„საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ“

საქართველოს მთავრობის

დადგენილება №50

2004 წლის 12 ივნისი

ქ. თბილისი

საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ

1. დამტკიცდეს საქართველოს გარემოს დაცვისა და ბუნებრივი რესურსების სამინისტროს თანდართული დებულება.

2. საქართველოს გარემოს დაცვისა და ბუნებრივი რესურსების სამინისტრომ (თ. ლებანიძე) მოამზადოს და საქართველოს მთავრობის სხდომაზე განსახილველად წარმოადგინოს დებულებით გათვალისწინებული სამინისტროს სისტემისა და სტრუქტურის ამოქმედებისათვის საჭირო საკანონმდებლო ცვლილებების პროექტების პაკეტი.

3.  დადგენილება ამოქმედდეს გამოქვეყნებისთანავე.

პრემიერ-მინისტრი     ზ. ჟვანია

 

შეტანილი ცვლილებები:

1. საქართველოს მთავრობის 2004 წლის 6 აგვისტოს დადგენილება  №66-სსმ III, №83, 10.08.2004წ; მუხ.733

2. საქართველოს მთავრობის 2004 წლის 24 ნოემბრის დადგენილება  №110-სსმ III, №137, 26.11.2004წ; მუხ.1228

3. საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

 

საქართველოს გარემოს დაცვისა და ბუნებრივი რესურსების სამინისტროს დებულება

    მუხლი 1. ზოგადი დებულებანი

1. საქართველოს გარემოს დაცვისა და ბუნებრივი რესურსების სამინისტრო (შემდგომში – სამინისტრო) არის საქართველოს აღმასრულებელი ხელისუფლების სამთავრობო დაწესებულება, რომელიც უზრუნველყოფს სახელმწიფო მმართველობას გარემოს დაცვისა და ბუნებრივი რესურსების რაციონალურად გამოყენების, აგრეთვე მოსახლეობის ეკოლოგიური უსაფრთხოების სფეროში.

2. სამინისტრო მოქმედებს თავისი კომპეტენციის ფარგლებში, საქართველოს კონსტიტუციის, სხვა კანონებისა და კანონქვემდებარე ნორმატიული აქტების, საქართველოს პრეზიდენტის, პრემიერ-მინისტრისა და საქართველოს მთავრობის აქტების საფუძველზე და მათ შესასრულებლად.

3. საქართველოს კანონმდებლობით დაკისრებულ მოვალეობათა შესრულებისას სამინისტრო უფლებამოსილია გასწიოს სახელმწიფო წარმომადგენლობა.

4. სამინისტროს აქვს დასრულებული ბალანსი და ანგარიში ხაზინაში, ხარჯთა ნუსხა და ბეჭედი სახელმწიფო გერბის გამოსახულებით.

5. სამინისტრო ანგარიშვალდებულია მთავრობის წინაშე.

6. სამინისტრო ეფუძნება ერთმმართველობის პრინციპს.

7. სამინისტროს იურიდიული მისამართია: ქ. თბილისი, მ. კოსტავას ქ. №68ა.

    მუხლი 2. სამინისტროს საქმიანობის სფერო და ამოცანები

1. სამინისტროს საქმიანობის სფეროსა და ამოცანებს გარემოს დაცვისა და ბუნებრივი რესურსების მართვის, აგრეთვე მოსახლეობის ეკოლოგიური უსაფრთხოების საკითხებში წარმოადგენს:

ა) ქვეყნის მდგრადი განვითარების ხელშეწობისა და გარემოს დაცვისა და ბუნებრივი რესურსებით სარგებლობის დაგეგმვის სისტემის გამართვის მიზნით გარემოსდაცვით ღონისძიებათა პრიორიტეტულ მიმართულებათა განსაზღვრა და მათი განხორციელების ორგანიზება;

ბ) გარემოს დაცვისა და ბუნებრივი რესურსებით სარგებლობის, აგრეთვე მოსახლეობის ეკოლოგიური უსაფრთხოების სფეროში სახელმწიფო პოლიტიკის შემუშავებაში მონაწილეობა და მისი განხორციელება;

გ) ქვეყნის ეკონომიკური და სოციალური განვითარების კონცეფციების, ინდიკატორული გეგმების პროექტებისა და სახელმწიფო მიზნობრივი პროგრამების შემუშავებაში მონაწილეობა;

დ) გარემოს მონიტორინგის ერთიანი სახელმწიფო სისტემის ორგანიზება;

ე) გარემოს მდგომარეობის ხარისხობრივი და რაოდენობრივი მაჩვენებლების სახელმწიფო აღრიცხვის, ანგარიშგებისა და შეფასების ხელმძღვანელობა;

