აფხაზეთის ავტონომიური რესპუბლიკის მთავრობის აპარატის შექმნის შესახებ

აფხაზეთის მთავრობის

დადგენილება №11

2005 წლის 22 თებერვალი 

ქ. თბილისი

აფხაზეთის ავტონომიური რესპუბლიკის მთავრობის აპარატის შექმნის შესახებ

„აფხაზეთის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის კანონის მე-10 მუხლის შესაბამისად, აფხაზეთის მთავრობის საქმიანობის ორგანიზაციული უზრუნველყოფის, ანალიტიკური, ინფორმაციული და სხვა მასალების მომზადების, აგრეთვე მთავრობის გადაწყვეტილებათა შესრულების კონტროლის ხელშეწყობის მიზნით:

1. შეიქმნას აფხაზეთის მთავრობის აპარატი და დამტკიცდეს აფხაზეთის მთავრობის აპარატის თანდართული დებულება.

2. აფხაზეთის ფინანსთა სამინისტრომ „აფხაზეთის 2005 წლის ბიუჯეტის შესახებ“ აფხაზეთის კანონის პროექტის მომზადებისას გაითვალისწინოს აფხაზეთის მთავრობის აპარატის დაფინანსებისათვის აუცილებელი სახსრები.

3. დადგენილება ამოქმედდეს გამოქვეყნებისთანავე.

 

თავმჯდომარე         ი. ალასანია

 

აფხაზეთის მთავრობის აპარატის დებულება

მუხლი 1. ზოგადი დებულება  

1. აფხაზეთის მთავრობის აპარატი (შემდგომში – აპარატი) იქმნება „აფხაზეთის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის კანონის შესაბამისად აფხაზეთის მთავრობის საქმიანობის ორგანიზაციული უზრუნველყოფის, ანალიტიკური, ინფორმაციული და სხვა მასალების მომზადების, აგრეთვე მთავრობის გადაწყვეტილებათა შესრულების კონტროლის ხელშეწყობის მიზნით.

2. აპარატი თავის საქმიანობაში ხელმძღვანელობს საქართველოს კონსტიტუციით, აფხაზეთის ავტონომიური რესპუბლიკის კონსტიტუციით, საქართველოსა და აფხაზეთის ავტონომიური რესპუბლიკის კანონებით, აფხაზეთის მთავრობის სამართლებრივი აქტებითა და ამ დებულებით.

3. აპარატს აქვს ბეჭედი საქართველოს გერბის გამოსახულებით, საკუთარი ბლანკი და ანგარიში ხაზინაში.

3^​1. აპარატის სტრუქტურული ერთეულების დებულებებსა და საშტატო რიცხოვნობას ამტკიცებს მთავრობის თავმჯდომარე.

4. აპარატის დაფინანსების წყაროა აფხაზეთის ბიუჯეტი.

5.აპარატის ადგილსამყოფელია ქ. თბილისი, ალ. ყაზბეგის გამზირი №42; ზემო აფხაზეთი, სოფელი ჩხალთა.

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

1. აფხაზეთის მთავრობის კონსტიტუციური უფლებამოსილების შესაბამისად, აღმასრულებელი ხელისუფლების, მთავრობის საქმიანობის ორგანიზაციული უზრუნველყოფის, ანალიტიკური, ინფორმაციული და სხვა მასალების მომზადების, აგრეთვე მთავრობის გადაწყვეტილებათა შესრულების კონტროლის ხელშეწყობის მიზნით, თავისი კომპეტენციის ფარგლებში აპარატი უზრუნველყოფს:

ა) აფხაზეთის მთავრობის მიერ აღმასრულებელი ხელისუფლების განხორციელების პირობების შექმნას;

ბ) აღმასრულებელი ხელისუფლებისა და საქვეუწყებო დაწესებულებების საქმიანობის კოორდინაციისა და კონტროლის ორგანიზების ხელშეწყობას;

გ) აფხაზეთის მთავრობის მიზნობრივი პროგრამების განხორციელების ხელშეწყობას;

დ) კონსტიტუციით დადგენილ ფარგლებში აფხაზეთის მთავრობის საკანონმდებლო ინიციატივის განხორციელებას;

ე) აფხაზეთის აღმასრულებელი ხელისუფლებისა და საქვეუწყებო დაწესებულებების ხელმძღვანელთა აქტების გაუქმების შესახებ დასკვნების მომზადებას;

