სპეციალური სარიტუალო მომსახურების წესის დამტკიცების შესახებ

სახელმწიფო სარეგისტრაციო კოდი 040.200.010.22.027.008.601

საქართველოს იუსტიციის მინისტრის

ბრძანება №487

2006 წლის 11 მაისი

ქ. თბილისი

სპეციალური სარიტუალო მომსახურების წესის დამტკიცების შესახებ

,,სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ� საქართველოს კანონის მე-8 მუხლის თანახმად, ვბრძანებ:

1. დამტკიცდეს სპეციალური სარიტუალო მომსახურების თანდართული წესი.

2. სამოქალაქო რეესტრის სააგენტომ (ი. ფორჩხიძე) უზრუნველყოს ქორწინების რეგისტრაცია ამ ბრძანებით დადგენილი სპეციალური სარიტუალო მომსახურების წესის შესაბამისად.

3. ეს ბრძანება ამოქმედდეს გამოქვეყნებისთანავე.

�გ. ქავთარაძე

შეტანილი ცვლილებები:

1. საქართველოს იუსტიციის მინისტრის 2008 წლის 18 აპრილის ბრძანება №117 - სსმ III, №59, 18.04.2008 წ., მუხ.677

2. საქართველოს იუსტიციის მინისტრის 2009 წლის 5 იანვრის ბრძანება №1 - სსმ III, №1, 06.01.2009 წ., მუხ.1

სპეციალური სარიტუალო მომსახურების წესი

1. სპეციალური სარიტუალო მომსახურება გულისხმობს ქორწინების რეგისტრაციის საზეიმო ვითარებაში ჩატარებას.

2. სპეციალური სარიტუალო მომსახურება წარმოადგენს სამოქალაქო რეესტრის სააგენტოს ქორწინების სახლების, სიღნაღის, ქუთაისის, ოზურგეთის, ზუგდიდის, ხარაგაულის, სამტრედიის, თერჯოლის, ვანისა და გარდაბნის სამსახურის კომპეტენციას.

საქართველოს იუსტიციის მინისტრის 2008 წლის 18 აპრილის ბრძანება №117 - სსმ III, №59, 18.04.2008 წ., მუხ.677

საქართველოს იუსტიციის მინისტრის 2009 წლის 5 იანვრის ბრძანება №1 - სსმ III, №1, 06.01.2009 წ., მუხ.1

3. სპეციალური სარიტუალო მომსახურების ჩატარებას უზრუნველყოფს სამოქალაქო რეესტრის სააგენტო.

4. დასაქორწინებელმა პირებმა, რომელთაც სურთ სპეციალური სარიტუალო მომსახურება, უნდა მიმართონ სამოქალაქო რეესტრის სააგენტოს შესაბამის ქორწინების სახლს ან შესაბამის სამსახურს და აღნიშნულის თაობაზე მიუთითონ ქორწინების რეგისტრაციის შესახებ განცხადებაში. განცხადებასთან, კანონმდებლობით გათვალისწინებულ ქორწინების რეგისტრაციისათვის აუცილებელ საბუთებთან და ქორწინების რეგისტრაციისათვის �სახელმწიფო ბაჟის შესახებ� საქართველოს კანონით გათვალისწინებულ სახელმწიფო ბაჟის გადახდის ქვითართან ერთად დაქორწინების მსურველმა პირებმა უნდა წარმოადგინონ �სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ� საქართველოს კანონით გათვალისწინებული საფასურის გადახდის ქვითარი.

საქართველოს იუსტიციის მინისტრის 2008 წლის 18 აპრილის ბრძანება №117 - სსმ III, №59, 18.04.2008 წ., მუხ.677

5. სპეციალური სარიტუალო მომსახურების თაობაზე დასაქორწინებელ პირთა განცხადების საფუძველზე სამოქალაქო რეესტრის სააგენტოს ქორწინების სახლი ან შესაბამისი სამსახური ვალდებულია გააცნოს განმცხადებელს ამ ბრძანებითა და შესაბამისი სამართლებრივი აქტებით გათვალისწინებული რიტუალის წესი და პირობები, უზრუნველყოს რიტუალის სათანადოდ ჩატარება.

საქართველოს იუსტიციის მინისტრის 2008 წლის 18 აპრილის ბრძანება №117 - სსმ III, №59, 18.04.2008 წ., მუხ.677

6. დაქორწინების მსურველ პირებს უფლება აქვთ მოითხოვონ ამ ბრძანებითა და შესაბამისი სამართლებრივი აქტებით გათვალისწინებული სპეციალური სარიტუალო მომსახურება.

7. სპეციალური სარიტუალო მომსახურება მოიცავს:

ა) ქორწინების რეგისტრაციისას საზეიმო გარემოს შექმნას;

ბ) სარიტუალო დარბაზის გაფორმება ქორწინების სახლში ან შესაბამის სამსახურში არსებული ინვენტარისა და დაქორწინების მსურველი პირის სურვილის გათვალისწინებით;

გ) ქორწინების რეგისტრაციის მუსიკალურ გაფორმებას დაქორწინების მსურველი პირების სურვილის გათვალისწინებით;

დ) დაქორწინებულთათვის მილოცვის განსაკუთრებულ ფორმას;

ე) რიტუალის ჩატარებისათვის აუცილებელ სხვა საკითხებს.

საქართველოს იუსტიციის მინისტრის 2008 წლის 18 აპრილის ბრძანება №117 - სსმ III, №59, 18.04.2008 წ., მუხ.677

8. სპეციალურ სარიტუალო მომსახურებაში შემავალი საკითხები განისაზღვრება სამოქალაქო რეესტრის სააგენტოს თავმჯდომარის ინდივიდუალური ადმინისტრაციულ-სამართლებრივი აქტით.

 

Annotate