუხ.1258

3. საქართველოს მთავრობის 2005 წლის 3 ნოემბრის დადგენილება №200 - სსმ III, №129, 03.11.2005წ., მუხ.1438

4. საქართველოს მთავრობის 2006 წლის 30 მარტის დადგენილება №68 - სსმ III, №46, 05.04.2006წ., მუხ.516

5. საქართველოს მთავრობის 2006 წლის 16 ივნისის დადგენილება №112 - სსმ III, №82, 20.06.2006წ., მუხ.1086

6. საქართველოს მთავრობის 2006 წლის 28 ივნისის დადგენილება №124 - სსმ III, №89, 03.07.2006წ., მუხ.1185

7. საქართველოს მთავრობის 2006 წლის 11 აგვისტოს დადგენილება №149 - სსმ III, №108, 15.08.2006წ., მუხ.1482

8. საქართველოს მთავრობის 2006 წლის 26 აგვისტოს დადგენილება №165 - სსმ III, №118, 01.09.2006წ., მუხ.1605

9. საქართველოს მთავრობის 2007 წლის 13 მარტის დადგენილება №48 - სსმ III, №40, 23.03.2007წ., მუხ.463

10. საქართველოს მთავრობის 2007 წლის 16 ივნისის დადგენილება №117 - სსმ III, №83, 19.06.2007წ., მუხ.887

11. საქართველოს მთავრობის 2007 წლის 27 ივლისის დადგენილება №152 - სსმ III, №118, 21.08.2007წ., მუხ.1288

12. საქართველოს მთავრობის 2007 წლის 31 ივლისის დადგენილება №164 - სსმ III, №112, 10.08.2007წ., მუხ.1243

13. საქართველოს მთავრობის 2007 წლის 24 სექტემბრის დადგენილება №203 - სსმ III, №134, 26.09.2007წ., მუხ.1452

14. საქართველოს მთავრობის 2008 წლის 9 იანვრის დადგენილება №6 - სსმ III, №4, 14.01.2008წ., მუხ.57

15. საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

16. საქართველოს მთავრობის 2008 წლის 3 აპრილის დადგენილება №81 - სსმ III, №55, 11.04.2008წ., მუხ.628

17. საქართველოს მთავრობის 2008 წლის 12 აპრილის დადგენილება №96 - სსმ III, №56, 14.04.2008წ., მუხ.648

18. საქართველოს მთავრობის 2008 წლის 8 მაისის დადგენილება №120 - სსმ III, №71, 13.05.2008წ., მუხ.777

19. საქართველოს მთავრობის 2008 წლის 15 მაისის დადგენილება №129 - სსმ III, №75, 23.05.2008წ., მუხ.811

20.საქართველოს მთავრობის 2008 წლის 11 აგვისტოს დადგენილება №166 - სსმ III, №109,31.07.2008წ., მუხ.1209

21.საქართველოს მთავრობის 2008 წლის 24 სექტემბრის დადგენილება №192 - სსმ III, №142,26.09.2008წ., მუხ.1395

22.საქართველოს მთავრობის 2008 წლის 12 ნოემბრის დადგენილება №220 - სსმ III, №163,14.11.2008წ., მუხ.1640

23.საქართველოს მთავრობის 2008 წლის 3 დეკემბრის დადგენილება №236 - სსმ III, №174,05.12.2008წ., მუხ.1779

24.საქართველოს მთავრობის 2008 წლის 23 დეკემბრის დადგენილება №246 - სსმ III, №183,25.12.2008წ., მუხ.1865

25.საქართველოს მთავრობის 2009 წლის 26 თებერვლის დადგენილება №34 - სსმ III, №22,27.02.2009წ., მუხ.286

26.საქართველოს მთავრობის 2009 წლის 24 მარტის დადგენილება №63 - სსმ III, №,38, 27.03.2009წ., მუხ.436

27.საქართველოს მთავრობის 2009 წლის 28 მაისის დადგენილება №100 - სსმ III, №,66 , 01.06.2009წ., მუხ.729

28.საქართველოს მთავრობის 2009 წლის 23 ივნისის დადგენილება №114 - სსმ III, №,78,26.06.2009წ., მუხ.843

29.საქართველოს მთავრობის 2009 წლის 11 აგვისტოს დადგენილება №142 - სსმ III, №,100 ,11.08.2009წ., მუხ.1099

30.საქართველოს მთავრობის 2009 წლის 21 აგვისტოს დადგენილება №153 - სსმ III, №,105 ,25.08.2009წ., მუხ.1173

31.საქართველოს მთავრობის 2009 წლის 3 ნოემბრის დადგენილება №198 - სსმ III, №,137 ,06.11.2009წ., მუხ.1562

32.საქართველოს მთავრობის 2009 წლის 18 ნოემბრის დადგენილება №211 - სსმ III, №,143 ,20.11.2009წ., მუხ.1658

33.საქართველოს მთავრობის 2009 წლის 29 დეკემბრის დადგენილება №243 - სსმ III, №,159 ,30.12.2009წ., მუხ.1937

34.საქართველოს მთავრობის 2009 წლის 29 დეკემბრის დადგენილება №244 - სსმ III, №,159 ,30.12.2009წ., მუხ.1938

35.საქართველოს მთავრობის 2010 წლის 19 თებერვლის დადგენილება №49 - სსმ III, №,22 ,25.02.2010წ., მუხ.272

36.საქართველოს მთავრობის 2010 წლის 10 მარტის დადგენილება №74 - სსმ III, №,27 ,12.03.2010წ., მუხ.398

37.საქართველოს მთავრობის 2010 წლის 3 აგვისტოს დადგენილება №222 - სსმ III, №,96 ,04.08.2010წ., მუხ.1410

38.საქართველოს მთავრობის 2010 წლის 10 აგვისტოს დადგენილება №233 - სსმ III, №,98 ,12.08.2010წ., მუხ.1442

39.საქართველოს მთავრობის 2010 წლის 20 აგვისტოს დადგენილება №244 - სსმ III, №,103 ,24.08.2010წ., მუხ.1535

40. საქართველოს მთავრობის 2010 წლის 13 ოქტომბრის დადგენილება №311 - სსმ III, №,134 ,29.10.2010წ., მუხ.1948

41.  საქართველოს მთავრობის 2010 წლის 8 დეკემბრის დადგენილება №376 - სსმ III, №,162 ,13.12.2010წ., მუხ.2286

42. საქართველოს მთავრობის 2010 წლის 28 დეკემბრის დადგენილება №409 - სსმ III,№,172 ,31.12.2010წ., მუხ.2482

43.  საქართველოს მთავრობის 2011 წლის 5 იანვრის დადგენილება №5 - ვებგვერდი, 06.01.2011წ.

44. საქართველოს მთავრობის 2011 წლის 21 იანვრის დადგენილება №25 - ვებგვერდი, 27.01.2011წ.

45. საქართველოს მთავრობის 2011 წლის 11 მარტის დადგენილება №122 - ვებგვერდი, 18.03.2011წ.

46. საქართველოს მთავრობის 2011 წლის 31 მარტის დადგენილება №145 - ვებგვერდი, 04.04.2011წ.

47. საქართველოს მთავრობის 2011 წლის 12 აპრილის დადგენილება №171 - ვებგვერდი, 15.04.2011წ.

48. საქართველოს მთავრობის 2011 წლის 13 მაისის დადგენილება №200 - ვებგვერდი, 17.05.2011წ.

49. საქართველოს მთავრობის 2011 წლის 1 ივნისის დადგენილება №229 - ვებგვერდი, 03.06.2011წ.

 

 

დებულება

ტყით სარგებლობის ლიცენზიების გაცემის წესისა და პირობების შესახებ

    მუხლი 1. დებულების მიზანი

ეს დებულება განსაზღვრავს ტყით სარგებლობის გენერალური ლიცენზიის (შემდგომში – გენერალური ლიცენზია ), სამონადირეო მეურნეობისა და ხე -ტყის დამზადების მიზნით სპეციალური ლიცენზიების (შემდგომში – სპეციალური ლიცენზია ), გაცემის წესსა და პირობებს .

    მუხლი 1¹ . ტერმინთა განმარტებები

1. ტყით სარგებლობის გეგმა – კომპლექსური დოკუმენტი, რომელიც შემუშავებულია მომავალი 10-წლიანი პერიოდისათვის ტყეთმოწყობის მასალების საფუძველზე და შეიცავს: ზოგად მონაცემებს არსებულ მდგომარეობაზე, ტყის დაცვის, აღდგენისა და ტყით სარგებლობის დაპროექტებულ ღონისძიებათა ცხრილებს, ცხოველთა სამყაროს ობიექტების დაცვის ღონისძიებებს. ტყით სარგებლობის გეგმის შემუშავებისა და დამტკიცების წესს ნორმატიული ადმინისტრაციულ-სამართლებრივი აქტით ამტკიცებს საქართველოს გარემოს დაცვისა და ბუნებრივი რესურსების მინისტრი.

2. სატყეო კვარტალი – ტყის ფონდის ნაწილი ადგილზე (ნატურაში) შემოფარგლული ბუნებრივი მიჯნებით ან შემოსაზღვრული ტყეში გაჭრილი არანაკლებ 0,5 მ სიგანის ზოლით; მუდმივი სააღრიცხვო და სამეურნეო ერთეული.

3. ტყეკაფის ათვისება – ხე-ტყის დამზადება, ნარჩენებისაგან ტყეკაფის გაწმენდა და დამზადებული ხე-ტყის ტყის ფონდიდან გამოზიდვა.

4. ხე-ტყის დამზადება – ხეების მოჭრა, სამანქანე გზამდე მოთრევა და დახარისხება.

5. მაღალი კონსერვაციული ღირებულების ტყე:

ა) ტყეები, სადაც აღინიშნება ბიომრავალფეროვნების ელემენტების მაღალი კონცენტრაცია გლობალურ, რეგიონულ ან ეროვნულ დონეზე (ქვეყნის კანონმდებლობით დაცული სახეობები, IUCN-ის „წითელ ნუსხაში“ შეტანილი სახეობები და ერთზე მეტი ენდემური სახეობა). მართვისას უზრუნველყოფილი უნდა იქნეს მინიმალური ჩარევა. არ დაიშვება ხე-ტყის დამზადება და სატყეო-სამეურნეო ღონისძიებების განხორციელება, გარდა „საქართველოს „წითელი ნუსხისა“ და „წითელი წიგნის“ შესახებ“ საქართველოს კანონის 24-ე მუხლის პირველი პუნქტის „ე“ ქვეპუნქტით გათვალისწინებული განსაკუთრებული შემთხვევისა;

ბ) ბუნებრივი ლანდშაფტის წარმომქმნელი (მათ შორის სუბალპური) ტყეები. მართვისას უზრუნველყოფილი უნდა იქნეს ლანდშაფტისა და მნიშვნელოვანი ბუნებრივი ელემენტების შენარჩუნება. არ დაიშვება მთავარი სარგებლობის და სპეციალური ჭრები;

გ) ტყეები, რომლებიც მოიცავენ იშვიათ ან საფრთხის ქვეშ მყოფ ეკოსისტემებს (ეკოსისტემები, რომლებიც მაღალი ანთროპოგენული ზემოქმედების ქვეშ იმყოფება). მართვისას უზრუნველყოფილი უნდა იქნეს კონსერვაცია აქტიური მენეჯმენტის გზით. არ დაიშვება მთავარი სარგებლობის და სპეციალური ჭრები;

დ) ტყეები, რომლებიც ასრულებს უმნიშვნელოვანეს ეკოლოგიურ ფუნქციებს (35 გრადუსზე მეტი დაქანების მქონე ფერდობებზე განლაგებული ტყეები; ტყეები, რომლებიც მოიცავს სასმელად გამოსაყენებელ, სულ ცოტა – ერთ წყაროს; მდინარეების გასწვრივ 200 მეტრის სიგანის ზოლში მდებარე ტყეები, მწვანე ზონის ან საკურორტო ტყეები და სხვ.). მართვისას უზრუნველყოფილი უნდა იქნეს მინიმალური ჩარევა. არ დაიშვება ხე-ტყის დამზადება და სატყეო-სამეურნეო ღონისძიებების განხორციელება, გარდა „საქართველოს „წითელი ნუსხისა“ და „წითელი წიგნის“ შესახებ“ საქართველოს კანონის 24-ე მუხლის პირველი პუნქტის „ე“ ქვეპუნქტით გათვალისწინებული განსაკუთრებული შემთხვევისა;

ე) ტყეები, რომლებიც ასრულებენ სასიცოცხლო ფუნქციებს ადგილობრივი მოსახლეობისათვის (საშეშე და სამასალე მერქანი, სათიბები და საძოვრები, არამერქნითი პროდუქტები, მეფუტკრეობა და სამკურნალო მცენარეები). მართვისას უზრუნველყოფილი უნდა იქნეს ლანდშაფტისა და მნიშვნელოვანი ბუნებრივი ელემენტების შენარჩუნება. არ დაიშვება მთავარი სარგებლობის ჭრები;

ვ) ტყეები, რომლებსაც აქვთ უაღრესად დიდი მნიშვნელობა რელიგიური და/ან კულტურული იდენტურობის შენარჩუნებისათვის. მართვისას უზრუნველყოფილი უნდა იქნეს ბუნებრივი და კულტურული ღირებულებების შენარჩუნება. არ დაიშვება მთავარი სარგებლობის და სპეციალური ჭრები.

