საქართველოს სოფლის მეურნეობის სამინისტროს სოფლის მეურნეობის და სურსათის დეპარტამენტის დებულების დამტკიცების შესახებ

სახელმწიფო სარეგისტრაციო კოდი 010.240.030.22.032.013.019

საქართველოს სოფლის მეურნეობის

მინისტრის ბრძანება №2-85

2009 წლის 14 აპრილი

ქ. თბილისი

საქართველოს სოფლის მეურნეობის სამინისტროს სოფლის მეურნეობის განვითარების დეპარტამენტის დებულების დამტკიცების შესახებ

საქართველოს ზოგადი ადმინისტრაციული კოდექსის 61-ე მუხლის, „საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2009 წლის 18 თებერვლის №26 დადგენილებით დამტკიცებული დებულების მე-5 მუხლის პირველი პუნქტის „თ“ ქვეპუნქტის შესაბამისად, ვბრძანებ:

1. დამტკიცდეს საქართველოს სოფლის მეურნეობის სამინისტროს სოფლის მეურნეობის განვითარების დეპარტამენტის თანდართული დებულება.

2. ძალადაკარგულად გამოცხადდეს:

ა) „საქართველოს სოფლის მეურნეობის სამინისტროს სოფლის მეურნეობის განვითარების დეპარტამენტის დებულების დამტკიცების შესახებ“ საქართველოს სოფლის მეურნეობის მინისტრის 2006 წლის 12 ივლისის №2-121 ბრძანება;

ბ) „საქართველოს სოფლის მეურნეობის სამინისტროს სამელიორაციო პოლიტიკის სამმართველოს დებულების დამტკიცების შესახებ“ საქართველოს სოფლის მეურნეობის მინისტრის 2007 წლის 12 ივნისის №2-80 ბრძანება.

3. ბრძანება ამოქმედდეს გამოქვეყნებისთანავე.

ბ. კვეზერელი

საქართველოს სოფლის მეურნეობის სამინისტროს სოფლის მეურნეობის განვითარების დეპარტამენტის დებულება

    მუხლი 1. ზოგადი დებულებანი

1. სოფლის მეურნეობის განვითარების დეპარტამენტი (შემდგომში – დეპარტამენტი) არის საქართველოს სოფლის მეურნეობის სამინისტროს (შემდგომში – სამინისტრო) ცენტრალური აპარატის სტრუქტურული ქვედანაყოფი, რომელიც ასრულებს სამინისტროს დებულებითა და ამ დებულებით მასზე დაკისრებულ მოვალეობებს.

2. დეპარტამენტი თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, საკანონმდებლო და კანონქვემდებარე ნორმატიული აქტებით.

3. დეპარტამენტი მასზე დაკისრებული მოვალეობების შესრულებისათვის ანგარიშვალდებულია საქართველოს სოფლის მეურნების მინისტრისა (შემდგომში – მინისტრი) და მინისტრის მოადგილეების წინაშე.

    მუხლი 2. დეპარტამენტის ფუნქციები და მოვალეობები

დეპარტამენტის ფუნქციები და მოვალეობებია:

ა) მემცენარეობის, მეცხოველეობის, მეთევზეობისა და მექანიზაციის სფეროების ერთიანი სახელმწიფო პოლიტიკის შემუშავება და პრიორიტეტულ მიმართულებათა განსაზღვრა;

ბ) სოფლის მეურნეობისა და მასთან დაკავშირებული ინფრასტრუქტურის, ფერმერთა და აგრომეწარმეთა საკონსულტაციო მომსახურების სისტემის განვითარების ხელშეწყობა;

გ) სოფლის მეურნეობის ტექნიკური გადაიარაღების, მანქანათა გამოყენების ოპტიმალური ფორმების შემუშავება;

დ) დადგენილ ვადაში მოქალაქეთა განცხადებების განხილვა და სამინისტროს შესაბამისი გადაწყვეტილების პროექტების მომზადება;

ე) კომპეტენციის ფარგლებში სამინისტროს მიერ კანონპროექტების ნორმატიული და ინდივიდუალური ხასიათის სამართლებრივი აქტების, ინსტრუქციების, ბრძანებების, რეკომენდაციების შემუშავებაში მონაწილეობის მიღება;

ვ) მიწების მელიორაციის სფეროში სამელიორაციო პოლიტიკის შემუშავება და მისი განხორციელების კონტროლი;

ზ) კომპეტენციის ფარგლებში სამინისტროს უფლებამოსილებას განკუთვნილ საკითხთა განხილვაში მონაწილეობის მიღება;

თ) კანონმდებლობით და ამ დებულებით განსაზღვრულ სხვა უფლება-მოვალეობათა განხორციელება.