ვ) მოსახლეობის ეკოლოგიური უსაფრთხოების, აგრეთვე გარემოს დაცვისა და ბუნებრივი რესურსების სახელმწიფო მართვა (რეგულირება, ზედამხედველობა, აღრიცხვა, სალიცენზიო/სანებართვო მოწმობების გაცემა), მათ შორის:

ვ.ა) საქართველოს კანონმდებლობით დადგენილ გარემოსდაცვით მოთხოვნათა შესრულების ზედამხედველობა;

ვ.ბ) შესაბამის საერთაშორისო ვალდებულებათა შესრულების ზედამხედველობა;

ზ) გარემოს დაცვისა და ბუნებრივი რესურსების, აგრეთვე მოსახლეობის ეკოლოგიური უსაფრთხოების სფეროში სახელმწიფო დაწესებულებათა საქმიანობის კოორდინაცია და არასამთავრობო ორგანიზაციებთან თანამშრომლობა;

თ) საერთაშორისო ორგანიზაციებსა და საზღვარგარეთის ქვეყნებთან თანამშრომლობის პრიორიტეტულ მიმართულებათა განსაზღვრა და საერთაშორისო ვალდებულებათა შესრულების ორგანიზება;

ი) საზღვარგარეთის ქვეყნების შესაბამის სახელმწიფო ორგანოებსა და საერთაშორისო ორგანიზაციებთან თანამშრომლობა;

კ) მეზობელ ქვეყნებთან ტრანსასაზღვრო ბუნებრივი რესურსების განაწილებისა და გამოყენების შესახებ წინადადებათა მომზადება და საერთაშორისო პროგრამების შემუშავებაში მონაწილეობა;

ლ) თავისი კომპეტენციის ფარგლებში საკანონმდებლო აქტების პროექტების შემუშავებაში მონაწილეობა, შესაბამისი კანონქვემდებარე ნორმატიული აქტების შემუშავება, მიღება (გამოცემა);

მ) გარემოსდაცვითი განათლების ერთიანი სახელმწიფო სისტემის ორგანიზებაში მონაწილეობა;

ნ) კადრების მომზადებისა და კვალიფიკაციის ამაღლების სისტემის ორგანიზებაში მონაწილეობა;

ო) სამეცნიერო კვლევის პროგრამებისა და გეგმების შემუშავებაში მონაწილეობა;

პ) ეკონომიკური მექანიზმების შემუშავება (ეკომარკის მინიჭების ორგანიზების ჩათვლით);

ჟ) გარემოში ქიმიურ საშუალებათა (მათ შორის, მცენარეთა დაცვისა და ნიადაგის განოყიერების ქიმიურ საშუალებათა), აგრეთვე ნარჩენების გამოყენების, იმპორტის, ექსპორტის, რეექსპორტის, ტრანზიტის, ტრანსპორტირების, გადამუშავების, გაუვნებლებისა და განთავსების სახელმწიფო მართვა;

რ) ბუნებრივი რესურსებით სარგებლობის კვოტების დადგენა;

ს) გარემოს დაცვის ნორმების შემუშავება და დამტკიცება;

ტ) საქართველოს კანონმდებლობით დადგენილი სალიცენზიო/სანებართვო მოწმობების გაცემა და ლიმიტის დამტკიცება;

უ) სახელმწიფო ეკოლოგიური ექსპერტიზის ორგანიზება;

ფ) საქართველოს კანონმდებლობით დადგენილ შემთხვევებში გარემოსდაცვითი აუდიტის განხორციელების ორგანიზება;

ქ) ბუნებრივი და ანთროპოგენური რისკების პროგნოზირების, მათი შედეგების შერბილებისა და მოსახლეობის ეკოლოგიური უსაფრთხოების უზრუნველყოფის ერთიანი ორგანიზაციული და სამეცნიერო-ტექნიკური პოლიტიკის განხორციელება;

ღ) წინადადებათა შემუშავება საგანგებო ეკოლოგიური მდგომარეობის ან ეკოლოგიური უბედურების ზონების გამოცხადებისა და მათი გაუქმების შესახებ;

ყ) საფრთხის წინაშე მყოფი ველური მცენარეებისა და გარეული ცხოველების ,,წითელი ნუსხის“ წარმოება და ,,საქართველოს წითელი წიგნის“ გამოცემის ორგანიზება;

შ) გარემოს მდგომარეობის შესახებ ეროვნული მოხსენების პროექტის მომზადება;

ჩ) ქვეყნის, რეგიონალურ, ადგილობრივ და საქმიანობის ობიექტის დონეებზე გარემოს დაბინძურების ინტეგრირებული კონტროლის სისტემის მართვა;

ც) გარემოს დაცვის სფეროში სახელმწიფო კონტროლის განხორციელება;

ძ) მიწის რაციონალურად გამოყენებისა და დაცვის უზრუნველყოფა, ნიადაგის ეროზიის წინააღმდეგ ზომების მიღება, ნაყოფიერების აღდგენისა და შენარჩუნების ღონისძიებების განხორციელება;

წ) საქართველოს კანონმდებლობით განსაზღვრულ სხვა ამოცანათა შესრულება.