6. სამონადირეო მეურნეობის მართვის გეგმა – დოკუმენტი, რომელიც შედგენილია მომავალი 10-წლიანი პერიოდისათვის და შეიცავს: სამონადირეო მეურნეობის ფარგლებში გარეულ ცხოველთა აღწერის, დაცვის, აღწარმოების, მდგრადი სარგებლობისა და მათი საბინადრო გარემოს გაუმჯობესების ღონისძიებებს, არსებული ჰაბიტატების ტიპებს, მათი ფართობების განსაზღვრას, აღწერასა და დახასიათებას, ბიომრავალფეროვნების, მათ შორის ტყის დაცვის ღონისძიებებს; გეგმას თან ახლავს სამონადირეო მეურნეობის ტერიტორიის GIS ფორმატში, პროფესიული კარტოგრაფიული სტანდარტების შესაბამისად მომზადებული ფერადი რუკა. სამონადირეო მეურნეობის მართვის გეგმის შემუშავებისა და დამტკიცების წესს ნორმატიული ადმინისტრაციულ-სამართლებრივი აქტით ამტკიცებს საქართველოს გარემოს დაცვისა და ბუნებრივი რესურსების მინისტრი.

საქართველოს მთავრობის 2009 წლის 11 აგვისტოს დადგენილება №142 - სსმ III, №,100 ,11.08.2009წ., მუხ.1099

საქართველოს მთავრობის 2009 წლის 3 ნოემბრის დადგენილება №198 - სსმ III, №,137 ,06.11.2009წ., მუხ.1562

საქართველოს მთავრობის 2010 წლის 8 დეკემბრის დადგენილება №376 - სსმ III, №,162 ,13.12.2010წ., მუხ.2286

    მუხლი 2. გენერალური ლიცენზია

1. ტყით სარგებლობის გენერალური ლიცენზია არის დოკუმენტი , რომელიც მოიცავს სამონადირეო მეურნეობისა და ხე -ტყის დამზადების სპეციალურ ლიცენზიებს .

2. ერთ -ერთი სპეციალური ლიცენზიით გათვალისწინებული საქმიანობის განსახორციელებლად გენერალური ლიცენზიის მოპოვება სავალდებულო არ არის .

3. ლიცენზირებას არ ექვემდებარება სოციალური ჭრა, სპეციალური და მიჩენის მიზნით ტყითსარგებლობა (მათ შორის, ამ ტერიტორიებზე სპეციალური ჭრების განხორციელება) და ტყითმოსარგებლისათვის გამოყოფილ ტყეკაფამდე მისასვლელი სატყეო-სამეურნეო გზის მშენებლობისას ხე‑ტყის ჭრა, ასევე წიაღით მოსარგებლისათვის სასარგებლო წიაღისეულის მოპოვების ლიცენზიით გათვალისწინებულ ტერიტორიამდე მისასვლელი სატყეო-სამეურნეო გზის მშენებლობისას ხე-ტყის ჭრა.

3¹. (ამოღებულია – 01.06.2011, №229).

3² . ხე-ტყის საქართველოს ტერიტორიაზე ტრანსპორტირებისათვის თითოეულ სატრანსპორტო საშუალებაზე გაიცემა „ხე-ტყის კანონიერად დამზადების დამადასტურებელი დოკუმენტისა და მისი გაცემის წესის შესახებ“ საქართველოს გარემოს დაცვისა და ბუნებრივი რესურსების მინისტრის ბრძანებით განსაზღვრული შემდეგი დოკუმენტები: „ხე-ტყის წარმოშობის დამადასტურებელი დოკუმენტი“, „საშეშე მერქნის კანონიერების დამადასტურებელი დოკუმენტი“, „ხე-ტყის კანონიერების დამადასტურებელი დოკუმენტი.

3³ . ხე-ტყის კანონიერად დამზადების დამადასტურებელი დოკუმენტის გარეშე აკრძალულია: ხე-ტყის პირველადი გადამუშავება, საქართველოს ტერიტორიაზე ხე-ტყის ტრანსპორტირება, ხე-ტყის რეალიზაცია. ხე-ტყის კანონიერად დამზადების დამადასტურებელი დოკუმენტი მოთხოვნის შემთხვევაში წარედგინება საქართველოს კანონმდებლობით უფლებამოსილ პირს.

4. არაკომერციული მიზნით მოსახლეობის, საბიუჯეტო ორგანიზაციებისა და საჯარო სამართლის იურიდიული პირების (მათ შორის, საქართველოს კონსტიტუციური შეთანხმებით აღიარებული საჯარო სამართლის იურიდიული პირის) ხე-ტყით დაკმაყოფილების მიზნით სოციალური ჭრის განხორციელების შესახებ გადაწყვეტილებას, თავიანთი კომპეტენციის ფარგლებში, მოთხოვნიდან ორი კვირის ვადაში იღებენ სახელმწიფო ტყის ფონდის მართვის უფლების მქონე შესაბამისი ორგანოები. იმ შემთხვევაში, თუ არაკომერციული მიზნით სოციალური ჭრის ფარგლებში ხე-ტყის გამოყოფის შესახებ საკითხი დასმულია სხვა პირის მიერ, გადაწყვეტილებას იღებს საქართველოს მთავრობა. სახელმწიფო ტყის ფონდის მართვის უფლების მქონე ორგანოები, თავიანთი კომპეტენციის ფარგლებში, განსაზღვრავენ საშეშე მერქნის კანონიერების დამადასტურებელი დოკუმენტების აუცილებელ რაოდენობას და შესაბამისი პოლიგრაფიული საწარმოს მეშვეობით თავად ახორციელებენ მათ ტირაჟირებას.

4¹ . (ამოღებულია).

4². (ამოღებულია – 01.06.2011, №229).

4³ . (ამოღებულია).

4⁴. (ამოღებულია).

4⁵ . (ამოღებულია).

5. ამ მუხლის მე-4 პუნქტით გათვალისწინებული დოკუმენტის ფორმასა და გაცემის წესს ადგენს საქართველოს გარემოს დაცვისა და ბუნებრივი რესურსების მინისტრი კანონქვემდებარე ნორმატიული აქტით.

6. (ამოღებულია).

7. (ამოღებულია).

8. (ამოღებულია).

9. სახელმწიფოებრივი ან/და საზოგადოებრივი ინტერესებიდან გამომდინარე, ადგილობრივი თვითმმართველობის ორგანოების (სახელმწიფო რწმუნებულის – გუბერნატორის თანხმობით) ან სამთავრობო დაწესებულებების მომართვის საფუძველზე და საქართველოს მთავრობის თანხმობის შემთხვევაში ლიცენზიის გამცემი ადმინისტრაციული ორგანო უფლებამოსილია, ლიცენზიის გარეშე გამოყოს ტყეკაფი შესაბამისი სამთავრობო დაწესებულებისათვის, ან მუნიციპალიტეტის გამგეობისათვის, ან მათ მიერ დასახელებული პირისათვის, შესაბამისი ვადით.

საქართველოს მთავრობის 2005 წლის 21 სექტემბრის დადგენილება №161 - სსმ III, №113, 27.09.2005 წ ., მუხ .1235

საქართველოს მთავრობის 2005 წლის 3 ნოემბრის დადგენილება №200 - სსმ III, №129, 03.11.2005 წ ., მუხ .1438

საქართველოს მთავრობის 2006 წლის 16 ივნისის დადგენილება №112 - სსმ III, №82, 20.06.2006 წ ., მუხ .1086

საქართველოს მთავრობის 2006 წლის 11 აგვისტოს დადგენილება №149 - სსმ III, №108, 15.08.2006 წ ., მუხ .1482

საქართველოს მთავრობის 2006 წლის 26 აგვისტოს დადგენილება №165 - სსმ III, №118, 01.09.2006 წ ., მუხ .1605

საქართველოს მთავრობის 2007 წლის 27 ივლისის დადგენილება №152 - სსმ III, №118, 21.08.2007 წ ., მუხ .1288

საქართველოს მთავრობის 2008 წლის 9 იანვრის დადგენილება №6 - სსმ III, №4, 14.01.2008 წ ., მუხ .57

საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008 წ ., მუხ .479

საქართველოს მთავრობის 2008 წლის 15 მაისის დადგენილება №129 - სსმ III, №75, 23.05.2008 წ ., მუხ .811

საქართველოს მთავრობის 2008 წლის 11 აგვისტოს დადგენილება №166 - სსმ III, №109,31.07.2008 წ ., მუხ .1209

საქართველოს მთავრობის 2008 წლის 24 სექტემბრის დადგენილება №192 - სსმ III, №142,26.09.2008 წ ., მუხ .1395

საქართველოს მთავრობის 2008 წლის 12 ნოემბრის  დადგენილება №220 - სსმ III, №163,14.11.2008წ., მუხ.1640

საქართველოს მთავრობის 2008 წლის 3 დეკემბრის დადგენილება №236 - სსმ III, №174,05.12.2008წ., მუხ.1779

საქართველოს მთავრობის 2008 წლის 23 დეკემბრის დადგენილება №246 - სსმ III, №183,25.12.2008წ., მუხ.1865

საქართველოს მთავრობის 2009 წლის 26 თებერვლის დადგენილება №34 - სსმ III, №22,27.02.2009წ., მუხ.286

საქართველოს მთავრობის 2009 წლის 24 მარტის დადგენილება №63 - სსმ III, №,38, 27.03.2009წ., მუხ.436

საქართველოს მთავრობის 2009 წლის 28 მაისის დადგენილება №100 - სსმ III, №,66 , 01.06.2009წ., მუხ.729

საქართველოს მთავრობის 2009 წლის 23 ივნისის დადგენილება №114 - სსმ III, №,78,26.06.2009წ., მუხ.843

საქართველოს მთავრობის 2009 წლის 21 აგვისტოს დადგენილება №153 - სსმ III, №,105 ,25.08.2009წ., მუხ.1173

საქართველოს მთავრობის 2009 წლის 29 დეკემბრის დადგენილება №243 - სსმ III, №,159 ,30.12.2009წ., მუხ.1937

საქართველოს მთავრობის 2010 წლის 3 აგვისტოს დადგენილება №222 - სსმ III, №,96 ,04.08.2010წ., მუხ.1410

საქართველოს მთავრობის 2010 წლის 20 აგვისტოს დადგენილება №244 - სსმ III, №,103 ,24.08.2010წ., მუხ.1535

საქართველოს მთავრობის 2011 წლის 21 იანვრის დადგენილება №25 - ვებგვერდი, 27.01.2011წ.