    მუხლი 3. დეპარტამენტის ხელმძღვანელობა და სტრუქტურა

1. დეპარტამენტს ხელმძღვანელობს დეპარტამენტის უფროსი, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

2. დეპარტამენტის უფროსი ანგარიშვალდებულია მინისტრისა და მინისტრის მოადგილეების წინაშე.

3. დეპარტამენტის უფროსი:

ა) ხელმძღვანელობს და წარმართავს დეპარტამენტის საქმიანობას;

ბ) პასუხისმგებელია დეპარტამენტზე დაკისრებული ამოცანებისა და ფუნქციების დროული, კვალიფიციური და ეფექტური შესრულებისათვის;

გ) ანაწილებს მოვალეობებს დეპარტამენტის უფროსის მოადგილესა და დეპარტამენტის სხვა მოსამსახურეებს შორის, აძლევს მათ მითითებებსა და განკარგულებებს;

დ) ზედამხედველობს დეპარტამენტის მოსამსახურეების მიერ თავიანთი სამსახურებრივი მოვალეობების ჯეროვან შესრულებას, ახორციელებს მათ მიერ სამინისტროს შინაგანაწესის შესრულების კონტროლს;

ე) კოორდინაციას უწევს დეპარტამენტის მიმდინარე დავალებების, მათ შორის მინისტრის ზეპირი განკარგულებებისა და მითითებების შესრულებას და დეპარტამენტის სტრუქტურულ ქვედანაყოფებს შორის ანაწილებს ამ დავალებებსა და მითითებებს;

ვ) წარუდგენს სამინისტროს ხელმძღვანელობას წინადადებებს დეპარტამენტის შიდა სტრუქტურის, შტატების, მუშაობის ორგანიზაციის, დეპარტამენტის თანამშრომლების წახალისების, ან დისციპლინური პასუხისმგებლობის თაობაზე;

ზ) შუამდგომლობს ხელმძღვანელობის წინაშე იმ საჭიროებების შესახებ, რომელიც აუცილებელია დეპარტამენტის ამოცანების შესრულებისათვის;

თ) მოთხოვნის შემთხვევაში წარადგენს ანგარიშს დეპარტამენტის მიერ გაწეული საქმიანობის შესახებ;

ი) პერიოდულად ისმენს დეპარტამენტში შემავალი სამმართველოების უფროსების ანგარიშს მათ კომპეტენციას მიკუთვნებულ საკითხებზე;

კ) შუამდგომლობს დეპარტამენტის მოსამსახურეთა კვალიფიკაციის ამაღლებისა და გადამზადების თაობაზე.

4. დეპარტამენტის უფროსს ჰყავს მოადგილე, რომელსაც კანონმდებლობით დადგენილი წესით თანამდებობაზე ნიშნავს და ათავისუფლებს მინისტრი.

5. დეპარტამენტის უფროსის მოადგილე:

ა) დეპარტამენტის უფროსის მიერ განსაზღვრული უფლებამოსილებებისა და საქმიანობის სფეროების გათვალისწინებით წარმართავს და ზედამხედველობას უწევს დეპარტამენტში შემავალი ცალკეული ქვედანაყოფების საქმიანობას;

ბ) მონაწილეობს დეპარტამენტში შემოსული მასალების განაწილებაში;

გ) ზედამხედველობას უწევს დეპარტამენტის მოსამსახურეთა მიერ სამსახურებრივი მოვალეობების შესრულებას;

დ) მინისტრის, მინისტრის მოადგილეების და დეპარტამენტის უფროსის დავალებით ახორციელებს სხვა უფლებამოსილებებს;

ე) დეპარტამენტის უფროსის არყოფნის შემთხვევაში ასრულებს დეპარტამენტის უფროსის მოვალეობას.

