საქართველოს სისხლის სამართლის კოდექსი · რედაქცია 04.03.2026
სისხლის სამართლის კოდექსის 306-ე მუხლი · სსკ 306
თავი XXXVI — დანაშაული გარემოს დაცვის წესის წინააღმდეგ
საქმიანობის განხორციელება გარემოზე ზემოქმედების ნებართვის გარეშე, ჩადენილი ასეთი ქმედებისათვის ადმინისტრაციული სახდელის დადების შემდეგ,–
ისჯება ჯარიმით ან გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით სამ წლამდე.
საქართველოს 2006 წლის 25 ივლისის კანონი №3517 - სსმ I, №36, 04.08.2006 წ., მუხ.2
შესაბამისად, საქართველოს სსკ-ის 306-ე მუხლის დანაწესის გათვალისწინებით, სასამართლოს განხილვის საგანს, აღნიშნულ ეპიზოდში, წარმოადგენს მხოლოდ „ამნისტიის შესახებ“ საქართველოს 2024 წლის 17 სექტემბრის კანონის გამოყენების კანონიერება.
საქმეში არსებული წინასწარი გამოძიების მასალებით დასტურდება სისხლის სამართლის კოდექსის 306-ე მუხლით გათვალისწინებული დანაშაულის ჩადენის ფაქტი, თუმცა ამ მუხლით გათვალისწინებული ქმედების ამნისტირების გამო შეწყვეტილია საქმის წარმოება, დაგირავებული ავტომობილის გატაცების ფაქტს საქმეზე დაკითხული მოწმეთა ჩვენებებიც ადასტურებს.
წყალტუბოს რაიონული სასამართლოს 2003 წლის 29 იანვრის განაჩენით რ----- ა---–--ე გასამართლებულია სსკ-ის 299-ე მუხლის 1-ლი ნაწილით და 306-ე მუხლებით და მისჯილი ჰქონდა ჯარიმა 150 ლარის ოდენობით, რაც ბრალდების მხარის მიერ სააღსრულებო ბიუროდან წარმოდგენილი ცნობით გადახდილი არ არის, ვინაიდან არასწორი მისამართის გამო 2003 წლის მაისის თვეში სააღსრულებო ფურცელი დაუბრუნდა შეუსრულებული სახით სასამართლოს.
ოფიციალური ტექსტი: matsne.gov.ge — საქართველოს სისხლის სამართლის კოდექსი, კონსოლიდირებული რედაქცია 04.03.2026. გამოქვეყნება: სსმ, 41(48), 13/08/1999.
საქართველოს კანონი „საქართველოს სისხლის სამართლის კოდექსი“, მუხლი 306, №2287, 22.07.1999, სარეგისტრაციო კოდი 080.000.000.05.001.000.648 (კონსოლიდირებული რედაქცია 04.03.2026). ხელმისაწვდომია: https://legali.ge/law/16426/muxli-306/