საქართველოს მთავრობის 2011 წლის 11 მარტის დადგენილება №122 - ვებგვერდი, 18.03.2011წ.

საქართველოს მთავრობის 2011 წლის 31 მარტის დადგენილება №145 - ვებგვერდი, 04.04.2011წ.

საქართველოს მთავრობის 2011 წლის 12 აპრილის დადგენილება №171 - ვებგვერდი, 15.04.2011წ.

საქართველოს მთავრობის 2011 წლის 13 მაისის დადგენილება №200 - ვებგვერდი, 17.05.2011წ.

საქართველოს მთავრობის 2011 წლის 1 ივნისის დადგენილება №229 - ვებგვერდი, 03.06.2011წ.

    მუხლი 2¹ . ტყით სარგებლობის განხორციელების ზოგადი მოთხოვნები

1. ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიის (გარდა სამონადირეო მეურნეობის სპეციალური ლიცენზიისა) გაცემა ხდება სახელმწიფო ტყის ფონდის მხოლოდ იმ ფართობებზე, რომლებზეც საქართველოს კანონმდებლობის შესაბამისად განხორციელებულია ტყეთმოწყობა.

2. ტყეთმოწყობის განხორციელებას უზრუნველ-ყოფენ საქართველოს ტყის კოდექსის მე-15 და მე-16 მუხლებით განსაზღვრული სახელმწიფო ტყის ფონდის მართვის უფლების მქონე შესაბამისი ორგანოები, რაც მტკიცდება ტყის ფონდის მართვის უფლების მქონე შესაბამისი ორგანოს ხელმძღვანელის ინდივიდუალური ადმინისტრაციულ-სამართლებრივი აქტით.

3. ტყეთმოწყობის განხორციელება ფინანსდება შესაბამისად საქართველოს სახელმწიფო და ადგილობრივი ბიუჯეტებიდან. ამ მიზნით საქართველოს კანონმდებლობით დადგენილი წესით შეიძლება გამოყენებულ იქნეს სხვა სახსრებიც.

4. ტყეთმოწყობის მასალები წარმოადგენენ ტყით სარგებლობის გეგმის საფუძველს.

5. ტყის მართვის უფლების მქონე სახელმწიფო ორგანო იწყებს საჯარო ადმინისტრაციულ წარმოებას გრძელვადიანი ტყით სარგებლობისათვის წინასწარ შერჩეული სახელმწიფო სამეურნეო ტყის ფონდის ფართობების ადგილმდებარეობისა და მოსაჭრელი მერქნული რესურსების რაოდენობის განსაზღვრის შესახებ; აღნიშნული ინფორმაცია ასევე ექვემდებარება ტყის მართვის უფლების მქონე სახელმწიფო ორგანოს ვებგვერდზე განთავსებას.

საქართველოს მთავრობის 2009 წლის 11 აგვისტოს დადგენილება №142 - სსმ III, №,100 ,11.08.2009წ., მუხ.1099

საქართველოს მთავრობის 2009 წლის 3 ნოემბრის დადგენილება №198 - სსმ III, №,137 ,06.11.2009წ., მუხ.1562

საქართველოს მთავრობის 2010 წლის 28 დეკემბრის დადგენილება №409 - სსმ III,№,172 ,31.12.2010წ., მუხ.2482

     მუხლი 2². ხე-ტყის დამზადება სანიტარიული ჭრებით

1. საქართველოს გარემოს დაცვისა და ბუნებრივი რესურსების სამინისტრო „საქართველოს „წითელი ნუსხისა“ და „წითელი წიგნის“ შესახებ საქართველოს კანონის 24-ე მუხლის 2² პუნქტით გათვალისწინებული გადაწყვეტილების მიღების შემდეგ მიმართავს სამინისტროს ტყეების მდგომარეობის გაჯანსაღებისათვის გადაშენების საფრთხის წინაშე მყოფი ველური მცენარეების სანიტარიული ჭრებით გარემოდან ამოღების მიზნით ხე-ტყის დამზადების სპეციალური ლიცენზიის გასაცემად ადმინისტრაციული წარმოების დაწყების მოთხოვნით.

2. (ამოღებულია).

3. (ამოღებულია).

4. (ამოღებულია).

5. ამ მუხლის პირველი პუნქტით გათვალისწინებული ლიცენზიის საწყის ფასს ყოველ კონკრეტულ შემთხვევაში სამინისტრო ადგენს საქართველოს მთავრობასთან შეთანხმებით.

6. ამ მუხლის პირველი პუნქტით გათვალისწინებული სპეციალური ლიცენზიის მფლობელზე არ ვრცელდება ტყითსარგებლობის გეგმის შედგენის ვალდებულება.

საქართველოს მთავრობის 2009 წლის 18 ნოემბრის დადგენილება №211 - სსმ III, №,143 ,20.11.2009წ., მუხ.1658

საქართველოს მთავრობის 2010 წლის 8 დეკემბრის დადგენილება №376 - სსმ III, №,162 ,13.12.2010წ., მუხ.2286

საქართველოს მთავრობის 2010 წლის 28 დეკემბრის დადგენილება №409 - სსმ III,№,172 ,31.12.2010წ., მუხ.2482

 

    მუხლი 3. გენერალური და სპეციალური ლიცენზიების გამცემი ადმინისტრაციული ორგანო

1. გენერალური და სპეციალური ლიცენზიების გამცემი ადმინისტრაციული ორგანოა საქართველოს ეკონომიკური განვითარების სამინისტრო (შემდგომში – სამინისტრო).

2. ლიცენზიის გაცემის უფლებამოსილება სამინისტრომ შეიძლება მიანიჭოს თავის ტერიტორიულ ორგანოებს.

3. ლიცენზიის გამცემი სამინისტროს ტერიტორიული ორგანოები განისაზღვრება საქართველოს ეკონომიკური განვითარების მინისტრის ბრძანებით.

საქართველოს მთავრობის 2006 წლის 16 ივნისის დადგენილება №112 - სსმ III, №82, 20.06.2006 წ ., მუხ .1086

საქართველოს მთავრობის 2006 წლის 28 ივნისის დადგენილება №124 - სსმ III, №89, 03.07.2006წ., მუხ.1185

საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

    მუხლი 4. გენერალური და სპეციალური ლიცენზიების გაცემის წესი

1. გენერალური და სპეციალური ლიცენზიები გაიცემა აუქციონის წესით.

2. სამინისტრო აუქციონს საქართველოს გარემოს დაცვისა და ბუნებრივი რესურსების სამინისტროს მიერ მიწოდებული ინფორმაციის საფუძველზე აცხადებს შესაბამისი ადმინისტრაციული აქტით, რომელიც უნდა გამოიცეს აუქციონის გამართვამდე არა უგვიანეს ერთი თვისა.

3. ამ მუხლის მე-2 პუნქტში განსაზღვრული ადმინისტრაციული აქტის გამოცემის საფუძველია მაძიებლის განცხადება, რომელსაც სამინისტრო იხილავს საჯარო ადმინისტრაციული წარმოების წესით, რომელშიც სხვა ადმინისტრაციული ორგანოს სახით სამინისტრო რთავს საქართველოს გარემოს დაცვისა და ბუნებრივი რესურსების სამინისტროს, ან სამინისტროს გადაწვეტილება, რომელიც შეთანხმებული უნდა იყოს საქართველოს გარემოს დაცვისა და ბუნებრივი რესურსების სამინისტროსთან.

4. ინფორმაციას აუქციონის გამართვის თაობაზე სამინისტრო აქვეყნებს ცენტრალურ პრესაში აუქციონის გამართვამდე არა უგვიანეს ერთი თვისა.

5. ტყით სარგებლობის გენერალური ლიცენზიის ან ხე-ტყის დამზადების სპეციალური ლიცენზიის ობიექტი არის სახელმწიფო ტყის ფონდის განსაზღვრული უბანი.

6. აუქციონის გამართვამდე სამინისტრომ შეიძლება დაადგინოს დასამზადებელი ხე-ტყის (ხე-ტყის დამზადების ადგილმდებარეობა, მერქნიანი მცენარეების ჯიშები, დამზადების მოცულობა, სარგებლობის კონკრეტული წესი, საქმიანობის სუბიექტისადმი სავალდებულო მოთხოვნები და ა.შ.), ასევე სამონადირეო მეურნეობის მოწყობისა და ცხოველთა სამყაროს ობიექტებით სარგებლობის რაოდენობრივი, თვისებრივი და დროში განსაზღვრული ნორმები და წესები, რომლებიც საქართველოს გარემოს დაცვისა და ბუნებრივი რესურსების სამინისტროსთან შეთანხმებით (მხოლოდ მის კომპეტენციაში შემავალ საკითხებზე) მტკიცდება მინისტრის ინდივიდუალური ადმინისტრაციულ-სამართლებრივი აქტით.

6¹. სანიტარიული ჭრით ხე-ტყის დამზადების სპეციალური ლიცენზიის გაცემის უზრუნველსაყოფად აუქციონის გამართვამდე სამინისტრომ შეიძლება დაადგინოს ხე-ტყის დამზადების ადგილმდებარეობა, მერქნიანი მცენარეების ჯიშები, სარგებლობის კონკრეტული წესი, საქმიანობის სუბიექტისადმი სავალდებულო მოთხოვნები და სხვა.

7. აუქციონის გამართვის, გამარჯვებულის გამოვლენისა და შესაბამისი სალიცენზიო მოწმობის გაცემის წესს ადგენს სამინისტრო.

საქართველოს მთავრობის 2006 წლის 16 ივნისის დადგენილება №112 - სსმ III, №82, 20.06.2006 წ ., მუხ .1086

საქართველოს მთავრობის 2007 წლის 13 მარტის დადგენილება №48 - სსმ III, №40, 23.03.2007წ., მუხ.463

საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

საქართველოს მთავრობის 2010 წლის 28 დეკემბრის დადგენილება №409 - სსმ III,№,172 ,31.12.2010წ., მუხ.2482

    მუხლი 5. აუქციონში მონაწილეობის მიღების წესი და პირობები

1. აუქციონის წესით ლიცენზიის გაცემაში მონაწილეობის მიღების უფლება აქვს ყველა ლიცენზიის მაძიებელს, რომლებიც დააკმაყოფილებენ კანონით დადგენილ სალიცენზიო პირობებს და იკისრებენ ვალდებულებას – დააკმაყოფილონ სარგებლობის ლიცენზიის გამცემის მიერ განსაზღვრული მოთხოვნები.

2. აუქციონში მონაწილეობის მისაღებად წარსადგენ დოკუმენტთა ნუსხა განისაზღვრება საქართველოს კანონმდებლობით.

3. აუქციონში მონაწილეობის თაობაზე განცხადება მიიღება აუქციონის გამოცხადებიდან არანაკლებ 15 დღის განმავლობაში. განცხადებების მიღების საბოლოო ვადას ყოველ კონკრეტულ შემთხვევაში ადგენს სამინისტრო.

4. თუ ლიცენზიის მაძიებელი განცხადების წარდგენის ვადის დასრულებამდე უარს განაცხადებს აუქციონში მონაწილეობაზე, მის მიერ გადახდილი სალიცენზიო მოსაკრებელი ექვემდებარება დაბრუნებას. მოცემული ვადის დარღვევის შემთხვევაში სალიცენზიო მოსაკრებლის თანხა უკან დაბრუნებას არ ექვემდებარება.