6. დეპარტამენტში შემავალ სამმართველოებს ხელმძღვანელობს სამმართველოს უფროსი, რომელსაც კანონმდებლობით დადგენილი წესით თანამდებობაზე ნიშნავს და ათავისუფლებს მინისტრი.

7. სამმართველოს უფროსი:

ა) სამმართველოს უფლებამოსილების ფარგლებში წარმართავს სამმართველოს საქმიანობას;

ბ) ანაწილებს სამმართველოში შემოსულ მასალებს;

გ) ახორციელებს ზედამხედველობას სამმართველოს მოსამსახურეთა მიერ სამსახურებრივი მოვალეობების შესრულებაზე;

დ) ანგარიშს წარუდგენს დეპარტამენტის უფროსს სამმართველოს მიერ გაწეული საქმიანობის თაობაზე;

ე) ახორციელებს მინისტრის, მინისტრის მოადგილეების, დეპარტამენტის უფროსისა და დეპარტამენტის უფროსის მოადგილის ცალკეულ დავალებებს.

8. სამმართველოს უფროსს ჰყავს მოადგილე, რომელსაც კანონმდებლობით დადგენილი წესით თანამდებობაზე ნიშნავს და ათავისუფლებს მინისტრი.

9. სამმართველოს უფროსის მოადგილე:

ა) ანგარიშვალდებულია სამმართველოს უფროსის წინაშე, ათანხმებს მასთან საკუთარ გადაწყვეტილებებს სამმართველოს მუშაობის წარმართვის თაობაზე;

ბ) ასრულებს სამმართველოს უფროსის უშუალო დავალებებს, რომელიც გამომდინარეობს სამინისტროს საქმიანობის მიზნებიდან;

გ) ასრულებს სამმართველოს უფროსის მოვალეობებს მის მიერ უფლებამოსილებათა განხორციელების შეუძლებლობის ან მისი არყოფნის შემთხვევაში.

    მუხლი 4. დეპარატამენტის სტრუქტურული ქვედანაყოფები

დეპარტამენტის სტრუქტურული ქვედანაყოფებია:

ა) დარგობრივი განვითარების სამმართველო, რომლის ძირითადი ამოცანაა:

ა.ა) სოფლის მეურნეობის ცალკეულ დარგებში დასაქმებულთათვის რეკომენდაციების და კონსულტაციების გაწევა, აგროტექნოლოგიური რუკების შედგენაში დახმარება;

ა.ბ) სასოფლო-სამეურნეო კულტურების მეთესლეობის სისტემის, სარგავი მასალის წარმოებისა და მეცხოველეობის სანაშენე საქმის განვითარების ხელშეწყობა;

ა.გ) მემცენარეობაში, მეცხოველეობაში და მეთევზეობაში არსებული მდგომარეობის შესახებ ინფორმაციის მიღება და დამუშავება;

ა.დ) მეცხოველეობის და მემცენარეობის დარგების მიხედვით ფერმერთა მონაცემთა ბაზის შექმნა და პერიოდული განახლება;

ა.ე) სოფლის მეურნეობის ცალკეული დარგების განვითარების პროგრამების შემუშავება.

ბ) სასოფლო-სამეურნეო ტექნოლოგიების სამმართველო, რომლის ძირითადი ამოცანაა:

ბ.ა) აგროსაინჟინრო პოლიტიკის შემუშავებაში მონაწილეობის მიღება;

ბ.ბ) მოკვლევისა და ანალიზის ჩატარება ქვეყანაში არსებული სასოფლო-სამეურნეო მანქანების ნომენკლატურასა და რაოდენობაზე;

ბ.გ) ქვეყნის მასშტაბით სოფლის მეურნეობის გადამამუშავებელ სფეროში არსებული ტექნიკის აღრიცხვიანობის განხორციელება მათი ტექნიკური მდგომარეობის გათვალისწინებით;

ბ.დ) წინადადებების მომზადება სასოფლო-სამეურნეო ტექნიკისა და ტექნოლოგიების შეძენა-განახლების მიზნით;

ბ.ე) ახალი, თანამედროვე გადამამუშავებელი ტექნოლოგიების და ტექნიკური საშუალებების გაცნობა და დემონსტრირება მათი ქვეყანაში დანერგვის მიზნით;

ბ.ვ) იაპონიის მთავრობის მიერ საქართველოს მთავრობისათვის გრანტის ფარგლებში გამოყოფილი, საქართველოში სასურსათო პროდუქციის წარმოების გაზრდის დახმარების 2KR პროგრამის მართვა;

ბ.ზ) აგროსაინჟინრო სერვისცენტრების ფუნქციონირების ხელშეწყობა.