ვ) აფხაზეთის მთავრობისა და მთავრობის თავმჯდომარის სამართლებრივი აქტების პროექტების მომზადებას;

ზ) აფხაზეთის მთავრობის თავმჯდომარის საქმიანობის ინფორმაციულ-ანალიტიკურ უზრუნველყოფას;

თ) აფხაზეთის მთავრობის თავმჯდომარის ურთიერთობას სახელმწიფო ორგანოებთან და საზოგადოებრივ ორგანიზაციებთან;

ი) აფხაზეთის მთავრობის თავმჯდომარის საქმიანობასთან დაკავშირებული საპროტოკოლო ღონისძიებათა კოორდინაციას;

კ) აფხაზეთის მთავრობის სხდომების (განსახილველი საკითხებისა და დღის წესრიგის პროექტების მომზადება) ორგანიზებას;

ლ) ცალკეულ საკითხთა შესწავლის მიზნით შექმნილი სათათბირო ორგანოების – კომისიებისა და საბჭოების საქმიანობისადმი ხელშეწყობას;

მ) სამთავრობო პროგრამების შემუშავებასთან დაკავშირებულ საქმიანობას და ამ პროგრამების შესრულების კონტროლს;

ნ)აფხაზეთის მთავრობისა და აფხაზეთის მთავრობის თავმჯდომარის სახელზე შემოსული ადმინისტრაციული საჩივრების განხილვის სფეროში აფხაზეთის მთავრობისა და აფხაზეთის მთავრობის თავმჯდომარის უფლებამოსილებების განხორციელების უზრუნველყოფას;

ნ^​1) სასამართლოსა და სხვა ორგანოებში აფხაზეთის მთავრობისა და აფხაზეთის მთავრობის თავმჯდომარის წარმომადგენლობას;

ო) აფხაზეთის ბიუჯეტის პროექტის შემუშავებასთან დაკავშირებულ საკითხთა გადაწყვეტას;

პ) ეკონომიკური, სოციალური და სამართლებრივი პოლიტიკის საკითხებზე წინადადებების შემუშავებას;

ჟ) დოკუმენტების მიღების, დამუშავებისა და მომზადების ერთიანი წესისა და მასთან დაკავშირებულ დავალებათა შესრულებას;

რ) აფხაზეთის მთავრობის გადაწყვეტილებათა შესრულების კონტროლის განხორციელებას;

ს) კანონმდებლობით დადგენილი წესით ცალკეული ორგანიზაციებიდან და დაწესებულებებიდან ინფორმაციის, საჭირო დოკუმენტაციის გამოთხოვას და მიღებას;

ტ) აფხაზეთის მთავრობისა და აფხაზეთის მთავრობის თავმჯდომარის გამგებლობის სფეროს კანონმდებლობით მიკუთვნებულ სხვა საკითხთა გადაწყვეტის ხელშეწყობას;

უ) აპარატის წლიური ბიუჯეტის შემოსავლისა და გასავლის საკითხების შესახებ წინადადებების წარდგენას.

2. აპარატი, დაკისრებულ ამოცანათა შესრულებისას, სამსახურებრივად ანგარიშვალდებულია აფხაზეთის მთავრობის თავმჯდომარის წინაშე.

აფხაზეთის  მთავრობის 2008 წლის 29 აპრილის დადგენილება №4- ასმ, №6,.01.05.2008წ.მუხ.8

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

აპარატის სტრუქტურული ერთეულებია:

ა) აფხაზეთის მთავრობის თავმჯდომარის კაბინეტი;

ბ) საფინანსო-ეკონომიკური დეპარტამენტი;

გ) პროტოკოლის, საერთაშორისო ორგანიზაციებთან ურთიერთობის და ანალიტიკური დეპარტამენტი;

გ.ა) პროტოკოლის სამსახური;

დ) საორგანიზაციო დეპარტამენტი;

ე) დარგობრივ საკითხთა დეპარტამენტი;

ვ) იურიდიული სამსახური;

ზ) საბუღალტრო აღრიცხვისა და ანგარიშსწორების სამსახური;

თ) საკადრო საკითხთა სამსახური.