5. ბუნებრივი რესურსით სარგებლობის მოსაკრებლის გადახდისა და ანგარიშსწორების წესი განისაზღვრება ბუნებრივი რესურსების მოსაკრებლის სფეროში მოქმედი კანონმდებლობის შესაბამისად.

6. აუქციონში მონაწილეობის მისაღებად ლიცენზიის მაძიებელი ვალდებულია გადაიხადოს ბე. ბეს ოდენობის განსაზღვრის, მისი გადახდისა და უკან დაბრუნების წესს ადგენს სამინისტრო კანონქვემდებარე ნორმატიული აქტით.

საქართველოს მთავრობის 2005 წლის 23 სექტემბრის დადგენილება №168 - სსმ III, №114, 28.09.2005წ., მუხ.1258

საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

     მუხლი 6. უარი აუქციონში მონაწილეობის მიღებაზე 

1. აუქციონში მონაწილეობისათვის არ დაიშვება მაძიებელი, თუ:

ა) დაგვიანებით წარადგინა აუქციონში მონაწილეობისათვის საჭირო დოკუმენტაცია;

ბ) წარადგინა წინასწარ ყალბი ან არაზუსტი ინფორმაცია;

გ) კანონმდებლობით დადგენილი მოთხოვნების საფუძველზე არ შეიძლება მონაწილეობდეს დანიშნულ აუქციონში.

2. მაძიებელს მოტივირებული უარი უნდა ეცნობოს განაცხადის მიღებიდან არა უგვიანეს 3 დღისა.

    მუხლი 7. საწყისი ფასი

აუქციონზე გამოტანილი გენერალური და სპეციალური ლიცენზიების გაცემის საწყისი ფასის განსაზღვრისა და ანგარიშსწორების წესს „ლიცენზიებისა და ნებართვების შესახებ“ საქართველოს კანონის პრინციპების დაცვით ადგენს სამინისტრო.

 საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

    მუხლი 8. სალიცენზიო პირობები

1. ხე-ტყის დამზადების სპეციალური ლიცენზიის მფლობელი (შემდგომში – ლიცენზიატი) ვალდებულია დაიცვას შემდეგი სალიცენზიო პირობები:

ა) ტყით სარგებლობის გეგმის დამტკიცებამდე ლიცენზიით განსაზღვრულ ტერიტორიაზე საქართველოს გარემოს დაცვისა და ბუნებრივი რესურსების სამინისტროსაგან ეტაპობრივად, თითოეული კვარტალის მიხედვით, ჩაიბაროს ტერიტორია მიღება-ჩაბარების აქტით. ლიცენზიატი და საქართველოს გარემოს დაცვისა და ბუნებრივი რესურსების სამინისტროს წარმომადგენლები ლიცენზიით განსაზღვრულ ტერიტორიაზე ერთობლივად აღრიცხავენ უკანონო ჭრებსა და სხვა დარღვევა-ნაკლოვანებებს, რაც შესაბამისად აისახება მიღება-ჩაბარების აქტში. მიღება-ჩაბარების განხორციელების წესსა და ფორმას ამტკიცებს საქართველოს გარემოს დაცვისა და ბუნებრივი რესურსების მინისტრი ბრძანებით „ტყით სარგებლობის გენერალური ლიცენზიით, ხე-ტყის დამზადების სპეციალური ლიცენზიით ან სამონადირეო მეურნეობის სპეციალური ლიცენზიით განსაზღვრული ფართობის მიღება-ჩაბარების განხორციელების წესისა და ფორმის შესახებ“;

ბ) განახორციელოს ლიცენზიით განსაზღვრული ტერიტორიის დაცვა:

ბ.ა) დაიცვას ლიცენზიით განსაზღვრული სახელმწიფო ტყის ფონდის ტერიტორია უკანონო ტყით სარგებლობისაგან;

ბ.ბ) საქართველოს კანონმდებლობით დადგენილი წესით აღკვეთოს და შესაბამის ორგანოებს დროულად მიაწოდოს ინფორმაცია ლიცენზიით განსაზღვრულ ტერიტორიაზე უნებართვო საქმიანობისა და სამართალდარღვევის ფაქტების შესახებ;

ბ.გ) შეიმუშაოს ლიცენზიით განსაზღვრული ტერიტორიის დაცვის მექანიზმები და შესაბამისი ინფორმაცია წარადგინოს საქართველოს გარემოს დაცვისა და ბუნებრივი რესურსების სამინისტროში ლიცენზიის მიღებიდან არა უგვიანეს 30 დღისა. აღნიშნული დაცვის მექანიზმები შემდგომში ხდება ტყით სარგებლობის გეგმის განუყოფელი ნაწილი და მასში ცვლილებების შეტანა შესაძლებელია ტერიტორიის მიღება-ჩაბარების დასრულებისას, ტყით სარგებლობის გეგმის დამტკიცებისას (განახლებისას), ტყეთმოწყობის მონაცემების განახლებისას და/ან კანონმდებლობით გათვალისწინებული შემოწმების შედეგების შესაბამისად უკანონო ქმედებათა გაზრდილი შემთხვევებისა და სხვა ახალი გარემოებების გამოვლენის შემთხვევაში, საქართველოს გარემოს დაცვისა და ბუნებრივი რესურსების სამინისტროს მოთხოვნის საფუძველზე;

გ) ლიცენზიის მიღებიდან არა უგვიანეს 12 თვისა საქართველოს გარემოს დაცვისა და ბუნებრივი რესურსების სამინისტროში დასამტკიცებლად წარადგინოს მოქმედი კანონმდებლობის საფუძველზე შედგენილი ტყით სარგებლობის გეგმა, რომელსაც უნდა ერთვოდეს მოკლე ანოტაცია. ტყით სარგებლობის გეგმის დამტკიცებამდე ლიცენზიით განსაზღვრულ ტერიტორიაზე ნებადართულია მხოლოდ საქმიანობა ტყის დაცვის მიზნით და არ დაიშვება ლიცენზიატის მიერ ხე-ტყის მოპოვება და სხვა სატყეო-სამეურნეო ღონისძიებათა განხორციელება;

დ) უზრუნველყოს დამტკიცებული ტყით სარგებლობის გეგმით გათვალისწინებული ღონისძიებების შესრულება;

ე) ლიცენზიის ნაწილის გასხვისებისას ლიცენზიის გასასხვისებელი ნაწილით განსაზღვრული ტერიტორია არ უნდა იწვევდეს ტყის მასივის (კორომის) დანაწევრებას და არ უნდა არღვევდეს სატყეო კვარტალების საზღვრებს;

ვ) ლიცენზიის ან ლიცენზიის ნაწილის გასხვისებისას ტყით სარგებლობის ახალი გეგმის (გეგმების) დამტკიცებამდე ლიცენზიის გამსხვისებელმა და ლიცენზიის შემძენმა უნდა მოახდინონ შესაბამისი ფართობის გადაბარება მიღება-ჩაბარების აქტით საქართველოს გარემოს დაცვისა და ბუნებრივი რესურსების სამინისტროს წარმომადგენლების მონაწილეობით. ლიცენზიით განსაზღვრული ტერიტორიის გადაბარებამდე ლიცენზიის გამსხვისებელმა საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებას – გარემოს დაცვის ინსპექციას უნდა წარუდგინოს ანგარიში შესრულებული სამუშაოების შესახებ. მიღება-ჩაბარების აქტის გაფორმებამდე ლიცენზიით განსაზღვრული ტერიტორიის დაცვისათვის პასუხისმგებლობა ეკისრება ლიცენზიის გამსხვისებელს;

ზ) ლიცენზიის ნაწილის გასხვისების შემთხვევაში ლიცენზიატები წარმოადგენენ ახალ ტყით სარგებლობის გეგმას (გეგმებს). ახალი ტყით სარგებლობის გეგმის (გეგმების) დამტკიცებამდე ლიცენზიით განსაზღვრულ ფართობზე ხე-ტყის დამზადება და სხვა სატყეო-სამეურნეო საქმიანობა არ დაიშვება;

თ) მოქმედი კანონმდებლობის შესაბამისად გამოყოს ტყეკაფი და მისი ათვისება დაასრულოს ტყეკაფის გამოყოფიდან 2 წლის ვადის ამოწურვისთანავე;

ი) უზრუნველყოს ლიცენზიით განსაზღვრულ ტერიტორიაზე ნიადაგის ეროზიისაგან დაცვის ღონისძიებების განხორციელება;

კ) ტყეში სამუშაოების ჩატარებისას გამოიყენოს ეკოლოგიური თვალსაზრისით მისაღები მანქანა-იარაღები და ტექნოლოგიები;

ლ) უზრუნველყოს ბიომრავალფეროვნების დაცვა და შექმნას მისი მდგრადი გამოყენების პირობები:

ლ.ა) დაიცვას ბიომრავალფეროვნება საქმიანობის შედეგად გამოწვეული დაბინძურებისაგან;

ლ.ბ) არ დაუშვას უცხო (ინვაზიური) სახეობებისა და გენეტიკურად მოდიფიცირებული ცოცხალი ორგანიზმების გავრცელება და/ან გამოყენება ლიცენზიით განსაზღვრულ ტერიტორიაზე საქმიანობის დროს;

ლ.გ) საქმიანობამ არ უნდა გამოიწვიოს ეკოსისტემის ფრაგმენტაცია, ტყეების ბუნებრივი იერსახის ცვლილება, სახეობრივი მრავალფეროვნების გაღარიბება;

ლ.დ) არ დაუშვას გარეულ ცხოველთა საბინადრო გარემოს, გამრავლების არეალების, გადარჩენის სტაციების, სამიგრაციო და წყალთან მისასვლელი გზებისა და წყლის სასმელი ადგილების გაუარესება;

მ) სამასალე ხე-ტყის პირველადი გადამუშავება (პროცესი, რომლის შედეგადაც მიიღება შემდეგი პროდუქცია: ფიცარი (ჩამოგანული ან ჩამოუგანავი), ძელი, ძელაკი, შპალი, საპარკეტე ფრიზა, დაპობილი სათბობი შეშა, შავად ნამზადი დეტალი) სრულად განახორციელოს საქართველოს ტერიტორიაზე;

ნ) უზრუნველყოს ლიცენზიით განსაზღვრულ ტერიტორიაზე არსებული იშვიათი, საფრთხის ქვეშ და გადაშენების პირას მყოფი, საქართველოს „წითელ ნუსხაში“ შეტანილი ენდემური და რელიქტური სახეობებისა და მათი საბინადრო გარემოს დაცვის ღონისძიებები;

ო) დაიცვას წყალდაცვითი ზოლის რეჟიმი;

პ) უზრუნველყოს მაღალი კონსერვაციული ღირებულების ტყეების დაცვა. მაღალი კონსერვაციული ღირებულების ტყეების მდგრადი მართვისა და დაცვის გზით უნდა შენარჩუნდეს ან გაუმჯობესდეს აღნიშნული ტყეების ძირითადი მახასიათებლები. ლიცენზიატის მიერ უნდა იყოს დოკუმენტირებული, თუ როგორ ხდება მაღალი კონსერვაციული ღირებულების ტყეების დაცვის უზრუნველყოფა;

ჟ) განახორციელოს ტყის მოვლის, მავნებელი-დაავადებების და ხანძრებისაგან დაცვისა და ტყის აღდგენის ღონისძიებები, რის უზრუნველსაყოფადაც განახორციელოს მუდმივი მონიტორინგი. მავნებელდაავადებათა მასობრივად გავრცელების ან/და ტყის ხანძრის შემთხვევაში ინფორმაცია ოპერატიულად მიაწოდოს საქართველოს გარემოს დაცვისა და ბუნებრივი რესურსების სამინისტროს;