2. სამინისტროს გამგებლობაში არსებული სახელმწიფო საქვეუწყებო დაწესებულებების დებულებებით განსაზღვრულ ფუნქციათა განხორციელებას სამინისტრო ზედამხედველობს თავისი კომპეტენციის ფარგლებში, საქართველოს კანონმდებლობით დადგენილი წესით.

    მუხლი 3. სამინისტროს უფლებამოსილება

სამინისტროს უფლება აქვს:

ა) კანონმდებლობით დადგენილი წესით მოითხოვოს სახელმწიფო დაწესებულებებისა და სხვა პირებისაგან (საკუთრებისა და ორგანიზაციულ-სამართლებრივი ფორმის მიუხედავად) გარემოსდაცვითი საქმიანობის ამსახველი ინფორმაცია, სტატისტიკური ანგარიშები და სხვა მასალები;

ბ) შექმნას და აწარმოოს დამოუკიდებელ ექსპერტთა სახელმწიფო რეესტრი სახელმწიფო ეკოლოგიური ექსპერტიზის განსახორციელებლად;

გ) სამინისტროს კომპეტენციას მიკუთვნებული საკითხების გადაწყვეტის მიზნით, კანონმდებლობით განსაზღვრულ შესაბამის შემთხვევებში, საკონკურსო და საკონტრაქტო ფორმით სამინისტროში მოიწვიოს სხვადასხვა დარგის სპეციალისტები და დამოუკიდებელი ექსპერტები (მათ შორის, უცხო ქვეყნის მოქალაქეები);

დ) განახორციელოს კანონმდებლობით მინიჭებული სხვა უფლებამოსილებანი.

    მუხლი 4. სამინისტროს დაფინანსება და საქმიანობის ფინანსური უზრუნველყოფა

სამინისტროს დაფინანსების წყაროა სახელმწიფო ბიუჯეტი.

    მუხლი 5. მინისტრი

1. მინისტრის კომპეტენცია განსაზღვრულია საქართველოს კანონმდებლობით.

2. მინისტრი:

ა) მოქმედებს სამინისტროს სახელით, წარმოადგენს სამინისტროს სახელმწიფო ხელისუფლების დაწესებულებებთან, ორგანიზაციებთან და სხვა პირებთან ურთიერთობისას;

ბ) ამტკიცებს სამინისტროს სტრუქტურული ქვედანაყოფების, სამინისტროს სისტემის დანარჩენი ორგანიზაციების დებულებებს, შეაქვს მათში ცვლილებები და დამატებები;

გ) ამტკიცებს სამინისტროს საქმისწარმოების წესს, სამინისტროს საშტატო ნუსხასა და ხარჯთა ნუსხას, აკონტროლებს მათ შესრულებას და აუცილებლობის შემთხვევაში იძლევა მითითებებს საბიუჯეტო სახსრების გამოყენების შესახებ;

დ) შეიმუშავებს სამინისტროს მმართველობის სფეროს ბიუჯეტის პროექტს;

ე) ამტკიცებს საკონკურსო და საატესტაციო მოთხოვნებს სამინისტროს საჯარო მოსამსახურეებისადმი;

ვ) ქმნის კომისიებს, საბჭოებს სათათბირო უფლებებით და დებულებებით განსაზღვრავს მათ კომპეტენციასა და საქმიანობის წესს;

ზ) ამტკიცებს სამინისტროს სისტემაში სტაჟირების გავლის წესს და ახორციელებს კანონმდებლობით დადგენილ სხვა უფლებამოსილებებს.

საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

    მუხლი 6. მინისტრის მოადგილეები

1. მინისტრს ჰყავს ოთხი მოადგილე, მათ შორის, ერთი პირველი.

2. მინისტრის ერთ-ერთი მოადგილე მინისტრის დავალებით ახორციელებს საპარლამენტო მდივნის ფუნქციას.

3. მინისტრის პირველი მოადგილისა და მოადგილეების უფლებამოსილებანი განისაზღვრება მინისტრის ბრძანებით, გარდა იმ უფლებამოსილებებისა, რომლებიც დადგენილია საქართველოს კანონებითა და მთავრობის აქტებით.

    მუხლი 7. სამინისტროს სისტემის მართვა და საქმიანობის ორგანიზება

1. სამინისტროს სისტემა შედგება სამინისტროს სტრუქტურული ქვედანაყოფებისაგან (სამინისტროს დეპარტამენტებისა და სამსახურებისაგან), ტერიტორიული ორგანოებისაგან, აჭარისა და აფხაზეთის ავტონომიური რესპუბლიკების შესაბამისი სამსახურებისაგან, სახელმწიფო საქვეუწყებო დაწესებულებებისა და სამინისტროს სისტემაში შემავალი საჯარო სამართლის იურიდიული პირებისაგან.