აფხაზეთის  მთავრობის 2006 წლის 1 თებერვლის დადგენილება №4 - ასმ, №2,.01.02.2006წ.მუხ.6

აფხაზეთის  მთავრობის 2006 წლის 27 თებერვლის დადგენილება №15- ასმ, №5,.28.02.2006წ.მუხ.23

აფხაზეთის  მთავრობის 2007 წლის 27 მარტის დადგენილება №14- ასმ, №7,.27.03.2007წ.მუხ.15

აფხაზეთის  მთავრობის 2007 წლის 29 ივნისის დადგენილება №28- ასმ, №17,.29.06.2007წ.მუხ.42

აფხაზეთის  მთავრობის 2008 წლის 27 მარტის დადგენილება №2- ასმ, №4,.31.03.2008წ.მუხ.6

აფხაზეთის  მთავრობის 2008 წლის 29 აპრილის დადგენილება №4- ასმ, №6,.01.05.2008წ.მუხ.8

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

აფხაზეთის  მთავრობის 2009 წლის 20 ივლისის დადგენილება №11- ასმ, №9, 20.07.2009წ.მუხ.14

1. აპარატის საერთო ხელმძღვანელობას ახორციელებს აფხაზეთის მთავრობის თავმჯდომარე.

2.აპარატის მიმდინარე საქმიანობას ხელმძღვანელობს აპარატის უფროსი, რომელსაც თანამდებობაზე ნიშნავს და თანამდებობიდან ათავისუფლებს აფხაზეთის მთავრობის თავმჯდომარე.

2^​1.აპარატის უფროსს ჰყავს ერთი მოადგილე, რომელსაც თანამდებობაზე ნიშნავს და თანამდებობიდან ათავისუფლებს მთავრობის თავმჯდომარე. აპარატის უფროსის მოადგილე ასრულებს აპარატის უფროსის მოვალეობას მისი ადგილზე არყოფნისას, ასევე, ასრულებს აპარატის უფროსის სხვა დავალებებს.

3. აპარატის უფროსი:

ა) ხელმძღვანელობს და კორდინაციას უწევს აპარატის სტრუქტურული ერთეულების საქმიანობას;

ა^​1) მთავრობის თავმჯდომარეს დასამტკიცებლად წარუდგენს მთავრობის აპარატის ცალკეული სტრუქტურული ერთეულების დებულებებს;

ბ) აფხაზეთის მთავრობის თავმჯდომარეს თანამდებობაზე დასანიშნად წარუდგენს აპარატის სტრუქტურული ერთეულების ხელმძღვანელებსა და სხვა მოსამსახურეებს;

გ) აფხაზეთის მთავრობის თავმჯდომარეს წარუდგენს წინადადებას აპარატის მოსამსახურეთა, ხოლო აპარატის სტრუქტურული ერთეულის უფროსის შუამდგომლობის საფუძველზე აპარატის სტრუქტურული ერთეულების მოსამსახურეთა წახალისებისა და მათ მიმართ დისციპლინური სახდელების გამოყენების შესახებ;

დ) თავისი კომპეტენციის ფარგლებში ახორციელებს აპარატის მომსახურეთა საქმიანობის სამსახურებრივ ზედამხედველობას;

ე) განკარგავს მთავრობის აპარატის ფინანსურ სახსრებს;

ე^​1) თავისი კომპეტენციის ფარგლებში გამოსცემს ინდივიდუალურ-სამართლებრივ აქტს – ბრძანებას;

ვ) მონაწილეობს მთავრობის სხდომებში;

ზ) ხელს აწერს სამსახურებრივ დოკუმენტაციას;

თ) სახელმწიფო ორგანოებთან და საზოგადოებრივ ორგანიზაციებთან ურთიერთობაში გამოდის მთავრობის აპარატის სახელით;

ი) კორდინაციას უწევს მუდმივი და დროებითი კომისიების საქმიანობას. უფლება აქვს ცალკეულ დავალებათა შესრულების მიზნით კომისიის მუშაობაში მონაწილეობის მისაღებად სახელშეკრულებო საფუძველზე მოიწვიოს სპეციალისტები, რომლებიც არ არიან საჯარო მოსამსახურეები;

კ) აფხაზეთის მთავრობის თავმჯდომარეს აბარებს ანგარიშს აპარატის საქმიანობის შესახებ;

მ) თავისი კომპეტენციის ფარგლებში ახორციელებს კანონმდებლობით, ამ დებულებით და აფხაზეთის მთავრობის თავმჯდომარის მიერ მისთვის მინიჭებულ სხვა უფლებამოსილებებს.