რ) მცენარეთა დაცვის საშუალებების გამოყენებისას ლიცენზიატი ვალდებულია დაასაბუთოს მათი გამოყენების აუცილებლობა და საქართველოს გარემოს დაცვისა და ბუნებრივი რესურსების სამინისტროში შესათანხმებლად წარადგინოს დასახული ღონისძიებების გეგმა. მცენარეთა დაცვის ქიმიური საშუალებების გამოყენება უნდა იყოს დასაბუთებული და დოკუმენტირებული;

ს) პესტიციდების ნარჩენები არ შეიძლება განთავსებულ იქნეს სახელმწიფო სამეურნეო ტყის ფონდის ტერიტორიაზე;

ტ) ხელი არ შეუშალოს მოსახლეობას (სამასალე და საშეშე მერქნის გარდა), უსასყიდლოდ მოაგროვოს ხილ-კენკროვნები, თხილი, სოკო, სამკურნალო მცენარეები და ტყის სხვა პროდუქტები, გარდა „წითელ ნუსხაში“ შეტანილი სახეობებისა), ასევე ტურისტულ-რეკრეაციული მიზნებისათვის მოსახლეობის ყოფნას ლიცენზიით განსაზღვრულ ტერიტორიაზე და სხვა ტრადიციული ღონისძიებების განხორციელებას;

უ) ისტორიული, რელიგიური და კულტურული ობიექტების გამოვლენის შემთხვევაში დაუყოვნებლივ აცნობოს საქართველოს კულტურის, ძეგლთა დაცვისა და სპორტის სამინისტროს და საქართველოს გარემოს დაცვისა და ბუნებრივი რესურსების სამინისტროს და უზრუნველყოს სატყეო-სამეურნეო საქმიანობის შედეგად მათი დაზიანებისაგან დაცვა;

ფ) ხელი არ შეუშალოს სამეცნიერო-კვლევითი სამუშაოების განხორციელებას;

ქ) ხელი არ შეუშალოს ლიცენზიით განსაზღვრულ ტერიტორიაზე სახელმწიფოებრივი მნიშვნელობის პროექტების (მაგისტრალური გაზსადენი, მაღალი ძაბვის გადამცემი ანძები და სხვა) განხორციელებასა და ფუნქციონირებას;

ღ) ლიცენზიით განსაზღვრულ ტერიტორიაზე წარმოებულ სატყეო-სამეურნეო საქმიანობაში დასაქმებული პერსონალის არანაკლებ 80%-ს უნდა წარმოადგენდეს ადგილობრივი მოსახლეობა (იმ ტერიტორიული ერთეულების _ მუნიციპალიტეტების, რომლებსაც მოიცავს ლიცენზია);

ყ) მომუშავე პერსონალთან (ფიზიკურ ან/და იურიდიულ პირთან) გააფორმოს შრომითი ან/და მომსახურების შესყიდვის ხელშეკრულებები სამუშაოს აღწერილობით, დაქირავებულთა საცხოვრებელი ადგილის მითითებით. შემოწმებისას, მოთხოვნისთანავე წარუდგინოს შესაბამისი დამადასტურებელი დოკუმენტაცია შემმოწმებელს;

შ) ლიცენზიის მოქმედების ვადის ამოწურვის ან დადგენილ ვადამდე ლიცენზიის ძალადაკარგულად გამოცხადების შემთხვევაში ლიცენზიით სარგებლობაში გადაცემული ტერიტორია მიღება-ჩაბარების აქტით უბრუნდება ტყის ფონდის მართვის უფლების მქონე ორგანოს ამავე მუხლის პირველი პუნქტის „ა“ ქვეპუნქტით განსაზღვრული პროცედურებით;

ჩ) ტყის ფონდის მართვის უფლების მქონე ორგანოსათვის მის მიერ წერილობითი თანხმობის მიცემის შემთხვევაში, ლიცენზიით განსაზღვრულ ტერიტორიაზე ტყის ფონდის მართვის უფლების მქონე ორგანოს ხელი არ შეუშალოს სათბობ შეშაზე ადგილობრივი მოსახლეობისა და საბიუჯეტო ორგანიზაციების მოთხოვნილების დაკმაყოფილების მიზნით სპეციალური ჭრის ტყეკაფების გამოყოფასა და ამ ტყეკაფებზე ხე-ტყის დამზადება-გაცემაში;

ც) განახორციელოს ტყეკაფის ათვისება ხე-ტყის დამზადების სპეციალური ლიცენზიით ან ტყით სარგებლობის გეგმით განსაზღვრული ყოველწლიურად მოსაჭრელი ხე-ტყის მოცულობის ფარგლებში.

1¹ . 5 წლამდე ვადით გაცემული ხე-ტყის დამზადების სპეციალური ლიცენზიის მფლობელი ვალდებულია დაიცვას შემდეგი სალიცენზიო პირობები:

ა) ამ მუხლის პირველი პუნქტით გათვალისწინებული სალიცენზიო პირობები, გარდა ამ მუხლის პირველი პუნქტის „ა“, „ბ.გ“, „გ“, „დ“, „ვ“ და „ზ“ ქვეპუნქტებით გათვალისწინებული პირობებისა;

ბ) ტყეკაფების გამოყოფის დაწყებამდე ლიცენზიით განსაზღვრულ ტერიტორიაზე საქართველოს გარემოს დაცვისა და ბუნებრივი რესურსების სამინისტროსაგან ეტაპობრივად, თითოეული კვარტლის მიხედვით, ჩაიბაროს ტერიტორია მიღება-ჩაბარების აქტით. ლიცენზიატი და საქართველოს გარემოს დაცვისა და ბუნებრივი რესურსების სამინისტროს წარმომადგენლები ლიცენზიით განსაზღვრულ ტერიტორიაზე ერთობლივად აღრიცხავენ უკანონო ჭრებსა და სხვა დარღვევა-ნაკლოვანებებს, რაც შესაბამისად აისახება მიღება-ჩაბარების აქტში. მიღება-ჩაბარება ხორციელდება ამ მუხლის პირველი პუნქტის „ა“ ქვეპუნქტით გათვალისწინებული საქართველოს გარემოს დაცვისა და ბუნებრივი რესურსების მინისტრის კანონქვემდებარე ნორმატიული აქტის შესაბამისად;

გ) შეიმუშაოს ლიცენზიით განსაზღვრული ტერიტორიის დაცვის მექანიზმები და ლიცენზიის მიღებიდან არა უგვიანეს 30 დღისა შესაბამისი ინფორმაცია წარადგინოს საქართველოს გარემოს დაცვისა და ბუნებრივი რესურსების სამინისტროში. მასში ცვლილებების შეტანა შესაძლებელია ტერიტორიის მიღება-ჩაბარების დასრულებისას ან/და კანონმდებლობით გათვალისწინებული შემოწმების შედეგების შესაბამისად უკანონო ქმედებათა გაზრდილი შემთხვევებისა და სხვა ახალ გარემოებათა გამოვლენისას, საქართველოს გარემოს დაცვისა და ბუნებრივი რესურსების სამინისტროს მოთხოვნის საფუძველზე;

დ) ტყეკაფების გამოყოფის სამუშაოების დაწყებამდე საქართველოს გარემოს დაცვისა და ბუნებრივი რესურსების სამინისტროში წარადგინოს საექსპლუატაციო ტყის ფონდის ათვისების პერსპექტიული გეგმა და ინფორმაცია მოსაწყობი ინფრასტრუქტურის შესახებ;

ე) ლიცენზიის ან ლიცენზიის ნაწილის გასხვისებისას ლიცენზიის გამსხვისებელმა და ლიცენზიის შემძენმა უნდა მოახდინონ შესაბამისი ფართობის გადაბარება მიღება-ჩაბარების აქტით საქართველოს გარემოს დაცვისა და ბუნებრივი რესურსების სამინისტროს წარმომადგენლების მონაწილეობით. ლიცენზიით განსაზღვრული ტერიტორიის გადაბარებამდე ლიცენზიის გამსხვისებელმა საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებას – გარემოს დაცვის ინსპექციას უნდა წარუდგინოს ანგარიში შესრულებული სამუშაოების შესახებ. მიღება-ჩაბარების აქტის გაფორმებამდე ლიცენზიით განსაზღვრული ტერიტორიის დაცვისათვის პასუხისმგებლობა ეკისრება ლიცენზიის გამსხვისებელს;

ვ) ლიცენზიის ნაწილის გასხვისების შემთხვევაში ლიცენზიატები საქართველოს გარემოს დაცვისა და ბუნებრივი რესურსების სამინისტროში წარადგენენ საექსპლუატაციო ტყის ფონდის ათვისების პერსპექტიულ განახლებულ გეგმას და ინფორმაციას მოსაწყობი ინფრასტრუქტურის შესახებ.

1². ამ მუხლის პირველი და 1¹ პუნქტებით გათვალისწინებული სპეციალური ლიცენზიის მფლობელი:

ა) უფლებამოსილია, საქართველოს კანონმდებლობით დადგენილი წესით დაკოტროს ტყიდან გამოსატანი საშეშე მერქანი (აღნიშნულ შემთხვევაში ლიცენზიის მფლობელი ვალდებულია, გადაიხადოს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით საშეშე მერქნისათვის დაწესებული მოსაკრებელი);

ბ) უფლებამოსილია, დამზადებული ხე-ტყის ტყიდან ტრანსპორტირებისას საშეშე მერქნის გადაზიდვა განახორციელოს კანონმდებლობით დადგენილი წესით ხე-ტყის დაკოტვრის გარეშე – მორის სახით (აღნიშნულ შემთხვევაში ლიცენზიის მფლობელი ვალდებულია, გადაიხადოს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით სამასალე მერქნისათვის დაწესებული მოსაკრებელი);

გ) ტყითმოსარგებლე ამ პუნქტის „ა“ და „ბ“ ქვეპუნქტებით გათვალისწინებულ შემთხვევებზე თავად იღებს გადაწყვეტილებას და ვალდებულია, აღნიშნულის თაობაზე ყოველი წლის 15 იანვრამდე წერილობით აცნობოს საქართველოს გარემოს დაცვისა და ბუნებრივი რესურსების სამინისტროს და ეს გადაწყვეტილება რჩება ტყითმოსარგებლის ვალდებულებად ტყითსარგებლობის ვადის ამოწურვამდე.