2. სამინისტროს სისტემაში შემავალი სტრუქტურული ქვედანაყოფების ფუნქციები და უფლებამოსილებანი განისაზღვრება დებულებებით, რომლებსაც ამტკიცებს მინისტრი.

საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

    მუხლი 8. სამინისტროს სისტემა

1. სამინისტროს სტრუქტურული ქვედანაყოფები არიან სამინისტროს დეპარტამენტები და სამსახურები.

2. სამინისტროს დეპარტამენტები არიან:

ა) ადმინიტრაციული დეპარტამენტი;

ბ) ლიცენზიებისა და ნებართვების დეპარტამენტი;

გ) მდგრადი განვითარების დეპარტამენტი;

დ) საერთაშორისო ურთიერთობებისა და პროექტების მომზადების დეპარტამენტი;

ე) იურიდიული დეპარტამენტი.

3. სამინისტროს სამსახურები არიან:

ა) გენერალური ინსპექციის სამსახური;

ბ) საკადრო რესურსების მართვის სამსახური;

გ) ზედამხედველობის სამსახური;

დ) ფინანსური უზრუნველყოფის სამსახური;

ე) ბირთვული და რადიაციული უსაფრთხოების სამსახური;

ვ) საზოგადოებასთან და მასმედიასთან ურთიერთობის სამსახური;

ზ) რეგიონებთან ურთიერთობის სამსახური;

თ) მიწის მართვის სამსახური;

ი) ნარჩენებისა და ქიმიურ ნივთიერებათა მართვის სამსახური;

კ) წყლის რესურსების მართვის სამსახური;

ლ) ატმოსფერული ჰაერის დაცვის სამსახური;

მ) კლიმატის ცვლილების სამსახური;

ნ) ბიომრავალფეროვნების დაცვის სამსახური.

4. სამინისტროს ტერიტორიული ორგანოები არიან:

ა) სამეგრელოსა და ზემო სვანეთის გარემოს დაცვისა და ბუნებრივი რესურსების რეგიონალური სამმართველო;

ბ) იმერეთის გარემოს დაცვისა და ბუნებრივი რესურსების რეგიონალური სამმართველო;

გ) გურიის გარემოს დაცვისა და ბუნებრივი რესურსების რეგიონალური სამმართველო;

დ) შიდა ქართლის გარემოს დაცვისა და ბუნებრივი რესურსების რეგიონალური სამმართველო;

ე) ქვემო ქართლის გარემოს დაცვისა და ბუნებრივი რესურსების რეგიონალური სამმართველო;

ვ) სამცხე-ჯავახეთის გარემოს დაცვისა და ბუნებრივი რესურსების რეგიონალური სამმართველო;

ზ) კახეთის გარემოს დაცვისა და ბუნებრივი რესურსების რეგიონალური სამმართველო;

თ) მცხეთა-მთიანეთის გარემოს დაცვისა და ბუნებრივი რესურსების რეგიონალური სამმართველო;

ი) ქვემო სვანეთ-ლეჩხუმის გარემოს დაცვისა და ბუნებრივი რესურსების რეგიონალური სამმართველო;

კ) რაჭის გარემოს დაცვისა და ბუნებრივი რესურსების რეგიონალური სამმართველო;

ლ) ხაშურის გარემოს დაცვისა და ბუნებრივი რესურსების საქალაქო სამმართველო;

მ) ფოთის გარემოს დაცვისა და ბუნებრივი რესურსების საქალაქო სამმართველო;

ნ) შავი ზღვის დაცვის კონვენციური ინსპექცია.

5. სამინისტროს სახელმწიფო საქვეუწყებო დაწესებულებები არიან:

ა) სატყეო მეურნეობის დეპარტამენტი;

ბ) დაცული ტერიტორიების დეპარტამენტი;

გ) გეოლოგიის დეპარტამენტი;

დ) ჰიდრომეტეოროლოგიის დეპარტამენტი;

ე) გეოდეზიისა და კარტოგრაფიის დეპარტამენტი.

