საქართველოს ნატოში ინტეგრაციის კომისიის შექმნისა და მისი დებულების დამტკიცების შესახებ

საქართველოს მთავრობის

დადგენილება №22

2005 წლის 31 იანვარი

ქ. თბილისი

საქართველოს ნატოსთან ინდივიდუალური პარტნიორობის სამოქმედო გეგმის განხორციელების სახელმწიფო კომისიის შექმნის შესახებ

,,ჩრდილოატლანტიკურ ალიანსთან ინდივიდუალური პარტნიორობის სამოქმედო გეგმის განხორციელებისათვის გასატარებელი ღონისძიებების შესახებ“ საქართველოს პრეზიდენტის 2004 წლის 4 ნოემბრის №481 ბრძანებულების შესაბამისად, აგრეთვე კოორდინაციის პროცესის ეფექტიანობისა და სამოქმედო გეგმის დადგენილ ვადებში განხორციელების უზრუნველსაყოფად, ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის პირველი პუნქტის საფუძველზე:

1. შეიქმნას საქართველოს ნატოსთან ინდივიდუალური პარტნიორობის სამოქმედო გეგმის განხორციელების სახელმწიფო კომისია შემდეგი შემადგენლობით:

ზურაბ ნოღაიდელი – საქართველოს პრემიერ-მინისტრი, კომისიის თავმჯდომარე

გიორგი ბარამიძე – საქართველოს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, კომისიის თავმჯდომარის მოადგილე

ალექსი ალექსიშვილი – საქართველოს ფინანსთა მინისტრი

კახა ბენდუქიძე – საქართველოს სახელმწიფო მინისტრი რეფორმების კოორდინაციის საკითხებში

გელა ბეჟუაშვილი – საქართველოს საგარეო საქმეთა მინისტრი

კონსტანტინე კემულარია – საქართველოს იუსტიციის მინისტრი

ალექსანდრე  ლომაია – საქართველოს განათლებისა და მეცნიერების მინისტრი

ივანე მერაბიშვილი – საქართველოს შინაგან საქმეთა მინისტრი

ლევან ნიკოლეიშვილი – საქართველოს შეიარაღებული ძალების გენერალური შტაბის უფროსი

ირაკლი ოქრუაშვილი – საქართველოს თავდაცვის მინისტრი

გიორგი პაპუაშვილი – საქართველოს გარემოს დაცვისა და ბუნებრივი რესურსების მინისტრი

ირაკლი ჩოგოვაძე – საქართველოს ეკონომიკური განვითარების მინისტრი

ლევან ჭოლაძე – საქართველოს პრეზიდენტის თანაშემწე ეროვნული უშიშროების საკითხებში – ეროვნული უშიშროების საბჭოს მდივნის მოვალეობის შემსრულებელი.

საქართველოს  მთავრობის 2005 წლის 10 მარტის დადგენილება №40 - სსმ III, №28, 11.03.2005 წ., მუხ.265

საქართველოს მთავრობის 2005 წლის 26 მარტის დადგენილება №61 - სსმ III, №36, 31.03.2005 წ., მუხ.371

საქართველოს მთავრობის 2005 წლის 1 ნოემბრის დადგენილება №189 - სსმ III, №128, 02.11.2005 წ., მუხ.1423

2. სახელმწიფო კომისიის საქმიანობაში მონაწილეობის მიღება ეთხოვოთ საქართველოს პარლამენტის თავდაცვისა და უშიშროების კომიტეტის თავმჯდომარეს გივი თარგამაძეს, საგარეო ურთიერთობათა კომიტეტის თავმჯდომარეს კონსტანტინე გაბაშვილს და ევროპასთან ინტეგრაციის კომიტეტის თავმჯდომარეს დავით ბაქრაძეს.       

3. სახელმწიფო კომისიამ კონტროლი გაუწიოს საქართველოს ნატოსთან ინდივიდუალური პარტნიორობის სამოქმედო გეგმის ეფექტიან იმპლემენტაციას და განსაზღვრულ ვალდებულებათა დროულად შესრულებას; ამ მიზნით შექმნას უწყებათაშორისი სამუშაო ჯგუფი შესაბამისი უწყებების წარმომადგენელთა მონაწილეობით.

4. სახელმწიფო კომისიამ განსაზღვროს უწყებათაშორისი სამუშაო ჯგუფის საქმიანობის ძირითადი მიმართულებები და კონტროლი გაუწიოს მას.

5. სახელმწიფო კომისია შეიკრიბოს ორ თვეში ერთხელ, ან საჭიროების შემთხვევაში – კომისიის თავმჯდომარის ან კომისიის წევრის ინიციატივით.

6. სახელმწიფო კომისიის თავმჯდომარემ გაწეული საქმიანობის შესახებ ანგარიში ყოველკვარტალურად წარუდგინოს საქართველოს ეროვნული უშიშროების საბჭოს.

პრემიერ-მინისტრი  ზ. ჟვანია

შეტანილი ცვლილებები:

1. საქართველოს  მთავრობის 2005 წლის 10 მარტის დადგენილება №40 - სსმ III, №28, 11.03.2005 წ., მუხ.265

2. საქართველოს მთავრობის 2005 წლის 26 მარტის დადგენილება №61 - სსმ III, №36, 31.03.2005 წ., მუხ.371

3. საქართველოს მთავრობის 2005 წლის 1 ნოემბრის დადგენილება №189 - სსმ III, №128, 02.11.2005 წ., მუხ.1423

 

 

Annotate