1³. ტყის მდგომარეობის გაჯანსაღების მიზნით გადაშენების საფრთხის წინაშე მყოფი ველური მცენარეების სანიტარიული ჭრებით ხე-ტყის დამზადების სპეციალური ლიცენზიის მფლობელი ვალდებულია დაიცვას შემდეგი სალიცენზიო პირობები:

ა) ლიცენზიის მიღებიდან არა უგვიანეს 1 თვისა ლიცენზიით განსაზღვრულ ტერიტორიაზე სახელმწიფო ტყის ფონდის მართვის უფლების მქონე ორგანოსაგან ეტაპობრივად, თითოეული კვარტალის მიხედვით ჩაიბაროს ტერიტორია მიღება-ჩაბარების აქტით. ლიცენზიანტი და სახელმწიფო ტყის ფონდის მართვის უფლების მქონე ორგანოს წარმომადგენლები ლიცენზიით განსაზღვრულ ტერიტორიაზე ერთობლივად აღრიცხავენ უკანონო ჭრებსა და სხვა დარღვევა-ნაკლოვანებებს, რაც შესაბამისად აისახება მიღება-ჩაბარების აქტში. მიღება-ჩაბარების განხორციელების წესსა და ფორმას ამტკიცებს საქართველოს გარემოს დაცვისა და ბუნებრივი რესურსების მინისტრი ბრძანებით „ტყით სარგებლობის გენერალური ლიცენზიით, ხე-ტყის დამზადების სპეციალური ლიცენზიით ან სამონადირეო მეურნეობის სპეციალური ლიცენზიით განსაზღვრული ფართობის მიღება-ჩაბარების განხორციელების წესისა და ფორმის შესახებ“;

ბ) მცენარეთა ვეგეტაციის პერიოდში მონიშნოს მოსაჭრელი რესურსი და შესაბამისი მასალები წარუდგინოს სახელმწიფო ტყის ფონდის მართვის უფლების მქონე ორგანოს ტყეკაფის გამოყოფის მიზნით. გამოყოფილი ტყეკაფის ათვისების ვადად განისაზღვროს 2 წელი;

გ) გამოყოფილ ტყეკაფზე განსაზღვრული მოსაჭრელი რესურსის მოცულობის შესაბამისად გადაიხადოს „სარგებლობის ლიცენზიის გაცემის მიზნით აუქციონის გამართვის, სარგებლობის ლიცენზიის გაცემის საწყისი ფასის განსაზღვრისა და ანგარიშსწორების წესის შესახებ დებულების დამტკიცების თაობაზე“ საქართველოს ეკონომიკური განვითარების მინისტრის 2008 წლის 4 აპრილის №1-1/480 ბრძანებით დამტკიცებული დებულების მე-6 მუხლის პირველი პუნქტით გათვალისწინებული ლიცენზიის საწყისი ფასის დადგენის ფორმულით დაანგარიშებული თანხისა და ამ თანხის 10%-ის ჯამი;

დ) ამ პუნქტის „გ“ ქვეპუნქტით განსაზღვრული თანხის გადახდის ვალდებულება წარმოიშობა სახელმწიფო ტყის ფონდის მართვის უფლების მქონე ორგანოს მიერ ლიცენზიანტისთვის ტყეკაფის გამოყოფის დღიდან და გადახდისას გამოიყენება „სარგებლობის ლიცენზიის გაცემის მიზნით აუქციონის გამართვის, სარგებლობის ლიცენზიის გაცემის საწყისი ფასის განსაზღვრისა და ანგარიშსწორების წესის შესახებ დებულების დამტკიცების თაობაზე“ საქართველოს ეკონომიკური განვითარების მინისტრის 2008 წლის 4 აპრილის №1-1/480 ბრძანებით დამტკიცებული დებულების მე-11 მუხლის მე-2 პუნქტით გათვალისწინებული წესი;

ე) ხე-ტყის დამზადება განახორციელოს მხოლოდ ლიცენზიით გათვალისწინებული ფართობის მიღება-ჩაბარების დასრულებისა და ტყეკაფის გამოყოფის შემდგომ;

ვ) განახორციელოს ლიცენზიით განსაზღვრული ტერიტორიის დაცვა:

ვ.ა) დაიცვას ლიცენზიით განსაზღვრული სახელმწიფო ტყის ფონდის ტერიტორია უკანონო ტყით სარგებლობისაგან;

ვ.ბ) საქართველოს კანონმდებლობით დადგენილი წესით აღკვეთოს და შესაბამის ორგანოებს დროულად მიაწოდოს ინფორმაცია ლიცენზიით განსაზღვრულ ტერიტორიაზე უნებართვო საქმიანობისა და სამართალდარღვევის ფაქტების შესახებ;

ზ) დაიცვას სანიტარიული ჭრის წესები;

თ) აწარმოოს სამუშაოები ისეთი მეთოდებითა და საშუალებებით, რომლებიც მაქსიმალურად შეამცირებს ნიადაგის ეროზიასა და ტყითსარგებლობის უარყოფით გავლენას გარემოზე;

ი) ტყის აღდგენის ღონისძიებების განხორციელების დაწყებამდე სახელმწიფო ტყის ფონდის მართვის უფლების მქონე ორგანოსთან შეთანხმებით ლიცენზიის მოქმედების პერიოდში, ყოველი წლის ბოლოს განახორციელოს სამოქმედო ტერიტორიაზე ტყის აღსადგენად გათვალისწინებული ფართობების გამოვლენა, აღდგენის ღონისძიების, ფორმების შერჩევა და აღდგენას დაქვემდებარებულ თითოეულ ფართობზე სახელმწიფო ტყის მართვის უფლების მქონე ორგანოში შესათანხმებლად წარადგინოს ტყის აღდგენის პროექტი (სარგავი მასალის მისაღებად დროებითი სანერგეების მოწყობის, ხელოვნური ნარგაობის გაშენებისა და ხელოვნურად გაშენებული ნარგაობის ვარჯების ურთიერთგადაფარვამდე მოვლითი სამუშაოების გათვალისწინებით, აგრეთვე ტყის ბუნებრივი განახლების ხელშეწყობის მიზნით გასატარებელი კონკრეტული ქმედებების შესახებ). ტყის აღდგენა განახორციელოს აღდგენას დასაქვემდებარებელ ფართობებზე, თითოეული ფართობისათვის წარდგენილი ტყის აღდგენის პროექტის სახელმწიფო ტყის ფონდის მართვის უფლების მქონე ორგანოს მიერ დამტკიცების შემდგომ;

 კ) სამოქმედო ტერიტორიაზე სახელმწიფო ტყის ფონდის მართვის უფლების მქონე ორგანოს ხელი არ შეუშალოს სათბობ შეშაზე ადგილობრივი მოსახლეობისა და საბიუჯეტო ორგანიზაციების მოთხოვნილების დაკმაყოფილების მიზნით სოციალური ჭრის ტყეკაფების გამოყოფასა და ამ ტყეკაფებზე ხე-ტყის დამზადება-გაცემაში;

 ლ) არ დაუშვას უცხო (ინვაზიური) სახეობებისა და გენეტიკურად მოდიფიცირებული ცოცხალი ორგანიზმების გავრცელება და/ან გამოყენება ლიცენზიით განსაზღვრულ ტერიტორიაზე საქმიანობის დროს;

 მ) განახორციელოს მავნებელ-დაავადებებისა და ხანძრებისაგან დაცვის და ტყის აღდგენის ღონისძიებები, რის უზრუნველსაყოფადაც განახორციელოს მუდმივი მონიტორინგი. მავნებელ დაავადებათა მასობრივად გავრცელების ან/და ტყის ხანძრის შემთხვევაში ინფორმაცია ოპერატიულად მიაწოდოს საქართველოს გარემოს დაცვისა და ბუნებრივი რესურსების სამინისტროს;

ნ) მცენარეთა დაცვის საშუალებების გამოყენებისას ლიცენზიანტი ვალდებულია, დაასაბუთოს მათი გამოყენების აუცილებლობა და საქართველოს გარემოს დაცვისა და ბუნებრივი რესურსების სამინისტროში შესათანხმებლად წარადგინოს დასახული ღონისძიებების გეგმა. მცენარეთა დაცვის ქიმიური საშუალებების გამოყენება უნდა იყოს დასაბუთებული და დოკუმენტირებული;

ო) პესტიციდების ნარჩენები არ შეიძლება განთავსებულ იქნეს სახელმწიფო სამეურნეო ტყის ფონდის ტერიტორიაზე;

 პ) ისტორიული, რელიგიური და კულტურული ობიექტების გამოვლენის შემთხვევაში დაუყოვნებლივ აცნობოს საქართველოს კულტურისა და ძეგლთა დაცვის სამინისტროს, საქართველოს გარემოს დაცვისა და ბუნებრივი რესურსების სამინისტროს და უზრუნველყოს სატყეო-სამეურნეო საქმიანობის შედეგად მათი დაზიანებისაგან დაცვა;

ჟ) ხელი არ შეუშალოს სამეცნიერო-კვლევით სამუშაოთა განხორციელებას;

 რ) ხელი არ შეუშალოს ლიცენზიით განსაზღვრულ ტერიტორიაზე სახელმწიფოებრივი მნიშვნელობის პროექტების (მაგისტრალური გაზსადენი, მაღალი ძაბვის გადამცემი ანძები და სხვა) განხორციელებასა და ფუნქციონირებას;

 ს) ლიცენზიის მოქმედების ვადის ამოწურვის ან დადგენილ ვადამდე ლიცენზიის ძალადაკარგულად გამოცხადების შემთხვევაში ლიცენზიით სარგებლობაში გადაცემული ტერიტორია მიღება-ჩაბარების აქტით უბრუნდება სახელმწიფო ტყის ფონდის მართვის უფლების მქონე ორგანოს ამავე მუხლის პირველი პუნქტის „ა“ ქვეპუნქტით განსაზღვრული პროცედურებით.

2. სამონადირეო მეურნეობის სპეციალური ლიცენზიის მფლობელი ვალდებულია დაიცვას შემდეგი სალიცენზიო პირობები:

ა) სამონადირეო მეურნეობის მართვის გეგმის დამტკიცებამდე ლიცენზიით განსაზღვრულ ტერიტორიაზე საქართველოს გარემოს დაცვისა და ბუნებრივი რესურსების სამინისტროსაგან ეტაპობრივად, თითოეული კვარტალის მიხედვით, ჩაიბაროს ტერიტორია მიღება-ჩაბარების აქტით. ლიცენზიატი და საქართველოს გარემოს დაცვისა და ბუნებრივი რესურსების სამინისტროს წარმომადგენლები ლიცენზიით განსაზღვრულ ტერიტორიაზე ერთობლივად აღრიცხავენ უკანონო ჭრებს და სხვა დარღვევა-ნაკლოვანებებს, რაც შესაბამისად აისახება მიღება-ჩაბარების აქტში. მიღება-ჩაბარების განხორციელების წესსა და ფორმას ამტკიცებს საქართველოს გარემოს დაცვისა და ბუნებრივი რესურსების მინისტრი ბრძანებით „ტყით სარგებლობის გენერალური ლიცენზიით, ხე-ტყის დამზადების სპეციალური ლიცენზიით ან სამონადირეო მეურნეობის სპეციალური ლიცენზიით განსაზღვრული ფართობის მიღება-ჩაბარების განხორციელების წესისა და ფორმის შესახებ“;

ბ) განახორციელოს ლიცენზიით განსაზღვრული ტერიტორიის დაცვა:

ბ.ა) დაიცვას ლიცენზიით განსაზღვრული სახელმწიფო ტყის ფონდის ტერიტორია უკანონო ნადირობისა და ტყით სარგებლობისაგან;

ბ.ბ) საქართველოს კანონმდებლობით დადგენილი წესით აღკვეთოს და შესაბამის ორგანოებს დროულად მიაწოდოს ინფორმაცია ლიცენზიით განსაზღვრულ ტერიტორიაზე უნებართვო საქმიანობისა და სამართალდარღვევის ფაქტების შესახებ;

ბ.გ) შეიმუშავოს ლიცენზიით განსაზღვრული ტერიტორიის დაცვის მექანიზმები და შესაბამისი ინფორმაცია წარადგინოს საქართველოს გარემოს დაცვისა და ბუნებრივი რესურსების სამინისტროში ლიცენზიის მიღებიდან არა უგვიანეს 30 დღისა. აღნიშნული დაცვის მექანიზმები შემდგომში ხდება სამონადირეო მეურნეობის მართვის გეგმის განუყოფელი ნაწილი და მასში ცვლილებების შეტანა შესაძლებელია ტერიტორიის მიღება-ჩაბარების დასრულებისას, სამონადირეო მეურნეობის მართვის გეგმის დამტკიცებისას (განახლებისას) და/ან კანონმდებლობით გათვალისწინებული შემოწმების შედეგების შესაბამისად უკანონო ქმედებათა გაზრდილი შემთხვევებისა და სხვა ახალი გარემოებების გამოვლენის შემთხვევაში, საქართველოს გარემოს დაცვისა და ბუნებრივი რესურსების სამინისტროს მოთხოვნის საფუძველზე;

გ) ლიცენზიის აღებიდან არა უგვიანეს 12 თვისა საქართველოს გარემოს დაცვისა და ბუნებრივი რესურსების სამინისტროში წარადგინოს მოქმედი კანონმდებლობის საფუძველზე შედგენილი სამონადირეო მეურნეობის მართვის გეგმა;