გ) სამელიორაციო პოლიტიკის სამმართველო, რომლის ძირითადი ამოცანაა:

გ.ა) მიწების მელიორაციის სფეროში სამელიორაციო პოლიტიკის შემუშავება და მისი განხორციელების კონტროლი;

გ.ბ) უფლებამოსილების ფარგლებში სამართლებრივი აქტების პროექტების შემუშავებაში მონაწილეობა, წარმოდგენილი სამართლებრივი აქტების პროექტების თაობაზე დასკვნების მომზადება და წარდგენა;

გ.გ) მელიორაციის დარგში სახელმწიფო პოლიტიკის შესამუშავებლად, გადაწყვეტილებების მისაღებად და შესაფასებლად საჭირო ინფორმაციის მიღება, სისტემატიზირება და დამუშავება;

გ.დ) პრიორიტეტულად გასატარებელი სამელიორაციო ღონისძიებების განსაზღვრა;

გ.ე) სახელმწიფო ბიუჯეტით ან სხვადასხვა საერთაშორისო ორგანიზაციებიდან სახელმწიფოს (სამინისტროს) მიერ მოზიდული სახსრებით განსახორციელებელი პრიორიტეტული სარეაბილიტაციო (სარეკონსტრუქციო) სამელიორაციო სისტემებისა და ცალკეული ობიექტების განსაზღვრა;

გ.ვ) სახელმწიფო ბიუჯეტით შესასრულებელი სარეაბილიტაციო სამუშაოებისათვის საჭირო პროექტების დამუშავებაზე ტენდერის გამოცხადებასთან და მომზადებასთან დაკავშირებული ტექნიკური ხასიათის საკითხების გადაწყვეტა, სამმართველოს კომპეტენციის ფარგლებში;

გ.ზ) სახელმწიფო ბიუჯეტით მელიორაციის დარგში განსახორციელებელი სამუშაოებისათვის სამინისტროს მიერ გამოცხადებულ ტენდერებში წარდგენილი პროექტების განხილვა და სამინისტროს ხელმძღვანელობის წინაშე შესაბამისი დასკვნების წარდგენა;

გ.თ) სხვადასხვა ორგანიზაციის მიერ მელიორაციის დარგში განსახორციელებელი და განხორციელებული პროექტებისა და სხვა ღონისძიებების კოორდინაცია და ზედამხედველობა თავისი კომპეტენციის ფარგლებში;

გ.ი) სამელიორაციო ასოციაციების საქმიანობის კოორდინაცია და კონტროლი;

გ.კ) სამელიორაციო ასოციაციების დასაფუძნებლად, „საჯარო სამართლის იურიდიული პირის შესახებ“ საქართველოს კანონის მიხედვით საჭირო დოკუმენტაციის მომზადების და ასოციაციების დაფუძნების პროცესების ხელშეწყობა;

გ.ლ) სამელიორაციო ასოციაციების საქმიანობის ამსახველი მონაცემების ანალიზი;

გ.მ) სამმართველოს უფლებამოსილების ფარგლებში ასოციაციების საქმიანობის მარეგულირებელი, შესაძლო ორგანიზაციული და საკადრო ხასიათის ცვლილებების განმსაზღვრელი ბრძანებების პროექტების მომზადება;

გ.ნ) უფლებამოსილების ფარგლებში სახელმწიფო ბიუჯეტითა და საერთაშორისო ორგანიზაციებიდან მიღებული გრანტებით შესასრულებელი სამუშაო ე ბის მაკოორდინირებელი სხვადასხვა კომისიებისა და სამუშაო ჯგუფების (სატენდერო კომისია, საექსპერტო კომისია, სამუშაოთა მიმღები კომისია და სხვა) საქმიანობაში მონაწილეობა;

გ.ო) დაკისრებულ მოვალეობათა შესრულების შესახებ სამინისტროს ხელმძღვანელობისათვის პერიოდული ანგარიშების წარდგენა.