აფხაზეთის  მთავრობის 2007 წლის 27 მარტის დადგენილება №14- ასმ, №7,.27.03.2007წ.მუხ.15

აფხაზეთის  მთავრობის 2007 წლის 9 ოქტომბრის დადგენილება №35- ასმ, №24,.09.10.2007წ.მუხ.62

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

1. აპარატის სტრუქტურული ერთეულების ხელმძღვანელებს აპარატის უფროსის წარდგინებით თანამდებობაზე ნიშნავს და თანამდებობიდან ათავისუფლებს აფხაზეთის მთავრობის თავმჯდომარე.

2. აპარატის სტრუქტურული ერთეულის ხელმძღვანელი:

ა) ხელმძღვანელობს აპარატის სტრუქტურულ ერთეულს, რომელიც მთავრობის თავმჯდომარისა და აპარატის უფროსის დავალებების, აპარატის დებულებისა და სტრუქტურულ ერთეულის დებულების შესაბამისად, უზრუნველყოფს სტრუქტურული ერთეულის საქმიანობას, ამავე დროს, პასუხისმგებელია დაკისრებული მოვალეობების ჯეროვანი შესრულებისათვის;

ა^​1) ამზადებს და აპარატის უფროსს წარუდგენს სტრუქტურული ერთეულის დებულების პროექტს, ანაწილებს ფუნქციებს სტრუქტურული ერთეულის თანამშრომელთა შორის და უზრუნველყოფს მათი შესრულების კონტროლს;

ბ) ხელს აწერს სტრუქტურული ერთეულის კომპეტენციას მიკუთვნებულ სამსახურებრივ დოკუმანტაციას;

გ) უფლებამოსილია სტრუქტურული ერთეულის კომპეტენციას მიკუთვნებულ საკითხებზე კანონმდებლობით დადგენილი წესით მოითხოვოს და მიიღოს ინფორმაცია, საჭირო დოკუმენტაცია;

დ) შუამდგომლობს აპარატის უფროსის წინაშე თანამშრომელთა წახალისების ან მათ მიმართ დისციპლინური სახდელის შეფარდების თაობაზე;

ე) ახორციელებს კანონმდებლობით, ამ დებულებითა და სტრუქტურული ერთეულის დებულებით მინიჭებულ სხვა უფლებამოსილებებს.

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

1. აფხაზეთის მთავრობის აპარატის თანამშრომლები წარმოადგენენ საჯარო მოსამსახურეებს, რომლებიც უზრუნველყოფენ ამ დებულებით, სტრუქტურული ერთეულის დებულებითა და მოქმედი კანონმდებლობით მათთვის დაკისრებული ამოცანების შესრულებას.

2. აპარატის თანამშრომლების სამსახურში მიღებისა და გათავისუფლების წესი განისაზღვრება „საჯარო სამსახურის შესახებ” საქართველოს კანონის შესაბამისად.

3. კვალიფიციური კადრების მომზადების, მათი პროფესიული განვითარების, პრაქტიკული უნარ-ჩვევების გამომუშავებისა და სრულყოფის ხელშეწყობის მიზნით, აფხაზეთის მთავრობის აპარატში სტაჟირების გავლის წესი და პირობები განისაზღვრება აფხაზეთის მთავრობის თავმჯდომარის ბრძანებით.

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

1. აფხაზეთის მთავრობის თავმჯდომარის კაბინეტის ძირითადი ფუნქციებია:

ა) მთავრობის თავმჯდომარის მოხსენებების, საჯარო გამოსვლებისა და ანგარიშების მომზადება;

ბ) თავისი კომპეტენციის ფარგლებში, სახელმწიფო დაწესებულებებთან, არასამთავრობო და საერთაშორისო ორგანიზაციებთან მთავრობის თავმჯდომარის კავშირ-ურთიერთობის კოორდინაცია და ხელშეწყობა;

გ) თავისი კომპეტენციის ფარგლებში, საჯარო ინფორმაციის გაცემა, მოქალაქეთა მიღება და მოქალაქეთა საჩივრების განხილვა;

დ) მთავრობის თავმჯდომარის მისაღების ორგანიზაციული უზრუნველყოფა;

ე) თავისი კომპეტენციის ფარგლებში, სხვადასხვა დაწესებულებებსა და ორგანიზაციებთან მთავრობის თავმჯდომარის წარმომადგენლობის განხორციელება;

ვ) მთავრობის თავმჯდომარის ცალკეულ დავალებათა შესრულების უზრუნველყოფა.