დ) უზრუნველყოს დამტკიცებული სამონადირეო მეურნეობის მართვის გეგმით გათვალისწინებული ღონისძიებების შესრულება;

ე) ყოველწლიურად სამინისტროში წარადგინოს ცხოველთა სამყაროს ობიექტების ინვენტარიზაციის მასალები, მათ შორის ცხოველთა სამყაროს მოპოვებული ობიექტების აღრიცხვის მასალები, რომლებსაც სამინისტრო უგზავნის საქართველოს გარემოს დაცვისა და ბუნებრივი რესურსების სამინისტროს და მისი თანხმობის საფუძველზე ადგენს ცხოველთა სამყაროს ობიექტებით სარგებლობის კვოტას. სამონადირეო მეურნეობის ფარგლებში ცხოველთა სამყაროს ობიექტების ინვენტარიზაციის ჩატარებისა და მათი მოპოვების კვოტების დადგენის წესს ნორმატიული ადმინისტრაციულ-სამართლებრივი აქტით ამტკიცებს საქართველოს გარემოს დაცვისა და ბუნებრივი რესურსების მინისტრი;

ვ) დაიცვას სამინისტროს მიერ დადგენილი წესები, კვოტები და ვადები;

ზ) უზრუნველყოს სამონადირეო მეურნეობის ფარგლებში ინვენტარიზაციის შედეგად დაფიქსირებული, ბუნებრივად არსებული გარეული ცხოველების დაცვა და შენარჩუნება, არ დაუშვას გარეული ცხოველების საბინადრო გარემოს დარღვევა ან გაუარესება;

თ) უზრუნველყოს ხანძარსაწინააღმდეგო წესების დაცვა, ხოლო ხანძრის საფრთხის შემთხვევაში მიიღოს ზომები მის სალიკვიდაციოდ და საფრთხის შესახებ დაუყოვნებლივ აცნობოს სათანადო ორგანოებს;

ი) დაუყოვნებლივ შეწყვიტოს გარეული ცხოველებით სარგებლობა მათი მდგომარეობისა და საბინადრო პირობების გაუარესებისა და გარეულ ცხოველთა განადგურების საშიშროების წარმოქმნის შემთხვევაში, რის შესახებაც უნდა აცნობოს სამინისტროს; მიიღოს ზომები გარეულ ცხოველებსა და მათ საბინადრო გარემოზე უარყოფითი ზეგავლენის ასაცილებლად;

კ) ლიცენზიის ნაწილის გასხვისებისას ლიცენზიის გასასხვისებელი ნაწილით განსაზღვრული ტერიტორია არ უნდა იწვევდეს ტყის მასივის (კორომის) დანაწევრებას და არ უნდა არღვევდეს სატყეო კვარტალების საზღვრებს;

ლ) ლიცენზიის ან ლიცენზიის ნაწილის გასხვისებისას სამონადირეო მეურნეობის მართვის ახალი გეგმის (გეგმების) დამტკიცებამდე ლიცენზიის გამსხვისებელმა და ლიცენზიის შემძენმა უნდა მოახდინონ შესაბამისი ფართობის გადაბარება მიღება-ჩაბარების აქტით საქართველოს გარემოს დაცვისა და ბუნებრივი რესურსების სამინისტროს წარმომადგენლების მონაწილეობით. ლიცენზიით განსაზღვრული ტერიტორიის გადაბარებამდე ლიცენზიის გამსხვისებელმა საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებას – გარემოს დაცვის ინსპექციას უნდა წარუდგინოს ანგარიში გაწეული სამუშაოების შესახებ. მიღება-ჩაბარების აქტის გაფორმებამდე ლიცენზიით განსაზღვრული ტერიტორიის დაცვისათვის პასუხისმგებლობა ეკისრება ლიცენზიის გამსხვისებელს;

მ) ლიცენზიის ნაწილის გასხვისების შემთხვევაში ლიცენზიატები დასამტკიცებლად წარადგენენ ახალ სამონადირეო მეურნეობის მართვის გეგმას (გეგმებს);

ნ) უზრუნველყოს ბიომრავალფეროვნების დაცვა და შექმნას მისი მდგრადი გამოყენების პირობები:

ნ.ა) დაიცვას ბიომრავალფეროვნება საქმიანობის შედეგად გამოწვეული დაბინძურებისაგან;

ნ.ბ) არ დაუშვას უცხო (ინვაზიური) სახეობებისა და გენეტიკურად მოდიფიცირებული ცოცხალი ორგანიზმების გავრცელება და/ან გამოყენება ლიცენზიით განსაზღვრულ ტერიტორიაზე საქმიანობის დროს;

ნ.გ) საქმიანობამ არ უნდა გამოიწვიოს ეკოსისტემის ფრაგმენტაცია, ტყეების ბუნებრივი იერსახის ცვლილება, სახეობრივი მრავალფეროვნების გაღარიბება;

ნ.დ) არ დაუშვას გარეულ ცხოველთა საბინადრო გარემოს, გამრავლების არეალების, გადარჩენის სტაციების, სამიგრაციო და წყალთან მისასვლელი გზებისა და წყლის სასმელი ადგილების გაუარესება;

ო) უზრუნველყოს ლიცენზიით განსაზღვრულ ტერიტორიაზე არსებული იშვიათი, საფრთხის ქვეშ და გადაშენების პირას მყოფი, საქართველოს „წითელ ნუსხაში“ შეტანილი ენდემური და რელიქტური სახეობებისა და მათი საბინადრო გარემოს დაცვის ღონისძიებები;

პ) უზრუნველყოს მაღალი კონსერვაციული ღირებულების ტყეების დაცვა. მაღალი კონსერვაციული ღირებულების ტყეების მდგრადი მართვისა და დაცვის გზით უნდა შენარჩუნდეს ან გაუმჯობესდეს აღნიშნული ტყეებისათვის ძირითადი მახასიათებლები. ლიცენზიატის მიერ უნდა იყოს დოკუმენტირებული, თუ როგორ ხდება მაღალი კონსერვაციული ღირებულების ტყეების დაცვის უზრუნველყოფა;

ჟ) განახორციელოს ტყის მოვლის, მავნებელ-დაავადებებისაგან დაცვის ღონისძიებები, რის უზრუნველსაყოფადაც განახორციელოს მუდმივი მონიტორინგი. მავნებელი დაავადებების მასობრივად გავრცელების შემთხვევაში ინფორმაცია ოპერატიულად მიაწოდოს საქართველოს გარემოს დაცვისა და ბუნებრივი რესურსების სამინისტროს;

რ) მცენარეთა დაცვის საშუალებების გამოყენებისას ლიცენზიატი ვალდებულია დაასაბუთოს მათი გამოყენების აუცილებლობა და საქართველოს გარემოს დაცვისა და ბუნებრივი რესურსების სამინისტროში შესათანხმებლად წარადგინოს დასახული ღონის-ძიებების გეგმა. მცენარეთა დაცვის ქიმიური საშუალებების გამოყენება უნდა იყოს დასაბუთებული და დოკუმენტირებული;

ს) პესტიციდების ნარჩენები არ შეიძლება განთავსებულ იქნეს სამონადირეო მეურნეობის ტერიტორიაზე;

ტ) ხელი არ შეუშალოს მოსახლეობას (სამასალე და საშეშე მერქნის გარდა), უსასყიდლოდ მოაგროვოს ხილ-კენკროვნები, თხილი, სოკო, სამკურნალო მცენარეები და ტყის სხვა პროდუქტები (გარდა „წითელ ნუსხაში“ შეტანილი სახეობებისა), ასევე ტურისტულ-რეკრეაციული მიზნებისათვის მოსახლეობის ყოფნას ლიცენზიით განსაზღვრულ ტერიტორიაზე და სხვა ტრადიციული ღონისძიებების განხორციელებას;

უ) ისტორიული, რელიგიური და კულტურული ობიექტების გამოვლენის შემთხვევაში დაუყოვნებლივ აცნობოს საქართველოს კულტურის, ძეგლთა დაცვისა და სპორტის სამინისტროს და საქართველოს გარემოს დაცვისა და ბუნებრივი რესურსების სამინისტროს და უზრუნველყოს სატყეო-სამეურნეო საქმიანობის შედეგად მათი დაზიანებისაგან დაცვა;

ფ) ხელი არ შეუშალოს სამეცნიერო-კვლევითი სამუშაოების განხორციელებას;

ქ) ხელი არ შეუშალოს ლიცენზიით განსაზღვრულ ტერიტორიაზე სახელმწიფოებრივი მნიშვნელობის პროექტების (მაგისტრალური გაზსადენი, მაღალი ძაბვის გადამცემი ანძები და სხვა) განხორციელებასა და ფუნქციონირებას;

ღ) ლიცენზიის მოქმედების ვადის ამოწურვის ან დადგენილ ვადამდე ლიცენზიის ძალადაკარგულად გამოცხადების შემთხვევაში ლიცენზიით სარგებლობაში გადაცემული ტერიტორია მიღება-ჩაბარების აქტით უბრუნდება ტყის ფონდის მართვის უფლების მქონე ორგანოს ამავე მუხლის მე-2 პუნქტის „ა“ ქვეპუნქტით განსაზღვრული პროცედურებით;

ყ) ლიცენზიით განსაზღვრულ ტერიტორიაზე ხელი არ შეუშალოს ტყის ფონდის მართვის უფლების მქონე ორგანოებს სათბობ შეშაზე ადგილობრივი მოსახლეობისა და საბიუჯეტო ორგანიზაციების მოთხოვნილების დაკმაყოფილების მიზნით სპეციალური ჭრის ტყეკაფების გამოყოფასა და ამ ტყეკაფებზე ხე-ტყის დამზადება-გაცემაში;

შ) ლიცენზიით განსაზღვრულ ტერიტორიაზე ხელი არ შეუშალოს ტყის ფონდის მართვის უფლების მქონე ორგანოებს მიწაზე დაყრილი მოთხრილი, მოტეხილი, ქარტეხილი ხე-ტყის ადგილობრივ მოსახლეობაზე გაცემაში.

3. ტყით სარგებლობის გენერალური ლიცენზიის პირობები განისაზღვრება ამ მუხლის პირველი და მე-2 პუნქტების შესაბამისად.

4. ლიცენზიის მფლობელის მიერ სალიცენზიო პირობების შესრულების კონტროლს ახორციელებს საქართველოს გარემოს დაცვისა და ბუნებრივი რესურსების სახელმწიფო საქვეუწყებო დაწესებულება – გარემოს დაცვის ინსპექცია.