6. სამინისტროს სისტემაში შემავალი საჯარო სამართლის იურიდიული პირები არიან:

ა) გეოეკოლოგიური კვლევების ცენტრი ,,სტიქია”;

ბ) კავკასიის მინერალური ნედლეულის ინსტიტუტი;

გ) სეისმოჰიდროგეოდეფორმაციული კვლევის ცენტრი;

დ) გეოინფორმაციული ტექნოლოგიების დისტანციური კვლევების ცენტრი;

ე) სპეციალური (სამხედრო) დანიშნულების გეოლოგიური კვლევების ცენტრი ,,სპეცგეო”;

ვ) საქგეოლფონდი;

ზ) გეოტექნოლოგიური მომსახურების ცენტრი;

თ) საშიში გეოლოგიური პროცესების ინჟინრული რეგულირების სამსახური;

ი) საქართველოს შავი ზღვის დაცვისა და რესურსების კვლევა-ათვისების სახელმწიფო სააგენტო;

კ) საქგეოლექსპერტიზა;

ლ) საქტყეპროექტი;

მ) ალგეთის სახელმწიფო ნაკრძალი;

ნ) აჯამეთის სახელმწიფო ნაკრძალი;

ო) კინტრიშის სახელმწიფო ნაკრძალი;

პ) ლიახვის სახელმწიფო ნაკრძალი;

ჟ) საგურამოს სახელმწიფო ნაკრძალი;

რ) სათაფლიის სახელმწიფო ნაკრძალი;

ს) ყაზბეგის სახელმწიფო ნაკრძალი;

ტ) ქობულეთის სახელმწიფო ნაკრძალი და აღკვეთილი;

უ) გარდაბნის სახელმწიფო აღკვეთილი;

ფ) ყორუღის სახელმწიფო აღკვეთილი;

ქ) მარიამჯვრის სახელმწიფო ნაკრძალი;

ღ) ივრის სახელმწიფო აღკვეთილი;

ყ) კაცობურის სახელმწიფო აღკვეთილი;

შ) ჭაჭუნის სახელმწიფო აღკვეთილი;

ჩ) ბორჯომ-ხარაგაულის ეროვნული პარკი და ბორჯომის სახელმწფო ნაკრძალი;

ც) კოლხეთის ეროვნული პარკი;

ძ) ბიჭვინთა-მიუსერის სახელმწიფო ნაკრძალი;

წ) რიწის სახელმწიფო ნაკრძალი;

ჭ) გუმისთის სახელმწიფო ნაკრძალი;

ხ) თუშეთის სახელმწიფო ნაკრძალი და თუშეთის ეროვნული პარკი;

ჯ) ბაწარის სახელმწიფო ნაკრძალი, ბაბანეურის სახელმწიფო ნაკრძალი და ილტოს აღკვეთილი;

ჰ) ლაგოდეხის სახელმწიფო ნაკრძალი და ლაგოდეხის აღკვეთილი;

ჰ.ა) ვაშლოვანის სახელმწიფო ნაკრძალი და ვაშლოვანის ეროვნული პარკი;

ჰ.ბ) საქართველოს ჰიდრომეტეოროლოგიისა და გარემოს მონიტორინგის სამსახური;

ჰ.გ) არახელსაყრელ ჰიდრომეტეოროლოგიურ მოვლენებზე აქტიური ზემოქმედებისა და რადიოლოკაციური უზრუნველყოფის სამსახური;

ჰ.დ) სანაპირო ზონის ინტეგრირებული მართვის ცენტრი;

ჰ.ე) იშვიათი და გადაშენების პირას მყოფი თევზის სახეობათა აღწარმოების ცენტრი;

ჰ.ვ) გარემოს დაცვის ლაბორატორია;

ჰ.ზ) შავი ზღვის ეკოლოგიისა და თევზის მეურნეობის სამეცნიერო-კვლევითი ინსტიტუტი;

ჰ.თ) გარემოს დაცვის სამეცნიერო-კვლევითი ინსტიტუტი;

ჰ.ი) საქსახმიწპროექტი;

ჰ.კ) დაცული ტერიტორიების განვითარების ცენტრი;

ჰ.ლ) სატყეო სექტორის განვითარების ცენტრი;

ჰ.მ) კოსმოსური სააგენტო.

7. სამინისტროს სისტემაში არიან აჭარისა და აფხაზეთის ავტონომიური რესპუბლიკების შესაბამისი სამსახურები.

8. აჭარისა და აფხაზეთის ავტონომიური რესპუბლიკების შესაბამისი სამსახურების საქმინობის კოორდინაციას ახორციელებს სამინისტრო.