2. საფინანსო-ეკონომიკური დეპარტამენტის ძირითადი ფუნქციებია:

ა) განახორციელოს აფხაზეთის ავტონომიური რესპუბლიკის საფინანსო-ეკონომიკურ სფეროებში შემავალი უწყებების და მათი საქვეუწყებო ორგანოების საქმიანობის კოორდინაცია. მიიღოს ზომები, რათა ისინი სრული მოცულობით იყენებდნენ არსებული კანონმდებლობით და მათი დებულებებით გათვალისწინებულ უფლებებს მათ კომპეტენციაში შემავალი საკითხების გადასაწყვეტად;

ბ) განახორციელოს სისტემატური კონტროლი აფხაზეთის მთავრობის და ზემდგომი ორგანოების მიერ მიღებული დადგენილებების, განკარგულებების შესრულებაზე საფინანსო-ეკონომიკურ სფეროში და, საჭიროების შემთხვევაში, შეიტანოს სათანადო წინადადებები მთავრობაში;

გ) თავისი კომპეტენციის ფარგლებში, მთავრობის აპარატის მატერიალურ ფასეულობათა დაცვის უზრუნველყოფა;

დ) აფხაზეთის ავტონომიური რესპუბლიკის რესპუბლიკური ბიუჯეტის პროექტის მომზადებასა და განხილვაში მონაწილეობის მიღება;

ე) კანონმდებლობის შესაბამისად, მთავრობის თავმჯდომარის მიერ მისთვის მინიჭებული სხვა უფლებამოსილებების განხორციელება

3. პროტოკოლის, საერთაშორისო ორგანიზაციებთან ურთიერთობისა და ანალიტიკური დეპარტამენტის ძირითადი ფუნქციებია:

ა) აფხაზეთის ავტონომიურ რესპუბლიკასთან დაკავშირებით საერთაშორისო პოლიტიკური მოვლენების ანალიზის, არსებული და პოტენციური საფრთხეების, რისკებისა და გამოწვევების შეფასება;

ბ) კომპეტენციის ფარგლებში, მთავრობის თავმჯდომარის დავალების შესაბამისად, მთავრობის თავმჯდომარის მოხსენებების, საჯარო გამოსვლებისა და ანგარიშების მომზადება;

გ) თავისი კომპეტენციის ფარგლებში, მთავრობის თავმჯდომარისა და მთავრობის წევრების საქართველოს პრეზიდენტის ადმინისტრაციასთან, საქართველოს პარლამენტთან, საქართველოს მთავრობასთან, უცხო სახელმწიფოს საელჩოებსა და საკონსულოებთან და სხვა ოფიციალურ პირებთან ურთიერთობისა და თანამშრომლობის ხელშეწყობა;

დ) საქართველოსა და უცხოეთის მაღალი თანამდებობების პირებთან, ბიზნესის წარმომადგენლებთან, სხვა საზოგადო და პოლიტიკურ მოღვაწეებთან მთავრობის თავმჯდომარისა და მთავრობის წევრების სამუშაო და ოფიციალური შეხვედრების მოწყობა-ორგანიზება;

ე) სამუშაო, არაოფიციალური და სხვა კატეგორიის ვიზიტების ორგანიზაციული უზრუნველყოფა; დელეგაციის დახვედრა-გაცილება, ტრანსპორტირება, სასტუმროს დაჯავშნა და სტუმართა განთავსება, მათ კვებასთან, დაფინანსებასთან დაკავშირებული საკითხების გარკვევა-მომზადების ორგანიზება;

ვ) შესაბამის სამსახურებსა და უწყებებთან ერთად, სხვადასხვა სადღესასწაულო და სხვა ოფიციალური ღონისძიებების მოწყობის ორგანიზაცია და კოორდინაცია;

ზ) კანონმდებლობის შესაბამისად, მთავრობის თავმჯდომარის ან/და მთავრობის აპარატის უფროსის დავალებით სხვა საპროტოკოლო ღონისძიებათა განხორციელება.