საქართველოს მთავრობის 2005 წლის 21 სექტემბრის დადგენილება №161 - სსმ III, №113, 27.09.2005წ., მუხ.1235

საქართველოს მთავრობის 2007 წლის 24 სექტემბრის დადგენილება №203 - სსმ III, №134, 26.09.2007წ., მუხ.1452

საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

საქართველოს მთავრობის 2009 წლის 11 აგვისტოს დადგენილება №142 - სსმ III, №,100 ,11.08.2009წ., მუხ.1099

საქართველოს მთავრობის 2009 წლის 3 ნოემბრის დადგენილება №198 - სსმ III, №,137 ,06.11.2009წ., მუხ.1562

საქართველოს მთავრობის 2010 წლის 10 მარტის დადგენილება №74 - სსმ III, №,27 ,12.03.2010წ., მუხ.398

საქართველოს მთავრობის 2010 წლის 3 აგვისტოს დადგენილება №222 - სსმ III, №,96 ,04.08.2010წ., მუხ.1410

საქართველოს მთავრობის 2010 წლის 10 აგვისტოს დადგენილება №233 - სსმ III, №,98 ,12.08.2010წ., მუხ.1442

საქართველოს მთავრობის 2010 წლის 20 აგვისტოს დადგენილება №244 - სსმ III, №,103 ,24.08.2010წ., მუხ.1535

საქართველოს მთავრობის 2010 წლის 13 ოქტომბრის დადგენილება №311 - სსმ III, №,134 ,29.10.2010წ., მუხ.1948

საქართველოს მთავრობის 2010 წლის 28 დეკემბრის დადგენილება №409 - სსმ III,№,172 ,31.12.2010წ., მუხ.2482

    მუხლი 81. ლიცენზიის გაუქმება

1. „ლიცენზიებისა და ნებართვების შესახებ“ საქართველოს კანონის 22-ე მუხლის მე-7 პუნქტის „გ“ ქვეპუნქტით გათვალისწინებულ შემთხვევებში ლიცენზიის გაუქმების თაობაზე სასამართლოს, საქართველოს ეკონომიკური განვითარების სამინისტროსთან შეთანხმებით, შუამდგომლობით მიმართავს საქართველოს გარემოს დაცვისა და ბუნებრივი რესურსების სამინისტროს სახელმწიფო დაქვეუწყებო დაწესებულება – გარემოს დაცვის ინსპექცია.

2. „ლიცენზიებისა და ნებართვების შესახებ“ საქართველოს კანონის 22-ე მუხლის მე-9 პუნქტით გათვალისწინებულ შემთხვევებში საქართველოს გარემოს დაცვისა და ბუნებრივი რესურსების სამინისტროს მიმართვის საფუძველზე ლიცენზიის გაცემის შესახებ გადაწყვეტილებას ძალადაკარგულად აცხადებს სამინისტრო.

3. საქართველოს ზოგადი ადმინისტრაციული კოდექსის 61-ე მუხლით გათვალისწინებული საფუძვლების არსებობისას და “ლიცენზიებისა და ნებართვების შესახებ“ საქართველოს კანონის 22-ე მუხლის მე-7 პუნქტის „ა“, „ბ“ და „დ“ ქვეპუნქტებით გათვალისწინებულ შემთხვევებში ლიცენზიის გაცემის შესახებ გადაწყვეტილებას ძალადაკარგულად აცხადებს სამინისტრო.

 საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

    მუხლი 82. ლიცენზიის გაცემის, გაუქმებისა და მასში ცვლილების შეტანის თაობაზე ინფორმაციის მიწოდება

სამინისტრო ლიცენზიის გაცემის, გაუქმებისა ან/და მასში ცვლილების შეტანის თაობაზე გადაწყვეტილების მიღების შემთხვევაში ვალდებულია საქართველოს გარემოს დაცვისა და ბუნებრივი რესურსების სამინისტროს უმოკლეს ვადაში წარუდგინოს შესაბამისი ინდივიდუალური ადმინისტრაციულ-სამართლებრივი აქტისა და სალიცენზიო მოწმობის ასლები.

 საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

    მუხლი 9. გარდამავალი დებულება

1. ხე-ტყის დამზადების (ტყით სარგებლობის) უფლების მინიჭების მიზნით დაწყებული ის პროცედურები, რომელთა განხორციელებაც დაწყებულია ამ დადგენილების ძალაში შესვლამდე, უნდა დასრულდეს საქართველოს „ტყის კოდექსითა“ და მის საფუძველზე გამოცემული საქართველოს კანონქვემდებარე ნორმატიული აქტებით დადგენილი წესით.

2. (ამოღებულია).

2¹ . (ამოღებულია).

3. ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიისა და სამონადირეო მეურნეობის მოწყობის სპეციალური ლიცენზიის ფორმები მტკიცდება მინისტრის კანონქვემდებარე ნორმატიული აქტით.

4.(ამოღებულია).

5. (ამოღებულია).

6. (ამოღებულია).

7. ხე-ტყის დამზადება აკრძალულია ტყეკაფის გამოყოფის გარეშე, თუ ლიცენზიის გამცემი ადმინისტრაციული ორგანოს მიერ კონკრეტული ობიექტით სარგებლობისათვის დადგენილი მოთხოვნებით სხვა რამ არ არის განსაზღვრული.

8. (ამოღებულია).

9. (ამოღებულია).

10.(ამოღებულია).

11. (ამოღებულია).

12. (ამოღებულია).

13.(ამოღებულია).

14. (ამოღებულია).

15. სახელმწიფო რწმუნებულების – გუბერნატორების ადმინისტრაციებმა შესაბამისი მუნიციპალიტეტების გამგეობების მეშვეობით უზრუნველყონ სამასალე მერქნის მოსახლეობისათვის მიწოდების ორგანიზება.

16. ამ დადგენილების მე-8 მუხლით გათვალისწინებული სალიცენზიო პირობები ასევე გავრცელდეს 2009 წლის 1 იანვრამდე გაცემული ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიისა და სამონადირეო მეურნეობის სპეციალური ლიცენზიის მფლობელებზე, მათ შორის „ლიცენზიებისა და ნებართვების შესახებ“ საქართველოს კანონის ამოქმედებამდე სამონადირეო მეურნეობის მოწყობის მიზნით ცხოველთა სამყაროს ობიექტებით სარგებლობის ლიცენზიების მფლობელებზე, ამ მუხლის მე-17, მე-18, მე-19 და მე-20 პუნქტებით დადგენილი გამონაკ-ლისების გათვალისწინებით.

17. 2009 წლის 1 იანვრამდე გაცემული ხეტყის დამზადების სპეციალური ლიცენზიისა და სამონადირეო მეურნეობის სპეციალური ლიცენზიის მფლობელებმა, მათ შორის, „ლიცენზიისა და ნებართვების შესახებ“ საქართველოს კანონის ამოქმედებამდე სამონადირეო მეურნეობის მოწყობის მიზნით ცხოველთა სამყაროს ობიექტებით სარგებლობის ლიცენზიების მფლობელებმა, რომელთაც არა აქვთ განხორციელებული ტყით სარგებლობის ლიცენზიით გათვალისწინებული ფართობის მიღება-ჩაბარების პროცედურები, აღნიშნული სამუშაოების დასრულება უზრუნველყონ 2010 წლის 1 ივლისამდე.

18. 2009 წლის 1 იანვრამდე გაცემული ლიცენზიის მფლობელები, რომლებსაც დამტკიცებული აქვთ ტყით სარგებლობის ან სამონადირეო მეურნეობის მართვის გეგმები, განაგრძობენ ტყით სარგებლობას დამტკიცებული ტყით სარგებლობის ან სამონადირეო მეურნეობის მართვის გეგმების შესაბამისად.

19. 2009 წლის 1 იანვრამდე გაცემული ლიცენზიის მფლობელები, რომელთაც არ წარმოუდგენიათ ტყით სარგებლობის ან სამონადირეო მეურნეობის მართვის გეგმები დასამტკიცებლად, ვალდებული არიან, წარმოადგინონ გეგმები 2010 წლის 1 ივლისამდე.

20. 2009 წლის 1 იანვრამდე გაცემული ხე-ტყის დამზადების სპეციალური ლიცენზიის მფლობელები, რომლებსაც ტყეკაფები დამაგრებული აქვთ 2009 წლის 1 იანვრიდან 2009 წლის 11 აგვისტომდე, უფლებამოსილი არიან განაგრძონ ტყეკაფების ათვისება ტყეკაფის დამაგრებიდან 2 კალენდარული წლის განმავლობაში.

21. ამ დებულების 2¹ მუხლის მოქმედება შეჩერდეს 2012 წლის 1 იანვრამდე.

22. 2² მუხლის პირველი პუნქტის მოქმედება არ ვრცელდება სახელმწიფო ტყის ფონდის ტერიტორიაზე „წაბლის ქერქის კიბოთი“ დაავადებული წაბლნარი კორომების აღდგენა-გაჯანსაღების მიზნით გასატარებელი ღონისძიებების თაობაზე საქართველოს მთავრობის მიერ 2010 წლის 1 დეკემბრამდე მიღებული გადაწყვეტილებების აღსრულებასთან დაკავშირებულ ურთიერთობებზე.

საქართველოს მთავრობის 2006 წლის 30 მარტის დადგენილება №68 - სსმ III, №46, 05.04.2006წ., მუხ.516

საქართველოს მთავრობის 2007 წლის 13 მარტის დადგენილება №48 - სსმ III, №40, 23.03.2007წ., მუხ.463

საქართველოს მთავრობის 2007 წლის 16 ივნისის დადგენილება №117 - სსმ III, №83, 19.06.2007წ., მუხ.887

საქართველოს მთავრობის 2007 წლის 27 ივლისის დადგენილება №152 - სსმ III, №118, 21.08.2007წ., მუხ.1288

საქართველოს მთავრობის 2007 წლის 31 ივლისის დადგენილება №164 - სსმ III, №112, 10.08.2007წ., მუხ.1243

საქართველოს მთავრობის 2008 წლის 17 მარტის დადგენილება №64 - სსმ III, №41, 19.03.2008წ., მუხ.479

საქართველოს მთავრობის 2008 წლის 3 აპრილის დადგენილება №81 - სსმ III, №55, 11.04.2008წ., მუხ.628

საქართველოს მთავრობის 2008 წლის 12 აპრილის დადგენილება №96 - სსმ III, №56, 14.04.2008წ., მუხ.648

საქართველოს მთავრობის 2008 წლის 8 მაისის დადგენილება №120 - სსმ III, №71, 13.05.2008წ., მუხ.777

საქართველოს მთავრობის 2008 წლის 15 მაისის დადგენილება №129 - სსმ III, №75, 23.05.2008წ., მუხ.811

საქართველოს მთავრობის 2008 წლის 12 ნოემბრის დადგენილება №220 - სსმ III, №163,14.11.2008წ., მუხ.1640

საქართველოს მთავრობის 2009 წლის 11 აგვისტოს დადგენილება №142 - სსმ III, №,100 ,11.08.2009წ., მუხ.1099

საქართველოს მთავრობის 2009 წლის 29 დეკემბრის დადგენილება №244 - სსმ III, №,159 ,30.12.2009წ., მუხ.1938

საქართველოს მთავრობის 2010 წლის 19 თებერვლის დადგენილება №49 - სსმ III, №,22 ,25.02.2010წ., მუხ.272

საქართველოს მთავრობის 2010 წლის 10 მარტის დადგენილება №74 - სსმ III, №,27 ,12.03.2010წ., მუხ.398

საქართველოს მთავრობის 2010 წლის 3 აგვისტოს დადგენილება №222 - სსმ III, №,96 ,04.08.2010წ., მუხ.1410

საქართველოს მთავრობის 2010 წლის 20 აგვისტოს დადგენილება №244 - სსმ III, №,103 ,24.08.2010წ., მუხ.1535

საქართველოს მთავრობის 2010 წლის 8 დეკემბრის დადგენილება №376 - სსმ III, №,162 ,13.12.2010წ., მუხ.2286

საქართველოს მთავრობის 2010 წლის 28 დეკემბრის დადგენილება №409 - სსმ III,№,172 ,31.12.2010წ., მუხ.2482

საქართველოს მთავრობის 2011 წლის 5 იანვრის დადგენილება №5 - ვებგვერდი, 06.01.2011წ.

საქართველოს მთავრობის 2011 წლის 21 იანვრის დადგენილება №25 - ვებგვერდი, 27.01.2011წ.

დანართი №1

საქართველოს მთავრობის 2008 წლის 3 აპრილის დადგენილება №81 - სსმ III, №55, 11.04.2008წ., მუხ.628

დანართი №2

სამასალე მერქნის ფონდის განაწილება სამხარეო ადმინისტრაციების მიხედვით

საქართველოს მთავრობის 2008 წლის 12 აპრილის დადგენილება №96 - სსმ III, №56, 14.04.2008წ., მუხ.648