საქართველოს კავშირგაბმულობისა და ფოსტის სამინისტროს სპეციალური კავშირის სამსახურის სალიკვიდაციო ღონისძიებათა შესახებ

საქართველოს მთავრობის

განკარგულება № 655

2007 წლის 8 ნოემბერი

ქ. თბილისი

საქართველოს კავშირგაბმულობისა და ფოსტის სამინისტროს სპეციალური კავშირის სამსახურის სალიკვიდაციო ღონისძიებათა შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“საქართველოს კანონის, „საქართველოს პრეზიდენტის ზოგიერთი ბრძანებულების ძალადაკარგულად გამოცხადების შესახებ“საქართველოს პრეზიდენტის 2004 წლის 5 ივლისის № 255 ბრძანებულების, „საქართველოს ეკონომიკური განვითარების სამინისტროს დებულების დამტკიცების შესახებ“საქართველოს მთავრობის 2004 წლის 10 სექტემბრის № 77 დადგენილებით დამტკიცებული დებულების თანახმად ლიკვიდირებულ იქნეს საქართველოს კავშირგაბმულობისა და ფოსტის სამინისტროს სპეციალური კავშირის სამსახური.

2.  საქართველოს ეკონომიკური განვითარების სამინისტრომ უზრუნველყოს ამ განკარგულების პირველი პუნქტის შესასრულებლად მოქმედი კანონმდებლობით გათვალისწინებული შესაბამისი ღონისძიებების განხორციელება.

3. განკარგულება ძალაშია ხელმოწერის დღიდან.

პრემიერ-მინისტრი                      ზ. ნოღაიდელი