3^​1. პროტოკოლის სამსახურის ფუნქციებია:

ა) სამუშაო, არაოფიციალური და სხვა კატეგორიის ვიზიტების ორგანიზაციული უზრუნველყოფა; დელეგაციის დახვედრა-გაცილება, ტრანსპორტირება, სასტუმროს დაჯავშნა და სტუმართა განთავსება, მათ კვებასთან, დაფინანსებასთან დაკავშირებული საკითხების გარკვევა-მომზადების ორგანიზება;

ბ) შესაბამის სამსახურებსა და უწყებებთან ერთად, სხვადასხვა სადღესასწაულო და სხვა ოფიციალური ღონისძიებების მოწყობის ორგანიზაცია და კოორდინაცია;

გ) კანონმდებლობის შესაბამისად სხვა საპროტოკოლო ღონისძიებათა განხორციელება.

4. საორგანიზაციო საკითხთა დეპარტამენტის ძირითადი ფუნქციებია:

ა) დოკუმენტებზე მუშაობის ფორმებისა და მეთოდების სრულყოფა;

ბ) საქმისწარმოების ერთიანი წესების, სახელმწიფო სტანდარტებისა და სხვა მოქმედი ნორმატიული აქტების შესაბამისად დოკუმენტირების, დოკუმენტებზე მუშაობის ორგანიზაციის, საინფორმაციო საძიებო სისტემებით, კონტროლისა და დოკუმენტების არქივში გადასაცემად მომზადების უზრუნველყოფა;

გ) საქმისწარმოების საკითხებზე ნორმატიული და მეთოდური დოკუმენტების შემუშავება;

დ) მთავრობის აპარატში ორგანიზაციული და ადმინისტრაციული საქმიანობა, რაც მოიცავს ტექნიკურ და საქმისწარმოების ფუნქციებს;

ე) სახელმწიფო საიდუმლოების დაცვა, აფხაზეთის მთავრობის სხდომების და მთავრობის თავმჯდომარის თათბირების მომზადების ორგანიზება;

ვ) თანამედროვე ტექნიკური საშუალებებით დოკუმენტური ინფორმაციის დასამუშავებლად საჭირო პირობების შექმნა.

5. დარგობრივ საკითხთა დეპარტამენტის ძირითადი ფუნქციებია:

ა) განახორციელოს აფხაზეთის შრომის, ჯანმრთელობისა და სოციალური დაცვის სამინისტროს, განათლებისა და კულტურის სამინისტროს, დევნილთა საქმეების დეპარტამენტისა და სოფლის მეურნეობის, გარემოს დაცვის და ბუნებრივი რესურსების დეპარტამენტის საქმიანობის კოორდინაცია. მიიღოს ზომები, რათა ისინი სრული მოცულობით იყენებდნენ არსებული კანონმდებლობით და მათი დებულებებით გათვალისწინებულ უფლებებს მათ კომპეტენციაში შემავალი საკითხების გადასაწყვეტად;

ბ) იძულებით გადაადგილებულ პირთა სოციალური მდგომარეობის გაუმჯობესების უზრუნველსაყოფად განახორციელოს აფხაზეთის შრომის, ჯანმრთელობისა და სოციალური დაცვის სამინისტროს, განათლებისა და კულტურის სამინისტროების, დევნილთა საქმეების დეპარტამენტის და გარემოს დაცვის და ბუნებრივი რესურსების დეპარტამენტის მიერ შესაბამისი პროგრამების, საკანონმდებლო ნორმატიული აქტების პროექტების შემუშავებისა და მათი განხორციელების მონიტორინგი და კონტროლი;

გ) განიხილოს მოქალაქეთა განცხადებები, საჩივრები, წინადადებები და მოახდინოს მათზე რეაგირება მოქმედი კანონმდებლობის ფარგლებში;

დ) აფხაზეთის მთავრობის თავმჯდომარის დავალებით, თავისი კომპეტენციის ფარგლებში, მისცეს შესაბამისი მითითებები აფხაზეთის ავტონომიური რესპუბლიკის აღმასრულებელი ხელისუფლების ცენტრალურ ორგანოებსა და უწყებებს, მოითხოვოს მათგან სათანადო ინფორმაცია კანონით გათვალისწინებული წესით.