საქართველოს მთავრობის 2004 წლის 6 აგვისტოს დადგენილება  №66-სსმ III, №83, 10.08.2004წ; მუხ.733

საქართველოს მთავრობის 2004 წლის 24 ნოემბრის დადგენილება  №110-სსმ III, №137, 26.11.2004წ; მუხ.1228

საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

    მუხლი 9. სამინისტროს სტრუქტურული ქვედანაყოფების კომპეტენცია

1. სამინისტროს სტრუქტურული ქვედანაყოფების კომპეტენციაა:

ა) ადმინისტრაციული დეპარტამენტის კომპეტენციაა თავისი კომპეტენციის ფარგლებში მინისტრის მიერ სამინისტროს სისტემის კოორდინაციის უზრუნველყოფა, სახელმწიფო დაწესებულებებთან და საერთაშორისო ორგანიზაციებთან ურთიერთობის კოორდინაცია;

ბ) ლიცენზიებისა და ნებართვების დეპარტამენტის კომპეტენციაა სახელმწიფო ეკოლოგიური ექსპერტიზის ორგანიზება, სალიცენზიო/სანებართვო მოწმობების გაცემა, ლიმიტების დამტკიცების ორგანიზება;

გ) მდგრადი განვითარების დეპარტამენტის კომპეტენციაა:

გ.ა) გარემოს დაცვისა და ბუნებრივი რესურსებით სარგებლობის სფეროში ეკონომიკური პოლიტიკის, მექანიზმებისა და ნორმატივების შემუშავება;

გ.ბ) გარემოს მონიტორინგის ერთიანი სახელმწიფო სისტემის ორგანიზება და განვითარების უზრუნველყოფა;

გ.გ) გარემოსდაცვითი პოლიტიკის ძირითადი მიმართულებების შემუშავება;

გ.დ) მოსახლეობის ეკოლოგიური უსაფრთხოების უზრუნველყოფის სახელმწიფო პოლიტიკის განხორციელება;

დ) საერთაშორისო ურთიერთობებისა და პროექტების მომზადების დეპარტამენტის კომპეტენციაა:

დ.ა) უცხოელ პარტნიორებთან სამინისტროს ურთიერთობებში მონაწილეობა და ამ ურთიერთობების მონიტორინგი, სამინისტროს კომპეტენციის სფეროში საქართველოს მიერ საერთაშორისო კონვენციებითა და ხელშეკრულებებით ნაკისრ ვალდებულებათა შესრულების მდგომარეობის მონიტორინგი, ასეთ ხელშეკრულებებში საქართველოს მონაწილეობის მიზანშეწონილობის ანალიზი და შესაბამისი სახელმწიფო პოლიტიკის რეალიზაციაში მონაწილეობა;

დ.ბ) თავისი კომპეტენციის ფარგლებში პროექტებისა და პროგრამების მომზადება და მომზადებაში მონაწილეობა, ასევე ამ სახის ეროვნული, რეგიონალური და გლობალური პროექტებისა და პროგრამების შესრულების მიმდინარეობის შესახებ ინფორმაციის შეგროვება და ანალიზი, შესაბამისი დავალების საფუძველზე კი – მიმდინარეობის კონტროლი;

ე) იურიდიული დეპარტამენტის კომპეტენციაა სამინისტროს ხელმძღვანელობისა და სამინისტროს სტრუქტურული ქვედანაყოფების ძირითადი საქმიანობის სამართლებრივი უზრუნველყოფა, ასევე სამინისტროს სამართალშემოქმედებითი საქმიანობის წარმართვა;

ვ) გენერალური ინსპექციის სამსახურის კომპეტენციაა სამინისტროს სისტემის მოსამსახურეთა მიერ დისციპლინისა და კანონიერების დაცვის სამსახურებრივი კონტროლი, სამსახურებრივი პასუხისმგებლობისა და დისციპლინური გადაცდომის ფაქტების გამოვლენა, თავიდან აცილება და პროფილაქტიკა;

ზ) საკადრო რესურსების მართვის სამსახურის კომპეტენციაა:

ზ.ა) სამინისტროს სისტემის საკადრო რესურსების მართვის ოპტიმიზაციის მიზნით წინადადებათა შემუშავება;

ზ.ბ) თავისი კომპეტენციის ფარგლებში სამინისტროს სისტემის მოსამსახურეთა დადგენილი წესის შესაბამისად დანიშვნის, სამსახურებრივი გადაადგილების (გადაყვანის), გათავისუფლების, დისციპლინური წესით დასჯისა და წახალისების, შვებულებისა და მივლინების შესახებ ბრძანებების პროექტების მომზადება;

ზ.გ) თავისი კომპეტენციის ფარგლებში სამინისტროს სისტემის მოსამსახურეთა პირადი საქმეების შედგენა, წარმოება, ჩანართი ფურცლების აღრიცხვა-წარმოება;

ზ.დ) სამინისტროს სისტემის კადრების სამსახურების მუშაობის მეთოდური ხელმძღვანელობა და კოორდინაცია, აგრეთვე მათი საქმიანობის შემოწმების მიზნით დადგენილი წესის შესაბამისად რევიზიების მოწყობა;

ზ.ე) სამინისტროს სისტემის მოსამსახურეთა კონკურსებისა და ატესტაციების გამართვის უზრუნველყოფა, მოხელეთა რეზერვის ფორმირება და მიზნობრივი გამოყენება;