6. იურიდიული სამსახურის ძირითადი ფუნქციებია:

ა) აფხაზეთის მთავრობის დადგენილებების, განკარგულებების, მთავრობის თავმჯდომარისა და მთავრობის აპარატის უფროსის ბრძანებების პროექტების შემუშავება;

ბ) აფხაზეთის აღმასრულებელი ხელისუფლებების, საქვეუწყებო დაწესებულებებისა და სხვა უფლებამოსილი ორგანოების მიერ წარმოდგენილი მთავრობისა და მთავრობის თავმჯდომარის სამართლებრივი აქტების პროექტების შესწავლა და მათი მიღების მიზანშეწონილობის თაობაზე სამართლებრივი ხასიათის დასკვნების მომზადება;

გ) თავისი კომპეტენციის ფარგლებში, მთავრობის თავმჯდომარის, მთავრობისა და მთავრობის აპარატის უფროსის სახელზე შემოსული მასალების (წერილი, განცხადება, მომართვა, საჩივარი და სხვა) განხილვა და შესაბამისი დასკვნების მომზადება;

დ) აფხაზეთის ავტონომიური რესპუბლიკის მთავრობის კანონშემოქმედებითი საქმიანობის დაგეგმვის კოორდინაცია და მისი განხორციელების ხელშეწყობა;

ე) აფხაზეთის ავტონომიური რესპუბლიკის კონსტიტუციური კანონისა და კანონის პროექტების მომზადება და მთავრობის ან მთავრობის თავმჯდომარის საკანონმდებლო ინიციატივის წესით, თავისი კომპეტენციის ფარგლებში, აფხაზეთის ავტონომიური რესპუბლიკის უმაღლეს საბჭოში წარდგენა უმაღლეს საბჭოში მთავრობის წარმომადგენელთან ერთად;

ვ) თავისი კომპეტენციის ფარგლებში, უმაღლეს საბჭოში მთავრობის წარმომადგენელთან ერთად, მთავრობის თავმჯდომარის დავალებით, უმაღლეს საბჭოში იმ თანამდებობის პირთა კანდიდატურების წარდგენა, რომელთა წარდგენაც შედის მთავრობის თავმჯდომარის კომპეტენციაში;

ზ) თავისი კომპეტენციის ფარგლებში, უმაღლეს საბჭოში მთავრობის წარმომადგენელთან ერთად, მთავრობის თავმჯდომარის მოთხოვნით, უმაღლესი საბჭოს წინაშე საკითხის დაყენება მთავრობის თავმჯდომარის მიერ საკანონმდებლო ინიციატივით წარდგენილი კანონპროექტების რიგგარეშე განხილვის ან მთავრობის თავმჯდომარის საკანონმდებლო ინიციატივით წარდგენილი კანონპროექტების გამოთხოვის შესახებ;

თ) მთავრობის თავმჯდომარისათვის უმაღლესი საბჭოს მიერ მიღებული კანონპროექტების ხელმოსაწერად წარდგენა, აგრეთვე, მთავრობის თავმჯდომარის მოტივირებული შენიშვნებით, უმაღლესი საბჭოსათვის კანონპროექტის დაბრუნება;

ი) მთავრობის თავმჯდომარის ინფორმაციულ-ანალიტიკური უზრუნველყოფა აფხაზეთის ავტონომიურ რესპუბლიკაში საკანონმდებლო და კანონქვემდებარე ნორმატიული ბაზის განვითარებისა და სრულყოფის შესახებ;

კ) საჭიროების შემთხვევაში, მთავრობის თავმჯდომარის ან მთავრობის სამართლებრივ აქტებთან დაკავშირებით აღძრულ სარჩელებზე წინადადებების მომზადება და ასეთ საქმეებზე წარმომადგენლობის განხორციელება სასამართლოში;

ლ) თავისი კომპეტენციის ფარგლებში, უფლებამოსილია გამოითხოვოს საჭირო დოკუმენტები და ინფორმაცია აფხაზეთის აღმასრულებელი ხელისუფლების დაწესებულებებიდან, საქვეუწყებო დაწესებულებებიდან და სხვა სახელმწიფო ორგანოებიდან;

მ) ამ დებულებითა და კანონმდებლობით გათვალისწინებული სხვა ამოცანებისა და ფუნქციების განხორციელება.