ზ.ვ) სამსახურებრივი მოწმობების გაცემა და აღრიცხვა;

ზ.ზ) თავისი კომპეტენციის ფარგლებში ბრძანებების რეგისტრაცია;

ზ.თ) სამინისტროს წარმომადგენლობა სასამართლოში შრომითი დავების განხილვისას;

თ) ზედამხედველობის სამსახურის კომპეტენციაა გარემოს დაცვის სფეროში სახელმწიფო ზედამხედველობისა და გარემოს დაცვის სფეროში საქართველოს კანონმდებლობით დადგენილ მოთხოვნათა და საქართველოს მიერ ნაკისრ საერთაშორისო ვალდებულებათა შესრულების კონტროლის ორგანიზება, მათ შორის:

თ.ა) გარემოსა და ბუნებრივი რესურსების დაცვისადმი;

ბ.ბ) სანებართვო და სალიცენზიო დოკუმენტებისა და დამტკიცებული ლიმიტების პირობების შესრულებისადმი;

ი) ფინანსური უზრუნველყოფის სამსახურის კომპეტენციაა:

ი.ა) სამინისტროს სისტემის საფინანსო-ეკონომიკური საქმიანობის ანალიზი;

ი.ბ) მატერიალური, შრომითი, ფინანსური და საკრედიტო რესურსების განაწილება, მათი მიზნობრივი გამოყენება;

ი.გ) სამინისტროს სისტემის საბუღალტრო საქმიანობისა და აღრიცხვა-ანგარიშგების მეთოდური უზრუნველყოფა;

ი.დ) სამინისტროს სტრუქტურული ქვედანაყოფების, ტერიტორიული ორგანოებისა და სახელმწიფო საქვეუწყებო დაწესებულებების ბალანსზე არსებული ქონებისა და მისი მოძრაობის, მატერიალური და ფინანსური რესურსების გამოყენების კონტროლი;

ი.ე) სამინისტროს მატერიალურ-ტექნიკური უზრუნველყოფა;

კ) ბირთვული და რადიაციული უსაფრთხოების სამსახურის კომპეტენციაა ბირთვული და რადიაციული უსაფრთხოების სფეროში სახელმწიფო პოლიტიკის რეალიზაციის უზრუნველყოფა;

ლ) საზოგადოებასთან და მასმედიასთან ურთიერთობის სამსახურის კომპეტენციაა:

ლ.ა) საზოგადოებასთან და მასმედიასთან ურთიერთობა;

ლ.ბ) საზოგადოებისათვის გარემოსდაცვითი ინფორმაციის ხელმისაწვდომობისა და გამჭვირვალობის უზრუნველყოფა;

ლ.გ) საზოგადოების გარემოსდაცვითი განათლებისა და გარემოსდაცვითი ცნობიერების დონის ამაღლების ხელშეწყობა;

ლ.დ) გარემოსდაცვით გადაწყვეტილებათა მიღების პროცესში საზოგადოების მონაწილეობის უზრუნველყოფა;

ლ.ე) საზოგადოებრივ ორგანიზაციებთან და სხვადასხვა სოციალურ ჯგუფთან სამინისტროს საქმიანობის გამჭვირვალობის უზრუნველყოფა;

მ) რეგიონებთან ურთიერთობის სამსახურის კომპეტენციაა სამინისტროს ტერიტორიული ორგანოების მართვა და მათი საქმიანობის კოორდინაცია;

ნ) მიწის მართვის სამსახურის კომპეტენციაა მიწის რაციონალურად გამოყენებისა და დაცვის, ნიადაგის ეროზიის საწინააღმდეგო ღონისძიებების, ნაყოფიერების აღდგენისა და შენარჩუნების ღონისძიებების განხორციელება, მიწის მიზნობრივი გამოყენებისა და დაცვის შესახებ კანონმდებლობით გათვალისწინებული მოთხოვნების შესაბამისად სახელმწიფო კონტროლის განხორციელება, მიწის რესურსების მდგომარეობის თაობაზე მონაცემთა ერთიანი ბანკის შექმნა;

ო) ნარჩენებისა და ქიმიურ ნივთიერებათა მართვის სამსახურის კომპეტენციაა ნარჩენებისა და ქიმიურ ნივთიერაბათა მართვის სახელმწიფო პოლიტიკის რეალიზაციის უზრუნველყოფა;

პ) წყლის რესურსების მართვის სამსახურის კომპეტენციაა წყლის რესურსების დაცვის სახელმწიფო პოლიტიკის რეალიზაციის უზრუნველყოფა;

ჟ) ატმოსფერული ჰაერის დაცვის სამსახურის კომპეტენციაა ატმოსფერული ჰაერის დაცვის სახელმწიფო პოლიტიკის რეალიზაციის უზრუნველყოფა;