7. საბუღალტრო აღრიცხვისა და ანგარიშსწორების სამსახურის ძირითადი ფუნქციებია:

ა) მთავრობის აპარატის საფინანსო და საბუღალტრო აღრიცხვა-ანგარიშგების წარმოება;

ბ) მთავრობის აპარატის კვარტალური და წლიური ანგარიშების (ბალანსების) შედგენა;

გ) მთავრობის აპარატში საბუღალტრო და საფინანსო საქმიანობის ანალიზი, საბუღალტრო და საფინანსო საქმიანობის სრულყოფისა და გაუმჯობესების შესახებ ღონისძიებათა გეგმის შემუშავება;

დ) საფინანსო-საბუღალტრო დოკუმენტაციის მიმოხილვა, მომზადება, საფინანსო-საბუღალტრო საკითხებთან დაკავშირებული საჩივრებისა და განცხადებების განხილვა და შესაბამისი დასკვნების, საპასუხო წერილების ან/და წინადადებების მომზადება;

ე) კანონმდებლობის შესაბამისად, მთავრობის თავმჯდომარის მიერ მისთვის მინიჭებული სხვა უფლებამოსილებების განხორციელება.

8. საკადრო საკითხთა სამსახურის ძირითადი ფუნქციებია:

ა) ვაკანტურ თანამდებობაზე კონკურსის მოწყობა, ატესტაციის ჩატარების უზრუნველყოფა;

ბ) საჯარო მოსამსახურეთა პროფესიული მომზადების დონის ანალიზი, გადამზადებისა (კვალიფიკაციის შეცვლის) და კვალიფიკაციის ამაღლების ორგანიზება და მეთოდური უზრუნველყოფა;

გ) სახელმწიფო სამსახურის სფეროში მოქმედი ნორმატიული აქტების შესრულების შესახებ მოხსენების წარდგენა;

დ) სახელმწიფო სამსახურის სფეროში არსებული მდგომარეობის შესწავლა და ანალიზი, შესაბამისი დასკვნებისა და წინადადებების შემუშავება და მათი წარდგენა მთავრობისათვის;

ე) წინადადებების შემუშავება სახელმწიფო ორგანოთა საკადრო პოლიტიკის საფუძვლების შესახებ;

ვ) სახელმწიფო სამსახურის სფეროში სტატისტიკური მონაცემების შეგროვება და ანალიზი და სახელმწიფო სამსახურის აფხაზეთის ავტონომიური რესპუბლიკის სისტემის შექმნა;

ზ) თავისი კომპეტენციის ფარგლებში, მთავრობის აპარატის მოხელეთა და მოსამსახურეთა დანიშვნა-გათავისუფლების შესახებ აქტის პროექტების მომზადება, მათი პირადი საქმეების შედგენა, შრომის წიგნაკებში ჩანაწერების შეტანა;

თ) მოსამსახურეთა სამართლებრივი მდგომარეობის, შეზღუდვებისა და საჯარო სამსახურის გავლასთან დაკავშირებული სხვა საკითხების შესახებ კონსულტაციების გაწევა;

ი) აფხაზეთის ავტონომიური რესპუბლიკის მმართველობის ორგანოების საკადრო სამსახურების მუშაობის კოორდინაცია;

კ) მთავრობის აპარატის სისტემაში მოსამსახურეთათვის სამსახურებრივი მოწმობების გაცემა და აღრიცხვა.

აფხაზეთის  მთავრობის 2006 წლის 1 თებერვლის დადგენილება №4 - ასმ, №2,01.02.2006წ.მუხ.6

აფხაზეთის  მთავრობის 2006 წლის 27 თებერვლის დადგენილება №15- ასმ, №5,.28.02.2006წ.მუხ.23

აფხაზეთის  მთავრობის 2007 წლის 27 მარტის დადგენილება №14- ასმ, №7,.27.03.2007წ.მუხ.15

აფხაზეთის  მთავრობის 2007 წლის 29 ივნისის დადგენილება №28- ასმ, №17,.29.06.2007წ.მუხ.42

აფხაზეთის  მთავრობის 2008 წლის 27 მარტის დადგენილება №2- ასმ, №4,.31.03.2008წ.მუხ.6

აფხაზეთის  მთავრობის 2008 წლის 29 აპრილის დადგენილება №4- ასმ, №6,.01.05.2008წ.მუხ.8

აფხაზეთის  მთავრობის 2008 წლის 29 ივლისის დადგენილება №8- ასმ, №9, 30.07.2008წ.მუხ.13

აფხაზეთის  მთავრობის 2009 წლის 20 ივლისის დადგენილება №11- ასმ, №9, 20.07.2009წ.მუხ.14