რ) კლიმატის ცვლილების სამსახურის კომპეტენციაა საქართველოში კლიმატის ცვლილების პრობლემებზე წარმოებულ სამუშაოთა სახელმწიფო რეგულირების, სახელმწიფო პოლიტიკისა და სტრატეგიის შემუშავებასა და განხორციელებაში მონაწილეობა, საქართველოში კლიმატის ცვლილების მდგომარეობის შესახებ ქვეყნის მმართველობითი ორგანოების, მეურნეობის დარგებისა და მოსახლეობის ფაქტობრივი პროგნოსტიკული ინფორმაციით უზრუნველყოფა;

ს) ბიომრავალფეროვნების დაცვის სამსახურის კომპეტენციაა ბიომრავალფეროვნების დაცვის სახელმწიფო პოლიტიკის რეალიზაციის უზრუნველყოფა.

2. სამინისტროს სტრუქტურული ქვედანაყოფების კონკრეტული კომპეტენცია განისაზღვრება მათი დებულებებითა და მოქმედი კანონმდებლობით.

საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

 

    მუხლი 91. სამინისტროს სისტემის დაწესებულებების, ერიტორიული ორგანოების, საქვეუწყებო დაწესებულებებისა და მათი ტერიტორიული ორგანოების, საჯარო სამართლის იურიდიული პირების კომპეტენცია

სამინისტროს სისტემის დაწესებულებების, ტერიტორიული ორგანოების, საქვეუწყებო დაწესებულებებისა და მათი ტერიტორიული ორგანოების, საჯარო სამართლის იურიდიული პირების კონკრეტული კომპეტენცია განისაზღვრება მათი დებულებებითა და მოქმედი კანონმდებლობით.

საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

    მუხლი 10. შავი ზღვის დაცვის კონვენციური ინსპექცია

შავი ზღვის დაცვის კონვენციური ინსპექცია თავის საქმიანობას წარმართავს და მისი კომპეტენციები განისაზღვრება საქართველოს კონსტიტუციის, საერთაშორისო სამართლის პრინციპებისა და ნორმების, საქართველოს მიერ შავი ზღვის დაბინძურებისაგან დაცვის კონვენციით (ბუქარესტი, 1992 წ.), გემებიდან დაბინძურებით თავიდან აცილების შესახებ ,,MARPOL“ კონვენციით (ლონდონი, 1973), გემებიდან დაბინძურების თავიდან აცილების შესახებ კონვენციის 1978 წლის ოქმით (ლონდონი, 1978), სახიფათო ნარჩენების ტრანსსასაზღვრო გადაზიდვებისა და მათი განთავსების კონტროლისა და ზედამხედველობის და სხვა საერთაშორისო ხელშეკრულებებისა და შეთანხმებების, საქართველოს საკანონმდებლო და კანონქვემდებარე ნორმატიული აქტების, სამინისტროს დებულების, მინისტრის ბრძანებების, მითითებების, ინსტრუქციებისა და ამ დებულების შესაბამისად.

    მუხლი 11. სამინისტროს სიმბოლიკა

1. სამინისტრო გამოიყენებს სახელმწიფო დროშასა და სახელმწიფო გერბს, სხვა სახელმწიფო სიმბოლიკას მოქმედი კანონმდებლობის შესაბამისად.

2. სახელმწიფო გერბი გამოისახება სამინისტროს ფასადზე, ხოლო მცირე სახელმწიფო გერბის გამოსახულება გამოიყენება სამინისტროსა და მისი ტერიტორიული ორგანოების სანებართვო დოკუმენტებში, თანამშრომლების პირადობის დამადასტურებელ დოკუმენტებში და ბლანკებზე.

3. სამინისტროს აქვს ემბლემა (ლოგო), რომელიც რეგისტრირებულია მოქმედი კანონმდებლობის შესაბამისად.

4. სამინისტროს ემბლემა შეიძლება გამოყენებულ იქნეს მხოლოდ სამინისტროს ტერიტორიული ორგანოების, აჭარისა და აფხაზეთის ავტონომიური რესპუბლიკების შესაბამისი სამსახურებისა და სახელმწიფო საქვეუწყებო დაწესებულებების, სამინისტროს თანამშრომლების სავიზიტო ბარათებზე, სხვა ბეჭდვით გამოცემებზე, აგრეთვე სამინისტროს სუვენირებსა და კუთვნილ სატრანსპორტო საშუალებებზე (ავტომანქანებსა და კატარღებზე).

საქართველოს მთავრობის 2005 წლის 3 ივნისის დადგენილება  №98-სსმ III, №68, 06.06.2005წ; მუხ.724

    მუხლი 12. სამინისტროს ლიკვიდაცია

სამინისტროს ლიკვიდაცია ხდება კანონით დადგენილი წესით.

Annotate